زائر.. مسافر من الامارات الى السودان عن طريق السعودية داير مساعدة

السلام عليكم والرحمة
اما بعد

اسمي ص م ا، باختصار شديد ناوي اسافر من دولة الامارات الي السودان عن طريق البر مرورا بالسعودية. وبما ان البورد عندك لامي عدد كبير من الناس فانا محتاج الي اي معلومات من اي زول قام بالرحلة دي. او حتى لو قام بيها من السعودية جدة. (وطريقة شحن السيارة من جدة الى بور سودان).

ودمتم

يا بكري خليهو يتصل على الرقم ده
0096659408205
وحبابو عشرة زولك ده يا بكري

الريس بكرى
بعد السلام وكل عام وأنتم بخير
خليه يتصل بى تلفون 026323862 بجدة - صديق ضرار فى البيت
والمساعدة حاصلة وعلاقاتى طيبة
أو يتصل رأسا ب على أبو آمنة فى توكيلات باعبود للملاحة
تلفون 026270000 توصيلة 328 ويقول له من طرف عمك صديق ضرار
على العموم مافى مشكلة فأنا لسنين طويلة أعمل بجمرك جدة ـ السعودية طبعا ولى علاقة طيبة وباحترام مع شركات الملاحة
وأى شخص يريد توصية فى هذا الشأن فى المستقبل فلك تلفونى يمكن يتصل
وإن شاء الله كل خير . حتى تلاميذى كثر فى مثل هذه الشركات
سلامى
أخوكم صديق ضرار

إضافة يابكرى
على الرحب والسعة فى منزلنا وربما يكون يعرفنا
له هو ولأى شخص يأتى جدة
فحقو يا بكرى تعمل دليل لمثل هذه الأشياء وأوعى يفتكروها بزنيس . وإذا افتكروا ذلك فلا يأتوا لى بتاتا .. .. مفهوم

الأخ بكري
تحياتي و عودا حميد مستطاب
الأخوان أعلاه ما قصروا.
و يا أسماعيل وراق ، ما تقوم بالضيافة براك ، خلينا نتشرف بمعرفة الرجل و نقوم بالواجب.

يا بكري اخوي
زولك على العين والرأس اي وقت يشرف
يا اسماعيل وراق وابوجهينه معاكم في اكرام
ضيف عمنا بكري

والله كويس يا ناس حمزاوي وأبو جهينه ووراق دايرين تفوزوا بالضيف براكم، غايتو أنا ساكن قريب لمدخل الرياض من الناحية الشمالية الشرقية والدرب بيجي فوقي عشان كده ألاقيه أول وأغشية جاري البعيو وبعد داك لو عنده وقت يمر عليكم.

أما الرحلة فيعمل حسابه على 1200 كيلومتر من الأمارات للرياض ثم 1000 كلم من الرياض إلى جدة (بيرتاح يوم في البحر وبعدها 1170 كلم من سواكن للخرطوم.

ويكتر من الفكة لأن الأكشاك وطرابيز الأتاوات والزكاوات والعشور وكل ما لا يخطر على بال من جباية سيلاقيه (تجربتي العملية قبل 3 سنوات 14 إيصال دفعتها من الباخرة حتى خرجت من بوابة الميناء).

أتمنى للضيف التوفيق في هذه الرحلة الطويلة بس أوعك تكون في الصيف لأن سواكن حاره ورطبه وما فيها غير حاجات كده ما بقدر أوصفها مسمينها فنادق.

...

وصف بيتي في الرياض أسهل من أي وصف آخر ، وفوق هذا يتوسط البلد ، فأنت ضيفي أخي المسافر ، وسأجمع لك البورداب لتتعرف عليهم ، لم أجرب السفر إلى السودان برا ، لكني سافرت إلى جدة ، سأفيدك بتجربتي ، والزوادة مسئوليتي ، ويمكنك أن تكمل باقي مشوارك إلى السودان كما أفادك الإخوة ،
ربنا يحفظك ،
اتصل علي بالرقم 056405838
محمد قاسم
خلاص ، أنا منتظرك

الجنيات
عيني باردة عليكم
ويحفظكم ربي ويغطي عليكم
انا طبعاً بعيدة وما عندي طريقة اشارككم الفضل
لكن عجبتوني
وجيت اقول
جد للسودان بيكم
وجيد لي انا باخواتكم في وطن بكري


بالمناسبة يا ود قاسم دا ما تعزيز لدور النساء الجندري في الحماسة وكدي
لكن بالجد تعجبو العدو قبل الصديق

وتسلمو كلكم يا رب
ويا تمبس عليك الله نزل هنا

عجبوني الليلة جو

لكن بتزغردي ليهم ياست الكل ؟؟

جنس زغاريد يا تمبس
وكان حبكت شبالات كمان
اها اتجدعن ونزلها بس

الرسالة التالية وصلتني عبر الإيميل من الأخ صادق مجاهد الزين
يشكر فيها جميع من أبدى إستعداداً لمساعدته.
وأنا بدوري أقول له جزاك الله خيراً يا أخي ونحن أبناء الشعب السوداني هكذا دوماً.
مرحباً بك أخي صادق في ديارك، ونسأل الله لك السلامة في حلك وترحالك.. أرقام تلفوناتنا معك إتصل متى ما وصلت الرياض.

Quote: الرجاء نشر هذه الرسالة كرد علي المضوع المزكور في الرابط الملحق ولك جزيا الشكر زائر.. مسافر من الامارات الى السودان عن طريق السعودية داير مساعدة لكم من كل قلبي تحية وعرفان ولكم من قل روحي الشوق الدافق للقيكم جميعا اهل بلدي واهلي. والله العظيم لو يكسرو لي رقبتي اتحمل الرحلة دي ولو حتي يمتصو جسدي من اخر نقطة دم بس علشان القاكم. والواحد لو كان فيه داخله خوف فبيكم امتلينا شجاعه وايمان بان الدنيا لسه بخير. الشكر لله وحده علي النعم و انتم نعمة من الله الينا وكتر الف خيركم . والعبرة في الحلق والله. والله غلبني الكلام. الله يبارك فيكم الله يبارك فيكم وفي اولادكم واهلكم. انشالله الرحلة حاقوم بيها و انشالله القاكم كلكم في ساعة خير. اشكر كل من قراء وكل من رد وكل من فكر حتي يساعد. اخوكم صادق مجاهد الزين محمود منور الامارات هيئة ابحاث البيئة والحياة الفطرية وتنميتها فنى اول انظمة معلومات تلفون 00971504934200

الاخ بكري :

التحية لك يا اخي ، بما ان انا اخر عضو انضم للبورد لذلك ارى من واجبي ان اكون اول المستقبلين لهذا الرجل و اخونا وراق سوف يضم صوته لصوتي لانه جاري بالجنب و لا اظن الاخوة الاجلاء لديهم اعتراض واضيف انو الاخوة كلهم مدعوين معي بالمنزل و تلفوني 052952631 ومرحب بكل سوداني بل وكل من يأتي من طرفك يا اخي بكري سوداني كان او غيره . وسلمت

هوى ياناس البعيو ده ماتحقروبو
الشغلانية دى ماهى شغلة طول
وعلى راسى يامنور
بس انت تأمر

يا ناس الرياض وجدة يا جدعان
الحكاية جابت ليها ضيافات وزوادات وعزومات
ومساعدات في الجمرك ... ووصف طريق

طيب نحن كان مالنا ومال حق التذاكر ونحضر نايل ووليداتو عشان يشتركوا في مهرجان سودانير عشان يفوزوا لي بالتذكرة الغلبتي وكان مالنا ومال
والوزن..تكون شايل ليك بطاطين.. يدفعوك حق البطانية تلاتة مرات
العجب فلفيل ناس الجمارك...

اها من دربي دا.. يا اسماعيل وودضرار والبعيو وابوجهينة..
تاني ما بخبر درب غيركم ومن هسي دي بصلكم وعربيتي عايزة عمرة
بفتح العين وتبديل اللساتك..

والله فعلا انبسطت شديد من كلامكم ده

ابشروا بالخير والله نجاض نجضة

يا ناس الرياض قايلتها حفله عايزين تنوموا بيها براكم

ابعدوا من الضيف ده بعيد....
اهلا ومرحب بيك الصادق وان ما شالك البيت العيون تشيلك
وانا تحت الخدمه .

تلفوناتى المنزل 4123701
جوال 059444356

ونوم قفا يابكرى

محمد الشيخ

الســـلام


الطريق من الرياض إلى جـده ممكن يكون عن طريق المدينة المنورة و كمان زيارة الرسول

صلى الله عليه و سلم .



عادل حسين

المدينة المنورة

موبايل 057839181

يشرفناأنا وأبو خالد أستقبالك في أول مدن السعودية على طريق الإمارات ( الهفوف )
رقم الموبايل 057205735

مرحب بضيف اخونا بكري

رقم تليفوني 057909071
وممكن نوصي ليهو اخوانا في بورتسودان
والرحلة محتاجة صبر وطولة بال

هوى يا اخونا سلام ،،،
دعواتكم دى بالجد جد و لا كشكرة ساااااي ؟؟؟

ان بقت كشكرة والله عجبتنى بالحيل ،،، دى ما الكلمة الطيبة زاتا !
وان بقت بالجد
والله
والله
دموعى جرت وانا بقرأ فيها .....


الله يديكم العافية ويخضر ضراعاتكم ... وان شاءالله يوم شكركم ما يجى
كلكم ...

اخوكم طارق ..

ملحوظة
والله انا اسع مفكر اجيكم زيارة ...

مرحبا" بضيف الغالى علينا ، ولو ماشلتك بلدنا تشيلك عينينا


ديمقراسى

هواتف : 4655650
4735458

دا شعب ينضام ؟؟؟؟؟؟؟؟؟؟؟؟؟؟؟؟؟؟؟؟

نرحب بضيفنا الغالي

واذا عاوز اي مساعدة ستجدنا قدامك
فمن ناحية السفر لقد جربت السفر عبر البر واعشقه جدا
وحتكون رحلة ممتعة باذن الله
وبصفتي مهندس سيارات - مع وقف التنفيذ - اوصيك بالآتي :
تسليم سيارتك لاي ميكانيكي وقول له انا مسافر عبر البر
تركيب اطارات جديدة ( تيوبلس ) .
تركيب مساعدات جديدة وجلود وكل اجهزة التعليق التحية
التاكد من الاوراق الثبوتية للسيارة .
استخراج دفتر تربيتيك من اي مكتب سفر له علاقة بالنادي السعودي للسيارات او الانديةالمشابه
تركيب بواجي وابلاتين وبوبينا و فلاتر البنزين والزيت والهواء و تصفية الموتور وتغيير السيور كلها جديد واصلي
احمل معك احتياطي طقم بواجي وفلاتر وسيور .
احمل معك عفريتة ( تمساح ) و كل عدة تغير الكفرات
بطارية تورش للاضاءة الليلية و سلك لسحب السيارة .
سبت فوقي يكون قوي ومتين ويتحمل الوزن و مقاومات الهواء و الطريق
وزع حولةلاسيارة بالتوازن ولا تجعل كل الثقل في جهة واحدة
الركاب لابد من استعمال احزمة الآمان وان يتوزعوا بالسيارة توزيع جيد .
ان يكون سفرك دوما بالنهار ( صباح مبكر ) وتجنب سفر الليل لان عواقبه غير محددة .
حاول ان ترتاح كثيرا في الطريق ولا تسرع ولا تواصل السفر ، لان السفر المتواصل يسعرك بالملل
فمثلا انزل في كسلا لترتاح و نام في القضارف ويوجد فندق اسمه المتوكل وهو فندق متخصص في المغتربين والعرسان .
طرق السودان ضيقة فانتبه لها كثيرا كما انه في الاحيان تقابلك بعض المفاجات فانتبه لها فمثلا في احدى سفرياتي وبعد القدمبلية فوجئت بخروج تراكتور الى الطريق فجاة وعلى مسافة مني ولكني كنت منتبه للقيادة وتجنبت الاصدام به في آخر لحظة
وفي غابة الفيل فوجئت بحيوانات تقطع الطريق امامي وكنت منتبه و انا داخل القضارف باليل فوجئت باحد القندرانات امامي وليس له انوار خلفية .
المهم انتبه لنفسك ونحن في الخدمة وبالذات الاستشارات الفنية

صلاح غريبة
053114175
4121760

مهندس ميكانيكي سابق و تايه حاليا