أركولوجــيـا في إسبوع السودان الثقافي بالدوحة

الفترة من 11/11 الىــ 16/11
يالدوحة الإسبوع الثقافي
نتمنى ان نقدم إبداعنا السوداني
بجانب العروض القادمة من السودان
سوف نقدم
مسرحية حكاية الطاهر
و
مسرحية أركولوجيا لشخصيات لم يكتبها الرواة
كولاج
لأعمال
من كمبو الري
حكايات شعبية
وشخصيات من الذاكرة الشعبية
مزيد من المعلومات والبرنامج
واعمال الفن التشكيلي
لمجموعة من فناني الدوحة الأماجد
ونتواصل مع
مهرجان الجمال

استاذ / السني
مساء الخير
مزيدا من الجمال والابداع .
مع امنياتنا لكم بالنجاح
ومعكم دائما .
تحياتي
هارون دياب

هارون دياب
التحية والتقدير
ساعدونا بالشاي واللقيمات
عشان السهر
لازم تكون معانا ولا بنحنسك
لازم تمر علينا في البروفات
وتتابع كل صغيرة وكبيرة
شكرا لمرروورك ودعمك لينا

الكلام ده حيكون وين يا أستاذ ..

أصلو أنا داير أتعرف على الأركولوجيا دي عن قرب ..
.
.

قلت لي الصحافة كم ؟؟
شوف يازول ياهميم
يتكلم معاك بالجد
بكرة الساعة 5 مساء
بنادي البيئة
انت معانا لانك مسوؤل
عن الموسيقى
والمؤثرات الصوتية
قايلو لعب
رد علينا بسرعة

تمام ..

موعودون
بعرض مسرحي
من بطولة
ضحية إبراهيم
عادل سعيد ابوجفادوو
عبدالكريم الأمين كيكي
عبدالرحيم ودرملية
( أركولو جيا )
كولاج لكوميديا شعبية
الدعوة عامة

بالتوفيق يا أستاذ محمد

كل التوفيق يالسني ؛
انا متأكد إنو بالروح العارفا فيك هتنجزوا
أحلى إنجاز ..

مشتاقين ..

ابو جهينة
مودتي
يازول يافنان
تذكر قصص الأطفال
عندي موقع سوف ينطلق قريبا
اطفال السودان
لازم تمدنا بالقصص والأحاجي
راجع الماسنجر غدا
مودتي

طلال عفيفي
شوق بحر دميرة
كنت منتظر صورك وتقاريرك
لحظة بلحظة من لندن
وسعدت سعادة بهيجة
بكورس الإخراج التلفزيوني
لكن رحيل نازك الملاك
جعلني اتوقف
بلتقي وتحكي لي عن الرحلة
المهم عايزك معانا في موقعنا
أطفال السودان
عايزين كمية من الصور للوطن الحبيب
وللمدن ونواحيها
عارف اطفالنا في المهجر لايعرفون شيئا عن السودان
والفي الداخل ايضا
همتك معانا
وسوف نوصل لك اخبار العروض
مودتي

مبروك
بس كترو التصاوير عشان نشوف زولنا داك

زولكم ياتو ؟؟؟

شوق يا ابوعلي
حنملاكم تصاوير لمن تفترووا
لكن بعيد ليك السؤال
زولكم ياتووووو؟؟

سعد اليتيم

سعد اليتييم
ولا
سعد الصغيير
ههههههههييي

استاذ السنى
سفير الثقافه الذى
لا ينقطع عنه اللمعان
والبريق حتى فى الأقاصى
الله يديك العافيه
__
بس ابعد من
اللقيمات

عثمان موسى
الشاعر المكسر كسير الجليد
اديك العافية
والصحة الدايمة
لكن اخوك وانت عارفو
طفس
خاصة قدام الحلويات
والفتيات الجميلات

Quote: عارف اطفالنا في المهجر لايعرفون شيئا عن السودان والفي الداخل ايضا

يديك العافية يا أستاذ سني على الهمة العالية

هو دا الشغل!
لينا حق نفتخر بالزيك كدا ... واصل



_____
وصية:

الصديق ياسين زايد (سوريا) يقرؤك السلام

البرنامج كامل يا السنى عشان نكون فى الصورة ،،

ونجيب الصور ،،،

اميرعمر
التحية والتقدير
والمحبة الدائمة
وللصديق ياسين زايد
الشوق المصفى
والمودة النقية
والذكريات الطيبة
وله مني السلام وإطيه الرحمن بالعافية
وإنجح مقاصدوا وإعليهو على المابيهو
ولك مودتي
اخي امير يمكن ان تدعمنا
بصور اطفالكم واطفال اصدقائكم
الصورة وتحتها الإسم والعنوان الصف ان كان بقرا
حنتراسل على الماسنجر
مودتي

ود العباسية
سلام ومحبة
عزيزي كل التفاصيل تتابعها على هذا البوست
المهم :
الإسبوع الثقافي جاء لتفعيل التبادل الثقافي بين قطر والسودان
ومن هنا نرفع اسمى ايات الحب والعرفان لهذه الدولة التي تقدم كل يوم
مثل للعطاء ..
سوف تكون فعاليات هذا الأسبوع متنوعة ومتناثرة على مسارح وقاعات قطر
هناك الشعر والغناء والتراث الشعبي والفنون التشكيلية والمسرح
بجانب العروض القادمة من الخرطوم سوف يشارك في هذه الفعاليات
مبدعين الدوحة وتكونت لجنة فنية لوضع البرنامج المصاحب
رئيس اللجنة
الفنان محمد آدم المنصوري
نائب الرئيس
أ. عادل التجاني
وعضوية كل من :
دكتوره منار حسن عثمان
دكتور ابو الحسن مصطفى سيداحمد
أ المخرج السينمائي
عبد الرحمن نجدي
أ عثمان بشير
أصديق الطاهر
أ صالح سلمان صالح
أ محمد عثمان كباكا
وشخصي الضعيف جدا
والبروفات شغالة
وجايكم بالبرنامج
مودتي

أمنياتنا بالتوفيق
وان شاء الله سيكون مهرجان ناجح

Quote: الفترة من 11/11 الىــ 16/11 يالدوحة الإسبوع الثقافي نتمنى ان نقدم إبداعنا السوداني بجانب العروض القادمة من السودان سوف نقدم مسرحية حكاية الطاهر و مسرحية أركولوجيا لشخصيات لم يكتبها الرواة كولاج لأعمال من كمبو الري حكايات شعبية وشخصيات من الذاكرة الشعبية مزيد من المعلومات والبرنامج واعمال الفن التشكيلي لمجموعة من فناني الدوحة الأماجد ونتواصل مع مهرجان الجمال

السنى يالملتقى الابداع والمبدعين
لك التقدير
بس ان اتقدم تلك الاعمال المسرحية الجديدة
طبعا باستثناء حكاية الطاهر بتبقى الحكاية
أخنق فطس ولافن من غير فن الاتقان

المبدع الجميل سني بالتوفيق إنشاء أللة في هذة ألأسبوع ألثقافي
كعهدنا بك فنان نتشرف بوجودكم داخل أروقة كل المناسبات

جقلرة
====
بس ما كان في داعي تحندكنة بحلاوة ...أركولوجيا ... ونحن في الجانب ألآخر من كوكب
ألأرض نتمني لكم أسبوع ....رابي بفرح الدرامة الزاهي ..............

نادر السوداني
محبتي بلا حدود
وانت في بلاد الكاوبوي
والله خرمان لي افلام كاوبوي
وسخان نازل من حصانو مليان تراب
وين افلام :
كيرك دوغلاس
وبيرت لانكستر
وجاري كوبر
وجلين فورد وجون واين
وراندلوف إسكوت وألن لاد
وادي ميرفي الأبيضاني الزمان
وروري كالهون
والخ اخر القائمة الجميلة
قالو عندكم قنوات فضائية بتعرض افلام زمان
سجل لينا منها
ينوبكم ثواب
تابعنا وشوف الصور
محبتي

بدروو
الجميل
صاحي انت للفنون المجهبذه
طبعا ياراقي
لو البروفات ظبطت والجماعة حفظوا
والعرض بقى منساب زي الشلال
ما بنعرض
لابنبضع في تجارتنا
ولا بنقدر على نقدكم
انا قلت مهرجان الفراح والجمال
المهرجانات حتكون مستمرة لحد عيد الإستقلال
يعني فرقة شتات مستعدة من بكرة
بعد اسبوع الثقافي في شهر 11
في اسبوع تاني للجالية في شهر 12
وفي عروض في عيد الإستقلال وفي دهشة
سوف تعلن في حينها
امسكو الخشب
محبتي

الحبيب سنى

اخبار جميله ورائعه من الدوحه سمعتها وقراتها


هنا فى السودان وهى افتتاح المركز الثقافى السودانى

بدولة قطر , الحدث الذى طال انتظارنا له وانشاء الله سوف اقطع

اجازتى واكون معكم نهاية هذا الاسبوع لاشارككم هذا الفرح الجميل ,

واستمتع بالاركولوجيا بعد ماطمم المريخ بطنا ,

تحياتى ياجميل ,,

اخونا
كمال سالم
سالم من كل بلا
ياخي جيب لينا رد السلام
البعثناه في بوستك من امدرمان
ونحن في انتظارك على احر من الشطة
سلامنا لكل الأهل
وكل الصحاب
وكل الأحباب
محبة وسلام

يا السنى مزيد من التوفيق طبعا اشكاليتنا انو دائما كسودانيين

عندنا رمضان بجى فجاة والعيد بجى فجاة وبنخش الجمعة فجاة

لكن التحضير يجب ان يتواصل حتى الاسبوع الثقافى للجالية السودانية

فى نهاية 12 ان شا اللة لو اللة هون .........

وهذا الاسبوع اصلا موجة لغير السودانيين فى قطر لعكس الثقافة السودانية

حسب ما اعلم ...فانا ليس عضو فى لجنة من لجانة ....

ولكنى متابع من قريب جدا لكل التفاصيل

ان شا اللة نكون معاكم كما اليوم اول باول ومزيد من التالق

موفقين يا السنى
ومنتظرين "الوب" بتاع الأطفال . ألم ليك أطفال عربى حوبا فى المنافى

قلت يا عمر سعد

Quote: عندنا رمضان بجى فجاة والعيد بجى فجاة وبنخش الجمعة فجاة

إنشاءالمهرجان ده ما يفجئك زى الخريف الفاجأ والى الخرطوم

ليكم كل التمنيات الطيبة

سنى يا زول يافن
ازيك
شوق عدد ذرات الموية الفى الدنيا كلها
منتهى الروعة انه يكون فى نشاط مسرحى اركيولوجى
انت بقيت احمد طه امفريب ولاشنو ؟
ياخ اتذكرت الزول الجميل دا
واتذكرت ايام ما كنت ابو فصلنا فى المعهد
وناس عبد الله فضل السيد عليه الرحمة وفاضل كباشى وناس الرشيد احمد عيسى ومصطفى
وبيان رقم واحد
ومهرجان الاصدقاء
خليتنى ابكى يا سنى اصلو الايام دى دمعتى فى طرف العين
اتمنى لكم النجاح والتوفيق
وخلى بالك من بنات طارق الشيخ اخوى
ديل مغنيات وممثلات ممتازات حاول معاهم سبيل التطوير
لكم حبى جميعا

سلامات
وعوافي
السني ..
فوق ..
استاذة سلمى اليومين دي ناسك بقوا ناس "اركجا" ساي ..
..
ثم ..
التوفيق من عند الله ..
ولي قدام ..

سلمى الشيخ سلامة
الشوق بحر وبحر شديد الأيام دي
البحر زايد عديل
ليك المحبة
وكان المنى تكوني معانا
سوف نزودك بالأخبار
بالمناسبة الشبلي
وهشام الفيل بحضروا
في اعمال للفرقة
مع عمل منتديات صغيرة
وكلام عن المسرح الجامعي
والمسرح العالمي
يعني حركة ونشاط
كده بتاع قفلة
ربك اهون

رأفت ميلاد
الشوق بحر
الوب بتاع الأطفال
من هسي وانت مخول بكل الأعمال الخاصة بهم
من عندك على الإميل
صور وكتابات ورسومات
وكل مبتكر وإبداعي
ومحبتي وسلامي

عشان العيد ما اجينا فاجوتي
نحن بدينا بي هجمة فاجوتية لكل الناس
يعني مستعدين من هنا
لحد المهرجان البعدو
مستعدين لي الأسبوع الثقافي
ومستعدين لي اسبوع الجالية
ومستعدين لي مهرجان الإستقلال
وعندنا فاجوتا مدهشة لناس الدوحة
خليك قريب
محبة وسلام

ود رملية
نجم النجوم
اها ده المحك
مسرحية فيها مباراة بتاعة تمثيل
عايزين طارق المكي
الفنان الليلة
مسرحية أركولوجيا
إمتحان لنجومية
النجوم ؟؟؟!!!

بالأمس إجتمعت اللجنة العليا
للأسبوع الثقافي مواصلة
لأجتماعاتها المتعددة برئاسة
البروفسير محمد إبراهيم الشوش
وأعضاء اللجان المتعددة
للثقافة والفنون ولجان المعارض
والإشراف والإعاشة والمواصلات
والمسارح والتنظيم
وشارك فيها العديد من المبدعين
وكان هناك الريس المنصورى
والفنان طه العطا
وهناك مشاركة فاعلة من المدارس السودانية
يا جماعة المهرجان
برعاية :
المجلس الوطني للثقافة والفنون والأداب والتراث
وفعاليات المهرجان سوف تكون منوعة
وتقام على العديد من مسارح وقاعات وصالات الدوحة
الثقافية والفنية
المعارض التشكيلية سوف تعرض
في قاعات المركز الثقافي السوداني
والفعاليات تتابع اللجنة الفنية
إستعدادها لوضع اللمسات النهائية
لوضع برنامجها الفني
وهذا تصحيح لمقولتي
ان اللجنة تضع البرنامج المصاحب
البروفات قائمة يوميا
إستعدادا للعمل مع القادمين من السودان والمشاركين من الدوحة
وحتى الأن هناك إشراقات
( نجوم البالنمبوو)
الفرقة الموسيقية الغنائية الشعبية الإستعراضية
الموهبة الصاعد محمد بدوي ابو صلاح )
ونواصل

الاستاذ محمد السني
تحية لك ولكل من يسعى لعكس وجه السودان المشرق

فرقة البالمبو اصبحت محفوظة للناس هنا - كل المناسبات موجودة فيها - يا ريت لو كانوا رشحوا فرقة غيرها أو حتى مجموعة فنانين زي مجموعة عقد الجلاد وبعض الفنانين الجيدين اللي اغانيهم واضحة في الكلمات والحانها اقرب للطابع العربي لأنه الطابع الافريقي اخد حقه كاملا في كل الاسابيع الثقافية السابقة ويحق للطابع العربي في السودان انه يعلن عن وجوده

منتظرين الموقع الالكتروني ومجهزين صور الاطفال

يا شادية ما تقلبى على المواجع ؟

الأخت شادية
تحياتي وأمنياتي
فرقة نجوم البالمبو لم تحضر الى الدوحة
انت تعني الفرق التي وصلت الى الدوحة
أيام مهرجانات الثقافة
الأولى بقيادة ابوعبيدة
الثانية بقيادة بريقع
الثالثة بقيادة محمد طلب
فرقة نجوم البلمبو حاجة تانية
فرقة بها المغني الصداح محمدج سليمان
مجتهد وفنان تجريب ورئيس الفرقة المطرب الهادي
وبها ممثلة وزمخرجة إستعراضية
والفرقة نقلة في فنون البلمبو
وله جولات فنية ل اوربا ووافريقيا
واخر عرض شاهدته لهم في الشارقة
وهي فرقة تفرح بجد

عمر سعد الدكتور الفنان
مافي مواجع ولا شئ
اي فرقة تمثل السودان
بتبهر الناس
للتعدد والتنوع
والفرقة دي بالذات
طابعها إفريقي
بجانب تجوالها
بحثا عن الأغنية
الخفيفة الشعبية
في كل السودان
وبعدين لمن تحضرها اول من يطرب لها هو انت لاني عارف وين بتسلطن
بعدين لمن إعرضوا ديل
الإسبوع البعدو
نشوف حاجة تانية
ــــــــــــ
إبداع متعدد لوطن واحد

استاذ السنى ..

ازيك..

اناغايتو ماجاية لانو الريتز عمى قال لى اوعك تتحاومى

انشاءالله البروفات ..........ينفعوكم قول لى كيكى وودرملية وضحية ..

أميرة الشيخ
الريتز طاير
نحن معانا معانا
ودرملية
فال لي اميرة تجينا متين البروفة
لو هي شغالة من 8 بي 8
وبتصل البيت 9 مهدوده
المهم نحن بنمني روحنا بتغيير الشفت
بعدين ذكريني الفنانة الممثلة والأستعراضية الشغالة مع
نجوم البالمبو
كان اشتغلت مع الأستاذ عادل حربي
تابلوه رائع في افتتاح
الخرطوم ةعاصمة للثقافة العربية
نشوفك في البروفات
تحياتنا

الاخ الفنان السنى
خالص التحايا

اولا : امنياتنابالتوفيق
ثانيا: المناسبة شنو ؟؟؟؟
هل هو افتتاح السفارة للمركز الثقافى السودانى ؟؟
وهل الدعوة عامة ومن هم ضيوف شرف البرنامج ؟؟
وهل السفارة من كونت اللجنة ام الجالية ؟؟
وماهو برنامج الاحتفال بالكامل ؟؟

لك كل الود

عزيزي السني

Quote: تذكر قصص الأطفال عندي موقع سوف ينطلق قريبا اطفال السودان لازم تمدنا بالقصص والأحاجي راجع الماسنجر غدا

في إنتظارك

الأخ الفنان
معاوية الطيب
خالص الأماني
المناسبة
اسبوع ثقافي سوداني
ومن خلال فعاليلته
افتتاح للمركزالثقافي السوداني
اما برنامج الحفلات وضيوف الشرف
سوف نتابعه بعد ان تنتهي اللجان االمتابعة من وضع الجدول
تابع معنا
مودتي

ابو جهينة
عزيزي
في احتياج الى قصصك
الحلوة لأطفالنا
ونحن في انتظارك

ود دفع الله مراحب

بعد المتابعة أفيد الأخت شاديه بت الشيخ بأن هنالك أكثر من فرقة في السودان تحمل اسم البالمبو وآخر فرقة بالمبو حضرت للدوحة كانت بقيادة أ . عبد العاطي عبد السلام يا السني أما الفرقة القادمة الآن فهي فرقة (نجوم البالمبو) نرحب بهم .

عادل التجاني

أستاذنا المبدع محمد السني ،، الإخوة الكرام

أود أن أضيف إلى معلوماتكم أن مشاركة الجالية من الداخل ستكون كبيرة جداً وسيتم التركيز عليها لضمان استمراريتها فبالاضافة للجهود المقدرة التي يبذلها أستاذنا السني هناك معارض تشكيكلية لفنانين سودانيين في الدوحة ومعارض للتراث تعكف عليها أخوات لنا في المدرسة السودانية ورابطة المرأة بالإضافة إلى براعم المدرسة السودانية بنين وبنات الذي أبدعوا في حفل وضع حجر الأساس للمدارس ،، كما تم تجهيز أكثر من فرقة شعبية في الشيحانية تمثل أقاليم السودان المختلفة من رقصات شعبية وفن الدوبيت وشعر الحماس الوطني وقد سررنا جداً خلال زيارتنا لهم الخميس الماضي في معية سعادة السفير إبراهيم عبدالله فقيري عندما استمعنا لنماذج يقشعر لها البدن من أهلنا الجعليين والشكرية والهدندوة والرشايدة والبقارة وغيرهم من أبناء السودان العاملين في سباق الهجن بالشحانية ،،وقد أبدوا استعدادهم للمشاركة بالرغم من ظروف عملهم القاسية،، ومن هنا أبشر الجميع ببرنامج شيق يليق وعظمة السودان وأبنائه في كل مكان وأن الدوحة ستكون نقطة انطلاق للإبداع السوداني من وراء البحار.

تحياتي لكم
عبدالرحمن أبوشيبة
أمين أمانة الإعلام بالجالية السودانية
نائب رئيس اللجنة الاعلامية لاحتفالات افتتاح المركز الثقافي السوداني.

المركز ده رئيسه الشوش ، موش؟

والمركز ده ياهو زااااتو القلعتو السفارة من الجالية ؟

موش ؟

والحفلة دي عاملاه السفارة، موش؟

وجايبين فيه شعراء التجاني الحاج موسي (مؤتمر وطني ) والمجتبي (زي صاحبو) ، موش ؟

ويرأسه(بالانابة) عادل التجاني (البكره الجالية) ، لانها سياسية ، (وتحتو)

دكتوره منار حسن عثمان
دكتور ابو الحسن مصطفى سيداحمد
ود.منار
وعثمان بشير

موش؟

ومشارك فيه فلان صاحبي البعرفو ، وكيكي صاحبي التاني؟

موش ؟

ياجماعه السفير ده انقلب وبقي (زول كويس ) ، وديمقراطي ،

ولا انتو (يالناس الفوق ) القلبتو ؟


ولا اكون انا عامل زي اهل الكهف ، ولي كم سنه نايم ، وصحيت وقلت لي بتاع الدكان (عليك الله اديني جبنه بقرشين )

طيب طالما ما الامور كده ،،،،،

انتظروني في البوست الجاي ده

سيناريو الهوان (جالية السجم الديمقراطي) والسفير البعاتي ....الدوحة ....




وبالمناسبة ، ستكون علي شكل قصة ، بها حوار وشخصيات ، يعني ممكن تمثلوها في اركلوجيتكم (ولا شنو ماعارف ) دي ....



الوسطاء يمتنعون

غايتو حاسدكم يالسني شديد وانت عارف
عليش

هههههههه رقم صفر براحة مالك قايم سدارى كدة ......نعم للحوار لا للهدم

اول حاجة رئيسو ما الشوش وحاتك الشوش م ارئيس المهرجان والشوش زى كدة انا الما

عضو دة ......بعدين الناس بتمشى لى قدام والاستاذ عادل التجانى قد يكون لة راى قديم

لكن ان اتينا الى قياس افعالة على ارض الواقع نجد ان احتفال الجالية يوم العيد

كان احداركان نجاحة الاستاذ عادل التجانى وفتح دارة واول من اخبر بالاحتفال وقال لى

بصدر رحب انا تحت امركم والمركز لانجاح الفعالية وكان من عناصر ومفاتيح النجاح

الاساسية للاحتفال.........فلا تغمط الرجل حقة والناس تتحرك ولا تتقوقع ......

بعدين من حقهم زى ما من حقك تجيب ناسك من حقهم يجيبو ناسهم لكن ترك الساحة لهم

ذلك ما اضعف الجركة النضالية فى وجة الطاغوت......نعم هم طواغيت ولكن الحراك

افضل من التقوقع كما اسلفت....(ولان تشعل شمعة خير من ان تلعن الظلام مليون مرة)

انا لست عضوا فى هذا المهرجان ولك ان تشاهد ما تريد ...ولنرى (مبدعيهم) وحواريهم

اما الزبد فيذهب جفاء ويبقى ما ينفع الناس ......اصلا هذا المهرجان موجة لغير

السودانيين كما اعلم وهو اسبوع ثقافى متبادل بين دولتين وتمويلة من المجلس الوطنى

للثقافة والفنون .......موجة للقطرييين والعرب داخل الدوحة لعكس الثقافة السودانية

لى ماخذ كثيرة على الاختيار لكن العقلية الشمولية هى العقلية الشمولية ...

فقل لى زى ما حكى واحد من عتاولة متنفذيهم هنا لمن اعترض الناس علىالاسماء

قال يعنى نجيب ناس يعارضونا ويبقو ضدنا ..زهكذا تفكيرهم ...لكن ما هو المضاد

ان نقف مكتوفى الايدى ام نتحرك لرمى حجر فى هذة البركة الساكنة دعوهم يفعلون

وقيمو التجربة واستفيدو منها هكذا صارو يعملون ونحن اصحاب النظرية نسينا

ان نفعل ذلك ...........................................

لك ودى اخ معتصم والتحية ونعم للحوار لا للهدم

يا سماء الإبداع
ومعنى الفرح
محمد السني
هكذا انت دائما تفرحنا
فلك الود كيفما كنت

أحمد العربي
محبتي ومودتي
الأيام دي أخوانك التشكيليين
أخر همة ونشاط لعمل معرض جماعي
سوف ننشر صوره وكل التفاصيل
في الأيام الجاية تابع معانل

Quote: نعم للحوار لا للهدم

يا زول هدم شنو ؟ انت مالك يا ناس الجالية ، بقيتوا كيزان اكثر من الكيزان ،،،، بالمناسبة انت والسكرتير العام ستلعبون دور البطولة في (سيناريو الهوان )

Quote: بعدين الناس بتمشى لى قدام والاستاذ عادل التجانى قد يكون لة راى قديم

مشيتكم لي قدام دي نزار قباني سماها الهرولة زمااان .... عارف يا عمر انا جني وجن التبريرات الغير منطقية ، قال قدام قال ، يازول والله انتو راجعين ورا بسرعة البرق ، عارف ليه ، لان السفارة (وناسها ) اصلا ورا .....

عادل التجاني انا بعرفوا تماما ، وعارف اسهاماتو ، لكن انا اتكلم عن موقفه عن الجالية (السياسية) .... وكلنا
يعرف عادل واسهاماتو علي كافة الاصعدة ، ولعل اخرها مشاركته في الندوة الشعرية التي اقامتها الجالية ... ..

Quote: فلا تغمط الرجل حقة والناس تتحرك ولا تتقوقع ......

يازول منو النال من مجهود عادل التجاني ، انت ما قريت كلامي ولا شنو ،،،، بعدين شنو ما تتقوقع دي ، ده كلام شنو ده ، انت عارف كلام مثل (عدم التقوقع ) ، والمشاركة الايجابية ، دي الخلتكم تهونوا نفسكم ،،، لدرجة انو السفيير كل يوم بديكم علقة (مرة المركز الثقافي ، ومرة الخمسة ريال ، القال امام اكثر من الف شخص باننا ندعم بيها المحتاجين ، وخير دليل هو دعمها لحفلتكم بتاعت العيد ،،،،

عمر عليك الله ما تقدني بالكلام المابغشني ولا بقنعك انت زاااتو .... ، اغايتوا الدينا دي بقت عجيبة ،،، عارف والله لو استمريتوا بطريقتكم دي (اعني لجنة الجالية) ، بكرة ح تجيبوا لينا (محمد بشير ) رئيس للجالية ، وطبعا ممكنوا تقولوا والله نحن نسعي للانفتاح علي الآخر ، ولا مزيد من التقوقع والانطوائية .... لكن عشان ما احرق راويتي المنتظرة (سيناريو الهوان).... اصبروا...

Quote: ان نقف مكتوفى الايدى ام نتحرك لرمى حجر فى هذة البركة الساكنة دعوهم يفعلون وقيمو التجربة واستفيدو منها هكذا صارو يعملون ونحن اصحاب النظرية نسينا ان نفعل ذلك ...........................................

لا وبكل بساطة اعملوا برنامجكم الوطني ، وستجدون منا الدعم ..... ولكن ان يشارك سكرتير الجالية ، واعضاء اللجنة التنفيذيه في هذه نشاطات(المؤتمرية الوطنية) فهذه مصيبة ,,,,وان تصبحوا تابعين للسفارة فالمصيبة اكبر ،
يا ناس انتو نزلتوا الانتخابات ليه اذا ما كنتم قادرين علي الالتزام بالمواقف الصاح ؟....

Quote: ونعم للحوار لا للهدم

يازول شايفني شايل فاسي ولا شنو .... هذه نقاط ، انا كمناصر للجالية الديمقراطي كنت اتوقع منها مواقف اكثر قوة ، لكن كل يوم اراك (تهرولون ، وتخسرون ) .....

والله انا كنت قايل مشرحنا (مقعد المحاسبين ) هو الوحيد الشاذ عن القاعدة ، لكن يبدو هو القاعدة ....

الا خ معتصم لك الود والتقدير

اقرا كلامى فى سياقة العام ولا تجتزء الاشياء

لك ودى يحق لك ان تصنف الناس ما شئت فذلك لن يحول من الحقيقة

اانا قلت كان راى مسبق لعادل لكنة تحرك خطوات الى الامام حين تبين لة المستور

لا جديد اقولة لك هنا حتى لا اقحم بوست الاخ السنى فى متاهات اخرى

نعم للحوار الهادفالبناء.................لا

طـــق خااااص


الوريف / محمد السني دفع الله


متاكدين بانكم حتخلو اي زول يمر عليكم " معطون" بالابداع السوداني


كيف لا وانت .. انت


والله " الدوحة" ستحتلها رائحتكم " اسبوعا " من " الزنجبيل "


مودتي

خالد ماسا
يافريد
معاكم بي قلوبنا
يوم الثلاثاء
شكرا لمرورك
محبتي

الاستاذ السني

فرقة البالمبو بكل اشكالها وتسمياتها وتفرعاتها وجه تاني لعملة واحدة قديمة قدم التاريخ هي فرقة الفنون الشعبية السودانية بس بصورة مختلفة شوية
وبرضو الناس ملت من سماع اغاني الرطانة ورقصات الكمبلا والناس اللابسة قرون واعتقد خلاص ثبتناها في اذهان الغير انه السودان كله عبارة عن ناس لابسة قرون وبترطن
نحنا بصراحة دايرين ناس تانية خالص ناس تقول انه السودان افريقي - عربي يعني دايرين ناس غناها يتفهم والحانها تطرب الغير ديل اللي نحنا عاملين النشاط ده وسطهم وفي ارضهم والجاليات التانية تعرف شي جديد عن السودان
كفاية انه عندي زميلة قطرية سألتني (انتو في السودان عندكم مدن ؟ عندكم اسواق ؟ صحي الفيلة بتحوم وسط الشوارع في السودان ؟)
وزميلة تانية كانت راكبة معاي في العربية شغلت ليها الكاشف مافهمت كلمة منو ولما شغلت عقد الجلاد قالت لي وين الاسطوانة العربية دي من قبيل ؟ ليش ما شغلتيها ؟ يا دوب فهمت واعجبت جدا باغانيهم وموسيقاهم
بعدين كل الانشطة الثقافية السابقة شارك فيها فرق سودانية كانت على شاكلة البالمبو والفنون الشعبية

تخريمة
اللجان دي اتعملت متين وكيف ووين ؟؟؟؟ وين الاعلانات ؟؟؟؟؟ ولا زي كل مرة يا جالية السرور نسمع بالاحداث بعد انتهائها بشهر

شادية الطيب
تحياتي وتقديري
كلامك طيب وغيرتك بتقديم الفن الجميل
من حقك
كيف عايزة فن عربي وإفريقي وانت بتقولي فترت من القرون والرطانة
ماتنسي المهرجان بشوفوه مقيمين من عرب وعجم وبشم المهم عندي إحسو فنوننا
ولا يفهموها لوجانا مهرجان غريغيزي ولاهندي ما بنفهم لغتهم ولا دلالات طقوسهم
ولكن نطرب لمويسقاهم الخماسية ولرقصاتهم المعقدة جدا في حرفيتها
الفرق كبي بين فرقة الفنون الشعبية ونجوم البالينمبو
فرقة الفنون الشعبية فرقة راقصة تعتمد على الرقص بخلفية موسيقية اوإيقاعبة
او غنائية
المهم الرقص بأنواعه وهذه فرقة لاتمل وله العديد من الرقصات الجديدة
البالينمبو فرقة غنائية فيها الكلام البتقولي عن التنوع الغنائي
فيها اغاني بالعربي والرطانة والرقص فيها خلفية تعبيرية
وانت ماشي بعيد ليه ما في ناس في مصر بفتكرو ان النيل بدونا ليهو
يعني نابع من مصر وبكب في البحيرات ؟؟؟!!

مهرجان الحالية أخر شهر 12
ده اسبوع ثقافي من السودان
بفعاليات من الدوحة والسودان
\ حتى نتحرك لفعاليات مستمرة
لوجود مركز ثقافي سوداني بالدوحة
شكرا لدعمك وتواصلك معنا

تخريمة
اللجان دي اتعملت متين وكيف ووين ؟؟؟؟ وين الاعلانات ؟؟؟؟؟ ولا زي كل مرة يا جالية السرور نسمع بالاحداث بعد انتهائها بشهر
الكلام الفوق دة اقتباس من الاخت شادية

واللة يا اخت شادية المهرجان دة ما حق الجالية دة تبادل ثقافى بين حكومة السودان ممثلة فى السفارة وبين الحكومة القطرية

السفارة هى المحلرك الرئيسى للموضوع الجالية ما عندها دور لا فى اختيار البرامج ولا اختيار المشاركين ولا الفقرات

ارقدى عافية الجالية ستقيم مهرجانها اواخر ديسمبر ان شا اللة ونشوف البحصل شنو للو قت داك

اتمنى اكون شرحت ليك الفكرة العامة

الاستاذ عمر سعد

اسفة بس المواجع كتييييييييييرة - مثلا:
قناة السودان(المذيعات / البرامج الكلها كلام في كلام / الدراما السودانية ) - الكورة السودانية(الهلال / المريخ ) - التمثيل الخارجي للسودان سواء فرق فنية او رياضية(من حيث التواجد من عدمه والمحسوبيات ) - التعليم ومستوى المدارس (كله بقى بالقروش ) - الجامعات وما يحدث فيها تعليميا واجتماعيا(دي اكتر من اني اوردها هنا)

تعديل إملائي

Quote: الا خ معتصم لك الود والتقدير اقرا كلامى فى سياقة العام ولا تجتزء الاشياء لك ودى يحق لك ان تصنف الناس ما شئت فذلك لن يحول من الحقيقة اانا قلت كان راى مسبق لعادل لكنة تحرك خطوات الى الامام حين تبين لة المستور لا جديد اقولة لك هنا حتى لا اقحم بوست الاخ السنى فى متاهات اخرى نعم للحوار الهادفالبناء.................لا

يازول سياق شنو ، كلامك واضح ، وردي اوضح ،،،،

عارف اسوأ حاجة في الطرف الآخر في اي نقاش هو محاولة النيل من الطرف الآخر بدلا من مناقشته ، يعني انا طرحت نقاط ، جيت انت (توش رديت علي ) ، بكلام (هدم ، وحوار هادف ) ، تري ماذا في كلامي هذا يمكنك ان تعتبره هايف ،،، او (غير هادف)....

والآن تأتي وتقول لي (انك لن تتداخل ) طيب قبيل الدخلك شنو ... ما اعضاء اللجنة في المنبر في غيرك ، ليه رديت ؟؟؟

كان من الاول تقول لي نفسك مافي داعي ادخل بوست السني في متاهات اخري ، وتسكت او حتي تتصل علي .....

والله جالية تجيب القلب للناس ...........................

مبروك عليكم السفارة ، تشبعوا بيها

رقم صفر كلامة واضح واسئلة تحتاح لاجابة
نرجو بهدوء توضيح الاجوبة لمن يملك المعلومات
________________________________

سمعنا من قبل ان تفوز الجالية الحالية بان هنالك (من خلال اتفاقيات
التبادل الثقافى)سيفتح مركز ثقافى يتبع للجالية السودانية اكرر للجالية
وليس السفارة
والان نسمع شى اخر ... ارجو التوضيح ؟؟؟
والان لمن يتبع المركز الثقافى الذى نود الاحتفال بة ؟؟؟
وهل تمت استشارة الجالية فى هذة التبعية ؟؟؟
هل تمت مناقشة بنود الاسس الادارية لادارة المركز الثقافى مع ممثلينا فى الجالية ؟؟؟
وكيف سيدار هذا المركز بعد انتهاء فعاليات الافتتاح وعلى اى اسس وهل للجالية دور فى
ادارة هذا المركز ام تخضع الجالية لانتظار الموافقة لاى نشاط يخص الجالية ؟؟؟
وهل اللجنة الحالية ينتهى دورها بافتتاح المركز ؟؟؟
للفائدة العامة نرجو توضيح هذة الاستفسارات

الاخ معاوية حمد للة على السلامة

سؤال برضو داير ليهو اجابة بهدؤ كدة

هل دفعت اشتراكك فى الجالية ؟ وايضا رقم صفر؟

Quote: سؤال برضو داير ليهو اجابة بهدؤ كدة هل دفعت اشتراكك فى الجالية ؟ وايضا رقم صفر؟

عارف يا عمر سعد ، عشان كلامك (الغير مؤسسي) ده، والبشبه كلام الكيزان ، خلقوا ما يسمي بالمتحدث الاعلامي ، عشان ما يهرجل زول زي هرجلتك دي ....

الامر ليس ان تمسك علي نقطة وان امسك عليك اخري ، اسع عليك دخل الاشتراك للجالية والكلام القالوا معاوية وشخصي شنو ؟

عارف الزول لمن يغلبوا يقول كلام منطقي بمشي لاماكن اخري ويحاول يبعد النقاش عن النقطة الاساسية ، بفتح نقاط ليس لها دخل في النقاش الحاصل ، يعني يشتت ذهن الناس ،،، لكن انت ما حريف زي الكيزان ، ونحن ما اغبياء ...

اذا لم تستطع الرد علي نقاطي اعلاه ، احسن ليك تسكت .... لكن تحاول فتح نقاش لا اساس له ، فهذا دليل العجز لا اكثر ولا اقل .....

اقول لك ياعمر سعد ، انا انتمي للجالية اكثر منك ، ومعاوية الطيب ينتمي لها اكثر ، فنحن اللذين بذلنا الجهد من اجل الفوز (وليس انت) .... ونحن اشتغلنا مع كل اللجان ، وليس انت ... واذا كان عضويتك في اللجنة -تظن- انها تجعلك اكثر انتماء فهذا خبل في التفكير ليس الا... كنا نتمني ان نكون داعمين للجالية بكل ما نملك من مال و جهد ، ولكن تخبطاتكم (جميعا) دون فرز اصابت الانسان بالطمام ,,, فخلال خبرتي المتواضعه جدا في العمل السياسي والتطوعي ، لم اجد مجموعه تتخبط مثلما تفعلون ، لم اجد مجموعه (استمرأت ) اتخاذ القرارات الخطأ مثلما تفعلون ... لم اجد مجموعه تتميز بهذا الانسجام والاشتراك في التصرفات والقرارات الخطا مثلكم ... يازول والله الجالية دي لو فازوا بيها الكيزان احسن ....

بس انت ما قلت خليت البوست ده (عشان ما يخش في متاهات اخري ) ، ام قرارك هذا مثلما قرارات لجنتكم ....

سلام محمد ود أبوي ..
نفسي كنت أكون معاكم ..


بالتوفيق إن شاء الله ..

معتصم دفع الله
أخوي الحنين
ليك السلام واتمنى تكون بلغت العافية
يا اخوي فرحتنا كبيرة هذه الأيام
نسبة لفعاليات الإسبوع الثقافي
وطبعا كان كتبتب انو الأفراح متواصلة
بفعاليه شهر 12 لكن نما الى علمي
بأنها ربما تكون في بداية العام
والفكرة تحت الدراسة لعمل مهرجان
ثقافي رياضي أعياد الإستقلال
يعني بوظت للناس المفاجأة بتاعتهم !!
وكده بقول انو بقى عندنا وقت
ماهل لعمل بروفات المسرحيات الجديدة
لانو ظروف مجموعة العمل صعبة جدا
ووقتها مع الدوامين ( طنبجة )
ورونو ناس المسرح عندكم في الرياض تجربتهم كيف مع البروفات
شكرا لمررورك وتابع معنا الفعاليات
برضو في غضون الأيام القادمة سوف ينطلق
مهرجان المسرح الشبابي الخليجي
وفيهو عروض مميزة من دول الخليج
والدعوة عامة لمحبي المسرح
والتجارب الجديدة
وسوف يكون بمسرح قطر الوطني
مودتي

ألف مرحب
عاش السني دفع الله
ليعطر أيامنا في الغربة بإبداعه
وليكون فاكهة لمجتمعنا في الدوحة


لي قدام


نورالدين

نصرالدين يليكر بدري
ن ب ب
مشكده احسن
وبعدين تحت ماضي لينا
نـور الدين
كيف دي
بس اشرحه لينا
لكن ليكم علينا
نقدم فنون سودانوية
نقد فنون متنوعة ومتعددة لوطن واحد
لك الشكر والمودة

Quote: سمعنا من قبل ان تفوز الجالية الحالية بان هنالك (من خلال اتفاقيات التبادل الثقافى)سيفتح مركز ثقافى يتبع للجالية السودانية اكرر للجالية وليس السفارة والان نسمع شى اخر ... ارجو التوضيح ؟؟؟ والان لمن يتبع المركز الثقافى الذى نود الاحتفال بة ؟؟؟ وهل تمت استشارة الجالية فى هذة التبعية ؟؟؟ هل تمت مناقشة بنود الاسس الادارية لادارة المركز الثقافى مع ممثلينا فى الجالية ؟؟؟ وكيف سيدار هذا المركز بعد انتهاء فعاليات الافتتاح وعلى اى اسس وهل للجالية دور فى ادارة هذا المركز ام تخضع الجالية لانتظار الموافقة لاى نشاط يخص الجالية ؟؟؟ وهل اللجنة الحالية ينتهى دورها بافتتاح المركز ؟؟؟ للفائدة العامة نرجو توضيح هذة الاستفسارات

يا معاوية

الجالية زاتها ، بكل من فيها (من رئيسها ، حتي عمر سعد البتفاصح ده ) اصبحوا تابعين للسفارة ، وبالذات للسفير ظاااتو ،،، وما حدث يوم الاحتفال بتاع عيد الفطر من تلاسن بين رئيس الجالية والسفير (والتي اداهم ليها السفير صايمة) ما حدث ذاك اليوم ماهي الا فرفرة ذبيح ، يعني الموضوع كلوا مسأل يومين وتعلن:

جالية السجم الديمقراطي استسلامها للسفير البعاتي

Quote: سمعنا من قبل ان تفوز الجالية الحالية بان هنالك (من خلال اتفاقيات التبادل الثقافى)سيفتح مركز ثقافى يتبع للجالية السودانية اكرر للجالية وليس السفارة والان نسمع شى اخر ... ارجو التوضيح ؟؟؟ والان لمن يتبع المركز الثقافى الذى نود الاحتفال بة ؟؟؟ وهل تمت استشارة الجالية فى هذة التبعية ؟؟؟ هل تمت مناقشة بنود الاسس الادارية لادارة المركز الثقافى مع ممثلينا فى الجالية ؟؟؟ وكيف سيدار هذا المركز بعد انتهاء فعاليات الافتتاح وعلى اى اسس وهل للجالية دور فى ادارة هذا المركز ام تخضع الجالية لانتظار الموافقة لاى نشاط يخص الجالية ؟؟؟ وهل اللجنة الحالية ينتهى دورها بافتتاح المركز ؟؟؟ للفائدة العامة نرجو توضيح هذة الاستفسارات

يا معاوية

الجالية زاتها ، بكل من فيها (من رئيسها ، حتي عمر سعد البتفاصح ده ) اصبحوا تابعين للسفارة ، وبالذات للسفير ظاااتو ،،، وما حدث يوم الاحتفال بتاع عيد الفطر من تلاسن بين رئيس الجالية والسفير (والتي اداهم ليها السفير صايمة) ما حدث ذاك اليوم ماهي الا فرفرة ذبيح ، يعني الموضوع كلوا مسأل يومين وتعلن:

جالية السجم الديمقراطي استسلامها للسفير البعاتي

سني دفع الله
بالتوفيق
لكن عندي كم سؤال كده ؟
يعني هل ممكن ناس رميلة و كيكي ديل انجحوا ؟
وهل لديهم مقومات التمثيل ؟ وبعدين زاتو مقومات التمثيل دي هي شنو ؟
هل الواحد يحفظ النص و يقوم يمثل ؟