شــان عـيون أطفالنـا مـا تضوق الهـزيـمـة ...

الى :
الفنان جمال حسن سعيد
واعماله في القرى الصديقة
لأطفال المعسكرات البعيدة
التي ادخلت في قلوبهم الفرح العميق...
الى :
الفنان عبد الحكيم الطاهر
الذي عمل في مشروع الألغام
وحماية البشر من التشظي
وحماية الاطفال من بتر اعضائهم
الى الشاعر المرهف :
ابوعسل السيد أحمد
الذي يوحد الناس بأناشيده
ويسعى للسلام
يا صديقي
هي رياح
السلام
تهب من الأصدقاء
صوب القلوب
والوطن
سلام للماجدين
للأصدقاء يرسمون
شموس الحب
والـحـريـة....
سلام ومحبة
شان عيون اطفالنا
ما تضوق الهزيمة

والتحيه لك ايضا استاذ السني

وكل سنه وانت بالف خير
ونحن من جيل اصحاب اصحاب

وتعلمنا منك الكثير

ونتمنى ان يواصلو هؤلاء

الاطفال في التعلم والاستفاده

من مبدعي بلادي

ولهم فائق الود والاحترام

ولك استاذ السني كل الود والتقدير

اخوك او ابنك

راشدابنعوف

الأستاذ الفنان محمد سني دفع الله كل العام وأنت والفن بألف خير ، هذا دور من أدوار الفن الأساسية وجزء من رسالته السامية لهم التحية والتجلة والتقدير ولك الإحترام والنفس الطويل والصبر في تحمل كل المشاق والعقبات وأن تحمل هموم فرضتها عليك إنساتيك وفنك وقلبك الكبير المفعم بالخير والمحبة والتفاؤل والأمل.
أعطني مُربّياً ناجحاً(فنان - أب - حاكم - معلم - إلخ..) , أُعطك شعباً حضارياً ناضج

ما بقي هناك شخص بسماحة محمد سني دفع الله فقطعاً سوف نري ضوء ولو يسير في أكثر الأنفاق قتامة وظلمة

شان مافي طفل يبكي
نتوحد للوطن الكبير
ونحقق السلام الحقيقي
وعـــادل

Quote: شان مافي طفل يبكي نتوحد للوطن الكبير ونحقق السلام الحقيقي وعـــادل

سلام أستاذ محمد

راشد ابونعوف
آصحاب آصحاب
الصداقة الحقيقية
تعلمت منهم الكثير كاموا اطفالا
موهوبين اصحاب جد جد
محمد مدثر محمود هلالي
عاطف جمال الدين
سليمان الحاج سليمان
كانوا اربعة ينضحون جمالا وموهبة
مبدعين اذكياء
تعلمت منهم الصبر وحب الناس
احببتهم كأبنائي
واحبوني كاخ واب كبير
بهم اعتز وافاخر
كانوا يذهبوا معي الى كل الاماكن
المستشفيات للنازحين
للعجايزوالاطفال
شكرا ليك راشد يا اخي وابني الصغير
وكل اطفال السودان بالف خير

Quote: سلام للماجدين للأصدقاء يرسمون شموس الحب والـحـريـة.... سلام ومحبة شان عيون اطفالنا ما تضوق الهزيمة

السني الجميل... كيفك أخوي..

لا زلت أتذوق وأتلذذ (بحسرة)
ذلك اليوم الجميل الذي انقضى سريعاً في مبنى الإذاعة السودانية
ولا يزال طعم سندوتشات الفول التي ضربناها في مكتب الأخت المبدعة سوسن..
بحضور أخونا المخرج الفنان حسب الرسول كمال الدين..
ثم كيف أننا بعدها انطلقنا في زيارة إلى بيت الفنون بتاع طارق الأمين.. (حوش بكري)
وحضورنا لجوانب من بروفات وإبداعات طارق والمجموعة ... ثم ذلك الغداء الشهي..
الحاجات طاعمة خالص في السودان.. ما عارف ليش... لكن أظنك تتفق معاي.. موش؟

ثم يصل بنا الفرح (حسرة) جديدة في أمسية 15/8/2008م ..
يوم أن (قتلنا) حفلة عقد الجلاد في ختام مهرجان الخريف للتشكيليين..
خريف أبو السعن عديل والله..
طربنا ورقصنا..رقصنا كالفراشات..
وفي الكواليس تحدثت بعد عناق طويل مع الأخ الفنان الجميل شمت محمد نور..وقلت ليهو ياخ أنا مسافر باكر..
حا تغنواالإغنية الكاسرة فيني ضلعة دي؟؟
قال لي : الله كيييييييييييييف...؟؟
ويلا قاموا غنوها..
"روّح يابا وأبقى قفاك لا تعاين"... هذه تبكيني كثيراً...

بعدين..
"أختا الرملة ما تقع البكان الهش..
هي الممطورة ما بتبالي من الرش..
الجمرة بتحرق واطيها..
والنعمة بتعرف عاطيها..
بالكيلة عطانا وما لقينا..
فوق جمر خطانا وما لقينا.."...
...
لو صحي غنينا بالدمعة الحزينة..
ما كان حصل الحصل يا السني..
ما كان انتهت تلك اللحظات وولت سراعاً..
لنأخذ (أمجاد من معرض الخرطوم الدولي) بالليل لحدي الجرافة
وسط الرعد والأمطار الغزيرة.. والبيت الماشي أنوم فيهو لا أستطيع تمييزه حتى بالنهار ..
فما بالك بالليل والظلام والبرق والرعد وغزير المطر؟؟

اللهم أجمعنا بمن نحب مرات ومرات ومرات
في سوداننا الجميل..
فردوس الأفئدة المليئة بالحب والجمال..


أشهد الله يا السني إنني أحبك..

الملا عمر
حبيب الجمال
فرحان بيك
وبي طلتك
الباهرة وحبيبة
يا عاشق الجمال
دور الفن نشر الوعي
ونشر الجمال الحق
عارف اولادنا في ملتقى التشكيليين السودانيين
عملوا العديدمن الورش للأطفال
لنشر الثقافة الجماليةالصرفة
ليكون لنا وعي باهمية الجمال من حولنا
كذالك لابد من الوعي بالحقوق
لابد لأطفالنا من معرفة حقوقهم البسيطةوالمعقدة
ولابد لنا من حمايتها
عايزين اشياء كتيرة ليهم
لابد من وعي عال بالجمال وبالحق
يدك معانا نفرح اطفال السودان...

تحية لهم جميعا
ولكل فنان يلتزم جانب الناس والخير والجمال

التحية للورشة المستمرة بقيادة
الفنان المسرحي :
ســــيـد عبدالله صـــوصـــل
الذي سافر في غربنا الحبيب
وطاف كل المدن ليفرح اطفالنا وكبارنا
بمسرحة المتفاعل مع الناس
يطرح همومهم واحلامهم
مسرح خير
يسعد الناس
ويرفع وعيهم
هولاء اطفال السودان
يحتاجون لبطانية
تحميهم الشتاء الفارص
وكتاب
وآلوان
ولعبة
وحكاية
فهم يملكون اهم شئ
الأمـــــــل
و
الــحـــــلـم

ابوجهينة
الفنان الذي ضل طريقه
الى الغربة ام دق
اطفالنا يحتاجون الى قلمك
حكاياتك المثمرة
وثمراتك الثلاثة
الوعي والفكر والحلم
والحكي البديع
منتظرينك ومعاك الف حكاية
لكم يحتاج اطفال بلادي
لتنوير عقولهم وقلوبهم
الى حكاية ولعبة
وأوراق وآلوان
وسلام ومحبة

التحية والمجد للفنان :
مــوســى الأمـــيـــر
واضع منهج الفنون المسرحية
لأطفال بلادي
في التعليم ما قبل المدرسي
يحافظ على تراثهم
يبتكروا من بيئتهم
يتعاملوا مع خامات منطقتهم
ليصنعوا عرائسهم
ومسرحهم الجمالي
يغرس فيهم الوعي
يساندهم في التفكير الصحيح
يوحدهم في وطن واحد
وطن متوحد بمحبتنا
فلنسعى ليكون السودان
وطن الجميع
سلام ـ عدل ـ محبةـ جمال
[

السنى يا جميل !!

Quote: سلام للماجدين للأصدقاء يرسمون شموس الحب والـحـريـة.... سلام ومحبة

مبدعنــا المثقف السني
ما احلى امتداد الابداع نحــو الاعمال الخيريه..
و اهداء اطفالنـــا البسمه لهو رساله كـامله الدســم.

حبابك و حباب بقيه المبدعين
معكـــم ولقـــدام..

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

Quote: سلام للماجدين للأصدقاء يرسمون شموس الحب والـحـريـة.... سلام ومحبة

وانت اولهم ياالسنى...

الى كل اللذين ساهمو ومازالو يساهمون فى رسم لوحة الوطن الجميل

الى كل سفراء الحب فى بلادى..

لازلنا نحلم باكتمال هذه اللوحة...

محمود مصطفى
اول المغنيين الحلمنتيشيين
وينك يا زوق
يازول يا جميل وباهي
فاقدنك وزيد في حلاتك
وفي مشاركاتك في سودانوي
والله طوالي بفكر في ايامنا الجميلة
وصاحبك المخرج العبقري
سافر الى نيجريا
حسب الرسول كمال الدين
وانا منتظر منو اغاني
وصور ةحاجات كتيرة
لكن سوف نوثق معه اشياء كتيرة
خاصة غناء الفنان الاسطورة بادي
ارجوك تواصل معنا ضروري
ليك المحبة الابدية
والمودة الصافية
ونتواصل من أجل اطفال بلادي

استاذ السني لك كما يقول غازي الاناشيد الجميلة في طوابير الشفع الصبح

ريهان الشاذلي
المودة والشكر الجزيل
واجمل الاغاني الصباحية
وليك المودة

الى كل اطفال السودان ...




كل الحب ...



يا سنى .. شكرا نبيلا !

سمرية
كل اطفال بلادي
يهدونك السلام
والمحبة

صديقي سني ايه رأيك لو يحكمونا المبدعين وغير المبدعين يكونوا معارضه...؟

nasr
لك التحيات النضرة
ولك المحبة من كل مبدع يلتزم الخير والجمال الحق
ولك جميل الامنيات
وتابع معنا وعي الجمال
ووعي الاطفال امل الايام المقبلة
مودتي

إيزابيلا
المودة والمحبة الابدية
اطفال بلادي
من حقهم
ان يتعلموا
ويتعالجوا
ويلعبوا
ويرسموا
منهم ليك المحبة

شهاب الدكتور في البلاد البعيدة
تحيات الجمال
في بلادكم ماليزيا
مسرح من اشهر المسارح في الدنيا
مسرح العرائس
وانواعه متعددة
لو نزلت لينا صور منو
يكون اديتنا المعزة
والجمال الشرقي
نزل لينا صور
ومودتي

اميرة الشيخ
التحيات النضرة
والجمال البديع
نابع منك
تعالي نكرم ونمجد
فنانة: رسمت وعلمت
وحبوها أطفالنا
ورسلوا ليها الرسمات
من الجنينة ومن يامبيو
من حلفا ودنقلا
من كسلا والقضارف
من المواني والقرى البعيدة
من ريرة ومن الجفيل
من النيل ومن الفولة
من الرهود ومن الفوله
من الخيران ومن ابواب الصند
تلاقي الاطفال وهي فرحانة
تنشر رسوماتهم
مليانه افراح واحلام واماني
تعالي ياأميرة
نكرم :::
مـــامـــا
عائـشــــة
ماما عشه

يا طارق يا صديقي الحبيب
ما بنجضونا نجاض قبورة
خلينا نحن مع الاطفال الحلوين
نعمل من اجلهم
ليوم أجمل
ومنتظرين مساهماتك
من اجل اطفال
متساوين في الحقوق
والواجبات
وفرحانيين يوم بكرة

التحية والمجد للفنانة
سلمى مكي وهي تتابع الفرح مع اطفالنا

السنى حبيب الاطفال ووريدهم
تمنيت ان تنفتح مدارس
كل تلميذ عنده درج خاص بيهو
وعنده كتاب مجانى
وكراسات مجانى
والوان وكراس رسم
تمنيت ان
تقوم معاهد لاعادة تاهيل الاطفال الذين الهبت الحرب ارواحهم الصغيرة
وان يكون المسرح احد الادوات الناجعة
دكتورة خديجة صفوت انشات العشرات من هذه الانواع من المعاهد
فى موزمبيق وقبلها الجزائر
والان فى غزة
ليتنا نستفيد من خبرتها فى هذا الشان
لان الحرب يا صديقى لايعنى ان تضع اوزارها وكفى
فلها تداعياتها الاخرى وربما تحتاج(لحرب ) اخرى حتى تنتهى
اتمنى صادقة ان يجد هذا المشروع النور
والامر هنا ليس قاصرا على اطفال دارفوروحدهم او الجنوب او الشرق
ففى الاطراف حيث نزح الاهالى من حمى الحرب الى اماكن لايعرفون عنها
وانوجدت بالتالى ثقافة جديدة
يحتاجون فيها الى اعادة تاهيل
ولسيد عبد الله صوصل تجربة رافقته ابانها
وكذا لاسامة سالم عبر المسرح
اتمنى يا سنى ان تجد هذه الثيمة العناية
فهى تقلل من النزف الروحى الذى عاناه هؤلاء الاطفال
شان عيون اطفالنا ما تضوق الهزيمة

سلمى الحبيبة
سلمى وردة بلادي
البرية
لك مودة العمر
ومحبة الازمنة الجميلة
كلامك اجمل وفيهو امل
لي اطفال احوج ما يكونوا لكل بادرة
تعيد لهم التوازن
وتجعلهم متصالحين مع انفسهم
مبادرات
تكون فيها خيارات واسعة من اجل اطفال بلادي كلهم
وليس في منطقة واحدة
كلام عين العقل
ويلامس كبد الحقيقة
يا سلمى
هناك تجارب لي فنانين
جابوا بلادنا وعملوا مع الاطفال والكبار في ظروف قاسية
ومريرة بدون ميزانيات بدون ادوات
وبالرغم من الامكانات الضعيفة جدا
وصلت رسالتهم وابدعوا
الخيال الخصب
وحسن التخيل
كل مايملكوا في الدنيا
الخيال الخصب الذي
لايملكه ساستنا
لهم ولك التقدير والأنحناء ...

اها تعالو برضو نعنل حاجة .. نبدء بعلبة الوان وكراسة لالف طفل سوداني في اقاليم السودان ...لو مية مننا ساهمو فقط بعشرة دولار لكل واحدة/واحد ؟؟؟

يااستاذنا وتاج راسنا
شكرا يا جميل

ابوبكر سيد الناس
اهو البداية الحقيقية
لأطفال السودان
نداء
علبة آلوان واحدة فقط
لكل طفل ـ طفلة ـ
علبة الوان
تفرح قلب
وتلون عقل
وترسم طريق طويل
فيهو مستقبل اولادنا وبناتنا
اخضر وازرق وابيض
زي ضميرهم
في المدرسة السودانيةسالت اطفال
جاين من كل انحاء السودان
جايين من وين
كلهم اجاباتهم
كانت من
السودان
حلوين الاطفال لابعرفوا جهوية ولا فئوية ولا نوعية
بعرفوا
السودان...

naeemali
مودتي وشكري الجزيل على المرور
الظريف وخفيف
يلا تقل مشاركتك
وقدم المقترحات من العيار 21
والثقيلة والعميقة
منتظرين يازول يافهم
مودتي ومحبتي

علبة آلوان
واحدة
تفرح طفل
وتسعد اطفال ..

السني ... يديك الفين عافيه..
و قولوا معاي ..
ربـِي ماتحرم بيت من الاطفال..
ربـِي ماتحرم بيت من الاطفال..

Quote: ثم يصل بنا الفرح (حسرة) جديدة في أمسية 15/8/2008م .. يوم أن (قتلنا) حفلة عقد الجلاد في ختام مهرجان الخريف للتشكيليين.. خريف أبو السعن عديل والله.. طربنا ورقصنا..رقصنا كالفراشات.. وفي الكواليس تحدثت بعد عناق طويل مع الأخ الفنان الجميل شمت محمد نور..وقلت ليهو ياخ أنا مسافر باكر.. حا تغنواالإغنية الكاسرة فيني ضلعة دي؟؟ قال لي : الله كيييييييييييييف...؟؟ ويلا قاموا غنوها.. "روّح يابا وأبقى قفاك لا تعاين"... هذه تبكيني كثيراً... بعدين.. "أختا الرملة ما تقع البكان الهش.. هي الممطورة ما بتبالي من الرش.. الجمرة بتحرق واطيها.. والنعمة بتعرف عاطيها.. بالكيلة عطانا وما لقينا.. فوق جمر خطانا وما لقينا.."... ...

محمود.. شكيتك لى الله.. ان شاء الله ماينفعك..
كان عارف .. الروح مشحتفه في شنو..!!
بس حفله لي عقدالجلاد...
آآآخخ انا

محمد الباقر
الروح مشحتفة في ديل
افرح وامرح
وتطيب بي عطر
عقد الجلاد

غنو لي اطفال الكلي والسرطان وغنوا لي احلامنا

وشوف كيف الناس حبوهم

علبة آلوان واحدة
والطفل ارسم ليك وهو قاعد

وراقد بي مزاج

يا زول يا مسكون
يا زول بتغرّق كل الناس بالحب

محمد السني ...

من آجل هؤلاء ( ياريت لو كنت هناك كان باريت ليك صوصل لما يفّتر )

اقول ليك حاجه .. بمناسبة اللون والحاجات السمحه دي اتذكرت موقف سمح خلاس
عندي بت آخوي زوله فنانه جدا وبتحب اللون وأي شئ ليهو علاقة ( art )
أبوها رافض الفكره دي كلو كلو ... ( رسم شنو وعواليق شنو )دا رايو هو طبعاً ...
بالراحه كدا أقنعت ليك ابوها وأمها ...
عليكم الله يا جماعه البت ما عندكم معاها شغله خلوها تعمل حاجاتها بمزاجها وكدا ...
المهم قومي يالبت إمتحني فني ( أنقر ما جات أول السودان فني )
مع العلم لما كانت فى المثاق الأدبي من الله خلقها ما جات الأولي ..
وهسااا فى بتدرس فنون فى جامعى السودان ... إسمها هويدا محمد حسين

وشــــــان عيونأطفالنا ما تضوق الهزيمه

فرحت فرح يا داش لمن وصلتني
تحياتك القلبية مع اخونا ضحية
عارف يا داش قلت لي ضحية
لو لاقينا ابوك بدري كنا فطيناك في الصحبة ابوك الذ منك
ياداش الناس دايشة ما بعرفوا مواهب اولادوم
يا داش الرسم والرقص والمسرح والموسيقى \
دراستهم واجب
انا لو ربنا رزقني اولاد
بعلمهم اول بالتبادي
من سنتين خلوة كاربة
احفظوا كتاب الدين
وبعدها فكهم لي فنانيين
مابخليهم ادرسوا مدرسة تقليدية
ادرسوا بس فن وبعداك مافي غير الرسشم
والموسيقى والمسرح والرقص احتو لمن زيتهم اطلع
ليك المودةوللفنانةـهويدا محمد حسين
تحياتي واحترامي ..

ود السني
تحياتي ياطيب
أتذكر جيداً إنو في ذاك اليوم هطلت أمطار في غاية الروعه وكنت مستبشراً لدرجة غريبة وبداخلي أحلام كبيرة بغد أفضل وأجمل وأروع .
أسأل الله أن ينعم على بلادنا بالأمن والأمان والإستقرار والتنميه
عشان عيون أطفالنا ماتضوق الهزيمة




مؤونة عشرة أعوام من الود

وينك يا ايها الصديق
محمد فرح
ليك المودة
وعلبة الوان تهديها لي اطفالك
اوا اطفال اخوانك
عايزين السلام
ومعاه المدارس المستقرة
واطفالنا في فرحة دايمة
بنحب المطر وكانت امطار خير وبركة
ولي احلامك الجميلة بغد افضل
اتمنى ان تتحقق
شان اطفالنا ما تضوق الهزيمة
مودتي سنوات فرح

you are all AMAZING








----------
يا صديق محمد صالح زميل الدراسه و كوفتي، ياها المحريه فيكم!

رحاب خليفة
وانت الروعه كلها
علبة الوان من اجل اطفال بلادي
علبة الوان
لنرسم غد اجمل ونعيش فيه
شكرا رحاب
شكرا نبيلا
مودتي

مقص واوراق وتركيز وتفاني
وعالم جميل
وغد اجمل
من اجل اطفال بلادي

حسام
لكم احبك ايها الفتى
الحكيم عندك حكمة الشيوخ
ما شاء الله
لك اجمل الايام
واسعد اللحظات
وحياة كلها نجاحات
محبة ابدية

السني ايها الطفل الكبير الجميل
وسلام على روحك الطيبة النقية
اخوك عندو طفولة متاخرة ممكن أشارك

والتحية والتقدير لكل من ساهم في رفعة
ورقي الأطفال والنهوض بهم لعالم الجمال
والإبداع سلمت أياديكم ايها الأبطال .

هشام احمد خلف الله
يا ايها الطفل الشاعر
اكتب لهم يا صديقي
احكي لهم الحكايات الجمبلة جمال دواخلك
انت يا سيد الحروف الباذخة
اكتب لهم
من اجل عيون اطفالنا الضاحكة اكتب لهم
مودتي ومحبتي ابدية ليك
يا صديقي
ـــــــــــــــــ
الشاب ده منتظرك
اكتب ليهم

Quote: أشهد الله يا السني إنني أحبك..

Quote: طيور الغربة يا فاضحة لسان الخوف بي دموع الشوق والم الفرقة بي اهت صغير قلب صغير ملهوف علي وطن مجروح يا ناس مزبوح بأطماع النخبة وربوع متحاربة وطن الشتات لملم اطراف جراحاتك تعال سنسن حمرا وحجوت فاطمة السمحة الفي حكاوي الصغار تهديك السلام في حكاوي الصغار ساعة تحن لي ضحكت عيون اطفالك تمام قوقاي القماري اخر العصاري يتاتي نواح اطفال بيوت الطين ويمسح حزن الرواكيب الفي الضهاري بي عرق الغبش الكادحة وتعاني وتحت ضل مقيلك علي حبك متلمين ياوطن الطيبن اهلانا احنا الطيور حس وجع المنافي دمعة دطفل بران وحافي واقف علي قيف بحر موجو احمر ولونو صافي وقف يحلم بي حضن دافئ في وطن خرافي صحيح وعافئ ولي جراحو شافئ غنيناك وطن العديل والزين ودسيناك في شوق شوف عيونا وفي شجن غنانا في ضحكنا ولعبنا وفي بكانا لما تقع عليك محنه وتحاصرك قواسي بنزل دمعنا وينزف جرحنا وبتكونا في عيونا انت عشقنا الاساسي عشقنا الاساسي 15/12/2006

التحية ليك الجميل استاز السني دفع الله

كل الحب
مدثر تيف تيف

محمد الطيب الوجيه
وينك العيد الجاب الناس لينا ما جابك ؟؟
برضو طلتك علينا بالدنيا
معانا
خطوة بي خطوة
من اجل اطفال بلدنا
نحارب الحروب
وزراعة الا لغام
ودمير المدارس
والنزوح
والخراب
علبة الوان
لي طفل ارسم مستقبل ايامو
زي ماعايز
معانا ياوجيه
وا ابوضخكة فرح
وفيك قيافة الاطفال
واحشنا..
بتقول شنو لي ريما وضحكتها

تيف تيف
ذكرتني رسومات الشماشة على الجدران
كاوبوي ومسدسات
وتيف تيف
شكرا على القصيدة الجميلة
ومعانا اكتب للأطفال
قصايد واناشيد
وجكايات شعبية بالشعر
وتكون فرحت اطفال بلادي
بأشعارك البديعة
مودتي مدثر
ومحبتي ليك اكيدة

السني،
ما أجملك!




__
يديكم العافية..

ياسر طيفور
كيف العيد معاك
وكيف الحال
ما اجملك انت يا عاشق الجمال
طالما وقفت على فرح اطفالنا
اكيد حتسعدهم
رسل لي كل طفل بتعرفوا
علبة آلوان
ولعبة
ونحبك دوما

ياخي انت زول ثمح
مشروع عملاق للفرح السغمبروتي
معاك ببتعملق الحاجات
و الحاجات بتبقي
قدر دة!!

ربنا يديك العافية
شكرن كتيرن!

شوفت توارد الروح
في اللحظة الكنت بتكتب لي
انا كنت بكتب ليك
ده مش توارد خواطر
ده قلب الروح مفتوح على قلب صاخبك
شكرن يا سغمبروتي
يا طفل الرمال
اكتب للأطفال حكاية نورة
ولا اكتب ليهم حجى حبوبة
لسه مفرهد في عقلك
عقلك المفتوح على قلبك
وقلبك المفتوح على كل
الخلايق
محبة ومودة ابدية

يا ود يافنان
من همومهم
طالعه حمامة الغار
وفي ضلها غصن ليمون
ده
حلم ولا علم ؟؟؟
من اجل اطفال بلادي
حمام السلام
يحلق فوق الوطن

الفنان محمد السني

لقد انتزع هذا البوست دموعي من محابسها

انتم معشر الفنانين من تنشرون السلام والمحبة

بين ربوع وطن ارهقته الجراحات

انتم يا سني من علمتمونا معني المحبة والصحبة منذ نعومة اظافرنا

السودان يحتاجكم

ربنا يديكم العافية اكتر واكتر


مودتي

سيف اليزل

Quote: اهو البداية الحقيقية لأطفال السودان نداء علبة آلوان واحدة فقط لكل طفل ـ طفلة ـ علبة الوان تفرح قلب وتلون عقل

ولنكون عمليين ارجو الاتفاق علي السني كونه الذي بادر بهذا الموضوع لارسال مساهماتنا المادية :
عشرة دولار والعايز يزيد وانا ابتدء برقم اراه مناسبا وكلو واحد وقدرتو والمسالة رمزية وهي اكيد ما حتحل مشاكل كل اطفال السودان الا انها ستحث البعض منهم لخلق وابداع مكتوم بدواخلهم ... انتاجهم الفكري في شكل رسومات تجمع ثم نطبعها في بطاقات معايدة(المرحلة التاانية) ....

باسم الله:
ابوبكر سيدا حمد

يا سنينا.. يا عظيم الأماجد فينا..

هؤلاء الأطفال هم ضميرنا الحاضر.. شمسنا القادمة من مستقبل بعيد يضيئ إعتام الوطن.. يرسم
الأمل.. يكسر عار الهزيمة و الشتات و الجبروت.. هم رياح السلام الأنبل يغسل عذابات الاحتراب
.. يزيح ليل الدكتاتوريات و فداحة الظلم الكريه إلى غير رجعة..

هُمُو، يا صديق، النصر البعيد كحلم يجيء كما السباع الزرق تحلم بمؤرخيها الذين يأتون من
أصلابها.. همو المثل الأفريقي الذي يقول:
"Until lions have their own historians, hunting tales glorify hunters" و هأنت يا صديقي
و كل هؤلاء الجميلين تمتشقون القلوب دافئة تنبض بالحب لترسموا الأحلام و الانتصارات وميضا في
عيون صغارنا، ابتساما في شفاههم ، و بلسما يأسوا الجراحات في غرب الوطن، في شماله، في
شرقه، في جنوبه، في وسطه ليمتد إلى هذا الشتات الانساني الكبير الذي أخذنا أجمعين..

فهل لضميرنا أن ينهزم؟

أستاذنا السني
أو السني الجميل من باب الحميمية و الاريحية
ربنا يديك الفي مرادك و يوفقك في كل مشاريعكم النبيلة
مثل هذه الانشطة ذات الدافع الانساني تصنع الفرق
و تدعو لحب الحياة و الآخرين..
لكم محبتي و اشواقي مكتملة النصاب

الجميل محمد السني دفع الله

فتق بوستيك بدواخلي ذكريات الطفولة...واحسستها وهجا...يا الله الزمن ده بجري بصورة ماراثونية

رايت نفسي في هؤلاء الاطفال...للون والريشة والرسم التشكيلي مساحة كبيرة اختلطت الالوان بالأبوة عندي..وشاركت في العديد من المسابقات الخارجية ونلت جوائز...اليوم علافتي بالفن تحورت الى فن من نوع خاص..لكن هذا الثمر من ذاك النبت...لذا وبتجربة شخصية اعلم ما للفن من اثر في نشاة الطفل.....


ايدينا في ايديك.....في ايدين اطفالنا...

شكرا لما جلبته من فرح خاص انعش دواخلي...شكرا شديد...

مع السني وامثاله

عيون اطفالنا لن تضوق الهزيمة ابدا

لا هزيمة مع الابداع

Quote: صديقي سني ايه رأيك لو يحكمونا المبدعين وغير المبدعين يكونوا معارضه...؟

وبناء على ذلك نقولها نعم والف نعم ليك يا السنى يا الملهم
نقولها نعم والف نعم عشان اولادنا تتعلم

السيد الفريق..الفنان..المبدع.. محمد السنى دفع الله
لكم كل التقدير والحب وانتم تهتمون بفلذات الاكباد

حفظكم الله

اخوك على سرالختم
الولايات المتحدة

الى ثروتنا الوطنية ,, الاستاذ السنى ,,( بس مايقولوا عاوزين نقتسمه) بنقول ليهم انت ثروة بتحوق فى الجميع عشان انت فى كل بيت ,, فى قلب كل جيل ,,
أخى السنى:
تداخلت معك بالأمس ولكن ذهبت مداخلتى ادراج العواصف الإسفيرية التى هبت على منبرنا ,, وها أنا اعيد الكره بعد ان هدأت العاصفة التى اتمنى الا تكون لها توابع ارتدادية.
قبل ان اكتب بالأمس بحوالى الساعة ورد الى خاطرا حدثنى ان اكتب بوستا يحمل اسمك وربما اسماء بعض من ذكرتهم انت ,, لاطرح عليكم اسئلة ,, فها انت تقرب البعيد وتقول لى انا هنا احمل احساس الناس جوه الجوه الحنايا فلم يخيب ظنى .
كنت اود ان اقول لك أخى الفنان المرهف:
ماالذى يمنع عباقرة بلادى من الفنانين ان ينقبوا فى هذا التراث الضارب فى تاريخ هذا البلد والذى يرجع الى زمن لاتعيه الذاكرة .. لتصوغوا منه عقدا فى اوسطه حجابا يكون لنا ذكرى ويمنعنا من شرور ما اريد لنا ,, عقدا فى اوسطه حجابا يذكرنا من نكون ,, وان ماتحت ايدينا اثمن من ان نبدله بالذى هو أدنى ,,
كنت اود ان أسألك أخى:
كل الذى قلت اعلاه قد رضعناه فى المهد ,, والأم تهدهدك لتذهبك الى دنيا الأحلام:
متين ياعلى تكبر ,, تشيل حملى..
ياكا على الخلاك ,, أبوى دخرى

كبر عليا وفطم على انغام...
بلادى امان وناسا حنان ,,
,,,,,,, ,,,,,,,,,,,,,
يكفكفوا دمعة المفجوع ,,,,
يخوضوا النار عشان فد دمعة ,,
كيف الحال لو شافوها سايلة دموع ...
لماذا لم يبر عليا السودانى امه? لماذا جعل احلامها تتبخر فأورث الأم حسرة على كل أنة من أنات الولادة ,,? لماذا اورد عليا الأخت موارد الذل ,,? وهى التى بكته عندما مات فقالت:
الأرنيق هدمت الضل ,, عاد تانى وين ندخل.
لماذا صار عليا السودانى بطلا فى معركة لم تردها له امه ? ءألدنيا يصيبها? أم لآخرة لايدرى انه قد خربها قبل ان يدخلها?
لماذا لانستصحب بعضا من هذا التراث الرائع الذى يؤيده ديننا ,,? ألإنه سقط تقادما ? فأين نحن جدلا من اللحاق بالجديد الذى هو كسراب حسبناه ماءا .. ألم يأن لنا ان نتوقف لنلتقط الأنفاس لنتبين حقيقة ماوجدنا عند السراب?
نعم أخى نريد ان نعيد السنة فمجموعنا لايؤهلنا الدخول لجامعة المستقبل ,,
ولكى ننجح فى الدخول لجامعة المستقبل علينا ان نركز فى مادة السلام ,, ونأخذ فيها دروس عصر ,, ومن أهم فروع هذه المادة هو ماتدرسونه انتم معشر الفنانين ,, ويجب ان يشمل منهجكم كل فروع التراث التى تحض على القيم النبيلة ,, كتلك التى أرضعتها أم على لإبنها وتلك التى رثت بها اخت على عليا.. نريد ان يقوم على بين الأموات ليكرز بقيامة السودان ,, وعندما ننجح فى مادة السلام تكون الهزيمة لجحافل الأعداء من جهل وفقر ومرض وأشياعهم.
السلام يعنى الإستقرار والإستقرار يعنى حرية العقل فى الإختيار بين البدائل .
يعنى ان أول ما يفكر فيه الإنسان ان يمهد العش لأفراخه الصغيرة .. ومن ثم يستشرف فضاء الوطن الفسيح ليطير الى مواضع القوت ليطعم تلك الافواه التى أفرغت معسكرات الحق الذى أريد به باطلا أجوافها ,, ويبّست سيقانها,, ويعود بالكساء والغطاء ليقيهم زمهرير الشتاء وحرقة الشمس التى اراد لهم ابطال الكارتون ان يصطلوا بنارها بدل ان ينعموا بدفئها.
ثم بعد ان يقيم أودهم يبعثهم الى المدارس القريبة لتتغذى عقولهم الصغيرة فتكبر وتكبر معها احلام أم على لا آلامها... ونعلمهم معنى ان يكون لك وطن حدادى مدادى علهم لاينسون كما نسينا ,, وعلهم لايطلبون الطعام فى موائد اللئام كما فعل بعضنا ,, ولكى يتحقق ذلك يجب ان نجعل التاريخ حاضرا فى واسطة العقد,, وهذا دوركم يا أخى الفنان ,, فقد جربنا سياسة التسميع فوجدنا القيم تمر من الذاكرة كمر الماء من الغربال .. ولكن عندما تحيون التراث وتدخلون كل بيت حتما سيكون لكم فى القلوب أمكنة ولن ننساكم عبر الأزمنة ولن ننسى ,, رغم ان ذاكرة الشعوب لاتموت الا عندنا,,
كسرة:
أخى العزيز تحياتى لكل الجنود الذين أوردت اسمائهم فى بداية هذا البوست وأضيف اليهم استاذى عبدالرحمن الشبلي الذى درسنى الجغرافيا فى مدرسة عطبرة الإبتدائية وكان بجلدنا اى والله كان بجلدنا, شفت ليك جغرافيا بجلدوا فيها بس الزمن داك كان زمن النميرى كل شئ جائز... لكن انا عافى ليه ويا ريت ده يكون أول توقيع ودعوة للعفو والمصالحة ...

الشفيف الأستاذ محمد الســـنى

حتى يعود لمكانه .. الطباشبر الملون .. علب الألوان وحصص الطين

غرفة الفنون والجمعية الأدبية لمدارسنا ونوادينا الجميلة ,,

سنظل نحلم بلا إنقطاع وكل الدوشة الحاصلة دى وقتها تموت من الإختناق

علبة الوان
ولعبة
وطين
وطبشور
وجمعية ادبية
ونشاط لاصفي
شان عيون اطفالنا
ما تضوق الهزيمة
شئ بسيط
مش ؟؟؟

دامت روحك بيضاء ترفرف
ودمت نبراسا يحتذى

ويا رب عيون أطفالنا ما تضوق الهزيمة


شكراً لك بحجم ما تعطي
وشكراً لمن ذكرت
ومن لم تذكر


ونفع الله بنا بلادنا وأهلنا
إن كان فينا خيرا



محبتي الأكيدة

الفنان الجميل محمد السني ..

وانت بكل هذا الجمال .. لم يكن غريباً ان تأتي بكل هذه العصافير الجميلة ، لتزين بها هذا البوست الرائع


تحياتي

/center>

اطفال في شارع
وواحدين في زووم حرب
احوالهم قاسية
حرمان في زمن صعب
جواهم اصرار حديد القلب
لاماهم شلة وشلة
تهوي اللعب
يلة تعالوا
نلقاهم و نتفاهم في حب
نهديهم هدايا القلب
علبة الوان
ريشة
كراسة
واقلام
واصدقاء

سعادة الفريق
علي سرالختم
المحبة والمودة
ويدك معانا
يا جميل الدواخل
عارف سعادتك اولادنا
بقوا ما بلعبو عسكر وحرامية
ولا عندهم عصايات بنادق من خشب
ولا مسدسات من فك خروف
بقوا طوالي عايزين امثلوا دور الخاين
كلهم عايزين لعبة الحرب واقتلوا بعض
قتل قتل
ونحن عايزين سلام
واولاد العبوا لعب طبيعي
فيهو عسكر وحرامية
حرامية العبوا دور مرة واحدة وما يكرروا لمن اكبروا
وعساكر بوليس يحموا السلام ويكبروا ابقوا بوليس فطين وفاهمةوهي طايرة
احمي الناس من المشاكل قبل تقع
احبك وانت في البلاد البعيدة

اطفالنا بخير والدنيا بخير بالطيبين طيبة قلبك استاذنا السنى الانسان

يديك الف عافية يا رائع

أخى السنى ,,
رغم انك همشتنى فوق التهميش اللى انا فيه ,, لكن برضو البوست ده مكانه فوق فوق فى القمة. وكان شافه الهاكر ما كان سوى سواته السواها,,

و إذن، هم ، يا عظيم الأمجدين فينا، يأتون من قلوبنا التي قد بلغت الحناجر.. مثل الأزاهر.
يأتون مثل الفجر الذي ترسمه الأوطان يضنيها الإنتظار و قد تناءى النصر عن أبنائها.. مثل
المزاهر، بأيدي عازفين يحلمون بلقمة عيش و شربة ماء و ظل حبيبة و رواكيب و قطاطي و سواقي
و قلوب تسع الانسانية..

يأتون و عيونهم تنبض بآلاف الأقلام، و علب الألوان، و ألواح الطبشور ، و حمأ الصلصال يشيدون
منه الحلم و يلونون به الفجر و يخطون منه و إليه تاريخا مجيدا للوطن الأمجد بين الأوطان..

لكن، يا صديق الأحلام الباهية، منهم من قتله العسف و القصف و المسغبة و موات أصاب سامعينا.
فهل لنا أن نبعث إليهم بشربة ماء عساها تقتل ظمأ الظلم، و كسرة خبز عساها تشبع جون سنين
هي كل أعمارهم التي ما عادت خضراء و سنعيد،و كساء أمان عساه يقيهم قر الشتاء و صهد الصيف
و أمطار آب و عسف بني الجلدة الحكماء..؟

هل بوسعنا أن نقيهم الهزيمة و قد اتخذت، كما حية معمرة، ثوبا لكل شتاء و خريف و صيف و
عمر..؟

محبتي الأكيدة

ترقبوا قريبا
في الدوحة
مـســـرحــيــة
بنادق من خـــشـــب
للأطفال
أطفال الســــــــودان

عبد العزيز الفاضلابي
لك التحية والمودة
استاذنا
عبد الرحمن الشبلي
موجود في الدوحة
اذا كنت تقصد عبدالرحمن الشبلي الفنان
لك كل المودة
وبجيب ليك الخبر

شــان عـيون أطفالنـا مـا تضوق الهـزيـمـة

قلب ينتض خلجات نظراتهم
ويترجم احساسهم
وبستقرا حيرتهم وتساؤلانهم
ودهشتهم
يلامسها
بحسها
يترجمها
يشكلها
يلونها
يمسرحها
يصورها
يكرتنها
يصور لهم الحياة يعلمها لهم
انه الفنان وحده القادر على الوصول إلى قلبهم وعقلهم دون اوامر او تلقين

والفنان المبدع والملتزم هو الذي يظل يشرح ويشرح ولا يمل من الشرح لإيصال هذه الرسالة
وأشهد إنك كنت على قدر المسئولية
تنسى نفسك وتتحول الى طفل كبير وانت معهم تعلمهم معنى الحياة

دمت يااخي

طه كرووم
التحيات والمودة
وشكرا للمرور
والدعم الغير محدود
مودتي الصادقة
ومنتظرينك للجايات

هل بوسعنا أن نقيهم الهزيمة و قد اتخذت، كما حية معمرة، ثوبا لكل شتاء و خريف و صيف و
عمر..؟
نعم يا ابوعسل
بالسلام الحقيقي وعادل والتنمية
بكتب في مسرحية للأطفال سوف اعرضها في مؤنمر سلام دارفور
اتمنى ان تشاركني الكتابة فيها
محبتي اكيدة

ياخوي يافاضلابي
انتو مهمشين عطبرة مش
يعني ما نهميشة كبيرة
لكن امسحه لينا في العطبراوي
محبتك ليك شديدة
مودتي وارفع لعبتك فوق وغلبة الوانك
منتظرين

هند شاعرتنا المجيدة
لك المودة ومحبة
وخالص محبتي

Quote: اها تعالو برضو نعلن حاجة .. نبدء بعلبة الوان وكراسة لالف طفل سوداني في اقاليم السودان ...لو مية مننا ساهمو فقط بعشرة دولار لكل واحدة/واحد ؟؟؟

يا سلام عليك يا بكور


استاذ السنى ازيك

والتحيه عبرك لاستاذى الفاضل عبدالحكيم الطاهر

والاستاذ جمال حسن سعيد وعقد الجلاد وكل من يعطى اذنا ببسمه


يا ريت تشمل كلام الاخ بكور الفوق ده برعايتك الكريمه
وما يروح فى الباندوث ساكت .

علبة الالوان (ام دولار واحد) من شانها ان تفعل الكثير

واصل النثر المريح

التعديل لاضافه سلام لصديقى الرائع محسن عبدالفتاح زميلكم فى العمل

مزمل تريكي
التحية والمخبة
امس كان يوم تاريخي
اقمنا اصبوحة شعرية
بالمدرسة
انا والاستاذ محسن عبد الفتاح
وكانت جميلة مثل الصباح الندي
مودتي ومنتظرين
غلبة الوان ولعبة

ودالسني
سلام

التحية لكل من يرسمون خظوط الامل علي جبين الاطفال

تحياتي

بله محمد الفاضل
اخي العزيز لك
احتراماتي ومودتي النقية
فعلا نحتاج الى علبة الوان ولعبة فقط
تخيل !!!

Quote: دامت روحك بيضاء ترفرف ودمت نبراسا يحتذى ويا رب عيون أطفالنا ما تضوق الهزيمة شكراً لك بحجم ما تعطي وشكراً لمن ذكرت ومن لم تذكر ونفع الله بنا بلادنا وأهلنا إن كان فينا خيرا

ياسنينا
دايما اصيل وجميل
وقلب ابيض وروح فنان
دائم الاشراق
لو قدر للحب الذى فى قلبك ان يفرق
على كل الناس لغمرهم وفاض بهم
لمن اقراك بعرف انو لسه الدنيا
بخير
وزى ما بتقول
دمت رايق

بله يابله
ليك المودة والمحبة وشكرا على المرور
منتظرين اللعية وعلبة الوانك

محمد سنى يا زول يا انسان ويافنان
شان عيون اطفالنا ما تضوق الهزيمة الضاقوها الكبار وطفشوا بعد ان ضاقت بهم الارض بما رحبت
لك التحية يا كومندان

ياسر عبد الكريم
التحية والمودة الصافية
وربنا اخلي ليكم الحلوين
وتدوم بسمتهم الجميلة مدى العمر
كومندان
انت ما عارف انو اخواني في الانسانية
رقوني فريق اول تجي ترجعني كومندان
من اجل اطفالنا
علبة الوان ولعبة
وشكرا على مرورك
تحياتي للحلوين الفي الصورة

محمد سنى دفع الله
سلامات يا راجل يا ظريف
كلمة كومندان دائما بنقولا لاصحاب الرتب العالية.لكن ولا يهمك انا رقيتك مشير عديل كدة رايك شنو؟
بس اعمل حسابك كشوفات الصالح العام حائمة ومتوفرة اكتر من الموية فى مواسير الثورات
ياسر عبدالكريم

مفتتح نص قيد التداعي والمعالجة
بإيحاء من الجمال كله:
محمد السني





كم من طفلٍ
جاد بأفقٍ
لحياةٍ هجرتها
الألوانْ.


فُرشاةٌ تتبرجُ
كزُنبقةٍ في ليلةِ عُرسِ الضوءِ
على نهرِ الألحانْ.


يتكسرُ رقصاً هذا الضوءُ المارِقُ
فوق لِمى الأشجانْ.

الضوءُ فريسةُ شمسٍ
تفردهُ
تطويهُ
كجناحي كروانْ.


الضوءُ حياةٌ وأدت عُزلتها
حين تغلغل في شريان البيت
رحيقُ الفنانْ.

هذا الطِفلُ الملدوغُ الكلماتِ
يدوخنا بالغمزاتِ
ويسكبُ مِلحَ شقاوتِهِ
في فِنجانْ.

تيتاوي
تيتا وتيتو
ويلا نفرح على الكورنيش
نرقص ونغني على الكورنيش
ونلم لعبات وغلب الوان
لي اطفالنا الفنانيين
شكرا ليك يا تيتو
ودايما معانا
مودتي

يوسف السماني
التحية لي كل من عمل منظمة للأطفال بلادي خارج الوطن
يعلمهم تراثهم ويفتح ابواب الحلم ليهم
محبتي يوسف وشكرا لجهودكم

شــان عـيون أطفالنـا مـا تضوق الهـزيـمـة ...

Quote: الى : الفنان جمال حسن سعيد واعماله في القرى الصديقة لأطفال المعسكرات البعيدة التي ادخلت في قلوبهم الفرح العميق... الى : الفنان عبد الحكيم الطاهر الذي عمل في مشروع الألغام وحماية البشر من التشظي وحماية الاطفال من بتر اعضائهم الى الشاعر المرهف : ابوعسل السيد أحمد الذي يوحد الناس بأناشيده ويسعى للسلام يا صديقي هي رياح السلام تهب من الأصدقاء صوب القلوب والوطن سلام للماجدين للأصدقاء يرسمون شموس الحب والـحـريـة.... سلام ومحبة شان عيون اطفالنا ما تضوق الهزيمة

سلام عليك وعليهم ،، وعلى جميع الأطفال ،،

المجد لك ولصحبك يارجل .

مشتاقين ياخال .

مامون يا مامون الصحبة وباقريبي
ليك المودة والتحيات النضرة
دعمك لنا سندنا في الايام الصعيبة
لعبة وعلبة الوان
ومنتظرين
مودتي ومحبتي ليك اكيدة

الأستاذ السني

لك التحية و أنت تعمل على إسعاد الأطفال
يا حبذا لو صاحب مثل هذه الورش برامج
تدعم القيم الدينية و الأخلاقية إضافة للترفيه
البرئ الذي يدخل السرور على فلذات أكبادنا
فينشؤوا نشأة سوية .

الاستاذة محاسن عابدين
التحية والتقدير
شكرا علة كلماتك الرقيقة
ويدك معانا
لعبة
وعلبة الوان
نلون الدنيا الجديدة
لاطفالنا
ومنتظرين منك الكتير
مودتي

استاااااذ

Quote: شــان عـيون أطفالنـا مـا تضوق الهـزيـمـة ...

أخي الفنان العظيم

معليش ، نعمل حاجة ، أي حاجة ممكنة، في الوقت الحالي

لكن ،

وشــان عـيون أطفالنـا مـا تضوق الهـزيـمـة ...

لازم نهزم الهزيمة،
هزيمة نهائية
وإلى الأبد
ونجعلها آخر هزيمة
في تاريخنا الموجع
المثقل بالهزايم،

يدك معانا ،
ويدنا معاك

لانتصار حاسم ونهائي
شــان عـيون أطفالنـا مـا تضوق الهـزيـمـة ...

تحياتي

عزيزى السنى

شان عيون اطفالنا وشان عيونك انت يا سيد الكل, نقف احترامآ

لكم هذا الحوار مع الجميل الاستاذ الفنان شرحبيل احمد

نعيم علي
كفاية الدور القايمين بيهو والشغل الفنان لي اطفالنا
في كل انحاء السودان
انا اتشرف بيكم وفرحان بيكم طول العمر
مودتي