Post: #1
Title: محمد حسن هارون
Author: محمد سنى دفع الله
Date: 01-31-2007, 05:37 PM
Parent: #0
تم تدشين موقع جديد للفنان التشكيلي والنحات السوداني
محمد حسن هارون
 [/IMG]
وهذا هو الموقع
http://www.mohamedharoun.com/index.html
امنياتي لكل فنان ان يوثق لفنه وللفنون السودانية لنتجاوز بتجاربنا ونثب للنهضة الكبرى ..
ميروك يامحمد
|
Post: #2
Title: Re: محمد حسن هارون
Author: Ibrahim Algrefwi
Date: 01-31-2007, 07:00 PM
Parent: #1
السُني ، مساء الورد ياجميل ...
صدق ، بلاهي ، قبل دقائق كنت بتكلم مع صديق خاص
و مشترك بيني ومحمد هارون إسمه أُسامة صديق . . .
قال لي : حا افرج في موقع محمد حسن هارون ، موقع جميل جداً .
ودخلت الانترنيت لقيتك فاتح التعريف ده ، أتاري القلوب دائماً عند بعضيها .
ياخ دي حاجة جميلة جمال شديد خلاص ، الراجل ده فنان جداً ، فنان جداً جداً جداً ..
إستمتعت بصفحات الموقع وبالمنحوتات وبشغل الغرافيك ... طيب ياخ الناس دي وكت فنانيين كده
وبالقدرات والمعرفة التشكيلية دي ما يجو يرحونا من الاعلانات والشعارات البشتتنت الخرطوم دي ، الخرطوم في شوارعها في عنف بصري غليظ ...
تسلم يا فنان الفنانيين
وارسل لمحمد حسن سلامي وسلام اسامة صديق الحار وفرحتنا بالموقع .
-------
|
Post: #3
Title: Re: محمد حسن هارون
Author: محمد سنى دفع الله
Date: 01-31-2007, 08:17 PM
الجريفاوي الفنان
المحبة والمودة
واستمتع للطيش
وجاياك المتعة الجد
موقع فريد يعنى بالسينما والتشكيل والموسيقى والمسرح
ايــــه رايــــك ؟؟
الموقع اسمو
ســـــــــــــــودانــــــــــوي
وعامل ليه اللوغو محمد حسن هارون
عبارة عن قناع افريقي عربي اوربي فضائي
والموقع سوف ينطلق في 27 مارس القادم
وشارك فيه عدد من الغنانين والمسرحيين والسنمائيين
دعواتك
|
Post: #4
Title: Re: محمد حسن هارون
Author: د.معز عجيمي
Date: 01-31-2007, 10:55 PM
Parent: #3
السني ..كيف الحال ..قول لمحمد حسن هارون .
.مبروك المكان في الشبكة
موقع جميل
..يديك خيره ..ويكفيك شره..
|
Post: #5
Title: Re: محمد حسن هارون
Author: محمد سنى دفع الله
Date: 01-31-2007, 11:34 PM
Parent: #4
شكرا د. المعز العجيمي
مرورك اسعدنا
وصلت وصيتك
ونلتقي دوما في ســـــــودانـــوي
ودمتم للحركة الفنية
|
Post: #6
Title: Re: محمد حسن هارون
Author: ودرملية
Date: 02-01-2007, 01:42 AM
Parent: #5
سلامات
وعوافي
امانة يالسني زولك ما موقعو سمين وثمين خلاص .. الزول ريشتو ما نجيضة والحالة "السراق - ومنشار الشرح - والساحقة-والقدوم والازميل) نظام نحت الخشب وكدا..
اها زولك متوهط عامل صورتو السمحة دي ..
اها الموقع عجبني بالحيل ..
الشغل نضيف والالوان ملائكية وحنينة .. والقاليري او اللوحات الفيهو تفتح نفس الزول للبلد ..
شفتا الزول دا فنو سليط خلاص ..
الزول لازم موقعو يكون سمح مو خريج "جامعة ام درمان الاهلية" "وش مبسوط لامن محمر".. كيف الاهلية دي ما محل الشغل زاااتو يالسني .. وتاني شي ظنيتو بيكون صاحب صاحبي "يعني زي حركت الجريفاوي دي" اها اسالو قول ليهو بتعرف "ياسر ابايزيد" وهو من نفس طينة محمد حسن هارون وربما يكون دفعتو ولو اني اشك في انو زولك يالسني "عمو وكدا" ..
الف مبروك للفنان محمد حسن هارون ..
ولي قدام وعقبال اصحابنا ناس د.عجيمي وعمو نور الهادي وعماد عبدالله ومعتصم عبدالوهاب وهيثم الطيب وياسر عمار وعادل هميم وبقية الفنانين الشليقين كلهم ..
|
Post: #7
Title: Re: محمد حسن هارون
Author: محمد سنى دفع الله
Date: 02-01-2007, 07:29 AM
Parent: #6
ودرملية
حالك تبدل وزهجك غادر مسامك
بعد متعت عيونك في الجمال الهاروني
مش كده
تسلم لينا
دام صفاك ومودتي
|
Post: #8
Title: Re: محمد حسن هارون
Author: awadharoun
Date: 02-01-2007, 08:02 AM
Parent: #1
والله الف مبروك يامحمد الموقع الجميل دة . وعشان انا عارف محمد حسن هارون من ماكان برسم بالطباشير على حوائط البيت رسوم ميكي وسمير وكل ماتقع عينه " النجيضة" عليه, وامي الله يخليها تشاكلوا وتقول ليهوا وسخت البيت وتمسح ليهوا في لحظة مجهود ساعات وتضربوا كمان ونحن نضحك عليهوا , ولمن كبر بدأت المشاكل في انو يخش كيف كلية الفنون وفنون شنو بالله البتأكل عيش ولو دخل كلية الفنون بيطلع عاطل وخسارة التعليم , وكان الحل الوسط الذي اقترحه هو لانه يرضي طموحاته ورغبات ناس البيت وهو دراسة التصميم الداخلي مع كليةالفنون . وكان المجهود المبذول كبيرا منه , ورغم ذلك تفوق في التخصصين وتخرج منهم الاثنين نحت وتصميم داخلي في نفس السنة ومن جامعتين مختلفتين . تخصصين عايزين منو حضور محاضرات لانها كلها عملي واعمال السنة فيها تشيب الرأس .
سؤالي الي متى يعاني المبدع عندنا من لحظة الاختيار / وجود مواد خام / مكان عرض / قبول / تشجيع/ شراء وتسويق انتاجه/ تقدير انتاجه / تسويق المبدع نفسه في وسائل الاعلام
الي متى يحتفظ المبدعون بانتاجهم في بيوتهم حتى تتكسر بفعل شغب الاطفال وزهج الزوجة او الام من انها تحتل مساحة كبيرة في البيت او بفعل عوامل الطبيعة .
احي محمد على ابرازه اعماله هذه واخراجها من اضابير الدواليب والمخازن الموجودةفي البيوت وهي دعوة لكم ياجريفاوي وصحبه وياسني لاخراج اعمالكم فهي لاتقل روعة وان لم تفق اعمال محمد فلماذا تبقى في الاضابير
|
Post: #9
Title: Re: محمد حسن هارون
Author: محمد سنى دفع الله
Date: 02-03-2007, 11:53 AM
Parent: #8
شكرا عوض هارون
والتحية لك
ونتمنى لك عاما سعيدا
والنجاحات قادمة دعواتك
ومودتي
|
Post: #10
Title: Re: محمد حسن هارون
Author: nourelhadi awad
Date: 02-03-2007, 03:45 PM
Parent: #1
رؤيا واثقة وثابتة
هذا جمـــــال
دعوات التوفيق لك أخي محمد
وهكذا أنت
دائما ماتفاجئنا جمالا
مودتي سني
نورالهادي
|
Post: #11
Title: Re: محمد حسن هارون
Author: احمد العربي
Date: 02-04-2007, 09:10 AM
Parent: #10
الجميل في ابداعه
وساكن في دواخلنا
محمد السني التحايا العواطر
وحب مطر
اسمح لي ان احيي
المبدع الانسان محمد حسن هارون
فهو من التشكليين النادرين
يمتلك الحس العالي
ويتطلًع للسماء دوما
باحث عن الجمال على الدوام
فلك ومحمد هارون
صادق حبي
ولي عوده فالحديث عنه
لايكفيه بوست
مودتي
|
Post: #12
Title: Re: محمد حسن هارون
Author: احمد العربي
Date: 02-04-2007, 11:16 AM
Parent: #11
يا لهذه السماء
وحبيبات الجمال
التي تغمرنا
ونتواصل
|
Post: #13
Title: Re: محمد حسن هارون
Author: احمد العربي
Date: 02-04-2007, 11:23 AM
Parent: #12
عوض هارون
اخيرا سمعنا عنك
اعجبني حديثك المفصل
رغم انصرافك عن بعض التفاصيل
سلامي لك والمدام وانشاء الله الصوره ظبطت معاها وبطلت الجري
مودتي
|
Post: #14
Title: Re: محمد حسن هارون
Author: خضر حسين خليل
Date: 02-04-2007, 11:46 AM
Parent: #1
تهانينا يافنان مذيداً من الانجاذات
شكراً ابو الفنانين علي قول صديقنا قرمبوز الاستاذ السني وياخي الدراما السودانية فاقداك شديد
عوض هارون ... وينك ياصديق
خضر
|
Post: #15
Title: Re: محمد حسن هارون
Author: احمد العربي
Date: 02-05-2007, 07:05 AM
Parent: #14
محمد هارون واندماج متواصل
|
Post: #16
Title: Re: محمد حسن هارون
Author: احمد العربي
Date: 02-05-2007, 07:47 AM
Parent: #15
وجمال محمد هارون
التواصل في ثبات
وبحث في عالم اللون
|
Post: #17
Title: Re: محمد حسن هارون
Author: awadharoun
Date: 02-05-2007, 08:05 AM
Parent: #1
عربي
مشتاقين اكتر منك
والله عايز اجي دبي عشانك . مشتاق ليكم كتير والله انت وسيف اللعوتة عايز لي قعدة معاكم كدة يومين
جمعة وسبت كاملات
ومها الصورة ظبطت معاها وعملوا لينا كمعمارة طويلة هنا في الخبر وبقى عندنا كم عمارة كدة من بتاعات شارع الشخ زايد , فالدهشة زالت " وبعد داك بيني وبينك هي زاتا بقت" سمينة وطيبة" على قول ماركيز
عن محمد هارون
اولا سعيد واعلم ايضا كم هو سعيد بهذه التحية منك
تانيا التفاصيل دي والله سالتكم منها انتو الفنانين وليه مايكون البوست دة مناسبة للحديث عن معاناة المبدع في بلدنا وتقاليدنا وامية كبارنا في بلد ممكن تقرر مستقبلك فيهو حبوبتك والا جدك بكلمة وراي رغم انهم ممكن يكونوا اميين في بلد نسبة الامية فيهو اكتر من 70 في المية
|
Post: #19
Title: Re: محمد حسن هارون
Author: احمد العربي
Date: 02-05-2007, 08:17 AM
Parent: #17
الجميل دوما
الزول السمح
والرائعه مها
والاشبال سلام بدون اسلاك
يجلجل في فضاء محبتكم
سعيد انا بردك
بعدين موضوع الصوره المستحيل تزبط
لانو تعرف هنا الاوضاع زادت تعقيد يعني الكم
عماره العندكم ديل ما بيوزنو الفوكس
تعرف هنا بقت في حاجات تانيه
غايتو مها الا تجيب ليها هيليكوبتر
ولا تتعلم تطير علشان كده خلى الوزن يقل يعني ريجيم
اما هذا المبدع العصي على غبار هذا الزمن
اتوقع منه الكتير
فهو معين مستمر العطاء وتتخلله حكاوى كتيره
وسنحاول تصفحه سطرا سطرا
مودتي
سلام كتير للكميرات
والعدسات
|
Post: #18
Title: Re: محمد حسن هارون
Author: awadharoun
Date: 02-05-2007, 08:12 AM
Parent: #1
خضر انت الوين
اولا منتظرين
ولكن ماعايزينك تجي
ولو مصر والله نحتكم لناس سودانيز
ياجماعة خضر دة عايز يرجع السعودية
|
|