Post: #1
Title: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-11-2009, 04:19 PM
انت عارف يا صلوحة اخووي باعتبارك من ( الملكية) متسلبط في الكاكي ده بالجربندية بتاعة الكيزان عارف انو ناس ( الديش) شامنك شمة كبيرة وانت برااك عارف انوالعسكريين اي ناس ( الديش) ديل في السودان حزب واحد كبير جدا وخفي وهو اقوى حزب في السودان كمؤسسة قومية نظامية وبيدها قوة السلاح تجمع بين افرادها قوة روابط وروح زمالة مهنة يعني اواصر قوية جدا هي الجمعتن في معسكرات و( ميزات وقعدات ) وكمان معارك حربية ودراسة في كلية واحدة ذات منهج واحد وبتلاقوا في بعثات دراسة بالخارج دي كلها خلت بيناتن روابط اقوى من اي رابطة داخل اي حزب سياسي وهسع لمن تشوف ناس برمة ناصر وسوار الدهب والفاتح عروة وعثمان عبد الله والسر اب احمد وعثمان السيد وجريهن الفاضي وشكرن للبشير وكمان شكرن في المقبور جعفر نميرى ده كلو باكد ليك انهم مهما اختلفوا هم طينة واحدة وبحنوا لبعض وبحكم تربيتن بفتكروا ( الدياشة ديل ارجل ناس في البلد من الملكية الزيي وزيك يعنى المدنيين وعشان كده لمن كتبواعلى الكلية العسكرية مصنع الرجال كانوا قاصدنها ولمن اعيروا الزول فيهم بعيروه بالملكي اي الزول المو عسكري وحتى الطالب الحربي ممنوع عليهو اركب المواصلات العامة مع الناس الملكية لازم اركب تاكسي عشان ما اختلط بالملكية واشيلو بركتو)!
عشان كده يا صاحبي ما تتنفخ وتفرح بالمنصب الانت فيهو ده هم عارفنك بره وجوه وبفتكروك زول ملكي اتسلبطت في القصة كلها استروبيا بتاعة كيزان جابوا عمر البشير التمبل ومن خلالو حاولوا انفذوا مشروعن.... ولكن عاين وين عمر البشير هسع ووين الكيزان الزول التمبل ( ديك العدة) مقلبكم و خرا ليكم ياالاسلاميين في مشروعكم وسرقو منكم بواسطة تاثير اصحابو ناس الديش زي ناس بكري وعبد الرحيم وقادة الجيش وبقايا العسكريين والامنجية المايويين لانهم عارفين مشروع الكيزان مشروع ملكية بلاعيط عاوزين اتسلقوا للسلطة بالديش زي ما مشروع الشيوعية الملكية الحاول اتسلق للسلطة عبرالديش في مايو بنميرى. وكمان كلموهم عسكريين اجانب من دول مجاورة انو اتخلصوا منكم يا كيزان عشان اردوا للديش هيبتو... وانت يااخوي جابوك وقووك وعملوك جنرال رشوة ليك شان اضربوا بيك اخوانك الملكية الكيزان ولاول مرة في تاريخ القوات النظامية اياخد زول والمصيبة ملكي ولا قرا عسكرية ولا حاجة ولا دخل معارك ولا شال سلاح اجي استروبيا اياخد ترقية استثنائية الى درجة فريق اول رئيس لجهاز امن البلد وعمرو لم يتجاوز الواحد وخمسين سنة ده وكمان المصيبة ملكي ده انت.... لكن الجماعة ناس فاتح عروة وعثمان السيد وبقايا جنرالات مايو حاسدنك في الموضوع وكل يوم اوزو للبشير انو اتخلص منك بعدما ما عملت قلعتك الامنية العتيدة الموازية للجيش بالمال التحت تصرفك وبعلاقاتك المشبوهة مع امريكا وحركة الكيزان العالمية وده كلو موضوع خوف مشوب بحسد وغيرة عشان كده بقوااخافوا منك بعد ما اتضخمت وبقيت ليك عنقرة جنرال جد جد وعشان كده قعدوا اوزوا في اضان التمبل البشير بعد تهميشو لقريبك وشيخك على عصمان تبقى انت اخر معاقل الملكية الكيزان المتنفذين والدور جاااي عليك والمصريين في الخط و الجماعة لابدين ليك حيتغدوا بيك قبل ما تتعشى بيهم خاصة بعدما الامريكان رفضوا انو البشير اجي رئيس تاني للسودان والرسالة دي ادوها لصاحبك المراسلة بتاع البشير غازي العتباني وعشان كده ناس بكري وعبد الرحيم ومعاهم الشمشرجية الامنجية من المايويين العندهم تار بايت معاكم باعتباركم ساهمتو فى اسقاط نظامن في مايو لمن ورطتو كمان مايو باسم الدين ونهيتوها نهاية بشعة... عشان كده ناس الفاتح عروة وعثمان السيد ومعاهم كثير من المايويين قاعدين يوزوا كل يوم في اضان البشير البقت ليهو الرئاسة خط احمر وما بخليها لانها موضوع تامين ليهو وقاعدين اقولوا ليهو الزول غوش الملكي ده بقى خطر علينا كلنا احسن نتغدى بيهو قبل ما اتعشي بينا وده كلو برضو منطلقاتو بتاعة غيرة وحسد بس عشان انت ملكي وبقيت جنرال كبير وعندك ديش براااك ومعلومات واموال وعلاقات مشبوهة مع الغرب وكمان كوز وغير مرغوب فيكم لا في الاقليم ولا في العالم والدور جاييك مش كان نايم قفا على الامريكان وانا ابدا تحليلاتي ما بتقع واطة....فاحسن ليك تفطر بيهم قبل ما اتغدوا بيك او اتغدا بيهم قبل ما يتعشوا بيك وتحت تحت الموضوع ده بكون في نظري يوم 18 نوفمبر الجاااي وانا زول كلامي ما بقع ساكت نبى عديل......
فاعل خير
اها ونحن بدورنا حنستمتع بالفيلم الجااااي ده وحنشترى التسالي والترمس والبستى كولا ولاول مرة فيلم ( الاخوة الاعداء) لاتفوتكم الفرصة ايها الجمهور شاشة سكوب بالالوان والتذاكر عشرة ساغ لوج وشلن ساغ شعب!
|
Post: #2
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-11-2009, 04:43 PM
Parent: #1
غايتو يا صلاح اخوووي
اعمل حسابك الزول ده كلامو على النعمة دي
صعب تب وتحليلو ده انا بتفق معاهو تسعين في المية
وارى تحت الرماد نارا لها وميض!
|
Post: #3
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-11-2009, 04:50 PM
Parent: #2
نعم قد دنت ايام دولة الظلم
بعدما تقاطعت المصالح
وتضخم المتنفذون ومراكز القوة
وتوسعت رقعة المطامع والشره فيمابينهم
في التكويش على السلطة والمال
بين عصبة لا يجمع بينها وزاع ديني
او اخلاقي بل مجرد مصالح دنيوية
حقيرة ولذلك حتمية الاقتتال والطلاق
واردة بينهم وقد وقعت بالفعل ورايناما راينا
من اقصاءات وتهميش فيما بينهم ومكائد ومعارك
وفوق كل ذلك ارادة رب عادل لن تخيب امال
عباده المستضعفين لاجل الظالمين انه يمهل ولا يهمل.
|
Post: #4
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-11-2009, 05:18 PM
Parent: #3
شوف كلام المنافق عمك سوار الدهب في مدح المقبور نميرى وهو الانقلب عليهو وبشكر فيهو وفي ذات الوقت جارى كل يوم ورا عمر البشير في الصغيرة والكبيرة.... التقول ما كان رئيس ..عالم ما تختشيش!
http://www.youtube.com/watch?v=7pMFHRjZOo8
|
Post: #5
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-11-2009, 06:40 PM
Parent: #4
اعمل حسابك كان ما قامت عليك مؤامرة من جماعتك ديل كمان ممكن اقوم اطق فيك عرق اجيب اجلك وانت زول تريان ومليان ونازي كلسترول وما بتنوم الليالى من القلق وتانيب الضمير بسبب ارواح الناس المعلقة في عنقرتك والحكاية كلها بس جلطة دم صغيرونة تعتر لمجرى الدم وما يصل الدم للقلب وتعمل ليك جلطة تقفل الشريان التاجي توقف القلب تشيل الروح وفجاة تلقى نفسك قدام ربك ميطي ام فكو شايل كتابك فاضي بشمالك لا جنرال ولا نياشين ولا حراسات ولا اموال ولا علاقات..... ملايكة غلاظ شداد شايلين ضقل وعكاكيز وبسطونات للدق في الجعبات واقعين فيك هبك ولبع تقيل وكواريكك تصحي ناس ابو لهب وابو جهل في جهنم ونحن في الجنة بغادى مستمتعين بمسلسل ( غوش) المكسيكي!
http://www.youtube.com/watch?v=WTetMk7iqrg
|
Post: #6
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-11-2009, 08:17 PM
Parent: #5
التوبة قبل الطــــــــــــــــــــوبة فلو كانت ستدوم لدامت للسناير بتاعنك الزبير وابراهيم شمس الدين ومجذوب الخليفة وكمال على مختار واخيرا جعفر نميرى!
|
Post: #7
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-12-2009, 05:25 AM
Parent: #6
>
|
Post: #41
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 09-12-2009, 12:15 PM
Parent: #6
.
|
Post: #40
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 09-05-2009, 03:36 PM
Parent: #3
.
|
Post: #8
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-12-2009, 01:44 PM
Parent: #1
يبدو بالفعل ان العسكريين الرسميين من اعضاء مجلس انقلاب (الانقاذ) بمعاونة مباشرة من بقايا جنرالات المدحورة (مايو) يبيتون شيئا حقيقيا حسب مصادرى للقضاء على اخر معاقل تيار الجبهة وهوهذه القلعة الامنية الحصينة التي شيدوها باموالنا المنهوبة وعباوهابالموالين لهم لانهم لا يثقون ابدا في القوات المسلحة مهما( شلعوها) وبالفعل شيدوا هذه القلعة الامنية كقوة موازية للجيش مسلحة ومدربة ومجهزة بقوة نيران دبابات ويقال انهم يمتلكون ايضا طائرات هلكوبتر وانهم مزودون بكافة المعلومات حول كل رجال الجيش والشرطة والسياسيين وتسندهم عند الضرورة مليشيات الدفاع الشعبى المزودة باسلحتها الشخصية التي بحوزتهم في بيوتهم واماكن عملهم حيث يمكنهم السيطرة على اي اوضاع في سويعات وايضا يمتلكون حلقات اتصالات بكوادر اسلامية سرية من التنظيم العالمي للاخوان متواجدين اليوم في السودان في شكل مستثمرين وعمال مصريين وسوريين وارتريين وصوماليين جزائريين ومغاربة جاهزين في اي وقت للدفاع عن مشروعهم السوداني الذي اصبح ملاذا امنا لهم ولا ستثماراتهم وغسيل اموالهم وترتيب عملياتهم ولذلك يحسب لهم هؤلاء العسكريون الف حساب وهم بالفعل قرروا التخلص منهم ولكن يبدو بحذر... لانها مهمة صعبة ولا زالوا يلومون صاحبهم البشير بانه المتسبب في تضخيم هذا ( الملكي) حتى صار جنرالا في زمن قياسي وهي خطيئة عمر البشير الكبرى في نظرهم والان يبدو اقنعوه بان يتخلصوا منه وخاصة للجنرال ( الملكي) ايضا علاقات وثيقة ومقربة من دوائر غربية عظمي وهي دوائر صرحت بعدم رغبتها في استمرار البشير رئيسا وهو هنا مربط الفرس والعقدة التي ستفجر الاوضاع!
غايتو النشوف اخرتهـــــــــــا في 18 نوفمبر القادم
|
Post: #9
Title: Re: رسالة عاجلة اخرى للفريق صلاح غوش من ( فاعل خير)!
Author: محمد المسلمي
Date: 08-12-2009, 02:29 PM
Parent: #8
ياعمدة سعادة الفريق اخو اخوان ومابجيهوعوجةتب
|
Post: #20
Title: Re: رسالة عاجلة اخرى للفريق صلاح غوش من ( فاعل خير)!
Author: Yassir Tayfour
Date: 08-14-2009, 03:43 AM
Parent: #9
| Quote: ياعمدة سعادة الفريق اخو اخوان ومابجيهوعوجةتب |
___
إنت قاصد ياتو عوجة يا المسلمي؟؟
|
Post: #10
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-12-2009, 09:13 PM
Parent: #1
.
|
Post: #11
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-13-2009, 11:10 PM
Parent: #10
ألم اقل لك قبيل سويعات يا صاحبي سعادة الجنرال ( الملكي) مثلي انه بعد ان اينعت وانتفخت واستقويت فقد حان قطافك و بالفعل قرر قطفك اليوم حزب العسكر لانك اخذت ما لا تستحقه وخاف منك الريس على نفسه بعد ان ( وز) في اذنه شمشرجية الجيش وجنرالات امن نميري المندحرين واما صديقك الجنرال محمد عطا الا ذر للرماد في العيون لانه ايضا ( ملكي) مثلك ومثلي وحتما سيجزون راسه قريبا لانهم دخلوا مرحلة الحكم العسكري المطلق بعد ان قضوا على اخر معاقل مراكز القوى الاسلاموية.....كفارة!
تكاسي غلبان
|
Post: #12
Title: Re: رسالة عاجلة اخرى للفريق صلاح غوش من ( فاعل خير)!
Author: أسامة عبد الجليل
Date: 08-13-2009, 11:42 PM
Parent: #11
| Quote: والدور جاييك مش كان نايم قفا على الامريكان وانا ابدا تحليلاتي ما بتقع واطة.. |
والله يا الناظر آمنت بيك..
سحار عديل
|
Post: #13
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-13-2009, 11:52 PM
Parent: #12
ود عبد الجليل اخوي
سلامات
والله حقو الواحد بعد التحليلات دي حقوامشى اعمل صحافي عديل ومحللاتي واتنفخ بالتحليلات الضربت دي
ومن ضربة حظ في السودان الهامل داك باقي العمر نعمل فيها صحافيين ونخلى قصة التكسي الماجايبه همها دي وما في زول احسن من زول كان ناس حسين ملاسي بكتب ليهو الواحدسطر زي فسوة الديك وبرضو بقولو عليهو صحفي وكمان ودالصايم غير اكتب ( كاااااك) ما عندو التكتح برضو استقبلوه صحافي في الخرطوم ونحن الغلبانين ما في زول بعبرنا لينا الله وعيشة السوق!
|
Post: #14
Title: Re: رسالة عاجلة اخرى للفريق صلاح غوش من ( فاعل خير)!
Author: elnawrani margan
Date: 08-14-2009, 00:13 AM
Parent: #13
ود هبانى
قلت لى من امريكا ومن داخل التاكسى واصل جو السودان وكمان مع اعمامك الكبار!!!!!
عفيت منك
والله لقيتك خطر عديل.......................
ابومحمد
|
Post: #15
Title: Re: رسالة عاجلة اخرى للفريق صلاح غوش من ( فاعل خير)!
Author: خالد عويس
Date: 08-14-2009, 01:05 AM
Parent: #14
الناظر..(أزرق اليمامة)
لك التحايا
|
Post: #16
Title: Re: رسالة عاجلة اخرى للفريق صلاح غوش من ( فاعل خير)!
Author: isam elzein
Date: 08-14-2009, 01:34 AM
Parent: #15
Quote:
والله حقو الواحد بعد التحليلات دي حقوامشى اعمل صحافي عديل ومحللاتي واتنفخ بالتحليلات الضربت دي
ومن ضربة حظ في السودان الهامل داك باقي العمر نعمل فيها صحافيين ونخلى قصة التكسي الماجايبه همها دي وما في زول احسن من زول كان ناس حسين ملاسي بكتب ليهو الواحدسطر زي فسوة الديك وبرضو بقولو عليهو صحفي وكمان ودالصايم غير اكتب ( كاااااك) ما عندو التكتح برضو استقبلوه صحافي في الخرطوم ونحن الغلبانين ما في زول بعبرنا لينا الله وعيشة السوق! |
على الطلاق يا ودهبانى
دى إبليس ظااااااااااااتو ما عمله
آمنت بيك يا شيخنا
تفزعنى وتنجدنى
مدد مدد
|
Post: #19
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-14-2009, 03:33 AM
Parent: #16
عصام ود الزين
من زمان قلنا ليكم نحن فقرا عديل نروب الموية لكن
ظلمتونا ساكت شبكتوناهباني التكاسي قليل الادب البذيء المش عارف
اها مما جا الهكر قليل الادب جدا الرسلو لينا المرحوم ودغوش
اها اخوك قرر المواجهة عديل معاهم وبديت الحملة الغوشية لمن جبنا ليكم اجلو
اها دايرين ليكم صلاح اكتر من صلاح الفكى التكاسي!
|
Post: #18
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-14-2009, 03:28 AM
Parent: #15
ود عويس
سلامات وكيفن الوليدات
اها قصرنا معاكم فت مقالتين في يومين جبنا ليكم خبرو
معارضتكم قاعدة ليها عشرين سنة ما سوت التكتح واخرتا ابو هاشم
بقى مؤتمر وطني .... اها شفتو الحيكومة دي ضعيفة قدر
شنو وقاعدة ام فكو قدر كيف!
مودتي
|
Post: #17
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-14-2009, 03:26 AM
Parent: #14
النوراني اخوي
بعد ده بالله بدل هباني التكاسي حقو تسموني هباني الصحافي
ان شاء الله لفت يوم واحد خلونا اليومين ديل نقشر بيها
قدام تكاستنا السجمانين ديل وانا في انتظار ا خوي صلاح
غوش حبيب الامريكان علي النعمة دي اكان جانا دالاس وقال عاوز اشتغل تكاسي
اهاياود المسلمي سيد الشهادة لوجه الله في حق غوش لمن جبت ليهو الهوا اها انا اول زول
بستقبلوا وبشوف ليهو شغل معانا في التكاسي وحرم اكان جاني في بيتي اضبح ليهو واوريهو الكرم
الجد جد وبعد داااك بنسعلو عن اهلو ووليداتو اها بعد داك بنسعلوعن حقوق الناس وبنشتكيهو لاقرب بوليس امريكاني شان حق الشهداء المساكين الكتلن!
|
Post: #21
Title: Re: رسالة عاجلة اخرى للفريق صلاح غوش من ( فاعل خير)!
Author: MOHAMMED ELSHEIKH
Date: 08-14-2009, 05:32 AM
Parent: #17
اها ياود هباني ماتشوف لينا خبر الما بجيبوا اسمو و تجيب لينا خبرو انا ما بفسر وانت ما تقصر(انا خايف من الهواء لأني ماشي السودان قريب9)
|
Post: #22
Title: Re: رسالة عاجلة اخرى للفريق صلاح غوش من ( فاعل خير)!
Author: Salwa Seyam
Date: 08-14-2009, 05:54 AM
Parent: #21
تلحقنا وتفزعنا يا ود هبانى ..
|
Post: #23
Title: Re: رسالة عاجلة اخرى للفريق صلاح غوش من ( فاعل خير)!
Author: محمد عثمان الحاج
Date: 08-14-2009, 12:21 PM
Parent: #22
ود هباني، أذهلتنا! إما إنك من أهل الكشف أو عندك مصادر معلومات في جهات عليا وإما إنك عبقري في التحليل السياسي، وإما إنو رزق التاكسي ده أكثر رزق حلال لأن من يأكل الحلال يكون مستجاب الدعوة!
أول مرة منذ سمعت بخبر انقلاب الإنقاذ المشؤوم أجد نفسي فرحت لقرار إنقاذي!
|
Post: #24
Title: Re: رسالة عاجلة اخرى للفريق صلاح غوش من ( فاعل خير)!
Author: Amin Elsayed
Date: 08-14-2009, 12:50 PM
Parent: #23
.
العمده عافي منك
طوالي فاشي لي مغصتي
وعاجبني ترمومترك في كشف الكيزان والامنجية
ياخي ادينا سحبة معاك ومابكلم عمك حسن متنق
Amin
.
|
Post: #25
Title: Re: رسالة عاجلة اخرى للفريق صلاح غوش من ( فاعل خير)!
Author: abubakr salih
Date: 08-14-2009, 01:30 PM
Parent: #24
Gooood job ya Omda Habani
Successfull analysis and guess to the conflict
of interest inside the governing militia. I will back
when I catch up in arabic keyboard
|
Post: #26
Title: Re: رسالة عاجلة اخرى للفريق صلاح غوش من ( فاعل خير)!
Author: amin siddig
Date: 08-14-2009, 02:37 PM
Parent: #25
الناظر سلامات
هسي ( تتوقع ) الزول ده حالتو النفسية كيف ؟
يكون زي الجماعة الكانوا بيكسروا في التلج هنا و خشمهم بقى ملح ملح ؟
|
Post: #27
Title: Re: رسالة عاجلة اخرى للفريق صلاح غوش من ( فاعل خير)!
Author: saif massad ali
Date: 08-14-2009, 03:00 PM
Parent: #26
ود عمي
والله نمدك مدا
|
Post: #28
Title: Re: رسالة عاجلة اخرى للفريق صلاح غوش من ( فاعل خير)!
Author: فتحي البحيري
Date: 08-14-2009, 04:25 PM
Parent: #27
أها يا ود هباني
باري لينا الصف دا عليك الله
|
Post: #29
Title: Re: رسالة عاجلة اخرى للفريق صلاح غوش من ( فاعل خير)!
Author: shahto
Date: 08-14-2009, 04:54 PM
Parent: #28
يازول هوووي
الهلبة غرب الحديد تيرابوا وين
صلامات انشاء الله طيب
انت مش صحفي و بس انت مركز بحوث و دراسات عيستراتججيية طب ما عندك عوجة
علا انت يراك قلت امريكا عاوز نظام ثابيت مش ذي معارضتنا السجمانة بتواليها و شركراكتها في القفة المقدودة
عشان كدي الكلام هنا ما صحيح (نعم قد دنت ايام دولة الظلم
بعدما تقاطعت المصالح)
ممكن نقول ان زمان الاسلاربويون انتهي و عودة لحكم عسكري شبه اسلامي لكن موالي لامريكا ... و هنا يمكن نري مزابح محدودة للمتجيشين
و الله ناس الديش ديل ما مضمونين انا تربيت وسطهم و كلامك طب صحيح هم اقوي قبيلة سودانية و هي الوريث الشرعي
اه هازول اقعد عافية كتلنا بالضحك ز التواضع غايوتو بخت الرضاء دي......
|
Post: #30
Title: Re: رسالة عاجلة اخرى للفريق صلاح غوش من ( فاعل خير)!
Author: Hani Arabi Mohamed
Date: 08-14-2009, 05:57 PM
Parent: #29
هباني ... تحليل خطير
لكن سبقك بها الهاكر ...
هل تذكر عندما تعرضت للشتم البذيء هنا ؟ ؟؟ ؟؟
فقد قام الهاكر في يوم 7/8/2009 بنشر خبر عن تعديل وزاري مستخدما حساب أحد أعضاء المنبر .. ....
طبعاً الرابط غير موجود اليوم لأنه ذهب بسبب عملية نظافة وصيانة ...
وأسأل الله العون للأخ المحترم بكري أبو بكر الذي وفر لنا الفرصة هنا لنتكلم ونثرثر ونتلاقى ونعرف هذه الكوكبة الرائعة من أبناء السودان ....
التحية لبكري
ألم تلاحظوا: الهاكر كان أول من نوه إلى إقالة الفريق صلاح غوش من منصبه
|
Post: #31
Title: Re: رسالة عاجلة اخرى للفريق صلاح غوش من ( فاعل خير)!
Author: Elbagir Osman
Date: 08-15-2009, 02:52 AM
Parent: #30
بركاتك يا شيخ هباني
بعد دا نسميك الفكي أبو تاكسي
أنا محنني الجماعة الما كملوا كسير تلجهم
إلا يكسروا باقيه لمحمد عطا
(طبعا بعد شوية غوش بحددوا إقامتوا
والبقول أنا بعرفو الله قال بي قولو)
وكمان شايل هم غازي سليمان
القال هو مع غوش في تقطيع أوصال الشعب السوداني
يا ربي حيبقى مع منو؟؟
غايتو إلا يفتش للجزار الجديد
كان يرمي ليهو عضمة أو وصل _ مفردة اوصال )
الباقر موسى
|
Post: #32
Title: Re: رسالة عاجلة اخرى للفريق صلاح غوش من ( فاعل خير)!
Author: Elbagir Osman
Date: 08-15-2009, 03:00 AM
Parent: #31
أها يا العمدة
قلنا ما نجي يدنا فاضية
الجزار (كاريكاتير)
الباقر
|
Post: #33
Title: Re: رسالة عاجلة اخرى للفريق صلاح غوش من ( فاعل خير)!
Author: HAIDER ALZAIN
Date: 08-15-2009, 02:21 PM
Parent: #32
امممممممممممم 
الهكر أولاً ...
وهشام هباني ثانياً ..
واتدقّس فيها محمد المسلمي ..
ـــــــــ
يعين الله ،،،
|
Post: #34
Title: Re: رسالة عاجلة اخرى للفريق صلاح غوش من ( فاعل خير)!
Author: محمد عثمان الحاج
Date: 08-15-2009, 09:32 PM
Parent: #33
ود هباني أظهر عشان نطمئن عليك، وأعمل حسابك على نفسك شديد، انت طفشت للجماعة زولهم الذي يرسلون له الطائرة الخاصة لإحضاره وينسون كل ادعائاتهم عن الدفاع عن جقوق الإنسان ومحاسبة مرتكبي الجرائم ضد الإنسانية حينما يتعلق الأمر به واكتشفنا أن هناك حصانه دولية لبعض من ارتكب هذه الجرائم ما دام لهم مصلحة فيه، الله يستر ما يقوموا يقبلوا عليك انت، بالله طمنا عيلك! غايتو لو حصلت ليك حاجة حنعرف مين هو المسؤول (وجه ضاحك)!
|
Post: #35
Title: Re: رسالة عاجلة اخرى للفريق صلاح غوش من ( فاعل خير)!
Author: متوكل بحر
Date: 08-15-2009, 10:38 PM
Parent: #34
محكمة العدل تتهم هشام هبانى الملقب بالناظر بتهمة ابادة مشاعر الكيزان وجرح شعورهم
والتنكيل بهم مع التمادى فى التعذيب النفسى بالاضافة الى التنبؤ الجسيم باختلال مراكز القوى
والتصفيات فيما بينهم
المسودة الاولى
|
Post: #36
Title: Re: رسالة عاجلة اخرى للفريق صلاح غوش من ( فاعل خير)!
Author: Elbagir Osman
Date: 08-19-2009, 03:32 AM
Parent: #35
والله يا الناظر مداخلات تاريخية
مش كدة يا محمد المسلمي!
-
الخلاصة
يعني أتلم المتعوس المايوي على خايب الرجا الإنقاذي
يعني الجاي أظرط من الإنقاذ
لكنهم
أضعف منها
فقد إنتهى عهد التنظيم
وكان من مكامن قوة الإنقاذ
حتى وهي امفكو بعض سقوط مشروعها
وتحولها لعصابة قهر ونهب وكذب مجردة
-
سوف تستمر قصقصة الأجنحة
في أي أتجاه
وإلى أي عمق
وهل ستكون كلها سلمية؟
-
من ناحية أخرى
صراع الأجنحة أضطر البشير
لإطلاق النار على قدمه
أو ذراعه التي يبطش بها
وبين الخازوقين نتنفس
-
ما هي حقيقة دور غازي العتباني؟؟؟؟
الباقر موسى
|
Post: #39
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-19-2009, 04:41 PM
Parent: #34
الكلس محمد عثمان الحاج
سلامات
شفت ليك فكي بخاف ليهو من بقرة!
اخوك الحمد لله بخير وكان في جولة سياحية صغيرة ولاقيت ليك فيها اخوك الباسل عبد الغني بريش
وكتير من الناس الطيبين وبسلموا عليك مع خالص التحايا وان شاء الله السنة الجاية عريس!
|
Post: #38
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-19-2009, 06:54 AM
Parent: #22
العزيزة اختنا سلوى صيام
سلامات
اها شوفو لينا حق البياض
عشان نجيب ايكم اجل ناس تانية!
تحياتي للصديق المشاء
|
Post: #37
Title: Re: رسالة عاجلة اخرى للفريق صلاح غوش من ( فاعل خير)!
Author: هشام هباني
Date: 08-19-2009, 06:51 AM
Parent: #21
العزيز محمد الشيخ
تحياتي
يا اخووي اهلنا قالوا الجايات اكتر من الرايحات!
والحكاية يا دوب في المناظر والفيلم الفيلم كاوبوي عديل
كلو خيانة و ما فيهو بطل ابدا ولاول مرة بالالوان وشاشة سكوب!
|
|