Post: #2
Title: Re: السودان يعتزم استخدام الطاقة الذرية لأغراض سلمية
Author: Wasil Ali
Date: 10-16-2007, 02:17 PM
Parent: #1
دي شكلها زي الطيارات من غير طيار
|
Post: #4
Title: Re: السودان يعتزم استخدام الطاقة الذرية لأغراض سلمية
Author: حيدر حسن ميرغني
Date: 10-16-2007, 02:34 PM
Parent: #2
نتمنى من كل قلبنا أن يمتلك السودان يوما ما ماتسعى كل الدول لامتلاكه
مهما كانت دوافع الإمتلاك فالحاجة للطاقة الذرية آمر مهم للغاية
لكن قبل ذلك كله يستوجب إشاعة الديمقراطية وبسط الأمن وتحسين الوضع المعيشي
والإرتقاء بالمواطنة نفسها فوق الخلافات المستشرية حاليا بين ابناء الوطن الواحد
والعمل على جعلها وقود حقيقي لمسيرة نهضوية جبارة .. مواطنة تفخر بوطنها ولا تلعنه وتسعى لتمزيق نسيجه المتنوع
كل الاحلام تبدأ صغيرة وتستحيل الى حقيقة إذا كانت هناك قناعات تحميها
Think globaly and Act localy
|
Post: #3
Title: Re: السودان يعتزم استخدام الطاقة الذرية لأغراض سلمية
Author: Tabaldina
Date: 10-16-2007, 02:33 PM
Parent: #1
..
.
هو بالله انحنا عندنا مفاعل !!؟
ولا ناقصين مشاكل ..
دى اخبار ما بتعلن حتى ولو فيها 1% صحيح
______________________
والله بتجيبو لينا الكتاحه براكم
يا بكرى انت بتساعد على جلب الدمار الشامل 
ومن العراق الا تتعظون؟؟
|
Post: #5
Title: Re: السودان يعتزم استخدام الطاقة الذرية لأغراض سلمية
Author: بكرى ابوبكر
Date: 10-16-2007, 02:38 PM
Parent: #3
وقبل ده كلوا يصلحوا مجارى الخرطوم ....يا اخى الخرطوم فى الخريف كارثة
|
Post: #6
Title: Re: السودان يعتزم استخدام الطاقة الذرية لأغراض سلمية
Author: Tabaldina
Date: 10-16-2007, 03:03 PM
Parent: #1
..
.
ما دام انت صحيت ..
نقول كل عام وانتم بخير ..
وربنا يحقق الامانى وكل يوم ترمى لى قدام
ويخلي ليك بت خوجلى والبنيات ..
قول امين ..
____________________
هرشة عيدية : ياخى شنو نزلت 99199 من المانشيتات !!؟
انحنا يادوب إبتدينا .. راجيك الكتير ..
|
Post: #7
Title: Re: السودان يعتزم استخدام الطاقة الذرية لأغراض سلمية
Author: بكري الصايغ
Date: 10-16-2007, 03:25 PM
Parent: #1
الأخ الـحبيـب الـحـبوب،
بكـري أبـوبكـر،
تـحـية طـيبة،
الـموضـوع ببسـاطة شـديـدة... انه كـلما ألـمت الـمصائب والـمحـن
وتكاثرت الـمشاكل عـلي الـحكومـة يـقوم الـمسـؤولون فيـها باخـتلاق
قـصـة كبيـرة " فقاعـة إعـلاميـة " بـهـدف سـحـب البسـاط مـن تـحـت
أقـدام الأخـبار الكـبيـرة والـهامة والـهاء الـمواطـنييـن بالـموضـوع الـجـديـد!
وأشـمـعنـي يـعـنـي مـوضـوع الـذرة ده ماايـظـهـر الا الأن فـي ظـل الأزمـة الـحالية... ويـن كان?،
وبـعدين كـمان نسـأل، هـل مـعـقول نـظام لسـه بسـتـورد " خـراء " مـن
اليـونان فـجـاءة يبـقي دولة تسـتـخـدم الـذرة? ..
ولايـمكـن الـذرة السـودانية مـسـتـخـرجـة مـن " خـراء اليونانييـن "
ونـحـنا ماعارفييـن!!!
نـعيـش ونشـوف!
لك مـودتـي.
|
Post: #8
Title: Re: السودان يعتزم استخدام الطاقة الذرية لأغراض سلمية
Author: jini
Date: 10-16-2007, 03:41 PM
| Quote: السودان يعتزم استخدام الطاقة الذرية لأغراض سلمية |
تعرف دى يا باشمهندس
زى واحد يبلع 15 حبة بنادول ويلحقها بى صبغة او زرنيخ!
كتل نفسو لا باكيا عليهو!
فى المثل العامى
وانت والبورد والاسرة والوطن بألف خير
جنى
|
Post: #9
Title: Re: السودان يعتزم استخدام الطاقة الذرية لأغراض سلمية
Author: Munir
Date: 10-16-2007, 05:24 PM
Parent: #8
Quote: السودان يعتزم استخدام الطاقة الذرية لأغراض سلمية
GMT 11:45:00 2007 الإثنين 15 أكتوبر
وكالة أنباء الامارات
الخرطوم: أعلن وزير العلوم والتكنولوجيا السوداني الفريق مهندس عبد الرحمن سعيد إعتزام بلاده استخدام الطاقة الذرية لأغراض سلمية.
وقال سعيد في تصريحات له إن جملة المشاريع والانشطة التي تم التصديق عليها من قبل وزارته بلغت هذا العام حوالي 119 برنامجًا بحثيًا و 64 مشروعًا في مجالات التنمية... خاصة بمجالات الكهرباء والمياه والعلاج ومشروعات الفحوصات في المجال الطبي وتوفير الحماية للعاملين والمواطنين.
وأكد تعاون بلاده مع الوكالة العربية للطاقة بتونس في المجالات المتعلقة بالذرة وعلومها... مشيرًا إلى أن وزارته معنية بالبحث العلمي وزيادة الانتاج ونوه الى توقيعها 30 بروتوكولاً في مجال العلوم والتكنلوجيا مع عدد من الدول الشقيقة والصديقة والمنظمات خاصة الامم المتحدة والمنظات العربية والافريقية تم تنفيذ جزء منها في مجال التدريب وتبادل الخبرات بين الخبراء والعلماء والباحثين، إضافة الى تعاونها مع منظمة الامم المتحدة للتربية والعلوم والثقافة بمجال نقل التقانيات والابحاث.
© Copyright by SudaneseOnline.com |
بكري كل عام وانتم بخير ..
استعمالات الطاقة الذرية السلمية في السودان موجودة منذ عشرات السنين !!.. واستعمال الطاقة الذرية لا يعني المفاعلات والقنابل الذرية !!..
فهناك استخدام للطاقة الذرية في انابيب الاختبار التي محيطها 1سنتمتر وطولها 10 سنتمتر حيث تجري في هذه الانابيب تفاعلات ذرية ونووية !!.. والمقصود بالاستعمالات الذرية للاغراض السلمية في السودان عدة مجالات ـ فهناك الاستخدامات الطبية ، وعندك مستشفي الذرة ده كله استخدام مباشر للطاقة الذرية في التشخيص والعلاج ..وعيادات الاشعة التشخيصية دي كلها تعتبر استخدامات سلمية للطاقة الذرية !! .. وهناك استعمالات للطاقة الذرية في تشخيص الخصوبة والعقم بالـradioimmunossay .. وهناك استعمالات للطاقة الذرية في مجال الاسمدة والمبيدات !! .. وهناك نشاطات قياس مستويات الإشعاع والوقاية من الاشعاع !!.. ومنها قياس جرعات الاشعاع الذري للعاملين به.. زائدآ قياس الاشعاع للصادرات والواردات.. ونظريآ لا يتم إدخال المواد الغذائية المستوردة للبلاد قبل الكشف عليها بواسطة أجهزة عالية الكفاءة والحساسية .. كما أن الدول المستوردة لا تستقبل الصادرات النباتية السودانية إلا إذا أرفقت بشهادة منشأ توضح خلوها من الإشعاع صادرة من هيئة الطاقة الذرية السودانية ـ يعني التسالي والسمسم والسنمكة والكركدي و..و.. الهتش ده كله مافي دولة ممكن تقبله إن لم ترفق معه شهادة خلو من الاشعاع .. وهيئة الطاقة الذرية السودانية هي الجهة الوحيدة التي تعامل معها الوكالة الدولية للطاقة الذرية بخصوص كل أنشطة الطاقة الذرية في السودان !!.. بل أن الوكالة هي الممول الرئيسي لكل مشاريع الطاقة الذرية وتدعم السودان بالتمويل والاجهزة والتدريب والخبراء ..
وهناك الاستخدامات الذرية السلمية في البحوث والتعليم !!.. وعندك كلية العلوم بجامعة الخرطوم دي لولا مشاريع الطاقة الذرية والأجهزة النووية وملحقاتها لتدهورت فيها البحوث وربما انعدمت تمامآ .
ذلك بإختصار معني استعمالات الطاقة الذرية، بعيدآ عن الصحافة التي تلفح الكلام بدون فهم وتصيغه ملغومآ بالإيحاءات والإثارة .. دايرين يلوكوا سيرة السودان مقرونة بإيران وسوريا و..و.. !!!
والقراء طبعآ ما بيقصروا .. يلقوها عايرة ويدوها سوط ..
|
Post: #10
Title: Re: السودان يعتزم استخدام الطاقة الذرية لأغراض سلمية
Author: Munir
Date: 10-17-2007, 08:36 AM
Parent: #9
|
Post: #11
Title: Re: السودان يعتزم استخدام الطاقة الذرية لأغراض سلمية
Author: jini
Date: 10-17-2007, 09:05 AM
Parent: #1
| Quote: والقراء طبعآ ما بيقصروا .. يلقوها عايرة ويدوها سوط .. |
بلحيل القراء ديل جايين من أم الطيور!
انابيبيب الاختبار بكلموا ليها البرادعى!
والرؤوس النووية يكلموا بيها معمل استاك!
والله حقرت بينا حد الحقارة!
جنى
|
|