Post: #19 Title: Re: إهداء إلى دينا خالد Author: دينا خالد Date: 10-05-2011, 08:16 PM Parent: #18
طارق !! يوم بتوقف ليك قلب زول ... هسه عليك الله القميص دا لونو شنو ؟؟ قرمزى ؟ والكسر دى الله يكسرنى كان شفتها .. ياخ الود دا عجيييييييييييييييب !
ـــــــــــــــ فى عمل عمانى من البوست دا .. اعترفوا يا جبريل اخوان ..
Post: #20 Title: Re: إهداء إلى دينا خالد Author: دينا خالد Date: 10-05-2011, 08:26 PM Parent: #18
غايتو وووووووووووب بالنيابة عن بنات البور .. (نسينا الدال) ووووووب على راوية زاتها هسه تجى تقول ما عاجبها الكضابة .. ويا حليل اميرة الشيخ الدوغرية لكن يا طارق بوستك دا جا ودالياحافظ صاحبتنا فى الهم مكتتتتتتفه .. ما قادرة تقول بغم .. ربنا يحلل عقدة من لسانها الليلة بس انشالله وترجع تانى . يكتفوك فى الشمش يا طارق مية يوم ما تعرف لون القميص بس !
Post: #22 Title: Re: إهداء إلى دينا خالد Author: طارق جبريل Date: 10-05-2011, 09:46 PM Parent: #17
Quote: ود جبريل
طقتو الطقاها دي طقت جوة قلبي !
هيثم ياخي سقطة من نظري
Post: #21 Title: Re: إهداء إلى دينا خالد Author: طارق جبريل Date: 10-05-2011, 09:39 PM Parent: #16
Quote: ياود جبرين بقران والا حسدان
ود التوم انت باقيلي جنيت
Post: #23 Title: Re: إهداء إلى دينا خالد Author: تولوس Date: 10-06-2011, 04:38 AM Parent: #21
طارق ودينا ... صباح الخير
دحين زي نوع القميص ده القاه وين ؟؟؟
Post: #24 Title: Re: إهداء إلى دينا خالد Author: معاوية المدير Date: 10-06-2011, 04:49 AM Parent: #23
Quote: طارق ودينا ... صباح الخير
دحين زي نوع القميص ده القاه وين ؟؟؟
أها، قوّل لقيتو؟؟؟
زغم إنو السؤال ما موجه لي.
تحياتي...
Post: #25 Title: Re: إهداء إلى دينا خالد Author: معاوية المدير Date: 10-06-2011, 04:52 AM Parent: #24
Quote: لا دة المرقد دينا خل
دينننننننننننننننننننننك...
Post: #26 Title: Re: إهداء إلى دينا خالد Author: تولوس Date: 10-06-2011, 05:08 AM Parent: #24
ضحكتي يا معاوية ياخي اظبط واصبغ الشنب وازرع الشعر .. يمكن القي تصويرة حلوة زي الفوق دي
في احد المرات قبض البوليس علي بعض شباب الحلة المهرجلين في قضية مشاجرة عنيفة وتم حجزهم لاكثر من اسبوعين وبينما هم في سجنهم يعمهون سال احدهم الاخر ...اليوم ده يوم شنو ؟.... فرد عليه الاخر في سخرية ...قووول التلااااته
Post: #27 Title: Re: إهداء إلى دينا خالد Author: doma Date: 10-06-2011, 05:29 AM Parent: #26
غايتو يا دينا يا بتي انا حالفه ونذرا سدادو عمري ولدي يجي عامل شعرو كدي الا احلق ليه نمره واحد وشهر ما يمرق من بطن البيت الله يكفينا شر العولاق والخولاق
Post: #28 Title: Re: إهداء إلى دينا خالد Author: منال Date: 10-06-2011, 05:53 AM Parent: #27
Quote: لا دة المرقد دينا خل
هسى زى ده بحرك فينى شعرة ؟
الراجل لو مابقى بارم شنباتو وعيونو طاير منهم الشرار ولابس السديرى والسروال وشايل عصايتو لمن اجى داخل ويقول احم البيت كلو تصب فيهو مطره
غايتو يحلنا الشيخ ودبدر
Post: #29 Title: Re: إهداء إلى دينا خالد Author: Ahmed musa Date: 10-06-2011, 06:05 AM Parent: #28
Quote: الراجل لو مابقى بارم شنباتو وعيونو طاير منهم الشرار ولابس السديرى والسروال وشايل عصايتو لمن اجى داخل ويقول احم البيت كلو تصب فيهو مطره
حسبي الله ونعم لوكيل اللهم حوالينا لا علينا وتبّاً للمسلسلات المصرية ذات الطابع الصعيدي التي خربت ذوق المرأة السودانية الشقيقة
Post: #30 Title: Re: إهداء إلى دينا خالد Author: منال Date: 10-06-2011, 06:12 AM Parent: #29
ة
Quote: حسبي الله ونعم لوكيل اللهم حوالينا لا علينا وتبّاً للمسلسلات المصرية ذات الطابع الصعيدي التي خربت ذوق المرأة السودانية الشقيقة
والله يا احمد نحنا ما بنشوف مسلسلات خالص لكن ده الموجود عندنا
مش احسن من البشوفو مهند وعمايلو ويقولو بلاى الحياة النحنا عايشنها دى بتسموها حياة
Post: #31 Title: Re: إهداء إلى دينا خالد Author: تبارك شيخ الدين جبريل Date: 10-06-2011, 07:07 AM Parent: #30
Quote: غايتو يا دينا يا بتي انا حالفه ونذرا سدادو عمري ولدي يجي عامل شعرو كدي الا احلق ليه نمره واحد وشهر ما يمرق من بطن البيت الله يكفينا شر العولاق والخولاق
غايتو طلع مرقّد الجكس كلّو خل ...
بى خالة دوما ... لاحظوا لى الرجفة .... بتّي ... وولدي .... وعمري ... وما يمرق من بطن البيت ... وجقلبة شديدة ...
(انا من بكرة دي امشي الكوفير امعط الراستا دي ... واشوف لي قميص 19 لون)
.... المهم ....
Post: #33 Title: Re: إهداء إلى دينا خالد Author: وليد عبد اللطيف Date: 10-06-2011, 07:25 AM Parent: #31
Quote: يكتفوك فى الشمش يا طارق مية يوم ما تعرف لون القميص بس
يتخيل لي يادينا وطارق لون القميص دا كل ماتمشي مكان بيدك لون ... (حربويا ) وكمان حتى في شاشة كل واحد بيديهو لون معين حسب الاحساس ونوع اللحظة هههههههه غايتو يادينا وطارق عليكم جنس محن
تحياتي للجميع
Post: #32 Title: Re: إهداء إلى دينا خالد Author: دينا خالد Date: 10-06-2011, 07:14 AM Parent: #30
Quote: اوع تقول لي ده بكتب باسم دينا ؟!!!
اريييييييييييتو يا فايز ما كان فكاكم من الغثاء دا !! كان كتب بى كراعه يوقف البورد ...
منال ... ياخ رشاد دا ما استثنائى برضو مالك عليه ؟ انا غايتو ناس عتريس ديل حالفه منهم ..
دوما !!! جيتينا من وين انت هسه ؟؟ مرجووووووووووعه فى مسماك ., قال نمرة واحد قال ! معتتته .. معتتتتتتتا ... دا لو حلقتى لى صلعه .. الحال فى حالو ..
Post: #34 Title: Re: إهداء إلى دينا خالد Author: محمد عمر جبريل Date: 10-06-2011, 07:29 AM Parent: #32
Post: #36 Title: Re: إهداء إلى دينا خالد Author: omer osman Date: 10-06-2011, 07:46 AM Parent: #34
زول عااااادي واقرب للشنه ساي عاملين ليهو شنة ورنة
Post: #35 Title: Re: إهداء إلى دينا خالد Author: داليا حافظ Date: 10-06-2011, 07:42 AM Parent: #32
القميص أيا كان لونه ما خايل مع لونو ومخليهو باااهت ..ههههههه
أها بغم ونص كمان ..
الختا اليختك في الكوشة جنبو ويريحنا من اللهلهة دي ..
ـــــــــــــــ
طارق جبريل ما بريح لكن
Post: #37 Title: Re: إهداء إلى دينا خالد Author: فايزودالقاضي Date: 10-06-2011, 08:12 AM Parent: #32
Post: #38 Title: Re: إهداء إلى دينا خالد Author: هويدا شرف الدين Date: 10-06-2011, 08:23 AM Parent: #37
أولا حاجه يا رجال المنبر الشينين ناس طارق وعمر والعجب فائز ما تشيلكم الغيره ساكت وجيه لامن مدفق واحي الأخت دينا علي رأيها وحب الناس مذاهب وبهذه المناسبه أهديها بعض الصور
Post: #39 Title: Re: إهداء إلى دينا خالد Author: فايزودالقاضي Date: 10-06-2011, 08:51 AM Parent: #38
Quote: أول حاجه يا رجال المنبر الشينين ناس طارق وعمر والعجب فائز ما تشيلكم الغيره ساكت
والله الطيب شيقا اصلوا ماكان خاتي ..هسه انا تختيني مع طارق وعمر ؟ انا لو شبه ديل انتحر امس قبل الليلة..انا زولك ده فرقي منو بسيط .شعره جادعه يمين وانا جدعتي يسارية ..اللون انا افتح منه ..العيون نفس العيون بس الكحل جايب الفرق ..الشنب انا مكترو بسبب الهلال ..
Post: #40 Title: Re: إهداء إلى دينا خالد Author: معاوية المدير Date: 10-06-2011, 09:12 AM Parent: #39
Quote: ضحكتي يا معاوية ياخي اظبط واصبغ الشنب وازرع الشعر .. يمكن القي تصويرة حلوة زي الفوق دي
اووووعك تعمل كده يا تولوس، علي اليمين دينا خالد دي تتشعبط في رقبتك، التحِلّك ما تعرفا...
Post: #41 Title: Re: إهداء إلى دينا خالد Author: معاوية المدير Date: 10-06-2011, 09:17 AM Parent: #40
Quote: الشنب انا مكترو بسبب الهلال ..
يا ود القاضي، هسّع اكان ربيّت جداد ما كان أحسن ليك؟؟؟
غايتو انا النصيحة بقولآ: إنت والجنا دا الخالق الناطق. ما خليتلو صفحة يرقد عليها...
Post: #44 Title: Re: إهداء إلى دينا خالد Author: فايزودالقاضي Date: 10-06-2011, 09:44 AM Parent: #41
Quote: يا ود القاضي، هسّع اكان ربيّت جداد ما كان أحسن ليك؟؟؟
اتكيت على حيطة مافي ..
Quote: غايتو انا النصيحة بقولآ: إنت والجنا دا الخالق الناطق. ما خليتلو صفحة يرقد عليها...
وشهد شاهد من اهله ..
Post: #46 Title: Re: إهداء إلى دينا خالد Author: انعام حيمورة Date: 10-06-2011, 09:51 AM Parent: #41
يا طارق سلامات قالوا بتسأل مني والله جري بس
عايزة احكي ليك :
لمن نعيم علي عمل الحنة بتاعتو في دار اطفال المايقوما اها الولد دا جاء داخل ومعاهو ولد تاني لابسين وكدة .. نفس منظر الصورة دي ..
اها بيني وبين نفسي قلت يا سلام عاين الاولاد (المغاربة) ديل جايين يحضروا الحنة في دار المايقوما يا سلام عليهم .. هههههه
اها بعد زمممن كدة والحفلة شغالة عرفت ليك من بعض الشباب انو الولد دا ياهو رشاد بتاع عرض الازياء ..
Post: #43 Title: Re: إهداء إلى دينا خالد Author: فايزودالقاضي Date: 10-06-2011, 09:39 AM Parent: #40
Quote: اووووعك تعمل كده يا تولوس، علي اليمين دينا خالد دي تتشعبط في رقبتك، التحِلّك ما تعرفا...
قال اوع !!! هو تولوس يطول ..واذا طال فكرك بفتش الحل ...يحلها الحل ام تيدروس ..
Post: #42 Title: Re: إهداء إلى دينا خالد Author: هويدا شرف الدين Date: 10-06-2011, 09:33 AM Parent: #39
شنو ؟ شنو ؟ شنو؟
فرقك منو شنو؟ سبحان الله الوهم دا داخلك من متين بقيت شبه رشاد
انتو ياهلالاب البرير لفقتو ليهو بديل مابتلفوا اى صورة وتقولوا دي حقة ودالقاضي عشان تستاصلوني معنوياً !! اى صورة الشعر ماناعم فيهاومجدوع يسار دي ماحقتي ..دي حقة طارق جبريل او عمر عثمان العسكري ..
Post: #49 Title: Re: إهداء إلى دينا خالد Author: وليد عبد اللطيف Date: 10-06-2011, 10:02 AM Parent: #42
Quote:
ياجماعة ود القاضي فايت الولد دا مسافة
Post: #52 Title: Re: إهداء إلى دينا خالد Author: فايزودالقاضي Date: 10-06-2011, 10:07 AM Parent: #49
Quote: طارق !! يوم بتوقف ليك قلب زول ... هسه عليك الله القميص دا لونو شنو ؟؟ قرمزى ؟ والكسر دى الله يكسرنى كان شفتها .. ياخ الود دا عجيييييييييييييييب !
يمين بالله يا دندون البس قميص زي دة ابوي ينتظر في المطار بي لواء مظلات
Quote: غايتو وووووووووووب بالنيابة عن بنات البور .. (نسينا الدال) ووووووب على راوية زاتها هسه تجى تقول ما عاجبها الكضابة .. ويا حليل اميرة الشيخ الدوغرية لكن يا طارق بوستك دا جا ودالياحافظ صاحبتنا فى الهم مكتتتتتتفه .. ما قادرة تقول بغم .. ربنا يحلل عقدة من لسانها الليلة بس انشالله وترجع تانى . يكتفوك فى الشمش يا طارق مية يوم ما تعرف لون القميص بس !
Quote: طارق ودينا ... صباح الخير
دحين زي نوع القميص ده القاه وين ؟؟؟
يا تولوس ياخي انا مصنفك من حكماء المنبر
Quote: دينننننننننننننننننننننك...
ود المدير زولتك راقدة كاويق
Quote: غايتو يا دينا يا بتي انا حالفه ونذرا سدادو عمري ولدي يجي عامل شعرو كدي الا احلق ليه نمره واحد وشهر ما يمرق من بطن البيت الله يكفينا شر العولاق والخولاق
انا ما قلت ليكم خالتنا دومة دي استثنائية عليك الله يا خالة هسي ولد ود جبرين دة هنا ما وجيه
Quote: الراجل لو مابقى بارم شنباتو وعيونو طاير منهم الشرار ولابس السديرى والسروال وشايل عصايتو لمن اجى داخل ويقول احم البيت كلو تصب فيهو مطره
انا اتقلم زي الحلو مر وكتين ينشف ياخي
Quote: (انا من بكرة دي امشي الكوفير امعط الراستا دي ... واشوف لي قميص 19 لون)
وحات ود الكرسني يا تبارك تمعطها علي ترقد خل
Quote: يتخيل لي يادينا وطارق لون القميص دا كل ماتمشي مكان بيدك لون ... (حربويا ) وكمان حتى في شاشة كل واحد بيديهو لون معين حسب الاحساس ونوع اللحظة هههههههه غايتو يادينا وطارق عليكم جنس محن
يا ولي القميص شن طعمه ياخي علي طرقة الحلو مر المحروقة
Quote: أولا حاجه يا رجال المنبر الشينين ناس طارق وعمر والعجب فائز ما تشيلكم الغيره ساكت وجيه لامن مدفق واحي الأخت دينا علي رأيها وحب الناس مذاهب
ارقد يا عيش
Quote: يا طارق سلامات قالوا بتسأل مني والله جري بس
عايزة احكي ليك :
لمن نعيم علي عمل الحنة بتاعتو في دار اطفال المايقوما اها الولد دا جاء داخل ومعاهو ولد تاني لابسين وكدة .. نفس منظر الصورة دي ..
اها بيني وبين نفسي قلت يا سلام عاين الاولاد (المغاربة) ديل جايين يحضروا الحنة في دار المايقوما يا سلام عليهم .. هههههه
اها بعد زمممن كدة والحفلة شغالة عرفت ليك من بعض الشباب انو الولد دا ياهو رشاد بتاع عرض الازياء ..
نعوم كيفنك ياخي ياخي لو سمعوك المغاربة بينتحروا
Quote: (طارق جبريل مفروض تفسّر لينا نحن الأجانب ديل قبل ما تجهجه ركب جكس البورض!)
يا تبارك افسر شنو ياخي مع حلاوة لكوم دة
Quote: سلامات يا حبيبنا وعساك والاولاد بخير
كنت بدور ادخل حجاز لكن مع الكلاشات ياودجبريل زغت
في ذمتك يا ود جبريل زمان ماني كنت أوجه من زولك ده .
اوووه حبيبنا استاذ سيف يعلم الله كنت وجيه يا ابو السيوف
Post: #64 Title: Re: إهداء إلى دينا خالد Author: طارق جبريل Date: 10-06-2011, 10:53 AM Parent: #62
Quote: أها شفت يا طارق .... عشان الكبكبة بتاعة دينا دي ... أنا حالف ما أخت صورتي في البروفايل.
أصلو قالوا لينا (رفقاً بالقوارير)
النبي فيك يا عمك تختها يمكن البت دي تستهدأ بالله
يا داليا اريتها هنضبة السرور
Post: #66 Title: Re: إهداء إلى دينا خالد Author: داليا حافظ Date: 10-06-2011, 11:09 AM Parent: #64
Quote: يا داليا اريتها هنضبة السرور
نسوي شنو مع احراجات دينا الفلاتية هسة في زول سالها من الكاشف أخوها(أنا)
مخيرالله
Post: #63 Title: Re: إهداء إلى دينا خالد Author: وليد عبد اللطيف Date: 10-06-2011, 10:51 AM Parent: #57
Quote: والله يا ود القاضي خلي رشاد نميري على بالأيمان قلق أوجه منكـ ..
ود القاضي شفت الناس البتكتب بالازرق دي اعمل حسابك منها هههههههه والله الناس ديل زي ماقال اخونا صبري طه ماسكين ضنب الككو
Quote:
ود القاضي دُرة بورداب جدة اي واحد يشكك في وجاهاته معناها حقد ليس إلا ههههههههه
Post: #65 Title: Re: إهداء إلى دينا خالد Author: فايزودالقاضي Date: 10-06-2011, 11:03 AM Parent: #57
Quote: والله يا ود القاضي خلي رشاد نميري على بالأيمان قلق أوجه منكـ ..
وقلق بالنسبة ليك مصطفى قمر ...
الترجي كيييييييييف ؟!!
Post: #67 Title: Re: إهداء إلى دينا خالد Author: هويدا شرف الدين Date: 10-06-2011, 11:20 AM Parent: #65
عليك الله شوفو هسع في مقارنه وبعدين شنا ومريخابي قطع شك رشاد دا بكون هلالابي السماحه حقتهم والهزيمه الفاتت ديك عين بس والحكم دا جرائدهم الطلعت الإشاعات
Post: #69 Title: Re: إهداء إلى دينا خالد Author: منال Date: 10-06-2011, 11:29 AM Parent: #67
الليله وووووووووووب ده منو الجاب لينا وجع القلب
ياجماعه التوثيق لازم يكون بالاسامى عشان ما ننداح ساى
Post: #73 Title: Re: إهداء إلى دينا خالد Author: منال Date: 10-06-2011, 11:39 AM Parent: #67
الليله وووووووووووب ده منو الجاب لينا وجع القلب
ياجماعه التوثيق لازم يكون بالاسامى عشان ما ننداح ساى
Post: #76 Title: Re: إهداء إلى دينا خالد Author: فايزودالقاضي Date: 10-06-2011, 11:50 AM Parent: #73
Quote: الليله وووووووووووب ده منو الجاب لينا وجع القلب
ياجماعه التوثيق لازم يكون بالاسامى عشان ما ننداح ساى
ياخي انداحي ..الاسامي تجي مدردقة ومنداحة براها ..
Post: #68 Title: Re: إهداء إلى دينا خالد Author: معاوية المدير Date: 10-06-2011, 11:21 AM Parent: #65
Quote: بس باقي لي اسوق طيارة يعني كان لميت في طيار المنبر (محمد طه الحبر) ببقيهو تحت رحمتي عديل
والله ما تقدري...
سلآمات يا إنعام، وبركة بالطلّة...
Post: #70 Title: Re: إهداء إلى دينا خالد Author: طارق جبريل Date: 10-06-2011, 11:32 AM Parent: #68
إلى دينا مع التحية
Post: #71 Title: Re: إهداء إلى دينا خالد Author: فايزودالقاضي Date: 10-06-2011, 11:33 AM Parent: #68
Quote: عليك الله شوفو هسع في مقارنه وبعدين شنا ومريخابي قطع شك رشاد دا بكون هلالابي السماحه حقتهم والهزيمه الفاتت ديك عين بس والحكم دا جرائدهم الطلعت الإشاعات
ايواااااااا نحن بس يهمنا انه هلالابي ...
بعدين بطلي لفحي وبلاش تعملي زي البرير تجيب اى اب شنب تقولي ده انا ...
ــــــــــــــــــ بالله غايبة ساعة عشان تجيب صورة ..؟!! هههه
Post: #72 Title: Re: إهداء إلى دينا خالد Author: فايزودالقاضي Date: 10-06-2011, 11:37 AM Parent: #71
ياطارق جبريل رقصتك هنا ماعجبتني ..
Post: #75 Title: Re: إهداء إلى دينا خالد Author: طارق جبريل Date: 10-06-2011, 11:44 AM Parent: #72
Quote: ياطارق جبريل رقصتك هنا ماعجبتني .. ..
انتهيت مني
Post: #81 Title: Re: إهداء إلى دينا خالد Author: انعام حيمورة Date: 10-06-2011, 12:50 PM
الله ياخ شايفة عويقة كبيرة ..
الولد دا رقص في الحفلة العملوها لي البورداب بمناسبة الزواج يعني محسوب علينا هو والغناية
Post: #77 Title: Re: إهداء إلى دينا خالد Author: معاوية المدير Date: 10-06-2011, 11:51 AM Parent: #72
Quote: ياطارق جبريل رقصتك هنا ماعجبتني ..
ود القاضي يا وجيّه. لكن لقيتك حاقد. عليك الله المابيعجب فيها شنو؟؟؟
لكن لقيت لك الجماعة كلهم ما عندهم بُعد نظر. قبيل انا كنت قايلك بتتساوى في الوجاهة مع الجنا الإسمو زياد ده. لكن بعد إدراج صورك من قِبل ذوي الأحقاد الدفينة، إتضح لي بما لا يدع مجال لأدنى شك إنك يا فايز ود القاضي فايتو بي فرق...
Post: #79 Title: Re: إهداء إلى دينا خالد Author: سارة كرودى Date: 10-06-2011, 12:17 PM Parent: #77
Post: #83 Title: Re: إهداء إلى دينا خالد Author: انعام حيمورة Date: 10-06-2011, 12:55 PM Parent: #79
غايتو يا طارق شايفاك ماشي في الصور في صورة كدة كان جبتها بنتخارج من البوست دا
عرفتها؟؟؟!!!
----
القرررر .......
Post: #82 Title: Re: إهداء إلى دينا خالد Author: انعام حيمورة Date: 10-06-2011, 12:53 PM Parent: #68
ما بقدر اسوق طيارة ولا ما قدر يكون الحبر تحت رحمتي هههههه
كيفك ياود المدير والصاحبة كيفينها حبي لها ..
Post: #84 Title: Re: إهداء إلى دينا خالد Author: طارق جبريل Date: 10-06-2011, 01:04 PM Parent: #82
يا انعام نسوي شنو يايخي لي دندون دي ادوها راسها ياخي البت دي
Post: #85 Title: Re: إهداء إلى دينا خالد Author: عوض الصديق Date: 10-06-2011, 01:07 PM Parent: #82
اصلو يافايز .... الزمن ده البقول النصيحة يطلعوهو شين
Post: #89 Title: Re: إهداء إلى دينا خالد Author: قيقراوي Date: 10-06-2011, 01:40 PM Parent: #87
Quote: ياقيقا يعني ماعلقت في صورة البروفايل !!!!
اوع تقولي دا انا المعاكم دا!؟
-------
شبهت واحد فيكم غايتو .. لكن الحمد لله ما عندي فنيلة زي دي كلو كلو قمصاني كلها زي بتاعة رشاد دا قاعدين نفصّل عند نفسسسسس الترزي!!
نانو شنو!؟
Post: #90 Title: Re: إهداء إلى دينا خالد Author: معاوية المدير Date: 10-06-2011, 02:20 PM Parent: #89
Quote: الراجل لو مابقى بارم شنباتو وعيونو طاير منهم الشرار ولابس السديرى والسروال وشايل عصايتو لمن اجى داخل ويقول احم البيت كلو تصب فيهو مطره
Post: #91 Title: Re: إهداء إلى دينا خالد Author: د.محمد حسن Date: 10-06-2011, 03:07 PM Parent: #87
Quote: ياقيقا يعني ماعلقت في صورة البروفايل !!!!
خلاص نسجلهم في نص الهلال نلحق بيهم مباراة الترجي
انا بقيت مقاطع البوستات الفيها بنات لكن الكيماوي المزدوج طارق
وود القاضي ما بتفون :)
Post: #92 Title: Re: إهداء إلى دينا خالد Author: طارق جبريل Date: 10-06-2011, 03:18 PM Parent: #91
Quote: لكن الكيماوي المزدوج طارق
وود القاضي ما بتفون
Post: #93 Title: Re: إهداء إلى دينا خالد Author: Hololy Date: 10-06-2011, 06:43 PM Parent: #92
.... .. ...
Quote: . انا بقيت مقاطع البوستات الفيها بنات
... ... يا دكتور .... مقاطعتك دي مالا بتشبه لي مقاطعة اللحمه!!!! ...
Post: #94 Title: Re: إهداء إلى دينا خالد Author: دينا خالد Date: 10-06-2011, 06:47 PM Parent: #92
المتداخلون الاعزاء !! بالله بطلوا الهظار وشيلوا الصور التانية دىى كلها من هنا.. دا وقتوا ؟؟ يعنى لازم تبوظوا الاهداء ..
عدا الصور التى اتت بها انعام .. وصورة الاحمر المجنونه جن دى ! انعام ؟ كمان مسيفاهم ؟ لالالا كتيرة منك انا بخسرك بعد دا .. الصور دى فى المايقوما ؟ المايقوما الوااااااحده دى ؟ بالله الولد دا حقيقى ؟ ومن لحم ودم ؟ هبشتوا ؟ يمشى فى الارض ويتجول فى المايقوما ويلاقى انعام ؟ عاااااادى ؟
Quote: دينا رشاد بسلم عليك مبسوط من تعليقاتك فى البوست
عمر الصديق ! يوم بتقتل ليك زول انت كمان ...
Post: #95 Title: Re: إهداء إلى دينا خالد Author: دينا خالد Date: 10-06-2011, 06:54 PM Parent: #92
دا صاحبو يا انعام ؟؟؟؟ الود دا مالو عزال كدا ...
ـــــــــــــت تبت لله .. وتجيك دوما هسه تتكسر هو بيدو فرصه يتعرف على !!
Post: #96 Title: Re: إهداء إلى دينا خالد Author: دينا خالد Date: 10-06-2011, 07:00 PM Parent: #92
لوووووووووووووووووب ( تقرا بدون لام المرة دى ) ... هو (بوى) نصاح يا طارق !! الا يكتبوا على ؟ امنع الفوضى ياخ !
ــــــــــــــ هديتك ما عندنا فيه قول لكن ............ !
Post: #98 Title: Re: إهداء إلى دينا خالد Author: Ahmed musa Date: 10-06-2011, 07:10 PM Parent: #96
انا ماعارف ليه كل مادخلت البوست ده إتذكرت بوليس النظام العام ... إكون عندي فوبيا بوليس نظام عام ..؟! مع الإحتفاظ بالإشراقات الكثيفة فيه ...
Post: #97 Title: Re: إهداء إلى دينا خالد Author: دينا خالد Date: 10-06-2011, 07:05 PM Parent: #92
Quote: ياخ نسيت اسلم علي دينا خالد ازيك يا دينا وكيف امورك واخبارك واحوالك
هسه عليك امك يا انعام دا وقت سلام ؟؟؟ ما بتبالغى انت ..
Post: #99 Title: Re: إهداء إلى دينا خالد Author: دينا خالد Date: 10-06-2011, 07:14 PM Parent: #92
فايز ود القاضى ... او محمد جانا ....
ــــــــــــــــــ ما فاضيين ليك الليلة ... ابقى تعال لينا يوم تانى !
Post: #100 Title: Re: إهداء إلى دينا خالد Author: طارق جبريل Date: 10-07-2011, 10:51 AM Parent: #99
سجمنا... خوفتني ياخ
Post: #101 Title: Re: إهداء إلى دينا خالد Author: Hololy Date: 10-07-2011, 09:32 PM Parent: #100
... ...
Quote: الله ياخ شايفة عويقة كبيرة ..
...
Quote: ... يعني محسوب علينا هو والغناية
.... ....
Quote: في صورة كدة كان جبتها بنتخارج من البوست دا..
... ...
Quote: انتهيت مني.....
... ....
Quote: الصور دى فى المايقوما ؟ المايقوما الوااااااحده دى ؟ بالله الولد دا حقيقى ؟ ومن لحم ودم ؟ هبشتوا ؟ يمشى فى الارض ويتجول فى المايقوما ويلاقى انعام ؟ عاااااادى .
... ....
Quote: هو (بوى) نصاح يا طارق !! الا يكتبوا على ؟ .... امنع الفوضى ياخ !
... ....
Quote: انا ماعارف ليه كل مادخلت البوست ده إتذكرت بوليس النظام العام ... إكون عندي فوبيا بوليس نظام عام ..؟!....
... ....
Quote: ... سجمنا... خوفتني ياخ
... ...
...يبدو ان ازمة و محنة الوطن و تقيّح جراح شعوبه ومواطنيه اقتربت بنا من مقاربة المعايير الاخلاقيه الملتبسه....في مظهرها و مبطنها و منتوجها الاجتماعي ...علي مستوي البني الفوقيه و نشاط الذهن...و ملامسة هذه المقاربه لحقائق الاشياء في ذاتها حينما ترتبط بالانسان ايا كان نوعه....ومخالفته لطبيعته و نواميس الكون ... ... ...لكن . هذه المقاربه ..في المعايير..ومحاولة استقامتها علي مستوي البني التحتيه وملكية الثروه وفق مجهود و اداء المرء و وفق قانون يتساوي امامه الجميع...لم تزل عصيه ... مراوحة مكانها الي الامام ..... فيما يعني ان التناقضات الحاده للنشاط الجماعي التكاملي للانسان ...النشاط الاجتماعي الانساني في خلق خيراته و حوجاته الماديه ...و باختصار غير مخل ...النشاط الانتاجي الجماعي لمواطنين الدوله..و اشكالية احتكاره الضيقه المحصوره في سلطة و سطوة هذه الدوله و القائمين عليها منِ ذوي الحظوه و النفوذ ..بالسطو. لا يزال و سيظل يحتاج ..لمزيد .... من المدافره ...و الحراك كيما يتضاءل هذه التناقض ....وتتسق تلك المعايير ....ثم تأخذ معانيها و مضامينها الحقيقيه الغير ملتبسه ... و تتضاءل معها مثل هذه المظاهر المثيره للسخريه وللشفقه وللغثاء المطروحه في البوست ... مابين تشوّهات اجتماعيه متطابقه في تركيبتها الاخلاقيه ودلالاتها الانسانيه المهزومه من جانب وتنازع مظهرها و تقيماتها بين الراندوك و اضاءات عروض بيوت الازياء من الجانب الاخر...ثم انعكاس كل ذلك في ضياع وطن ما زلنا ننافح بأمل ان يكون و طن خير و جمال فيما تبقي منه ... لكل بناته و ابنائه ... و قادم اجياله ... ... . . . . . . .____________ برّه النص.. .. ..هل هي صدفه ان يلتقي القاتل و المقتولين حينا ... .. .. .. ..داخل اسوار .. .. .. .. دار المايقوما ... .. .. ..ثم يقفز منها الي داخل اسوار هذا البوست .. .. .. قفشات و طرفات ...ثم تهكّم و سخريه ... ..بين الاصدقاء (متداخلين و قراء) .. ..مفصحا عن المسكوت عنه؟؟؟؟؟؟؟؟ و لو بالقفز عليه؟؟؟؟ .. ..هل هذه محض صدفة فقط؟؟؟؟
... ... ...
...... ...
Post: #102 Title: Re: إهداء إلى دينا خالد Author: Yassir Tayfour Date: 10-07-2011, 09:51 PM Parent: #101
يا ود جبريل الزول ده لو فكّ فيك بونية بشيل منك الآكسن الشايقيِّ، ويخليك تتكلم عِدل ؛) ___ وبالمناسبة، دينا خالد بتاعت الساعة كم؟ هل تقبل الأشباح الهدايا ؛)
Post: #103 Title: Re: إهداء إلى دينا خالد Author: محمد البشرى الخضر Date: 10-07-2011, 10:51 PM Parent: #102
يا خوانا زول يترجم لينا مداخلة هولولي دي
Post: #104 Title: Re: إهداء إلى دينا خالد Author: Yassir Tayfour Date: 10-07-2011, 11:51 PM Parent: #103
يا بوحتوت أنا غايتو ما فهمت منها أي حاجة، ولا قدرت أميِّز هل هي مع عارض الأزياء أم مع عارضة الجِرسة، أم مع عارضي التشنيف من أمثال المدعو ود جبريل ؛) ____ وتعال هنا الدنيا ما فيها حاجات كتيرة الزول ما فاهما، وما قاعد يقيف عندها، الوقفك عند هولولي شنو؟
Post: #105 Title: Re: إهداء إلى دينا خالد Author: ABUHUSSEIN Date: 10-08-2011, 00:04 AM Parent: #104
بوست يستحق الحفظ قد نحتاج له يوماً ما
شكراً ليك طارق فقد عرفنا الكثير من خلال هذا البوست
Post: #106 Title: Re: إهداء إلى دينا خالد Author: معاوية المدير Date: 10-08-2011, 00:32 AM Parent: #105
بدون تعليق.
سلآمات يا ود الخضر...
Post: #107 Title: Re: إهداء إلى دينا خالد Author: دينا خالد Date: 10-08-2011, 03:01 AM Parent: #106
Post: #114 Title: Re: إهداء إلى دينا خالد Author: محمد البشرى الخضر Date: 10-08-2011, 10:37 AM Parent: #113
اسي انا لما شفت اسمك يا هوللي آخر متداخل قلت بس ... بكون حن علينا و فك طلاسم مداخلته الفوق اكان كدا الناخذ بي كلام ود المدير و يوتيوبه عشان نفهم كلامك
Post: #115 Title: Re: إهداء إلى دينا خالد Author: Hololy Date: 10-08-2011, 11:06 AM Parent: #113
.. ..
Quote: الرقشة سقتها والامجاد سقتها كمان اسأل نادية عثمان ههههه
.. .. ...انعام يا ألق ... .. ..الكوت الفوق ده ...ذكرني ببعض من الايقاعات اليوميه العاديه لحلتنا و ناسا..الوناسا ...وقلت لازم ادحرج ليكي واجده من الايقاعات دي هنا بالتفصيل الممل ...لانها خاصه بالجندر و ملاواتم الكثيره ..(تو بٌت‘ ذير إنبت إن ذس لايف)... فخلي بالك طويل بالله و اقريها... .. ..وعلي الاقل نطلع بــ حمد من رهط الزرزره الفوق ديل..في البوست الما بيحتمل غير الضحك ...و ما احوجنا اليه في هذه الايام الغم !!!! .. ..تحكي لي الحاجه امي في احدي زياراتا ... .. ..بخصوص شقيقتي الصغري ... و كانت تعمل حينها بالسكه حديد بعطبره ...كانت شقيقتي هذه من النوع الذي يطلق عليه ...(كوثر كشو) في الحله ..و معها صديقتها و قريبتها اختطفتها يد المنيه و هي في عمر الزهور ....وكانت تعمل معها ايضا في السكه حديد ..في اداره مختلفه ويطلق عليها ناس الحله (عفاف شكوته) و هذا اللقب هو العكس تماما لشخصيتها و للمحمول الذهني و الانساني المتقد لهذه الشابه (تغمّدها الله بواسع رحمته) ولانها كانت في نظري و الكثيرين من شباب الحلّه و ناسا انها صدق و مرح يمشي علي رجلين ...بجانب الحديث المباشروالتلقائيه في القول للحاله الماثله امامها في اي شِبكه و ملمه فرايحيه من شبك و ملمات الحياه اليوميه ايا كانت وفي وجه ايا كان ...صغير و كبير ..وبذهن منفتح و عالي الحضور يعبر عن ذاته و ادميته بقوه و في اللحظه الماثله...تمظهر ذلك في الكثير من المواقف .....مواجهة اصحاب بعض الدكاكين المتناثره في الحله الذي يدس بعضهم بعض السلع و المواد التموينيه... ويبيعها في السوق الرمادي .... مواجهة البعض من الشباب المتفلتين الذين يتطاولون بالضرب علي بعض الصغار في الحي اذا صادفتهم ...المشاكل بالنادي و بالحي و المدرسه المشاركه في ايجاد الحلول...الايجابيه في التعاطي مع الاشياء حولها ..السباق في مد يد العون في الافراح و الاتراح بالحي.....الخ ... .. ..فكانت الكنيه التي اصبغها عليها اهل الحي (شكوته) هي اشبه او بالضبط هي تعبير عن تخفيف وقع الكلام الما مغتغت و فاضي الصادر منها علي الاخر التي تخاطبه ...و ازالة الحرج والاحمرار من علي وجه... هذا المخاطب وتبريد رد الفعل المتوقع علي حدة المواجهه الحقيقيه ... .. و ارضاخه قبول حقيقة الاشياء .. .. .. بإختصار كده......كانتا من نوعية الشابات التلقيهم طالعين من البيت كل يوم الصباح في طريقهم الي العمل و شايلين كباية شاي في يدهم اليمن و زلابياييه او بسكويتايه في الشمال و يشربوا و ياكلو و هم ماشين ليلحقوا بص الترحيل و في كثير من الاحيان معاها جكّه ... ودهن الزلابيه العالق في يدينم يا مسحوا في شعرم يا كمان في مقاعد بص الترحيل ...ايهما اقرب الي انتهاء الشربه والوجبه الصباحيه. ...يعني بمعني شامل شايتين ضفاري ...في المكان الذي يتطلّب الشوت ... و ما شغالين الشغله بزول
صدف و في تلك الازمان ان السكه حديد كانت بصدد ادخال نظام إليكتروني جديد يتعلّق بتركيب انظمة للاتصالات الحديثه في القوه الساحبه ... ..او الديزلات (ديزل) لتسهيل و تسريع التواصل في الخطوط ما بين سائقي القطارات من جهه و نظارالمحطات وادارة السيمافورات ...من جهة اخري ....و ذلك اثناء السفريات في حالة الاعطال ...او دخول و قيام القطارات من و الي المحطات ...... وكانت هي تعمل في الادارة الهندسيه للتدريب و التشغيل و مسؤوله عن تنفيذ و تشغيل هذا المشروع ...امام ادارتها .... ... في احدي الامسيات ... و اثناء وقوف وتأهب احدي قطارات الركاب المتّجِهه للخرطوم ...بمحطة عطبره ... كانت هي مرافقه للرحله ... .و لازمت تلك الصدفه ... ان هناك بعض من الجيران مسافرين برفقة مريضه الي الخرطوم للعلاج علي نفس القطر ... .. ..و بالطبع كان هناك اخرين كتيريين من المودعين من ضمنهم (مريومه) ... طفله صغيره برفقة حبوبتا ... ..و كانوا كلهم يتكدسون علي الرصيف بجانب الديزل قرب مقدمة القطر حيث عربة المنامه الخاصه بمهندسين تدريب السواقين علي الاجهزه بعد مرحلة تركيبها (كوثر و زميله اخري معها).... ...و حسن الحظ ان كانت عربة المنامه من نصيب المريضه و اهلها من المرافقين لزحمة القطار و عدم وجود حجز عليه في نفس اليوم ...المهم ... بعد صافرة الكمساري و القطار الاولي بدأ المودعين في وداع مسافريهم ...و ركبت هذه الكوثر و زميلتها مع السواق و العطشجي في الديزل ...وتحرك القطار ينشد محطاته ... ثم تفرق سامر المودعين في طريق العوده نحو بيوتهم .... .. ...... طفلتنا مريومه كانت الاسئله تعتصر عقلها الصغير ...و هي تلوح بيدها ... لهم في قيادة القطار ... و يبادلونها التلويحات ... ... ... ...تحكي لي الحاجه .... .. ..ان الخاله نفيسه ...(حبوبة مريومه) و هم في طريق عودتهم من المحطه غِشوها في البيت ... ...و في معرض الونسه ما بينهما ... قالت ليها ... .. ..الشافعه قطّعت مصاريني بالضحك ...(و تقصد مريومه) .. ... و سألتني ... نحن و راجعين في السكه .... ......قالت لي .. .. .. ...انتي يا حبوبه ....كوثر بت حبوبه حسنه دي ... ...شغاله في السكه حديد ... سواقة قطر.. ؟؟؟؟؟؟؟ .. .. ..و اتاريها ... و نحن من بعد ما اتحركنا علي الرصيف اقول يا مريومه و قايلاها وراي ...اتلفت وراي... القاها مافي ... اعاين محل ما كنا ..واقفين ...اشوفا هنااااك لسّه واقفه ....براااااها و مافي زول جنبها .... و رافعه يدّها تلولح فيها ...و القطر فات عدّ الكبري .... ...الشافعه اتسختت بـ بتك سواقة القطر !!!!! .. .. .. .. ..مريومه هذه شابه ملء نفسها ...الان...و تعمل مهندسه بالسكه حديد .... .. .. .. ..و يمكن قريب كده تلقيها جارّا ليها قطر للخرطوم .. ..تقولي لي سواقة رقشه .... رقشة شنو يا بت الناس ... الشافعات تتطلّعن لقيادة الافيال ...انت جاريه لسواقة السواسيو... و الرقشات دي الهنود حيخلوها.... و بعدين لو مسكتي في الطيارات دي...حقك راح شمار في موية نيل ....مع الحوادث الــ للليله ما مفهومه و لو اعتمدتي علي ادروب صاحبك ده ... الرغوه البيقول عليها يجهزا ليكي دي ذاااتا حتكون مضروبه...و ما تزلق في مزلاقان و اكتر حاجه ممكن يقدر عليها انو يعمل ليهو توكيل مع ناس كسلا لاستيراد قشر الموز لناس الطيران المدني... و يشتتو لطيارتك السايقاها دي في (الرن ويي) عشان ترِك‘ .... باقل قدر من الخساير ... وما تطلعي كاسره ركبه ... زي اختنا دينا... .. .. .. ..دينا يا صديقه .... اجمل ما ... مداخلاتك...مع كثر اخرين ..انك دائما ما تخاطبين عقل ... و قرائح القاري .. .. ..وطبعا ده كلام حقيقه ... من غيرتلج و كسير ركب ... و رئاسة روابط .!!!؟؟؟؟؟
.. ...... .. .. .. ...... ....
Post: #116 Title: Re: إهداء إلى دينا خالد Author: محمد عبد الماجد الصايم Date: 10-08-2011, 11:30 AM Parent: #115
يا عجوة .. ساعدنا طيب بنوع خط تاني ياخ! إن شاء الله خط الحاج يوسف ـ سوق ليبيا!!
Post: #117 Title: Re: إهداء إلى دينا خالد Author: Hololy Date: 10-08-2011, 11:40 AM Parent: #116
... ...طٌرّه ...و الاّ ...(كتابه) و ال ...اّقطر ..
Post: #118 Title: Re: إهداء إلى دينا خالد Author: قيقراوي Date: 10-08-2011, 11:40 AM Parent: #116
لووووووووب
عجبني للمرقوت ..
يا ود البشرى انت مش بهناك قلت الاستيعاب توفيق من الله
و تيب م اترضى بقسمتك!؟
--------
انا فااااهم غايتو الحمد لله ..
دي البطيخة يا حلولي مش؟
Post: #119 Title: Re: إهداء إلى دينا خالد Author: محمد البشرى الخضر Date: 10-08-2011, 11:55 AM Parent: #118
وقلت برضو المافاهم يسال قبل ما يقطع ليه قراية من راسو ويبني عليها
انت بتقرا سطر وتفط سطر يا قيقرا ولاّ كيف؟
Post: #120 Title: Re: إهداء إلى دينا خالد Author: Hololy Date: 10-08-2011, 12:53 PM Parent: #119
... ...
Quote: .. ..دي البطيخة يا حلولي مش؟
... ..... ..ياها ذاااااتا .... يا قيقا ... .. ..بس هنا ...اتقلبت .... لـــ تفاحة ... شجر العشر .. .. ..___________________________ .. ..ابو حتحوت يا صديق ... .. ..طبعا كلامك صاح ... وفي كتير من الاحيان ... بكون في نقاش داير في البوست .. ..و بستفسر عن احدي المداخلات.. عشان الواحد ما يشوت ضفاري لو حب يتداخل .. ..و في احيان اخري يتم تفسير المداخلات الغير مفهومه ... بالنسبه لي ...عن طريق ..مداخلات اخري كردود من اصدقاء اخرين ...و كلامك زي ما قلت ليك صاح مليون في الميه .. ...و ده لسبب بسيط ... انو الزول يكون ايجابي في النقاش ...و في فهم وجهة نظر الغير ... .. .. ..في البوست ده ... ما داير ازيد .... برضو لسبب بسيط .... انو نكهتو الفكهه دي ... ..حتتقلب ...لما لايحتمل ...حسب تقديري ...و بعدين ياخي الزول الشايقي اب حنكا مكعوج ده .. ..زول صاحبي ... ما داير اكون سبب في حرف نكهة البوست بتاعو ... ...الي موضوع اخر غير الروح الاتكتبت يبهو .. ... ده غير انو انا اصلا لا اميل لحرف البوستات عن موضوع نقاشا.. ... ... فمعذره يا صديق ... و لو عايزني اسحبا ... فإيزي جدا ...مع اعتذار لكل المشاركين في البوست .. ...و لصاحبو ... ... ...اقول ليك حاجه ... هسع انا لو قريت المداخله بتاعتي دي تاني في السياق العام بتاع البوست ... ..ما حأكون فاهم حاجه ...و قبل ما انت تتفرج علي الفديو بتاع الصديق ... معاويه المدير انا فتحتو مرتين .. ... و لــ هسع بضحك .....مع مداخلات تفه .. .. ..و يا ابتفه .. ..انا معاهم كوووولم .... لانو الارض حتشيلنا كلنا ...بس بعد ما تتعدل الاشياء ... و تاخذ استقامتا الانسانيه ... ... ...لكن هسع الصوره مقطّعه ومقلوبه ... و الحكايه ما مستاهلا ده كولو!!!!؟؟؟ ... ...و عليك النبي دانيال.... ما تجي تقول لي قاصد شنو .. .. .. .. .. ..ورد و ود مقيم للجميع ..
Post: #121 Title: Re: إهداء إلى دينا خالد Author: معاوية المدير Date: 10-08-2011, 02:49 PM Parent: #120
Quote: ..ورد و ود مقيم للجميع ..
يا سلآم عليك يا هلولي، ونبادلك المودة. يا سيدي الحكاية كلها فرايحيات، وخليك فرايحي. بعدينك الباصات الظريفة البتجدع دي، بيني وبينك ما بتتفوّت. والله صحي. مودتنا...
Post: #122 Title: Re: إهداء إلى دينا خالد Author: طارق جبريل Date: 10-08-2011, 05:46 PM Parent: #121
انتو البوست دة هول منو
Post: #123 Title: Re: إهداء إلى دينا خالد Author: الطيب شيقوق Date: 10-08-2011, 08:42 PM Parent: #122
انت ودينا الاثنان مسنوحان
قوم لف ياخ
Post: #124 Title: Re: إهداء إلى دينا خالد Author: Yassir Tayfour Date: 10-08-2011, 08:59 PM Parent: #123
يا هولولي الزمن ده كلو أنا فاكرك دامة، فشلتني ياخ ؛) كان عارف كده كان خليت أبو حتوت زرزرك حرف حرف ؛) ___ يا ود جبريل صورتك الأخيرة دي ذكرتني بيت أبو الطيِّب المتنبيء الذي يقول: السيف والفروُ والمايوه والقلم*. ___ القلم قلم حواجِّب ؛)
Post: #125 Title: Re: إهداء إلى دينا خالد Author: طارق جبريل Date: 10-08-2011, 11:43 PM Parent: #124
Quote: يا ود جبريل صورتك الأخيرة دي ذكرتني بيت أبو الطيِّب المتنبيء الذي يقول: السيف والفروُ والمايوه والقلم*. ___ القلم قلم حواجِّب ؛)
يمين ماك نصيح شي
Post: #126 Title: Re: إهداء إلى دينا خالد Author: Hololy Date: 10-09-2011, 11:40 AM Parent: #125
... ...... ..هسع كان ما انت شايقي مطرطرش (معليش لصاحب الاسم) ... تشيل و تنقل لينا في الصور الما عارفين بتنكتّا ...من وين ... ... كان قالوا ليك اعمل زي الحركه بتاعت مسدس اليدوي الكاتيوشا دي ... ..
.. ...... بتقدر؟؟؟؟؟ ... انت قايلا جميع قنديلا ... و الا تخزين مشرق.... .. .. .. ...يا زول مش تعمل زيّها ... .. ..و الله لو عقلك مشي ساااكت و فكّر يعمل زيّها
.. ...عمتك المقنطرا دي ...فوق دي .. ... تكورك من الفلايت .. .. .. ..... ..حاجه تانيه ... .. ..كـ ديه ...تأمل انت ده في الصور دي ... ...
... ...
.. ..
.. ..
.. ..
... ..... لانو اخونا حسين ملاسي لو جاك بــ جاي .. .. حينسي تأملاتو .... و ينسي العافيه ... و يلطع ليك هنا تعليق من كلمتين بس ما حيزيد عليهم ... ... و يقول ليك ... ...(الميطي درجات) .. .. .. و تكون الصوره الجايه الحتنكتا و تلطعا لينا هنا و يتوقّعها ...القراء ... ...صوره زولك ده ميطي.. .. .. .. .. .. .. .. .. .. ..نقول شنو تاني .. .. ..الله استريني ..استوريهو .. .. .. .. ..
Post: #127 Title: Re: إهداء إلى دينا خالد Author: محمد عبد الماجد الصايم Date: 10-09-2011, 12:03 PM Parent: #126
Quote: السيف والفروُ والمايوه والقلم*.
Post: #128 Title: Re: إهداء إلى دينا خالد Author: طارق جبريل Date: 10-09-2011, 12:10 PM Parent: #127
يا Hololy غايتو الفيك اتعرفت
لكن لمن دينا تجي ما تقول لي تعال احجزني منها
Post: #129 Title: Re: إهداء إلى دينا خالد Author: معاوية المدير Date: 10-09-2011, 12:22 PM Parent: #128
Quote: ما بقدر اسوق طيارة ولا ما قدر يكون الحبر تحت رحمتي هههههه
كيفك ياود المدير والصاحبة كيفينها حبي لها ..
يا إنعام ممكن تكوني طيار وتسوقي الطيارة زي ما سقت الركشة. بس حكاية الطيار الناس تكون تحت رحمتو دي في قانون الطيران ما بيدوها لأيّ زول. أنا قايل اخير الزول يمد كُراعو قدّر لِحافو.
فطومة بتسلّم عليكِ كتيييييير...
Post: #130 Title: Re: إهداء إلى دينا خالد Author: Hololy Date: 10-09-2011, 12:26 PM Parent: #128
... ..
Quote: ..يا هولولي الزمن ده كلو أنا فاكرك دامة، فشلتني ياخ ؛) ..كان عارف كده كان خليت أبو حتوت زرزرك حرف حرف ؛) ..
.. ... ..اب تفه ... .. ..يدوم عزّهم يا صديق ... ..عزّنا ... و عزتنا ... و كرامتنا .. .. ..و الحكايه ما فرقت كتير ... ..الغناي سمي البلد بيها ... و غني ليها .. ..قومي ...كفاك نومي ...البنات فاتوك ... .. ..او كما قال اخر .. .. ..اغنييلكن بنات بلدي .. ..غنايا ... ما غنا الغاشقين .. .. في وصف الضحكه ...و اللمسه ...و رموش العين .. ..اغنيلكن ... غنا الشايف في عينيك ... صباح الخير .. ..صباح ...بلدي ... و ثبات اهلي ......................الخ .... .. ..(ما متذكرالباقي و القال -الازيرق و الاّ الفحيل ...ما عارف!!!! ) .. .. .. .. .. .. .. .. .._______________ ..ود الصايم ... .. ..المتنبئ القاصدو صحبك ده .. ..ما المتنبئ الجلابي .. .. ..ده المتنبئ ... الامريكي .. ..فما تظلم و ..تتريق ... علي المتنبّؤن الامريكيون ..ياخ .. .. ..
Post: #131 Title: Re: إهداء إلى دينا خالد Author: Hololy Date: 10-09-2011, 12:38 PM Parent: #130
.. .. .. ..... يا سلآم عليك يا هلولي، ونبادلك المودة. يا سيدي الحكاية كلها فرايحيات، وخليك فرايحي. بعدينك الباصات الظريفة البتجدع دي، بيني وبينك ما بتتفوّت. والله صحي. مودتنا... .. ..... ..ود المدير ... شكرا ليك يا عزيز ... .. ..و لا عليك يا بطل .. ..فالحكايه في ... مبتدها و منتهاها ... ..نقاش بين ناس ممكونين بـ بلدم و هموما و هموم اهلم و ناسم .. .. ..و في كلا الحوال ...نحن احسن حالا... ..و علي الاقل احسن من النقاش بالراجمات ... ..وعلي رؤوس العزّل .. .. ..ود مقيم .. .. ..
Post: #132 Title: Re: إهداء إلى دينا خالد Author: صديق الموج Date: 10-09-2011, 12:51 PM Parent: #131
ياسلام ياوليدات ذكرتونى شبابى ياخى وحات شيخى فولة وانقسمت النص الا ليت الخدود التفاح تعود يوما لاريها مافعل الكرميش،،،
Post: #133 Title: Re: إهداء إلى دينا خالد Author: Hololy Date: 10-09-2011, 01:25 PM Parent: #132
.. .
Quote: ..... ..ياسلام ياوليدات ذكرتونى شبابى ياخى وحات شيخى فولة وانقسمت النص الا ليت الخدود التفاح تعود يوما لاريها مافعل الكرميش،،،
.. ..... ..يعني هسع ود جبريل ..قلنا ليهو ... لو عملت الحركه دي ... عِمتك بيمسكا ابو الشهيق .. .. ..طيب ود الموج ده ... يقولو ليهو شنو ... .. ..غايتو إلاّ كان نعدّل بيت الشعر الجايبو ده ... و نقراهو .. ..ألا ليت ود الموج يعود يوما ... بدون وجع رموش .. .. .. .. .. ..الله هوّنيني
Post: #134 Title: Re: إهداء إلى دينا خالد Author: صديق الموج Date: 10-09-2011, 01:43 PM Parent: #133
Quote: ..يعني هسع ود جبريل ..قلنا ليهو ... لو عملت الحركه دي ... عِمتك بيمسكا ابو الشهيق ..
Hololy سلام ياحبيب.. والله طارق جبريل ده انتو حاقرين بيه ساكت.. هسه الزول ده من بعيد ما بشبه طارق جبريل الخالق الناطق؟؟
ملحوظة: من بعيد دى معناها من ام بدة والى حيث يقم هذا الشاب.. لوووووووووووووول،،،
Post: #135 Title: Re: إهداء إلى دينا خالد Author: طارق جبريل Date: 10-29-2011, 01:41 AM Parent: #134
.......
