شئ من الحنين (2)

المُغربية ياخ.. المغربية ديك.. وتباشير الخريف هابة كدة..
مساءات الخرطوم كانت عجيبة ياخ..
وتسمع صوت الملاية وهي بتهب في العنقريب..
ويجيك صوت عمنا محمد صالح ينادي للمغرب.. صوت رخيم وجميل..
رجال الحي وهم بي عراريقهم وسراويلهم يضحكون وهم ماشين الصلاة..
ريحة الشاي المقنن والفانوس في طربيزة المكوة..
ظلال امك هي داخلة وهي طالعة من التكل..
ريحة اللقيمات.. كباية الشُب.. بنبر الحبال وبنبر البلاستيك..
الماشة يحركوا بيها الجمُر عشان براد الشاي..
صوت غنم خالتنا أم النصر وهي بترضع في العتتان..
الهبابة معلقة في مسمار قدام باب التُكُل..
علبة «الختة» في عنقريب صغير جنب التكل وفيها قلم كوبيا واسامي ناس الختة..
صوت حمامة انزلقت من راس الصفيحة المعلقة في بورج الحمام..
«هنا أم درمان».. الرادي معلق من جلدة كدة في مسمار كبير في شِعبَة الراكوبة..
نشرة تمانية.. اخبار الموت في ارجاء هذا المليون ميل وأماكن الدفن..
خلف الله حمد:
أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع

الله الله ياخ..

داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المضارع

صوت الريق والشيالين.. طرب من جوة ياخ... من جوة شديد

يـفـر خـيت بـسـمه يشبه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
محنن دون قنله وحدو وتوبو واقع
يـتـغطى بــي سـواعده ويحنو كـانه واجـع
ويلتجى بى مرافقه واطراف المضاجع
وتتلب فوق شفاهه لؤلؤة المدامع
يــردد لــي نـغـيماً تـشتاق لـي الـمسامع

عجيب يا ود الرضي انت ياخ كلامك بيدخل توووووووووش للوجدان

أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل بشـعره ألـقى الـفرق شـاسع
اقيس الفم بودعه القى الودع واسع
دي مــا بـيـلقاها زول زي صـيـده نـاجـع

وصف مبالغة ياخ.. حُب... حُب شديد..

صوت وهمهمة غناء وصوت صحون بتتغسل..
بختها العِدة بيك.. سعيدة في عضمها دة.. سعيدة ياخ..
سعيدة ليفة العدة في أناملك..
سعيد الجردل الشاف عيونك ومويته الوســـــــخانة راقت..
سعيدة السوستة وعرق الرقبة نازل فيها..
سعيدة الريح البتمايل ضفايرك ياخ..

قمرة في نص السماء.. رفعة رجل حد الركبة..
حِلِم بعيد.. جميل ممتع.. أماني حدها السماء..
ضمة إيد.. همسة ريد.. بسمة ثقر..

«هنا لندن».. صوت «المدفعجي» تجوب أركان الكون..
«صوت العرب».. الأبنودي يقرأ «يا عبد الرحمن»

ثم..
صوت مسجل ما بابه مكسور..

أي قليل يا طيف أقيف وأرجاني
وين فايتني عابر
وأنا شن حارس وراك أنا تاني
ياني معاك مسافر
وين حتى الطيف رحل خلاني
ما طيّب لي خاطر

الله عليك يا محمد كرم الله ياخ..
رنة طمبور تدخل الوجدان من غير استئذان..
ومحمد سعيد دفع الله يجعل الحروف تتموسق..

رنة طمبور تاني:
حبي فارق تاني ما ظنيتو يرجع..
آه يا خلايا لي قلبي الموجع..

إنا لله ياخ..

ما أحلى تلك المساءات... برنامج (لقطات) وفريد عبد الوهاب... ABBA وThe Eagle..
صوت ديمس روسيس العذب.. وboney M.. وزمهرير رأس السنة..
ثلاثة عناقريب... تلفزيون في طربيزة.. جلسرين في الشباك وبرطمان كركار.. علبة فيكس..
شقوق في الرجلين والوش.. (يا ود اتمسح بالجلسرين).. (يمة البرد ياخي)...
(اصبروا مديدة الحلبة قربت تنجض).. كانون وفتحة بالجنبة وشوية رماد وفحم يطقطق تحت (حلة مكرتبي) فيها مفراكة بالجنبة...
وشوش تحت البطاطين شايلة (كورية رمضان كريم الصغووويري) بتتفرج في الساحر وهو يحول الاوراق إلى حمامة..
اندهاشات على المحيا.. تمتمات زولة حنينة:(الله يغتي عليكم ويطرح البركة فيكم)..
(قوموا صلولكم ركعتين في السنة الجديدي دي فشان الله يفتحها عليكم)..
فرقة جاز وابتسامة فريد.. سنة جديدة وإمنيات حد السماء..
فيلم (western) او اعادة لحلقة من (the little house)..
صوت الريح في شباك الخشب.. صوت الطشت جنب الماسورة بعد أن عبثت به الريح...
ثبات ونوم عميق.. ريحة (لبيني مقننة) في دغشا بدري.. بستلة فيها لقيمات..
صوف البطانية احمر احمر في الراس.. فرشة اسنان جنب الماسورة.. كباية (شوب)..
خشم منفوخ من لقيمات مغتسة في الشاي..كورة شراب و(ضقِل) و(حجلة)..
و(حلة سخينة) وصاج وحطب و(طبطاب) وونسة فوق الحيط على ضهر البنابر.. ومحبة لله وشوق للبلد..

إنا لله ياخ
سنتكم سعيدة

ياسلام عليك ياودجبرين
ربنا يديك الصحة
والعافية كلامك سمح
بالحيل والله عشنا
معك كل التفاصيل
الجميلة
تسلم

والله ده الحكي البوقف صوف الراس الفضل،ا###### بشعر الجلد ،وامرق الدموع شو من العينين....يازول ها،سالتك بالذي قد خلقك،،انت عشت معانا في بيتنا ،،،حاجة تشكك.

يكطعك ويكطع شياطينك جت
ما تخلنا في هِبابنا دا
مالك علينا حسي




لا مشتاقين ولا شيتين يا شين

Quote: يكطعك ويكطع شياطينك جت ما تخلنا في هِبابنا دا مالك علينا حسي لا مشتاقين ولا شيتين يا شين

مقطوع الطاري كيفنك ابوي
سنة سعيدة يا حبيب

Quote: والله ده الحكي البوقف صوف الراس الفضل،ا###### بشعر الجلد ،وامرق الدموع شو من العينين....يازول ها،سالتك بالذي قد خلقك،،انت عشت معانا في بيتنا ،،،حاجة تشكك.

زمن يا الحبيب
البيوت كانن كلهن واحد

Quote: ياسلام عليك ياودجبرين ربنا يديك الصحة والعافية كلامك سمح بالحيل والله عشنا معك كل التفاصيل الجميلة تسلم

ود القرشي كيفنك ابوي
زمن يا حبيب

وعرج على الحبيبة البتشتغل طاقية حرير احمر

سلامن ياود جبرين من البلد البعييييييد الغابر!

البيوت كانن كلهن واحد
----------------------------------------------
عشان كدة السودان كان جميل ..... الدهشة وااحدو و البفرح و الببكي واااحد

سنتك سعيدة يا طارق

Quote: and#199;صوت غنم خالتنا أم النصر وهي بترضع في العتتان. and#216;and#199;and#209;and#222;

دحين يا ود جبرين ، حاجه ام النصُر دي ، ما فكَّت الصُرار من شطر الغنماية وحلبت وطلقت السُخلان.
يديك العافيه طارق ، وكل عام وأنتم بخير

كُل المودة

Quote: دحين يا ود جبرين ، حاجه ام النصُر دي ، ما فكَّت الصُرار من شطر الغنماية وحلبت وطلقت السُخلان. يديك العافيه طارق ، وكل عام وأنتم بخير كُل المودة

حليل ام النصر وحليل العتتان يا ود فضل
سنتك سعيدة يا حبيب

Quote: البيوت كانن كلهن واحد ---------------------------------------------- عشان كدة السودان كان جميل ..... الدهشة وااحدو و البفرح و الببكي واااحد سنتك سعيدة يا طارق

سنة سعيدة يا مازن

Quote: وعرج على الحبيبة البتشتغل طاقية حرير احمر سلامن ياود جبرين من البلد البعييييييد الغابر!

ود الشيخ كيفنك يابة

طارق .
يا طارق يا أجمل المسانيح .
سلامات
ياخ أنت الحنين ده حتفوت منو وين ؟
الحنين متلفحك يعني متلفحك .
باريك ومتشربك في عجاج نعلاتك يعني متشربك .
ده يا أخوي لا بنقطع .
لا بنفصل .
لا بتملص .
الوداك يا طارق يا ود حشا الخالة ترضع الحنين من شطر البلد الماكن شنو ؟
الوداك تعافر جهات الطنابير شنو ؟
الحنين ده حيباريك الحجل بي الرجل من لفة النيل ديك ولي المقابر المامعروفة وين .
تحياتي يا عزيز

آه من ذاكَ الحَنِين

نخرج من الوطنِ مثخنين بجراحِ متعددة .... ويعيدنا إليه ذاك الحنين قبل أن نشفى من الجراح القديمة .... ليزيدها الوطن ويضيف إليها جراحاً جديدة

سرد جميل ..
طلعنا الرواويس .. والترابلة ..
لناس البوني إم .. وراس السنة ..
انت رائع اينما ما حللت ..

تحياتي

مولانا شيخ الكتابات المترعه الجمال وسيد الشى ذاتو
البطانيه الحمره دى من ياتو مسيد نار حبو تتشابى لى قلوب المريدين
مدد ياشيخنا
محايتك كاربه وسرها باتع ...
.....

كل سنه وانت طيب ياطارق جبريل..

Quote: مولانا شيخ الكتابات المترعه الجمال وسيد الشى ذاتو البطانيه الحمره دى من ياتو مسيد نار حبو تتشابى لى قلوب المريدين مدد ياشيخنا محايتك كاربه وسرها باتع ... ..... كل سنه وانت طيب ياطارق جبريل..

اوووووووووه حبيبنا الملهم
كيفنك ابوي وكل سنة وانت طيب

الله يجبر بي خاطرك يا حبيب

Quote: سرد جميل .. طلعنا الرواويس .. والترابلة .. لناس البوني إم .. وراس السنة .. انت رائع اينما ما حللت .. تحياتي

حبيبنا علي
وحاتك انا تربال ساااااااااااااي وماني زول غربة شي

Quote: آه من ذاكَ الحَنِين نخرج من الوطنِ مثخنين بجراحِ متعددة .... ويعيدنا إليه ذاك الحنين قبل أن نشفى من الجراح القديمة .... ليزيدها الوطن ويضيف إليها جراحاً جديدة

حنين عجيب يا هاني ياخ

Quote: طارق . يا طارق يا أجمل المسانيح . سلامات ياخ أنت الحنين ده حتفوت منو وين ؟ الحنين متلفحك يعني متلفحك . باريك ومتشربك في عجاج نعلاتك يعني متشربك . ده يا أخوي لا بنقطع . لا بنفصل . لا بتملص . الوداك يا طارق يا ود حشا الخالة ترضع الحنين من شطر البلد الماكن شنو ؟ الوداك تعافر جهات الطنابير شنو ؟ الحنين ده حيباريك الحجل بي الرجل من لفة النيل ديك ولي المقابر المامعروفة وين . تحياتي يا عزيز

عثمان كيفنك ابوي
الله يعلم يا الحبيب اتهريت غربة
ماني زول غربة ياخ

الأحباب طارق جبريل وبلة الفاضل وملهم كردفان وكُلَّكُمْ، هاكُمْ:

أكتبُ هذا الحنينَ إلى بلدي
"أبعدَ مِنْ تٌرُّهاتِ الطغاة
وأقربَ مِنْ وهوَهاتِ الوريد"
أدلُقُ شايَ الصباحِ على غبَشِ الفجْر
على وَرْقةٍ هاهنا
تستبيحُ فضاءاتِها
لُغَةٌ لا تطالُ النشيد
أذكُرُ كيف تُدَندِنُ أُمي
حين تُساوِرُها رغبةٌ في البكاء
ربَّما…أو رغبةٌ في الغناء

أكتبُ بعضَ الرسائل
أحكي لصحبي
عن شهوتي للهواءِ البليل
الذي يتمدَّدُ مثلَ المِلاءةِ فوقَ السرير
قبل ارتماءِ الجسَدْ
عن خَيبةٍ في البنات
والبناتُ مدَدْ
عن سهرةٍ كالأَلَقْ
يُغني المُغني الرهيفُ خواطرَنا
فيما نُردِّدُ آهاتِهِ
كالصدى إذْ يَرِقْ
عن زحمةِ الحافِلات
ذُهولِ الطريقِ عن العابرين
طِيبةِ ذاك السؤال/أينَ يكونُ البريد…؟!
عن أيِّ شيء…
وأنظرُ ما يكتبون
فلا ينتظِرني أحَدْ…

الجمعة 28 أغسطس 1998

Quote: المُغربية ياخ.. المغربية ديك.. وتباشير الخريف هابة كدة.. مساءات الخرطوم كانت عجيبة ياخ.. وتسمع صوت الملاية وهي بتهب في العنقريب.. ويجيك صوت عمنا محمد صالح ينادي للمغرب.. صوت رخيم وجميل.. رجال الحي وهم بي عراريقهم وسراويلهم يضحكون وهم ماشين الصلاة.. ريحة الشاي المقنن والفانوس في طربيزة المكوة.. ظلال امك هي داخلة وهي طالعة من التكل.. ريحة اللقيمات.. كباية الشُب.. بنبر الحبال وبنبر البلاستيك.. الماشة يحركوا بيها الجمُر عشان براد الشاي.. صوت غنم خالتنا أم النصر وهي بترضع في العتتان.. الهبابة معلقة في مسمار قدام باب التُكُل.. علبة «الختة» في عنقريب صغير جنب التكل وفيها قلم كوبيا واسامي ناس الختة.. صوت حمامة انزلقت من راس الصفيحة المعلقة في بورج الحمام.. «هنا أم درمان».. الرادي معلق من جلدة كدة في مسمار كبير في شِعبَة الراكوبة.. نشرة تمانية.. اخبار الموت في ارجاء هذا المليون ميل وأماكن الدفن.. خلف الله حمد: أنــا فــي الـتـمني ديـمـه هـديلي سـاجع مـا لـقيت لـي مـغيث ولا لـقيت لـي مـراجع الله الله ياخ.. داير أشوف حبيبي اليوم داك شفته رايق ودمعه ناقع أســود شـعـره حـالـك أمـا صـفاره فـاقع تـتـلاصف خــدوده لا حـجـاب ولا بـراقـع أشـوف لـعسو ونـواعسو جـل الـباري صانع أشـوف فـي خـده شخصي وفي صدري المضارع صوت الريق والشيالين.. طرب من جوة ياخ... من جوة شديد يـفـر خـيت بـسـمه يشبه بـرقـاً لـيـله هـاجـع يـرفـع لــي رشـاشـه يـسبل نـظره واقـع دايــر أشـوفو غـافل ودايـر أشـوفو جـاذع محنن دون قنله وحدو وتوبو واقع يـتـغطى بــي سـواعده ويحنو كـانه واجـع ويلتجى بى مرافقه واطراف المضاجع وتتلب فوق شفاهه لؤلؤة المدامع يــردد لــي نـغـيماً تـشتاق لـي الـمسامع عجيب يا ود الرضي انت ياخ كلامك بيدخل توووووووووش للوجدان أعـاين فـيه وأضـحك وأجـري وأجـيه راجـع مـتـلاعب لـيـس إلا مــا مـوضوع مـطامع أقـيـس بـالليل بشـعره ألـقى الـفرق شـاسع اقيس الفم بودعه القى الودع واسع دي مــا بـيـلقاها زول زي صـيـده نـاجـع وصف مبالغة ياخ.. حُب... حُب شديد.. صوت وهمهمة غناء وصوت صحون بتتغسل.. بختها العِدة بيك.. سعيدة في عضمها دة.. سعيدة ياخ.. سعيدة ليفة العدة في أناملك.. سعيد الجردل الشاف عيونك ومويته الوســـــــخانة راقت.. سعيدة السوستة وعرق الرقبة نازل فيها.. سعيدة الريح البتمايل ضفايرك ياخ.. قمرة في نص السماء.. رفعة رجل حد الركبة.. حِلِم بعيد.. جميل ممتع.. أماني حدها السماء.. ضمة إيد.. همسة ريد.. بسمة ثقر.. «هنا لندن».. صوت «المدفعجي» تجوب أركان الكون.. «صوت العرب».. الأبنودي يقرأ «يا عبد الرحمن» ثم.. صوت مسجل ما بابه مكسور.. أي قليل يا طيف أقيف وأرجاني وين فايتني عابر وأنا شن حارس وراك أنا تاني ياني معاك مسافر وين حتى الطيف رحل خلاني ما طيّب لي خاطر الله عليك يا محمد كرم الله ياخ.. رنة طمبور تدخل الوجدان من غير استئذان.. ومحمد سعيد دفع الله يجعل الحروف تتموسق.. رنة طمبور تاني: حبي فارق تاني ما ظنيتو يرجع.. آه يا خلايا لي قلبي الموجع..

لوحة تفيض بالحنان يا مبدع

وما تنسى الجدادة المفقسة جدييييد وتابعاتنها السواسيو واحد فيهن ضالع و رجلو ملفوف فيها خيط او شعرة من سواقط شعر العروس الكانت بتتمشط في البيت

تعرف يا ود جبرين

كتابتك دي بتخليني أرجع عشرات السنين لأتبرا ، وعلى وجه الخصوص أحياء حبيبة إلى النفس : أم بكول ، الداخلة ، الحصايا

أحيانا تجعل روائح تعبق الجو

فعلا : إنا لله

واصل

امسي مضى بين التحسر والأنين ووسادتي بللتها بالدمع والدمع السخين ,,, مع تباشير الصباح وبسمة الفجر الأمين غنيت مثل الطير فرحاً في رياض العاشقين ،، في رياض العاشقين في رياض العاشقين ...

غايتو يا ود جبريل ابدعت وبدعت نحن كلامك ده غايتو جزء منو ما حضرناهو يا عجووووز .. الظاهر انت من زمن لمو الهديمات عزلو وركبو اللواري وقبلو ،،ههههههههه،،، لكن كلامك ده ما اظنو في خرطومنا دي !
كلام جميل ورجعنا لي زمن خلانا نقول ( هيهات يعود الكان ولى وما اظنو يعود الكان ولى ) ياخ حليل زمان وحليل ناس زمان وحليل فريقنا زمان وحليل اهلنا زمان وحليل وحليل ،،، ياخ هسة مالك علينا والدنيا قبايل سنة جديده متور علينا المواجع دي ؟؟ هسة الواحد بقى يشيل في نفسو ويرجعو , خليلك في كازابلانكتك دي وجعر واملا الوساده هسة نحن زنبنا شنو هيجت علينا ماضي الذكريات ... الله يجازي محنك آآآآ المسنوح ,, لكن بعد ده كلو سنة وانت والاسرة الكريمه بالف خير وعافية وسنة سعيدة عليكم .. وعمليتك ########ه تاني ما تكررها لو سمحت نحن في غربة والظروف صعبة وربنا يهون ..

تحياتي : ياسر العيلفون

Quote: امسي مضى بين التحسر والأنين ووسادتي بللتها بالدمع والدمع السخين ,,, مع تباشير الصباح وبسمة الفجر الأمين غنيت مثل الطير فرحاً في رياض العاشقين ،، في رياض العاشقين في رياض العاشقين ... غايتو يا ود جبريل ابدعت وبدعت نحن كلامك ده غايتو جزء منو ما حضرناهو يا عجووووز .. الظاهر انت من زمن لمو الهديمات عزلو وركبو اللواري وقبلو ،،ههههههههه،،، لكن كلامك ده ما اظنو في خرطومنا دي ! كلام جميل ورجعنا لي زمن خلانا نقول ( هيهات يعود الكان ولى وما اظنو يعود الكان ولى ) ياخ حليل زمان وحليل ناس زمان وحليل فريقنا زمان وحليل اهلنا زمان وحليل وحليل ،،، ياخ هسة مالك علينا والدنيا قبايل سنة جديده متور علينا المواجع دي ؟؟ هسة الواحد بقى يشيل في نفسو ويرجعو , خليلك في كازابلانكتك دي وجعر واملا الوساده هسة نحن زنبنا شنو هيجت علينا ماضي الذكريات ... الله يجازي محنك آآآآ المسنوح ,, لكن بعد ده كلو سنة وانت والاسرة الكريمه بالف خير وعافية وسنة سعيدة عليكم .. وعمليتك ########ه تاني ما تكررها لو سمحت نحن في غربة والظروف صعبة وربنا يهون .. تحياتي : ياسر العيلفون

ود العيلفون يا حبيب
ياخي سنتك سعيدي عليك
حليل زمانا يا الحبيب
كتلنا ياخ

Quote: تعرف يا ود جبرين كتابتك دي بتخليني أرجع عشرات السنين لأتبرا ، وعلى وجه الخصوص أحياء حبيبة إلى النفس : أم بكول ، الداخلة ، الحصايا أحيانا تجعل روائح تعبق الجو فعلا : إنا لله واصل

استاذنا ابو جهينة كيفنك ياخ
الحصاية دي عندي فيها اهلي ياخ
ناس محجوب فحل كان بتعرفهم

Quote: Galal E Omar و الساق مويتو وحش برسيمو و غطس في البحر و مرة مرة يناضم اخوهو بي هنوك فوق قيف الغرب و .. قطع البحر بلا عضم ضهر.. و عقب فوق ضهر حمارو و قشو متمسح لي عشا البهايم .. يالجد زمن يا ود عمي جبرين .. البهايم تتعشي المغرب و نحنا نتعشي بعد صلاة العشا

حليل الزمن يا جلال ياخ

Quote: لوحة تفيض بالحنان يا مبدع وما تنسى الجدادة المفقسة جدييييد وتابعاتنها السواسيو واحد فيهن ضالع و رجلو ملفوف فيها خيط او شعرة من سواقط شعر العروس الكانت بتتمشط في البيت

يا شيقا الجدادة اول شي بتركض بعداك تفقس
والحمام دايما رجلينه مليانات شعر نسوان ههههههههههههه

Quote: الأحباب طارق جبريل وبلة الفاضل وملهم كردفان وكُلَّكُمْ، هاكُمْ: أكتبُ هذا الحنينَ إلى بلدي "أبعدَ مِنْ تٌرُّهاتِ الطغاة وأقربَ مِنْ وهوَهاتِ الوريد" أدلُقُ شايَ الصباحِ على غبَشِ الفجْر على وَرْقةٍ هاهنا تستبيحُ فضاءاتِها لُغَةٌ لا تطالُ النشيد أذكُرُ كيف تُدَندِنُ أُمي حين تُساوِرُها رغبةٌ في البكاء ربَّما…أو رغبةٌ في الغناء أكتبُ بعضَ الرسائل أحكي لصحبي عن شهوتي للهواءِ البليل الذي يتمدَّدُ مثلَ المِلاءةِ فوقَ السرير قبل ارتماءِ الجسَدْ عن خَيبةٍ في البنات والبناتُ مدَدْ عن سهرةٍ كالأَلَقْ يُغني المُغني الرهيفُ خواطرَنا فيما نُردِّدُ آهاتِهِ كالصدى إذْ يَرِقْ عن زحمةِ الحافِلات ذُهولِ الطريقِ عن العابرين طِيبةِ ذاك السؤال/أينَ يكونُ البريد…؟! عن أيِّ شيء… وأنظرُ ما يكتبون فلا ينتظِرني أحَدْ… الجمعة 28 أغسطس 1998

الله عليك يا عصام ياخ

شكراً يا عصام على الإهداء
وهو كذلك
أبعد من الترهات
وإلى وهوهات الوريد أقرب
وتطال لغتك النشيد يا صاحبي
فالكلمة الواحدة معاني تترى
وشكراً للحبيب طارق الذي جمعنا فيما جمعنا به
بأحد غزواتك الظافرة


تحياتي، محبتي واحترامي

Quote: يا شيقا الجدادة اول شي بتركض بعداك تفقس

واب ع ل ا ع ل الوقت داك بجي باريها ساي ولا بهبب ليها صاح؟

يا سلام عليك يا ود جبريل
كل ما اقرى حروفك بحس انوا لسة السودان بخير والسودانين لسة فيهم اصالة ومحنة للبلد
مهما بعدت بيهم المسافات والزمن
ما تغيب يا ياخى
نحن محتاجين لى كلام زى دا علشان يربطانا بالاصالة والمحبة للبلد

حضرنا للمتابعة ولاجترار الذكرى والاضافة
بعد المتابعة من ود جبرين

Quote: حضرنا للمتابعة ولاجترار الذكرى والاضافة بعد المتابعة من ود جبرين

حباب ود شم

وكما وعدتك بالعودة مجددا اعود مقتبسا جزءا مما كتبت قديما في احد المنتديات

Quote: والصباح عندنا يكون عبر صياح ديك فاته الفجر ولكن رغما عن ذلك صاح معلنا عن وجوده مختلطاً صياحه مع بداية موسيقى الفراش الحائر للفنان عثمان حسين وكانت وقتها بادئة الاذاعة كنا نصحو معها معلنين استعداداً يشوبه التجهم ليوم جديد يكون مسرحه الحقل او ما نسميه بالتحتانية عندنا حيث نبدأ على عجل طقوس الصباح مبدأه يكون الشاي الذي نتحلق حول كفتيرته مصحوبا ببعضاً مما يؤكل وغالبا الكسرة او القراصة ونادراً اللقيمات او ما تسمى بالزلابية تصاحبها صيحات يا جنا ما تسرع اتأخرت. بعدها نبحث عن الزاملة وسعيد الحظ من يجد حمارا يقوم بشده وربط بطانه سارجا اياه في خيلاء للتحتانية ومن بعده يكون من لزم حماره عارياً وغيرهم ممن ارتجلوا كداري للحقل . وللتحتاينة عند الصباح مذاق رائع جدا ويختلف عند كل موسم الا في موسم الشتاء فله حكايات ساعود لها المهم يبدأ يومنا في التحتاينة غالبا بمواقع معينه مثل التقاط المتساقط من البلح في موسمه الذي يبدأ ببدايات بواكير الخريف وللدفيق وهو اسمه عندنا نصيباً كبيرا من الالتهام تكون بت البريسيمة اكثر المتضررين منه وبت البريسيم اسما لنخلة تموضعت عند احد الاركان في حوض لبرسيم في ساقية علي قديم يرجع استزراعه للهاش الباش دائماً عزالدين علي قديم واخوته وما احلى دفيقها فقد كانت تمتاز بسمعه طيبة بين مثيلاتها ولا تجارى الا من قليل اقربهن الحتاته وهي نخلة اخذت اسمها من صفتها وهي امتلأ اسفلها بالدفيق عند بواكير الصباح يكون غالبه قرام طير وهو كناية على ما نضج باكرا من الدفيق وكان للطير نصيبا فيه . والحتاتة رحمها الله هي معلم بارز من معالم ساقية الشيخاب تقع عند أطول الجداول وهي عبارة عن ثلاث نخلات ذات طول فارع وجريد يكاد يصل عنان السماء قلة هم وصلوا قمتها كان الواحد منا يأتي بغنمه فيشبع وتشبع هي من بقايا الحتاته ثم نعود بعد ان ناخذ نصيبنا من البلح واحيانا ممزوجاً بالمنقة وبعضا من البرتكان الذي كثرت جناينه وقتها ممتده على عشرات الافدنه قبل ان تجتث جذورها مستزرعه برسيماً او قصباً من بعد. ثم نعود لواجباتنا الممله كما كنا نحس جهلاً وقتئذ وغالبا يكون لنا اما ابقار او اغنام فصاحب الاولى هو محظوظ جداً فواجبه لا يتعدى السقيان و الديّير وهو المصطلح الذي يطلق على تغيير موضع وتدها حيث يكون قد محل الموقع القديم وكان لزاما تغييره والمواقع محفوظه غالبا بقايا حصاد او حشة برسيم زرنا ارضها ليلاً واخذنا منها ما اخذنا او كومة من نبات الحلفه الذي يكون خياراص غير مستساغ عند الابقار ومن بعد يخلو لمزاجاته ان كان خالي واجب والواجبات نفسها لا تخرج من اعداد علف الغداء او قرعان مويه او حتى اي واجب اخر وقله منا من يَسدر للحلة والصفه هذه لا ينالها الا اصحاب الحظوة وبعض جالبي الفطرات ونعود للثاني وما اشقاه حيث يعاني كثيرا وتتوقف معاناته على ما في عهدته من اغنام وضان فصاحب المعزة يكون سئ الحظ ويا له من تعيس ان كانن جافلات وكثرات الهبران على خضار الاخرين جالبه معها الكواريك واللوم واحيانا المشاكل والتي تنتهي بوقتها لسماحه طرفيها وكثرة جوديها وهم الذين يمرون وقتها بالطريق . أما صاحب الضان وهو الذي يكون في الغالبيكون مرتاحاص نوعاً ما فضانه هادئا حافظا لطريقه متيقنا بوجود ما يتمنى ويشتهي عند نهاية طريقة فهو اقل تعبا ومعاناةَ من الأخر.

Quote: وكما وعدتك بالعودة مجددا اعود مقتبسا جزءا مما كتبت قديما في احد المنتديات Quote: والصباح عندنا يكون عبر صياح ديك فاته الفجر ولكن رغما عن ذلك صاح معلنا عن وجوده مختلطاً صياحه مع بداية موسيقى الفراش الحائر للفنان عثمان حسين وكانت وقتها بادئة الاذاعة كنا نصحو معها معلنين استعداداً يشوبه التجهم ليوم جديد يكون مسرحه الحقل او ما نسميه بالتحتانية عندنا حيث نبدأ على عجل طقوس الصباح مبدأه يكون الشاي الذي نتحلق حول كفتيرته مصحوبا ببعضاً مما يؤكل وغالبا الكسرة او القراصة ونادراً اللقيمات او ما تسمى بالزلابية تصاحبها صيحات يا جنا ما تسرع اتأخرت. بعدها نبحث عن الزاملة وسعيد الحظ من يجد حمارا يقوم بشده وربط بطانه سارجا اياه في خيلاء للتحتانية ومن بعده يكون من لزم حماره عارياً وغيرهم ممن ارتجلوا كداري للحقل . وللتحتاينة عند الصباح مذاق رائع جدا ويختلف عند كل موسم الا في موسم الشتاء فله حكايات ساعود لها المهم يبدأ يومنا في التحتاينة غالبا بمواقع معينه مثل التقاط المتساقط من البلح في موسمه الذي يبدأ ببدايات بواكير الخريف وللدفيق وهو اسمه عندنا نصيباً كبيرا من الالتهام تكون بت البريسيمة اكثر المتضررين منه وبت البريسيم اسما لنخلة تموضعت عند احد الاركان في حوض لبرسيم في ساقية علي قديم يرجع استزراعه للهاش الباش دائماً عزالدين علي قديم واخوته وما احلى دفيقها فقد كانت تمتاز بسمعه طيبة بين مثيلاتها ولا تجارى الا من قليل اقربهن الحتاته وهي نخلة اخذت اسمها من صفتها وهي امتلأ اسفلها بالدفيق عند بواكير الصباح يكون غالبه قرام طير وهو كناية على ما نضج باكرا من الدفيق وكان للطير نصيبا فيه . والحتاتة رحمها الله هي معلم بارز من معالم ساقية الشيخاب تقع عند أطول الجداول وهي عبارة عن ثلاث نخلات ذات طول فارع وجريد يكاد يصل عنان السماء قلة هم وصلوا قمتها كان الواحد منا يأتي بغنمه فيشبع وتشبع هي من بقايا الحتاته ثم نعود بعد ان ناخذ نصيبنا من البلح واحيانا ممزوجاً بالمنقة وبعضا من البرتكان الذي كثرت جناينه وقتها ممتده على عشرات الافدنه قبل ان تجتث جذورها مستزرعه برسيماً او قصباً من بعد. ثم نعود لواجباتنا الممله كما كنا نحس جهلاً وقتئذ وغالبا يكون لنا اما ابقار او اغنام فصاحب الاولى هو محظوظ جداً فواجبه لا يتعدى السقيان و الديّير وهو المصطلح الذي يطلق على تغيير موضع وتدها حيث يكون قد محل الموقع القديم وكان لزاما تغييره والمواقع محفوظه غالبا بقايا حصاد او حشة برسيم زرنا ارضها ليلاً واخذنا منها ما اخذنا او كومة من نبات الحلفه الذي يكون خياراص غير مستساغ عند الابقار ومن بعد يخلو لمزاجاته ان كان خالي واجب والواجبات نفسها لا تخرج من اعداد علف الغداء او قرعان مويه او حتى اي واجب اخر وقله منا من يَسدر للحلة والصفه هذه لا ينالها الا اصحاب الحظوة وبعض جالبي الفطرات ونعود للثاني وما اشقاه حيث يعاني كثيرا وتتوقف معاناته على ما في عهدته من اغنام وضان فصاحب المعزة يكون سئ الحظ ويا له من تعيس ان كانن جافلات وكثرات الهبران على خضار الاخرين جالبه معها الكواريك واللوم واحيانا المشاكل والتي تنتهي بوقتها لسماحه طرفيها وكثرة جوديها وهم الذين يمرون وقتها بالطريق . أما صاحب الضان وهو الذي يكون في الغالبيكون مرتاحاص نوعاً ما فضانه هادئا حافظا لطريقه متيقنا بوجود ما يتمنى ويشتهي عند نهاية طريقة فهو اقل تعبا ومعاناةَ من الأخر.

اكتب يا حبيب
اكتب ياخ

Quote: يا سلام عليك يا ود جبريل كل ما اقرى حروفك بحس انوا لسة السودان بخير والسودانين لسة فيهم اصالة ومحنة للبلد مهما بعدت بيهم المسافات والزمن ما تغيب يا ياخى نحن محتاجين لى كلام زى دا علشان يربطانا بالاصالة والمحبة للبلد

اووووووووه وضاحة بتنا ياخي
سنة سعيدة عليك ياخ

Quote: واب ع ل ا ع ل الوقت داك بجي باريها ساي ولا بهبب ليها صاح؟

الله يكتلك

سلامات يا طارق جبرين..

دا ما شيئ من الحنين يا جميل..
دا كل الحنين بكل تأكيد.. وإن شئت
دا جُـــــل الحنين على الأقل..

كل عام وأنت والأسرة والأوطان
بكل خير.

بوعسل أبوعسل

ما دام الشغلة حنين في حنين هاك يا ود جبرين من بوست للاخ الموصلي بتذكرك يا يمة:


https://www.youtube.com/watch?feature=player_embeddedandv=dHtk0pcl4Qk

التحية لابراهيم دينق وليك يا طارق ولي أمنا المتحكرة في بروفايلك وقبله في قلوبنا .

Quote: يا سلام عليك يا ود جبريل كل ما اقرى حروفك بحس انوا لسة السودان بخير والسودانين لسة فيهم اصالة ومحنة للبلد مهما بعدت بيهم المسافات والزمن ما تغيب يا ياخى نحن محتاجين لى كلام زى دا علشان يربطانا بالاصالة والمحبة للبلد

انتو وضاحة دي شغالة بكم ماكنة؟

Quote: ما دام الشغلة حنين في حنين هاك يا ود جبرين من بوست للاخ الموصلي بتذكرك يا يمة: https://www.youtube.com/watch?feature=player_embeddedandv=dHtk0pcl4Qk التحية لابراهيم دينق وليك يا طارق ولي أمنا المتحكرة في بروفايلك وقبله في قلوبنا .

ود قسم الفضيل كيفنك ياخ
الفي بروفايلي الله يرحمها يا الحبيب فاتت خلتنا

Quote: سلامات يا طارق جبرين.. دا ما شيئ من الحنين يا جميل.. دا كل الحنين بكل تأكيد.. وإن شئت دا جُـــــل الحنين على الأقل.. كل عام وأنت والأسرة والأوطان بكل خير. بوعسل أبوعسل

حبيبنا ابو عسل ياخي كيفنك
كل سنة وانت والاسرة بالف خير ياخ

أربعة علب لبن وسكين قديمة.. وسفنجتين قدام..
شوية جمُر.. علبة صلصة.. شوية سلوك..
سلك طويل للدريكسون.. ضُل نيمة..
تفتح العلب الأربعة.. اتنين ترسم فيهم جنب اللوري..
وبي نص علبة الصلصة تعمل نص دائرة قدام وواحدة ورة للعجلات..
تمسك علبة تعمل فيها تنيتين قدام واتنين وراء للعجلات.. شاسي وكدة..
بي مسمار تبدأ تعمل فتحات في جنبات اللوري والشاسي..
تبدأ تتني العلبة الاخيرة من مقدمة اللوري وانت طالع،،
بالسلوك تربط الاجناب في الاول.. وبعداك تربط التصادم..
بعد تنتهي تمشي تخت علبة الصلصة جنب حلة الملاح بالجنبة كدة..
لحدي ما تسخن تمسكها تقد بيها السفنجات القديمة عشان تعمل اللساتك..
تسخن السيخة وتعمل ليك خُرم في اللساتك..
تركب لستكين قدام بي سلك في التنية القدامية من الشاسي وتضغطهم
بي قطعة من سير السفنجة في الجنبتين..
تركب اربعة لساتك في الجنبات الخلفية وبرضو تضغطهم بي قطعة من سير السفنجة في الجنبتين..
تدخل الدركسون في سلك اللستكين القداميات..
والجزء الفوق تعمل فيهو دائرة.. وتربطه بي سلوك ملونة كدة كنوع من الكشب..
تقوم تديهو لزة عشان تشوف حركة اللساتك ما تكون مضغوطة..
تملأ ضهرية اللوري «فِريد».. والشحنة كدة تكون ظبطت..
وتديها اتنين تلاتة عننننننن. عننننننننننننن..
وتبدأ تخيت شوارع الحلة بي لوريك دة..

كنا بنلعب ياخ..
بنلعب جد جد ياخ..