من الحلفاية سلام و محبة

الاهل
الاحبة
و الاخوان-ات
ابعث اليكم سلامى و تحياتى جميعا من بلد اهلنا العبدلاب التى وصلتها امس بعد رحلة طويلة وشاقة و بعد غربة طويلة
و تلفونى 12614135

الأخ العزيز بكري أبوبكر
لك ولأسرتك الكريمة كل أمنياتنابإقامة طيبة بين أهلكم وأحبابكم

نجاة

حمدالله على السلامة يا بكري و ان شاء الله نشوفك قريب

بكور
سلامة الوصول
واكيد حنتقابل والبلد نورت

نفسى فى ملاح خدره ,,,ممكن تجيب لى معاك خدره ناشفه!!!!!!

النصرى

الحبيب بكرى

و احنا نقول الزول ده مالو مسجل غياب من البورد

اتاريك عملتها

عموما حمدالله الف على السلامة

و يا فرحة الاهل و الاصحاب بيك

الأخ العزيز بكري أبوبكر
لك ولأسرتك الكريمة كل أمنياتنابإقامة طيبة بين أهلكم وأحبابكم

بهاء

الاخ / بكري والاسرة الكريمة

حمدلله على السلامة يا زعيم

بكري الغالي..

ألف حمد لله على سلامتك وأولادك.. واتمنى انو تكون وجدت جميع الأهل بخير.. والبركة فيكم مرة تانية..


ارجو مراجعة ايميلك الذي اراسلك به..

الـعـزيـز بـكـري أبـو بـكـر..


مع التمنيات بقضاء اجازة سعيدة..

تخريمات:

- لازم تشرب شاي الصباح بلقيمات كل يوم ..
- وكمان تفتش على (بيزيانوس) وتشربها بعد كل عشا..
- نوم في الحوش على قدر ما تقدر.. إلا تجي المطرة..
- امشي حفيان في التراب النااااعم بتاع السودان ..

وبجيك تاني لحاجات ووصايا..

..
.
لا لا
ما بصدق
الظاهر الواحد حيلاقيك فيس تو فيس
ادينى بس الجمعة دى
الف حمدالله على السلامة بين الاهل والاحباب

مع الود ..

حمد الله علي السلامة ... واقامة طيبة مع اهلك واصدقائك

حمدلاّّ بالسلامة يا بكرى
وقدلة يا مولاى فى زقاقات حلفاية الملوك، حافى حالق، ومغرم صبابة..
أرجو أن تنقل تحياتنا وأشواقنا للاهل والاصدقاء

الغالي ود حبيب
حمدا لله على السلامة
واجازة سعيدة وسط الاهل والاصدقاء والبورداب ايضا

الاخ بكري ابو بكر

نتمني لك اقامة طيبة في بلد اهلنا العبدلاب
وعودا حميدا

ايمن بشري

الاخ بكرى
الف حمدالله على السلامة
اقامة سعيدة وسط الاهل والاحباب
ولقيت السودان كيف بعد الغيبة؟

الباشمهندس بكرى تحياتنا لكل الأهل فى السودان وأشرب لينا كتير من موية النيل وقصب السكر والليمون البارد جوار موقف الصحافة ويكون مشقل أغنية ود الأمين بتتعلم من الأيام وما تنسى تقيف فى مقطع(تعال قبل السنين تجري وتعال).

الحاصل شنو الناس كلها رجعت السودان الا انا .. وكم نفر..

مانجي نعملا ونرجع كلنا السودان ونعمل

(لقــــــاء بــــورداب العـــــــــــالم في الريفيرا )


بكري ابو بكر عملتها من غير سابق انزار ومن غير وداع زي

حق تبلدينا انا عارفه ليه عشان مانشيلك حاجات ووصايا للسودان

لكن حقك راح شوف جنس ناس النصري ورجويه




اتمني ليك اقامه طيبه بين اهلك وناسك وسلام كتير للوطن




نوف

بكرى سيد الدار وصل الديار

دقيقه كلم باقى الشباب

ومرحب بيك فى ديارك وحانتقابل ان شاء الله

ضمره عقاب

العزيز بكرى

مرحبا بك فى وسط اهلك واحبابك

ونتمنى لكل اقامة طيبة بيننا والواحد يا دوب عرف ليه الخرطوم بحرى جوها اليومين ديل بقلى ربيع ليه ؟؟

ود حلفاية الملوك
حمد الله على السلامة ، لي ذكريات في الحلفايا بالمنطقة التي كنا نسميها اللاسلكي ، سلمي على ناس الحلة ديك ،،
وتحياتي للأهل ،،

الحبيب ود حبيب وابويوسف

اجازة سعيدة وسط الاهل والاحباب

ولازم تعمل مؤتمر سودانيس اون لاين

وتؤسس مؤسسة سودانيس اون لاين الثقافية

وستجد دعم كل بورداب الوطن الحبيب

المهندس / بكري
شيخ العبدلاب
شرفت حلفاية الملوك
وأهنأ بالاهل والاحباب في بلد الاحباب
وتحياتي لك وللاهل والجيران وناس الشارع كلهم

بكري:
نتمني لك و للاسره أقامه سعيده بالسودان...
وسلامنا لكل شبر به ولكل أهلنا....

واجازة ممتعه,,,

الحبيب بكري حبيب
تحياتي الحارة لك ولمن معك وجميع أفراد أسرتك وطالما أنك هنالك أوصيك وصايا في الذمة
* سلام لجميع أهلنا بالحلفاية وكل من تقابله وقبل أن تصل الى دكان ملوص بلغ تحياتي لعبد العال عبد الله" خالنا" ويوسف عبد الرحمن " صاحبنا" اللاعب الفنان.....
وعندما تذهب شرقا تحياتنا الخاصة جدا لامنا نعمات جماع أم جماع مصطفى ورغم اني دائما بوصل ليها سلام عبر ولدها محمد مصطفى جماع لكن هذا للتأكيد وقول ليها مازال أنور يذكرك ويتمنى لك ولجماع كل خير........
وملاصقا لدكان اليماني لا تنسى أن تسأل عن أخبار صديقنا هشام " الوسويس" رغم أني أدري أنه في لندن لكن ليس لدي عنوانه ....
ولا تنسى تمشي الصهريج وما أدراك ما الصهريج وتصدق يا بكري عندي صورة من استديو الحلفايا عمرها الأن 36 سنة بس ما تسألني عن عمري أو أقو ل ليك دسو من الجماعة ....
المهم بالقرب من الاستديو تلقى بقة الزمزماوي اللاعب الخطير بلغه تحايا خاصة.......
غرب الصهريج ما أظن أن هناك معلم اكثر وضوحا من القبة وشرق الصهريج ما أظن أن هنالك معلم أهم من المعهد وميدان الاخوة ...
توقف قليلا هنالك ...... وسلم على جميع أهلي " فريق حاج أحمد" أولاد صباحي وأولا د مصطفى الملثم ..... وأولاد الشوش بما فيهم حبوبة وجد أولادي ........ عرج قليلا لتسلم على صديق الروح بركات بابكر حمد صباحي وتسأل عن أخباره....... وعن أولاد العمدة زكي..... وميل قليلا ناحية الشمال لتسلم على أولاد دوليب والحافظاب والحضاباب ......... وأقطع الردمية مرورا بكل الأحياء الجميلة بفريق الشايقية لتسلم على بشير نمر نصر وذهابا الى اللاسلكي والأمانة في الذمة سلام خاص لأبوي خالد الميز ولامي أمنة عبد الله ......... وماتنسى تعاين لمدرسة اللوا وشجر العوير بقى سور عالي وأصبحت مغازلة البنات أمرا مستحيلا وبعده بقليل سلم على محمد شانتير المدرب الذي فات سكولاري في تنظيراته وسلام لجميع أولاد اللاسلكي وأخص أولاد الشاويش وأولاد المساح وكنت أريد أن أحملك سلام لحلفايا" الفاتح بشير" لكن أظنه رحل من الحلفايا الى الدروشاب وحتى لا أطيل سلام خاص لأهلي التماسيح والضراسة وخصوصا أولاد صديق تمساح معتصم ، محمد ، مامون ، هارون والبقية .......... وطبعا قصاد بيت عمتك أم دولة يرقد بيتنا القديم من الحجر الذي مازال يقاوم لكن هجره معظم أهله الى بيوت جديدة وأحياء أخرى ........
مر بسرعة على المزيرة جنب دكان كبير وسلم على أهلنا النورديناب وسلا م خاص لوالد الأخ محمد الشيخ واخوانه صديق وعلي والبقية أ ما عمر ومحمد ففي بلجيكا ........

صدق يابكري لو استمريت في الكتابة حا تقضي كل اجازتك ولكن لابد من سلا م لجميع اساتذتنا
- عبد الرحيم عثمان" الرحا"
- صلاح شكر الله
- بلبل
وغيرهم ممن لم تسعفنا الذاكرة في تذكرهم

مع خالص تحياتي لأسرتك وبلغهم خالص تعازينا في مفقودتهم

ولك مني أحلى سلام.......

دقيقة يابكري أهم حاجة نسيتها في غمرة الكتابة والأشجان والله عيب كبير ......لكن نعمل شنو
سلام خاص لأمي ليلى بنت خالد الميز ولأبوي الطيب قسم الله المهل لكن دة حا يخليك تقطع الزلط شرق الطلمبة القديمة اسة في طلمبات كثيرة شرق مسجد المانجلك وسلام لجميع أعضاء مربع سبعة دون فرز خصوصا ناس الزاوية.......
وجنب المزارع سلم على د. عون وعلى خلف الله على خضرة وعلى عمر عوض عديل وعلى د. معاوية مصطفى حميدة.......

ياخي دة موضوع طويل الظاهر اجازتك حا تروح شمار في مرقة

بالطريقة دي بس حبينا نقول ليك انو الحلفاية فقط غادرناها جغرافيا لكن وجدانيا مازالت محفورة في الوجدان ..........

الحبيب بكري ، حللت أهل الحلفاية الأصيلين ونزلت سهل الحلفاية الرحيب
تحياتي لبلد الأصالة والعلم من الطرمبة لحدي الكيلو (طبعاً بتكون في امتدادات وانبعاجات إنقاذية جديدة)

الأخ العزيز بكري أبوبكر
لك ولأسرتك الكريمة كل أمنياتنابإقامة طيبة بين أهلكم وأحبابكم

إقامة سعيدة يا بكري ..وبالله و إنت في طريقك لبحري كل يوم سلم لي علي الأهل في شمبات( الحلة و الأراضي)...و أوعك تاخد معاك فسيخ و إنت راجع أمريكا لأنو تم تصنيفو ضمن أسلحة الدمار الشامل
بالسلامة

الحبيب بكري في ديار العبدلاب؟؟؟
بشارة خير
نرجو لك إقامة طيبة وجميلة بين أهلك وأصحابك في أحضان الوطن
إجازة سعيدة

بكرى حمد الله على سلامة الوصول.
تغشى لى معاك كافتريا الزوادة
مشتهى لى سندوتش...

علا عندى سعال على طريقة سجيمان

الضوران دا مخليهو لمنو...
والدنيا صيف لا فى زرع ولا حاجة...
يقوم يكسر..مين البقدر يترسوا

نتمنى لك اقامة طيبة وسط عشيرتك

ألأخ الفاضل بكري
اهلا بك في الخرطوم ..وتحية خاصة من بورداب الخرطوم

عودا حميدا وسعيدا

وبركة الشفت العقاب طيبين وسالمين وتامين

بالله وصل التحايا الكتيرة لأخونا شهاب يعقوب عروة، لو موجود فى السودان ولكل الأهل

الف مرحب بيك حبيبنا بكري
نتمني لك اجازة سعيدة

الحبيب بكري والأسرة الكريمة..
ألف حمدالله على السلامة .. تركتنا وأخذت المدينة معك
طائر الفينيق يحترق
والحرارة تعتصرنا فنتسامى ألى غازات ..
أم كمثل هذا كتب بشرى الفاضل ..
أقدر أستعجالك في السفر .. فلأضرب كل مواعيد الواحة عبر الحائط لأني أشتاق العودة ..فلنا حديث لم بكتمل .. نبحث عن أصوات اطير عند الصبح ..فلا أجد بيان ومحمد ..
أختزلنا ألى واحة في الحلفايا فنرضى .. ولكن حسبنا أنك في عز الأهل ...

العزيز بكري ابو بكر....... يها اكتاما تكتمينا

حمد الله سلامة الوصول

كم انا فرحا لك فرحا شديد

علي احمد

نرجو لك اقامة طيبو وسط الاهل والاحباب

حمد الله على السلامة يا بكري
واجازة سعيدة باذن الله
بس ما وريتنا قاعدين لحد متين؟
لو جينا شهر 8 بنلقاكم؟

تحياتي
زولة123

اييييييك
الحمد لله على سلامه الوصول
لكن يابكرى القطر السايقه منووووووو
اوعى تقول لى برمجتوا اسوق نفسوا لحدى ما ترجع
حمد الله على السلامه واقامه سعيده

الاخ الباشمهندس بكري:-

تحية طيبة/

حمدلله العودة الى ارض البلاد وهو حلما ما زال يراودني ويراود الكثيرين ولست ادري كيف كان شعورك وانت تخطو اول خطواتك في مطار الخرطوم؟؟ اتمنى ان تكتب لنا انطباعتك عن هذا الاحساس وتلك المشاعر.

اما حالي وربما حال الكثيرين معي هو قول الشاعر:-

كيف الرجوع
لزول قنع
شايل رفات قلبو
الحرق

متمنيا لك طيب الاقامة مع عائلتك

اقامة طيبة بين الاهل والاحباب..واجازة سعيدة
وسلامي للعبدلاب وحلفائهم الفونج

ارجو لك اقامة طيبو وسط الاهل و الاصدقاء

أشرقت أنوار البلد بقدومك يا بكري
وهلت بشائر خريف جميل فرحا بقدومك يا بكري
وقد إزدانت طرقات بحري والحلفايا وشارع الكدرو
وفاض النيل مهللا ..مردداً .. ما أحلي ساعات اللقاء
وإبتسامه عريضه مفعمه بالود والصفاء والتقدير لكل ما قدمته لأبناء بلدك في شتات مهاجرهم البعيدة والقريبه بتأسيسك لهذا المنتدي الذي أصبح واحة وارفة الظلال .. يستظل تحت سطور كتابات أهل السودان كل المهاجرين .. فكانت حزم التعارف .. وبراحات اللقاءات العفوية .. فتعارف القوم .. وتكونت مجموعات البورداب في كل الدنيا .. من هولنداإلي نيوزيلندا.. ومن جده حتي أم بده .. مرحبا بك في بلادنا الجميله .. حيث أتينا كلنا إلي هذا البلد الجميل .. وكلنا أمل في أن نترك لأنجالنا من بعدنا وطن حدادي مدادي .. وطن خير ديمقراطي ..وحنبنيهو البنحلم بيهو يوماتي
ولك الود إلي أن نلتقي قريبا جدا بعد أن تنتهي من واجبات زيارات الأهل وزياراتك للأهل
ونحن في الإنتظار .. لكي نحتفل بك الإحتفال الأكبر بالخرطوم
وشكرا لك يا أعز الناس حبايبك نحن
أخوك / صلاح الباشا - الخرطوم بحري

يا بكرى ، مادام ناس ابوالباشا ديل بى غادك ما بتجيك عوجة تب ، ضرورى تقابل بورداب الداخل وتسلم لينا عليهم ، ونتمنى ليك اجازة سعيدة فى ربوع بلدك السودان

سؤال يا ريس بينى بينك:
ما ماشى دارفور؟؟؟؟

تسلم يا ابو يوسف

الباشمهندس الغالي
سلام وتحية
وأنا برضو أقول مسجل غياب من المنبر.
أتمني ليك والأسرة إجازة سعيدة وسط الأهل والأحباب، وترجع لي بلدك التانية بالسلامة
إيمان

الاخ العزيز بكري والاسرة الكريمة

الف حمدلله علي السلامة
واتمني لكم اجازة سعيدة حتما ستندهش بعد كل هذه المدة
اخوانا بورداب الخرطوم ما حيقصروا معاكم.

سلامنا لكل البلد وفي انتظارك قريبا.

الف حمدا لله على سلامة الوصول للوطن الغالي

اتمنى ليك اجازة سعيده


وكلام رجاء ده كويس معاك ما ترميهو واطه لاننا لكلنا محتاجين لحاجات زي دي

Quote: - لازم تشرب شاي الصباح بلقيمات كل يوم .. - وكمان تفتش على (بيزيانوس) وتشربها بعد كل عشا.. - نوم في الحوش على قدر ما تقدر.. إلا تجي المطرة.. - امشي حفيان في التراب النااااعم بتاع السودان ..

لكم الشكر جميعا لحضوركم ودخولكم الى هذا البوست و اسف شديد الاسف لاننى لا اقدر ان ارد عليكم فردا فردا ........ فهنالك كثيرا من الاخبار و الايميلات تحتاج بعض المعالاجات بالاضافة الزيارات و الفاتحات المشغول بها هذه الايام .........لكن بجى راجع اذا لقيت زمن

حمد الله على السلامة يا بكري

كويس يا بكري سلكت لينا الدرب

بالله سلم علي صاحبي سلطان بابكر دكام ترتب مع الشباب حكاية مهرجان سودانيز اون لاين
و نتمني لكم اجازة سعيدة وسط الاهل و الاحباب

فوق ، على بال ما يخلص من الفواتح

alres bakri ,welcome among your people and country men
,Definitly by now you have inspired all of us to go back,even if it means for a breif stay,
best wishes & regards to the great river and the great people ,.

قالو تانى مافى دخول لأمريكا.....الوداك شنو؟

عوافى

Enjoy your folks
Enjoy the simplicity of a small town
Have a happy trip back to the
(u.s.(e.l.e.s.s

mustafa mudathir

الاخ بكري
امنياتى باقامة طيبة لك ولاسرتك الكريمة بين الاهل والاحباب

الباشمهندس / بكرى - لك التحية والتقدير

حمدالله على السلامة
انشاءالله اقامة طيبة - سلام لكل الاهل بالسودان والحلفاية خاصة

الاخ بكري
حبــــــــــــــــــــــــابوا للكدر زايل جمالوا للعيون كايل

I am really, really, really, happy for you, AND YOUR FAMILY YA BAKOORI. MY WIFE ASMAA, AND THE KIDS, HADDIF, SAMAH, AND AMNA, ARE ENJOYING THEIR SATY IN SUDAN AS WELL. They arrived there a few days before you did.
Please call my brother Mohamed Badawi at: 9123-71488, to get in touch with them.

I am hoping to get to enjoy the Sudan, and our wonderful people from late July mid August as well. I will, hopefully, join my family in the second half of July, if my legal situation is resloved. Every indication is that it may be resloved in a satisfactory manner. But I am insisting to suit the U.S. government, anyway. This may complicate things. But I am ready for the fight, at any cost

I hope to see you in the Sudan, in July

Please convey my greetings to Dr. Hala, your wonderful wife, and to Bayan, her cute brother, and all our common relatives and frineds.
I AM REALY EXCITED FOR YOU. PLEASE ENJOY YOUR STAY TO THE BONES, BEING IN SUDAN IS A GIFT FROM ALLAH, THE ALMIGHTY, THAT MANY OF US DO NOT APPRECAITE - MAY BE BECUASE WE DIDN'T APPRECAITE BEING SUDANESE ENOUGH, TO DESERVE TO BE GOOD SUDANESE. YOU DESERVE TO BE IN THE SUDAN, BECAUSE YOU ARE A GOOD SUDANESE, ALWAYS SUDNAESE-ON-LINE, AND ALWAYS IN-LINE WITH OUR GREAT SUNDNESE ESSENCE AND VALUES.

THANKS FOR BEING WHO YOU ARE, YA BAKRI, AND FOR DOING WHAT YOU DO FOR US IN THIS FORUM, AND ELSEWHERE.

YOU HAVE GONE TO THE EXTENT OF GIVING OUT YOUR OWN PERSONAL TELEPHONE NUMBER WHILE VACATIONING IN YOUR HOMELAND. WHO WOULD DO THAT, BUT A GOOD SUDANESE, WHO WANTS TO BE ACCESSABLE TO SUDANESE-TROUBLE-MAKERS-ONLINE, EVEN WHILE "VACATIONING." YOU ARE INDEED A GOOD MAN, AND THE HELL FOR YOUR ENEMIES
PLEADE TAKE GOOD CARE OF YOURSLEF THERE, BECAUSE WE NEED YOU. WE NEED NEW SUDANESE CHAPS LIKE YOU, ON-LINE, IN-LINE, AND OVER-THE-LINE, ANYWHERE THEY MIGHT BE. PLEASE ACCEPT AND CONVEY MY DEEP CONDOLENCES, ONCE MORE, ON THE LOSS OF YOU GOOD SISTER.

I AM VERY HAPPY FOR YOU, MY DEAR FRIEND, THAT YOU ARE IN THE LAND OF LANDS, MY BEAUTIFUL COUNTRY, AND YOURS, THE
SUDAN. FROM NEW YORK CITY AND ITS VICINITY, I SAY SALAM, WA MAHABA

حمد لله على السلامة
والبركة فيكم مرة تانية
ربنا يجعل البركة في الذرية ويجعلها آخر الاحزان

سلام للبلد شارع شارع
ولا أل عمك الطيب الهندي نفر نفر
دكان قسم في ولا قفلوه ؟
تحيات لبيان ويوسف وامهم وكل الاهل

بكري حمدا لله على سلامة الوصول

نتمنى لك اقامة سعيدة في ربوع الوطن وبين اهلك واحبابك

"- لازم تشرب شاي الصباح بلقيمات كل يوم ..
- وكمان تفتش على (بيزيانوس) وتشربها بعد كل عشا..
- نوم في الحوش على قدر ما تقدر.. إلا تجي المطرة..
- امشي حفيان في التراب النااااعم بتاع السودان .."

رجــاء،
هسـى دى يسمـوهـا شنــو؟
حســـادة؟ واللا جـرســة؟

بكـرى،
قلت الحلفـايــا فيهــا إنتــرنت؟
واللاى جـاطـت.
غايتـو دى إلا كان انت جبتهـا ليهـم معاك من أمريكـا.

عزيزي بكري

نتمنا لك اقامة طيبة في رحاب الوطن بين الاهل والاحباب

الملك ابن الملوك ابن العبدلاب

الف حمداللة على السلامة تحياتى لك الاهل من كبرى بحرى الى الجيلى

مر بحلة حمد اهم شى الدون تون يابكرى

شكرا لمحادثة وحسن الاستقبال هذا من اصلك سوف ارسل ليك ايميل لتغير

لك الاحترام ابو يوسف تحياتى لهم

بت القبايل

نتمنى لك إقامة طيبة و عودا حميدا

up

سلام بكرى مع الامنيات بقضاء اجازة سعيدة،،

رديت عليك فى التلفون لقيتك سافرت
ونتمى ليك اقامة طيبة
وقلوبنا معاك..

العزيز بكري أبوبكر

أمنياتنا لك بقضاء إجازة سعيدة في أرض الوطن الحبيب ..
تحياتنا لأفراد الأسرة الكريمة ..

ولك السلام ايها الحبيب
وكلنا فخر بموقفك الصلب من اجل حرية التعبير ..

بسم الله الرحمن الرحيم

تم انشاء موقع سودانيزاونلاين بتاريخ ينائر 2000 منطلقا من الولايات المتحدة و تديرة شركة بيان للمعلوماتية وهى شركة سودانية يديرها من اريزونا بكرى ابوبكر و كانت اهدافه منذ تاسيسه نشر الوعى , المعرفة, الاخبار السياسية و الاجتماعية لسودانى المهجر و الداخل و منذ تاسيسه كان الموقع ديناميكيا بحيث يسمح لزواره و اعضائه بالكتابة به بدون رقيب او حسيب.و يضم الموقع عدد كبير من الصفحات اهمها صفحة الاخبار اليومية و التى ملكت فيها صناع الحدث و مصادر الاخبار و التقارير اليومية كل التسهيلات مثل كلمة سر لنشر اخبارهم بدون الرجوع الى امين الموقع بعد حدوثها مباشرة بعد ان قمنا بالاتصال بجميع الاحزاب و منظمات المجتمع المدنى لتمليكهم كلمة السر لنشر الاخبار و التقارير مباشر ,استجاب معظمهم ما عدا حزبى المؤتمر الوطنى و الشعبى و نتمنى ان يستجيبوا الى دعوتنا للمشاركة فى نشر اخبارهم و تقاريرهم عبر هذه الصفحة .

كما يوجد بالموقع منبر حر يكتب به عدد كبير من الشعراء ,السياسيين,النقاد,الصحفيين,الفنانين.....الخ السودانيون فى الداخل و المهجر ,بالاضافة الى صفحة الاغانى و هى مكتبة موسيقية و غنائية لمعظم الفنانين السودانيين

كما توجد بالموقع صفحة للاراء الحرة و المقالات و صفحة للتعارف و الزواج ساعدت كثيرا من سودانى الشتات فى التعارف و الزواج, بالاضافة الى صفحة للخريجيين ,وصفحة للاخبار الاجتماعية.....الخ



وقد كان نهجنا منذ تدشينه الالتزام بحرية التعبير و الراى بدون تدخل من اداراتنا فى نقل الخبر او المعلومة و النقاش الذى يدور فى صفحات الموقع بين اعضائه الذين ينتمون الى جميع الاحزاب و المنظمات السودانية فى الداخل و الشتات و الالتزام الكامل فى حيادنا تجاه القضايا التى تثار بين اعضائه

الا اننا بتاريخ 7 ابريل الساعة 12.30 بتوقت السودان فؤجئنا بحجب الموقع داخل السودان .فقمت على الفور بالاتصال بالهئية القومية للاتصالت الجهة التى حجبت الموقع و حلت محلها صفحة التى تدل على الحجب و هذه صورة من صفحة الحجب





و بعد توصيلى بالمهندس المسئول عن سبب حجب الموقع اعلمنى بانه جاءه قرار من جهاز الامن الداخلى بحجب الموقع من السودان للاستمراريته فى نشر و نقل اخبار و تقارير تهدد الامن الوطنى فطلبت منه نسخة من هذا القرار فرفض كما رفض ان يذكر اسمه فى البيان الذى اعلمته باننى بصدد نشره فى الصحف و المواقع الاخرى

بكرى ابوبكر

امين الموقع

http://www.sudaneseonline.com

http://www.bayanit.com

http://www.sudanhosting.com

السودان-الخرطوم بحرى-حلفاية الملوك

7 يوليو 2004

تلفون 0912614135

اجازة سعيدة بين الاهل وعودا حميدا

التحية ليك في دار المانجيل
ابوي الحاج
عجيب سلطان الأولياء
وجدودنا أصحاب السيرة العطرة
اسياد الدكري المسلول

تسلم
يا بكري يكفيك شر خلقو

ما تنسى تسلم لي على عبد القادر عباس تمساح
التكاسي الهمام

ولو لقيت الفرصة تزور اصحاب القبور
سلم علي قبر عوض دكام

الأخ بكرى

الف حمدا لله على سلامة الوصول الى ارض الوطن وتنشق عبقه وعبيره
والتحية لكل الاهل الاوفياء القابضين علىالجمر من الداخل والمتحملين كل اذى العالم بلا سبب جنوه وهاهو القاصى والدانى يهدد ويتوعد والحصرم يحصده اهلنا البسطاء الذين لا حول لهم ولا قوة..

نتمنى لك اجازة ممتعة وسط الاهل والاحباب