Post: #2 Title: Re: بالله شوف عمك ده منتشي كيف!! Author: tmbis Date: 09-28-2007, 09:24 AM Parent: #1
الكونونيــل دينق: في ظــل (غيابك) .. لابد من دراسة بعض الظواهــر الغير طبيعية لاحظ (ظل غيابك) دي عامله كيف.. يعني بقيت تأجــر (حاجاتك) شقة مفروشة مش كدا ..؟ غايتو كان قطعت اضنينك يادينق .. دا ما إنت ياجنــابو نظام القفز بالزانة اليومين دي شنــو..؟ شكلك كدا في جلابي أداك قرصة شوية كدا .. اصلو أنت مطاردتك للجلابة ديل قايل حواء بتاعت البورد دي ما والده .. أوعــه يا عفريت تكون وقعت ليك في يد (جلابي) راضع لن امــو .. وراك كيف تمشي في العجين وما تلخبطــو .. غايتو يا دينق خلص حاجاتك وأرجع لينا.. دينق البنعرفو .. وتعال اكتب لينا براك بلاي ... وقال شنـو ..؟ قال إنت عارفني زي جوع بطنك .. أنا ما قاعد أخـاف من زول ..
يا سيادتك بلاي شوف لينا واحد ينقلنا من مربع الضلامية دا للاستنارة .. علشان نرجع الظواهر الغير طبيعية لحالته الطبيعية .. ماعندك واحد شفت كدا من مستنيرينك المهتمين بي شئون الجلابة علشان يفرمطنــا هنا لي جــلابة نيجاتيف..؟ بمناسبة رمضـن دا يا دينق .. رايك شنـو تعمل لينا مشروع اعتذارات جماعية .. يعني اي واحد قلت ليهو هنا يا جلابي .. ياكوز .. يا عميل .. يا جنجويد .. يا .. إلخ حقو تدق سدرك كدا .. وتنتفض .. وتجي تكتب لينا اعتذارات جماعية .. وكان حاره عليك أكتب علي البوست .. بوست (مقابر اعتذارات جماعية للجلابة) مقابر دي كان ما بتقدر عليها .. خلي يكتبه ليك استيف... اصلو قال ما برتاح لو ما دفن آخــر جلابي .. ووانتظرو لحدي ما بقى بترول ..
بلاي يا دينق لو احتجت أي حاجة .. ادينا خبــر أخــوك .. تمبس مشــروع جلابي نيجاتيف .. أو محاسب قانوني تحت التمرين.. أو صحفي .. أو أي خرابيطك تتطرأ على راسك الكبير دا.. أصلك ما بتتحير البتجي على لسانك .. بتعشمنا ليهاهنا دا ..
Post: #3 Title: Re: بالله شوف عمك ده منتشي كيف!! Author: ابو يسرا Date: 09-28-2007, 09:31 AM Parent: #2
ياسلااااااااااااااااااام علي هذا الفرح كلنا انتشينا مع نشوة عمنا الحاج يلا فضفضوا ياحجاج وبلاش تكتيم علي مشاعركم
Post: #5 Title: Re: بالله شوف عمك ده منتشي كيف!! Author: Deng Date: 09-28-2007, 03:01 PM Parent: #1
تمبس.
منو الحاسبك مع "الجلابة" أصلا؟
عندنا ناس كتار في أمدرمان دي جنوبين متنكرين لأصولهم العرقية وعاملين فيها شماليين. ده برضه موضوع طويل وشأئك وله أسباب تاريخية , ممكن نناقشوا في
يوم من الايام. أما أنت يا تمبس فأنت ولدنا لكن فقط متنكر لينا ساكت.
دينق.
Post: #6 Title: Re: بالله شوف عمك ده منتشي كيف!! Author: tmbis Date: 09-29-2007, 08:20 AM Parent: #5
يا أمباشى ... شايفك عامل رايح .. وشغال الاستنساخ بتاعك دا .. حسع يعني كلامي دا كلوووو ما عجبك ...؟ غايتو لو تقطع اضنيك سيك .. سيك .. معلق فيك - تغيير مصطلح الجلابــة .. بكل كل شفافية في رمضان 2007 ميلادية - أغنية لواحد جلابي .. بيعرض .. - لغة زول مهذذذذب .. لما يكتب بيديك احساس كدا إنو قاعد يبكي عديل كدا .. - محاولات انبراشه في السكة .. وبكره ما معروف البيحصل شنــو ... .. غايتو أنــا قاعد منتظر بوست الاعتذار .. بعد كدا فضل شنــو .. مش الاعتذار بس ..؟ غايتو إنت اتدحلب كدا .. واتودد .. وتدلل .. علشان الناس دي ترضى وتصفح عنك .. اصلهم مساكين .. وعفى الهل عما سلف دي عادية .. لكن أنا لالالالالالالالالا وراجيك يا امباشى .. عايز اعرف الانشاء الح تستخدمه في الاعتذار حتكون كيف ..؟
ياجنــابو 
