هام و عاجل الى جميع الاعضاء

اخى و واختى الكرام
سوف يتم خذف اى بوست يناقش-يسى الى اى عضو او زميل فى المنبر خفاظا على الباندوث الذى ارهق امكانياتنا المتواضعة..... و لجعل المنبر وطنا لمناقشة قضايانا و قضايا شعبنا بدلا من الغث و اللغو و غير المفيد ....اكرر البوستات التى تسى او تشوه صورة زميل لنا بالمنبر او محاولة لاغتيال زميل لنا بالمنبر ...او تاليب بقية الاعضاء عليه .
سوف تكون هذة المهمة مسئولية امين الموقع
وشكرا
المخلص
بكرى ابوبكر

كلام ونضم رجال

لك التحية بكري.،

شكرا يا حبيب
سودانيزاونلاين للتثقيف...التنوير....الونسة...الاخبار...المعلومة....الخ
و ليست مكانا الى الشكل ...العوووات...التى يمكن علاجها بعيدا عنا
نرحب بالصراع الفكرى المفيد لنا و لزوارنا الكرام و سوف نخذف كل بوست ذا صراع شخصى غير مفيد يهدر ارسال بياناتنا فى الفاضى
يلا لى قدام

شكــرا يا باشمهنـدس بكــرى،
يا دوب البـورد حيكون مكان للحـوار الصحى و تبادل الأراء المفيـدة، والتعلم والتعليـم.

Salam brother Bakri
This is what we expected you to do long back, but still "Better Late than nothing"BTW
BTW ya Bakri this is the first step, I hope that U consider other things, any How, el3afia Darajat.
Taslam ya Habeeb el Kul

Quote: سودانيزاونلاين للتثقيف...التنوير....الونسة...الاخبار...المعلومة....الخ

ده الكلام

الأخ الغالي العزيز الرائع أبوبكر
كلام تمام جداً ونتمنى ن الجميع ألا يحجوك للقيام بحذف أي بوست حفاظاً على هذا الوطن الغالي ووقته الثمين ووقتك الالي والباندوث

شكرا يا شباب للمداخلة و التضامن
يا اخوانا ما معقول ...قربت اجن من الرد على التلفون و الايميل ... ....يعنى الواحد لا يلقاها فى الشغل و لا الموقع على كل حال العندوا مشكلة مع عضو او عضوة بسودانيزاونلاين فى الحزب فى الحلة ...فى الرابطة ...فى بنية.....الخ يحلها بعيدا عنا و ما تدخلوا الاعضاء و شخصى الضعيف فيها ....الفينا مكفينا ....فامين الموقع يومه 24 ساعة ما 48 ودى فيها شغل و 4 ساعات نوم و التزامات اسرية و سيرفا و نشر اخبار......الخ

Quote: و سوف نخذف كل بوست ذا صراع شخصى غير مفيد يهدر ارسال بياناتنا فى الفاضى

اييييييه داااا الشغل دااا الشغل
حاج بكري قلتا لي كمان بقي فيها دور شكل في بنيات
دا خبر داير ليهو تعليق

الأخ العزيز/ بكرى.

شكراً للاستجابة السريعة, كما أرجو من جميع الأخوان والأخوات المساعدة في ذلك.

Deng.

نثنى ونشكرك

الاخ بكرى
كلام زى الورد
وكل الشكر لاجتهاداتك وزمنك .

بكرى ما تمدها كم يوم كده
عندى شكلتين
مع دكين فى بنيه
ومع سجيمان فى.....غنمايه

المدير بكرى ابوبكر
نثنى ونشكرك , لكن دعني اختلف معك الزميل الدي يشتم زميل
يجب ايقافه فوراوليس فقط حذف البوست الدي يسى الى زميل
واتمني ان تتحركوا في ما قيل اليوم قبل الغد

وتشكر

تسلم ياحبيب , انشاء الله ترجع ايام زمان
ونسة وضحك وفرفشة ونقاشات بناءة
لك التحية والتجلة
وانا تحت الخدمة فى اى مساعدات فنية
تحياتى
بكرى

اولا تحية وتقدير
لك يا باش مهندس
والله مثل هذه المهاترات الشخصية هي التي اضاعت السودان كل تلك السنين التي مرت بعد الاستقلال لانه العملية عملية تربية ومعرفة
بالامور العامة والتمييز بينها وبين الامور الشخصية والخلط بينهم
هو مضيعة للوقت لذلك نحن نقف معك و ندعم كل موقف مثل هذا
وفي نفس الوقت نحن نعتزر لك لاننا بصراحة اخذنا كل وقتك ونرجو من المدام والاولاد ان يعزرونا.
ولك كل الشكر

تسلم يا بكري
والي الامام

الله يعينك

أوافق بشدة
لا وألف لا للمهاترات

قرار حكيم يا بكري ،
هذه هي الاصول التي لابد من مراعاتها بين افراد هذا المنبر

وتنفيذا لهذا القرار الحكيم اناشدكم بحذف البوست:

Quote: السايكوبات المدعـو متوكل التوم

حسب معرفتي بالاخ متوكل سيكون لوجود هذا البوست

اثرا نفسيا سيئا عليه،

فهو من اكثر الناس تهذيبا وحساسية،


عبد المنعم عبد الله عجب الفيا

كلام فى المليان


نعم المنبر للتثقيف و المعرفة
مشكور اخى بكرى و الى الامام

كلام رجال والله
يا ود الرجال
لك القيام والاحترام
والله يكون فى عونك دائما
امال
ام وضاح

قرار حكيم..
و للامام

شكرا
ارجو ان انبه العضو الذى يتم ايقافه لمدة شهر لمخالفته قوانيين المنبر مراسلة امين الموقع عن سبب ايقافه

الله يعينك يا الحبيب ، وأنا شخصيا قلبي على أم العيال وعيالها الله يديهم الصحة والعافية ، وندعم قراركم بكل قوة .

سلام يا ريس بكري اعتمد كلامك وابصم بي ال1000 لكن عندي اقتراح ما رايك ان تكون لجنه محايده لتراجع كل بوست قبل ان يتم انراله في المنبر وتحزف كل ما هو منافي ومخل لاداب وقوانين المنبر





OH DON'T CRY NO MORE,BABY GIRL,FOR SURE, JUST REMEMBER THE GOOD TIMES WE HAD BEFORE.

لقدام

الأخ بكري وكل الإخوة والأخوات عبر هذة النافذة السودانية

بما أن الكمال لله وإننا فقط ضيوف علي هذة الفانية ويوماً سرنحل

وسيذهب مع الفرد منّا للآخرة عملة وتبقي سيرتة بين الناس . لا يا إخوتي نريد أن نسعي في سلم الكمال بقدر الإستطاعة وتبقي قيم السودانين الجميلة أمانة في أعناقنا أينما ذهبنا وحللنا وكذلك الوطن الذي يمتد مليون ميل من المساحة الجغرافية وفي دواخلنا يتمدد بلا حد ولكنة علي مستوي المكان ضاق بنا فأرتحلت عبر الفجاج كثير من الأنفس السودانية وفي نفسها السودان تتنفس بة . ولعل دعوة بكري هذة فرصة لطلب الصفح من بعضنا البعض وتطوير هذة الصفح ليصل لكامل مجتمعنا السوداني عبر مختلف تشكيلاتة .


بحيراوي

نقول نعم ... لكي يكون المنبر نموذج مصغر لوطن التعايس السلمي وقبول الراي الآخر.


لك التحية أستاذ بكري ...

جاد

شكرا لك وهذا هو الغرض الاساسى من البورد ودافعنا للاشتراك فيه كساحة للحوار الهادف والمفيد

الأخ العزيز الأستاذ بكري أبوبكر

تحية أخوية

و الله لقد صادف هذا القرار الصائب هوى في نفوسنا و كان له صدى عميقا ،، فقد دلفنا لهذا الوطن بغرض الإستفادة و الإطلالة على أبناء و بنات الوطن ،، و لكن تم إستغلال البورد في بعض الأحايين لتصفية حسابات قديمة و جديدة ،، و تندر الكثير من غير أبناء الوطن علينا بسبب المعارك في غير معترك التي تدور في البورد.
فهنيئا لنا بهذا الوطن المعافى من كل ما يلطخ وجهه الناضر السمح ،، و هنيئا لنا بجو صحي نتنفس فيه عبق الحوار المثمر و المعلومة المفيدة.

تشكر بكري ،، و إلى الأمام.

كده تمام والله يا بكرى

مش كفاية بالله الناس الفاتونا وخلو الحله كلها بسبب الجوطة الما منها فائدة دى

شوف كم من الناس الحلوين حردوا وطفشوا

الأخ الحبيب بكري

لك التحية والتقدير ..
ودا كلام سليم نؤيدك عليه ..
ومعاً لنجعل المنبر ساحة لإثراء الحوار الجاد والهادف ..
وفقك الله

نعم يا استاذ / بكرى وسلمت يداك والله يوفقك والتيم المعاك

بسم الله الرحمن الرحيم
الاخ الكبير ابو بكر
اولا السلام عليكم وازيكم يا ناس البورد ومشتاق ليكم عدددددددددديل بعد الغيبة الطويلة دى
نحن دائماً نتعلم منك وده واجب الاخ الكبير على اخوانه الصغار والمثل قال اسمع كلام الزول البيبكيك ولا تسمع كلام الزل البيضحكك والحرية والديمقراطية هى شنو ما هى انك تقول اى كلام عايز تقولوا بشرط الا تتعدى على الاخرين فى حرياتهم واقوالهم والديمقراطى هو الذى يتقبل كل ما يقال فيه دون اى انفعال او اى حساسية واذا كان الكلام ما عجبك ممكن ترد بنفس الطريقه ولكن دون نبذ او شتيمة لانو اذا غلبك المنطق وما قدرت ترد تكون انسان مفلس ولا يحق لك ان تتحدث عن الديمقراطية والحرية





شـــــــــــــــــــرقاوى يجــــــــرح ويـــــــــــداوى

نوافق
ونؤيدك ونشد من أزرك
يا اخونا بكري
لك الشكر والتقدير من قبل ومن بعد
يا سجيمان اخوي
أهو ضاعت عليك
انا ما قلت الحق جكس قبل ما تبوور وتعنس

يا ريت من زمان.

لكن يا بكري في ناس حيتعبوا جنس تعب
أها والله بعد دا خليهم اليشاكلوا ضلهم.

تسلم يابكري
و يسلم قولك
ولي قدام شان نعرف لينا حاجه مفيده




ممكن يا بكري تعمل لينا منبر خاص بالشكل وماشابهه عشان يجرو يشاكلوا فيهو وما يلقوا ليهم حجاز

ومن هذا المنبر أورد الآتى
أى حد يتاجهل البوست بتاعى أو يسىء له
أو يشارك فى تنزيله تحت البوستات سررررررررررريع
أو يشمت لعدم المداخلات الكتيرة سوف يعرض نفسة للمساءلة الحميمية بينى وبينه انا فاضى من التصميمات والماسنجرات ومتابعة البوستات
والشتات


لك التحية أستاذ بكرى وكل الاعضاء والزوار جمعيا يكنون لك الود كله والإحترام ...وأنت أهل لذلك...... قدام

اثني قرار حكيم

بت فاطنة

تمام يا أخ بكري كلام زي السكر
مع إنو كنت ناوي لي لي زول كده
لكن مصلحة البورد فوق شي

الاخ بكري ابو بكر

السلام عليكم ورحمة الله

دخلت الان الي المنبر ووجدت ان موضوعي الذي نشرته قد تم حذفه ، الموضوع المشار اليه لم يطعن

في احد ولم اسئ لاحد كل ما في الامر انني كنت امينا مع نفسي وانا اكتب، البوست المعني حدثت به

بعض الاشكالات وانا شخصيا لست مسوؤلا عنها اطلاقا.

لذلك يرجي اعادة البوست المحذوف ويمكنكم حذف ما ترونه غير لائق ( كما حدث سابقا)اما حذفه هكذا

فهو امر غير مقبول بالنسبة لي

والله الموفق.

الاخ بكرى
تحياتى
بوست الاخ اسعد اعده من انقى البوستات التى اطلعت عليها
حاول فيه اسعد ان يتصالح مع ذاته ..اعتذر فيه عن فهم مغلوط
ولو دفعت مداخلات بعض الاعضاء البوست لغير مايرمى اليه اسعد
فاسعد غير مسؤل من كتاباتهم.
والا فالنعمل بمقولة
المداخله فى اى بوست على مسؤليه كاتبه

صح لسانك يا زعيم
رغم اني متحفز على جزء من كلامك
لأن قيمة الإنسان هي المؤثر الذي يحدد
مساحة الحوار ونوعه وأسبابه
والمشاكل هي النكهة الطبيعية لطعم الحياة
والسب والشتائم أحياناً نجد فيها شفاء
لما في صدرونا فبدلاً من أن نفرغه في الزوجة
أو الإبن بالمنزل نفرغه بعبارة أفضل من التصرف العملي

أخي بكري
كلامك سمح بالحيل
ودة الكلام الصاح

ودي هي لغة الحوار و ثقافة الخلاف

=====================
همسة لك يا بكري

تلقيت إساءات بالغة وكذلك أسرتي في بوستات الاخ صديق الموج في بوست الصالحية .

اتمنى مراجعتها و هل هي جزء من ثقافة الخلاف

الرابطة الرياضية للسودانيين بالخارج ( الصالحية ) وورشة العمل

مرحبا استاذ بكرى .. قرار حكيم ..وربنا يعينك
وكما قال اخى المطر .. فعلا ناس كتيره طفشت من البورد .. اتمنى عودتهم مره اخرى .. على راسهم الاستاذ الشاعر الفذ عبد القادر الكتيابى ..وكثيرون
لكم التحيه والتقدير..

الأخ الكـريـم أسعــد،
أرجـو أن نوجـه أى إعتـراض على قرارت إداريـة لأمين البورد فى الإيميل الخاص بـه، وإلا فستجــد من يقف مـع القـرار، ومن يقف ضـده، ومن يقف بين بين، ومن أدمن دق طبول الحـرب، وصب النار فى الزيت..