الفنان جمال فرفور يفضح تزوير ذات الخجة (يوجد دليل)!

اليوم عقب اعلان نتيجة (غزوة ذات الخجة) شاهدت المغني جمال (فرفور) ولاول مرة اشاهد له هذا (الكليب) على تلفزيون السودان لاغنية تافهة مشبعة بالملق تمدح في السفاح عمر البشير مدحا كثيرا وهي تبدو قد صممت منذ فترة استعدادا لهذا اليوم المعلوم كتهنئة للسفاح بالفوز المضمون مع سبق الاصراروالترصد وقد بذل فيها عمل فنى كبير يبدو ان ادارة التلفزيون اعدته استعدادا لهذا اليوم المعلوم والمضمون بالتزوير العمدى...وهو امر للمتأمل فيه يثبت التزوير واعداد العدة له منذ فترة حتى بملحقاته اي بتفاصيل الفرح بذات الحدث المعلوم والمضمون حيث في اعتقادي ان السيد فرفور(وهوالمحامي ورجل القانون)لم يتنزل عليه شيطان الغناء والالحان حتى نقول انها قد جاءت طازجة بعيد سويعات من الخبر غير السعيد فالاغنية الفضيحة تبدو مرتبة ومعدة باتقان في ذات سياق سيناريو التزوير والفنان القانوني بالتاكيد يعلم مسبقا بهذا التزوير مع سبق الاصرار والترصد بلغة القانون وبخروجه اليوم وعقب هذه النتيجة المهزلة وبهذه الاغنية التافهة يكون الفنان(المحامي) قد فضح نفسه وفضح التزوير والمزورين وكل ( الخجاجين) وله جزيل شكرنا لفضح نفسه ومن استغفلوه!

الناظر ازيك
فرفور شنو ياخى وطرطور شنو تفتكر بعد عشره سنوات من الان بكون فى زول بعرف فنان اسمه فرفور ياخى هؤلاء تماما كما فقاعات الصابون لاتشغل نفسك بهم ...تحياتى...

دكتور محمد بابكر

تحياتي

الموضوع وما فيهو مرات الجبهجية حالة ما(بوشوا) و كترت عليهم الفضايح يمكن من اي حدث تكتشف فضيحة ليهم يعني غباء شديد ومعاهو عدم تركيز بقوا يفضحوا روحهم براهم يعنى شنو الفنان فرفور اجي تقول نازل عليهو وحي الفن في اقل من ساعة بعد اعلان نتيجة المهزلة ومعاه فنان تاني اجوا يغنوا اغاني بتاعة تهنئة للرئيس بالفوز جديدة لنج يعنى ممكن اكون يا ربي تم تاليف الاغاني دي في دقايق... ولا تكون لحنها ووقعها الجان المسلم او ملايكة الرحمن...غايتو جنس عجايب وفضايح!!

لفتة ذكية ياعمدة والفنان التاني ده هو البعيو الغريب انه غابت تماماً الاغاني الوطنية لتحل
محلها اغاني المؤتمر الوطني والنار ولعت ،وياخواني الجري ده، ودخلوها وصقيرها حام....
كانهم قد دخلو حلايب وخلو صقيرها حام هههههههههههههههههه.....
مع تحياتي واحترامي لاذنكم ....

اخوى ابراهيم النعمة

الكيزان (بوشوا) بقوا حاجة فكاهة الايام دي في اخريات ايامن غايتو ما عارف السودان حيكون براهم كيف لمن افوتوا
اصبحوا حاجة مسلية للناس جدا بالفضايح..افكوا الدبرسة يعنى حتى السرقة الكانوا مقددنها بقوا ما بركزوا فيها كويس من شدة ما كترت عليهم واختلط عليهم الحابل بالنابل ...يعنى حتى مهزلة الانتخابات كحدث عظيم تخيل انهم نسوا اعملوا ليهم لجنة قومية عليا للتزوير شان تسبك الطبخة عشان كده الامور انفضحت بسبب كل زول كان بزور بطريقتو...الى الحدالفضحن في كل مكان....غايتو كوميديا ماشة على كرعين!

انت جادي انو دا ماخبر عاجل

.

.

ليس في الامكان أكثر مما كان

عليك الله ياهشام متوقع شنو من هذا الفرفور
غصبا عنك وغصبا عني

اختنا العزيزة شادية حامد


فرفور فنان مبدع واحبه لكن ان يورط الفنان نفسه في مستنقع عفن مثل هذا المستنقع
وخاصة ان جمال فرفور قبل ان يكون فنان فهو ( محامي) اي يعرف القانون وحقوق الناس ومعنى الظلم
فهى خسارة كبيرة ان يتحول الفنان المبدع الى مجرد طبال وملاق اي مؤيد لمجموعة من القتلة واللصوص
المشهورين وهو غير مجبور على ذلك فبفنه وابداعه يستطيع ان يعيش باقى عمره شريفا بين جمهوره ومحبيه مثل
كثير من المبدعين الشرفاء ما ورطوا انفسهم في مثل هذه المتاهات النتنة ولكنها النفس امارة بالسوء
فهذا خيار (فرفور) وليفرفر ما شاء له حظه في بلاط القتلة والمفسدين!

الهبيب هشام ...
سلام كتير و للاصدقاء في دلاس...
ياخي حزنت اكثر للفنان محمود عبدالعزيز و هو يغني له...
و كأنه يقول للشعب السوداني هذا هو فنانكم المفضل في جيبي مثل ما فعل نميري عندما وضع صورته في العمله و قال للشعب السوداني "تكرهوني لكن تشيلوني في جيوبكم...

الهبيب مهجوب

مهمود ابد الازيز تلأ زول مهبب ساكت
وابداء وما ادراك ما ابداء تلأ كلام اشااااة!

.

.