الصادق..أنا ولا القمر

شفت كيف الصادق..ثلاثة أرباع كم
ودي دردقة لهشام وأبمنة ومن جر جرهم من الذين يريدون أن يتصابوا على حسابي
أنا الشاب الذي تعرفني الستينات والسبعينات والثمانينات والتسعينات بس الخمسينات ما بعرفها ولا مرت علي
والما عاجبو يقول..وعلى طول بخاخ البوهية جاهز..ابخ؟

والله يابناديها لسه شباب ماشاء الله خرت الجماعة كلهم بس ليه نصف صورة ؟

الخمسينات ماحضرتها لكن سمعت بيها من الاصدقاء الستينات ذكرة عابرة واتذكر فيها انقلاب مايو السبعينات متغيرات كثيرة علي خارطة السودان ابتداء من الخطط الخمسية والستية وماشفنا نتائجها حتي الان تغير العملة وظهور الطرادة الحمراء وعامل النسيج ابو رداء تلاشي الفريني كعملة واختفاء الملينة وظهور البزيانوس كمشروب سوداني ودبل كولا كمشروب اجنبي انتشار الزبادي في الطاسات في الدكاكين وكثرة الانقلابات هاشم العطاء محمد حسين النور سعد الخ اختفاء السلع الهامشية من السوق واصبح الصابون وزيت الفهد سلعة نادرة الثمنينات ايام عجاف ومتغيرات علي المواطن ظهور الشماسة بكثرة واصبحت كلمة جهاز الامن القومي عادية لدي المواطن الغلبان وظهور الرشاوي وانحلال الاخلاق نواصل

تخيل إنقلاب مايو دا أنا كنت في الخرطوم مع أهلا لينا بيوتهم في الخرطوم غرب ودقيناها ليك كداري لحدي وما وصلنا حديقة وزارة المالية وكان نميري هناك واقف جنب عربية تاونس حمراء أو حاجة زي كدا والناس حوله..بعد
شوية حصلت ضربة ودنوباوي دفرنا ليها من بيوتنا وقبل ما نصل المحطة الوسطى قابلونا كبار الحلة ونهرونا ورجعنا ولما قريب للعصر جوا هم وحكوا لينا حكاوي وكيف تمكن أحد العساكر من قتل أحد الإنصار الذي اعتصم بالمئذنة واخذ يمطر الناس بسيل منهمر من الرصاص..وقتل الكثير من العساكر حتى قام احد العساكر بالخروج من مكمنه وهو يقلب الهوبة ونشن على الإنصاري وهو قالب هوبة وضربو ليك في المئذنة...والباقي خليهو لمناسبة أخرى

!وبعدين يامايسترو أنا بالتلاثة أرباع ما أحسن من الهم بدون تمن حتى

فور سيكوريتي ريسونز ياصادق

والله يابناديها
10%10
نحنا اولاد السبعينات ديل اخير مانظهر وندسا ساي

الخواض السبعينات دي خشم بيوت يعني في اولها ولا اخرها ؟ الكتوف بتتلاحق مابرضو السلم التعليمي ومحي الدين صابر والرياضيات الحديثة وتوزيع لبن كافوري في البيوت وسجاير الروسمان كينج سايز في دكاكين اليمانية وسندوتش موية الجبنة بقرش ونصف وتالق قاقرين وعز الدين الدحيش وكاسات الدهب

السبعينات يالخواض؟ سهي والله؟
بكرة حأشيل النظارة وأصفف الشعر
والله الصورة دي لقطة على الطبيعة
حتى لا أدخل في منافسة مع عمنا بكري

حادثة جامع الانصار في ودنباوي الواحد بتزكرها طشاش طشاش عشان الواحد ما عايش الواقعةبعينه وطبعا ناس بحري دائما يقف الكبري الجديد عائق لمتابعة الاحداث وخاصة لقيام سلاح الظلات بقفل الكبري امام الجمهور ولكن سمعنا بالاحداث روايات من الناس ولكن اذكر انقلاب هاشم العطاء ومذبحة قصر الضيافة وتعرض احد جيراننا وهو ضابط برتبة عقيد بالاصابة واصيب بالعمي بعد الحادثة وتوفي رحمة الله بعد عدة سنوات من الانقلاب وكان يعيش في حالة من الهلوسة لمشاهدته احداث فظيعة ارتكبت علي زملائه من زملائه وكان ليل الخرطوم يعج بطراطيق الرصاص وحظر التجول و البيانات العسكرية ليلا ونهارا ودخان الورق المحروق من بعض المنازل

الصادق نصها كيف ينفع ولا اكون بالغته

بناديها سهي والله

الخواض
نصفها دي معقولة بس الوقت داك الواحد فك الحرف يعني بعرف يكتب اسمه بالعربي والعجمي هههها بكون اكلت سمايتك لو اهلك عزمونا ولو ما عزمونا اعتبر دة لوم عشان الواحد كان مستعد يعضم المرارة الوقت داك هها

لوكنت من سكان بحري احتمال
وبحري القديمه بالذات

الخواض
جيتني في مربط خيل زي مابقولو انا بعرف بحري شبر شبر بس اوعك من السكن العشوائي هههها ناس وين بالله خشم القربة ولا الاملاك ولا حلة حمد ؟

مهما كان ماحتعرفه زي وزي ما بقولو كاد مقدننا
الدناقله شمال وجنوب
وبعداك الضواحي
بتعرف شارع الضواحي

شارع الضواحي كنت بعرفه لمن كان بصات الفيات وكنا بنقول ليها بصات الشركة بتجي بهناك وكان المحطة الاخيرة في المسافة مابين حي الصبابي وحلة خوجلي وطبعا المنطقة اتغيرت بعد انشاء مدرسة بنات متوسطة وتقسيم المنطقة الي سكن درجة اولي طيب بتكون بتعرف ناس سمرا في حلة حمد وبالمناسبة سكنت الدناقلة جنوب برضو جوار الجامع القديم جنب ناس عوضية عز الدين الفنانة وناس علاء وعز الدين الحلب

الجامع القديم والتعاون وسعودي دراج وشارع الالوبه
ناس ابو سمرا سمعت بيهم وجنبهم ناس التلب
نحنا سكنا جنب مدرسه الازدهار الفاتحه علي شارع المرغني
علي فكره يتعرف ترزي الشقيقان الطيب وبشير بله

طيب اقول ليك حاجة طيب مدرسة الاذدهار دي مافي الناصية بتاعت شارع الظلط الداخل لي حلة خوجلي حتي مدرسة خوجلي الابتدائية وفي الناصية الثانية كان في بيت امامه مزيرة كبيرة واتذكر فيها مواسير علي الازيار وبالمناسبة تعرضت لحادث حركة بالقرب من المزيرة بس الوقت داك ماولدوك واتذكر فتح محل لتاجير العجلات في المنطقةباسم سعودي وكانت حدث لجودة نوع العجلات وعلي الجانب الاخر كان هناك مدرسة للبنات فاتحة علي شارع الظلط علي ما اعتقد الاذدهار الثانوية بنات ايضا لااذكر بعض التفاصيل لطول المدة عفوا سمرا الحلبي من اولاد حلة خوجلي وهم جوار الخور الكبير

يازول
ماهيتك عرفناها
أرقام تلفوناتك نشرتها
أسماء أولاد عملتها ببلك
صورتك وينها؟

بناديها...

موقعك في قصة حادث ودنوباوي جعلني أشك في أنك تعرف أبي...فهل تعرفه؟

شوف يابوب..سؤالك دا إلا أقلب ليهو الهوبة..والدك كان علم على رأسه نار..رحمة الله عليه..دفعة؟ لا..رئيس نادي المريخ أي..تسلم

يعني الثمانين المروا من هنا ديل أصلوا ما فيهن واحدة طلعت بنت امي تحرق لي شوية بخور من العين؟

أروح لمين
وأقول لمين ينصفني منك


!والله دم موية بس

يابناديها
في العادة عندما يقل التعليق علي الصورة فانها رائعة وزي ماقلت ليك ضربت ناس ابو امنة ويازول عشان كدة مافي واحد هوب بي جاي ... لكن ماكنت متوقع شكلك يكون شباب بالشكل دة ياخي انت اصغر مني زاتو ههها

أهو دا الكلام البرفع المعنويات..والله والله يامايسترو بعد شوية أنزل بوست فيهو صورتي بالكامل ..وليموتوا بغيظهم

الشفقة تطير..أنا كنت عاوز أقول إنو الموضوع مش عرض صور..لكن الإنبهار هو الدافع لنشر الصورة..تخيل كاميرا كمبيوتر بأقل من 30 دولار تديك معرفة بمئات الدولارات؟

إشتريت الكاميرا بنحو 120 ريال..ركبتها بلق آند بليه..الشاشة إنقلبت لي إستديو الوادي..فتشت في الصندوق عن كتالوج ما لقيت..عاينت للشاشة لقيت فيها عكاكير للعمايا..مسكت أول عكاز وراني كيف إلتقاط صورة ثابتة وكيف عمل فيديوكليب..مسكت عكاز تاني وراني كيف تعمل الحركات العملوها ناس بكري وياهو ذاتو وعمر رجب عشان يخلعونا بصورهم في كمبيوتراتنا..القضية ساهلة وما محتاجة ليها سكانر ولا حاجة ولا تحميض ولا طباعة..بس من دقنو وأفتل له

إنـــــــتَ

جابتنى السارة والله
لكن يا بناديها ما تقول لى ..
حاااااااااجة كده زى ما بقولوا ناس مدنى
اتاريك بالله ... لا شباب الشباب ونحن بره الميس
يا الصادق بتتذكر اول عرس جماعى ايام نميرى عملوه فى الصبابى؟؟؟
لكن والله يا ياهو ذاتو بالغت عدييييل كده..
بالله يا صاحبى الكاميرا دى جايبه همها يعنى الواحد يتوكل يشتريها ولا يلقاها كلها عقد ومشاكل فنية ترجعك للباكستان ثانى

والله يالسارة إنتي أرجل أخت في البورد دا، والله
يابنت أمي جبرتي بخاطري
وحرم الجاية كاملة من الراس للساس
وبالسشوار والميلك كلينسر كمان

قرشو

شنو؟

بناديها شايف الصورة الكاملة عملت صدي وتعليق بالمناسبة درست في الخرطوم الثانوية ؟

ياقرشو متزكر حفلة العرس الجماعي كنت معاهم ولا شنو ؟

لا يا مايسترو إنت قايلني عيون الحرية ولا ودشداد..نحنا ناس امدرمان

بناديها
ياخوى بالك ما يمشى بعيد
بس الصورة روعة وبتنافس اكيد يا فردة
وكله تمام يا صاحبى

بس يقرشو ماجاوبت السؤال وبعدين بتعرف ناس في الصبابي لان معظم الشباب درس معاي في المراحل الاعدادية

الصادق
معليش جيتك متاخر
ياخوى انا حضرت العرس الجماعى بس وعجبونى الناس والله حد العجب وقربت اعسكر قبلى لكن وقتها كنا لسسسسسسع وكان بدرى علينا شدييييييد
تعرف يا الصادق انا لو كنت بعرف زول فى الصبابى ما كنت مرقت منها اصله
لكن بعرف عزابة فى حلى خوجلى .. ينفعوا؟؟؟

قرشو

يطيب خاطرك دائما..بيني وبين تبلدينا 11 سنة خبرة في الدنيا..هو عمره 32 سنة هسع..راح مشى يطاعن فيني في البورد التاني ويقول هل الصورة دي حقيقية؟ بقصد أنها ما زي ما هي في الواقع..طوالي رفعت السماعة وقلت ليهو ياتبلدينا ياود التبلدية العيب في عويناتك

والله أنا فرحان من صورتي دي جنس فرح عقدت الصغار والكبار والقدري ولحدي الآن ما في واحد منهم دق صدره ورانا طلعته البهية


أما بنت امي السارا دقة صدري ورفعة رأسي
دائما فوق فوق فوق
ولا تغريد ولا رحيل ولا رزة ولا روزا كلهن قايلاتني بعضعض وما في واحدة فيهن كشكرت لي ساكت

زي القمر والله احلى من القمر
وبكل ثقه ممكن تقول للقمر زح وانا أقعد مكانك
والله ياخ شرط للأرض ..انت كده
دي طبعا معاها جرت أصبع في الوش
ما حاعرف أوصفها ليك كيف بس
لكن انا متخيله انك عرفتها الحركه دي
(((((()))))
ولو عندي بت كان خطبتها ليك

وكان بقيت الحاج متولي السوداني
.....
...
..
.
اها كده كيف ؟
بس علشان تعرف انه نحن هنا ما قاعدين نحاول إصباغ اي لونيه واحده
وعارفين ومتاكدين تماما انه إذا حاولنا نعمل كده هذا الفعل سوف يفقد روح السجيه التلقائيه وروح النكته والعفويه في مناقشة المواضيع
Stay CoOoOoOoOoL )

حلاتك يابنت أمي نمبر تو

شفت كنت بدرس في حكاية سحب اللينك بتاع الصورة الكاملة ولكن بعد كلامك دا ياني الجايب واحدة تانية بروفيل واحدة تانية فرونتال وواحدة ثانية من قبل عشرة سنوات..على الأقل أحلل حق الكاميرا

أما اللونية ياستنا فتلك إقتراحات نضعها في القنوات غير المباشرة والوقت الحالي لا يسمح بنشرها هنا حتى لا تكون مناكفة لا مصلحة لي من ورائها..فمرحلة الإنطلاق مبشرة وتتطلب مننا المؤازرة على قدر الإمكان

عموما ياستنا الحرفنة مطلوبة وأيضا التقليد مطلوب..أنا عارف أنك من جيل يرى البضاعة اليابانية أحسن من غيرها ولا يعلى لها..وأنا من جيل كانت فيه نظرة الناس للبضاعة اليابانية مثل نظرتكم أنتم الان للبضائع التايوانية والماليزية والأندونيسية..أنا أقصد التجربة الناجحة تستحق الدراسة والتشريح والإقتباس منها ولو على الأقل من باب أعرف عدوك

يازول يازول يازول
من هنا لبكرة لو ما وريتني وشك زي ما عملت أنا حاسحب صورتي زي المواعيد دي؟

يا عيني يا عينية يا كافرة يا نصرانية
رقيتك واسترقيتك من كل عين بصت ليك وما صلت على النبي
من عين تبلدينا وعين ود شداد وعين يا زول
من عين اللي بالي بالك
تغنيك وتنجيك يابناديها يا ولد ام بناديها

انا كنت ماشة بي جاي بس قلت أسلم ولقيت الصورة الماخمج
ووقعت واتكسرت

معقولة بس الحلاة دي ..
ولا الشعر السايح ولا اقول شنو ولا شنو ؟؟
غايتو الله كريم علينا

الله أكبر

ما الليلة أنا حسن ود الهناء ذاتو

والله أرجل إمراة والله أختي تب

يا سلام يا بت الهناء

بمشي وبجيهو راجع

الليلة ما عيدي

يازول يازول حتنشر صورتك براك ولا اختها ليك انا ؟ طبعا ودامنة زاق وابي يمشي معاي الاستديو يابناديها عملت للناس دي زلعة وسوقهم وقع في موسم العيد مافي واحد فيهم علق علي صورتك اصلو

يالصادق دي عالم حاقدة ساكت
وخافوا من المنافسة وكده
خليهم
ويا بناديها مايهمك قول العوازل واثقين منك

أنا عاذر يازول يازول يازول ومقدر ظروفه والحقيقة هو خائف لو نشر صورته الناس ما يهوبوش من هنا خالص..وقد طلبت منه تغريد ألا يتحامق وينجر وراء إستفزازنا ليهو فالرهان عليهو خاسر من البداية:مين العجوز الماشي يتك دا

يا بنت الهناء ياخت الهناء والسرور
أنا الليلة وبكرة وكل يوم حسن ودالهناء والسرور

ياودأبمنة
>:ياسمسم القضارف..إنت مالك متحفظ..المهم بتعرف الزول دا

ولد دا


قرقرقرقرقر

والله بوست ظريف جدًا

althought it's half photo ya nas.........
but it seems nice ya nas :O)
cheer up man........ :O)

ya3neey nagool 3amo al9adig wala shino ya nas
looooooooooooooooooooooool
am joking ya nas :O)o kuley sana o inta 6ayeeb ya nas :O)

بناديها
يا جارى وانا جارو
قابض الجو بصورتك .. بالله دى اختها سنة كم؟؟
انت براك ؟؟ ما قلت الفرق بينا برج التجارة يعنى 11 سنة ؟؟
بالله دى وجاهة فرقها بينا 11 سنة
وشنو الصورة لسه نص كم ؟؟
بالمناسبة الحلاق الحبشى سال منك قال ليك جاى تصبغ متين ؟؟ واللبنانى بتاع نظارات المغربي بقول ليك بناديها .. ما قرر يركب عوينات
حسع اقول ليهم شنو؟؟ شرب ماء الشباب ..هاهاهاهاها
حاضرب تلفون لهشام عشان يجيك ..بلسانو الطويل
وتانى منو قلت يا بت الهنا انا ويا زول
ياخى البورد دا ما بتقدر تقرا اخر رد ليه
الحقنا يا بكرى ..مددددد
كل سنه وانتو طيبين حلويين لامين تامين
وبنحبكم والله

اهااا
الكلام دخل الحوش
بت الهنا اززيك
الثالث ود شداد
والله يا بناديها سجمك انت وقعت قسم بالله مع اوجه ثلاثة
ودشداد ويا زول3 وتبلدينا
اههها يا بت الهنا
انشر صورتى ولا رأيك شنو ؟؟
بس والله بناديها دا غالي على ما عايز نطلعو من غير نظارة
يقوم يترتح ويقع لينا قدام بكري هنا
..
.

تبلدينا
أنا عارف إنك قررت أن تطلق دنيا العزوبية ولذلك لن أخرب لك سوقك وأقر على رؤوس الأشهاد بأنني طيلة سنوات الجيرة ما شفتك لابس بيجاما ولا جلابية مغربية ولا سفنجة، دائما كومبليه بالكرافتة مع الأفرنجي وبالملفحة مع الجلابية السكروتةوالمركوب الأحمر أو النمر..ودائما الغسال والمكونجي ياداخلين يا طالعين من شقتك..دي شهادة لله..لكن ياخوي الحق حق وانا ما بصبغ ولا حاجة وبالرغم من الفرق العمري البيني وبينك أنا أصغر منك سنا لسبب واحد وهو أنني لحدي الآن ما كريت ولا لبست ملفحة ولا مركوب أحمر ولا مركوب نمر وبغسل براي وبكوي براي

لقد قررت تمديد مهلة التحدي لحبيبنا يازول لما بعد عطلة العيد فأخوكم يازول لمت فيهو النزلة الكانت بتجيهو بعد الحج وهو مودر صوت ومشتت تركيز وحتى ريحة الفيكس ما شاميها..وعشان كدي دعواتكم ربنا يشفيهو الشفاء الذي لا يغادر سقما

كنت أود أن أنشر هذا الخبر على الملأ في بوست مستقل ولكنني تراجعت عن ذلك خشية أن تزيد الإتصالات من تفاقم الحالة..دعواتكم

يا بنبن

اسم الدلع من بناديها

ما كان لى ان ادلعك هكذا لولا رؤيتى لصورتك الخايف عليها

يعنى بصراحة.....عينى باردة.... و الشباب حقو يتواروا خجلآ امام شبابك النضير
فاذا اضفت اليه خبرة الايام فذلك يعنى انك و بلا منازع قاتل قلوب العذارى من حى البوستة و لحدى القطينة ... و من الخرطوم غرب لحدى ديار المحس ...و عيييييييك و عاد لا وين ؟؟؟
حقو بعد كده تنتظر خطابات الهيام من المعجبات على ايميلك
خلى جيبك تقيل لزوم نمبر 2 و نمبر 3

اها

انا ما قلت حاجة


و ابقى عااااااافية

لو ما ناس كوستا أهلي
عاد منو البكون أهلي

!التبلدي صاحي بدري

.في رسالة مكتوبة ليك فوق، أديها طلة

خارج التفاصيل
كل سنه وانت طيب
شنو انت يا جارو ماعايز شايفك فى الماسنجر ولا عشان جيران
خروفك كمل ولا فيه شوية ؟؟
عندى شمارااات

الخرفان السودانية أسعارها واقعة في ا##########..يعني ممكن نجيب خروف تاني للتبلدي..بس التبلدي يطل

الاخ بناديها مسجل غياب انشاء الله المانع خير

الصادق المايسترو
المشغوليات غدارة..بس بتهون عنقريب إن شاء الله كما يقول شتات


أب زهانة
بس كدا؟ وزمن البركة في كل شيء ولما الدقيقة كانت بتساوي ساعة كمان وزمن الفول كان أكل العزابة وزمن الكدايس الما كانت بترمرم في الكوش..زمن الناس ما كانت بتمرض ولا بتشيل هم دواء ولا بتعرف حقنة ولا سكري ولا ضغط..وتسلم ياسيدي..وتوقيعك دا ما غريب علي..بس أمهلني أيام وأرجع ليك تاني خالي البال

بناديها
سلامات كده
ماقي شك حاجة تمام
واثبت لي بالدليل القاطع انك ماحضرت زمن السجك كان بالمتر
وجوز الحمام كان فيه تلاتة

ـــــــــــــــــــــــــــ
الناس في بلدي يزرعون الحب

I'm just checking my old books of postings. This will be the last for tonight. Sorry, girls and boys for disturbing you.