الحبيبين كيفنكم.. انا في المتوسطة يا الحبيبين شوفتها في درس العصر والناريي دي انطلقت فيني.. العيون غٌلاااااااااد وليهن رموش واقفات فوقن علي السلك الشايك في كتيبة الجيش.. والشلاليف وحات نضري التقول حلاوة لكوم.. الضفيري خاتاهاقدامها فوق صدرها تطلع وتقوم مع نفس الصدر علي بساتم العربية.. ويا حلات الفستان وهو ملصق فيها.. يمين وكتين يصل حتة الخصر دي تقرب تعوعي.. اها بقيت كل يوم وكتين اشوفها اغمض في العيون وافتحن علي الصايداهو أم فريحانة.. وفي الطريق ونحن راجعين أصلو ابقى زي العوير والعوقة أشوف فيها وأصنقع في السماء.. وطارق صحبي قدر ما يتونس معاي وانا شابكو: آآآآآي قلت شنو.. تميت شهر في جنس الحال دة وخلاص غلبني وبقيت افكر في الطريقي الاقولها شي إن شاء الله حتى أقولها «كيفنك».. تسوي شنو يا ود جبرين.. تسوي شنو... بس... جاتني.. تنقصى في الواطة وتكتبلها جواب وتديهو ليها في يدها.. أصلو ما لقيتلي حل غير الجواب دة.. جيت من المدرسة يا الحبيبين اشتريتلي فلسكاب.. ومشيت علي دولاب اختي الكبيرة وسرقتلي منها ريحي.. وتش تش اديت الفلسكاب رشة وجيت قعدت في صالونا.. ختيت الفلسكاب دة في كراس الجغرافية وبقيت افكر: يا ربي الخرابة دي يكتبولها شنو.. قدر ما حكيت راسي دة من كلام الانشاء داك والكلمات الغُلاد غُلاد ديك.. أصلو أبت تجيني.. وقلت كدي بسم الله وكتبتلا:
الى اجمل انسانه رأيتها فى حياتى الى حبيبتي «وجدان» مرت الثواني والساعات والشهور وقلبي يحترق (أماني جنس فسو).. كنت أشوفك من بعيد كما القمر.. لا انت هلال كما هلال الصوم.. انتى مثل النجم المشع جماله يفوق الحدود.. كنت احسب النجوم واكلم القمر.. (أصلو فسو السواد).. لا أنام الليل وصورتك تظهر لي في الظلام.. كتمت حبك في قلبي حتى لا يعرفه أصحابي في الحلة.. لقد تعبت مشاعري كثيرا وكنت أراك في المرآة.. فهل هذه الحروف سوف تعبرعما بداخلى .. لان ما بداخلى نار لا يقدر احد بوصفها لك.. أنا اعيش فى حبك وجمالك الذى سحرانى.. افكر فيك بين الحصص وأنا في ميدان الكورة.. يا اجمل واحدة فى الكون فانتى من العطر النابع من جوة الزهور حبيبتي «وجدان» إن قلبي يتعذب في بعدك عني.. إني أحبك.. أحبك.. أحبك.. المعذب طارق..
قفلت الجواب في الظرف ويديني ديل يرجفن علي بندول ساعة الحيطة.. وبقيت افكر كيف اديهو الخرابة دي وانا قلبي يضرب.. وخايف من البُطان المعاي واحد يختف البت مني ولا كمان يشوف الجواب.. بقيت كل يوم اساسق من الدرس وامشي وراهم والجواب في جيبي.. اصلي ما لقيتلي فرصة اديهو ليها.. ربكم رب الخير طارق ود حومد حسين تجيهو ملاريا واليوم داك كانت ماشة معاها «انتصار» بس.. بس خليتهم مشوا قدامي كدة لامن بقينا في الفسحة ومافي زول شايفني وقلت كدي مشيت عليهن.. خبيت لامن وصلتهن وبقيت ارجف زي الجرو الماسكه السَعَر.. وايديني ديل ماتن ضومة ضومة.. وركبيني ينطاقشن في بعضن متل العجلة وكتين اللستك يكون فيهو كركاسة كبيري.. سلم عليهن بي صوت مبحوح وقلتلا: «وجدان» دقيقة بس.. وغمت ليها الجواب في يدها وتاني غلبني النضم ضومة ضومة.. وقع مني قلم الرصاص ودنقرت رفعته.. وعلي العلي كان قلم الرصاص مبري إبرة بس وقع مني.. بعد أديتها الجواب من الكبكبة العلي دخلت قلم الرصاص بين البنطلون واللباس.. وبقى يطعن فيني ونحن ماشين وهي خجلانة ماسكي الجواب وترجف.. وانا مفشق علي ود الطهور من طعين قلم الرصاص.. لا عرفت أقولها شي لا قدرت أتكلم.. وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة.. ولابسلي تموت تخلي يشيل ويخم في التراب بس الكـــــــــــلب القام بال وبقى بي كرعينو يدفن في البول.. أصلي لامن وصلت البيت عضام ضهري كلهن يطقطقن من الفنسة.. وإن ما كضبت باقيلي قلم الرصاص قرب يفقشلو حاجة.. ......................................... الغريب بت الهرمة دي ما ردت علي لي يوم الليلة.. لا يبقى دة شاكوشي الأول وانا ماني عارف
تعالوا فتيهو هنا
Post: #2 Title: Re: أول جواب ريدة.. Author: الامين موسى البشاري Date: 01-22-2013, 11:34 PM Parent: #1
Quote: الغريب بت الهرمة دي ما ردت علي لي يوم الليلة.. لا يبقى دة شاكوشي الأول وانا ماني عارف
تعالوا فتيهو هنا
أنت كويس على الايمان أول جواب لي اخدته فيهو علقة ما انساها لامن أموت انتي يا البت شيلي الجواب صرة في خيط ولأبوك في يدو وتعال تم الباقي خيال يا الحبيب هنا أبوها جارنا واخوها صاحبي وزميلي لزم
Quote: أنت كويس على الايمان أول جواب لي اخدته فيهو علقة ما انساها لامن أموت انتي يا البت شيلي الجواب صرة في خيط ولأبوك في يدو وتعال تم الباقي خيال يا الحبيب هنا أبوها جارنا واخوها صاحبي وزميلي لزم
ما فاضل لي الا أخلي الحلة ياخ
الله يفضحك ياخ كدي جيب لينا صورة لي ضهرك نشوف آثار صوت العنج
Post: #3 Title: Re: أول جواب ريدة.. Author: محمد عوض السيد Date: 01-22-2013, 11:34 PM Parent: #1
الله يجازي محنك يا طارق جبريل انا بقرا في كتابتك وبضحك لامن خفت اصحي البيت
عشان كدا :
Quote: الغريب بت الهرمة دي ما ردت علي لي يوم الليلة..
Quote: الله يجازي محنك يا طارق جبريل انا بقرا في كتابتك وبضحك لامن خفت اصحي البيت عجبني ليك شديد
مع الود
كيفنك يا حبيب
Post: #6 Title: Re: أول جواب ريدة.. Author: عادل الباهي عبدالرازق Date: 01-22-2013, 11:49 PM Parent: #1
Quote:
وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد..
أنت قايل شعر رأسك دا الحتاهو ليك شنو ؟ غير الشواكيش وطعين قلم الرصاص هههههههه. الغريبة شقيقي الاكبر كان برضو بيعمل زي عمايلك دي النهار كلو يمعط جوز جوز ورق ويكتب في الخطابات لبنات الحي بالدور ومشغلني رقشة معاهو أوزع في الجوابات الغرامية ويقول لي أنتظر الرد بلاهي أنتظر لمن عيوني تحمر الرد مابيجي آخر حاجة لمن زهجت منو أداني جواب لبنت مشيت سلمتوا لابوها في يدو ومن ديك أخوي كل مايشوف عمك بيتضارا ولمن عمك مات مات بي مغستوا ماشاف أخوي وجه لوجه .
Post: #7 Title: Re: أول جواب ريدة.. Author: محمد عوض السيد Date: 01-22-2013, 11:56 PM Parent: #6
Quote: ولمن عمك مات مات بي مغستوا ماشاف أخوي وجه لوجه .
والله كان تابعتو ودجبريل في حكاية الفت دي بتطلع حاجات غريبة والخوف انو يجي زول يطالب بي دية لي متل كلامك ده ياعادل الباهي
Post: #8 Title: Re: أول جواب ريدة.. Author: عادل الباهي عبدالرازق Date: 01-23-2013, 00:20 AM Parent: #7
Quote: والله كان تابعتو ودجبريل في حكاية الفت دي بتطلع حاجات غريبة والخوف انو يجي زول يطالب بي دية لي متل كلامك ده ياعادل الباهي
محمد عوض السيد انا غايتو زمن الجوابات ما حضرناهو نحن من زمن الفيس بوك والاسكاي بي ، مستند مافي والله الا يجيبونا بالاي بي .ههههه عمك عاش بعد الجواب تسعة سنين دية شنو كمان ههههههههه
Post: #9 Title: Re: أول جواب ريدة.. Author: ABUHUSSEIN Date: 01-23-2013, 00:23 AM Parent: #7
يا سجم الرماد إنت من زمن الجوابات و بريحوها كمان ....
نحن مرتاحين ناس الموبايلات و الـSMS قوم لف مدخل القلم وين ما عارف و لابس تموت تخلي و عايزها تحبك كمان ...
Post: #10 Title: Re: أول جواب ريدة.. Author: Balla Musa Date: 01-23-2013, 00:50 AM Parent: #9
إتا آطارق, الشوايقة ديل بلدوهم بالغين؟
Post: #26 Title: Re: أول جواب ريدة.. Author: طارق جبريل Date: 01-23-2013, 10:40 AM Parent: #10
Quote: إتا آطارق, الشوايقة ديل بلدوهم بالغين؟
دكتور بلة أكنها شنو الـ«غين» دي
Post: #25 Title: Re: أول جواب ريدة.. Author: طارق جبريل Date: 01-23-2013, 10:39 AM Parent: #9
Quote: يا سجم الرماد إنت من زمن الجوابات و بريحوها كمان ....
نحن مرتاحين ناس الموبايلات و الـSMS قوم لف مدخل القلم وين ما عارف و لابس تموت تخلي و عايزها تحبك كمان ...
والله انت تلقاك من النوع البينتظرها تكشح موية العدة
Post: #23 Title: Re: أول جواب ريدة.. Author: طارق جبريل Date: 01-23-2013, 10:36 AM Parent: #7
Quote: والله كان تابعتو ودجبريل في حكاية الفت دي بتطلع حاجات غريبة والخوف انو يجي زول يطالب بي دية لي متل كلامك ده ياعادل الباهي
Post: #22 Title: Re: أول جواب ريدة.. Author: طارق جبريل Date: 01-23-2013, 10:35 AM Parent: #6
Quote: أنت قايل شعر رأسك دا الحتاهو ليك شنو ؟ غير الشواكيش وطعين قلم الرصاص هههههههه. الغريبة شقيقي الاكبر كان برضو بيعمل زي عمايلك دي النهار كلو يمعط جوز جوز ورق ويكتب في الخطابات لبنات الحي بالدور ومشغلني رقشة معاهو أوزع في الجوابات الغرامية ويقول لي أنتظر الرد بلاهي أنتظر لمن عيوني تحمر الرد مابيجي آخر حاجة لمن زهجت منو أداني جواب لبنت مشيت سلمتوا لابوها في يدو ومن ديك أخوي كل مايشوف عمك بيتضارا ولمن عمك مات مات بي مغستوا ماشاف أخوي وجه لوجه .
والله يا ود الباهي سقطت من نظري ياخي طلعت ما بتخدم الريدة ياخي
Post: #11 Title: Re: أول جواب ريدة.. Author: محمد جبره Date: 01-23-2013, 01:40 AM Parent: #1
Quote: ولابسلي تموت تخلي يشيل ويخم في التراب
دي عميقة جدا
شكرا يا فنان
Post: #12 Title: Re: أول جواب ريدة.. Author: عادل عبد الرحمن حسن Date: 01-23-2013, 03:50 AM Parent: #11
أخونا بله موسي ....انت جنك دا ضارب كم سجاره ....
Post: #13 Title: Re: أول جواب ريدة.. Author: Balla Musa Date: 01-23-2013, 03:55 AM Parent: #12
Quote: أخونا بله موسي ....انت جنك دا ضارب كم سجاره ....
ياعادل هههههه ياخى زماااان واحد شايقى معانا فى الابتدائى شابكنا ليك انا حبيت وحبيبتى قالت لى..
هسع عليك الله شوف ودجبرين دا بحب من زمن تموت تخلى تموت تخلى عمرو 35 سنة وطارق عمرو 36 سنة, أها دى حالة دى؟
Post: #14 Title: Re: أول جواب ريدة.. Author: Balla Musa Date: 01-23-2013, 04:11 AM Parent: #13
ودجبرين غايتو الايامات ديك البنية دى ربنا ستر عليك منها يمين مع الرجفيبة حقتك دى كان لقيت سفنجاتا كنت مشيت حليت بيهن بعد الغدا!!
Post: #28 Title: Re: أول جواب ريدة.. Author: طارق جبريل Date: 01-23-2013, 10:43 AM Parent: #14
Quote: ودجبرين غايتو الايامات ديك البنية دى ربنا ستر عليك منها يمين مع الرجفيبة حقتك دى كان لقيت سفنجاتا كنت مشيت حليت بيهن بعد الغدا!!
يا زول يمين بالله بالحالة دي كان دفقت موية العدة كان الواحد شربها كأنها بيبسي
Post: #15 Title: Re: أول جواب ريدة.. Author: يحي قباني Date: 01-23-2013, 04:12 AM Parent: #13
ود جبرين يا زول يا فنان ...
والله قافل نخريني و اضحك ...
مشتاقين ياخ للكلام و الونسة الدقاقة ...
الفليق ازعجنا يا طارق ....
Post: #16 Title: Re: أول جواب ريدة.. Author: سليمان القرشي Date: 01-23-2013, 05:33 AM Parent: #15
حباب ودجبرين غايتو الحمد لله الجينا في الزمن السمح دا نكزه منك ونكزه مني وعلي النجيلة جلسنا طوالي. وانت دقست مفروض تجيب الموس وتجرح نفسك وتنقط الدم في الجواب اكان امورك ظبطت
Post: #30 Title: Re: أول جواب ريدة.. Author: طارق جبريل Date: 01-23-2013, 10:47 AM Parent: #16
Quote: حباب ودجبرين غايتو الحمد لله الجينا في الزمن السمح دا نكزه منك ونكزه مني وعلي النجيلة جلسنا طوالي. وانت دقست مفروض تجيب الموس وتجرح نفسك وتنقط الدم في الجواب اكان امورك ظبطت
ود القرشي كيفنك نان ادفق دمي علي السراب
Post: #17 Title: Re: أول جواب ريدة.. Author: الطيب عثمان يوسف Date: 01-23-2013, 05:36 AM Parent: #15
Quote: وقلم الجن دة كل ما ليهو نازل تحت ويطعن فيني ..
*** اتخيلتو
Post: #18 Title: Re: أول جواب ريدة.. Author: omer osman Date: 01-23-2013, 06:46 AM Parent: #17
هههههههههههههههه المسخوت خلاص قام عليك جنك .... يمين بضحك لمن دموعي جرن هههههههههههههه
Post: #19 Title: Re: أول جواب ريدة.. Author: عبيد الطيب Date: 01-23-2013, 07:14 AM Parent: #18
Quote: وانا مفشق علي ود الطهور من طعين قلم الرصاص.. لا عرفت أقولها شي لا قدرت أتكلم.. وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة.. ولابسلي تموت تخلي يشيل ويخم في التراب بس الكـــــــــــلب القام بال وبقى بي كرعينو يدفن في البول.. أصلي لامن وصلت البيت عضام ضهري كلهن يطقطقن من الفنسة.. وإن ما كضبت باقيلي قلم الرصاص قرب يفقشلو حاجة.. ......................................... الغريب بت الهرمة دي ما ردت علي لي يوم الليلة.. لا يبقى دة شاكوشي الأول وانا ماني عارف
والله مشيت المطهر جديد دي جننتها جِن لكن ######ك البدفن البول انحنا ماقابلنا تب دي ###### السرور
وكمان عظام ضهرك البطقطقن من الفنسة دي روعة لك محبتي وللمتداخلين
Post: #33 Title: Re: أول جواب ريدة.. Author: طارق جبريل Date: 01-23-2013, 10:50 AM Parent: #19
Quote: والله مشيت المطهر جديد دي جننتها جِن لكن ######ك البدفن البول انحنا ماقابلنا تب دي ###### السرور
وكمان عظام ضهرك البطقطقن من الفنسة دي روعة لك محبتي وللمتداخلين
يا حبيب اماني ما تعبت انا ياخ
Post: #20 Title: Re: أول جواب ريدة.. Author: مجدي عبدالرحيم فضل Date: 01-23-2013, 07:14 AM Parent: #18
أخوي
طارق
شفته فرق الموديل كيفن أسال ناصر يحكي ليك !!!
قلم رصاص شنو !!انت عشان ماقريت في معهد الأمل
ولا عبدالناصر ياخي زمن جميل وحياة أجمل .
تحياتي لوليدات وناصر ووليداتو.
،،،،أبوقصي،،،،
Post: #21 Title: Re: أول جواب ريدة.. Author: سامى عبد المطلب Date: 01-23-2013, 09:52 AM Parent: #20
ههههه مسخوت من يومك على باقيلك كان شلنا المعروضات الهنا دى ومشينا دقشنا بوست الامتداد ما بتبقى فى امراً ضيق
Post: #36 Title: Re: أول جواب ريدة.. Author: طارق جبريل Date: 01-23-2013, 10:53 AM Parent: #21
Quote: ههههه مسخوت من يومك على باقيلك كان شلنا المعروضات الهنا دى ومشينا دقشنا بوست الامتداد ما بتبقى فى امراً ضيق
يا حبيب الخرابة دي لا يبقى بتقرأ في النصايب دي
Post: #34 Title: Re: أول جواب ريدة.. Author: طارق جبريل Date: 01-23-2013, 10:52 AM Parent: #20
Quote: أخوي
طارق
شفته فرق الموديل كيفن أسال ناصر يحكي ليك !!!
قلم رصاص شنو !!انت عشان ماقريت في معهد الأمل
ولا عبدالناصر ياخي زمن جميل وحياة أجمل .
تحياتي لوليدات وناصر ووليداتو.
،،،،أبوقصي،،،،
حبيبنا ابو قصي ياخي داك زمن عجيب وسمح
Post: #32 Title: Re: أول جواب ريدة.. Author: طارق جبريل Date: 01-23-2013, 10:49 AM Parent: #18
Quote: هههههههههههههههه المسخوت خلاص قام عليك جنك .... يمين بضحك لمن دموعي جرن هههههههههههههه
كيفنك يا آآآبيقوم علي يا قريبي ياخي دة برد يذكرك أم قيردون ذاتها
Post: #31 Title: Re: أول جواب ريدة.. Author: طارق جبريل Date: 01-23-2013, 10:48 AM Parent: #17
Quote: *** اتخيلتو
يا قريبي اماني اخوك ما اتكوك جنس كويك
Post: #29 Title: Re: أول جواب ريدة.. Author: طارق جبريل Date: 01-23-2013, 10:45 AM Parent: #15
Quote: ود جبرين يا زول يا فنان ...
والله قافل نخريني و اضحك ...
مشتاقين ياخ للكلام و الونسة الدقاقة ...
الفليق ازعجنا يا طارق ....
ود قباني يا حبيبنا يا زول انا كان خليتوني في السيرة دي بجيب أجلكم
Post: #61 Title: Re: أول جواب ريدة.. Author: بله محمد الفاضل Date: 01-24-2013, 11:12 AM Parent: #15
النصيبة كيفنك
رجعتني يا كرور بعنوانك (أول جواب ريدة) إلى نصٍ أردته (متلتلاً) لكنما خذلني خطبٌ ما لا أذكره عن متابعة الأمر ولست بمقدوري حالياً متابعته فقد ضاع ما ضاع وهيهات إياب...
رسائلُ البناتِ تمهيد اهتدينا لحيِّلٍ جديدةٍ كي نورِطَ أنفاسَنا في تجرُعِ البهجةِ من رسائلِ اللابثات.
هُن يفتتِحنَ الخلايا الرائقةِ بأوردةِ النزقِ.. وهل كُن يوماً غير محض ساحِرات.
يتوددن للطيرِ بالانصرافِ يُقشِرن عنه سِماتَ الطينِ الغِرِّ يرسمن بين ارتعاشاتِهِ ثُمالةَ الأمسيات.
البناتُ ريفُ الرُّوحِ شِفاهُ الرّسمِ إن نطقنَ وحبلُ السِّحرِ السِّريِّ في الأُغنيات. ....
Post: #62 Title: Re: أول جواب ريدة.. Author: طارق جبريل Date: 01-24-2013, 11:16 AM Parent: #61
Quote: النصيبة كيفنك
رجعتني يا كرور بعنوانك (أول جواب ريدة) إلى نصٍ أردته (متلتلاً) لكنما خذلني خطبٌ ما لا أذكره عن متابعة الأمر ولست بمقدوري حالياً متابعته فقد ضاع ما ضاع وهيهات إياب...
رسائلُ البناتِ تمهيد اهتدينا لحيِّلٍ جديدةٍ كي نورِطَ أنفاسَنا في تجرُعِ البهجةِ من رسائلِ اللابثات.
هُن يفتتِحنَ الخلايا الرائقةِ بأوردةِ النزقِ.. وهل كُن يوماً غير محض ساحِرات.
يتوددن للطيرِ بالانصرافِ يُقشِرن عنه سِماتَ الطينِ الغِرِّ يرسمن بين ارتعاشاتِهِ ثُمالةَ الأمسيات.
البناتُ ريفُ الرُّوحِ شِفاهُ الرّسمِ إن نطقنَ وحبلُ السِّحرِ السِّريِّ في الأُغنيات. ....
شقي الحال انت من زمان باقيلي راقد ملوص
Post: #63 Title: Re: أول جواب ريدة.. Author: الجنيد حمد Date: 01-24-2013, 11:42 AM Parent: #15
بعدين يا برلوم ياخي امشي لي آخر مداخلة واعمل رد عشان مداخلتك تجي حسب التسلسل
Post: #71 Title: Re: أول جواب ريدة.. Author: وليد زمبركس Date: 01-26-2013, 05:16 AM Parent: #15
أستاذنا طارق جبريل شكرًا لك على هذا الإبداع الذى ينتزِع الإبتسامة من فمّ الأسَد . حكايتك مع الجوّابات بها الكثير من الإبداع فقد قرأت لك فى مكان آخر خبر الجوّابات اللى جاتكم راجعَة ممزّقَة و خبَر صحبك القدّم لى كليّة الصيدلة أيّام الطُلبَة و رِزق اليوم باليوم .
حقًا يعجبني كثيرًا هذا الحنين الذى يسرِي من القلب إلى قلب كهمس النّخلَة للنخلة و وشوشة الجدول لحياض البرسيم و رائحة الكاويق و اللوبي على جروف ساقة جحا و شِبا السّواعير .
كن بخير و شكرًا لك بقدر ما رَسَمت من ابتسامة على قلوب المعجبين .
Quote: أستاذنا طارق جبريل شكرًا لك على هذا الإبداع الذى ينتزِع الإبتسامة من فمّ الأسَد . حكايتك مع الجوّابات بها الكثير من الإبداع فقد قرأت لك فى مكان آخر خبر الجوّابات اللى جاتكم راجعَة ممزّقَة و خبَر صحبك القدّم لى كليّة الصيدلة أيّام الطُلبَة و رِزق اليوم باليوم .
حقًا يعجبني كثيرًا هذا الحنين الذى يسرِي من القلب إلى قلب كهمس النّخلَة للنخلة و وشوشة الجدول لحياض البرسيم و رائحة الكاويق و اللوبي على جروف ساقة جحا و شِبا السّواعير .
كن بخير و شكرًا لك بقدر ما رَسَمت من ابتسامة على قلوب المعجبين .
يا حبيب الله يجبر بي خاطرك ياخ
Post: #27 Title: Re: أول جواب ريدة.. Author: طارق جبريل Date: 01-23-2013, 10:42 AM Parent: #13
Quote: ياعادل هههههه ياخى زماااان واحد شايقى معانا فى الابتدائى شابكنا ليك انا حبيت وحبيبتى قالت لى..
هسع عليك الله شوف ودجبرين دا بحب من زمن تموت تخلى تموت تخلى عمرو 35 سنة وطارق عمرو 36 سنة, أها دى حالة دى؟
Post: #24 Title: Re: أول جواب ريدة.. Author: طارق جبريل Date: 01-23-2013, 10:37 AM Parent: #11
Quote: دي عميقة جدا
شكرا يا فنان
حباب ود جبرة الزين
Post: #35 Title: Re: أول جواب ريدة.. Author: جمال عبد الناصر محمد Date: 01-23-2013, 10:53 AM Parent: #24
يا مسخوووووت أمانك ما فضيحة أتاريك من صباك مسخوت الله يجازي محنك
وقلم رصاص الجن دا مالو عكليت كدة
Post: #38 Title: Re: أول جواب ريدة.. Author: طارق جبريل Date: 01-23-2013, 10:55 AM Parent: #35
Quote: يا مسخوووووت أمانك ما فضيحة أتاريك من صباك مسخوت الله يجازي محنك
وقلم رصاص الجن دا مالو عكليت كدة
وحاتك يا جمال وكتين وصلت البيت أماني عليك أوراكي لقيتن ماشات دم
Post: #37 Title: Re: أول جواب ريدة.. Author: طارق عمر مكاوي Date: 01-23-2013, 10:54 AM Parent: #24
في مثل سوداني بيقول "البصبر بعرص مرت جاروا". عليك تصبر طارق أخوي و وجدان دي بتلف و تجيكـ و ترد علي جوابكـ .. و تعرسها :-)
Post: #39 Title: Re: أول جواب ريدة.. Author: طارق جبريل Date: 01-23-2013, 10:56 AM Parent: #37
Quote: في مثل سوداني بيقول "البصبر بعرص مرت جاروا". عليك تصبر طارق أخوي و وجدان دي بتلف و تجيكـ و ترد علي جوابكـ .. و تعرسها :-)
سجمنا جابتلها «عريص» كمان
Post: #40 Title: Re: أول جواب ريدة.. Author: طارق عمر مكاوي Date: 01-23-2013, 11:00 AM Parent: #39
ياخي ما ممكن و الله الكي بورد إتلوم بعرس بعرس بعرس يا طارق :-)
Post: #42 Title: Re: أول جواب ريدة.. Author: إدريس محمد إبراهيم Date: 01-23-2013, 11:16 AM
طارق أزيك ياخ ....
قت لي البنيه لي حسع ما ردت .... أصبر عليها شويه يا طلبه ياخ ...
Quote: بس اوعه تكون انتصار الجمب معهد الامل ياخى دى كان بتشرك لينا
وهاك ياجلد نحن خمسة بتجلدنا بالدور تقيف لمن يجى دورك تجرى
يزيدو ليك العيار ههههه
غايتو كان هى تحمد ربك الماردت ليك هههههههه
بت اهلي الحنان ياخي كيفنك والله ما بعيد تكوني هي الله سترني غايتو
Post: #53 Title: Re: أول جواب ريدة.. Author: محمد عبد الله الامين Date: 01-23-2013, 01:34 PM Parent: #52
Quote: وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة..
Quote: الغريب بت الهرمة دي ما ردت علي لي يوم الليلة..
ههههههههههه عارفاك بتاع خرمجة تعرف تعبيرك جميل وفلوسكابك ابوريحة مسروقة كان رسمت فيه القلب بالقلم الاحم وجواهو السهم كم رسمة كده بالجنبات كان ردت عليك
Post: #56 Title: Re: أول جواب ريدة.. Author: هشام كمال عبادي Date: 01-23-2013, 08:05 PM Parent: #55
Quote: وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة..
اوسكار عديل يا طارق جبريل والله الضحك شرطني عديل .. واتخيلتك وانت ماشي تعفر في التراب هههههه.. طلعت دنجوان كبير يا شقي الحال .. هسع عليك الله متل وصيفك للبت ده بوصوفو زول نصيح ..
الجواب التاني خبارو ؟
Post: #58 Title: Re: أول جواب ريدة.. Author: طارق جبريل Date: 01-24-2013, 10:28 AM Parent: #56
Quote: اوسكار عديل يا طارق جبريل والله الضحك شرطني عديل .. واتخيلتك وانت ماشي تعفر في التراب هههههه.. طلعت دنجوان كبير يا شقي الحال .. هسع عليك الله متل وصيفك للبت ده بوصوفو زول نصيح ..
الجواب التاني خبارو ؟
يا حبيب الجواب التاني بودي البوست دة الخور
Post: #59 Title: Re: أول جواب ريدة.. Author: طارق جبريل Date: 01-24-2013, 10:29 AM Parent: #58
Quote: والله يا ود جبرين انت ما قصرت لكن القلم خزلك اصلك ما لقيتلو بكان الله الا هناك غايتو احمد ربك هسع شفعك ديل كان تلقهام وين؟
تقول شنو يا حبيب
Post: #60 Title: Re: أول جواب ريدة.. Author: طارق جبريل Date: 01-24-2013, 10:31 AM Parent: #59
Quote: العوافي ود جبرين .. تعرف مرة في بلد بي تحت و قاعدلي في حوض برسيم حش ساكت شان عشا البهايم .. اها شفتها ليك مع بعيد تقع وتقوم شان تخت راس قش فوق راسا .. اها قلت ال اجري اساعدا كان اسمع قولة كتر خيرك يا ود الحلال اها جريت علي حماري وفسراع صرمتو ونطيت فوق ضهرو و منها وقعت الواطا طوالي ... ياخي انتا طعنك قلم مبري.. وانا طعني منجل كان في ايدي لما نطيت في ضهر حماري .. تجريمة .. قكلا انتا
منجل عدييييييييييل
Post: #57 Title: Re: أول جواب ريدة.. Author: طارق جبريل Date: 01-24-2013, 10:26 AM Parent: #55
Quote: ههههههههههه عارفاك بتاع خرمجة تعرف تعبيرك جميل وفلوسكابك ابوريحة مسروقة كان رسمت فيه القلب بالقلم الاحم وجواهو السهم كم رسمة كده بالجنبات كان ردت عليك
الاخ طارق نديكم نموذج من جوابات الزمن ذاك ايام الثانوي العام و الردي الكاكي ، ايام الجوابات و الهدايا مناديل ، الحمد لله ما حضرنا زمن الهديه موبايل و الله العظيم هذا الجواب كنب سنه 1974 م و انا كنت قي السنه الاولي ثانوي عام و مدرسة الاولاد جنب مدرسه البنات :
دوحتي في الصحراء ............... ( ام وبنتها اتعرست )
ماذا اكتب و ماذا اخط تخجل الكلمات و تستحي العبارات
في الختام / ................ ابن العوام
التسليم و التسلم تم بالقرب من قبه الشيخ شمبول بقريتنا ، حيث انني قمت بحشر الجواب بين طوب القبه ، وذي ود جبريل حتي الان لم اتلق الرد ، امكن الشيخ شمبول بين و شال الجواب .
Quote: الاخ طارق نديكم نموذج من جوابات الزمن ذاك ايام الثانوي العام و الردي الكاكي ، ايام الجوابات و الهدايا مناديل ، الحمد لله ما حضرنا زمن الهديه موبايل و الله العظيم هذا الجواب كنب سنه 1974 م و انا كنت قي السنه الاولي ثانوي عام و مدرسة الاولاد جنب مدرسه البنات :
دوحتي في الصحراء ............... ( ام وبنتها اتعرست )
ماذا اكتب و ماذا اخط تخجل الكلمات و تستحي العبارات
في الختام / ................ ابن العوام
التسليم و التسلم تم بالقرب من قبه الشيخ شمبول بقريتنا ، حيث انني قمت بحشر الجواب بين طوب القبه ، وذي ود جبريل حتي الان لم اتلق الرد ، امكن الشيخ شمبول بين و شال الجواب .
عفيت منو القلم سمح الما اشتكوك لي ابوك ولا عرسوها ليك كان بقيت جدجد ووليد وليداتك جارين وراك بي مخاخيتون ينفب بي طرف جلابيتك وينادوك جدنا الجلك يمكن ردت ولسع في السكة ارجاه عشا البايتات
عفيت منو القلم سمح الما اشتكوك لي ابوك ولا عرسوها ليك كان بقيت جدجد ووليد وليداتك جارين وراك بي مخاخيتون ينفب بي طرف جلابيتك وينادوك جدنا الجلك يمكن ردت ولسع في السكة ارجاه عشا البايتات
Post: #78 Title: Re: أول جواب ريدة.. Author: مجاهد محمد الهادي Date: 01-29-2013, 05:23 PM Parent: #1
حكاي يا حكاي ..
ذكرياتي مع أول جواب لي ما كانت مبشِّرة نهائي .. وكانت معطونة بموية صدود ما عادية ..
كتبتو عن طريق صديق يكبرني بسنة دراسة - (عشان خطو كان جميل جدن) كان مقتطفات من كتاب "ماجدولين" للرائع مصطفى لطفي ..
كنت في ساتة وامتحنت - حتى دفتر مذكراتي أديتا ليها هدية ودسيت الخطاب السمح دا جواتو .. شرطت جزء من دفتر مذاكرتي الجيت بيها خامس المنطقة والمركز.. تصوّر!
نهايتو يا ود جبرين ..
جات بعد حدود ال 5 سنوات تعيد ما مات فطنشت طبعا بس بأدب وحاتك .. فالدنيا دول والزمن دولاب وتربيزة كمان ..
ذكرياتي مع أول جواب لي ما كانت مبشِّرة نهائي .. وكانت معطونة بموية صدود ما عادية ..
كتبتو عن طريق صديق يكبرني بسنة دراسة - (عشان خطو كان جميل جدن) كان مقتطفات من كتاب "ماجدولين" للرائع مصطفى لطفي ..
كنت في ساتة وامتحنت - حتى دفتر مذكراتي أديتا ليها هدية ودسيت الخطاب السمح دا جواتو .. شرطت جزء من دفتر مذاكرتي الجيت بيها خامس المنطقة والمركز.. تصوّر!
نهايتو يا ود جبرين ..
جات بعد حدود ال 5 سنوات تعيد ما مات فطنشت طبعا بس بأدب وحاتك .. فالدنيا دول والزمن دولاب وتربيزة كمان ..
جايي تفتش الماضي
Post: #79 Title: Re: أول جواب ريدة.. Author: Raja Date: 01-29-2013, 07:05 PM Parent: #1
Quote: أول جواب ريدة..
طارق يا قدييم.. قول أول SMS . هنا ممكن نشارك
Post: #80 Title: Re: أول جواب ريدة.. Author: عثمان الشريف اسحاق Date: 01-29-2013, 07:38 PM Parent: #79
مجلة الدستور زمان فيهو صفحة أظن اسمها أوراق عاشق بكون فيها رسالة عشق طويلة والتوقيع غالبا باسم يارا اها اذكر في إحداها بقول في جزء منها - منذ متي أحبك منذ الف عام منذ تفجر اول نبع ماء- اقتبست الكلام السابق دا في اول رسالة خوفا من الافتضاح كتبت حرفها الأول ولا اعرف ماذا حصل بعدها تلقيت رد من اخري علي رسالتي - بعد سنوات عدة اخبرتني بانها تعمدت تمرير الرسالة الي صحبتها وتبريرها بان صحبتها تحبني وهي تحب شخص اخر طبعا لم ارد علي الرسالة حتي الآن -------- سلام ومحبة طارق وضيوفه
