Post: #1
Title: التخلع اللاإرادي
Author: عزاز شامي
Date: 10-28-2005, 07:43 AM
Parent: #0
في محادثة جميلة بين وبين صديقة افتقدها بشدة، أطلقت صديقتي هذه الصفة على ردة فعل شخص ما في موقف معين. انتزعت مني ضحكات من الأعماق ووجدت فيها كما هائلا من السخرية الجادة! استطردت صديقتي تشرح لي معنى هذه الجملة وقالت بأن هناك الكثيرون من الأشخاص الذين يعانون من حالة (التخلع اللاإرادي) وهي حالة تنتاب أولئك الذين يجنحون للعدوانية ولديهم ردود أفعال بحسب مزاجهم اليومي. يبدؤون أولا بالهياج اللامبرر يتلوه حالة من الصمم المتعمد ويسدل الستار على الحالة بأن تصبح هي شهيدة الموقف والضحايا الحقيقيون هم الجناة.... وبعدها بثوان معدودة ينهضون ويواصلون حياتهم كأن شيئا لم يكن! هي حالة أقرب للصرع ولكنها تحدث بسبق الإصرار والترصد .
تحليل صديقتي للحالة هو أن هؤلاء المتخلعون يبحثون عن الإثارة في حياتهم ولكنهم يفتقدون لسمات الشخصية المثيرة أو العميقة لأنهم غالبا رماديون ولا طعم لهم ولا لون. إذا الحل الأمثل لكسر رتبة شخصياتهم هو أن يخلقوا دراما من كل موقف بسيط خاصة لو كان خصمهم يتحلى بصفات يفتقدون إليها. يبرعون في لوي عنق الحقائق وتضخيم الأمور و لتتسلط عليهم الأضواء وينعموا بقليل من دفء الانتباه. تسعدهم رؤية تعابير الدهشة والصدمة على وجوه ضحاياهم ويتلذوون أكثر بالمجارة لهم مما يجعلهم يتمادون أكثر في تخلعهم.
طريقة المثلى للتعامل مع مصاب (التخلع اللا إرادي)
ينصح المجربون وضحايا هؤلاء النوع من الأشخاص بتجاهلهم وعدم الالتفات إليهم. أي حركة منك تدل على التجاوب سواء بالسلب أو الإيجاب ستجعلهم يتمادون أكثر ويتخلعوا فيك أكثر لجذب الانتباه اكثر ... فقط أسقطهم من حسابك أو اتخلع فيهم أنت كمان بس في هذه الحالة ستكون حالة تحت مسمى (التخلع الإرادي المرتد) والتخلع يجر تخلع !
|
Post: #2
Title: Re: التخلع اللاإرادي
Author: nashaat elemam
Date: 10-28-2005, 10:21 AM
Parent: #1
الاخت عزاز
بعد قراءتي لتحليل صديقتك.. تلفت حولي.. لاتذكر من من متخلع لا ارادي حولي..
وجدتهم كثر.. وكم مره مررت بمتخلع لا ارادي ولم انتبه.. شكراً عزاز لهذه الاضاءة
|
Post: #3
Title: Re: التخلع اللاإرادي
Author: ترهاقا
Date: 10-28-2005, 06:44 PM
Parent: #2
عزاز أخبارك؟
|
Post: #9
Title: Re: التخلع اللاإرادي
Author: عزاز شامي
Date: 10-29-2005, 07:14 AM
Parent: #3
أخوي ترهاقا ...
رمضان كريم يا سيد الناس
أختك بخير وتب التب وما عندي أي عوجه..
تسلم على السؤال
|
Post: #4
Title: Re: التخلع اللاإرادي
Author: عزاز شامي
Date: 10-29-2005, 06:50 AM
Parent: #2
أخوي نشأت ..
أجارك الله من المتخلعين الإراديين واللا إراديين
النوعين بيجيبوا خمة النفس ...
رمضان كريم ...
|
Post: #5
Title: Re: التخلع اللاإرادي
Author: humida
Date: 10-29-2005, 06:55 AM
Parent: #4
Quote: أجارك الله من المتخلعين الإراديين واللا إراديين
|
الله يرحم الفيل .. كان بتقلع براهو .. ! 
|
Post: #8
Title: Re: التخلع اللاإرادي
Author: صلاح الدين عبدالله محمد
Date: 10-29-2005, 07:12 AM
Parent: #5
اختى /عزاز
تحياتى
حاولت البس هذا التحليل على (الحيزبون والمبروك وشايل القفه)
بس المشكله الواجهتنى (الحيزبون) بتزازى وتكاجر ما عاوزه تدخله فى رقبتها
(المبروك وشايل القفه) عيدوا خلال لانه طلع مقاسهم تمام
|
Post: #12
Title: Re: التخلع اللاإرادي
Author: عزاز شامي
Date: 10-29-2005, 07:26 AM
Parent: #8
أخوي صلاح الدين وقلمه اللي بيلف كعب داير 
يا ريت تترجم الكلام لده لغير الناطقين بها ..
انا الأربي بتائي على ادي
|
Post: #10
Title: Re: التخلع اللاإرادي
Author: عزاز شامي
Date: 10-29-2005, 07:22 AM
Parent: #5
حميضة أفندي ..
سلام ندي بطعم القرفة والقرنبيط
الفيل ممكن يقلع براهو بس لو ما جا في الميعاد بتجيبوا نت؟
سؤال بديهي تبادر إلى ذهني عندما رأيت انعكاس ظل الفيل على صحن القراصة ...
|
Post: #6
Title: Re: التخلع اللاإرادي
Author: jini
Date: 10-29-2005, 07:07 AM
Parent: #1
Quote: وهي حالة تنتاب أولئك الذين يجنحون للعدوانية ولديهم ردود أفعال بحسب مزاجهم اليومي. يبدؤون أولا بالهياج اللامبرر يتلوه حالة من الصمم المتعمد ويسدل الستار على الحالة بأن تصبح هي شهيدة الموقف والضحايا الحقيقيون هم الجناة.... وبعدها بثوان معدودة ينهضون ويواصلون حياتهم كأن شيئا لم يكن! هي حالة أقرب للصرع ولكنها تحدث بسبق الإصرار والترصد .
|
الرئيس المخلوع جعفر نميرى!
جنى
|
Post: #7
Title: Re: التخلع اللاإرادي
Author: ابو جهينة
Date: 10-29-2005, 07:12 AM
Parent: #6
الأخ Jini
عليك الله المخلوع هو نميري ولا ( الجزولي دفع الله ) ..؟؟؟؟ 
عزاز
| Quote: التخلع اللاإرادي) وهي حالة تنتاب أولئك الذين يجنحون للعدوانية ولديهم ردود أفعال بحسب مزاجهم اليومي. يبدؤون أولا بالهياج اللامبرر يتلوه حالة من الصمم المتعمد ويسدل الستار على الحالة بأن تصبح هي شهيدة الموقف والضحايا الحقيقيون هم الجناة.... وبعدها بثوان معدودة ينهضون ويواصلون حياتهم كأن شيئا لم يكن! هي حالة أقرب للصرع ولكنها تحدث بسبق الإصرار والترصد . |
صدقيني النوع دة بيحتاج لكية في نهاية العنق عند بصير
|
Post: #13
Title: Re: التخلع اللاإرادي
Author: عزاز شامي
Date: 10-29-2005, 07:29 AM
Parent: #7
الرائع أبو جهينة ...
انا عن خاسة نفسي ده طرفي منهم ومن تخلعهم ...
بس في ساعة جنونة نوبية ممكن انفصم وابقى متخلعة
لا إرادية مرتدة ولا أجدع من كده!
|
Post: #11
Title: Re: التخلع اللاإرادي
Author: عزاز شامي
Date: 10-29-2005, 07:24 AM
Parent: #6
المتسابق jini
الاجابة غير صحيحة
الحل هو المواطن الذي انتجته هذه الحكومة
|
Post: #14
Title: Re: التخلع اللاإرادي
Author: humida
Date: 10-29-2005, 07:32 AM
Parent: #11
| Quote: سؤال بديهي تبادر إلى ذهني عندما رأيت انعكاس ظل الفيل على صحن القراصة ... |
والله انتي طلعتي أكعب مني ..
|
Post: #16
Title: Re: التخلع اللاإرادي
Author: عزاز شامي
Date: 10-29-2005, 09:44 AM
Parent: #14
Quote: والله انتي طلعتي أكعب مني ..
|
إنها الحياة يا بني!
|
Post: #15
Title: Re: التخلع اللاإرادي
Author: Hussein Mallasi
Date: 10-29-2005, 07:33 AM
Parent: #11
سلامات يا عوزاز
| Quote: وهي حالة تنتاب أولئك الذين يجنحون للعدوانية ولديهم ردود أفعال بحسب مزاجهم اليومي. يبدؤون أولا بالهياج اللامبرر يتلوه حالة من الصمم المتعمد ويسدل الستار على الحالة بأن تصبح هي شهيدة الموقف والضحايا الحقيقيون هم الجناة.... وبعدها بثوان معدودة ينهضون ويواصلون حياتهم كأن شيئا لم يكن! هي حالة أقرب للصرع ولكنها تحدث بسبق الإصرار والترصد . |
اخشىان ذكرت لكم اسطع نموذج للمتخلع اللا إرادي؛
ان افتح على نفسي ابواب جهنم.
|
Post: #17
Title: Re: التخلع اللاإرادي
Author: عزاز شامي
Date: 10-29-2005, 09:57 AM
Parent: #15
حوسين ملاسي سخسيا !
يا مرحبا يا مرحبا!
Quote: اخشى ان ذكرت لكم اسطع نموذج للمتخلع اللا إرادي؛
ان افتح على نفسي ابواب جهنم |
أنا أسمي مكتوب؟
عموما علشان نقطع الشط بالبسين أقصد الشك باليقين يا ريت من جبش سيرة الناس
احنا في رمضان ورمضان شهر الرحمة والغفران واللي وقعت منه حاجه يحوشه،إلا بالحق
أخبار الحلو معاكم إيه؟
وعليه،
من هنا.. من أرض الحضارات، أعلنها واضحة لا فاضحة أنو انا ضد سياسة الانحباس قصدي الانحياز وضد مبدأ الرأسمالية وقانون اللي معاه قرش يسوى قرش ...
وكل عام وانتوم بخير
نهاية النشرة
|
Post: #18
Title: Re: التخلع اللاإرادي
Author: showgi idriss
Date: 10-29-2005, 11:37 AM
Parent: #17
عزاز أيتها الرائعة دوماً..
تتحفينا .. باخراج دواخلنا..
هذا المرض يجب ان يدرج ضمن ألامراض المتسكرة..والمنضغطة..
لكن ليها علاج...
وأعتقد أحسن علاج.. (التبريد)..
ولو ما نفع..
التجميد..
واستخدام الوصفة العكسية عند (اللزوم)
كل عام وانت بخير
أبوالشوش
|
Post: #19
Title: Re: التخلع اللاإرادي
Author: عزاز شامي
Date: 10-29-2005, 11:56 AM
Parent: #18
أهلا أهلا بأبو الشوش ...
مساءك ورد وفل وريحان
شوف يا سيدي ..
**انت تجيب كيلو (استعنا بالله) وشوية (اللهم طولك يا روح)
وما تنساش ترش البرود على الموضوع
أول ما الحالة تظهر تروح مطلع الأولى وتديه اللي في النصيب ولو حبكها شوية
تشمر عن اكمام الصبر وتطلع التانية ...
وفي كل الحالات انصح باستخدام نظرية (كبر دماغك)
وبما أنو استاذ/ه (منخلع لا إرادي ) طفل/ة المعجزة، لازم القعدة يكون فيها حد كبير يا انت يا دماغك!
** مقتطفات من كتاب (الدماغ العالية) تاليف عزاز شامي
|
Post: #20
Title: Re: التخلع اللاإرادي
Author: showgi idriss
Date: 10-29-2005, 12:42 PM
Parent: #19
أنا ما عارف مديري دا صابر علي لمتين..
بقت بوستات تضحكني لما أهستر..
هسع كدا كويس يا عزوز..
جا لقانى بضحك ومغتي وشي.. لقيتو خاتى كوعو .. ويعاين لي..
صدقيىن ما فهم حاجة.. بقيت أقول ليهو ..المنخلع اللاارادي.. وبرود..
لمن زهج ومشى..
بعد شوية لقيتو هو زاتو بيضحك...من شنو ؟؟ ما عارف..
|
Post: #21
Title: Re: التخلع اللاإرادي
Author: عزاز شامي
Date: 10-30-2005, 06:24 AM
Parent: #20
انك محظوظ محظوظ يا ولدي!
كون انو مديرك يشوفك بتضحك وما ينخلع فيك دي براها حمدة كبيرة...
|
Post: #22
Title: Re: التخلع اللاإرادي
Author: عزاز شامي
Date: 10-30-2005, 06:29 AM
Parent: #1
30 اكتوبر 2005
كنت ضحية لحالة تخلع لا إرادي حادة من أحدهم نقلت على آثرها لدرجات عليا من الصبر والتوكل على الله. لا ضحايا أو خسائر في الأرواح الطيبة أو الشريرة لأنو الأولى انتقلت للرفيق الأعلى منذ زمن طويل والثانية مصفدة نظرا لحلو شهر رمضان مبكرا هذه السنة.
ومن هنا احب أن أطمئن جميع الحادبين بأن حالتي مستقرة ولست أعاني سوى من رضوض في نفسيتي اليمين وتنميل في مزاجي الشمال وهي أعراض ستزول بزوال شوفة المتخلع قريبا في نهاية الدوام.
فتكم بعافية
أنا، جنى حشا أمي وبنت أبوي
درب التبانة
الكرة الأرضية
|
Post: #23
Title: Re: التخلع اللاإرادي
Author: showgi idriss
Date: 10-30-2005, 09:54 AM
Parent: #22
أنا، جنى حشا أمي وبنت أبوي
درب التبانة
الكرة الأرضية
عزاز العنوان دا بي وين من نقة هدوم العيد؟؟؟
شمال دهان المجلس
والا جنوب تغيير الموكيت..؟؟؟
انا هسع جنب خبيز العيد...ما لاقي باكينج بودر لكل المعجنات!!!
|
Post: #24
Title: Re: التخلع اللاإرادي
Author: عزاز شامي
Date: 10-30-2005, 10:33 AM
Parent: #23
| Quote: عزاز العنوان دا بي وين من نقة هدوم العيد؟؟؟ |
العنوان ده لسكان دولة الوحدة والخواء الفاضي...
عيدهم بيشوفوه في شاشات التليفزيون وبينامو نهارهم كله علشان يمر العيد بسرعه وترجع السواقي تشيلهم وتلهيهم...
و الله زمااااان يا أبو الشوش من أخر مرة اشتريت فيها فستان أعيد بيه!!!
العيد في دولتنا مجرد تاريخ على الرزنامه، بعلمه بالأحمر علشان ما أنسى وأمشي فيه الشغل...
بس برضه ما يمنع،
كل عام وانتم بخير وعيد سعيد وكل الكلام الحلو اللي بيتقال في المناسبات السعيدة دي..
نهاية النشرة
|
Post: #25
Title: Re: التخلع اللاإرادي
Author: lana mahdi
Date: 10-30-2005, 10:54 AM
Parent: #24
| Quote: العيد في دولتنا مجرد تاريخ على الرزنامه، بعلمه بالأحمر علشان ما أنسى وأمشي فيه الشغل |
الحبيبة المدهشة عزاز
معقولة بس؟
عيدك المرة دي مختلف
لانو كلنا حواليك و كل البحبوك.
مثلك خليق أن يحتفي بالعيد و يحتفي العيد به
وتسلمي أيتها الرافية
وعيد مختلف و سعيد
لنا
|
Post: #26
Title: Re: التخلع اللاإرادي
Author: عزاز شامي
Date: 10-30-2005, 12:29 PM
Parent: #25
الحبيبة لنا المهدي ..
سلامات ممتدة بآلاف السنوات الضوئية ..
مرورك بحد ذاته عيد خليك من تكوني في الجوار.
الحبايب كتار يا حبيبة بس بيني وبينهم غربة ومطارات وخطوط هاتفية تنقل صوتهم بدفء اقل وبحة صوت مخنوق ...
زمان العيد كان صاخب، مليان ألوان وأصوات دافية تصحيك من نومك...
تجرك اللهفة لجلسات فرح ممتدة بلا عقارب ساعة ولا مواعيد...
يومنا بيبتدي من غير ما نحس وبتشيلنا خطاوينا المشتاقة من بيت فلانه لعند علانة ومنها لوالدة فلتكانة..
جرادل الخبيز مرصوصة وعلى كل وحدة منهم بطاقة (عيد سعيد)...
واعيادي الحالية نوع واحد من الكعك بسكر،غالبا ما يبقى ممتلئا حتى إشعار آخر!
يا لنا،أعيادي كل يوم بتفقد وجه جديد، مرة القدر ومرات عديدة السفر!
بس برضو ما يمنع، القدر بيعوضنا بناس حلوين نتمنى لو نصافحهم أيد بأيد ونعانقهم ونتمنى ليهم أعياد سعيدة مديدة تنعاد عليهم وهم ملمومين....
كل سنة وأنت طيبة
و إن شاء الله أيامك كلها أعياد 
|
Post: #27
Title: Re: التخلع اللاإرادي
Author: عزاز شامي
Date: 11-08-2005, 01:05 PM
Parent: #1
كل سنة والمتخلعين والضحايا بألف خير ...
اكتشفت انو المتخلعين دي خشم بيوت وحوالينا في كل مكان حتى في بيت الله!
في رحلتي الروحانية الأخيرة لمكة المكرمة شفت موديلات من التخلع اللاإرادي يفرد لها صفحات وصفحات ..
في الطواف والواحد بين ايدين الله اسمع صوت جهوري في وداني خلعني وخلاني اقول دعاء التشهد التاني من غير راي !!! وإذا بإذ ويد غليظة شالتني ورمتني بعيد، التفتت من باب الفضول علشان اعرف الحاصل شنو لقيت زول عبارة عن شلة بيلزني وبيقول لي انت ماشه وين؟ انت ما شايفه الزحمة؟ ياخي ما تخلوناش نكفر !!!
انا اتحيرت ! يا ربي انا وين؟ ده مش الحرم؟ مش الطواف حول الكعبة ولا نقلوه مكان تاني؟ الزحمة دي انا جبتها معاي من البيت ولا البيت بيت الله وبيشيل الكل؟ اسئلتي ظلت بلا أجوبة وعيون الراجل الحمرا ترميني بالشرر والويل والثبور لذنب لازلت اجهله لحد كتابة هذه السطور!
طيب ...
تاني يوم شلت سجادتي زي البنت الشاطرة ويممت وجهي صوب بيت الله الحرام، اتلموا فيني معتمرات مكناتهم مكنة رجالي وشكلهم نسوان وهات يا لز ! ولما اتلفت بس علشان اشوف الحاصل تجيني اللكزة من حيث لا احتسب وهات يا شتايم نوع يا أيه هو ده يا اختي؟ انت اتجننتي؟ ما اوعي من السكة لحسن اخبطك بالشنطة!!
حدثت نفسي قائلة: اجي يا اخواني؟؟؟؟ انا سويت شنو؟
يا ربي يمكن انا عامله زحمة للـ 2 مليون معتمر وانا ما عارفة !!!
وقت الفطور شلت مويتي وبلحتي قلت افطر في الحرم ... تصدقوا وصلت الحرم من غيرهم؟؟!! برضو اتلموا فيني وشالو مني الفطور وفكيت صيامي بعد ما الصلاة خلصت ورجعت الفندق روحي متشحتفه على موية ساقطة!
عاد صلاة العيد مودوع تاني! المرة دي دحوني ومعطوني معيط الجداد (مصطلح مستعار من صديق الموج) ورجعت لأمي دمعتي في عيوني واتذكرت لما كنت شافعة والاولاد يدقوني وارجع البيت ابكي ألمي وضعفي
اهن ..
سوعال ملح:
انا ليه بتخلعوا فيني البشر؟
|
Post: #28
Title: Re: التخلع اللاإرادي
Author: Gafar Bashir
Date: 11-08-2005, 01:29 PM
Parent: #27
Quote: تحليل صديقتي للحالة هو أن هؤلاء المتخلعون يبحثون عن الإثارة في حياتهم ولكنهم يفتقدون لسمات الشخصية المثيرة أو العميقة لأنهم غالبا رماديون ولا طعم لهم ولا لون. إذا الحل الأمثل لكسر رتبة شخصياتهم هو أن يخلقوا دراما من كل موقف بسيط خاصة لو كان خصمهم يتحلى بصفات يفتقدون إليها. يبرعون في لوي عنق الحقائق وتضخيم الأمور و لتتسلط عليهم الأضواء وينعموا بقليل من دفء الانتباه. تسعدهم رؤية تعابير الدهشة والصدمة على وجوه ضحاياهم ويتلذوون أكثر بالمجارة لهم مما يجعلهم يتمادون أكثر في تخلعهم.
|
العزيزة عزاز
شكرا لهذا الموضوع ...
عارفة الحالة دي ما كنت لاقي ليها اسم بس .... لكن كل يوم بتشوفيها وبتقري عنها ... بتلاقيك بي سبب وبدون سبب ... والاجمل هو الحل الذكي.
Quote: تاني يوم شلت سجادتي زي البنت الشاطرة ويممت وجهي صوب بيت الله الحرام، اتلموا فيني معتمرات مكناتهم مكنة رجالي وشكلهم نسوان وهات يا لز ! ولما اتلفت بس علشان اشوف الحاصل تجيني اللكزة من حيث لا احتسب وهات يا ردح نوع :أيه هو ده يا اختي؟ انت اتجننتي؟ ما اوعي من السكة لحسن اخبطك بالشنطة!!
|
شكلك حاتبقي عنصرية بعد زيارة بيت الله الحرام؟
ثمة اضافة اخري الي الموضوع وهو سؤال حول ما الذي سيحدث حينما يتضامن المتخلعون لا اراديا مع بعضهم البعض ومن ثم يشكلوا مجموعة دائمة العمل والحركة مع بعضها البعض ولا تستطيعين تجاهلهم لانهم في هذه الحالة لن ينتظروا حتي مجيئك اليهم بل ستجدينهم في كل مكان ... هل يصبح الحل قابلا للتطبيق في هذه الحالة ام ان هنالك طرق بديلة.مجموعة لاطعم لها ولا رائحة وابعد ما تكون عن العمق بل هي في اعلي درجات السطحية ولكنها قادرة علي الذهاب الي اي مكان سواء بقصد او دون قصد وسواء كان القصد سيئ او باعتباره حالة مرضية. هل من بدائل غير الصمت الذي يمكن الا يجدي.
وهل هو مرض فعليا يحتاج الي مسشفي ... علي الاقل نفسي ...
|
Post: #33
Title: Re: التخلع اللاإرادي
Author: عزاز شامي
Date: 11-21-2005, 07:06 AM
Parent: #28
| Quote: ما الذي سيحدث حينما يتضامن المتخلعون لا اراديا مع بعضهم البعض ومن ثم يشكلوا مجموعة دائمة العمل والحركة مع بعضها البعض ولا تستطيعين تجاهلهم لانهم في هذه الحالة لن ينتظروا حتي مجيئك اليهم بل ستجدينهم في كل مكان |
الاخ جعفر بشير ...
فرد واحد متخلع، فردين متخلعين ،مجموعة (سجمك) ما لقيت ليك غير انو ادعو ليك بالسلامة!
| Quote: هل يصبح الحل قابلا للتطبيق في هذه الحالة ام ان هنالك طرق بديلة |
اقترح عليك نفس الحل وتضربه في عدد المتخلعين من حولك ... يعني تشيل الصبر ثلاث مرات وتلعن الشيطان نفس العدد...
| Quote: هل من بدائل غير الصمت الذي يمكن الا يجدي |
الصمت حكمة في كثير من الأحيان ويفضل أن يتبعه تنهيدة تودعها كل الأوكسجين المتبقي في صدرك ... وسر بعيدا وابحث عن هواء نقي!
| Quote: وهل هو مرض فعليا يحتاج الي مسشفي ... علي الاقل نفسي ... |
وعلى الاكتر؟ مستشفى الولادة علشان يرجعوا مكان ما كانو؟
الدنيا كلها مستشفى مجانيين نحبسهم نوديهم وين؟ مستشفى المجانين، حيث تضم جدرانه اعقل الناس؟؟؟ اقتراح غير موفق خليهم هنا معنا يأنسونا ونأنس بهم
|
Post: #29
Title: Re: التخلع اللاإرادي
Author: saadeldin abdelrahman
Date: 11-08-2005, 05:08 PM
Parent: #27
عزاز
سلام وكل سنة وانتو طيبين
تقبل الله صيامك وقيامك واعتمارك..
طبعا بوستيكي دا نزل وانا قيد الإقامة الجبريه لكن كنت متابعو بالرادي
غايتو بي الحصل ليكي ده ذكرتيني اخونا الحلفاوي الشايل ليهو شوال من اللعنات مكتوبه
..بتكوني عارفاها يا كنداكه
بس ان شاء الله تكوني طريتينا بي دعوه..ان شاء الله بنبوني
المؤمن مصاب يا بنتي .
|
Post: #34
Title: Re: التخلع اللاإرادي
Author: عزاز شامي
Date: 11-21-2005, 07:18 AM
Parent: #29
الوالد سعد الدين
كل سنة وانت طيب والقابلة زي ما تتمنى
بالله موضوعي سمعته في الرادي؟ يعني انا بقيت مشهورة في الاقاليم وما جاورها؟
| Quote: غايتو بي الحصل ليكي ده ذكرتيني اخونا الحلفاوي الشايل ليهو شوال من اللعنات مكتوبه |
بما اني زولة مواكبة للتطور طلبت من كل زول دفرني يديني ايميله
علشان اوريهم المكشن بلا بصل لما ارجع اهلي سالمه...
معقولة بس اديهوا ورقة يقوم يقراها ويلبد لي في اللفة؟؟
|
Post: #36
Title: Re: التخلع اللاإرادي
Author: saadeldin abdelrahman
Date: 11-22-2005, 09:01 PM
Parent: #34
Quote: بما اني زولة مواكبة للتطور طلبت من كل زول دفرني يديني ايميله
علشان اوريهم المكشن بلا بصل لما ارجع اهلي سالمه...
معقولة بس اديهوا ورقة يقوم يقراها ويلبد لي في اللفة؟؟ |
هههه مواكبة شديد لكن
المكشن بلا بصل ده فايروس
حق الBird flu
|
Post: #30
Title: Re: التخلع اللاإرادي
Author: عبد الله عقيد
Date: 11-08-2005, 09:15 PM
Parent: #1
العزيزة عزاز
تحية
وكل عام وانت بألف خير
وان شاء الله القابلة على امنياتك
هو بالله انتي الكنتي عاملة الزحمة دي في الحرم !!؟؟
شايفك زعلانة من المدافرة..
اظنك على حس انو هاجر دي نوبية مشيتي عملتي فيها
ست البلد وعايزة تاخدي راحتك خالص وتمشي في مساحة
كبيرة..
بعدين اعمامك حمزاوي وابو جهينة ما كانو هناك
كان مفروض يعملو ليك سياج زي بتاع الرؤسا داك
ويقولوا للجماعة دي حفيدة هاجر..
ربنا يتقبل مننا ومنك
مع خالص التقدير
|
Post: #31
Title: Re: التخلع اللاإرادي
Author: إسماعيل وراق
Date: 11-09-2005, 04:59 AM
Parent: #30
الأخت عزاز
عيد سعيد
بعد الإطلاع على تحليل صديقتك
ومراجعة تشخيصها لحالة التخلع اللا إرادي
وجدت أن هناك علاقة بينه وبين داء الشعبطة..
ولا غضاضة من كتابة روشتة علاجية واحدة.
بالله أضغطي على البوست دا
المتشعبطون
|
Post: #35
Title: Re: التخلع اللاإرادي
Author: عزاز شامي
Date: 11-21-2005, 01:05 PM
Parent: #30
أخوي عبدالله عقيد
كل سنة وانت طيب والقابلة على امانيك | Quote: هو بالله انتي الكنتي عاملة الزحمة دي في الحرم !!؟؟ |
شفت بالله! ادوني شعور اني دفار ولا عربية كارو مش بنوته صغنتوته ماشة تعيد
Quote: اظنك على حس انو هاجر دي نوبية مشيتي عملتي فيها
ست البلد وعايزة تاخدي راحتك خالص وتمشي في مساحة كبيرة.. |
طبعا الزول لو داير يتمدد ويتسلبط في مجد ستنا هاجر ،اللغة العربية
دي كنت نضجتكم بيها نضاج وكنت فلقت ليكم راسكم بأنو
(اهنا ده اللي المناكم الاربي)
الترجمة: احنا ده اللي علمناكم العربي 
ارقد عافية
|
Post: #32
Title: Re: التخلع اللاإرادي
Author: عزاز شامي
Date: 11-20-2005, 06:26 PM
Parent: #1
اعزائي ضحايا التخلع اللا ارادي...
ايمانا مني بأهمية مواجهة التخلع اللا ارادي المستشري بيننا، سأورد بعضا من الانماط المركبة لهذا السلوك.
فيما يلي حوار ثنائي يستحيل لركن نقاش مع نكهة ( ون مان شو one man show)
أنا ما بكلمك أنت!
عمرك اضطريت تنبه زول لمعلومة مهمة خلال حوار بينك وبين زول تاني انو هو ما طرف في النقاش؟! يعني انت بتكلم س فجأة يجيك ص وينط في الموضوع وبلا مقدمات تلاقي انو ص استلم الدفة وخلا الموضوع حقوا وكمان بيسكت فيك انت وس! ولما تسال س، ص يرد عليك! في حين انو العلاقة بينهما لا تعدوا كونهما حروفا ابجدية وليسو توائم سيامية...
انت عارف يا س انو انا اتوقعت انو blah blah blah ... ينتفض ص ويعلق بحرارة انو هو ما كان قصده كده ابدا! ارجع تاني اقول لـ س انو تصدق يا س (واناديه بأسمه منعا للالتباس) انو انا في الموقف الفلاني كان رأي انو so and so برضو اخونا/اختنا ص يتبرع برأيه مع انه ما كان مدرج في لائحة المرسل إليهم ...
في النهاية تشيل الصبر وتحاول ان تكون مخارج الحروف واضحة بما يكفي وتنادي ص بأسمه للمرة الاولى منذ جمعكم المكان وتفول: أنا ما بكلمك أنت!
بس برضو، ما تستغرب لو اتلفت ص لـ س وقال ليهو: انت ما بتفهم؟ هي ما بتكلمك!!
لو حصل، امشي اقرب بحر واقع و اتأكد انك ما تجي راجع إلا مبلول!
|
Post: #37
Title: Re: التخلع اللاإرادي
Author: showgi idriss
Date: 11-24-2005, 07:06 AM
Parent: #32
عزوز وينج.. حمدلله على السلامة .. افتقدناك بي هنوك..
وبما انني بعد قرائتى لبوستك ... تشخيص التخلع الاارادي.. عرفت ان مجموعة كبيرة من الذين حولي هم يحملون هذا الفايروس.. وبعد أن اعطيتهم بعض جرعات من التطبيب من وصفاتك فأعرفك ان النتائج كانت باهرة.. ولكنى اكتشفت أنه يمكنك تجنب الاصابة به اذا اخذت (برود فاكسين).. وهو لقاح يعطى في عمر متأخر.. وينصح به لمرضى السكر والضغط..والمبشرون به .. ومن لديهم القابلية بالاصابة بداء الزعل بسرعة...
وجدت أن وصفة اللهم طولك يا روح ... علاج يزيل الانتفاخ في المصران.. ويسهل استنشاق الاكسجين..
لكن المحيرني في ناس عندهم تخلع ارادي.. والواحد عندو القدرة على تعكير صفوك حتى اذا حكى ليك نكتة عن شايقي...
وما تضحك!!
ديل علاجهم شنو.. انشاءالله تكوني دعيتي لي...معاكيي؟؟؟
أبوالشوش
|
Post: #38
Title: Re: التخلع اللاإرادي
Author: عزاز شامي
Date: 11-25-2005, 11:09 AM
Parent: #37
اخوي الكبير شوقي إدريس
Quote: لكن المحيرني في ناس عندهم تخلع ارادي.. والواحد عندو القدرة على تعكير صفوك حتى اذا حكى ليك نكتة عن شايقي...
وما تضحك!! |
ديل حلهم يا سيدي انو تذاكر مسرحية (العيال كبرت) و (مدرسة المشاغبين) وكل ما تقابل واحد من النوع ده تقعد تسمع لروحك مشهد من المسرحية وتضحك برااااااك!
|
Post: #39
Title: Re: التخلع اللاإرادي
Author: saadeldin abdelrahman
Date: 11-26-2005, 09:46 PM
Parent: #1
فقـط لفك الخلعه الــدخلت الناس والتي تجعل أصابعك ترتعش
كلما قررت فتح المنبر هذه الأيام..لذا قررت أن لا اقفل الصفحة اصلا!
..وعاودتني نفس المشكلة مع زر الRefresh
الله المستعان
|
Post: #40
Title: Re: التخلع اللاإرادي
Author: عزاز شامي
Date: 12-08-2005, 06:44 AM
Parent: #1
نعاود تقديم الحصص للفصل الدراسي الثاني من مادة (كيف تكتشف المتخلعين من نحولك)
الق نظرة متفحصة على الأشخاص الذين تتعامل معهم بشكل يومي، هل تستطيع تصنيفهم من حيث المزاجية والانتقائية؟
إذا كانت إجابتك بـ (نعم) فأنت تعيش في وضح يحمل بذورا لأشخاص متخلعين لاإراديين
أما إذا كانت إجابتك بـ (لا) فهناك احتمالين:
أتن تكون حسن النية وقليل الملاحظة
أو انك من اولئك القلائل المحظوظين
سنعالج الأمر بشكل عام على افتراض أننا جميعا عرضة للتعامل اليومي مع هؤلاء المتخلعينن ؟؟؟
مزاجية التعامل هي المدخل الأول لاكتشاف أي متخلع لاإرادي محتمل .. بمعنى:
يوم يصبحوا عليك ويوم يتجاهلوك كأنك مكتوب بالحبر السري..
بيعرفوا اسمك الكامل والتطعيمات اللي اخدتها في حياتك ومع ذلك يصرون على التظاهر بأنهم نسوا اسمك
يتجاهلون الرد على إجاباتك على اسئلة طرحت مسبقا من طرفهم
تخطيك بتعمد في الحوار
تغيير القناعات بحسب الطقس أو ما تناولوه عشاءً بالأمس ...
انتهى الدرس
|
Post: #41
Title: Re: التخلع اللاإرادي
Author: Ali Alhalawi
Date: 12-08-2005, 07:23 AM
Parent: #40
و فى بحث أجرأه بروفسور حلاوى .. رئيس قسم التّخلغ بجامعة خالعوين تناول التخلع بنوعيه الأرادى و الا إرادى .. و فى الدراسة ثبت أن نسبة المتخلعين إراديا من الرجال تبلغ 5% بينما تبلغ 95% عند النساء .. و تبلغ نسبة المتخلعين لا إرداديا من الرجال 27% و فى النساء 73%
فى الحقيقة يا أختى عزاز أنا مع هذة الدراسة و أعتقد ان نسبة التخلّع عند النساء هى أكثر بكثير مما ذكره البحث
|
Post: #42
Title: Re: التخلع اللاإرادي
Author: عزاز شامي
Date: 12-16-2005, 07:30 AM
Parent: #41
بروفيسور حلاوي ...
تحايا نضرة لا تشوبها شائبة من تخلع ...
أدهشني بحثكم وهزتني النتائج ومدى فعالية التخلع اللاإرادي الرجولي وتأثيره الايجابي في زيادة الإنتاج التخلعي اللارادي لدى النساء...
كثيرا ما نادينا بالمساواة مع الرجل، وكم هو جميل بأننا تقدمنا على الرجل في هذا المجال والذي كان هو قدوة لنا فيه ...
من المثلج للصدر أن تنمي المرأة حسها الإرادي وتتخلع بكامل قواها العقلية في حين تتراجع هذه المقدرة عند الرجل كتراجع مقدراته في hunting وتوفير الملجأ...
عمومان ...
ارى بأن النتائج غير دقيقة فهي لا توضح فائض المتخلعين اللاراديين من الرجال وتظهر النساء متفوقات في كلا المجالين وهو ما يعصب حدوثه: يا تتخلع إرادي يا لا ارادي ! لا يمكنك ممارسة التخلعيين فنحن في نهاية الأمر بشر!
عزاز شامي
المدير العام لمركز الدراسات التخلعية وتأثرها بالجندرة
بروفيسور الدراسات التخلعية
جامعة الدنيا أم قدود
ضواحي ام صفق عراض
|
Post: #43
Title: Re: التخلع اللاإرادي
Author: عزاز شامي
Date: 01-13-2006, 04:30 PM
Parent: #1
حبايبي ضحايا التخلع بشقيه، الإرادي واللا إرادي
الزوار والقراء
عيد سعيد والقابلة طيبين
|
Post: #44
Title: Re: التخلع اللاإرادي
Author: عزاز شامي
Date: 01-24-2006, 07:01 AM
Parent: #1
احتفاء بخروج المتخلعين لا إراديا من جلودهم، ارفع هذا البوست كمرجع لهم ولضحاياهم الاعزاء ...
لا بيد اني ، اشيد ووارفع ايات الاعجاب بقدرتهم الرائعة في خلق حوار طرشان يدوم
و يدوم
و يدوم
و يدوم
و يدوم
و يدوم
و يدوم
و يدوم
و يدوم .......
كفاية، بس هو برضو بيدوم!
|
Post: #45
Title: Re: التخلع اللاإرادي
Author: showgi idriss
Date: 01-24-2006, 07:27 AM
Parent: #44
عزوووز انسسيي
وينج.. طولتي الغياب؟؟؟
مازلنا نتابع بحثكم في موضوع المتهجمين .. والمدافعين.. النطاحيين والمنطوحين.. وفي كل الحالات الذكور لديهم قرووون والاناث أيضاً .. لذا أدعم بصفة ذكورية بحث البروفسور أعلاه..
وبما أن عدد نطحات السيدات أكثر تخلعاً من (نطيح) الشواطح..
فارى أن تعيدي نظر في دراستك ..
ماعدا
يمروا عليك الصباح وما حدش شافك
يمر عليك الظهر وياخدك بالأحضان
بعد خمس دقائق كأن ما شافك
بعد عشرة دقائق يجي يقعد معاك ويدقها ونسة ويفتح ليك كل ملفاتوا.. ويعرفك على كل قبيلتو..
حسب دراستك
إيه دا؟؟
ارادي والا لا ارادي..والا لا ارادى ولا ارادي..
|
Post: #46
Title: Re: التخلع اللاإرادي
Author: ريهان الريح الشاذلي
Date: 01-24-2006, 09:28 AM
Parent: #45
جنس خلعة
|
|