Post: #1
Title: إبلاغ عن مواضيع راحت في شربة موية ...
Author: عزاز شامي
Date: 08-11-2009, 01:46 PM
Parent: #0
بكري ابو بكر ،،
سلامات و تحايا،
وشكرا تاني و تالت على الاستضافة ...
احتمال ما يعجبك البوست و تعتبرو صداع اضافي فوق الصداع الحاصل
بس والله الغبينة تقيلة و الأمر جلل بالنسبة لي على الأقل ...
من سنة 2005 كل يوم بجي بافتح الدكان ده يوميا و ارمي فيهو طرف
فكري و آرائي و خرمجات في أحايين كثيرة ....
باركنا و هنينا كل في موضعه، اتشاكلنا و اتفرفرنا كل في موضعه ...
شالتنا دروب وعرة و تانية ماهلة و كلو كان محفوظ في الارشيف ...
اليوم جاتني زهجة قلت امشي افتش و القط بوستاتي و احفظها في المفضلة
لقيت انو انا اتنشلت ما لا يقل عن كام بوست كده .. كتبتهم بمزاج و قعدت ليهم
و اتحكرت ليهم و عملت راسي رستا عديل وانا باكتبهم و اتفاجأت ايما
مفاجأة انو بوستاتي ديل شالهم حرامي بليل او بنهار ما عارفة ...
يعني حسي يا بكري للتاريخ و الزمن الجاي لو اولادي دايرين يعرفو
امهم كانت بتكتب شنو يمشو وين؟
انا لو دايرة اعرف نفسي في تاريخ ما قبل المرحلة اقيس بشنو؟ بالمتر
ولا بالضراع ولا بالفرجار؟
لو زول شلاقة منو ساي داير يعرف عزاز شامي دي بتزرع شنو يعرفو كيفن؟
الورثني بالحيا ده منو؟ وشال بوستاتي وداها وين؟
على سبيل المثال لا الحصر:
بوست ثقافة الخوف الشعب السوداني ؟!؟!؟! ...اللي اقتبس منو معتز تركستي وينو؟ وكمان نزل في جريدة المنبر لا ايدي لا كراعي ...
بوست مطبات هوائية وينو؟ كتبتو و انا بين يدي الرحمن على ارتفاع آلافات مألفة من الأقدام
فوق الاطلنطي و ارسلت عبره رسائل ووصايا للاهل و الاصحاب و الحبان حينئذ ... طفش وين ده؟
يعني تجربة ثرة زي ديك ما مفروض صراحة تتختفي في ملاباسات غامضة و تتفقد غموتي غموتي كده ...
مكتبتي ، وهي مكرمة منك تستحق الثناء و الحمد و إلا كنت حسي فقدت الدليل في الفضلو لي ديل
مكتبتي الصفراء الفاقع لونها كانت ضلفتين بقدرة قادر اتعمل ليها ريجيم و بقت ضلفة واحدة
وشالو كمان القزاز و مسّاكات البيبان ...
ما مشكلة، شايلة النضمي كتر خيرها و خيرك ...
قد لا يكون لكلامي كبير اهمية إلا لي و لقلة أعلمهم ، بس انا رويحتي دي بتهمني وما باحب
انها تتمغس ... فبالله لو البوستات دي طاشة من درب البحث، انجدني انت او من يأنس في
نفسه الكفاءة و الخبرة ...
و أمانة عليك كان كملت قراية للآخر وما فيها تقلة شيل ديل وديهم مكتبتي
لقيتهم مستخبين وسط البوستات يرجفن خيفة السرقة و الحذف ...
عرّاب الشقاق و (المراهقة) السياسية
إدارة الأزمات أم سياسية رزق اليوم باليوم؟
وشكرا من قبل ومن بعد ...
|
Post: #2
Title: Re: إبلاغ عن مواضيع راحت في شربة موية ...
Author: محمد أبوالعزائم أبوالريش
Date: 08-11-2009, 02:05 PM
Parent: #1
عزاز ...
يا زولة إنتي من (السناير) هنا .... دقستي والاّ قاصدة شئ تاني.
لو داقسة ... عمك ده ما أظنو يجي بي هنا .. والأفضل تمشي ليهو هنا 
 وتقولي العايزاهو ..
تحياتي.
|
Post: #3
Title: Re: إبلاغ عن مواضيع راحت في شربة موية ...
Author: عزاز شامي
Date: 08-11-2009, 02:09 PM
Parent: #2
ابو الريش،
سلامات ..
لا لا ما دقست في الحتة الأخيرة بتاعت الاضافة ... كسل مني ما اكتر و تقالة دم برضو ...
بس الكلام الفوق داك كلو بيهمني اعرف ليهو اجابة، البوستات بتمشي وين؟
انا متأكدة انو ما اني الوحيدة العندها جنى بوست ضايع، ده بوست لبنة
لثورة ضد ضياع البوستات ... حركة تصحيحة مسالمة لا عنفية لا تبليّة لا تسلبطية
:)
|
Post: #4
Title: Re: إبلاغ عن مواضيع راحت في شربة موية ...
Author: humida
Date: 08-11-2009, 02:16 PM
Parent: #3
| Quote: إبلاغ عن مواضيع راحت في شربة موية |
الاستاذة عزاز الشامي ..
أرى انه قد جانبك الصواب في عنوان البوست .. فكلمة ( شربة موية ) هي تأصيل للعامية المصرية مع كوز موية سودانية ..
و لكي لا يلتبس الأمر علي القارئ الكريم .. الرجاء أما تعديل كلمة ( موية ) الي ( مية بالمصري ) .. او اللجوء الي العامية السودانية ..
ليصبح اسم البوست ( إبلاغ عن مواضيع راحت شمار في مرقة ) ..
او الطلب من الاخ بكري بسحب البوست ..
..
..
و الله ولي التوفيق ..
|
Post: #7
Title: Re: إبلاغ عن مواضيع راحت في شربة موية ...
Author: عزاز شامي
Date: 08-11-2009, 02:39 PM
Parent: #4
الباش مهندز حميضة ..
ما ولدوني و انا ماشة بالجنبة و باحدف شمال فلا غرو ولا عجب لو جانبت الصواب
في هذا الخيط الذي افترعته لأبحت عن نضميني و خداري الفرشتو في مزاجئذ
Quote: لكي لا يلتبس الأمر علي القارئ الكريم .. الرجاء أما تعديل كلمة ( موية ) الي ( مية بالمصري ) ..
او اللجوء الي العامية السودانية ..ليصبح اسم البوست ( إبلاغ عن مواضيع راحت شمار في مرقة ) ..
|
لجوء وللعامية ؟ يعني وقت الله يديني مروة الجأ اقوم الجأ للعامية؟
ويعدين يا حميدة ياخي اقتراحك ما خيار جاذب لقوى نصرة الحق بيخلي شكلي ما سياحي
ويدي ايحاء اني لافحة توبي و حايمة اخبت في البيبان افتش في صينية معلّماها بالمناكير البمبي ..
انني اطالب بكشف ملابسات اختفاء بوستات كانت شديدة و لظيظة و ما تشكو من عوجة إلى وقت قريب
أما قوك انو الحتة دي مصري شوية، فاسمح لي ان اصدح عاليا بانشودة احبها منذ زمان شديد:
مصر هي أمي .. نيلها هو دمي شمسها فـ سماري .. شكلها فـ ملامحي و إن كان لوني قمحي *
________
* قمحي غامق شوية
** تعديل الاقتباس
|
Post: #5
Title: Re: إبلاغ عن مواضيع راحت في شربة موية ...
Author: محمد أبوالعزائم أبوالريش
Date: 08-11-2009, 02:16 PM
Parent: #3
من الناحية دي عندك حق.
كتير في حاجات بتطش .. وبنمسحها في أخونا الهكر .. بس بيني وبينك كمان بننطمّ لأنو ما بيكون فيها شئ مهم أو مفيد .. وأنا كنت قايل العندهم مكتبات أحسن حالاً من الفي السهلة زينا كدة.
___
كامل التضامن مع بوستاتك الضايعة
|
Post: #16
Title: Re: إبلاغ عن مواضيع راحت في شربة موية ...
Author: عزاز شامي
Date: 08-12-2009, 04:38 AM
Parent: #5
Quote: كتير في حاجات بتطش .. وبنمسحها في أخونا الهكر ..
بس بيني وبينك كمان بننطمّ لأنو ما بيكون فيها شئ مهم أو مفيد ..
وأنا كنت قايل العندهم مكتبات أحسن حالاً من الفي السهلة زينا كدة.
___
كامل التضامن مع بوستاتك الضايعة |
الاخ ابو الريش،
الله يخليك الله يسلمك الله يبارك فيك الله يخليك الله يسلمك الله يبارك فيك
وان شاء الله تجمع مع بوستاتك زي ما جمعت انا مع واحد منهم و ممكن
نكون لجنة منبثقة من البوست ده تمشي تنبثق لينا في الارشيف حارة حارة
و شارع شارع و ترجع لينا البوستات الطاشة دي لحضيرة حنانا و شوقنا ليها ...
البوست مهم لصاحبو و يعني الصفحة الأولى دي كاتبنها كتّاب في الفورين بوليسي؟
ما ياهو نوع كتابتنا ده وكل زول رويحتو غالية عليهو ...
|
Post: #6
Title: Re: إبلاغ عن مواضيع راحت في شربة موية ...
Author: عصام علي أحمد
Date: 08-11-2009, 02:31 PM
Parent: #3
Quote: ده بوست لبنة
لثورة ضد ضياع البوستات |
|
Post: #8
Title: Re: إبلاغ عن مواضيع راحت في شربة موية ...
Author: humida
Date: 08-11-2009, 02:43 PM
Parent: #6
الحاجة المحيراني في الفترة الاخيرة .. حاجة لولبية كدا .. من باب ( علل ) ..
..
..
علل و بالرسم .. ايهما أشد ضرراً علي المنبر .. الهكــــــــر و لا بكري ابوبكر ..؟!!
|
Post: #9
Title: Re: إبلاغ عن مواضيع راحت في شربة موية ...
Author: خدر
Date: 08-11-2009, 02:56 PM
Parent: #8
| Quote: ايهما أشد ضرراً علي المنبر .. الهكــــــــر و لا بكري ابوبكر ..؟!! |
والله اليومين ديل اشد ضررا انت دا , شايفك بقيت تجليها عاااادي 
البركة في رويحتك دي يا عزوز طالما قاعدة في منبر بكري ده
|
Post: #10
Title: Re: إبلاغ عن مواضيع راحت في شربة موية ...
Author: تيسير عووضة
Date: 08-11-2009, 04:11 PM
Parent: #9
بت يا عزوز
شنو حركات الحبوبات دي يختي
دا واحد من بوستاتك الرايحة لمن أفتش ليك الباقي
أمري لله
ثقافة الخوف ...
أي بوست إتكتب في الفترة من شهر أبريل لغاية سبتمبر 2008 إستعوضي فوقو الله الهكر قام بالواجب
وأي بوست إتكتب في الفترة من 20 لغاية 23 يناير 2009 شرحو
ـــــــــــــــ
حبوبتي يا عزوز تقوم من المصلاية تقلع سفنجاتا وترقد في العنقريب
تاخد نومتها وتصحي لما تجي تنزل بتنزل بالجهة التانية غير الفيها السفنجة
تعاين ما تلقاها وتبدا تكورك بعد داك:
سفنجاتي اللبسا منو الله لا كسبكم .. فترتوني ونشفتو ريقي
كدي أشوف واحد فيكم لابسا عشان أقصقص كرعينو
لغاية ما يجي أي عابر سبيل فينا يجيبا ليها من الجهة التانية والضحك يكون كاتلنا
|
Post: #11
Title: Re: إبلاغ عن مواضيع راحت في شربة موية ...
Author: محمد المرتضى حامد
Date: 08-11-2009, 06:36 PM
Parent: #10
قام اتعزز الليمون
المعلومه بنت الميداح
كان لقيتيهم لي اكون ممنون يا عزاز
دي راحت في حمض كبرتيك مركز
|
Post: #12
Title: Re: إبلاغ عن مواضيع راحت في شربة موية ...
Author: Kostawi
Date: 08-11-2009, 07:19 PM
Parent: #11
تدفعي كم?
ألمك في كواريكك
أها ما تنسي تقولي لأولادك
صوري مع حبوبة كوستاوي
|
Post: #13
Title: Re: إبلاغ عن مواضيع راحت في شربة موية ...
Author: azhary awad elkareem
Date: 08-11-2009, 08:10 PM
Parent: #12
Quote: حبوبتي يا عزوز تقوم من المصلاية تقلع سفنجاتا وترقد في العنقريب
تاخد نومتها وتصحي لما تجي تنزل بتنزل بالجهة التانية غير الفيها السفنجة
تعاين ما تلقاها وتبدا تكورك بعد داك:
سفنجاتي اللبسا منو الله لا كسبكم .. فترتوني ونشفتو ريقي
كدي أشوف واحد فيكم لابسا عشان أقصقص كرعينو
لغاية ما يجي أي عابر سبيل فينا يجيبا ليها من الجهة التانية والضحك يكون كاتلنا |
تيسير سلامات..
بس ما شرحتى لينا علاقة بوستات عزاز الرايحة
بى روحة سفنجة حبوبتك...
ـــــــــــــ
عزاز
البركة فيك فى بوستاتك
|
Post: #14
Title: Re: إبلاغ عن مواضيع راحت في شربة موية ...
Author: عبدالعزيز الفاضلابى
Date: 08-11-2009, 10:35 PM
Parent: #13
| Quote: ابلاغ عن مواضيع راحت فى شربة موية |
بالجد حاجة تغيظ ,, انا عندى بوست كتبتو عن سنجة وكنت فى حالة وجدانية لن تتكرر لأكتب مثله ,, راح فى موية الهكر .
من هنا ورايح اعملى نظام MS Save
ماتستبعدى كلامك اللى بتكتبيهو هنا دا يجى يوم واحد ولا واحدة يطلع منو حاجات نحن ماكنا جابيين ليها خبر.
|
Post: #15
Title: Re: إبلاغ عن مواضيع راحت في شربة موية ...
Author: ALazhary2
Date: 08-11-2009, 10:56 PM
Parent: #14
.
.
الأخت الكريمة عزاز
البوست ده قلب علي المواجع والاحزان
عشرات البوستات الكتبها أخوك الازهري ضاعت ، ومنها بوستات ومشاركات مهمة جداً (في نظري طبعا)
على الأقل إنتي ممكن بكري يديك مكتبة تحفظ أعمالك ، لكن أنا ممنوع من المكتبات الخاصة بنص القانون البكري الذي يمنع منح المكتبات للكتاب بإسم مستعار .
والله عشرات البوستات ضاعت وضياعها شئ محزن لأنها أخذت جهد ووقت من صاحبها .
تخيلي كاتب في المنبر منذ العام 2003م ولا أملك مكتبة خاصة !!
الشكية لي الله لحدي مابكري يراجع هذا القانون المجحف الذي لايستند إلى أساس منطقي .
تحياتي وتقديري
.
.
|
Post: #30
Title: Re: إبلاغ عن مواضيع راحت في شربة موية ...
Author: عزاز شامي
Date: 08-12-2009, 10:03 AM
Parent: #15
الاخ الكريم الازهري .. اولا اتفضل منديل قش بيهو دميعات الوش الفوق في مداخلتك ده
انا قلبي رهيف قدام الدموع وما باقدر اتمالك اعصابي
و حسي ابكي و اتخنج لا تلقى بوستاتك لا انا القى بوستاتي و المنبر يغرق في بحر الدموع ...
Quote: الأخت الكريمة عزاز
البوست ده قلب علي المواجع والاحزان
عشرات البوستات الكتبها أخوك الازهري ضاعت ، ومنها بوستات ومشاركات مهمة جداً (في نظري طبعا)
على الأقل إنتي ممكن بكري يديك مكتبة تحفظ أعمالك ، لكن أنا ممنوع من المكتبات الخاصة بنص القانون البكري الذي يمنع منح المكتبات للكتاب بإسم مستعار .
والله عشرات البوستات ضاعت وضياعها شئ محزن لأنها أخذت جهد ووقت من صاحبها .
تخيلي كاتب في المنبر منذ العام 2003م ولا أملك مكتبة خاصة !!
الشكية لي الله لحدي مابكري يراجع هذا القانون المجحف الذي لايستند إلى أساس منطقي .
تحياتي وتقديري |
ممممممم .. افهم من مداخلتك دي انو انت داير مكتبة؟
اتفضل يا بكري! كنا في بوستات بقينا في مكتبات!
قانون بكري ده عاد نسأل الله السلامة محمد معانا ما تغشانا ما تجيب سيرتو لانو
بيجيب الاسياد و الاسياد ما راضين و نبقى في اليطيرهم
و بخرات و ضبايح و احتمال البوستات الفي زاتها تطير
ترفرف تاني ما نلم فيها ...
يا بكري اعتقد من حق الاستاذ ازهري مكتبة خاصة وانا مستعدة اديهو
مكتبتي وأجر ليهو الضلفة اليمين و رفين من الضلفة الشمال
يعني يا بكري في مكتبات غياتو ما عارفاك عملتها على ياتو اساس
و استخدمت فيها حساب شنو إلا كان حساب مثلثات ...
عموما مخيّر و انت حر المنبر حقك و المكتبتات حقتك بس عاد النصيحة دين
وانت كمان يا اخ ازهري اسمك اللي خايف عليهو ما تقولو لبكري
و ارتاح و اطبق مكتبتك و رص فيها بوستاتك و اقفل باب الاحزان ...
باركوها يا جماعة ...
بالتفاهم كلو بيجي ...
|
Post: #28
Title: Re: إبلاغ عن مواضيع راحت في شربة موية ...
Author: عزاز شامي
Date: 08-12-2009, 09:53 AM
Parent: #14
Quote: Quote: ابلاغ عن مواضيع راحت فى شربة موية
بالجد حاجة تغيظ ,, انا عندى بوست كتبتو عن سنجة وكنت فى حالة وجدانية لن تتكرر لأكتب مثل
ه ,, راح فى موية الهكر .
من هنا ورايح اعملى نظام MS Save
ماتستبعدى كلامك اللى بتكتبيهو هنا دا يجى يوم واحد ولا واحدة يطلع منو حاجات ن
حن ماكنا جابيين ليها خبر. |
اهو يا بكري! عاجبك كده يعني؟ حالاتنا الوجدانية دي لقيناها واقعة في الدرب؟
ده استهتار و تهاون بوجدانياتنا ياخ!
أي امة لا تحافظ على وجدانيات شعبها تمارس تفريطا لا يغتفر!
يا اخوي عبدالعزيز يشهد الله انا ضياع و جدانياتك دي حاسة بيهو التقول وجداني
لانو بوست مطبات هوائية كان برضو فيهو وجدانيات و خلعة و رجفي اسأل الله ما ينعاد
بس هاميني انو توثيق وجداني ده ما يكون طاشي في الاسفير
في بلاد عجم لا تفقه من أمر وجداني شيئا
يعني انا في غربة و كتابة وجداني في غربة ... إلى متى هذه الشتات؟
انادي من منبري هذا بالبحث عن بوست الاخ عبدالعزيز الفضلابي عن سنجة ..
ولكم من جزيل الشكر و الدعاء بظهر الغيب لا تموتو لا تفوتو ...
MS Save ما بناباهو بس الفي ارشيف بكري ابو بكر اتعرف
وانا تاني وجداني ما بصرح بيهو في البورد ده
إلا اشيل نسخة منو ...
|
Post: #20
Title: Re: إبلاغ عن مواضيع راحت في شربة موية ...
Author: تيسير عووضة
Date: 08-12-2009, 05:15 AM
Parent: #13
أزهري عوض الكريم ..
Quote: تيسير سلامات..
بس ما شرحتى لينا علاقة بوستات عزاز الرايحة
بى روحة سفنجة حبوبتك... |
مافي أي علاقة
بس ما كنت لاقية حتة أحكي فيها الحكاية قمت ختيتا في بوست عزاز ..
|
Post: #27
Title: Re: إبلاغ عن مواضيع راحت في شربة موية ...
Author: عزاز شامي
Date: 08-12-2009, 09:46 AM
Parent: #13
ازهري عوض الكريم يا اخوي الله يخليك .. الله يسلمك
الله يبارك فيك ... الله يسلمك ..كيفكم؟ علكم طيبين؟
الاهل ؟البيت .. الزراعة ... المطرة ما تكون أذتكم
الله يخليك الله يسلمك الله يبارك فيك الله يسلمك ...
ما نجيك في بوست مفقود و لا بوست كاتلو الهكر ...
__________
تيسير دي مصرح ليها تجي تحكي و تنداح ان شاء الله تحكي تاريخ
نضالها السياسي من هي في الروضة و التمهيدي في بوست متعلق
بأثر لقاح الملاريا على البشرة السمراء 
|
Post: #25
Title: Re: إبلاغ عن مواضيع راحت في شربة موية ...
Author: عزاز شامي
Date: 08-12-2009, 09:33 AM
Parent: #12
Quote: تدفعي كم?
ألمك في كواريكك |
انجدني و الحقني يا شيخ كوستاوي
|
Post: #22
Title: Re: إبلاغ عن مواضيع راحت في شربة موية ...
Author: عزاز شامي
Date: 08-12-2009, 07:21 AM
Parent: #11
Quote: قام اتعزز الليمون
المعلومه بنت الميداح
كان لقيتيهم لي اكون ممنون يا عزاز
دي راحت في حمض كبرتيك مركز |
12 اغسطس التالي لأيلول من عام 2009 ميلادي
المكان: قسم شرطة سوق الله اكبر
البلاغ: ضياع بوستات - متفرقات
الشاكي: محمد المرتضى حامد
مسجل البلاغ: عميد أول طيار مظلي مهندس عزاز شامي
___________
اسئلة المحضر دي بالله املاها لي يا استاذ محمد و جيبها لي في غضون
5 سنوات من تاريخه علشان اقدر اشوف ليك دربها في اقرب سانحة:
1- تاريخ ميلاد كل بوست على حده و مكان الميلاد
2- مواصفات البوستات (مشاكل - تداعي - اندياح - سياسة - كورة)؟
3- زورا البوست و علاقتهم بيك كانت شنو؟
4- هل تشك في أعداء محتملين؟
5- داير بيهم شنو حسي بعد ضاعو الوقت ده كلو؟
6- (أخرى)
ان شاء الله تديني اجابات تلم فيهم آخر السنة دي كان الله هون ...
|
Post: #19
Title: Re: إبلاغ عن مواضيع راحت في شربة موية ...
Author: عزاز شامي
Date: 08-12-2009, 04:55 AM
Parent: #10
Quote: أي بوست إتكتب في الفترة من شهر أبريل لغاية سبتمبر 2008 إستعوضي فوقو الله الهكر قام بالواجب
وأي بوست إتكتب في الفترة من 20 لغاية 23 يناير 2009 شرحو |
تايسا ؟!
اديتيني شعور انو انا حاطلع شهادة ميلاد بدل فاقد!
انتي شغالة في دائرة الاحصاء يا بنية؟
حسي "السفنجات" الجبتيها دي يشهد الله شقلبت البحث ده قلبة و عدلة ما لقيتو
بحثت باسم الكاتب و اسم العنوان و ختيت مقتطفات منو بري ما جاني إلا كتابة
معتز توركستي ...
بالله يا بتي تشوفي لي بوست "مطبات هوائية" مغرودة فيهو شديد ...
كنت رابطة في طرفو قروش الجمعية و ما لاقياهو لحسي ...
|
Post: #21
Title: Re: إبلاغ عن مواضيع راحت في شربة موية ...
Author: تيسير عووضة
Date: 08-12-2009, 05:54 AM
Parent: #19
Quote: حسي "السفنجات" الجبتيها دي يشهد الله شقلبت البحث ده قلبة و عدلة ما لقيتو
بحثت باسم الكاتب و اسم العنوان و ختيت مقتطفات منو بري ما جاني إلا كتابة |
قالوا بيشوف القلب أمي ..
|
Post: #18
Title: Re: إبلاغ عن مواضيع راحت في شربة موية ...
Author: عزاز شامي
Date: 08-12-2009, 04:49 AM
Parent: #9
| Quote: البركة في رويحتك دي يا عزوز طالما قاعدة في منبر بكري ده |
خلاص يعني يا خدر؟
البحر من ورائكم و الهكر من امامكم؟
ان قبلانة اطلع مجنونة و خرفانة بس اجمع
مع بوستاتي، بنات افكاري،
ده حتى حرام بنات افكاري يقعدو
براهم في غربة الاراشيف كل هذا الزمن ....
|
Post: #17
Title: Re: إبلاغ عن مواضيع راحت في شربة موية ...
Author: عزاز شامي
Date: 08-12-2009, 04:44 AM
Parent: #6
عصام، سلمات ...
قعدت افكر يا ربي عصام قاصد شنو؟ يا ربي عصام قاصد شنو؟
هو عمل لي اقتباس و خت ايقونة زول بيقرى .. يا ربي قاصد شنو؟
و مرة اشيل يدي من خدي اليمين للشمال و بالعكس لغاية انتبهت
لانو انت قاصد انو انت موافقني في قصدي من البوست!
و عليه،،
في مظاهرة منبرية نحن بصدد خياطتها قريب، الرجاء التسجيل في أقرب سانحه ..
|
Post: #23
Title: Re: إبلاغ عن مواضيع راحت في شربة موية ...
Author: Zomrawi Alweli
Date: 08-12-2009, 07:45 AM
Parent: #17
Uzaz او Ozaz او 3zaz
كيف حالك يابت يا كنداكة انتي
مرات كتيرة بخش بوستاتك واقرأها واستمتع بلغتك العربية المرصوصة رص احسن من ناس مدني
ولكن الجملة دي غاظتني
| Quote: مصر هي أمي .. نيلها هو دمي شمسها فـ سماري .. شكلها فـ ملامحي و إن كان لوني قمحي * |
الغيظة من حبك لنيل مصر وانتي تعلمين ان النيل في منطقة عبري اكبر مليون مرة من نيل مصر
الا ترى ان النيل جرى دفاقا من ارضك النوبية واستقر في بحر مصر..
يا نيلنا يا ارضنا الخضراء يا حقل السنة ... يا مهد اجداد ويا كنزي العزيز المقتنى
وفتك بعافية
|
Post: #24
Title: Re: إبلاغ عن مواضيع راحت في شربة موية ...
Author: محمد أبوالعزائم أبوالريش
Date: 08-12-2009, 08:48 AM
Parent: #23
Quote: مافي أي علاقة
بس ما كنت لاقية حتة أحكي فيها الحكاية قمت ختيتا في بوست عزاز .. |
|
Post: #26
Title: Re: إبلاغ عن مواضيع راحت في شربة موية ...
Author: محمد عبد الماجد الصايم
Date: 08-12-2009, 09:37 AM
Parent: #24
انضبط يا عضو منكـ لوه!
صفا ..
انتباه ..
إلى بوستاتكم يرحمكم الله!
ياخ الفترة البتقوليها دي
أنا كتبت فيها عصارة أفكاري في المنبر!
|
Post: #29
Title: Re: إبلاغ عن مواضيع راحت في شربة موية ...
Author: صديق الموج
Date: 08-12-2009, 10:01 AM
Parent: #26
وان شئتم الدقه فحمى فاتح
آل امحى أل،،،
|
Post: #31
Title: Re: إبلاغ عن مواضيع راحت في شربة موية ...
Author: ismeil abbas
Date: 08-12-2009, 11:16 AM
Parent: #29
ألأخت/عزاز...
من الصعب ان يضيع كل هذا المجهود كمن ينفخ فى قربة مقدودة...ما ينتجه الفكر يجب ان يوثق..وزى ما قلت بنات أفكارك يجب مراعتهن .وحفظهن فى مكان أمن متى ما عايزه تشوفيهن تجديهن.....
ألأخت/تيسير...
Quote: حبوبتي يا عزوز تقوم من المصلاية تقلع سفنجاتا وترقد في العنقريب
تاخد نومتها وتصحي لما تجي تنزل بتنزل بالجهة التانية غير الفيها السفنجة
تعاين ما تلقاها وتبدا تكورك بعد داك:
سفنجاتي اللبسا منو الله لا كسبكم .. فترتوني ونشفتو ريقي
كدي أشوف واحد فيكم لابسا عشان أقصقص كرعينو
لغاية ما يجي أي عابر سبيل فينا يجيبا ليها من الجهة التانية والضحك يكون كاتلنا |
فعلا حال حبوباتنا يضحك..وهنا فى هذا المنبر فى ناس أخير منهم حبوباتنا قياسآ بمثل هذه التصرفات..تتكلم فى موضوع يطلع ليك بالموضوع الثانى..الله يحفظ من هن على قيد الحياة من الحبوبات ويرحم من ودعن هذه الفانية..
تقديرى وأحترامى.........إسماعيل محمد احمد عباس..
|
Post: #32
Title: Re: إبلاغ عن مواضيع راحت في شربة موية ...
Author: عزاز شامي
Date: 08-18-2009, 11:34 AM
Parent: #1
يا معشر القوم و البورداب و عائلاتهم و ذويهم
هل يا ترى لاقتكم البوستات المفقودة بأعلاه
خلال تجوالكم في الاراشيف الظليلة أبان الخجة
التي مر بها المنبر منذ سويعات؟
وهذا على سبيل اللياقة و التلبط ...
والعاقبة لديكم في البوستات الطاشات ...
|
|