رسالة مفتوحة الى كل الاداريين و الكوادر السرية بالمنبر الحر

اخوتى و اخواتى الاداريين والكوادر السرية الساهرون الليل من اجل منبر حر ديمقراطى مهتم بقضايا شعبنا ...نيابة عن كل اعضاء المنبر الحر اشكركم لما تقومون به من اجل تنظيف المنبر من الصعاليك و الهاكزر و الماجوريين....الخ ارجو منكم من يوم 15 ابريل ان تقوموا بتطبيق القوانيين و اللوائح الموضوعة اعلاه بدون تردد حتى على امين الموقع نفسه و ذلك بتحويل البوست الذى يحتوى على خرق للقوانيين الى الصفحة الادارة لامين الموقع(تحت المجهر) و تغير كلمة السر الى العضو الذى خرق اللائحة ...حتى اقوم بعمل اللازم معه
وشكرا
امين الموقع

علم وينفذ ..

الاخ العزيز
بكري تحية

اعرف تماما ما تعانيه في سبيل الحفاظ على الوجه المشرق لهذا المنبر وعلى سودانيز اون لاين.

ولكن الحفاظ عليه لا يكون بنشر العسس او الكوادر السرية بل بمحاصرة روح الهيمنة ومحاربة الذين نصبوا انفسهم اوصياء او آباء جدد ، لا يرغبون في الصوت الأخر وسيتربصون الفرص اذا لم يكن هنا فسوف يكون في مكان آخر.

برغم ذلك فقد ساءني ان ارى هذا المصطلح (الكوادر السرية) الذي تشتم منه تلك الرائحة والموضة التي راجت مع ما يعرف بالاحزاب التقدمية وكانت وبالا على العمل السياسي في السودان مزقت كل اطرافة وطال الشك كل الشرفاء ،
(الكوادر السرية) مولود شرعي لمصادرة الرأي الآخر، وعصا لفرض الرضاء والطاعة والخنوع ، انه نظام التجسس وجهاز الامن،
كنت متابع يومي وزبون مخلص للمنبر انا وكل افراد اسرتي لاكثر من عام وخبرت كيف اتلمس الاقلام المشرقة حتى من الذين لا اتفق معهم، ومن خلال هذة التجربة اليومية الطويلة خرجت مقتنعا ان الكثيرين والكثيرين جدا من المشاركين قلبهم على الوطن .
مستقبل وامان المنبر في امان هؤلاء وتأمين حقهم ويكون بنشر الكلام الواضح وقولة (لا) بدون مجاملة او تحيز لكل من هدد بعصا الوصاية والمشيخة، لا بنشر البوليس السري.
يجب الا نجزع من الاختلاف ولا نبدي اننا هابتنا (عكة) في طريق الديمقراطية وبناء اسس للحوار. وليس هذا استهانة بما حدث، فهنالك الوحه الآخر للقضية، في كل هذة الاصوات الانسانية التي نشطت ومدت حبل الحوار للنهاية
بلا كلل ولا هوادة ولا مجاملة ورفضت التراجع .
اخي يجب الا ننهج درب الكوادر السرية لان كل الشرفاء وكل هؤلاء المهمومين بالحرية وحق البشر وحق البلد
هم وحدهم دعامة الحفاظ على المنبر والعين الحقيقية لكشف المساوئ والعيوب وبوادر اختراق امن وحرية الآخرين، كل ذلك بالادلة والحقائق والحوار الى نهاية النهاية.

كوادر سرية؟؟؟؟ هى حصلت؟؟؟ ..

استاذ مريود على
شكرا للمداخلة الظريفة لكن يا خوى مالك عاجن و طاحن كلامى الى اليسار ....يا حبيب ما الاخوان ديل تبرعوا ان يقوموا بهذه الاعمال الادارية و الفنية بدون معرفة الاخرين وبس ....يعنى الموضوع لا هيمنة و لا محاولة للتجسس ولا...ولا .............الخ ....ففى النهاية امين الموقع هو المسئول عن كل شى فى الموقع
وشكرا يا حبيب

What you don't know, doesn't hurt you

شخصيــا لا يهمنى أن تكون هناك كـوادر ســريـة أو جهـريـة.. لكنى أعـرق ناس الواحـد فيهـم لو شـاف عربيـة بوليس فى المـرايــة بيتجهــجــه!!!!
أرجــو أن نرحـم الإدارة ونتـرك أسلـوب إتصالاتهــم مع بعضهـم، لهـم فقــط.

الكوادر السرية


عبد الكادر سالم....هههههههههه... شفت السغالة دي؟

وانشاء الله انا في التلت السالم

Quote: ...حتى اقوم بعمل اللازم معه

والليــــــــلة !!!!!!!

من الكادر سري 005 الى الكادر الاداري 004 ..... حول


فى سغالة حايمة !!! اعمل اللازم .... حول

..
.

سمعت يا بكري بالمثل العامى البقاري البقول:
ام كبك فصلوها لى عراقي ..

حسي فى داعي يختوك فى الزاوية الضيقة بتاعت زيدان دى ؟؟
البخليك تجيب سيرة كوادر سرية شنو ؟؟
كان تخليها لا من شاف لا من دري..


يا سى جى
انت لسانك اتعوج ؟؟
الواحد بقى ما يقدر يقراء ليه موضوع من دون تعليق
الا المواضيع الفيها الهواء والهوى
غايتو جنس سغاله


سلام

السلام عليكم ورحمة الله وبركاته
حالة الطوارئ لزومها شنو الاخ بكري وكل المداخلين
اولا: جميعنا كبار والذي يقرأه امين الموقع والكوادر السريه ويفرقون بين الصاح والخطأ أو يمنعون الاشتباك قبل حدوثه تفدير لم يحالفه التوفيق الي أي مدي سيتاثر اولئك المصححون.
ثانيا: لم لا نرد بأدب وموضوعية ليتعلم كل مسئ للاخرين ان ذلك ليس من حقه في شئ اويجد نفسه وحيدا.
ثالثا: كل من يكتب له رأي يبحث عن طريقه لآيصالها للاخرين وهي دعواه اي كان نوعها وبشري للاخرين ويراه الحق, وليس في ذلك ادعاء لناصيه الحق او الحقيقه.
الشكر وما بينا زعل
أدم جمعه Khallo
[/B[

والله يا بكري !!!!
حكاية الكوادر السرية دي صعبة ، يعني الواحد حيبدأ يشك يا ربي فلان ده كادر سري ؟ ياخي كدة حتخلينا نحاول نزوغ من اي زول وما نرد عليهو رد حار .. ما احتمال يطلع كادر سري ولا مصيبة .. هم الجماعة ديل معانا ، معانا يعني .. والله بالجد صدقت انوا المنبر ده وطن حقيقي مش فضائ ...
علم ويا جماعة تاني الواحد لو بتكلم يتلفت والله الكوادر السرية دي عندها قدرة غير محدودة علي الفحص ، والتدقيق ما هم قاعدين خلف الكواليز ، وامسكوا الخشب

الكلام عن كوادر سرية على المفتوح هى من باب دق الجراب خلى الجمل يخاف
يا شباب برغم من حساسية مصطلح الكادر السرى و الغواصات خاصة لم عملوا
فى الساحات الطلابية لكن ما نتمسك بالشكل و الاخ بكرى ما مطالب بنحت مصلحات
بس يهمنا ان المضمون و الفصد سليم و ما اظن اننا نشك فى سلامة توجه بكرى
و الادارة.

و امشى عدل يحتار عدوك فيك

يعني يا بكري الكلام ده ما كان بتقال ليهم في ميسنجراتهم بي غادي؟؟
ولا القصد انو تورينا انو هناك اوغاد عارفين باص ويراداتنا..
اعلم يا صديق انا لامن سجلتا هنا مسكتك انتا بس الباص ويرد والنك نيم ..
ليس ثقة بك ولكن لانو لاخيار اخر متاح..

ولذلك مالم يكن هناك شبهة هكر او ما شابه لو لقيت اي تعديل في بوستي من زول غيرك ..
بفتح فيك بلاغ....

ما عندي اي استعداد القى واحد من كوادرك ديل موقفع لي في بوست او رد في بوست ..


والسلام
ـــــــــــــــــــــــــــــــــــــــــــــ
رسالة مغلقة الى رفقاء الدرب احبتي السريين في المنبر الحر بسودانيز اون لاين
ــــــــــــــــــــــــــــــ
البيان الاول
ـــــــــــــ


كما تنبأ دكين تماما لكم في خطبته السرية في عشائة الاخير في ذلك الخميس من ذلك الشهر عديم الملامح ..
قلتا ليكم بكري ابوبكر عندو غواصات وجواسيس يعدون على اخوانهم في شتات الارض انفاسهم وتطلعاتهم وامالهم يمحصونها ويغربلونها ..
كوادر لاتنام وهم ولله الحمد تشكيلة لا باس بها فيهم ماركسيون مرتدون ومسلمون في المهجر وادباء صامتين و فنانين ذوي
فما كان صالحا لهم تركوه وما نهاهم عن بكري ابوبكر وحذفوه ..
وقد ذكرت فيما ذكرت يومها والليل بهيم ذكرت لكم :انه ليس من المستبعد انهم يملكون باس ويرداتكم ..
وهواهو بكري الحبيب يقولا ليكم في وشكم ..عديييييل بلا خجلة ..
يعني تفاصيل علاقاتي التي لا احب ان يطلع عليها احد هسع عند ناس الكوادر السرية بتاعة بكري ابوكادر
يجيني بعد 3 سنة واحد ما بعرفو يقول لي انتا قتا كدا ..كدا ..كدا لي فلان وكدا كدا كدا لي علانة ...ويبستم في خبث ويضيف
جيب سبعة الف ريال وانا ما بقول حاجة في التحقيق
اقوم اطلع ما عندي سبعةالف ريال يقوم يقول كل شي
كل شي بلاا استثناء..
ونساتي الفوق فوق وونساتي التحت تحت وونساتي الفوق تحت ..وهلم بشتنة ..

رفقائي احبتي السريين
ان المحنة التي تعرضتهم لها اليوم لهي محنة كفيلة بان تعيد اليكم الواقع الذي هربتم منه ..
الم تخرجو منها لان ثمة كوادر سرية هناك؟؟
الان لا مفر لكم ..
ان السودانيين يفرون بثقافاتهم اين ما توجهو..
وبكري خرج بثقافة الكادر هذه ..
قد اعتاد السودانيين هذه الكوادر في كل شي ..

اعلم ان يقين الغالب فيكم سيهتز وسيفكر البعض في المغادرة محبطا ..
والبعض الاخر في شطب مافي اوت بوكس بتاعو ثم يغادر محبطا ايضا ..
والبعض لن يفكر في اي شي وسيغادر دون اشارة..
وستبكي صديقتنا تلك وتنتحب ..
لكن الله غالب ..
والجاتك في شماراتكم سامحتكم ..





وعليه اختم واقول لكم


بكري ما هو إلا جزء من نسيج سوداني ..
سوداني زيكم ..
انتو كنتو متوقعين منو شنو ؟؟



بس عشان تعرفو تاني انو دكين دوما على حق..



ختاما تقبلو وافر اعزازي ومحبتي


التوقيع

دكين الذي لا ينام ويعرف كل شي .. الذي عتق من ظلمة الظن والتخمين

الحبيب بكري لك التحيات الغوالي تمام سيادتك علم وينفذ ‏
الكادر هو فب ل 2121 حول ‏
الكادر سي جي حدد الهدف
الكادر روم ما نسي نفذ ‏
دكين مشط

Quote: الاخوان ديل تبرعوا ان يقوموا بهذه الاعمال الادارية و الفنية بدون معرفة الاخرين وبس

يا بكري..لسه في محلات فاضيه...

أتاريك!!!!
كشفناك يا رجاء ،،