Post: #1
Title: كلاكيت تاني مرة: قراءات عوزازية محضة!
Author: عزاز شامي
Date: 06-17-2006, 02:04 PM
Parent: #0
البوست ده الجيل التاني من بوست بنفس الاسم من غير كلاكيت
قراءات عوزازية محضة!
دارت الأيام
ومرت الأيام
مابين بعاد وخصام
وقابلته
ونسيت اني خاصمته!
من انا صغيرة نفسي اعمل عملات الممثلين لما يزعلوا وافك الكرافته وافك الزرار بتاع القميص واضرب بايدي اليمين الاقي كبايةو موية مليانة للنص واشربها علشان (ما تهدى يا مدحت ! )
ومع تطور الادراك المعرفي اقتنعت بأنو انا ما راجل وما بلبس كرفته. طيب البنات بيزعلوا كيف؟
هرشت مخي علشان الاقي لي لازمة (تضايق) ولقيتني باتمتع بالكثير منها!
وشي ببقى زي علامة الهاش # وبزفر وبتنهد في نفس الوقت وببرطم بكلام غير مفهوم وببكي
وتووووش بطلع من المكان حتى لو كان بيتنا!
اللي بيضايق في تضايقي انو سحاباته بتنقشع سريع سريع واولاد اختي مسمينها جنونة خالتو نيدو (سريعة الذوبان!)
نفسي اكون حريده محترفه ومن النوع البيزعل لوقت طويل وبتجيهو نفسيات!
برنامج!
ويحنوسوني واقول (ما قادرة انسى اللي حصل! ده كان فزيع! )
وتاني يحنسوني !
واشحتف واندمهم اليوم الزعلوني فيهو
ايييه!
ياربي انا ليه كده؟
قلبي ميت؟
هو بيني وبينكم زمن مافي
زعلني
واحنسك
وحنسني
وتاني تعال حنسني
الغلط دواه اعتذار وانتهى الموضوع ... سيره هي؟!!؟
سأرجع ...
|
Post: #2
Title: Re: كلاكيت تاني مرة: قراءات عوزازية محضة!
Author: Muna Khugali
Date: 06-17-2006, 02:20 PM
Parent: #1
| Quote: ومع تطور الادراك المعرفي اقتنعت بأنو انا ما راجل وما بلبس كرفته. طيب البنات بيزعلوا كيف؟ |
وردا علي تساؤلك ولكـن بكـلاكـيت أول مـرة..مشهـد
مش عـايزة آكـل سـيبـوتي فحـالي ...ارحمـوني ياعـالم.. دي عيشة غلب!
يأتي صـوت ماما مـن وراء الباب بعـد خـبطـتين قلقتين...
حـرام عليكـي يابنتي اللي بتعمليه في نفسـك ده...افتحيلي.. دانـامـك...
وفجـأة تتذكـر البطـلة داناختك بتاعة العيال كـبرت..وتضـحك..دانامـك داناختـك.....
سـتوب...يصـرخ المخـرج!
وارجـع لك بكـلاكـيت تاني مـرة وتالت مـرة!
وانتي باين عليكـي ياعـزاز ياحـبيبتي....ماحـرمـتي!
لأنـك نسيتي البطيخة ورفسـة الباب..
مـني
|
Post: #3
Title: Re: كلاكيت تاني مرة: قراءات عوزازية محضة!
Author: عصمت العالم
Date: 06-17-2006, 02:35 PM
Parent: #2
العزيزه عزاز شامى...
نرجو اعادة تصوير مشهد..
حنسنى..واحنسك.وزعلنى..وازعلك...!!!
عايزين اكشن ..حقيقى..وغياب تام فى التجسيد..والاغراق......!!
كميرا..2...كميرا..4 ..استاند باى. نبدا العد التنازلى....4 .3..2..1...
اكشن..
....
كت...
يا..وين الكلاكيت....
سيعاد التصوير..يوم كامل راح..نواصل غدا.....!!
عميق الود
|
Post: #4
Title: Re: كلاكيت تاني مرة: قراءات عوزازية محضة!
Author: طلال عفيفي
Date: 06-17-2006, 03:30 PM
Parent: #3
حكيمه يا بت يا عزاز ، وراسك مليان ؛
أنا لو كنت عارف كده كنت إتفاديت منقلبات كتيره ..
لكن لسه في العمر بقية ، نجرب !
بعدين بالمناسبه ، كتابتك دمها خفيف شديد 
مودتي وأشواقي .
...
طلال
|
Post: #8
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-19-2006, 09:48 AM
Parent: #4
طلو الزهجحان
سلام يا عميق ...
عارف يا طلال،
الزعل والحردة في حد زاتها فن لا يعلمه الله إلا لمن اصطفاهم عنده
زيك كده، حزنك طاعم لما الزول أنانيته بتخليه يستمتع ببوحك بالألم، هذا لا يمنع انو روقانك بيزرع (شجر) لا بيموت لا أوراقه بتذبل..
ابقى طيب
|
Post: #9
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-19-2006, 09:55 AM
Parent: #3
الشفيف عصمت العالم ...
اتفضل:
سوسو: انا ماقادرة اصدق انو انت ممكن تعمل كده يا حمادة!؟!
حمادة: يا سوسو انا لي اسبوعين باعتذر ليك وعازمك سينما وعشيتك 6 مرات وغديتك 4 مرات ووديتك رحلة نيليلة!
وكاتب ليك قصيدة وزارع ليك جهنمية قدام البيت والجامعة
اموت ليك؟
سوسو: (صمت وعيون مبحلقة) انت بتذلني يا حمادة!؟!
هئ هئ هئ هئ
كلاكيت مليون!
حمادة: وااااي!
|
Post: #5
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-17-2006, 05:52 PM
Parent: #2
منونة حبيبتي
سلامات كتار كتار
كلاكيت 212 فيلم (عصفورة بتفرر نحو المستحيل)
أتفضلي اقعدي يا منى
نف نف نف في (منديل ابيض مطرز بحروف كوكاكولا)
انا موش قادرة اعيش في الجو ده
انا خلاص تعبت تعبت
اه اه اه قلبي قلبي
حمادة موش ابني!
منى تمشى بخطوات تقيلة للباب وتنادي الدادة
ورجل تشيلها ورجل ترميها
الحقيني يا دادة
هاتي فحل بصل
موبايلها يرن
ترد يطلع مديرها في الشغل
تقوله انا جاية اهوووو (على طريقة مسرحية الجوكر )
تقطع البصلة وتلفها في المدنيل المطرز وتناوله ليه
اشم المنديل
واقوم زي الحصان واقرر انو ابتدي حياتي من جديد
بلا حمادة بلا بتاع!
بكره أخلف غيره!
منى راحت
الدادة نامت
وريحة فستاني بصل
كت!
دور الكميرا المطفية وظلموا النور!
|
Post: #6
Title: Re: كلاكيت تاني مرة: قراءات عوزازية محضة!
Author: منى أحمد
Date: 06-17-2006, 05:55 PM
Parent: #1
رائع جداً
واصلي ما تقيفي
انتي زولة لذيذة
نحن مستمتعين خالص
|
Post: #7
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-19-2006, 09:45 AM
Parent: #6
منى أحمد
سلامات كثيرة كده تحيرك
بناءً على طبيعتي اللايوقه خاصة في لحظات التجلي اللي بمر فيها، انا ناوية أواصل!
بس مرورك بيخفف وطئة الشعور انو انا زولة برايه
كوني بخير
|
Post: #10
Title: Re: كلاكيت تاني مرة: قراءات عوزازية محضة!
Author: غادة عبدالعزيز خالد
Date: 06-19-2006, 11:21 AM
Parent: #7
الاخت العزيزة
عزاز
واصلى,
فانت اضحيت شخصية,
تدهشنى فى كل يوم
خالص الود
غادة
|
Post: #11
Title: Re: كلاكيت تاني مرة: قراءات عوزازية محضة!
Author: khaleel
Date: 06-20-2006, 05:04 AM
Parent: #10
سامحته
وسالت
عن اخباره
وبدون
ان
ادري
تركت
له
يدي
لتنام
كالعصفور
فوق
يديه
|
Post: #21
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-21-2006, 05:35 AM
Parent: #11
Quote: تركت
له
يدي
لتنام
كالعصفور
فوق
يديه |
خلو النغم
ايه الرومانسية دي!
يدي ما بديها في اعتذار ساااي !
حدي الائتماني ابتسامة مقتضبة
بالمناسبة،
وين انت يا رجل؟
|
Post: #15
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-20-2006, 07:03 AM
Parent: #10
العزيزة غادة
تعيشي وتدهشك الدنيا بجميل القدر يا حبيبة
كوني في الجوار
|
Post: #12
Title: Re: كلاكيت تاني مرة: قراءات عوزازية محضة!
Author: DKEEN
Date: 06-20-2006, 06:35 AM
Parent: #1
| Quote: الغلط دواه اعتذار وانتهى الموضوع ... سيره هي؟!!؟ |
ياااااااااااااااااااااااااا مِـيتة قلبك يا عزاز !!
عزوز
يمكنكم الاكتفاء بوداعه عبر رقم هاتفه..
والله لايحرمنا شوفتكم ...
هذا ما تقرر مؤخرا على اطراف البحرالاحمر
للاطلاع والعمل بما جاء فيه..
مدير عام شواطي المملكة
|
Post: #14
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-20-2006, 07:00 AM
Parent: #12
سعادة مدير عام الشواطئ ذات المسؤولية و الذمة المحدودة
السيد/ دكين عشا البايتات حفظه الله
نفيدكم بأن المدعو (قلب) والمضاف إليه كاف المخاطبة المقصود بها سعادتي توفاه الله إلى رحمته منذ أمد بعيد وأن من يقوم بمهامه الآن هو السيد (عقل) وهو ذو بس شديد...
ومما يحكي عن (قلب) انه كان مرهف الحس فياض المشاعر، وخلال ترحاله بين الفيافي والقفار، ربط راحلته لواحة مورفة الظلال وسماها لأمد طويل مرتع صباه....
***
ياااه، والحديث للسيد (قلب): يالها من أيام!
ترى الشعور مجردا من الظلال والمحسنات
مجرد شعور!
شوق ، حب، جنون، غيرة شوق تاني، ترقب
كلها مصفدة في وثاق غليظ وتلتف حول أعصابك
وتنقلك ككرة الطائرة من يد شعور لآخر
أو بالأحرى زي كرة الشراب!
انتهى حديث السيد (قلب) نظرا لسوء حالته الصحية وقتها
****
أعتذر عن الاستفاضة يا سيدي
ودت فقط أن اعلمكم ان السيد قلب تعيش انت
أي أوامر أوخرى؟
|
Post: #16
Title: Re: كلاكيت تاني مرة: قراءات عوزازية محضة!
Author: DKEEN
Date: 06-20-2006, 07:35 AM
Parent: #14
سيديتي كرة الشراب
اسعد الله نهار قلبك اينما كنتي ..
| Quote: الغلط دواه اعتذار وانتهى الموضوع ... سيره هي؟!!؟ |
وددنا ان نخبر سعادتكم بانه لا اجمل من الدلال حين الاعتذار فلاتحرمني نفسك منه..
ان ياتكم احدهم معتذرا فيتم رفضه في حزم ..
ثم ياتي معتذرا مرة اخرى فيتم رفضه في دلال ..
ثم يزيد من تحانيسه في الاعتذار فيتم رفضه في دلال بالغ...
ثم يلح محنسا طالبا الاعتذار فينظر إليه نظرة معاتب غير غاضب ..
فيزد في تنازلاته ويزد في ما اتاه الله له من تصرفات حسنة.. فتسحبين يديك في وجل ..
فيعلم حينها انه قد غفر له فيبتسم فتشيحين بوجهك عنه في خجل ..
حزم ثم دلال ثم دلال بالغ ثم نظرات عتاب وتمنع ومن ثم خجل ..
تلك سيدتي احوال الدلال ومراتبه ..
وددنا ان نخبركم بان احوال الدلال لا علاقة لها بقلب سعادتكم ..
فقط ما تقبلي الاعتذرات حاف كده ..
فهي ليست سيرة وانفضت..
ده برنامج عديييييل ما تفوتيهو ساي ..
خليك استغلالية كعهدي بك..
نكرر
| Quote: يمكنكم الاكتفاء بوداعه عبر رقم هاتفه.. |
اصلا حتة مافيها انا ..دي ما حتة..
العارف بالله دكين
البحر الاحمر
20 حيزيران - 2006
|
Post: #17
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-20-2006, 07:48 AM
Parent: #16
| Quote: خليك استغلالية كعهدي بك.. |
دكين
عهدك بي باق أمد السنين مع من تهفو النفس إليهم وخلعنا عليهم المناصب العلا، سلهم يخبروك!
بقدر المحبة يكون قدر التمنع والدلال
بعضهم تمنعنا عليهم سنين عددا يا هذا وما زلنا لم نأذن له بالسماح!
أختك كرة شراب محشيه طوب!
أما فيما يخص الوداع عبر الأثير
(يحفظ وينظر في أمره )
فلا وعد مطلق بالطاعة
ولا إحداث لصدع في جدار بارتفاع طوبتين
دعني أفكر...
وأقرر!
|
Post: #13
Title: Re: كلاكيت تاني مرة: قراءات عوزازية محضة!
Author: تيسير عووضة
Date: 06-20-2006, 06:45 AM
Parent: #1
ونسيت الليل اللي سهرته
وسامحت عذاب قلبي وحيرته
ما أعرفش إزاي أنا كلمته
الست ثومة وميتة القلب
عزوز يا حبيبة ..
قلتي لي نفسك تحردي ؟
أنا طبعاً كنت فاكرة نفسي البت بتاعت مواقف
ومحبكاها وبعمل (الحردلو) وكده
إكتشفت ليك إني مش قلبي ميت
اسكتي ساي
يحصل موقف
أقول خلاص حآخد زمن لغاية ما (أتجاوز)
و الحاجة دي ولا الزول دا تاني خلاص
حدالله بيني وبينها
أدخل بي هنا وأمرق بي هنا الموضوع بيكون انتهى
وبالذات لو الزول إعتذر
أصلي ضعيفة قدام الإعتذارات
(أنفع مدير عام)
بس ما بستغل الموقف شديد
ولا أقول ليك ..
أنا أصلاً ما عندي موقف 
|
Post: #22
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-21-2006, 05:38 AM
Parent: #13
عارفه يا تيسا العزيزة
أختك مواقفها لادئن طرية
أكشر أولا
وأحرد زمن
وأحلف بغلاوة ك ضحكة صافية بيناتنا انو تاني ما أرجع (زي الأول)
ثم أعبي اللوم في أكياس نايلون
ثم أملا التحسر في قزايز وأرصهم قدامي
وارمي مفتاح الصفح بعيدا بعيدا فوق نملية المطبخ
ثم في لحظة صفاء نادرة أتذكر العشرة، واصفح!
العشرة يا تيسير العشرة، ما بتهون علي!
يعني صفحي ما نتيجة اعتذار من الأساس ...
عليك الله منو فينا اللي حسي اللي لا عنده موقف لا عربية؟
|
Post: #18
Title: Re: كلاكيت تاني مرة: قراءات عوزازية محضة!
Author: Samau'al Abusin
Date: 06-20-2006, 10:33 PM
Parent: #1
| Quote: ومع تطور الادراك المعرفي اقتنعت بأنو انا ما راجل وما بلبس كرفته |
عزاز،
و الله كتر خيرو الإدراك المعرفي الأقنعك دا
أول حاجه اقراها من الصباح..
ممتع جدا ..
عاملة " دماغ عالي" علي قول
قوم مدحت.
|
Post: #23
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-21-2006, 05:45 AM
Parent: #18
أخوي سمؤل أبو سن
اضحك الله سنك دوما وأبدا
قولتك لو ما إدراكي المعرفي كنت اقتنعت؟
أختك جندرية من يومها!
ومن طفولتي (المتوحدة) يوم ما سمعت انو ده للبنات وده للأولاد
والباربي كانت بتنام في عربية حربية
يعني الفوارق دي جديدة علي!
ابقى طيب
|
Post: #19
Title: Re: كلاكيت تاني مرة: قراءات عوزازية محضة!
Author: شرووم
Date: 06-21-2006, 03:15 AM
Parent: #1
عوزاز (أوي أوي )
ثم ماذا نفعل مع من إذا أخطئوا في حقه ،، هطلت دميعاتو مطر ، وإن تجاهلوهـ نزلت دموعوا غيث منهمر،، وان اعتذروا إليه سالت مآقيه سيول وتوسونامي ؟؟
| Quote: ومما يحكي عن (قلب) انه كان مرهف الحس فياض المشاعر، وخلال ترحاله بين الفيافي والقفار، ربط راحلته لواحة مورفة الظلال وسماها لأمد طويل مرتع صباه.... |
ثم إن هذا الذي أعلاه هو محض إبداع وتصوير جميل لمعان أجمل.. يصنف في الدرجة الأولى عليه قررنا ما يلي:-
(*) يمنح قائل المقولة المشار إليها نوط الجرسة والتباكي من درجة الأفق بمقياس ريختر.
(*) يمنح قطعة أرض ناصية بمساحة حب كافية في الخطة الإسكانية للقلب الجواني.
(*) على السيد مدير عام شواطئ المملكة تنفيذه.
صدر فوق ختمي وامضائي
المدير التنفيذي والعضو المنتدب لصحاري القلوب الفارغة .
شرووم بيه الحكمدار.
|
Post: #20
Title: Re: كلاكيت تاني مرة: قراءات عوزازية محضة!
Author: احمد العربي
Date: 06-21-2006, 04:19 AM
Parent: #19
|
Post: #27
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-22-2006, 08:30 AM
Parent: #20
أخوي محمد العربي
في داعي يعني الزول يكون محبط تقوموا تجيبوا ليهو صور بلد نظيفه زي دي؟
رفقا بأختك يا هذا، فالعلي ليس قليلا!
|
Post: #24
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-21-2006, 06:02 AM
Parent: #19
شروووم بيه باشا
| Quote: ثم ماذا نفعل مع من إذا أخطئوا في حقه ،، هطلت دميعاتو مطر ، وإن تجاهلوهـ نزلت دموعوا غيث منهمر،، وان اعتذروا إليه سالت مآقيه سيول وتوسونامي ؟؟ |
بناءً على تشخيص الحالة أعلاه نقرر تحويلها لعنبر الدراما والكوميديا السوداء مع الأخذ بالاعتبار تصريف المياه ... ويعطى محلول (ضحكة) لتعويض الجفاف الناتج من سح الدموع ساااي كده ...
هو الحزن كمل لمن نبكي عند تقبل الاعتذار!
Quote: ثم إن هذا الذي أعلاه هو محض إبداع وتصوير جميل لمعان أجمل.. يصنف في الدرجة الأولى عليه قررنا ما يلي:-
(*) يمنح قائل المقولة المشار إليها نوط الجرسة والتباكي من درجة الأفق بمقياس ريختر.
(*) يمنح قطعة أرض ناصية بمساحة حب كافية في الخطة الإسكانية للقلب الجواني.
(*) على السيد مدير عام شواطئ المملكة تنفيذه.
|
ما ورد على لسان السيد (قلب) ليس جرسة بقدر ما هو (بحٌ) ولم يسرد أملا في الأوسمة والنياشين بل إيمانا عميقا منه بجدوى الصدق فيما يتعلق بأمور الهوى والرياح ...
وبما أن السيد (قلب) توفاه الله، نرجو أن يستفيد ورثته من قطعة الأرض بنفس المواصفات المذكورة أعلاه بأقساط لمدى الحياة ...
وارد اليوم
تحت بصمتي واليمين الدستوري
اليوزباشي
عزاز أوي خالص جدا
|
Post: #25
Title: Re: كلاكيت تاني مرة: قراءات عوزازية محضة!
Author: Mohamed Abdelgaleel
Date: 06-21-2006, 06:42 AM
Parent: #24
الاعزاء جميعاً .. دخلت البوست وبي باقي صداع في الجزء الأعلى الأيمن من الرأس وفكرته أنو ممكن الاقى الكلام الخفيف الظريف ده فتسترخي أعصابي ويزول الصداع الذي ظل يهذأ بالاكسترا بندول من ثلاثة أيام .. وطبعاً من أهم أسباب الصداع الفشل في تطوير أسلوب للتعامل مع التصرفات التي تعتبرها مرجعيتي المتكلسة مستفزه .. وبعد تطواف في البوست لامست عيني كلمات شيخنا العارف بالله دكين فعادت دماء شرايين الجزء الأعلى اليمين إلى مجاريها وأضفت دكين لقائمة أهل الإلهام العرفاني الذين أستنجد بفيوضاتهم النورانية إذا البحر استبد به سفين المعتدين.
|
Post: #26
Title: Re: كلاكيت تاني مرة: قراءات عوزازية محضة!
Author: DKEEN
Date: 06-21-2006, 06:44 AM
Parent: #1
| Quote: يمنح قائل المقولة المشار إليها نوط الجرسة |
| Quote: على السيد مدير عام شواطئ المملكة تنفيذه |
تم الاطلاع وسيتم و على المذكورة التواجد في مساحات قلبنا البور لاغراض منح النوط المنوح لها..
نوط الجرسة الطويلة الممتازة..
مدير عام الانواط والتشريفات..
عنه / دكين عشا البايتات
مدير عام الشواطي
|
Post: #28
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-30-2006, 09:21 AM
Parent: #1
ميادة الحناوي شكت همها يوم وقالت ...
يلي مكتوب لي احبك ..أحبك
بعد عمري كمان
وانت مكتوب لك
يا بختك
نعمة النسيان
وواستها سومه وبهدولوا الراجل يا عيني:
حب إيه اللي انت جاي تقول عليه؟
***
انت فين والحب فين
ظلموا ليه دايما معاك؟
ده انت لو حبيت يومين
كان هواك خلاك ملاك
****
ولا أحلى ولا أجمل من ابتلاع خيبات العمر برحابة صدر ورش ملح الصبر على الشواهد
مغمضا إحدى عينية ومشيرا لقميص مهترئ مثقوب
((هاك هذا يا بنية، قميص يوسف عاد ولم تعد بعد الرؤيا ولن تعود هي لو عاد القميص كما كان! ))
وتذكرت ! في زمن سمح بالحيل، كاتبتها صديقتها المقربة :
نوسه بنت محروسة
لا تبكي كثيرا هذه الأيام فحرارة الجو تبشر بجفاف منقطع لنظير!
حوشي دميعاتك لمقبل الأحزان
والجايات أكتر من الرايحات
صحبتك دوما ....
ومن يومها
والدمع شحيح
و الطلب أعلى من العرض!
|
Post: #29
Title: Re: كلاكيت تاني مرة: قراءات عوزازية محضة!
Author: Adil Osman
Date: 06-30-2006, 10:08 AM
Parent: #28
yearning
توق وترقب وانتظار وشوق للاتى من رحم الغيب
|
Post: #32
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-01-2006, 05:05 PM
Parent: #29
| Quote: توق وترقب وانتظار وشوق للاتى من رحم الغيب |
البعد الثالث للكلام
عادل عثمان
طيب، القدر ده إلا يذلنا نقعد لهيو!
ما يجي وانحنا عادي مستمتعين!
إلا ننتظر، وبعد ما يجي، نتلوم كان ما عجبنا!
ايييييييييييييه!
وأخرتها؟
|
Post: #30
Title: Re: كلاكيت تاني مرة: قراءات عوزازية محضة!
Author: saadeldin abdelrahman
Date: 06-30-2006, 10:47 AM
Parent: #1
Salam Azaz and everybody
|
Post: #33
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-01-2006, 05:13 PM
Parent: #30
أخوي سعد الدين
تشكرات يا افندم على اللحن
الست دي ... عظيمة!
انا الجابني زمن أغاني (الواد قلبه بيوجعه.... عايز حد يدلعه) شنو؟
بتعرف ليك آلة زمن توديني هناك؟
|
Post: #52
Title: Re: كلاكيت تاني مرة: قراءات عوزازية محضة!
Author: saadeldin abdelrahman
Date: 07-21-2006, 06:26 PM
Parent: #33
العفو أختنا عزاز ..
عارفة انو الفن ده مفروض يكون ملك مشاع ?
لو قدرنا نتجاوز معضلة فلوس الفنانين و حقوقهم علينا
و على الدولة..(نظرية لا تمت للواقع بصلة)
Quote: انا الجابني زمن أغاني (الواد قلبه بيوجعه.... عايز حد يدلعه) شنو؟
بتعرف ليك آلة زمن توديني هناك؟ |
يداعبني حنين دائم الى الماضي..حتى ذاك الذي لم اعشه..
و كان يفيض كلما حكى لى والدي - و انا صغير - عن ذهابهم لحفلات ام كلثوم
التي كانت تقيمها آخر كل شهر و أيضا لمباريات كأس افريقيا في أثيوبيا في
بعض سنين الستينات - طبعا لما كان الموظف موظف و الجنيه جنيه في السودان ..
و الراتب الذي كان يكفي لتغطية آخر صيحات البدل و أجرات الليموزين..
شفتوا الناس ديل كانو مجدعين كيف ? - اللهم لا حسد.
المهم كان اتوفقت في العثور على آلة شبيهه حا ارسل ليك السواق
----
بتجيبي الاغاني دي من الحسين 
تحياتي
|
Post: #31
Title: Re: كلاكيت تاني مرة: قراءات عوزازية محضة!
Author: عزاز شامي
Date: 06-30-2006, 05:46 PM
Parent: #1
لماذا في مدينتنا ؟
نعيش الحب تهريباً وتزويراً ؟
ونسرق من شقوق الباب موعدنا
ونستعطي الرسائل
والمشاويرا
لماذا في مدينتنا ؟
يصيدون العواطف والعصافيرا
لماذا نحن قصديرا ؟
وما يبقى من الإنسان
حين يصير قصديرا ؟
لماذا نحن مزدوجون
إحساسا وتفكيرا ؟
لماذا نحن ارضيون ..
تحتيون .. نخشى الشمس والنورا ؟
يوميات إمرأة - نزار قباني
تمد الأمنيات لسانها لي كل مشوار يقربني ذراعا من حافة النهر
وأعود محملة بحجارة موسومة تحمل حروف الصبر!
حاجه تقهر!
أرجوك يا قهوتي ، ابردي بسلام وما تقديني بلافتات الرضا والقدر
وأنت أيها اليوم المتكاسل، واصل دورانك واسحق ما تبقى من ساعاتك لأبدأ يوم جديد سخيف لا يختلف عن سابقيه
ما جدوى دوران الأرض مادامت لا تأتي بجديد؟
الأرض دي ما تقيف!
نوسة فيديني !
الكلام لتلك الصديقة(القلق): تخصصت في تقليب قلبي بين أقصى الشوق و أقصى القسوة
ووقفت كثيرا لاهثة بين النقطتين مرة أتحسر
ومرة يأكلني الندم
وكثيرا يقودني العناد
وبمشي المشوار للآخر، ياهو في الشاكوش كان لي كان للطرف الثاني
الكلمة الأولى والأخيره له، زي طربيزة المحكمة، بيضرب في كل الأحكام
إعدام، حبس، إفراج مؤت، أو براءة .. بيعلنوا عنهم بشاكوش
الحكمة، انتي وين؟
انت القاضي ولا الطرابيزة؟
الآن، شايلاني سحابة
لا شايلة مطر
لا ليها ظل
سحابة مجردة!
موية في مرحلة ما بين التكثف والسيلان
شن العمل؟
- حبي يا بنتي حبي، الحب براااهو نعمه!
يوم اليوم البايخ جدا من شهر يونيو 2006م
|
Post: #34
Title: Re: كلاكيت تاني مرة: قراءات عوزازية محضة!
Author: ثابت محمد
Date: 07-01-2006, 05:25 PM
Parent: #1
عُـــزاز شامي
عــودي نفسك التحديق في قرص الشمس
سيأتي من خلفها فارداً كلتا يديه
نابعاً من عمق الشوق شاهقاً كجبل وسط الماء
سيأتي الحب قطعاً
لا تنتظريه ولا ترتبي له بل تحسسيه
فهو يتغلغل ولا يستأذن
خلى شم شوقك عالي ومقياس حواسك جاهز
أي إرتفاع في درجة السعادة أمسكي بكلتا راحتيك وكنكشي على كده
شوفي بي مسامك وخلي العيون في إجازة
أسمعي بي قلبك وأقطعي الأدوات السمعية المعتادة
سيصل غصباً عن الخلفووه
سيأتي قبل أن يبـرد العطــر
|
Post: #35
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-01-2006, 05:50 PM
Parent: #34
نوسة حبّيبة بالسليقة يا ثابت ..
لا بتشوف لا بتسمع يا كافي البلا
حب سااااي بس!
(هيلين) بعيد عنك لما تقيف قدام مراية الحب
تحيرك لمن تخليك داير تحب انت زاتك، بس عقلك بيقيف شرطي مرور ويصحي فيك كل الحواس الخمسة واللي ما اكتشفوها لسه!
وعليه،
نوسة تهديك 15 متر سلام وتحايا ولفت ليك عدد 3 ساندويشات طعمية مشكل!
أما أنا، فلست في عجالة من أمري ومائدتي عمرانه في الوقت الحالي
كلماتك ستكون زاد في مقبل الفاقة، تأكد!
ابقى طيب
|
Post: #36
Title: Re: كلاكيت تاني مرة: قراءات عوزازية محضة!
Author: DKEEN
Date: 07-01-2006, 05:50 PM
Parent: #1
انتا ياخوي عجبنك يدينك ديل ولا شنو؟؟
بس ما تقول لي لحدي هسي ما غسلتهم؟؟
|
Post: #38
Title: Re: كلاكيت تاني مرة: قراءات عوزازية محضة!
Author: ثابت محمد
Date: 07-01-2006, 06:05 PM
Parent: #36
عُــزاز عن إذنك
خليني أرد علي دكين
Quote: انتا ياخوي عجبنك يدينك ديل ولا شنو؟؟
بس ما تقول لي لحدي هسي ما غسلتهم؟؟ |
دكين
إنت قايل إيدي ديل هينات ولا هينات ؟
ديل مرات بقرّب أقول .. مسَّـَّهن يُشـفي العليل
العذرُ عذران
الأول للخطأ غير المقصود والثاني للتعديل
|
Post: #37
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-01-2006, 06:02 PM
Parent: #1
كل واحد منا عنده ذكريات
يفتكرها ساعات
وينساها ساعات
ميادة حناوي
اسمع يا مجرد بني آدم!
تهرب منك وين؟ انت وراك وراك، ما تخدعك الدعايات وأن مجرد ديودرنت ممكن يخلي بنت تتشعبط فيك والدكتورة ممكن تتجاهل حقيقة انو انت فاقد تربوي ومجرد زول ساي كده!
وتأكد بأنو أقل مقدار من منطق في الصندوق اللي فوق كتوفي ده لا يمكن يقنعني انو فتيل ريحة ممكن يخليني انطط في الشارع! وكمان البس بنفسجي! ده الفضل!
بالله ارحمونا!
اها، نرجع لما لم نبارحه منذ تلك الليلة يا سيدي...
قلت لي ايامك كيف؟
هل ترفق بك تلك المدورة، موش الكورة، اقصد الدنيا؟
هل أخبرتك بما دهاني مؤخرا؟
حدثتني نفسي الأمارة بالتمني ان اجرب حظي في غير معترك، واشتريت كل منتج يبشرني بجائزة لم يراها أحد من قبل
جوايز لحقت الخل الوفي والعنقاء
بس بحاول! يوم افوز؟ قولتك؟
وأبدلها!
اختار حاجة تانية غير عربية او تلفزيون 42 انش؟
اختار انو الزمن يرجع تاني واختار شئ تاني؟
ابدلها،
بنفس براءة زمان لما كنت بقول لصاحب الدكان بعد ما أشرب (السن توب) واطبق العلبة:ممكن ابدل؟
وتجرني من ايدي وتقول لي يا مجنونة، انت شربتيهو ودايره تبدليهو!
وبكرم طائي تشتري لي حاجة تانية!
يا حليلك!
لسه كريم وطيب، ولا بنات حوا غيروك؟
كدي النسألك،
هوالعفريت اللي في براد الشاي ده ليه ما طلع لي لغاية اليوم؟
مع انو طلباتي بسيطة وهينة لمن تحير؟
زمان وانا صغيرة كنت العب في دولاب العدة وهات يا فرك في البراد والترامس يمكن يطلع لي و يعمل لي خدمة صغيرونة بس!
شعر طويل وعيون حلوة سيكل بمبي بأربع عجلات!
كله طلع ملحوق، العجب شوارع الدنيا الغريبة البي بتشبه بعض دي!
شفت بساطة التمني؟ يمكن علشان كده الحياة مستخسرة تقيف لي وتديني أي حاجه!
مركزة مع اللي امانيهم عليها القيمة!
وأخيرا،
نوسة بتسلم عليك، والحق يتقال بتعلن الساعة العرفتني فيها عن طريقك!
|
Post: #39
Title: Re: كلاكيت تاني مرة: قراءات عوزازية محضة!
Author: DKEEN
Date: 07-02-2006, 07:14 AM
Parent: #1
Quote: ابدلها،
بنفس براءة زمان لما كنت بقول لصاحب الدكان بعد ما أشرب (السن توب) واطبق العلبة:ممكن ابدل؟ |
لوووووووووووووووول
اتخيلتا المنظر طبعا...
الاستهبال ده اتاريهو من طفولة مبكرة ..
قصدي البراءة..
(السن توب) ده بلقاهو في بغالة ياعزاز؟؟
|
Post: #40
Title: Re: كلاكيت تاني مرة: قراءات عوزازية محضة!
Author: فيصل نوبي
Date: 07-02-2006, 07:50 AM
Parent: #39
يااااااااااااااااااااااه يا عوزاز
Quote: صحبتك دوما ....
ومن يومها
والدمع شحيح
و الطلب أعلى من العرض! |
لو تدرين ماذا فعلت بي هذه الحروف ..
لو يدري من هو بمخيلتك كم تعني هذه الحروف ...
للهث خلفك .. و طلب العفو ما مد الله له من أجل ..
لكي التحية و انتي تترجمين احاسيس صعب ترجمتها علي حروف ..
|
Post: #42
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-02-2006, 05:25 PM
Parent: #40
نوبي
سلام كبير يا مرهف
سيدي
كتاباتي تحميض فيلم لما أمر به في أيامي
بعضها ترهات نفس مجهدة
بعضها تنهدات مكبوتة على حزن أعزاء لا أملك لهم إلا التمني بواقع أفضل
واليسير منها، بعض ما مر بي عبر الزمن!
تصدق بإيه!
لا اعتقد بأني سأقبل يوما لمن أتوجه ملكا على مخيلتي بأن يلهث خلفي
فإن لم يكن بجانبي، فقد قضي الأمر وكلانا لطريقين منفصلين!
لا متعة في الكر والفر
أؤمن بالتطبيع
ومن يبكيني، قطعا ليس أهلا لي!
العلينا شوية نجيب هم مستورد ؟؟
وحكمتك ربك يا نوبي انو تقدر تعيش من خلال تجارب الغير وتستبصر الآتي وترحم نفسك ودمعك مما لا طائل منه ...
جنتنا في الأرض لا دمع فيها ولا نصب
شوق وأمنيات
وصافي دعوات
بقرب لا ينتهي
وإن قُسم لنا بعدٌ، فبكرامة!
جنتنا ترابها عزة
وتسمو بك فوق الانتصارات اللحظية
وحروب شوراع خلفية مرصوفة بالكذب
جنتنا بتهيّن القواسي
وتشيل الصبر للآخر،
وبابيها(قسمة) و(نصيب)
تدخل منهما، وتخرج منهما موحدا بأن القدر غلاّب
وتحمد الله بأنك دخلتها يوما آمنا !!
وخلال دخولك وخروجك
ترى انعكاس نفسك في مرآتها
لتظهرك في أحسن أحوالك
و تستقيم نفسك
وتطهرك من دنس الأنانية ....
هذه هي الجنة التي أعرفها، عشق سلسبيل!
نسأل الله الجنة....
كن بخير
|
Post: #45
Title: Re: كلاكيت تاني مرة: قراءات عوزازية محضة!
Author: انعام عبد الحفيظ
Date: 07-03-2006, 07:43 AM
Parent: #42
Quote: جنتنا في الأرض لا دمع فيها ولا نصب
شوق وأمنيات
وصافي دعوات
بقرب لا ينتهي
وإن قُسم لنا بعدٌ، فبكرامة!
|
ياااااااااااااااااااااااااه يا عزاز
لكم صادقه هذه الكلمات
لا اخفى اعجابي بقلمك فهو رائع جدا
يسّطر اجمل الاحاسيس واحلاها
مودتى واحترامي
|
Post: #46
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-03-2006, 03:11 PM
Parent: #45
العزيزة انعام
سلام ومساء هادي ملفوف في حرير
صادقة لانك قريتيها بتجرد
تلك الجنة ...
رأيتها يا ستي رئي العين
ومن رأي ليس كمن سمع
وخلف جدرانها ...
رأيتهما متحابين لأجل الحب
ورأيتهما يواريان قصاصات الأماني، برضو من أجل الحب!
تسلمي على رأيك فيني، وإن شاء الله الله نكون على قدر العشم فينا ...
كل الود
|
Post: #41
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-02-2006, 05:05 PM
Parent: #39
من يومي يا دكين بريئة وعندي الثوابت كلها احتمالات صواب وخطأ رهن التجربة!
فيها شنو لو فرضت انو ممكن ابل عصير شربته؟
موش ممكن اكون ما راضية عن المنتج؟
الدنيا دي موش اخد وعطا؟ اقنعني واقنعك؟
بتاع (البغالة) لو حاورني ممكن كنت احنكه زي الترتيب بس ما ادوني فرصة امارس حنكي
ومنذ نعومة اظافري عانيت من الاضطهاد
كيف معاك؟
برفيسورة في الاستهبال موش كده ؟!
|
Post: #43
Title: Re: كلاكيت تاني مرة: قراءات عوزازية محضة!
Author: Dafi
Date: 07-02-2006, 07:39 PM
Parent: #41
ظـلالك....أيتها الـوارفه..
مزيدا من الدعاش...
أشهد كل شئ ..انك مريحه بشكل غريب!!
|
Post: #44
Title: Re: كلاكيت تاني مرة: قراءات عوزازية محضة!
Author: DKEEN
Date: 07-03-2006, 07:16 AM
Parent: #43
دافي
موش كده بلاي..
ده حالتك بتقرا ليها في البورد ده بس ..
وده حالتو ماقرت معانا طرف النيل ..
دي مشروع بحر يا دافي
|
Post: #47
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-03-2006, 03:26 PM
Parent: #43
دافي الدافي
مساء رايق بالحليب والقرفة مع منيين معتق من يد ست الحبايب
ادع لي بالراحة يا ولي .
راحة تبعث الحياة فيني من جديد
وتربت بغيمة على سهدي ودوراني حول نفسي
ادع لي ربك
فهو قريب!
|
Post: #48
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-03-2006, 06:58 PM
Parent: #1
أشهد ان لا امرأة تجتاحني في لحظات العشق كالزلزال
تحرقني تغرقني تشعلني تطفئني
تكسرني نصفين كالهلال
تحتل نفسي اطول احتلال واجمل احتلال
إلا انتِ
ياامرأة اعطتني الحب بمنتهى الحضارة
وحاورتني مثلما تحاور القيثارة
تطير كالحمامة البيضاء في فكري اذا فكرت
تخرج كالعصفور من حقيبتي اذا انا سافرت
تلبسني كمعطف عليها في الصيف والشتاء
أيتها الشفافة اللماحة العادلة الجميلة
أيتها الشهية البهية الدائمة الطفولة
أشهد أن لا امرأة على محيط خصرها
تجتمع العصور وألف ألف كوكب يدور
أشهد أن لا امرأة ياحبيبتي ياحبيبتي
على ذراعيها تربى أول الذكور
وآخر الذكور
إلا أنت!
إلا انتِ - نزار قباني
في مسطبة واسعة وتشيل من الحبايب ألف
وكوب شيكولاته ساخنة تبادلنا ارتشافه تحت بطانية طفل مرسوم عليها تويتي
اهدتني نوسة فلسفتها في الأماكن والزمن...
يا بنتي ...
كل الأماكن تتشابه في الأبعاد ..
أرض
سما
جدران
سقف
سواء كان سما أو سقف عادي
والجدران ممكن تكون بني آدمين حواليكي
أو أي حاجز بيمنع تيار الهواء والهجير
البعد الغير مذكور هو (الروح) المجاورة لك في هذه المكان
الزمان مجرد قيمة كمية في اتجاه واحد نحو تناقص كمي وتزايد وصفي
اليوم 24 ساعة
الساعة 60 دقيقة
والدقيقة 60 ثانية
وهلم جرا والرياضيات بتاعت ثالثة ابتدائي
بس البعد الإضافي هو ( الروح) التي تشاركك تعبئة هذا الوقت في زكائب الذاكرة
وتستف معاك لحظة لحظة في حقائب عمرك
وقيسي عليها كل ما يمر بك من الثوابت، والكلام ما زال لفضيلتها نوسة، مثلا الساعة واحدة صباحا في وسط (.....) قاعدين زي القروود في مصطبة الشباك بنعبي في وهم ساي... وارتشفت رشفة من الهواء وواصلت بعينيين مغمضتين ....في حين آخرون أوفر حظا منا يعبئون العمر كله في زمن غير محدود!
الخيار والفقوس قانون مطبق في كل شئ يا بنتي
من تجي الهاملة دي وانت متصنفة تبعا لرصيدك من الحظ اللي بيحدوده اسلافك واختياراتهم، وطبعا في بلادنا الخيارات زاتها شبه اقتصادنا والزول بيغطي قدحه تقول القدح ده من دهب وما بيعمل حساب القدح الصغير الجاي في السكة
ما علينا، رصيدك ويبدو لي انه ليس بكثر بدليل قعدتك معاي المهببة دي!
وتواصل في تجلي مطلقة نظراتها نحو سماء تشبه روحها ...
عبي وقتك في قزايز
وستفي زمنك
وطبقي صور حياتك زي قمصان المدرسة
بس النصيحة يا بنتي
ابقي عشرة على أي روح تجي مارقة من جنبك
وكان عدت (روح) فلتانه من الجنة
احمدي الله عشرا في الغدو والآصال ولا تطيلي النظر في تصاريف الزمن
فالزمن يفعل ما يؤمر به
وقد قضي الأمر ورفعت الأقلام وجفت الصفح منذ قديم الأزل
عيشي يومك الله ساقه ليك
وخلي الجاي على الكريم ....
وكان يوم ...
مرت بيك لحظة ما عرفتي ابتدت متين
وساعة زمن عدت سريع
ويوم جميل ابى كلو كلو ينتهي ...
انذري فراشات وبرطمان عسل نحل
واضبحي بومة شوم
وبخري (روحك) بالتيمان والملح وحبة (كتمان)!
وبلي كركديه ورشيه على أركان زمنك ....
فقد استجيب لصلواتك وحسن ختام صبرك!
انتهى بوح المصطبات
|
Post: #49
Title: Re: كلاكيت تاني مرة: قراءات عوزازية محضة!
Author: انعام عبد الحفيظ
Date: 07-19-2006, 04:32 AM
Parent: #48
اين انتي يا عزاز الشامي
هل انتهى البوح؟؟؟
في انتظار قلمك
مودتي واحترامي
|
Post: #50
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-20-2006, 02:23 PM
Parent: #49
العزيزة انعام
سلام كبير يلف ويلف زي طوطحانية العيد
البوح طفل شقي يدق على كل بوابات عقلي ليل نهار!
ولكي ازيده عتها بت ابوح بصمت
وافضفض في هدووووووووووووووء
بس خير اللهم اجعله خير، لي كم يوم حاسة انو اناعلى سفر وبت اشعر بدوار البحر وانا على اليابسة!
كوني بخير
|
Post: #51
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-20-2006, 02:33 PM
Parent: #1
نوسه، يا مستحملة جنوني البمبي والاسود
فاكره لما زول تافه في المترو قعد بكل اريحية في كرسي راجياه مرة مسنة وما حاولت أطبق فيه نظريات الانسانية بتاعتي؟
عارف ليه؟
فترت! وايه يعني؟!
ولما زول نط قدامي في طابور التذاكر
ايه يعني؟
حنصل سوا في كل الأحوال!
زول قد "الهيطة" اربيه تاني؟
ياريت لو البصيرة دي كانت عندي مع ناس تانيه!؟
تربيهم ليه من أول من جديد ؟
المربيين شويه؟
الله يرحمك يا أم مبارك، كانت عندك نظرية ولا دكتور فيل!
وحكمتك بترن (جوه وبره وروود فرشت لك، وانت مايل ايه يعدلك؟ )
الف رحمة ونور يا ام مبارك!
|
Post: #53
Title: Re: كلاكيت تاني مرة: قراءات عوزازية محضة!
Author: Muna Khugali
Date: 07-21-2006, 06:56 PM
Parent: #51
Quote: خلو النغم
ايه الرومانسية دي!
يدي ما بديها في اعتذار ساااي !
حدي الائتماني ابتسامة مقتضبة |
وجـاء صـوت صـديقتها محـذرا..
انتي اديتيه ايـدك اليمين ليه?
ردت في رقـة وخجـل
أبـدا بحـبه... وكنت عـايزاها ترتاح في ايـده بس!
نظـرت لها صـديقتها في غضـب مسـتنكـر..
انتي يابنتي هاتفضلي هبلة كـده لإمـتي?
تـديلو ايـدك? طـب ليه?
بكـره يطـمع وياخـد ايـدك التانية!
stop
|
Post: #55
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-24-2006, 04:42 PM
Parent: #53
منونة انتي جيتي؟
نورتي يا حبيبة
فرشت لك الدرب رملة وورد ...
تعالي احكي لك عن حكاية قلبين
وايدين اتلاقوا في زمن سمح بالحيل
لا هي خافت ولا هو خان
لا هي لامت
ولا هو غلطان
بس أقدار يا منى، مجرد عبط!
وتوتة توتة
خلصت الحدوته!
و رجعت الايد العمرانة فاضية
واتجبرت عيون تبكي
واتجبرت قلوب تنسى و تقسى!
|
Post: #54
Title: Re: كلاكيت تاني مرة: قراءات عوزازية محضة!
Author: Ahmed Mohammed Osman
Date: 07-24-2006, 08:09 AM
Parent: #1
فوق
منتظر
المواصلة
|
Post: #56
Title: Re: كلاكيت تاني مرة: قراءات عوزازية محضة!
Author: Ali Alhalawi
Date: 07-24-2006, 04:47 PM
Parent: #54
عـــوزاز .. حمد الله على السلامة .. دى بدون كلاكيت
|
Post: #59
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-24-2006, 05:21 PM
Parent: #56
أخوي عي الحلاوي
سلامات ماشة جاية ما تقيف زي المترو
تسلم يا سيدي، واديني رجعت تاني، للحيرة والعذاب من تاني
كن بخير
|
Post: #57
Title: Re: كلاكيت تاني مرة: قراءات عوزازية محضة!
Author: Muna Khugali
Date: 07-24-2006, 04:59 PM
Parent: #54
Quote: تعالي احكي لك عن حكاية قلبين
وايدين اتلاقوا في زمن سمح بالحيل
لا هي خافت ولا هو خان
لا هي لامت
ولا هو غلطان
بس أقدار يا منى، مجرد عبط! |
عـادي ....اصـلو الموضـوع كـله بإيـدين ....ومـن غير ايـدين
متنيـل بستين نيلة..
سـبتك بعافيـة
|
Post: #61
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-24-2006, 05:33 PM
Parent: #57
منونة،
عافية ايه بقى!
ما هي منيلة زي ما قلتي !
شفت في منامي خير اللهم اجعله خير
انو السنة دي موش منيله زي اللي قبليها
أي نعم مافيش ايدين نديها
بس أدينا متفائلين!
|
Post: #60
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-24-2006, 05:28 PM
Parent: #54
احمد محمد
سلامات ملونة بألوان الطيف
سنواصل
بعد الفاصل!
|
Post: #58
Title: Re: كلاكيت تاني مرة: قراءات عوزازية محضة!
Author: عزاز شامي
Date: 07-24-2006, 05:14 PM
Parent: #1
نوسة
اشتقت إليكي، كيف هو جنونك؟ أرجو ان تكون كما انت، زولة مجنونة ساي!
آخر عهدك بي أدرك أبسط الحقائق، صح؟
يا حليلك يا نوسة!
آخر ما توصل له العلم حاليا انو انا naive !
يا شماتة ابلة ظاظا فيّا!
استحضرت ذكراك بالامس على فنجان شاي أخضر دافئ وتجاذبت مع طيفك أطراف الحديث عن الخط الفاصل بين الطيبة والعبط
بين التسامح وبين ان يستحيل الشخص لمجرد doormat !
لسبب أجهله، يظن البعض انه لا فرق!
وان كله هبل مغلف بسلوفان بعناية!
إييييه! دونيا فونيه!
ما علينا يا مجنونة، أدينا بنعدي ونسامح ونرمي البحر !
وحتى يثبت العكس، سأتمدد بكسل على عتبات الأبواب المشرعة على دروب تحمل كل الاحتمالات
ويا بخت من بات مظلوم ولا بات ظالم!
|
Post: #62
Title: Re: كلاكيت تاني مرة: قراءات عوزازية محضة!
Author: عزاز شامي
Date: 08-01-2006, 10:05 AM
Parent: #1
بعيد منك حياتي عذاب وقريب منك كمان.... عذاب!!!
سحابات تناوبت حملي
والقت بي معترك جديد
بضع شوق.....
وبضع توق...
لم اخترك يا قيدي!
فلا تململ!
واهدا...
فرفقتنا لم تنته بعد
وبقي طريق لم نسلكه...
احكي لي قصتنا
وكيف وثق رباطنا
واحكي لي قصة هروبي
وكيف عدت لصوابي
واحكي لي عن وشوقك وشوقي
وعنادك وعنادي
احكي وهدهدني لانام
وكيف ختمت بك فصول احزاني
وعفوت عما سلف من سام
وطويت رزنامة عمر باكمله
احكي
فقيدنا موثق باحكام!!!
|
Post: #63
Title: Re: كلاكيت تاني مرة: قراءات عوزازية محضة!
Author: DKEEN
Date: 08-01-2006, 12:42 PM
Parent: #1
اسعدي ..ولكن لاتسعدي اكثر ممايجب..
|
Post: #64
Title: Re: كلاكيت تاني مرة: قراءات عوزازية محضة!
Author: عزاز شامي
Date: 08-01-2006, 11:43 PM
Parent: #63
دكين
ازيك؟؟
كيف اسعد والاطلنطي يشق صفحة القرب بالبعيد القريب؟
الشوارع مسيخة
شجرهم مسيخ
والضحكة بتطلع من الحلق وفوق !!!
غريبة الدنيا دي!
اخبار بلدكم كيف؟؟؟؟؟
|
Post: #65
Title: Re: كلاكيت تاني مرة: قراءات عوزازية محضة!
Author: خالد عبد الله محمود
Date: 08-02-2006, 01:23 AM
Parent: #64
Quote: لا اعتقد بأني سأقبل يوما لمن أتوجه ملكا على مخيلتي بأن يلهث خلفي
فإن لم يكن بجانبي، فقد قضي الأمر وكلانا لطريقين منفصلين!
لا متعة في الكر والفر
أؤمن بالتطبيع
ومن يبكيني، قطعا ليس أهلا لي!
العلينا شوية نجيب هم مستورد ؟؟
وحكمتك ربك يا نوبي انو تقدر تعيش من خلال تجارب الغير وتستبصر الآتي وترحم نفسك ودمعك مما لا طائل منه . |
كان غيرك أشطر
للاسف يا سيدتي الفاضلة هذه نظرية غير قابلة للتطبيق و لو كان الأمر كذلك لتوقفت الحكاية عند أول شاكوشين في الدنياثم لا يكون هناك شواكيش بعد ذلك و هذا بالطبع كان سيحرمنا من إبداعات العارف بالله دكين لأني سمعت ( تحت تحت) إنها كانت بسبب شاكوش من برلومة جامدة و العهدة على الراوي.
و دمت بخير
|
Post: #66
Title: Re: كلاكيت تاني مرة: قراءات عوزازية محضة!
Author: DKEEN
Date: 08-06-2006, 12:48 PM
Parent: #1
عشان تآآآمني بس..
you have to promise me
(وجه غامز)
|
Post: #67
Title: Re: كلاكيت تاني مرة: قراءات عوزازية محضة!
Author: Adil Osman
Date: 08-06-2006, 06:55 PM
Parent: #66
دكين
الحركة دى بتعملها كيف؟
يا تو حركة؟
الحركة دى.. الفوق دى.. كيف بتقص او بتصور صفحة زى دى وبتلصقها هنا؟
مع تحياتنا للعوزازيزم Ozazism
|
Post: #68
Title: Re: كلاكيت تاني مرة: قراءات عوزازية محضة!
Author: ودرملية
Date: 08-06-2006, 07:38 PM
Parent: #67
سلامات
وعوافي
عادل عثمان ازيك
اسمعني انا البوست دا متابعو من زمن ..اها دكين الله يعلم يرد ليك هسي عشان كدا جيتك طاير انا
بالنسبة لي الصورة الفوق دي واللنزلا المدعو دكين الوغد فهو عمل برنت اسكرين من الفنكشن كييز علي يدك اليمين عادة بيكون مكتوب فيهو Printsc اوSysRQ اها بتفتح الصفحة العاوز تعمل منها صورة وبتضغط علي مفتاح البرنت اسكرين ثم تمشي تفتح البينت او فوتوشوب او اي برنامج بتاع صور وبتعمل فيه PASTE اها بتجي الصورة نازلة جمنبلغ بعدك بتعمل فيه زي مابتعمل في صورك الحلوات البتنزلا طوالي دي ..
تسلم يالذيذ ..
عزوزات معليش ما شاركنا في بوستك العسل زي دكين صاحبي الشين دا
لكن قطع شك بجيك راجع
|
Post: #69
Title: Re: كلاكيت تاني مرة: قراءات عوزازية محضة!
Author: DKEEN
Date: 08-07-2006, 07:29 AM
Parent: #67
عدولة
زي ماقال ليك اخونا ود رملية..
بس اعمل حسابك تكبشر القلب النابض او بت الاحفاد ..
حيدوك المادة 163( خلوة شرعية)
|
Post: #70
Title: Re: كلاكيت تاني مرة: قراءات عوزازية محضة!
Author: Adil Osman
Date: 08-07-2006, 09:42 AM
Parent: #69
ود رملية ودكين
سلامات
حاولت دون جدوى. وبلا طائل ولا وائل!
ما اشتغلت معاى الحركة دى. ممكن تشرحوا بالتفصيل غير الممل؟؟
اعتذر لعزاز عن التغول على ملكها الاسفيرى. ولكننى اعلم انها لا تمانع فى نشر العلم والتقانة.
|
Post: #71
Title: Re: كلاكيت تاني مرة: قراءات عوزازية محضة!
Author: ودرملية
Date: 08-07-2006, 03:02 PM
Parent: #70
سلامات
وعوافي
نستميح عزوزات شوية ..
ياعادل اسمعني :-
الكيبورد مفصل الي ثلاثة اجزاء "ان صحت التجزئة"
اللهو الجزء الفيهو مفاتيح الاحرف ومفاتيح اعلاه بتدء بي Esc وبتنتهي بي F12 الجزء التاني هو يمين الجزء الاول بيتكون عادة من اربعة مفاتيح (سفلية) وفيها الاسهم وتلاتة مفاتيح (علوية) وستة مفاتيح (وسطية) وفيها البرنت اسكرين وhome و end ومفتاحين تاني ودا الجزء المقصود وزي ماوضحتا ليك اعلاه بتلقي مكتوب فيهو (SysRq او Printsc ) اها بعداك بتفتح الصفحة العاوز تصورا وبتضغط علي مفتاح البرنت اسكرين بعد ماتضغط بيكون اخد الصورة بتفتح برنامج الصور البتشتغل عليهو وبتعمل بيست للصورة بتجي متلبا ليك .. سمح ..
اذا ما اشتغلت معاك ناديني ان بجيك هسي في البيت ازبطا ليك سمح ..
فاتني القول ان الجزء الثالث من الكيبورد هو اقصي اليمين وفيهو الارقام وانتر والاسلاش والماينص والبلص والنم لوك وانسيرت وديليت ..
وليك معزتنا وشديد محبتنا
ملحوظة بعض الكيبوردات بيكون البرنت اسكرين فوق يمين الـF12 طوالي ..
|
Post: #72
Title: Re: كلاكيت تاني مرة: قراءات عوزازية محضة!
Author: DKEEN
Date: 08-07-2006, 03:29 PM
Parent: #70
عدولة
عند قراءتك لكلمة (رسالة )اضغط على مفتاح (print screen)
وطوالي افتح صفحة word
واعمل paste
حتلقى انو الصفحة القدامك هسي دي انطبعت في صفحة الويرد
بس اعمل ليها كلك حتلقاها تظللت في الويرد ومن ثم اعمل ليها كوبي وبيست في سطح المكتب او اي مكان اخر حتلقاها تحولت الى صورة jpg
كان مافهمتا او الشغلة ابت تظبط اضرب لي تلفون
نويت اكسب فيك حسنة خلاص ..
(رسالة)
|
Post: #73
Title: Re: كلاكيت تاني مرة: قراءات عوزازية محضة!
Author: Adil Osman
Date: 08-09-2006, 05:16 AM
Parent: #72
ود رملية ودكين عشا البايتات القوا
شكرآ على الشروحات الضافية. الله يديكم العافية.
الIQ بتاعى معقول، لكن القصة دى ابت تجى معاى خالص. من شنو ده يكون؟
بعدين قول صورت الشاشة الغشاشة! وحولتها الى JPG ، اودى الJPG وين؟!!
يبدو ان بعض الناس (مانعتهم شاشاتهم) من خططى البريئة. نقول شنو عاد. الله غالب!
دكين
Ditto لاى كلام تقولو عن امنة مختار. لأنه أى كلام تقولو حلو!
وهى شابة لطيفة وذكية وذات حضور جميل. اتمنى ان تظهر فى القريب العاجل.
|
Post: #74
Title: Re: كلاكيت تاني مرة: قراءات عوزازية محضة!
Author: عزاز شامي
Date: 08-13-2006, 01:21 AM
Parent: #1
من مدن الذكرى نحيكم أجمل تحايا ونهديكم فطائر حظ تحمل أمنيات تتحقق أحيانا!
حملتك معي في طيات جواز السفر بلا أدنى محاولة لنسيانك هذه المرة!
كل نداءات المطارات تعلن رحلات تشمل مدنا رسمناها سويا
أدمنت الأحلام، فلا تلمني!
ونوافذ مغلقة وأخرى مشعرة
تحفها ووجوه ...
وكل وجه يشبه وجهك!
وكل تعبير يذكرني بك ويجرجرني قسرا وتارة برضايا لمدينة فاضلة لحب فاضل!
ماذا تبقى؟
أتسألني؟
أسأل تلك التفاصيل الصغيرة العالقة في تروس ايامنا
أسأل كل من رأوني من غيرك وسألوني عنك وعني!
أخبرتني البصارة بأن قادم أيامي أجمل،
قد تصدق إذا حملتك رياح ما،
وإلا فهي تخرف!
اخبرتني عن لياليك الطوال
وسهر حديثك
وقربك البعيد
وأن بوصلتك تتجه شرقا نحو الدفء...
قالت لي بأنك سترحل
وستأتي يوما
تحمل عشقك القديم
ومعه عشق أكبر
وان الحظ سيبسم يوما
وتتوحد التفرعات
ونبقى كما حلمنا
فرعين من أصل واحد!
كن بخير، دوما!
نوسة
تمام منتصف الطريق
2006
|
Post: #75
Title: Re: كلاكيت تاني مرة: قراءات عوزازية محضة!
Author: ابو جهينة
Date: 08-13-2006, 01:27 AM
Parent: #74
عزاز
سلام مكثف
Quote: في مسطبة واسعة وتشيل من الحبايب ألف
وكوب شيكولاته ساخنة تبادلنا ارتشافه تحت بطانية طفل مرسوم عليها تويتي
اهدتني نوسة فلسفتها في الأماكن والزمن...
يا بنتي ...
كل الأماكن تتشابه في الأبعاد ..
أرض
سما
جدران
سقف
سواء كان سما أو سقف عادي
والجدران ممكن تكون بني آدمين حواليكي
أو أي حاجز بيمنع تيار الهواء والهجير
البعد الغير مذكور هو (الروح) المجاورة لك في هذه المكان
الزمان مجرد قيمة كمية في اتجاه واحد نحو تناقص كمي وتزايد وصفي
اليوم 24 ساعة
الساعة 60 دقيقة
والدقيقة 60 ثانية
وهلم جرا والرياضيات بتاعت ثالثة ابتدائي
بس البعد الإضافي هو ( الروح) التي تشاركك تعبئة هذا الوقت في زكائب الذاكرة
وتستف معاك لحظة لحظة في حقائب عمرك
وقيسي عليها كل ما يمر بك من الثوابت، والكلام ما زال لفضيلتها نوسة، مثلا الساعة واحدة صباحا في وسط (.....) قاعدين زي القروود في مصطبة الشباك بنعبي في وهم ساي... وارتشفت رشفة من الهواء وواصلت بعينيين مغمضتين ....في حين آخرون أوفر حظا منا يعبئون العمر كله في زمن غير محدود!
الخيار والفقوس قانون مطبق في كل شئ يا بنتي
من تجي الهاملة دي وانت متصنفة تبعا لرصيدك من الحظ اللي بيحدوده اسلافك واختياراتهم، وطبعا في بلادنا الخيارات زاتها شبه اقتصادنا والزول بيغطي قدحه تقول القدح ده من دهب وما بيعمل حساب القدح الصغير الجاي في السكة
ما علينا، رصيدك ويبدو لي انه ليس بكثر بدليل قعدتك معاي المهببة دي!
وتواصل في تجلي مطلقة نظراتها نحو سماء تشبه روحها ...
عبي وقتك في قزايز
وستفي زمنك
وطبقي صور حياتك زي قمصان المدرسة
بس النصيحة يا بنتي
ابقي عشرة على أي روح تجي مارقة من جنبك
وكان عدت (روح) فلتانه من الجنة
احمدي الله عشرا في الغدو والآصال ولا تطيلي النظر في تصاريف الزمن
فالزمن يفعل ما يؤمر به
وقد قضي الأمر ورفعت الأقلام وجفت الصفح منذ قديم الأزل
عيشي يومك الله ساقه ليك
وخلي الجاي على الكريم ....
وكان يوم ...
مرت بيك لحظة ما عرفتي ابتدت متين
وساعة زمن عدت سريع
ويوم جميل ابى كلو كلو ينتهي ...
انذري فراشات وبرطمان عسل نحل
واضبحي بومة شوم
وبخري (روحك) بالتيمان والملح وحبة (كتمان)!
وبلي كركديه ورشيه على أركان زمنك ....
فقد استجيب لصلواتك وحسن ختام صبرك! |
دة كوم ..
| Quote: انتهى بوح المصطبات |
و دة كوم .. لأنو يادوب حيبدا بوح المصطبات ...
بل سيعود بوح المصطبات من جديد ..
لك تحياتي و للأسرة الكريمة و خاصة الوالدة
|
Post: #80
Title: Re: كلاكيت تاني مرة: قراءات عوزازية محضة!
Author: عزاز شامي
Date: 09-06-2006, 05:36 PM
Parent: #75
ابو جهينة
سلامات كثيرة كده لمن تحيرك
Quote: لأنو يادوب حيبدا بوح المصطبات ...
بل سيعود بوح المصطبات من جديد .. |
لم تعد هناك مصاطب تحمل بوحنا يا سيدي!
وشتتنا رياح خريف
ومن حسن حظي، جمعتنا رياح من فترة ولكن لم تكن هناك مصطبة بالجوار!
ارتبطت كل صديقة لي بظرف مكاني معين في البوح
بعضهن يهوي حديث المطابخ
وبعضهن لا يدلين بأي حديث إلا في مكان صاخب
وأخرى تشبه جنوني، توقظ فيها رائحة القهوة مكان البوح ...
والكثيرات منهن يفضلن جلسة القرفصاء على كنبة متهرئة لم تفارقني منذ الصبا!
اضمن لك ان يعود البوح ما دام الرمق دافئا
وكل الحديث، كل الحديث له شجون
كن بخير
|
Post: #76
Title: Re: كلاكيت تاني مرة: قراءات عوزازية محضة!
Author: عزاز شامي
Date: 08-29-2006, 03:37 PM
Parent: #1
في لحظة جنون عاقلة جدا قررت أن اتحرر من كل قيود فرضتها الجغرافيا يوما أو علوم الأرض!
وقررت السفر عبر زماني إلى زمانك مرورا بقيلتنا تلك!
اليوم ، كما وعدت سلفا، زرت متحف الطيران
ورأيتهم كما وصفتهم!
كتل من حديد تفرض قانونها في مساحة من هواء وماء وتطير!
قالتها يوما نوسة طيب الله هواها بأنه لا مستحيل في الحب أو العلم!
اتعلم ان فندقي يقع أمام وكالة ناسا لعلوم الفضاء؟ أي سخرية يحملها هذا القدر؟!
اتساءل دوما عن الفرق بين حافة الجنون والعقل
والحد الفاصل بين الشوق والامتلاء
والخضرة واليباس
كلها تتابع يا نوسه في لحظة مما نعد
وتستمر سنينا مما نعد وتبدا قبل ارتداد الطرف
درسونا اساسيات تظل تتكسر كتلك الامواج على حافة المحيط ويبقى حجر الساحل صابرا على الموج والاقدام
بدات اشك في سرد التاريخ وما كان يوما
ترى كيف سيحكي التارخ ايامنا هذه؟
عين من ترى مالا نرى ومن يخبر القصة بتجرد؟
من سيحكي كل الاحداث
ويعيش كل الايام
ويبكي ويضحك ليعبر بنا لماض عاشة كثيرون وخرجوا منه كل يحمل كفنا واسا بلون مختلف!
نوسة، انا نعست! سعود قريبا!
|
Post: #77
Title: Re: كلاكيت تاني مرة: قراءات عوزازية محضة!
Author: saadeldin abdelrahman
Date: 09-03-2006, 06:18 PM
Parent: #1
Quote: بدات اشك في سرد التاريخ وما كان يوما
ترى كيف سيحكي التارخ ايامنا هذه؟
عين من ترى مالا نرى ومن يخبر القصة بتجرد؟
من سيحكي كل الاحداث |
سيحكيها الراوي..
و يتسائل : ترى أين ابنة العم 
|
Post: #81
Title: Re: كلاكيت تاني مرة: قراءات عوزازية محضة!
Author: عزاز شامي
Date: 09-06-2006, 05:44 PM
Parent: #77
ابن العم سعد الدين
ابنة عمك بالجوار الأقصى ...
تملئ رئتيها بهواء مكرر عالي النقاء،
وتحسب ما مضى من عمرها وكم تبقى منه للتمتع باستنشاق الهواء!
|
Post: #78
Title: كلاكيت تاني مرة
Author: فاروق حامد محمد
Date: 09-04-2006, 01:25 AM
Parent: #1
كلاكيت 801 تدخل الأم حاملة صينية فيها بيض وفول وجرجير وبصل
الأم : يا بنتي حرام عليك .. كليلك لؤمة ده انت من أمس على
لحم بطنك.... أومي يللا يا حبييتي......
البطلة: ماليش نفس
طب والنبي عشان خاطر ماما
يا ماما ألتلك مليش نفس .... يعني ماليش ......الخ
--------------------
أتحدي أي واحد ماسمعش الحوار ده في أي فيلم مصري
|
Post: #82
Title: Re: كلاكيت تاني مرة
Author: عزاز شامي
Date: 09-06-2006, 05:49 PM
Parent: #78
أخوي فاروق
مراحب عديدة ومديدة بعدد من سبح وكبر
| Quote: أتحدي أي واحد ماسمعش الحوار ده في أي فيلم مصري |
تكرار المشاهد لحكمة لا يعلمها إلا المخرج
كنفس pattern لأخطاء نرتكبها مرارا ونمصمص شفاهنا: هو ليه بيحصلي لي كده ؟؟؟
|
Post: #79
Title: Re: كلاكيت تاني مرة: قراءات عوزازية محضة!
Author: انعام عبد الحفيظ
Date: 09-06-2006, 04:28 AM
Parent: #1
Quote: سيحكيها الراوي..
و يتسائل : ترى أين ابنة العم |
|
Post: #83
Title: Re: كلاكيت تاني مرة: قراءات عوزازية محضة!
Author: عزاز شامي
Date: 09-06-2006, 05:59 PM
Parent: #79
انعام يا حبيبة
انا هو!
بس لسه حاسة اني ما رجعت!
|
Post: #84
Title: Re: كلاكيت تاني مرة: قراءات عوزازية محضة!
Author: عزاز شامي
Date: 10-04-2006, 05:21 PM
Parent: #1
لم كن استقبالك لي دافئا كما يجب يا استنبول ومددت كفا باردة للسلام . رددت عليك بالاعتكاف في غرفتي يومين حتى رأيت مئذننة في غروب قاني وغادرت غرفتي فقط لأصل إليها!
غريب كم تحكلمك أهائك في رؤية الاشياء على غير حقيقتها وغريب كما انا عنيدة!
أول خطواتي على طرقك كانت تدق كل طوبة بعنف يعبر عن مدى حنقي منك ومن اناسك المتعجرفين الاآبهين بتحدث لغة افهما ولا يبدون مكترثين لامتعاضي!
ولكني اصدقك القول إن قلت لك بأني ظلمتك! فقد وصلت اليك اجرر الخطى مرتدية عبائات من ملل ولم احسن القدوم وخيبت ظنك...
غادرتك احمل اكثر مما يجب من حب وشغف ومنيت نفسي بعودة متمهلة لكل شارع يشق طريقه فيك
ووعدت كل مئذنة بزيارة قريبة اسمع فيها صوت الحق
غادرت حلقات (سيما) دراويشك وبي شوق لتلك النغمة الحزينة للناي الباكي تتبعه نقرة دف تحفز ذلك الساعي في حب الله على الدوران بلا ملل، وهل في حب الرحمن ملل؟
سأعود لك حتما ذات سعة يا استنبول واصل شروقك بغروبك وارتوي منك حتى النخاع ....
كل مرة يتأكد ظني بأن للجنة فروع في الأرض
أرض مرصوفة بعناية
شجر
جدران تحكي حكايا
بيوت عتيقه
ورائحة التاريخ تعبر المسام
على فكرة!
من يصنع التاريخ الآن؟
الانسان أم الزمن؟
من يكتب التاريخ؟
المنتصرون أم من مصمصوا شفاه الهزمية يوما ما ؟
جدليتي لن تنتهي يوما ما دامت الارض مصرة على الدوران، ومتى توقفت سأوقن حينها بما سطر في الكتب!
|
Post: #85
Title: Re: كلاكيت تاني مرة: قراءات عوزازية محضة!
Author: عزاز شامي
Date: 10-09-2006, 01:52 PM
Parent: #1
مدد يا شسخنا مدد
للصلوات أبواب، أرحبها حبك يا إلهي ....
قضيت 20 عاما تبحث عن الحقيقة
20 عاما من الترانيم
تميل برأسك نحو اليمين فاتحا ذراعيك بتوسل أن يدلك الطريق
اتعلم كم قضيت من الوقت اتتبع خطاك وابحث عنك؟ مللت سؤال المشاة منهم من لا يعيرني التفاتا ومنهم من يبعثرني في الاتجاهات الاربعة بلا رحمة بقدمي المنهكتين
وجدتك مطرقا صامتا
أهو تعبد أم زهد؟
كلاهما هدوء!
(اتعبتني الحقيقة واعياني البحث عن اليقين!)
نظرت لي بعينين صافيتين وقلت بأن الوصول لكلاهما نهاية المطاف، هنا على الأرض!
|
Post: #86
Title: Re: كلاكيت تاني مرة: قراءات عوزازية محضة!
Author: انعام عبد الحفيظ
Date: 10-12-2006, 03:02 AM
Parent: #85
Quote: أهو تعبد أم زهد؟
كلاهما هدوء!
|
وما اجمل الهدوء هنا
هذا البوست واحة جميلة
لذا تجدينني كثيراً ما اتصفح واقرأ فيه
وانتظر قلمك وما يخطه من الجديد
مودتي واحترامي
|
Post: #87
Title: Re: كلاكيت تاني مرة: قراءات عوزازية محضة!
Author: عزاز شامي
Date: 10-14-2006, 12:52 PM
Parent: #86
انعام عبدالحفيظ
سلامات كثيرة كثر من دعا داع في رمضان، واستجاب له الرحمن
كل بقعه تحفها أرواح صافية هي واحة تدعونا لأحضانها
ما يجعل (هنا) أو (هناك) واحة هو خطوات لأرواح شفافة
تغرس نخل في مواطئ قدميها وفي حالتنا، مواطئ كي بورداتها
كوني بالجوار واسقي ما غرست واغرسي المزيد
كل الود
|
Post: #88
Title: Re: كلاكيت تاني مرة: قراءات عوزازية محضة!
Author: Adil Osman
Date: 10-15-2006, 05:29 AM
Parent: #87
معزوفة لدرويش/ة متجول/ة
رمضان كريم يا عزاز بنت محمد بن شريف
|
Post: #89
Title: Re: كلاكيت تاني مرة: قراءات عوزازية محضة!
Author: عزاز شامي
Date: 10-15-2006, 06:31 AM
Parent: #88
| Quote: معزوفة لدرويش/ة متجول/ة |
معزوفة لدرويشه متجولة
أصدق بكثير!
آدل اوسمان -- كما كانت ستقول جدتي لو كانت التقت بك يوما
كل سنة وأنت طيب وعيناك لا ترى إلا الجميل
جننّي حب الدراويش!
أنغامهم تشجي
ونايهم يبكيني
ودورانهم يرفعهم ويرفعني فوق خطوط افتراضية
ويحررني من كل قوانين (الأرض) !
وأغبطهم!
احسدهم على تصالح أطرافهم معهم
ومطاوعة القدم اليمنى على التمدد بشكل عمودي
ودوران القدم اليسرى بتتابع رتيب
وانسياب اليد من أعلى الرأس بشكل جانبي لتؤطر الوجه المغمض العينين
ويميل الرأس نحو اليمين في سكون غريب
وتبدأ الرحلة بتسارع كأيامنا
دوران لا هو بطئ ممل
ولا هو سريع محموم
دوران متزن كتتابع الليل والنهار
لا ينقص حدوثه المتكرر من متعة مجيئه
هل مللت يوما من مجيء الصباح؟
دوران يذكرني حياتنا
التي بدأناها مغلقين الأعين
ونختمها مطرقي الرؤوس
اييييه!!
بلاش تقلب علي المواجع والنبي!
كن دائما بخير!
|
Post: #90
Title: Re: كلاكيت تاني مرة: قراءات عوزازية محضة!
Author: عزاز شامي
Date: 10-27-2006, 07:47 PM
Parent: #1
- انت ليه كدبت عليا يا احمد؟
- انا ما كدبتش يا حياتي!
- أمال اسمه ايه ده؟ انت موش قلت لي انو انت حتنهي علاقتك بيها اول ما نرتبط ببعض؟
- ايوه! بس يا حياتي انا موش عايز اجرحها.. اصلي انا عندي اخوات وبخاف عليهم برضك ولا ايه ؟
- يا حبيبي يا أحمد! شهم والله! أنا مبسوطة انك موش أناني ولا بتلعب ببنات الناس!
تررررم ترم ترم ترم
للا للا للا للا
وايد بأيد ...ماشييين
والعبط بيهفهف حولينا!!!
|
Post: #91
Title: Re: كلاكيت تاني مرة: قراءات عوزازية محضة!
Author: Ehab Eltayeb
Date: 10-27-2006, 11:25 PM
Parent: #1
عزاز وضيوف استديو الابداع هذا:
لكم التحية.. وكل سنة وانتم بخير
لم الحظ هذا البوست الرائع الا اليوم...
الظاهر المشاكل ما خلت ليها بوست جميل..
واصلي هذ التصوير.. ونحن في انتظار المشاهد النهائي..
كل الود,,
|
Post: #92
Title: Re: كلاكيت تاني مرة: قراءات عوزازية محضة!
Author: عصام عبد الحفيظ
Date: 10-28-2006, 02:07 AM
Parent: #91
ودائما كما انتى
بالله
عليكى
لا تغيبى
|
Post: #94
Title: Re: كلاكيت تاني مرة: قراءات عوزازية محضة!
Author: عزاز شامي
Date: 11-10-2006, 04:11 PM
Parent: #92
عصام عبدالحفيظ
يا سلام عليك!
صورتك جاتني في جرح...
أطول مسافة ممكن تقصر بجسر!
وضفتين ممكن تكون اقرب من نقطتين في نفس السطر!
|
Post: #93
Title: Re: كلاكيت تاني مرة: قراءات عوزازية محضة!
Author: عزاز شامي
Date: 11-10-2006, 03:25 PM
Parent: #91
ايهاب الطيب
سلامات سلامات سلامات سلامات
الدنيا دي قصة مفتوحة النهايات an open-end story
وكل مشهد بيوصل لمشهد
وكل مؤدي دوره مربوط بمؤدي تاني
والكميرا شغالة
ولو وقفت في مشهد
بتكون شغالة في مشهد تاني
تصور
وتسجل مشاهد
مشاهد ممكن تنقل كمبارس لشباك التذاكر
ومشاهد تانية تخلي بطل مجرد "رقم"
مشاهد تفور دمك
ومشاهد ترسم ضحكة من جوة القلب
ومشاهد تبكيك
ومشاهد تعلمك كيف تؤدي دورك!
وبناء على ما تقدم،
استمتع بمشاهد حياتك الجاية
وخليك معانا، انشوف اخرة الدنيا/القصة دي شنو!
كل الود
|
Post: #95
Title: Re: كلاكيت تاني مرة: قراءات عوزازية محضة!
Author: د.محمد حسن
Date: 11-11-2006, 09:13 AM
Parent: #1
نفسي اكون حريده محترفه ومن النوع البيزعل لوقت طويل وبتجيهو نفسيات!
برنامج!
ويحنوسوني واقول (ما قادرة انسى اللي حصل! ده كان فزيع! )
وتاني يحنسوني !
واشحتف واندمهم اليوم الزعلوني فيهو
ايييه!
ياربي انا ليه كده؟
قلبي ميت؟
وقبل ما ترجعي
انت كدة لانو قلبك حليب مراعي ( مش زي ما قالوا اولاد اختك سريع الذوبان)
ابيض كامل الدسم
ولا اضافة
|
Post: #96
Title: Re: كلاكيت تاني مرة: قراءات عوزازية محضة!
Author: عزاز شامي
Date: 11-11-2006, 12:54 PM
Parent: #95
د. محمد حسن
سلامات دسمة زي القشطة البلدي
وفوقيها ملعقة عسل صااافي يحلى ايامك
ورشة لوز علشان البروتين
| Quote: انت كدة لانو قلبك حليب مراعي |
وغلاوة عشمي في الدنيا الكاسفاني دي
قلبي مالوش لون!
وبقى على الموضة (خاتف لونين)!
الحكاية بقت موضوع أكون أو لا أكون!
احرد أو لا أحرد!
الحردة بتحدد كينونتي يا جماعة!
|
Post: #97
Title: Re: كلاكيت تاني مرة: قراءات عوزازية محضة!
Author: Abd-Elrhman sorkati
Date: 11-11-2006, 01:27 PM
Parent: #1
عزاز شامي لك الود
انه بوست بنكهة الفرح .....
تألقي دوما .....
|
Post: #99
Title: Re: كلاكيت تاني مرة: قراءات عوزازية محضة!
Author: عزاز شامي
Date: 11-11-2006, 01:55 PM
Parent: #97
عبد الرحمن سوكرتي
سلام بألوان شيكولاته ماكنتوش قديمة من الزمن السمح
فرح!
فرح منو؟
ما شفته لا بعرفه؟
هو قال بعرفني؟
|
Post: #98
Title: Re: كلاكيت تاني مرة: قراءات عوزازية محضة!
Author: عزاز شامي
Date: 11-11-2006, 01:28 PM
Parent: #1
آخر ما توصل إليه العلم يا نوسة هو العلم لا ييكل بالباتنجان!
وعليه،
بالله عليكي انسي أي كلام قلته ليك في ساعة امل اهبل انو الدنيا دي بتجي مارة (من هنا)!
واجري اقيفي في موقف تاني وارمي شنطتك بالشباك احجزي كرسي واتسلي بالتسالي وسماع ونسة القاعدين قدامك! بلا وهم معاي!
ما تقول لي باصبر!
صبرك ده، لفيهو في جرايد ، ولو مافي جرايد، بيعيهوا في سوق الجمعة!
على سيرة الأيام ...
واوعك تقدمي سبت علشان تلاقي الاحد
الأحد لو ما داير يجي براهو، عنو ما جا!
سبتك ده ما تقدميهو لو ادوك باقي الاسبوع في ايدك ....
قرضي على سبتك وباقي أيامك لانو الزمن ما معروف ويوم في ايدك ولا تقويم سنة معلق في ظهر الثلاجة...
على سيرة التلاجة، مقاس الأزيار كم؟
انتهى#
|
Post: #100
Title: Re: كلاكيت تاني مرة: قراءات عوزازية محضة!
Author: عزاز شامي
Date: 11-16-2006, 04:16 AM
Parent: #1
•شكلك ما غريب علي؟
•انا عمري ما شفتك!
•يعني حسي ما شايفاني؟
جنس قطامة!
|
Post: #101
Title: Re: كلاكيت تاني مرة: قراءات عوزازية محضة!
Author: MaxaB
Date: 11-16-2006, 06:13 AM
Parent: #1
آمل بأن أكمل المئوية الأولى لهذه النافذة ..
فإذا فعلت فيتبقى أن أقول ..
كلاكيتات .. مميزة جدا .. عزاز
كتابتك .. طاعمة
رب اجعل هذا بلدا آمنا وارزق أهله من الثمرات
مكسب
|
Post: #102
Title: Re: كلاكيت تاني مرة: قراءات عوزازية محضة!
Author: عزاز شامي
Date: 11-17-2006, 07:43 AM
Parent: #101
آمل بأن أكمل المئوية الأولى لهذه النافذة ..
فإذا فعلت فيتبقى أن أقول ..
كلاكيتات .. مميزة جدا .. عزاز
كتابتك .. طاعمة
مكسب،
صباح نادي وبارد ومنعش زي الزبادي
يا اخي نورت النافذة و الستاير
خليك معانا، وإن كان الزمن لم يعد طفلا يحبو، فقد كبر واصبر راشدا!
|
Post: #103
Title: Re: كلاكيت تاني مرة: قراءات عوزازية محضة!
Author: Adil Osman
Date: 11-17-2006, 08:54 AM
Parent: #102
سيداتى انساتى سادتى وعزاز شامى الشابة الذكية والمبدعة:
نقدم لكم اذاعة مانقو السودانية على الانترنيت
http://mango96.com/content/player_.htm
|
Post: #104
Title: Re: كلاكيت تاني مرة: قراءات عوزازية محضة!
Author: عزاز شامي
Date: 11-24-2006, 06:47 AM
Parent: #103
عادل عثمان
سلامات سلامات سلامات
تشكرات تشكرات كثيرة وعديدة ورجمتني من إذاعات راديو R&B , Hip hob
|
Post: #105
Title: Re: كلاكيت تاني مرة: قراءات عوزازية محضة!
Author: عزاز شامي
Date: 11-24-2006, 06:51 AM
Parent: #1
ارتمت في حضني وابتدرتني : لا تعاتبيني على استمرار وتيرة (حسن ظني)!
استمتع إليها تحكي لي ما بدا لها وما بطن من أمل يخيب يوما ويبتسم ساعات ...
يترفع صوتها ويخفت بحسب الخيبة والترقب، وتترك لي عقب نحيب ينبع من ذلك القلب...
أيهما أصح؟ البريء أم الساذج؟
لا يمكنني التكهن يا صديقتي، فالأبعاد تتفاوت في ذات الصفحة!
- لم ترهقين الأمل يا صديقتي؟
متى تتعلمين أن تدريجات الألوان لها تدريجات مختلفة من الحرارة؟ تستيقظين كل صباح مخدرة بأحلامك في عالم وردي وتلبسين خف التفاؤل عله يحملك لبلاد العجائب، الم يرهقك المشي في ذات الطريق؟
سيري حسب بوصلة أخرى أقل إيلاما لا تتجه أبرتها نحو (شمال القلب)
اعيدي ترتيب الحروف
والمشاعر
وامضغي الكلام ليبدو غير ما تعني
وتصنعي الصبر
وحدي سكاكين الصفع
ولا سماح!
وتبسمي مبدية حنوا
واضمري ما شئت،
فإن لم تكن ذئبا أكلتك الذئاب!
ليتك تتعلمين فن الالتفاف!!!
- لن أعيد ترتيب أبجديتي، أنا أنا ولا سبيل!
التفي حول نفسك الأمارة بـ (لا شر) وشذبي إطراف ثقتك لتقتصر على من يستحق فقط!
لا تجاري دوران الآخرين حول أنفسهم، وأوقفيهم بأطراف الأصابع كما كنا نفعل في الكرة الأرضية في حصة الجغرافيا!
كنا نتركها تدور تدور ونوقفها عندما نرى قارة نحبها ونغمض أعيننا بعشم التأمل، يصدق حينا ويخيب مرات ...
أوقفيهم قبل الحد الفاصل بين الشفقة و التعاطف
قبل الحد الفاصل بين التسامح و التساهل
وعلى حدود المراعاة و الاستسلام
أوقفيهم بلا ملامسة أو احتكاك...
لا تشهدي لحظة التوقف كي لا تصيبك شذرات غضب اكتشاف الذات
ولا تشهدي خطوتهم العارية بعد توقف الدوران المحموم
لا تجرحي عيناك بحقيقتهم
وغادري وهم في كامل لياقتهم في عينيك!
لا تشهدي إعادة بعثهم، فقد لا تاستهويك!
أتعلمين!
مللت تكرار الوصايا ومشاهدة ذات نظرة الألم في عيناك،
حان أوان التغيير
اجمعي فتات انتظارك و ارحلي حيث تاقت روحك دوما
حيث تعتمر الأرض بدثارها القاني معلنة بداية آخر المطاف
وابدئي حيث انتهى الآخرون!
واذكريني متى ازدحمت الرؤيا بوجوه لا تعرفينها جيدا!
|
Post: #106
Title: Re: كلاكيت تاني مرة: قراءات عوزازية محضة!
Author: عزاز شامي
Date: 12-01-2006, 05:55 PM
Parent: #1
توفت ابنة صديقتي ذات العشر سنوات يوم الأربعاء الماضي في حادث في طريقها للمدرسة
لم أفق بعد من صدمة رحيلها المبكر وصوتها العذب ما زال صداه في أذني ...
سأرسل لها قصاصات شوقنا إلى أن يحين لنا فراق، قد يحين قريبا ...
مريم
غادرت على عجالة في يوم ماطر ظننته جميلا ودعته أبكيك وأبكى فراقك ...
ماما و بابا صابرين يا مريم وبيقولوا انك عصفور في الجنة و حتشفعي ليهم يوم القيامة... ربنا اكيد حيعوض صبرهم خير، انا متأكدة!
كنت جميلة اليوم في الصورة التي اخترناها لك اليوم ووضعناها فوق البيانو الجديد الذي اشتراه لك بابا هدية فوزك بالمسابقة
اختارها إخوتك من بين صور كثيرة أخرى و كتبوا خلفها إهداء أظنه سيصلك أينما كنت الآن (بنحبك يا مريم وحتوحشينا كثير)
كنت ترتدين مريلة المدرسة الزرقاء وقميص ناصع البياض و شعرك مشدود ومرتب
بديت كالملاك وابتسامتك الشقية تضيء وجهك الجميل وعيناك تشعان ببريق الذكاء والطيبة
قال لي أخوك إسماعيل وهو يضعها على سطح البيانو: مريم بتحب البيانو، ولو رجعت البيت أكيد أول مكان تروح له هو البيانو! باح لي إسماعيل بسر خطير اليوم! قال لي بأنه تحدث إليك بالأمس وانك أخبرتيه بأنك سعيدة حيث أنت وانك طلبت منه ألا يبكي وأن يخبرنا بألا نبكي أيضا! وفهمت الآن لما ظل يدور حولنا ويوزع المناديل و يربت على أكتافنا ويقول بأنك مبسوطة ولا تريدننا ان نبكي! لا تغضبي منه لأنه اخبرني بسركما، وأعدك بان ننفذ طلبك، سنحاول على الأقل!
سلمى اكتفت بهز رأسها و كلما اخترنا صورة وصفناها بأنها جميلة كانت تعلق بقولها (مريم حلوة واي صورة ليها أكيد حلوة!)
سلمى فعلا طيبة يا مريم! كان معاك حق لما كنا نضحك كل ما تهزي راسك زي الكبار وتقولي (البنت سلمى دي طيبة! حتنقطني يا ماما!)
زارنا اليوم باسل صديقك في الفصل و بدى متماسكا ولم يبك كثيرا! اكيد ماماته قالت له ما يبكي كثير! بس هو فعلا حلو وبيشبه احمد عز زي ما قلت لي زمان! قالي وهو طالع انو حتوحشيه كثير وانو موش حيروح نشاط المدرسة تاني من غيرك و قلت له انو انتي ممكن تزعلي لو هو ما راحش وفضل يفتكرك ويدعي لك كل ما يشتاق لك ... وعدني انو يدعي لك وانو يزرع لك شجرة صغيرة في الجنينة!
انتي بتعرفيه اكتر مني، تفتكري ممكن يلعب تاني؟
ناني لم تفق بعد من وطأ الصدمة!
كانت بتبص في طبق الفطور بتاعك على سفرة الأكل وتسألني: كيف تموت بهذه السرعة!؟
اعذريها يا مريم، هي فاكرة الموت بيجي بمعاد!!
لو كنت اعرف بس! كنت جيت المسابقة وحضرت معاكي التمرين و بطلت غلاسة الكبار اللي فاكرين الدنيا ماشة زي الساعة!
سامحيني يا مريم، بجد سامحيني، عمري ما افتكرت الموت ممكن ياخدك ابدا! حتى انا وماما كنا بنتخيل يوم فرحكم انتي وسلمى وكانت بتقول انو انتي حتريحهيا من التفاصيل وممن تلبسي بنطلون جينز يوم الفرح!
بحبك يا مريم وحتوحشيني كتير، كتير!
الجمعة 1 ديسمبر 2006
|
Post: #107
Title: Re: كلاكيت تاني مرة: قراءات عوزازية محضة!
Author: Kostawi
Date: 12-01-2006, 06:07 PM
Parent: #106
dfhdh
|
|
