Post: #1
Title: قدوم Estella
Author: طارق جبريل
Date: 11-22-2015, 04:46 PM
Parent: #0
03:46 PM Nov, 22 2015 سودانيز اون لاين
طارق جبريل-المغرب
مكتبتى
رابط مختصر https://www.0zz0.com في سنة تالتة متوسطة اتذكر كان مقرر علينا الرواية دي بالاضافة لي tom brown's schooldays.. الرواية كانت عاجبانا جدا جدا خصوصا الريدة الفيها بين البطل وEstella والحبكانات الكانت تحت تحت ديك.. أها أنا والجميلين أحمد عبد الله دهب ومختار هارون الله يذكرهم بالخير ما عارف الايام وين طوحت بيهم كنا بنجي المدرسة «الامتداد 3 المتوسطة بنين» بدريييي ونتكل لينا تحت حيطة ونقعد نقرأ جابتر جابتر.. احمد دهب كان عاجباهو علاقة البطل بي uncle pumblechook والخساسات الكانت حاصلة وهو كاتل الجدادة وخامي بيضها وكان مسمي الناس ديل من الرواية ناس الخيانة واللعب أرضي أرضي هههههههههه. أنا ومختار هارون كانت عاجبانا الريدة بتاعة البطل وEstella... الريدة الدقاقة ديك وبراااااحة براااحة وكلما نمشي قدام نخاف من حبوبة البطل اللابسة زفافها وقاعدة بالشاكوش حقها تقوم تهرش البطل والقصة تبوظ... اها كلما نغرق في حتة الريدة دي مختار هارون يقعد يتوحوح: أحي أنا من «البرتق» الألموظ ياخ عذبوووووووو... أها زمان لمن الدنيا بي خيرها المدارس كانت بتتفق مع ناس قاعة الصداقة وبيعرضوا الفليم بتاع الرواية دي وكل يوم بيحددوا عدد المدارس البتجي تحضر الفيلم.. نص بنات ونص أولاد... يعني co-education من أمه هههههههه.. أها لمن حددوا لينا المواعيد «التكلفة كلها بي بص الترحيل كانت خمسة جنيه».. وعلي حس البرتق الجايي معانا دة كلنا كنا قافلين علي «قدوم» كدة بين البطل وEstella ههههههه.. جاء البص «التيمس» ربكنا والاساتذة ركبوا قدام «منير المغربي واستاذ الفاتح».. قلبناها ليك غناء وسكسكة في البص لمن بهناك مع وقفة البص كدة لقينا بص بنات برضو بنزل فيهم... مختار هارون وخالد «أبو لونقا» أدوها كواريك كدة: أحيي أنا يا الكبدي الجواهو باسطةه هههههههههههه.. الناظر منير المغربي أدانا ليك نور طويل لمن آمنا.. دخلنا القاعة والموكيت السمح حقها داك لمن قربنا ندردق فيها.. أها قبل الفيلم دة ما يبدأ ناس تكنتك للجكس وواحدين طلعوا في اضنين الكراسي ويغمزوا لي القرمبوز دة والجكس داخل ليك في «الخوجلاب» وينقنقوا مع بعض ويتبسمن «بنات هرمة ياخ البرتق ديل يحبوا يجهجهوا خلق الله»... شويتين طفوا الأنوار.. أنا كنت قاعد جمب احمد دهب واسامة مختار الله وطارق محمد حسين الله يطراهم بالخير.. مختار هارون كان قاعد بعيد مننا اول ما طفوا الانوار قعد يكورك: يا طارق جبريل ركز لي في الحنان ياخ ونن طرزانني أنا ياخ ههههههههههههه... كان فلاتي حلو ياخ من اولاد «العشش».. القاعة دي كلها انفقعت ضحك... أها الفيلم شغال ونحن حافظين القصة صم لمن البطل قرب من Estella ووشهم كل مرة يقرب من بعض الاولاد كل زول قعد يكورك براهو: آآآآآآآي يا اميقو... كوب الميرندا يا دجانقو... شفايف ومعاها رفارف ياااخ أها قوم يا البطل قطع ليك «القدوم» في Estella.. القاعة دي هاجت وماجت وسط القيامة دي كلها مختار هارن بي أعلى صوته: وااااااااااااااي أنا يا مريومة ياخ my heart is broken ههههههههههه
|
Post: #2
Title: Re: قدوم Estella
Author: HAYDER GASIM
Date: 11-22-2015, 05:07 PM
Parent: #1
يا ود جبرين .... طرطشت {المناظر} .... مالك؟طوالي دخلت توووش في {تلك القبلة} ... أها بعد كده ما عارف باقي القصة حا يمشي على وين عندي إحساس إنكم بعد السينما رجعتوا الإمتداد كداري, ما عارف ليه؟؟؟؟ طارقنا ... أشواقنا لا تفتر... تحياتي لناس الإمتداد وكل الأصدقاء المشتركين, وبينكم والصحافة {القيافة} ... واصل
|
Post: #3
Title: Re: قدوم Estella
Author: طارق جبريل
Date: 11-22-2015, 07:11 PM
Parent: #2
| Quote: يا ود جبرين .... طرطشت {المناظر} .... مالك؟ طوالي دخلت توووش في {تلك القبلة} ... أها بعد كده ما عارف باقي القصة حا يمشي على وين عندي إحساس إنكم بعد السينما رجعتوا الإمتداد كداري, ما عارف ليه؟؟؟؟ طارقنا ... أشواقنا لا تفتر... تحياتي لناس الإمتداد وكل الأصدقاء المشتركين, وبينكم والصحافة {القيافة} ... واصل |
اوووووووووه حبيبنا وليد قاسم كيفنك ابوي ياخ علمي الله الشوق لااااعندك ياخ كان غرقنا في التفاصيل بنمشي الخور ههههههههههههههههه
|
Post: #4
Title: Re: قدوم Estella
Author: ياسر السر
Date: 11-23-2015, 09:05 AM
Parent: #3
لا حولااااااااااااااااااااا والله انت قديم خلاص يا ود جبريل اتاريك من الناس الحفرو البحر هههههههههههههههههههههههه ياخي والله مشتاااقين عدييل كده يا راجل غايتو يا خوي نحن زمنك ده ما حضرناه واتاريك انت من زماااان بتاع حنان وكده يا مسخوت ههههه ,,,, يلا اكتب وطلع القديم والما عندو قديم ما عندو جديد ولا شنو ؟ يا بتاااء الهنان انت يجازي محنك .... تحياتي : ياسر العيلفون ..
|
Post: #5
Title: Re: قدوم Estella
Author: ismeil abbas
Date: 11-23-2015, 09:15 AM
Parent: #4
| Quote: my heart is broken |
جميل يا طارق..سرد الذكريات شىء مفرح.تحياتى وسلامى
|
Post: #6
Title: Re: قدوم Estella
Author: ابو جهينة
Date: 11-23-2015, 09:27 AM
Parent: #5
تحياتي طارقمتعة هي القراءة لك.نقلتني القصة إلى عطبرة ، أيام أفلام الويسترن ، وأيام أفلام الأبيض والأسود.دمتم
|
Post: #7
Title: Re: قدوم Estella
Author: أيمن الطيب
Date: 11-23-2015, 09:47 AM
Parent: #6
| Quote: وااااااااااااااي أنا يا مريومة |
وفى مقولة أخرى رقد كاويك يا طارق بطل حركاتك دي تعمل العملة وتلصقا في الناس مختار هارون مسكين والله ياخ والله مشتاقين,,
|
Post: #11
Title: Re: قدوم Estella
Author: طارق جبريل
Date: 11-23-2015, 11:12 AM
Parent: #7
| Quote: وفى مقولة أخرى رقد كاويكيا طارق بطل حركاتك دي تعمل العملة وتلصقا في الناس مختار هارون مسكين والله ياخ والله مشتاقين,, |
اوووووه حاج ايمن ازيك ياخياخ مختار هارون زول كان رياد من ولدوهوا وراقد كاويق هههههههههههههه
|
Post: #10
Title: Re: قدوم Estella
Author: طارق جبريل
Date: 11-23-2015, 11:11 AM
Parent: #6
| Quote: تحياتي طارقمتعة هي القراءة لك.نقلتني القصة إلى عطبرة ، أيام أفلام الويسترن ، وأيام أفلام الأبيض والأسود.دمتم |
سقى الله تلك الأيام استاذنا ابا جهينةممنون يا حبيب
|
Post: #9
Title: Re: قدوم Estella
Author: طارق جبريل
Date: 11-23-2015, 11:10 AM
Parent: #5
| Quote: جميل يا طارق..سرد الذكريات شىء مفرح.تحياتى وسلامى |
اووووه استاذنا سمعة ياخنعلك طيب يا حبيب
|
Post: #8
Title: Re: قدوم Estella
Author: طارق جبريل
Date: 11-23-2015, 11:09 AM
Parent: #4
| Quote: لا حولااااااااااااااااااااا والله انت قديم خلاص يا ود جبريل اتاريك من الناس الحفرو البحر هههههههههههههههههههههههه ياخي والله مشتاااقين عدييل كده يا راجل غايتو يا خوي نحن زمنك ده ما حضرناه واتاريك انت من زماااان بتاع حنان وكده يا مسخوت ههههه ,,,, يلا اكتب وطلع القديم والما عندو قديم ما عندو جديد ولا شنو ؟ يا بتاااء الهنان انت يجازي محنك .... تحياتي : ياسر العيلفون .. |
لا تعال أرضع بالله هههههههههههههههحبيبنا كيفنك ياخ
|
Post: #12
Title: Re: قدوم Estella
Author: Yousuf Taha
Date: 11-23-2015, 12:18 PM
Parent: #8
جدو طارق ياخ طولنا منك مشتاقين عديل كدة
|
Post: #13
Title: Re: قدوم Estella
Author: عبدالعزيز الفاضلابى
Date: 11-24-2015, 00:35 AM
Parent: #12
كيفك يارجل ياطيب ,, لسه فى المغرب؟
|
Post: #16
Title: Re: قدوم Estella
Author: طارق جبريل
Date: 11-26-2015, 00:57 AM
Parent: #13
| Quote: كيفك يارجل ياطيب ,, لسه فى المغرب؟ |
يا حبيب كيفنكياني في محلي وين اطير ههههههههههههههههههههههههههه
|
Post: #14
Title: Re: قدوم Estella
Author: طارق جبريل
Date: 11-24-2015, 11:06 AM
Parent: #12
| Quote: جدو طارق ياخ طولنا منك مشتاقين عديل كدة |
جدو في عينك يا وغدحبيبنا كيفنك ياخ
|
Post: #15
Title: Re: قدوم Estella
Author: Yousuf Taha
Date: 11-24-2015, 11:50 AM
Parent: #14
والله متواجدين بس الجري يابا انت ان شاء الله طيب ياخ
|
Post: #17
Title: Re: قدوم Estella
Author: علي عبدالوهاب عثمان
Date: 11-26-2015, 12:22 PM
Parent: #15
عوداً حميداً حبيبنا طارق ..كمان وحدة من ديار أهلنا الشايقية ..مطولين من حكاوي الجميلة .. واللغة المموسقة ..مودتي .. استاذنا طارق ..
|
Post: #18
Title: Re: قدوم Estella
Author: طارق جبريل
Date: 11-28-2015, 10:29 PM
Parent: #17
| Quote: عوداً حميداً حبيبنا طارق ..كمان وحدة من ديار أهلنا الشايقية ..مطولين من حكاوي الجميلة .. واللغة المموسقة ..مودتي .. استاذنا طارق .. |
يا حبيب نعلك طيب ياخوحاتك مشاغل الدينا بس
|
Post: #19
Title: Re: قدوم Estella
Author: يحي قباني
Date: 11-28-2015, 11:05 PM
Parent: #18
تعرف يا صديقي ...انا ورثت مكتبة كاملة من الوالد رحمه الله كلها من الــ penguin publishingبس كل المجموعة كان لون الغلاف اخضر فاتح ...منها كتب اجاثا كريستي و كتب الفرد هتشكوك ...يا سلاااام يا ود جبريل ... رجعتنا الى ماضٍ تولى ...
|
Post: #20
Title: Re: قدوم Estella
Author: طارق جبريل
Date: 11-30-2015, 01:23 PM
Parent: #19
| Quote: تعرف يا صديقي ...انا ورثت مكتبة كاملة من الوالد رحمه الله كلها من الــ penguin publishingبس كل المجموعة كان لون الغلاف اخضر فاتح ...منها كتب اجاثا كريستي و كتب الفرد هتشكوك ...يا سلاااام يا ود جبريل ... رجعتنا الى ماضٍ تولى ... |
والله بختك يا حبيب داك عالم حلو ياخوعنده نكهته براااااااهو
|
Post: #22
Title: Re: قدوم Estella
Author: طارق جبريل
Date: 12-01-2015, 11:00 PM
Parent: #21
| Quote: ود جبرين،سلآمات ؤُ مشتاقين .والله يا طارق بوستيك دا انا ما قريتو،لكن كدي أُخُدلك جولة هنا ؤُ بجيك بطاقة تانية .كنت بتكلم مع سيف الدولة بعد غيبة طويييييييييييلة ياخ ... |
عييييييييييك حبيبنا الفي البلد البعيدي ديك كيفنك ابوي
|
Post: #23
Title: Re: قدوم Estella
Author: طارق جبريل
Date: 12-06-2015, 01:37 PM
Parent: #22
| Quote: العلي عليطارق جبرين يا مسخوت انت من دفعة ميرغني ابقيقة !! كنتوا بتحبو من زمن المتوسطة . |
سجمي ابقيقة دة لمن دخل المتوسط انا ما ولدوني ههههههههههههههههههههه
|
|