صور لقاء بورداب الامارات مع بكري أبو بكر

آآآآدي طوبة
وجاياكم في الصباح بالفرح
وكل اتنين متشاكلين من بعض انا خجلانه ليهم لمن يشوفوا لمتناوالفتنا جميلة كيف
وصورنا الروعة
بس الصبر


زولة123

زولا 123

شنو الشحتفه دي كلام وبعدين صور

اسي انا صاحي من الصباح بعد السهرة الحلوه دي وعاوز اشوف صورتي مع دكتور معز عشان ندي القلعه تعرفني

لكن الحفله كانت حلوه والناس حلوه وبكري انبس جنس انبساطه ورقص رقيص

الصور الصور الصور سريع

تحياتي

عبس

كانت ليلة من ذات الليالي .. تعرفنا على أخوةً لنا ... ياااااااا الدنيا دي ضيقة بشكل ...

خال فاطمه

هيهيهيههي برلوم طلعت مفتح لكن

كيف الوصول امس

Quote: خال فاطمه هيهيهيههي برلوم طلعت مفتح لكن كيف الوصول امس

أخي الغالي عبس
نحمد لله على معرفتكم التشرف ...

لكن بالجد موش أخوك برلوم نضيف ..؟ هههههههه

الحمد لله وصلنا بالسلامة .. والطريق من الشارقة لأبوظبي مع أخي الكريم ود الدامر .. نستمتع بالونسة عن التجمع الجميل الظريف الودود .. وربنا يديم الافرااااااااح والتجمعات الرائعة ..

ولقداااااااام ..

انشاء الله دايما لي قدام

وبرلوم ناصع البياض اها كده كيف

بس وين الناس ديل مصحيننا من الصباح وما شفنا الصور لسه

Quote: انشاء الله دايما لي قدام

إن شاء الله يا عبـــــــــس ..
وايه الدنيا غير
لمة ناس فى خير

فوق

الأخت العزيزة زولا

تحياتي عاطرات

نحن مساهرين من أمس منتظرين البوست دا .

أين الصور ؟؟

تعجز كلماتنا عن وصف ما نحسه تجاهكم من معاني الوفاء لما قمتم به من جهد، كلل بخروج الليلة كليلة من ألف ليلة أو ربماعنها تزيد شيئاً . ففيها إلتقينا بصاحب الحوش الكبير( كما يحلو للبورداب ) و التقينا بأفاضل كرام إخوة و أخوات .

بكري يستاهل كل خير وأى جهد يقدم لتكريمه يحمل بين ثناياه إحساساً عميقاً بأن الرجل يستاهل أكثر .

تحياتي

و معزتي

خال فاطمة

دموري رجع من هناك متين

Quote: خال فاطمة دموري رجع من هناك متين

الغالي ود الشيخ
دموري بيت هناك ... هههههههه

د.إيناس
الصباح الباهي لونك
احلى صباح بعد احلى واجمل لحظات مع سيد الحوش ومع كل البورداب
ليك ولسمؤل و لروائع الكلمة الأساتذة ( الكتيابي - القدال - خالد عويس – د.معز - ) لكل من نظم ونسق وشارك بالحضور وصور كل الود والشكر على لحظات سكنت عمق الذاكرة ،، فيها اختصرنا المسافات من بعد ما سيد الحوش جمعنا
عشان كدة مافي غير صـــــــــباح الـــورد ،، ونبقى على عشم اللقيا والتواصل ،،،

ــــــــــــــــــــــــــــــــــــــــــ
لأننا نحنا متواعدين ،على لقيا وبياض خاطر

صباح الورد

ادوني زمن بس اصغر الصور وارفعها
وما عندي شغلة غيرها الليلة
وكمان عندي مفاجأت حلوة
لأول مرة مقاطع فيديو من الحفلة


تحياتي زولة123

عباس الرائع
شكرا على الحرص على الحضور والتواجد الدائم بالرغم من مشقة دالك عليك وبعد المسافة
اعتبرك العضو المثالي في بورداب الامارات
بس غريبة تطلع بعد الوقت ده كله اسمك معتز؟
والغريبة اسمك الكامل مافيه أي اشارة لعباس, فجبت اللقب من وين؟

عن صورتك مع د. معز ابدا والله ما عندي والظاهر الصوركم زول تاني
لاكن كان ندى جات خليها تكلمني وباوريها عباس ياتو


خال فاطمة
العضو الجديد القديم كل التحية على الاهتمام بالحفل والمشاركة
واكيد انضمامك اضافة حقيقية لنا

المكاشفي
نرفع ليك بوست عرسك انشاء الله

عاطف عمر
اعتداري الشديد للوجيه محمد ابنك عن اغفالي لاسمه
وسعيدة جدا بالتعرف على عائلتك الجميلة
انتوا وبكري تستاهلوا أي تعب

ود الشيخ
انا طبعا لسة ما مقتنعة انك ود الشيخ ومستنية اثبات
وفي انتظار عضوية المدام قريبا عشان تاني ما تعرفوا تتكلموا بيراحتكم

ندى الندى
الجميلة الرقيقة الرائعة
تحياتي وشكري الجزيل على حضورك وعتبي على البوردابيات عدم المشاركة
فكنا انا وانت وبت الاحفاد نمثل وحدنا الجنس اللطيف من الاعضاء
قلتي لي بتعرفي بت خالي قبلي؟ دي كيف لاكن؟

نصار العزيز
شكرا على كل هدا الاهتمام بالاحتفالية معنا
وحقيقة تمنيناكم جميعا حولنا وما احوجكم واحوجنا لها
الله يلمنا كلنا في احتفال اكبر في السودان بادن الله
سالت عن ارسال الحفل على الهواء عبر البالتوك لاكن لم تتوفر التقنيات اللازمة او خط هاتف في القاعة
املي ان يقوم الفيديو بالواجب.. كيف كدة خبطاتي كويسة؟

سجيمان
جاياااااااياااااك
انت قصتك قصة

من اليمين/ عاطف عمر, شلبي, بكري أبو بكر ومحمد سيد أحمد
الصف الثاني, فريد ود المسيد, و؟؟
في الامام: الطفل الوجيه محمد الامين عاطف عمر( ننساك كيف بس؟)


من اليمين: المسافر, تاج السر, صلاح أبو حجل



من اليمين: استاذ يعقوب, ود الدامر, خال فاطمة

زولا الي ما لا نهاية

ادونا اسباب نسعد بها معكم

منتظرين المزيد و الفيديو دا ح يكون خبطة صحفية
ما عادية

تسلمي

هههههههههههههههه
ههههههههههههههههه

ههههههههههههههههه


....ود الدامر عندو صلعة......

يا سيجيمان باقيلى عندك صليعة وداسيها بالباروكها وفحال ما نقشناها جايى تتفلهم !
نكتة -
شايقية راكبة الباص جاية من أهلا ليها زارتهم فى مروى وراجعة لى تنقاسى،
والظاهر أهلها الزارتهم ديل أدوها سيخيلة ماسكاها معاها فى الباص ، وقاعدة
جنبها ممرضة بتشتغل فى مستشفى مروى ، والممرضة اتضايقت من السيخيلة عشان ثوبها أبيض .
فقالت لى صاحبة السيخيلة ( زحى شيتك دى من قبلى كدى لا توسخلى توبى دا )
الشايقية زعلت وقالت لها ( أسع أقوم عليك أمعطلك الشى الفوق راسك دى أخلى كل صوفايى تصد لى حصانها )
ست البنات .

شكرا يا دكتورة زولة.. تحياتنا للجميع..

الغريبة بكري ما عندو صلعة لكن جلحة كبيرة
وفي الصور ببين صلعة

بكري أبو بكر يلقي كلمة في بداية الحفل



من اليمين: علي اسماعيل, زولة123, بكري أبو بكر



الشاعر الكبير القدال وحده يجلل في المكان وكلنا سمع



الاستاذ الكتيابي يلقي كلمة



بت الاحفاد 2001



بحر, أبو القنفد, الجريفاوي ( في ناس قالوا بيشبه عمر البشير, صح؟)

طيب وووووين مرت الشهيد؟؟؟

Quote: طيب وووووين مرت الشهيد؟؟؟

ازيكم

والحفلة كانت رهيبة والبورداب الما حضروا فاتتهم حفلة لذيذة

اما الحضور فكان هائل واتلاقينا البورداب الجدد من ابوظبي والعين

والشارقة وفي بوردابي من البحرين وفي دولة تانية بس ما متذكراها

الاتنين صادف انهم في زيارة للامارات.

والاستاذ بكري اول حاجة انو زول متواضع وخجول كمان ما قصر في الحفلة

ورقص رقيص اسكتو ساي منو

والاستاذ القدال والاستاذ الكتيابي ماقصروا اتحفونا بالشعر

وبهاء الدين بالمغنى .

واحلى حاجة اتصال سجيمان ولما اتكلمت معاهو ندي القلعة لمن فصل بقى

يقول آآآآ، غايتو يا سجيمان جنس خفة ، واحتمال المدام كانت جنبة واتخلع من المفاجأة

برضو ليك العذر.

ملاحظة :
1. انو عدد البوردابيات كان قليل جدا.

2. انو البورادب الاغلبية منهم ما جابوا مدامتهم

وكانت اعذارهم انهم في السودان (طبعا عذر تقليدي جدا ) مع العلم

انو حتى لو كانوا ما اظن انهم يجيبوهم معاهم عايزين نعرف السبب

خال فاطمة منتظرين الرد

اما البورداب الحضروا مع حكومتهم ( زوجاتم ) المسافر
الجريفاوي ، محمد سيد احمد ، خالد عويس

برجع تاني عشان اكمل ليكم.

Quote: خال فاطمة منتظرين الرد

كفاية الشطة الاكلتيني ليها في العشاء ..

سعدنا جداً بمعرفتك اختنا العزيزة بنت الاحفـــــــــاد .. لكي منا كل تقدير واحترااااام ...

Quote: اما البورداب الحضروا مع حكومتهم ( زوجاتم ) المسافر الجريفاوي ، محمد سيد احمد ، خالد عويس

طيب طربيزتكم كان فيها منو كمان

Quote: . انو البورادب الاغلبية منهم ما جابوا مدامتهم وكانت اعذارهم انهم في السودان (طبعا عذر تقليدي جدا ) مع العلم انو حتى لو كانوا ما اظن انهم يجيبوهم معاهم عايزين نعرف السبب خال فاطمة منتظرين الرد

ايوة منتظرين الرد يا خال فاطمة..
بنت الاحفاد2001 الحبيبة:بالله قالو ليكم المدامات فى السودان؟؟؟
عوجة دى

بنت الاحفاد2001

Quote: واحلى حاجة اتصال سجيمان ولما اتكلمت معاهو ندي القلعة لمن فصل بقى يقول آآآآ، غايتو يا سجيمان جنس خفة ، واحتمال المدام كانت جنبة واتخلع من المفاجأة

انا افصل؟.... افو....
...والله اتجهجهت هي.... وقعدت تكسر في حسها

أولا شكرا لبكري ابو بكر، الرجل المؤسسة، والذي جعل كل هذا متاحا..

وشكرا لبورداب الإمارات وأنا بينهم وفيهم تاج السر حسين الذي صار قريبا مني منذ أن لقيته صدفة والشكر أيضا لزولة 123 ولخالد عويس ولكل الذين قاموا على هذا الحفل الجميل الدافيء
وشكر لا يندمل للقدال بكل عمقه ورحابته ولصلاح أبو حجل البعيد القريب الذي يدخل قلب العدو قبل الصديق عنوة.

لكم الحب وأتمنى أن يتاح التواصل بكم خلال ايامي الباقية في الإمارات

ولبنت الأحفاد:

Quote: والشارقة وفي بوردابي من البحرين وفي دولة تانية بس ما متذكراها الاتنين صادف انهم في زيارة للامارات.

الثاني ده أنا يا بنت الأحفاد، قادم من السودان، وفرصة سعيدة

ست البنات
الاسم على مسمى
شكرا على زيارتك
وةسجيمان ده خليه لي حاكتب عنه بمزاااااج

د.ياسر الشريف
كل الشكر على المرور والتعليق وسلامك يوصل
انشاء الله الصور تكون عجبتكم بس

تاج السر
مرة الشهيد؟ ما تسمعك مدام الجريفاوي !

الجريفاوي
اشخاص في مناسبات مختلفة اول ماشاوفوا صورتك قالوا الزول ده بيشبه عمر البشير
انت ما فكرت تستغل المسالة دي؟

بت الاحفاد الرائعة
شكرا على الحضور و( تتقيلي) شوية
نستي مشاركة د. معز وقالوا ليكي الكتيابي ما قرا شعر قال كلمة بس
في زول قال لي اقول ليكي ركزي شوية !
انا شفت حكومات العديد من البورداب قصدي زوجاتهم
وتمنيت القى وقت اقعد مع كل واحدة فيهم, حقيقة شرفونا واضافوا جو جميل للقاء

لنا مهدى
فاتتك وسلامتك الف سلامة من النزلة
انا حاشوفك حاشوفك زي ما وعدتيني لو جيتي ابوظبي
برضو اتمنيناكي معانا وزوجك ما قصر قام بالواجب

مصطفى عجب
مرحب بيك وشكرا على حضورك معنا وتحياتنا لبورداب الخرطوم الحلوين
ما تنسا تقابلهم

ابو حراز
انا فتشتك ما لقيت ليك رد, قلت ابو حراز فوت البوست ده كيف
شكرا على الكلام الجميل
وبكري ده من شده ما متواضع وخجول لمن تشكره بيعاين في الواطة

صور جميلة وغاية في الروعة
وناس جميلين جداً
وكلمات رائعة
واشعار ترد الروح وتمنح الألق
لكم التحية على هذا اللقاء الجميل
لكن مسئولين من الخير بكري دا مالو خايف كداً؟
دا كان عاوز يلقي كلمة وللا يسمع ليهو نشيدة
قال سيد الحوش قال

الرائعة zoola 123
تحياتي ،،
يـــــعني مـــالقيتى لي غير الصورة دي بعد الحفلة ما انتهت ونعسته وبعدين سني دى الكسرها شنو؟؟
أطالب بصورة في بداية الحفل وقت الألق (قلتي لى ما ده شكلك اعمل ليك شنو؟؟)

تـــوحيدا للبوستات الخاصة بالحفل أنقل ماياتي من بوست سابق

الاعــزاء الغاليين،،
كان بالامس لقاء الوفاء ،كان رمزا ، كان لحنا ، كان عشقا..
توافدت جموع بورداب الإمارات من كل حدب وصوب في صورة جمالية راقية وملحمة وفاء تجلت ملامحها في أحتفالية البورداب بتكريم المهندس الخلوق والمبدع بمساحة الوطن الكبير بكري أبوبكر (سيد الحوش) في محاولة لرسم لوحة شكر ووفاء لرجل أوجد وطننا الافتراضى ليجمع شتاتنا في بيته السايبرى ويصدق فيه قول من قال ان البورد وطن من لاوطن له..
ابدع البورداب شعرا وفنا وتكريما وتنظيما لتخرج الامسية بنكهة الابداع السوداني المتفرد ، فكان ثمة رجال وجب علينا ان نشكر لهم جميل صنيعهم وكبير جهدهم في إخراج تلك الامسية بما يليق وعظمة المحتفى به ،،
كانت Zoola 123
صاحبة المبادرة والجهد الكبير في التنسيق والمتابعة وقمة في النشاط والحيوية اسهمت بقدر كبير في لم شمل البورداب لتكتمل صورة ابداعها في مشاركتها بتقديم فقرات الحفل بسلاسة وجمال الكلمة وخفة دم تحسد عليها لتضفي عليها بأبتسامتها التى لاتفارق محياها دعوة لتواصل أبدي بين البورداب ...

للمهام الجسام رجالها فكان الاستاذ على إسماعيل صاحب السبق في كل ما من شأنه تواصل البورداب وانشطتهم الثقافية والاجتماعية فهو المقصد عند الخلاف وهو الوجهة عند الحيرة ،، أخا صادقا صدوقا مخلصا وفيا نستمد من خبرتة زاد المسير وبرأيه صواب السبيل ، ظل يعمل من خلف الكواليس وبعيدا عن الأضواء ،كان له القدح المعلى في ان تخرج الامسية الاحتفالية بتلك الصورة الرائعة ..

الكبير محمد سيد احمد شعلة النشاط التى لاتهمد،و الذهب الذى لايصدأ،نترك له القيادة في اصعب الظروف ،نوكل له جسام المهام الادبية والثقافية والفنية، ابدع إعدادا وتألقا تنسيقا لبرامج الحفل ،، كان صوتا لبورداب الإمارات وصاحب الدار المضياف ، ارتجل كلمة الترحيب والحفاوة بضيفنا الغالي عبر كلمات طاف عبرها بالبورداب معددا جماليات مفرداتهم صحبنا في سياحة مابين روائع الخواض وعجب الفيا ،وجمال ادب خالد عويس ومغامرات سجيمان ، ليكون الختام بكثير الترحاب بضيف الحفل.

مااسعد من يجود عليه الزمان بجمل الشيل وأخو الاخوان عاطف الجريفاوي ،، ربان بورداب الامارت الحاضر دوما في كل ماهو جميل،،فهو منسق من الطراز الاول ومرجع الابداع التكنولوجي للبورداب ،، أبدع في تصميم درع التكريم الكريستالي وكان رائعا في اختيار الهدايا بجانب الرائعة زولة ، اسهم بجهد وافر في أمسية الوفاء.

تحية وتحيات ،،
تحية شكر واجلال لمبدع الوطن الكبير و ملك الشعر الاستاذ محمد طه القدال ..
التحية وخالص الشكر والتقدير للمبدع الشاعر الرائع د.معــز عمـر بخيت...

تحية من القلب للرائع الفنان بهاء الدين سليمان المبدع صاحب الاداء الرائع والصوت الشجي ..
تحية إجلال للمبدع صاحب الأنامل الذهبية عمر عبد العزيز ،،
تحية مليونية للفنان سوركتى،،،

تحية الوفاء لكل من أسهم في نجاح تلك الامسية الرائعة إعدادا ومشاركة وإخراجا (فريد،الزنجي،مهدي،بحر،وليد،عباس،بت الاحفاد2001،ابي )

وتحية الختام حــبا و عشــقا للبورداب الذين إزدانت الليلة بحضورهم ،،

و مــــــــا أروعــكم بــورداب الأمــــــــارات ،،،،،،

شــلبي
[url]http://ما أجمل بورداب الإمارات عند الملتقى (حفل تكريم ر...مارات لبكرى أبوبكر) [url]

الأعــزاء الغالــين،،
العزيز نصار،،
تحية وود،،

كانت الأمسية بمجملها غاية في الروعة والابداع تألق البورداب في كل شيء شعراً ،، غناء،، وتواصلا إجتماعي،،

سعدنا بالعدد الكبير والذى تجاوز حدود التوقعات من البورداب و الضيوف من متابعي البورد والمهتمين بالادب والثقافة،، وكثيرون اتوا للقاء بكرى ،،

تنوعت برامج الحفل بين الشعر والغناء والتعارف بين البورداب ومساحة العشاء ومن ثم تكريم بورداب الإمارات للمهندس بكرى أبوبكر..

أغنية منصورى في الترحيب بالمهندس بكرى والتى بثها عبر البورد كانت حاضرة في قاعة الحفل وإستقبال الحضور لتضفي جو من المرح على الحفل .

تمثلت البداية في الترحيب بضيف الامارات عبر كلمات ابدع الاستاذ محمد سيد احمد في صياغتها لتحمل روح البورد اذ عدد اسماء المبدعين في ضروب الادب والشعر والفن من رواد البورد ،، دلف الى طريف الشخصيات و مقتطفات من كتاباتهم..كانت كلمة خفيفة لطيفة بعيدا عن مسحة البروتوكولية وكلمات الترحيب التقليدية ..

المهندس بكرى شكر عبر كلمته بورداب الامارات على حفاوة الاستقبال وروعة التكريم والوعد بتواصل اكبر في المستقبل .

الإفتتاحية كانت مساحة للشعر إبتدرها صاحب المسدار وملك الروائع مبدع الوطن الكبير وملك ناصية شعره المبدع الاستاذ محمد طه القدال ،، تذوقنا معه عذوبة الشعر ونهلنا من معين ادبه الخالد فكان شعرا تفاعلت معة النساء زغاريدا والرجال تصفيقا..

حبل الشعر لم ينقطع وإبداع شعراء بلادى لاينضب ، صحبنا الدكتور المعز عمر بخيت في قراءة شعرية وسياحة جمالية عبر رنين كلماته المموسقة ، وتناوله لعذب المفردات وسبره لغور لغة الضاد، ليصيغ روائع المفردات شعرا ، يدلف الى اعماق الاعماق ، يرسم لوحة الوطن بمعاناته ومحنه، وآمال شاعر و أحلامه بوطن انموذج أسر الحضور في محراب شعره ليمنوا أنفسهم بالمزيد تواصل قادم..

كان شاعرنا الكبير صاحب المدرسة المتفرده فى جماليات الادب الاستاذ عبد القادر الكتيابي حاضرا معنا ، متابعا لشعر رفاقه مستحسنا جميل كلماتهم ،منينا أنفسنا بالاستماع الى روائعة و لكن ثمة ظرف طارىء حال دوننا والاستمتاع بشعره ، ويبقى تشريفه لنا بالحضور والمتابعة مكان تقدير من البورداب للمبدع الكبير والقامة الشعرية ..

مساحة تواصل بين البورداب صحبتنا اليها د.Zoola123 ،، تعرفنا خلالها على الحضور من البورداب القدامى والجدد الذين لم تجمعهم مناسبة من قبل لتواجدهم في عدة مدن في الدولة ،، كانت سانحة للتعارف والمفاجآت مابين (العجائز الذين يضعون في البروفايل صورهم أيام الصبا) و(آخرون يبدون من كتاباتهم بعكس ما توحي طبيعتهم) و(اسماء كبار بدت لشباب في العشرينات) و (اسماء حيوانات وطيور رأينا اصحابها يمشون بيننا على قدمين) ، وزملاء دراسة ومرحلة صبا تلتقيهم دونما موعد مسبق بعد بعاد قسري فرضته ظروف الحياة ...

كانت مساحة الغناء غاية في الروعة اتحفنا فيها المبدع عضو البورد بهاء الدين سليمان بجمال أغنيات الراحل المقيم مصطفى سيداحمد،، فكان كالعهد به مطربا من الطراز الاول تغنى بعدد من روائع الراحل المقيم وبعض الاغنيات التى أسرت الحضور ليتمايل مع ايقاعها البورداب شيبا وشبابا(رقيصا وكشفا) وتبشيرا كأضعف الإيمان.

تم إتاحة فقرة حرة للبورداب لمناقشة الاخ بكرى في مسيرة البورد وبعض التساؤلات حول المنبر الحر وقد بادر الاخ بكرى بالرد على كل الاستفسارات والاراء التى طرحت بروح جميلة .

سعدنا بأتصال هاتفي من الدكتور سجيمان عن طريق هاتف الدكتور معز فكان أن تم بث حديثه عبر مكبرات الصوت ليسمع كل من في القاعة تفاعلات سجيمان وطريف كلماته ،، مثلت لفتة بارعة من سجيمان نالت استحسان الحضور .

فترة العشاء اعتبرت مناسبة لمزيد من التعارف بين البورداب ووعد بالتواصل عبر احداث ثقافية قادمة لعل الاحتفالية السنوية بذكرى الاستاذ الراحل مصطفى سيداحمد تكون بداية للتواصل القريب .

كانت لحظة الوفاء وتكريم الاخ بكرى أبوبكر من أروع اللحظات وقد قام الاخ على اسماعيل والاخ عاطف الجريفاوي بتكريم المهندس بكرى إنابة عن بورداب الامارات وقد منح الاخ بكرى درع بورداب الامارات الكريستالى وشهادة التقدير بأسم البورداب كما تم تقديم الهدايا التذكارية نيابة عن بورداب الامارات في لمسة وفاء لهذا الرجل المتفرد..

تبادل الاستاذ على اسماعيل كلمات الشكر نيابة عن البورداب مع الاخ بكرى وأن التكريم ماهو الامحاولة لإيفاء الرجل اليسير من حقه على البورداب وانه لولا سودانيز اونلاين لما كان كل هذا الجمع وهذا التواصل المتميز بين مثقفي الوطن في الشتات ..

تطرق المهندس بكرى بالشكر لبورداب الامارات عبر كلمته الضافية وتمنى لهم المزيد من النجاحات والتواصل من اجل غد افضل في وطننا الحبيب.

تغنى المبدع بهاء الدين بمختلف الروائع وحلق بالحضور في سماء الابداع في خاتمة الحفل ليكون الختام كأروع مايكون سعدنا في بلقاء المهندس بكرى والعدد الكبير من البورداب في أمسية نتمنى ان تتكرر في مقبل المناسبات ...

العزيزه ندي الامين،،
لك التحية وقد ازدان الحفل القا بحضوركم ومشاركتكم ونتمنى ان يكون الحفل بداية تواصلك مع برامج بورداب الامارت ولقاء الشهر الدورى بالنادي العربي..

ولي قدام،،

http://ما أجمل بورداب الإمارات عند الملتقى (حفل تكريم ر...رداب الامارات لبكرى

السلام عليكم

الحمدلله الربنا جمعكم بالريس يا بورداب الامارات و ان شاء الله المره الجايه تكونوا معانا هنا فى البلد، لكن باين عليها لمتكم كانت جميله ظاهره فى ابتساماتكم العريضه. بس ما ورتينا صور باقى الحفل يا زوله123 و يا بت الاحفاد كنت قايلاك دفعه لكن الظاهر اننا ما اتلاقينا


و دمتم ايها البورداب

بت الاحفاد!!!!!
تحياتي،،
مــاعرفتك لكن !!!!

والله حتشوفوا صور لمن تشبعوا بس اصبروا

صبر يبل الأبري مافي ...

المسافر اخترع وسيلة تعارف جديدة, فطبع اسمه على بطاقة ظاهرة معلقة على صدره
اختصارا للوقت


الواثق و فريد ود المسيد
التقول أخوان


د.معز عمر بخيت, رغم ( النزلة) كان معنا شعرا وحكيا فامتعنا


عائلات البورداب اضفت حميمية على جو اللقاء


بيان الجميلة ابنه بكري

العزيز شلبي

الف شكرا لهذا التلخيص الحميم. و الله يا شباب زي ما قالوا كترت الحزن تعلم البكا. نحنا كمان كترت الحرمان من هذه الجماليات الانسانية خلقت فينا كمية من اللهفة لروعة الانسان السوداني عند تجليه و قد كنت متأكدا ان ليتكم سوف تكون استحضارا لكي جميل فينا كأمة فرض عليها القبح و الشتات الذي لا يناسب و طبيعتها الحنينة. حاولت الاتصال بعدد من الاخوان الخاتين ارقامهم في بوست الاعلان عن الاحتفال و لم اوفق و قلت اكيد الشباب مستغرقين في الحفلة او ان الاتصال كتيرة. اضافة للصور و السرد الجميل نتمنا انوا الفيديو الواعدانا بيهو الدكتورة يبل شي من شوقنا.

خالص ودي و محبتي

مهدي الامين, قمة في النشاط والهمة ومن الجنود المجهولين في الحفل
اشرف على التصوير وتجهيزات الصوت بالاضافة الى تصميم شهادة التقدير


محمد سيد أحمد, شلبي والزنجي
اها الصورة دي كيف؟


بوردابي كنت اتصور ان اراه بعمة وجلابية واكبر سنا بكثيييير
عبد الله بابكر


تاج السر( الظريف), عبد الله بابكر والقرير


عباس ( في المنتصف)
وحوله بوردابيين سالتهم من اسمهم 3 مرات وبرضو نسيت, المعذرةةةةةةةةةةة

يازوله (الزول) العلى اليمين ده (خال العيال) من دون عيال واعتقد أنه قريب (النصرى)، أما الثانى فأسمو منو يا عباس؟؟؟

التاني جار عباس ... يا التاج ...

الغالية زولة 1 2 3

والله بت قبائل واصيلة

ياهم ناس الامارات البنعرفهم والعمرهم ما قصروا فى ضيف ودائما يخجلوا البجيهم

نحن بنعرفهم سودانيين اصيلين والفضل منهم ويقيف وكله كان سمع بس لكن فيك الخير الان اكملت لنا الصورة ..

هنئيا لكم بورداب الامارات بتجمعكم الميمون وحقيقة الواحد بغران منكم ..

ليت كل البورداب يكونوا على شاكلتكم

التحية لكل بورداب الامارات قاطبة وربنا يحفظكم ويخليكم لبعض ..

وتسلموا لينا يا الزينين ..

الدكتورة زولا .. انشاء الله دائما ملمومين في الافراح والليالي الملاح
بعدين عليك الله خلو الريس دا يخطف رجلو يجينا هنا في الرياض عشان الهيصة تكتمل
خالص التحايا لكل الحلوين بدولة الامارات الشقيقة ...

ود الباوقة

يالروعة المشهد :

لوحة الشرف الأنيقة يتقدمها صاحب الحوش الكبير بكري :

رفاق أحرفي وزارعو الدهشة في الأرض اليباب :
الكتيابي
القدال
معز

مرافقانا الى سماء الأبداع واللحن الشجي :

بهاء الدين سليمان
عمر عبد العزيز

حبيباتنا العزيزات :
زهرة بكري ( بيان)
زولا 123
بت الاحفاد
ندى الأمين

أصدقاء النور والزمن البهي :
محمد سيدأحمد
عمر اسماعيل
عبد الله بابكر ( من غير عمة!!!)
مهدي الأمين
تاج السر حسن
خال فاطمة
الزنجي
زميل النكد: خالد عويس
الواثق
القرير
عباس
ود الدامر
فريد ود المسيد
شلبي
عاطف عمر
يعقوب
المسافر
بحر
أبو القنفد
عاطف الجريفاوي
سوركتي
ود الدامر ..

فضلا عن لفيف من أسر البورداب الفاضلة.

دا كلو كوم وقشيران بي صوتو الفات
صوت ندى القعلة ذاتو كوم تاني !!!!
خاصة لما يكون عبر الموبايل كمان !!!

أنها ـ اجمالا ياأحبتي ـ لوحة جمال منسوجة
من عمق الود وأغنية
الاحتفاء واللقاء في زمن الشتات ..

رغم اني أحسدكم ( حسادة عديل كدي !!)
على نعمة اللمة البهية دي ..
الا انني كم تمنيت ان أكون بينكم ..
وذلك بقدر ما أسعدني أن كل هذه الحزمة
الضوئية تندلق لتنير اركان ها المنبر
(وطننا الافتراضي الحر ) .

تحياتي لمن كان/ كن هناك بلا استثناء .

والله يديك العافية يازولة 123 ..

فقد سافرت بنا الى هناك رغم طول
المسافات البعيدة .

وأنا لا زلت في غمرة الدهشة .

خضرعطا المنان

ابهجتونا والله
لمةحلوة الله يديكم العافية
صلاح ابوحجل الوجيه نورت

المسافر من دربك دا تمشى تفحص الكولسترول والترايجلسرايد اوعى تقول جني اداني عين لول

ولكم ودى

الأعزاء جميعآ

التحيه لكل بورداب الأمارات
والشكر الكبير للمهندس بكري ابوبكر
وكم كنا سعداء بتجمع هذا الكم الجميل من بورداب الأمارات القدامى والجدد
والتعارف وجو المحبه والألفه الذي ساد الحفله كلها

وايضا رساله تحيه وشكر الى
الشاعر المبدع : محمد طه القدال
والبروف الشاعر : معز بخيت


ولنا لقاءات اخرى مع بورداب الأمارات

شعيرية لسجيمان


ديل قرايب بكري, العنوان ظاهر


ندى ا لمهدى ( في الامام )


الجماعة مركزين مع الشعر


ضيوف الاستاد الكتيابي


قصرت معاكم؟

كانت لحظات ترسم في فضاء النفس مشاتل الضياء والعبير
كان لليل سحر خاص
تحول بكم إلى نجوم لا تنام
ولا يغفو بريقها

تجمعت المحبة وفاضت بحوراً من الندى
واستسلم الحزن لابتسامة الرضى
والخير والعذوبة

شكراً لكم فرداً فرد
وانحناءة تقدير وتقديس للزولا الرائعة زولا123

ما أجمل أن يكون في ذاكرة المرء من هو مثلكم
أناقة ووسامة وفرحة وابتسامة
وموجة تعانق شاطئ الشوق لكم
فتنبت البحر بين ذراعيها

فتزهر الحقول
وينهض المدى
تحية لكم

أخشى ان أذكر إسماً فيغيب في لج الفرح واحداً
ولكم أحببتكم حتى النخاع
والتحية للرجل المشرق بكري أبو بكر


معز


وكلمة أخيرة:
سجيمان ما اتكبكب ولا حاجة
وتلفوني شاهد والمحادثة مسجلة
كل شي ولا سي جي
محطم الجكس عبر القارات

بعدين وين باقي الصور

ووين صورتي مع عباس العسل

عشان ندى القلعة تشوفها؟؟؟!!!

مبروك عليكم يا بورداب الامارات زيارة بكري ليكم ومبروك عليكم لمتكم الجميلة وابداعكم... باختصار مبروك عليكم انتم... وكل سنة وانتو طيبين.
عندي سؤال .. دي ندى مهدي زميلتنا و اختنا في بنقلور؟ اخت لنى مهدي؟ وبت الراجل الفاضل دكتور مهدي؟
والله جميل الزول يشوف ناس طول ما شافهم!

شلبي يا شلبي
طبعا الوصف غاية في الروعة والدقة
وحقيقة تقريرك كافي ووافي عن الحفل الله يديك العافية
ولولا جهودك العظيمة ما كان لهدا اللقاء ان يتم بهده الصورة
شكرا لكل هدا العمل الجماعي المتناسق المتوافق
وكل هده المسؤلية التي كنتم اهلا لها
تحياتي وانشاء الله ما اخر اللقاءات

رانيا بابكر
انشاء الله تكون الصور عجبتك
وسعيدة بمشاركتك

عم قرشو
كلامك على العين والراس
وتسلم انت على حسن الظن فينا

عمر عبد القادر
بكري اجازته قصيرة واكيد لو في فرصة كان جاكم في السعودية

خضر عطا المنان
يا ريتك كنت معانا
واحنا فيها تعالوا بس
شكرا على كلماتك الجميلة

جنى
الله يعافيك
جماعتك ديل كان شفت ظراف بشكل ورقاصين بشكل؟
راجع الفيديو
المسافر ومدامه الرائعة كيبة ونقاء وصفاء والفة ماليها حد


مهدي يا مهدي
الف شكر على كل المجهودات الرائعة التي قمت بها
وشكلنا نسيب الدكترة ونشوف الهندسة دي
صارحة مواهبك متعددة في الاعداد والتصوير والتقنيات
يديدك العافية انشاء الله

خالد عويس


زيكو زمعه ضيف


الصحافي اليمني عمر عبد العزيز
شرف الحفل بكلمة جميلة معبرة عن صداقته للسودانيين


ايهاب المهاجر


عبدو و ود الشيخ
عليكم الله قارنوا صورة ود الشيخ بصورته الخاتيها في البورد !!

جلوس من اليمين: بحر, محمد سيد أحمد, عبد الله بابكر وسوؤل
وقوفا: تاج السر, ابو القنفد , زولة, فريد ود المسيد , الزنجي, علي اسماعيل, خال فاطمة, وبت الاحفاد


بت القبايل , احلى من اي قلعة


أسير الغرام بوردابي قديم مختفي ومعه ضيف


الاستاد عبد الدين وزولة وتحضيرات قبل تقديم الحفل


الخاتم ( سيريندر) يحتج على نطق البورداب لاسمه ( سليندر)

شكرآ يا زولة على مجهودك. لكن المشكلة اننى لا ارى اية صور. تعرفى، اي صور تنزل عن طريق المنبر الحر، لا اراها خالص خالص. ولا ادرى لماذا. عارض، أم كج؟ أم كلاهما؟
مين من الخبراء المختصين يورينا حل لهذه المشكلة التى حجبت عنى وعن غيرى رؤية زملاء وزميلات اعزاء علينا جدآ.؟. بالمناسبة انا ادخل الانترنيت عن طريق خدمة سريعة تسمى فى بريطانيا بالبرودباند (broad band)، وفى امريكا وكندا تسمى بالدي اس ال (dsl). هل لهذا اية علاقة بهذا العمى المؤقت عن الصور؟
اما الصور التى ترفع عن طريق سيرفرات تانية غير المنبر الحر، فإننى اراها، ولا اشبع من رؤيتها.. اللهم اجعله خير!!

همتكم معانا.. وكل عام والجميع بخير..

د. المعز عمر بخيت وخال فاطمة, آخر صحبة


عباس ومجموعة من البورداب


سيد احمد وتاج السر


بكري, عيني بااااااردة


بكري, بت القبايل وتاج السر

غايتو حظ الصاحى

هههههههههههههه يا وليد خمسمية
غايتو انا في الحالتين نايم لوووولز

شكرا ليكم كتير يا بورداب الامارات ما قصرتو تب
يا ريت لو كنا هناك
صوركم جميلة وحلوة وربنا يحفظكم جت عليكم
ولي قدام

علي اسماعيل وكلمة قبل التكريم


علي اسماعيل, الجريفاوي وبكري وشهادة تقدير


الجريفاوي يقدم لبكري درع التكريم



يا بكري الصورة دي علقها في صالونكم وقول سلمني الدرع الرئيس بنفسه


بكري يلقي كلمة في ختام التكريم


بكري و بهاء الدين سليمان

الزولة الرائعة واحد، إثنين، ثلاثة

التوثيق جميل والجهود أكثر جمالاً وعـظمـة.





مع أسمى آيات الشكر

ربنا يديم الافراح. وسعيده بلمتكم دى.
وان شاء اللمه الجايه تلم كل البورداب بأرض الوطن الغالى
ولكم جميعا عاطر التحايا

د. معز
طبعا ما حنقدر نقول كلام بمثل روعة كلامك
لاكننا محظوظون جدا بمقابلتك
وما التفاف الحضور حولك وسعادتهم بسماعك الا دليل
على كم الاحترام والتقدير الدي يكنونه لك

ولك في تعليق شقيقي عصام على انك حقا د. معز الدي يسمع عنه غير مصدق
لكم التواضع والتواصل الانساني الرائع الدي تجيده
وسلامات

ملاحظة, ما عندي صورة ليك ولعباس للاسف
لقيت سجيمان ما نافع يا د. قلت تلعب بعباس؟
الزول ده عاقل خلوه كده

Alfazia
شكرا ليك على التعليق الجميل
لاكن اعتقد انها ما الشخص المعني
عموما هي اكيذ حترد عليك
ندى الامين لعضو النشيط مهدي الامين

عادل عثمان
قلوبنا معك ويا ريت تلقى اجابة على السؤال
انا متاسفة لكثرة عدد الصور في الصفحة الواحدة مما يتسبب اكيد في بطءها
وفكرت في فتح بوست تاني بس تراجعت عشان ما اشتت الناس

وليد 500
حظ الصاحي وحظ النايم وصحى لقى الصور دي في الصباح
تعرف من كترة سؤال البورداب اعتكفت لتحميل الصور بعد الفجر وحتى الساعة 6 صباحا

معتز
في الحالتين نايم دي اشرحا لي, كيف؟؟؟
الله حفظك ويخليك

مولانا اسماعيل
شكرا ليك على الحضور الجميل والتشجيع

Smile women
أمين يا رب
واللمة الجاية انتي معانا كمان

سلام

يا زوله الكان واقف بي شمالي ده دون كيشوت وهو جاي من روسيا مخصوصا للحفله دي

وتاني حاجه وين صورتي مع دكتور معز لانو منتظر راي ندي القلعه سريع بليز

ويا بورداب الامارات والدول الخليجيه الما حضر الحفله دي حقو راح

وليد العجب بيجي الامارات بالليل ويفوت بالليل التقول حرامي من قنا في حفله اتخارج وقفل التلفون

لمتكم جميله
تحيه للجميع ودايما مجتمعين فى الافراح


زوله حا ارجع للتعليق بمزاج
مبدأيًا الاستاذ يعقوب قيافه لكن







ابو حجل سعيده بشوفتك
وجهك كالعاده بشوش وسمح(بكسر السين)


شكرا لكل من بذل مجهود لاجتماع الناس واسعادهم

والله راحت علي يا عباس

وأول مرة أشوف البورد

المرةالجاية إنشاءلله

الصورة الجديدة شديدة

الله يحفظو/ا لكم

بتطلعوا من قلب الحجر الصم

خفاف ولطاف من رحاب الضو

اوان الجد دفاعا عن حياض السلم والافصاح

سلمو لى عليهم جملة ،،،،،، حتى اللسة قبل الخلق والتكوين

تحية لكم جميعا بورداب الامارات على الحضور المشرف والترحاب بضيفنا المكرم

بكرى ابوبكر الذى اهدانا لحظات لن تنسي بوجودة بيننا .

العزيزة / زولة 123

إبـــــــــــــــــــــــــــــــداع وكفى ،،،
الله يديك العافية ،،، ولي قدام

وتاني ... أدهشتي ضيفنا العزيز بكري وحضورنا الكريم
وهي يحتفلون بلقاء بكري ... كان التنظيم الجيد ...
والتقدمة الحلوة .. التي جاءت عفو الخاطر

لكن : صوري وين ؟؟ وينننننننننننننن صوري مع بكري
أم هكر سطا عليها!!!

أهــــا في انتظارك للمزيد

يا دكتورة زولا
روعة وإبداع وطعم العسل لم يفارقنا
كانت ليلة بألف ليلة
لكن يا دكتورة وين صورتي لمن كنت بغني..بكري كان بينناكأنما نعرفه من سنين عديدةالإبتسامة لم تفارق شفتية والكل كان يتمنى ألا ينتهي هذا الفرح وسعدت كثيراً بلقاء إخوة كنت أعرفهم عبر البورد ولم أراهم وسعدت أكثر بالحميمية التي احتوت الحضور وجو الفرح الأزرق (دي عشانك ياتاج)..العريس سيد الحوش الكبير كنت نجم برغم الإسم الجديد الفكيتو فيني(البرلوم الشفت)ثلاثي العمالقة تنحني قاماتنا بالإنحناء تقديرا ومحبة وإجلال (الكتيابي /القدال/د.المعز)
كنا نتمنى أن نجد مساحة أكبر من الوقت للجلوس مع كل الأخوة والذين رأيتهم لأول مره
الزنجي وشلبي(طبعا قابلتهم قبل الحف بيوم لأول مرة)
الدكتورة إيناس zola
الجريفاوي
المسافر
بحر
أبوحجل
خالي خال فاطمة
عبااااس
محمد الواثق
عاطف
أبو القنفد
عبدو
بت القبائل
سوركتي
القرير
(وتآلفنا وتآخينا وتعانقناكخطوط الطول إذا ما اندست بخطوط العرض
كوضوء سنته اندست في جوف الفرض)
والناس العرفتهم قبل الحفل
الأساتذة الأجلاء(محمد سيدأحمد/علي اسماعيل/تاج السر الحسن/خالد عويس)
مهدي الأمين
بت الأحفاد
ندى الأمين
الرائع بهاء الدين
عبد الله بابكر
وصوت لوم للغائبة مناهل محمد الحسن
طبعا عندي صور والناس في البوفيه مع السفسفة بس خلوها شوية
وأروع ما في الحفل الإتصال بسجيمان الكبكابة لكن ندى القلعة أقصد بت القبائل عملتها فيك يا سجيمان ..
لكن جنس خفة

دكتورة zola123

قمه فى الروعه و الابداع
تحياتي ليكم جميعا يا بورداب الامارات
وانشاءالله دائما ايامكم افراح واعياد

السمؤل

سلام بكري

متاسفة جدا ما قدرت احضر عشان ظروف عائلية مع انو كان نفسي جدا اكون معاكم جد

حاولت اتصل بيك كزا مرة بس مافي زول برد

يا ريت ترسل لي رقم ممكن اصل ليك فيهوا قبل ما اسافر الليلة المساء السودان

حرسل ليك موبايلي في المسنجر

و شكرا ليك

اختي الدكتورة زولة 123
وبقية العقد الفريد
بورداب الامارات
حلوين حلاوة
ومعاكم بكري
حاجة روعة تسر العين
ان شاء الله تتم اللمة في وطنا الغالي قريباً
وحفلتنا بي ندي القلعة مش كدا يا سجيمان اخوي

والله غايتو

جنس ذوق

رفعة وعالي

جنس ناسات

ما خطرت لبالي

وليلة من أصدق ليالي

وبكري

اسكتو ساكت

أميركان طوالي ( جاك بالانص يا مان)

وسوداني جبالي ( توتيل )

( ومعز يا حلالي ويا بلالي)

القدال آه يا قدال

فرحنا بيكم كل الوجود

نساء ورجال

حبابكم عددكم وكل العدد إجمالي

(مساعدة)
زولة
عندي مشكلة في كمبيوتر البيت - الصور كلها تظهر بطاقة سودانيزاونلاين الفيها صورة تشبه محمد الأمين داؤؤد وبنية لابسة التوب في الوسط ، هل من حل حتى أتمكن من مشاهدة الصور... كذلك أغلبية صور أعضاء البورد تظهر في مكانها هذه البطاقة .. أيه الحل

راوية
انت عرفتي الناس دي كلها؟
شكرا يا رائعة وياريتك معانا

الزنجي الرائع
تحية لك على الحضور الجميل
وكنت متوقعة المدام معاك
لنا الشرف لمعرفه هده الكوكبة الرائعة

أبو القنفد
الف شكر على كلامك الطيب عني
وانشاء الله بكري يوفي ويغير ليك الاسم زي ما طلبت
مع اني ما شايفة فيه حاجة
ما تتعقد ساي

فريد ود المسيد
شكرا على الحضور الجميل والاهتمام والمساعدة
حقيقة مجموعة كبيرة من البورداب عزفوا سيمفونية رائعة في التعاون والانسجام
وفي انتظار صور البوفيه الدي اغفلت تصويره
في ناس قالوا ده اهم حاجة


سموؤل ابراهيم
شكرا على المرور الجميل والتحية ليك

انسانة يا انسانة
متييييين انتي تجي بس؟
كنا عايزينك معانا لاكن اكيد ظروفك ما ساعدتك وربتكم كانت احلى

حمزاوي
الله يسمع منك
لاكن ندى القلعة دي سجيمان لمن سمع صوتها قنب يرجف نقوم نجيبها ليه وجها لوجه؟
الزول ده بتحصل عليه حاجة

المسافر
التحية لك والشكر على الحضور انت والمدام الظريفة
وانشاء الله ما تنقطعوا عن حضور مناسبات البورداب
الصور والله ما عرفت قصتها شنو وانضم لكم في السؤال

اصدقائى منسقى الحفل

الدكتورة المهندسة / زولا مليون بليون ترليون قوقليون (123)

الاستاذ الهمام المربى/ صديقى محمد سيداحمــد -
الشاب الشعلة المهذب /صديقى سمؤال (شلبــــى)
الشاب الجعلى صديقى العتيق / الجريفــــــاوى
الشاب الدكتورالمخرج النشط /صديقى مهدى الامين

( الله لا جاب يوم شكركم )

شرفتم بورداب الامارات وكل آل سودانيس اونلاين - ما قصرتم تب واما صاحب الحوش نقول له
بورداب الامارات كرماء وانت تستاهل - مع الاعتزار (للاغنية) .

حمزاوي العزيز

فاتتك يا مان


والله لو كنت في كنا قلبناك هلالابي عدييييييييييل كده

د معز ما تدافع عن صحبك سجيمان ساى
والله جرستو يغنى عليها سرور

منو ايوه لحظات صمت

منو ندى القلعة تمتمة وكلام غير مفهوم

ايوة معقول

بالجد انت ندى القلعة

ايو سجيمان انت على الهواء

خلاص خلونى البس

دى اللحظة الواحد القدرتا تنكت فيها الباقى كلو رجفى

الاخت دكتورة ايناس.
والله انا المغصة دايرة تشقنى عديييييييييييل كدة. كل ما اتذكر انه انا كنت على بعد خمسة دقائق من موقع الاحتفال ولم اتمكن من الحضور المغصة تزيد.
غايتو ان شاء الله يكون عندنا نصيب فى الايام الجاية ونلاقى ناس المنتدى ونتعرف عليهم.
اتصلت اليوم على الاخ بكري وان شاء الله الظروف تسمح ليه وبرنامجه يكون فيه مساحة لمقابلته وتكريمه.
الشكر لكل من ساهم فى استقبال الرائع بكري.
وان شاء الله ربنا يديدم التواصل والمحبة.

دكتورة زولا 123
يا سلااااااااااااااام عليك
ويابورداب الامارات هنئيا لكم بتلك اللحظات السعيدة
ويا بكرى والله تستاهل كل خير...


انا حاسدكم عديييييل كدة

زولة الحبيبة وكل ناس الامارات الرائعين
عجبتونا والله شديد
وفعلا هذه هى الأجواء التى نحبها..
وهذه هى الروح التى نتمنى ان تسود الجميع ..

عندما ( نخسر) وقتنا وأموالنا فنحن بالتأكيد ننشد المفيد
ننشد المثمر من الحوار ..
ونبحث عن الثمر الطيب ..
ونرجو الإلفة ونتمناها رب اخ ...
حكت لي زميلة البورد وأختي التى أهداها لي ( انا بت النيل) - عندما زرتها لمباركة مولودها- حكت لى انها في رحلة لها قبل كم شهر لأبوظبي قابلها بالمطار أقارب لها وأقارب لزوجها ، ومعارف تعرفت إليهم من خلال البورد ووجدت من كلهم الإصرار في ان تكون محطة وصلها عندهم .. فحصل ان كان أقارب البورد هم من تفوق .. وكنت الحظ من خلال حكايتها مدى الإعزاز والتقدير الذي تحمله لتلك الأسرة .. ومدى السعادة التى خلفوها في نفسها بمعرفتهم ..

وكان ان قلنا شكرا بكري أبوبكـر
وعبركم تاني أقول شكرا بكري أبوبكر

- عجبي ممن ينفق وقته وماله للبحث عن العداوات !!
- وعجبي لمن يكدر نفسه وبإمكانه ان يجد الصفاء !!
- وعجبي ممن لاتهدأ نفوسهم إلا بإثارة المشاكل !!
- وعجب ( كبير جدا) منهم وهم يزحموننا في أمور تخصهم لا ناقة لنا فيها ولا جمل!!
- وعجبي منهم وهو يصرون على شرب الماء كدرا ( ويطينون) شرب غيرهم !!

* وسعـــادتي بكم أهل الأمارات وانتم تطلون برأس الجمال من بين كل هذا لا تحدها حدود*

ولقـــدام .. في إتجاه المثمر المفيد
وكل عام وانتم بألف خير .. ونتمناها سنة جديدة جميلة حافلة بالمتميز ..
ونرجوه عيد سلام ووئام ..

شكرا ليك يا الملكه المكمل كمالك

شكرا ليك ملة سبا نيابه عن بورداب الامارات الحنان

وكل عام وانتي بالف خير

اهااااااااااااااااا

الاتاري ناس المسافر وتاج السر يلقطو لينا في الصور القديمييي




عيلي الجديدي ورتنا شي



شوكورن يا زولا

ياسلاااااااااام وياللجمااااااااال

ما أجملكم وما أجمل هذا الوفاء للباشمهندس بكرى أبوبكر لما رسخه فى العالم السيبيرى من تواصل وخلق هذا الجو والالفة والمحبة بين ابناء الوطن فى شتاتهم والداخل ..
ليتنا كنا بينكم نسعد ونهدى الفرح لبكرى واسرته جميلا لما وهبنا اليه من اريحية وكرم ومنافذ مفتوحة للتواصل والحوار..
دكتوره زولا لك الشكر على هذا البوست الجميل وكم اسعدنى أن ارى كل هذا الكم من الاخوة الكرام وهم يحيطون بالاخ بكرى ابوبكر ..
لكم جميعا الحب والتحية والتقدير
عبدالعزيز خطاب

على اسماعيل
المهندسة دي عجبتي شديد
الله يخليك
وحقيقة اشارفكم ومساعدتكم الدائمة شيء لا ينكر

محمد سيد احمد
اتمنى ان تستطيع انزال الكلمة التي القيتها في الحفل هنا
تستاهل والله

احمد عثمان الطيب
الجايات اكتر من الرايحات انشاء الله

الفاتح
قول ماشاء الله

ملكة سبا الرائعة
مشتاقين يا حبيبة
وحقيقة كلامك ما خلا لينا شي نرد بيه
وياريت كل الاعضاء يكونوا قروه
نتلاقى قريب بادن الله

محمد حسن العمدة
عافواااان
ما يقولوا عليك هكر بس

عمنا عزيز
يا ريتكم وياريتكم وكمان يا ريتكم كنتوا معانا
تعرف انا اخر لقاء لي مع البورداب ليلة راس السنة الماضية بتاعة حمزة سليمان
وحقيقة كنا جميعا مشحونين بعواطف فريدة وجمال يكفي يقعدنا مش سنة تانية قول 5 سنين لي قدام
تحياتي

العمدي
اي اي والله
الزمن سرقنا
ترانا مكلتين في كلنا ولاد تسعة

وبعدينتية
يا عمدي
جا دورنا في التصوير بعد ما نعسنا
اللعمنو الحكايي بقت بالليل
أصلو كان بقت في شمس أم ضوا شديد
عيلي التقيل يفوت المهر العنيد

على اسماعيل
المهندسة دي عجبتي شديد
الله يخليك
وحقيقة اشارفكم ومساعدتكم الدائمة شيء لا ينكر

محمد سيد احمد
اتمنى ان تستطيع انزال الكلمة التي القيتها في الحفل هنا
تستاهل والله

احمد عثمان الطيب
الجايات اكتر من الرايحات انشاء الله

الفاتح
قول ماشاء الله

ملكة سبا الرائعة
مشتاقين يا حبيبة
وحقيقة كلامك ما خلا لينا شي نرد بيه
وياريت كل الاعضاء يكونوا قروه
نتلاقى قريب بادن الله

محمد حسن العمدة
عافواااان
ما يقولوا عليك هكر بس

عمنا عزيز

عبس اخوي
انت والاخ تاج السر
ناس جنتلمان
قيافة فايتين الناس مسافة ذي ما بيقولوا الشباب
مش معقول ناس هيبة بالشكل دا يكونوا هلالاب
ذكرتوني حسن ابوالعائلة الله يرحمة
نفس الهيبة والكركتر (لذيذة الكركتر مش كدا)

يا سلاااااااااااااام
لكن ياناس الامارات كرمستو لمن اتكرمشتو..هههههههه

اتمنينا نكون معاكم....

ولما اصلكم بتعرفوا تعملوا تظاهرة قدر ده فى سبعة يوم

السودان ده جادعنو مالو؟

العزيزة تماضر ( طمطم )


يشرفنا انك تكوني بننا عشان نشيلك في الرؤوس

وكل جميل في هذا البورد بس يفكر يزورنا

والسودان الناس ما بتخليك تعمل حاجه



حمزاوي الحلو

عيونك حلوه
لكن ديل الهلالاب كلهم كده

نقلت المقاطع هنا
مقاطع الفيديو لحفل بورداب الامارات 23 ديسمبر

قضينا ليلة ساهرة بالفعل مع الاستاذ محمد طه القدال والمبدع الشاعر الرائع د.معــز عمـر بخيت وطبعاالفنان بهاء الدين سليمان وكانت بالفعل لفته بارعة تلفون سجيمان بس فاتني

التحية وخالص الشكر والتقدير لبــورداب الأمــــــــارات لولاهم ماكان ده كلو يتحقق وبالاخص زولتنا 123

ولي قدام ده بس البداية لازم نكرره تاني

خال العيال

حلوووووين يا بورداب الامارات ..

شكرا يازولة123 .. في ناس الواحد كان ما متوقعهم يكونوا عاملين كدا البورد ده غشاش بشكل ..

الأخت د زولة 123


أوعى تكونوا نسيتو البخور

بورداب الامارات بسحروكم

كمان ما شفنا (الكديسي) شايلة الماوس.


تحياتي

شغلك نضيف يا دكتورة
لكن ما تقولي لي.... حاج بكري طلع ما حين في الكشف والرقيص
تحياتي لكم في هذا اللقاء الفريد والتى تمنيت ان اكون متفرجا فيها
كل وبورداب الامارات بالف خير
كلمة في ودانك...والنبي كان ما وريتني البنوت السنغل ...اصلوا انا والكاشف صحبي طالبين القرب من زولات الامارات

نقلت المقاطع هنا
مقاطع الفيديو لحفل بورداب الامارات 23 ديسمبر

نقلت المقاطع هنا
مقاطع الفيديو لحفل بورداب الامارات 23 ديسمبر

كل سنه والكل بخير وعافية ..
ككل الذين شاهدوا هذه الصور .. تمنيت لو كنت بينكم ومعكم ..
شكراً يا زوله على هذه اللفته ..
وشكراً لبكري على جهده وفكرته الخلاقة التي جمعتنا في هذا المنبر
أعضاءاً وقراءا ..
بكري يستاهل الإحتفال به والإحتفاء أينما حل .. بقد ما جمع الناس ,
وبقدر ما تسبب في إثراء حواراتهم وإبراز هوياتهم وأحلامهم ..

تحياتي لكل من قاموا بهذا الجهد نيابة عنا ..

___________________________

أستأذنكم يا ناس في إقتراحين :

أولاً ( على رأي السيد الصادق المهدي ) , أن يكون من ضمن أبواب
" سودانيز أون لاين " باب خاص بالصور فيه كل الصور التي إستطاع
البورداب تجميعها ..
أعتقد يا زولا ان الأمر سيكون لطيفاً ..

ثانيا : عشان نحسم موضوع سجيمان وندى القلعة ( ونعرف أيهما مكسر في
التاني .. ) .. أقترح أن يتم لقاء بينهما على البال بوك ..
ونشوف الحكاية دي ..


...
طلال

الاحباب عدرا على تاخر ردودي عليكم
كنت استغل وقت دخولي للنت في انزال الصور ومؤخرا الفيديو بعد كثرة المطالبات بها
جاياكم بالردود والحكاوي بالتفصيل

انا مستغرب فى حاجتين:
الاولى :العز الواقع فيهو بكرى ده، بكرى مشي،بكرى جا،هاك يا حفلات و صور و تكريمات و قومه و قعده،الله يرحم ايام البركس و ما شافوك ناس هشام و حامد وجيب الله

التانيه: ناس الخليج و السعوديه ديل بعملوا الجضوم دى كيف؟؟ بجيبوها من وين؟؟؟

جضوم لا ليها اول لا ليها اخر

التحية لك يا زولة
لقد كنت نجمة بحق
والتحية لبكري ولولاه ما كان هذا ممكنا

التحية لك اختنا دكتورة " زولا 123" على مجهوداتكم الجبارة ..والتي اخرجت الحفل بالصورة التى كانت ..ولا شك انها تليق ..بضيف الحفل... وكل الذين حضروا ...وعبرك ..انقل كامل تقديري وامتناني لكل الذين ساهموا في اخراج هذا الحفل بصورته الجميلة والتى كان لها الاثر الطيب فى نفوس الكثيرين ..من خلال الصور.. والتى وثّقت للحفل تماما ( لكننا ننتظر المزيد منها ) .. ومزيد من الابداع بورداب الامارات.

الفاتح عبد الله طه / القرير

نعم

ليلة ويا لها من ليلة

شكراً لمن أعد وأخرج ,وقدّم

وكم تمنيت أن قول يومها الكثير
"الا ان الاوامر الطبية الصارمة بعدم الاكثار من الحديث ,بعد العملية الجراحية",,حالت دون ذلك

على العموم بدا يومها الكل على روعته المطلقة ووجمال الحقيقي


للجميع التحية

وللرائعة د.ايناس كل التقدير


د.تيراب
-------------------
الحق يعلو ولا يُعلى عليه

تماضر
كرمسنا واتكرمشنا ويا ريتك جيتينا اتكرمشتي معانا
بس انتي كلمينا
تحياتي وحبي
تخريمة: شفتي بكري رقاص كيف؟

خال العيال من غير عيال
طبعا الاسم مع الشكل اصلوا ما راكب لاكن ادي فايدة اللقاءات
كنت متوقعات زول 50 لي 55 سنة
شكرا على الحضور الجميل

تمبس
شفت كيف؟
انشاء الله تكونوا انتوا بتشبهوا الصور بس

أحمد الشايقي
البخور نسيناه
لاكن صلواااااااااا على النبي

بلاير
راجع الصور تاني
وانشاء الله تحضر المرة الجاية وتشارك ما تتفرج بس

طلال عفيفي
فكرة رائعة فعلا
خصوصا ان الصور تختفي من السيرفر بعد فترة
بخصوص سجيمان ما انصحك باللقاء المباشر
لو شفت حالتوا اليوم داك حتستبعد الفكرة تماااما

عصام جبرالله
ديل منوا الناس السميتهم ديل؟
بكري عزيز ويستاهل العز
اما عن الجضوم فانا شخصيا ما عندي تفسير
جضومي وراثة

عجب الفيا
طبعا ابيت توريني انت منو
وكنت من الاعضاء ال>ين لم اتكن من التعرف عليهم بسهولة
وسعيدة جدا بحضورك ومشاركتك
قلتوا لي نجمة؟ لا كدة كتير

القرير
شكرا ليك على الحضور
وشكرا لكل بورداب الامارات الرائعين

د. تيراب
حمد الله على السلامة وشرفتنا اكيد
اكيد كنت اتمنى ان اعطي كل بوردابي نصيبا من الونسة
لاكن ظروف الحفل ما سمحت لي
اعتداري الشديد

أها جيناكم تاني .. يا حبايبنا
زي ما قال الرائع/ فريد ود المسيد ليلة بألف ليلة ،،، والما حضر
الليلة دي ،،، نص عمرو ضايع ... كحلنا عيونا بي بورداب قدام وجداد
إخوة وأخوات نعرفهم ،،، آخرين لم نعرفهم... نعرفهم من خلال كتاباتهم
ومساهماتهم ،،،، بس الليلة إكتملت الصورة.

لكن والله العظيم ... مفاجأتي الكبري .. كانت بكري ... فالرجل طلع أوسم من ما في الصورة بكثير... وظريف وبسّام ... وحبوب .. (وحيي) .. فالرجل تكسوه وسامة الحياء .. والتواضع الجم ...
د. معز ... طلع زول عسل ... ويخش القلب تووووش تحس كأنك تعرفه من قبل عشرين سنة .. ظريف ونّاس .. متحدث جيد .. ومستمع صبور .. أمتعنا بشعره رغم الوعكة (وقد فاجأته بالاسم كما ذكر لي) ... والأهم من ذلك .. بقى فردتي لحام ستلين.
أما زولة 123 ... فكما تخيلتها تماماً ... رقيقة وواثقة ومقدمة جيدة ..
وطيوبة ... (وبت أصيلة) ...
خال فاطمة .. سوداني أصيل .. برضو بقا فردة لحام.
فريد ،،،، طلع زول بشوش ووجيه ... أكثر مما نتخيله
بت الأحفاد 2001 ... فاجأتني .. ولقيتها أجمل مما كنت أتصورها
بحر ... طلع بحر ،، لطيف وأنيس (بقى فردة) أديل كدة
خال العيال .. مليح ... يتحبّ من أول كلمة .. بقى فردة
أبوحجل ،،،، طلع سوداني مية المية ... ظريف وضحّاك
المسافر ،،، كما هو متأبط عصا ترحاله .. إبتكر وسيلة رائعة لتعريف نفسه بالبورداب.
محمد الواثق .. ظريف .. ونضمو سمح
القرير .. طلع هادئ .. وكاتل حيلو
مهدي الأمين ... رايق
عبدو ... متحدث لبق لا يُشق له غُبار
لكن أستاذ منعم: لم أعرفه؟؟ كانت أكبر خسارة خسرتها في ذلك اليوم.
أما القدامى:
ناس الرائع سيد أحمد،عاطف الجريفاوي، وشلبي السمؤال، ، معتز عباس، وسوركتي، الزنجي، خالد عويس، الفنان بهاء الدين ،،، كانوا أروع من الروعة.
،،، وصوت لوم للغائبة مناهل محمد الحسن
أما صوت سجيمان ... فاتني ولم أحضره ،،، فالشكر للرجل الهميم المتابع.

زولا 123 الصور طلعت حلوة شكرا ليك ولي مجهودك

خال فاطمة في ذمتك انا اكلتك الشطة

انا بس قلته ليك حلوة وانت نزلتة فيها براسك

بعتذر منك ومن المدام يا ود الشيخ وسلامنا ليها

سجيمان قال ما اتكبكب قال البيشوف اللسان الطويل

ما يشوفك وانت بتمتم يا ابو الكبكبة

مصطفى العجب ليك العتبى حتى ترضى وحبابك في الامارات

ازيك يا رانيا بابكر انت دفعة كم واي كلية

يمكن بنتعارف

ده كلام يا شلبي شكرا

الغالية الرايقة الغظيمة ست الراى والفهم
دكتورنا انياس زولة 123

ياالروعـــــــــــــــــــــــــــــــــة مابقدر اقول غير انك
انسانة عظيمة
كنتى البلسم الشفى لهم كلهم انا فخورة جـــــــــــــــــدا بمعرفتك

اسفة لتاخير نسبةلظروف العمل سوف اكتب لكم للجميع

خاصة سيجمان كل التقدير لك ولاخ الفاضل سوركتى الذى كان لنا نعمة الاخ

بت القبايل

عشان تقارنو كويس


عبد وأنا

جميل والله ........ربنا يديم المعروف والالفة بين الجميع ...... ربنا يحفظكم ويجعل كل ايامكم سعادة وحبور ولمة عديلة وزين
شكر الله الصانع لهذا الحشد الجميل بكرى سيد الحوش الكبير وبورداب الامارات الظراف

ود الشيخ

اكان تجي بي جلابيه وعمه

Quote: ....ود الدامر عندو صلعة......

سجيمان دى ما صلعة ديل وجنات ساكت العندو صلعة ما بنجيب اسمه بنخاف
من الرفت....وبعدين زولة 123 رائعة جدا وهى اللمتنا فى الخرطوم انشاء الله تنلم فىساعات
الخير دائما..بعدين الجماعة ديل كانو ضابحين ما جابولنا خبر الكفاية اصلوا لكن قطع
شك الشعيرية جابوها لى بكرى ما شايقنوا يضاحك سن سن تقول جابوا شيلتوا...وهكذا البورداب رائعين بجد....الله يحفظكم.
المهم كلام سجيمان مع ندى القلعة وياربى كان قبل البوست الاخير والا بعدو الله ينعل شيطانوا....هذا الدكتور المسكون المسكين المستكين،،،،

ماشاء الله عليكم ربنا يحفظكم كلكم
ويحفظ بكري الزول اللطيف

اولا اسف للتاخير في الدخول

زولا 123 شكرا ليك

بورداب الامارت الشمالية

بدون فرز انتو اكثر من رائعين


بورداب ابو ظبي حضوكم زادد الاحتفال بهجه

الاخ العريس بكري الما شافك عدييييييل ما محظوظ راجل في منتهى التواضع والطيبة

الاخ زولا كانت نشيطه ومثلت دور اخت العريس بكل ما تحمل هذه الكلمة من معني

الاخوان على اسماعبل شلبي الجريفاوي محمد سيد احمد عباس بت الاحفاد كل ادى دوره باكمل وجه

ألأخت زولا123

وكل بورداب الأمارات

كم أنا سعيد بالتعرف عليكم

وحق لى أن أفخر بكل فرد منكم
لكم حبى جميعا

ولى عوده

صلاح أبوحجل

بورداب الأمارات

مافى أروع من حفلتكم إلا إنتو .......
حزنت جدا لعدم تعرفى على الإخوان:-

ودالشيخ "ولو كان بالجلابيه والعمه كنت عرفتو"
خلاد عويس
ودالدامر
تيراب
ومهدى الأمين ومساعده فى الإخراج
ومن الأخوات بت القبايل وندا أمين

كما إفتقدت ألأخت لنا مهدى وعزائى أن تعرفت على يعقوبها المشرف بخلقه وخلقه
إنه يوم سيخلد فى ذاكره كل من سعد بحضوره
ولى عوده
أبوحجل

الاخت الرائعة
زولا
لك التحية

والله ما عارفة اقول ليك شنو واناشايفة لمتكم اتمنيت اكون بينكم وتتلمو فى ساعة خير
وواضح انها كانت ليلة ولا الف ليلة
ودمتى

د.زولة
كل سنة وانتى طيبة

يعجبنى جدّاً التفافكم/ن بعضكم/م ببعض .. هنيّالكم/ن ببعضكم/ن ..

تخريمة :
انتى خلّيتى الطب ولاّ اتخصّصتى صحافة وإعلام ؟؟ شايفك نشطة شديد .

Quote: ود الشيخ انا طبعا لسة ما مقتنعة انك ود الشيخ ومستنية اثبات وفي انتظار عضوية المدام قريبا عشان تاني ما تعرفوا تتكلموا بيراحتكم

يا دكتورة
هو زاتو المرتاحين ليها شنو ما شفتيني صفقت
كيف على كلمة الحيكومه



بعدين عشان أأكد ليك إني ود شيخ ما حضرت الغنا

كانت ليلة الاحتفاء والاحتفال بالأخ بكري تظاهرة اجتماعية وثقافية وفنية باذخة، وأبدع بورداب الامارات في الخروج بليلتهم كأروع ما يكون.
التهانيء لهم فردا فردا على نجاح الأمسية، وأتمنى على الصعيد الشخصي أن يشرفنا الأخ بكري وأسرته بزيارة مماثلة قريبا

قال بورداب جدة قال والله تاني الله بيني وبينك يا بتاعين جدة

الصحانة دي ساكت شوفوها كيف قال المطار القديم والنجيلة

يا بتاعين الامارات ما عندكم انتساب ..؟ المشكلة واسطتي زيكو..

انا زاتي ما مقتنع بواسطتي

ابو القنفد
شكرا تاني وانتوا الاروع

بت الاحفاد
ما تدكريني بالشطة
يمكن الحلو الحاجة الوحيدة الما ختوا فيها شطة

بت القبايل
يا ستي كل دوك ورقة وجمال
وانا السعيدة بالتعرف على ناس حلوة زيكم
وكمان صوتهم بيشبه صوت ناس ندى القلعة

محمد حامد
شكرا على كلامك الطيب
والمرة الجاية معانا

صديق الموج
وناس الخرطوم الحلوين احلى بورداب
بس اسمح لي بورداب الامارات حاسميهم
اقيف بورداب
وبعدين ما تسحر لينا بكري
انت كنت تجي معانا وتشوف حتضحك كيف

عمنا الموصلي
الله يحفظ ويخليك انشاء الله
الدعوة مفتوحة ونلم الناس تاني وتالت ورابع

عبد الله بابكر
انتو ارسوا ليكم على بر , مرة زولة ام العروس مرة اخت العريس
مرة اخت العروس؟ ولا مرة العروس زاتا ؟ لوووول
لاكن مقبولة
شكرا على حضورك الجميل ومشاركتك معانا
وفرصة اكتر من سعيدة

صلا ابو حجل
سعيدة جدا بمشاركتك
وكنت اتمنى ونسة مخصوصة عشان اعرف الزول الموصية عليه راوية قدر ده منو
مرحب بيك مجددا
ندى امين ما جات , دي ندى المهدي

نجلاء ابشر
ليلة ولا الف ليلة
والليلة الجايا معانا بادن الله

لؤي
وانت طيب
قول ماشاء الله

ود الشيخ
برضو ما مصدقة
خالد عويس
التهنئة للجميع على اللمة الجميلة واليوم الرائع
مازال طعمة في حناجرنا حتى اليوم
( حناجر دي عارفاها غلط, ما عرفت الكلمة المناسبة)
بكري قال اللمة الجاية في السودان

لاااااااا حولااااااااا

أخيرا قدرتا افتح البوست..

يا زولا الحكاية ما ساهلة خالص.. انتي خاتة شنو في البوست ده ما بيفتح وبيقفل الجهاز كمان..

نسيت انا داخلة اقول شنو..

لووووووووووول..

هنيالكم الحفل الجميل والضيف العزيز..

الصور اتفرجتا لغاية صورة بنوتة بكري.. بعد داك يعميني حأحاول المستحيل اتفرج..

كل سنة وانتو جميعا بخير..

http://www.sudaneseonline.com/cgi-bin/sdb/2bb.cgi?seq=m...ard=95&msg=110420904

زولة (موبايل خط )

أولاً مشتاقين .....

....وكل سنة وووإنتى طيبة ....

ايوة كده فرحونا شوية .... فاتتنا الربة ...دى والله

لكن كميرتك عينة ....اكيد فى صور ما نزلت مختوتة على جنبة (انا عارف )

.....
بس بينى وبينك الصور دى داير يبخروها .....عديل كده

...الصور لذيذة وأنا منتظرها تنزل كلها ....ابت تفتح معاى

... لكن أتصرفتا ....

Quote: لؤي وانت طيب قول ماشاء الله

ماشاء الله

زولة الزولة الرائعة
لكى التحية وانتى تظهرين تالق وابداع بورداب الامارات
والشكر لجميع المنظمين لهزا العمل الروعة
ايهاب مهاجر

الغاليه زولة واحد اتنين تلاته
جيناكم تاني

Quote: في الحالتين نايم دي اشرحا لي, كيف؟؟؟

من الفرحة بي لمتكم الحلوة دي اتلخبطت في الكلام ههههههه
عايز اقول في الحالتين انا صاحي وكنت سعيد جدا وانتي كل دقيقه تجيبي مجموعة صور وانا صاااااااااحي
شكرا ليك كثيرا لجعلنا نعيش هذه الفرحه معكم ونحن من على البعد
مره ثانيه شكرا كثيرا ايها الرائعيين
ولكم كل المحبه
اقعدو عافية

أساسي
والله ضحكتني وضحكت كل اللي قروا البوست معاي في البيت
الله يخلي ليك بورداب جدة ويخليك ليهم
وممكن نديك عضوية اضافية حتى بدون واسطة

رجاء الحبيبة
المشاكل التقنية ما عارفة احلها كيف
يا ريت ترجع الصفحة التانية تفتح بعد 70 مداخلة زي زمان
أي صورة ما ظاهرة اديني رقمها وارسلها ليكي في البريد

ناجي الزبير
نحن بالاكتر
اكيد بتتصرف
ايه رايك؟

ايهاب مهاجر
سعيدة بتشريفك والشكر ليك

معتز
انا كدة فهمت
وعرفتكم انت ووليد كنتوا صاحيين لمن نزلت الصور

زولا موبايل خط

مشتاقين كتير

الناس الرايعين ديل كلهم في الإمارات


كان كدي أنا جاية عليكم


سلامي للكل


عبير خيري

ربنا يجمعكم على الخير والمحبة دايما
والله تشهوا في اللمة
وحضن الفرح الغايب

حلوين حلاوه و غالين غلاوه
شكراً يا إيناس على الصور و الليلة الجميلة و كل هذه الوجوه السمحة!
و شكر كتير لبكري و الذي لولاه لما كان هذا ممكناً

Dear Zola
What a wonderful night, and what a great community
Great effort on your part
Sorry to comment late, but I was hoping my Arabic keyboard would work
Ah, and BTW..

Quote: عصام جبرالله ديل منوا الناس السميتهم ديل؟

These are people you really don't wanna know

الحبيبه جدا الرائعه د/ زوله ..وكل بورداب الامارات الجميلين..
التحايا ليكم ولى ضيفكم العزيز .. وكل عام وانتو بالف خير ..
عارفه يا زوله انا زى رجاء ..لما نسيت دايره اقول شنو .. كل ما اجى افتح البوست ده
استنى فى الصف ساعات طوال .. اول شىء بهنىء نفسى انه الباب فتح والحمد لله ..وليكم حق تقفلوا الباب خوفا من الحسد والعين والصدف الشين على قول حبوبه لووووووول
والله مجهود ما عادى يا زوله .. وكما عهتدك انتى الجمال فى ربوعه ..وما غريب عليك كل جميل..
جد لمتكم بتفرح .. يا ريت لو جيناكم بالدرب .. تصدقى المسافه كلها سويعات يا زوله .. بس الحكايه ما اتنظمت من بدرى .. تانى ابلله قولى عوك وخليك على اتصال معنا .. ما تنسى نحن جيران .. والجار اولى من القريب ..
تحياتى للجميع بدون فرز وربنا يجمعنا جميعا فى بلدنا ووسط اهلنا وبقلوب عامره حب وحنيه..
استاذ بكرى دحن ياخوى طالما وصلت لى هنا ما تتاوق تجينا ولو فرد يوم .. زى دى تانى ما بتتكرر تب والله .. يا ريت تشرفنا وبنكون سعداء للغايه ..
التحايا للجميع وكل عام وانتو بالف خير
كل الحب والود ليك يا زوله

الاخت ايناس انا اشتركت وخدي راحتك قولي العاوزه
لكن الراجل ده تربية الامارات يعني ماخد حريته

نجلاءالمهدي

عبير خيري
تعالي وان ماش التك الارض نشيلك فوق روسنا
تحياتي لكل بورداب الخرطوم الرائعين

سامية بكري
شكرا على الدعوة الحلوة زيك
وعليكي بي ناس عبير ودريمز وبلقيس يوروكي الفرحة كيف

ندى الندى
كنت عايزة داليا تحضر الحفلة واصريت بس ما عارفاها خافت من المشوار ليه
كنت عايزة اعملها مفاجاة واوري البورداب اختك
لاكن حصل خير ملحوقة
المرة الجاية كلكم معانا, مش كدة؟

اوتكاست
يا ستي انتي تكتبي باي لغة عايزاها واحنا نقرا
ولو مافهمنا نفتش مترجمين, بس انتي اكتبي وما تخلينا
طبعا حسي شماري زاد والا اعرف الناس ديل منو؟

سوما يا سوما
مشتاقين
ودايما يا ستي بتخجليني بزوقك وكلامك الجميل
عشان ما باعرف ارد بكلام زيه
طبعا ياريتكم كلكم معانا وبورداب عمان اهل وجيران
وما بعيدة ابدا تجونا خصوصا ان في بورداب من السعودية نووا الحصور
وجانا د. معز من البحيري
التحضير تم في زمن قصير جدا
وليك علي لمة اكبر واجمل انتي بس تامري

نجلاء المهدي
يا مرحب يا مرحب
الاخت نجلاء زوجة العضو ود الشيخ
بركاتك يا بكري
انا مش قلت ليكم 50 زول يحضر اسمه وكلمة المرور لعضوية فورية على شرف الحفلة؟
طبعا السابق هظار عشان بكري ما يزعل
مرحب بيكي والبورد نور واكيد حناخد راحتنا
بس الخوف على راحة ناس ود الشيخ الحياخدوا بالهم خالص

لكن يازولا دا زلزال فرح نتمني أن تكون ليه توابع في كل المحطات حتي تصلنا هنا في
بلاد العم سام
وبالمناسبة الإبداع دائما في كيف نصنع الفرح وكأننا حضور بينكم تحياتي لكل بورداب الإمارات
وسلام خاص للأخ العزيز خالد عويس على أمل اللقاء في الإمارات أو واشنطن


حسن الحسن

واللة روعة يازولة


نحن منتظرين



تحياتى

البوست ده عايز تعديل
اتمنى لو في زول بيقدر يشوف جميع الصور بلا استثناء حتى ارفعها
كل الصور ساحاول تصغيرها ورفعها مجددا
ونقل مقاطع الفيديو الى بوست ىخر حتى يسهل فتح البوست
وهناك مجموعة اخرى من الصور لمزيد من الاعضاء لم يظهروا من قبل

حسان الحسن
زلزال دي معاصرة جدا
شكرا على التعبير الجميل

الصادق النور
قريبا انشاء الله

الاخت تماضر قالت

Quote: ولما اصلكم بتعرفوا تعملوا تظاهرة قدر ده فى سبعة يوم

يا تماضر انتي تعالي وحا نعمل ليك حفله في كل امارة

عدد الامارات 7 وحفله خاصه في مدينة العين


بس انتي تعالي


تشرفينا والله

الشخصيات دي أنا بتمنى ألاقيهم نص النهار كدي .. وأعزمهم قهوة تقيييييلة وأقضي معاهم ساعتين تلاتة ونسة لله في الله. القلوب شواهد زي ما بقولوا .. أها أب حجل وتاج السر والمسافر ديل أنا وقعوا معاي طق.

بت الأحفاد التي هي في الامارات أو الخليج أو السعودية (يا أخواننا والله ما عارف الفرق بين القرى دي شنو) .. ودكتورة زولة .. انتو الاتنين ما قدرت أفرّق بين صوركم. ومرات مرات كده قربت أشوف سارة منصور في واحدة من الصور الكتيرة دي. إنه خداع الحواس يا أبا الشناتير.

وتصبحون على خير

فووووووووووووووووووووووووووووووق


عشان

في زول طلبوا مني

شنتير
عايز ارقامهم تعزمهم بمعرفتك؟
ده من الصور بس طيب لو قابلتهم كيف؟
انا في الصور بالاسود ولابسة طرحى حمرا, بت الاحفاد لابسة بني
وما بنتشابه كتير بس امسح النضارات
سارة منصور ما كانت في
لاكن عرفت قصدك على منو

عبد الله بابكر
ده ما انا

للتاريخ

الصور مشت ويـــــــــــــــــــــــــن

بكري قاعد يفسح فيها




شوف يا بكري دي ما فيها مخالفة ما تتسلبط

يفسحها بتاعت المصريين

السودانين المستغربين افظع من المصريين


يفسحوا ليك ويفسحوك

التركـــــــــي ولا المتـــــــــــــــورك

المتروك دي من ورك أشان افهم

لا يا ود الشيخ
ما تجيب لينا الهوي

من تركي الأصل
وتتورك يعني بقي زي الأتراك

وقعت ليك يا عزيزي

ود العجب


وينك انت ماقلتو بتتصلو

زمان ما قلت بتراسل

وين رسايلك وين مسجاتك لينا

قلنا نشاغل بس


دحين وين الصور فاتت عليكم الله ابت تفتح معاي

ها ها ها
وذات صباح
توقف ود الشيخ عن الكلام المباح

عبس

الظاهر عليك اديتني إيميل الصواريخ

إنشاءلله كل الاسرة بخير

و إتوقع تلفوني قريب

اعتقد طارت مع الأرشفة
ادوني زمن بارفع ليكم الصور تاني بعد التصغير ( الله كريم)
يا جماعة ما عندكم سيرفر ما بيطير الصور؟؟

Quote: يا جماعة ما عندكم سيرفر ما بيطير الصور؟؟

آآآآآآآآآآييييييييييي



إسمو
[email protected]

لك ودي
وليد العجب

تمت اعادة رفع الصور لكل من طلبها
تحياتي

تحية حلوة للجميع
والله جنس شحتفة يا زولة.. مافي اي صور
دايرين الصور