هذه الأغنية عنصرية لا تليق بفنان(الملحمة) والثورة والحرية الاستاذ محمد الامين!!

07:11 AM June, 10 2016

سودانيز اون لاين
هشام هباني-
مكتبتى
رابط مختصر

( عيال اب جويلي) اغنية سمعتها كثيرا في طفولتي وصباي وشبابي ولكني ابدا لم اتوقف عند كلماتها للتأمل والتذوق بل توقفت فقط عند لحنها وادائها المميز ولكني اليوم ولأول مرة وجدت نفسي اتأمل كلماتها وانا في حالة ( فياقة) عارضة بسبب شح ارزاق ( التاكسي ) في صيف تكساس..استمعت للاغنية وهي تعرض في فضائية ( الشروق) في حلقة اعدت في ( دبي) وكانت مع صاحب الاغنية الفنان الموسيقار محمد الامين وهو فنان عظيم انطبع في اذهاننا ووجداننا كفنان الثورة والحرية منذ اكتوبر 64 مرورا بابريل85 ولا زلت احبه حتي اليوم رغم صمته الابداعي الثوري في مواجهة من هم (أوغد واشر واجرم وافسد) من ( عبود ونميري) ولازلت احبه رغم تكريمه قبل اعوام من قبل المجرم القاتل( غوش) في عقر دار جهاز القتل والتعذيب والاغتصاب والمطاردات وهي دار بغي النظام حيث ما كان يليق بهذا الفنان( الثوري) العظيم ان يقبل التكريم في تلكم الدار الملطخة بدماء الاف من الثوار الشرفاء ومن قبل جلادها هذا المجرم الاثيم.... ولكني اليوم بعد ان تأملت هذه الاغنية التراثية القديمة والتي اداها ولازال يؤديها الاستاذ محمد الامين ادركت بشاعة نص فيها موغل في العنصرية والاستعلاء العرقي اذ لازال ينمط معني مطلحي ( العب والخادم) في عامية السودان فقط في ذوي البشرة السوداء والشعر ( القرقد) وان ( الخادم) اي الامة المسترقة وحدها هي المطالبة ببذل المدح والاطراء لسيدها كواجب جبري تفرضه هذه الثقافة العنصرية البغيضة والتي هي سبب اصيل من مؤججات أزمتنا الوطنية الراهنة ...فالنص المعني وجدته مكررا في الاغنية مرتين ( غني وشكري يا أم قرقدا....) وهو نص عنصري تنميطي لا يليق بفنان في قامة هذا المبدع العظيم الذي غني للحرية والكرامة والانعتاق حتي اضحي رمزا وطنيا ابداعيا خالدا نكن له كل الاحترام بسبب ارتباطه بالثورة وكرامة الشعب... ولذلك أتمني ألا يستمر هذا المبدع الوطني في اجترار عمل يناقض مضامين اعماله الابداعية المرتبطة بالحرية والثورة والانعتاق.... و( برضو) لا زلنا نحبه رغم انوفنا وله مني السلام!!

عزيزي الناظر هباني.

كلامك في محله تماما.

لقد زكرت ذلك لبعض أصدقائي الشماليين عن محتوى هذه الأغنية، أستغربوا جدا في البداية ولكن عندما زكرت لهم كلمات الأغنية، أقتنعوا بعنصريتها تماما.

هنالك أشياء كثيرة يرددها الناس ولا يعرفون معاني كلماتها. أرجع مثلا لأغتية العطبراوي. أنا سوداني أنا.

السلطان دينق

تحياتي

هذا نمط من ثقافة بائدة ومدمرة للنسيج الوطني وللاسف لازالت بعض اثارها راسخة في حياتنا بل متسبب رئيس في كثير من تفاصيل ازمتنا الراهنة ولذا علي قوي التغيير ان تسعي بكافة الوسائل لمكافحتها حتي ينجز التغيير المنشود علي ارضية نظيفة ومتينة تسمح بانجاز دولة المواطنة المتساوية الموحدة العادلة الحرة المنتجة و التي هي الحل الانجع لازمات الوطن.

وبرضو أغنية عجبوني الليلة جو

لاحظ أن المقصودين بالشكر هم أولاد "السرارى" __________ الكوراك في العداره مرقوا اخوان السراره مركز جاب الاشارة ما شالونا بالطيارة عجبوني الليلة جو ترسوا البحر صددوا عجبوني اولاد السرور فروا مثل الصقور فاروا مثل ترسوا البحر بالصفوف ما شالونا بالبابور نحن فوق عزنا قبائل ما تهزنا الارباب جدنا الليلة هوي يا جنا نحن الخير ضونا __________ لأنهم هم المكلفين بالعمل الشاق، والباقين فوق عزهم لأنو "الأرباب" جدهم. _____ نحن شعب منحط يا هباني، وما عارفين

يا استاذ حاتم هنالك كثير من الذي نغفله والمسكوت عنه في حياتنا وهو امر مدمر جدا اذ يهدد بتلاشي وتبخر ماتبقي من هذا الوطن اذا لم نحسب للامر حسابه من الان هذا ان كنا صادقين في دعوتنا لانتشال الوطن من هذا الراهن الفجيعة وهو امر يتطلب اقصي حالات الانتماء الوطني مع جاهزية قصوي للبذل والعطاء بكامل نكران الذات لاجل وطن فوق كل اجنداتنا الصغيرة.

منتهى العنصرية

ﻟﻲ ﺑﻨﺎﺕ ﺍﻟﺒﻠﺪ ﺳﻤﺢ ﺍﻟﺨﺒﺮ ﺟﺎﺑﻮ ﻏﻨﻲ ﻭﺷﻜﺮﻱ ﻳﺎ ﺧﺪﺭﺓ ﺍﻟﻮﺭﺗﺎﺏ ﻓﻮﻕ ﻭﺩ ﺍﻟﻔﺤﻞ ﺍﻟﻠﻴﻠﺔ ﺟﺒﺖ ﺟﻮﺍﺏ ﺣﻘﻴﺖ ﺍﻻﺳﻢ ﻳﺎ ﺳﺎﻟﻢ ﺍﻷﺭﺑﺎﺏ ﻗﺪﺍﻡ ﺍﻟﻌﻴﺎﻝ ﺭﻛﺎﺯﻩ ﻟﻠﻤﺮﻫﺎﺏ ﻏﻨﻲ ﻭﺷﻜﺮﻱ ﻳﺎ ﺃﻡ ﻗﺮﻗﺪﻥ ﺳﺎﻳﺢ ﻣﻦ ﺩﺍﺭ ﻛﺮﺩﻓﺎﻥ ﺟﺎﻧﺎ ﺍﻟﺸﻨﺎﺡ ﻓﺎﻳﺢ لاحظ أن "سمح الخبر" لا يأتي إلا مشفوعاً "لبنات البلد" باستثناء الأخريات الواتي وظيفتهن "الشكر" الفكرة في الإشارة إلى المملوكة هنا إنو ممكن التغزل فيها بعكس "بت البلد" ذلك لم يجد "الشاعر" منها إلا خدرة الورتاب والقرقد السايح _____ طبعا قال خدرة لأنو السواد مشترك مع "بت البلد" أيضن

سلام عزيز نا هشام
الشكر الجزيل للفنان القامة محمد الامين وهو يقوم بالتوثيق
لشعر العامية في تلك الفترة . 1700..100 فترة العنصرية الشاملة
زي ما وضح الكاتب الأمريكي الضخم اليكس هيلي . بالمناسبة الأستاذ
محمد الامين أكثر فنان فضح العنصرية وأكثر فنان يهتم بالتوثيق

الفترة بين 1700..و 1800
معليش اخ هشام لصعوبة الكتابة بالموبايل

الباشكاتب زول سمح و تاريخو اجمالا نضيف
و الاغنية لحنها جميل
و ملاحظات الناظر و دينق حول عنصرية بعض ابياتها في محلها تماما
فلنقترح اذن بديلا لتلك الابيات العنصرية: فتسلم الجرة و لا يتدفق ماؤها
فيبدو لي ان لا احد مع جمال اللحن قد انتبه لمدلولاته حتى المغني نفسه و هو من المشهود لهم بالثقافة العالية
و المرونة. اذكر في خلاف هاشم صديق معه و انتزاعه بعض اغنياته منه لم يدخل معه في اي جدال و توقف
من التغني بها
فلنحاول
و يهمنا كثيرا تنقية صفحة ود اللمين من شبهة العنصرية

سعادة البروف عوض

تحياتي ورمضان كريم

Quote: فلنقترح اذن بديلا لتلك الابيات العنصرية: فتسلم الجرة و لا يتدفق ماؤها فيبدو لي ان لا احد مع جمال اللحن قد انتبه لمدلولاته حتى المغني نفسه و هو من المشهود لهم بالثقافة العالية و المرونة. اذكر في خلاف هاشم صديق معه و انتزاعه بعض اغنياته منه لم يدخل معه في اي جدال و توقف من التغني بها فلنحاول و يهمنا كثيرا تنقية صفحة ود اللمين من شبهة العنصرية

اتفق معك مائة بالمائة علي هذا المقترح المنصف للمبدع محمد الامين وايضا للجمهور وهو مقترح يتطلب اشخاصا لهم ملكة في كتابة الشعر الشعبي السوداني للقيام بهذه المهمة ولكن حتي نكون اكثر انصافا للفنان محمد الامين صاحب الاغنية نفسها اتمني ان نستمع الي رايه ربما لديه راي اخر اي رافض لتعليقنا حول عنصرية النص مما يجعله متمسكا بالنص من غير تعديل!
مودتي

العزيز حبيبنا عثمان موسي

تحياتي

اتفق معك فيما ذهبت اليه حول اهمية الاستاذ محمد الامين كقامة ابداعية شامخة ساهم في التوثيق لكثير من تراثنا الغنائي القديم وايضا دوره البارز في فضح العنصرية والتغني باغنيات الثورة المضادة للطغيان ..ومن هنا جاء هذا الخيط داعما لهذا العملاق عبر محاولة اعتقد في صحتها وهي تسعي لازالة بعض شوائب غير مقصودة في بعض من اعماله القديمة جدا والتي من عظمة ادائها الفني شغلتنا عن تامل معاني كلماتها التي لا تتسق ابدا مع طبيعة وعيه الوطني الثوري المضاد للظلم والطغيان.

مودتي

Quote: فيبدو لي ان لا احد مع جمال اللحن قد انتبه لمدلولاته حتى المغني نفسه و هو من المشهود لهم بالثقافة العالية و المرونة +++ و يهمنا كثيرا تنقية صفحة ود اللمين من شبهة العنصرية

فعلاً لم ينتبه أحد، لكن انت ما بيهموك بنات أبجويلي المذكورات أعلاه؟

شوف، في إمكانك تقترح وتبدل لكن في الأول تنبه للخطأ الوقع فيهو الأخ الفنان (محمد الأمين محمد نور) ودا اسمو، قبل ما تتبحر بينا في ثقافتو العالية الوضحت من عدم انتباهو لمعاني الكلمات القبيحة التي ظل يترنم بها لأكثر من ثلاثين سنة، كذلك المرونة حنشوفها إذا قرر أن يقدم اعتذار أو يستمر في الغناء بنفس المفردات بعد تنبيهو ليها رغم "ثقافتو" العالية. +++ ونحن يهمنا أكثر تنقية قلوب المجتمع مع الوساخة والتركات العفنة وكوش العنصرية اللسة الناس بتتراقص حولها زي الفراشات وفي النهاية تقع فيها، ود اللمين فرد.

Quote: Adam Mohajer هل تعتقد بان الفنان محمد الامين يعي تماما هذه العبارت العنصرية في اغانيه؟ اذا كان لا يعي فهذه مشكلة وان كان يعي تبقى مشكلتين وارجو من حاتم التعليق لان مثل هذه الاغاني يجب رميها في مزبلة التاريخ.

بالتأكيد لا "يعيها"

فهو يمكن أن يفهم وأن يدرك مغزاها لكن "الوعي" مرحلة متقدمة لم يصل إليها معظم المبدعين في السودان. منطقة الجزيرة اختلطت فيها مكونات متعددة من داخل القارة ومن خارجها أيضاً (مصر، الهند، تركيا، موريتانيا، إثيوبيا) ولو توفرت فيها أدنى درجات الوعى للرواد الأوائل لما خرجت لنا مثل هذه التحف. ____ أبرزت لنا الصوفية بعنصريتها المقدسة، لا أكثر.

سلام أستاذ هشام هباني

الموسيقار محمد الامين افتكر متابع لكل مايكتب في سودانيز اونلاين

بنوصل ليهو مضمون هذا البوست اذا لم يطالعه

الف شكر على النقد الموضوعي الهادف

تقديري

اخي استاذ عماد
تحياتي
استاذ محمد الامين قامة فنية سامقة وهو من ضمخ وجداننا باغاني الثورة والحرية في فترات زاهية من تاريخنا الوطني ولذلك ياتي هذا الخيط ليس للنيل منه بل لازالة هذا اللبس حول مصطلح اري اقحامه في هذا النص التراثي يخلق حالة نشاز لا تتسق مع الرسالة الثورية التي ظل ولازال القامة ( ابو الامين) يؤديها لخدمة شعبه ووحده الاستاذ من يمتلك الاجابة .

Quote: الموسيقار محمد الامين افتكر متابع لكل مايكتب في سودانيز اونلاين بنوصل ليهو مضمون هذا البوست اذا لم يطالعه.

كلمو يغشى معاهو حمد

وبنقول الكلام دا لييييه؟ لأنو واحد فيهم كان رئيس اتحاد الفنانيين والتاني هو الرئيس الحالي. الوضع يحتم عليهم يكونوا لجنة لمراجعة النصوص ويصدروا بيان فيه توضيح مع الإشارة للنصوص دي بوضوح وبدون تعميم، والاعتذار لمكونات الشعب السوداني الكانوا بيهينوا فيها لعقود خلت. ____ ونشوف.

برضوا البشيل فوق الدَّبَر ما بميل لكن كابلي عدلها

الاستاذ منتصر

تحياتي وشكرا علي المرور

Quote: وايضا يا حاتم لان السواد والانف الافطس مشترك مع ود البلد قالو العبد راس في اشارة للشعر القرقد وفي دي برضو بيشتركو يعني سيك سيك معلق فيك.

صحيح والاغنيتين تعبران تماماً عن حال البلد وانسانها

فالأولى ليست العنصرية فيها في التشبيه والتلميح للون الجلد والشعر، فهذه مشتركات كما تقول، ولكن العنصرية هنا في البرنامج الاجتماعي المعلن "المدح مقابل الذم"، فهو يطلب منها أن تغنيه وتشكره هو مقابل أن يمن عليها بهذه التوصيفات. من وجهة نظري هذا السلوك مجرد استلاف جزئي من ثقافة سائدة نمارس فيها نحن وبدون وعي "واجب" الشكر لآخرين، ربما تحت ضغط ديني وبعض من تخلف وغوار ذهن، ولهذا من الطبيعي أن تنشأ في دواخل بعضنا الحاجة لقهر فئات أخرى وتحميلها كل رذائل الخنوع إلى درجة إعادة تمثيل الدور بالكامل. ففينا هنا من لا يزال يمجد أهل الخليج ويحن إلى العودة إلى خدمتهم وقرأت لمن يكتب تحت في الفيسبوك عن مأثرة عراكه مع مواطنه السوداني من أجل عيون الأمير، والاثنين من أشد العنصريين في المنبر، وهذا أمر طبيعي، أن يتم تفريغ شحنة الولاء بهذا النمط، فداخل كليهما "سيد" صغير. الأغنية الثانية صورة واقعية لحالنا المعاصر، فالمجتمع ينقسم بين من يعتقد في سموه عن أداء الواجب لميزة النسب الباذخ وبين من يناضل لاثبات أهليته للكرامة الانسانية وبعض من حقوق، لهذا ضاع الوطن ليس الآن بل من قبل الاستقلال، فإذا كان الناس لا يجتمعون لدرء كارثة الفيضان الذي يعم فما الذي يمكن أن يجمعهم للإقبال على خير يخص؟ ونفس السيناريو القديم يعاد تطبيقه، فكما مدح الشاعر "أولاد السرارى" وهو ينظر إليهم يكابدون الموج من فوق أريكته، يمدحنا الآن البعض من الضفة الثانية لبحر القلزم من فينة إلى سواها تارة بالأمانة وأخرى بالشجاعة، ولهذا نجيد العمل هناك وليس هنا. ____ ولا يزال البعض منا يفخر بذلك وباحتمال جلد السياط على وقع الطبول.

تمام يا شباب
المفروض مراجعة النصوص القديمة دي وتبقى كنصوص تسجل مراحل من وعي المجتمع ولكن لا يجب أن تقدم وتجاز كأغاني
رسمية.

المهم الوعي والتوعية الدائمة

شكراً هباني ودينق وحاتم

كثيرة هي الأشياء التي تحتاج لمراجعة في تراثنا وثقافتنا وحاضرنا ،،،
جميل تناول هذه المواضيع تناولاً موضوعياً يهدف للعلاج

مودتي

لابد من مراجعة النص الشعري في الأغنية السودانية و النص الدرامي و الكوميدي الذي يحمل الكثير من الإشارات العنصرية.

لك التحية والشكر الناظر هباني وضيوفك الكرام.

نموذج آخر للعنصرية في أغاني التراث السودانية ...

فرش البيت حرير ترقد عليه فرختنا؟؟؟؟؟؟؟؟؟؟؟؟؟فرش البيت حرير ترقد عليه فرختنا؟؟؟؟؟؟؟؟؟؟؟؟؟

سلام هباني،للأسف، الإشارات دي كتيرة في أغانينا
أغنية تراثية تانية بيغنيها الراحل اسماعيل عبدالمعين: (يا ام قرقدي جبدي .. كان يبقى زي حقي دي)

Quote: تمام يا شباب المفروض مراجعة النصوص القديمة دي وتبقى كنصوص تسجل مراحل من وعي المجتمع ولكن لا يجب أن تقدم وتجاز كأغاني رسمية.

سلامات هباني ...

كيف يعني يا الصادق ما تجاز ؟

أبو اللمين بغني فوقها ليهو عشرات السنين ...

قول تقصد انو يمنعوا غناءها ؟

طيب منو البمنع غناها ؟

حكومة البشير؟ الاصلت العنصرية في السودان !!!

و لا كمان يغيروا النصوص زي القبلة السكرى و الحاجات الغيرها حسين خوجلي !!!

و لا يمسحوها من مكتبة الأذاعة ... عشان ننتهي من التوثيق كمان مرة واحدة ...

عيال ابجويلي مسجلة و موثقة في كل الأماكن ...

فقط الشيء الصحيح انو محمد الأمين بي وعيه المعروف ممكن ما يغنيها تاني ...

Quote: تمام يا شباب المفروض مراجعة النصوص القديمة دي وتبقى كنصوص تسجل مراحل من وعي المجتمع ولكن لا يجب أن تقدم وتجاز كأغاني رسمية. المهم الوعي والتوعية الدائمة شكراً هباني ودينق وحاتم

هو الامين ده قبلي كده مش قال انو الانقاذ جسدت شعارات اكتوبر على ارض الواقع
ما ياها كلها المشاترة
هههههههههه

هي مثل ما ذكرت اخي هشام هباني ..

Quote: عيال أب جويلي الكمبلو وعرضو في دار كردفان اتغربو وسترو ضربو الجوز عديل حاشا ما ضلو لي بنات البلد سمح الخبر جابو

من هن بنات البلد ..المقابل المؤنث لاولاد البلد..
هنا تكمن العنصرية القائمة علي الاستعلاء العرقي والجهوي..

سلام هباني
بوست مهم والله شكرا ليك
لايوجد علي الاطلاق ما يبرر للاستاذ محمد الامين ان يتغني بهذا النص القميء.هناك نصوص اخري غناها محمد الامين تتعارض مع الحداتة وقيم المجتمع المنفتح الذي يكافيء المواهب والعمل الجاد
فمثلا تقول كلمات احدي اغنياته الاكتوبرية
"مبدا التطهير يسير ماشعار خاوي كبير
ابقوا طهروا بعدالة وابعدوا الذاتية غادي
الرفت من الخدمة العامة لاسباب سياسية يتعارض مع الحقوق الاساسية للانسان المنصوص عليها في المواثيق الدولية
وهو يحرم البلد من الكفاءات
ويستدعي الي الذهن جريمة الانقاذ التي لا تغتفر
الخاصة بالفصل للصالح العام
مبدا التطهير في حد ذاته مرفوض

وبقية النص حول ابعاد الذاتية مجرد كلام فارغ
فلبس هناك تطهير صالح اخر طالح

Quote: حافظ الإمام محي الدين · كالغاري القرقد مالو؟ وفيها شنو لو أم قرقد دي شكرته؟ +++ إنتو هسي دخلتوا نفسكم في ورطه، وقت واحد سوداني يقول ليكم إنه أصله عربي قاعدين تستخفوا بيه وتشبكوا مأساة قوم سود وكلام الباقر العفيف الما جايب حقه والآن بتثبتوا أن هناك جنسين في السودان وأن واحد من الجنسين ديل تعامل بعنصريه تجاه الآخر.

عشان كدة أكدنا على المشتركات

وقلنا العنصرية مش في الأوصاف اللهي قاسم مشترك بين الأصيل وبين من يرغب في اختيار جغرافيا غير التي تشبهه وبناء عليها يؤسس لتعالي غير مبرر بمثل هذه الأشعار. وذكرنا تحديداً بالاسم برنامج (المدح مقابل الذم) ولذلك نرد عليك سؤالك: وفيها شنو لو "بت البلد" دي شكرته؟ +++ ما هي دي مشكلتك ما عايز تقبل بأنو في أكتر من "جنس" أو هكذا تسميه أنت، أيوة في أكتر من عرقية وهل دي مشكلة ولا "ورطة" في نظرك؟ ولا المشكلة والورطة الحقيقية هي في تبني ثقافة تقوم أصلاً على الاستعلاء على كل "الأجناس"؟ وحتى هذا التبني يأتي في قالب الاستلاب بلا وعي مع الإشارة إلى "المشتركات" أعلاه. _____ بالمناسبة، هل الانتساب لقومية العرب حقيقة أو مجازاً يعطي أي تفوق مفترض؟ وعلى أي أساس يا حافظ؟

الكرام هشام هبانى وضيوفة
رمضان كريم

فرصة لمعرفة قصة هذه الأغنية الشعبية فى الفروسية، وقد تساعد فى تفهم تعابيرها

منقول من موقع شبكة كريمة

Quote: عيال اب جويلي الكمبلوا وعرضوا في دار كردفان اتغربوا وسدروا ضربوا الجوز عديل حاشا ما ضلوا لبنات البلد سمح الخبر جابوا غني و شكري يأم قرقدا سايح من دار كردفان جانا الشناع فايح في الفاشر الكبير طلعوا الصايح دقوا الجوز عديل اصلوا العمر رايح دقي وزغردي يام قرقدا حسواالليله بجيب القول علي البيسوا عيال اب جويلي الجيلوا وتعلوا ديل درب اب درق شقوا غني و شكري يا خدرة الورتاب فوق ود الفحل الليله جبتا جواب حقيت الاسم ياسالم الارباب قيدومة العيال ... ركازة للمرهاب سيرة اولاد الجويلي احفاد ود الفحل: قراءة مختلفة من اغاني الفروسية التي اختلف المؤرخون على حقيقة القصة التي كانت وراء الاغنية: من احد المصادر الموثوقة - تقول الرواية بانه في تلك الفترة حدث ان سرقت ناقة "ضئيلة الحجم وهزيلة" لعيال أب جويلي، ولكن عيال أب جويلي ولأنهم أشتهروا بالفروسية، مابرضوا الحقارة، و"لا يرتضون الضيم". فاجتمعوا يناقشوا ماهم فاعلين بحق ناقتهم التي سلبت منهم في ظلمة الليل . فكان الرأي الأغلب ان "يقصوا درب السارق"، وأن يستعيدوا ناقتهم مهما كلف الأمر، ومهما سال من دماء. فاجتمعوا للخروج وراء الناقة، تزغرد لهم النسوة وتدق الطبول، وهم يؤدون رقصة العرضة على المضارب، معلنين ان أوان خروجهم قد حان .. وحين كثرت الأهازيج وعلا صوت الزغاريد، أصروا انهم لن يخرجوا وراء السارق الا حفاة، وأن لا يحملون معهم الا المطارق. "فمن سرق ناقتهم لا يخرج وراءه بسيف"، كناية عن شجاعتهم وشدة بأسهم. ماسبق كان التحقيق للاحداث حتى خروج عيال أب جويلي الى المضارب: حقيقة ما حدث بعدها وعودتهم بالناقة اختلفت فيها المصادر أيضاً، وهو تحت التحقيق الآن ولكن أعظم الظن انهم عندما تتبعوا أثر الناقة حتى الفاشر، مرورا بكردفان، وعبورهم لطريق "درب أب درق" حفاةً، وجدوا ناقتهم ترعى بدون راعي، واكتشفوا انها قد شردت ولم تتم سرقتها "وعادوا بها بدون معركة"، ولكن رغم ذلك قابلتهم الاحتفالات عند العودة بالنصر الذي حققوه بارجاع الناقة المسلوبة. فعرضوا وكمبلوا "بعد ان جابو سمح الخبر". الفحل الكبير: هو الفحل بن ادريس، توفي قبل تولي امور الملكية، فتولت ارملته "سنتا" حكم شندي، واخو بنت بره والدة محمد والد المك نمر الشهير. العرضه والكمبله: رقصتان من رقاصات الفروسيه. الأولى اشتهر بها الجعليين، وتداولتها الكثير من قبائل السودان في شماله وغربه الشمالي، والثانية اشتهرت في دار كردفان. الكمبله هي ضرب الارض بالاقدام بقوة تثير الغبار كناية عن القوة والمثابرة، بينما العرضة هي تجمع للفرسان لاستعراض قوتهم. خدرة الورتاب: المرأة السمراء البشرة والناعمة الملمس ... أي الخدرة الناعمة ! درب اب درق: طريق شهير بغرب السودان ملئ بثعابين الكوبرا السامة، واب درق هو ثعبان الكوبرا. سالم الارباب: هو عريق النسب الكريم.

يجب ألا نخلط بين العنصرية ولإستعلاء وبين العبودية
العنصرية والإستعلاء مفهوم وسلوك ليس بالضرورة مربوط بإستعباد
بل الإستعباد والعبودية لم تكن مرتبطة بعنصر وعنصرية فهو سلوك شاع منذ
قدم التاريخ فى إستغلال البشر لبعضه البعض لا يرتبط يعنصر ولون بشرة
ونعومة أو قرقدية شعر الرأس

فالسلوك العنصر والتعالى متواجد حتى الآن، وتعليق مرشح الرئاسة الأمريكية
الجمهورى ترمب عن القاضى الذى لم يحكم لصالحه بقوله بأن القاضى (مكسيكى)
لن يكون الأخير فى الفهم والسوك العنصرى والإستعلاء.. وقناقليز المكسيكى الأصل
ناعم الشعر (سايح الشعر) وفاتح اللون.

الأغنية الشعبية موضوع البوست أغنية فروسية وكلماتها كانت إحتفائية بعد الإنتصار
والأخبار السعيدة .. تفتخر وتشكر الفرسان . ويبدو أنها قيلت فى لحظات إستقبال
الفرسان والكل فى فرح وحبور وغناء يتفاعل فيه كل أفراد مجتمع القبيلة
وحتى إن كان من بينهم عبيدا وخدماً فهم جزء من مجتمع القبيلة يتفاع ويحتفى.
ورغم أن الكلمات لم تشير إلى عبودية أو إقلال بأصل أحد، فحتى لو ذهبنا مذهب
من فسروا أن الفتاة التى وصفت بأم قرقد وبخضرة الورتاب بأنها كانت عبدة
فالكلمات وصفت المشهد ومجدت هذه الفتاة ولم تقلل من شأنها. إلا إذا كنا نرى
فى الشعر القرقدى منقصة ولا يصلح معياراً للجمال والتغزل ومنغلقين فى معيار
الشعر الناعم ولون البشرة الفاتح المبيض! ومكبلين بفهم أن بنت البلد وود البلد
لها مفهوم عنصرى إستعلائى.

أما فى عموم معنى الكلمات وبعيدا عما فى رواسب العقول والنفوس
فالكلمات تحتفى بفروسية وإنتصار الفرسان وأخبار الغار والفخار
السعيدة التى وردت لبنات البلد، فكان الخطاب للبنات موجها فى صيغة
فرد والمقصود الكل، وقد تكون وصفت من كانت تغنى ذات الشعر القرقدى
ولون البشرة ذو الخضرة الناعمة (سواء حرة أم مستعبدة) فتغزلت فيها.
الكلمات يفهم منها تغزلا فى بت بلد قرقدية الشعر سوداء

لا أرى ما يحول دون أن يتغنى الفنان المبدع محمد الأمين بهذه الكلمات
ولو أردتم منعه فأيضا أمنعوه وغيره من الفنانين بالتغنى بكلمات تتغزل
بشعر المرأة الناعم .. ذات الضفائر .. وسال من شعرها الذهب ..
والضفائر تقول حرير . لأن فيها عنصرية وإستعلاء على عناصر
سودانية شعرهم (قرقدى) .. ود اللمين غنى لصاحبة الشعر القرقدى
سوداء اللون .. خذوا الجانب الظاهر للكمات بدلاً عن الإجتهاد العنصرى

ويا عزيزى هشام من ناحية أخرى الأغنية متفردة فى غرابة الكلمات
وروعة وتفرد اللحن والموسيقى تختلف عن لونية موسيقى ود اللمين
فجاءت متفردة، يصعب بل يستحيل الإمتناع عن الإستماع والإستمتاع بها
وعبر هذا البوست التحية والتقدير للفنان الكبير المبدع محمد الأمين

Quote: يجب ألا نخلط بين العنصرية ولإستعلاء وبين العبودية +++ بل الإستعباد والعبودية لم تكن مرتبطة بعنصر وعنصرية فهو سلوك شاع منذ قدم التاريخ فى إستغلال البشر لبعضه البعض لا يرتبط يعنصر ولون بشرة ونعومة أو قرقدية شعر الرأس +++ وحتى إن كان من بينهم عبيدا وخدماً فهم جزء من مجتمع القبيلة يتفاع ويحتفى. +++ ورغم أن الكلمات لم تشير إلى عبودية أو إقلال بأصل أحد، فحتى لو ذهبنا مذهب من فسروا أن الفتاة التى وصفت بأم قرقد وبخضرة الورتاب بأنها كانت عبدة فالكلمات وصفت المشهد ومجدت هذه الفتاة ولم تقلل من شأنها +++ إلا إذا كنا نرى فى الشعر القرقدى منقصة ولا يصلح معياراً للجمال والتغزل ومنغلقين فى معيار الشعر الناعم ولون البشرة الفاتح المبيض! ومكبلين بفهم أن بنت البلد وود البلد لها مفهوم عنصرى إستعلائى. +++ ولو أردتم منعه فأيضا أمنعوه وغيره من الفنانين بالتغنى بكلمات تتغزل بشعر المرأة الناعم .. ذات الضفائر .. وسال من شعرها الذهب .. والضفائر تقول حرير . لأن فيها عنصرية وإستعلاء على عناصر سودانية شعرهم (قرقدى)

سمح مستعجل للنتائج بدون مقدمات كدي مالك؟

وهل في عنصرية بدون استعلاء؟ وهل في عبودية بدون استعلاء؟ +++ عشان كدة ركزنا على المشتركات وحددنا وين المشكلة +++ مجبور أو مجبول +++ ما بالضرورة، هسع لو واحد قال ليك "شلاليفك كبار" أو "نخرتك ساقطة" فهل كدة نعتك بوضعيتك ولا مجد أصلك؟، خليك صريح +++ ما قلنا مشتركات دي، لكن جانا اقتراح الأخ آدم مهاجر وقال تم الالتفاف عليها. الانغلاق هو في محاولة التستر على المفاهيم دي وتركها بدون علاج، عندك أخونا عادل الموضوع دا عامل ليهو هستيريا، أظنو كمان زاد عليها وقال في ناس عندهم "تلاتة نخرين" وما أدانا سيلفي عشان نعرفوا قاصد تلاتة ولا اتنين . +++ ارتاح، الاستعلاء والعنصرية معاييرها مختلفة، وفي بيئتك المنفصمة دي تمييع التوصيف ومحاولة مداراته بمنطق رياضي لن يفيد، فكلامك دا دلالاته لا علاقة لها بالواقع، فهل تستعلي بتوصيفات هي في وعيك الجمعي مظاهر تستبطن التحقير؟ ولا تستحقر الآخر بمفردات هي في نظر "الكل" موجبة للتوقير؟ خليك أمين _____ كلنا معجب بود اللمين لكن الحق دائن ومدين

سلامات هشام هباني وضيوفك رمضانك كريم تعرف أول مره أنتبه الي أن هذه الأغنية تحمل إسقاطات عنصرية ودلائل إستعلاء يمكن لأننا كشعب منذ زمن طويل لم نناقش موضوع العنصرية الذي تحتشد به الثقافه السودانية بهذا الوضوح ... الفضاء الإسفيري جعل الأمر ممكنا لرفع الحرج عن البعض نسبة لحساسية " قضية العنصرية" حالة الإنكار لدي البعض أو التبرير أيضا رد فعل طبيعي الي أن ينتقلوا الي مربع جديد الأستاذ محمد الأميـن يحمل ثقافة هذا المجتع ولم يأتي بشيء من بنات أفكاره سيحمل أوزار هذه الثقافه دون الشعور بذلك , وهذا حال الكثيرين وأتوقع اذا علم بأن هذه الأغنية عنصرية ربما لتريث قبل أدائها ولكن هذه مصيبتنا .. يمارس الإستعلاء بصورة يومية في المفردات الشعبيه وتتنفس الشوارع السودانية هذه العنصرية وهذا الإستعلاء الأجوف يعني ما جات علي ود اللمين براه

محمد الامين فنان نادر
وهو ابن لجيله ، جيل الكهوف الايديولوحية
والانتصار لفكرة او عقيدة حتي لو جاء النصر
علي حساب التعددية وحقوق الانسان الاساسية
وهو جيل فاتت عليه حقيقة ان المشاريع النظرية
والعمل السياسي غايته الانسان وليس العكس
حيث لايمكن التضحية بالانسان من اجل فكرة
ومستقبل افضل يبشرون به.
اتمني ان يقوم الاستاذ محمد الامين بمراجعة كل
النصوص التي تقصي الاخر وتتعارض مع حقوق
الانسان الاساسية وليختار هو الشكل المناسب للتعديل
امنياتنا له بالصحة ودوام العمر ونقول ليهو رمضان كريم

الاستاذ ود الامين كلنا من محبيه والاغنيه التى فاحت منها رائحة العنصرية ياما استمعناها مرارا وتكرارا وما كنا نلغى لها بال...... ارجوا ان لا نثقل على استاذنا الجميل محمد الامين .... ويا ريت كمان تناقشوا حكاية الشباب البقولوا شنو يا عب؟ ......هل هذه من تلك او ما هى القصه .......

محمد الامين فنان نادر
وهو ابن لجيله ، جيل الكهوف الايديولوحية
والانتصار لفكرة او عقيدة حتي لو جاء النصر
علي حساب التعددية وحقوق الانسان الاساسية
وهو جيل فاتت عليه حقيقة ان المشاريع النظرية
والعمل السياسي غايته الانسان وليس العكس
حيث لايمكن التضحية بالانسان من اجل فكرة
ومستقبل افضل يبشرون به.
اتمني ان يقوم الاستاذ محمد الامين بمراجعة كل
النصوص التي تقصي الاخر وتتعارض مع حقوق
الانسان الاساسية وليختار هو الشكل المناسب للتعديل
امنياتنا له بالصحة ودوام العمر ونقول ليهو رمضان كريم

حبيبنا هباني ... بوست جميل
نحن في اقصى الشمال النوبي أو كثير منا لا يفهم مفردات هذه الاغاني ,,
فهي بالنسبة لنا طرب موسيقى مع فهم الظاهر من المفردات التي نعرفها من العامية السودانية
معظم أغاني الحماسة صعبة الفهم إلا من خلال شرح المفردات ..
مودتي هباني

ولا تنسوا ايضا اغنية الشيخ سيروه وحكاية " تبراهو الشعبة والجنزير"... أغانى المستعربين السودانيين مليئة بقذارات عنصرية كثيرة يجب مسحها من الأرشيف نهائيا...

Quote: فكان الخطاب للبنات موجها فى صيغة فرد والمقصود الكل

أمسك دا واحد تاني حالف تغني ليهو "السرارة"

سفهيلو بريد الشيخ ياناس بريدو سيرو بريدو غره فوق جبينه سيرو تلاته راتب عشاء هي ود الشيخ مصطفيهي هي العقد الدم بالعصا حيرانه المتشكره يغوغي القمري مع القطا والولاده بعد الشيخ كفي .الشيخ سيرو هي غنت ليك السراره قالت الشيخ وارث الشطاره سوداني ما برضا الحقاره يوم صال البقعه جالا وكمل قماش النصاري الشيخ سيرو تلانه قدور محلبيه وتلاته قدور سرتيه نسيبته قالت شويه حرمان مايدخلن عليا ملحوظة: كمل قماش النصارى دي أظنها تعني مخمخم بالجلاليب، ودي دايرة بوست براها مع مراعاة مزاج المتنبي. _____ أها يا نادر الفضلي هنا الخطاب موجه لمنو؟

Quote: ولا تنسوا ايضا اغنية الشيخ سيروه وحكاية " تبراهو الشعبة والجنزير"

السيل بوبا للكابلي

السيل بوبا غناء / عبدالكريم الكابلى والفنان بادي محمد الطيب غير خالد ماليك تنين....... عرش دود الأربعين السيل بوبا ......يا الفوتك مو دحين ****** تغني ليك أم هاني ويشهدو أهل المعاني نضيفا خاتي ريحة الشاني كتل ديلاك خبرو جاني ****** يا القمره الماك شهير يا الرأسى الماك صغير أبوك بساطى القبيل تبراهو الشعبه والجنزير <------------ خت كرسيه للعديل وكورك قال يا غفير سيفه بدلي الجفير العاداك وين يطير شقيا صادف نكير ****** شدلوا ليك في أم سبيب كشفن ليك أمات وضيب القاصدنو منك ما بخيب والف الشمس قبال تغيب ****** تغنى ليك ظبية الحدر ما بتبلع من اصلو مر المكنه فوقو بتكاكى والمدفع تحتو بيخر لا بيخاف ولا بيتر قدام العينهم خدر _____ ناس التفاسير علينا جاي

Quote: حافظ الإمام محي الدين · كالغاري على ما أعتقد أن كثير من الناس يرى في (غني وشكريه) إستعلاء خاصه عندما تم توجيه صيغة الأمر لي (أم قرقد) وكأن الشاعر أوالشاعره يطلب من الخادم (أم قرقد) أن تغني وتشكر سيدها أو اسيد البلد الحر( عيال أب جويلي) . المتتبع لأغاني التراث أو الحماسه يلاحظ أن صيغة (غني وشكريه) وردت في كثير من الأغاني ولم يراد بها إستعلاء ولكن لبث الحماس عند الرجال وغالبا الغناء والشكر يتم عن طريق النساء اللاتي يكون لهن هذا التأثير القوي عند الرجال ويفعل مفعول السحر لبث الحماس وليس عند خدم أو عبيد لا يقدم غناءهم أو شكرهم ولا يؤخر. في هذه الأغنيه تم ذكر أم قرقد كوصف وليس إزدراء أو إستحقار بل طلب منهم الشاعر أن يغنوا للفرسان حتى يلهبوا حماسهم لأن غناءهم يعطيهم الدافع المعنوي لتحمل الصعاب. أما الورطه التي قصدت فهي تتعلق بالذين يرون أن لا وجود لأي عنصر آخر بالسودان سوى العنصرالزنجي وهاهم يتباكون الآن أن هناك إستعلاءاً تم من قبل (أب شعراً ناعم) تجاه (أم شعراً قرقد).

Quote: حافظ الإمام محي الدين · كالغاري إنتو هسي دخلتوا نفسكم في ورطه، وقت واحد سوداني يقول ليكم إنه أصله عربي قاعدين تستخفوا بيه وتشبكوا مأساة قوم سود وكلام الباقر العفيف الما جايب حقه والآن بتثبتوا أن هناك جنسين في السودان وأن واحد من الجنسين ديل تعامل بعنصريه تجاه الآخر. +++ أما الورطه التي قصدت فهي تتعلق بالذين يرون أن لا وجود لأي عنصر آخر بالسودان سوى العنصرالزنجي وهاهم يتباكون الآن أن هناك إستعلاءاً تم من قبل (أب شعراً ناعم) تجاه (أم شعراً قرقد).

حقو تثبت على رأي واضح يا الإمام

مرة تقول انتو في ورطة لأنكم بتثبتو وتجي الليلة تقول الورطة في النفي؟ _____ أدينا الزيت بدل اللولوة دي

العزيز هشام كل عام وانت بخير
من هم عيال ابو جويل وماهى مناسبة الاغنية
لو فى امكانية شرح الاغنية ؟
تحياتى

العزيز هشام كل عام وانت بخير
من هم عيال ابو جويل وماهى مناسبة الاغنية
لو فى امكانية شرح الاغنية ؟
تحياتى

سلام هشام و الضيوف و رمضان كريم
بوست و ملاحظة موفقة وفي وقتها تماما تشكر عليها يا هشام وعلى التذكير و التنبيه فقد غفلنا و اعتدنا على المرور مر الكرام على مثل هذه الإشارات و العبارات دون أن نلقي لها بالا ولأثرها القاسي في النفوس
ومش الأغاني التراثية فقط بل حتى النكات و التنميط و بعض العبارات في الحياة اليومية
و المسالة ليست متوقفة على المستعربين فقط كما تفضلت يا منّان, التعالي و التحقير موجود في جميع الثقافات و اللهجات و الجهات المختلفة و بين جميع القبائل
الآن مسالة العنصرية و التعالي و التحقير بقى سبب رئيس لسفك الدماء بين ابناء الوطن الواحد فا الموضوع لا يحتمل تجاهل و اعتياد ومرور كرام.
البوست دا ممكن يكون بداية لعمل كبير يسهم في نشر الوعي و ازالة الضباب, ممكن يتطور ليرصد كل العبارات و الإشارات و الالفاظ ذات التاريخ و المدلولات العنصرية و التي تقلل من قيمة الآخر بناء على عرقه أو أصله او قبيلته بما فيها النكات و الأمثال
وليس حكرا على الوسط فقط بل يشمل كل اللهجات و الموروثات والثقافات السودانية و يحصرها و يصنّفها
وفي النهاية ممكن يصدر اعلان - نسميه اعلان سودانيز لنبذ العنصربة مثلا أو اي اسم مناسب
ويكون أساس لمبادرة شعبية واسعة للمصالحة و لبنة لبناء مستقبل واعد على اسس سليمة.

العزيز ود البشري
رمضان كريم

Quote: الآن مسالة العنصرية و التعالي و التحقير بقى سبب رئيس لسفك الدماء بين ابناء الوطن الواحد فا الموضوع لا يحتمل تجاهل و اعتياد ومرور كرام. البوست دا ممكن يكون بداية لعمل كبير يسهم في نشر الوعي و ازالة الضباب, ممكن يتطور ليرصد كل العبارات و الإشارات و الالفاظ ذات التاريخ و المدلولات العنصرية و التي تقلل من قيمة الآخر بناء على عرقه أو أصله او قبيلته بما فيها النكات و الأمثال وليس حكرا على الوسط فقط بل يشمل كل اللهجات و الموروثات والثقافات السودانية و يحصرها و يصنّفها وفي النهاية ممكن يصدر اعلان - نسميه اعلان سودانيز لنبذ العنصربة مثلا أو اي اسم مناسب ويكون أساس لمبادرة شعبية واسعة للمصالحة و لبنة لبناء مستقبل واعد على اسس سليمة.

تجدني اتفق معك تماما في هذا المقترح الذي تفضلت به اعلاه وهو عين الحكمة

خالص المودة والاحترام

اختنا العزيزة دكتورة وضاحة
رمضان كريم واليك سيرة ( عيال اب جويلي ) حسب المقتبس ادناه وهو مداخلة للصديق نادر الفضلي:

Quote: عيال اب جويلي الكمبلوا وعرضوا في دار كردفان اتغربوا وسدروا ضربوا الجوز عديل حاشا ما ضلوا لبنات البلد سمح الخبر جابوا غني و شكري يأم قرقدا سايح من دار كردفان جانا الشناع فايح في الفاشر الكبير طلعوا الصايح دقوا الجوز عديل اصلوا العمر رايح دقي وزغردي يام قرقدا حسواالليله بجيب القول علي البيسوا عيال اب جويلي الجيلوا وتعلوا ديل درب اب درق شقوا غني و شكري يا خدرة الورتاب فوق ود الفحل الليله جبتا جواب حقيت الاسم ياسالم الارباب قيدومة العيال ... ركازة للمرهاب سيرة اولاد الجويلي احفاد ود الفحل: قراءة مختلفة من اغاني الفروسية التي اختلف المؤرخون على حقيقة القصة التي كانت وراء الاغنية: من احد المصادر الموثوقة - تقول الرواية بانه في تلك الفترة حدث ان سرقت ناقة "ضئيلة الحجم وهزيلة" لعيال أب جويلي، ولكن عيال أب جويلي ولأنهم أشتهروا بالفروسية، مابرضوا الحقارة، و"لا يرتضون الضيم". فاجتمعوا يناقشوا ماهم فاعلين بحق ناقتهم التي سلبت منهم في ظلمة الليل . فكان الرأي الأغلب ان "يقصوا درب السارق"، وأن يستعيدوا ناقتهم مهما كلف الأمر، ومهما سال من دماء. فاجتمعوا للخروج وراء الناقة، تزغرد لهم النسوة وتدق الطبول، وهم يؤدون رقصة العرضة على المضارب، معلنين ان أوان خروجهم قد حان .. وحين كثرت الأهازيج وعلا صوت الزغاريد، أصروا انهم لن يخرجوا وراء السارق الا حفاة، وأن لا يحملون معهم الا المطارق. "فمن سرق ناقتهم لا يخرج وراءه بسيف"، كناية عن شجاعتهم وشدة بأسهم. ماسبق كان التحقيق للاحداث حتى خروج عيال أب جويلي الى المضارب: حقيقة ما حدث بعدها وعودتهم بالناقة اختلفت فيها المصادر أيضاً، وهو تحت التحقيق الآن ولكن أعظم الظن انهم عندما تتبعوا أثر الناقة حتى الفاشر، مرورا بكردفان، وعبورهم لطريق "درب أب درق" حفاةً، وجدوا ناقتهم ترعى بدون راعي، واكتشفوا انها قد شردت ولم تتم سرقتها "وعادوا بها بدون معركة"، ولكن رغم ذلك قابلتهم الاحتفالات عند العودة بالنصر الذي حققوه بارجاع الناقة المسلوبة. فعرضوا وكمبلوا "بعد ان جابو سمح الخبر". الفحل الكبير: هو الفحل بن ادريس، توفي قبل تولي امور الملكية، فتولت ارملته "سنتا" حكم شندي، واخو بنت بره والدة محمد والد المك نمر الشهير. العرضه والكمبله: رقصتان من رقاصات الفروسيه. الأولى اشتهر بها الجعليين، وتداولتها الكثير من قبائل السودان في شماله وغربه الشمالي، والثانية اشتهرت في دار كردفان. الكمبله هي ضرب الارض بالاقدام بقوة تثير الغبار كناية عن القوة والمثابرة، بينما العرضة هي تجمع للفرسان لاستعراض قوتهم. خدرة الورتاب: المرأة السمراء البشرة والناعمة الملمس ... أي الخدرة الناعمة ! درب اب درق: طريق شهير بغرب السودان ملئ بثعابين الكوبرا السامة، واب درق هو ثعبان الكوبرا. سالم الارباب: هو عريق النسب الكريم.

Quote: محمد الامين فنان نادر وهو ابن لجيله ، جيل الكهوف الايديولوحية والانتصار لفكرة او عقيدة حتي لو جاء النصر علي حساب التعددية وحقوق الانسان الاساسية وهو جيل فاتت عليه حقيقة ان المشاريع النظرية والعمل السياسي غايته الانسان وليس العكس حيث لايمكن التضحية بالانسان من اجل فكرة ومستقبل افضل يبشرون به.

كلام واقعي جداً

فحتى لو أخذنا النماذج المعروضة هنا (ود اللمين، حمد الريح، كابلي) نجدهم تقريباً من نفس الجيل.

Quote: ممكن يتطور ليرصد كل العبارات و الإشارات و الالفاظ ذات التاريخ و المدلولات العنصرية و التي تقلل من قيمة الآخر بناء على عرقه أو أصله

المافي شنو؟

الواعي ما بوصو من أمس الضحى تورى أب زنود ساقو يتور بقر الجواميس العليك الرك يا عقد الحديد للحلبي ما بتنفك <----------- تورك يا أم رشوم فى الحلق عشرق دقيت الجسر وحاجر مشارع الحق _____ بس ناس حافظ لمام ديل يساعدونا شوية ويبعدوا من تبني نمط التفكير الشنقيطي

Quote: حافظ الإمام محي الدين · كالغاري البوست موضوعه محدد وهو أغنية عيال أب جويلي وعنصريتها، كونك تمشي تفتش لأغاني تانيه عشان تثبت عنصرية أغنية عيال أب جويلي دي ياها اللولوه زاتا. كل قصيده لازم تصطحب معاها سبب تأليفها ، الزمن القيلت فيه ، المكان الذي قيلت فيه حتى تتمكن من محاكمتها. أتمنى إنك تكون إقتنعت من خلال أمثلتك الجبتها دي إنه مسألة ( غني وشكريه) دي ليس لها أي علاقه بأوامر يطلقها الشاعر لأراذل القوم لكي يُمجِّدوا سادتهم كنوع من الإستعلاء عشان ننتقل معاك لمسألة الوصف بتاع أم قرقد.

يا راجل دمك فاير مالك؟

أنا بناقشك بمنطقك لحد الآن وما داير أقول عليك صاحب تفكير حجري لا ينظر للدنيا إلا بمنطق السيد والعبد غصباً عن كالغاري. Quote: طريق النساء اللاتي يكون لهن هذا التأثير القوي عند الرجال ويفعل مفعول السحر لبث الحماس وليس عند خدم أو عبيد لا يقدم غناءهم أو شكرهم ولا يؤخر +++ ليس لها أي علاقه بأوامر يطلقها الشاعر لأراذل القوم لكي يُمجِّدوا سادتهم هسع عباراتك الفوق دي براها بتدينك 1- تعريفك شنو (للخدم والعبيد) الغناهم ما بيقدم ولا بيؤخر ديل؟ 2- أراذل القوم ديل منو يا حافظ لمام؟ ودا اتلولوت وما جاوبت عليهو يا حافظ 3- بالمناسبة، هل الانتساب لقومية العرب حقيقة أو مجازاً يعطي أي تفوق مفترض؟ وعلى أي أساس يا حافظ؟ _____ خليك صريح بالله عشان نمشي لقدام

غني وشكري الليلة يا مسرة

وحنضل القيزان الفي حلوقن مرة

للاسف حتي بعض الاسماء في السودان لازالت موجودة ومن دلالاتها المعنوية واللفظية تدرك التنميط العنصري فيها وتلقائيا تدرك ان المسمي بضم الميم الاولي وفتح الثانية هو قطعا سوداني من اولئك الذين وقع عليهم ذلكم الضيم الكبير والاسماء مثل ( عجب سيدو وقسم السيد والله معانا والكريم مهال وعطا المولي وفضل المولي وساتر الله وقسم الله) وهلم جرا اسماء لا تحصي لازالت شواهد علي اثار عنصرية السودان القديمة

Quote: والاسماء مثل ( عجب سيدو وقسم السيد والله معانا والكريم مهال وعطا المولي وفضل المولي وساتر الله وقسم الله)

دقشنا النقطة دي بالذات قبل سنتين، لكن الناس كشت وأوجست

http://sudaneseonline.com/msg/board/470/msg/1408604493/rn/77.html وأغلب الأسماء للنساء والرجال جاءت من الوسط، ولقينا برضك الهندي والبنغالي أما المصري والمملوكي فرااااقد، ما هو عشان كدة التعالي نسبي وأي زول بيفتش على عتبة يطاها، ولو شِعْراً ولو شَعَراَ. في ناس ما بتدور الحقائق، وعايزة تعيش الحلم حسب انتاجها وإخراجها وبطولتها، شفت كيف!. أخونا عبد الله شم شغال في قائمة أسماء (Onomasticon) فريدة من نوعها، لقط عشرين اسم من حوالي ألف، العشرين ديل "عربيات"، أو هكذا بدن له. _____ نجن جاهزين جاهزين للخ الطين يا هباني، والتصنيف كان حيشمل الكل

Quote: البوست موضوعه محدد وهو أغنية عيال أب جويلي وعنصريتها، كونك تمشي تفتش لأغاني تانيه عشان تثبت عنصرية أغنية عيال أب جويلي دي ياها اللولوه زاتا. كل قصيده لازم تصطحب معاها سبب تأليفها ، الزمن القيلت فيه ، المكان الذي قيلت فيه حتى تتمكن من محاكمتها.

كبر عقلك شوية

النقاش الموضوعي هنا للسلوك والملاحظة جات في إطار نموذج هو الأغنية دي بالذات، توسعة النطاق يقود لحل المشكلة، جائز ما عجبك. _____ لكن في إمكانك تواصل رفع صخرة العنصرية النشأت عليها يا سيزيف

دي يا زاتها حكاية( تبراهو الشعبة والجنزير) بس الصورة هنا مستلفة من موريتانيا ويبدو انها كانت مجسدة في السودان علي نحو ما هو بائن في الصورة!

Quote: دي يا زاتها حكاية( تبراهو الشعبة والجنزير) بس الصورة هنا مستلفة من موريتانيا ويبدو انها كانت مجسدة في السودان علي نحو ما هو بائن في الصورة!

يا هباني موريتانيا مرآة تاريخية للسودان الحالي

عايز تعرف تاريخ السودان القريب كان كيف؟ اطلع على أخبار موريتانيا المعاصرة. أغلب الناس البيدافعو عن العنصرية وقايمين يبرروا ليها في السودان دا أصولهم موريتانية، القريبة حتى مش البعيدة، ومن الطبيعي تكون دي ردود أفعالهم إما لممارسات اعتادوا عليها أو لقهر مورس عليهم، عملية إسقاط نفسي، ونفس الثيمة بتاعة الأغاني والأشعار دي حتلقاها هناك بضبانتها. هاك دي واحدة طازة شوف بيها عقلية "غني وشكري" http://sudaneseonline.com/msg/board/490/msg/1452931320/rn/13.html فعشان كدة طبيعي محاولة وضع المتاريس والفواصل والجقلبة الحاصلة دي والإصرار على "التأصيل" الذاتي. _____ قلنا نجيكم من الآخر

سلام للجميع

اعتقد انو القصيدة أو الأغنية بتعبر عن فترة تاريخية معينة في تاريخ السودان بكل فظاعاتها، فمن غير المجدي تعديلها أو التوقف عن غناءها كلو ما بغير شيء من الماضي الكان حاصل، العبودية والسخرة كانت موجودة في كل العالم حتى امريكا رائدة حقوق الإنسان اليوم كان التمييز فيها حتى خمسينيات القرن الماضي، فعموما نقول (الجفلن خلهن أقرع الواقفات) .

ورمضان كريم للجميع

Quote: الحاردلو:- لي ليم الدُغُس دايم الأبد قرهان ومن قِلَّ الفلوس أصبحت في حرمان فتشت البلد عدلان مع عرمان مالقيت ليك نظير ياأم قرقدن كيمان

Quote: اعتقد انو القصيدة أو الأغنية بتعبر عن فترة تاريخية معينة في تاريخ السودان بكل فظاعاتها، فمن غير المجدي تعديلها أو التوقف عن غناءها كلو ما بغير شيء من الماضي الكان حاصل، العبودية والسخرة كانت موجودة في كل العالم حتى امريكا رائدة حقوق الإنسان اليوم كان التمييز فيها حتى خمسينيات القرن الماضي، فعموما نقول (الجفلن خلهن أقرع الواقفات) .

تحياتي يوسف ورمضان كريم تصوم وتفطر على خير
بالعكس يا يوسف التوقف عن ترديد الكلمات و الاشارات ذات المدلولات السلبية اكبر فعل يقود للتصالح و السلام المجتمعي أو على الأقل اعتراف من الجميع بخطل ممارسات سابقة كانت تعتبر عادية على ايامها لكن تطور الوعي و المجتمعات ادى لرفضها
في امريكا اليوم لن يجرؤ احد على لبس زي الـ KKK حتى لو على سبيل المزاح, أو يردد كلمة "نيقر" على الملأ
هذا النوع من التصالح و الاعتراف ما يحتاجه المجتمع, كخطوة استباقية او تمهيدية لليوم الذي يجرم فيه التمييز بقوانين قوية من الدولة.

الأخ الحصيف ود البشرى
هلا بيك وتصوم تفطر على خير
رؤيتي أنو التاريخ ما مفترض يزال أو يتعدل سواء أكان مادي (مباني آثار .. الخ) ، أو أدبي زي القصايد حقتنا دي أو القصص والمأثورات البتحكي عن فترة تاريخية معينة، الأمريكان الكانو في قمة الاحتراب والصراع والاقتتال الأهلي والعبودية الراسخة ما زالو محتفظين بتاريخهم القديم كما هو ، لأنو بعبر عن فترة معينة في وقت معين الزمن داك مافي أدوات وعي وتنوير وإدراك لمبدأ المساواة والعدل والحرية بين الناس ، ليه خلوه ؟! عشان الناس تتعلم منه وتتعظ لو ما نحن الأجيال البعدنا وأهو النتيجة ظهرت في بلدانهم تقدمت وتطورت وبقت قبلة لكل طالب حياة حرة كريمة ، المفروض الحاجات التتمنع هي الألفاظ العنصرية (عب ، فرخة ، جلابي ، مندكورو .. الخ) من تعابير التنميط العنصري البغيض والأفعال المصاحبة لها ، عشان كدا قلت (الجفلن خلهن اقرع الواقفات) الفات ولى وراح لن يفيد حذف أو منع فهو موجود في صدور الناس وينتقل من جيل لجيل، فما فائدة المنع أو الحذف ؟!
الحمد لله رغم سوءات البلد ورغم انو ماهو المطلوب لكن على الأقل ممكن نقول في شيء رادع في السودان لكلمة عب سجن ستة شهور وغرامة ورغم انو ما اعتبرن كافيات زيهن وزي أي قانون تاني محتاج تعديل، لكن ممكن نقول دي أرضية نأسس بيها لقدام .
الخطوات العملية المحتاجين يا صاحبي انو الناس تتناسى القديم وتبدأ تأسس لمبدأ تقبل الآخر ؟! العنصرية في السودان ليست من طرف واحد إنما عنصرية متبادلة المصيبة في التناول والعلاج ليها الناس بتبر العنصرية بتمسك جزء وبتخلي جزء ودي أس المشكلة البتخلق ردة فعل مساوية لها في الفعل والاتجاه .
ودمتم

اواصل
والأغرب والأدهى انو في ناس عايزة تحاكم الماضي بأثر رجعي !!!!!!! كيف ما عارف ؟؟!!! وفي ناس شايتة تدوين تقيل وشتايم للشعب السوداني كلو !!!!!!!
طيب اها شتمنا الشعب السوداني وعدلنا وحذفنا ومنعنا النتيجة ؟!
الحال في حالو وبالعكس الممنوع مرغوب ربما يدفع الناس للعودة العكسية للعنصرية وتوابعها ..
عندك العنصرية في الغرب عموما عندهم أصعب القوانين المكافحة للعنصرية بكل أشكالها ؟ الحصل شنو والنتيجة كانت شنو ؟ صاح على المستوى الرسمي راحت العنصرية لكن هل راحت من النفوس والعقول الباطنية بالعكس موجودة ، عندك مثال النازية منعت وتم تشديد الضوابط على مكافحتها ، برضو في نازية ويمين متطرف ومتعصبين وأوضح مثال ترامب واهو كمان بترشح للرئاسة وعندو حملات انتخابية واعلام وهيلمانة طويلة عريضة ، رغم انو بمارس العنصرية الدينية على المسلمين وقوانين أمريكا بتقر بحرية الاعتقاد لكل الاديان والمعتقدات :) أها دي يحلوها كيف ؟!

Quote: حافظ الإمام محي الدين · كالغاري تعرف يا حاتم أنا تابعت لكثير من نقاشات هنا كنت أنت طرفاً فيها، وأراك دائما ما تستعمل بعض الإتهامات تحاول أن تهاجم بها محاورك علي شاكلة (دمك فاير مالو)، (نفسك قايم مالو) وهكذا متصوراً أنك قد جلبت من الحجج والأدله الدامغه ما جعل محاورك يفقد المنطق ويفلس وكأنك تريد أن تعلن نصراً وتنبِّه الناس له لأنهم لم يلاحظوه خلال النقاش. وبعدين شايفك كررت مسألة إسمي مرتين خطأ (لمام) بدلا من (الإمام )فماعارف دي نوع من الصعلكه وقلة الأدب القاعد تفور بيها دم الناس؟ أنا لغاية هسي بناقش فيك بإحترام رغم إنه مداخلتي الأولى كانت موجهه لصاحب البوست ولفحت إنت الكلام بس قلنا نآخد وندي معاك، أما إذا المسألة جابت ليها قلة أدب ح أتوقف من نقاشك لأنه ح يوديني لسكه أنا ماعايز أمشيها خاصه الأيام دي.

والله نحترمك طالما احترمت كرامة البشر، خلاف ذلك دمك يفور بس

والله أنا يادوبك بطرح في أسئلة من واقع مداخلاتك المضطربة والمتناقضة، فأنا لا جلبت حجج ولا أدلة دامغة، جلبتها انت براك، هسع في زول محترم بيردد كلام زي التحت دا في الزمن دا؟ Quote: وغالبا الغناء والشكر يتم عن طريق النساء اللاتي يكون لهن هذا التأثير القوي عند الرجال ويفعل مفعول السحر لبث الحماس وليس عند خدم أو عبيد لا يقدم غناءهم أو شكرهم ولا يؤخر +++ ليس لها أي علاقه بأوامر يطلقها الشاعر لأراذل القوم لكي يُمجِّدوا سادتهم لو شايف إنو كلامك الفوق دا محترم ومسنود بأي منطق أو أي قيمة أخلاقية تعلي من شأن الانسانية أو يضيف حل للمشكلة المطروحة هنا أو يجنبك تفوير الدم أجب لينا بوضوح على الأسئلة التحت دي، فنحن عايزين نعرف العقلية المستعلية دي بتأسس على شنو بالضبط في سبيل احساسها بسمو ونشوة لحظة إطلاق النعوت دي، هل هي الملامح واللون، مكتسبات ثقافية، قروش، إبل وبهايم، عيوش، أصول وعقارات، جالوص، لغة، دين، علم نافع، علم ما نافع، زندية ساكت، ولا شنو بالضبط؟ 1- تعريفك شنو (للخدم والعبيد) الغناهم ما بيقدم ولا بيؤخر ديل؟ 2- أراذل القوم ديل منو يا حافظ لمام؟ 3- هل الانتساب لقومية العرب حقيقة أو مجازاً يعطي أي تفوق مفترض؟ وعلى أي أساس يا حافظ؟ أنا شايف عباراتك بأنها نتاج عقلية مستعلية، ليه؟ لأنو من الواضح عدم احساسك بفداحة المصطلحات المستخدمة فيها وكأنك بتتكلم عن أشياء، إضافة لذلك، انت ما قاعد تاخد وتدي، بل انت مستنكر حتى استغراب الناس من ورود توصيفات مهينة في حق البشر وبتؤيد التعامل بها في العلن في هذا العام 2016. انت مصر تحصر الموضوع في أغنية واحدة، احتمال لأنك جهزت رد تظنه مقنع، ودا في حد ذاتو قصور وضيق أفق في تناول مشكلة عامة وضحت للناس بدليل النماذج المتتابعة الشاركوا بيها الناس هنا وكلها مخزية والمفروض دمك يفور في رفضها مش الدفاع عنها وتبريرها بالسؤال السمج (القرقد مالو؟ وفيها شنو لو أم قرقد دي شكرته؟). انت تصر على إنو ورود المصطلحات المسيئة في الأغاني (ليس استعلاء) بعكس كل الآراء الواردة هنا بل انت بنفسك بتستخدم توصيفاتك الأشد عنصرية من مفردات الأغاني، ربما لقناعة بأن هذا هو الوضع "الطبيعي" والأمثل للتداخل. انت بتتخيل إنو الآخرين في "ورطة" ما قادر حتى تصيغها بطريقة مفهومة أو تثبت على سبب واحد ليها من جملة سببين، والواضح إنو "الورطة" عندك انت تحديداً في عدم تقبلك استحقاق الكرامة الآدمية لآخرين تراها منقصة في حقك، وهذه حالة فصام وجزع غير مبررة، فلا شيء يقلل احترام الناس لشخصك إن أبديت بعض الانسانية تجاه البشر، فالله غفر لساقي الكلب، هذا إن كان مرجعك لتبريرك "الشين دا" الدين أيا كان. انت بتعتبر إنو الخطأ في اسمك (صعلكة وقلة أدب) لكن في ذات الوقت تصف بعض البشر بكل بجاحة بأنهم (خدم وعبيد) و (أراذل قوم) فهل ترى أن توصيفاتك "الشينة دي" تعتبر "مكرمة سامية" وأن سلوكك هذا لا يدخل ضمن التعبير (صعلكة وقلة أدب)؟ دمك فار لعجزك عن أن "تاخد وتدي" بالمعنى الحقيقي للأخذ والعطاء الذي تفتقده قولاً وعملاً، بالتحدث صراحة وتقديم حلول أو حتى مجرد إجابات على اسئلة بسيطة ومباشرة ومع ذلك تظن أنك تناقش و"تميز نفسك" بمجرد تأييدك هذا السلوك الشاذ غير المقبول اجتماعياً، فلا أظنك تقبل الوصف "أم قرقد" لنساء عشيرتك والأقربين. _____ دافع عن طرحك يا حافظ، ولو جاي بحقك كلمنا عشان نعتذر ليك قدام الناس ديل

....

وقصة تعديل وتنقيـح وتنقية النصوص التراثيـة دي براها قصة تانية ..

أغنية تراثية مع كامل الخط .. ويقول ليك ننقح ابياتها وكلماتها عشان توافق العصر وروح ومتطلبات العصر

لا وكمان كل الأغاني الباقية ..


وباكر القريبة دي ممكن يجي الواحد بكل فصاحة ولداحة ينطززز وسط الناس ويقول ليك الطيب مصطفي العنصري الما عارف ايه اتلف مكتبة الإذاعة والتلفزيون وغار على التراث السوداني ..

والخلاف الوحيد بينو وبين هوس الطيب مصطفى الانتقائي في الفن والتراث .. انو داك كوز واستند على هوسه وتشجنه في فعلته اليفعلها على الدين المستند على المشروع الحضاري الكيزاني
اما مهاويس العنصرية وحنك شعري ما قرقدي لكني عبــد هذا فهو مستند على العاطفة ورقة الشعور وعقدة الذنب الواقفة على الحضارة الغربية


الاغنية دي اظن كلماتها بترجع للفترة السناريـة ..!!!!

طيب النقول
الغناء والدلاليك والهلس دا هل كان صناعة " بنا ت البلد " أو كما يقول الاسلام المحصنات المؤمنات يا حاتم :)




ــــــــــــــــــــــــــــ..
هسه انا شعري قرقدي.. لو عاوز اوصف شعري او شعر واحدن شعرو قرقدي اقول شنو مثلاً.. شعرو مفلفل ؛)
طيب لو قلت حاتم ابراهيم ابشعراً سبيبي دا ما حايكون عنصرية وتمييز مني في المقابل ..

Quote: طيب النقول الغناء والدلاليك والهلس دا هل كان صناعة " بنا ت البلد " أو كما يقول الاسلام المحصنات المؤمنات يا حاتم :) +++ هسه انا شعري قرقدي.. لو عاوز اوصف شعري او شعر واحدن شعرو قرقدي اقول شنو مثلاً.. شعرو مفلفل ؛) طيب لو قلت حاتم ابراهيم ابشعراً سبيبي دا ما حايكون عنصرية وتمييز مني في المقابل

نعيد للمرة التالتة، إنو العنصرية مش في الوصف المجرد بل مستدركاته

كان صناعة محلية، ناس بتألف شعر وترقص بالرحط وناس بتدق دلاليك، تقسيم أدوار يعني، داير نجيب ليك صورة رقيص "بنات البلد" رقبة؟ ولا مافي داعي؟ شفت كيف! والبلد واحد والهلس واحد والله واحد بخصوص الإسلام كلامك مية المية صاح، فالفسر الحديث عندو راي في شَعر الحبشي، وما استنكر اللون الأسود وجاء بالوصف (بشاعة وحقارة إلخ) إلا لما اقترن نفس لون الشعر بشخص من خارج القارة عندو معاهو غبينة، لكن نفس الشعر الأسود "جميل" إذا انشاف في رؤوص عشيرتو، وارجع لتعليق آدم مهاجر تحت يديك لمحة. +++ صعبة دي؟ تقول "شعري مفلفل أو قرقدي" حسب رغبتك، لكن أول ما تصر على ربط الوصف دا بالجواك لأزمتك النفسية وحاجتك المتأججة للتميز وفرز الكوم زي ما قال أبراهام مازلو هنا بتنعرف مشكلتك شنو وبنعالجها، كان مرهم وكان مُكَمِّدات، لأنو "مستمسكات التميز" دي ما عندها حد، نمرق من الشعر حتقول لينا "شلاليفي" نمرق منها حتقول لينا "نخريني" نفوتها تقول "ريحة أباطي" وكل مرة حتسألنا ببراءة (لو عاوز). take it easy, we all know what behind this hassle and what your exact "needs" _____ أنا ما عارف الناس دي مصرة تلتف على المشتركات وتديها معاني خاصة ليه

Quote: أسئلتك الكثيره دي يا حاتم ممكن يجاوب ليك عليها هشام هباني إذا كلامه الفي الكوت الفوق ده ما واضح ليك ، إنت قايل نحن جبنا كلام من رأسنا ؟

سم الله ، وكل بيمينك ، وكل مما يليك

يعني ما عندك رأي من رأصك ذاتو؟ هباني طرح وجهة نظروا ودافع عنها بوضوح، انت طرحت وجهة نظر مغايرة وغلبك تدافع عنها، وتعذرت بأنك صايم، شفت كيف! _____ وكت ما بتقدرو عليهو بتشربو ليه؟

Quote: صاح على المستوى الرسمي راحت العنصرية لكن هل راحت من النفوس والعقول الباطنية بالعكس موجودة

ابدأ بنفسك وبالجنبك بتجرد، فاهمني

يعني العنصرية واحدة لو ما رضيتها لنفسك ما ترضاها لغيرك. الزول الكتب الكلام العنصري دا سوداني http://sudaneseonline.com/board/490/msg/1453570575.html والأثيوبيين أنا ما بتجمعني بيهم إلا القارة رغم كدة ما حا أوفر مجهود لردعه عن الكلام القبيح الكتبو إذا فكر يرجع ليهو تاني. _____ لو خليناك تتحجج بعد شوية حتقول لينا الله أمرنا نتخذ جواري يغنن لينا ويشكرن

Quote: ابدأ بنفسك وبالجنبك بتجرد، فاهمني

لا لا ما فاهمك

Quote: Atif Omer Mohamed Ali عنصرية شنو يا حافظ.. الناس ديل (الافارغة) مشوا بعيد (تقهقرياً)... بدفنوا النساء (الزانيات) حيات (يفرفرن)!! ويستحيوا (الرجال) مقابل (بعرات) من صلب (البقرات)!!! طبعاً (عبد) الافارغة عمل نايم من الترجمة ودفن (دقن) ..اسيادوا ما (بخلوهوا)...هاك شوف (البعر) دا :

شفتو السخايم بدت تمرق كيف؟ محارب عنيزة جيت بجاي تكلمنا عن الوأد في بوست عن الغناء؟

انت هسع رزك اتحرق دي المرة الكم؟ يوم تعملني جمهوري ويوم شيوعي ويوم علماني ويوم مؤتمر وطني ويوم حركة شعبية ويوم أنانيا ويوم مانديلا ويوم مارتن لوثر ويوم بيوم ببيع الكمبا دائماً انت برة الخط، مشكلتك بقت مع حاتم شخصياً ههههه وأنا والله ما عندي ليك علاج غير الكي، يا كمان تحترم نفسك وتبطل الفنسة الشينة والتماهي في ضل الكفيل دا، في إمكانك تحفظ صحيح البخاري كله لكن دا ما حيؤهلك تصلي بالناس جمعة. هي طبعاً حالة اسقاط نفسي وأي زول زي ما قلت فوق بيفتش على عتبة يطاها عشان شوية كدة يرتاح من القهر الراكبو دا، والغناء أسهل شيء، انت جيت هنا مرحب بيك بس شارك بحاجة مفيدة وليها علاقة بالموضوع، إن شاء الله نص. _____ لاحظتو الانفصام في شخصيتو؟ هناك مسمنوا "محارب عنيزة" يعني عنترة بالعديل والزين، وهو ما شايف عنقرة رقبتو ويجي هنا يتكلم عن "الأفارغة"، آدم مهاجر رأيك شنو في المختلج دا؟

يا سيد حاتم

منتظرك تفهمني خلص الفي يدك وانا قاعد منتظرك

يا حاتم
النقولك كلام بالله روق شوية وخلي طريقة الردود بتاعت ادهم صبري
طاير جوز في حافظ الامام
ومقبقب عاطف عمر
وبونية في فلان
وكف في علان
واخيرا جاي ناطي في رقبتي وماسك حبل دايب

يا حاتم
النقولك كلام بالله روق شوية وخلي طريقة الردود بتاعت ادهم صبري
طاير جوز في حافظ الامام
ومقبقب عاطف عمر
وبونية في فلان
وكف في علان
واخيرا جاي ناطي في رقبتي وماسك حبل دايب

Quote: لا لا ما فاهمك +++ منتظرك تفهمني خلص الفي يدك وانا قاعد منتظرك

ذكرتني شلبي طيب الله ثراهو

عبارتي "ابدأ بنفسك" دا ما اتهام ليك بممارسة العنصرية بل حض على تأدية دور فعال في الوقوف ضدها. _____ بدل تتحجج بفشل تجارب النازيين وترامب، فانت ملعبك مختلف وظروفك مرحلية ومشاكلك بسيطة بالريدة بتُحل

منو القاليك انتهمتني بالعنصرية يا (أدهم صبري)

قلت ليك تعال فهمني يعني أشرح لي

نان كيفن تهدا وتروق بتفك 6 أنفار عشان تستلم 12 نفر غيرهم يا (أدهم صبري)

قال شلبي قال

Quote: ومقبقب عاطف عمر

دا بالذات رقبتو غليدة وراصو أملس، ما النفيسة مبارية الكبيسة وكدة

والله لا بتقبقب لي ولا حاجة. الشي برشام شاسيه؟ _____ لكن بتأدب.

نرجو التحقق من شرح الاغنيه اكثر واكثر قبل ان نجرم الناس ...... غنى وشكرى يام قرقدا سايح ....دقى وزغردى يام قرقدا لا اعتقد المقصود بها امراة اخرى غير الشاعره نفسها .... متى كانت ام قرقد تغنى وتشكر فارس قبيله اخرى ..... هذه الناقه الهزيله لو كانت هى محل طمع كان الاولى بسرقتها الاقرب لعيال ابوجويلى وليس الفاشر البعيد ......فى الشماليه وكردفان هنالك همباته ولصوص كثر ... اغانى التراث تحتاج لشخص متخصص وهنا معنا اخوه جعليين يا ريت يعطونا النجيضه ......

Quote: شوف يا وليد إنت الإسمك حاتم أبراهيم أنا طولت ليك بالي شديد وبحاول أتعامل معاك بإحترام لكن الظاهر عليك إنت من النوع البجي بالجزمه وقايم ليك في فلهمه ما عارف رأسها من قعرها فدحين أرعى بقيدك. +++ البوست تم فتحه عن أغنيه معينه ووجه فيه صاحب البوست اللوم للأستاذ أبو اللمين ،كونك مُصِّر أن توسع النقاش من أول مداخله ليك ليشمل كل أغاني التراث دي مشكلتك إنت لأننا لم ندافع عن كل أغاني التراث ولكننا دافعنا عن هذه الأغنيه لأننا نعلم المناسبه القيلت فيها، +++ أعتقد رغبتك في توسيع باب النقاش نابع من ضعف حجتك في الأغنيه مسارالجدل. أفتح ليك بوست لوحدك وناقش فيه البعجبك ولكن لأنك تعلم مافيش حد عنده رغبه يناقشك عشان كده جاي تتحكحك في بوستات الناس وعايز تسيِّر البوست بالطريقه العايزه إنت. +++ تعرف يا حاتم أنا ختيتك في رأسي لأنك عامل فيها الولد قليل أدب وصـعلوك وأنا حاولت أديك فرصه عشان تراجع نفسك وتصحح الخطأ الإرتكبتوا تجاهي فدحين يا ود عمي وسِّع ماعونك وما دايريين خرخره بعدين لأنه رمضان الغالبني ده ماحيكون السنه كلها.

والله لا في صعلقة لا قلة أدب، انت دمك فاير ساكت، ليه ما عارف

دلوقت لاحظ ألفاظك واحكم بنفسك وين الصعلقة وقلة الأدب، مش دا ياهو البسموهو "ضعف الحجة" ذاتو ولا أنا غلطان؟ +++ خطأ، انت يا حافظ لم تدافع الأغنية، دافعت عن المفهوم العنصري فيها، لم تتضمن مداخلاتك حتى الآن أي ذكر لمناسبتها، فقط أشرت للمعنى الظاهري وما يعرفه كل الناس من اللغة البسيطة، وانطلقت مباشرة بعدها للحديث عن عنصرين في السودان و"الورطة" غير المجازة حتى الآن. +++ أظنك تقصد "مثار الجدل"، بس يا حافظ الكلام ما عن الإيقاع فيها ولا الهارموني ولا الوقع اللحني ولا جزالة الكلمات ولا مقامية الطرب ولا أداء محمد الأمين، أرجع للعنوان، وبخصوص "الحكحكة" منو في "المنبر العام" دا ما بتحكحك حسب وصفك دا؟ بما فيهم شخصك. البوست يسير في طريقه الطبيعي، أرد فقط على من يوجه لي مداخلة أو يخطيء في تناول الموضوع من زاوية يراها صحيحة، هذا يسمى نقاش. +++ أي خطأ؟ دلوقتي كل الألفاظ المسيئة هنا وردت في مداخلاتك ومع ذلك سبق وأن وجهت لك دعوة مباشرة لتوضيح مظلمتك ووعدت بالاعتذار عنها هنا وهي لا تزال قائمة. _____ ماهو رمضان دا غالبنا نحنا برضو

سلام هشام وضيوف هشامالخطأ القديم المقيم.. الربط بين النص المغني والمطرب !مثلما اندرعت قصايد كثير من مبدعي شعراء الاغنية في اعناق مغنييها، أندرعت عيال اب جويلي في عنق محمد الامينوعندنا في السودان جملة (ابو عركي قال... يا قلب انا كنت..الخ)، بينما لم يقل ابو عركي ذلك في حقيقة الامر، بل شاعر مر بتجربةإنسانية تخصه وقد تخصنا كمتلقين حسب التجربة وتطابقها في بعض اجزاءها، تاني بالتبادي، مخظئ من يطن أن المطربين يعنون ما يقولونحتى ولو اسبغنا عليهم صفات مثل الفنان الثوري الفنان الذري، فهذا ما نصدقه نحن، وليس بالضرورة صحيحاً، الفنان يسعي لاداء العمل الذي يبين جمالاداءه الصوتي وقدرته اللحنية وهذا مبلغ مهارته، حتى اذا تخير من التراث أو من غناء الاخرين المعاصر، الفنان مرآة هائلة شفافة تعكس حسناتنا وسيئاتنا،عيال اب جويلي كتبناها نحن، وعزه في هواك كتبناها نحن وامير الحسن وصقيرا حام، هذه الاغنيات تعبر عنا كأمة، ونحن من منحها سر البقاء، فلا يحاسب ابو اللمين او العازفين ومهندسي الصوت والاقمار الصناعية بالجرم، هذه أغنيات سودانية صادرة من السودان، ان لم يغنها ابو اللمين (والذي لمس فيها لحنا جميلا)، غناها غيرهنحن نصوغ الحياة السوداني ويجيب ان نتحمل مسؤليتها، ومهمة المعالجة لا تبدأ بابو اللمين ولا تنتهي به.

العنصرية موجوده في تراثنا وحاضرنا (الثقافي)

وانا بتفاجأ من انه في ناس بتتفاجأ انها موجوده

هسع في المنبر ده الواحد يكون ليهو شنه ورنه من ادخل في نقاس حار وفيهو اساءات .. طوالى تجي العنصرية طايره من كلامو زى رش المطر



..........................................

ونوع تانى من العنصرية .......... هسع ملاحظة هباني دى لو كتبها دينق الجنوبي ولا اسماعيل والغالي الغرابة
ما كان وجدت كل هذه الادانه وكانت اتحولت لى شكلة (مناطقية) هههههههههههههههههههه


يا أهلنا العنصرية موجوده وكلنا بنمارسها بي شكل من الاشكال وعميقة جدا في تراثنا وثقافتنا واجتماعياتنا بس محتاجين زياده حساسية عشان نعريها كلها
لانه الكتيرييين مننا وبي سبب ما توارثوه فقدوا حاسية استشعار الكلمات والمواقف العنصرية وبقوا شايفنها عادية

Quote: لانه الكتيرييين مننا وبي سبب ما توارثوه فقدوا حاسية استشعار الكلمات والمواقف العنصرية وبقوا شايفنها عادية

الله يفتح عليك

فبخلاف "أساتذتنا" الفنانين شوف زي "ود قاسم" دا مثلاً قال نفس جملتك دي في إطار عنصري وموقف لا يحس معه بأي اساءة للآخرين http://sudaneseonline.com/msg/board/490/msg/1453570575/rn/5.html Quote: لا تتحسس من أشياء عادية ، ولا ترفض الواقع في حياتي ما صادفت برود زي دا وواضح إنو المسألة متغلغلة عند ناس لدرجة أن اصبحت مثل الهواء الذي يتنفسونه، لاحظ برضو أسلوب التواصي هنا فهو بيقدم لي النصح باعتباري "شاذ" ونفس النزعة موجودة عند محارب عنيزة وأتت في قالب النصح Quote: يا حافظ .. ما تحرق رزك مع ناس : توديني وين وبي كم؟؟؟... امروا هين : يكفيك جلب ما خطه (قلمه) امامه .. وسيفرفر فرفرة (الافريغية) الدفنوها ناس الحركة الشعبية حية!! عنصرية شنو يا حافظ.. الناس ديل (الافارغة) مشوا بعيد (تقهقرياً) too deformed to be reformed وحريص أوفر نماذج كافية لدراستها من كل الجوانب، وبالنسبة لي هؤلاء ضحايا لنظام اجتماعي محلي متخلف جداً لكنه محكم وراسخ أفرغ معنى الانسانية تماماً من دواخلهم، ونفس النماذج دي عندها استعداد للانفصام المتسلسل وتوريثه لمن حولهم ببساطة لعدم الوعي بخطأ ما يفعلون، وهم نفس الفئة التي تنصدم بالحقائق أول ما تطير سكرة الغنا الفوق دي، بعدها مباشرة يجي دور العنف اللفظي والسلوك التعويضي الارتدادي على حساب مواطنيهم فرادى وجملة. ___ للأسف مافي علاج ليهم، لكن على الأقل وفروا لينا عينات اختبار

ودائماً في تاريخ سواء صح أو لم يصح

فلفظ (لا تتحسس من أشياء عادية ، ولا ترفض الواقع) في ساعتها ذكرني مشهد فرعون مع موسى في فيلم The Prince of Egypt Sacrifices must be made, they were only slaves [3:25] ___ في حالتنا شواهدنا إسلامية طبعاً وأهو شايف حيدر مال عليها

Quote: الفنان مرآة هائلة شفافة تعكس حسناتنا وسيئاتنا،عيال اب جويلي كتبناها نحن، وعزه في هواك كتبناها نحن وامير الحسن وصقيرا حام، هذه الاغنيات تعبر عنا كأمة، ونحن من منحها سر البقاء، فلا يحاسب ابو اللمين او العازفين ومهندسي الصوت والاقمار الصناعية بالجرم، هذه أغنيات سودانية صادرة من السودان، ان لم يغنها ابو اللمين (والذي لمس فيها لحنا جميلا)، غناها غيره

تاج السر، انت تقصد صادرة من بعض السودان بالضبط

وهذه المرآة لا تعكس إلا وجدان هذا البعض، تمييع الجرم وسحبه على الكل غير مقبول أبداً، فببساطة لن يكون هذا قرارك إذا كنت أنت العتبة التي يطاها هذا البعض ثم يوثق لوجدانه ورؤيته بهذا الغناء. الفنان "المرآة" مسؤول عما يقول وما يغني، فأثره لا يقل عن المعلم في المدرسة، وهو فعليا من يمنح الكلمات سر البقاء، ما لم يكن فعل الغناء عنده مجرد أراجيز وطقطقات.

هشام وشركاه
اي عنصرية ؟!!!
اتهام للفنان ام للقصيدة؟
اثبتم انكم في ( التراث ) صفر كبير
اذا كانت حساسيتكم لهذه الدرجة وتقودكم بذات اﻻتجاه..حتى في الغناء واﻻهازيج
اذن ما رأيكم في اهزوجة اسماعين عبدالمعين
يا ام قرقدي ..كدي جبدي
كان يبقى زي حقى دي؟

سلام احمد يسين
ورمضان كريم عليك ان شاء الله
دعني اختلف معك في حقبقة ان
التعامل مع التراث بسكل نقدي
لا يعني رفضه والانقطاع عنه
هو تواصل ايجابي مع التراث
النصوص التي تغني بها الاسناذ محمد الامين
نصوص خالدة للعديد من الاجيال سواء اكانت
تلك المصوص عاطفية او وطنية او تراثية
نظرا لامكانيات الرجل وموهبته الاستثنائية في
التلحين والتطريب
من هنا يأتي الاهتمام
النصوص التي تغني بها الرجل كما سبق ان كتبت
امتداد لتاريخ كامل بقضه وقضيضه يعتبر
نفسه حداثوي ولكنه ليس كذلك علي اعتبار انه يحاول
الانتصار لفكرة ما وما يرتبط بذلك من ميول لاقصاء
الاخر ونفيه بسبب الانتماء السياسي او الخلفية الاثنية
او الجندرية.
التاريخ الحداثوي يحتفل بالتنوع ويهتم للانتصار للحياة
وللانسان لمجرد كونه انسان بغض النظر عن الاعتقاد
الديني او السياسي الخ ..
هو ليس امتداد طبيعي للتاريخ البشري الذي يحفل بفكرة
الجهاد من اجل فكرة او عقيدة ما
ولكنه بمثابة استيعاب الكوارث الانسانية التي تسببت فيها
الانتصار لفكرة التعايش السلمي واستيعاب التنوع inclusiveness
اذن هو بمثابة انتصار لفكرة جديدة تجيء من خارج التاريخ نتيجة
الاستفادة من دروس التاريخ الذي يعج بالحروب والاقتتال من اجل فكرة
او عقيدة .
نحناج بشدة لمراجعة تراثنا الفني والثقافي من خارجه بنفس الطريقة
حتي تستقبم لنا الحياة الحديثة التي تهتم بالسلام والانسان والحقوق

من الواضح ان الاغنية او النص ينظر الي السودان والعلاقات بين البشر من خلال رؤية عيال اب جويلي وهي رؤية لا تخلو من استعلاء علي العناصر الافريقية وعلاقات الرق التي كانت قائمة علي هذا الاساس
وهي نظره لا تحفظ الكرامة الانسانية
والحقوق ومفهوم المواطنة فيها يقومان علي العرق وادعاءات شرف الارومة وليس علي مفهوم المواطنة وفقا للدستور والحقوق كما هو معروف في العالم المتحضر حولنا .
ليس هناك غضاضة في التغني ببطولات وفروسية عيال اب جويلي طالما ظلت قصة الفروسبة لا تحمل مضامين ومدلولات تستحقر الاخر وتقلل من قدره حتي لو كان ذلك واقعا معاشا في ذلك الزمان
ذلك ان التراث يتجاوز الترفيه والتنوير الي محاولات غرس القيم ومعاني الحياة الانسانية
النص الاكتوبري كما ذكرت الذي ينادي بالتطهير يحمل قيم سالبة اذ ليس هناك تطهير عادل لان الرفت من الخدمة بسبب الانتماء السياسي يصادر حقوق المواطنة التي كفلها الدستور اصافة الي انه يحرم البلد من الكفاءات ويعاقب الاسر بالتشريد ولنا في الانقاذ تجربة فيما عرف بالرفت للصالح العام عظة لانها تجربة مريرة لكل المقابيس.

تحية وتقدير للأخ هشام وجميع ضيوف البوست الكرام

يعاني السودان اليوم من أمراض لا تحصى ولا تعد أنهكت جسده المنهك أصلاً وأقعدته عن المسير مع رصفائه

من وجهة نظري أحد أكثر هذه الأمراض فتكاً وضرراً على الوطن هو تضخيم الإمور ، وجعل البسيط عظيماً
والقليل كثيراً ، الضئيل عظيماً

هل هذه الأغنية التراثية الجميلة الذي يطرب لها السواد الأعظم من السودانيين طيلة العقود الماضية لم نرى في شعرها التراثي ولحنها الخالد سوى هذه عبارة ( يا أم قرقدا ..... الخ ) ـ وترى الشوك في الورود وتعمى أن ترى الندى فوقها أكليلا
التهويل الذي ريناه في هذا البوست يوحي بأن هذه الأغنية تسببت في إندلاع حرب ضروس
نعم هناك عنصرية في السودان ، ولكن رغم ذلك حجم الأيجابيات في المجتمع السوداني أكبر بكثير جداً من السلبيات
هناك عفوية مطلقة يتعامل بها الجميع في المجتمع السوداني ، وأصبح الجميع يتعايش مع كثير من الألفاظ والمواقف دون أن تترك أي أثر سلبي في علاقات الناس
يوجد الكثير ممن أطلق عليه أسم أزرق أو أزيرق أو حلبي أو الحلبي أوالحلبيي ـ فأصبح أسم شائع لا يوثر أبداً تأثيرا سلبياً على حامله

سؤال :
كلنا سمع هذا اللإعلان الالاف المرات :

خرج ............ من منزل ذويه ب............. ـ أوصافه كالأتي :
طويل القامة ، عيونه عسلية ، أسمر اللون ـ شعره قرقدي ، يرتدي ..... ألخ

الإعلان ثقافة مهنية لها ضوابطها وأصولها ـ هل :

هل أستنكر أحدنا في يوم من الأيام كلمة قرقدي التي ترد بصورة دائمة في مثل هذه الإعلانات
هل فكر أحدنا في أن كاتب تفاصيل الإعلان ودائماً ما يكون أحد أقارب الشخص المفقود يمارس العنصرية ضد نفسه وهو يتسعمل عبارة شعره قرقدي

الفتنة نائمة ، نتمنى أن لا يلعن من أيقظها في هذا الشهر الفضيل
ما تهولوا الأمور وتدوها أكبر من حجمها
الله يهدينا ويهديكم

Quote: http://www.al-masdar.net/%D8%A7%D9%84%D8%A3%D8%BA%D9%86%D9%8A%D8%A9-%D8%A7%D9%84%D8%B9%D9%86%D8%B5%D8%B1%D9%8A%D8%A9-%D8%A7%D9%84%D8%AA%D9%8A-%D8%AA%D9%8F%D8%BA%D8%B6%D8%A8-%D8%A7%D9%84%D8%B1%D8%A6%D9%8A%D8%B3/ الأغنية العنصرية التي تُغضب الرئيس مغنٍ كان يُفترض أن يُغني بحضور الرئيس ريفلين أطلق أغنية "أحمد، سافل ناكر للجميل" - وعلى إثر تلك التلفظات التحريضية أُلغي العرض يُثبت رئيس دولة إسرائيل، رؤوفين ريفلين، مرة أُخرى التزامه العميق بمحاربة العنصرية في إسرائيل. صَدَرَ اليوم عن بيت رئيس الدولة، بعد أن انتشرت البارحة الأغنية العنصرية التي كتبها ولحنها المغني الإسرائيلي عمير بنايون، بيان مفاده أن الرئيس ألغى العرض الذي كان يُفترض أن يُقدمه بنايون أمام الرئيس. أطلق المغني الإسرائيلي عمير بنايون البارحة أغنيته تحمل عنوان "أحمد يحب إسرائيل"، التي أثارت عاصفة من الغضب بعد نشرها. تتحدث الأغنية عن أحمد، طالب عربي يدرس في جامعة إسرائيلية في القدس، يتظاهر بأنه شخص مُعتدل يؤمن بالتعايش، ولكنه يطمح بالسر لقتل يهود. جزء من كلمات الأغنية هي: "أنا اليوم مُعتدل وباسم، وغدًا سأرسل إلى الجحيم يهودي واحد أو اثنين. صحيح، أنا لست إلا سافل ناكر للجميل، ستأتي اللحظة التي تُدير فيها لي ظهرك وسأغرز السكين المصقولة جيدًا في ظهرك". عبّر الكثير من الإسرائيليين، بعد سماعهم الكلمات العنصرية للأغنية؛ ومنهم أشخاص من جمهور بنايون، عن امتعاضهم الشديد وتحفُّظهم. نشر مدير بيت الرئيس اليوم بيانًا جاء فيها أنه "على إثر نشر الأغنية الأخيرة للمغني عمير بنايون البارحة، أود أن أُعلمكم بأنه لا يمكننا أن نسمح بأن يقيم عرضه في بيت الرئيس". كان يُفترض أن يُقدم بنايون عرضًا الأسبوع القادم في ذكرى طرد اليهود من الدول العربية. وجاء في البيان أنه على الرغم من كونه مُغنيًا محبوبًا وله مكانته إلا أنه لن يكون بإمكانه أن يقدم عرضه. استعجل بنايون بالرد على صفحته الفيس بوك به وقال إنه لم يكن يقصد بذلك التحريض على العنف. كتب بنايون: "فقط لإزالة أي شك، أغنية أحمد يحب إسرائيل" جاءت لتُعبر عن مشاعر فقط، ولا تدعو إلى ممارسة العنف ضد أحد. نحن ضد العنف تمامًا، ولو كُنا عنيفين ما كنا لنغني أغنيات مؤلمة تخرج من صميم القلب مُباشرة". وأضاف قائلاً: "لكل من صدمهم ذلك، أقترح قبل ذلك أن تشعروا بالصدمة والقلق تجاه الإرهاب الذي ينتشر في البلاد. يجب أن يقلقكم قتل يهود وهم يرتدون شالات الصلاة المضرجة بالدماء. ومقتل مواطنين دهسًا على يد بشر متوحشين. والإرهابيون الذين يطلقون النيران على سكان الجنوب من المدارس والمستشفيات. هنالك أمور مزعزعة أكثر من أغنية ناتجة عن الألم والقلق فقط". معروف عن عمير بنايون مواقفه المعادية للفلسطينيين. نشر في الأسبوع الماضي، بعد العملية الإرهابية في القدس، أغنية "الدم اليهودي"، وفيها كلمات "ها هو المزيد من الدماء اليهودية تُسفك في الكنيس". كتب بنايون في تلك الأغنية: "ها هم الأيتام يُضربون ثانية، المزيد من الأرامل يبكين، المزيد من الأطفال الذين سُلبت منهم أحلامهم، المزيد من الفتيات اليتامى اللواتي ينتظرن. ها هو الشيطان ثانية عاد للرقص، هل معنى أن تكون يهوديًا هو أن تموت كل يوم من جديد؟"

وتقدم إسرائيل الدروس المجانية

منعوهوا يغنيها، مع إنو كلماتها وسيلة لتعبئة شعبهم لأخذ الحذر. _____ مع ذلك صنفوها أغنية عنصرية، حماية لأجيالهم وضمان لمجتمع متنوع آمن.

Quote: وأصبح الجميع يتعايش مع كثير من الألفاظ والمواقف دون أن تترك أي أثر سلبي في علاقات الناس يوجد الكثير ممن أطلق عليه أسم أزرق أو أزيرق أو حلبي أو الحلبي أوالحلبيي ـ فأصبح أسم شائع لا يوثر أبداً تأثيرا سلبياً على حامله

ظاهرياً وهنا الخطورة غير المنظورة يا "البصير"

فهي (subliminal message) لا يتم تفعيلها إلا بمكون آخر، بعد تثبيتها في الأذهان زيها وزي كلمة "كمبو". أشبه باللغم المنزوع الفتيل. _____ يفجر عند الضرورة

أم قرقدن سايح لا تعني الخادم
القرقد تعني الشعر بدليل وصفو بالسايح
لو كان يقصد الشعر الأفريقي الخالص لما وصفه بالسايح

وبعدين يا حاتم،
عجوبني اولاد السرارة
لا تعني أولاد السريات
تعني أولاد الأهل
عادة نحن نقول لفلان دا سرنا أي من أهلنا
زفلان دل سري يعني قريبي
بدليل قول حميد:
عشان الشول بت سرنا ترقص

إعترضت في يوم من الإيام عاى بيت شعر حميد بتاع عشان الشول بت سرنا ترقص
لكن أباذر الكامل عكود أفحمني بالتفسير التاني

اذا كان هذا التفسير صحيحا وينطبق علي ما كان سائد في السودان بشأن " أولاد السراري" أمر قبيح ومخجل
أن يتغني به .. وأن تتناقله الأجيال كتراث غنائي ...

Quote: التَّسَرِّي فِي اللُّغَةِ : اتِّخَاذُ السُّرِّيَّةِ . يُقَال : تَسَرَّى الرَّجُل جَارِيَتَهُ وَتَسَرَّى بِهَا وَاسْتَسَرَّهَا : إِذَا اتَّخَذَهَا سُرِّيَّةً ، وَهِيَ الأَْمَةُ الْمَمْلُوكَةُ يَتَّخِذُهَا سَيِّدُهَا لِلْجِمَاعِ .

Quote: أم قرقدن سايح لا تعني الخادم القرقد تعني الشعر بدليل وصفو بالسايح لو كان يقصد الشعر الأفريقي الخالص لما وصفه بالسايح +++ عجوبني اولاد السرارة لا تعني أولاد السريات تعني أولاد الأهل

كيفك يا أبوبكر، المحاكمة ما بدت، لسة بنجمع في أوراق القضية

عشان كدة من البداية أنا قلت العنصرية مش في الوصف المجرد. انظر الصورة بتاعتي وبتاعة حيدر الزين، كلها شعور أفريقية، الفرق النسبي في الطول هو ما يجعل الشاعر يشوفو "سايح". ودا الفهم المعاصر والقديم، شوف أخينا في الفيديو دا مثلاً بيمسك للشعر بالتزامن مع سيرة (أبي زيد الهلالي) والإشارة واضحة http://sudaneseonline.com/board/490/msg/1466176592.html +++ دا معلوم بالضرورة، ما أولاد السريات هم أولاد أهل (بالاشتراك في الأب) برضو مش؟ بعدين القافية لم تترك غير هذا التفسير، فهو يقول بعدها عجبوني اولاد السراري *** عجبوني وسروا بالي طول الليل واقفين سواري *** ترسوا البحر بالطواري ما شالونا باللواري أيضاً البيت: باظ الدخن الغالي ونتج عيش الزناري *** ما بتنجاب انجالي بلا عيال السراري وهو من كردفان، الأنجال الابل، يعني أن ابله لا يقدر على إعادتها سوى "عيال السراري" وهذا دلالة على أن أمر تكليفهم بالمشاق كان السمة الغالبة. ______ ماهو عشان كدة لهسع الناس بتنجلد عشان تثبت قدرتها على تحمل المشاق

Quote: اسمعوا وأطيعوا وإن استعمل عليكم عبد حبشي كأن رأسه زبيبة

Quote: الفقوش الكضاب... توديني وين وبي كم؟؟؟ دا وصفك (عندك) او هكذا (حاكمت) نفسك!! العلمانيين (سلبوك) عقلك!!! الجماعة الفوق ديل (بتتلصق) فيهم ..وكلوا من (سطيراتك) وبعر(بقيراتك)!!

نكتة سياسية

قال ليك أيام عبد الناصر، جا كلب جاري من القهر هناك ولاقتو كلاب السودان جوة الحدود، وسألوهوا: - دا شنو يا عبيط الجابك هنا شنو؟ والله هنا عضم تكدو ساكت مافي قام رد قال ليهم: - يا أخوانا أنا ما جيت آكل، جيت أعوي وراجع ____ فياخي لو مشتهي العواء أخد ليك إجازة وأمشي السودان قنب، آآآآي كبسة هناك مافي لكن بترتاح

Quote: http://www.shababonaizah.com/archive/index.php/t-489495.html منذ ما يقارب أربع سنوات وهو يكافح ويحارب ويحاضر ويعالج ويقف +++ فيومــاً تجده في المدارس وآخر في المهرجانات وحيناً في سجن عنيزة العام وأحياناً بين أروقة المستشفيات وأخرى في الملتقيات الدعوية , أو الديوانيات والأحياء .. نســأل الله أن يجزي الدكتور عــاطف " أبو أحمد "

محارب عنيزة!! كترابل

دا اسمو الولاء الشديد غير الرشيد. هسع مهاراتك الحربية دي لو جيت سويتا لعيالنا هنا ما أخير؟ ولا كلمنا ساي في موضوع البوست. ____ إن شاء الله يدوك عنيزية من البايظ، تغني ليك وتشكرك، بعد دا

دي زيادة خير :

Quote: الفينا مشهودة كلمات الشاعر/ محمد على ابوقطاطى غناء الراحل / عبدالعزيز محمد داؤود الفينا مشهودة عارفانا المكارم أنحنا بنقودا والحارة بنخوضا $$$$$$$$$$ الزول بفتخر يباهي بالعندو نحن أسياد شهامة والكرم جندو ما في وسطنا واحداً ما انكرب زندو البعجز بيناتنا بنسندو الليلة بنخوضا $$$$$$$$$$ ركابين عليهو الناصع أب غرة نتباشر وقت نلقى الكلام حرة ما بننفز يمين إن متنا فد مرة الخواف ما حر منو نتبرا الليلة بنخوضا $$$$$$$$$$ للجار والصديق عشرتنا تتمنى بنصون الأمانة السيدا أمنا المغرور ندوسو ونعدموا الطنة شافعنا بيرى الموت في الركاب سنة

والبيت دا لعناية السيد (أدهم صبري) بعد ما (يكشب) مداخلاته ويخليها متل عجلة الرالي :

Quote: الخواف ما حر منو نتبرا

يجده بخير ،،،

Quote: Haitham M Muzzammil الاسمو حاتم دا متشوبر ساي وكلام كلو كوبي اند بيست وابتسامات خضراء بلهاء رووق ياخي خلي الناس الفاهمة تتناقش

ونحن بنلعب هسع

هوي انت قايلو برنامج ما يطلبه المستمعون؟ دا منبر عام، يعني تتوقع تلقى الحقائق الما بتنبلع ليك، أو الانت ما دايرها تنبلع ليك، والوضع الطبيعي تشارك برأي في الموضوع مش في الشخوص، كلامي ما عجبك جليهو. ____ الفاهمين ديل منو؟ أديني اسمين، اسمك ذاتو كاتبو غلط

Quote: حافظ الإمام محي الدين · كالغاري ياتو موضوع العايزني أركز فيه؟ إنت لخبطت لي إسم أبوي لا إيدو لا كراعو في مواضيعك دي. تذكر أنا قلت ليك ما عايزين خرخره ( ممكن تخت واحد من وشوشك الخضراء ديك)، أنا لسه في مرحلة إنه عايز أتعرف عليك. تنبيه صغيروني يا حتومي، أوعاك تكتر من الوشوش الخضراء الضاحكه خصوصاً مع ناس كندا عشان ما نلقى إسمك ضمن آخر صيحات موضة التياب السودانيه مسبوقاً بكلمة علقه أو دقة (وجه ضاحك).

جاي متابعني لغرد يعني؟ شوفوا ليكم جنس محن، شاغلاك التياب؟

الموضوع الهناك بتاع الدليب اليوناني ياحافظ، انت بتدخل البوستات معمش؟ عموماً يستحسن تخش لبوست تبعي، أنا هناك ضيف وهنا ضيف وإذا عندك غبينة فهناك برضو محلها، أنا ما قاعد أمسح. وبرضو في البوستات بتاعتي يستحسن تركز في الموضوع، بدل طالعني واقطع الشخيت وصبرك البتعمل فيها دي، دا ما سلوك زول بيفهم، معقولة جاي تشتكي من الصعلقة وقلة الأدب بعد دا؟ ____ فقدت المنطق، من الأول مش كان تعترف بأنو دمك فار

Quote: أنا كلمتك إنه موضوعي معاك صعلكتك وقلة أدبك دي يعني ماجاي لحوار، وإنت زاتو يحاورو ليك شنو؟ عندك حل واحد معاي، تسيب قلة الأدب دي وإلا فالفوره مليون (وش ضاحك). كل ما أشوف إسمك بجيك طاير ومفكفك الزراير ونشوف أخرتها معاك شنو.

خير، كفيتني بكلماتك مؤونة توصيفك

أرجى السفيه وما ترجى العاطل. ____ I have got them both, what a wonderful world!