دعـــوة

السني اخوي احسن ليك تفرز الدعوة لمنو بالظبط ؟؟؟
لو كانت لي انا فلازم ترسل لي تذكرة سفر وكده


اتمني لكم من صميم قلبي التوفيق والسداد
ما أعظم الفنون والفنانين يا وجيه انتا

هاشم الشاعر الفنان
لو قلت الكلام ده قبل يومين بس
كان رسلنا ليك تذكرتين مش واحدة
وكنا عملنا ليك برنامج مصاحب
اشعار وكده
لكن كفاية مشاعرك
مودتي وبركة في طلتك
محبتي

مرحبا بكم في المعرض الجماعي الأول للفنانيين التشكيليين
بالدوحة . لكل المهتمين بالفنون من مقيمين بالدوحة
حضورهذا الحدث الفني الكبير ..
بمناسبة مرور سنة على إفتتاح الموقع الأسفيري
ملتفى التشكيليين السودانيين
مرحبا بكم
مساء الأثنين 7/4/2008
بدار الجمعية القطرية للتشكيليين
الســــاعة الســــادســـة مـٍســــاء

خساره ما بقدر احضر في المواعيد دي

منى خوجلي
النشاط الجميل والجمال النشط
ايه رايك برضو في نهاية الأسبوع
في دعوة تانية تجي تحصليها
تابعي معانا
الدوحة هذه الأيام
مجموعة من النشاطات
مرحب بيك والدعوة مفتوحة
مودتي

السنى ,, مساك الله بالخير ,,


دى فرصه عظيمه جدا لابراز الفن التشكيلى السودانى فى دولة قطر .
خاصة وان هنالك عدد كبير من التشكيليين السودانيين بدولة قطر .




لك الشكر أخى السنى , وسوف نعمم الدعوه ,,

كمال ام درمان
عارف انت انو الأسبوع ده
إسبوع الفنون
همتك معانا
الدعوة تصل كل الناس الحلوة
ومرحب بيكم
اهل السودان وضيوفهم

**
*

شكرا ياسنى الدعوة مقبولة..
احيكم واحى تجمع التشكليين السودانيين بالدوحة..
(ملتقى التشكليين السودانيين بالدوحة)
احى عبركم الجمعية القطرية للفنون التشكيلية..
واهديكم برشور الجمعية التشكيلية السودانية..
فى اخر معرض احضره لها بدعوة كريمة من الاستاذ
سليمان جاد اللة العريفي ..
نرجو همتكم وايفائنا بتفاصيل المعرض والصور ماستطعتم الية سبيلا..
ودى..












*
**

مرحب بيك اسماعيل المخرج الفنان
والمنى ان تكون بيننا
لكن نصلك نحن
كانت الفكرة قد نبعت في الدوحة
كنا نلتقي مجموعة من الفنانيين كل جمعة في بيت
نناقش موضوع فني ، ومن خلال هذا التجمع تم تكوين ملتقى التشكيليين
وكانت مساهمتي ورقة عن السينوغرافيا
وتطورت الفكرة لعمل موقع في الإنترنت
وفي الطريق الموقع الثاني
اطفال السودان
وموقع الفنون الدرامية
ســــودانوي
سنقوم بتغطية المناسبة
قيديو وصوت واسييفيريا
تابع معنا ولك المحبة والمودة

15 فنان
وفنانتنان
يشاركون في هذا المعرض
الجمعية القطرية للفنون التشكيلية
بحي كليب
جوار مركز شباب الدوحة السابق
وبالقرب من المدرسة الأنجليزية
نتوقع حضوركم الجميل
لدعم الفنون السودانية ...

مرحب بكم فب المعرض الأول
فلنتقدم لمشاهدة
فنون متنوعة ..

فلنهتم بأقتناء لوحات لفنانينا
ولنزين جدران منازلنا بفنون سودانية خالصة
الأصل ابقى من كل فن مقلد
ونعلم اطفالنا كيف يكون الفن جزء من حياتهم
مودتي

شـــكرن ســني ياجمــيل

شكرن نور الهادي
ليفتح لك الرحمن
ثغرة للضوء
لتنير لنا الدرب
بفنك الخالد ...

تحت راكوبة
النسيم اهفهف فيها
وهاك يامقيل
ونحن في حضرة الوطن
نتنسم نسام فنون بلادي
من كل حتة
لوحة
ومن كل بقعة من بلادي
فنان...

ولي عودة
لتنزل بقية البرشور
تصميم الاخ /الفنان/ محجوب بابكر

لكم التوفيق
وأنتم تحملون
وتعكسون
وجه السودان المشرق

بلة مرورك يضيف لوحة أخرى

راحة
لنواصل اعضاء المعرض
اقدم لكم زخرفية من البلد الذي يعرض فيه
فنانون الملتقى ...

**
*

السنى اخوى..
الراحه براحه
ماتششت الموضوع
زخرفية ناس بلدك ..
دى براه موضوع ..
نجيك لية برواقة..
ونحكى عن زمن الشملة
شملة كنيزه الواسعه
فى بلادنا وحسناء السباتة..
ودى



*
**

كلامك صاح ياس معه
اسماعيل الفنان
الزخرف الذي يعرف
بالســــدو
فن جميل
ليهو زخارفو المميزة زي البروش عندنا
وهوفن عريق في المنطقة
بنجيهو بالرواقة وبصنعوه النسوان ..

منى خوجلي أريتك
كان طعم اللون بزيد بهار

سنسوني !!!

أرجاني أمشي الكوفير وأغشى الحنانة وأجيكم!!!

قصرت معاكم ؟؟

اختي عواطف جيتك بالدنيا
تب ما قصرت معانا
مرحب بيك
واي لوحة تعجبك من المعرض بنحجزه ليك
بس تدقغي بالعملة الصعبة جدا
قصرنا معاك ؟؟

كلامك سني مافيو زيادة تب
وحرم التقولو كلو يمشي
بس
ياعواطف حكاية الكوفير دي أنا ما معاها
تقومي تطفي لينا معرضنا ساكت
تعالي كدا سااي وبعد دا برضو ربك يستر

مجموعة نتمنى لها كل تقدم وإزدهار
متعة وجمال وتفرد متناغم
للون والخط والضوء

شكرا حبيبنا محمد السني علي نشاطكم العالي القيم
===========
انت شخصيا مطالب باشراكي في
مهرجان الدوحة الموسيقي القادم
لا آعلم متي يكون
ربنا يحيينا
كل الحب

[IMG]http://6arab.com/news/images/19505majdab.gif[/IMG
في كل عام يستضيف مهرجان الدوحة الثقافي عددا كم الفنانيين
وهذا العام كان ضيفا على الدوحة
الفنان ديمبيس روسس
وكان المهرجان في دوراته ان استضاف
العديد من الفناننين المشهورين وانت ليس بأقل منهم
لماذا لانستيضيقك
ابشر ومرحب بك في كل مهرجانات الدنيا
مودتي

وين عربي .. !!!



ياااااااااااااااااا


عربي .....

انت قصدك احمد الغربي الفنان
ده في الأمارات
لكن قلبو معانا
وفنو معانا
وانت وهو في روحنا ودمنا
مودتي

السنى سلام


ومربع

ومبروك دائما
للتشكيليين
اينما حلوا واقاموا


فالسودان الان
ينادى لنداء

هو صوت جديد ...
للاسف متأخرا
للفن والاستقامة
وبعث المفاهيم الجديدة
والتى تدعو

بان الفن
مدخل لحياتنا


وله قدرةالتغيير
والتعبير والاضافة

فالسياسيون
سقطوا
واورثونا
الحرب والفقر
والقبلية
واكثر من ذلك
سقما
يصعب شفاؤه



( واخاف الطريق
الما بودى ليك)



قالها محجوب شريف
منذ دهر

وهاهم
التشكيليون
جمعيات واتحادات
وجماعات
ومدارس
وقصص
فيها التنصل
ورما خبيثا
نما وترعرع





ويفركون البامية فى وضح النهار


وتاريخ قديم
ولا دارا لهم
ولا كشك
يلمهم
هى الحقيقة
والمسكوت عنها


واى ظلام اكثر من هذا




وحليل عمر خيرى
والتلقائية
واحمد الطيب زين العابدين
والسودانوية



والان نحتاج
لكل شىء





و للمثل القائل
( اطعن فى الفيل لا ..... )






وكفى






او ننتظر معجزة السماء
ــــــــــــــــــــــــــــــ
وما خفى اعظم

غايتو كان رسلت لي التزاكر وسبعة ألف ريال كدا مصاريف الطريق
بركب بجيكم

على شرط تجيب معاك
يا لوحات يا ديوان
ونحن علينا البيع
شوف كان ما طلعنا نحن الكسبانيين

وووووين عماد عبد الله في الشغل ده؟


بعدين يا أستاذنا السني


الشغل ده ما ممكن الخال الرائع عماد عبد الله ما يكون فيهو ياخي؟ ... ياخي إنشاء الله يرسل ليكم بالدي

اتش ايه كدة ما عارف ... لا يجوز قطعا القطعة ... اطالب بحضور اعمال المبدع عماد عبد الله ولو باسم

(مشاركة) الراجل ده حفر معاكم هناك لمن آمن ... لازم الناس تخت ليهو على الاقل عمل ... ولا رايكم شنو

يا تشكيليي الدوحة؟

الوفاء لأهل العطاء ... ده إقتراحي لشغل عماد المشارك


-----------------

عماد الفنان النرهف الشفيف
فنان من نوع قريد
وهو هذه الأيام في السودان
ونحن في انتظاره
دعواتكم معنا ليكون معنا
وكل المنى ان يكون له دور كبير مع زملائه
ولكنها الظروف والأسفار
لكنه اكيد قلبه معنا
ولك كل المودة شريف طه
ولعماد المحبة ولكم صورته البهية

أها عربي ده

وعرفنا ما معاكم

العمدة ده ... ما كان معاكم؟

يعني ما عندو أعمال ؟؟؟؟؟

ياخي انا متاكد لازم في شغل شغلين كدة عند صلاح

وهو التشكيلي فرقو من الشاعر شنو؟

ما في اي حتة بيزنقو عمك الملهم داك وبفكها

دور تلقى شغلو

في الدوارات

واليو تيرن

في الشوارع

والبقالات

والـ (لاندري)

في المكاتب

في الصحائف

والوسائط

والفلاشات

الأدوبي

والريش

فتش ... فتش

(والله الليلة بحكها كدة للصباح)


فوووووووووق (على قولت المثنيون على إضغام الغنة بنون - آمين)


وين يا بركات (شايفنك ماشي تسد وردية ... لي بكرة!!)

-

والله جابت الدم يا اشرف
لكن انت شوفت الكتيب الخاص بالمناسبة
انطبع وحتى في هذا الكتاب لوحات للفنان المعز العجيمي ترك لنا لوحاته
ونزل في الكتيب دون صورة
يعني لو كان في لوحات كان نزلت لكن هي جات كده
وفي برضو فنانيين كتار في الدوحة ولكنهم لم يشاركوا
والجايات اكتر من الرايحات
ولك المخبة والمودة

كان كدة نخش المقطم يا أستاذ ... وليك كدة كمية تمنيات بالتوفيق



-

المبدع محمد سنى دفع الله ..

تحياتي لكم وأنتم ترسمون البسمة، الدهشة، والأمل بمستقبل يسع أحلام الجميع

التحية للمبدع السوداني أيين ما حلت به الرحال










__________
اتمنيت لو كنت معاكم!

صديقنا السني

سلامات والشوق بحر

هذا عمل جليل وذكرنا أيام معهد جوته وسيف اللعوتة ومحمد نورين وعفيفي وأحمد الطيب زين العابدين وسفيان
وتلك المعارض السنوية التي كانت تقيمها الكلية ..أتمنى أن تصاحب هذه الفاعليات ندوات عن فن التشكيل السوداني
سواء عن مدرسة الخرطوم أو الكريستالية أو السودانوية التشكيلية التي تدرك عنها الكثير وكنت أحد طلاب أحمد الطيب
النجيبين..

عصام عبد الحفيظ
لك المودة
والمحبة
كل المنى نلتقي في العافية وساحة الفن الرحبة
شكرا على مرورك وعلى دعمك ولك جميل المنى
كان الود ان تكون بيننا
ولكن الجايات اكتر من الرايحات
لك كل الجمال

اشرف طه
لك الحب كلو
ومني اجمل باقة ورد
لي اجمل خال
الفنان عماد عبد الله

قدورة
تحية ومودة
وشكرا جزيلا
لك تحيات مبدعين المعرض
والتحية موصولة لكل مبدعي بلادي

الفنان الضخم الفخم
سنسنة الحبيب

بحاول أكون حاضر
مع إني ورهط من الأصدقاء
مرتبطين بقدة مهمة في نفس الموعد

ونتمنى لغاية بكرة عماد عبدالله يكون وصل الدوحة

صلاح شعيب
الحبيب في البلاد البعيدة
لك صافي المودة
وجميل المنى
ما اجمل ايامنا وسط أجواء الفنون السودانوية
واللحظات العميقة مع الفنان السودانوي
أ. د
احمد الطيب زين العابدين
لك المشاعر الطيبة
وتابع معنا من بكرة تغطية المعرض

ابوساندرا
الرهيب
حضورك يبهجنا
والقدة ملحوقه
والفيكم معروفة
ناس حارة
وبتلحقوا الملهوفه
شوفت الشعر الركيك ده
ما بحلك منو غير حضورك
ومن بدري
اما حكاية عماد عبدالله
من خشمك ولي باب السما
ربنا اجيبو لينا الليلة
فبل باكر
مكانو في الدوحة شاغر
زول الفن الجميل

والفنان الحقيقي
دعواتنا ...

الفنان الراقي محمد سني دفع الله

تقديري وإحترامي عزيزي

غايتو إن كان اللوحة دي في المعرض أنا حاجزها ... لأنني مريخابي ... وكان سعرها غالي أها نتقاسمها أنا وإنت النص بالنص مش إنت داعيني .

كل الشكر والتقدير لك يا جميل على هذه الدعوة الكريمة وهذا العمل الرائع .

مودتي

عماد

استاذنا
ابو الفن والفنون
ياخي والله ما عارف ابدا ليك من وين
لكن يوم داك مشيت ليك تحت الكبري محل كنته قاعد داك
اها قالو لي الزول ده روح
وفي حديث مع بت الحسين قاتلي الزول ده عندو ظرف طارئ ورجع الدوحه
اها المسعله بكت ملخبته والزمن زاتو ابا يتحرك معانا
لكن ليك شوق كتير وبس خليني النفضى كان في الدوحه بجيك
لك والتشاكله الف سلام
وانت في القلب

انت عارف يا أحمد العربي
مافي حل غير نطلع الخلا
كان راجل تعال لي ورا التبلدية دي
يار اجل منتظرك انا واحلام والأشواق يوم الربعاء والخميس
وتجي يوم الجمعة
مواعيد سودانية ظبط ربط
قالو السوداني لو مواعدك الساعة تسعه
تنتظرو لي الساعة حداشر لو ما جا اتناشر
الساعة واحده ممكن تمش
ليك الشوق وراجينك
لابد يوم تجي
محبتي
احمد العربي

عماد محمود
التحية والمودة يا مريخابي
طالما اعلنتها مريختك
وفرحان بيها
نقول ليك مبروك فريقكم الجديد
اتمنى له النصر في افريقيا
واتمنى ان يكون لك مقتنيات من صور المريخ
في فترات نصره
ولك مقتنيات لفنانيين سودانيين
كل الجمال ليك
وهاك يامريخابي زهور محبة مني مريخية

القنان الراقي الجميل محمد السني

Quote: التحية والمودة يا مريخابي

ولك مثلها وأجمل أيها المريخي الجميل .

Quote: طالما اعلنتها مريختك وفرحان بيها

خاااالص ...

Quote: نقول ليك مبروك فريقكم الجديد

الله يبارك فيك وفي عمرك إنشاء الله .

Quote: اتمنى له النصر في افريقيا

آمييين يارب العالمين ، وفي الدوري والكاس المحلي كمان .

Quote: واتمنى ان يكون لك مقتنيات من صور المريخ في فترات نصره

عييييك بالشوالات ... عايز أرسل ليك منهم .

Quote: كل الجمال ليك

وأنت الجمال يا جميل لكم أطربتا وأمتعتنا بفنك الراقي الجميل .

Quote: وهاك يامريخابي زهور محبة مني مريخية

وهدية مقبولة منك وهي تحمل جمال نفسك النقية الزكية .

كل المودة والتقدير والاحترام لك أيها الفنان الكوميدي المبدع .


عماد

الغالي محمد سني

شكرا لك وانت دائما تركض بخيلك الى
حيث الجمال والنور وتمنياتي القلبية
بالتوفيق لجميع التشكيليين المشاركين
وبنجاح المعرض

طيفور يادفعة
ايها الفنان
المحلق بجانب فراشات الحقول
حارس ابواب مملكة الجمال
لك مني المودة صافيها
ومني نقيي المحبة كل الأماني
ونبيل المعنى
دام صفاك ...

هل سنشاهد مثل هذا الفن القادم من افريقيا
ام سنشاهد فنا مغايرا ؟؟؟
مرحبا بكم في المعرض
ملتقى التشكيليين السودانيين

هذا الفن القادم من الشرق
ويعيش في بلاد العرب
هل سنشاهد مثله
في معرضنا
تعالوا وشاهدوا
ملتقة التشكيليين السودانيين

صدقوني ستشاهدون فنا مغايرا
اليوم الساعة السادسة مساء
إفتتاح معرض
ملتقى التشكيليين السودانيين

نماذج من الأقنعة الأفريقية المشهورة
لاتنسوا اليوم إفتتاح
معرض
ملتقى التشكيليين السودانيين ..

استاذنا الجميل
السنى
لتحية عبرك لكل فنانى وطنى من تشكليين ومسرحيين وموسيقيين
واتمنيت لو كنت معاكم لتصيبنا الدهشه والجمال هناك
لكن الجايات اكتر من الجايات

وسلاماتى الى قريبتى احلام وامنياتى بالتوفيق




كن بخير

عبد الخالق عابد
لك التحية والمحبة
ولأهل الشارقة المشرقة محبتي
وصلت التحية لكل فناني بلادي
وطالما جات سيرة قريبتك النوبية
التحية لفنان السودان الأول

هل هناك اجمل من هذا الملك النوبي الأزرق

وما أجمل الملك النوبي الأسود

ما أجمل ملكات النوبة

الفنان الجميل محمد سني دفع الله
الفن التشكيلي ده بصراحة عندي فيهو رأي مش لأنو الفن التشكيلي فيهو عيوب بالعكس العيب في شخصي لأنني راجل لا يفهم في هذا المجال ، والحال كذلك كنت ولا زلت أري الفن لغة بصرية تعتمد في كلياتها على الطبيعة الخارجية كمصدر للأفكار الفنية ، يعني مركب في النيل جداد قدام قطية بنيه ماسكه في توب مزارع شايل طورية ، جدول ضكر يفيض بالماء شافعه متشعبطه في طرف ثوب أمها في جزارة كلب راقد في ضل حيطه حمار سيد اللبن عتوت بيرضع يعني ده مقياسي لجودة العمل الفني ، تقليد ونقل غاية في الدقة والإتقان والكلام ده بتلقاهو واضح في لوحات هانز هولبين وفرانز هالز وحتى فانسنت فان جوخ لديه الكثير من الأمثلة التي لم تخرج من عباءة التقليد وإستلهام الفكرة من الطبيعة الموجودة أمامه مثل لوحة عباد الشمس الشهيرة ولوحة الحقول المختلفة وغيرها الكثير. وهي أعمال قطعاً لا يستطيع أى ناقد أن يقول أنها كانت خالية من الإبداع لمجرد كونها أعمال تسجيل لحقائق بصرية.
ولذلك نشأت جفوة بيني وبين تذوق الفن التشكيلي الحديث ، وأذكر ذات مرة والممرات كثيرة أن صديقي اللدود المهووس بالفن المملوء به المتشبع به حد الثمالة دعاني لحضور معرض للفن التشكيلي الحديث فقلت متكاسلاً متثاقلاً يا أخي تشكيل شنو ، ده نوع من أنواع الشخبطه واللخبطة خطوط كحلية عليها خطوط خضراء عليها شوية خطوط حمراء وكشحة ربع معلقة شاي صفراء في نص كباية بوهية بنية يقول ليك شوف بالله جمال لوحة القطة لراشيل ديكون ، تقعد تفتش على الكديسة في الصورة كلها لا تلقي كديسه لا كوشة لا راشيل ، ويغالطك يقول ليك يا أخي ما شايف إنت ما بتفهم تقوم تاني تغمض شديد لمن عيونك تدمع وتعضي لسانك وتفتح والحال يا هو نفس الحال.
أنا مقتنع تماماً أن العيب في شخصي أنا وليس في الشخبطة من واقع أن الفنان هو فى الأصل إنسان لديه مشاعر ووجدان وردود أفعال ومواقف متباينة وبالضرورة يعتمد على ذاتيته فى التعبير والإبداع الفنى فى الفن التشكيلى وبالتالي أصبحت اللوحة فكرة إنطباعية بعد أن كانت لقطة واقعية وده المجنن بوبي ، وبرغم كل هذه القناعات ومصادقتي المستمرة لصديقي اللدود برضو ما قدرت أشوف في كل هذه الإبداعات غير شخبطه ولخبطه لا أكثر وبرضو بقول شوفي أكيد لا يتعدي أرنبة أنفي عشان كده الشوف ظلمني أكيد.
ده كلو هين يا أستاذ يا فنان يا محمد سني دفع الله ، أها الرسومات القادننا بيها الأيام دي تقول فيها شنو دولفين يرسم وفيل يرسم وقرد يرسم يا سني يا أخوي أظن الجماعة غلبهم اليعملوهو ، فلو قلنا اللوحة التشكيلية التي يرسمها الإنسان المشخبطة ديك هي في الأساس مضمون فكري ووجداني يظهر في مخيلة الفنان ، يعني نظام منطق إدارك كلي وكده ، أها الدولفين والفيل أب زلومة والتور أب جاعورة والقرد أبو جاكيته حمراء ديل وجدانهم وأفكارهم نفهمها كيف وهم ذاتهم بقدروا يترجموها لينا كيف ؟

عمر الملا
جاييك بالمهلا
يا احب الحبايب
ليك شوق ما ليه حد

بقول فيها انها دي ظواهر ونوادر
الفيل ابوزلومة لو قلب الهوبه ياهو فيل
والقرد لو رسم المونو ليزا او رقص رقصة الككوو
ياهو ككوو
الفن يحتاج الى وعي
وكل القرود والأفيال
وكل ككو بطلع جبلو
انت عارف انو الأن هناك انواع من التدريب تتطورت يمكن ان تجعل من الحيوان يعزف نغمة
يرسم خطوط او شخبطات ..
ولكن ولا واحد فيهم يقدر يؤلف نغمة ولايرسم رأيو
الوعي الوعي
وانت ياصديقي فنان في كل لفته وكل خلجة من خلجات تنفسك
انظر للجمال من حولك
تجد نفسك انت الجمال
محبتي

اهو بتتكلم عن الأفيال والقرود
طلع ليك أسد..كده كويس ؟؟؟

فبل ان نفتتح المعرض
اللحظات الأخيرة
فلنفتح ابواب المعرض لكل الدنيا..

سعادة السفير ـ السيد ابراهيم فقيري سفير السودان
سعادة السفير ـ عبد العزيز محمد داود سفير مصر
سعادة الشيخ فيصل بن قاسم آل ثاني ـ الرئيس الفخري للجمعية القطرية للفنون التشكيلية
وإفتتاح المعرض الأول لملتقى التكيليين السودانيين...

جولة في المعرض
الف مبروك الملتقى الأول

بهجة وفرحة
فكرة
ثم جماعة
في زمن نتشرزم فيه
نجتمع بقوة...

في هذا المقر الجميل الذي يدعم كل الفنانيين المقيميين
قدمنا معرضنا الأول ..



فبل إفتتاح المعرض تم تقديم مؤتمر تحدث في
الدكتور النور حمد
استاذ نور الهادي
استاذ إسلام كامل
أدار المؤتمر الفنان القطري
محمد عتيق
التشكيلي المتفرد ..

ابوي في الكتيب جابو صورتو
وانا ابوي برضو


شايفين نفس طريقتي البعمل بيها البقر

الأخ الأستاذ محمد السنى،

تحية وتقدير للكتابه عن هذه الفعاليه،
والتقدير لدعمك المتواصل للتشكيل والتشكيليين.

تهانينا لنجاح المعرض وتحياتى لكل الزملاء المشاركين فى هذا المعرض ومزيد من النجاح.

التحية والتقدير لصاحب البوست الراقي .

والتحية موصولة للفنانيين التشكيلين الرائعين .


مودتي

عماد

عماد
مبروك صعودكم يا مريخاب
لك المودة والف تحية
المنى بحضورك
لكن الجايات اكتر من الرايحات

الفنان خالد كودي
التحية والتقدير
والمحبة الدايمة
المنى ان نلتقي
هناك مخطط لحضور عدد مقدر من فنانيي بلادنا في المهجر
لمزيد من التواصل وتلاقح الأفكار والإستفادة من تجاربهم الثرية
نتمنى ان نراك بيننا العام القادم او قبل ذالك
اقدم لك اول من فكر
الفنان محمد حسن هارون


اول من فتح بيته للمة الأصحاب كل جمعةونور طريق الفن
نور الهادي ـ محمد يوسف ..

يتحرك نحو اللمسات الأخيرة د. طه العطا
ومحبة

الفنان هيثم الطيب ابو الحاسوب وام احمد رباب ام الصحافة والإعلام


فنانين بين ابو التصوير الفوتوغرافي ـ شوقي الجمل ابو المصورين
والفنان الغرافيكي محجوب مهندس الملتقيات

معهم صديق الفنون والتشكيليين
ود رملية

السني الفنان

مشكور علي الدعوة الكريمة وان شاء الله حنلبيها

ومعنا الأطفال لنبذر فيهم بذور هذا الفن الجميل ان استطعنا الي ذلك سبيلا.

شكرا يا جميل

دائما انت في المقدمة
ودائما تعلم الأطفال الجمال
وتعلمهم كيف يحفظوا تراث الأجداد
وكيف يحبوا الوطن
لكم جميل انت ايها الســوداني


مودتي ونراك اليوم باذن الرحمن

الاستاذ المفخرة محمد سني
لك التحية
ياخ في اوربا والدول المتقدمة الناس بترسل الدعوات ومعاها التذاكر .. ( وش جادي )
خارج الموضوع :
سألتك هناك إن كنت فقدت شيئا يخصك عندما حضرت إلى صحيفة الرأي العام السنة الفاتت ..
ولم تجب .

طلحة الصامد المتعصب
المرة الجاية
بنرسل التذاكر
لكن اجمل حاجة سمعتها أمس من صديقي الزيك
الفنان جعفر سعيد الريح
زيك مريخابي قال لي اجمل حاجة اتكتبت في الجرايد في اليومين الفاتو
من ســــار على طريق الهلال وصــل
مودتي وسوف نلتقي قريبا في الخرطوم
الفطور عليك
سمك وفول
انا على الشطة الحارة

الجمهور منورنا
ابوابنا مفتوحة لكم
طوال الأيام القادمة

صوره من الذكريات

ياجميل الطلة مهدي
لك صور جمعتنا لامكتة لها حنين..

التحية لعابد وعصام علي وياسر تمتامولكم
مودتي

استاذ محمد سنى
زول الملمات
سلام
دعوتك ليها ضل
مقصات الافتتاح تتطاقش .
اريتنا لو كنا معاكم بلدكم ديك
باقى يا سنى بلاد عزيزة بلد فيها روح .
وكمان يا محمد
تفانين الشباب تحكى عن معرض عالمى
الجدارات اترشحت جمال ..
ويديكن العافية .

الاستاذ السني
يازول يازوق تسلم أدخلتنا الحدث

هدية محبة
عثمان موسى
من أعمال الفنان
طـــه العـطـا
المنى ان تكون بيننا
حقيقي البلاد اهلها معجونين بالطيبة
ولهم محبة لآهلنا
ونحن نبادلهم المودة
دام صفانا

ممدوح ابارو
ادخل الحدث بالجد
وليتفضل معاك
الجميع ..مرحبا بكم
في معرض الملتقى الأول ..


من أعمال الفنانة
جــلــيـلـة

من اعمال الفنان
عبد العظيم محجوب


من اعمال الفنان
محمد حسن هارون

من أعمال الفنان
نور الهادي الخضر

من أعمال الفنان
د.المعز العجيمي

الصور المرفقة
من تصوير الفنان
هيثم الطيب

لا حول لا قوة إلا بالله

يا السني: رباب شرف الدين بحالها..لقد فقدنا البوصلة إليها من قبل عقد ويزيد وسألت عنها ودلني ياسر المرضي أنها في قطر ..وكان البحث جااريا عنها ضمن زميلات صحفيات منهن سوسن ناشد ومنال حسن مختار وهيبات الامين..الآن عثرنا على رباب..ويا ريت التلفون يا سني ..وهذه اكبر هدية تقدمها لي..وآمل أن تبحث معي عن الباقيات الصالحات..فكلهن كاتبات وصحفيات .وشكرا لك يا سني مع تحياتي لرباب وتلك الايام الخالدة حيث كانت الصحافة تجمع بيننا عبد الباقي خالد عبيد ومزمل ابوالقاسم وياسر قاسم والمرحوم محجوب محمد احمد وحسن عبد الرحيم وكل الناس الجميليين الذين التقيت بهم يا سني

مع تحياتي

نعم صديقي الصدوق
هي نفسها اختنا رباب
الصحفية الهميمة والإعلامية المطبوعة
رفيقة درب فنانا هيثم الطيب
لك منهم التحايا الطيبة والعميقة
وكل المنى ان تلتقي بكل رفاق دربك
ومنا جميل المنى وعميق المعنى
وتقبل سلام الأبناء أحمد ومحمد هيثم

جيب الفحمه دى ياعادل ,,













السنى ,, حضرنا ولم نجدكم ,, كمال وعادل سالم ,,

عادل
وكمال
اعذرني
الكبير اول
تكتب لي انا بي فحمة
يعني هسي انظف الباب ده كيف
انت اول من عرف وجاي تاني يوم
لكن مقبولة منك
وليك المحبة
وتجي تاني يوم احسن من ما تجي خالص
مثل صيني ساكن في العباسية

صدرك عالي قدرك
ياهذا الهمام


...........

يديك العافية يا السني

شكرا لك خضراء دروبك
وآمـالك زاهية

خضر خليل
ياأيها الخليل الوفي

نواصل المتعة البصرية
ياصحافة 30

اها أعرفوا
الكبير في الجماعة ديل منو؟
(ابوساندرا،يمتنع))
توجد جوائز قيمة
يعلن عنها فيما بعد
أو بعد ا لأرشفة

الأستاذ/ محمد السني
أولاً شكراً علي الدعوة،
ثانياً شاهدتك منذ حوالي الأسبوع في ( الجزيرة هذا الصباح) و أنت تتحدث عن المسرح التفاعلي و المسرح الرقمي حديث العارف المؤهل.
حقيقة كان حضورك رائعاً و حديثك مفيدا خصوصاً لمن يسمعون بالمسرح التفاعلي للمرة الأولي في حياتهم مثلي.
أردت ان أقول لك هذه الكلمات كحق لك علينا،
مع التحية و التقدير
محمد عثمان ابراهيم

محمد عثمان
التحية والمودة
كان المنى ان تكون بيننا
شكرا لكم على هذه الرقة
وكلماتك تطوق فلبي
صديقي محمد
هناك حركات واتجاهات كلها ابدعت واثرت في فناني السودان لانهم كانوا على علاقة وطيدة
بكل التحولات في العالم
كانوا اهل علم وحصافة وذكاء متوقد لم يتركوا العالم يفوتهم
ونحن نحاول ان نصل الى ما وصلوا اليه
دعواتك ربنا افتح لينا ابواب العلم
مازلنا نجهل ابواب المعرفة
دام صفانا