Post: #1
Title: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 10:54 AM
Parent: #0
|
Post: #2
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: SHIBKA
Date: 03-16-2009, 10:56 AM
Parent: #1
| Quote: الشعب السوداني قبل الانقاذ كان زي الشحاتين! |
وبعد الانقاذ......
|
Post: #10
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: هشام مدنى
Date: 03-16-2009, 11:36 AM
Parent: #2
| Quote: وبعد الانقاذ...... |
مافى.....
|
Post: #25
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 01:53 PM
Parent: #10
Quote: Quote: وبعد الانقاذ......
مافى..... |
مافي شحاتين ولا مافي شيء يشحدوهو ولا مروة شحادة مافي؟
مافي دي ماااااهلة و بشتيل كثير!
|
Post: #41
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: هشام مدنى
Date: 03-16-2009, 03:43 PM
Parent: #25
Quote: مافي شحاتين ولا مافي شيء يشحدوهو ولا مروة شحادة مافي؟
|
مافى اى حاجه.......مــــــــــــــــــافى خالص
ناس...مويه..كهرباء...اكل..مافى كل حاجه مافى ولا حتى صحن فول ما مصلح
بــــــوش مصلح ذاتـــو مافى.....
فـــى الأنقاذ ...تنقذ منو؟
ما عارف
تحياتي
|
Post: #24
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 01:51 PM
Parent: #2
Quote: Quote: الشعب السوداني قبل الانقاذ كان زي الشحاتين!
وبعد الانقاذ...... |
لا ابشرك .. الحمدلله ... والله اكبر ... فتنا الشحاتين بهناك!
|
Post: #38
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: khalid abuahmed
Date: 03-16-2009, 03:29 PM
Parent: #2
| Quote: الشعب السوداني قبل الانقاذ كان زي الشحاتين |
انت نسيت.. إنك كنت زي الجدادة الضاربة الهيم......؟؟.
وفي رواية آخرى ...كنت..
زي الجدادة الضارباها مطرة.
انا ما نسيت بداياتك الأولى في عهد (الانقاذ)..
بعد ضربتوا أموال الشعب السوداني انتفخت اوداجكم..!!.
شكرا أختي عزاز على تذكرينا .. ,وشكرا مصطفى عثمان اسماعيل طفل (الانقاذ) المدلل.
|
Post: #3
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 10:59 AM
Parent: #1
16 مارس 2009
تغطية "شاهد عيان" للمؤتمر الصحفي الذي أقامته سفارة السودان في الرياض
على شرف مستشار الرئيس د. مصطفى عثمان إسماعيل ...
___________
صبرا يبل الابريه !!
|
Post: #4
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Mohamed Yassin Khalifa
Date: 03-16-2009, 10:59 AM
Parent: #1
وبعد الإنقاذ؟!
____________________
تحيات عزاز....وسلامات
|
Post: #26
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 01:57 PM
Parent: #4
هلا بيك يا اخوي محمد،
أولا ...
الانقاذ دي تقولها و انت واقف على حيلك لانو ديل في النهاية اسيادنا
و لمونا من الشحاتة ...
أما عن سؤالك عن حالنا من بعد ...
فابشرك الحمدلله بقينا كويسين بس فقدنا 2 لتر كرامة ...
|
Post: #5
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 11:03 AM
Parent: #1
أكد مستشار رئيس الجمهورية د. مصطفى عثمان إسماعيل بأن منظمات الدولية التي تم طردها
من دارفور هي "آليات تآمر" تمد جهات خارجية بمعلومات تضر بالأمن القومي السوداني.
وأن الحفاظ على "سيادة السودان" أهم من التمسك بمنظمات "توزيع" وطمئننا بأنهم
قادرون على سد الفجوة ...
السؤال الملح الذي لم يُطرح حينها: من أوجد الفجوة؟ وما الحل الجذري للوضع؟
|
Post: #6
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: فيصل محمد خليل
Date: 03-16-2009, 11:10 AM
Parent: #5
و هسع شاحتين
 مناضل كيبوردي
|
Post: #27
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 02:00 PM
Parent: #6
لو سمحت يا استاذ فيصل ما دايرين تجني
اثبت انو انتو حسي شحاتين وما تبهتو الناس ساي ...
كونكم كنتو شحاتين دي ما بنتغالط
لانو ده كلام حيكومة ذات سيادة ...
هات شاهدين ومعاهم ورق يثبت انك شحات
ولو جبتو حنقول ليك من أين لك هذا يا هذا؟
موش لقيت حق الورق؟ خلاص أحمد الله! عالم طماعة بشكل!
|
Post: #9
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: احمد سردوب
Date: 03-16-2009, 11:17 AM
Parent: #5
Quote: وأن الحفاظ على "سيادة السودان" أهم من التمسك بمنظمات "توزيع" وطمئننا بأنهم
قادرون على سد الفجوة ... |
الزميلة عزاز يا عزيزة
تحياتي
اي سيادة التي يتحدث عنها الكيزان والتي تقوم علي تعريض حياة الملايين للموت بعد ان قتلت مئات الالاف من الارواح ؟؟؟؟؟؟
هم يتحثوا عن انفسهم هكذا كانوا قبل الانقاذ وبعد الانقاذ رأسماليتهم الطفيلية اغتنت علي حساب الشعب المكلوم
هم هكذا يكذبون ويصدقون كذبتهم
|
Post: #28
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 02:03 PM
Parent: #9
Quote: Quote: وأن الحفاظ على "سيادة السودان" أهم من التمسك بمنظمات "توزيع" وطمئننا بأنهم
قادرون على سد الفجوة ...
الزميلة عزاز يا عزيزة
تحياتي
اي سيادة التي يتحدث عنها الكيزان والتي تقوم علي تعريض حياة الملايين للموت بعد ان قتلت مئات الالاف من الارواح ؟؟؟؟؟؟
هم يتحثوا عن انفسهم هكذا كانوا قبل الانقاذ وبعد الانقاذ رأسماليتهم الطفيلية اغتنت علي حساب الشعب المكلوم
هم هكذا يكذبون ويصدقون كذبتهم |
الأخ احمد سردوب،
سلامات ...
منو القاعد يموت؟
متين؟
في السودان؟
شوف بالله!! دي غلطة الإعلام (الغبي) القاعد ينشر كلامات ساي ...
يا زول قول بسم الله ... كديسة ما اتقتلت في السودان من سنة 1992
|
Post: #29
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 02:05 PM
Parent: #9
Quote: Quote: وأن الحفاظ على "سيادة السودان" أهم من التمسك بمنظمات "توزيع" وطمئننا بأنهم
قادرون على سد الفجوة ...
الزميلة عزاز يا عزيزة
تحياتي
اي سيادة التي يتحدث عنها الكيزان والتي تقوم علي تعريض حياة الملايين للموت بعد ان قتلت مئات الالاف من الارواح ؟؟؟؟؟؟
هم يتحثوا عن انفسهم هكذا كانوا قبل الانقاذ وبعد الانقاذ رأسماليتهم الطفيلية اغتنت علي حساب الشعب المكلوم
هم هكذا يكذبون ويصدقون كذبتهم |
الأخ احمد سردوب،
سلامات ...
منو القاعد يموت؟
متين؟
في السودان؟
شوف بالله!! دي غلطة الإعلام (الغبي) القاعد ينشر كلامات ساي ...
يا زول قول بسم الله ... كديسة ما اتقتلت في السودان من سنة 1992
|
Post: #7
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 11:11 AM
Parent: #1
عبدالواحد قال ما حيوقف المفاوضات لو القرار طلع ...
عبدالواحد قال ... عبدالواحد قال ... كلامو كلو للاستهلاك"
** رد مستشار الرئيس على سؤال متعلق بتهديد عبدالواحد نور بالانسحاب
من المفاوضات في حال حضور الرئيس عمر البشير لقمة الدوحة.
|
Post: #11
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Deng
Date: 03-16-2009, 11:41 AM
Parent: #8
الغالية عزاز.
مصطفى عثمان ده قبل كده حضرت له لقاء بمركز الرئيس الأمريكي السابق ودرو ولسن عندما كان وزيرا للخارجية، الزول ده كان شكلو بيحنن ومثيرللشفقة من كثرة الأكاذيب الكان بقول فيها. بعدين كان عندو مشكلة واضحة مع اللغة الأنجليزية، حيث فشل أن يعبر بها عن نفسه تماما.
|
Post: #12
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: محمد عبدالقادر سبيل
Date: 03-16-2009, 11:51 AM
Parent: #11
عزاز
صدقيني
مصطفى عثمان دا زول مهذب
عشان كدا ادخل من عنده كلمة ( زي )
شكرا
______________
رب اشرح لي صدري
|
Post: #67
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 07:09 AM
Parent: #12
Quote: عزاز
صدقيني
مصطفى عثمان دا زول مهذب
عشان كدا ادخل من عنده كلمة ( زي )
شكرا |
الشهادة لله، الزول كان مهذب من موقعوا كزول ما شحات و ما عنتري
و ساهم في انو يعملنا بني آدمين ...
الحق يتقال
آآآآي و الله
كان من حقو يقوم - زول بيسألو ماف - يكفتنا و يشلتنا و يجدعنا في الشارع
أو بالعدم يختنا تحت الجزمة بحكم اننو انحنا شحاتين اولاد شحاتين و جاين نرفع
العين فوق الحاجب ...
لا تفوتني في هذه السانحة أن اتوجه بعميق شكري لحيكومة الانقاذ
اللي اطعمتني من جوع ...
|
Post: #31
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 02:15 PM
Parent: #11
دينق يا اخوي وينك و ين اراضيك؟
بتكون اشكالية لغة بس الفكرة وصلت ولا لأ يومها؟
الحق يتقال .. الدكتور كان مفوه و لغتو العربية محبوكة تمام
لا لحن فيها ولا لجج ...
بس تصدق و تآمن، تيتي تيتي زي ما رحت جيتي، و السؤال معلق داير اجابة!
|
Post: #30
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 02:10 PM
Parent: #8
ادريس حبابك ...
الاخ ود الباوقة كان حاضر لوج و شاف الكوب الممتلئ لأعلاه و مدفق (وش اللهم لا حسد)
|
Post: #13
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 12:01 PM
Parent: #1
و وصف سعادة المستشار تناول الإعلام السوداني لمسألة طرد الـ 13 منظمة التي
كانت تعمل في مجال توزيع الإمدادات في دارفور بـ (الغباء) معللا بأنه – الإعلام –
لا يستطيع التفريق بين مادة تصلح لفقاعة صحفية و خبر متعلق بالأمن القومي لدولة .
وأكد في ذات السياق بأن الصحافة السودانية تملك كافة الوثائق التي تدين تورط المنظمات
المطرودة في نشاطات تمس سيادة السودان و أمنه ...
السؤال: هل يملك نفس الإعلام الغبي الوثائق الدامغة أم هناك إعلام ذكي يستطيع التعامل
مع وثائق على قدر عال من التعقيد و السرية؟
|
Post: #14
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: بدر الدين الأمير
Date: 03-16-2009, 12:18 PM
Parent: #13
Quote: السؤال: هل يملك نفس الإعلام الغبي الوثائق الدامغة أم هناك إعلام ذكي يستطيع التعامل
مع وثائق على قدر عال من التعقيد و السرية؟ |
يقول (توماس كارليل)
(أكبر خطأ ألاتفطن الى خطيئة نفسك)
تنهدات: حتى انت يامصطفى عثمان.. الفاظك هستيرية.. وكيف نلوم البشير .. على الفاظه..
|
Post: #15
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: أحمد أمين
Date: 03-16-2009, 12:54 PM
Parent: #14
ياعزاز
تحياتى
الزول ده طبعا كحال ناس الحكومة بيتكلم ساكت (بدون مصادر)
الناس ديل لمن يقولوا (الشعب السودانى) تعرفى هم قاصدين جماعتهم
وفى دى صدق.....................
لكن باقى الشعب الفضل
اى ال 95%
عارفين انو الشحدة ذادت بدرجة محزنة ومزهلة
ناس عايزه مصاريف علاج
ناس عايزه رسوم مدارس
ناس ماقادره تدفع الايجار
وده كله مكتوب فى (الجرايد اليومية الزول ده ماقاعد يقرا ولاشنو)
صفحات كامله نوع: امسح دمعه......الخ
ده خليك من الشارع
ياخى الظاهره دى الزول فى اهله بيشوفه-مقارنة بزمان- خليك من الناس التانين
والسبب:
السودان اقل دولة بتصرف على مشاريع لدعم الفقراء فى افريقيا(خليك من العالم)-تقرير UNDP 2006
مقياس التفاوت الاقتصادى كانت فى 1968 41% فى السودان -بريطانيا الان بين 40% الى 50%.
فى الستة سنوات الاولى للانقاذ قفزت الفجوة الى 74% -نفس التقرير الذى شاركت فى تحريره وزارة المالية-
التعليم بقى بقروش
العلاج بقروش
رفع الدعم عن السلع الاساسية
والعطاله والعمل بالواسطة بعد الخصصه.
---------------------------------
نصيحه لمصطفى اسماعيل
ارجع اعمل كطبيب اسنان لتعوض دافع الضرائب السودانى القروش الصرفه فيكم
السياسية الداخلية ولا خارجية دى مابتعرفوا ليها -اهو طلعتوا مجرمين حرب اخرتها-
|
Post: #17
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عثمان رضوان
Date: 03-16-2009, 01:06 PM
Parent: #15
الحق مش عليه.
الحق على الكان السبب.
الله يجازي الكان السبب.
|
Post: #70
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 07:32 AM
Parent: #17
Quote: الحق مش عليه.
الحق على الكان السبب.
الله يجازي الكان السبب. |
اخوي عثمان رضوان ...
حقو نلحن الكلام ده يا اخوانا!
|
Post: #68
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 07:15 AM
Parent: #15
Quote: عارفين انو الشحدة ذادت بدرجة محزنة ومزهلة
ناس عايزه مصاريف علاج
ناس عايزه رسوم مدارس
ناس ماقادره تدفع الايجار
وده كله مكتوب فى (الجرايد اليومية الزول ده ماقاعد يقرا ولاشنو)
صفحات كامله نوع: امسح دمعه......الخ
ده خليك من الشارع
ياخى الظاهره دى الزول فى اهله بيشوفه-مقارنة بزمان- خليك من الناس التانين
والسبب:
السودان اقل دولة بتصرف على مشاريع لدعم الفقراء فى افريقيا(خليك من العالم)-تقرير UNDP 2006
مقياس التفاوت الاقتصادى كانت فى 1968 41% فى السودان -بريطانيا الان بين 40% الى 50%.
فى الستة سنوات الاولى للانقاذ قفزت الفجوة الى 74% -نفس التقرير الذى شاركت فى تحريره وزارة المالية-
التعليم بقى بقروش
العلاج بقروش
رفع الدعم عن السلع الاساسية
والعطاله والعمل بالواسطة بعد الخصصه. |
الأخ احمد أمين ...
اسمح لي ...
ده غلط منك!
كلامك مغرض و عار من الصحة
امشي اقرى كلام الاخ همام عن الوضع الاغتسادي في السودان علشان تآمن!
|
Post: #16
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: صديق الموج
Date: 03-16-2009, 12:58 PM
Parent: #14
انا ذهبت للمؤتمر الصحفى عشان اكون شاهد عيان وبصراحة طلعت من
المؤتمر شاهد عيان جدا،وسبب سقامى اننى كنت احسن الناس ظنا
بهذا المصطفى وكنت احسبه دبلماسيا من طراز فريد وانه من ابناء السودان
الطيبين وقد ضل طريقه الى هذا التنظيم الشمولى
ولكن كعادة ناس المؤتمر الوطنى لم يخيب لى المصطفى ظنا واخرج لنا ذيله
فردوده الغاضبه والتجهم فى وجوه المؤتمرين اصدق دليل على ان الرجل من نفس
الطينة والعجينه..
الله يعين السودان،،،
|
Post: #18
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: محمد المرتضى حامد
Date: 03-16-2009, 01:08 PM
Parent: #16
دا يخلع ،
ضرس العقل.
|
Post: #19
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: hamam
Date: 03-16-2009, 01:11 PM
Parent: #18
Quote: مارس 2009
تغطية "شاهد عيان" للمؤتمر الصحفي الذي أقامته سفارة السودان في الرياض
على شرف مستشار الرئيس د. مصطفى عثمان إسماعيل ... |
شاهد عيان (شاهد ما شافش حاجة) دخل القاعة و خرج كما دخل و لم يفتح الله عليه بكلمة.
نعم الشعب السوداني كان في سنة 89 يستجدي و يستلف 80% من ميزانيته
الميزانية سنة 89 كانت 800 مليون دولار منها 80% ديون و قروض و هبات
الميزانية سنة 2009 13 مليار دولار (13000000000) منها 80% من حر مال الشعب السوداني
نعم .. معدل النمو سنة 89 في السودان كان سالب 1 (-1%)
اليوم السودان في مصاف أفضل 10 دول في العالم من حيث النمو الاقتصادي و الناتج المحلي 7% كحد أدنى منذ تنفيذ استراتيجية تحرير الاقتصاد عام 1993
نعم هذه هي لغة الأرقام .. و فقط الأرقام و لا وقت للإنشاء و التدبيج
|
Post: #20
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: ادريس خليفة علم الهدي
Date: 03-16-2009, 01:22 PM
Parent: #19
| Quote: الميزانية سنة 2009 13 مليار دولار (13000000000) منها 80% من حر مال الشعب السوداني |
أضحك مما أقرأ
|
Post: #95
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:10 AM
Parent: #20
Quote: Quote: الميزانية سنة 2009 13 مليار دولار (13000000000) منها 80% من حر مال الشعب السوداني
أضحك مما أقرأ |
اضحك يا اخوي ساااااي
الضحك شرطنامن امس الصباح
|
Post: #80
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Zomrawi Alweli
Date: 03-17-2009, 08:39 AM
Parent: #19
تعودت انا دائما حضور المناسبات الترفيهية والتثقيفية لا السياسية (وكان آخرتها مع عبدالرحيم حسين في السفارة عندما جاء ليسمع كلامنا نحن الرافضون لسد كجبار) ولم يسمعنا واسمعنا كلاما لم نرض بها ولن نرضاه مدى الحياة.
احد الموالين للمؤتمر الوطني وعدني بان نذهب سويا للاستماع الى هذا الوزير فلم يفعل وربما خشي على سؤالي البلدي لناس الحيكومة... ليه بس السفارة السودانية دونا عن نظيراتها هى التي تدعو مواطنيها للاستماع الى قادتها عند زيارتهم لذاك البلد؟؟ دعيت قبل فترة في احدى سفارات الافريقية الصديقة من صديق عزيز يعمل
المهم!!!
اخونا همام بن سعيد قال
Quote: نعم الشعب السوداني كان في سنة 89 يستجدي و يستلف 80% من ميزانيته
الميزانية سنة 89 كانت 800 مليون دولار منها 80% ديون و قروض و هبات
الميزانية سنة 2009 13 مليار دولار (13000000000) منها 80% من حر مال الشعب السوداني
نعم .. معدل النمو سنة 89 في السودان كان سالب 1 (-1%)
اليوم السودان في مصاف أفضل 10 دول في العالم من حيث النمو الاقتصادي و الناتج المحلي 7% كحد أدنى منذ تنفيذ استراتيجية تحرير الاقتصاد عام 1993 |
فوالله الكلام دا حرقني شديد... ياخوانا انتو غياظين كدا مالكم؟؟؟
| Quote: الميزانية سنة 2009 13 مليار دولار (13000000000) منها 80% من حر مال الشعب السوداني |
طيب اذا الدولة غنيانة طيب الناس مالا تعبانة؟؟؟ وروني يا ناسي انا العزاب علي قاسي ووووب انا
انا لا افهم ماذا يعني بحر مال الشعب السوداني
هل هي ما تستقطعه من الضرئب؟
هل هي ما تستقطعه من الزاكاة؟
هل هي ما تستقطعه من اتاوات المحليات ورجال المرور؟
ام هي من مال البترول الذي (لم يسعد الشعب السوداني به بعد) رغم احتفال وزارئه بالعام الثامن على استخراجه؟.
|
Post: #97
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:14 AM
Parent: #80
Quote: تعودت انا دائما حضور المناسبات الترفيهية والتثقيفية لا السياسية (وكان آخرتها مع عبدالرحيم حسين في السفارة عندما جاء ليسمع كلامنا نحن الرافضون لسد كجبار) ولم يسمعنا واسمعنا كلاما لم نرض بها ولن نرضاه مدى الحياة.
احد الموالين للمؤتمر الوطني وعدني بان نذهب سويا للاستماع الى هذا الوزير فلم يفعل وربما خشي على سؤالي البلدي لناس الحيكومة... ليه بس السفارة السودانية دونا عن نظيراتها هى التي تدعو مواطنيها للاستماع الى قادتها عند زيارتهم لذاك البلد؟؟ دعيت قبل فترة في احدى سفارات الافريقية الصديقة من صديق عزيز يعمل
المهم!!!
اخونا همام بن سعيد قال
Quote: نعم الشعب السوداني كان في سنة 89 يستجدي و يستلف 80% من ميزانيته
الميزانية سنة 89 كانت 800 مليون دولار منها 80% ديون و قروض و هبات
الميزانية سنة 2009 13 مليار دولار (13000000000) منها 80% من حر مال الشعب السوداني
نعم .. معدل النمو سنة 89 في السودان كان سالب 1 (-1%)
اليوم السودان في مصاف أفضل 10 دول في العالم من حيث النمو الاقتصادي و الناتج المحلي 7% كحد أدنى منذ تنفيذ استراتيجية تحرير الاقتصاد عام 1993
فوالله الكلام دا حرقني شديد... ياخوانا انتو غياظين كدا مالكم؟؟؟
Quote: الميزانية سنة 2009 13 مليار دولار (13000000000) منها 80% من حر مال الشعب السوداني
طيب اذا الدولة غنيانة طيب الناس مالا تعبانة؟؟؟ وروني يا ناسي انا العزاب علي قاسي ووووب انا
انا لا افهم ماذا يعني بحر مال الشعب السوداني
هل هي ما تستقطعه من الضرئب؟
هل هي ما تستقطعه من الزاكاة؟
هل هي ما تستقطعه من اتاوات المحليات ورجال المرور؟
ام هي من مال البترول الذي (لم يسعد الشعب السوداني به بعد) رغم احتفال وزارئه بالعام الثامن على استخراجه؟. |
اووووووووووووووه
سجل عندك مغرض آخر ...
حسي انت يا اخوي زمراوي عندك شك في "التغرير" الإغتسادي
الجابو ليناالأخ المواطن السعوسوداني همام؟
بعدين سدود شنو و حلايب منو الجيايبها لينا هنا؟
السيادة السودانية انتقائية جدا و ما من حقك تجي
تفرض عليهم يقولوا شنو لا يتصرفوا كيفن في أرضك
و ثقافتك ...
عالم شحاتة بجد!
|
Post: #99
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:24 AM
Parent: #19
الاخ همام ...
انت طبعا نجم البوست ده و البوستات المجاورة بلا منازع
Quote: نعم .. معدل النمو سنة 89 في السودان كان سالب 1 (-1%)
اليوم السودان في مصاف أفضل 10 دول في العالم من حيث النمو الاقتصادي و الناتج المحلي 7% كحد أدنى منذ تنفيذ استراتيجية تحرير الاقتصاد عام 1993
نعم هذه هي لغة الأرقام .. و فقط الأرقام و لا وقت للإنشاء و التدبيج |
بالله السودان في مصاف الدول منو في عالم شنو؟
انتو الصنف ده بتجيبو من وين؟
بالجد ..
ده سؤال جاد جدا يبحث عن اجابة
شحاتة و قصدتك .. النبي ما تردني!
الصنف ده عالي النكهة بطريقة غريبة
بديكم تقارير تعرفو دربها براكم
و جزم كبيرة و كبابي تموصو فيها القرارت الدولية ...
بالمناسبة انت في فترة قبل الانقاذ كنت شحات برضو
ولا كنت متجنس سعودي و دخلت في "ضمان اجتماعي" للوطن الجديد؟
|
Post: #109
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: ضياء الدين ميرغني
Date: 03-17-2009, 11:08 AM
Parent: #19
Quote: نعم الشعب السوداني كان في سنة 89 يستجدي و يستلف 80% من ميزانيته
الميزانية سنة 89 كانت 800 مليون دولار منها 80% ديون و قروض و هبات
الميزانية سنة 2009 13 مليار دولار (13000000000) منها 80% من حر مال الشعب السوداني
نعم .. معدل النمو سنة 89 في السودان كان سالب 1 (-1%)
اليوم السودان في مصاف أفضل 10 دول في العالم من حيث النمو الاقتصادي و الناتج المحلي 7% كحد أدنى منذ تنفيذ استراتيجية تحرير الاقتصاد عام 1993
نعم هذه هي لغة الأرقام .. و فقط الأرقام و لا وقت للإنشاء و التدبيج |
همام انت فى امستردام ولا شنو؟
حاجة عجيبة
|
Post: #94
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:07 AM
Parent: #18
غياتو يا اخوي محمد البقت علينا أكتر من ضرس العقل ...
بالمناسبة انت كنت بتشحت وين لما كنت في الخرطوم؟
انا كنت ماسكة الكلاكلات و بحري ...
|
Post: #21
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: hamam
Date: 03-16-2009, 01:29 PM
Parent: #16
Quote: انا ذهبت للمؤتمر الصحفى عشان اكون شاهد عيان وبصراحة طلعت من
المؤتمر شاهد عيان جدا،وسبب سقامى اننى كنت احسن الناس ظنا
بهذا المصطفى وكنت احسبه دبلماسيا من طراز فريد وانه من ابناء السودان
الطيبين وقد ضل طريقه الى هذا التنظيم الشمولى |
يا صديق اتقي الله!
علي منو الكلام ده يا صديق؟ بالله 20 سنة و إنت كنت تحسبه؟ تحسبه من طراز فريد؟ من 20 سنة ما سمعنا منك كلمة خير في حق هذا الرجل و جاي الليلة بس عشان تنبذه تقوم تقول كنت احسبه؟ 20 سنه و انت تحسبه ؟ واسعة دي يا صديق .. يا شطارة منه ! يا عدم فهم و قصر نظر منك .. إختار براك واحدة منهم !
Quote: فردوده الغاضبه والتجهم فى وجوه المؤتمرين اصدق دليل على ان الرجل من نفس
الطينة والعجينه.. |
كذبت و الله ياصديق! فالرجل كان كعادته في غاية الرزانة و منتهى الانسجام و مزاج عالي و حاضر الذهن و أجاب على كل الأسئلة بمنتهى اللياقة و الأدب .. و ما تنسى يا صديق المؤتمر مسجل فيديو صوت و صورة ما تحاول تفبرك و تكتر الشمار
سؤالك وصفت فيه الحكومة بأن تصرفها حيال الأزمة الحالية بالعنتريات .. العنتريات و لاحظ يا صديق و للأمانة سؤالك الوحيد كانت صياغته شترا و واضح مقصود منها الاساءة لا الاستفسار أو السؤال
و كان رد الدكتور بالحرف الواحد و بكل أدب قال ليك يا صديق:
لو كانت الحكومة تتعامل بالعنتريات لكنا حتى الان في صفوف البنزين و صفوف الرغيف و قطوعات الكهرباء التي كانت عام 89 ، و العنتريات لا تشيد آلاف الكيلومترات من الطرق و العنتريات لا تشيد الجسور و العنتريات لا تفتح الجامعات و العنتريات لا تبني السدود و الحكومة لا تتعامل بالعنتريات.
|
Post: #23
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: ادريس خليفة علم الهدي
Date: 03-16-2009, 01:49 PM
Parent: #21
Quote: شاهد عيان (شاهد ما شافش حاجة) دخل القاعة و خرج كما دخل و لم يفتح الله عليه بكلمة.
نعم الشعب السوداني كان في سنة 89 يستجدي و يستلف 80% من ميزانيته
الميزانية سنة 89 كانت 800 مليون دولار منها 80% ديون و قروض و هبات
الميزانية سنة 2009 13 مليار دولار (13000000000) منها 80% من حر مال الشعب السوداني
نعم .. معدل النمو سنة 89 في السودان كان سالب 1 (-1%)
اليوم السودان في مصاف أفضل 10 دول في العالم من حيث النمو الاقتصادي و الناتج المحلي 7% كحد أدنى منذ تنفيذ استراتيجية تحرير الاقتصاد عام 1993
نعم هذه هي لغة الأرقام .. و فقط الأرقام و لا وقت للإنشاء و التدبيج |
Quote: وزارة المالية تعترف بعجز في تغطية الميزانية السودانية آخر تحديث:الأربعاء ,11/02/2009
الخرطوم “الخليج”:
كشفت وزارة المالية والاقتصاد الوطني عن موقف صعب تعيشه موازنة العام الجديد واعترفت بوجود عجز في تغطية الفصل الأول من الموازنة وأكدت أنها ستعمل على سده عبر الاستدانة من القطاع المصرفي .
وقال الطيب أبو قناية وكيل وزارة المالية إن التدفق المالي من البترول انخفض بصورة سريعة وبالكاد يكفي مصروفات الفصل الأول من الموازنة . وأضاف أبو قناية في اجتماع اللجنة الزراعية بالمجلس الوطني أن الموازنة الحالية تشهد عجزا سيتم تغطيته بالاستدانة من الجهاز المصرفي وأقر بوجود مشكلة في تحصيل الإيرادات وشدد أن عائدات البترول للربع الأول من العام الحالي لن يدخل منها دولار واحد إلى خزانة الدولة وأكد أنها تكفي فقط تكاليف الإنتاج ومخصصات الشركات والمنتجين وقال إن وزارته على استعداد لمراجعة الموسم الزراعي الصيفي وذكر أن التدفقات المالية للموسم الزراعي الماضي بلغت 85% وأضاف أن وزارة المالية تحصلت في ذات العام ما نسبته 86% .
وحمل أبو قناية شركات التأمين مسؤوليات إعسار المزارعين وقال إن المالية تعمل على تغطية شيكات التأمين بالملايين وعبر عن قلقه إزاء تقليص تمويل الأنشطة المتعددة إلى 30% .
من جهته أكد الرحيم علي وزير الدولة بوزارة الزراعة والغابات وجود زيادة في المحصولات الصيفية للموسم الحالي مقارنة بإنتاج الموسم الماضي وقال إن هناك زيادة كبيرة في إنتاج محصول الذرة بنسبة 29% بزيادة بلغت 60 طناً من الإنتاج المحلي .
إلى ذلك، جدد خبراء الاقتصاد دعوتهم لتطوير الصادرات غير البترولية وعدم الاعتماد على النفط كمورد أساسي في الموازنة وقال أستاذ الاقتصاد بجامعة النيلين الدكتور حسن بشير في ندوة نظمتها صحيفة “الانتباهة” حول الانخفاض العالمي في أسعار النفط وتأثيره في مستقبل الاقتصاد السوداني، إن العلة الأساسية في الاقتصاد السوداني ارتفاع تكاليف الإنتاج ورجح ذهاب الضرائب المباشرة إلى السوق بطريقة مباشرة داعيا للاستدانة من الجمهور مباشرة عن طريق الأوراق المالية بدلا من البنوك لأثرها التضخمي .
من جانبه أكد الخبير الاقتصادي محمد إبراهيم كبج نضوب أغلب المربعات التي يستخرج منها النفط بحلول العام 2119 مشككا في خلو برنامج توسيع المظلة الضريبية الذي تم طرحه مؤخرا من زيادة الأعباء على الفقراء وحصر مشكلة الموازنة في الإنفاق الحكومي الذي قال إنه يتضاعف عاما بعد عام . |
http://www.alkhaleej.ae/portal/332e6922-f5b7-47a1-b6c0-0e69da834af8.aspx
اها يا همام نصدق منو ؟؟؟؟
أكيد في واحد كذاب
|
Post: #93
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:04 AM
Parent: #16
يا صديق الموج ...
يا شحات سابق :)
عافية منك دنيا و آخرة ...
سؤالك كان محك للمستشار
و زي ما قلت، ما خيب ظنك تب!
لو ما سؤالك كان المستشار قضاها نمر مقدودة
و المأجورين هللو و كبروا و مشوا بيتهم حامدين شاكرين
|
Post: #44
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 04:28 PM
Parent: #14
| Quote: تنهدات: حتى انت يامصطفى عثمان.. الفاظك هستيرية.. وكيف نلوم البشير .. على الفاظه.. |
الاخ بدر الأمير،
كان يمكنني تقبل رعونة ردود الأفعال لو حدثت قبل 10 سنوات
او اكثر، ولن التاريخ القريب جدا، جدا يحذرني من مغبة
التعاطي العاطفي مع الملمات ...
تتعامل حكومة الإنقاذ مع الإعلام الغربي بنفس طريقة التعاطي مع الداخل
متناسين أن الداخل لا يلك قوت يومه و محشور بين حجر و سندان، و لكن الخارج
و المجتمع الدولي لا يرزح تحت ثقل الانقاذ أو كراماته و حور عينه ليتقبل عنجهيته
و خطابه المتعالي المفتقد للموضوعية...
|
Post: #108
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: داليا حافظ
Date: 03-17-2009, 10:55 AM
Parent: #44
Quote: تتعامل حكومة الإنقاذ مع الإعلام الغربي بنفس طريقة التعاطي مع الداخل
متناسين أن الداخل لا يلك قوت يومه و محشور بين حجر و سندان، و لكن الخارج
و المجتمع الدولي لا يرزح تحت ثقل الانقاذ أو كراماته و حور عينه ليتقبل عنجهيته
و خطابه المتعالي المفتقد للموضوعية... |
لخصت الحاصل با عزاز فعلا شي محيير ..خطاب إنفعالي وما مدروس ،ومرات مضحك وفي الفالب مخجل.
|
Post: #22
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 01:48 PM
Parent: #1
يا احبة منورين و اشكركم جزيل الشكر على مروركم على
هذا البوست المتعلق بمؤتمر صحفي منقطع النظير ...
اسمحو لي بس بدرس عصر لأحد التلاميذ (...)
| Quote: شاهد عيان (شاهد ما شافش حاجة) دخل القاعة و خرج كما دخل و لم يفتح الله عليه بكلمة. |
لست مطالبة بأي شكل من الأشكال بأن "أنبت ببنت شفه"
و الحديث دور المحتفى به أو الضيف و في الاستماع منافع لو تعلمون.
الأخوة و الجنس اللطيف ما قصروا و سألوا و شدونا طربا بالاجابات،
أصرف أنا عربي كتير ليه؟
حضرت مؤتمرات صحفية بعدد اصابع أيدي و أرجل الحضور في المؤتمر الصحفي الناجح
ولم اسمع قط انتقادا وُجه لصحفي كونه لم يفتح الله عليه بكلمة خلال المؤتمر!
الآن، و الآن فقط عرفت و علمت سبب تدهور معظم مناسبات تواصلنا، لان البعض
- كحضرتك - يعتقد ان الحديث فرض عين على الحضور و من امتنع عنه طرد من ملة (الفهم)
_________________________
خليك قريب انت بالذات علشان تشوفني لما الله يفتح علي بالكلام باعمل شنو...
|
Post: #32
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: humida
Date: 03-16-2009, 02:22 PM
Parent: #22
عزاز شـامي ..
صديق الموج ..
في البدء احسدكم علي هذه الفياقة البتوديكم تحضروا حاجات ناس السفارة ..
و لعمري هي ( اي الفياقة ) تاج في روؤس الاصحاء لا يراه ألا الناس الما فياقا ..
..
..
ندخل في الموضوع ..
اتخيل لي مصطفى اسماعيل لا يمكن ان يقول خير مما قال .. حسب الاجندة بتاعته و التنظيم التابع ليهو ..
يدافع عن رؤية حزبه .. و توجهات الحكومة ..
خط واضح لا يحتاج الي تحليل .. و لا عاوز ليهو مشوار لحدي حي السفارات ..
كنت في السفارة صباح امس .. و شفت الجماعة برصو في الكراسي .. جددت جوازي .. و ضربت اتنين سندوتش فول .. و اتخارجت ..
و انا في طريقي للخارج قلت لأحد المتواجدين ديمة في السفارة ( كل ما امشي بلقاهو هناك ) .. هو في شنو ..
قال لي ياخي دكتور مصطفى عثمان اسماعيل جاي يقابل الجالية ..
عندي مشكلة كبيرة ليها زمن .. بلخبط بين مصطفى عثمان اسماعيل .. و علي عثمان محمد طه ..
و في مرحلة آخرى بلخبط بين الاستاذ محمود محمد طه و الصحفي احمد طه محمد احمد ..
بس بعرف انه في واحد كتلوه ناس الحكومة ( حينئذ ) و التاني ما كتلوه ناس الحكومة .. كتلوه براهو ( علي وزن مات براهو ) ..
لكن في النهاية كلو عند العرب ( بتيخ ) ..
المهم .. استغرقت الوكت بين السفارات و المكتب في مغالطة نفسي الجاي دا يا ربي يكون منو مصطفى عثمان اسماعيل .. و لا علي عثمان محمد طه ..
او بالتحديد يعني هو مصطفى دا ياتو واحد فيهم .. و الجالية دي زاتا ناس منو بالتحديد ..
من عدد الكراسي اتضح لي انه الجالية دي ناس كتار .. يعني ما ناس حبة .. اذن الجالية = ناس كتار انا ما بعرفهم ..
المهم ( تاني ) ..
ما قاله المتحدث اعلاه بغض النظر عن هو ياتو واحد فيهو .. كلام واضح جدا .. قاعدين نسمعه مما جات حكومة الانقاذ ..
نفس العبارات .. مع اختلاف الكادر الوظيفي ..
ما استغرب له .. اندهاش البعض من هذا الحديث .. بعد 15 سنة خدمة في ثانوي ..
معقولة يا جماعة ..!!
|
Post: #33
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: humida
Date: 03-16-2009, 02:26 PM
Parent: #32
| Quote: اسمحو لي بس بدرس عصر لأحد التلاميذ |
شنو يا عزاز ياخي ..
كل ما زول قال ليك كلمتين .. قلتي ليهو تعال أديك درس عصر ..
و انتي عارفة كويس انه العصر في البلد دي وكته ميت شديد ..
انا بقترح عليك و نسبة لاقبال الجماهير .. انه تحولي الفصل بتاعك دا لبعد صلاة العشا ..
جزاك الله عن الاخوة الدايرين درس عصر ديل خير الجزاء .. و اسكنك فسيح جناته ..
|
Post: #101
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:32 AM
Parent: #32
حميضة ...
فياقتنا بالله ما عمرانة الجابت ليها مانشيتات صحف ؟
حسي لو ما كنا مشينا، و ود الموج ما سأل سؤالو، كنت حتلاقي
خبر تعمل ليهو صورة و تجي تبهتني اني شلتو منك؟؟
بلمناسبة انا ما شلت صورتك، ودرس عصرك ده امش يافتي فيهو
لود الباوقة الصورني غافلة و جا نكرو حطب ...
ثم ثانيا،
العصر كوقت ميت مناسب تماماللطالب النجيب بتاعنا ...
دايرني اشيل من وقتي الحي و الثمين لدروس الاعادة؟
ليه؟
فاضية قالو ليك؟
|
Post: #35
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Fathi Ali Mohammed
Date: 03-16-2009, 02:51 PM
Parent: #22
الشعب السوداني قبل الانقاذ كان زي الشحاتين
والان شحادين فعلا
لكن ما بال الذين كانوا شحادين قبل الانقاذ
ثم صاروا من أعيان المدينه.
|
Post: #102
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:34 AM
Parent: #35
Quote: الشعب السوداني قبل الانقاذ كان زي الشحاتين
والان شحادين فعلا
لكن ما بال الذين كانوا شحادين قبل الانقاذ
ثم صاروا من أعيان المدينه. |
الأخ فتحي ...
احيل سؤالك للخبير الإغتسادي همام
احسن زول يفتي في أغنياء المرحلة
|
Post: #39
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: كمال ادريس
Date: 03-16-2009, 03:39 PM
Parent: #22
القارئ لبعض المداخلات يجد الخلط الواضح للمزج بين شخصية الرجل وموقعه الرسمي ... غدا ستنشر الصحف كل ماقيل في المؤتمر ... وياخبر اليوم بفلوس.
شكرا اختى عزاز على هذا البوست الهام
|
Post: #103
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:37 AM
Parent: #39
| Quote: غدا ستنشر الصحف كل ماقيل في المؤتمر ... وياخبر اليوم بفلوس. |
أخوي كمال ادريس ...
و نشرت الصحف ما حاول البعض هنا من تحويره و إلباسه ثوب الموضوعية!
|
Post: #34
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 02:50 PM
Parent: #1
Quote: سؤالك وصفت فيه الحكومة بأن تصرفها حيال الأزمة الحالية بالعنتريات .. العنتريات و لاحظ يا صديق و للأمانة سؤالك الوحيد كانت صياغته شترا و واضح مقصود منها الاساءة لا الاستفسار أو السؤال
و كان رد الدكتور بالحرف الواحد و بكل أدب قال ليك يا صديق:
لو كانت الحكومة تتعامل بالعنتريات لكنا حتى الان في صفوف البنزين و صفوف الرغيف و قطوعات الكهرباء التي كانت عام 89 ، و العنتريات لا تشيد آلاف الكيلومترات من الطرق و العنتريات لا تشيد الجسور و العنتريات لا تفتح الجامعات و العنتريات لا تبني السدود و الحكومة لا تتعامل بالعنتريات. |
انت تلميذ متعب خلاس!
انا حاضطر اربتك السنة بالطريقة دي!
حسي فيما تحته خط ما متذكر كلمة شحاتين ؟؟؟
كدي راجع نفسك حبة ... ارفع عيونك فوق كده و اسرح في السقف
ما متذكر كلمة شحاتين جات بيجاي ولا بيجاي؟
يعني هو جا ماشي براااحة جنب عنتريات دي
و عرج بلطافة على صفوف البنزين من غير ما يقول شحاتين؟
يعني انا كضابة؟
قول كضابة؟
النبي قول كضابة!
نجيب تسجيل من الحضور يعني؟
________________
سؤال ملح تاني: حسي صديق الموج الخاتي السأل سؤالو الواضح
ولا الزول الجا شتمنا في صمة خشمنا؟!
|
Post: #36
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: حمور زيادة
Date: 03-16-2009, 03:21 PM
Parent: #34
هذا كذب و افتراء
انا اشكك في نقلك للخبر يا عزاز
لأنه من المعروف علميا و تاريخيا أنه قبل الانقاذ لم يكن هناك شعب سوداني اساسا.
|
Post: #105
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:40 AM
Parent: #36
Quote: هذا كذب و افتراء
انا اشكك في نقلك للخبر يا عزاز
لأنه من المعروف علميا و تاريخيا أنه قبل الانقاذ لم يكن هناك شعب سوداني اساسا. |
صح ...
لمونا في حتة واحدة و بعدين ورونا درب الشحاتة
|
Post: #37
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: معاذ حسن
Date: 03-16-2009, 03:21 PM
Parent: #34
الزول دا عندو كمية من عقدة (الأنا) ما حصلت
انا صلحت علاقات السودان مع الكويت ومع العرب ودول الكاريبي
انا عندي تلاتة شهادات دكتوراه واربعة ماجستير وسبعة بكالريوس
انا الفت اطناشر كتب في الدبلوماسية وسبعة في الادب الشعبي وخمسة في الطب
انا مشيت الامم المتحده وووووووووووو
|
Post: #40
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: أيمن دياب
Date: 03-16-2009, 03:42 PM
Parent: #37
(زي الشحاتين).. و (الشحاتين)..
الفرق بينهم شنو؟؟
كأنو كلمة (زي) دي تخفيف من حدة الشحدة..
التي كانت قبل الإنقاذ..
|
Post: #42
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: كمال عباس
Date: 03-16-2009, 04:08 PM
Parent: #40
شكرا عزاز شامي
......ولكن لما يقل لنا السيد مصطفي عثمان :
ماهو مردود وعائد النفط أذا كان المواطن يشتري حصته من الوقود اليوم
بأضعاف السعر العالمي للنفط!!!
ولم يقل لنا لماذا يتحصل المواطن علي جوال السكر القادم من دول بنصف
سعره بالبلاد?
......نعم كان هناك شح في الوقود والسكر في عهد الديموقراطية لأن الدولة
كان تدعم الخبز والسكر والوقود وكان بإمكان الدولة وقتها أن تغرق السوق
بهذه السلع لو رفعت الدعم عنها وباعتها بسعر السوق!!!
كانت الدولة وبالرغم من أنها لاتنتج بترولا- كانت تدعم العلاج والتعليم
أما اليوم فأنها تفرض الرسوم علي التعليم الاساس ويطرد التلاميد من مقاعد
الدراسة لعدم دفع الرسوم......كانت توفر الأعاشة والسكن والتعليم المجاني
للطلاب وتبعث غيرهم ليتعلموا علي نفقتها بالخارج
....... دولة اليوم يطر د منها المواطن من الحوادث لعدم رسوم العلاج
ويتسول الناس لدفع رسوم العلاج والدراسة!!!
00 دخل المواطن في دولة اليوم لايكفي ربع منصرفاته
موارد البلاد مهدرة ومبددة ولايعرف المواطن شئيا عن أنتاج الذهب أو البترول والعقود الموقعة مع الشركات الأجنبية .....معظم موارد البلاد
تذهب لدعم الاجهزة وحماية النظام بينما ينال التعليم والصحة فتات الفتات ....
.......كانت الدولة في عهد من سبقوك يامصطفي عثمان مهابة تعرف كيف
تحافظ علي ترابها وسيادتها ولكنكم فرطتم في ترابها لدول الجوار:
أثيوبيا وكينيا ومصر وأمتلاءت ربوعها بالقوات الاجنبية!!!
ورثتم دولة ذات سيادة ففرطتم في ذلك وورثت مليون ميل مربع ففرطتم
في أطرافه!1
ورثتم بلد متماسك نسبيا فمزقتم نسيجه الأجتماعي وأشعلتم الفتن العرقية
والدينية في ربوعه ودولتم مشاكله!!
....... ربطتم البلاد بالارهاب والتتطرف ودمرتم علاقتها الخارجية برعونتكم!!
......كمال
|
Post: #43
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Osama Mohammed
Date: 03-16-2009, 04:20 PM
Parent: #42
| Quote: الناس ديل لمن يقولوا (الشعب السودانى) تعرفى هم قاصدين جماعتهم |
|
Post: #124
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-18-2009, 10:07 AM
Parent: #43
| Quote: Quote: الناس ديل لمن يقولوا (الشعب السودانى) تعرفى هم قاصدين جماعتهم |
الاخ اسامه محمد،
بما أن ود الباوقة يسعى نحو تأريخ جديد للدبلوماسية السودانية
لا ضير إن فبركت أنا أيضا تاريخا لما يسمى شعب السودان فب التاريخ المعاصر
_______________
يحكى أن من يسكن السودان الآن كانو مجرد هوام شحاذين متفرقين بعرض القارة السمراء
جمعتهم الانقاذ في مدن و معسكرات و تولى حكمهم قائد همام أحاط به جمع من المستشارين
الأفذاذ تم استئناس و تدجين هؤلاء الرعاع و أُستخدم من صلح منهم في المظاهرات المؤيدة،
و رفع الصور و ترديد الله اكبر الله أكبر في المناسبات ... قتل منهم الآلاف في حروب في الجنوب
و الغرب، وتم تعويضهم بحور عين و جنان كل كما يستحق، وإن استثنت الجنان القتلى في الطرف (الآخر)
أيا كان ... و بمرور الأيام، تقرب البعض منهم للطبقة الحاكمة، فتنعموا و انتفخت اوداجهم بيسر الحال
و انتقلوا من مرحلة الشحاذين إلا طبقة النبلاء، و أشاروا لمن قال لهم شح الغذاء بأن يأكلو البسكويت
و يشربوا اللبن الرايب ... و يحمد لبعض قادتهم الالتصاق بهم الشعب الشحاذ في الأصل و تذكيره لهم بما
كانوقبل أن تحل عليهم الرحمة، وهو إن دل على شيء فإنما يدل على مدى معايشة الطبقة العليا للطبقة
الدنيا وإن كنت ناسي أفكرك ...
انتهى -
|
Post: #45
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: jini
Date: 03-16-2009, 04:41 PM
Parent: #40
نص عمركم رايح ما سمعتوهو بتكلم الانجليزى يمين تحلفوا انه لا دبلوماسى لا وزير خارجية لا دكتور لا اشتغل فى بريطانيا!
حاجة!
مرة شحاتين ومرة قمل!
http://www.npr.org/templates/story/story.php?storyId=3936353
اسمعوهو هنا بعفص الانجليزى وبفجخ فيهو وعامل فيها بجضمو!
جنى
|
Post: #47
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: معتصم دفع الله
Date: 03-16-2009, 05:13 PM
Parent: #45
يا راجل ..
كدي قول كلام غير دا ..
أكيد بعد قال كلامه دا الجماعة قعدوا يهللوا ويصفقوا ..
حسبنا الله فيكم ..
|
Post: #131
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-18-2009, 12:40 PM
Parent: #47
Quote: يا راجل ..
كدي قول كلام غير دا ..
أكيد بعد قال كلامه دا الجماعة قعدوا يهللوا ويصفقوا ..
حسبنا الله فيكم .. |
يا معتصم يا اخوي .. داي رالكشضب ولا الحقيقة؟
الحق يتقال ... الناس صننننننننت
لو مرت نملة تسمعها بتقول تك تك تك
بس ربك رب الخير رسل ليهو عبدالنبي شاهين
يفز يقول "و العيش المسوس!!!!"
لباقي ما تبقي من صفوف انتظار و مذلة ماضية للشحاتين
أولاد الشحاتين المرصوصين في المؤتمر...
أنوه بأنه قال جملته و ابتسامة عطرة بعرض الرغيف السخن تزين محياه...
|
Post: #130
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-18-2009, 12:34 PM
Parent: #45
الله يسامح يا جني!
ليه بس كده؟
عملت ليك انا شنو "تفجخ" لي نهاري؟
I am traumatized … zis goferment will kill some timez
|
Post: #46
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: رقم صفر
Date: 03-16-2009, 04:55 PM
Parent: #40
Quote: شاهد عيان (شاهد ما شافش حاجة) دخل القاعة و خرج كما دخل و لم يفتح الله عليه بكلمة.
نعم الشعب السوداني كان في سنة 89 يستجدي و يستلف 80% من ميزانيته
الميزانية سنة 89 كانت 800 مليون دولار منها 80% ديون و قروض و هبات
الميزانية سنة 2009 13 مليار دولار (13000000000) منها 80% من حر مال الشعب السوداني
نعم .. معدل النمو سنة 89 في السودان كان سالب 1 (-1%)
اليوم السودان في مصاف أفضل 10 دول في العالم من حيث النمو الاقتصادي و الناتج المحلي 7% كحد أدنى منذ تنفيذ استراتيجية تحرير الاقتصاد عام 1993
نعم هذه هي لغة الأرقام .. و فقط الأرقام و لا وقت للإنشاء و التدبيج |
بس انا مزعلني الزول القال بتكلم بالارقام ، ولو افترضنا كل رقم قلته صاح ، تعال نراجع كلامك ده واحده واحده اوكي ///
قلت ميزانية السودان كانت 800 مليون دولار و20% فقط من الدولة والباقي ديوووون ، اوكي ، يصبح مساهمة السودان في الميزانية بتاعتوا
800X20% = 160
نصيب الحكومة في الزمن ده = 13 مليارْ في 80% بيساوي 10,400 (عشرة مليار واربعمائة مليون)
بمقارنة سعر الدولار في 89 (الرسمي ) وقمنا بقسمة سعر الدولار اليوم علي سعر الدولار الزمان (الرسمي كان 4جنهات ونص) والسعر اليوم
2300 الحاصل بيساوي 511
511 حاصل ضرب 160 مليون عارف الحاصل كم بساوي 87 مليار بدولار اليوم ،، ده حساب بلدي ساكت /،،، اها نجي نشوف ما يسمي بمعدل النمو
وماذا يعني ارتفاعه وانعكاسه في مستوي دخل الفرد ...
لاقتصادية الدول عدة مقاييس تساعد في فهم تطور اقتصادفي بلد ما ، ومتي ما كان الدولة متطورة اقتصادية كلما زادت المعايير وبالتالي اصبحت ادق المعلومات لها دلالات كبيرة وواضحة ، وبالتالي معرفة الوضع الحقيقي لوضع الدولة اقتصاديا ،،،
لكي يقرب المعني لك ، مثلا في امريكا مبيعات التجزئة (محلات وول مارت مثلا) لها دلالة كبيرة علي صحة الاقتصاد ، فمتي ارتفعت مبيعات وول مارت ، يعني هذا ان معدل صرف الامريكان ارتفع ، وهذا دلالة واضحة علي ارتفاع السيولة في السوق ، وهذا دلالة علي ان المواطن الامريكي يضخ اموال جديدة يوميا في السوق الامريكي ،، ولكن اذا حدث العكس اي انكمشت قيمة مبيعات التجزية فهذا يعني ان الاقتصاد يعني مشكلة ما (كما يحدث في هذه الايام) ،، وارتفاع الصرف يعني ضخ اموال جديدة في السوق وهذا يعني تحريك الاقتصاد ، وطلب علي السلع ، وبالتالي انتاج هذه السلع وهذا يعني عمل اكثر للمصانع ، وهذا يعني طلب وظائف جديدة تستطيع ان تعمل في المصانع لتغطية الطلب المرتفع..
العامل الثاني (معدل البطالة) ، وكلما انخفض معدل البطالة ، يعني ان من يستطيع ان يصرف في السوق الامريكي اصبحوا اكثر وبالتالي تحريك للاقتصاد ,,, وخلق طلب جديد وفي هذا تحريك للمصانع المنتجة ، وهذا ينعكس علي ارتفاع عدد الوظائف ، لهذا تري مثلا ان كل دول العالم المتقدمة تطالب مواطنيها بالشراء والصرف ... (لاحظ ارتباط العاملين مع بعض)
يمكن بالمناسبة لاي دولة ان ترفع معدل النمو الي اي حد ترغب به ، فقط اذا تخلصت من مسئوليتها تماما ، يعني ليس هناك اي صرف علي بند من بنود تخص المواطن ... لان تقليل المنصرفات وارتفاع الدخل (البترول) يرفع معدل النمو ،،، وبشكل اكثر وضوح اذا لم يؤثر ارتفاع معدل النمو علي المواطن وساهم بخلق الطبقة الوسطي( طبقة الموظفين) القادرين علي سداد التزاماتهم والتوفير ، لا معني له ،،
استعمالي لكمة(خلق) لان هذه الطبقة اختفت تماما في السودان ، ومعدل ارتفاع النمو(الذي تعلنه الحكومة ) يجب ان يساهم في خلق هذه الطبقة ، يا عزيزي الحكومة في السودان تخلصت من التزاماتها ، وبالتالي تقلصت منصرفاتها ، وارتفع (معدل النمو) نظريا ، ولكن هل ساهم هذا (الارتفاع) علي المواطن هنا المحك والسؤال الكبير ,,, ارتفاع معدل النمو الحقيقي هو استطاعت انتاج الاقتصاد لمصادر جديدة (كما يحدث في الصين) وبالتالي زيادة دخل الدولة (الناتج عن الضرائب )
كل الدول تحاول ان تتخلص من بعض التزاماتها ، ولكن شريطة ان يكون اقتصاد القادر علي امداد المواطنبن بالمال الكافي لسداد التزاماته ....
هل حدث هذا في السودان ؟؟؟؟؟؟
|
Post: #133
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-18-2009, 01:02 PM
Parent: #46
الاخ الشحات رقم صفر
تحية طيبة،
كلامك الفوق ده سمح بالحيل و طبقته السودان فعليا و صرنا بفضل الله في مصاف
الدول المتقدمة، الرجاء مراجعة "التغارير" التي أوردها الأخ همام شاكرا
بس انت ما عارف أو بتكون عارف و عامل فيها نايم ...
اختك الشحاتة من قبل و من بعد
|
Post: #107
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 10:45 AM
Parent: #40
(Quote: زي الشحاتين).. و (الشحاتين)..
الفرق بينهم شنو؟؟
كأنو كلمة (زي) دي تخفيف من حدة الشحدة..
التي كانت قبل الإنقاذ.. |
يعلم الله (زي) جاتني في جرح
لاني خشيت عليهو الكضب و البهتان
في حضرة الاجانب ...
بس (زي) دي فعلا ازالت اللبس!
|
Post: #48
Title: كذب القول
Author: طلحة عبدالله
Date: 03-16-2009, 05:47 PM
Parent: #1
إذا كان قال هذا الكلام فقد كذب السيد مصطفي عثمان إسماعيل فأنا (طلحة عبدالله) وأهلي جميعهم لم نك شحاتين لا قبل ولا بعد الانقاذ
والفضل لله
|
Post: #49
Title: Re: كذب القول
Author: Bakhaf
Date: 03-16-2009, 05:58 PM
Parent: #48
عزاز
انتوا الغلطانيين
انتوا الوداكم زاتو تسمعوا كلاموا شنو ؟
ومتوقعين شنو من كوز زي ده؟؟؟
والله انتوا فعلا مناضلين كيبوردات سااااي
ولاا واحد فيكم ماحاول يعمل زي الزيدي ؟؟؟
تستااااااهوا والله
.
|
Post: #50
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-16-2009, 06:34 PM
Parent: #1
الأخوة الاعزاء (البوست ده رجالي مالو؟ يا كافي البلا جنس لطيف ما هببو لي؟ )
شكر الله سعيكم و ما نجيكم في هدر كرامة يا اخوانا ...
الصيوان ده فاااااتح إلا أن يقضي الله أمرا كان مفعولا .. اخدو راحتكم و عزوا بعضكم البعض
و احمد الله و قد اغناكم بعد ان كنتم ما لاقين اللقمة و عايشين على الكفاف ...
تكبير تهليل ... تهليل تكبير ...
بسم الله نبدأ:
________
حيثيات عنوان البوست ...
وجه الأخ صديق الموج سؤالا من شقين: الأول مفاده أن تعامل حكومة الخرطوم
مع الوضع الراهن يميل إلا العنتيرات مما يضر بمجريات الأمور، و شقه الثاني
متعلق بطرد المنظمات المدنية من دافور و كونها "رد فعل" يحسب على الحومة لا عليها.
ووفقا لترتيب الاسئلة، و حيث أن صديق الموج جاء متأخرا و أُعُطي له المايكرفون
على استحياء، فقد جاء الرد صاعقا ليشتت ملل الانتظار و الاستماع لذات الكليشيهات
الإعلامية التي حفظناها عن ظهر قلب....
ابتدر الرد بقوله : "يا ريت لو كنا نتعامل بالعنتريات ما كان ده بقى حالنا!"
ولسان حاله يقول ما كنتو جيتو قعدتو معانا بنفس فاتحة و تسألو كمان فينا!
وواصل سعادة المستشار قائلا: " لما جينا مسكنا البلد الناس كانت زي الشحاتين ...
تقيف في صف العيش و صف البنزين و تشرب الشاي بالجة!"
و اعتدل في مجلسه ليقول: " اين نحن الآن؟ كل شيء متوفر! ده كان شغل عنتريات؟"
انتهى الحدث ...
و ابتدى التحليل ...
في وجهة نظري المتواضعة، المؤتمر الصحفي اليوم كان ناجحا بكل المقايس لأنه كشف و أثبت ما ظللنا نحذر منه طوال الشهور الماضية من أن خطاب الخرطوم الرسمي لا يرتقي لمستوى الحدث ويقود السودان نحو هاوية بلا قرار. عندما يضيق صدر مستشار الرئيس بسؤال مُبرر ناتج عن تصريحات رئيسنا الموغلة في التسرع و العنتريات، و يرد على السؤال بعنترية أكثر و اسلوب تحقير للشعب الشحات، نستطيع الآن ان نستوعب سبب فرعنة الرئيس و اتساع باطن حذائه ليشمل العالم و ابناء شعبه. قيادة الخرطوم ترى بانها تملك الشعب بلقمته، و هي السياسة التي "تمكنت" بها من الحكم و تستخدم ذات اللقمة لاسكات أي صوت منتقد.
صالة المؤتمر الصحفي اليوم كانت تعج بصحفيين سعودين و صحفين من جنسيات عربية و صحفي صيني ناطق باللغة العربية، و سمعوا كما سمعنا وصف مستشار الرئيس لنا بالشحاتين السابقين، و سمعت تعليقات ممن حضروا بان تلك الاجابة منافية للذوق السليم. لن استغرب لو جاءني سعودي ووصفني بالشحاذة ضمن باقي الصفات السالبة المُلقاة على عاتق المغترب السوداني، و سيعلل بأن الصفة "من دقنو و فتلو" و "شهد شاهد من أهلها" و " انا ما جبتش حاجة من عندي" و مستشار دولتكم هو اللي قال.
عزيزي شعب السودان في الداخل، الشحاتين سابقا و المُستجدين حاليا،
أخوتي و اخواتي في المهجر، الشحاتين سابقا و الذليلين حاليا،
انعموا و اهنئوا فقيادتكم سديدة،
و كما اطعمتكم من قبل، ستحميكم الآن.
انسوا أي آيات تحثكم على التدبر أو التوكل و قول "الله ما شق حنك و نساه"
حريٌّ بنا أن نقول "الله ما شق حنك إلا و رسل ليهو الانقاذ يملاه"
.....
و كما عودناكم دائما،
سنواصل ....
|
Post: #51
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Adil Ali
Date: 03-16-2009, 08:04 PM
Parent: #50
كيف حالك يا عزاز...وعساك بخير،
بس داير أقول ليك إنه بما انه المؤمن صدّيق، مفروض برضه تكون "المؤمنة صدّيقة".....أكان ما مصدقة كلام مصطفى عثمان اسماعيل شوفي الزول بتاع الأرقام الفوق دا كتب شنو:
| Quote: اليوم السودان في مصاف أفضل 10 دول في العالم من حيث النمو الاقتصادي و الناتج المحلي 7% كحد أدنى منذ تنفيذ استراتيجية تحرير الاقتصاد عام 1993 |
الدول العشر الأولى من ناحية معدلات النمو الاقتصادي هي: الولايات المتحدة والصين واليابان والهند وألمانيا وبريطانيا وروسيا وفرنسا والبرازيل وأيطاليا (دا في الإحصائيات الرسمية)....لكن طبعا الناس القاعدين ينشرو الأحصائيات دي حاقدين وشطبو إسم السودان من الـTop Ten عشان يشوّهو سمعتنا ونبقى زي الشحاتين، ونحن طبعا بقينا ما شحاتين بعد أن أرسل الله لنا ناس مصطفى عثمان اسماعيل الذين حرّروا اقتصادنا وأصبحنا نأكل مما نزرع وكدا....ولا رأيك شنو؟
|
Post: #55
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: خليل عيسى خليل
Date: 03-17-2009, 02:35 AM
Parent: #50
الاستاذه عزاز شامى
مع التحيه
التسول والشحاده والفقر يقاس بعدد المنظمات الانسانيه التى تقدم الطعام للجوعى والدواء للمرضى والكساء للعرايا من اهل السودان
كم منظمة اغاثه تعمل الان فى السودان
وهذا امر لم يشهده اهل السودان من قبل الا فى عصر تجار الدين وسماسرة الوطن
|
Post: #52
Title: انا
Author: Hisham Amin
Date: 03-16-2009, 10:15 PM
Parent: #1
الاخت عزاز تقبلى تحياتى
مجرد راى
انا شخصيا استحسن الشحزة فى وطنى على ان اكون خائنا لة/B]
|
Post: #53
Title: Re: انا
Author: Rashid Elhag
Date: 03-17-2009, 01:57 AM
Parent: #52
الثلاثـاء 21 ربيـع الاول 1430 هـ 17 مارس 2009 العدد 11067
مستشار البشير: الشعب السوداني كان مثل «الشحاتين» قبل قدوم «الإنقاذ»
الرئيس السوداني يعلن «سودنة» العمل الإنساني
الرياض: تركي الصهيل الخرطوم: إسماعيل آدم
شبه مصطفى عثمان إسماعيل، مستشار الرئيس السوداني، شعب بلاده بـ«الشحاتين»، قبل تسلم الرئيس عمر البشير مقاليد الحكم ومجيء «ثورة الإنقاذ الوطني» عام 1989. مبرزا أن هناك فرقا كبيرا بين سودان اليوم، وسودان الماضي. ورفض في مؤتمر صحافي عقده أمس قبل مغادرة الرياض، أن تكون لغة العنتريات قد طغت على الخطاب الرسمي السوداني خلال الأسابيع الماضية. وقال «لو كنا نتعامل بالعنتريات، لما كان حال السودان اليوم مقارنة بما كان حاله من قبل. هذه الحكومة عندما جاءت إلى السلطة الشعب السوداني كان مثل الشحاتين.. حينما جاءت هذه الحكومة لم يكن هناك سكر، الشعب السوداني كان يشرب الشاي بـ(الجكه)».
إلى ذلك وفي تصعيد جديد مع الدول الغربية، قرر الرئيس عمر البشير طرد كل المنظمات الأجنبية العاملة في البلاد خلال عام، فيما أطلق على الخطوة «سودنة» العمل الطوعي في البلاد.
وقال البشير في خطاب أمام عناصر القوات المسلحة، إنه وجه وزارة الشؤون الإنسانية بـ«سودنة العمل الإنساني وعمل المنظمات العاملة في البلاد خلال عام»، وقال: «لا كبير لدينا إلا الله، ونحن لسنا محتاجين لإغاثة»، وأضاف:«سبق وأن استضفنا أكثر من مليوني إريتري وإثيوبي، ومليونا من تشاد وأفريقيا الوسطى وقت المجاعة التي ضربت أفريقيا في السابق».
وكشف البشير أن هناك منظمات استغلت العمل الإنساني لعمل استخباري مدمر، حسب تعبيره، وأضاف: «لدينا كل الوثائق التي تثبت ذلك، وأن هناك مسؤولاً أمنياً إسرائيلياً كبيراً يقول إنهم موجودون في السودان وفي دارفور لتفكيك السودان». وقال: «نحن رفعنا كرتاً أحمر لبعض المنظمات (الأجنبية)، وفي نفس الوقت رفعنا كرتاً أصفر لكل منظمة»، وجدد القول بعدم حاجة بلاده لهذه المنظمات.
الشرق الأوسط
|
Post: #54
Title: Re: انا
Author: Rashid Elhag
Date: 03-17-2009, 01:59 AM
Parent: #53
هذه هي نظرة وتفكير صعاليق الإنقاذ للشعب السوداني....بلا خجل وأمام وكالات الأنباء العالمية....نقول للطفل المدلل السفيه...مصطفي إسماعيل...نقول له الحمد لله أن أصبح لديكم حسابات في سويسرا...وتسكنون أنتم وأسركم القصور...تلبسون الحرير وتأكلون في موائد الكرام....أطفالكم يتنعمون ويلبسون ويدرسون مع الأكابر وأولاد الذوات.....أما الشعب الشحات ....فله الله ....والمعسكرات والملاجئ....ووكالات الإغاثة.....نقول لهذا الطفل الصفيق....تنعم أنت وملتك من مستجدي النعمة ....تنعم بالمال السحت الحرام....الممهور بعرق ودماء هذا الشعب الطيب الأبي والمغلوب علي أمره.....والحساب ولد...والأيام دول بيننا......
راشد
|
Post: #56
Title: Re: انا
Author: Bashasha
Date: 03-17-2009, 02:42 AM
Parent: #54
الميزانية سنة 89 كانت 800 مليون دولار منها 80% ديون و قروض و هبات
الميزانية سنة 2009 13 مليار دولار (13000000000) منها 80% من حر مال الشعب السوداني
نعم .. معدل النمو سنة 89 في السودان كان سالب 1 (-1%)
الانغاذي حمام،
ارقام؟
[2,000,000 مواطن ابيدو في الجنوب، كضحايا مغامرات اولياء نعمتك، بحثا عن "الحور العين" والغلمان، وهذا شذوذ فاضح!
قرابة ال6,000,000 شردو من ديارم، ضحايا الدفاع عن العمق العربي!
طيب قول ديل كلهم كفار!
في ارض حفظة القران، قرابة 500,000 مسلمة ومسلم، ابيدو بجريرة انهم، "زرقة" ولم يشفع لهم اسلامهم، في دولة "لااله الا الله"!
والمامات، اوفضل حي، الان اكثر من 2,000,000 منهم، عايش مشرد في وطن، هو الحررو، او وضع اساسو!
والاهم، الارقام دي، وينا في حياة الفرد العادي؟
في حياة الام، الفلذة كبدها، بتموت محمولة علي الاكتاف؟
امام الصيديلة؟
اوباب المستشفي؟
بينما امثال "الطفل المعجزة" انتفخت اوداجهم باكل مال السحت!
قال ارقام قال، الماجور!
|
Post: #57
Title: Re: انا
Author: تبارك شيخ الدين جبريل
Date: 03-17-2009, 02:49 AM
Parent: #56
قبل الإنقاذ ...
شحاتين ...
وبعد الإنقاذ .....
برضو شحاتين ....
(ومافيش حد احسن من حد!)
.. المهم ..... شحاتين!
|
Post: #58
Title: Re: انا
Author: عبدالغفار محمد سعيد
Date: 03-17-2009, 03:02 AM
Parent: #54
شكرا عزاز شامى
لفضح هذا الكلام الشنيع
| Quote: مستشار البشير: الشعب السوداني كان مثل «الشحاتين» قبل قدوم «الإنقاذ |
واحدة من اوضح علامات قرب انهيار الانظمة المتسلطة فى السودان هو خرمجة المسئولين
واكاذيبهم المفضوحه
راجعوا اوخر ايام نظام نميرى
كتب الأستاذ محمد عبدالقادر سبيل الأتى :
Quote: عزاز
صدقيني
مصطفى عثمان دا زول مهذب
عشان كدا ادخل من عنده كلمة ( زي)
|
اعرف عن احتقار الرسميين من اعضاء الحركة الإسلاموية للشعب السودانى
لاكننى كنت اظن طوال الوقت انك مختلف نوعا ما لانك( شاعر)
ويعجبنى شعرك كثيرا
و هاانا اكتشف ان لافرق، انت تحتقر الشعب السودانى مثلهم تماما
لا فرق اذا
|
Post: #59
Title: Re: انا
Author: saadeldin abdelrahman
Date: 03-17-2009, 03:55 AM
Parent: #58
الاستاذة عوزاز شامي.. ما لئيش عندك سبعة ريال سلف؟ ان الله لا يضيع اجر من احسن عملا.. من ترك عادتو قلت سعادتو.. في بداية الانقاذ واحد مصري حكى لاخوه نكتة سودانية ..صاحبنا شخ من الضحك و قال: ابقوا جاعوا اولاد ال...! يا دوك الشعب السوداني لا زال يشحد في شارع المك و غيره! اما خطورة الخطاب الحكومي فمتوقعة جدا و ليست جديدة، الغريب هو أن يتوقع مؤيدو الجنائية غير ذلك!!
|
Post: #60
Title: Re: انا
Author: Amany Elamin
Date: 03-17-2009, 04:48 AM
Parent: #58
عزاز صباح الخير:
Quote: ماهو مردود وعائد النفط أذا كان المواطن يشتري حصته من الوقود اليوم
بأضعاف السعر العالمي للنفط!!!
ولم يقل لنا لماذا يتحصل المواطن علي جوال السكر القادم من دول بنصف
سعره بالبلاد?
......نعم كان هناك شح في الوقود والسكر في عهد الديموقراطية لأن الدولة
كان تدعم الخبز والسكر والوقود وكان بإمكان الدولة وقتها أن تغرق السوق
بهذه السلع لو رفعت الدعم عنها وباعتها بسعر السوق!!!
كانت الدولة وبالرغم من أنها لاتنتج بترولا- كانت تدعم العلاج والتعليم
أما اليوم فأنها تفرض الرسوم علي التعليم الاساس ويطرد التلاميد من مقاعد
الدراسة لعدم دفع الرسوم......كانت توفر الأعاشة والسكن والتعليم المجاني
للطلاب وتبعث غيرهم ليتعلموا علي نفقتها بالخارج
....... دولة اليوم يطر د منها المواطن من الحوادث لعدم رسوم العلاج
ويتسول الناس لدفع رسوم العلاج والدراسة!!!
00 دخل المواطن في دولة اليوم لايكفي ربع منصرفاته
موارد البلاد مهدرة ومبددة ولايعرف المواطن شئيا عن أنتاج الذهب أو البترول والعقود الموقعة مع الشركات الأجنبية .....معظم موارد البلاد
تذهب لدعم الاجهزة وحماية النظام بينما ينال التعليم والصحة فتات الفتات ....
.......كانت الدولة في عهد من سبقوك يامصطفي عثمان مهابة تعرف كيف
تحافظ علي ترابها وسيادتها ولكنكم فرطتم في ترابها لدول الجوار:
أثيوبيا وكينيا ومصر وأمتلاءت ربوعها بالقوات الاجنبية!!!
ورثتم دولة ذات سيادة ففرطتم في ذلك وورثت مليون ميل مربع ففرطتم
في أطرافه!1
ورثتم بلد متماسك نسبيا فمزقتم نسيجه الأجتماعي وأشعلتم الفتن العرقية
والدينية في ربوعه ودولتم مشاكله!!
....... ربطتم البلاد بالارهاب والتتطرف ودمرتم علاقتها الخارجية برعونتكم!! |
الأخ كمال I cant agree more...
|
Post: #61
Title: Re: انا
Author: المسافر
Date: 03-17-2009, 05:41 AM
Parent: #60
كلام زعل ما بقصدو
باركوها يا جماعة
الراجل قال انتو بتشربوا الشاي بالكرميلا
وبمناسبة الشاي دي أحكي ليكم القصة دي حكاها لي واحد سوداني
والقصة دي حدثت ليه بالفعل قبل الإنقاذ
قال كان قاعد في السوق عدمان التعريفة..
ومع حال العدم خرمان راميهو الشاي..
وهو قاعد في محل العياشة فوق شوال..
مجموعة من السودانيييين ( نفس الشاكلة يعني ) مترصين على الشوالات ..
وجاء واحد شحاد ( سوداني أصيل في الشحدة ) بدأ يشحد في الصف المتراصي ده ( من السودانيين المتراصين)
ومع اصرار الشحاد على الحصول على شي من هذا الصف المتراصي
وقبل أن يصل إلى راوي القصة تحصل الشحاد على قرشين ( فريني )
وعندما وصل إلى الراوي ورأي حاله عجز لسانه عن الشحدة
وتبرع له بالقرشين ( الفريني ) الذي تحصل عليه بعد جهد ( شحداوي )
وقال ليه ( هاك أشرب ليك كباية شاي)
وتناول الراوي ( السوداني قبل الإنقاذ ) القرشين وطار بها إلى القهوة
وبعد أن ارتشف كباية الشاي بدأت له ميزات لم يتعرف عليها من قبل..
أدركها بفضل هذا الشحاد(السوداني ) الذي رثى لحاله ( قبل الإنقاذ طبعا )
ومن يومها قرر أن يرتقي بنفسه إلى مستوى الشحاد ( السوداني )...
وأن يسبق الناس إلى المساجد
وأن لا يتهاون في شرب الشاي
ولو بالجردقة...
الجردقة والمحريب والحرجل...
شي لله يا مصطفى..
|
Post: #62
Title: Re: انا
Author: ALazhary2
Date: 03-17-2009, 05:55 AM
Parent: #61
.
.
والله كان قال الكلام الشين ده يكون بالغ الوزير أبو جضوم .
ممكن ياجماعة نخت إحتمال 1% إنه كلام الوزير إتفهم غلط أو تم تحريفه؟
معقول يقول كده؟
.
.
|
Post: #63
Title: Re: انا
Author: حنين للبلد
Date: 03-17-2009, 06:03 AM
Parent: #62
عزوز؟؟؟؟؟
مافهمنا بعد ده كله الصورة...كانت تأمل ام مقبلة؟؟
والله محن...قال ايه كمان "أبو الدبلوماسية" الكيزان ديل عينهم قوية خلاص....
اسمعي....شيء لله يا محسنين...شيء لله..
بلد تمحن الما بتمحن...
|
Post: #64
Title: Re: انا
Author: تبارك شيخ الدين جبريل
Date: 03-17-2009, 06:19 AM
Parent: #63
كمال بشاشا ....(أستوج نفسو)
| Quote: في ارض حفظة القران، قرابة 500,000 مسلمة ومسلم، ابيدو بجريرة انهم، "زرقة" ولم يشفع لهم اسلامهم، في دولة "لااله الا الله"! |
خلّى "أوكامبو" يضيفك شاهد .... احتمال تهمة "الإبادة" تنجح المرة دى .....
.. المهم ....
|
Post: #65
Title: Re: انا
Author: أيمن الطيب
Date: 03-17-2009, 06:41 AM
Parent: #61
سلام يا عزاز,,,| Quote: صالة المؤتمر الصحفي اليوم كانت تعج بصحفيين سعودين و صحفين من جنسيات عربية و صحفي صيني ناطق باللغة العربية، و سمعوا كما سمعنا وصف مستشار الرئيس لنا بالشحاتين السابقين، و سمعت تعليقات ممن حضروا بان تلك الاجابة منافية للذوق السليم. لن استغرب لو جاءني سعودي ووصفني بالشحاذة ضمن باقي الصفات السالبة المُلقاة على عاتق المغترب السوداني، و سيعلل بأن الصفة "من دقنو و فتلو" و "شهد شاهد من أهلها" و "انا ما جبتش حاجة من عندي" و مستشار دولتكم هو اللي قال. |
تصريحات مسؤولينا كلها أصبحت مرعبة ومخجلة!!!!كأنما لا يوجد لدينا من يحسن الحديث ويتخيّر الألفاظ والكلمات!!!!وأننا قد عدمنا من يقول كلامامتزنا ومرتبا ويمكن أن نقول عليه أنه يصبّ فى خانة دفع الموقف للأمام ومحاولة إزالة الضرر الذى وقع فعلا والذى مازال سيقع على بلادنا!!!!
والملافظ سعد!!!
لكن والله مصطفى عثمان إسماعيل باااااااالغ معاكم يا ناس السعودية!!
شحادين!!!!!!
ياخ مفروض تطالبو بإعتذار والله!!!!! ويكون عندكم حق مقاضاته!! للإهانة البالغة التى ألحقها بكم!!!
لكن نقول شنو ونشكى لمنو!!!الشكوى لغير الله مذلة!!!
قال دبلوماسية قال!!!!
يعنى إنتو لما مشيتو كنتو دايرين الزول دا يقول شنو!!!فهو لا يملك غير هذا ليقوله لكم!!!!
الله كريم,,,
|
Post: #66
Title: Re: انا
Author: Ash
Date: 03-17-2009, 07:00 AM
Parent: #65
سلام...
"السوداني" شحات! قبل الإنقاذ.
No Problem
لكن...
"جضومو" ديل قبل الإنقاذ, كانوا كيف!!!!
"جضومك" كانوا كيف يا أبو....
"النسب".
النون مكسورة, زي سيدك!
السين مفتوحة, زي سيدك!
الباء مسكونة, زي وطنآـ غفوة ـ بقي مسكون بـ زي أمثالك!!!
|
Post: #75
Title: Re: انا
Author: عزاز شامي
Date: 03-17-2009, 08:25 AM
Parent: #52
الاخ هشام أمين
تقبل تحياتي انا كمان ...
Quote: الاخت عزاز تقبلى تحياتى
مجرد راى
انا شخصيا استحسن الشحزة فى وطنى على ان اكون خائنا لة |
"الشحازة" هنا ما اختيارية، انت "شحاز" شئت أم ابيت
ما دام انت سوداني و طلعت عليك شمس الانقاذ
أما الخيانة و منو الخاين ،
فدي علمها عند الله و من اصطفى من عباده الأخيار ...
|
Post: #71
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: maia
Date: 03-17-2009, 07:35 AM
Parent: #69
الاخت عزاز
تحياتي
معليش يا عزاز مع احترامي لغضبتك وزعلك ، لكن ما في حاجة جديدة اتقالت
انتي كنتي متوقعة تسمعي شنو يا عزاز ؟؟
ياهو دي الانقاذ وياهم ديل اهل الانقاذ منذ عشرين سنة ما في شيء اتغير
ولم يعد كلامهم وتصريحاتهم مدهشة
يعني ابدا كلامه السيد مصطفى عثمان اسماعيل ما مدهش ولا غريب ويدور في نفس فلك خط الانقاذ ونهجها
اللي ليهو سنين مدور
ولو قال غير ذلك ما كان اصلا حتكون في مشكلة لانه ببساطة كانت حتكون حكومة تانية غير الانقاذ
لذا نصيحة يا اختي العزيزة اخدي الموضوع بدون دهشة وعادي جدا وهدي من زعلك
لانه هو فعلا كذلك
لك شكري
|
Post: #72
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: مصطفى البشير
Date: 03-17-2009, 07:42 AM
Parent: #69
هذه مفردات الانقاذ ما بعد أوكامبو :
( نخليه يلحس كوعه ) ،، ( يبله ويشرب مويته ) ،، ( .. كلهم تحت جزمتي دى ) ،، ( اعلام محلي غبي ) ،، وأخيرا جدا ( كل الشعب السوداني كان شحاد/ت ، قبل الانقاذ ) . واعجبي .
|
Post: #73
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عمر الفاروق عبد الله الشيخ
Date: 03-17-2009, 08:00 AM
Parent: #72
شي لله يا محسنين حسنة قليلة تمنع بلاوي كتيرة!!!!
الله يدينا ويديك!!!!!!
|
Post: #77
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: أيمن الطيب
Date: 03-17-2009, 08:36 AM
Parent: #74
| Quote: مستشار الرئيس السوداني: قبل قدوم البشير كان الشعب «شحاتا» لا يعرف السكر |
الشرق الأوسط,,,
بالله يا أخوانا الزول دا حا يكون شعوره شنو هسه,,,
الكلمة مرقت وإتقالت!!!
هل يعقل هذا؟؟؟
وزير ودبلوماسى يصف الشعب السودانى بأنه كان شعب متسول!!!
فى ناس لبدو من الكلام دا وسردبو منّو!!!! ليه يا ترى!!!! كلام مخجل و وشين وعيب!!!
عيب يا د. مصطفى وعيب تانى على أى إنسان يؤيد هذه الفكرة !!!!!وإن لم يجاهر بها وسردب وعمل أطرش!!!
والعيب الكبير أن يصدر مثله من دبلوماسى ووزير خارجية ومستشار رئيس جمهورية!!
وإهانة شعب كامل ولو بكلمة جريمة أخرى ترتكب فى حقنا,,,,
|
Post: #79
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: معاذ حسن
Date: 03-17-2009, 08:37 AM
Parent: #74
يجب مقاضاة هذا الرجل ودفعه للاستقالة.
|
Post: #76
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: hamam
Date: 03-17-2009, 08:33 AM
Parent: #72
إفلاس مدقع .. لف و دوران و كلام الطير في الباقير..و لا علاقة له بأصل الموضوع
نعم الشعب السوداني كان يستجدي أكله و شرابه منذ العام 1976
نعم كان يعتمد على الهبات و الصدقات و الإعانات.. هي الشحتة كيف لو دي ما شحتة؟
هذه حقائق يحاول مناضلي و معارضي الكي بورد أن ينكروها ليس لقناعة في دواخلهم و لكن فقط إيجاد مبرر للإساءة !
99% من المراسلين الذين حضروا المؤتمر الصحفي خاصة السعوديين يدركون و يعلمون علم اليقين كيف كان حال السودان في 1985 و حتى 1989 الكلام ده يتقال في كوكب آخر غير الكوكب الذي نعيش فيه
السعودية كانت أول دولة يستنجد بها السودان 1985 حينما قال الملك فهد كلمته الشهيرة للمشير / سوار الذهب (سنقتسم معكم كسرة الخبز)
كفى شنشنة ! و كفى مغالطة للحقائق و قليل من المصداقية
المستشار مصطفى عثمان إسماعيل ، أشاد بالجالية السودانية أكثر من ثلاث مرات في حديثة و ثمن دورهم أيام العسرة و وقوفهم بجانب أهلهم و دعمهم للدولة و لكن عين السخط التي لا تراعي أدنى مصداقية للكلمة لم تشأ أن تنقل هذا الحديث إنما انتقت ما يحلوا لها و يخدم أغراضها و هي عين السخط التي لا ترى إلا العيوب و العياذ بالله!
|
Post: #78
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 08:37 AM
Parent: #76
| Quote: إفلاس مدقع .. لف و دوران و كلام الطير في الباقير..و لا علاقة له بأصل الموضوع |
الود ده!
انت زعلت يا دكتور ولا شنو؟
|
Post: #81
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-17-2009, 08:40 AM
Parent: #76
Quote: السعودية كانت أول دولة يستنجد بها السودان 1985 حينما قال الملك فهد كلمته الشهيرة للمشير / سوار الذهب (سنقتسم معكم كسرة الخبز)
كفى شنشنة ! و كفى مغالطة للحقائق و قليل من المصداقية |
احترم ولائك لوطنك الثاني يا مواطن سعوسوداني هميم انت :)
|
Post: #82
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عبد اللطيف السيدح
Date: 03-17-2009, 08:52 AM
Parent: #81
انتوا عندكم شك في ذلك؟
الراجل لم يقصد ان الناس شايلين قرعاتم ولافين في الشوارع ، بل يقصد ان الحكومات قبل الانقاذكانت تشحد
باسم الشعب السوداني وتتسول القمح والبترول باسم الشعب السوداني ، اليس كذلك؟ كونوا منصفين
يا اشباه المعارضين.
داهية تخم الجنائية و.......................!!!
|
Post: #83
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: hamam
Date: 03-17-2009, 08:57 AM
Parent: #82
و لمن يحاولون حجب قرص الشمس بمنخال نورد هذا التقرير
عليكم ملاحظة مؤشر النمو
|
Post: #84
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: hamam
Date: 03-17-2009, 09:13 AM
Parent: #83
الميزانية سنة 89 كانت 800 مليون دولار منها 80% ديون و قروض و هبات
الميزانية سنة 2009 13 مليار دولار (13000000000) منها 80% من حر مال الشعب السوداني
نعم .. معدل النمو سنة 89 في السودان كان سالب 1 (-1%)
اليوم السودان في مصاف أفضل 10 دول في العالم من حيث النمو الاقتصادي و الناتج المحلي 7% كحد أدنى منذ تنفيذ استراتيجية تحرير الاقتصاد عام 1993
نعم هذه هي لغة الأرقام .. و فقط الأرقام و لا وقت للإنشاء و التدبيج
حينما أوردت المعلومات أعلاه ...
| Quote: رد أحدهم و قال (أضحك مما أقرأ) |
| Quote: و رد آخر و قال (فوالله الكلام دا حرقني شديد... ياخوانا انتو غياظين كدا مالكم؟؟؟) |
| Quote: و أورد أحدهم مادة لا صلة لها بما أوردت و كتب (اها يا همام نصدق منو ؟؟؟؟ أكيد في واحد كذاب) |
و يتضح من الردود أعلاه الإصرار على الثرثرة الدائرية و الكلام الإنشاء و الهروب من الأرقام لإيجاد متنفس لما يعتمل في الصدور !
هذه الأرقام التي تبين معدلات تزايد الناتج المحلي و أكيد منتظر الجهابزة لكي يقدحوا في مصداقية التقرير!
|
Post: #139
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: الحاج حمد الحاج
Date: 03-18-2009, 10:35 PM
Parent: #84
عزاز شامي
تحياتي..
اتذكرت قصة طريفة: قالوا يوم في السوق العربي تاجر ضارب ليهو ضربة كبيرة و كان بعد في الكاش و كان قدامو ربط و في اللحظة دي جاهو شحات و اراد المخارجة سريعا من الشحات ، قام سلم الشحات مبلغ كبير و واصل في عد القروش..الشحات مسك المبلغ و نظر ليهو باستغراب لكبره و قال للتاجر: و الله بالطريقة دي يوم بتقتلو ليكم شحات...
|
Post: #147
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Nazik Eltayeb
Date: 03-19-2009, 03:02 PM
Parent: #84
Quote:
......نعم كان هناك شح في الوقود والسكر في عهد الديموقراطية لأن الدولة
كان تدعم الخبز والسكر والوقود وكان بإمكان الدولة وقتها أن تغرق السوق
بهذه السلع لو رفعت الدعم عنها وباعتها بسعر السوق!!!
كانت الدولة وبالرغم من أنها لاتنتج بترولا- كانت تدعم العلاج والتعليم
أما اليوم فأنها تفرض الرسوم علي التعليم الاساس ويطرد التلاميد من مقاعد
الدراسة لعدم دفع الرسوم......كانت توفر الأعاشة والسكن والتعليم المجاني
للطلاب وتبعث غيرهم ليتعلموا علي نفقتها بالخارج
....... دولة اليوم يطر د منها المواطن من الحوادث لعدم رسوم العلاج
ويتسول الناس لدفع رسوم العلاج والدراسة!!!
00 دخل المواطن في دولة اليوم لايكفي ربع منصرفاته
موارد البلاد مهدرة ومبددة ولايعرف المواطن شئيا عن أنتاج الذهب أو البترول والعقود الموقعة مع الشركات الأجنبية .....معظم موارد البلاد
تذهب لدعم الاجهزة وحماية النظام بينما ينال التعليم والصحة فتات الفتات ....
.......كانت الدولة في عهد من سبقوك يامصطفي عثمان مهابة تعرف كيف
تحافظ علي ترابها وسيادتها ولكنكم فرطتم في ترابها لدول الجوار:
أثيوبيا وكينيا ومصر وأمتلاءت ربوعها بالقوات الاجنبية!!!
ورثتم دولة ذات سيادة ففرطتم في ذلك وورثت مليون ميل مربع ففرطتم
في أطرافه!1
ورثتم بلد متماسك نسبيا فمزقتم نسيجه الأجتماعي وأشعلتم الفتن العرقية
والدينية في ربوعه ودولتم مشاكله!!
....... ربطتم البلاد بالارهاب والتتطرف ودمرتم علاقتها الخارجية برعونتكم!!
......كمال |
لافض فوه القائل
|
Post: #85
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Bushra Elfadil
Date: 03-17-2009, 09:16 AM
Parent: #83
الملايين الذين يوجودون في معسكرات داخل وخارج السودان جراء ماساة دارفور هل كانت تطعمهم الإنقاذ خلال الست سنوات الماضية أم الاسرة الدولية؟ لمن تركت الحكومة رعاياها هؤلاء اليست هذه شحذة أيضاً؟لماذا تطلب الإنقاذ العون حاليا من العالمين العربي والاسلامي ؛ لسد الفجوة(فجوة الشحذة) بعد طرد بعض المنظمات العالمية ؛بينما استنكفت مثل هذا العون من الدول ذاتها على الحكومات السابقة لانقلابها؟
|
Post: #132
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Mohammed Haroun
Date: 03-18-2009, 01:01 PM
Parent: #85
الأخت عزاز حبابك
الحكومات السودانية نعم .... بس الشعب السوداني لا وألف لا.
غايتو أنا مصدققك ... لكن مش متخيل الزول المهذب اللطيف د. مصطفى عثمان اسماعيل يقول كلام دراب زي كده .
تحياتي
|
Post: #86
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: أحمد أمين
Date: 03-17-2009, 09:19 AM
Parent: #83
زعيم الشحادين قبل الانقاذ
امس قال "يوصلوا لينا الاغاثة لغاية المطار ولا الميناء وخلاص"
شوفتوا قوة العين دى....لا شكرا ولا كتر خيركم.
لكن الحقيقة الان:
أن برنامج الغذاء العالمى ينفق هذا العام فى السودان مايقارب ال 475 مليون دولار
(على مايقارب ال 6 مليون سودانى مفروض تأكلهم حكومة العزة والسيادة والكرامة) والماشحادين
دفعت امريكا التى دنا عذابهاحسب تهريج مسيرات الحكومة، مايعادل 434 مليون دولار
اى 91% والاتحاد الاوربى 23 مليون دولار، ياخى حتى الدنمارك- الهايجين قالوا
(كلها) اساءت للرسول- دافعه 1 مليون دولار
طبعا المصدر موقع Sudan Donor Bulletin WFP
|
Post: #89
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: فاروق حامد محمد
Date: 03-17-2009, 09:45 AM
Parent: #82
| Quote: يجب مقاضاة هذا الرجل ودفعه للاستقالة. |
معاذ الله يا "معاذ" !!!!
يستقيل من وين وليه ؟؟؟
حصل شفت ليك انقاذي استقال ؟؟
انت عايز الراجل يشحت ولا شنو ؟
وبعدين منو البمشي لينا لبنان عشان
يصالح اللبنانيين مع بعض ؟؟!!!
مصطفى عثمان اسماعيل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
|
Post: #91
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: هند محمد
Date: 03-17-2009, 09:53 AM
Parent: #89
Quote: وبعد الانقاذ......
مافى.....
مافي شحاتين ولا مافي شيء يشحدوهو ولا مروة شحادة مافي؟
|
شحاتين الشحاتين
روح يامصفى عثمان اسماعيل تفقد الرعية وشوف الجوع والحوجة والبطالة
موت أمة يامن اعتليتم القصور
هذا الشعب الشحات من ملككم امره والجاه والقصور فتأدب فى حضرته !!!
|
Post: #125
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Abdel Aati
Date: 03-18-2009, 10:10 AM
Parent: #89
عزاز تحياتي
| Quote: السؤال الملح الذي لم يُطرح حينها: من أوجد الفجوة؟ وما الحل الجذري للوضع؟ |
واحد من اسئلة كتيرة ملحة
لن يجدوا اجابة عليها فمهتهم هي خلق الفجوات والازمات
ما قاله الرجل هو مجرد سفه؛ وهذا هو انحطاط الانقاذ قد تجلى للعيان
لك الود
|
Post: #88
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: جعفر محي الدين
Date: 03-17-2009, 09:30 AM
Parent: #81
طب أسنان + كيمياء حيوية + مؤتمر شعبي إسلامي + وزارة خارجية + مستشارية
هذا الخليط هو ما سبب اللغة العنترية عند سعادة المستشار مصطفى عثمان
عدم احترام الشعب السوداني سمة أساسية من سمات الإنقاذ تزداد عتوا كل يوم
يعتقدون اعتقادا جازما بأن لهم حق الوصاية على هذا الشعب ولا يتورعون في وصفه بما عنى لهم من أوصاف
فليس لهم حسيب ولا عليهم رقيب
وإذا لم تستح فقل ما تشاء ...
|
Post: #87
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Alshafea Ibrahim
Date: 03-17-2009, 09:26 AM
Parent: #76
الأخت عزاز والكل:
كم تبقى من المحالج العاملة قبل الإنقاذ؟
كم تبقى من مصانع الغزل والنسيج العاملة قبل الإنقاذ؟
كم تبقى من مطاحن الغلال الوطنية العاملة قبل الإنقاذ؟
كم تبقى من معاصر الزيوت الوطنية العاملة قبل الإنقاذ؟
كم تبقى من مصانع الصابون ، المكرونة ، الوطنية العاملة قبل الإنقاذ؟
كم كان سعر (رطل السكر) قبل الإنقاذ؟
كم كان سعر جالون البنزين قبل الإنقاذ؟
كم مدرسة إبتدائية شيدت الإنقاذ؟
كم مدرسة ثانوية شيدت الإنقاذ؟
كم مركز صحي أو مستشفى ريفي شيدت الإنقاذ؟
عجبي الدقيق ، الزيوت ، الصابون ، الأقمشة ، الأدوية ، الأدوات المدرسية ألخ كل شئ مستورد وعليه جمارك وضرائب ورسوم محلية وولائية يعجر الشيطان عن وصفهاالشيطان ... ناهيك عن سوء الخدمات التعليمية والصحية والإدارية ... صحيح يا اسماعيل أصبحنا بفضلكم وعرقكم وجهدكم وعلمكم وورعكم وتقواكم شحاتين ومتسولين وبإعتراف أجهزتكم الحكومية الفقر نسبته فوق ال 90% ... ونبكى ونبكى أعواما وقرونا مضت قبل الإنقاذ يا مصطفى .. بدل جيش وشرطة موحدة أصبحنا نتعامل مع جيوش وبوليس حسب المكان الذي تنتقل إليه إذا كنت قادرا أصلا على التنقل .. جيوش وبوليس بمسميات وجهات وفئات جعلت من الوطن دويلات متناحرة متقاتلة والآتي أسوأ ... استحي يا اسماعيل ..
الشفيع
|
Post: #90
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: esam gabralla
Date: 03-17-2009, 09:51 AM
Parent: #87
المدعو همام
الواحد يكون بليد ما مشكة ... لكن بليد و كذاب و ما بيقرا الخاميهو جايبو ده ؟
المؤشرات الجايبا انت دى للسنوات بين 1975-2000
يعنى انقاذك دى ليها سنه او اقل , اذا كان في نمو اذا يحسب لما قبل الانقاذ بما فيها الديمقراطية التالتة.
شئ اخر:
| Quote: منها 80% من حر مال الشعب السوداني |
طيب الديون المتزايدة دى اتدينتا حكومة منو؟
أعلن البنك المركزي ان ديون السودان الخارجية قد بلغت (29,3) مليار دولار بنهاية ديسمبر من العام الماضى - الايام 2008-07-29
31.9 مليار دولار ديون السودان بنهاية ديسمبر الماضي
الخرطوم: كشف تقرير رسمي أن ديون السودان الخارجية بلغت بنهاية ديسمبر من العام الماضي نحو 31.9 مليار دولار.
محيط
17 مارس 2009
انتو اصلا اتعودتو على ذلة قياداتكم و اولياء نعمتكم ليكم ... لو هرو فوقكم عدييييل كده حتقولو الهرار بعد الانقاذ بقي زى الياسمين
ناس ما عندها كرامة و لا اخلاق
|
Post: #92
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: أيمن الطيب
Date: 03-17-2009, 10:00 AM
Parent: #90
| Quote: المؤشرات الجايبا انت دى للسنوات بين 1975-2000 |
 السنوات من 2000 حتى 2009 تسقط من الحساب وما بين الخيرين حساب والحساب يوم الحساب!!
لأنها أصلا غير مسجلة فى السجلاّت,,,
سبحان الله بكرة وأصيلا,,,
|
Post: #104
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: ابراهيم قناوي
Date: 03-17-2009, 10:38 AM
Parent: #92
عزاز شامي
مسكاقمي
بالله عليك الله قلتي
بتكون اشكالية لغة بس الفكرة وصلت ولا لأ يومها؟
الحق يتقال .. الدكتور كان مفوه و لغتو العربية محبوكة تمام
لا لحن فيها ولا لجج ...
عشنا وسمعنا العجم بتكلموا في اللغة
مالك ومال العربي ياخ؟؟؟
________________________________
آفيا لقو يا شهاتين
|
Post: #96
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: hamam
Date: 03-17-2009, 10:13 AM
Parent: #90
Quote: المؤشرات الجايبا انت دى للسنوات بين 1975-2000
يعنى انقاذك دى ليها سنه او اقل , اذا كان في نمو اذا يحسب لما قبل الانقاذ بما فيها الديمقراطية التالتة. |
يا هو دا فهمك يا فصيح؟؟؟؟
و الله البلادة جبتها انت تجرجر يا عصام جبرالله :
يا فصيح سنة 2000 الانقاذ كان ليها سنة أو أقل ؟ ؟؟؟ أعوذ بالله يأخي حساب بتاع سنة ثانية إبتدائي ما عندك يا كافي البلا؟؟؟؟؟؟
بلادة و عفن و وساخة لسان !! العياذ بالله
ما كان في داعي للفضايح دي 2000-1989 = سنة واحدة أو أقل بحساب عصام جبرالله الما بليد !!! عجبي !
|
Post: #98
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Tabaldina
Date: 03-17-2009, 10:19 AM
Parent: #96
..
.
قد يكون جانبه الصواب فى التعبير
ولكن ..
منذ 1956 كنا ولا زلنا نستجدى الشعوب فى طعامنا
وفى حروبناوفى حل قضايا ..
__________
هذا مؤتمر صحفى للمعارضة لمناقشة تعبير ( زى الشحاتين ) !!
بئس حكوماتنا ومعارضتنا ..
|
Post: #100
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: saadeldin abdelrahman
Date: 03-17-2009, 10:24 AM
Parent: #96
دخلت شمال!
|
Post: #106
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: esam gabralla
Date: 03-17-2009, 10:42 AM
Parent: #96
اها يا يا طمام كلامك صاح , انا بليد و ما بعرف ٨٩ من ٢٠٠٠
حصة الحساب دى فطيتا .... كنت بشحد ... موش شعب شحاد؟
ولسه الحجة قائمة, لان المؤشرات تتحدث عن ٢٥ سنة من ٧٥ لى ٢٠٠٠
و ما تزوغ من الكلام التانى
اذا التمويل ٨٠ % منو ذاتى , ليه الديون مرتفعة لى ٣١ مليار دولار
البليد عصام
|
Post: #110
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: جمال هباني
Date: 03-17-2009, 11:22 AM
Parent: #106
عزاز
تحياتي
كنتي متوقعة تسمعي شنو؟
|
Post: #112
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عمر الفاروق عبد الله الشيخ
Date: 03-17-2009, 11:31 AM
Parent: #106
|
Post: #114
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: hamam
Date: 03-17-2009, 01:19 PM
Parent: #106
| Quote: اها يا يا طمام كلامك صاح , انا بليد و ما بعرف |
بلادتك ثابتة فوق بخط يدك ! ما محتاجة تأكيد منك .. لكن وساخة لسانك ما بتشجع الواحد تاني يرد عليك
بالله خجلت من نفسك و لا أخجل ليك
قال بلادة قال ! الأرقام دي خليها شوية لحدي ما تحفظ جدول الضرب بعدين تعال
|
Post: #115
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: salah almaleeh
Date: 03-17-2009, 02:37 PM
Parent: #114
Quote: هل حقاً أن الشعب السوداني كان شحاتاً والعراقي حافياً!
GMT 10:45:00 2009 الثلائاء 17 مارس
حسن أسد
--------------------------------------------------------------------------------
نفس المرادفات الشوارعية التي كان يستخدمها صدام حسين وأتباعه بالأمس إقتبسها اليوم وبالإستنساغ عمر البشير وأعوانه في تهديدهم الغرب وأميركا بالعواقب الوخيمة. والويل والثبور إذا ما تجرأتا على تفعيل مذكرة القبض على الرئيس السوداني لتقديمه للمحكمة الجنائية الدولية بتهمة تورطه في الجرائم التي وقعت بدارفور..
ولمجاراة الحناجر التي هتفت ( بالروح والدم نفديك يا حذاء ) في الواقعة المذمومة، أشار البشير بعصاه الجنرالية إلى ( جزمته ) التي وضع تحتها * قولاً * كل الذين شاركوا في إستصدار وثيقة القبض عليه. طالباً منهم أن يبلوه ويشربوا ماءه تماماً مثل فعل قرينه صدام حين أشار إلى ( طارقه ) بعدم إستلام رسالة بيكر عام 1990. بعدها وقعت حرب الخليج الثانية التي إنتهت بتحرير الكويت التي أرادها المحافظة أل 19 للعراق غير أنه وافق أخيراً في خيمة صفوان أن يتولى منصب محافظ بغداد إلى اليوم الأغر في 9 نسيان حيث إنزاح كابوسه المرعب المخيف من حياة شرفاء العراق...
بنفس معنى العبارات التي أطلقها صدام حسين ذات يوم في السبعينات حين قال بأن له الفضل في لبس العراقيين ( للنعِل ) بعدما كانوا حفاة!!!
بنفس ذلكم المعنى صرح مستشار عمر البشير. المدعو. مصطفى عثمان إسماعيل. بأن الشعب السوداني قبل مجيء البشير إلى الحكم. كان مثل ( الشحاتين )!! قال ذلك في مؤتمر صحفي عقد بالأمس في الرياض. ( التفاصيل في جريدة الشرق الأوسط لهذا اليوم ).
إذ قال بالحرف. عندما جاءت هذه الحكومة إلى السلطة، الشعب السوداني كان مثل الشحاتين.. حينما جاءت هذه الحكومة، لم يكن هناك سكر، الشعب السوداني كان يشرب الشاي ب ( الجكة )!!!
كلنا يعلم بأن السودان كان يكنى منذ الأزل بأنه سلة غذاء العالم وأن الشعب السوداني يعتبر من أطيب شعوب الدنيا وأكرمهم. فمن كانت تلك صفاته فكيف يوصم بالشحاته. الأقسى على النفس أن يكون القائل مسؤول في حكومة دولته..
مثل عدم نسيان العراقيين لإهانة صدام لهم. إذ إنتقم أحدهم منه بإستخدام ذلكم النعال في ضرب صورته بعد زوال نظامه الدكتاتوري، فنحن على ثقة بأن الشعب السوداني الأبي سيقوم بنفس الدور في حق من أهانو كرامته بإطلاق وصف ( الشحاتة ) عليه..
ملاحظة. قد يعقب أحدهم بذكر واقعة الزيدي بعد التحرير. فردي هو.( والشيء بالشيء يذكر ). لو آمنا بتفاخر صدام في جعل العراقيين أن ( ينتعلو ) وضرب بواحدها بعد زواله. ( لا أحد كان يجرو على فعله أثناء نظامه الدكتاتوري ). أفلا يحق لمن بعده أن يتباهى بأنه ألبس الزيدي حذاءً. وهو أكثر قيمة وثمن من النعال. ليضرب به محرره. دون أن يقتل وتباد عائلته وقبيلته كما كان سيحدث في زمن من حزن هو لرحيله وفرح الشرفاء بإعدامه...؟؟!!
نقلاً عن صحيفة إيلاف الإلكترونية اليوم الثلاثاء 17 مارس 2009م
|
|
Post: #116
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: سمير شيخ ادريس
Date: 03-17-2009, 02:55 PM
Parent: #114
Quote: نعم الشعب السوداني كان يستجدي أكله و شرابه منذ العام 1976
نعم كان يعتمد على الهبات و الصدقات و الإعانات.. هي الشحتة كيف لو دي ما شحتة؟ |
هل كان العشرين مليون مواطن وقتها يحملون قرعاتهم يجوبون بها بلاد الله تسولا ...؟ ام ان الحكومات هى التى كانت تتسول باسمه وتحول عائد الئسول لحساب متنفذيها ؟
والكلام المذكور لا يحتاج لتاويل لفهمه فالهبات والاعانات كانت ولا تزال صنائع الحكام فاقدى الضمير لا يعود منها قرشا للمتسول باسمه وكان الشعب نضر الوجه من العفاف رغم عيش الكفاف .. والان فى عهد الانقاذ التى لم تسقط لحم الشعب من عظمه فقط بل اسقطت الحياء عن وجهه حين فتحت له صفحات صحفها وصارت ابوابا كاملة للشحدة مثل انفاس المساكين وامسح دمعة واوقد شمعة .
فاذا كنا شحادين قبل الانقاذ فقد كانت شحدتنا مستورة ومحلية .. اما الانقاذ فقد حولتنا لشحادين عالميين على صفحات الصحف التى يطالعها الملايين فى العالم .[/B
| Quote: ]قبل الإنقاذ ...شحاتين ...وبعد الإنقاذ .....برضو شحاتين .... |
| Quote: ما بال الذين كانوا شحادين قبل الانقاذ ثم صاروا من أعيان المدينه. |
وبما ان الوزير كان من الشعب قبل الانقاذ فحسب قوله انه كان شحادا مثلنا ولكن نرجوه ان يخبرنا ماذا أصبح الان بعد الفتح
|
Post: #118
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: esam gabralla
Date: 03-17-2009, 03:21 PM
Parent: #114
انت وقت بتقدر تشوف وساخة لسانى غلبك تشوف وساخة لسان اسيادك ديل؟ جزم و اوصال و جابت ليها شحادين كمان , و نوعك ده يبرر و يجيب في الاعذار و المخارج .. .بلادتى خليها اخجل انت من التعرصه البتعملو فيها و معاك كورسك ... حتى الكيزان الجد جد خجلو لى كلام زولهم ده و اختشو يجو يبررو ليهو الا عينتك العينا قويه دى .... احلف لو اسيادك ديل قالو عليك قبل الانقاذ كان عندك ضنب و تلاتة اضنين و عيونك في كرعينك و بعد الانقاذ بقيت بشر عادى ... حتجى تقول ايوه والله كنت كده
اكل العيش صعب ... ارزقيه
|
Post: #117
Title: سبحان الله
Author: SILVER MOON
Date: 03-17-2009, 03:07 PM
Parent: #1
وصف شعبنا الكريم بهذة الصفة اهانة غير مبرره لشعب معروف بعزة النفس
ربنا يسامحك
|
Post: #119
Title: Re: سبحان الله
Author: EMU إيمو
Date: 03-17-2009, 03:26 PM
Parent: #117
أيهماأصح نطقا:
شحاتين
أم
شحادين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعتقدهذا سبب مداخلات البعض هنا.
|
Post: #120
Title: Re: سبحان الله
Author: شول اشوانق دينق
Date: 03-17-2009, 03:41 PM
Parent: #117
الله فى
Quote: انتو اصلا اتعودتو على ذلة قياداتكم و اولياء نعمتكم ليكم ... لو هرو فوقكم عدييييل كده حتقولو الهرار بعد الانقاذ بقي زى الياسمين
ناس ما عندها كرامة و لا اخلاق |
يا عصام جبرالله دى بالغت فيها هههههههههههه
الناس بعد الإنقاذ بقت تاكل زهور ولّ كيف؟ هههههههههههههههههههههه
عزاز شامى
الله فى
|
Post: #121
Title: Re: سبحان الله
Author: تبارك شيخ الدين جبريل
Date: 03-17-2009, 04:35 PM
Parent: #120
قبل الإنقاذ ...
شحاتين ...
وبعد الإنقاذ .....
برضو شحاتين ....
(ومافيش حد احسن من حد!)
.. المهم ..... شحاتين!
|
Post: #122
Title: Re: سبحان الله
Author: saadeldin abdelrahman
Date: 03-17-2009, 05:04 PM
Parent: #121
اها عايز تنكر يا تبارك؟ حبوباتنا بقولن: شاحدة ربي.. اذا نحن شعب شحود من كبارو. و بعدين من ترك قديمو تاه، نحن ليه نتنازل عن قرعتنا للانقاذ؟ و هي قرعة قديمة خبرتنا و خبرناها.
|
Post: #123
Title: تصريحات وقحة
Author: SILVER MOON
Date: 03-18-2009, 06:07 AM
Parent: #1
السودانيون ليسوا شحاتين يا مصطفى عثمان!
GMT 2:15:00 2009 الأربعاء 18 مارس
الوطن السعودية
--------------------------------------------------------------------------------
تركي الدخيل
بعض المسؤولين الحكوميين في العالم العربي يصرحون تصريحات وقحة في حق شعوبهم يستحقون عليها أن يضربوا ضرباً.
فالمسؤول العربي يتعاطى أحياناً مع مواطنيه وكأنه جاء من السويد، أو تربى في القطب المتجمد الشمالي، وليس كأنه مواطن آخر، جاء إلى السلطة، بانقلاب، كما هو حال الباشا، مصطفى عثمان إسماعيل، مستشار الرئيس السوداني، الذي لم يجد لمدح حكومته، حكومة الإنقاذ، إلا الإساءة إلى الشعب السوداني، واعتباره كان شحّاتاً، لا يعرف السُكّر، حتى جاءت الثورة العلمية والاقتصادية العظيمة فحولت الشعب من الشحاتة إلى الاستكفاء.
أي استهتار بعقليات الناس، أكثر من هذا.
يا مصطفى إسماعيل، السودانيون لم يكونوا يوماً من الأيام شحّاتين. ويبدو أننا نعرفهم أكثر مما تعرفهم أنت وإن كنت سودانياً، فهم أهل كرامة وعزة نفس وأنفة، ولو ضاقت الدنيا بهم، ولو دارت عليهم الدوائر وجاءهم من يكون مسؤولاً مثلك، ويسيء إلى شعبه بهذا التصريح المخجل!
يا مصطفى عثمان، إذا كنت تزعم أن لغة العنتريات لم تسيطر على تصريحات المسؤولين عقب صدور مذكرة التوقيف بحق الرئيس السوداني، فلغتك في تصريحك قبل مغادرتك الرياض، تلك التي تزدري فيها السودانيين، وتعتبر الفارق في تحولهم من الشحاتة إلى غيرها، باستيلاء حكومتك على السلطة، أسوأ وأنكى من لغة العنتريات.
ألم نسمع عبر شاشات التلفزة، مقولات مثل: أضع القرارات تحت جزمتي؟!
ألم نر عبر تلفزيونات العالم، من يقول: مذكرة التوقيف وقراراتهم هذه يموصوها ويشربوها؟!
هل هذه تصريحات متزنة؟!
أم إن الاتزان والعقل والحكمة تكمن في أن يوصف الشعب بأنه شحّات حتى منّ الله عليه بهذه الحكومة؟!
العارفون ببواطن الأمور يعتبرون أن المستشار عثمان من عقلاء النظام السوداني، وأرجو ألا ينطبق عقب هذه الحالة السؤال الذي يردده العرب: من عاقلكم؟ قالوا:...!
|
Post: #126
Title: Re: تصريحات وقحة
Author: ناجى أحمد البشير
Date: 03-18-2009, 10:51 AM
Parent: #123
لست ممن تعود الدفاع عن مسئولين او حكومة او اصحاب السلطة أو نظام فهم أكفأ واقدر منى على الدفاع عن انفسهم
ولكن يجب فى هذا المقام ان نقول الحق : فقد كنت شاهد عيان فى نفرة يوم الاحد بالسفارة ولم اكن حضورا فى المؤتمر الصحفى بالمستشارية .. فالرجل لم يقل ذلك اطلاقا فى حين اشار ضمن اشادته بما قدمه المغتربون لبلادهم خلال السنين العجاف من دعم بمساهماتهم الضريبيه لحل ازمات السكر والبنزين وغيرها من الازمات الطاحنه التى عاشتها الاجيال السابقة منذ بداية الثمانينات .. (صفوف الخبز والسكر والبنزين ) من يسناها ؟؟؟
يمكننا ان نعارض او ان ننتقد اداء الحكومة ولكن لا يمكننا مجافاة حقائق واقعة ( استخراج البترول - السلام فى الجنوب والشرق - الطرق والجسور - توفير المواد الغذائية والادوية وبناء المستشفيات والمدراس - الجامعات الجديدة - سد مروى اى شاهد العصر ) وغيرها من الانجازات الكبيرة - )
واهم من هذا وذاك وجود الميرغنى والمهدى ونقد وكل قادة الاحزاب داخل السودان يتجولون بسياراتهم فى حرية تامة ويقولون ما يشاءون ويكتبون ما يشاءون )
ولا زلنا نقول حكومة القمع والبطش
شاهدت نفرات المناصرة فى اجهزة الاعلام المختلفة وتأكد لى بأن غالبية السودانيين ليسوا (شحادين ) بل هم ( مأجورين ) كما ورد فى هذا البوست .. فالغالبية التى خرجت فى كل مدن السودان لمناصرة البشير ضد قرار الجنائية ( ماجورين )
أما الذين لا يتخطون اصابع اليد الواحدة فهم الشرفاء والمناضلين .
وعجبى
|
Post: #127
Title: Re: تصريحات وقحة
Author: jini
Date: 03-18-2009, 11:08 AM
Parent: #126
Quote: أيهماأصح نطقا:
شحاتين
أم
شحادين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعتقدهذا سبب مداخلات البعض هنا. |
شحاذين ومفردها شحاذ!
يا ربى مصطفى دا قبل الانقاذ شحاد معانا ولا ما كان سودانى!
جنى
|
Post: #128
Title: Re: تصريحات وقحة
Author: hamam
Date: 03-18-2009, 11:36 AM
Parent: #127
الأخ / ناجي
| Quote: شاهدت نفرات المناصرة فى اجهزة الاعلام المختلفة وتأكد لى بأن غالبية السودانى ليسوا (شحادين ) بل ( مأجورين ) كما ورد فى هذا البوست .. فالغالبية التى خرجت فى كل مدن السودان لمناصرة البشير ضد قرار الجنائية ماجورين |
هذا الاصطفاف خلف الحكومة و المناصرة لرئيس الدولة خلق حالة من الذهول في عقول تلك القلة المحسوبة على أصابع اليد و عليه غير مستغرب منهم وصف مئات الآلاف في مختلف بقاع السودان بالمأجورين فهم مرفوع عنهم القلم هذه الأيام
|
Post: #129
Title: Re: تصريحات وقحة
Author: ادريس خليفة علم الهدي
Date: 03-18-2009, 12:09 PM
Parent: #128
يا همام
انا من الصباح راجيك في بوست ودالباوقة بتاع ابوالدبلوماسية
عليك الله ما تطول الغيبة
عندي معاك نضم كتييييييييييييير
|
Post: #134
Title: Re: تصريحات وقحة
Author: محمد الواثق
Date: 03-18-2009, 01:07 PM
Parent: #129
بالنظر لمواقف القوى السياسية ومنظمات المجتمع المدني في السودان يمكن تبين بوضوح موقفها الرافض للمحكمة الجنائية الدولية بغض النظر عن موقفها من الحكومة ( مع او ضد ) .
قد نجد تبريرا للخطاب المعادي للمحكمة والدول التي تدعمها .
لكن لماذا هذا الخطاب المعادي للجبهة الداخليه وفي هذا الوقت .
وترى الناس سكارى وما هم بسكارى
|
Post: #135
Title: Re: تصريحات وقحة
Author: عمر دفع الله
Date: 03-18-2009, 04:06 PM
Parent: #134
الاخت عزاز وضيوفك الزعلانين..
أنا أصلو جابني الدرب
فقلت أخش بوست الشحاتين دا اشوف الحاصل شنو.
وقلت ما اجي فاضي وجبت معاي الكاريكتير.
بس المحيرني الناس الحضرو الكلام دا كانوا كلهم شحاتين
قبل الانقاذ عشان كدا سكتوا?
تستاهلوا
|
Post: #136
Title: Re: تصريحات وقحة
Author: صديق الموج
Date: 03-18-2009, 04:19 PM
Parent: #134
Quote: لست ممن تعود الدفاع عن مسئولين او حكومة او اصحاب السلطة أو نظام فهم أكفأ واقدر منى على الدفاع عن انفسهم
ولكن يجب فى هذا المقام ان نقول الحق : فقد كنت شاهد عيان فى نفرة يوم الاحد بالسفارة ولم اكن حضورا فى المؤتمر الصحفى بالمستشارية .. فالرجل لم يقل ذلك اطلاقا |
الرســــــــــــــــــــــــــــــــــــــــــــــــــــــول!!!!!!!
|
Post: #137
Title: Re: تصريحات وقحة
Author: Abdlaziz Eisa
Date: 03-18-2009, 04:51 PM
Parent: #136
سلام
المدعو مصطفي اسماعيل هذا كما عهدناه منذ ان ظهر كوزير دولة ثم وزير خارجية.. رجل لا يعرف غير الكذب والنفاق..
وزارة الخارجية التي تقلدها وزراء بقامة أحمد خير, المحجوب, منصور خالد وابراهيم طه ايوب.. يمر عليها هذا النكرة ليلطخ سمعة هذه الوزارة كأتفه وزير يمر عليها.. لا يعرف غير الكذب والنفاق..
هذا الرجل ساقط ولا يليق بأن يجلس الفة في صف سادس ناهيك عن وزارة الخارجية التي مرمطها وخرب سمعتها..
هذا هو ديدن الانقاذ ان تأتي بالنكرات الذين ليست لهم اية مؤهلات علمية او اخلاقية يتوزرون على الناس..
تبا لهذا الوقح المسمى مصطفي اسماعيل..
تحياتي
عبدالعزيز
|
Post: #138
Title: Re: تصريحات وقحة
Author: Yassir Tayfour
Date: 03-18-2009, 06:09 PM
Parent: #126
Quote: الامين العام لرابطة اهل الهلال بالرياض
الامين العام لمدرسة الفروسيه السودانيه
نائب رئيس الرابطة الرياضيه الثقافيه للسودانيين بالرياض
المنسق العام لتجمع الكيانات الثقافيه والرياضيه والمهنيه بالرياض
عضو جمعية الخطوة السودانيه لخدمة ذوى الاحتياجات الخاصه
عضو منتدى امدرمان الثقافى
المشرف العام على دار امدرمان بالرياض
عضو اللجنة العليا للجاليه السودانيه بالرياض |
|
Post: #140
Title: Re: تصريحات وقحة
Author: خليل عيسى خليل
Date: 03-19-2009, 04:13 AM
Parent: #138
فى صفحة ( ملفات قوميه ) بجريدة اليوم السابع الإسبوعيه الجديده والجريئه بالعدد الثالث من الجريده وفى الصفحه الحادية عشر
. تحت مانشيت بارز (رجال مصر فى الخارج ) .
Quote: العنواين :ـ
ــــــــــــــــــ
الميرغنى ومصطفى عثمان فى السودان والسنيوره ينافس الحريرى فى لبنان وحارث الضارى فى العراق (رجال مصر فى الخارج ) .
ــــــــــــــــــــــــــــــــــــــــــــــــــ ـــــــــــــــــــــــــــــــ |
Quote: المقدمه .
ــــــــــــــ
مصالح الدول لاتختزل فى أشخاص ولا تتوقف عند قنو ات حتى لو كانت رسميه . يوجد دائماً خط إحتياط لاستمرار الإتصالات يتم اللجوء إليه عند فتور العلاقات وإنسداد القنوات الدبلوماسيه . وهناك أشخاص منوط بهم ( تسليك ) مصالح الدول . يجلسون على خط الإحتياط إنتظاراً للإستدعاء . هم بمثابة إصدقاء لمصر فى الخارج تقلوا تعليمهم فى مصر أو أقاموا فيها أو تأثروا بخطها السياسى القومى أو طمعاً فى دعمها السياسى للوصول إلى المناصب الداخليه والدوليه .
هؤلاء الأشخاص ذوو حيثيات بالضروره لهم ثقل وممن يطلق عليهم الحمائم أو سعاة السلام أو مهندسو القنوات الخلفيه لكنهم ليسوا بدلاء عن السفراء المصريين فى الخارج أو العلاقات الثنائيه .
الخبراء يحددون سمات الشخصيه التى تلعب هذا الدور . منها أن تجمع بين المرونه على مستوى الأطراف . ولديها خطاب مقبول على الجانبين . فضلاً عن قناعتها بالدور الذى يجب أن تلعبه لحساب الدوله الصديقه . وإنعكاس ذلك على الدوله الأم .
بــاختــصار . هـــم ليسوا عملاء .. ودورهم شبه معترف به دولياً ..
وهم بمنأى عن الخطر أو الإتهام بالعماله لأن مواقفهم واضحه فى الأحوال العاديه أو فى فترات الأزمات . . هم شعرة معاويه التى يحرص الجميع على ألا تنقطع تحت أى ظرف .
الســــــــودان :
ـــــــــــــــــــــ
دوله مثل السودان بمثابة الإمتداد الطبيعى للأمن القومى المصرى وللتاريخ المشترك بين الشعبين . تضم العديد من الأصدقاء المقربين لمصر .
ـ ويقف محمد عثمان على الميرغنى زعيم الحزب الإتحادى على رأس الشخصيات الصديقه لمصر منذ فتره طويله . وهو نفسه كان يطرح نفسه على هذا النحو بشكل علنى وصريح وفى أوقات الأزمات كان يلعب دوراً حيوياً لكن مجتمعاً مثل السودان منقسم سياسياً وإثنياً من الصعب أن يلعب شخص واحد هذا الدور .
ـ الدكتور مصطفى عثمان إسماعيل مستشار الرئيس السودانى عندما كان وزيراً للخارجيه تأزمت العلاقات إثر محاولة إغتيال الرئيس مبارك فى أديس أبابا عام 1995 شكل عثمان وصديقه المقرب عمرو موسى وزير الخارجيه وقتها ثنائياً نجح فى تقريب العلاقات وتحسينها . عثمان يتبنى إستراتيجيه لصالح مصر فى بلاده ويدعم كل إتجاه يصب فى خانة التكامل معها ويلقى هذا ترحيباً كبيراً وثقة فى شخصه من القياده المصريه ويستحق بحق لقب رجل مصر الأول فى السودان .
من الشخصيات السودانيه الأخرى التى تحوز هذه الصفه أيضاً
_ عبد الرحمن سر الختم والى ولاية الجزيره السودانيه عندما كان وزيراً للدفاع بالسودان فى عصر حكومة الإنقاذ بزعامة البشير . كان يسعى بكل جهده إلى توطيد العلاقات مع مصر والأن بعد أن أصبح والياً لهذه الولايه المهمه يدعم أى جهد يصب فى مصلحة أى مشروع مصرى فى السودان .
ومن الشخصيات الشعبيه السودانيه أيضاً التى تنادى بعلاقات أزليه مع مصر
_ أحمد عبد الرحمن الأمين العام لمجلس الصداقه الشعبيه العالميه بالخرطوم . وعبد الرحمن له مجهودات فى التعاون الأهلى بين البلدين لإيمانه بأهمية إقامة علاقه قويه مع مصر .
وفى النهايه على الرغم من تعدد الشخصيات السودانيه التى ذكرناها فإن المرغنى يبقى هو الرجل الرئيسى لمصر فى السودان فهو الأقرب إلى مؤسسة الرئاسه المصريه وأكثر الشخصيات السودانيه لقاء بالرئيس ورجال الدوله .
ومن المعروف أنه يحصل من مصر على دعم فضلاً عن مقره المخصص له فى حى مصر الجديده بالقاهره . كما تم إطلاق إسم والده على هذا الشارع . |
يستحق صاحبنا لقب
ابو الدبلوماسيه الانبطاحيه
|
Post: #141
Title: الشحادون هم أمه وأبيه..
Author: Raja
Date: 03-19-2009, 07:19 AM
Parent: #140
عزاز يا حبيبة..
صباحاتك وضيوفك الأكارم خير..
أهلنا الكبار بيقولوا: الكلام صفة المتكلم
الشحاد (المقطًع) قبل الإنقاذ هو من كسا الشحم عظمه بعد جوع، وإرتدى ملابسا بعد عري، وإمتلك بيتا في موقع سياحي بعد أن كان معدما.
وهذه الصفات لا تنطبق على الشعب السوداني بقدر إنطباقها على (سيادته).
أعرف أسرا كانت من المستورين قبل الإنقاذ. لا يملكون ترف وجبة غداء اليوم.
كل أو معظم معاشيي الخدمة المدنية التي بنت البلد. يعيشون على الكفاف.
لي من هؤلاء الخال والعم والجار والقريب.
هذا الأخرق الأجوف العيي لا يعرف عمًن يتحدث..
شكرا ليك. وشكرا لصحيفة "الشرق الأوسط" التي كشفته كمان وكمان
ودي
|
Post: #142
Title: Re: الشحادون هم أمه وأبيه..
Author: ahmed haneen
Date: 03-19-2009, 07:36 AM
Parent: #141
عوززاز .. سلامات ..
عليك الله كان انتي ولا ود الموج .. بما انكم كنتم شهود عيان علي هذة الفضيحة..
ود الموج دردقو
وانت بحسك الصحفي فزتي بهذا السبق..
في التسجيل المرفق..
في واحد بقول ( والعيش المسوس) عليك الله ..
الزول الغبي دا منو ؟؟؟
|
Post: #144
Title: Re: الشحادون هم أمه وأبيه..
Author: عزاز شامي
Date: 03-19-2009, 07:55 AM
Parent: #142
حنين
سلامات يا اخوي،
الزول الأضاف بعض مما "عانينا" سابقا
هو الاخ الصحفي عبدالنبي شاهين ...
|
Post: #152
Title: Re: تصريحات وقحة
Author: Elawad Eltayeb
Date: 03-21-2009, 03:06 PM
Parent: #126
Quote: واهم من هذا وذاك وجود الميرغنى والمهدى ونقد وكل قادة الاحزاب داخل السودان يتجولون بسياراتهم فى حرية تامة ويقولون ما يشاءون ويكتبون ما يشاءون )
|
يا ربي الحرية دي بقت منحة بيدوها ناس الإنقاذ للشحاتين من الأحزاب التانية ولا جات نتيجة نضال وسجون وتعذيب وتهجير وتشريد وضغوط رضخت لها الإنقاذ واتفاقيات ممهورة بالدم الغالي؟
والله الحق على قادة الأحزاب المعارضة البيجو في النهاية يعملوا اتفاقيات سلام مع الكيزان!
|
Post: #145
Title: شكرا عزاز
Author: ahmed haneen
Date: 03-19-2009, 08:06 AM
Parent: #1
عبد النبي شاهين
من هو هذا النكرة .. الغبي..
الذي يرضي المذلة لنفسه ولشعبه..
ولأي صحيفة ينتمي هذا المريض .. ماسح الجوخ
ولاعق احذية السلطة ..
من هو هذا العبد النبي؟؟؟؟؟؟
|
Post: #146
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-19-2009, 02:29 PM
Parent: #1
سبب واحد يخلي البوست ده يمشي الصفحة الثانية ماف!
البوست دي في ذمة الشحاتين و الشحاتات إلى أن يقضى الله أمرا كان مفعولا
جاياكم يا رفقاء الفقر في مهلة، يدي قصيرة الايام دي و الايام الجاية
معافرة الرزق، ما باليد حيلة، وكلكم عارف سك لقمة العيش ...
ابقو عشرة على الكرامة
ابقو عشرة على الوطن ..
|
Post: #148
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: Galaleldin Abdalla
Date: 03-19-2009, 03:31 PM
Parent: #146
Ozaz
Salam
God bless America
I am not (sha7at ) any more
fell sorry for you and my Freind Almooj
Galal
|
Post: #149
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: محاسن زين العابدين
Date: 03-19-2009, 03:37 PM
Parent: #146
Quote: قد يكون جانبه الصواب فى التعبير
ولكن ..
منذ 1956 كنا ولا زلنا نستجدى الشعوب فى طعامنا
وفى حروبناوفى حل قضايا ..
.. |
ومنذ 1956 ولا زال الشعب السوداني الابي يحتمل هذا القرف
ويجوع ولا يعرف حاره انه جائع ....
وتستجدي الحكومات وتاكل وتسرق وتنهب ما تستجديه باسم الشعب...
والأغرب ان يصدر هذا الكلام من هذا المصطفى عثمان
والدوحة تشهد صولاته وجولاته للشحدة
وراجعوا زياراته للدوحة
الهم لا اعتراض على حكمك
|
Post: #150
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: محمد نجيب عبدا لرحيم
Date: 03-19-2009, 03:51 PM
Parent: #149
الشعب السوداني الآن بياكل تبن
|
Post: #151
Title: وين الشحادة راحت
Author: ahmed haneen
Date: 03-21-2009, 10:48 AM
Parent: #1
وينك يا عزاز
واحد شحات ود شحاتين
بسأل
من شحاتة بنت شحاتين
|
Post: #153
Title: Re: وين الشحادة راحت
Author: Elawad Eltayeb
Date: 03-21-2009, 04:08 PM
Parent: #151
بي آخر رصيد دي إس إل شاحدنو
ندي البوست ده دفره
|
Post: #154
Title: Re: وين الشحادة راحت
Author: Elawad Eltayeb
Date: 03-21-2009, 04:12 PM
Parent: #151
بي آخر رصيد دي إس إل شاحدنو
ندي البوست ده دفره
|
Post: #155
Title: Re: مصطفى عثمان إسماعيل : الشعب السوداني قبل الانقاذ كان زي الشحاتين!
Author: عزاز شامي
Date: 03-22-2009, 07:09 AM
Parent: #1
اعفو لي التأخر في الرد،
سأعود لكم إن مد الله في الآجال ...
|
|
