Post: #1
Title: حلفة راس السنة عندي يا جماعة!!!
Author: عزاز شامي
Date: 12-31-2005, 05:42 PM
Parent: #0
رصوا الكراسي هنا ..
لا دايراها صفين صفين وفي النص خلوا المكان فاضي للرقيص
صحون العشا رصوها هناك في السفرة جنب الشباك علشان الهواء الطلق
دقيقية! وين الساوند؟
طيب المسجل شغال كويس ؟ الشرايط جاهزة؟ ولا اغني ليكم انا بالجيتار ؟
العصاير وين والشاي والقهوة؟ جهزوها لي في ترامس وبخروا الكبابي ...
مديدة البلح جاهزة؟
خليها على نار هادية علشان ما تبرد ...ايوه كده تمام!
الواقع:
بجامة تقيلة وشراب كورة مخطط بي ابيض وكباية شاي بالليمون لزوم الانفلونزا واكياس هدايا ما فكيتها لغاية حسي علشان اتفاجأ بكرة الصباح واوهم نفسي انو (سانتا كلوز) حقيقة وليس حافزا شرائيا ....
ومسجات تتطاقش ، وامنياتي وزعتها بالتساوي لكل من حباه الله اليوم بحفلة كاربة داخل وخارج مدينتي، وسمعت اصوات غالية على البعد تهديني اجمل امنياتها مع انو الساعة عندهم 5العصر ..يااااه ! حليلك يا ايام اللمة! ...
ويالله يا ماما تعالي نتفرج تليفزيون ونحضر الناس المهيصة للصباح!
الساعة 12 طق، تبادلنا القبل أنا ومامتي والبنت ووزعنا حلاوة ورجعنا قعدنا تاني قدام التليفزيون زي الترتيب! والساعة 1:30 ماشية انام بابتسامة لا تفارق وجهي الصبوح! تصدقوا انو ابسط راس سنة كان بيكون فيه 15 شخص! كلهم عيلة واحباب واصحاب والباب بيفضل مفتوح والسفرة ممدوة والدعوات لرب كريم بالتوفيق وانو يجمعنا دائما على خير ...
بس ده ما يمنع انو 2005 غادرتنا بحلوها ومرها، وعدينا فيها تحديات وفتحنا فيها أبواب وطوينا فيها صفحات ...
واستقبلنا 2006 بالاحضان وكوباية شاي دافية زي قلوب الحبايب الحاضرين والغايبين ...
اتمنى لكم جميعا سنة جميلة، ندية، خالية من الكرب تحققون فيها كل الاماني والأحلام ...
وكل عام وانتم بألف خير
|
Post: #2
Title: Re: حلفة راس السنة عندي يا جماعة!!!
Author: lana mahdi
Date: 12-31-2005, 05:47 PM
Parent: #1
| Quote: حلفة راس السنة عندي يا جماعة!!! |
قلبي عندك يا حبيبة يا غالية يا ستنا
اتقلبت حلفة؟
وانفلونزا كمان؟
كل سنة و أنت طيبة يا عزاز
وأنت بكل هذا النقاء و الطيبة و البراءة والصفاء
محبتي
لنا
|
Post: #3
Title: Re: حلفة راس السنة عندي يا جماعة!!!
Author: Hussein Mallasi
Date: 12-31-2005, 05:55 PM
Parent: #2
و انت بالف خير يا عوزار.
|
Post: #14
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 06:24 AM
Parent: #3
حوسين ملاسي ...
كل سنة وانت طيب والسنة الجاية أحلى و أهنى ...
|
Post: #4
Title: Re: حلفة راس السنة عندي يا جماعة!!!
Author: Hussein Mallasi
Date: 12-31-2005, 05:55 PM
Parent: #2
و انت بالف خير يا عوزار.
|
Post: #5
Title: Re: حلفة راس السنة عندي يا جماعة!!!
Author: ود الباوقة
Date: 12-31-2005, 05:57 PM
Parent: #4
كل سنة وانت طيبة يا عزاز وحفظ الله والدتكم من كل سوء ...
ود الباوقة
|
Post: #15
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 06:27 AM
Parent: #5
ود الباوقة الرئيس ..
سلام كبير مربع وكل سنة وانت طيب وايامك سعادة ...
|
Post: #13
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 06:18 AM
Parent: #2
لنا الحبيبة ..
شفتي البقت علي ؟؟؟
بعيد عنك الانفلونزا لخبطت مخارج الحروف وجابت ليها ديسليكسيا كمان 
كل سنة وانت طيبة
وايامك سعيدة
ومليانه هنا
واحبابك اكتر
ونجاحاتك اكتر
والهم يبعد عنك بعيييييييييييييييد ...
|
Post: #6
Title: Re: حلفة راس السنة عندي يا جماعة!!!
Author: seham_musa
Date: 12-31-2005, 06:02 PM
Parent: #1
كل سنة وانت طيبة اخت عزاز
كل سنة وانتي طيبة
|
Post: #7
Title: Re: حلفة راس السنة عندي يا جماعة!!!
Author: عصمت العالم
Date: 12-31-2005, 06:09 PM
Parent: #6
وانت بكل خير يا عزاز..
الامنيات اكبر من كل احتمال..او رجاء..او تحقق.. هى سارحه فى غمامات السحاب.. وفى افق الترجى.. بين امكن..واظن....وعسى..
لكن برغم كل ازمنة الرحيل الارتحال. ننتظر ضىء النهار..... وحزمة منى ليك بكل خير..
عميق الود
|
Post: #18
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 06:33 AM
Parent: #7
الشفيف عصمت العالم
كل سنة وانت طيب ومساحات الأمل أرحب
|
Post: #17
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 06:30 AM
Parent: #6
الاخت سهام موسى ...
كل سنة وامنياتك تتحقق والخير يعم حياتك ...
|
Post: #8
Title: Re: حلفة راس السنة عندي يا جماعة!!!
Author: Mannan
Date: 12-31-2005, 06:29 PM
Parent: #1
يا عزاز
كل سنة وانتى والأهل والاحباب متلمين وبخير .. نحن مازلنا فى عام 2005 وباقى لينا حوالى 6 ساعات وبعد قليل نتجه الى فيرجينيا (25 دقيقة من مريلاند) لحضور حفل رأس السنة وعيد الاستقلال مع المطرب هادى عثمان وكلنا نحمل مأساة وجراج لاجئينا الذى قضوا نحبهم امس فى قاهرة المعز وباطشة اللاجئين.. سيغنى لهم هادى وسنقف جميعا فى اول عام 2006 حدادا على الشرف السودانى الباذخ الذى ديس بنعال العسكر.. سيغنى الجميع ضد الظلم والحرمان والبطش والارهاب.. نلتقيك اليوم يا وطنى لقاء الاوفياء..
دعواتنا لكم جميعا بالصحة والسعادة وبعام ملىء بالنجاحات..
نورى جليلة (نورالدين منان)
|
Post: #22
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 06:47 AM
Parent: #8
الاخ الكبير نورى جليلة...
كل الأمنيات الطيبة ليك .. ودعواتنا الصادقة لأرواح الأبرياء
الذين قتلوا مرتين، مرة بالبنادق ومرة بتنكر بعضنا لهم ...
سأقف كل يوم لحظة حداد، كل ما دخلت بيتي ولمست دفء فراشي ورأيت
أهلي سأتذكرهم وسأتذكر ما عانوه من غربة في وطنهم وهوانهم وهم أعزاء...
|
Post: #9
Title: Re: حلفة راس السنة عندي يا جماعة!!!
Author: Adil Osman
Date: 12-31-2005, 07:23 PM
Parent: #1
عزاز شامى
كل سنة وانتى ومن تحبين بخير وصحة. ارجو ان تصبحى على سنة جديدة فيها امل وفيها ضوء فى اخر النفق.
لك هذه الاغنية بلسان نوبى مبين
http://www.m-huether.de/ram/rasha06.asx
|
Post: #23
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 06:59 AM
Parent: #9
بشمهندس الجمال عادل عثمان،
يا سلاااااام عليك!
اغنية نوبية وبصوت رشا شيخ الدين!
كل سنة وحياتك طيبة ومليانة نغم وجمال
|
Post: #10
Title: Re: حلفة راس السنة عندي يا جماعة!!!
Author: saadeldin abdelrahman
Date: 12-31-2005, 07:37 PM
Parent: #1
(حلفة) دغيم ولاباريس
كل سنة و انتو طيبين عزاز اختي.
|
Post: #11
Title: Re: حلفة راس السنة عندي يا جماعة!!!
Author: نادية عثمان
Date: 12-31-2005, 08:32 PM
Parent: #10
حفلة عزاز ولاباريس !!
ياعسل الحفلة حلوة زى حلاوة دواخلك الطيبة ونقية جدا
كل سنة وانتى طيبة ياحبيبة
|
Post: #27
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 08:29 AM
Parent: #11
ندوية العسل ..
يا ريت لو جيتي!
كنت ضويت ليك شموع وصدحت ليك اغاني بس ما بصوتي المجروح ده
كل سنة وانتي طيبة والسعادة عنوانها حياتك ..
|
Post: #26
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 08:26 AM
Parent: #10
أخوي سعد الدين ...
كل سنة وانت طيب، وحياتك هنا وحبور ...
حفلة يا صديقي لما ما لقت ليها حضور بقت
حلفة كناية عن حلفانها بغلاوة الغايبين ...
ايييييييييييه! الدنيا دي ماشة وين؟
|
Post: #12
Title: Re: حلفة راس السنة عندي يا جماعة!!!
Author: صديق الموج
Date: 01-01-2006, 04:20 AM
Parent: #1
عزاز كل سنة وانت طيبة..يعنى عازمة البطاطين ما الناس،،،،
|
Post: #16
Title: Re: حلفة راس السنة عندي يا جماعة!!!
Author: humida
Date: 01-01-2006, 06:30 AM
Parent: #12
الغريب في الموضوع ..
رغم حوجتي الماسة لتكية راس ..
ونومة تمتد من المغرب .. لحدي جرس المنبه ..
الا ان الفيل .. انبثق في ليلة الميلاد ..
وتلتلوني في البرد دا ...
يرضيك كدا يا خالتو .. 
|
Post: #19
Title: Re: حلفة راس السنة عندي يا جماعة!!!
Author: ابو جهينة
Date: 01-01-2006, 06:37 AM
Parent: #16
يا عوزار الحى ... يا عوزار ( بصوت أبو داود رحمه الله )
Sena Jaffeella Iron Moradingela Inaindani Ikkakoanjeeddani
كفارة و ما تشوفي شر.
تحياتي العطرة للخالة و الأسرة و الأهل.
|
Post: #20
Title: Re: حلفة راس السنة عندي يا جماعة!!!
Author: Tumadir
Date: 01-01-2006, 06:41 AM
Parent: #19
نمت والريموت فى يدى ..كشهيد
الريموت حق
والحياة باطلة
كل عام وانت واسرتك بخير
وكل السودان واهلو بخير
وكل العالم واهلو بخير
|
Post: #36
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 09:38 AM
Parent: #20
تماضر القوية الشامخة ...
الجهاد والشهادة ما عندك
تعيشي يا ست الناس حياة مديدة، نجاحاتها بطول السماء ...
كل سنة وانتي والجميلة سيرين وسودانا وشرفائه بألف خير
|
Post: #30
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 08:55 AM
Parent: #19
ابو جهينة ملك الحروف ...
كل سنة وانت طيب وحياتك سلسلة لا تنتهي من السعادة ....
Noor doeni ek gorandi sooda kreosa
|
Post: #29
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 08:49 AM
Parent: #16
ولدي الأمور الصغيرون حميظة ...
بتباري الكبار مالك؟ مش المفروض تنام المغرب وتصحى تشوف سانتا جاب ليك شنو؟
المهم الحصل حصل، تاني مافي مرقة في البرد!
كل سنة وانت طيب وعقبال ما تكبر ونفرح بيك
|
Post: #28
Title: Re: حلفة راس السنة عندي يا جماعة!!!
Author: عزاز شامي
Date: 01-01-2006, 08:46 AM
Parent: #12
Quote: عزاز كل سنة وانت طيبة..يعنى عازمة البطاطين ما الناس،،،،
|
لوووووووووووووووووووووول يا صديق الموج!
تقول عارف انو كان نفسي اشتري لي بطانية صغيرونة مرسوم عليها تلج وعمو
سانتا كلوز لزوم الاعياد وكده ...
 عموما، بطاطين زاتو مافي والبرد اشتد وقائمة الحضور ظاهرة اعلاه ...
كل سنة وانت طيب والفرح والضحكة ما تفارقك ...
|
Post: #21
Title: Re: حلفة راس السنة عندي يا جماعة!!!
Author: حمزاوي
Date: 01-01-2006, 06:47 AM
Parent: #1
عزاز
للناس العزاز
مسكاقمي
مالو نحتفل
وبالجرجار والطار
ونبشر ونزغرد للكنداكات وتحتمس وترهاقا
عليكي الله مديدة تمر شنو
ما سمعتي
وردي
بيقول
ووي خليل انجوتي
دكاي انوقا
ان شاء الله تبري من الانفلونزا
|
Post: #24
Title: Re: حلفة راس السنة عندي يا جماعة!!!
Author: Muna Khugali
Date: 01-01-2006, 07:03 AM
Parent: #21
حـبيبتي عــزاز..
في كـل سـنة وفي المناسبات العـديـدة ...أخـتـار كـرت جميـل أكـتب فيه الكـلمات التي أحـيها ..اضـعه في مظروف وأرسـله لنفسـي ولآيـة... ثم أفـرح وأفتحـه وأتفـاجـأ بالتوقيـع بعـد ان نسيت انه مـني ولنـا..أضـعه في مكـان اسـتراتيجي في صـالتي لأنظـر له كـثيرا!
صـناعة الفـرح لا تعـرف المستحيـل...
كـل سـنة وانت ومـامـا والبنت في صـحـة وجمـال..
مـني
|
Post: #38
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 10:05 AM
Parent: #24
ست الناس العزاز منى ..
كل سنة وأنت أجمل، أنقى، اهنآ، وآمالك تتحقق،وآية في حضنك تفرحي بيها وآمالك ليها تتحقق...
| Quote: صناعة الفرح لا تعرف المستحيل |
أكيد، ما دام في الدنيا ناس زيك، الفرح ديمة موجود وما بيحتاج جهد كبير...
أهديك كل الود والأماني الجميلة الجديرة بك
|
Post: #37
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 09:52 AM
Parent: #21
همزاوي ود العم ...
كل سنة وانت طيب وخالي من الكحول
دكاي شنو انت داير الفاضل في راسي ده يطير؟؟
خليني في مديدة البلح وفوائدها الغذائية، انا بلعب على قدي
|
Post: #25
Title: Re: حلفة راس السنة عندي يا جماعة!!!
Author: طارق عبد اللطيف نقد
Date: 01-01-2006, 07:33 AM
Parent: #1
كل سنة وانتي والماما والبنت بألف خير
ولك التحايا والاماني المترفة
والتهنئة عبرك لكل الناس الحلوين بالبورد
وربنا يحقق الاماني ويلم الشمل
|
Post: #39
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 10:18 AM
Parent: #25
أخوي طارق نقد ...
كل سنة وانت طيب وأمانيك تتحقق وابواب النجاج تفتحها بلا مشقة
|
Post: #31
Title: Re: حلفة راس السنة عندي يا جماعة!!!
Author: mamkouna
Date: 01-02-2006, 03:28 AM
Parent: #1
كل سنة و إنتي طيبة يا عزاز..ربنا يخلي ليكي ماما و البنوتة...
و بمناسبة الإنفلونزا بتاعتك دي..جاتني رسالة طريفة جداً بتقول
في الماضي...جنون البقر..
في الحاضر....إنفلونزا الطيور.
قريباً....بواسير السمك..!!!!
إمنياتي أن يكون العام القادم عام خير و عافية و صحة..و يكفينا و إياكم شر المستخبي...
|
Post: #44
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 03:13 PM
Parent: #31
اختي ممكونة الطاعمة زي لقيمات أمي...
تحايا نواضر وأمنيات صادقة بأن يعم الفرح حياتك ...
المستخبي يا ست الناس بطل يفاجئني كثير والجاي ما أسوء من اللي راح وقلب اختك بقى حديد ما بيهزه إلا دم غالي يهدر أو دمعة قهر تنشف براها من غير ما يد حنونة تمسحها...
|
Post: #32
Title: Re: حلفة راس السنة عندي يا جماعة!!!
Author: saadeldin abdelrahman
Date: 01-02-2006, 03:44 AM
Parent: #1
Quote: و بمناسبة الإنفلونزا بتاعتك دي..جاتني رسالة طريفة جداً بتقول
في الماضي...جنون البقر..
في الحاضر....إنفلونزا الطيور.
قريباً....بواسير السمك..!!!! |
كل سنه وانتي ممكونه يا طيبه
...
سلامتك عزاز و حسني كرامتك.
|
Post: #45
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 03:26 PM
Parent: #32
اخوي سعد الدين ...
كرامتي فرقت فيها مضادات حيوية وزنجبيل طازه.. نصيبك وصلك؟
|
Post: #33
Title: Re: حلفة راس السنة عندي يا جماعة!!!
Author: Mayada
Date: 01-02-2006, 05:01 AM
Parent: #1
أز أز لو...
كل سنة وانتي طيبة، وانشالله سنتك مليانة سعادة وفرح وصحة (لاني شايفة الانفلونزا والنزلة ماشين يشتكوك في محكمة العدل الدولية من كترة ماجننتيهم)
ست البنيـــــــــات
|
Post: #46
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 03:33 PM
Parent: #33
ميااااده الحنون ..
كل سنة وانتي طيبة والقابلة على امنياتك يا ست البنيات ..
الانفلوزا على قولة حبوبتي أخذت مني كل مأخذ وتركتني في حديقة من المناديل الكلينكس وكبابي المشروبات الساخنة ...
عموما ان برجع كترة امراضي دي لصغر سني وبالتالي جهاز المناعة عندي لسه ما اكتمل، يعني دليل شباب وعلشان كده بتغندر 
|
Post: #34
Title: Re: حلفة راس السنة عندي يا جماعة!!!
Author: أحمد الشايقي
Date: 01-02-2006, 05:38 AM
Parent: #1
عـزاز
سنـة جديدة سعيدة,
وكل عام وانت بخير,
تحياتي
|
Post: #35
Title: Re: حلفة راس السنة عندي يا جماعة!!!
Author: humida
Date: 01-02-2006, 07:31 AM
Parent: #34
| Quote: تصحى تشوف سانتا جاب ليك شنو؟ |
سانتا دا بلعب في ابوكدوك ..
علي الحرام .. عليكم جنس حركات ..
|
Post: #48
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 03:44 PM
Parent: #35
| Quote: سانتا دا بلعب في ابوكدوك .. |
حميظة يا ولدي،
لغاية متين حتفضل كده ما تقدمي وما مواكب!!!
سانتا ده اخو فانتا مشروب الطاقة بطعم المندرين ...
يا اخوانا ما معقولة !
انا ما دايمة ليكم، لازم تبتدوا تتثقفوا شوية!
|
Post: #47
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 03:36 PM
Parent: #34
أخوي أحمد الشايقي
كل سنة وأيامك أحلى
ونجاحاتك تتحقق
وساعاتك فرح ديمة
*التعديل كان للاسم الكريم لانو الشوف بقى طشاش وسميتك محمد وبعدين اتنبهت
|
Post: #40
Title: Re: حلفة راس السنة عندي يا جماعة!!!
Author: نجود حسن عبد الرحمن
Date: 01-02-2006, 10:22 AM
Parent: #1
عزوووووووووز
كل سنة وانتى طيبة وتبرى من الانفلونزا
|
Post: #49
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 03:48 PM
Parent: #40
نجود الجميلة ...
تبري من الشر يا يمه يا حنينة
و كل سنة وانت طيبة وحياتك كلها افراح ...
|
Post: #41
Title: Re: حلفة راس السنة عندي يا جماعة!!!
Author: مهدى الصادق السيد
Date: 01-02-2006, 12:19 PM
Parent: #1
كل سنة وانتى والجميع بالف خير
ونسال الله ان يجعل هذا العام عام خير وبركة
على كل الاصعدة
|
Post: #50
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 03:54 PM
Parent: #41
أخوي مهدى الصادق السيد...
كل سنة وانت وحبانك بألف خير وسعادة والجاية أحلى من اللي راحت وتتحقق ليك كل الأماني
|
Post: #42
Title: Re: حلفة راس السنة عندي يا جماعة!!!
Author: DKEEN
Date: 01-02-2006, 01:10 PM
Parent: #1
قال قبرص قال؟؟
راس سنة في شاليه في هاف مون الخبر ولا جزيرة لا وجود لها إلا في راسك السمح ده ..
| Quote: دافية زي قلوب الحبايب الغايبين |
كنتا واثق انك حتتذكريني ...
كل سنةوانتي طيبة ياعزاز ..وناس بيتكم طبيبن وفي نعمة
|
Post: #51
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 04:02 PM
Parent: #42
دكين عشا البايتات ...
تصدق بإيه انت زول حاقد على الطبقة العليا!
انا ولية يتيمة وعيانة جاي تشمت فيني؟
انا عرفت القتل ابو صاحبتي منو؟ بركة الما جات فيني
| Quote: كنتا واثق انك حتتذكريني ... |
وااااي انا من الثقة العميانة الطرشانة الكاسرة كرعينها،ارحم مرارتي حرام عليك !!!
|
Post: #43
Title: Re: حلفة راس السنة عندي يا جماعة!!!
Author: DKEEN
Date: 01-02-2006, 02:01 PM
Parent: #1
Quote: ولدي الأمور الصغيرون حميظة ...
بتباري الكبار مالك؟ |
وبمشي الصالحية كمان يا عزاز ...
|
Post: #52
Title: Re: حلفة راس السنة عندي يا جماعة!!!
Author: عزاز شامي
Date: 01-02-2006, 04:05 PM
Parent: #43
| Quote: وبمشي الصالحية كمان يا عزاز ... |
بلعب مع الاشبال ؟!
|
Post: #53
Title: Re: حلفة راس السنة عندي يا جماعة!!!
Author: Badri
Date: 01-03-2006, 02:21 AM
Parent: #1
غايتو الله يجازي الفرض العربي دا علينا فرض ... أسي رطانتنا دي مالها؟؟؟
ورايك شنو في الساعة 12 الا دقيقتين بالمناسبة الا دقيقتين دي تابعة للسنة الفاتت ما السنة الجديدة يعني في خواتيم الماضي لكن والله لقيتك مهمشة يا عوزاز
koraygon aga nala
راس سنة مع دكين وحمد فتح الرحمن على بعد شبرين من الخليج الفارسي المسمى مجازاً بالعربي ودرجة الحرارة 10 درجات ... آآآخ يا سحر من فكيت دربك بقت علي جنس الحالة دي .... آآآآخ يا بطني
|
Post: #54
Title: Re: حلفة راس السنة عندي يا جماعة!!!
Author: إسماعيل وراق
Date: 01-03-2006, 02:41 AM
Parent: #53
| Quote: عموما ان برجع كترة امراضي دي لصغر سني وبالتالي جهاز المناعة عندي لسه ما اكتمل، يعني دليل شباب وعلشان كده بتغندر |
في دي معاك حق...
غايتو رأس السنة عندك..
كنت أقول لأصدقائي دائماً أخاف أن يكون رأس السنة الجديدة نووي.. وربك يستر..
رأس السنة في أرض نجد دي يا عزاز ما شايلنها في قاموسنا.. ويا حليل السودان..
لكن..
اليوم الأول في السنة كان (جميل) بس هلكنا بالسهر.. وكلام صديق الموج الكتير
قال كومبارس آل.. شفت جنس الغيرة دي..
.
.
كل عام وأنت بخير..
|
Post: #56
Title: Re: حلفة راس السنة عندي يا جماعة!!!
Author: حمد فتح الرحمن
Date: 01-03-2006, 03:13 AM
Parent: #53
عزاز ازيك و كل سنة و انتي طيبة ( كُري آن نل )
| Quote: راس سنة مع دكين وحمد فتح الرحمن على بعد شبرين من الخليج الفارسي |
و دكين رادم قدامو قُفة خيار ، و قال الود مروس .
في زول بروس بي راس بصل و خيار ؟؟؟؟؟؟؟؟؟؟؟؟؟؟
الله يقطع دا راس .
بدري احمد ربك اللقيت الترويسة دي زاتا علي الاقل ونسناك ياخي .
|
Post: #59
Title: Re: حلفة راس السنة عندي يا جماعة!!!
Author: عزاز شامي
Date: 01-04-2006, 02:30 PM
Parent: #53
جابر خاطر المهمشين، بدري ...
كل سنة وانت طيب والسنة الجاية الساعة 12 إلا دقيقتين تكون مع تؤم روحك  بدل سبت الخضار اللي كنت مروس معاهم ...
تصدق بأيه كنت مضايقة على روحي بس لما شفت لمت حلقة الخضار بتاعتكم دي قبلت يدي وشا وقفى على الشراب الابيض وكباية الشاي الحميمة ...
عليك الله في زول يروس مع دكين!؟ بالله تحكي لأولادك شنو لما سألوك؟
|
Post: #55
Title: Re: حلفة راس السنة عندي يا جماعة!!!
Author: Badri
Date: 01-03-2006, 03:05 AM
Parent: #1
Quote: ولدي الأمور الصغيرون حميظة ...
بتباري الكبار مالك؟ مش المفروض تنام المغرب وتصحى تشوف سانتا جاب ليك شنو؟
المهم الحصل حصل، تاني مافي مرقة في البرد!
كل سنة وانت طيب وعقبال ما تكبر ونفرح بيك |
Quote: حميظة يا ولدي،
لغاية متين حتفضل كده ما تقدمي وما مواكب!!!
|
| Quote: بلعب مع الاشبال ؟! |
دي دايرة ليها سفرة للرياض
|
Post: #57
Title: Re: حلفة راس السنة عندي يا جماعة!!!
Author: humida
Date: 01-03-2006, 06:20 AM
Parent: #55
Quote: لغاية متين حتفضل كده ما تقدمي وما مواكب!!!
|
الله يخليك يا خالتو .. ستظلي دوما الشمعة التي تضئ لنا الطريق ..
لمبة يعني " بالدارجي الحديث " ..
أما عن حديثكم عن سانتا .. فهو لدينا من باب " ونس ونس يا معلم "
ونظام امبارح الموناليزا وروبون كوك كانوا داقين كاروشة في محطة شيبردبوش ..
او كما وصفته حليمة بت النعيم جاد السيد " هوووووووووي ها دا منو دا " ..
ربما نتفهم مقاصدك .. اذا حدثتينا عن حكاية الزول المرق من شامة القمرا ..
او تلك الابنوسة التي كانت/مازالت/ربما تهديني صباحات الورد ..
فأحدثك حديث الداندرمة والقونقليس ..
وعن مركوب جدي .. واختلاف علامات السفنجات في حوض ابو عنجة ..
والحتة دي بالذات ممكن تسألي منها " تمبس "
وما دون ذلك .. فهو بدعة ..
وكل بدعة ضلالة .. وكل ضلالة في النار ..
ذي ما قالوا لينا في سنة رابعة ابتدائي ..
بمدرسة منارة جدة الاولى .. شارع الاربعين .. مقابل فرن امسك هآآآآك للتميس ..
المملكة العربية السعودية ..
|
Post: #58
Title: Re: حلفة راس السنة عندي يا جماعة!!!
Author: humida
Date: 01-03-2006, 06:27 AM
Parent: #55
حبيبنا بدري ..
حامل راية الهم الوطني .. القطاع الشرقي مظلات ..
زمان عمنا مامون البرير الله يطراه بالخير ..
ابتدع دعاية .. في نظري اثرت في تحديد سلوكيات المجتمع السوداني
طبعا هو انطلق من منطلق اقتصادي بحت ..
مع دراسة سلوك الفرد المستهلك ..
لتشمل الدعاية .. ترويج للمنتج .. وشئ من روح المستهلك ..
فكانت
جديد .. جديد .. جديد .. والجديد شديد .. من M&S
مصانع مأمون وسعود البرير ..
|
Post: #60
Title: Re: حلفة راس السنة عندي يا جماعة!!!
Author: DKEEN
Date: 01-05-2006, 01:48 PM
Parent: #1
| Quote: بدل سبت الخضار اللي كنت مروس معاهم ... |
المحسي ده لموهو ناس سبت الخضار ياعزاز ..
كان هائما مشردا ومافي زول راضي يروس معاهو ..كتر خيرنا السترناهو في شاليه وخليناهو يضحك وينبسط مع علية القوم والسادة ورجال الطرق الصوفية والمخضرمين والعلماء والخضرجية والقانونيين والاقتصاديين ..
طبعا الصفات اعلاه دي كلها انحنا كناها في تلك الليلة ..
في ليله نهاية سنة وبداية سنة انحنا تمثلنا كل تلك الصفات دون اي نقصان ..
المحترم ود العوائل كان مجرد شاهد ليس إلا...
بدري كان عندو نية يروس مع امو وابوهو ..
في ذمتكم في زول محترم بروس مع امو وابوه ؟؟
صحي ود عز ومدلع ونغنوغ ..
|
Post: #61
Title: Re: حلفة راس السنة عندي يا جماعة!!!
Author: Badri
Date: 01-05-2006, 03:32 PM
Parent: #1
Quote: ابتدع دعاية .. في نظري اثرت في تحديد سلوكيات المجتمع السوداني
طبعا هو انطلق من منطلق اقتصادي بحت ..
مع دراسة سلوك الفرد المستهلك ..
لتشمل الدعاية .. ترويج للمنتج .. وشئ من روح المستهلك ..
فكانت
|
قال بكري أبوبكر:
Quote: 6-يجب الإشارة إلى حقوق المؤلف والٍملكية الفكرية عند النقل أو الاقتباس وذلك بوضع اسم المؤلف إذا كان معروفا أو وضع نقاط بين قوسين (....) إذا كان المؤلف غير معروف......
|
حميدة عمو كوستاوي حايم بجاي أعمل حسابك يقوم يسوق معاهو عمو محسن يجيك شايل موسو وبعد شوية تشيل وتنزل بوست الاعتزار وتلحق * أمات طه
* الاقتباس يشير الى عبد الرازق الطالب
|
Post: #62
Title: Re: حلفة راس السنة عندي يا جماعة!!!
Author: yasir Abdelgadir
Date: 01-06-2006, 06:55 AM
Parent: #61
كل سنه وانتي طيبه....بس الدعوه وصلت متاخره شويه
د.ياسر
|
Post: #63
Title: Re: حلفة راس السنة عندي يا جماعة!!!
Author: عزاز شامي
Date: 01-06-2006, 07:17 AM
Parent: #62
أخوي د.ياسر ..
كل سنة وانت طيب وايامك هنا وسعادة..
وامنياتك لا تاريخ لانتهاء صلاحيتها والعيد الكبير مقبل علينا وانت بكده أول زول عيدني فيهو
|
Post: #65
Title: Re: حلفة راس السنة عندي يا جماعة!!!
Author: humida
Date: 01-07-2006, 07:38 AM
Parent: #61
| Quote: الاقتباس يشير الى عبد الرازق الطالب |
ما فهمتها دي ..
لكن الرد كلو .. ممكن ادرجه ليك تحت بند سلوكيات الجيل الثاني في الاغتراب ..
وهو في باب .. يحكي أن الزول دا كان بهظر معاهو ..
اها والحصل شنو ..
ودوهو المستشفي خيطو ليهو راسو خمسة غرز ..
|
Post: #64
Title: Re: حلفة راس السنة عندي يا جماعة!!!
Author: saadeldin abdelrahman
Date: 01-06-2006, 07:48 AM
Parent: #1
و راشد حالف ما يتطهر الا يجيبو الغنايين
(حميد)
|
|