Post: #1
Title: حتى لا توصومون بالارهاب ...... اتبعوا التعليمات
Author: KOSTA
Date: 10-10-2003, 01:55 PM
Parent: #0
قتل احد الجنود الامريكيين نمر بنغالى نادر فى حديقة الحيوان ببغداد بعد أن نهش النمر ذراع زميله
اعلن كولن باول ان الجنود كانوا فى مهمة رسمية فى حديقة الحيوان للبحث عن اسلحة الدمار الشامل
اعلن العقيد القذافى ان الجماهيرية مستعدة لدفع التعويضات المناسبة لذراع الجندى و كافة اعضائه ان لزم الامر
توعد الرئيس الامريكى جورج بوش بالقصاص من كل النمور فى الغابات الأفريقية والآسيوية . و حذر قائلآ " ان الولايات المتحدة لن تقف معضوضة الايدى " اثناء تعليقه على الحادث
اعلنت حكومة المملكة العربية السعودية انة لا يوجد نمور داخل اراضى المملكة ، و ان النمور لا تعيش فى الصحراء و لكنها التزمت باجراء تحقيق للتأكد من اذا ما كانت هنالك نمور قد اتت للعمل بالمملكة بفيزة قرود .
أذاعت قناة الجزيرة شريط مسجل للشيخ اسامة بن لادن يهدد فية بالثأر للنمر الشهيد
بكت الممثلة الفرنسية بيرجيت باردو على مقتل النمر مؤكدة بأن النمر حيوان رقيق
اعلن الحاكم المدني الاميركي على العراق بول بريمر في مقابلة مع صحيفةالديلى تلغراف " ان النمر قد يكون ايرانلى و ليس بنغالى "حسب ما زعم
صرح وزير خارجية قطر بأن دولة قطر على استعداد لمنح الجندى الذى فقد ذراعه الجنسية القطرية بشرط الإنضمام لمنتخب كرة اليد القطرى
صرحت كونداليزا رايس بانها قد تقوم بزيارة خاطفة الى بنجلاديش لمعرفة العددالمتبقى من النمور البنغالية
أرسل الرئيس بشار الأسد برقية تعزية الى الرئيس الأمريكى مؤكدا بأنه أسد والأسود لا تتعاطف مع النمور
اعلن عبد اللة اوغلو رئيس وزراء التركى بان تركيا لن ترسل جنودها الى العراق قبل الاطمئنان بأن كردستان العراقية خالية من النمور
صرح محمد سعيد الصحاف قائلا أن النمر القتيل ليس من العلوج او الطراطير.
أعلنت منظمة نمور التاميل السيرلانكية ان النمر بنغالى الاصل و المنشأ و
الولادة
صرح الرئيس حسنى مبارك أن النمور الموجودة فى مصر نباتية لا تأكل اللحوم بسبب الوضع السيئ للجنيه المصرى و تدهور الحالة الاقتصادية
اعلنت الحكومة الكويتية الحداد على ذراع الجندى المفقودة و نكست الاعلام
صرحت الحكومة الأسبانية بأنها مستعدة للقبض على أى نمر و محاكمتة بتهمةالتخابر مع القاعدة
اشاد الرئيس صدام حسين بشجاعة النمر الشهيد و طالب من كل النمور و القرود و
الأسود المقاومة حتى النصر.
اعلن رامسفيلد بأن الولايات المتحدة تبحث مع الحكومات الأفريقية والآسيوية
نقل جميع النمور الى غابات غوانتينامو لحمايتها من الأنقراض
اعلن الرئيس ياسر عرفات بأن النمر شهيدا ..شهيدا ..شهيدا
و اخيرآ فقد اعلنت الحكومة السودانية بان بطلها القومى التاريخى " المك نمر " لا صلة له بحادثة النمر الاخيرة و انها تقدم تعازيها للضحية و على استعداد تام للتعاون مع الولايات المتحدة للقضاء على كل النمور الارهابية خاصة فى جنوب السودان و ذلك عقب توقيع اتفاقية السلام
|
Post: #2
Title: Re: حتى لا توصومون بالارهاب ...... اتبعوا التعليمات
Author: AnwarKing
Date: 10-10-2003, 02:24 PM
Parent: #1
Nice one ya Kosta...
AnwarKing
|
Post: #3
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-11-2003, 06:02 PM
Parent: #1
ANWARKING
سلام و شوق كتير
لك الشكر على المرور من هنا
نتمنى ان نراكم دائمآ
ما تنقطع
تحياتى
|
Post: #4
Title: Re: حتى لا توصومون بالارهاب ...... اتبعوا التعليمات
Author: aba
Date: 10-11-2003, 07:28 PM
Parent: #3
كوستا
يا عزيزي
حلوة
والحمد لله ان حكومتنا الموقرة لم توعد الأميركان بتسليم النمر لهم ففي الغالب كانوا سيمسكون برقبة أحد تعساء الحظ وحلك حتي يقنعهم بأنه ليس بنمر
|
Post: #5
Title: Re: حتى لا توصومون بالارهاب ...... اتبعوا التعليمات
Author: Alsawi
Date: 10-11-2003, 09:00 PM
Parent: #1
كوستا تحياتي وشكري الكثير
والله ضحكتني حتى اوجعت مصاريني، ولي كم يوم شايف البوست دا لكن كنت بقرا العناوين فقط لضيق الوقت لكن والله كانت غلطة كبيرة مني
والله يا كوستا بالطريقة دي بي يوم يتكتل ليك زول!! ياخي انت كنت وين، الزمن دا كلو بتكتب لينا الكلام الجد، ياخي نحن زهجنا من الجد، احسن لينا السخرية المضحكة دي، اصلو الدنيا دي ما فضل فيها غير ضحكة وهزة راس، وشر البلية ما يضحك واوجع الضحكات ما ينتهي بالدموع، فاكر؟؟؟اا لك الود والتحية والشكر
|
Post: #6
Title: Re: حتى لا توصومون بالارهاب ...... اتبعوا التعليمات
Author: 3mak Hasabo
Date: 10-11-2003, 10:13 PM
Parent: #1
كوستا الغاب وجاب
مشتاقين يالذيذ
الله يديك العافية
|
Post: #7
Title: Re: حتى لا توصومون بالارهاب ...... اتبعوا التعليمات
Author: ABUHUSSEIN
Date: 10-12-2003, 00:36 AM
Parent: #1
الأخ كـوسـتا حـــلـوة شــديـد
و الحـمـد لله ناسنا ما مسكوا ليهم واحـد من الشارع و ضربوهوا لحـدي ما إعترف
بي إنو نمر و خدروهو و رسلوهو لي الأمريكان زي ما رسلوا داك للفرنسيين .
|
Post: #8
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-14-2003, 07:17 PM
Parent: #1
العزيز ابا
لك التحية و التجلة
الله يكفينا شر السياسة خاصة سياسة الصلبطة المنتشرة هذه الايام
و تكون محظوظ لو كان " كفيلك " من النوع الما صلباط
اوعى تكون من الذين لديهم " كفلاء " زى حلاتنا
يحلنا الحلا بله من القيد و المذله
|
Post: #9
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-14-2003, 08:20 PM
Parent: #1
الصاوى الحبيب
لك التحايا و الاشواق
متعك الله بالصحة و العافية
بينى و بينك ضغوط الحياة اصبحت كثيرة و متنوعة
و لا بد تهوينها ببعض الترويح عن النفس
ربنا يديم ايامنا و ايامكم كلها ترويح و انبساط
|
Post: #10
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-14-2003, 08:22 PM
Parent: #1
عم حسبو
عيييييييييييييييييييك
وينك يا زول من ديييك و .......
ان شاء الله المانع خير
شايف غيابك متزامن مع غياب العمدة قرشو
بس لو عرفت السر شنو ؟؟؟
تحياتى
|
Post: #12
Title: Re: حتى لا توصومون بالارهاب ...... اتبعوا التعليمات
Author: 3mak Hasabo
Date: 10-14-2003, 09:48 PM
سلامات ياكوستا يارائع
انا وقرشو بنعد لانقلاب خطير خارج وداخ البورت.......فكرنا ندخلك معانا لكن خفنا من بتك الفضيحة دى تبوظ الخطة
|
Post: #11
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-14-2003, 08:24 PM
Parent: #1
ابا حسين
يعنى نعمل حسابنا من الجماعة ديل ؟؟
بينى و بينك ممكن الحكاية تتلفق فى اى شخص برئ ارضاءآ لجناب العم سام
نشوففيهو يوم بركة اللا نام و لا اكل الطعام
تحياتى و اشواقى
|
Post: #13
Title: Re: حتى لا توصومون بالارهاب ...... اتبعوا التعليمات
Author: Rose
Date: 10-14-2003, 11:13 PM
Parent: #1
عودا حميدا كوستا
وحشتنا كتاباتك الظريفة
الله يديك العافية
|
Post: #14
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-15-2003, 08:22 PM
Parent: #1
روزة
مشتاقيييين
لك التحايا و السلام الكتير
نحنا ما زلنا فى انتظار بقية حكايات رحلتك السياحية الى اندونيسيا
و ما تزوغى !!!!!
|
Post: #17
Title: Re: حتى لا توصومون بالارهاب ...... اتبعوا التعليمات
Author: Rose
Date: 10-15-2003, 10:59 PM
Parent: #14
عييييييك انت لسه متذكر رحلة اندونيسيا؟
والله ماشاء الله لسه شباب وذاكرتك قوية ، انا غايتو نسيت خلاص بعد ما المشاريع كلها طرشقت بسبب نقتكم الكتيره انت وصاحبك الزواغ الكبير الفاضل والذي اختفى في ظروف غامضة، ومن هذا البوست اوجه له هذا النداء ....اظهر وبان عليك الأمان بس سيب الزوغان بتاع زمان .
حاليا اخطط لرحلة في مجاهل إفريقيا لن افصح عن تفاصيلها خوفا من الحسد.
تحياتي واحترامي
|
Post: #15
Title: Re: حتى لا توصومون بالارهاب ...... اتبعوا التعليمات
Author: 3mak Hasabo
Date: 10-15-2003, 10:11 PM
Parent: #1
ذى ما قلت ليك
سلامات ياكوستا يارائع
انا وقرشو بنعد لانقلاب خطير خارج وداخ البورت.......فكرنا ندخلك معانا لكن خفنا من بتك الفضيحة دى تبوظ الخطة
|
Post: #16
Title: Re: حتى لا توصومون بالارهاب ...... اتبعوا التعليمات
Author: Mayada
Date: 10-15-2003, 10:44 PM
Parent: #1
كوستا الكلام البتقول فيهو دة زاااااااتو ماارهاب!!!
|
Post: #18
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-16-2003, 12:25 PM
Parent: #16
روزة
كدى اول حاجة انتهى لينا من رحلة اندونيسيا بعدين نشوف رحلة افريقيا تكونى محظوظة لو سافرتى الى جزيرة القرنفل ، قمة الروعة و الجمال
اضم صوتى الى صوتك و اهيب بالزواغ الكبير الفاضل ان يظهر و له الامان من محن هذا الزمان و من ناس فلان
|
Post: #19
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-16-2003, 12:38 PM
Parent: #1
عم حسبو
الله يكفينا شر الانقلابات
ما ظهر منها و ما بطن
و ربنا يرجعنا للوطن
فقد يئسنا من هذا الاغتراب
شربنا من الوهن
بس اقول ليك : انا معاكم قلبآ و قالبآو البت السكرية بنجيب ليها ايسكريم الشعلة !!!!!
و نصيحة نخلى الانقلاب خارج البورد و من سكات
البورد لا يحتمل انقلابات تانى ، كفاية ما يمر به الآن من مهاترات
لو عرفت خطتكم شنو ؟؟؟
اوعى تقول لى ........ ؟؟؟؟
يازول معاكم و مثلى الاعلى عمدتنا قرشو و اليبقى عليكم يبقى علىّ
|
Post: #20
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-16-2003, 12:42 PM
Parent: #1
ميدى
يازولة قولى بسم الله
انتى عايزة جماعتك الشغالة معاهم ديل يسمعوا الكلام ده
و بعدين يودونا فى ستين داهية
اقلو يمنعونا من القرين كارد
و بعدين تطرشق كل الاحلام
و تظهر الآلام
كما فى الروايات و الافلام
|
Post: #21
Title: Re: حتى لا توصومون بالارهاب ...... اتبعوا التعليمات
Author: مهيرة
Date: 10-16-2003, 01:12 PM
Parent: #20
الاخ الكريم كوستا
السلام عليكم
تسلم على البوست الظريف الساخر-وشر البلية مل يضحك- الرئيس البشير اصدر قرار جمهورى :بأن على كل رجال الشعب السودانى انتعال مراكيب جلد النمر،لتلفين النمور درسا قاسياوتأديبها حتى تكون -معنا او ضدنا -كما قال الامبراطور العظيمبوش بن بوش
تحياتى
|
Post: #22
Title: Re: حتى لا توصومون بالارهاب ...... اتبعوا التعليمات
Author: Abureesh
Date: 10-16-2003, 04:15 PM
Parent: #21
حتى لا توصــم بالإرهـاب، يجب أن لا تكـون إرهابيـا.. هل هناك إجابـة أبسـط من هـذه..
إن الملايين التى خرجت من الســودان ولجأت الى الدول الغـربيـة، ما فعلت ذلك إلا لكى تتجنب إرهـاب الإسـلاميين (لا أدرى لماذا لا يسمون أنفسهم مسلمين) ، وهـذه الملايين هى التى وصمت الإسلاميين بالإرهـاب قبل أن يفعل بوش. هل تذكـر يا أخى الإرهاب الذى مارستـه الإنقاذ تحت حكم الترابى ، الذى يعتقل نفســه ثم يطلق سـراحهـا كل مرة..
لقـد نصـح الأستـاذ محمــود محمــد طـه الســودانيين، فلم يقبلوا النصح فى الوقت المناسب، ولو فعلـوا لكفونـا شـر ما نحن فيـه الأن، وما فيـه بقيـة المسلمين على هـذه الأرض.. لقـد حـذرهـم من عواقب الإبطـاء فى الأخـذ بنصيحتـه، بأنـه سيكـون الطـوفـان.. وما بوش وبليـر إلا نذر وجنـود هـذا الطـوفان الأتى لا محـالـة.. وسينضـم إليهمـا ما يعتبـره المسلمـون السـاذجـون اليـوم أصـدقاء ذوى مواقف مشـرفـة..
بذلتهمـو نصحــا بمنعـرج اللوى.......فلم يستبينــوا النصح حتى ضحى الغـد
وليتهـم إستبانـوه الأن، فإن كل الدلائل تشيـر بأن المسلمين اليـوم، وخاصـة علماءهـم وقادتهـم ما زالـوا فى سبات عميق.. يناقشــون زواج المتعـة ويقتلون بعضهـم البعض عنـدمـا يختلفـون فى من كان أحق بالخلافـة على أم أبابكر!!
والجيوش حولهـم، والغزاة داخل منازلهـم يسـومـونهـم سـوء العـذاب.
والأن، ومن كثرة ضعفهـم وهـوانهـم على الله، لم يبق لهـم من مواجـهـة العـدو إلا التنـدر على تصـريحـاتـه!! ولم يبق لهـم من الفعل والقـرار إلا التبارى فى تنفــيذ إملاءاتـه.. وذلك لأنهـم قـد تولـوا عن الله، وكبرت فى صـدورهـم السـلطـة والمـال.
لهـم فى الدنيـا خزى ولهـم فى الأخـرة عذاب أليــم
لقـد نصحهـم الأستاذ بتطويـر التشـريـع الإسلامى، والأن ينفـذون أوامـر أمريكا بتغييـر مناهجهــم المـدرسيـة على غيـر هــدى من القـرأن، ولكن على هـدى من سياسـة الغـرب، وهنـاك علمـاء تربيـة أمريكان اليـوم ضمن لجان تطويـر المناهـج فى السـعــوديـة، حسب ما وصلتنـا من أخبـار.
|
Post: #23
Title: Re: حتى لا توصومون بالارهاب ...... اتبعوا التعليمات
Author: Mayada
Date: 10-16-2003, 04:23 PM
Parent: #1
الجرين كارد ولاااااااااااااا تحلم بيهو كان ما صلحت علاقاتك معاي كان وانت ولا غيرك...احنا بتلعب ولا شنو
|
Post: #24
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-16-2003, 10:38 PM
Parent: #1
مهيرة
التحايا و الاشواق
انا تخيلتك تقولى ان رئيس الجمهورية قد منع المواطنين من لبس مراكيب النمر و التوجه نحو مراكيب الفاشر الحمراء و البيجيه ، ذلك حتى لا يوصم افراد الشعب بالارهاب من العم سام بن حام ...... لكنك اخذتى الموضوع من ناحية اخرى جميلة و هى القضاء على النمور بالزام الشعب بلبس جلدوها اى بالايعاز للمواطنين بالقضاء على النمور
و بمناسبة مراكيب النمر هاك النكتة دى
قال ليك واحد اشترى ليهو مركوب " نمر " و بس ما خلى مشوار ما مشى بيهو .. لما المركوب " انسهك " و اتقطع
واحد صاحبه زهجان من مشوايره الكتيرة دى القطعت المركوب قال ليهو : و الله سيدو " اى النمر " لما كان حى ما حام بيهو كده
|
Post: #25
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-16-2003, 10:42 PM
Parent: #1
ابوريش
لك التحايا
اتفق معاك تمامآ فيما ذهبت اليه من تردى حال الامة الاسلامية حتى اصبح مصيرها بيد اعدائها .
و هذا البوست فى روحه اللاذعة يكشف سوءة هؤلاء الحكام و " انبطاحهم " المزرى للاميركان .
|
Post: #26
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-16-2003, 10:45 PM
Parent: #1
ميدى
انتى من هسع اصبحتى متسلطة زى جماعتك اياهم
يعنى عشان نلقى القرين كارد لازم نؤدى فروض الولاء و الطاعة؟؟؟
عمومآ خلينا نفكر فى الامر و نشوف ايهما اخف ضرر : القرين كارد ام البودى قارد ؟؟؟؟
|
Post: #27
Title: Re: حتى لا توصومون بالارهاب ...... اتبعوا التعليمات
Author: Mayada
Date: 10-16-2003, 11:49 PM
Parent: #1
ياخوي فكر على راااحتك..بس اتذكر انو لما صدام قال ادوني مهلة للتفكير الامريكان ما اشتغلو بيهوالشغلة
|
Post: #28
Title: Re: حتى لا توصومون بالارهاب ...... اتبعوا التعليمات
Author: Maged
Date: 10-17-2003, 00:34 AM
Parent: #1
رهيبة ياكوستا
امة تحير وعالم بتاعت شبك بس لكن لخصتهم
اديك العافية
|
Post: #29
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-17-2003, 07:46 PM
Parent: #1
ميدى
الريس ما نوريقا
رئيسنا السيف البيقطع
هل نضحك مما نسمع ؟؟؟؟
|
Post: #30
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-17-2003, 07:49 PM
Parent: #1
ماجد
يديك العافية
ديل امة سجم و رماد
و ما بينفع معاهم الا الكرباج
و اعدائهم عرفوا من اين يأكلوا كتوفهم المتخمة باللحم و الشحم و الورم
من اين لهم بالنصر على العدو و قد مكنوه منهم حتى الثمالة
انهم قطيع عربى يمر من خلال مسرح العلم .... فلا يثير الا الغبار و الاشمئزاز
|
Post: #31
Title: Re: حتى لا توصومون بالارهاب ...... اتبعوا التعليمات
Author: عاصم الحزين
Date: 10-17-2003, 08:59 PM
Parent: #30
كوستا
اهلا
قلت اشوف الحاصل شنو بي جاي
ضحكت حتي تمام البكاء علي حال الانسان المهمل في اقاصي زاكرة التعب
تعرف
قريت (نمر) فارتجفت حد محاولة الفرار من هنا...افتكرتها نمره
اصلو انا مارق لي كم نهار كده معسكر خدمه الزاميه..وانت عارف..نمرة النوم .. نمره كامله عد .. نمره عسكريه الي آخر النمر الماانسانيه شدييييييييييد
تعرف
اوّل يوم اصل المعسكر كان معاي ورق ابيض وقلم .. بعد التفتيش وحلاقة الرأس حتي تمام الاسي ..شالوا الحاجات دي منِي وقالوا من الشتائم ما يجعل بال هذا الوطن ينشغل برحيل بعيداً عن دوله يحكمها العساكر وينهبها الاسلاميون
تعرف
القلم والورق القلت اتسلّي بيهم جابو لي الكفوه علي حد قول الشباب هناك..لاني بقيت تسلية ايّ تعلمجي ..ينادونني من وراء حجرات تفكير عقولهم الظلاميه لاقف الساعات الطوال اسمع من الحكي الفارغ الكتييير
تعرف
ن.....م.......ر.......كفاااااااااااااااااايه
يا له من كابوس
متي يستريح الوطن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظ
وسلام حتي مطلع الامر
|
Post: #32
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-18-2003, 12:46 PM
Parent: #1
عاصم السعيد
اولآ لنتفق ان الحزن عاطفة انسانية و لكن اجمل منها بلا شك السعادة
هذا مبتدأ .... و ثانيآ خلاص قريبآ سترتاح و يرتاح الوطن من ما يسمى بالخدمة الوطنية مع تباشير السلام و التى نتمكنى ان يعم الوطن من اقصاه لاقصاه
النمر ... بكسر النون و الميم ، الافظع منه النمر بكسر النون فقط و هى محطات السكة حديد لارض الشمال الحبيب ففيها عذاب السفر لا يحتاج الى دليل
تسلم عاصم على المرور من هنا
و تحياتى
|
Post: #33
Title: Re: حتى لا توصومون بالارهاب ...... اتبعوا التعليمات
Author: Mayada
Date: 10-18-2003, 01:47 PM
Parent: #32
سمح خليك في نوريقا بتاعك دة.. لكن اووووعى تجي بعدين وتقول لي يا هناية وانا عايز ال..
|
Post: #34
Title: Re: حتى لا توصومون بالارهاب ...... اتبعوا التعليمات
Author: Abureesh
Date: 10-18-2003, 06:18 PM
Parent: #33
يقـولون سعــد شـقت الجن قلبـه......ولكن سعــدا لم يبايـع أبابكـر
لقـد صبـرت عن لذة العيش أنفس.......وما صـبرت عن لـذة النهى والأمر
|
Post: #35
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-18-2003, 06:53 PM
Parent: #1
ميدى
يا هناية
عاد ما بالغتى عدييييييييييييييييييييييييييل
ما بسألك لكن
|
Post: #36
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-18-2003, 06:59 PM
Parent: #1
اباريش
فعلآ ... كما قال الشاعر
لقـد صبـرت عن لذة العيش أنفس...وما صـبرت عن لـذة النهى والأمر
ترى متى يعتكف من يتولون زمام الامر فى كل البلاد الاسلامية خاصة العربية منها ؟؟؟؟
متى يصبرون عن لذة النهى و الامر ؟؟؟؟
لو ان زندها احتمل الندى ...... لكسوت زندك ما تشاء
خيط من العشب الطرى .... و أبرتين ماء
|
Post: #37
Title: Re: حتى لا توصومون بالارهاب ...... اتبعوا التعليمات
Author: KOSTA
Date: 10-19-2003, 08:07 PM
Parent: #1
كل معادى للسامية فهو ارهابى !!!!
عليك بالاسراع بالتوضيح بانك من انصار السامية
و الا فالسامبا الامريكية الانجليزية اليهودية ستؤدى عروضها على مسرح حياتك بكل صنوف الدمار الكامل
فقد تركوا الدمار الشامل لدول العالم المنقرضة
اتبعوا التعليمات
|
|