Post: #1
Title: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 09:43 AM
Parent: #0
بالامس، الاحد 28 مارس 2010، تحلقنا حول التلفزيون في انتظار برنامج بابكر حنين مجهر سونا على قناة النيل الأزرق و الذي ظننا بأنه سيركز على سماع اسئلة المشاهدين و اعطاء فرصة للممثلي الاحزاب في الاستديو لعرض برامجهم الانتخابية و تناول الاتهام بالمحاباة الموجه للمفوضية و تغاضيها عن تجاوزات المؤتمر الوطني و خلطه بين موارد الدولة وميزانته الخاصة للحملة الانتخابية. ... ولكن، فوجئت بان البرنامج كان هدفه الترويج للبرنامج و معده وظل يمشي الايميات و الاتصالات و عزل منها ما لا يحب و تخير منها ما يطرب لسماعه، ولا حاجة لي بإطالة و اسهاب في تحيز حنين ، فقد كفاني شر تصنيفه بمباشرته في المحاباة لحزب على حساب آخر و جنوحه دوما لصف الانقاذ ...
|
Post: #2
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 09:44 AM
Parent: #1
خلف الله ده منو؟
عرضت القناة خلال الحلقة و بعدها اكثر من كليب "تنويري" بعملية الانتخاب و كيفية التصويت اعدتها المفوضية القومية للإنتخابات لتوعية الناخبين ... ما استهجنته فعلا هو لغة الدعاية الموجّهة والتي تلك تصور السوداني خلف الله - البديل الحديث لمحمدأحمد، وهو بديل مناسب جدا لانو المواطن السوداني خلف الله عليهو في صحتو ومالو و بلدو و مواطنتو – تصوره محدود الفهم و بُطني و بياكل حق ست الشاي!
|
Post: #5
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: محمد عبد الماجد الصايم
Date: 03-29-2010, 09:47 AM
Parent: #2
غايتو يا عُزاز موضوع خلف الله نحن
شايفنو بمنظار تاني .. يكون مقدود؟
يا ... خلف الله .. عــذذبتتتنا ..
|
Post: #3
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 09:45 AM
Parent: #1
يبدو أن فكرة المخرج في اعداد الفيلم مبنية على استدراج الشخصية التي تعلم لتعليم من لا يعلم (خلف الله) من خلال الموقف – خلف الله لا يريد المشاركة في الانتخابات يقوم التاني الفاهم يوريهوانو لازم يشارك في الانتخابات ... خلف الله فاقد الثقة في انو ورقة مطبقة ممكن تحقق ليهو احلامو يقوم التاني الفاهم يوريهو انو غلطان و فجأة تظهر واحدة في الكادر و تقعد تهز صباعها في وش خلف الله و تنهرزوا ... خلف الله ما داير ياكل كبدة و داير ياكل بيض و هم جرا من التسطيح و تنميط السوداني العادي بانو زول "ساذج" ... وفي النهاية يصيح الفاهم (يا خلف الله ما عذبتنا) وخلف الله تطير عيشتو يعني؟ خلف الله ما كفاية انو الحكومة قاهماهو ليها واحد و عشرين سنة و يوم تقم انتخابات على شرف اعادة الحق له نقوم نسفهو و نخليهو يبدو كشخص مقياس ذكائه (-8)؟
|
Post: #4
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 09:47 AM
Parent: #1
خلف الله (جاهل)
مشهد آخر في الكليب يظهر فيه مواطن على كرسي متحرك و رجل طاعن في السن و خلف الله نمرة اتنين يسأل إن كان بامكان زوجته الحامل التصويت و انه يخشى عليها من التعب ... رد الفاهم التاني و قال ليهو ( مرتك ليها الاولوية) فهاج خلف الله نمرة اتنين و قال ليهو (مرتي خريجة جامعية!!) فضحك الفاهمون و فسروا له الفرق بين اولوية و أولية!!
|
Post: #6
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 09:48 AM
Parent: #1
عفيت منك ... اخدي حقك!
الكليب الخاص بحقوق المرأة وجع لي قلبي و حقو اخليهو لأنو متهالك البنية ، اظهر خلف الله آكل حق ست الشاي، وست الشاي واقفة ألف أحمر تطالب بحقها – قروشها ضاعت الفكرة أو لم تكن موجودة من الاساس فهناك فرق ين مطالبة المرأة على أرض الواقع و المطالب الموجودة في راس مخرج الكليب و من وراءه القائمين على الحملة التنويرية .. حق 166 كباية شاي ده لا يشبه حق المرأة الدستوري وحق المواطنة
وحقو احنا نقول يا مفوضية ... عذبتونا!
|
Post: #7
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 09:53 AM
Parent: #1
الرسائل والايحاءات المرسلة من خلال الكليبات ليست تنويرية بقدر ما تكشف عن رؤية المفوضية للناخب وسلامته العقلية و قدرته على اتخاذ القرار. ويبدو لي جليا ان المفوضية لا تحترم الناخبين الذي تخاطبهم بطريقة الـ babe talk و تنهر من اختارته ليختزل شخصهم في نهاية المشهد بـ (عذبتنا!)
|
Post: #8
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 09:58 AM
Parent: #1
والآن فقد فهمت تماما لما ظلت المفوضية تميع مواقفها و تقاعست المفوضية عن القيام بواجبها كهيئة محايدة تحترم الناخبين، فهي ببساطة ترى الناخبين زمرة من الجهلاء بأهمية الديموقراطية فبالتالي لا أمل يرجى من وراءهم ... و ترى بان خلف الله حقو يحمد ربو انو علمنا ليهو انتخابات و هو ما جايب خبر نايم في ظل نيمة ... ولكن ما غفلت عنه المفوضية ان خلف الله الحقيقي ليس بهذه السذاجة التي صوروه بها ...
بل هو واع ومدرك برغم القمع و الاخراس و التكميم على مدى عقدين من الزمان ...
خلف الله جزء من شعب كبير برغم الظلم وبرغم الضيم ...
|
Post: #9
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 09:59 AM
Parent: #8
يا شعباً تسامى..
يا هذا الهمام
تفجّ الدنيا ياما
تطلع من زحامها
زى بدر التمام
تدّى النخله طولها
والغابات طبولها
والأيام فصولها
والبذره الغمام
قدرك عالى قدرك
يا سامى المقام
يا ملهم
رماحك سنّاها الصدام
|
Post: #10
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 09:59 AM
Parent: #8
السيد خلف الله خليفة محمد أحمد ...
ما تفرط في صوتك،
و اعطيه لمن هو جدير بثقتك لا خوفك ...
|
Post: #11
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: محمد عبد الماجد الصايم
Date: 03-29-2010, 10:03 AM
Parent: #10
| Quote: فهاج خلف الله نمرة اتنين |
دا برير!ّ!
غايتو حسب تحليلكـ دا
الواحد طلع مسكين ساي!
|
Post: #12
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: سفيان بشير نابرى
Date: 03-29-2010, 10:34 AM
Parent: #11
سلام يا عُزاز يا صديقة
مش ناس المفوضية الطلعو ما بيعرفو انكليزي ديل ؟؟!
اسكتي خليهم ساي قصتهم قصة وحصتهم حصه .
اما موضوع خلف الله ده والله بيغيظ واصلاً خلف الله ده بالعامية وللغة
الشباب السوداني في الشارع دليل علي التخلف واي شاب او شابة
سودانية عايز/ه يقول او تقول الزول/ه للزول/ه متخلف بيغلفوها
ويقولو ده خلف الله شفتي ماشينا بسرعة مضطرده كيف قبل فترة كنا
شحادين ساي وتاني جينا بقينا عواليق هسي وصلنا خلف الله رسمي
ولسه ياما تحت السواهي دواهي نتخن جلدنا بس .
وتحياتي .
|
Post: #14
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: خالد عويس
Date: 03-29-2010, 10:43 AM
عزاز
وما تنسي في إعلان دعائي على النيل الأزرق عن عملية التصويت - إعلان بتاع المفوضية ذاتها - يقوم الناخب بوضع علامة صاح أمام (الوطني) !!
وبرضو مفوضية ما متحيزة على الإطلاق !
|
Post: #13
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: حمزاوي
Date: 03-29-2010, 10:40 AM
Parent: #8
الاستاذة عزاز
مسكاقمي
فعلاً كما ذكرت الانتخابات اصبحت تخرج ثقافة متخلفة وبالذات في اعلانات والدعاية الاعلامية وتقديمها بطريقة عشوائية واقرب للغوغائية وهناك برامج تلفزيونية تجدها سلق بيض عديل ومغلفة بنوايا حزبية لحزب معين وهناك برامج تجدها بدون هوية او هدف مثل برنامج الاستاذ بابكر حنين فهي محاولة لتشويه صورة المرشحين المنافسين للمؤتمر الوطني واكثر شئ ممل في هذا البرنامج تلك الاسئلة التي يوجهها الاستاذ دقش لانه فجأة يرمي بسؤال غريب كمنظر الحجر في بركة ماء ( يعني دراب )
|
Post: #15
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: سفيان بشير نابرى
Date: 03-29-2010, 10:47 AM
Parent: #13
اما يا عُزاز لو عندكم قناة ساهور
فصدقيني حتبقي خلف الله .
اوعك تحاوليها لو ما عندكم .
|
Post: #16
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: hassan bashir
Date: 03-29-2010, 10:58 AM
Parent: #15
المخرج العبقري لا يفوت الفرصة للترويج للمؤتمر الوطني طبعاً. الكليب يبدو محايداً تماماً وإن كانت الشخصيات تجسد أهل الشمال (بعد أن كرٌست الحكومة الانقسام فعلياً فقمنا نتحدث عن الشمالي والجنوبي)، ولكن في اللقطة التي يبينوا فيها كيفية اختيار المرشح، فإن التبيين (أو التبيان) يتم من خلال توضيح شخص وهو يضع علامة صاح على رمز الشجرة .. بوصفه الخيار الطبيعي، وما دونه مجرد استثناء.
|
Post: #17
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 12:16 PM
Parent: #1
خلف الله بيفتح شهية القراءة من كل زاوية
شوفوهو بمنظاركم وانا سعيت ليهو منظار تاني بيجاي
|
Post: #18
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 12:38 PM
Parent: #1
Quote: سلام يا عُزاز يا صديقة
مش ناس المفوضية الطلعو ما بيعرفو انكليزي ديل ؟؟!
اسكتي خليهم ساي قصتهم قصة وحصتهم حصه .
اما موضوع خلف الله ده والله بيغيظ واصلاً خلف الله ده بالعامية وللغة
الشباب السوداني في الشارع دليل علي التخلف واي شاب او شابة
سودانية عايز/ه يقول او تقول الزول/ه للزول/ه متخلف بيغلفوها
ويقولو ده خلف الله شفتي ماشينا بسرعة مضطرده كيف قبل فترة كنا
شحادين ساي وتاني جينا بقينا عواليق هسي وصلنا خلف الله رسمي
ولسه ياما تحت السواهي دواهي نتخن جلدنا بس .
وتحياتي . |
سفيان ... سلامات ووين الحي بيك؟
والله فعلا مفردات و توصيفات الانقاذ و اجهزتها لنا في انحدار مريع،
ولكن كل اناء بما فه ينضح وهو ده طبعهم ولا حيشتروه ؟
احنا علينا ننقل و ننشر و الباقي على النسخة المطورة
من محمد احمد –خلف الله 2010 يفرز براهو و يفك القيد ...
|
Post: #19
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 12:44 PM
Parent: #1
Quote: عزاز
وما تنسي في إعلان دعائي على النيل الأزرق عن عملية التصويت - إعلان بتاع المفوضية ذاتها - يقوم الناخب بوضع علامة صاح أمام (الوطني) !!
وبرضو مفوضية ما متحيزة على الإطلاق ! |
خالد ...
ابشرك الشجرة طلعت هي الديفولت حتى في النماذج التدريبية
علشان ترسخ في وجدان الناخبين وبالتالي يصوتوا اتوماتيكيا للشجرة .... لازم ....
اتفضل صورة تسلي بيها نهارك:
|
Post: #20
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 12:50 PM
Parent: #1
Quote: الاستاذة عزاز
مسكاقمي
فعلاً كما ذكرت الانتخابات اصبحت تخرج ثقافة متخلفة وبالذات في اعلانات والدعاية الاعلامية وتقديمها بطريقة عشوائية واقرب للغوغائية وهناك برامج تلفزيونية تجدها سلق بيض عديل ومغلفة بنوايا حزبية لحزب معين وهناك برامج تجدها بدون هوية او هدف مثل برنامج الاستاذ بابكر حنين فهي محاولة لتشويه صورة المرشحين المنافسين للمؤتمر الوطني واكثر شئ ممل في هذا البرنامج تلك الاسئلة التي يوجهها الاستاذ دقش لانه فجأة يرمي بسؤال غريب كمنظر الحجر في بركة ماء ( يعني دراب )
|
الخال حمزاوي ... سلامات و تحية
اتفق معك تماما بأن برنامج حنين هدفه الأول هو تشويه المرشحين و تقديم معلومات مغلوطة عن التاريخ و لكن اسمح لي بأن اختلف معاك في وصف العمل الذي تقوم به المفوضية بأنه عشوائي، بل هو عمل منظم و محكم و ذو نوايا مبيتة وكذلك برنامج حنين، له اجندته الواضحة والمختلفة جذريا عن ما يسوق له اعلاميا أو على المستوى الرسمي.. كل موارد الدولة و منابرها الاعلامية مكرسة لخدمة آلة الانقاذ و المفوضية مسلمة قيدها للآخر بس البيغيظ انها تنكر و ترفع حاجب التعجب عندما يشار لها باصبح الاتهام و عدم الوقوف على مسافة واحدة من الاحزاب والمرشحين الرئاسيين...
|
Post: #21
Title: Re: المفوضية القومية للإنتخابات تضبح عتوت سماية خلف الله بديلا لمحمد أحمد
Author: عزاز شامي
Date: 03-29-2010, 12:55 PM
Parent: #1
| Quote: المخرج العبقري لا يفوت الفرصة للترويج للمؤتمر الوطني طبعاً. الكليب يبدو محايداً تماماً وإن كانت الشخصيات تجسد أهل الشمال (بعد أن كرٌست الحكومة الانقسام فعلياً فقمنا نتحدث عن الشمالي والجنوبي)، ولكن في اللقطة التي يبينوا فيها كيفية اختيار المرشح، فإن التبيين (أو التبيان) يتم من خلال توضيح شخص وهو يضع علامة صاح على رمز الشجرة .. بوصفه الخيار الطبيعي، وما دونه مجرد استثناء. |
الاستاذ حسن بشير ... سلامات و تحايا
عبقرية المخرج دي محتاجة بخور تيمان و ضبح علشان الله يغتي عليهو من العين
ما كلف نفسو حتى يعملها لينا متوارية والشجرة فووووق أعلى الصفحة و باقي المربعات ضباب
ولا فيها حتى رموز المرشحين، بس الشجرة – راجع الصورة أعلاه –
|
|