Post: #1
Title: مبرووووووووووووووك ميادة
Author: KOSTA
Date: 06-15-2003, 02:05 PM
اجتازت اختنا بالبورد ميادة امتحان الترقى فى احدى منظمات الامم المتحدة العاملة بالمملكة العربية السعودية
جلس لامتحان الترقى هذا العديد من العاملين و من مختلف الجنسيات ... و قد كان الممتحن خواجة امريكى جاء مخصوص من رئاسة الامم المتحدة لتقييم الممتحنين هنا بالسعودية
الفرص المتاحه للترقى هى فرصتين فقط و لعدد هائل من الممتحنين
الاجمل و الذى اثلج صدورنا ان من اجتاز هذا الامتحان هما : الاخت مياده و الثانى اخ سودانى يعمل معها فى نفس مكتب الامم المتحدة بالرياض
و هذا يدل على نبوغ الشخصية السودانية و ابداعها فى كل المجالات
تهانينا لاختنا مياده و مزيدآ من النجاحات و الترقياتة " و الكنجالات " و فى انتظار الكرامة
|
Post: #2
Title: Re: مبرووووووووووووووك ميادة
Author: قرشـــو
Date: 06-15-2003, 02:09 PM
Parent: #1
الف الف مبروك النجاح اختنا مياده
والله عجبنا وسر بالنا
وانا عارفك يا المبروكة من يوم ما ترجمتى لى القطعة ديك مجانا عارفك وش نجاح
لكن ما قلتى لينا اخواننا جددوا ليك الجواز ولا لسع
الف الف مبروك ياستى
|
Post: #3
Title: Re: مبرووووووووووووووك ميادة
Author: BousH
Date: 06-15-2003, 02:09 PM
Parent: #1
شكرا الاخ كوستا على الخبر السار
والف مبروك للاخت ميادة والاخ التاني وعقبال كرسي كوفي عنان
بس ورونا الضبيحة بتين
والى الامام
|
Post: #4
Title: Re: مبرووووووووووووووك ميادة
Author: Mayada
Date: 06-17-2003, 09:10 AM
Parent: #1
الاخ العزيز كوستا..كيفنك اولا...تانيا والله انا زاتي لما راسي كبر، ياخي لكن ما طلعتني عبقرية زماني ومافي زي في البلد..على العموم ماغريبة عليك وعودتنا دايما على انك تكون سباق في الحارة قبل ال..
قرشو..ايوة الجماعة اخيرا جددو الجواز بعد ما عملنا اجتماعات موسعة وتربيزة مدورة وعملنا لينا خارطة طريق جديدة وفيها علامات ترشد الى الاماكن المخبأة فيها اسلحة الدمار الشامل و ابرزنا شهادة طبية تبين صحتنا من مرض السارس
والله يبارك فيك ونجيكم في الفرح انشالله
بووووووووووووووش اعمل حسابك قعاد الكمبوتر الكتير دة بخليك تلبس قعر كباية وانت ماااااناقص
الله يبارك فيك ويلا شد حيلك وخلينا نبارك ليك انت كمان وليك على البوست على حسابي وعنو ما حد حوش
بعدين الضبيحة دي ماعندي مانع فيها بس استأذنو لينا السيد الناظر بكرى ابوبكر وبعد كدة ترا انا حاااااااااظرة يا طويل العمر
|
Post: #5
Title: Re: مبرووووووووووووووك ميادة
Author: benyya
Date: 06-17-2003, 09:14 AM
Parent: #4
الاستاذه مياده
مبروك يا ستي رفعت راسنا قدام الاجانب
و عقبال الرئاسه كمان
تحياتي
لى قدام
|
Post: #6
Title: Re: مبرووووووووووووووك ميادة
Author: HOPELESS
Date: 06-17-2003, 09:16 AM
Parent: #5
الف الف مبروك اخت مياده
ورفعتوا راسنا
وحياة عملية سعيدهوبالتوفيق
|
Post: #7
Title: Re: مبرووووووووووووووك ميادة
Author: haneena
Date: 06-17-2003, 09:21 AM
Parent: #6
مبروك يا مياده
ربنا يوفقك كمان وكمان
آمين
حنينة
|
Post: #8
Title: Re: مبرووووووووووووووك ميادة
Author: مهاجر
Date: 06-17-2003, 09:30 AM
Parent: #7
الف مبروك
لك ولاخونا السوداني
وربنا يحفظ مكانة بلدنا بابناءها
|
Post: #40
Title: Re: مبرووووووووووووووك ميادة
Author: Mayada
Date: 06-21-2003, 10:54 AM
Parent: #8
اللهم آمين يا مهاجر بس طبعا انت عارف انو يد واحدة ماااابتصفق
|
Post: #39
Title: Re: مبرووووووووووووووك ميادة
Author: Mayada
Date: 06-21-2003, 10:50 AM
Parent: #7
هوبلس وحنيييييينة
شكرا وجمعا انشالله
|
Post: #37
Title: Re: مبرووووووووووووووك ميادة
Author: Mayada
Date: 06-21-2003, 10:41 AM
Parent: #5
والله يا ريت يا بنية انتي بس اتوصي بجر السبحة
|
Post: #15
Title: Re: مبرووووووووووووووك ميادة
Author: قرنفل
Date: 06-17-2003, 12:14 PM
Parent: #4
Mayada سلام الاخت
الف الف الف مبروك
|
Post: #9
Title: Re: مبرووووووووووووووك ميادة
Author: almulaomar
Date: 06-17-2003, 10:45 AM
Parent: #1
ألف مبروك ، وشكراً لهذا الخبر السار في ذلكم الزمن الغير سار الذي أصبح الفرح فيه من غير طعم وإن وجد. بعد أن أصبحنا أمة تلعق الكوع رغم أنفها من هزيمة إلى هزيمة.
مبروك النجاح ومزيداً من التوفيق
|
Post: #41
Title: Re: مبرووووووووووووووك ميادة
Author: Mayada
Date: 06-21-2003, 10:57 AM
Parent: #9
يا ملاعمر تفاءلو خيرن تجدوووووووووووووووووووه انشالله
|
Post: #10
Title: Re: مبرووووووووووووووك ميادة
Author: بت قضيم
Date: 06-17-2003, 10:52 AM
Parent: #1
أخيرا عرفت انت بتشتغلي وين
ميادة الحبيبة
الف الف مبروك
ومزيد من التقدم والنجاحات
كل الحب
شكرا كوستا
|
Post: #42
Title: Re: مبرووووووووووووووك ميادة
Author: Mayada
Date: 06-21-2003, 11:00 AM
Parent: #10
الله يخليك يا بت قضيم وشكرا جزيلا...
لكن بس عندي لوم بسيــــــــــــت..انتي كان غالبك تخسري فيني 3 جمل وترسلي لي ايميل صغيروني عشان تعرفيني انا شغالة وين!!!!
|
Post: #11
Title: Re: مبرووووووووووووووك ميادة
Author: Zaydoon
Date: 06-17-2003, 10:53 AM
Parent: #1
KOSTA
شكراً علي الأخبار الحلوة دي
Mayada
1000000 ألف مبروك .... ولي قدام
وبضم صوتي للحنين بوش ...
|
Post: #12
Title: Re: مبرووووووووووووووك ميادة
Author: Elmosley
Date: 06-17-2003, 10:57 AM
Parent: #1
الف مبروك يا مياده
|
Post: #13
Title: Re: مبرووووووووووووووك ميادة
Author: HAMZA SULIMAN
Date: 06-17-2003, 10:59 AM
Parent: #12
يا مياده الف مبروك
|
Post: #14
Title: Re: مبرووووووووووووووك ميادة
Author: البعيو
Date: 06-17-2003, 11:07 AM
Parent: #1
مبروك
وعقبال امين عام
وطبعا الكرامه دايرنها بالحيل
تشوفى استراحه كده فى شمال الرياض ضرورى عشان تكون قريبه مننا
وبعدين يكون فيها حوض سباحه عشان الشفع
وكل زول يجيب غداهو
بس انت عليك الفواكه
اليومين دى اختبارات وبعدها اجازات فممكن ننتظر
|
Post: #16
Title: Re: مبرووووووووووووووك ميادة
Author: Elkhawad
Date: 06-17-2003, 12:20 PM
Parent: #14
مبروك كوستا تسلمي مياده
لووووووووووووز
مبروك مياده تسلم كوستا
وكل الاماني بالسير الي الامام ..الامام .. الامام .. حدي كرسي عمنا الهمام
|
Post: #44
Title: Re: مبرووووووووووووووك ميادة
Author: Mayada
Date: 06-21-2003, 11:06 AM
Parent: #16
واااااااااااو الخواض شخصيا ببارك لي...احية انا دي طبعا عايزة ليها كباية شربات كبيرة تسلب الطول..
شكرا وزي ما قلت قبل كدة بس انتو اتوصو بجر السبحة
|
Post: #43
Title: Re: مبرووووووووووووووك ميادة
Author: Mayada
Date: 06-21-2003, 11:03 AM
Parent: #14
يا البعيو انت عايز تجيب لينا الهوا ولا شنو!!! استراحة وحوض سباحة وشفع ينزلو دي ما معناها (اللهم احفظنا) نركب في الجيمس طوااااااااااالي ومن غير نقاش...
|
Post: #17
Title: Re: مبرووووووووووووووك ميادة
Author: ود عقاب
Date: 06-17-2003, 02:33 PM
Parent: #1
مبروك مياده
وعقبال زى ما قال صاحبنا كرسى كوفى عنان
وكستا الرائع شكرا للاخبار العسل دى
وتسلموا يارب
ودعقاب
|
Post: #18
Title: Re: مبرووووووووووووووك ميادة
Author: abuguta
Date: 06-17-2003, 03:10 PM
Parent: #17
مبروك ياميادة
نيل الشهادة
وعقبان منصب القيادة
وتشكر ياكوستا على الاحبار السارة
التى دائما تسوقها لنا
|
Post: #19
Title: Re: مبرووووووووووووووك ميادة
Author: elsharief
Date: 06-17-2003, 04:24 PM
Parent: #1
الف مبروك يا ميادة
|
Post: #20
Title: Re: مبرووووووووووووووك ميادة
Author: Outcast
Date: 06-19-2003, 04:40 AM
Parent: #1
Yaslam Ya Mayada,
Congratulations!
|
Post: #21
Title: عقبال الأمم المتحدة يا ميادة وأخو ميادة
Author: elhilayla
Date: 06-19-2003, 06:01 AM
Parent: #20
طبعا شرف لا يدانيه شرف لنا يا صديقي كوستا
الأخت ميادة
مــــــــــــــــبروك وتستاهلي كل خير يا ست الكل
ما تنسي بالمناسبة التحية تصل للأخو والأنتو الأتنين رفعتوا راسنا فــــــــــــــوق
يا ميادة
أهلنا قالوا الوصية بالمهلة
نمرة أتنين الكرامة بتكافي منك عينين الناس خاصة الأمريكاني السوي ليكن الأمتحان باقي ديل عينون يا كافي البلاء
بعد دا كلو داير أذكرك
حمل بكري بـــــــــــرايو وحمل الكرامة برايو
ما تشيلي هم علي انا الضبيحة وكوستا صاحبنا عليهو التقطع والتفرع وناس الضلع ما شاء الله خلي النظام دا علي حبوبتك شروق
مترجينك وما تتأخري
|
Post: #22
Title: Re: مبرووووووووووووووك ميادة
Author: مبيوع
Date: 06-19-2003, 07:20 AM
Parent: #1
تهانينا الحاره
|
Post: #23
Title: Re: مبرووووووووووووووك ميادة
Author: الجندرية
Date: 06-19-2003, 08:02 AM
Parent: #1
ميادة
الف مبروك
فرحت ليك والله
|
Post: #24
Title: Re: مبرووووووووووووووك ميادة
Author: garjah
Date: 06-19-2003, 11:45 AM
Parent: #23
تهانينا الحارة للاخت ميادة
ومزيدا من التقدم والنجاح
رفعتي راسنا
ومشكور الاصيل كوستا
|
Post: #25
Title: Re: مبرووووووووووووووك ميادة
Author: bint algazeira
Date: 06-19-2003, 11:54 AM
Parent: #24
مبرووووووووووووووك مياده
ووظيفة علم ومال
رفعتي راسنا فوق الله يديك العافيه
|
Post: #26
Title: Re: مبرووووووووووووووك ميادة
Author: sari_alail
Date: 06-19-2003, 05:07 PM
Parent: #1
الاخت ميادة
مبروك الترقية وعقبال ما تصلي الرئاسة في نيويورك
المهم الزول التاني المعاك دة على ما اعتقد انا باعرفه بالله ورينا اسمه
ولك التحية
|
Post: #27
Title: Re: مبرووووووووووووووك ميادة
Author: BitAlhana
Date: 06-19-2003, 05:13 PM
Parent: #26
10000000
مبروك
والله خبر حلو شديد
والاحلى منه انه الاثنين سودانيين
ماشاء الله - عيني باردة
|
Post: #28
Title: Re: مبرووووووووووووووك ميادة
Author: ودقاسم
Date: 06-19-2003, 05:54 PM
Parent: #1
ميادة الغالية
ألف مبروك عليك
رفعتي رأسنا عاليا
ونأمل أن يكون كل أبناء السودان مثلك وزميلك
بلغيه أيضا تحياتي وتهاني الحار لكما
ولازمك تعزميني على خروف بدلا عن الكابتشينو أو ألكركديه
لك التحية وألف مبروك
|
Post: #45
Title: Re: مبرووووووووووووووك ميادة
Author: Mayada
Date: 06-21-2003, 11:10 AM
Parent: #28
والله يا ود قاسم انت تستاهل تيس مش خروف..على العموم تدلل تراني حااااااا(ظ)رة يا طويل العمر
|
Post: #29
Title: Re: مبرووووووووووووووك ميادة
Author: KOSTA
Date: 06-20-2003, 12:26 PM
Parent: #1
الاعزاء
قرشو
Boush
benyya
هوبفل
حنينة
مهاجر
قرنفل
الملاعمر
بت قضيم
زيدون
الموصلى
حمزة سليمان
البعيو
الخواض
ود عقاب
ابوقوتة
الشريف
Outcast
مهندس الحليلة
مبيوع
الجندرية
قرجة
بنت الجزيرة
سارى الليل
بت الهنا
ود قاسم
لكم الشكر على مشاعركم الرقيقة و تهانيكم المباركة لاختنا ميادة و زميلها الاخ محمد و اللذان اجتازا امتحان الترقية باقتدار
و الواقع ان ما دفعنى لانزال هذه التهنئة هما امران
اولهما : تهنئة اخت من المشاركات معنا بالبورد لنجاح حققته و مشاركتها فرحتها بذلك و هو جزء من رسالة هذا البورد الرائع و هى ان نفرح لفرح الاعضاء و نحزن لحزنهم
و ثانيهما : ان يحفز ذلك البقية من الاعضاء لكى يبدعوا هم ايضآ فى مجالات عملهم على اختلاف مشاربه و تعدداته .... المهم فى الامر ان نتأسى ببعضنا البعض فى كل ما هو مميز و جميل و خلاق
مرة اخرى لكم الشكر ... و عقبال عند الجميع
اظن ان الكرامة و " الضبيحة " ثبتت فى كل " المذاهب " ... و على الاخت ميادة مراعاة فروق الوقت و المكان
|
Post: #30
Title: Re: مبرووووووووووووووك ميادة
Author: obay_uk
Date: 06-20-2003, 01:08 PM
Parent: #1
التحية لكل سوداني يرفع الرأس بين الجمع ، ولك أخ صديق بالذات
|
Post: #31
Title: Re: مبرووووووووووووووك ميادة
Author: KOSTA
Date: 06-20-2003, 10:26 PM
Parent: #1
أوبى العزيز
سلامات
وينك يا مان
توعدنا و تخلف بالجية و الزيارة
ما قال بيجى مالو ما جاء ؟؟؟
عمومآ الماجاء عذرو معاه
تشكر على الاريحية الصادقة ... و عقبال كده ما نبارك ليك الزواج
طبعآ الدعاء ده وقع ليك فى جرح
دعواتى لك اخى الكريم بموفور الصحة و العافية
|
Post: #32
Title: Re: مبرووووووووووووووك ميادة
Author: ABUHUSSEIN
Date: 06-20-2003, 10:35 PM
Parent: #1
ألـف مــبـــروكــ مــيــــادة و أمـنـيـاتـنـا بالمـزيـد من النـجاحات
و الـشـكـر لـيـك يا كـوسـتـا و جـزاك الله خـيـر
|
Post: #33
Title: Re: مبرووووووووووووووك ميادة
Author: KOSTA
Date: 06-20-2003, 11:21 PM
Parent: #1
ابا حسين
الف شكر و جزاك الله خيرين
و عقبال عندك
و ربنا يديم المعروف بيننا جميعآ
لك تحياتى
|
Post: #35
Title: Re: مبرووووووووووووووك ميادة
Author: Teeta
Date: 06-21-2003, 05:52 AM
Parent: #1
مبروك ودايما فى العلالى يا رب امين
ام الاء
|
Post: #36
Title: Re: مبرووووووووووووووك ميادة
Author: omdurmani
Date: 06-21-2003, 05:59 AM
Parent: #1
ياكوستا وميادة
الف مبروك ، ودى فعلا اخبار بتسعدنا جدا ،ودا فخر لينا
shereef
|
Post: #38
Title: Re: مبرووووووووووووووك ميادة
Author: ابويوسف
Date: 06-21-2003, 10:47 AM
Parent: #36
الف مبروك يا مياده
والاخبار المفرحه تبهجنا وتثلج صدورنا
ولي قدام
وشكرا يا كوستا الغالي
|
Post: #46
Title: Re: مبرووووووووووووووك ميادة
Author: فتحي الصديق
Date: 06-21-2003, 11:23 AM
Parent: #38
مبروك لميادة ومحمد..والله بستر عليهم من أعين الحساد.
|
Post: #47
Title: Re: مبرووووووووووووووك ميادة
Author: Mayada
Date: 06-21-2003, 11:23 AM
Parent: #1
الاحباء قرنفل، زيدون، الموصلي، حمزة، ود عقاب، ابو جوتة، الشريف، اوتكاست، مبيوع، الجندريةن قرجة، بنت الجزيرة، ساري الليل، بت الهنا، ابو حسسين، تيتا، امدرماني، ابويوسف، elhilaya, obay-uk
والله ماعارفة اقول ليكم شنو لكن بالجد ما تتصور كمية السعادة الحاصلة لي وانا بشوف اخواني وخياتي وهم بباركو لي يعني بالجد سعادة لا توصف..
وارجو ان تقبلو اعتذاري للرد المتاخر عليكم لاني كنت مسافرة ورجعت (عشان كدة الرياض نورت) ..لذا ارجو تقبل اعتذاري
واوعدكم انشالله كرسي الولد كوفي دة قريب انشالله بكون تحت يد السودان بس انتو اتوصو بالسبحة وشيلو الصبر وانشالله في الالفية الخامسة بكون في يدكم
|
Post: #48
Title: Re: مبرووووووووووووووك ميادة
Author: ابو جهينة
Date: 06-21-2003, 01:50 PM
Parent: #47
الأخ كوستا : لك التحية و التقدير
لا أدري كيف فاتنا هذا البورد ، فهو ذو دلالات وطنية شامخة يحق لكل سوداني و سودانية أن يفخر به. و عذرا لو تأخرنا و لكن يكفينا من الأمر ، أن مساحة التهنئة بمساحة المليون ميل مربع. فهنيئا لنا بميادة و أمثالها و ألف مبروك لميادة. و يصادف هذا أن سمعت بالأمس فوز الدكتور كامل إدريس بالإجماع في الأمم المتحدة بمنصب مدير عام الملكية الفكرية ، و هو منصب كان يتهافت عليه فطاحل من العالم المتقدم ، و الدكتور سوداني أشاد به الجميع في جنيف.
هنيئا وطني بهم ، و الوطن يستاهل ، هذا الوطن القامة ، الديمة مرفوع الهامة ، الوطن العملاق .
و ستظل بصمتنا في النهاية هي البصمة الغالبة. و ها هي التباشير.
دمتم
|
Post: #54
Title: Re: مبرووووووووووووووك ميادة
Author: KOSTA
Date: 06-21-2003, 06:23 PM
Parent: #48
ابا جهينة
الشكر لك ايها المترع بحب الوطن و بنيه
اعتقد ان السودان و اهله لم يجد بعد التقدير و التقييم الحقيقى و الطبيعى .... ففى هذا الطن " الولود " انسان قلّ ان يجود به الزمان
ابناء بلدى موفورى القيم
و ما بيردوا العشم
هم فى الاحساس كواكب و غيرهم سجم
يشهد لهم الذكاء الوقاد و البديهة الحاضرة
كل ذلك فى علو نفس و اعتزاز " بلا كبر " بالنفس و بالوطن " الرؤم " ... تجدهم يحبون بعض بصدق و عفوية لا تجدها فى اى بلد آخر
الشاهد فى كل ذلك اخى ابو جهينة ان انسان السودان مبدع و خلاق
فى الاسبوع الفائت فقط : اولى الشهادة القطرية سودانية و بنسبة 99.8% و هذا فخر للوطن ..... اجتياز اختنا ميادة و الاخ محمد لاختبارات ترقية غاية فى الصعوبة و التعقيد .... و كذلك ما ذكرته انت من الاجماع العالمى لرئاسة لجنة الحماية الفكرية بالامم المتحدة للدكتور كامل ادريس وهذا فخر و فخار لنا .... و من قبل فوز بروفسير عزالدين عمر
بجائزة الملك فيصل للتاريخ الاسلامى
و من قبله بروفسير عبدالله الطيب رحمه الله
و كثيرين لا يمكن حصرهم الآن
اما غير المشهورين منهم و المغمورين فحدث و لا حرج
نحن امة تستحق ان تغتبط و تزهو بنفسها من غير خيلاء
فالحياء هى خصلتنا التى تميزنا بين الشعوب
صحيح ان واقعنا المعاشى الآن لا يشبه مواهبنا و عبقريتنا و لكنه حتمآ سيؤول الى ذلك باذن المولى عز و جل
دمت اخى ابو جهينة و شكرآ على المداخلة العابقة بمسك الوطنية
لك تحياتى
|
Post: #49
Title: Re: مبرووووووووووووووك ميادة
Author: Hozy
Date: 06-21-2003, 01:53 PM
Parent: #1
والله مليون مبروووك
شي يشرف صحيح ويرفع الراس
تحياتي
|
Post: #50
Title: Re: مبرووووووووووووووك ميادة
Author: Raja
Date: 06-21-2003, 04:56 PM
Parent: #1
ألف مبروك يا ميادة...
وشكرا يا كوستا على الأخبار الحلوة دي.. الواحد طول ما فرح،، الله يفرحك
|
Post: #51
Title: Re: مبرووووووووووووووك ميادة
Author: Elhadi
Date: 06-21-2003, 05:08 PM
Parent: #50
ألف مليون مبروووك يا ميادة وعقبال ما تمسكي الأمانة العامة
|
Post: #52
Title: Re: مبرووووووووووووووك ميادة
Author: زوربا
Date: 06-21-2003, 05:23 PM
Parent: #51
الاخت ميادة
هاي نيلينك والابنوس والشوق الجاري عليك
طبعا فرحت ليك جدا جدا جدا والله
بس كان نفسي أعرف ردة فعل ناس السفارة بعد التطورات دي ... ما قالوا ليك تدفعي رسوم زيادة عشان الترقية
لو ما قالوا ليك طوالي من دربك دا تشوفي ليهم دكتور لانو حتما وقطع شك بكون طقاهم سارس ... في سري من بقي لباب السما
الف الف الف مبروك وعقبال كل العاوزاهو
والريد نيلين
|
Post: #53
Title: Re: مبرووووووووووووووك ميادة
Author: sympatico
Date: 06-21-2003, 05:25 PM
Parent: #52
الف الف مبروك ومزيد من النجاح والتوفيق
|
|
ويقبل دعاك