صورة لرجل من الزمن الجميل كان ياتى لمعهد الموسيقى و المسرح كدارى من الثورة.......انه ....

انه الرائع جمال سوزى

مشوار يقطع القلب ، انا مسافتى كانت اقرب شوية كنت بمشى من برى المحس كدارى

ياه ...ياهندسه
سوزى ..جمال سوزى !!!
فاكهة معهد الموسيقى والمسرح
قد حظيت بزمالته نحو 5 سنوات
هذا رجل قد من جمال وابداع
السؤال يا هندسة هو الصورة دى نكتها من وين؟
جمال خرج من السودان أظنه منذ 15 عام
بعضهم قال انه موجود فى فرنسا
نفس الكدوس
وذات الحقيبة
شكرا لك
كل سنة وأنت بخير

ابوالقاسم قور تحيه " سجيلك" جمال سوزى موجود فى انجمينا منذ زمن طويل وتقريبا يعمل فى منصب يختص بالمسرح ...
تعرفت عليه بواسطه زميلى فى الجامعه " موسى اسحق عبده ابيض" من ابناء الفاشر يقيم الان بامريكا وكان سوزى لصلته بموسى يرتاد داخليات البركس كثيرا ويسهر معنا يمتاز باطلاع واسع جدا فى الادب الافريقى ويندر وقتها ان تراه دون كتاب فى يده كما كان مشاركا فتره ما بفرقه السديم المسرحيه ويمتاز بمرح والفه ورقى وبساطه وكرم حاتمى

لا حولالالالالالالالالالا سوزى

خرجنا من السودان مجموعة كبيرة من المسرحيين للمشاركة فى مهرجان اجمل العروض فى الوطن العربى شهر 5 عام 90 مشاركين بمسرحية مأساة يرول اخراج السمانى لوال

كنا قرنى ويحيى فضل الله

والرشيد احمد عيسى وعبد الله الشماسى

اميرة والسمانى وتهانى عبد الله

سوزى وصالح قنقروش وعبد الحكيم عامر

قسم الاله حمدنا الله وعبد المجيد حسن

ياسر عبد اللطيف وماجدة فوتى

والناقد احمد طه امفريب

والفنان صديق حسن

تجاورنا الغرف بفندق دار المشاه مرض سوزى

اثناء العروض شفقنا كلنا

خرجنا انا وصالح وتهانى واشترينا فول وفحل بصل

وقال الجميع علاج سوزى فى البصل

اكل سوزى الفول وقرقش البصل ونزل لصالة

الفندق وقال ليهم شوفو البياكل ليكم تانى

المربة والافاشكيرى انتو ما بتعرفو البصل وين؟

بعد انتهاء العروض ودعنا سوزى وذهب معة الشباب الى محطة التكاسى متجها الى ليبيا
وعاد الجميع فى حالة بكاء شديد ولم يتزوق صالح الاكل ليومين
كان اخر لقاء لنا بجمال سوزى ومن ليبيا ذهب الى فرنسا ثم تشاد واظن الان
يعمل فى تشاد ومتزوج اخر شخص رأى سوزى هو السمانى لوال فى مهرجان عالمى
كان السمانى مع فرقتة كواتو وجاء سوزى بفرقة من تشاد
رجعتنا لى حنين قديم وفنان صديق نحبة كثيرا
اتمنى ان يكون سوزى بخير

بالأمس كنا بدارنا ببري نتكلم عن المسرح وعن رؤى جديدة في الكتابة والإخراج كنا أنا وخالد عبداللطيف وسيف الإسلام حاج حمد ولؤي حامد قصي السماني وأمين صديق وكان جمال سوزي حاضراً بمسرحيته (تعال بكرة) متخرجاً بها من معهد الموسيقى والمسرح ...
والآن هاهو يخرج إلينا جميلاً كعادته ... شكراًًًُ جزيلاً (بكري) ...

شكرا لكل من تداخل و زار هذا البوست الذى يعطره الرجل الفكاهى الجميل جمال سوزى بصوره و الذى يقيم الان بشاد ويعمل فى المسرح الشادى
وهو يا هادية زول نكتة و مرح مثل نورى بالمناسبة اين هو الان ؟؟؟؟
نعم يا احمد الامين احمد هو صديق موسى اسحق عبده ابيض و طالما بتعرف موسى نحن اكيد بنتعارف...........
دى احدث صورة لجمال سوزى


ودى صور لى معاه حيث التقيته فى مؤتمر فى هولندا موخرا

Quote: تعرفت عليه بواسطه زميلى فى الجامعه " موسى اسحق عبده ابيض" من ابناء الفاشر يقيم الان بامريكا وكان سوزى لصلته بموسى يرتاد داخليات البركس

تحياتي يا بكري واحمد
وبحضور سيرة موسي اسحق هنا لابد من تحيته اولا فهو رجل عالي الجمال ومن الزمن الجميل
وجمال سوزي ده برضو انا شفته في داخليات البركس واعتقد يا احمد ابان سكنكم في داخلية بركة
الغرفة الطرفانية من الطابق الارضي ..ونفس الملامح وذات التمرد والالق
له كل التحايا ولموسي اسحق الود و الشوق الكبير لقد كان اخا اكبر دون شك...

Merci mon frere BAKRI message recu

ADRESSE DE DJAMAL SIZWE , EMAIL = [email protected] . TELEPHONE = 002356250585

Quote: ADRESSE DE DJAMAL SIZWE , EMAIL = [email protected] . TELEPHONE = 002356250585

Bonne soiree Sizwe.Merci
Comment vas tu
Gor

يا ريت يكون معاك تلفون او اى عنوان لسوزى

نورى موجود فى كسلا وعامل ليه اورطة شفع ربنا يخليهم.

اها يا هادية جمال سوزى بشحمه و لحمه ظهر ..................عليك تظهرى لينا نورى

سوزى
وبكرى
يا سوزى ازيك
سلام ليهو عشرات السنين
وشوق بحر
متذكرة اى لحظة عشناها سوا من وفى المعهد
اول شى جماعة سوزى
ودى جماعة سواها الزول الجميل سوزى
وكانت مختصة بتجهيزات المسرح للخريجين
لايهم من المتخرج المهم ان يكون الديكور جاهز
وكان سوزى
يصحو لوقت متاخر من الليل متابعا كل صغيرة وكبيرة
كنا معه لكننا ننام باكرا (واحدة صباحا فى سطوح المعهد لما كان فى العمارات)
لمن جينا لامتحان نهاية السنه سوزى (حرن ) قال ما ماشى سنه تانية وابى يدخل الامتحان بدعوى ان اللغة عنده ما تمام
اخر مرة اتلاقينا كان فى السودان لما كان هو وحاتم محمد صالح بدرسوا اللغة الفرنسية فى المركز الفرنسى
وسافر حاتم لليبيا وسافر سوزى لتشاد
احى يا سوزى هيجت علينا الضرس
وبعد داك ما اتلاقينا الا فى التلفون السنه الفاتت مع الصديق الحميم ديرك اويا الفريد ومجدى النور عليه الرحمة
سوزى محل ما كنت قاعد بحبك ياخ
وتانى بجيك لانه الكلام معاك عنده طعم خاص

يا سلمى
Toi tere joly
يعنى بالمعنى كدى بالفرنساوى
انت حلوه ...هها شن قولك ؟.حتى بالفرنساوى بعبر ليك عن أحاسيسى الماعندها اعتبار لديك من أيام داخلية العمارات ..الفرنساوى دا أتعلمت عشانك. أستاذ السنى شن قولك
كل سنة وأنت طيبه..والله يخليك لينا
كوزك المعفن أبدا
قور

سوزى شخصيا يا زول

اريته ما كانت بيجو الركبتها لى ليبيا ديك

يا جنه تطش بى وشيك

حمد الله على السلامة ومليون شكر بكرى ابوبكر

نور ى باكر بعيد عليه و يجيك بى العود

اهم حاجة سوزى دة ماكل فهل بصل؟

Quote: Merci mon frere BAKRI message recu

Cher frere Djamal Souzi
Salut et bonne fete de Ramadan.
J'espere que vous allez bien.
Malgres votre nationalite Soudanaise, il parait que vous etes N'djamenois selon les freres disent.
Comment va le Tchad, et le peuple Tchadien?
Ca fais une annee que je suis hailleure.
Je suis presque le seule Tchadien ici, et c'est pourquoi les sujets concernant le Tchad sont peux.
Avec votre presence j'espere qu'on peux presenter le Tchad d'une meilleure facon et profond.
Vous trouvez sur mon profile mon e-mail, plus le messagerie intern.
Enchante, et je suis vraiment ravi de faire votre connaissence.
شكرا لبكري على إضافة شخص آخر إلى المنبر من تلك الديار
Ton frere/ Mahamat Nour

سوزى فرنساوى ما معانا

خلينا فى لغة الشحاتين دى يا عملات الصوماليين

Quote: سوزى فرنساوى ما معانا خلينا فى لغة الشحاتين دى يا عملات الصوماليين

Hadia Qu'est ce que tu veux dire?
يا هاديه
كل سنة وأنت طيبه
يعنى أنا فى ضهر تورى دا (همر)
بلغ فرنساوى
بس ختى الانجليزى بالعكس
ومعاها لوية خشيم
تحيتى وأحترامى
قور

طيب دا سوزي عرفنا
السماني لغاية هسع ما أخد عضوية البورد ليه؟؟

الباقر موسى

أو شئ مرحب بالفنان جمال سوزي .. ودايماً بكري بيجمع المبدعين والجميلين ...

أسمحوا لي أخرم شوية من البوست:

Quote: بالأمس كنا بدارنا ببري نتكلم عن المسرح

أحمد موسى يا زول حدد لينا إنت من وين في البراري؟ معليش لأني ما عرفت الإسم.

Quote: مشوار يقطع القلب ، انا مسافتى كانت اقرب شوية كنت بمشى من برى المحس كدارى

ترهاقا كمان جابا لي في عبّي ... يا زول ترهاقا دي "نيك نيم" والا إسمك؟ أنا قايل نفسي بعرف كل أهالي بري المحس.

مرحب تاني بالأخ سوزي ... وشكراً بكري

تلك الروائع تجرنا جراً لمواكبة أحداثها والاستقاء من معين طيبها...

لم أسمع به قبلاً ...ولكني أتابع ما يكتبة الأعضاء الكرام ها هنا....

ومن قرائتي للمداخلات حتى الآن ...أقول ...هو رجل من الزمن الجميل



تقديري للأخ جمال

ولك سيدي الفاضل

Quote: أسمحوا لي أخرم شوية من البوست: Quote: بالأمس كنا بدارنا ببري نتكلم عن المسرح أحمد موسى يا زول حدد لينا إنت من وين في البراري؟ معليش لأني ما عرفت الإسم. Quote: مشوار يقطع القلب ، انا مسافتى كانت اقرب شوية كنت بمشى من برى المحس كدارى

أبوالعزائم كل عام وانت بخير والله من ترهاقا قال بري المحس الفيني كملت وقلت أخرم لكن قلت ده بوست سيد الحوش والـ يو تيرن يمكن يكون ممنوع , أها وكت التخريمة جات منك والبقت بقت أقوللك أنا من بري من إمتدادها بالذات ودفعتي من بري المحس البذكرهم سامي حريز من جماعة مسرح القديمة ودرست حبة مسرح في قصر الشباب ومعهد الموسيقى مع هادية الفوق دي وسوزي وسلمي وناس قرني وحاتم محمد محمد صالح ديل أساتذتنا عدييل كده لكن هادية بتجيب أسماءهم كده بالراحة عشان ناسبتهم في يحي فضل الله

سعدت كتير باني لقيت
حاتم محمد صالح
بعد زمن في الموقع ده
وبسأل عن سيزوي
اقولو لي في تشاد ومرة اقول لي في الكاميرون
مرة واحد قال الزول شغال في شاد وساكن في الكاميرون ولا افريقيا الوسطى
قلت ليهو سيزوي بعملة
اصلو متعود غلى المسي كداري من الثورة لي المعهد في الخرطوم
وينك جمال دموعي سالت من الفرح
وبين الدموع طلت ضحكتي الأولى للفرنساوي الطالع منك
يااخوي ما عندك كي بورد عربي
ادينا العنوان
والباقي على
احبك دنيا واخرة
وال ـ د القدام اسمك مبروك ليها
تقطعة بي عرق الحرووف
وقدرها وتستاهله
محبتي ومودتي
ــــــ
توقع عنواني على الماسنجر !

Quote: Merci mon frere BAKRI message recu

Salut Jamal Suzy .Comment ça va . Merce mon fere . Ca fait longtemps

Ton fere
Gor

الأخ بــكــري العزيز

أين نحن الآن من جيل المبدعين أمثال سوزي ؟؟

الابداع يحتاج لبيئة لا يستطيع الحياة بدونها والمبدعون كثر لا يستطيعون اخراج كنوزهم في غيرها ولكن حتما سيعودون يوما.

ألا توافقني الرأي ؟؟

مع تحياتي وكل عام وأنتم بخير

Quote: طيب دا سوزي عرفنا السماني لغاية هسع ما أخد عضوية البورد ليه؟؟

Ustaz Bagir
salam...Sammani Lual will be here
very soon...he says salam to everybody

Quote: ترهاقا كمان جابا لي في عبّي ... يا زول ترهاقا دي "نيك نيم" والا إسمك؟ أنا قايل نفسي بعرف كل أهالي بري المحس

اولاد برى سلام (محمد ابو العزائم واحمد موسى)

برى عندها عندى معزة عظيمة ففى فترة معاينات المعهد كنت نازل مع خالى (عم عثمان) زى ما بينادوهو
ناس برى وكنت بقد الخلا داك لحد معهد الموسيقى فى شارع 59
توطدت علاقاتى مع الحريزاب وقضيت معظم وقتى بمنزل صديقى الدكتور عبدالرحمن حريز وفى زواج الاخ جلال
حريز الزواج الاول جاء مجاملة لى كل من الفنانين محمد الامين وزيدان ابراهيم والمرحوم خوجلى وعلى السقيد
وليلة العرس فى نادى الضباط الصديق الكابلى والاخ الصديق ابو عركى والحاضر الغايب خليل اسماعيل .
علاقتى ايضا كانت وطيدة باولاد العزة معاوية والمرحوم مامون
اخى الاصغر اسعد لعب فترة من الفترات كمهاجم فى فريق برى

أها كدة قربت ليكم المسافة شوية

Quote: اخى الاصغر اسعد لعب فترة من الفترات كمهاجم فى فريق برى أها كدة قربت ليكم المسافة شوية

والله أنا شخصياً بعدت لي المسافة
ترهاقا أنا في تيم بري للآن بخلط بين حسبو الكبير والصغير
ركز لي في المعهد ...

في خيارات ؟؟؟؟

Quote: ركز لي في المعهد

معهد الموسيقى فى الفترة بين 1978 - 1983- شارع 59 العمارات

Quote: معهد الموسيقى فى الفترة بين 1978 - 1983- شارع 59 العمارات

غايتو الفترة دي ؟؟؟
بري ؟؟؟
دكتور .... ياربي ؟؟؟
(دي دايرة مشوار نهاري لقرني)
وبرجع ليك بالأكيدة
...
...
...
أنا المعهد قريت فيهوا سنتين في شمبات
قفلوا , قفلت بابوا
مشيت كملت القانون
بقيت محامي ... محاكم وبس !!!
ومرة مرة يتاور الضرس
أمشي أصور لي كم حاجة وأرجع للمحكمة

ترهاقا ....

أنا زي صاحبك المحامي .... الكورة بتبعد لي المسافة .... لكن كل الذكرتهم ديل بعرفهم وأولاد حلتي وأهلي كمان.

Quote: علاقتى ايضا كانت وطيدة باولاد العزة معاوية والمرحوم مامون

أكيد بتقصد أولاد منصور أرباب

Quote: أكيد بتقصد أولاد منصور أرباب

ياسلام أولاد منصور
مجدي
مامون
ومنال

(بكري) البوست ده خليهوا لينا