رقص الرئيس البشير اليوم على أنغام أغنية تقول " من حمرة عيونوا أسلموا النصارى"

في حفل أفتتاح أستاد رياضي للناشئين بمحلية كرري عصر اليوم وبحضور فرق كرة قدم من دول شرق ووسط أفريقيا عصر اليوم , رقص الرئيس

عمر البشير على أنغام أغنية تقول "من حمرة عيونوا أسلموا النصارى" هل البشير كان يدرك على أي لحن يرقص ؟ وما هو شعور ضيوف البلاد

الغير مسلمين داخل ذلك الأستاد ؟ وما هو شعور المواطنين السودانين المسيحين عندما يرون "رئيسهم" يرقص على كلمات أغنية تسئ الى معتقدهم

الديني ؟ وبعد يوم يومين سوف يخرج لنا الرئيس البشير ويحاضرنا على أهمية وحدة البلاد .

طبعا لن يستطيع اي صحفي أو صحفية أن يكتب مقال ينتقد فيه ما حدث عصر اليوم بمحلية كرري .

Quote: من حمرة عيونوا أسلموا النصارى

حمرة عيونوا دي كناية عن الرجالة يا دينق ..

وهسع الشعار المرفوع في آخر مطاف دولة المشروع الحضاري تتوجب رفع شعار رجالة سواقط الانقاذ وصحفييهم والمتغذيين بدماء العنصرية وإشاعة الكراهية بين ابناء الوطن الواحد ..

سمعنا برجالة اسحق احمد فضل اله ارجل راجل .. وقبلها رجالة الطيب مصطفي وصلاح قوش ( المُهان) وخحمرة عين عمر البشير ووطنية وإخلاص وشجاعة احمد هارون ..

باقي منو تاني ؟!

فوق

Quote: "من حمرة عيونوا أسلموا النصارى"

العزيز دينق
تحياتي
لا اعتقد ان يكون هناك ترتيب حول الاغاني التي يرقص عليها البشير او خلافو وانت عارف انو الحاجات دي مرات كدا بتحصل عفويا .. وللأسف اغلب الفنانين السودانيين ما بيركزوا في كلمات الاغاني كتير .. المهم انا ما داير اسوق مبررات للشي الحصل دا فهو تصرف مرفوض باي حال من الاحوال .
خليني احكي ليك القصة دي ايام الزمن كان غير الزمن :
اول امس كنت بستمع للاذاعة في برنامج كان بتحدث فيهو احد علماء السودان عن ذكرياتو في بناء مسجد الخرطوم الكبير ... المسجد اتبنى ووقف على السقف مدة جاوزت العشرة سنوات او نحو ذلك .. قامت مجموعة خيرة بجمع تبرعات لاكمال بناء المسجد فدفع السادة على الميرغني وعبدالرحمن المهدي ما قيمته (20 جنيها)...
الشي المدهش الداير احكيهو انو في صحفي مسيحي (للاسف نسيت اسمو) هو من قاد حملة التبرعات وعمل قصيدة شعر الهبت حماس الجماهير في ذلك الوقت وكان له القدح المعلى في اتمام بناء المسجد ..
هذا هو السودان يادينق وهذا هو التسامح والتعايش الديني الذي كان والذي ننشده ... نحن في الحي بتاعنا هنا اسرة مسيحية اكتر اسرة بنتداخل معاها ( يعني اكتر من باقي الاسر ) اسرة العم يوسف سعيد (رحل عن دنيانا الان) وخالتنا فوزية اندراوس احسن زولة بتظبط فسيخ وشوربة قراقير وانا لو مافي بجي القى نصيبي قاعد .. انا كنت بحب الناس ديل جدا وما زلت ..
تحياتي وكل سنة وانت طيب

الأخ دينق
من أغاني الحبوبات :
العديلة :
من حمرة عيونو خنقت القمرة ومن ختت كراعو اتهزت الواطة
الليل الليل العديل والزين والليلة العديلة ياعديلة الله ..


تحياتي

Quote: لا اعتقد ان يكون هناك ترتيب حول الاغاني التي يرقص عليها البشير او خلافو وانت عارف انو الحاجات دي مرات كدا بتحصل عفويا ..

وكدة تكون المصيبة اكبر يا ناس المشروع الحضاري و اسلمة الجنوب و الحور العين عبر جوبا و الاذان في البيت الابيض والكرملين
اختشو
عالم تخاف ما تختشيش

Quote: لا اعتقد ان يكون هناك ترتيب حول الاغاني التي يرقص عليها البشير او خلافو وانت عارف انو الحاجات دي مرات كدا بتحصل عفويا .. وللأسف اغلب الفنانين السودانيين ما بيركزوا في كلمات الاغاني كتير .. المهم انا ما داير اسوق مبررات للشي الحصل دا فهو تصرف مرفوض باي حال من الاحوال . خليني احكي ليك القصة دي ايام الزمن كان غير الزمن : اول امس كنت بستمع للاذاعة في برنامج كان بتحدث فيهو احد علماء السودان عن ذكرياتو في بناء مسجد الخرطوم الكبير ... المسجد اتبنى ووقف على السقف مدة جاوزت العشرة سنوات او نحو ذلك .. قامت مجموعة خيرة بجمع تبرعات لاكمال بناء المسجد فدفع السادة على الميرغني وعبدالرحمن المهدي ما قيمته (20 جنيها)... الشي المدهش الداير احكيهو انو في صحفي مسيحي (للاسف نسيت اسمو) هو من قاد حملة التبرعات وعمل قصيدة شعر الهبت حماس الجماهير في ذلك الوقت وكان له القدح المعلى في اتمام بناء المسجد ..

تصحيح وإضافة :
اتصل بي قبل قليل العم شوقي بدري هاتفياً : وذكر ان المسجد المعني بالقصة اعلاه هو مسجد ام درمان الكبير وان الصحافي الذي نسيت اسمه هو صالح بطرس وكان معه السيد ابراهيم اسرائيل ( قبطي) نائب رئيس نادي الخريجين وقد كانت لهما اليد الطولى في اتمام بناء المسجد الكبير بام درمان . ووجه العم شوقي بدري بزيارة مكتبته بسودانيزاونلاين ففيها الكثير (ساراجعها وارفد هذا البوست بالروابط المعنية )
الشكر الجزيل للعم شوقي لاهتمامه واتصاله والتوضيح
ورمضان كريم للجميع

Quote: اتصل بي قبل قليل العم شوقي بدري هاتفياً

عدّم شغلة منو ساكت..
___
هذه المداخلة بإسم ملاسي..

Quote: هذه المداخلة بإسم ملاسي..

__
ماتنسى مع رمضان دا تاخد ليك لفة

الاخ عبدالوهاب


دا كان زمان
ولكن منذ ان بدا تحويل حرب الجنوب الي حرب دينية
تغير الحال

والله يجازي الكان السبب


ورمضان كريم

Quote: حمرة عيونوا دي كناية عن الرجالة يا دينق .. وهسع الشعار المرفوع في آخر مطاف دولة المشروع الحضاري تتوجب رفع شعار رجالة سواقط الانقاذ وصحفييهم والمتغذيين بدماء العنصرية وإشاعة الكراهية بين ابناء الوطن الواحد .. سمعنا برجالة اسحق احمد فضل اله ارجل راجل .. وقبلها رجالة الطيب مصطفي وصلاح قوش ( المُهان) وخحمرة عين عمر البشير ووطنية وإخلاص وشجاعة احمد هارون .. باقي منو تاني ؟

!



الاخ حيدر الزين .

كلامك سليم

ألن تتعلم هذه الحكومة من أخطاءها أبدا؟

دينق ياحبيب

حصل تحريف كثير للاغاني على ايدي الجهاديين ديل

تخيل اغاني الحزب الشيوعي ذاتا لحسوها عشان تتماشى مع خطرفاتهم دي

صدقني ده لانو ليس بينهم مبدع كما قال عنهم من قبل الراحل الطيب صالح

Quote: من حمرة عيونوا أسلموا النصارى

الشجاعة تطير ان بقت في حمرة العين

ياخي كريستال بلح يخلي العين شرارة

الاغاني العملوها ايام جهادهم في الجنوب تحرر قارة لو ما كانت زائفة

ارسلوا المساكين "للحور العين" وهم قاعدين يلغفوا ويلهطوا من نعيم الدنيا ام قدود

بعدين أنا عاوز أعرف حاجة .

البدلة الرياضية الرخيصة الشينة الكان لابسها الرئيس البشير دي من وين ؟

بعدين أول مرة أشوف لي رئيس دولة لابس دعاية لشركة أجنبية ومن دون مناسبة .

أمس البشير كان يرتدي دعاية لشركة زين للاتصالات .

Quote: البدلة الرياضية الرخيصة الشينة الكان لابسها الرئيس البشير دي من وين ؟

الرخيص بي رخصتو

انت عارف يا دينق بعد كـــدا عايزين لينا ترجمة على الشريط لعمنا سلفاكير فى اى اغنية

يرقصها ( علما بأن الدينكا فى الرقيص والغناء ما بيتقابلو ابدا )




___________


حيدر الزول الساكن فى اخر الدنيــا .. رمضان كريم

هذا موضوع بوست منفصـــل ...

Quote: لانو ليس بينهم مبدع

Quote: تحياتي لا اعتقد ان يكون هناك ترتيب حول الاغاني التي يرقص عليها البشير او خلافو وانت عارف انو الحاجات دي مرات كدا بتحصل عفويا .. وللأسف اغلب الفنانين السودانيين ما بيركزوا في كلمات الاغاني كتير .. المهم انا ما داير اسوق مبررات للشي الحصل دا فهو تصرف مرفوض باي حال من الاحوال . خليني احكي ليك القصة دي ايام الزمن كان غير الزمن : اول امس كنت بستمع للاذاعة في برنامج كان بتحدث فيهو احد علماء السودان عن ذكرياتو في بناء مسجد الخرطوم الكبير ... المسجد اتبنى ووقف على السقف مدة جاوزت العشرة سنوات او نحو ذلك .. قامت مجموعة خيرة بجمع تبرعات لاكمال بناء المسجد فدفع السادة على الميرغني وعبدالرحمن المهدي ما قيمته (20 جنيها)... الشي المدهش الداير احكيهو انو في صحفي مسيحي (للاسف نسيت اسمو) هو من قاد حملة التبرعات وعمل قصيدة شعر الهبت حماس الجماهير في ذلك الوقت وكان له القدح المعلى في اتمام بناء المسجد .. هذا هو السودان يادينق وهذا هو التسامح والتعايش الديني الذي كان والذي ننشده ... نحن في الحي بتاعنا هنا اسرة مسيحية اكتر اسرة بنتداخل معاها ( يعني اكتر من باقي الاسر ) اسرة العم يوسف سعيد (رحل عن دنيانا الان) وخالتنا فوزية اندراوس احسن زولة بتظبط فسيخ وشوربة قراقير وانا لو مافي بجي القى نصيبي قاعد .. انا كنت بحب الناس ديل جدا وما زلت .. تحياتي وكل سنة وانت طيب

الاخ وهبة.

موضوع أنهم لا يدرون هذا لا أعتقد بأنه صحيحيا، طيب خلينا نقول كانوا ما عارفين لمن سمعوا الاغنية في بدايتها، هل تم إيقاف الاغنية أثناء الاحتفال ؟ هل تم تصريح وإعتزار بعد الحفل من قبل اللجنة المنظمة أو الفنان؟ كل ذلك لم ولن يحدث لأن أصحاب الفكر الاقصائي الاحادي لا يعرفون معنى التسامح الديني وهو غير موجود في قواميسهم. أما حديثك عن قصة بناء المسجد فدعني أقول لك أن التسامح الديني موجود بين عامة الشعب السوداني وبمختلف دياناتهم ولكن توجه الحكومات المتعاقبة دائما كان ومازال يعمل على التفرقة بين الديانات والفتنة بينها بواسطة بعض أئمة المساجد أو بعض الضيوف الذين تتم أستضافتهم في الاجهزة الاعلامية المملوكة للدولة. مثل هذا السلوك يناقض ويتنافى مع أي دعوة لوحدة البلاد، ويجب أن لا يستهان بمثل هذا السلوك وتأثيره على المواطنين في السودان.

دينج رمضان كريم ولضيوفك

خلي الأغنية يا دينج . أنا أمس العصر كنت متابع لتلفزيون السودان حيث كانت المناسبة إحتفال بعيد الجيش . والله أنا قلت الإحتفال للجعلين والمحس فقط . يعني الفنان اللحو كان يغني عن المك نمر والفنان وردي كان بغني للمحس . والبشير وعبد الرحيم حسين رقصوا رقيص عجيب ذاتو . يعني قلت والله يا أخوانا لبني دي شايله النايحة ساي .

بحيراوي

عندما يحكمنا الحمار......(2)
كل شئ ممكن

Quote: الأخ دينق من أغاني الحبوبات : العديلة : من حمرة عيونو خنقت القمرة ومن ختت كراعو اتهزت الواطة الليل الليل العديل والزين والليلة العديلة ياعديلة الله ..

الاخ رضا

أنت رأيك شنوا في الموضوع ده ؟

الاخ محمد علي حسن.

الكيزان عمرهم لن يختشون في ما يرتكبون من جرائم أو في ما يقومون به من تصرفات غبية ومتذمتة في السودان، يجب محاربتهم وكشف مخططهم الاجرامي.

Quote: ألن تتعلم هذه الحكومة من أخطاءها أبدا؟

الاخ هاني.

الكيزان لن يتعلموا ولن يغيرون منهجهم الاجرامي الاقصائي أبدا.


دينق.

اخي دينق ..

من حق السيد الرئيس ان يرقص متى ما اراد
وفي اي اغنية تغنى .

يا جماعة منو القال النصارى ما مسلمين!!!!!؟
{فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنصَارِي إِلَى اللّهِ قَالَ الْحَوَارِيُّونَ نَحْنُ أَنصَارُ اللّهِ آمَنَّا بِاللّهِ وَاشْهَدْ بِأَنَّا مُسْلِمُونَ} (52) سورة آل عمران
فهل نصدق كلام الله أم نتركه لقول زعيط ومعيط
وأتحدى من يقول بأن النبي صلى الله وبارك عليه وآله فرض دعوته بالسيف !!!؟
ويكفي فعله في فتح مكة لندلل على هذا حيث أنه تركهم يذهبون وهم كفار
لم يجبر أحداً منهم بأن يسلم !!!!؟
لكن السلطان والقرآن افترقاء منذ السقيفة
لذلك واجب أن نفرق بين ما هو جهد بشري (التجربة الاسلاموية للحكم
و كتب التفاسير والصحاح )
وبين ما هو سماوي كعصمة النبي صلى الله وبارك عليه وآله والقرآن

Quote: انت عارف يا دينق بعد كـــدا عايزين لينا ترجمة على الشريط لعمنا سلفاكير فى اى اغنية

اجيلا ويل ويل
اجيلا ويل ويل
تو ماكوايندا كير يو
يونانيا كير يو
اجوا لبيقيرو
متيانق قو جو ماقود

بعدين الجيم فيها تلاتة نقط بي تحت يا دينق

Quote: حصل تحريف كثير للاغاني على ايدي الجهاديين ديل تخيل اغاني الحزب الشيوعي ذاتا لحسوها عشان تتماشى مع خطرفاتهم دي صدقني ده لانو ليس بينهم مبدع كما قال عنهم من قبل الراحل الطيب صالح Quote: من حمرة عيونوا أسلموا النصارى الشجاعة تطير ان بقت في حمرة العين ياخي كريستال بلح يخلي العين شرارة الاغاني العملوها ايام جهادهم في الجنوب تحرر قارة لو ما كانت زائفة ارسلوا المساكين "للحور العين" وهم قاعدين يلغفوا ويلهطوا من نعيم الدنيا ام قدود

الاخ حيدر حسن ميرغني.

الكيزان يتصرفون كأن السودان قد صار ملك لهم، فهم لا يكترثون بالاخرين ومثل هذا السلوك هو الذي سوف يشعل الحروب من جديد.
ديل ناس ما عندهم أي حس إنساني يعايشون به مع الاخرين.

Quote: يا جماعة منو القال النصارى ما مسلمين!!!!!؟ {فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنصَارِي إِلَى اللّهِ قَالَ الْحَوَارِيُّونَ نَحْنُ أَنصَارُ اللّهِ آمَنَّا بِاللّهِ وَاشْهَدْ بِأَنَّا مُسْلِمُونَ} (52) سورة آل عمران فهل نصدق كلام الله أم نتركه لقول زعيط ومعيط

يعني بكلامك ده ما في اي داعي تاني زول يمشي يدعو للاسلام و سط المسيحيين.
و ما في داعي يوجعوا راسنا بمواضيع اسلام زعيط و لا معيط..
او انو كلامك ده من قبيل اللف و الدوران و افراغ المواضيع من اي هدف و مضمون.

تعرف يا دينج ،
واحد كلموهو إنه ود أخته ممسوك
في التمنة""حراسة البوليس""،
فراح عشان يفكه ،
لمن عرف الحكاية من العساكر
قال ليهو:
""الله يقدك ،
أنا شايف عيونك قايلك راجل ،
أتاري الحكاية كلها بنقو،
خيبة الله تغشاك.""

يا خوي حمرة عين شنو ,
وحمرة عين منو والبلد
تحت الإحتلال ، والمحتل ""الشقيق""،
شِقيقهم حمرة عين ،
وليداتو يبرطعوا في البلدزي ما عايزين،
حمرة عينه ؟؟
حمرة عين منو؟؟


تحياتي

Quote: من حق السيد الرئيس ان يرقص متى ما اراد

كلام صاح ياود الباوقة.

في كل العالم الناس بيدخلوا
الكليات العسكرية،
مصانع الرجال، عشان شنو؟
موش عشان يرقصوا؟؟
مونتقمري ، موش كان رقاص؟؟
آيزنهاور ، موش كان رقاص؟؟
جيبكوف ، موش كان رقاص ؟؟
تيتو ، موش كان رقاص؟؟
ديغول ، موش كان رقاص؟؟
جياب ، موش كان رقاص؟؟

كلاكم صآآآآآآآآآآآآآآآآآآآح
من حق السيد الرئيس ان يرقص أينما اراد

بس ياريت يرقص لينا في حلايب.

تحياتي

Quote: الرخيص بي رخصتو

الاخ مهدي الامين.

ياخي دي رخصة ما بعدها رخصة.

Quote:

Quote: صحيفة الوطن السعودية الاثنين 3 رمضان 1430 ـ 24 أغسطس 2009 العدد 3251 ـ السنة التاسعة -------------------------------------------------------------------------------- رهينتان تتزوجان من خاطفيهما الخرطوم: فايز السليك انتهت أزمة الرهينتين اللتين تعملان في منظمة دولية في السودان واللتين اختطفتا منذ يوليو الماضي، نهاية سعيدة بإعلان زواجهما باثنين من الخاطفين في إقليم دارفور.ومع أنه لا توجد معلومات عما إذا تمت الزيجتان قسرا، أكدت السلطات السودانية أنها ستحرر الرهينتين بالقوة إذا ما كان الزواج تم بالإكراه. وتقول مصادر إن الأيرلندية سارة اتصلت بذويها في دبلن تخبرهم بزواجها من أحد الخاطفين. وتؤكد الأنباء الواردة أن سارة وهيلدا تتمتعان بصحة وعافية.

عزيزي دينق
هؤلاء الناس يفعلون ما يعجز عنه الشيطان

بدر الدين أسحق.

أنت رأيك شنوا في الموضوع المطروح هنا؟

بعدين ممكن تفتح لك بوست أخر عن سلفا كير.

Quote: خلي الأغنية يا دينج . أنا أمس العصر كنت متابع لتلفزيون السودان حيث كانت المناسبة إحتفال بعيد الجيش . والله أنا قلت الإحتفال للجعلين والمحس فقط . يعني الفنان اللحو كان يغني عن المك نمر والفنان وردي كان بغني للمحس . والبشير وعبد الرحيم حسين رقصوا رقيص عجيب ذاتو . يعني قلت والله يا أخوانا لبني دي شايله النايحة ساي .

الاخ البحيراوي.

أنا شاهدته الاحتفال ده، رقص الرئيس كان مبااااالغة. بعدين منظر تمسح وزير الدفاع بالرئيس البشير منظر شاذ وغريب عن كل العادات والتقاليد السودانية.

Quote: كل شئ ممكن

الاخ حامد برقو.

جماعة الانقاذ ديل أصلوا ما فيهم زول عاقل؟



دينق.

Quote: من حق السيد الرئيس ان يرقص متى ما اراد وفي اي اغنية تغنى .

ود الباوقة.

نعم من حق الرئيس أن يرقص، ولكن ليس من حقه أن يرقص في أغنية تسئ للأديان الاخرى في السودان التي من المفترض أن يكون هو حاميها.

مذا سيكون رد فعلك ورد فعل المسلمين في السودان إذا قمنا بتغير كلمة نصارى ووضعنا كلمة مسلمين مكانها وتم يث هذه الاغنية في تلفزيون السودان وسلف

ا كير يتراقص على أنغامها؟ ما هو رد الفعل يا ود الباوقة؟ أريدك أن تجيب بكل صراحة.


دينق.

Quote: يا جماعة منو القال النصارى ما مسلمين!!!!!؟ {فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنصَارِي إِلَى اللّهِ قَالَ الْحَوَارِيُّونَ نَحْنُ أَنصَارُ اللّهِ آمَنَّا بِاللّهِ وَاشْهَدْ بِأَنَّا مُسْلِمُونَ} (52) سورة آل عمران فهل نصدق كلام الله أم نتركه لقول زعيط ومعيط وأتحدى من يقول بأن النبي صلى الله وبارك عليه وآله فرض دعوته بالسيف !!!؟ ويكفي فعله في فتح مكة لندلل على هذا حيث أنه تركهم يذهبون وهم كفار لم يجبر أحداً منهم بأن يسلم !!!!؟ لكن السلطان والقرآن افترقاء منذ السقيفة لذلك واجب أن نفرق بين ما هو جهد بشري (التجربة الاسلاموية للحكم و كتب التفاسير والصحاح ) وبين ما هو سماوي كعصمة النبي صلى الله وبارك عليه وآله والقرآن

عبد الرحيم حسب الرسول.

إذا كان النصارى مسلمين، طيب حمرة العيون لمنوا ولزومها شنوا؟

أحترم عقولنا يا راجل.

Quote: تعرف يا دينج ، واحد كلموهو إنه ود أخته ممسوك في التمنة""حراسة البوليس""، فراح عشان يفكه ، لمن عرف الحكاية من العساكر قال ليهو: ""الله يقدك ، أنا شايف عيونك قايلك راجل ، أتاري الحكاية كلها بنقو، خيبة الله تغشاك."" يا خوي حمرة عين شنو , وحمرة عين منو والبلد تحت الإحتلال ، والمحتل ""الشقيق""، شِقيقهم حمرة عين ، وليداتو يبرطعوا في البلدزي ما عايزين، حمرة عينه ؟؟ حمرة عين منو؟؟

الاخ درديري ساتي.

دائما تجد الانظمة الدكتاتورية تتفنن في قمع شعوبها، وحكومة الانقاذ خير مثال لذلك السلوك.
حمرة عيونهم ليس موجهة ضد الذين يحتلون حلايب بل ضد المواطنين الضعفاء.

ما عندى رأى فى الموضوع دا ..

ما بفهم فى الغناء ..

Quote: أنت رأيك شنوا في الموضوع المطروح هنا؟

Quote: عزيزي دينق هؤلاء الناس يفعلون ما يعجز عنه الشيطان

الاخ حامد برقو.

أنهم الشيطان نفسه.

Quote: ما عندى رأى فى الموضوع دا .. ما بفهم فى الغناء ..

بدر الدين أسحق.

ما عندك رأي ولا خجلان تعلق على سلوك رئيسك المشين.
بعدين منوا القال لك أن البوست ده له علاقة بالغناء؟
أنت تفهم مغزى هذا البوست جيدا ولكنك لن تستطيع أن تقول كلمة حق.
وهذا هو عدم الوعي وعدم النضج السياسي يا عضوا المؤتمر الوطني.