Post: #1
Title: مـنى جــابـر أحرزت الذهب
Author: محمد سنى دفع الله
Date: 05-20-2007, 03:44 PM
Parent: #0
أحرزت السودانية منى جابر ذهبيةمسابقةالسباعيةفي البطولةالعربيةلألعاب القوى
وجمعت 4815 نقطة لتحل فتاتنا الذهبية أمام السوريةفدوى بوظة والأردنيةرانيا
شكري ..
التحية والتقدير لفتيات بلادي رافعات علم البلاد
منى جابر معزتي ومزيد من الإنتصارات
متى نقيم مارثون رابحة الكنانية؟؟
سودانا فوق
|
Post: #2
Title: Re: مـنى جــابـر أحرزت الذهب
Author: خضر حسين خليل
Date: 05-20-2007, 03:52 PM
Parent: #1
برافووو مني جابر
بلد عجيبة خالص عزيزي السني
جميلات زي مني ديل برفعوا في رأسنا بي جهدهم وعرقهم
وواحدين بصروا يغتسوا حجرنا زي حكامنا ديل
وفوق فوق سودانا فوق
شكراً أستاذي
.......
خضر
|
Post: #3
Title: Re: مـنى جــابـر أحرزت الذهب
Author: abubakr
Date: 05-20-2007, 03:53 PM
Parent: #1
تحية لممثلة كنداكات بلادنا
|
Post: #4
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 04:00 PM
Parent: #3
خضر ياشاعر الأحلام
يانصير المرأة
منو غيرك سباق
لي بناتنا الحيروالدنيا
عارف الجرائد يتكتب عن البطولة وتهلل لي ابطالها المجنسين وأولاد البلد
ونحن البت المسكينة دي مافي زول جايب خبرها
عارف شنو يعني ترفع علم بلادك لكل الدنيا
منى كل العالم نور وجهها بالفلاشات
متين نشوف بي حروف كبيرة من ذهب مانشيت
عريض وصورة فيها ملاك اسمر ببتسم للدنيا
اسمو منى جابر
|
Post: #6
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 04:11 PM
Parent: #4
ابوبكر سيد التاريخ
الكنداكات نقلوا للعالم
أجمل ما فينا
ربو الرعية على الحق والجمال
عرفو سر الحرف وقيمة اللون
وسحر الدمورونفح العطور
التي جلبوها من بلاد بنت
في الوقت الذي كانت
بقية العباد لايعرفون
سرالماء والجسد
يابووي بكوري
امنحها تقديرك
وسماحتك
امنحها بركاتك
كنداكة الرياضة
منى جابر
|
Post: #7
Title: Re: مـنى جــابـر أحرزت الذهب
Author: Nesta
Date: 05-20-2007, 04:13 PM
Parent: #4
التحية والتقدير للبطلة السودانية منى جابر التي رفعت اسم السودان عالياً كما فعلت من قبل في عدة محافل ..
|
Post: #5
Title: Re: مـنى جــابـر أحرزت الذهب
Author: محمود الدقم
Date: 05-20-2007, 04:06 PM
Parent: #1
ديل اهلي
وديل قبيلتي لمن ادوُر افصل في البدور فصلي
اقول بعضي، القاهم تسربوا في مسارب الروح بقو كُلي
اسياد قلبي والاحساس
محل قبلتا القاهم معاي..معاي زي ضُلي.
اكان ما جيتا من زي ديل اكان اسفاي وا مأسأتي وا زُلي.
تصور كيف يكون الحال، اكان ما كُتا سُوداني واهل الحارة مُو اهلي؟
الاستاذ السني دفع الله دائما تعطرنا بالفرح، لك حدائق الجمال كلها تجثوا بين يراعك الذهبي، والف الف مبروك لينا.
|
Post: #10
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 04:16 PM
Parent: #5
محمود الدقم
يازول أبشر بالخير
ياخوي بنفرح لمن بلدنا تكون فوق
وبنفرح لمن تلقى شباب اسمر ونضير
بحقق في احلامو واخليك تنوم بأمان
انو باكر اجمل وابهى وانضر
وانو الدنيا بي خير
ده مستقبلنا شنو المابفرح
ابشر بالخير والجمال والفرح
عاجباني زولك المبسوط ده وشنبو ابيض ضميرك
مودتي دقم
|
Post: #11
Title: Re: مـنى جــابـر أحرزت الذهب
Author: Ishraga Mustafa
Date: 05-20-2007, 04:17 PM
Parent: #5
مساء الانتصارات يالسنى
| Quote: متى نقيم مارثون رابحة الكنانية؟؟ |
عندما لاتكمم الافواه والصحافة
عندما لا يتم الاعتداء على إمرأة سياسية فى قامة دكتوره آمنة ضرار
عندما يفتح المسرح السودانى قلبه للسنى ورفاقه ورفيقاته ليعودوا مبهجين شوارعنا والعشاق اللذين تفرحهم العروض المسرحية ومعارض كلية الفنون...
غايتو لنا ان نحلم...
|
Post: #15
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 04:33 PM
Parent: #11
احلمي إشراقة احلمي
وحققي حلمك
ده بوست حيكون
بوست واعي وصاحي
لنحقق حلم
منى ونوال
لندعمهم حتى
بكين
ايه رايكم
|
Post: #12
Title: Re: مـنى جــابـر أحرزت الذهب
Author: عامر تيتاوى
Date: 05-20-2007, 04:20 PM
Parent: #5
عزيزى السنى
تحياتى
طبعا الانتصارات التى حققتها منى جابر وزميلتها
نوال كثيرة جدا وفى العديد من البطولات العربية
وحتى العالمية على مستوى الشباب وكان الانجاز
الاخير لمنى قبيل البطولة العربية التى تجرى حاليا
بالاردن كانت منى جابر قد حققت الرقم التاهيلى للمشاركة
فى اولمبياد بكين وقد حدث هذا فى اليوم السابق لمبارة
الهلال والمريخ فى الاسبوع الماضى وطبعا انت تعرف باقى
الحكاية فقد تفرق دم العاب القوى وبنتينا منى ونوال
بين عشاق الازرق والاحمر وضاع انجاز الوصول الى بكين
فى غمرة التعصب الكروى وسيطرة كرة القدم على العقلية
الرياضية وان كان انجاز وصول فتاة رياضية سودانية الى
الاولمبياد انجاز لا يمكن ان يقارن بالكثير من الانجازات
الوهمية التى ننام ونصحوا عليها
مبروك منى ونوال ومبروك للسودان
وشكرا ياسنى لانك سلطت الانظار الى هذا الجانب المنسى
والى المزيد من انجازات العاب القوى السودانية
|
Post: #16
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 04:36 PM
Parent: #12
تيتا التحية والتقدير ودايما ناس العاب القوى
رافعين راسنا
وحاصدين الذهب
حنتلاقى بالدرب عديل
لانو عندي معاك كلام كتير
عن وصول منى ونوال
ورحلتهم لي
بكين
ايه رايك ؟؟
|
Post: #8
Title: Re: مـنى جــابـر أحرزت الذهب
Author: معتصم دفع الله
Date: 05-20-2007, 04:14 PM
Parent: #1
سلام ود أبوي ..
شوق شديد يعلم الله ..
تحية للبطلة منى جابر وآلاف التهاني لها ..
يا ريت لو نوجه شوية إهتمام للرياضات الأولمبية أكيد ح نحقق فيها الكثير ..
|
Post: #9
Title: Re: مـنى جــابـر أحرزت الذهب
Author: Nesta
Date: 05-20-2007, 04:16 PM
Parent: #8
|
Post: #13
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 04:22 PM
Parent: #9
nesta
احبك ياخي بالغت عديل
والله خليت روحي معلقة بين العلم والغزال الأسمر
ما اروعك وما أجمل الملاك الأسمر
باهي ونبيل يركض واثقا يهزم احزاننا وهزيمتنا الكبرى
لك المودة والمحبة نيستا حتى حدود مملكة الأفراح ..
|
Post: #14
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 04:30 PM
Parent: #8
معتصم ود ابوي
شايفك الأيام دي مشغول بالعديد من الفعاليات
ربنا اديك العافية والقدرة
وانتو الرياضة اصحابة
اكتبو وسلطو الضو على مواهبنا المتفتحة للمستقبل
منى ونوال
مودتي اخوي
|
Post: #17
Title: Re: مـنى جــابـر أحرزت الذهب
Author: haider osman
Date: 05-20-2007, 04:39 PM
Parent: #1
سلام...السنى ..ونيستا
ده صورة جمياة ..ومعبرة ...
واجمل صورة لرياضى سودان ..
الجمال مش الفى بال البعض..
الجمال الضمنى ..المقادر اعبر عنه...
هذه الصورة ..اشعلت كوامن ..حب للوطن ..ل ........
............................................
|
Post: #18
Title: Re: مـنى جــابـر أحرزت الذهب
Author: Nesta
Date: 05-20-2007, 04:52 PM
Parent: #17
استاذي محمد..
والله انا بحبك من زمااان .. سنة كم وسبعين ولا تمنين ما عارف ..المهم حبيتك . . انت سوداني نقي .. اصيل ..
وحشت النيل ..
|
Post: #19
Title: Re: مـنى جــابـر أحرزت الذهب
Author: Nesta
Date: 05-20-2007, 04:55 PM
Parent: #18
يا حيدر ..
والله زووول جايب خبر هنا مافي ..
العجب .. العجب .. العجب .. العجب .. أحمر .. أصفر .. ده الحاصل عندنا ..
رفعك الله يا منى ..
|
Post: #20
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 05:16 PM
Parent: #19
الى كل رياضي مطبوع
الى كل محبي الرياضة
الى كل بوردابي وبوردابية
الى الســـــــودان
نـــــــداء
فلنقف مع
مــنـــى و نـــــوال
حتى بكين
الرجاء إختيار عنوان لهذا النداء
ولنفكر بوعي وحب لبلدنا
ونحقق احلام منى ونوال
ونفرح افريقيا
ونمجد السودان
من أجل
منى ونوال
|
Post: #23
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 07:05 PM
Parent: #17
حيدر عثمان
لك الحب
في قيمة جميلة نثل الحب
اعلن حبك صراح
تكون قريب من كل الخلايق
الحب هدية السما
ياخوي والجمال الداخلي زيو مافي
والجمال الأصلي في السودان
مودتي
|
Post: #21
Title: Re: مـنى جــابـر أحرزت الذهب
Author: سلمى الشيخ سلامة
Date: 05-20-2007, 05:30 PM
Parent: #1
يا منى ، يا منى ، يا منى
يا منى التى جعلتنى ابكى فرحا
حبا لك يا (رابحتنا)
حبا لهذا البلد الذى انجبك
لك يا سنى ارفع القلب تحية لك
|
Post: #28
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 08:10 PM
Parent: #21
سلمى كفكفي دمعك
وأفرحي
ديل بحققن في احلامنا
واحلامك
ورابحة جاية
مع الفجرية
جارية مسافة شوقنا وامانينا
افرحي سلمى
افرحي
|
Post: #22
Title: Re: مـنى جــابـر أحرزت الذهب
Author: Adil Osman
Date: 05-20-2007, 05:48 PM
Parent: #1
مبروك يا منى جابر هذا الانجاز الكبير.. الى الامام..
| Quote: أحرزت السودانية منى جابر ذهبيةمسابقةالسباعيةفي البطولةالعربيةلألعاب القوى |
ما هى السباعية؟
|
Post: #24
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 07:26 PM
Parent: #22
عادل عثمان
ابوالتوثيق
الألعاب الأولمبية
فيها الخماسي والسباعي والعشاري
واتمنى ان تجد كل المعاني الرياضية في مداخلة
التاقد الرياضي المتخصص الذي سوف يتحفنا بالرد
على سؤالك وسوف يقضي لنا
رحلة نوال ومنى الى بكين
اهم المحطات
اهم النتائج
ولكم محبتي
|
Post: #25
Title: Re: مـنى جــابـر أحرزت الذهب
Author: Nesta
Date: 05-20-2007, 07:46 PM
Parent: #24
استا>ي السني ..
اتصل بي قبل قليل من كندا أحد السودانيين السودانيين السودانيين وهو الكابتن صديق محمد احمد وهو كان رئيس لجنة التحكيم المركزية وممثل الحكام في اللجنة الاولمبية وهومتابع للبوست من> البداية وحاول الاتصال بكم الا انه لم يجد رقم هاتف فاتصل بي مشكورا لتوضيح بعض المعلومات للاخوة والاخوات عن السباعي والعشاري :
وما يهمنا هو السباعي وال>ي قال عنه الكابتن صديق :
- يتكون من سبعة مسابقات - تقام خلال يومين
- اليوم الاول :
كسر الحواجز
دفع الجلة
الوثب العالي
200 متر
- اليوم الثاني :
- وثب طويل
رمي الرمح
800 متر
وهي خاصة بالنساء
وتحسب نقاط كل مسابقة ومن يحقق اعلى نقاط يكون الفائز بالمركز الاول
والعشاري مسابقة خاصة بالرجال وتتكون من عشر مسابقات ..
شكراً كابتن صديق ..
الاستا> السني ..
اؤيد مقترحك بعمل تكريم للبطلة السودانية في الخرطوم يتبناه سودانيز اونلاين ..
|
Post: #26
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 07:56 PM
Parent: #25
ني سـت ااا
طريقة جديدة لكتابة اسمك
ياخوي شوفت حكاية التكريم دي
خليها دلوقت ونعنل العمل الحقيقي
انت مع الجماعة ديل بي هناك
شوفن محتاجين لي شنو
اي حاجة بتدعم ال‘ستعداد بتاعن
من الأحذية الى ادق التغاصيل
كل ما يساعد لتأهيلهم بي طريقة عملية
لنساعد الجهات الرسمية والراعية لهم
واذا ما عندهم نخلق ليهم
كل ماهو مبدع ومبتكر
ابه رايك ياابو النا
|
Post: #27
Title: Re: مـنى جــابـر أحرزت الذهب
Author: عامر تيتاوى
Date: 05-20-2007, 08:06 PM
Parent: #25
شكرا للاخ Nesta
على هذا الشرح الوافى لمسابقة السباعى للسيدات
وفى مداخلة اخرى سنستعرض العشارى والخماسى
" target="_blank">[url=http://www.sudaneseonline.com/][/URL]
نوال الجاك خلال مشاركتها فى بطولة العالم للشباب بالمغرب 2005 وفيها فازت بالميدالية الذهبية
|
Post: #31
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 08:20 PM
Parent: #27
جسارة وتصميم
وثقة وتجاوز
نوال الجاك
تنهي جولتها
متجاوزة وعابرة
الى المجد
نوال لك المجد
|
Post: #30
Title: Re: مـنى جــابـر أحرزت الذهب
Author: Deng
Date: 05-20-2007, 08:15 PM
Parent: #1
الاخوة والاخوات.
لقد حان الاوان لكي نهتم بالانواع المختلفة من الرياضة. لقد ضيعنا وقتنا وجهدنا وأموالنا خلف كرة القدم, ولقد تزوقنا هزيمة بعد هزيمة ولقد حققنا فشل ومن بعده فشل أخر. لقد ان الاوان لكي نهتم بالالعاب الاخرى بالبلاد. ماذا قدمنا للعالم اليوم سوى منوت بول ولوال دينق للرياضة الدولية؟
يجب أن نتعلم من ماضينا وتجاربنا. ألف الف مبروك لهذا البطلة وشكرا لك كتير يا السني.
دينق.
|
Post: #32
Title: Re: مـنى جــابـر أحرزت الذهب
Author: عامر تيتاوى
Date: 05-20-2007, 08:32 PM
Parent: #30
جدول الميداليات في ختام اليوم الثالث من
منافسات البطولة العربية الخامسة عشرة لالعاب القوى التي تستضيفها
العاصمة الاردنية عمان وتختتم غدا الاثنين ويحتل السودان المركز الثالث
برصيد 7 ميداليات 4 ذهب و1 فضة و2 برونز
الدولة ذهبية فضية برونزية المجموع
ـــــــــــــــــــــــــــــــــــــــــــــــــــــــــ
المغرب 9 4 3 16
تونس 4 2 - 6
السودان 4 1 2 7
مصر 3 8 5 16
الكويت 3 1 3 7
السعودية 3 1 - 4
البحرين 2 3 2 7
قطر 1 3 5 9
سوريا - 2 4 6
الجزائر - 1 3 4
الاردن - 1 2 3
لبنان - 1 - 1
عمان - 1 - 1
ـــــــــــــــــــــــــــــــــــــــــــــــــــــــ
المجموع 29 29 29 87
|
Post: #33
Title: Re: مـنى جــابـر أحرزت الذهب
Author: محمد سنى دفع الله
Date: 05-20-2007, 08:34 PM
Parent: #30
دينق
كلامك عين الحقيقة
ومليون صاح وهناك ابطال
حققوا للسودان المجد
والإهتمام بنوال الجاك
ومنى جابر
هو إهتمام بالمستقبل
دعونا نقف بصلابة لنصل الى بكين
ونحصد الذهب
ومودتي
|
Post: #34
Title: Re: مـنى جــابـر أحرزت الذهب
Author: بدر الدين الأمير
Date: 05-20-2007, 08:39 PM
Parent: #33
ياوطن عز الإنتصارات
|
Post: #36
Title: Re: مـنى جــابـر أحرزت الذهب
Author: نهال الطيب
Date: 05-20-2007, 09:06 PM
Parent: #34
مبروك منى جابر
مبروك للسودان
بنت النيل المنتصرة لبلدها
|
Post: #41
Title: Re: مـنى جــابـر أحرزت الذهب
Author: محمد سنى دفع الله
Date: 05-21-2007, 07:21 AM
Parent: #36
نهال الطيب
مبروووووك
لينا وليكم
وللسودان الرفعة والعزة
مودتي
|
Post: #38
Title: Re: مـنى جــابـر أحرزت الذهب
Author: محمد سنى دفع الله
Date: 05-21-2007, 05:06 AM
Parent: #34
مأجمل الوطن
وهودائما منتصرا
بحبنا وتوحدنا
منتصرا
دون تفرق وتشرزم
وأمثال
منى جابر
ونوال الجاك
يقربوالقلوب
للوطن الواحد
شكرا بدرالدين
|
Post: #35
Title: Re: مـنى جــابـر أحرزت الذهب
Author: محمد ميرغني حسين
Date: 05-20-2007, 09:02 PM
Parent: #1
تحية شامخة شموخ الوطن العزيز لسمرواته وهن يجلبن له الذهب ،،،
التحية خالصة نقية نقاء الذهب الذي جلبنه ،،،
التحية لكن ،،، منى وزميلاتها،،،
رغم فرحتي الكبيرة بما تحقق إلا أنني أخشي أن تتوقف المسيرة عقب ذلك ،
قد حقق الأبطال العالميون موسى مدني والكشيف حسن وخليفة عمر بطولات خالدات
لا أقول أنها ذهبت أدراج الرياح وعفي عليها الزمن ولكن أخشى على بطلات اليوم
من ذات المصير ،،،
وإلى الأمام إن شاء الله
|
Post: #37
Title: Re: مـنى جــابـر أحرزت الذهب
Author: Elmoiz Abunura
Date: 05-20-2007, 09:08 PM
Parent: #1
Dear Alsuni
التحية والتقدير لمنى جابر
|
Post: #39
Title: Re: مـنى جــابـر أحرزت الذهب
Author: Dr. Abdalla Siddig
Date: 05-21-2007, 06:03 AM
Parent: #37
ود السني
سلامات
الف الف مبروك
اعتقد بانه آن الآوان ان نركز شويه علي الألعاب الأولمبيه وان شاء الله سيكون لنا فيها شان.
مع خلص تمنياتي للبطله مني جابر ولي قدام.
وان شاء الله سودانا فوق رغم العثرات الكثيره التي نمر بها الأن والتي اتمني ان تكون في القريب العاجل
حكاوي.
لك مودتي
|
Post: #40
Title: Re: مـنى جــابـر أحرزت الذهب
Author: حيدر حسن ميرغني
Date: 05-21-2007, 06:14 AM
Parent: #39
مليون مبروك لغزالة السودان الذهبية
سعيدين بالاحتفاء بك
|
Post: #42
Title: Re: مـنى جــابـر أحرزت الذهب
Author: محمد سنى دفع الله
Date: 05-21-2007, 09:21 AM
Parent: #39
د. عبدالله صديق
المودة والمحبة
هو المفروض نهتم بكل شئ في بلدنا
لكن واه من لكن
اعاب القوة دي مفروض نكون اسيادة
لانو من زمن بعيد جونا المتخصيصين
واختارو الناس وتفوقنا
لكن كل مرة تجي حكومة ووزير رياضة ابدا من اول
كل واحد بمسح القديم وابدا من اول
اها بقى لا عندنا قديم ولاجديد
اهتموا شوية
مودتي
|
Post: #43
Title: Re: مـنى جــابـر أحرزت الذهب
Author: Nesta
Date: 05-21-2007, 10:54 AM
Parent: #42
استاذي السني ,,
لك النيل ,,
من هنا يمكننا أن نغير مسار الالعاب الاولمبية في السودان بتبني حملة اولية لدعم الابطال حاليا.. وتمتد الحملة لتصبج مشروعا لرعاية المواهب التي تذخر بها بلادنا في هذا المجال والخامات الممتازة التي نملكها تؤهلنا للسيطرة تماماً على اكثر من ست لعبات سيطرة تامة .. نسمع منك .. ورهن اشارتك ..
|
Post: #44
Title: Re: مـنى جــابـر أحرزت الذهب
Author: محمد سنى دفع الله
Date: 05-21-2007, 11:04 AM
Parent: #43
NESTA
المحبة والمودة
صديقي
أول حاجة لابد ان تصل بطلاتنا
وانت مسموح لك بكل الطرق القانونية
تجمع المعلومات الأساسية من اتحاد العاب القوى
نحن هنا ممكن بواسطة علائقنا وعلائق ابطالنا الذين يعملون
هنا وخرجوا ابطال كثر
يمكن ان نساعد في استضافتهم في معسكرات مثل
ماتم للمريخ والهلال
ما يحتاجونه الان من كل ما يدفع لتقدمهم
نيستا ده شغل عام شعبي
نحن اطلقنا النداء
انطلق
|
Post: #46
Title: Re: مـنى جــابـر أحرزت الذهب
Author: Nesta
Date: 05-21-2007, 11:16 AM
Parent: #44
أستاذي السني ..
أرجو فتح بوست منفصل .. واختر له عنوان مثل (مساندة أبطال السودان في أولمبياد بكين ) أو ما تراه مناسباً ..ونطلب من الاخ بكري تثبيته ..ولنبدأها معركة حتما سنخرج منها منتصرين ..
|
Post: #45
Title: Re: مـنى جــابـر أحرزت الذهب
Author: ismeil abbas
Date: 05-21-2007, 11:14 AM
Parent: #1
ألخ/محمد السنى
سلام كتير
وشكرأ ليك على هذا الخبر المفرح وإن شاء الله مزيدآ من ألأنتصارات لبلدنا الحبيب......
تحياتى......إسماعيل محمد أحمد عباس..................أم درمان......
|
Post: #47
Title: Re: مـنى جــابـر أحرزت الذهب
Author: Nasruddin Al Basheer
Date: 05-21-2007, 11:25 AM
Parent: #45
كعادتها دائماً،
منى جابر لا ترضى بغير الذهب
ألف مبروك لها وللسودان
ومزيداً من الانتصارات
|
Post: #48
Title: Re: مـنى جــابـر أحرزت الذهب
Author: محمد سنى دفع الله
Date: 05-21-2007, 02:50 PM
Parent: #47
نيستا اخوي
كورهتي موضوع واحد اتفتح ليهو اكتر من بوست
خلينى في بوستنا ده
ما معقول اكون في صفحة واحدة لينا الف بوست
انت فاكر انا معجب بي
زي ما قال خليل اسماعيل
نيستا
بوست واحد حتى بكين
|
Post: #51
Title: Re: مـنى جــابـر أحرزت الذهب
Author: محمد سنى دفع الله
Date: 05-21-2007, 09:16 PM
Parent: #45
اسماعيل عباس
سودانا فوق
شكرا للمرور
ودعمك للرياضة السودانية
مودتي
وتابع معنا حتى بكين
|
Post: #49
Title: Re: مـنى جــابـر أحرزت الذهب
Author: أبوذر بابكر
Date: 05-21-2007, 03:05 PM
Parent: #1
مبروك علينا يا سنى
وده المفروض يحصل من زمان
انا من عشاق ألعاب القوى بكل انواعها
وبتابع بحرص وإهتمام دائما بطولات الجائزة الكبرى الستة
والبطولات القارية
واتذكر فى العام 95 كنت متابع بطولة الجائزة الذهبية فى هلسنكى فى فنلندا
وحقيقة حز فينى جدا عدم مشاركة السودان ولو فى الحدود الدنيا، لما كنت اشوف دول زى البهاما وجامايكا وترينداد وجزر كده حتى فى الخريطة ما حتلقاها واضحة، وكانو بحرزو ميداليات ذهبية وفضية
كتبت فى اليوم داك موضوع هنا فى المنبر "الراهن الرياضى فى السودان" وقبل شويه حاولت القاهو تانى من الأرشيف وما قدرت
والتحية للبطلة ومزيد من الإنجاوات
|
Post: #50
Title: Re: مـنى جــابـر أحرزت الذهب
Author: Outcast
Date: 05-21-2007, 03:35 PM
Parent: #49
مبروك للسودان ..
منى جابر ...
نتمنى ان يتم دعم منى و غيرها من الرياضيين السودانيين الموهوبين ..
و غيرهم من أبطال العاب القوى لنعيد سيرة الكشيف حسن
|
Post: #52
Title: Re: مـنى جــابـر أحرزت الذهب
Author: almulaomar
Date: 05-23-2007, 04:14 PM
Parent: #1
تعرف يا محمد سني يا جميل بوست زي ده مكانه مقدمة المنتدي والمفروض على أقل تقدير يتم تعليقه في أستار البورد لمدة أسبوع أقل شئ ، وذلك أقل تقدير لبطلة لعبت بإسم السودان ورفعت علم السودان
التحية للبطلة مني جابر ومزيداً من التقدم والنجاح والبطولات
|
Post: #53
Title: Re: مـنى جــابـر أحرزت الذهب
Author: محمد سنى دفع الله
Date: 05-23-2007, 09:05 PM
Parent: #52
المولى عمر
آلـوشوقي ــــمـــو
حبي ومودتي
كلامك زوق ورقة منك
عاجبني الحمل الفاهم
والبوسة الحلوة والتوافق البيئي
بين الحمل الوديع والطفل البريئ
وكلامك قلادة ذهبية على صدري
دعم غير محدود لبطلتنا
منى والبطلة نوال
وحتى بكين
شوقي ومودتي
دام صفانا
|
Post: #54
Title: Re: مـنى جــابـر أحرزت الذهب
Author: خالد العبيد
Date: 05-24-2007, 00:45 AM
Parent: #1
تحية لممثلة كنداكات بلادنا
|
Post: #56
Title: Re: مـنى جــابـر أحرزت الذهب
Author: محمد سنى دفع الله
Date: 05-25-2007, 10:23 AM
Parent: #54
خالد العبيد
يامن تحرس البوابة الشرقية
للشــمــس
في استراليا
اتمنى ان تحضروا مسابقات بكين
فركة كعب منكم
تحياتي لكم خالد في غربتكم الجد جد
ام عنصرية وغربة ام دق
مودتي
|
Post: #55
Title: Re: مـنى جــابـر أحرزت الذهب
Author: Ahmed Hamza
Date: 05-25-2007, 01:56 AM
Parent: #1
الاخ محمد لك التحايا
و لها التحايا والاحترام وهي ترفع اسم السودان عاليا
|
Post: #57
Title: Re: مـنى جــابـر أحرزت الذهب
Author: محمد سنى دفع الله
Date: 06-01-2007, 01:28 PM
Parent: #55
احمد حمزة
التحية والمحبة
هاهي بطلتنا
منى جابر
تحرز 5 ميدالايات ذهبية
ويحرز السودان المركز الثاني
في دورة يوغندا لألعاب القوى
الى الأمام منى
حتى بكين
منى الذهبية
|
|