Post: #1
Title: هذا منزل الشاويش محمد حامد جمعة البوليس السري بالدويم!!؟
Author: هشام هباني
Date: 06-04-2007, 06:44 PM
Parent: #0
منذ كنا صغارا بمدينتنا مدينة النور الدويم الجميلة كنا نسمع بحكاية عمنا(فلان )البوليس السري بالدويم...حيث كان عمنافلان من مواطني مدينة الدويم يخدم مخبرا في زمن حكم الجنرال ابراهيم عبود لصالح جهاز الامن في ذلك الزمن...وكثر همس وشكوك الناس حوله وهو بينهم يعيش هانئا ومثلهم يذهب للسوق ويسكن بيت الايجار ويذهب لبيوت المناسبات مساهما من جيبه في اتراحها وافراحها ولا يعرف اهالي الدويم لعمنا فلان مهنة محددة..يتعيش منها ولكن البعض من ثعالب السياسة بالمدينة بدا يشكك فيه انه يعمل مخبرا في جهاز الامن!
ووبعدها بات عمنا فلان قلقا جدا من نظرات الناس وشكوكهم وهي تلاحقه واعينهم تتهمه باشياء اخرى ربما كان فلان لصا او مجرما اوتاجر مخدرات او او!! ومن كثرة هذه الشكوك التي اقلقت عمنا فلان حتى حرقص ورقص ابو الحرقص في داخله كثيرا و قرر قرارا جريئا جدا لاراحة نفسه و لقطع شكوك اهالي الحي الذي يقطن فيه ليريحهم ويريح نفسه حيث فاجاهم في اليوم التالي ذات صباح من صباحات الدويم الجميلة وهو يعلق يافطة في باب بيته مكتوب عليها(هذا منزل فلان الفلاني البوليس السري بالدويم)!
هكذا فعلها صاحبنا المخبر السري بالبورد محمد حامد جمعة...في بوسته الفضيحة التي فضحته..وهو يقطع شكوك الشاكين ونظرات الفضوليين بانه مخبر وجاسوس وليس صحافيا....ولكن حكمة رؤسائه البائسة اضطرتهم في اللحظة الاخيرة لانتزاع اليافطة من باب بيته بعد ان علقها وقراها الفطنون والمطششون حتى لا ينفضح كثيرا ولكن بعد فوات الاوان!
وبالتالي انا موقن انهم سيعاقبونه علي غبائه و سيجردونه شريطا بعد ان كان شاويشا يحسب ان تصرفه سيعطيه شريطا اخر.... ولله في خلقه بواليس سريون!!
|
Post: #2
Title: Re: هذا منزل الشاويش محمد حامد جمعة البوليس السري بالدويم!!؟
Author: هشام هباني
Date: 06-04-2007, 06:55 PM
الجماعة بكونوا كفتوهو وشلتوهو واترجوا بكري في الخرتووووم اشيل اليافطة الفضيحة بتاعة الشاويش السجمان ده!!
|
Post: #3
Title: Re: هذا منزل الشاويش محمد حامد جمعة البوليس السري بالدويم!!؟
Author: هشام هباني
Date: 06-04-2007, 07:07 PM
Parent: #2
لو كنت المسؤول لرفدت الشاويش محمد حامد جمعة او انزلته لمقام كلب بوليسي يمارس فقط مهنة الشم والشمشرة والخبارات والتي سيبتز بها الخصوم!
|
Post: #4
Title: Re: هذا منزل الشاويش محمد حامد جمعة البوليس السري بالدويم!!؟
Author: خضر الطيب
Date: 06-04-2007, 08:05 PM
ود هباني
ود مدينتي الجميلة
لكن دي بالغت فيها
| Quote: لو كنت المسؤول لرفدت الشاويش محمد حامد جمعة او انزلته لمقام كلب بوليسي يمارس فقط مهنة الشم والشمشرة والخبارات والتي سيبتز بها الخصوم! |
كت اووت :-
الله لاجاب اليوم النعاديك فيهو ياود هباني , لسانك يتبرو منو 
|
Post: #5
Title: Re: هذا منزل الشاويش محمد حامد جمعة البوليس السري بالدويم!!؟
Author: هشام هباني
Date: 06-05-2007, 04:05 AM
Parent: #4
حبيبنا الجميل وقريبنا خضر الطيب
انت عااارف يا خضر حقو ترفع تقرير سريع لعمنا التاج سعيد بالدويم
باحوال المنبر ليمدنا باجمل التعليقات اللاذعة حول هذا الشاويش ود جمعةبامثال دويمابية من (بيت الكلاوي)
محبتي واحتراماتي
وسمعناانك ماشي لندن بالله رسل لي تلفون البيت بلندن!
|
Post: #6
Title: Re: هذا منزل الشاويش محمد حامد جمعة البوليس السري بالدويم!!؟
Author: خضر الطيب
Date: 06-05-2007, 09:29 AM
الحبيب ود هباني
شتان مابين جمعتنا وجمعة المركز الصحفي للخدمات الامنية
شتان مابين المئذنة والمدخنة
ياحليل عمنا التاج سعيد والناس الحلوين
عندك تلفون البيت والموبايل في المسينجر
وتسلم ياغالي
|
Post: #7
Title: Re: هذا منزل الشاويش محمد حامد جمعة البوليس السري بالدويم!!؟
Author: هشام هباني
Date: 06-05-2007, 08:35 PM
Parent: #6
حبيبنا خضر
بالله ضروري تجري اتصالاتك تدور لينا عشان موقع الدويم المقترح وانت زول اعلامي شاطر ومتخصص دور لينا صور من الدويم للتاج سعيد وعمنا الطيب عوض ريد
والهلبة غرب ونفيسة طربوش وحاجة حليمة وابو رزقة وعبد الحارس بتاع السينما وانجارو بتعا السينماوالاولاد البشمو البنزين وود القسيس
وسعيد اللو.. واولاد لبيب والنور الجربق وبنطون الدويم وفاروق العضلاتي وبرعي وابكر بتاع البار وحسن متنك العجلاتي وعوض نجيب الحكم ومحمد كوشة الفنان وودباصرو بتاع البولمان وكريشنقة بتاع الكورة.......ووووووووو
|
Post: #8
Title: Re: هذا منزل الشاويش محمد حامد جمعة البوليس السري بالدويم!!؟
Author: Mamoun Ahmed
Date: 06-05-2007, 08:53 PM
Parent: #7
سعادة الناظر
ماترجع لينا البوست بتاع الدويم شات
بعد داك نتفاهم
|
Post: #9
Title: Re: هذا منزل الشاويش محمد حامد جمعة البوليس السري بالدويم!!؟
Author: هشام هباني
Date: 06-05-2007, 11:39 PM
Parent: #8
قريبنا وحبيبنا وصديقنا ود دفعتنا مامون
وينك يازول يا سمح مختفي....مغروضين فيك شديد في مشروع موقع الدويم
الاسفيري وتعملوا لينا لوحة خلفية للموقع مستوحاة من تفاصيل الدويم
بمعالمها وشخوصها وطبيعتها وتاريخها...... اما بخصوص البوست بتاع الدويم شات
نخليهو لموقع الدويم وكمان بوستات الاستاذ الجميل ابي عز الدين برضو ادخروها
للموقع بتاع الدويم...وانت عاوزنك للجماليات والحاجات الحلوة والحكاوي.
ودي وتقديري
|
Post: #10
Title: Re: هذا منزل الشاويش محمد حامد جمعة البوليس السري بالدويم!!؟
Author: Mannan
Date: 06-05-2007, 11:47 PM
هشام اخوى دي اسبيرات وللا اسامى بنى أدمين... انت متأكد الحاجات دى كلها فى الدويم؟؟
ده ربنا لو حاقات ياخويا!!!
Quote: والهلبة غرب ونفيسة طربوش وحاجة حليمة وابو رزقة وعبد الحارس بتاع السينما وانجارو بتعا السينماوالاولاد البشمو البنزين وود القسيس
وسعيد اللو.. واولاد لبيب والنور الجربق وبنطون الدويم وفاروق العضلاتي وبرعي وابكر بتاع البار وحسن متنك العجلاتي وعوض نجيب الحكم ومحمد كوشة الفنان وودباصرو بتاع البولمان وكريشنقة بتاع الكورة....... |
سلام واشواق واعجاب بالركلات النصية (الاماكن الحساسة) على وزن الركلات الركنية والركلات النصية طبعا من تخصصات ناس الامن إياهم.
وخلاص احمد هارون طلع أوت وباقى اللعيبة منتظرين نهاية المباراة عشان يركبوا الهولندية للاهاى.. حيث يتم "تكريمهم" اقصد تجريمهم بتهمة اللعب الخشن ضد الشعب السودانى والضرب فى الركب ..
تصبح على خير
نورالدين منان
|
Post: #11
Title: Re: هذا منزل الشاويش محمد حامد جمعة البوليس السري بالدويم!!؟
Author: هشام هباني
Date: 06-06-2007, 01:49 AM
Parent: #10
حبيبنا السفير الثائر نور الدين منان
سلامات
Quote: سلام واشواق واعجاب بالركلات النصية (الاماكن الحساسة) على وزن الركلات الركنية والركلات النصية طبعا من تخصصات ناس الامن إياهم.
وخلاص احمد هارون طلع أوت وباقى اللعيبة منتظرين نهاية المباراة عشان يركبوا الهولندية للاهاى.. حيث يتم "تكريمهم" اقصد تجريمهم بتهمة اللعب الخشن ضد الشعب السودانى والضرب فى الركب ..
|
وان شاء الله معاها حريق وغريق...اولاد الهرمة الحرامية كتالين الكتلة!
|
Post: #12
Title: Re: هذا منزل الشاويش محمد حامد جمعة البوليس السري بالدويم!!؟
Author: هشام هباني
Date: 06-06-2007, 10:33 PM
....
|
Post: #13
Title: Re: هذا منزل الشاويش محمد حامد جمعة البوليس السري بالدويم!!؟
Author: Mustafa Mahmoud
Date: 06-08-2007, 06:17 PM
Parent: #12
سوداننا قد مل المنام وسرقة الحرامية
لقوت هذا الشعب العظيم الطيب
بإسم الدين..
تجار الدين الحرامية ..
أهتف معي قول يا أخي..
يحيا الكفاح وينبغي..
فليخرج الكوز الشقي..
ويرفرف العلم الحبيب
|
Post: #14
Title: Re: هذا منزل الشاويش محمد حامد جمعة البوليس السري بالدويم!!؟
Author: Nazar Yousif
Date: 06-08-2007, 09:57 PM
Parent: #13
العزيز هشام
الغريبة كانوا بضبحوا كيرى فى بيتهم لذا
اشتهر سكان ذاك المنزل بقطع ضنب أى كلب
بحوم بهناك وتخيل منظر الكلب وهو يحاول هز
ضنبه المقطوع...
|
Post: #15
Title: Re: هذا منزل الشاويش محمد حامد جمعة البوليس السري بالدويم!!؟
Author: Mustafa Mahmoud
Date: 06-09-2007, 07:11 AM
Parent: #14
*****************
|
Post: #16
Title: Re: هذا منزل الشاويش محمد حامد جمعة البوليس السري بالدويم!!؟
Author: هشام هباني
Date: 06-10-2007, 04:11 PM
...
|
Post: #17
Title: Re: هذا منزل الشاويش محمد حامد جمعة البوليس السري بالدويم!!؟
Author: Mustafa Mahmoud
Date: 06-10-2007, 09:24 PM
Parent: #16
سوداننا قد مل المنام وسرقة الحرامية
لقوت هذا الشعب العظيم الطيب
بإسم الدين..
تجار الدين الحرامية ..
أهتف معي قول يا أخي..
يحيا الكفاح وينبغي..
فليخرج الكوز الشقي..
ويرفرف العلم الحبيب
|
|