Post: #1
Title: ادعوا معى للاستاذ ضياء بلال ان يلم فى ما فقده اليوم
Author: بكرى ابوبكر
Date: 03-28-2007, 08:30 AM
الاستاذ والصديق العزيز ضياء الدين بلال علمت قبل قليل بسرقة laptop فى شوارع الخرطوم و المنى الخبر بعد ان عرفت بالجهاز مقالات , حوارات مهمة و كتابات لكتاب جاهز للنشر اخذ منك العمل فيه ثلاث سنوات اتمنى ان تمكن الشرطة من العثور عليه
وربنا يصبرك ففقد لاب توب حار وحاصة اذا كان به المهم واسال مجرب.....
ادعوا الله ان يلمك فى جهازك اليوم قبل الغد
|
Post: #2
Title: Re: ادعوا معى للاستاذ ضياء بلال ان يلم فى ما فقده اليوم
Author: إسماعيل وراق
Date: 03-28-2007, 08:39 AM
Parent: #1
العزيز بكري
تحياتي
اللاب توب مقدور عليه إنما المشكلة في المواد..
تضامننا مع الأستاذ ضياء.،
|
Post: #3
Title: Re: ادعوا معى للاستاذ ضياء بلال ان يلم فى ما فقده اليوم
Author: Dina Faisal
Date: 03-28-2007, 08:40 AM
Parent: #1
اللهم اميييييييين
والله الواحد تطير من جهازو ورقة واحدة يقرب يجن
خلي يطير الشغل كلو
غايتو الحرامية ديل شكيناهم لالله الواحد يفكر في القروش
وما عارف الاذى البياذيهو للناس بضياع مجهودهم وسهر لياليهم
ربنا يرد ليهو جهازو باذن الله.
|
Post: #4
Title: Re: ادعوا معى للاستاذ ضياء بلال ان يلم فى ما فقده اليوم
Author: عبد المنعم سليمان
Date: 03-28-2007, 08:52 AM
Parent: #1
والله يا بكري انا ما زعلان الا في لقاءات ضياء مع نقد المفروض كان تنزل لكن
سرقها الحرامي مع اللاب توب
____
الحرامي حيطلع واحد من التجمع باذن الله 
|
Post: #5
Title: Re: ادعوا معى للاستاذ ضياء بلال ان يلم فى ما فقده اليوم
Author: Dr. Moiz Bakhiet
Date: 03-28-2007, 09:01 AM
Parent: #4
ربنا يجمع ان شاء الله
بس معقول يا بكري أشياء هامة كده ما يكون عندها باكاب في ديسك ولاّ فلاش أو سي دي؟!!!
هسة اللابتوب ده ده لو ما اتسرق وحصل فيهو كراش عادي
مش النتيجة واحدة؟؟
وبرضو بندعو انو ربنا يجمع وتكون الداتا موجودة
|
Post: #6
Title: Re: ادعوا معى للاستاذ ضياء بلال ان يلم فى ما فقده اليوم
Author: Deng
Date: 03-28-2007, 09:22 AM
Parent: #1
الاخ بكري.
فقد معلومات بهذا الحجم شئ صعب جدا.
تحياتي للاخ ضياء البلال وإنشالله يحصل على جهازه ومعلوماته كاملة.
أقترح عليه أن يعلن عن جائزة لمن يحصل على جهازه.
دينق.
|
Post: #7
Title: Re: ادعوا معى للاستاذ ضياء بلال ان يلم فى ما فقده اليوم
Author: doma
Date: 03-28-2007, 09:25 AM
Parent: #6
الباك اب شئ مهم يا شباب
|
Post: #8
Title: Re: ادعوا معى للاستاذ ضياء بلال ان يلم فى ما فقده اليوم
Author: elhilayla
Date: 03-28-2007, 10:36 AM
Parent: #1
الأخ بكري
من أكثر التجارب المؤلمة في حياتي
فقدي لكم هائل من الصور الأسرية داخل جهاز الحاسوب
حيث تمكن فيروس من إتلاف القرص الصلب للجهاز
ومن يومها(2001) وحتى الآن أستعمل النسخ الاحتياطي
فلا يوجد لي في جهازي مستند إلا وله أكثر من صورة في أماكن مختلفة( البريد الإلكتروني، القرص الصلب الخارجي، القرص الصلب الثاني، النسخ الاحتياطي في قرص دي في دي ، أسطوانة سي دي الخ)
علي فكرة توجد شركات تمكنك من تحزين ملفاتك الإلكترونية في مقابل مالي زهيد جدا
أتمني أن يجد الأخ ضياء جهازه مع كل المستندات
يا جامع يا رقيب
بالمناسبة:
أتمني أن يقوم أحد الإخوة المختصين بإلقاء الضوء علي فكرة النسخ الاحتياطي وذلك لتعميم الفائدة
أقدم اعتذاري الشخصي لظرف طارئ ولكن ربما أعود ببعض المداخلات إن تطوع أحد الإخوة بهذا البوست والذي أعتبره مفيداً للكل
زين العابدين - الحليلة
|
Post: #9
Title: Re: ادعوا معى للاستاذ ضياء بلال ان يلم فى ما فقده اليوم
Author: مصطفي سري
Date: 03-28-2007, 11:14 AM
Parent: #8
خسارة كبيرة ان يفقد صحافي كل ما يملك وهو جهده الذي لن يتكرر
الاستاذ ضياء من الصحافيين المجتهدين والذين صعدوا في المجال
الصحافي بجهده ومثابرته وصبره ،قد تختلف معه لكن تحترمه وهو
مثال للصحافي الموفور المعلومات واننا نتضامن معه وعلمت قبل قليل ان
البحث ما زال جاريا واعلم كيف ستكون حالة صديقنا ضياء وانشاءالله
تجمع يا ضياء
وشكرا بكري
|
Post: #10
Title: Re: ادعوا معى للاستاذ ضياء بلال ان يلم فى ما فقده اليوم
Author: عوض محمد احمد
Date: 03-28-2007, 11:23 AM
Parent: #9
Quote: ربنا يجمع ان شاء الله
بس معقول يا بكري أشياء هامة كده ما يكون عندها باكاب في ديسك ولاّ فلاش أو سي دي؟!!!
هسة اللابتوب ده ده لو ما اتسرق وحصل فيهو كراش عادي
مش النتيجة واحدة؟؟
وبرضو بندعو انو ربنا يجمع وتكون الداتا موجودة |
|
Post: #11
Title: Re: ادعوا معى للاستاذ ضياء بلال ان يلم فى ما فقده اليوم
Author: ناذر محمد الخليفة
Date: 03-28-2007, 01:46 PM
Parent: #1
قلوبنا معاك يا ضياء ..
خسارة كبيرة والله .. يجمع بإذن الله تعالى ..
Quote: أقترح عليه أن يعلن عن جائزة لمن يحصل على جهازه.
|
يا دينق ...
الحرامية بتاعين السودان ما بيقرو جرايد زي بتاعين امريكا ...
|
Post: #12
Title: Re: ادعوا معى للاستاذ ضياء بلال ان يلم فى ما فقده اليوم
Author: Salah Waspa
Date: 03-28-2007, 02:01 PM
Parent: #1
والله يا بكري خبر مؤلم وكفارة لضـياء وربنا يجمع ليه انشاء الله
ودي يا أخوانا وقفات تنبيه لعمل باك أب لكل عمل مهم وحتى لا نتعرض لمثل هذه
المواقف التي تضيع شـقى سنين ومجهــود ليس بالسهل تعويضه قلوبنا معك ضــياء .
تحياتي بامشهندس
صــلاح واســبه
|
Post: #14
Title: Re: ادعوا معى للاستاذ ضياء بلال ان يلم فى ما فقده اليوم
Author: sunrisess123
Date: 03-28-2007, 02:09 PM
Parent: #12
تحياتي للاخ ضياء البلال والجاتك في مالك سامحتك ،،،،،،، وإنشالله يحصل على جهازه وبه المعلومات كاملة.
|
Post: #13
Title: Re: ادعوا معى للاستاذ ضياء بلال ان يلم فى ما فقده اليوم
Author: أبو الحسين
Date: 03-28-2007, 02:06 PM
Parent: #1
نسأل الله العلي القدير...
أن يجمعك بمفقوداتك أخي ضياء البلال...
فهو القادر والمعين...
تشكرات بكري...
أبو الحســـــــــين...
|
Post: #15
Title: Re: ادعوا معى للاستاذ ضياء بلال ان يلم فى ما فقده اليوم
Author: الطاهر ساتي
Date: 03-28-2007, 02:14 PM
Parent: #1
كفارة يا راجل ...
لكن ياجماعة تعالو نؤاز ابوالضو ده بالطريقة السودانية ..
مش بطريقة اعلن جائزة الامريكية ..
الطريقة السودانية لمن تمشي لزول عيان راقد في المستشفى بتسالو مالك يازول ..؟
يقوليك والله استحميت ومرقت راسي مكشوف جاتنى التهابات ..
اها بتنسى كفارة وطوالى تقع لبع في المريض .. انت تستحمى في البرد ليه .. ليه مانشفت راسك .. ماعندك بشكير ..؟..انت شافع يعنى لازم يوروك ..و......لب لب لب لب لب
لامن المريض يكره اليوم الهو مرض فيهو .. وينسى مرضو .. ويتالم باللبع العليهو ...
دى هى الطريقة السودانية للمؤازرة ...
دحين يا ابوالضو في زول عاقل بيخلى لاب توب في العربية وكمان قدام وزارة ..؟؟
انت قايل نفسك في المدينة المنورة .. ولا في قريتكم الفى المناقل ديك ..؟؟
عشان تعرف انك زول ريفى طيب ساكت مابتعرف صفات ( العاصمة الحضارية ).. ولا طريقة تفكير الحرامية بتاعنها ..
انت زول غشيم ..
قال وقفت العربية قدام وزارة الثقافة والشباب والرياضة ولقيتها مهشمة ومسروقة
ودى حالتها قدام وزارة بتاعت دافورى 
لو حتة تانية حرم ماتلم في العربية ذاتها ...
لو اكرموك شديد كانو بيخلو ليك البطارية واللستك الاسبير !!
بعد يلا نقول ليك كفارة والجاتك في موادك سامحتك ..
اقتراحى ليك ... امشى لى فكى كارب كدة يطمنك ويديك امل اسبوع اسبوعين كدة لحدما تنسى القصة ..
أو احتسب .. زيك وزى ال 35 مليون محتسب ..!!
تحياتى ليك ..
بالمناسبة .... نعمل ليك كشف ..؟؟
|
Post: #16
Title: Re: ادعوا معى للاستاذ ضياء بلال ان يلم فى ما فقده اليوم
Author: محمد المختار الزيادى
Date: 03-28-2007, 02:19 PM
Parent: #1
ادعو الله من كل قلبي ان يجد جهازه الشخصي ,فلي تجربة مريرة فقدت فيها كمية او جل ماصورته من صور وكل ما ادخل بوست عصام عذابات المصور احس بالحسرة والندم,ايضا بسبب الهارديسك حيث فشلت كل محاولات اصلاحه ,وهسي دي انا ماشي انسخ صوري وحاجاتي المهمه,الاخ بكري ابوبكر ارجو تنبيه الاخوة بالمنبر ,لانو حاجه زي دي مؤلمة جدا ما بحس بيها الا مجرب,
|
Post: #18
Title: Re: ادعوا معى للاستاذ ضياء بلال ان يلم فى ما فقده اليوم
Author: مصطفي سري
Date: 03-28-2007, 02:29 PM
Parent: #16
يا الطاهر كيفك ، مالك داير تصيع الزول تقوليهو امشي للفكي الكارب بتاعك
ده انت ما عارف الفكي الايام دي بيودي وين ، وضياء ده ما بتاع كورة مع الاعتذار
لناس الكورة ، ضياء صحفي وعلاقة الفكي بالصحفي معروفة يطير اللاب توب وسنينو
اسحب كلامك قبل ما يودوك محل يوم داك ، ال فكي ال
|
Post: #17
Title: Re: ادعوا معى للاستاذ ضياء بلال ان يلم فى ما فقده اليوم
Author: حسن طه محمد
Date: 03-28-2007, 02:26 PM
Parent: #1
الاخ بكري
التحية والمودة
ما أحلي أن يكون راس المال " كلمة "وأخونا ضياء ما شاء الله عليه راس ماله كبير وسيعوض براس مال جديد .
وان شاء الله اللاب توب يرجع سالم .
|
Post: #19
Title: Re: ادعوا معى للاستاذ ضياء بلال ان يلم فى ما فقده اليوم
Author: سيف الدين حسن العوض
Date: 03-28-2007, 02:51 PM
Parent: #17
ان شاء الله يجمع يااخ ضياء الدين بلال
واكيد ياصحاب اخونا عامل حسابو
والحمد لله حتى الان مافي رفيق قال دى الانقاذ
وان كان هناك من سيخرج لينا بفتوى انها من عما ئل الانقاذ
وان شاء الله يجمع بدون فكى اخونا الطاهر ساتى
ويبدو لى اخونا ساتى من انصار صحافة الجيم تلاتة
|
Post: #20
Title: Re: ادعوا معى للاستاذ ضياء بلال ان يلم فى ما فقده اليوم
Author: nadus2000
Date: 03-28-2007, 03:39 PM
Parent: #19
ربنا يجمع ليك يا أستاذ ضياء
لكن يا ضياء أقدر تمام ان لاب توبات (جمع تفجيخ) الدنيا،
ما بتسوى جهدك وعرقك..
وأنت أحد الصحفيين القلائل الذي نحتوا الصخر ليبنو أنفسهم، والذين أقرأ لهم من موقع المختلف، لكن أعلم أن تبذل مجهودا كبيرا وتتحرى الحقيقة ما أمكن ذلك.
وكما قال الأخ الطاهر ساتي على الطريقة السودانية،
يللا يا بورداب الدوحة تعالوا مع بعض نعوضه لاب توب.....
|
|