كنت هناك... (نِقة وصور)

كنت هناك... (نِقة وصور)


12-28-2010, 11:10 AM


  » http://sudaneseonline.com/cgi-bin/sdb/2bb.cgi?seq=msg&board=134&msg=1305915419&rn=294


Post: #1
Title: كنت هناك... (نِقة وصور)
Author: طارق جبريل
Date: 12-28-2010, 11:10 AM
Parent: #0

سلام يا الحبان
هي في المجمل انطباعات شخصية عن زيارة خاطفة الى السودان
انطباعات عن ما شاهدته بام عيني وعن حكايات استقيتها من اهلي وعشيرتي
حا اكتب دون نظام
يعني ممكن تكون مواضيع متباينة ومافي جامع بينها
بس حا اكتب

Post: #2
Title: Re: كنت هناك... (نِقة وصور)
Author: طارق جبريل
Date: 12-28-2010, 11:10 AM
Parent: #1

* الشامبيون:
النصيبة دة مالي البلد بالاعلانات.. محل تقبل تلقاهو قدامك.. يا ربي مبيعاته بتغطي الاعلانات دي؟؟
الشباب بقى يسمي الحاجة السمحي ((شامبيون))
يعني لو جكستلك جكسوية نضيفي وتراري يقولولك: لكن جكسيك ما ((شامبيون))
وحات الله ريحتو علي المريسي.. وماني عارف الناس العاجبهم فيهو شنو
شيتا مصفر كدي ومر علي حناضل القيزان

Post: #3
Title: Re: كنت هناك... (نِقة وصور)
Author: طارق جبريل
Date: 12-28-2010, 11:11 AM
Parent: #2

* الركشات والامجادات:
ياخي ديل علي ((الجقور)) في مخزن العيش..
بالله ينجارن من هني لا هني زي السواسيو الامهن تكاكي قدامن
ياخي ما خلنهن شي للتكاسي..
ما شفتلي زولا بالغلت راكبلو تكسي
والتكاسي ذاتن قُداااااااااام كدي ومصفرات علي ((عيش الريف)) المسلوق
ومعظم الركشات والامجادات سايقنهن اولاد صغار
واي زول ينقنق فوقن: الله ينعلهم ديل سبب الحوادث كلها منهن
الذ شي لمن تركب مع واحد فيهم يقول ليك: جيب المعقول
والمعقول دة ممكن يكون كسر رقبة

Post: #4
Title: Re: كنت هناك... (نِقة وصور)
Author: طارق جبريل
Date: 12-28-2010, 11:11 AM
Parent: #3

*السيراميك:
البيوت كلهن سوووهن سيراميك
وسيراميك الجن دة يسكت يقلم في خلايق الله
نحن يومي في الاسبتاليات نزور في خلق الله دي:
فلان مجبص انزلق في السيراميك
فلانة حصلوها كسرت مخروقتها في السيراميك
الخروف اربطوهوا في الدرابزين لا ي###### السيراميك
دايرين نقلع الضفرة نسويها سيراميك
السيراميك دة مالو ######ان كدي قومي يا حواء اشطفيهو بالخرطوش
البيت أليلي كمل بس فضلي السيراميك

Post: #5
Title: Re: كنت هناك... (نِقة وصور)
Author: طارق جبريل
Date: 12-28-2010, 11:12 AM
Parent: #4

* الموبايلات:
بالله النصايب ديل هناك هاجسا كبير خلاص
انا من الله خلقني النصيبة دة ما بعرف اعافر فيهو غير الزر اللحمر والزر اللخدر
خلايق الله دي كلها شغالة تكابس في ازرار الجن دي
وكل زول ماهو عاجبه الموبايل أليلو لانه قديم
والعجب الشباب.. باقيلي الواحدي ان حبتلها ولدا سميح
ولقت موبايلو قديم تديهز شاكوشا كارب فشان ما قالها نوع موبايلو
بالله تلقاهم قاعدين مع بعض وكل زولا يبعبص في موبايلو
زي البينضفولم في عدس ولا قمح قبل يدققوهوا
والعجب الرنات: شي مديح وشي محمود عبد العزيز
وشي مهند ونور وشي اغاني واغاني
غايتو ساولهم هيصي في موبايل الجن دة
التقول داير يشيل ((الانقاذ)) من الحكم

Post: #7
Title: Re: كنت هناك... (نِقة وصور)
Author: طارق جبريل
Date: 12-28-2010, 11:13 AM
Parent: #5

اي زول عايز يتونس معاك يعزمك محل اكل
بالله لمن شككوني في نفسي: يا ربي انا وزن الريشة ولا شنو
شي ((امواج)) وشي ((قندهار)) وشي ((جاد)) وشي (ايفري))
وشي ((الساحة)) وشي ((عوضية سمك)) وشي ((محاسن كوارع))
وشي ((البربري)) وشي ((دودي))..
وشارع المطار بالله مفروض يسموهوا ((شارع الملاهط))
بقى كله مطاعم والناس طابقة وداخلة تلهط
والعجب لو بعد اللهطة ودوك الديم تشرب قهوة حبش
يمين الحبشية دي تزبط ليك البن دة جنبك مع ريحة البخور
وهي بتقلي في البن انت ذاتك تتقلي معاها
والله لمن تكُب ليك الفنجان دة
بالله من سماحتها تشوف الفنجان دة صحن خشاف


Post: #8
Title: Re: كنت هناك... (نِقة وصور)
Author: طارق جبريل
Date: 12-28-2010, 11:13 AM
Parent: #7

في شجرة كدة جديدة مالية الدنيا
بالله أي درابزين تلقاها محاوطاهو
وقالوا بس تديها موية تلقاها في السماء
الشجرة ملفتة جدا خصوصا في الأحياء الشعبية
الشجرة ((ضرا)) للبسطاء
وراء الشجرة دي تقضي معظم الأُسر يومها
ينوموا وراها
ياكلوا وراها
((يقطعوا)) وراها
يحبوا بت الجيران وراها
يتشنقلوا في الضُهرية بي عراريقهم وراها
نسوان الحلة يجيبوا ((الميز)) ويوزعوه وراها

شجرة ساترة الناس ياخي

Post: #9
Title: Re: كنت هناك... (نِقة وصور)
Author: طارق جبريل
Date: 12-28-2010, 11:17 AM
Parent: #8

jarayid.JPG Hosting at Sudaneseonline.com


الجرائد في السودان كلهن زي بعض
احمد وحاج احمد
والتصميم ضعيف شديد ومحتاج لي وقفة من اصحاب الجرائد
الهم الكبير ((لمعظم)) مالكي الجرائد هو الكسب السريع
عايزين يغنوا باسرع طريقة
لا يهم الجريدة دي بتطلع كيف ولا العاملين فيها ديل شغالين في ياتو ظروف
ضعف التصميم والمادة الصحفية موش لانه مافي كفاءات بشرية
بالعكس الكفاءات موجودة بس محبطة جدا
تخيلو مخرج ومصمم مضطر يلف على الجرائد كلها عشان يشتغل ليه صفحتين هنا
وصفحتين هناك عشان يقدر يطلع شهرية تعين اسرته على الحياة
وضعية زي دي منتظرين منها تبدع وتصمم بشكل جيد.. لا اعتقد
اتونست لي مع صحفي عن راتبه لقيته بياخد خمسمائة الف جنيه بالقديم
ومطلوب منه يجي من الصباح عشان يطلع مادة صحفية جيدة
عليكم الله قروش ######## زي تعمل ليه شنو
حدثني مدير تحرير عن انه شك في مادة صحفية انه فيها ريحة رشوة
لم سأل الصحفي عن الموضوع لقى انه امه في المستشفى ومحتاجة لادوية بي مائة الف
والصحفي عنده طفلين غير مصاريف ناس بيتهم
قال لي مررت المادة وعملت رايح لانه لو كنت مكانه كان عملت كدة برضو
بعض عناوين المانشيتات كارثة حقيقية
((سلفا كير سلم على رئيس التحرير وقال ليه: وين يا فلان))
تخيلو دة عنوان مانشيت رئيسي
عناوين المانشيتات في الغالب توضع بشكل ما فيه اي نوع من الجمالية
ممكن تكون نص الصفحة الأولى مانشيتات مع لوغو الجريدة
ودة جماليا غير مريح
والتعليل الجاهز: القارئ عايز كدة
اياكم واحد يغروه يكتب مع جريدة او يراسلها
يمين يمطوحوا اهلك في القروش ويذلوهم ذلة الكلاب
في الأول يقولوا ليك كلام سمح ومنمق كدة
أول ما تجي للدفع يتغابوا فيك العِرفة
رئيس تحرير طالبته صحفية بالراتب لانها ستة شهور ما دفعوا ليها راتب
قال ليها: مفروض تفتخري انك بتكتبي في جريدتنا.. دة براهو راتب
الدولة متحكمة في الإعلانات عشان تخنق الناس المزعجين
نادر جدا جدا تلقى ليك مقال ينتقد شركات الاتصالات.. لانها بتضخ اعلانات كويسة
الغريبة انه الصحافة اصبحت صحافة رأي اكتر من انها صحافة خبر
كتاب الرأي الأعلى دخلا في المهنة
وبيتمنوا زي ما عايزين
غايتو الصحافة دي هم على القلب عديييييييل كدة
ربنا يعين الصحافيين والمصممين هناك
رقابة ذاتية
ورقابة مدير التحرير
ورقابة رئيس التحرير
ورقابة مُلاك الجريدة
ورقابة الأمن
المحصلة شنو تفتكروا؟؟

Post: #10
Title: Re: كنت هناك... (نِقة وصور)
Author: طارق جبريل
Date: 12-28-2010, 11:18 AM
Parent: #9

زمان البلد فيها تلاتة وجبات
الفطور يسولك القراريص بالملحات
ولا فولا كارب ومعاهو بيض
وتقعد تلوغد وتحمد ربك
والساعة تلاتة مع برنامج ((عالم الرياضة)) في الرادي تلقى الصينية مختوتة
وملياني ملحات وسلطة خدرا وكسرة في الجنبات ومختوت فوقها العيش (الطوستة)
وبالليل مع نشرة تسعة يختولك العشاء
يا فول يا شعيريي
يا فطير بي روبا سمح
وان بقت قاطي كله كله يسولك حرِف أليل قراصي
تكبلك فيه سمن وتضرضرلك فيه سكر وتمصمص اصابعينك وراهو

هسي بالله الناس جاري وراء المعايش
البيت كله يطلع من الصباح
الفطور في البيوت لغوه ضومة ضومة
الا ان بقى في حبوبة ومعاها ام وليدات يسوَّن فطورن
زمان ان بقى ما عجبك فطور البيت تمد راسك لي ام النصر ولا بت الجريف ولا الزهرة
تشوفن ساوات شنو ومحل الفطور عجبك تتلب بالحيطة وتفطر
هسي الناس ملهلهة في الوزارات والشركات وفي النهاية ياهو البوش وزيت السمسم والجبنة

والغداء بقى مع صلاة المغرب
لا تعرفه غداء لا تعرفه عشاء
المهم وجبتين في وجبة واحدة والناس تتشنقل تنوم في الدرابزين
حتى الشاي البعد الغداء خلوهوا
والعجب شاي المغرب مع اللقيمات بقى مافي ضومة ضومة

وحات الله تشوف الواحد نازل من المواصلات ماشي علي بيتو مهموم
وشلاضيمو نازلي والوش مغبر ومكندك والعيون علي عيون فارة ام سيسي
وحات ربي ان لكزته بي يدك يقع يموت

الغُبُش زادوا في البلد

Post: #12
Title: Re: كنت هناك... (نِقة وصور)
Author: طارق جبريل
Date: 12-28-2010, 11:19 AM
Parent: #10

baskawet.JPG Hosting at Sudaneseonline.com



انا غايتو في الصباح إتمَسحتة
ماني جايي جديد من برا
اماني ما لوغدتلي جنس بسكويت وقرقوش

Post: #13
Title: Re: كنت هناك... (نِقة وصور)
Author: طارق جبريل
Date: 12-28-2010, 11:20 AM
Parent: #12

الجكس في السودان بقى سمح خلااااااص
وحات ربي البنيات يتفدعن في مشيتن علي العرجون
وبقن سمحات ودايما يرارن
حتى الاهلها تعبانين تمشي علي ناس قدر ظروفك
تاخدلها جليطة من ((فير آند لفلي)) وتمسح يدينا بي شوية ((اتريكس))
وتاخدلها بخة بختين من اي ريحة بي فِرِد ألف
وتمرق من المحل حامدي ربها وشاكرة
بس في شغلة حيرتني في نافوخي دة
الخرابات لابساتلهن جونتيات حتى ان بقن ماهن محجبات..
يا ربي يكونن خايفات علي صفار لونن
وواحدات بالله فسَخَن وِشياتن بقَنَهِن علي الفشفاش
والعجب ان بقيت مشيتلك عرس..
نظام عام شنو وجهاد شنو..
يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع
والعيون شوف عيني مكحلات من جنب الأضان
لا تعرف العين من وين بادية ولاها حا تمشي علي وين
والعجب في الضرعات مُللللللللللللللس وناااااااااااااااعماااااااااات زي وش ((الجلي))
وحات ود الكرسني تجيك الهاشميي تقرب تلمَسِن
والرجلين من تحت بقن كبااار وغُلااااااااد زي المخدة المطاولة في سرير الدبل ديك
والكلام كله بقى بي رميش العيون
والصوت مرققنو يخلي الزول يعوعي

Post: #15
Title: Re: كنت هناك... (نِقة وصور)
Author: طارق جبريل
Date: 12-28-2010, 11:22 AM
Parent: #13

3irgsous.JPG Hosting at Sudaneseonline.com



البلد اتملت اجانب
هسي الخرابة دة وشايل ((ميضنتو)) دي ما لقى يبيع ((العرقسوس)) دة الا في الخرطوم
الزول دة خلاني سألت نفسي:
الخرابة دة بالعرقسوس دة تراهو عايش في بلدي
وانا متغرب بالسنين ولليلي ما عندي التكتح ولا حتى درابزين
يا ربي ارجع وأعافر مع الناس؟؟؟

Post: #16
Title: Re: كنت هناك... (نِقة وصور)
Author: طارق جبريل
Date: 12-28-2010, 11:24 AM
Parent: #15

aboujenzeer.JPG Hosting at Sudaneseonline.com



ابو جنزير كسروه
يعلم الله حا يبيعوهوا لي منو؟؟
حليل دكاكين عصير المنقة والجوافة
وتسمع في المصفة يدقوها في جك الخلاطة كك كك كك

Post: #17
Title: Re: كنت هناك... (نِقة وصور)
Author: طارق جبريل
Date: 12-28-2010, 11:25 AM
Parent: #16

sibah.JPG Hosting at Sudaneseonline.com



سبح للبيع جنب الجامع الكبير
اتنين بعد صلاة الظهر اتشاكلوا جوة الجامع
لمن جوا جنب بتاع السبح قاليهم: صلوا علي النبي
انت الصليتوا ليه دة قبل دقايق الله ولا حاجة تانية
قعدوا يضحكوا الاتنين واشتروا ليهم سبحتين كمان

Post: #19
Title: Re: كنت هناك... (نِقة وصور)
Author: طارق جبريل
Date: 12-28-2010, 11:27 AM
Parent: #17

medicine.JPG Hosting at Sudaneseonline.com


بوابة طب الخرطوم
يا دكاترة يا دايات

Post: #21
Title: Re: كنت هناك... (نِقة وصور)
Author: طارق جبريل
Date: 12-28-2010, 11:28 AM
Parent: #19

*اجزخانة علياء
في واحدا كدي باقيلي عنده قروشا كتااااااااااااااااااااار
الله يزيده من نعيم الدنيا
بالله اي شارع واي حارة ساويلو فيها اجزخانة يقولولا علياء
جنب بيتنا
في الحلة القدامنا
في بحري
في ام درمان
في الشماليي لقيتلي فرع لي اجزخانته دي
هني في المغرب ممنوع نفس الزول يفتحلو اجزخانة في نفس المدينة
عشان تكافؤ الفرص
باقيلكم مع الشفتو دة نحن باقيلنا فرص في بلدنا دي؟؟

واحد قال لي شكلها تابع للقوات المسلحة
قلت ليه القوات المسلحة خلت الكلاشنكوف وبقت متابعة البنسلين


Post: #22
Title: Re: كنت هناك... (نِقة وصور)
Author: طارق جبريل
Date: 12-28-2010, 11:30 AM
Parent: #21

* جهاز تعذيب السودانيين العاملين بالخارج..
السلام عليكم
- عليكم السلام
- عليك الله عايز اطلع خلو طرف انا معفي
زولتكم شافت في الجواز وبقت تطقطق في الجهاز طرق طرق طرق
زي عيش الريف لمن يسوهوا ((فشار))
- اسمع ما زادوك الناس ديل
- نان ان بقى زادوني دايري تقسميهن معاي
- (تضحك): يا زول عشان نشوف حق الدولة
- يا زولة ما تكتري الحجي شي.. انا موش من الدول المعفية من الضرائب
- ايوة لكن بس نشوف لو في زيادة راتب
- يعني ان بقى زادوني دايري تسويلي شنو
- نشوف الزكاة يا زول
- في ضومتك شوفتيلك زكاة في شهر وما حال عليها الحول
- (تضحك): لا الزكاة ما حال عليه الحول وكان زايد من حاجة الزول
- نان باقيلك دة شكل زول حال عليه شهرين خليكي من سنة
عمرك شفتيلك زكاة في شهر
- يا زول احمد ربك
- انا حامد ربي علي انتو اختوني
- (تضحك) انت شايقي ولا شنو
- ايي لا يبقى سويتولكم ضرائب شوايقة كمان
- (ميتة من الضحك) يا زول هاك خلو طرفك.. انتو كلكم لسانكم طويل كدة
- لا يبقى ميتالك في شايقي
- (تضحك) معرساهو عدييل يا زول شيل ورقك اختاني
- ان شاء الله ينجمك نجام قبورة
- (ميتة من الضحك)
شلت ورقي مشيت علي ناس التجنيد انا وراشد اخوي
راشد قدامي في الصف دفعوه سبعين الف (بالقديم)
لامن جاء دوري:
- يا زول انت اقامتك دي مدير فني
- ايي يا الحبيب انا صحافي ومصمم وهناك بيسموها مدير فني
- بس دي قروشها كتيرة يا زول
- كمها
- 270 الف
- ليه اصلو دايرين يجندوني لواء طوالي
- يا زول اتكلم كويس
- مالك شايفني قاعد اعوج في الكلام
- يا عمر تعال اتفاهم مع الزول دة
- الحاصل شنو
- الراجل دة اقامته مدير وقلنا ليه الرسوم 270 الف
- ايوة يا زول دي الرسوم
- خلك من الرسوم شوفتة الواقف قدامي ودفع 70 الف دة
- مالو
- دة اخوي.. كيفن هو يدفع 70 وانا ادفع 270.. في شنو يعني
ان بقيت داير اتجند عديييييييل كدة بعدين هو حا تدرشوه في الشمس
وانا حا اسوي الجلالات تحت مكيف
- (يضحك) يا عمك عليك الله ما تكتر الكلام دي القوانين كدة
- نان اصلها قوانين الجن دي ما فيها منطق
- يا زول انا بدخل اوراقك دي للضابط وبعدين هو يقرر
- دخلن يا زول
جاني بعد شوية مارق قال لي يا زول الضابط قال ليك تتحول الرئاسة
في 61 ستين هنا ما عندنا ليك حل كله كله
- باقيلي حا تجندوني مشير هناك
- (صرة لي) يا زول امشي مشكلتك هناك
ربكم رب الخير ولد ظريف كدة دخلني للضابط وطلعت الاعفاء وطلعت
هسي في ضومتكم انا بقدر اشيلي رصاصة خليكم من كلاشنكوف
ياخي اي ورقة في المغتربين تدفع عليها رسوم
باقيلي لو سلمت ساكت وقلتلم السلام عليكم
حا يردوا عليك: 20 الف
يا ناس الله مافي بلد في الدنيا فيها تاشيرة خروج
يا ريت لو يقولولنا رسوم مغادرة وتدفعن في المطار وتمشي
بدل العذاب دة
الله يوقف نموهم ياخي
شاهد الله المغاربة المعاي خاتين جوازاتهم في الدرج
الواحد تجيهو سفرة يلفح الجواز وجري علي المطار
غايتو الله في

Post: #23
Title: Re: كنت هناك... (نِقة وصور)
Author: طارق جبريل
Date: 12-28-2010, 11:31 AM
Parent: #22

مطار الخرطوم دة فيلم براهو
تجرجر في رجلينك وفي الصفوف لامن تدخل علي بُكان العفش
يكون حيلك اتهدى
والعجب سيور العفش ديك
يا جماعة ناس ليبيا السير داك
الناس تقوم تتجارى زي جنيات القعونجة في موية المطر
يا جماعة ناس القاهرة ما السير دة السير التاني داك
تاني ننجارى زي الخرابات البيكون ساكيهن الاسد ديلك
والعجب ان بقى عفشك ما وصل
لا تعرف تقبل وين
لا تعرف تناضم منو
يمين لايص ساعتين حتى عرفت ابلغ عن عفشي الما جاء دة
وتاني يوم جيت دخلت وشلت عفشي وطلعت
يمين زول واحد سالني انت ماشي وين ولا الشنطة دي حقتك مافي
يعني الورقة الادوني ليها لليلي معاي
يعني ان بقيت داير ارفعلي قضيي فيهن برفعها وعيني قويي
بالله تلات ارباع المطار مقنطر السفة زي الكباريت الفاتحنها دايرين يقدحولن منها عود
وتسمع في: تف تف تف
غايتو خلق الله دي دايشي ونحن دايشين معاها
وصالات المغادرة ديك يمين يهروك تفتيش
ويهبشوك تحت ابطيك وتحت كرعيك
والله لو ما بوليس كنت قلت الناس ديل شيتا تاني
واحد قدامي يمين قلعوه الجزمة والحزام ودخلوه محل بي ستارة كدي
وجاء طالع يلبس في قميصه ويجرجر في بنطلونه
لامن خلاني هبشت لباسي لا يبقى مقدود وبعدين نبقى في الفضايح
خفت اللباس يبقى مقدود من قدام يقوموا يلصقولي تهم تحرش خفي

Post: #25
Title: Re: كنت هناك... (نِقة وصور)
Author: طارق جبريل
Date: 12-28-2010, 11:35 AM
Parent: #23

قبل ما نكمل..
شكرا بورداب الخرطوم
شكرا ان جعلتم من اجازتي متعة لا تنتهي
لا اود ان اذكر اسماء لان الذاكرة خربة وقد تنسى
استقبالكم تاج على رأسي
شكرا لوقتكم الثمين
شكرا لكل لحظة فرح اهديتموني اياها
حقيقي تعجز الحروف عن ما بالدواخل..
لكم من اعماق الذات كل التكوين


شكرا احبابي في القاهرة (حمور-عمر-حبيب نورة- اميمة سند)

Post: #18
Title: Re: كنت هناك... (نِقة وصور)
Author: منال
Date: 12-28-2010, 11:27 AM
Parent: #13

Quote: الجكس في السودان بقى سمح خلااااااص
وحات ربي البنيات يتفدعن في مشيتن علي العرجون
وبقن سمحات ودايما يرارن
حتى الاهلها تعبانين تمشي علي ناس قدر ظروفك
تاخدلها جليطة من ((فير آند لفلي)) وتمسح يدينا بي شوية ((اتريكس))
وتاخدلها بخة بختين من اي ريحة بي فِرِد ألف
وتمرق من المحل حامدي ربها وشاكرة
بس في شغلة حيرتني في نافوخي دة
الخرابات لابساتلهن جونتيات حتى ان بقن ماهن محجبات..
يا ربي يكونن خايفات علي صفار لونن
وواحدات بالله فسَخَن وِشياتن بقَنَهِن علي الفشفاش
والعجب ان بقيت مشيتلك عرس..
نظام عام شنو وجهاد شنو..
يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع
والعيون شوف عيني مكحلات من جنب الأضان
لا تعرف العين من وين بادية ولاها حا تمشي علي وين
والعجب في الضرعات مُللللللللللللللس وناااااااااااااااعماااااااااات زي وش ((الجلي))
وحات ود الكرسني تجيك الهاشميي تقرب تلمَسِن
والرجلين من تحت بقن كبااار وغُلااااااااد زي المخدة المطاولة في سرير الدبل ديك
والكلام كله بقى بي رميش العيون
والصوت مرققنو يخلي الزول يعوعي



لوووووووووووووووووووووول غايتو فى دى صدقت

العجب كان جيت بي شارعنا وشفت بنات الاحفاد



اها جبنا سيرة بنات الاحفاد هسى الانسه منشن تجينى ناطه الله يستر ,,,

Post: #26
Title: Re: كنت هناك... (نِقة وصور)
Author: طارق جبريل
Date: 12-28-2010, 11:36 AM
Parent: #18

Quote: لوووووووووووووووووووووول غايتو فى دى صدقت

العجب كان جيت بي شارعنا وشفت بنات الاحفاد



اها جبنا سيرة بنات الاحفاد هسى الانسه منشن تجينى ناطه الله يستر

يا منال هدي اللعب

Post: #6
Title: Re: كنت هناك... (نِقة وصور)
Author: omer osman
Date: 12-28-2010, 11:12 AM
Parent: #1

حضور ومتابعة .............

بوست انتظرناه طويلاً ........................

ماتشتغل بي مداخلاتنا من مداخلتي دي وانت ماشي .............. اكتب بس

Post: #11
Title: Re: كنت هناك... (نِقة وصور)
Author: منال
Date: 12-28-2010, 11:18 AM
Parent: #6

جيت اسلم



واتابع ,,,,,,,,

Post: #29
Title: Re: كنت هناك... (نِقة وصور)
Author: طارق جبريل
Date: 12-28-2010, 11:39 AM
Parent: #11

Quote: جيت اسلم



واتابع ,,,,,,,,


حباب منال الزيني

Post: #14
Title: Re: كنت هناك... (نِقة وصور)
Author: محمد عبد الماجد الصايم
Date: 12-28-2010, 11:20 AM
Parent: #6


Post: #20
Title: Re: كنت هناك... (نِقة وصور)
Author: محمد آدم النور
Date: 12-28-2010, 11:28 AM
Parent: #14

Picture26.jpg Hosting at Sudaneseonline.com

Tarig.bmp Hosting at Sudaneseonline.com

شبهينا و إتلاقينا في الشامبيون

Post: #30
Title: Re: كنت هناك... (نِقة وصور)
Author: طارق جبريل
Date: 12-28-2010, 11:41 AM
Parent: #20

Quote:
Picture26.jpg Hosting at Sudaneseonline.com

Tarig.bmp Hosting at Sudaneseonline.com

شبهينا و إتلاقينا في الشامبيون


يا جلا ود الصايم دة ياخي توأم روح عديييييل

Post: #24
Title: Re: كنت هناك... (نِقة وصور)
Author: ابوبكر قسومة
Date: 12-28-2010, 11:33 AM
Parent: #14

ركز يا عمك ...قال ليك نقة وصور.. جبت الصورة وينا النقة؟
سيد البوست سلام ..متابعة لصيقة.

Post: #31
Title: Re: كنت هناك... (نِقة وصور)
Author: طارق جبريل
Date: 12-28-2010, 11:42 AM
Parent: #24

Quote: ركز يا عمك ...قال ليك نقة وصور.. جبت الصورة وينا النقة؟
سيد البوست سلام ..متابعة لصيقة.


صبرا يبل الآبري ماهو في

Post: #28
Title: Re: كنت هناك... (نِقة وصور)
Author: طارق جبريل
Date: 12-28-2010, 11:38 AM
Parent: #14

يا رفيق الاجازة كيفنك ياخي
يا زول الصور بالكوم بس اصبرلي

Post: #27
Title: Re: كنت هناك... (نِقة وصور)
Author: طارق جبريل
Date: 12-28-2010, 11:37 AM
Parent: #6

Quote: حضور ومتابعة .............

بوست انتظرناه طويلاً ........................

ماتشتغل بي مداخلاتنا من مداخلتي دي وانت ماشي .............. اكتب بس


يا حبيب الكلام كتيييييير
بس شيلوا الصبر

Post: #32
Title: Re: كنت هناك... (نِقة وصور)
Author: tmbis
Date: 12-28-2010, 11:47 AM
Parent: #27

يا طلبـــة .. مشيت العمارات واللا عملته فيها رايح ..؟

معليش يا منقه الاجازة دي طرشقت معاي .. بي جيت قريبتك دي .. لكن نتلاقى إن شاء الله الاجازة الجاية ..

Post: #34
Title: Re: كنت هناك... (نِقة وصور)
Author: نادر النور آدم
Date: 12-28-2010, 12:14 PM
Parent: #32

يا حاج

أها أنا راجيك في الصف عشان أكتب عن إجازتي

الكانت مواكبة لإجازتك إنت وود الصايم

لكن الله ما قدر لينا نلاقيكم ..

أها متابعين




نقطة سطر جديد:

Quote: بالله تلات ارباع المطار مقنطر السفة زي الكباريت الفاتحنها دايرين يقدحولن منها عود

أصلو دا شامبيون ولا حاجة تانية ..

Post: #48
Title: Re: كنت هناك... (نِقة وصور)
Author: طارق جبريل
Date: 12-28-2010, 03:09 PM
Parent: #34

Quote: يا حاج

أها أنا راجيك في الصف عشان أكتب عن إجازتي

الكانت مواكبة لإجازتك إنت وود الصايم

لكن الله ما قدر لينا نلاقيكم ..

أها متابعين


يا حبيب شوت ضفاري سااااكت
انا ذاتي منتظرك

Post: #47
Title: Re: كنت هناك... (نِقة وصور)
Author: طارق جبريل
Date: 12-28-2010, 03:07 PM
Parent: #32

Quote: يا طلبـــة .. مشيت العمارات واللا عملته فيها رايح ..؟

اخخخخخخخ يا تامبا ياخي
مالك داير تجيب ضقلها

يا حبيب والله انت وخدر سويتوها شينة خلاص
انتظرناكم ياخي

Post: #33
Title: Re: كنت هناك... (نِقة وصور)
Author: الطيب شيقوق
Date: 12-28-2010, 11:51 AM
Parent: #27

Quote: يعني لو جكستلك جكسوية نضيفي وتراري يقولولك: لكن جكسيك ما ((شامبيون))


سجم الرماد المرة دي جيت شاحن ليك قولديييييييي بتاعة شمارات وسناحات

اكل عصيدييييييييييي ولا كسرييييييييييي؟

جربت القرع بالموييييييييييي الساخنة ؟

Post: #35
Title: Re: كنت هناك... (نِقة وصور)
Author: حمور زيادة
Date: 12-28-2010, 12:39 PM
Parent: #33

Quote: *السيراميك:
البيوت كلهن سوووهن سيراميك
وسيراميك الجن دة يسكت يقلم في خلايق الله
نحن يومي في الاسبتاليات نزور في خلق الله دي:
فلان مجبص انزلق في السيراميك
فلانة حصلوها كسرت مخروقتها في السيراميك
الخروف اربطوهوا في الدرابزين لا ي###### السيراميك
دايرين نقلع الضفرة نسويها سيراميك
السيراميك دة مالو ######ان كدي قومي يا حواء اشطفيهو بالخرطوش
البيت أليلي كمل بس فضلي السيراميك


واحدة من جماعتنا في البلد سامعه انو ود اختها بيسوي في سيراميك في البيت.
البيت تم فاضل السيراميك.
البيت خلص فاضل السيراميك.
بعد السيراميك تم جات خاشه عليهم زيارة .. البيت مزروب بنوت خرطوم حلاتن و الكرامه للبيت الجديد لامه.
وقفت في نص البنوت و عاينت للأرض و قالت في نباهة :
ده ياهو الشـرامـيط البيقولوهو ؟
عليك أمان الله البنوت كلهن كابسن باب الشارع كايسات ركشات يرجعن أهلن قبل الفضيحة ما تبقى.
لكن تراها بقت.

Post: #36
Title: Re: كنت هناك... (نِقة وصور)
Author: ياسر بيناوي
Date: 12-28-2010, 12:55 PM
Parent: #35

والله لو ما لحقتك في المطار
كان المغشة كتلتني


متابعين



خالص الود

Post: #37
Title: Re: كنت هناك... (نِقة وصور)
Author: محمد عبد الماجد الصايم
Date: 12-28-2010, 01:01 PM
Parent: #36

ههههههههههههههههههههههههههههههههه
بالغت يا حمور ياخ
هههههههههههههههههههههههههههههههههههههه

Post: #41
Title: Re: كنت هناك... (نِقة وصور)
Author: ابو جهينة
Date: 12-28-2010, 01:13 PM
Parent: #37

ود جبريل

حمدالله على السلامة
غايتو في واحد معاي هني قرا كلامك دة و أبى يشتغل شغلو كلو كلو .. دموعو جاريات من الضحك. و حلف يمين قال لي الزول دة ما شايقي .. غايتو فيهو عرق رباطاب.

أها

Quote: والعجب ان بقيت مشيتلك عرس..
نظام عام شنو وجهاد شنو..
يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع
والعيون شوف عيني مكحلات من جنب الأضان
لا تعرف العين من وين بادية ولاها حا تمشي علي وين
والعجب في الضرعات مُللللللللللللللس وناااااااااااااااعماااااااااات زي وش ((الجلي))
وحات ود الكرسني تجيك الهاشميي تقرب تلمَسِن
والرجلين من تحت بقن كبااار وغُلااااااااد زي المخدة المطاولة في سرير الدبل ديك
والكلام كله بقى بي رميش العيون
والصوت مرققنو يخلي الزول يعوعي


جنس ديل ال خلّى الزول يمسكلو واحدة و يقع بيها الدلجة و م###### فيها و مكنكش .. و قدر ما الناس يجرو فيهو .. يقول : دقوني لا تجروني.

Post: #52
Title: Re: كنت هناك... (نِقة وصور)
Author: طارق جبريل
Date: 12-28-2010, 03:16 PM
Parent: #41

Quote: غايتو في واحد معاي هني قرا كلامك دة و أبى يشتغل شغلو كلو كلو .. دموعو جاريات من الضحك. و حلف يمين قال لي الزول دة ما شايقي .. غايتو فيهو عرق رباطاب.

حبيبنا ابو جهينة كيفنك ياخي
يا زول وحات ربي شايقي ابا عن جد
بس تقول شنو


Quote: جنس ديل ال خلّى الزول يمسكلو واحدة و يقع بيها الدلجة و م###### فيها و مكنكش .. و قدر ما الناس يجرو فيهو .. يقول : دقوني لا تجروني.


يا حبيب اريتها كنكشة السواد
نان يا ابو جهينة البنات بقن علي ((الكريم شانتي))

Post: #38
Title: Re: كنت هناك... (نِقة وصور)
Author: حمور زيادة
Date: 12-28-2010, 01:03 PM
Parent: #36

sudansudansudansudansudan9.JPG Hosting at Sudaneseonline.com


حمور زيادة - عمر عثمان - أ.علي كامل الشاعر ( شكراً لزوربا الذي اتصل مصححا و معرفا و إنما أوتيت من جهالتي ) - عبد الحميد البرنس - طارق جبريل - أحمد شوقي قاص و صحفي مصري
( المجنون الورا ما معانا .. لسبب ما يمشي في الشوارع و ينادي : حرامي حرامي حرامي. البعض يظن انها مشكلته و البعض يرى أن لها اسقاط سياسي و البعض يقول انها مجرد محاولة منه لازعاج الناس )

Post: #53
Title: Re: كنت هناك... (نِقة وصور)
Author: طارق جبريل
Date: 12-28-2010, 03:16 PM
Parent: #38

يا حمور الصور جاية بس شيل الصبر

Post: #42
Title: Re: كنت هناك... (نِقة وصور)
Author: سارة كرودى
Date: 12-28-2010, 01:14 PM
Parent: #36

متابعين ...

حموووور موووبالغة

Post: #58
Title: Re: كنت هناك... (نِقة وصور)
Author: طارق جبريل
Date: 12-28-2010, 05:42 PM
Parent: #42

Quote: متابعين ...

بت اهلي كيفنك ياخي

Post: #51
Title: Re: كنت هناك... (نِقة وصور)
Author: طارق جبريل
Date: 12-28-2010, 03:14 PM
Parent: #36

Quote: والله لو ما لحقتك في المطار
كان المغشة كتلتني



يا حبيب والله كانت امنية نقعد معاك اكتر
الله غالب

Post: #40
Title: Re: كنت هناك... (نِقة وصور)
Author: الفاضل يسن عثمان
Date: 12-28-2010, 01:12 PM
Parent: #35




اب صلعة:


انتظرناك كثيرا، وجاءت انطباعاتك من زيارة البلد
ممتعة وشيقة.
البلد شكلها تطورت من اخر زيارة، ونحن تقهقرنا
وجلسنا القرفصاء؟
زمان بحنس فيك، البيوت بجوبا سعر الواطا.

تقديري.

Post: #59
Title: Re: كنت هناك... (نِقة وصور)
Author: طارق جبريل
Date: 12-28-2010, 05:43 PM
Parent: #40

Quote: اب صلعة:


انتظرناك كثيرا، وجاءت انطباعاتك من زيارة البلد
ممتعة وشيقة.
البلد شكلها تطورت من اخر زيارة، ونحن تقهقرنا
وجلسنا القرفصاء؟
زمان بحنس فيك، البيوت بجوبا سعر الواطا.

تقديري.


يا حبيب والله البلد سمحي ياخي
البنية كيف ياخي

الشعبية بتسلم عليك

Post: #50
Title: Re: كنت هناك... (نِقة وصور)
Author: طارق جبريل
Date: 12-28-2010, 03:13 PM
Parent: #35

Quote: واحدة من جماعتنا في البلد سامعه انو ود اختها بيسوي في سيراميك في البيت.
البيت تم فاضل السيراميك.
البيت خلص فاضل السيراميك.
بعد السيراميك تم جات خاشه عليهم زيارة .. البيت مزروب بنوت خرطوم حلاتن و الكرامه للبيت الجديد لامه.
وقفت في نص البنوت و عاينت للأرض و قالت في نباهة :
ده ياهو الشـرامـيط البيقولوهو ؟
عليك أمان الله البنوت كلهن كابسن باب الشارع كايسات ركشات يرجعن أهلن قبل الفضيحة ما تبقى.
لكن تراها بقت.


يا حبيب التقيل جايي وراء
يمين انا الحاجات ديل فلتوا لي جنس فليت

Post: #39
Title: Re: كنت هناك... (نِقة وصور)
Author: ياسر السر
Date: 12-28-2010, 01:08 PM
Parent: #33

ود جبريل الحبيب سلام غايتو لو ما إنت كنت في رحلة بورداب الخرطوم الواحد كان خلاها ومشى ،، لكن لقيتك بتاع شمارات وخبارات كيف لا حولا ،، ياخ كميرتك دي النهار كلوا تصور فينا أتاريك بتصور فلاش ساااااي ولا صورنا تحت التحميض ههههههههههه .. لكن بالجد الواحد سعيد حامد عدييييل كده بمعرفتكم ومقابلتكم لانك كنت ريحانة الرحلة ،،
وبعدين في شي ما كتبت عنو ( الحفلات والفنانين) إسعلني الله غايتو لو كتبت لي باكر ما بتوصفهم وما بتحسبهم غايتو كل صيوان مناسبات معاه ساوند وأورغ وفنان أو فنانة وبالعدم حنانه ههههههههههههههه ولا رأيك شنو ..

تقبل سلامي وتحياتي .. وواصل في سردك الجميل ،، ترانا متابعين ..


ياسر العيلفون

Post: #43
Title: Re: كنت هناك... (نِقة وصور)
Author: جمال الباقر
Date: 12-28-2010, 01:26 PM
Parent: #39

Quote: وقفت في نص البنوت و عاينت للأرض و قالت في نباهة :
ده ياهو الشـرامـيط البيقولوهو ؟





ههههههههههههههههههههههههههههههههههههههههههههههه





وتاني هههههههههههههههههههههههههههههههههههههههههههههههه






انت بتجيب الكلام ده من وين يا حمور ؟؟؟؟؟؟؟؟؟؟؟

ود جبريل حمور ده جاب ليك الصورة دي عشان تواصل السرد الجميل ده في القاهرة

تاني ههههههههههههههههههههههههههههه

Post: #61
Title: Re: كنت هناك... (نِقة وصور)
Author: طارق جبريل
Date: 12-28-2010, 05:46 PM
Parent: #43

Quote: ود جبريل حمور ده جاب ليك الصورة دي عشان تواصل السرد الجميل ده في القاهرة

تاني ههههههههههههههههههههههههههههه


يا جمال ود زيادة مسخوط ياخي

Post: #44
Title: Re: كنت هناك... (نِقة وصور)
Author: أميرة فاروق عبد العال
Date: 12-28-2010, 01:26 PM
Parent: #39

Quote: في شجرة كدة جديدة مالية الدنيا
بالله أي درابزين تلقاها محاوطاهو
وقالوا بس تديها موية تلقاها في السماء


قصدك الـ 999 يا طارق؟؟؟

إسمها كده والله صحي!!!

بركة بالوصول يا أبو ريم...

Post: #62
Title: Re: كنت هناك... (نِقة وصور)
Author: طارق جبريل
Date: 12-28-2010, 05:47 PM
Parent: #44

Quote: قصدك الـ 999 يا طارق؟؟؟

إسمها كده والله صحي!!!

بركة بالوصول يا أبو ريم...


بت فاروق كيفنك ياخي
ياخي شجرة الجن دي احتلت الخرطوم رسمي

Post: #45
Title: Re: كنت هناك... (نِقة وصور)
Author: اسماء الجنيد
Date: 12-28-2010, 01:30 PM
Parent: #39

ود ابوي جبريل كيفنك يابا
نحن السراميك في حلتنا مسمينو
سيرميك بضم الياء
يعني بشنقلك بردلب

تحياتي لك وزوارك

Post: #46
Title: Re: كنت هناك... (نِقة وصور)
Author: جلال عثمان
Date: 12-28-2010, 02:54 PM
Parent: #45

يامنقة ....
يقع فيك العدو ....
انت مشيت اجازة ولا مشيت تفضح البلد جت

Post: #64
Title: Re: كنت هناك... (نِقة وصور)
Author: طارق جبريل
Date: 12-28-2010, 05:50 PM
Parent: #46

Quote: يامنقة ....
يقع فيك العدو ....
انت مشيت اجازة ولا مشيت تفضح البلد جت


يا حبيب وحاتك هناك اتحولت لي اضنين وعينين

Post: #54
Title: Re: كنت هناك... (نِقة وصور)
Author: ميسرة سيد أحمد
Date: 12-28-2010, 03:27 PM
Parent: #45

ود جبرين حمد لله على السلامة

البوست بتاعك ده خلاني أضحك

لمن بطني وجعتني ،،، الله يجازي محنك

واصل يا جميل،،،،

Post: #66
Title: Re: كنت هناك... (نِقة وصور)
Author: طارق جبريل
Date: 12-28-2010, 05:52 PM
Parent: #54

Quote: ود جبرين حمد لله على السلامة

البوست بتاعك ده خلاني أضحك

لمن بطني وجعتني ،،، الله يجازي محنك

واصل يا جميل،،،،


اوووووووووووه الريس شخصيا
ياخي كيفنك والوليدات
يا حبيب صور الزقازيقاب حا ننزلن بهناك

Post: #63
Title: Re: كنت هناك... (نِقة وصور)
Author: طارق جبريل
Date: 12-28-2010, 05:49 PM
Parent: #45

Quote: ود ابوي جبريل كيفنك يابا
نحن السراميك في حلتنا مسمينو
سيرميك بضم الياء
يعني بشنقلك بردلب

تحياتي لك وزوارك


بت امي سومة
كيفنك ياخي ووليداتك نعلك طيبين كلكم
ياخي سيراميك الجن دة ((قَلَم)) خلق الله كلهم

Post: #60
Title: Re: كنت هناك... (نِقة وصور)
Author: طارق جبريل
Date: 12-28-2010, 05:45 PM
Parent: #39

Quote: ود جبريل الحبيب سلام غايتو لو ما إنت كنت في رحلة بورداب الخرطوم الواحد كان خلاها ومشى ،، لكن لقيتك بتاع شمارات وخبارات كيف لا حولا ،، ياخ كميرتك دي النهار كلوا تصور فينا أتاريك بتصور فلاش ساااااي ولا صورنا تحت التحميض ههههههههههه .. لكن بالجد الواحد سعيد حامد عدييييل كده بمعرفتكم ومقابلتكم لانك كنت ريحانة الرحلة ،،
وبعدين في شي ما كتبت عنو ( الحفلات والفنانين) إسعلني الله غايتو لو كتبت لي باكر ما بتوصفهم وما بتحسبهم غايتو كل صيوان مناسبات معاه ساوند وأورغ وفنان أو فنانة وبالعدم حنانه ههههههههههههههه ولا رأيك شنو ..

تقبل سلامي وتحياتي .. وواصل في سردك الجميل ،، ترانا متابعين ..


ياسر العيلفون


ود العيلفون كيفنك ابوي
يا زول والله الواحد وكتين شافك طالو شبرين لااااافوووووق
وبورداب الخرطوم والله ما قصروا تب
يا زول الغريق جايي وراااا
بس شيل الصبر

Post: #49
Title: Re: كنت هناك... (نِقة وصور)
Author: طارق جبريل
Date: 12-28-2010, 03:11 PM
Parent: #33

Quote: سجم الرماد المرة دي جيت شاحن ليك قولديييييييي بتاعة شمارات وسناحات

اكل عصيدييييييييييي ولا كسرييييييييييي؟

جربت القرع بالموييييييييييي الساخنة ؟

قرع شنو يا مقطوع الطاري
أقولك البنيات بقن ملللللللللللللللس
تقولي قرع

Post: #55
Title: Re: كنت هناك... (نِقة وصور)
Author: خالد درق
Date: 12-28-2010, 04:17 PM
Parent: #49

ود جبريل حمدالله على السلامة

اه مشيت الشعبية بحرى ناس ابودية ورينا الناس كيف هناك

مودتى ..

Post: #65
Title: Re: كنت هناك... (نِقة وصور)
Author: طارق جبريل
Date: 12-28-2010, 05:51 PM
Parent: #55

Quote: ود جبريل حمدالله على السلامة

اه مشيت الشعبية بحرى ناس ابودية ورينا الناس كيف هناك

مودتى ..


دة كلامك يا حبيب
وعندي وصية من علي ابو دية وعبد المنعم ابو دية
يسلموا عليكم زول زول

Post: #56
Title: Re: كنت هناك... (نِقة وصور)
Author: نجاة محمد بابكر
Date: 12-28-2010, 04:23 PM
Parent: #49

Quote: اجزخانة علياء
في واحدا كدي باقيلي عنده قروشا كتااااااااااااااااااااار
الله يزيده من نعيم الدنيا
بالله اي شارع واي حارة ساويلو فيها اجزخانة يقولولا علياء
جنب بيتنا
في الحلة القدامنا
في بحري
في ام درمان
في الشماليي لقيتلي فرع لي اجزخانته دي
هني في المغرب ممنوع نفس الزول يفتحلو اجزخانة في نفس المدينة
عشان تكافؤ الفرص
باقيلكم مع الشفتو دة نحن باقيلنا فرص في بلدنا دي؟؟

واحد قال لي شكلها تابع للقوات المسلحة
قلت ليه القوات المسلحة خلت الكلاشنكوف وبقت متابعة البنسلين




هى مش شكلها تابعة للقوات المسلحة والسلاح الطبى هى تابعة ليها عدددديل كدة
وعلياء دى بت مدير السلاح الطبى سمو الصيدليات باسمها وكانت سلسلة صيدليات كوينز اشتروها منو

Post: #57
Title: Re: كنت هناك... (نِقة وصور)
Author: GamarBoBa
Date: 12-28-2010, 05:40 PM
Parent: #56

بوست جميل يا دكتور
__
Quote: يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع

غايتو يا الشقي انت لو مريت ببيروت وقايلها الخرطوم كلمنا...الأعراس بنغطيها لامن كرهتي في الدنيا بقت الساعة عشرة
في مسألة النص المربط ده بتفق معاك.... الواحدة فيهم تعاين ليها شافي هيرناندس عديل كدة ...ولو البنية ضعيفة شوية فابريقاس بس...تكشف من قدام في الوش بتلقي اللوقو بتاع دهانات الجزيرة..اصفر واحمر واخضر وهاتي هاتي يا نخلاتي...ويا خالقنا لا تعولقنا...وزي ما قال فنان تشكيلي صاحبنا متخصص نحت قال بشوف العروس من كترة الدهان بفتكر تماثيله فيها الحياة أكتر من العروس في ليلة فرحها من كترة ما مدهونة...

الا كمان ما شفت لي تلتين في السهلة قبل كدة.. دي جديدة والله..ما معقول قدو قدو يكابس عشان تلت البيوت ويخلي تلتين السهلة في الشارع العام؟؟
غايتو زمان بالترضع شافعها في المواصلات ما شفنا تلتينا...تقول لي حفلة رضاعة؟؟

غايتو خجلنا للكلام ده.. التقول نحن أسياد البلد..وإنت جاي زي ابن بطوطة سائح اجنبي...ولا أو عمرو بن العاص حين قال له الخليفة عمر أن صف لي مصر يا عمرو... فقال صغارهم اذكياء وكبارهم أغـبياء..نسائهم لعوب..ورجالهم طروب..يجمعهم الطرب..وتفرقهم العصا , من دخل مصر ولم إلخ.. إلخ ..فقد دخل الجنة.
يمين بالله أخجلتم تواضع التلتين والسراميك.
_
حمور ما تبالغ ياخ....انت كنت راجي الطلبة ده يركب متر السراميك ده عشان تفش غبينتك دي؟؟

Post: #68
Title: Re: كنت هناك... (نِقة وصور)
Author: حاتم الفاضل
Date: 12-28-2010, 05:54 PM
Parent: #57

إبداع يا طارق





....
متابعين

Post: #70
Title: Re: كنت هناك... (نِقة وصور)
Author: طارق جبريل
Date: 12-28-2010, 05:58 PM
Parent: #68

Quote: إبداع يا طارق





....
متابعين


الله يجبر بي خاطرك يا حبيب

Post: #69
Title: Re: كنت هناك... (نِقة وصور)
Author: طارق جبريل
Date: 12-28-2010, 05:57 PM
Parent: #57

Quote: غايتو يا الشقي انت لو مريت ببيروت وقايلها الخرطوم كلمنا...الأعراس بنغطيها لامن كرهتي في الدنيا بقت الساعة عشرة
في مسألة النص المربط ده بتفق معاك.... الواحدة فيهم تعاين ليها شافي هيرناندس عديل كدة ...ولو البنية ضعيفة شوية فابريقاس بس...تكشف من قدام في الوش بتلقي اللوقو بتاع دهانات الجزيرة..اصفر واحمر واخضر وهاتي هاتي يا نخلاتي...ويا خالقنا لا تعولقنا...وزي ما قال فنان تشكيلي صاحبنا متخصص نحت قال بشوف العروس من كترة الدهان بفتكر تماثيله فيها الحياة أكتر من العروس في ليلة فرحها من كترة ما مدهونة...

الا كمان ما شفت لي تلتين في السهلة قبل كدة.. دي جديدة والله..ما معقول قدو قدو يكابس عشان تلت البيوت ويخلي تلتين السهلة في الشارع العام؟؟
غايتو زمان بالترضع شافعها في المواصلات ما شفنا تلتينا...تقول لي حفلة رضاعة؟؟

غايتو خجلنا للكلام ده.. التقول نحن أسياد البلد..وإنت جاي زي ابن بطوطة سائح اجنبي...ولا أو عمرو بن العاص حين قال له الخليفة عمر أن صف لي مصر يا عمرو... فقال صغارهم اذكياء وكبارهم أغـبياء..نسائهم لعوب..ورجالهم طروب..يجمعهم الطرب..وتفرقهم العصا , من دخل مصر ولم إلخ.. إلخ ..فقد دخل الجنة.
يمين بالله أخجلتم تواضع التلتين والسراميك.
_
حمور ما تبالغ ياخ....انت كنت راجي الطلبة ده يركب متر السراميك ده عشان تفش غبينتك دي؟؟


ابو النسب كيفنك ياخي
والله زعلان ما قابلتك

يا زول هوي وحات نضري الشي الشفتو انا يحير
هو التلت الباقي داك مع الرقيص ذاته بيطلع برة الشبكة
يا زول يمين اخوك عرقو بقى يخُر

Post: #79
Title: Re: كنت هناك... (نِقة وصور)
Author: حمزه بابكر الكوبي
Date: 12-28-2010, 07:30 PM
Parent: #57

ود جبيرين كيفنك ؟؟؟
غايتوا انت شيال حال بشكل
انا لو مسئول في وزارة الداخليه بدق لك خروج بلا عوده

Post: #95
Title: Re: كنت هناك... (نِقة وصور)
Author: طارق جبريل
Date: 12-29-2010, 12:17 PM
Parent: #79

Quote: ود جبيرين كيفنك ؟؟؟
غايتوا انت شيال حال بشكل
انا لو مسئول في وزارة الداخليه بدق لك خروج بلا عوده

اووووه حبيبنا ود الكوبي
ياخي كيفنك
يا زول والله لغوستلي جنس لغاويس في السودان

Post: #67
Title: Re: كنت هناك... (نِقة وصور)
Author: طارق جبريل
Date: 12-28-2010, 05:53 PM
Parent: #56

Quote: هى مش شكلها تابعة للقوات المسلحة والسلاح الطبى هى تابعة ليها عدددديل كدة
وعلياء دى بت مدير السلاح الطبى سمو الصيدليات باسمها وكانت سلسلة صيدليات كوينز اشتروها منو


نجاة كيفنك
يا ربي القوات المسلحة دي يكونوا خصخصوها

Post: #71
Title: Re: كنت هناك... (نِقة وصور)
Author: طارق جبريل
Date: 12-28-2010, 06:02 PM
Parent: #67

talij.JPG Hosting at Sudaneseonline.com




نفسي اعرف الببيعوا التلج ديل لو اتأخروا عليهم الزباين
في القلاية دي بيسووا شنو

Post: #72
Title: Re: كنت هناك... (نِقة وصور)
Author: طارق جبريل
Date: 12-28-2010, 06:06 PM
Parent: #71

lifa.JPG Hosting at Sudaneseonline.com


مساويك وليَّف
اتسوك وامشك جسمك
وامشي قدر ظروفك اديها بخة ريحة وقابل الجكس
بالله الليفات دي موش علي سمك البُلطي المفقوش نصين

Post: #73
Title: Re: كنت هناك... (نِقة وصور)
Author: طارق جبريل
Date: 12-28-2010, 06:07 PM
Parent: #72

taouagi.JPG Hosting at Sudaneseonline.com



طواقي من كل الأحجام والألوان

Post: #74
Title: Re: كنت هناك... (نِقة وصور)
Author: طارق جبريل
Date: 12-28-2010, 06:08 PM
Parent: #73

gasab.JPG Hosting at Sudaneseonline.com


بتاع القصب
كمان جابتلها حنكشة وبقوا يقشروا القصب ويبيعوهوا في اكياس
هو القصب دة ان بقى قشرتو براااك وريالتك سالت بالجنبة كدة
وبقيت تبلع في ريقك ما بيبقى سمح


Post: #75
Title: Re: كنت هناك... (نِقة وصور)
Author: طارق جبريل
Date: 12-28-2010, 06:10 PM
Parent: #74

3arabat.JPG Hosting at Sudaneseonline.com


الجامع الكبير والعربات
زمان العربات كلهن يابانية
هسي بالله العربات الكورية مالية البلد
شي ((كليك)) وشي (اتوس)) وشي ((سوناتا))
اسامي كدة زي الزول قاعد ليه في ((مُستراح))
والعجب معارض السيارات الفي شارع الستين والفي الكرين وشارع اركويت
يمين تقرب تقول المصانع الكورية دي بقت جنب ابو عشر
والله مرة شفتة لي بتاع لبن سايق ليه بوكسي 78 مليان ((تُمِن)) لبن
قربت اقول ليه صورة للذكرى يا ((تراث))


Post: #77
Title: Re: كنت هناك... (نِقة وصور)
Author: محمد الواثق
Date: 12-28-2010, 06:28 PM
Parent: #75

طارق ود جبرين


والله كل البتحكي فيهو ده انا جيت حكيتو للناس هنا في ابوظبي بالتفصيل مع اختلاف الأمكنة والناس .

لكن حكاويك خلتني ذي ما الشفت الحاجات دي قبل كدا .


لكن اكثر شئ اثار شجوني البسكويت بتاع الشاي المعمول في البيت .

كل يوم الصباح اجلس فوق راس امي ( الله يديها طولة العمر ) اشرب معاها الشاي بالبسكويت والقهوة .

واصل ونحن في الإنتظار والمتابعه .


تخريمه .

والله انا عندي السكري لكن الشامبيون ما بخليهو .

Post: #96
Title: Re: كنت هناك... (نِقة وصور)
Author: طارق جبريل
Date: 12-29-2010, 12:18 PM
Parent: #77

Quote: والله انا عندي السكري لكن الشامبيون ما بخليهو .

الرسول يا ود الواثق العاجبك فيه شنو
الخرابة ريحتو زي ((مُشُك)) المريسة

Post: #76
Title: Re: كنت هناك... (نِقة وصور)
Author: خالد العطا
Date: 12-28-2010, 06:17 PM
Parent: #67

نخت الطووبة حقتنا هنا نحجز بيها لمن تكمل النضم


بعدين عندنا راي


اجازة سعيدة يا ود جبرين

Post: #78
Title: Re: كنت هناك... (نِقة وصور)
Author: omer abdelsalam
Date: 12-28-2010, 07:23 PM
Parent: #76

Quote: رئيس تحرير طالبته صحفية بالراتب لانها ستة شهور ما دفعوا ليها راتب
قال ليها: مفروض تفتخري انك بتكتبي في جريدتنا.. دة براهو راتب
الدولة متحكمة في الإعلانات عشان تخنق الناس المزعجين
نادر جدا جدا تلقى ليك مقال ينتقد شركات الاتصالات.. لانها بتضخ اعلانات كويسة
الغريبة انه الصحافة اصبحت صحافة رأي اكتر من انها صحافة خبر
كتاب الرأي الأعلى دخلا في المهنة
وبيتمنوا زي ما عايزين
غايتو الصحافة دي هم على القلب عديييييييل كدة
ربنا يعين الصحافيين والمصممين هناك
رقابة ذاتية
ورقابة مدير التحرير
ورقابة رئيس التحرير
ورقابة مُلاك الجريدة
ورقابة الأمن
المحصلة شنو تفتكروا؟؟

غايتو ياطارق
بوستيك دا لذيذ خلاص
لكن الحالة التى ذكرتهاعن الصحافة و زملائنا الصحفيين في السودان آلامتني واحزنتني شديد
الله ليكم يازملاء مهنة المتاعب

Post: #80
Title: Re: كنت هناك... (نِقة وصور)
Author: الطيب شيقوق
Date: 12-28-2010, 08:14 PM
Parent: #78

Quote: قرع شنو يا مقطوع الطاري
أقولك البنيات بقن ملللللللللللللللس
تقولي قرع


زول ما بعرف عود الط............ح بسوا شنو بمليسو وتملسو يا سجم الرماد

داير تخرب سمعتنا حتك؟

Post: #81
Title: Re: كنت هناك... (نِقة وصور)
Author: خالد المحرب
Date: 12-28-2010, 08:29 PM
Parent: #80

طروقى والسنجك كمان تحياتى ياصديق

Post: #101
Title: Re: كنت هناك... (نِقة وصور)
Author: طارق جبريل
Date: 12-29-2010, 12:23 PM
Parent: #81

Quote: طروقى والسنجك كمان تحياتى ياصديق


ود المخرب يا حبيبنا
ياخي كيفنك ووليداتك
نعلكم طيبين
سلملي علي السنجك المعاك

Post: #82
Title: Re: كنت هناك... (نِقة وصور)
Author: أيمن الطيب
Date: 12-28-2010, 08:47 PM
Parent: #80

يا طارق,,,
مشتاقين يا خردة..

بوست لحكايات النهار وحياة الطيبين الكادحين,,

وآخر لحكايات (النصف الآخر) من اليوم بالله حتى نتعجب,,,
بلد يقتلك تناقض اشيائه وتباين أمزجة أهله,,

بس بدون صور عشان النظام العام وكدا,,



نصيحتى ليك,,,,

الطيب شيقوق دا جليهو فى المرحلة دى,,




حمور زيادة جنّ,,


متابعة,,

Post: #83
Title: Re: كنت هناك... (نِقة وصور)
Author: الطيب شيقوق
Date: 12-28-2010, 08:50 PM
Parent: #82

ايمن

Quote: الطيب شيقوق دا جليهو فى المرحلة دى,,


كان قبلت عليك بعود طلح هسع بتشوف النجم بالنهار

مسنووووووووح

Post: #84
Title: Re: كنت هناك... (نِقة وصور)
Author: سيف اليزل برعي البدوي
Date: 12-28-2010, 09:19 PM
Parent: #83

ود جبريل

جاتني صحية اتنين صباحابعد ليل شتوي طويل

قعدت اقرأ واضحك مع محاولات فاشلة لكتم الضحك

الواحد بوستاتك دي الا يقراها بالنهار عشان ما يزعج النايمين

وشكرا للوصف الحي الخلانا نعايش المشهد كاننا داخله

وبرضو متابعين وفي انتظار المزيد

سيف

Post: #103
Title: Re: كنت هناك... (نِقة وصور)
Author: طارق جبريل
Date: 12-29-2010, 12:32 PM
Parent: #84

Quote: ود جبريل

جاتني صحية اتنين صباحابعد ليل شتوي طويل

قعدت اقرأ واضحك مع محاولات فاشلة لكتم الضحك

الواحد بوستاتك دي الا يقراها بالنهار عشان ما يزعج النايمين

وشكرا للوصف الحي الخلانا نعايش المشهد كاننا داخله

وبرضو متابعين وفي انتظار المزيد

سيف


ابو السيوف كيفنك
اضحك يا حبيب
آخرها شاهد على قبرك

Post: #85
Title: Re: كنت هناك... (نِقة وصور)
Author: Manal Mohamed Ali
Date: 12-28-2010, 10:40 PM
Parent: #83

سلام يا طارق
جميل اني اتعرفت عليك في سفرتي دي
واجمل منها البوست بتاعك ده

وعاوزه اقول ليك ان الحاجة لما تكبلك في القراصة سمن وتضرضرلك فيه سكر..ده ارتفاع في الكلسترول يا طارق


اها بتاع العرق سوس ده يا اخيي ظنيتوا جاسوس ( حسب نظرية المؤامرة بتاعت المثقفين ديك)

تحياتي

Post: #86
Title: Re: كنت هناك... (نِقة وصور)
Author: سيف اليزل جعفر عبد الرحمن
Date: 12-29-2010, 00:00 AM
Parent: #85

سلامات استاذ طارق

Quote: طواقي من كل الأحجام والألوان


و الله يا طارق حجم راسي ما لقيتو .... معنى كده المقاسات دي ناقصه



سيف

Post: #87
Title: Re: كنت هناك... (نِقة وصور)
Author: انعام حيمورة
Date: 12-29-2010, 09:12 AM
Parent: #86

لا حولالا دا كلو

طبعا اكت حتة عجبتني حقت المطاعم ووزن الريشة وكدة


ههههههه


وخاصة قهوة الحبش ههههههههههه


ومشوار معتصم وود الصايم هههههههههههههه


ياخ ايام حلوة شديد كانت

الف الف حمد لله على السلامة ومتابعين

Post: #88
Title: Re: كنت هناك... (نِقة وصور)
Author: عفاف الصادق بابكر
Date: 12-29-2010, 09:39 AM
Parent: #87

يا قريبي .. كيفنك ياخ ..

كنا منتظرك هنا على احر من الجمر .. ولكن !
تجري الرياح بما لا تشتهى السفن ..


على اي حال نحن فى الانتظار ..




يلا ... واصل ,, متابعين بشغف .

Post: #107
Title: Re: كنت هناك... (نِقة وصور)
Author: طارق جبريل
Date: 12-29-2010, 12:42 PM
Parent: #88

Quote: يا قريبي .. كيفنك ياخ ..

كنا منتظرك هنا على احر من الجمر .. ولكن !
تجري الرياح بما لا تشتهى السفن ..


على اي حال نحن فى الانتظار ..




يلا ... واصل ,, متابعين بشغف .


اووووووه قريبتي بت الصادق
يعلم الله سعيت للجية بهناك علي الله غالب

لكن الجايات اكتر من الرايحات ان شاء الله

Post: #89
Title: Re: كنت هناك... (نِقة وصور)
Author: هواري نمر
Date: 12-29-2010, 09:53 AM
Parent: #87

Quote: * الركشات والامجادات:
ياخي ديل علي ((الجقور)) في مخزن العيش..
بالله ينجارن من هني لا هني زي السواسيو الامهن تكاكي قدامن


أهـــــــــا بدينا!!

Quote: بالله تلقاهم قاعدين مع بعض وكل زولا يبعبص في موبايلو
زي البينضفولم في عدس ولا قمح قبل يدققوهوا


أها حسادة ولا بقرااااااان, من الجكس..ههههههههه
Quote: شي ((امواج)) وشي ((قندهار)) وشي ((جاد)) وشي (ايفري))
وشي ((الساحة)) وشي ((عوضية سمك)) وشي ((محاسن كوارع))
وشي ((البربري)) وشي ((دودي))..


إنت مشيت إجازي ولا مشروع تسمين !! و لاّ المغرب فيها مجاعي...

Quote: والعجب لو بعد اللهطة ودوك الديم تشرب قهوة حبش
يمين الحبشية دي تزبط ليك البن دة جنبك مع ريحة البخور
وهي بتقلي في البن انت ذاتك تتقلي معاها
والله لمن تكُب ليك الفنجان دة
بالله من سماحتها تشوف الفنجان دة صحن خشاف



عيـــــــــــييك يا الحبيب, قُلته لي مُتقريّف , للقهوة المظّبطة
إتّ اشرب قهوتك و إاتخارج مالك ومال السماحة..


Quote: وحات الله تشوف الواحد نازل من المواصلات ماشي علي بيتو مهموم
وشلاضيمو نازلي والوش مغبر ومكندك والعيون علي عيون فارة ام سيسي
وحات ربي ان لكزته بي يدك يقع يموت


إييييييييييييه يا بلد
الله كريم يا صاحب الله كريم...........

Quote: الخرابات لابساتلهن جونتيات حتى ان بقن ماهن محجبات..
يا ربي يكونن خايفات علي صفار لونن


شان الشمس الشمس
الشمس التدقك في صلعتك دي ..قول آآمين...!

Quote: والعجب ان بقيت مشيتلك عرس..
نظام عام شنو وجهاد شنو..
يمين محزقات وسِطنْ والنصايب من لااااااورا مدلدلات علي الحنابيك
و((الرِقيبة قزازة عصير))
وأصلو الخرابة اللااااقدام داك تلتينه في السهلة
التقول الحفلة فيها رضيع شُفع


هسي أمانةً في ذمتك
ده وصف بتاع نصــــــــــــاح, كتلت البنات ياخ ,
يمين إلا يتبخرن بي بخور ضكر ولا جاوي..ويلحقن ليهن زار و لا شيخاً كارب
إنا لله من لسانك.
هههههههههههههههههههههههه

Quote: والعجب في الضرعات مُللللللللللللللس وناااااااااااااااعماااااااااات زي وش ((الجلي))
وحات ود الكرسني تجيك الهاشميي تقرب تلمَسِن
والرجلين من تحت بقن كبااار وغُلااااااااد زي المخدة المطاولة في سرير الدبل ديك
والكلام كله بقى بي رميش العيون
والصوت مرققنو يخلي الزول يعوعي


الله يخربك يا المسنـــــــــــوح
(جلي) في عينك...
عليك ود شيقوق كلو كلو ما خاتي عليك
لووووووووووووووول.

______________


كيفنك آآآآ الخرابة
بركة الرجعت سالم!!
وحات الله أضحك لامن بكيت
زي المجنون!
كيف لقيت (العمارات)...؟؟
ما لقيت ليك شغل بتاع يومية هناك, أن شاء الله طُلبة ســــــــــاي!!
__
قريبتك بتاعة (هنا) قالت لي تقطعو فيني في الفيس بوك
كويس يا مساخيت
بجيكم راجع قريب

Post: #91
Title: Re: كنت هناك... (نِقة وصور)
Author: معتصم محمد صالح
Date: 12-29-2010, 10:39 AM
Parent: #89

Quote: ومشوار معتصم وود الصايم هههههههههههههه


يعني ما خليتلك زووول ما كلمتو ؟

اها المرة الجايي امشي براك ...


هاك برج الفاتح ده ..

Post: #109
Title: Re: كنت هناك... (نِقة وصور)
Author: طارق جبريل
Date: 12-29-2010, 12:45 PM
Parent: #91

Quote: يعني ما خليتلك زووول ما كلمتو ؟

اها المرة الجايي امشي براك ...


هاك برج الفاتح ده ..


يا قريبي ما تطلع المدكن ياخي

Post: #108
Title: Re: كنت هناك... (نِقة وصور)
Author: طارق جبريل
Date: 12-29-2010, 12:44 PM
Parent: #89

Quote: كيفنك آآآآ الخرابة
بركة الرجعت سالم!!
وحات الله أضحك لامن بكيت
زي المجنون!
كيف لقيت (العمارات)...؟؟
ما لقيت ليك شغل بتاع يومية هناك, أن شاء الله طُلبة ســــــــــاي!!
__
قريبتك بتاعة (هنا) قالت لي تقطعو فيني في الفيس بوك
كويس يا مساخيت
بجيكم راجع قريب


يا زول ما عايز معاك اي مفاهمة
انت طلعت دخاخين ساكت


اخخخخخ من العمارت ياخي


قريبتي بمشيلا في الحوش البهناك

Post: #90
Title: Re: كنت هناك... (نِقة وصور)
Author: عفاف الصادق بابكر
Date: 12-29-2010, 09:57 AM
Parent: #87

يا قريبي .. كيفنك ياخ ..

كنا منتظرك هنا على احر من الجمر .. ولكن !
تجري الرياح بما لا تشتهى السفن ..


على اي حال نحن فى الانتظار ..




يلا ... واصل ,, متابعين بشغف .

Post: #92
Title: Re: كنت هناك... (نِقة وصور)
Author: امير عوض الجمري
Date: 12-29-2010, 11:36 AM
Parent: #90

ود جبريل سيد الناس
حمدا لله على السلامة


ياخي والله اجازتك سمحة بالحيل
لاقيت كل الناس الحلوين ديل ..
والبورداب الجميلين ..
اجازتك ما حاكت اجازتي انا كلها اسبتاليات ..
من المطار مشيت الاسبتالية والقصة جرّت معاي
قعدت 35 يوم مشيت فيهن المستشفى 28 يوم ..
وحاتك اسي تعلقني في شماعة انقّط من تحت زي الدرب ..

عليك الله احكي لينا خليني اتخيل نفسي دا انا عشان احلل حق الطيارة ......


حمود زيادة ما نصيح قطع مصاريني بالضحك واتخيلت شكل البنات جاريات علي باب الشارع
وزليقن في الشراميييي(ك) ..


والمجنون الساكي الحرامي الحا يجي بالليل .. (المهم هو عمل العليهو ) وقال الحرااامي الناس بالليل يدبروا حالم ويمسكوهو ...
لكن بيني بينك حرامية النهار اخطر من حقين الليل على الاقل حرامية الليل ممكن تعمل نااائم وما شايف لكن حقين النهار ديل قلع عينك عينك وانت مقطعها في حنانك ... وتبكي بسسسس .

Post: #94
Title: Re: كنت هناك... (نِقة وصور)
Author: إدريس البدري
Date: 12-29-2010, 12:10 PM
Parent: #92

Quote: اسامي كدة زي الزول قاعد ليه في ((مُستراح)


بااااااااااااااااااااااااااااااااااااااالغت فوقا
هاهاهاهاهاهاهاهاهاهاهاهاهاهاهاها



قطع شك اتا مااااااااااك نصيح


يديك العافية يا ود جبرين

Post: #111
Title: Re: كنت هناك... (نِقة وصور)
Author: طارق جبريل
Date: 12-29-2010, 12:49 PM
Parent: #94

Quote: بااااااااااااااااااااااااااااااااااااااالغت فوقا
هاهاهاهاهاهاهاهاهاهاهاهاهاهاهاها



قطع شك اتا مااااااااااك نصيح


يديك العافية يا ود جبرين


والله يا ود البدري النس ديل قربوا يسموا ليهم عربية ((إإح))

Post: #174
Title: Re: كنت هناك... (نِقة وصور)
Author: ساميه حامد
Date: 12-30-2010, 06:27 PM
Parent: #94

اخوي ود جبرين سلام وحمدا لله على سلامتك

ابدالك من وين في بوستيك اللذيذ طبعا اكتر شي ضحكني كلامك عن بنات السودان وده زكرني نكتة

المغترب المشى السودان بعد غربة طويلة واول ما مشى عزموهو عرس اها قال ليك اخونا قعد إتلفت ليك ويعاين للبنات السمحات

الراس بقى زي مروحة التربيزة يمين وشمال بعد شوية قال لي صاحبو انت البنات الشينات مشن وين داك طوالي قال ليو ما عرسناهن نحن

واكتر شي لفت نظري وابكاني في البوست صورة الوالد الغالي ربنا إديهو الصحة والعافية وإخليهو لينا كلنا ما ليك براك

يا زول الله إديك العافية وطريتنا البلد الحبيب الاصلو ما بتنسي



ـــــــــــــــــــــــــــــــــــــــــــــــــ
ود الصايم ده نسى جزمو هنا في الرياض ومشى السودان ولا شنو؟

Post: #275
Title: Re: كنت هناك... (نِقة وصور)
Author: Asaad Alabbasi
Date: 01-07-2011, 05:53 AM
Parent: #94

يا ود جبريل سلام..إنت قاعد و لا مشيت؟ أها ما حضرت ليك حفلة لى إنصاف مدني؟

Post: #100
Title: Re: كنت هناك... (نِقة وصور)
Author: عبد اللطيف بكري أحمد
Date: 12-29-2010, 12:22 PM
Parent: #92

كل ما نسأل منك : ياخوانا طارق ماجاكم : يقولوا : هو جاء السودان؟؟


فاضي من الشامبيون وود الصايم؟؟

حمداً لله على السلامة!!ّّّّ!!

Post: #112
Title: Re: كنت هناك... (نِقة وصور)
Author: طارق جبريل
Date: 12-29-2010, 12:50 PM
Parent: #100

Quote: كل ما نسأل منك : ياخوانا طارق ماجاكم : يقولوا : هو جاء السودان؟؟


فاضي من الشامبيون وود الصايم؟؟

حمداً لله على السلامة!!ّّّّ!!


والله يا قريبي السودان وقته ممحوق شديد
الله غالب ياخي
سألت منك قالوا مشيت الابيض

Post: #110
Title: Re: كنت هناك... (نِقة وصور)
Author: طارق جبريل
Date: 12-29-2010, 12:47 PM
Parent: #92

Quote: ود جبريل سيد الناس
حمدا لله على السلامة


ياخي والله اجازتك سمحة بالحيل
لاقيت كل الناس الحلوين ديل ..
والبورداب الجميلين ..
اجازتك ما حاكت اجازتي انا كلها اسبتاليات ..
من المطار مشيت الاسبتالية والقصة جرّت معاي
قعدت 35 يوم مشيت فيهن المستشفى 28 يوم ..
وحاتك اسي تعلقني في شماعة انقّط من تحت زي الدرب ..

عليك الله احكي لينا خليني اتخيل نفسي دا انا عشان احلل حق الطيارة ......


حمود زيادة ما نصيح قطع مصاريني بالضحك واتخيلت شكل البنات جاريات علي باب الشارع
وزليقن في الشراميييي(ك) ..


والمجنون الساكي الحرامي الحا يجي بالليل .. (المهم هو عمل العليهو ) وقال الحرااامي الناس بالليل يدبروا حالم ويمسكوهو ...
لكن بيني بينك حرامية النهار اخطر من حقين الليل على الاقل حرامية الليل ممكن تعمل نااائم وما شايف لكن حقين النهار ديل قلع عينك عينك وانت مقطعها في حنانك ... وتبكي بسسسس .


ود الجمري يا حبيبنا
تعرف اختي اتلحتني ليك فواتح كدة اول ايام
الاسبوع التاني قالت لي مستشفيات
قلت ليها يا زولة هوي اختيني عندي صحبي جاء عداها كلها ترامس مستشفيات هسي ينعل ويسب

حكيت لي الناس ديلاااااك عنك

Post: #93
Title: Re: كنت هناك... (نِقة وصور)
Author: مجدي عبدالرحيم فضل
Date: 12-29-2010, 12:04 PM
Parent: #90

طارق

أبوريم

حمدا علي السلامة

بوست مدهش!

الصور

،،،،أبوقصي،،،،

Post: #113
Title: Re: كنت هناك... (نِقة وصور)
Author: طارق جبريل
Date: 12-29-2010, 12:51 PM
Parent: #93

Quote: طارق

أبوريم

حمدا علي السلامة

بوست مدهش!

الصور

،،،،أبوقصي،،،،


اوووه ابو قصي
ياخي الامتداد بيسلم عليك شديييييييييييد

Post: #106
Title: Re: كنت هناك... (نِقة وصور)
Author: طارق جبريل
Date: 12-29-2010, 12:41 PM
Parent: #87

Quote: لا حولالا دا كلو

طبعا اكت حتة عجبتني حقت المطاعم ووزن الريشة وكدة


ههههههه


وخاصة قهوة الحبش ههههههههههه


ومشوار معتصم وود الصايم هههههههههههههه


ياخ ايام حلوة شديد كانت

الف الف حمد لله على السلامة ومتابعين


يا انعام كيفنك
اتخيلي معتصم يقوليك نمشي نبارك حجة اولاد المسلمي
موش مفروض الزول يعضيه في نص راسه




التحية لآل المسلمي اينما كانوا

Post: #105
Title: Re: كنت هناك... (نِقة وصور)
Author: طارق جبريل
Date: 12-29-2010, 12:39 PM
Parent: #86

Quote: و الله يا طارق حجم راسي ما لقيتو .... معنى كده المقاسات دي ناقصه

يا اخوي انت شايل ليك راس ولا بطيخة

Post: #104
Title: Re: كنت هناك... (نِقة وصور)
Author: طارق جبريل
Date: 12-29-2010, 12:36 PM
Parent: #85

Quote: سلام يا طارق
جميل اني اتعرفت عليك في سفرتي دي
واجمل منها البوست بتاعك ده

وعاوزه اقول ليك ان الحاجة لما تكبلك في القراصة سمن وتضرضرلك فيه سكر..ده ارتفاع في الكلسترول يا طارق


اها بتاع العرق سوس ده يا اخيي ظنيتوا جاسوس ( حسب نظرية المؤامرة بتاعت المثقفين ديك)

تحياتي


منال كيفنك ياخي
والله كان يوما بطعم النيل
سعدت للقاءنا
ست القراصة يا منال الله يرحمها مشت خلتنا ليها اربعة سنين

Post: #102
Title: Re: كنت هناك... (نِقة وصور)
Author: طارق جبريل
Date: 12-29-2010, 12:29 PM
Parent: #82

Quote: يا طارق,,,
مشتاقين يا خردة..

بوست لحكايات النهار وحياة الطيبين الكادحين,,

وآخر لحكايات (النصف الآخر) من اليوم بالله حتى نتعجب,,,
بلد يقتلك تناقض اشيائه وتباين أمزجة أهله,,

بس بدون صور عشان النظام العام وكدا,,



نصيحتى ليك,,,,

الطيب شيقوق دا جليهو فى المرحلة دى,,




حمور زيادة جنّ,,


متابعة,,


اوووووه رفيق الليالي الملاح
ايمن هول ناس الطيب
ياخي كيفنك

يا ايمن الخرطوم مدينة عجيبة مليئة بالاستفهام
الخرطوم كامرأة لعوب يطلب ودها الكثيرون
لكنها من جهة اخرى حبلى بالألم
نصف يغوص في القاع يا ايمن
اتاح لي خروجي من اسرة فقيرة ان اعايش هذا القاع
حيث البسطاء واحلامهم التي لا تتعدى درابزين يرتمون في عناقريبه
احلام جلها لا يتعدى ((سترة الحال))
وكنت محظوظا ان اتاح لي التعليم المجاني ان ارى الجزء المغناج من المدينة
سأكتب يا ايمن دون احساس بالذنب او الألم
لكن في النهاية اجدني منحاز الى البسطاء
حيواتهم لها طعم مختلف يا ايمن
لها نكهة غريبة
حين يضحكون تحس انهم يملكون الكون باسره

دمت واسرتك بالف خير يا ابن الطيبين

Post: #99
Title: Re: كنت هناك... (نِقة وصور)
Author: طارق جبريل
Date: 12-29-2010, 12:21 PM
Parent: #80

Quote: زول ما بعرف عود الط............ح بسوا شنو بمليسو وتملسو يا سجم الرماد

داير تخرب سمعتنا حتك؟


انت اصلها سمعتك متين كانت سمحي يا شقي الحال

Post: #98
Title: Re: كنت هناك... (نِقة وصور)
Author: طارق جبريل
Date: 12-29-2010, 12:20 PM
Parent: #78

Quote: غايتو ياطارق
بوستيك دا لذيذ خلاص
لكن الحالة التى ذكرتهاعن الصحافة و زملائنا الصحفيين في السودان آلامتني واحزنتني شديد
الله ليكم يازملاء مهنة المتاعب


ابو انس كيفنك
يا زول والله حال الصحافة لا يسر

Post: #97
Title: Re: كنت هناك... (نِقة وصور)
Author: طارق جبريل
Date: 12-29-2010, 12:19 PM
Parent: #76

Quote: نخت الطووبة حقتنا هنا نحجز بيها لمن تكمل النضم


بعدين عندنا راي


اجازة سعيدة يا ود جبرين

ود العطا كيفنك ابوي
قالولي سألت مني في سفرتي دي
تسأل منك العافي التخصك في المصارين آآآآآيابا

Post: #114
Title: Re: كنت هناك... (نِقة وصور)
Author: عفاف الصادق بابكر
Date: 12-29-2010, 12:52 PM
Parent: #97

Quote: الخرطوم مدينة عجيبة مليئة بالاستفهام
الخرطوم كامرأة لعوب يطلب ودها الكثيرون
لكنها من جهة اخرى حبلى بالألم
نصف يغوص في القاع يا ايمن
اتاح لي خروجي من اسرة فقيرة ان اعايش هذا القاع
حيث البسطاء واحلامهم التي لا تتعدى درابزين يرتمون في عناقريبه
احلام جلها لا يتعدى ((سترة الحال))
وكنت محظوظا ان اتاح لي التعليم المجاني ان ارى الجزء المغناج من المدينة
سأكتب يا ايمن دون احساس بالذنب او الألم
لكن في النهاية اجدني منحاز الى البسطاء
حيواتهم لها طعم مختلف يا ايمن
لها نكهة غريبة
حين يضحكون تحس انهم يملكون الكون باسره



كلام ذي الكلام ...

Post: #126
Title: Re: كنت هناك... (نِقة وصور)
Author: طارق جبريل
Date: 12-29-2010, 01:16 PM
Parent: #114

Quote: كلام ذي الكلام ..

يا قريبتي كيفنك
اعشق البسطاء ياخي حد الجنون

Post: #115
Title: Re: كنت هناك... (نِقة وصور)
Author: معاوية المدير
Date: 12-29-2010, 12:55 PM
Parent: #97

وحات ربي يا ود جبرين،
كان مُرآدي الآقيك في
رحاب الوطن الحبيب،
عِلآ ربنا ما اراد.



جحا قالولوا عِد الموجات.
قال: الجايات اكتر من الرايحات...



اشواقي الكتيرة...

Post: #117
Title: Re: كنت هناك... (نِقة وصور)
Author: طارق جبريل
Date: 12-29-2010, 01:04 PM
Parent: #115

alsunot1.JPG Hosting at Sudaneseonline.com


مشروع السُنط
بعد شوية الواحد حا يجي البلد يفتكر نفسه في دبي
بس المشكلة ما لافقة معانا حتة ((طال عمرك)) دي

Post: #119
Title: Re: كنت هناك... (نِقة وصور)
Author: طارق جبريل
Date: 12-29-2010, 01:05 PM
Parent: #117

dakoua.JPG Hosting at Sudaneseonline.com


الدكوة ولوازمها
بس اوعكم من ((البواسير))
نبقى في الخوابير عاد

Post: #120
Title: Re: كنت هناك... (نِقة وصور)
Author: طارق جبريل
Date: 12-29-2010, 01:08 PM
Parent: #119

dokanwalid2.JPG Hosting at Sudaneseonline.com



دكان وليد في الامتداد
مكان النقة والقطيعة
حيث البوش والونسة في المصطبة
بس ياخي ما لقيت حلاوة حربة ولا كرملا ولا بسكويت كرم


Post: #121
Title: Re: كنت هناك... (نِقة وصور)
Author: طارق جبريل
Date: 12-29-2010, 01:09 PM
Parent: #120

dokanwalid.JPG Hosting at Sudaneseonline.com


عم عبد الحميد وعطا وسعيد
قدورة زعيم القطيعة لسة ما جاء

Post: #122
Title: Re: كنت هناك... (نِقة وصور)
Author: طارق جبريل
Date: 12-29-2010, 01:10 PM
Parent: #121

gidra.JPG Hosting at Sudaneseonline.com


يمين كمية البوش الاكلته من القدرة دي
كان يسوي لي محل زي بتاع ((لذيذ))

Post: #123
Title: Re: كنت هناك... (نِقة وصور)
Author: طارق جبريل
Date: 12-29-2010, 01:12 PM
Parent: #122

fatat3adas.JPG Hosting at Sudaneseonline.com


قلت ليهم في البيت مشتهيلي ((فتة عدس))
يمين شلت الصحن من الصينية وقعدت بعيد من الناس
وكبيت فيهو موية السلطة وزيت سمسم وشوية شطوط
وقعدت ألوغد وحدي

Post: #124
Title: Re: كنت هناك... (نِقة وصور)
Author: طارق جبريل
Date: 12-29-2010, 01:13 PM
Parent: #123

halawanabag.JPG Hosting at Sudaneseonline.com



مشيت لي حاجة عشة الفلاتية
زولة من الزمن السمح
وحات ربي قعدت جنبها زي الشافع الصغير
وضوقتة نصايبها ديل كلهن
مرتا زيني ياخي
وانا ماشي ادتني كيس فول بقيت اقرش فيهو في الحافلة
ودميعاتي قربن يجرن

Post: #125
Title: Re: كنت هناك... (نِقة وصور)
Author: طارق جبريل
Date: 12-29-2010, 01:14 PM
Parent: #124

setalchai.JPG Hosting at Sudaneseonline.com



ست الشاي
وحات ربي ستات الشاي بقن اكتر من العربات
كنت وكتين انزل الخرطوم اشتري الجرايد واقعد
عند واحدي مقابلة الجامعة الكبير
قالتلي عندها اربعة شُفع ابوهم ميت
يمين دخلت في ضفوري من السؤال
لامن شافتني سكتة قالت لي:
يا ود الناس مجبورين علي المُر دة
ما عندنا حيلة غيره
قلت ليها الله يقويك
قمت من عندها وانا بلعن في القصر الجمهوري
نسوان يكابدن في ظروف منعولة
وحيكومة مرفهة ونايمة في الكنادش

Post: #127
Title: Re: كنت هناك... (نِقة وصور)
Author: طارق جبريل
Date: 12-29-2010, 01:20 PM
Parent: #115

Quote: وحات ربي يا ود جبرين،
كان مُرآدي الآقيك في
رحاب الوطن الحبيب،
عِلآ ربنا ما اراد.



جحا قالولوا عِد الموجات.
قال: الجايات اكتر من الرايحات...



اشواقي الكتيرة...


لمحبة انت تعرفها
كانت الاماني باللقاء
نقول الجايات اكتر من الرايحات
كن بالف خير يا حبيب

Post: #116
Title: Re: كنت هناك... (نِقة وصور)
Author: osama fadlalla
Date: 12-29-2010, 01:00 PM
Parent: #97

ود جبرين
حمد لله على السلامه
عينك نجيضه لكن... والله انا مرة قعدت ستة شهور ما شفت نص الشفتو انت ده....
يلا خش لينا في الغريق...
وجيب لينا الخاص بي هناك


Post: #118
Title: Re: كنت هناك... (نِقة وصور)
Author: خالد العطا
Date: 12-29-2010, 01:05 PM
Parent: #116

بوردراب الخرطوم مسعولين من الخير ... وين طارق جبريل ؟؟؟؟


مع اهداء اغنية كل ما سالت عليك يقولو مشغوووووووولة

Post: #129
Title: Re: كنت هناك... (نِقة وصور)
Author: طارق جبريل
Date: 12-29-2010, 02:09 PM
Parent: #118

Quote: مع اهداء اغنية كل ما سالت عليك يقولو مشغوووووووولة


والله يا حبيب ما قصرت كله كله

Post: #131
Title: Re: كنت هناك... (نِقة وصور)
Author: طارق جبريل
Date: 12-29-2010, 02:13 PM
Parent: #129

tamreen.JPG Hosting at Sudaneseonline.com


دافوري اولاد الحِلة

Post: #132
Title: Re: كنت هناك... (نِقة وصور)
Author: طارق جبريل
Date: 12-29-2010, 02:17 PM
Parent: #131

ghandahar3.JPG Hosting at Sudaneseonline.com


ومشينا قندهار
حيس الكوليسترول










ـــــــــــــــــ
شكرا انعام عبد الحفيظ
شكر السمؤل بدر الدين
شكرا تيسير النوراني
شكرا محمد عمر جبريل
شكرا فادية اليمني
شكرا صالح تبدلينا
شكرا عثمان رغيم
شكرا اسمهان
شكرا بت الشامي
شكرا آل رغيم
شكرا ايمن الطيب
شكرا بت الهنا
ما اكون نسيت لي زول

Post: #133
Title: Re: كنت هناك... (نِقة وصور)
Author: طارق جبريل
Date: 12-29-2010, 02:18 PM
Parent: #132

ghandahar4.JPG Hosting at Sudaneseonline.com



ما عارف ليه غرزتين
ما غرزة واحدة

Post: #134
Title: Re: كنت هناك... (نِقة وصور)
Author: طارق جبريل
Date: 12-29-2010, 02:21 PM
Parent: #133

ghandahar2.JPG Hosting at Sudaneseonline.com


ورقدنا كاويق من اللحم والغباشة

Post: #135
Title: Re: كنت هناك... (نِقة وصور)
Author: طارق جبريل
Date: 12-29-2010, 02:23 PM
Parent: #134

ghandahar1.JPG Hosting at Sudaneseonline.com


ايمن الطيب وعثمان رغيم ابو النسب
شبعوا وقعدوا ينظروا

Post: #136
Title: Re: كنت هناك... (نِقة وصور)
Author: طارق جبريل
Date: 12-29-2010, 02:24 PM
Parent: #135

ghandhar5.JPG Hosting at Sudaneseonline.com


بالله شوفوا ضحكة بت النوراني دي
موش ضحكة زول تريااااااااااااااان شية

Post: #128
Title: Re: كنت هناك... (نِقة وصور)
Author: طارق جبريل
Date: 12-29-2010, 02:04 PM
Parent: #116

Quote: ود جبرين
حمد لله على السلامه
عينك نجيضه لكن... والله انا مرة قعدت ستة شهور ما شفت نص الشفتو انت ده....
يلا خش لينا في الغريق...
وجيب لينا الخاص بي هناك


يا حبيبنا انا مشيت زول شمارات

Post: #130
Title: Re: كنت هناك... (نِقة وصور)
Author: SHIBKA
Date: 12-29-2010, 02:11 PM
Parent: #128

طارق




Quote: اي زول عايز يتونس معاك يعزمك محل اكل
بالله لمن شككوني في نفسي: يا ربي انا وزن الريشة ولا شنو
شي ((امواج)) وشي ((قندهار)) وشي ((جاد)) وشي (ايفري))
وشي ((الساحة)) وشي ((عوضية سمك)) وشي ((محاسن كوارع))
وشي ((البربري)) وشي ((دودي))..




انت لذيذ ما لاقاك؟؟؟؟؟؟؟؟؟؟؟؟؟؟

Post: #137
Title: Re: كنت هناك... (نِقة وصور)
Author: طارق جبريل
Date: 12-29-2010, 02:26 PM
Parent: #130

Quote: انت لذيذ ما لاقاك؟؟؟؟؟؟؟؟؟؟؟؟؟؟

يا قريبتي كيف ما لاقاني
حتى معتصم قالي يلاكا نبارك حجة اولاد المسلمي
قتلو حجتهم طايري

Post: #138
Title: Re: كنت هناك... (نِقة وصور)
Author: محمد عمر جبريل
Date: 12-29-2010, 02:28 PM
Parent: #130

سلامات يا طارق
وسمدالله على الحلامة ..
قدر ما حاولنا ننفرد بيك لونسة جانبية ما قدرنا ..
أنا إلا أصلك هناك عشان نعمل فتريتة

Post: #139
Title: Re: كنت هناك... (نِقة وصور)
Author: الامين موسى البشاري
Date: 12-29-2010, 02:49 PM
Parent: #138

طــارق جبريل

ســـلام يا اخانا الذي بالمغرب
طبعا والله كان مفروض نلتقي ســوا هناك
الا وحاتك ذو الكفل (الكفيل) ما ادانا اجازة وتم تأخيرها
حمد لله على سلامة العودة لقواعدك سالماً
بوستيك العسل دا شايفو من يومداك
بس من طعامتو دخلت في كومة سكر وما قدرت اعلق فيهو
فدحين واصل يا ابوي

Post: #140
Title: Re: كنت هناك... (نِقة وصور)
Author: فايزودالقاضي
Date: 12-29-2010, 03:23 PM
Parent: #139

بركة الرجعت طيب ..وحمدلله على السلامة ...

راجين صور البلد وناس البلد ...


كنا نمنى النفس باللقياء في قاهرة المعز ولكن حالت اقدار الاعمال عن ذلك ...


واصل ..متابع ...

Post: #141
Title: Re: كنت هناك... (نِقة وصور)
Author: عبد الدائم سيد أحمد
Date: 12-30-2010, 07:47 AM
Parent: #140

هل لك ان تتخيل جامعة المغتربين على ضفاف خور جانقى



ما مشيت على ناس فاطمة عبدالرحيم

يا حليل الاخلاص

Post: #145
Title: Re: كنت هناك... (نِقة وصور)
Author: طارق جبريل
Date: 12-30-2010, 11:06 AM
Parent: #141

Quote: ما مشيت على ناس فاطمة عبدالرحيم

يا حليل الاخلاص


يا حبيب ديل بقوا شفع عدييييييل
حليل زمن نقعد لي بنات فاطمة عبد الرحيم تحت الشجرة

Post: #144
Title: Re: كنت هناك... (نِقة وصور)
Author: طارق جبريل
Date: 12-30-2010, 11:05 AM
Parent: #140

Quote: بركة الرجعت طيب ..وحمدلله على السلامة ...

راجين صور البلد وناس البلد ...


كنا نمنى النفس باللقياء في قاهرة المعز ولكن حالت اقدار الاعمال عن ذلك ...


واصل ..متابع ...


يا حبيبنا كيفنك
يا زول الصور رااااقدة بس شيل الصبر
بت خالتك تسلم عليك من القاهرة

Post: #143
Title: Re: كنت هناك... (نِقة وصور)
Author: طارق جبريل
Date: 12-30-2010, 11:04 AM
Parent: #139

Quote: طــارق جبريل

ســـلام يا اخانا الذي بالمغرب
طبعا والله كان مفروض نلتقي ســوا هناك
الا وحاتك ذو الكفل (الكفيل) ما ادانا اجازة وتم تأخيرها
حمد لله على سلامة العودة لقواعدك سالماً
بوستيك العسل دا شايفو من يومداك
بس من طعامتو دخلت في كومة سكر وما قدرت اعلق فيهو
فدحين واصل يا ابوي

حبيبنا ود البشاري
ياخي كيفنك
يا حبيب افتقدتك الخرطوم ولياليها
كن بالف خير

Post: #142
Title: Re: كنت هناك... (نِقة وصور)
Author: طارق جبريل
Date: 12-30-2010, 11:02 AM
Parent: #138

Quote: سلامات يا طارق
وسمدالله على الحلامة ..
قدر ما حاولنا ننفرد بيك لونسة جانبية ما قدرنا ..
أنا إلا أصلك هناك عشان نعمل فتريتة

حبيبنا الذي يعشق المغرب
يا ود جبريل النبي فيك ان ما سويتها ياخي
تعال يا زول عشان تشوف الشغل النضيف ((لايف))

Post: #146
Title: Re: كنت هناك... (نِقة وصور)
Author: طارق جبريل
Date: 12-30-2010, 11:11 AM
Parent: #142

kissra.JPG Hosting at Sudaneseonline.com


واشتهيتلي كِسري

Post: #147
Title: Re: كنت هناك... (نِقة وصور)
Author: طارق جبريل
Date: 12-30-2010, 11:12 AM
Parent: #146

molahakhdar.JPG Hosting at Sudaneseonline.com


... وملاحا أخدر
وقعت فوقوا زي العميان

Post: #148
Title: Re: كنت هناك... (نِقة وصور)
Author: طارق جبريل
Date: 12-30-2010, 11:31 AM
Parent: #147

يوم قمت الصباح قلت ولاد اخواتي واخواني ديل النمشي عليهم الجامعة
انا قايل الجامعة ياها زي ألتنا الزمان ديك
اها قلتلم اجيكم وين في المين رود ولا في حتة النشاط
شبكوني ليك نشاط شنو يا خال تعال لينا في الكفتريات البرة دي
المهم يا الحبان قمت اتشولقت ومشيت
ضربتلم تليفون قلتلم انا جنب البوابة الرئيسية
جوا ساقوني كافتريا برة كدة
بالله لقيت الكافتيريا كلها شُع
بنات صُغاااااار كدي واولاد زي الشفع
يبقالي فيهم واحدين ماهم بالغين كله كله
حليل زمن ناس الطيب شيقوق بالله الواحد فيهم يبقالي معرس وجايي يا دابوا يقرأ
اها ((شُفع)) الجن ديل يسولوم في جنس نصايب
وحات ود الكرسني انا يبقالي قاعدين يلعبوا سك سك وام الحفر
قلتلم هسي الماسك الاتحاد منو
قالولي اتحاد شنو يا خال ياخي دة حاجة مرض خلاص
طيب اها هسي اكتر زول في اركان النقاش مشهور وركنه بيكون مليان
قالولي عمرهم ما مشوا علي جيهة الحاجات دي وبيلقولم فيها ناس ((فارغين))
عاينتلم كدي ودفعت حق الاكل وقمت وانا ماشي برطمت:
ليها حق الانقاذ دي تقعد فوق راسنا كدة لامن نموت
الجامعات زمان كانت بتأطر السياسيين
هسي بقت زي سهرات الموضة
ناس بي عرباتها
وناس تكابس في سندوتشات الطعمية

Post: #149
Title: Re: كنت هناك... (نِقة وصور)
Author: طارق جبريل
Date: 12-30-2010, 11:38 AM
Parent: #148

khart1.JPG Hosting at Sudaneseonline.com

khart2.JPG Hosting at Sudaneseonline.com


ومشينا انا وراشد اخوي نعزي في حبيبنا عماد محمود
رحمك الله يا عماد بقدر محبة الناس لك
حزن الامتداد كما لم يحزن من قبل

Post: #150
Title: Re: كنت هناك... (نِقة وصور)
Author: طارق جبريل
Date: 12-30-2010, 11:39 AM
Parent: #149

khart3.JPG Hosting at Sudaneseonline.com


ابو السيد مبروك الحجة بعد جينا من لذيذ

Post: #151
Title: Re: كنت هناك... (نِقة وصور)
Author: طارق جبريل
Date: 12-30-2010, 11:40 AM
Parent: #150

khart4.JPG Hosting at Sudaneseonline.com


الفتى الضاحك

Post: #152
Title: Re: كنت هناك... (نِقة وصور)
Author: طارق جبريل
Date: 12-30-2010, 11:42 AM
Parent: #151

khart5.JPG Hosting at Sudaneseonline.com

الفتى الضاحك - معتصم نيستا - وهبة الخردة

Post: #153
Title: Re: كنت هناك... (نِقة وصور)
Author: طارق جبريل
Date: 12-30-2010, 11:43 AM
Parent: #152

khart7.JPG Hosting at Sudaneseonline.com

معتصم كانت ضارباهو جوعة
يمين خلى سمك البربري زي الربيت

Post: #154
Title: Re: كنت هناك... (نِقة وصور)
Author: طارق جبريل
Date: 12-30-2010, 11:45 AM
Parent: #153

khart8.JPG Hosting at Sudaneseonline.com

المنصورية هويدة شرف الدين
جابت لينا ليمون باااااااااارد انا ونيستا

Post: #155
Title: Re: كنت هناك... (نِقة وصور)
Author: طارق جبريل
Date: 12-30-2010, 11:46 AM
Parent: #154

khart9.JPG Hosting at Sudaneseonline.com

الفتى الضاحك متجدع في الخرطوم

Post: #156
Title: Re: كنت هناك... (نِقة وصور)
Author: طارق جبريل
Date: 12-30-2010, 11:47 AM
Parent: #155

khart10.JPG Hosting at Sudaneseonline.com

وشربنا القهوة مع نعيم

Post: #157
Title: Re: كنت هناك... (نِقة وصور)
Author: طارق جبريل
Date: 12-30-2010, 11:48 AM
Parent: #156

khart11.JPG Hosting at Sudaneseonline.com

ايامك يا عمك

Post: #158
Title: Re: كنت هناك... (نِقة وصور)
Author: طارق جبريل
Date: 12-30-2010, 11:49 AM
Parent: #157

khart12.JPG Hosting at Sudaneseonline.com

حسبو والفتى الضاحك كملوا اللقيمات كلها

Post: #159
Title: Re: كنت هناك... (نِقة وصور)
Author: طارق جبريل
Date: 12-30-2010, 11:51 AM
Parent: #158

khart13.JPG Hosting at Sudaneseonline.com

عاشق المغاربة محمد عمر جبريل

Post: #160
Title: Re: كنت هناك... (نِقة وصور)
Author: Hatim Gubara
Date: 12-30-2010, 04:36 PM
Parent: #159

Quote: ... وملاحا أخدر
وقعت فوقوا زي العميان
أححيييا من الملاح اللخضر..
ما عزمتني ليه يا شايقي ياجلده..

Post: #161
Title: Re: كنت هناك... (نِقة وصور)
Author: طارق جبريل
Date: 12-30-2010, 05:14 PM
Parent: #160

Quote: أححيييا من الملاح اللخضر..
ما عزمتني ليه يا شايقي ياجلده..


في البلد يا حبيبنا

Post: #162
Title: Re: كنت هناك... (نِقة وصور)
Author: طارق جبريل
Date: 12-30-2010, 05:34 PM
Parent: #161

khart14.JPG Hosting at Sudaneseonline.com


ومشينا حفلة الموصلي والبلابل
كانت حفلة ولا اجمل..
يمين لي هسي عضامي واجعاتني من الكشف
كان هناك ناذر الخليفة
وتيسير النوراني واسرتها الجميلة


ملاحظة:
الحفلات العمومية دي بتلقى رواج شديد جدا جدا
الناس ما بتصدق تلقى ليها فرقة عشان تطلع من الغم بتاع الحياة
وحفلات البلابل تحديدا بتكون فيها كل الأعمار السنية
يعني الشباب والوسط والكهول
ما عارف دة دليل علي شنو
من وجهة نظري الشخصية أداء البلابل وأغانيهم التي لا خلاف عليها
استطاعت أن تجذب كل الأعمار
يعني مع كامل احترامي لي زميل المنبر القادم طه سليمان
لكن حفلته ما ممكن يكونوا فيها جميع الفئات العمرية الأنا شفتها في حفلة البلابل والموصلي
يعني ما ممكن امشي نادي الضباط عشان أسمع ((قنبلة))


Post: #163
Title: Re: كنت هناك... (نِقة وصور)
Author: طارق جبريل
Date: 12-30-2010, 05:36 PM
Parent: #162

khart15.JPG Hosting at Sudaneseonline.com

فاروق أبو حوة وناذر الخليفة وطارق جبريل واستاذنا الموصلي

Post: #164
Title: Re: كنت هناك... (نِقة وصور)
Author: طارق جبريل
Date: 12-30-2010, 05:44 PM
Parent: #163

gibril1.JPG Hosting at Sudaneseonline.com


عمكم جبريل راقد في الدرابزين بعد صلاة العيد
أهم سبب يدعوني لزيارة السودان
المسافة بين المطار والبيت تظهر لك كأنما هي آلاف الأميال
تارة يأتيك طيفه وهو ضاحك
وتارة ترى دموعه حين تحضنه مودعا
احتاج إلى دعواته
احتاج الى حنانه الكبير
فهو عاش ولا زال رغما عن ((الأمراض وفساد الحكام))
ربنا يديه طولة العمر
يحفظ الكثير من أشعار الشايقية
أي ضيف يأتيني يُصر على اسماعه اشعارنا
للأسف خانه الصوت مؤخرا
وخانته يداه إذ لم يعد قادرا على حمل جريدته يوميا
اتمنى من الله أن يرزقه الصحة والعافية
وأجده دائما في انتظاري كما عودني ذلك

Post: #165
Title: Re: كنت هناك... (نِقة وصور)
Author: طارق جبريل
Date: 12-30-2010, 05:45 PM
Parent: #164

gibril2.JPG Hosting at Sudaneseonline.com


عمنا الريح الجعلي جاء يبارك العيد للحاج

Post: #166
Title: Re: كنت هناك... (نِقة وصور)
Author: طارق جبريل
Date: 12-30-2010, 05:47 PM
Parent: #165

laha1-1.JPG Hosting at Sudaneseonline.com


وجينا من صلاة العيد
حاتم
طارق
تجاني

Post: #167
Title: Re: كنت هناك... (نِقة وصور)
Author: طارق جبريل
Date: 12-30-2010, 05:49 PM
Parent: #166

kharouf1.JPG Hosting at Sudaneseonline.com


وضبحنا خروفنا

Post: #168
Title: Re: كنت هناك... (نِقة وصور)
Author: طارق جبريل
Date: 12-30-2010, 05:51 PM
Parent: #167

laham2.JPG Hosting at Sudaneseonline.com


..وشوينا

Post: #169
Title: Re: كنت هناك... (نِقة وصور)
Author: طارق جبريل
Date: 12-30-2010, 05:53 PM
Parent: #168

wissam.JPG Hosting at Sudaneseonline.com


وسام لطفي جبريل: يا عمو ((ارقعني)) عشان اشتري ((بطل)) و((سفن أب))
..ورقعتو
وبقى صحبي شديد كمان

Post: #170
Title: Re: كنت هناك... (نِقة وصور)
Author: الطيب شيقوق
Date: 12-30-2010, 05:54 PM
Parent: #169

مقطوع الطارئ ما تخرب سمعتنا السمحة دي بجوعيرك دا

Post: #173
Title: Re: كنت هناك... (نِقة وصور)
Author: طارق جبريل
Date: 12-30-2010, 06:00 PM
Parent: #170

Quote: مقطوع الطارئ ما تخرب سمعتنا السمحة دي بجوعيرك دا

النبي فيك يا شقي الحال
هسي انت فضلك سمعة ترقد عليها
ياخي انت مباري العنكوليب والطلح
تقولي سمعة

Post: #171
Title: Re: كنت هناك... (نِقة وصور)
Author: طارق جبريل
Date: 12-30-2010, 05:54 PM
Parent: #169

jabana.JPG Hosting at Sudaneseonline.com


فنجان جبنة بي شمالو..
بالله الجمُر دة بين خرابات القهوة ديل
موش زي طرود البلح بين الناس في قطر كريمة

Post: #172
Title: Re: كنت هناك... (نِقة وصور)
Author: طارق جبريل
Date: 12-30-2010, 05:59 PM
Parent: #171

jabana2.JPG Hosting at Sudaneseonline.com


بتاع الجبنة ذاته طلع رشاشة للاسف
هسي بالله زي دة موش كان مفروض يكون في فصل بيدرس
غايتو الانقاذ دي عشان نصلح ما فعلته في السودان
دايرين لينا خرطمية سنة

والأدهى تعليم الأساس
ياخي أبسط شي يتبادر لي ذهنك
كيف تخت ليك ولد مراهق مع طفل
يا جماعة دي مشكلة لمن يكلموك عنها في السودان راسك يشيب
ديل حا يراقبوهم كيف
غايتو الزول الاقترح تعليم الاساس دة
لو لقيت طريقة بعضيه في نص راسه
دة لو ما رشيتو جبخانة


Post: #175
Title: Re: كنت هناك... (نِقة وصور)
Author: طارق جبريل
Date: 12-30-2010, 06:41 PM
Parent: #172

Quote: اخوي ود جبرين سلام وحمدا لله على سلامتك

ابدالك من وين في بوستيك اللذيذ طبعا اكتر شي ضحكني كلامك عن بنات السودان وده زكرني نكتة

المغترب المشى السودان بعد غربة طويلة واول ما مشى عزموهو عرس اها قال ليك اخونا قعد إتلفت ليك ويعاين للبنات السمحات

الراس بقى زي مروحة التربيزة يمين وشمال بعد شوية قال لي صاحبو انت البنات الشينات مشن وين داك طوالي قال ليو ما عرسناهن نحن

واكتر شي لفت نظري وابكاني في البوست صورة الوالد الغالي ربنا إديهو الصحة والعافية وإخليهو لينا كلنا ما ليك براك

يا زول الله إديك العافية وطريتنا البلد الحبيب الاصلو ما بتنسي



ـــــــــــــــــــــــــــــــــــــــــــــــــ
ود الصايم ده نسى جزمو هنا في الرياض ومشى السودان ولا شنو؟

سامية قريبتي كيفنك ياخي
نحن غايتو نحمد ربنا ما حصلنا الشنا دي
وحاتك يا قريبتي سماحي بقت فايتي الحد
آبعرفن البنوت ديل الحصلهن شنو
يا ربي خلن أكل الويكي


ربنا يدي الوالد الصحة ويخليه للجميع

ود الصايم جاء طرزان ياخي



يا قريبتي مداخلاتك سويهن تحت فشان ما تعذبي سيد البوست يفتشلهن
خلي ابو العيال يوريكي كيفن

تسلمي من كل شر يا رب

Post: #176
Title: Re: كنت هناك... (نِقة وصور)
Author: بكري عباس علي
Date: 12-30-2010, 06:55 PM
Parent: #175

ود جبيريل

كل سنة وانت طيب ياخي
شهيتنا السودان ياخي بالملاح والكسرة والشية حقتك دي

Post: #179
Title: Re: كنت هناك... (نِقة وصور)
Author: طارق جبريل
Date: 12-31-2010, 05:48 PM
Parent: #176

Quote: ود جبيريل

كل سنة وانت طيب ياخي
شهيتنا السودان ياخي بالملاح والكسرة والشية حقتك دي


كل سنة وانت طيب يا حبيب
شوف ليك اقرب طيارة ونط فيها

Post: #177
Title: Re: كنت هناك... (نِقة وصور)
Author: الشفيع محمد صادق
Date: 12-30-2010, 07:22 PM
Parent: #175

السنجك الجميل ود جبرين
حمدلله علي السلامة
متابعين عينك النجيضة ولسانك الفصيح ... يسلمو

ربنا يحفظ ليك الوالد ويمتعو بالصحة والعافية ويديكم رضاهو
كل سنة وإنت طيب

Post: #178
Title: Re: كنت هناك... (نِقة وصور)
Author: ساميه حامد
Date: 12-30-2010, 08:07 PM
Parent: #177

Quote:
يا قريبتي مداخلاتك سويهن تحت فشان ما تعذبي سيد البوست يفتشلهن
خلي ابو العيال يوريكي كيفن

تسلمي من كل شر يا رب


في داعي للاحراج يا قريبي حالتي انا دخلت البورض ده وانا عاملة تفتيحة بعد الدروس الاداني ليها ابو العيال

لكن دي مابعرفها جات كدي مالها اظني كنت فاتحة الصفحة الاولى وطقشت الرد طواالي
Quote: نحن غايتو نحمد ربنا ما حصلنا الشنا دي


عاد انت ماك سمح ولازم تلقى السمح

Post: #181
Title: Re: كنت هناك... (نِقة وصور)
Author: طارق جبريل
Date: 12-31-2010, 05:51 PM
Parent: #178

Quote: عاد انت ماك سمح ولازم تلقى السمح


يا قريبتي اقوم اصدق

Post: #182
Title: Re: كنت هناك... (نِقة وصور)
Author: طارق جبريل
Date: 12-31-2010, 05:55 PM
Parent: #181

jami3.JPG Hosting at Sudaneseonline.com


الجامع دة ((قالوا)) عملوا البشير لي ابوهو
لا تعليق..

Post: #183
Title: Re: كنت هناك... (نِقة وصور)
Author: طارق جبريل
Date: 12-31-2010, 05:57 PM
Parent: #182

mahjoubcharif1.JPG Hosting at Sudaneseonline.com

mahjoubcharif2.JPG Hosting at Sudaneseonline.com



وودتني دكتورة سوسن للزول الزين بالحيل محجوب شريف
قلتلو: يا ضُلنا.. الله يديك العافية
الناس تكرم في رموزها ونحن رموزنا مانا سائلين منهم
قلتلو: يا ((ود مريم)) دحين سامحنا
نحن غلابة ومشدوهين مع رزق الوليدات
قلتلو: دحين لا تزعل مننا
والله مانا قادرين نردلك الدين
الله يرضى عليك ألقالنا العذر
قالي: يا طارق يا ولدي شوفتة جيتك دي
يمين تزيدني عُمُر فوق حقي
قلتلو: يا الزين وكتين تضيقبنا
قاعدين نرجع لي قصايدك
ياها السلوى
قالي: يا ولدي طول ما النيل دة جاري
ومهيرة زي ما ياها ما بتجينا عوجة

سلمت عليه في راسه ومرقت حزين
زول زي دة في دولة تانية كان هسي
عاملين ليه اقامة خاصة وأطباء خاصين

شكرا دكتورة سوسن
شكرا لتلك الساعة الجميلة
التي اهديتني اياها مع هذا القامة

يا ناس هوووووووي رموزكم دي ابقوا عليها عشرة

Post: #184
Title: Re: كنت هناك... (نِقة وصور)
Author: طارق جبريل
Date: 12-31-2010, 05:58 PM
Parent: #183

nazim.JPG Hosting at Sudaneseonline.com



وناظم جاء تعبان من اللِعِب رقد نام قبل ما يتعشى

Post: #185
Title: Re: كنت هناك... (نِقة وصور)
Author: طارق جبريل
Date: 12-31-2010, 05:59 PM
Parent: #184

magabir1.JPG Hosting at Sudaneseonline.com


وهنا ((ينام)) احبابنا في سلام

Post: #186
Title: Re: كنت هناك... (نِقة وصور)
Author: طارق جبريل
Date: 12-31-2010, 06:00 PM
Parent: #185

magabir2.JPG Hosting at Sudaneseonline.com


ومشيت هناك..
غلبني امشي ضومة ضومة..
رجليني ابت تشيلني وراسي ماهو داير يصدق لليلي..
صريت جلابيتي وقعدت جنب راسها:
يمة انا طارق..
بت ابو دية كيفنك..
دموعي جرن..
قريت ما تيسر من القرآن..
قشيت دموعي بي كُم جلابيتي..
يمة مبروك عليكي العيد..
يمة خليتُن يضبحوا في الضحية..
يمة ماني مصدق انك ماكي قاعدي في البنبر اللخدر وانا تحتك اكسرلك في الخروف..
يمة الصاج الكبير لليلي معلق في المخزن مافي زولا قادر ينزلو..
يمة الكوانين ألاتك لليلي بي هبودن مكومات جنب برميل المريق..
يمة المقصوصة ألتك لليلي معلقة فوق برميل القمح من تالا ناس ام النصر..
يمة المفراكة والكونُش كبسن العنكبوت..
يمة الزقاق الكنتي تشدي فيهو صاج اللحمة ضللناهو وسوينالا فيهو مروحة
يمة علبة الصندوق لليلي قاعدي وبي اوراقها
يمة غلبني اشيل الدهبايات السويتيهن لي ((ريم))
تلاتة سنين كل مرة اجي يغلبني اشيلن
يمة اخواني قالولي ارجع..
بس غلبني يمة..
ماني قادر اصدق اجي ما ألقاكي..
يمة بعد الفطور ماشي علي البلد..
ماشي أقص بيوت ود أبو دية..
ماشي أشوف تميرات الفردوس بت الريح في أوسلي..
ماشي اشوف ود تميم قالوا تعبان ربنا يشافيهو..
يمة دايراتمشى في خور السواعير واترحم علي خالتي ستنور..
يمة وليداتي طيبين ما عندهم عوجة ما قدرت اجيبون فشان المدارس..

غلبني اكمل..
يمة الله يرحمك..
يمة الله يجعلك من الصديقين والشهداء
اللهم تقبلها قبولا حسنا
اللهم اجعل مثواها الجنة
اللهم ابني لها قصرا في الجنة

الله يرحمك يا بت ابو دية

Post: #180
Title: Re: كنت هناك... (نِقة وصور)
Author: طارق جبريل
Date: 12-31-2010, 05:49 PM
Parent: #177

Quote: السنجك الجميل ود جبرين
حمدلله علي السلامة
متابعين عينك النجيضة ولسانك الفصيح ... يسلمو

ربنا يحفظ ليك الوالد ويمتعو بالصحة والعافية ويديكم رضاهو
كل سنة وإنت طيب


ويحفظك يا حبيبنا
وكل سنة وانت بالف خير

Post: #187
Title: Re: كنت هناك... (نِقة وصور)
Author: الطيب شيقوق
Date: 12-31-2010, 07:55 PM
Parent: #180

بكري دا نائم ولا شنو

Post: #188
Title: Re: كنت هناك... (نِقة وصور)
Author: omar arbab
Date: 12-31-2010, 09:06 PM
Parent: #187

58056_1766569165784_1285823289_32027219_4335092_nsudan1sudan.jpg Hosting at Sudaneseonline.com

بالله راجع وين

Post: #189
Title: Re: كنت هناك... (نِقة وصور)
Author: Amira Elsheikh
Date: 12-31-2010, 09:52 PM
Parent: #188

khart6.JPG Hosting at Sudaneseonline.com

الصورة دة ماغريبة على كلو كلو .....

كيفك ياطارق والف حمدلله على السلامة وسعيدة بشوفتك وربنا يجمعنا فى ساعة خير
وعبر البوست تحياتى لكل الناس بتاعين اليوم داك وتحية خاصة للزول اللطيف المهذ ب محمد عمر جبريل

Post: #193
Title: Re: كنت هناك... (نِقة وصور)
Author: طارق جبريل
Date: 01-02-2011, 00:03 AM
Parent: #189

Quote: كيفك ياطارق والف حمدلله على السلامة وسعيدة بشوفتك وربنا يجمعنا فى ساعة خير
وعبر البوست تحياتى لكل الناس بتاعين اليوم داك وتحية خاصة للزول اللطيف المهذ ب محمد عمر جبريل

بت الشيخ كيفنك ياخي
وان شاء الله الاجازة كانت مريحة

محمد عمر جبريل زول عجيب
زول سوداني حقيقي
سعدت جدا بالتعرف عليه عن قرب

Post: #190
Title: Re: كنت هناك... (نِقة وصور)
Author: Ali Sirelkhatim
Date: 12-31-2010, 10:02 PM
Parent: #188

Quote:

ومشيت هناك..
غلبني امشي ضومة ضومة..
رجليني ابت تشيلني وراسي ماهو داير يصدق لليلي..
صريت جلابيتي وقعدت جنب راسها:
يمة انا طارق..
بت ابو دية كيفنك..
دموعي جرن..
قريت ما تيسر من القرآن..
قشيت دموعي بي كُم جلابيتي..
يمة مبروك عليكي العيد..
يمة خليتُن يضبحوا في الضحية..
يمة ماني مصدق انك ماكي قاعدي في البنبر اللخدر وانا تحتك اكسرلك في الخروف..
يمة الصاج الكبير لليلي معلق في المخزن مافي زولا قادر ينزلو..
يمة الكوانين ألاتك لليلي بي هبودن مكومات جنب برميل المريق..
يمة المقصوصة ألتك لليلي معلقة فوق برميل القمح من تالا ناس ام النصر..
يمة المفراكة والكونُش كبسن العنكبوت..
يمة الزقاق الكنتي تشدي فيهو صاج اللحمة ضللناهو وسوينالا فيهو مروحة
يمة علبة الصندوق لليلي قاعدي وبي اوراقها
يمة غلبني اشيل الدهبايات السويتيهن لي ((ريم))
تلاتة سنين كل مرة اجي يغلبني اشيلن
يمة اخواني قالولي ارجع..
بس غلبني يمة..
ماني قادر اصدق اجي ما ألقاكي..
يمة بعد الفطور ماشي علي البلد..
ماشي أقص بيوت ود أبو دية..
ماشي أشوف تميرات الفردوس بت الريح في أوسلي..
ماشي اشوف ود تميم قالوا تعبان ربنا يشافيهو..
يمة دايراتمشى في خور السواعير واترحم علي خالتي ستنور..
يمة وليداتي طيبين ما عندهم عوجة ما قدرت اجيبون فشان المدارس..

غلبني اكمل..
يمة الله يرحمك..
يمة الله يجعلك من الصديقين والشهداء
اللهم تقبلها قبولا حسنا
اللهم اجعل مثواها الجنة
اللهم ابني لها قصرا في الجنة

الله يرحمك يا بت ابو دية

يااللللللللللللللللللللللللللللللله يا طارق ياخ..با اخ بككيتنا معاك ياخ..

نسال الله لها الرحمة والمغفرة..

Post: #194
Title: Re: كنت هناك... (نِقة وصور)
Author: طارق جبريل
Date: 01-02-2011, 00:07 AM
Parent: #190

Quote:
يااللللللللللللللللللللللللللللللله يا طارق ياخ..با اخ بككيتنا معاك ياخ..

نسال الله لها الرحمة والمغفرة

معليش يا سر الختم ياخي
بس القى لينا العذر
هذا الجرح له اربعة سنين وصعب يندمل
اللهم ارحم جميع موتانا

Post: #192
Title: Re: كنت هناك... (نِقة وصور)
Author: طارق جبريل
Date: 01-01-2011, 11:59 PM
Parent: #188

يا ود ارباب ياخي بطل سرقة من منابر الشوايقة
وما تحرق لينا البوست كله جايي في الطريق

Post: #191
Title: Re: كنت هناك... (نِقة وصور)
Author: طارق جبريل
Date: 01-01-2011, 11:54 PM
Parent: #187

Quote: بكري دا نائم ولا شنو


اها يا شقي الحال داير تجيبلنا وقيف كمان

Post: #195
Title: Re: كنت هناك... (نِقة وصور)
Author: حذيفه ابراهيم الكباشي
Date: 01-02-2011, 00:41 AM
Parent: #191

ااااااه يا طارق جبرين


ضحكتنا بالحيـــل وبكيتنا بالحيــــــل













...

Post: #196
Title: Re: كنت هناك... (نِقة وصور)
Author: كمال الشادي
Date: 01-02-2011, 07:54 AM
Parent: #195

الحبيب طارق جبريل
الله يديك العافية
ويخليك لي اولادك
ويخليهم ليك

قريت بوستيك الجميل ده مرتين من اولو لي اخرو
اجي عند صور ابوك
وصور المقابر اقعد ابكي

الله يهنيك بي كل الناس البتحبك
ويهنيك بيهم يا طارق

حقيقي الواحد افتقدك جدا

اجازة سعيدة
عشان تاني ماتجي وتقول حموني الاجازة
عودا حميدا يازول
وعام ميلادي جديد
ان شاء الله احلى من كل القبلو
وتحياتي

Post: #197
Title: Re: كنت هناك... (نِقة وصور)
Author: ياسر السر
Date: 01-02-2011, 11:41 AM
Parent: #196


شكرا انعام عبد الحفيظ
شكر السمؤل بدر الدين
شكرا تيسير النوراني
شكرا محمد عمر جبريل
شكرا فادية اليمني
شكرا صالح تبدلينا
شكرا عثمان رغيم
شكرا اسمهان
شكرا بت الشامي
شكرا آل رغيم
شكرا ايمن الطيب
شكرا بت الهنا
ما اكون نسيت لي زول


لا لا ما نسيت ليك زول حشاك يا ود جبريل ,,, تقبل ودي يا جميل


تحياتي : ياسر العيلفون

Post: #198
Title: Re: كنت هناك... (نِقة وصور)
Author: ديامي
Date: 01-02-2011, 12:54 PM
Parent: #197

الأخ طارق

تحياتي

بقدرما اضحكتني ( أضحك الله سنك )

بقدر ما أبكيتني وأنت تزور المرحومة ( جعل الله قبرها روضة من رياض الجنة )

بكيت لانني تذكرت حينا من الزمن الجميل

كنا نأتي فيه لزيارتكم في البيت

ربما قبل 30 عاما

سأحكي لك في الماسنجر ، فالبوست خفيف الظل والروح

وتفاصيل الخاص قد تبعده عن مساره

لك كل الحب والود

وتحايا عبرك لقريبك وصديقي الوفي يس محمد الحسن

Post: #199
Title: Re: كنت هناك... (نِقة وصور)
Author: السمؤال بدرالدين
Date: 01-02-2011, 01:19 PM
Parent: #198

بركة الوصلت طيب لي وليداتك
عامل اجازتك اليومين دي
تاني اقل من شهرين لاتعتب تجينا

Post: #204
Title: Re: كنت هناك... (نِقة وصور)
Author: طارق جبريل
Date: 01-02-2011, 02:16 PM
Parent: #199

Quote: بركة الوصلت طيب لي وليداتك
عامل اجازتك اليومين دي
تاني اقل من شهرين لاتعتب تجينا


يا حبيب كيفنك
اجازي ايامها ماهن ماهلات
لكن يعلم الله اليشوفك انت يوم واحد بس يكون سعيد
تحياتي للبنيات وامهن

Post: #203
Title: Re: كنت هناك... (نِقة وصور)
Author: طارق جبريل
Date: 01-02-2011, 02:15 PM
Parent: #198

Quote: الأخ طارق

تحياتي

بقدرما اضحكتني ( أضحك الله سنك )

بقدر ما أبكيتني وأنت تزور المرحومة ( جعل الله قبرها روضة من رياض الجنة )

بكيت لانني تذكرت حينا من الزمن الجميل

كنا نأتي فيه لزيارتكم في البيت

ربما قبل 30 عاما

سأحكي لك في الماسنجر ، فالبوست خفيف الظل والروح

وتفاصيل الخاص قد تبعده عن مساره

لك كل الحب والود

وتحايا عبرك لقريبك وصديقي الوفي يس محمد الحسن


ديامي كيفنك ياخي
يا زول والله شوقتني لمعرفة اخبار ذلك الزمن الجميل
يس زول زين ياخي لي منه سنين والله
منتظرك في الخاص

Post: #202
Title: Re: كنت هناك... (نِقة وصور)
Author: طارق جبريل
Date: 01-02-2011, 02:13 PM
Parent: #197

Quote: شكرا انعام عبد الحفيظ
شكر السمؤل بدر الدين
شكرا تيسير النوراني
شكرا محمد عمر جبريل
شكرا فادية اليمني
شكرا صالح تبدلينا
شكرا عثمان رغيم
شكرا اسمهان
شكرا بت الشامي
شكرا آل رغيم
شكرا ايمن الطيب
شكرا بت الهنا
ما اكون نسيت لي زول


لا لا ما نسيت ليك زول حشاك يا ود جبريل ,,, تقبل ودي يا جميل


تحياتي : ياسر العيلفون


ود العيلفون كيفنك
ياخي الناس ديل من الجمال ما يجعلك تنحني امامهم

Post: #201
Title: Re: كنت هناك... (نِقة وصور)
Author: طارق جبريل
Date: 01-02-2011, 02:12 PM
Parent: #196

Quote: الحبيب طارق جبريل
الله يديك العافية
ويخليك لي اولادك
ويخليهم ليك

قريت بوستيك الجميل ده مرتين من اولو لي اخرو
اجي عند صور ابوك
وصور المقابر اقعد ابكي

الله يهنيك بي كل الناس البتحبك
ويهنيك بيهم يا طارق

حقيقي الواحد افتقدك جدا

اجازة سعيدة
عشان تاني ماتجي وتقول حموني الاجازة
عودا حميدا يازول
وعام ميلادي جديد
ان شاء الله احلى من كل القبلو
وتحياتي


حبيبنا كيمو ياخي كيفنك
يا زول يا زين والله ضربت ليك من السودان بس ابيت ترفع
كنت عايز احكي ليك عن حواري الخرطوم
بورجوازيي الخرطوم الجدد
والسواد الاعظم من فقراءها
البلد يعيش تحت رمال متحركة كثيرة يا كيمو
لكن البسطاء لا زال لهم نكهتهم
حقيقي اشتق ليك يا مقطوع الطاري

Post: #200
Title: Re: كنت هناك... (نِقة وصور)
Author: طارق جبريل
Date: 01-02-2011, 02:10 PM
Parent: #195

Quote: ااااااه يا طارق جبرين


ضحكتنا بالحيـــل وبكيتنا بالحيــــــل


حذيفة يا حبيب
اسدني ان التقينا في غفلة من الزمن
حقيقي سعيد بمعرفتك

Post: #205
Title: Re: كنت هناك... (نِقة وصور)
Author: طارق جبريل
Date: 01-02-2011, 02:21 PM
Parent: #200

shiba1.jpg Hosting at Sudaneseonline.com



شبا وعسوم خبارن لا تجيبو
طريت البركل البنقر دليبو

طولنا من أرض الحنان




ومسكنا الطريق لي شبا..
متين نوصل للبلد طولنا من أرض الحنان..

Post: #206
Title: Re: كنت هناك... (نِقة وصور)
Author: طارق جبريل
Date: 01-02-2011, 02:22 PM
Parent: #205

shiba2.JPG Hosting at Sudaneseonline.com

وقنا في الطريق نصلي و((نطلق)) رجلينا..
طارق
السني

Post: #207
Title: Re: كنت هناك... (نِقة وصور)
Author: طارق جبريل
Date: 01-02-2011, 02:23 PM
Parent: #206

shiba3.JPG Hosting at Sudaneseonline.com

لطفي جبريل وتجاني جبريل..
ياخي خلونا نرتاح شوية ونشربلنا شاي ولا قهوة

Post: #208
Title: Re: كنت هناك... (نِقة وصور)
Author: طارق جبريل
Date: 01-02-2011, 02:24 PM
Parent: #207

shiba4.JPG Hosting at Sudaneseonline.com

.. ودخلنا شبا

Post: #209
Title: Re: كنت هناك... (نِقة وصور)
Author: طارق جبريل
Date: 01-02-2011, 02:25 PM
Parent: #208

shiba5-1.JPG Hosting at Sudaneseonline.com

خور السواعير وبيت أولاد تميم ربنا يشافيهو
يا جماعة الله البلد دي بقتلي زي الكشت كدي
زمان الخور دة كان كبير..
عشان تمشي من بيت جدي يوسف ابو دية لي بيت اولاد تميم
دايرلك مسافة ورجلينك تغتس في الرملة وتصل مكندك كله كله
وحات ربي من القرونة للسواعير انا ولطفي اخوي جينا دقيقتين
ياخي البلد بقت زي توب الدمورية وكتين يغسلوه ويكِش

Post: #210
Title: Re: كنت هناك... (نِقة وصور)
Author: طارق جبريل
Date: 01-02-2011, 02:26 PM
Parent: #209

shiba5-2.JPG Hosting at Sudaneseonline.com

شبا من فوق جبل السروي..
وحات ود الكرسني منظر يسر العين
وان كان لي ماني كنت داير ارجع كله كله

Post: #211
Title: Re: كنت هناك... (نِقة وصور)
Author: طارق جبريل
Date: 01-02-2011, 02:27 PM
Parent: #210

shiba5.JPG Hosting at Sudaneseonline.com

كمان شبا

Post: #212
Title: Re: كنت هناك... (نِقة وصور)
Author: طارق جبريل
Date: 01-02-2011, 02:29 PM
Parent: #211

shiba6.JPG Hosting at Sudaneseonline.com

باب جدي يوسف ابو دية في السواعير..
والله انا صغير الباب دة كنت مجننو جن
دايما مشعلق فيهو..
واول ما يشوفوني ناس ود الدرويش مشعلق في الباب
يقولوا: بُطان الخرطوم جوا

Post: #213
Title: Re: كنت هناك... (نِقة وصور)
Author: طارق جبريل
Date: 01-02-2011, 02:30 PM
Parent: #212

shiba7.JPG Hosting at Sudaneseonline.com

ابراهيم جبريل..
في الحجر دة لقيناهو كاتبلو تذكار ((ابراهيم جبريل 30/5/1966))
والله لمن العبرة خنقتو

Post: #214
Title: Re: كنت هناك... (نِقة وصور)
Author: طارق جبريل
Date: 01-02-2011, 02:31 PM
Parent: #213

shiba8.JPG Hosting at Sudaneseonline.com

مبارك الطيب موسى (قرِن)
والشارع الوراهو دة طريق دنقلا
وهو واقف في اعلى حتة في جبل السروي

Post: #215
Title: Re: كنت هناك... (نِقة وصور)
Author: منال
Date: 01-02-2011, 08:18 PM
Parent: #214

دائما انا هنا ,,,, اقرأ ,,,, ثم ,,,,, اعيد القراءة
بهرتنى تلك الوسامة المشعة بين احرفك ,,, فعلمت ان الحرف مرآة صاحبه
ان كان وسيما فقلب كاتبه اوسم ,,,,

حروفك بتنقط عسل ياطارق
سلمت وقلبك النبيل وروحك المرحة ,,,,

سأكون هنا متى ماسمح ظرفى ,,, ومابقطف زهورك ,,,, بث ,,,, بقرأ وبعاين ,,,,


أجمل بوست لعام 2010 ,,,,,,

Post: #216
Title: Re: كنت هناك... (نِقة وصور)
Author: طارق جبريل
Date: 01-02-2011, 10:33 PM
Parent: #215

Quote: دائما انا هنا ,,,, اقرأ ,,,, ثم ,,,,, اعيد القراءة
بهرتنى تلك الوسامة المشعة بين احرفك ,,, فعلمت ان الحرف مرآة صاحبه
ان كان وسيما فقلب كاتبه اوسم ,,,,

حروفك بتنقط عسل ياطارق
سلمت وقلبك النبيل وروحك المرحة ,,,,

سأكون هنا متى ماسمح ظرفى ,,, ومابقطف زهورك ,,,, بث ,,,, بقرأ وبعاين ,,,,


أجمل بوست لعام 2010 ,,,,,,

يا خلايق الله هسي انا اعوعي
ولا اقع اكسر رقبتي
ولا ولع في روحي دي جاز

يا بت الناس برحة علينا بنقوم نفط سطر

Post: #217
Title: Re: كنت هناك... (نِقة وصور)
Author: هويدا شرف الدين
Date: 01-03-2011, 07:44 AM
Parent: #216

عارفين يا ناس سودانيز أون لاين

حلفت ما ادخل مع زول لا في زول بسال من زول غائب ولا تقولو فاتت وين خوتكم ماها خوه تب لا انت ولا المسنوح طلعتو ما فيكم فائده ، لكن التسلسل الجميل والكلمات العذبه والوصف الرائع والصور التي تشع بالحياة ، والحروف التي تنم وتخرج من شخص رائع وتنبسق من روعة نفسه وصفاء روحه قادتني مجبره ومرغمه لاخط مداخله صغيره قد لا تعني شئيا في هذا البوست الرائع وبقدر ما اسعدتني الحروف هي نفسها المتني لما كتبته عن والدتك التي اسال الله أن يرحمها ويغفر لها وهذا هو حال الدنيا وأن يجعل الجنه مثواها وكم هذتني صورة والدك اسال الله ان يمد في ايامه ويعافيه ، بالرغم من انكم ما بتستاهلو لا انت ولا المسنوح ومع السلامه

Post: #218
Title: Re: كنت هناك... (نِقة وصور)
Author: سامي عبد الوهاب إدريس
Date: 01-03-2011, 10:05 AM
Parent: #217

يا سلام يا جبريلا ياخ

والله حكي ممتع وطاااااااااااعم

أضحكتنا...

ثمّ أبكيتنا... الله يرحم الوالدة ويدخلها فسيح جناته

ويدي الوالد الصحة والعافية

التحية للوليدات وأمهم

Post: #220
Title: Re: كنت هناك... (نِقة وصور)
Author: طارق جبريل
Date: 01-03-2011, 10:50 AM
Parent: #218

Quote: يا سلام يا جبريلا ياخ

والله حكي ممتع وطاااااااااااعم

أضحكتنا...

ثمّ أبكيتنا... الله يرحم الوالدة ويدخلها فسيح جناته

ويدي الوالد الصحة والعافية

التحية للوليدات وأمهم


حبيبنا سامي
ياخي كيفنك
الوليدات وامهم نعلهم طيبين
يا حبيب السودان بلد غريب وعجيب
ملئ بالمتناقضات
حزن وفرح ثم حزن مرة أخرى
نسوي شنو عاد لا فكاك

Post: #221
Title: Re: كنت هناك... (نِقة وصور)
Author: طارق جبريل
Date: 01-03-2011, 10:53 AM
Parent: #220

shiba14.JPG Hosting at Sudaneseonline.com

ودخلت مراح عمي سيد احمد بغداد
وسقينا الغنمايات ألاتو

Post: #222
Title: Re: كنت هناك... (نِقة وصور)
Author: طارق جبريل
Date: 01-03-2011, 10:54 AM
Parent: #221

shiba19.JPG Hosting at Sudaneseonline.com

هني في العنقريب دة كان بيرقد جدي يوسف ابو دية رحمه الله..
والباب المسدود بالطين دة كان بيودي علي خور السواعير
ويفتح في بيت ناس ود تميم..
والاوضة الصغيري الجنب العنقريب كنت بخت فيها القُمري
في كرتونة عشان اشيلو معاي الخرطوم
زمن كان زين يعلم الله

Post: #223
Title: Re: كنت هناك... (نِقة وصور)
Author: طارق جبريل
Date: 01-03-2011, 10:56 AM
Parent: #222

shiba20.JPG Hosting at Sudaneseonline.com

الحوش دة ياما لعبت فيه..
شوفتوا الحيطي القصيري ديك.. دة المستراح
وكتين تتزنق تقضي غرضك هناك
لا سايفون لا مراوح يشيلن الريحي
تتقولع في سماء الله دة
وترتاح وتمرق تاني

Post: #224
Title: Re: كنت هناك... (نِقة وصور)
Author: طارق جبريل
Date: 01-03-2011, 10:57 AM
Parent: #223

shiba22-1.JPG Hosting at Sudaneseonline.com

زير الفردوس بت الريح
يمين في الحيط ألاتو كتبتلي جنس كتابي
أي بت في شبا حبيتها
جيت كتبت الحرف الأول في اسمها في حيطة الجن دي

Post: #225
Title: Re: كنت هناك... (نِقة وصور)
Author: طارق جبريل
Date: 01-03-2011, 11:01 AM
Parent: #224

shiba15.jpg Hosting at Sudaneseonline.com

الواقود رااااقد..
والفرن موجود..
بس وينم نسوان زماااااان يا حليلن..

Post: #226
Title: Re: كنت هناك... (نِقة وصور)
Author: طارق جبريل
Date: 01-03-2011, 11:04 AM
Parent: #225

shiba22-2.jpg Hosting at Sudaneseonline.com

الله يرحمك يا الفردوس
كانت تملالي الزير دة تمُر لامن أجي من الخرطوم
وتختلي الكوريي الباردي جنب نقاع الزير..
اقبض في الطير والقمري وارجع لي زيري دة وآكل التمُر

Post: #227
Title: Re: كنت هناك... (نِقة وصور)
Author: طارق جبريل
Date: 01-03-2011, 11:05 AM
Parent: #226

shiba22.JPG Hosting at Sudaneseonline.com

ويكة في حوش ود ابو دية..
ما عرفناها حقت منو..
مفروض يدونا حق الإيجار

Post: #228
Title: Re: كنت هناك... (نِقة وصور)
Author: طارق جبريل
Date: 01-03-2011, 11:07 AM
Parent: #227

shiba27.JPG Hosting at Sudaneseonline.com

حتى البصل خاتنو في حوش ابو دية

Post: #229
Title: Re: كنت هناك... (نِقة وصور)
Author: طارق جبريل
Date: 01-03-2011, 11:09 AM
Parent: #228

في شارع كدي علي البحر في ام درمان
ماني عارفه اسمه شنو
اصلو ام درمان دي انا بيني وبينها غير الخير والاحسان
بعرف فيها ثلاثة حاجات.. المستشفى العسكري
والفتيحاب وقندهار
المهم يا الزينين الشارع دة مليان طلح
بالله كل مترين تلقالك واحد مقنطر وخاتيلو كوم طلح قدامه
السر في كدي شنو ماني عارف
باقيلي ان بقى زول رمالو سجاري في الشارع داك
بالله طلح الجن دة كله يولع
الخوف الوكت داك تلقى النسوان كلهن يتجارن
وكل واحدي لافحالا ((شملي)) وعلي شارع البحر ابو طلحا مولع داك

الطلح هسي مع الشقق دي بقى شيتا تاني
خشبايات كدي في البلكونة
وتحتن زير صوغوير كدي وشملة مخيتة
والواحدي تلقاها في البلكونة دخاخينها في السماء
لا تعرف قاعدي تشويلا في لحم
ولا قاعدي تدخِن
باقيلي حا يجي علينا وكت الطلح دة
يبقى زي بخاخ الريحة
الواحدي تديها بخة في اوضة النوم وخلاص
والدلكي حا تبقى مقرطسة زي لِبان ((الكلوريتس))
تراها ((الخومرة)) بقت بي فتايل من زمااااااااان

Post: #219
Title: Re: كنت هناك... (نِقة وصور)
Author: طارق جبريل
Date: 01-03-2011, 10:48 AM
Parent: #217

Quote: عارفين يا ناس سودانيز أون لاين

حلفت ما ادخل مع زول لا في زول بسال من زول غائب ولا تقولو فاتت وين خوتكم ماها خوه تب لا انت ولا المسنوح طلعتو ما فيكم فائده ، لكن التسلسل الجميل والكلمات العذبه والوصف الرائع والصور التي تشع بالحياة ، والحروف التي تنم وتخرج من شخص رائع وتنبسق من روعة نفسه وصفاء روحه قادتني مجبره ومرغمه لاخط مداخله صغيره قد لا تعني شئيا في هذا البوست الرائع وبقدر ما اسعدتني الحروف هي نفسها المتني لما كتبته عن والدتك التي اسال الله أن يرحمها ويغفر لها وهذا هو حال الدنيا وأن يجعل الجنه مثواها وكم هذتني صورة والدك اسال الله ان يمد في ايامه ويعافيه ، بالرغم من انكم ما بتستاهلو لا انت ولا المسنوح ومع السلامه


يا بت المناصير ياخي كيفنك
امسحيها لينا في وشنا
بعدين هو المسنوح داك فاضي من العنكوليب والطلح
ياخي ان شاء الله خير
وتشكري على الكلمات الطيبات

Post: #230
Title: Re: كنت هناك... (نِقة وصور)
Author: محمد عبد الماجد الصايم
Date: 01-03-2011, 11:09 AM
Parent: #219


Post: #231
Title: Re: كنت هناك... (نِقة وصور)
Author: طارق جبريل
Date: 01-03-2011, 11:10 AM
Parent: #230

يا عمك بلاش شيل حال ياخي

Post: #232
Title: Re: كنت هناك... (نِقة وصور)
Author: ملكة سبأ
Date: 01-03-2011, 11:30 AM
Parent: #219

اها من قلت دخلنا شبا قلبي قالك وح

لكن ياحليلكم ياناس شبأ بقيتو تعدو بالكبري ومابتجيبو خبر لناس ورا

وحليلنا نحن البقينا من ناس ورا وياحليك يادرب البنطون

وياحليك ياطارق جبريل الجيت تحتنا وماشفناك

لكن يبقالي المراسلة الليلنا شافك لانو في يوم كدي قالي في خواجة عندو صلعة يقولولو ود جبرين يصور في الأوقاف ساااكت
وانا من بوامتي مامديت راسي شفتك



انت مبارك الطيب دا مش كان عندو دكان في درب العربات وانت طالع على مدرسة العرب ؟
اها المدرسة دي انا قريت فيها سنتين ومبارك دا يبقالي عرسلو بت كانت تقرا معانا بس نحن اصغر منها شوي
وشفت الكدندي والعواكر والكركتي وماخليت شي وبس بقيت فاتحي خشمي راجاك


Quote: جماعة الله البلد دي بقتلي زي الكشت كدي


انت ياطارق الحكايي دي شني؟
والله انا نفس الإحساس بجيني لمن امشي البلد
زمان الواحد لمن يقولو هاك ود الشي دا لناس جدك بالذات نص النهار في القيالة ديك مايفضلو الا يطق
اسي يبقالي كراع اختها في بيتنا الليل زمان والتاني طوالي تقع في بيت ناس جدي الكان في آخر البلد مننا .. يا البلد كشت يا نحن الاتعودنا على الوساع ومن الكلاكلة للخرتوم للدروشاب وياقلبي لاتحزن

بالله قلتلي كيف آود اعمي ومالك آبتسأل مننا
والله نحن الدنيا شادهانا شده شديدي خلاس


Post: #233
Title: Re: كنت هناك... (نِقة وصور)
Author: طارق جبريل
Date: 01-03-2011, 01:17 PM
Parent: #232

Quote: اها من قلت دخلنا شبا قلبي قالك وح

لكن ياحليلكم ياناس شبأ بقيتو تعدو بالكبري ومابتجيبو خبر لناس ورا

وحليلنا نحن البقينا من ناس ورا وياحليك يادرب البنطون

وياحليك ياطارق جبريل الجيت تحتنا وماشفناك

لكن يبقالي المراسلة الليلنا شافك لانو في يوم كدي قالي في خواجة عندو صلعة يقولولو ود جبرين يصور في الأوقاف ساااكت
وانا من بوامتي مامديت راسي شفتك


اووووه قريبتي بالحيل
ياخي كيفنك
ان شاء الله طيبي واسرتك بخير
والله اتمنينا الشوفة علي الاجازي كانت ممحوقة ما بين الخرطوم وشبا
الله غالب عاد
بعدين انت وكتين مراسلتكم دة شافني ما تلكزيه يناديني


Quote: انت مبارك الطيب دا مش كان عندو دكان في درب العربات وانت طالع على مدرسة العرب ؟


مبارك هسي بقى اسكيلو عالي شديد
بقى زول شركات وراحات الله يزيده من نعيمه



Quote: انت ياطارق الحكايي دي شني؟
والله انا نفس الإحساس بجيني لمن امشي البلد
زمان الواحد لمن يقولو هاك ود الشي دا لناس جدك بالذات نص النهار في القيالة ديك مايفضلو الا يطق
اسي يبقالي كراع اختها في بيتنا الليل زمان والتاني طوالي تقع في بيت ناس جدي الكان في آخر البلد مننا .. يا البلد كشت يا نحن الاتعودنا على الوساع ومن الكلاكلة للخرتوم للدروشاب وياقلبي لاتحزن


وحات الله يا قريبتي يبقالي البلد دي كشت ضومة ضومة



اماني ما بكيتلي جنس بكى في بيوت جدودي
رحمن الله

سائلين منك يعلم الله وبرضنا هناك بقينا مشدوهين

Post: #234
Title: Re: كنت هناك... (نِقة وصور)
Author: طارق جبريل
Date: 01-04-2011, 10:49 AM
Parent: #233

* بهناك للمطار.. بي جاي للمطار
يا الحبان الخرطوم بقت مقسومي نصين
بي هني للمطار من الديم وانت نازل لامن تصل جبل أولياء
الناس فقران والواحد تشوفه جايي من الشغل عرقه كابي
زي الزير وكتين يتملي ويبقى يسيل من الجنبات
وتلقاهو شايلو كيس رغيف وان بالغ بطيخايي
ويجرجر في كرعينه زي ولد الطهور الرافع العراقي بي يده
حتى الترفيه ياهو بنبر جنب ست شاي.. كبايي كبايتين وصحن لقيمات
وتلقى الناس تضحك بي باقي حيل كدي
ماهو ضحك شديد لانه حيلهم ميتان
ومن تمغرب ينكبسوا علي فول الجن دة
ومعاهو البوش..
يتعشوا وان بقى في نادي فيه قنوات يمشوا يشوفولم
مباراة للبرصا ولا ريال مدريد
وعشرة دي كان بالغوا تلقاهم مرقوا سرايرهم في الدرابزين
وتشوف في الكرعين مرفوعات بي عراقي وسروال مهلهلين كدي
وطبعا الفول يكون كبس علي المعدة
وتسمع في الوررررررررررر ورررررررر
وخلق الله دي تتنفس من لاااااااتحت

بهناك للمطار
حي الرياض وانت ماشي
صلاتي علي محمد
بالله يا دوب الناس حياتها تبدأ بعد تسعة
المولات والسوبر ماركتات تلقالك فيهم ناس ملللللللللس وناااااعمين
ولازين العربات قدامهم يملوهن بي حاجات ما اظن ناس بي غادي شافوهن
بعداك يا دوبهم برامجهم تبدأ
مرة عزموني في قهوة كدي فيها عربيي قعونجة مركبة في الحيطي
والديكور عامل كدي زي افلام الويسترن
يبقالك بعد شويي كلينت استود حا يجي ناطي بي حصانه كرطب كرطب كرطب
بالله حتي الجوامع بهناك مكندشة لامن يجيك البرد في عضامك
واصلي بالغلت ما شفتلي قدرة فول تغلي وتخرخر من تحت الكيس
الغامتنوا بيها زي الشافع العنده نزلة
شوف عيني حتى الطلح مقرطس في اكياس مختوت في السوبر ماركت
والفحم في اكياس نايلون
يا ربي فحمهم دة يكونوا قاعدين يشوبوا لحما جايي من السماء
ماهو متل لحمنا مع ناس بهناك
والعجب في الموية الصحية
الخرابات الزرق ديلك ماليات الدكاكين
وبهناك الباغات بي مويتن العكرة ديك في ابواب التلاجات في البيوت
ومحلات الاكل ذاتها شكلها براهو ماها زي ناس هناك
قزاز وقدرة فول ودكوة بي ليمون في صحن وسلطة مقطعة في صحن
بهناك الفول لو بقة سفري يدوهوا ليك في باغات بيض وسمحات
والجبنة فوقه تسر العين ماها موية جبنة
وارغيف علي حلاوة قطن ماهو زي رغيف بهناك العلي الجينز

غايتو الحياة تراها بهناك ماشي وبي هني ماشي
بيتلاقوا بس في المقابر

Post: #235
Title: Re: كنت هناك... (نِقة وصور)
Author: طارق جبريل
Date: 01-04-2011, 10:51 AM
Parent: #234

shiba25.JPG Hosting at Sudaneseonline.com


بواقي تمُر..
اماني ما مشتهيلي بربور

Post: #236
Title: Re: كنت هناك... (نِقة وصور)
Author: طارق جبريل
Date: 01-04-2011, 10:52 AM
Parent: #235

shiba26.JPG Hosting at Sudaneseonline.com

حليل امي الفردوس وحليل أوضتها الصغيري..

Post: #237
Title: Re: كنت هناك... (نِقة وصور)
Author: طارق جبريل
Date: 01-04-2011, 10:54 AM
Parent: #236

shiba29.JPG Hosting at Sudaneseonline.com

طريق دنقلا يمر خلف شبا
ومن بعيد جبل البركل يقف شامخا

Post: #238
Title: Re: كنت هناك... (نِقة وصور)
Author: طارق جبريل
Date: 01-04-2011, 10:55 AM
Parent: #237

shiba30.JPG Hosting at Sudaneseonline.com

حلات شبا وحلات جامعها
وحلات ناسها
وحات الله وكتين طلعت منها العبري خنقتني

Post: #239
Title: Re: كنت هناك... (نِقة وصور)
Author: طارق جبريل
Date: 01-04-2011, 10:57 AM
Parent: #238

shiba36.JPG Hosting at Sudaneseonline.com

حلات تميراتنا ونخيلنا
وحلات بلدي ورطبها وسواقينا

Post: #240
Title: Re: كنت هناك... (نِقة وصور)
Author: طارق جبريل
Date: 01-04-2011, 10:59 AM
Parent: #239

shiba39.JPG Hosting at Sudaneseonline.com

نادي شبا
تكلف به صلاح قوش
اكيد ما عشان سواد عيون ناس شبا
ولا حبا فيهم
بس عشان يفوز في الانتخابات
كانت دعاية انتخابية سمجة جدا جدا
كأنما شبا اصبحت عاقر

Post: #241
Title: Re: كنت هناك... (نِقة وصور)
Author: طارق جبريل
Date: 01-04-2011, 11:00 AM
Parent: #240

shiba41.JPG Hosting at Sudaneseonline.com

ومشينا جبل البركل

Post: #242
Title: Re: كنت هناك... (نِقة وصور)
Author: طارق جبريل
Date: 01-04-2011, 11:02 AM
Parent: #241

shiba43.JPG Hosting at Sudaneseonline.com

اهرامات..
وناس جاية تروح عن نفسها
وكمان واحدين جايين يحبوا

Post: #243
Title: Re: كنت هناك... (نِقة وصور)
Author: طارق جبريل
Date: 01-04-2011, 11:04 AM
Parent: #242

shiba44.JPG Hosting at Sudaneseonline.com

الله يعلم تاني متين حا ارجع هني

Post: #244
Title: Re: كنت هناك... (نِقة وصور)
Author: طارق جبريل
Date: 01-04-2011, 11:06 AM
Parent: #243

shiba45.JPG Hosting at Sudaneseonline.com


واشترينالنا قصب وقعدنا نلعمط

Post: #245
Title: Re: كنت هناك... (نِقة وصور)
Author: طارق جبريل
Date: 01-04-2011, 11:08 AM
Parent: #244

shiba48.JPG Hosting at Sudaneseonline.com


واتفرجخنا في الواطة:
يسري
مبارك
السني
طارق

Post: #246
Title: Re: كنت هناك... (نِقة وصور)
Author: طارق جبريل
Date: 01-04-2011, 11:09 AM
Parent: #245

يا الحبان من وصلت
لا شفتلي زولا شالو مكوة كهرباء فشان يكوي
ولا شفتلي كانون هزوه فشان مكوة الفحم
لا شفتلي بطانية مفروشة وفوقها ملايي
فشان اقول كووا هدومهم ليهم مدة
اتاريهم بقوا يكووا الهدوم بالقطعة
قالوا ويحيدتا تجي ويلمولا الهدوم المغسلة وتقعد تكوي فيهن
في النهاية تحسبن كم قطعة ويحاسبوها
وأصلن الغسالات ريحن النسوان راحة شديدي خلاص
بالله زمان تلقى الواحدي خاتي الطشت قدامها في لستك عربيي
وتلقاها مفرجخي والاوراك في السهلي
والخرطوش مرمي جنبها من جنب الماسورة
وتمشك في هدوم الجن ديل
وجنبها كانون فيهو علبة نيدو في النار وفيها صابون
تسييح فيهو وتشطف في الهدوم
هسي النسوان كلهن بقن بس يأمرن
العندها حبشيي ولا فلبينيي
اماني ما ارتاحن جنس راحي

Post: #247
Title: Re: كنت هناك... (نِقة وصور)
Author: فادية اليمني
Date: 01-04-2011, 01:53 PM
Parent: #246

بوست زى الدعاش

يرد الروح...



سنة حلوة عليك يا طروق يا ود جبرين

وكل ايامك سعيدة.. زى ما اسعدتنا بملاقاتك

Post: #248
Title: Re: كنت هناك... (نِقة وصور)
Author: طارق جبريل
Date: 01-05-2011, 12:10 PM
Parent: #247

Quote: بوست زى الدعاش

يرد الروح...



سنة حلوة عليك يا طروق يا ود جبرين

وكل ايامك سعيدة.. زى ما اسعدتنا بملاقاتك


فادية بنت ناس اليمني
ياخي كيفنك
نصيحي في عضامك ديل
وحات ربي لليلي الونسة السمحي ديك في اضاني
الله يعدلها عليك شقيش تقبلي

Post: #249
Title: Re: كنت هناك... (نِقة وصور)
Author: طارق جبريل
Date: 01-05-2011, 12:14 PM
Parent: #248

shiba49.JPG Hosting at Sudaneseonline.com

واندلينا لاااااااا تحت
ولقينا ((الكدندي)) يقدل

Post: #250
Title: Re: كنت هناك... (نِقة وصور)
Author: طارق جبريل
Date: 01-05-2011, 12:15 PM
Parent: #249

shiba50.JPG Hosting at Sudaneseonline.com

والبرسيم لليلي ما نور

Post: #251
Title: Re: كنت هناك... (نِقة وصور)
Author: طارق جبريل
Date: 01-05-2011, 12:16 PM
Parent: #250

shiba51.JPG Hosting at Sudaneseonline.com

.. على نيل بلادنا.. سلااااااااااااام

Post: #252
Title: Re: كنت هناك... (نِقة وصور)
Author: طارق جبريل
Date: 01-05-2011, 12:18 PM
Parent: #251

shiba52.JPG Hosting at Sudaneseonline.com

وقلناكدي جينا جارين علي الموييي

Post: #253
Title: Re: كنت هناك... (نِقة وصور)
Author: طارق جبريل
Date: 01-05-2011, 12:19 PM
Parent: #252

shiba53.JPG Hosting at Sudaneseonline.com

وغتسنا رجلينا في المويي الباردي

Post: #254
Title: Re: كنت هناك... (نِقة وصور)
Author: طارق جبريل
Date: 01-05-2011, 12:20 PM
Parent: #253

shiba54.JPG Hosting at Sudaneseonline.com

حليل الزمان وحليل المكان:
محمد حسون
رامي محمد احمد
تجاني جبريل
يحيى محمد
محمد حسن
راشد جبريل
يسري محمد احمد
غفور
مبارك الطيب
لطفي جبريل

Post: #255
Title: Re: كنت هناك... (نِقة وصور)
Author: طارق جبريل
Date: 01-05-2011, 12:21 PM
Parent: #254

shiba55.JPG Hosting at Sudaneseonline.com

25 سنة ما استمتعت بي حلاوة غتيس الرجلين في النيل
25 سنة وانا احن الى كل هذا الجمال
25 سنة طويت ضلوعي على ((شبا))
25 سنة ورائحة المكان لم تغادر انفي

Post: #256
Title: Re: كنت هناك... (نِقة وصور)
Author: طارق جبريل
Date: 01-05-2011, 12:22 PM
Parent: #255

shiba56.JPG Hosting at Sudaneseonline.com

غفور كان مرشدي لعوالم ((العواكر)) و((الدنانين))

Post: #257
Title: Re: كنت هناك... (نِقة وصور)
Author: طارق جبريل
Date: 01-05-2011, 12:23 PM
Parent: #256

shiba57.JPG Hosting at Sudaneseonline.com

كوبري مروي من شبا

Post: #258
Title: Re: كنت هناك... (نِقة وصور)
Author: طارق جبريل
Date: 01-05-2011, 12:25 PM
Parent: #257

shiba59.JPG Hosting at Sudaneseonline.com

((عُشرة)) قايمي وسط ((الكركتي))
باقيلكم هسي في واحد من السحاسيح الهسي ديل
بيعرف الكركتي

Post: #259
Title: Re: كنت هناك... (نِقة وصور)
Author: طارق جبريل
Date: 01-05-2011, 12:26 PM
Parent: #258

shiba61.JPG Hosting at Sudaneseonline.com

الحاحاييي

Post: #260
Title: Re: كنت هناك... (نِقة وصور)
Author: طارق جبريل
Date: 01-05-2011, 12:27 PM
Parent: #259

shiba62.JPG Hosting at Sudaneseonline.com

الله علي الجرجير
اماني ماهو طاعم وسمح

Post: #262
Title: Re: كنت هناك... (نِقة وصور)
Author: طارق جبريل
Date: 01-05-2011, 12:29 PM
Parent: #260

shiba63.JPG Hosting at Sudaneseonline.com

الحقول ممتدة مثل راحة اليد
كنت حين اعانق جدي احس بالفخر والغنى


رحمك الله يا شيخ الطيب صالح

Post: #263
Title: Re: كنت هناك... (نِقة وصور)
Author: طارق جبريل
Date: 01-05-2011, 12:30 PM
Parent: #262

shiba64.JPG Hosting at Sudaneseonline.com

shiba65.JPG Hosting at Sudaneseonline.com

عم عبد الرحيم ود الجدي..
لا زال هناك ((يقرع)) أرضه

Post: #264
Title: Re: كنت هناك... (نِقة وصور)
Author: طارق جبريل
Date: 01-05-2011, 12:31 PM
Parent: #263

shiba66.JPG Hosting at Sudaneseonline.com

ومشينا نقبض في ((الدنانين)) و((العواكر))

Post: #265
Title: Re: كنت هناك... (نِقة وصور)
Author: طارق جبريل
Date: 01-05-2011, 12:34 PM
Parent: #264

shiba75.JPG Hosting at Sudaneseonline.com


وقبضناهن


shiba76.JPG Hosting at Sudaneseonline.com

العواكر

Post: #266
Title: Re: كنت هناك... (نِقة وصور)
Author: طارق جبريل
Date: 01-05-2011, 12:36 PM
Parent: #265

shiba74.JPG Hosting at Sudaneseonline.com

وراشد ضومة رجع شافع وقعد يلعب بالعواكر

Post: #261
Title: Re: كنت هناك... (نِقة وصور)
Author: معتصم محمد صالح
Date: 01-05-2011, 12:28 PM
Parent: #251

أها .. وأخبار الجقجيق عندكم شنو ؟؟

Post: #267
Title: Re: كنت هناك... (نِقة وصور)
Author: طارق جبريل
Date: 01-05-2011, 12:37 PM
Parent: #261

Quote: أها .. وأخبار الجقجيق عندكم شنو ؟؟

حبيبي دة أسأل منه لطفي

Post: #268
Title: Re: كنت هناك... (نِقة وصور)
Author: طارق جبريل
Date: 01-06-2011, 10:47 AM
Parent: #267

shiba67.JPG Hosting at Sudaneseonline.com

وارتحنا في ضُل تمرة

Post: #269
Title: Re: كنت هناك... (نِقة وصور)
Author: طارق جبريل
Date: 01-06-2011, 10:48 AM
Parent: #268

shiba68.JPG Hosting at Sudaneseonline.com

وااااااااحلات النومة وكت الضُل يجي (أرتيق)

Post: #270
Title: Re: كنت هناك... (نِقة وصور)
Author: طارق جبريل
Date: 01-06-2011, 10:49 AM
Parent: #269

shiba69.JPG Hosting at Sudaneseonline.com

والدحش قام يتمردغ في التراب

Post: #271
Title: Re: كنت هناك... (نِقة وصور)
Author: طارق جبريل
Date: 01-06-2011, 10:51 AM
Parent: #270

shiba70.JPG Hosting at Sudaneseonline.com

باكر يكبرن ويبقن تميرات

Post: #272
Title: Re: كنت هناك... (نِقة وصور)
Author: طارق جبريل
Date: 01-06-2011, 10:53 AM
Parent: #271

shiba77.jpg Hosting at Sudaneseonline.com

وصحينا الصباح في حوش عمي الطيب رحمه الله
راشد
رامي
عمي حسن
ابراهيم جبريل
يحيى
مبروك
تجاني
ياسر
محمد

Post: #273
Title: Re: كنت هناك... (نِقة وصور)
Author: طارق جبريل
Date: 01-06-2011, 10:55 AM
Parent: #272

shiba78.jpg Hosting at Sudaneseonline.com

وجابولنا شاي الصباح المقنن
وعمي حسن ((يسكت يكِب))

Post: #274
Title: Re: كنت هناك... (نِقة وصور)
Author: طارق جبريل
Date: 01-06-2011, 10:58 AM
Parent: #273

shiba79.jpg Hosting at Sudaneseonline.com

عمتي حواء بت الخضر ود كنيش
وحات ربي تقعد جنبها علي تحبي علي ركبيك من الضحك

- انت يا عمتي قالولي بقيتي تتفرجي كمان علي المسلسلات التركيي
- ايي يا ولدي احمد ربي كل شي بقيت اعرفه
- نان الاتراك ديل العاجبك فيهن شنو
- الرسول آآولدي شفت بنياتن سمحات كيفن
شفتهن كيفن مفندرات شطيراتن علي المنقايي قلب التور
- هههههه الله يقلعك ماكي ساهلي تراكي
- لكن يا وليدي نسوانن ضُعويفات علي ((العَزْ)) الليها شهر ما ضاقتلها برسيم
- هسي ما قلتيلي سميحات
- سمحيات علي الخرابة اليقولوا مهند دة ماني عارفاهو
العاجبو في ((نور)) الجن دي شنو
- مالها
- يا ولدي كملاني من لحم الدنيي.. احسن جزار ما يمرقلو منها كيلو أليل لحم
- هههههههههه الله لا كسبك اها

باقي الشي القالتو آآآبيتقال هني
ماني ناقص غاغة هني

Post: #276
Title: Re: كنت هناك... (نِقة وصور)
Author: طارق جبريل
Date: 01-10-2011, 02:28 PM
Parent: #274

shiba80.jpg Hosting at Sudaneseonline.com

آل مكاوي وآل كنيش قشوا الصحانة قش

ياسر احمد عوض السيد كنيش
امام مكاوي
مامون مكاوي
خضر عامر الخضر كنيش
مصطفى مكاوي

Post: #277
Title: Re: كنت هناك... (نِقة وصور)
Author: طارق جبريل
Date: 01-10-2011, 02:31 PM
Parent: #276

shiba81.jpg Hosting at Sudaneseonline.com

زروق كنيش
كدكد العُضام كلهن

Post: #278
Title: Re: كنت هناك... (نِقة وصور)
Author: طارق جبريل
Date: 01-10-2011, 02:32 PM
Parent: #277

shiba82.jpg Hosting at Sudaneseonline.com

امام مكاوي وقف لمبة

Post: #279
Title: Re: كنت هناك... (نِقة وصور)
Author: طارق جبريل
Date: 01-10-2011, 02:33 PM
Parent: #278

shiba84.jpg Hosting at Sudaneseonline.com

عمي حسن
قشقش الصحانة وقعد يعافر في باقي اللحم
وباكر بعد باكر يجي يقولك القاوت هراني

Post: #280
Title: Re: كنت هناك... (نِقة وصور)
Author: طارق جبريل
Date: 01-10-2011, 02:35 PM
Parent: #279

shiba83.jpg Hosting at Sudaneseonline.com

ما قلتلكم
اها قال لي لطفي اخوي مخروقتي واجعاني سويلي دلك

Post: #281
Title: Re: كنت هناك... (نِقة وصور)
Author: طارق جبريل
Date: 01-12-2011, 12:06 PM
Parent: #280

shiba116.JPG Hosting at Sudaneseonline.com

عمتي الزهرة سليمان ود كنيش
الشهيرة بي الزهرة بت ككو


- انت يا عمتي دحين موش حجيتي
- ايي يا ولدي احمد الله
- قالولي خربتي الدنيي هناك
- ههههه حج معاي عمك محمد سليمان وعمتك خضرة رحمهم الله
- الرسول يا عمتي شن سويتي
- يا ولدي لقيتي ايرانيات ولا خرابات لابسات أسود
ويبكن ويكوركن ويس ك ل بن قمت سألت عمتك خضر:
انت الخرابات ديل مالن يكوركن في الحج
قالتلي يبكن علي النبي (ص)
قلتلا نان هو النبي ميت من هسي
البني ما مات من حياة جدي مالن فاتحات البكي تاني
- ههههههههههههه م اظنها حجتك دي قايمي من بُكانها دة
- قام عمك محمد رحمه الله قالي:
يا الزهرة حجتك سمحة واقعة يوم جمعة يعني بي سبعة حجات
اخديلك اربعة والباقي قسميهو علي عاشة وخالاتي
- اها
- قلتلو انا مارضتهن لامن ماتن رحمن الله
حجتي آبديها ليهن والله ان بقيت فرشتها في سوق كريمة آبديها ليهن
- هههههههههههههه الله يقلعك يا عمتي ماك نصيحي شي
- والعجب يا ولدي الكبسة دي هرونا بيها هري
زي الماروق قبل يلموه من تحت النعاج
- هههههههههههههه

Post: #282
Title: Re: كنت هناك... (نِقة وصور)
Author: طارق جبريل
Date: 01-12-2011, 12:08 PM
Parent: #281

shiba117.JPG Hosting at Sudaneseonline.com


وطهرنا همام

Post: #283
Title: Re: كنت هناك... (نِقة وصور)
Author: طارق جبريل
Date: 01-12-2011, 12:09 PM
Parent: #282

ومشينا تنقاسي....

Post: #284
Title: Re: كنت هناك... (نِقة وصور)
Author: صلاح الأحمر
Date: 01-14-2011, 02:54 AM
Parent: #283

Quote: ومشيت هناك..
غلبني امشي ضومة ضومة..
رجليني ابت تشيلني وراسي ماهو داير يصدق لليلي..
صريت جلابيتي وقعدت جنب راسها:
يمة انا طارق..
بت ابو دية كيفنك..
دموعي جرن..
قريت ما تيسر من القرآن..
قشيت دموعي بي كُم جلابيتي..
يمة مبروك عليكي العيد..
يمة خليتُن يضبحوا في الضحية..
يمة ماني مصدق انك ماكي قاعدي في البنبر اللخدر وانا تحتك اكسرلك في الخروف..
يمة الصاج الكبير لليلي معلق في المخزن مافي زولا قادر ينزلو..
يمة الكوانين ألاتك لليلي بي هبودن مكومات جنب برميل المريق..
يمة المقصوصة ألتك لليلي معلقة فوق برميل القمح من تالا ناس ام النصر..
يمة المفراكة والكونُش كبسن العنكبوت..
يمة الزقاق الكنتي تشدي فيهو صاج اللحمة ضللناهو وسوينالا فيهو مروحة
يمة علبة الصندوق لليلي قاعدي وبي اوراقها
يمة غلبني اشيل الدهبايات السويتيهن لي ((ريم))
تلاتة سنين كل مرة اجي يغلبني اشيلن
يمة اخواني قالولي ارجع..
بس غلبني يمة..
ماني قادر اصدق اجي ما ألقاكي..
يمة بعد الفطور ماشي علي البلد..
ماشي أقص بيوت ود أبو دية..
ماشي أشوف تميرات الفردوس بت الريح في أوسلي..
ماشي اشوف ود تميم قالوا تعبان ربنا يشافيهو..
يمة دايراتمشى في خور السواعير واترحم علي خالتي ستنور..
يمة وليداتي طيبين ما عندهم عوجة ما قدرت اجيبون فشان المدارس..

غلبني اكمل..
يمة الله يرحمك..
يمة الله يجعلك من الصديقين والشهداء
اللهم تقبلها قبولا حسنا
اللهم اجعل مثواها الجنة
اللهم ابني لها قصرا في الجنة

الله يرحمك يا بت ابو دية


عليهاتتنزل الرحمة وتمطر قبرها الطاهر شآبيب المغفرة والرضوان.
الحبيب طارق/ غالبت دمعي حتى غلبني البكاء.
أنت تكتب بحد السكين وحروفك تحفر عميقا في
مجاهل الروح وترسم مسارات لانهائية من الدهشة
والجمال السهل الممتنع.
سلمت أناملك ولله درك فيماأبدعت من كلم بسيط ولاأصدق.
لك محبتي التي تعرفها وتقديري الذي لاأدري كيف أوصله إليك.

Post: #285
Title: Re: كنت هناك... (نِقة وصور)
Author: طارق جبريل
Date: 01-14-2011, 06:00 PM
Parent: #284

Quote: الحبيب طارق/ غالبت دمعي حتى غلبني البكاء.
أنت تكتب بحد السكين وحروفك تحفر عميقا في
مجاهل الروح وترسم مسارات لانهائية من الدهشة
والجمال السهل الممتنع.
سلمت أناملك ولله درك فيماأبدعت من كلم بسيط ولاأصدق.
لك محبتي التي تعرفها وتقديري الذي لاأدري كيف أوصله إليك.


سامحنا يا ود اللحمر ياخي
وكتين مشيت المقابر يا حبيب وجعني قلبي يلا صلاح
وجعني شديد خلاص
كانت بيننا تنثر الفرح والمحبة
افتقدها بشدة يا صلاح
حتى طعم السودان تغير بفقدها
لها الرحمة ولعمنا الاحمر
تقبلهما الله قبولا حسنا

Post: #286
Title: Re: كنت هناك... (نِقة وصور)
Author: مزمل خيرى
Date: 01-14-2011, 06:41 PM
Parent: #285

بوست حلو زى حلاوة روحك يا ود جبرين بس
اللوم راكبك من صلعتك لى كرعيك ..
مش قلت لى أول واحد بسجلك زيارة فى بيتك.؟

Post: #287
Title: Re: كنت هناك... (نِقة وصور)
Author: طارق جبريل
Date: 01-17-2011, 11:47 AM
Parent: #286

Quote: بوست حلو زى حلاوة روحك يا ود جبرين بس
اللوم راكبك من صلعتك لى كرعيك ..
مش قلت لى أول واحد بسجلك زيارة فى بيتك.؟


يا حبيب والله براك عارف السودان ومشاغله
لكن ليك علي المرة الجاية ألصق ليك جنب جوان
لمن تآآآآمن

Post: #288
Title: Re: كنت هناك... (نِقة وصور)
Author: طارق جبريل
Date: 01-17-2011, 12:02 PM
Parent: #287

tangas8.JPG Hosting at Sudaneseonline.com

tangasi6.JPG Hosting at Sudaneseonline.com

tangasi7.JPG Hosting at Sudaneseonline.com


يا ناس تنقاسي بتعرفوا الناس ديل

Post: #289
Title: Re: كنت هناك... (نِقة وصور)
Author: طارق جبريل
Date: 01-17-2011, 12:03 PM
Parent: #288

tangasi9.JPG Hosting at Sudaneseonline.com


قلنا ليهم ادونا عروسنا
طوالي نادوا المأذون
ما بيضحكوا اصلوا التناقسة ديل

Post: #290
Title: Re: كنت هناك... (نِقة وصور)
Author: طارق جبريل
Date: 01-17-2011, 12:04 PM
Parent: #289

tangasi11.JPG Hosting at Sudaneseonline.com


وقعدوا يسووا في شيت العقد داك

Post: #291
Title: Re: كنت هناك... (نِقة وصور)
Author: طارق جبريل
Date: 01-17-2011, 12:06 PM
Parent: #290

tangasi12.JPG Hosting at Sudaneseonline.com

وشلنا الفاتحة

Post: #292
Title: Re: كنت هناك... (نِقة وصور)
Author: طارق جبريل
Date: 01-17-2011, 12:07 PM
Parent: #291

tangasi13.JPG Hosting at Sudaneseonline.com

ادونا قسيمتنا
وقالولنا العروس ان بقيتو دايرين تسوقوها هسي ادونا نص ساعة وسوقوها
وقلنالم بتكم بنجي نسوقها بي عزها
كنتوا رجال
ونحن كمان برضنا رجال

Post: #293
Title: Re: كنت هناك... (نِقة وصور)
Author: طارق جبريل
Date: 01-17-2011, 12:09 PM
Parent: #292

ومشيت القاهرة.....

Post: #294
Title: Re: كنت هناك... (نِقة وصور)
Author: نورالدين الفحل
Date: 01-17-2011, 03:22 PM
Parent: #293


ازيك ياجميل ولاهى بوست يعدل المزاج ويجيب الرايحة
ناس الشمالية قلوب عامرة بحب الحياة والناس
بعد سنين الغربة ديل يروحن ونرجع للسودان من تانى
نفسى فى مراح بقر وغنم وعنقريب تحت شجرة المنقا
اها من تنقاسى دى ماروحت على اهلك فى اوسلى
ولاكراعك ودتك لاهلنا الطيبين فى مساوى الجعل
خصمتك بالرسول وقت تمشى القاهرة ومصر ام الدنيا تسلملى
على الجنا المسنوح داك الاسمو حبيب نورة بتاع الديسكوهات
وتخطف رجلك على الجبل الاصفر باقى صرتى مدفونة هنوكا.

Post: #295
Title: Re: كنت هناك... (نِقة وصور)
Author: هاشم محمد الحسن عبدالله
Date: 01-18-2011, 08:03 AM

الأخ الحبيب قريبنا طارق جبرين ، خالص تحياتى وأشواقى لحروفك الندية التى أتابعها بكل الانفعالات ، فهى تعبر عن كل ذكرياتنا الحبيبة فى بلدنا الجميلة، صدقنى بتغيير أسماء الشخوص والاماكن هى نفس ماعندنا فى السقاى والباسا ودويم ودحاج، والجريف وتنقساى، أنا عشت مع روائعك وأتشخص من خلال الصور والشخوص أهلى الكبار والصغار ومن خلال هذا البوست الحى ترحمت على من فقدناهم ولم نراهم من سنين طويلة بسبب الغربة التعيسة،شىء أكبر من الابداع نفسه ، يااخى أنت أنسان جميل مزروع من المحنة والطيبة وكل الأشياء الرائعى التى فقدناها فى زمننا الحالى، ولما أشاهد صورك مع الحبيب ود الصايم والذى أعتبر لقاءك معه كان(لقاء السحاب) فكلاكما رائع فى كل شىءن وأقول وبكل حسرة ( وامغستى) الماكنت معاكم لأستمتع بهذا الصفاء والاريحية التى أختفت الآن ، لك من الحب أعظمها ومن اود أصفاه ، فأنت والله نعمة نسظل بظلها فى هذه الأيام الصعبة من تاريخ بلدنا، متعك الله بالصحة والعافية ، مع مودتى الأكيدة .

Post: #297
Title: Re: كنت هناك... (نِقة وصور)
Author: طارق جبريل
Date: 01-18-2011, 11:28 AM
Parent: #295

Quote: الأخ الحبيب قريبنا طارق جبرين ، خالص تحياتى وأشواقى لحروفك الندية التى أتابعها بكل الانفعالات ، فهى تعبر عن كل ذكرياتنا الحبيبة فى بلدنا الجميلة، صدقنى بتغيير أسماء الشخوص والاماكن هى نفس ماعندنا فى السقاى والباسا ودويم ودحاج، والجريف وتنقساى، أنا عشت مع روائعك وأتشخص من خلال الصور والشخوص أهلى الكبار والصغار ومن خلال هذا البوست الحى ترحمت على من فقدناهم ولم نراهم من سنين طويلة بسبب الغربة التعيسة،شىء أكبر من الابداع نفسه ، يااخى أنت أنسان جميل مزروع من المحنة والطيبة وكل الأشياء الرائعى التى فقدناها فى زمننا الحالى، ولما أشاهد صورك مع الحبيب ود الصايم والذى أعتبر لقاءك معه كان(لقاء السحاب) فكلاكما رائع فى كل شىءن وأقول وبكل حسرة ( وامغستى) الماكنت معاكم لأستمتع بهذا الصفاء والاريحية التى أختفت الآن ، لك من الحب أعظمها ومن اود أصفاه ، فأنت والله نعمة نسظل بظلها فى هذه الأيام الصعبة من تاريخ بلدنا، متعك الله بالصحة والعافية ، مع مودتى الأكيدة .


اوووووه حبيبنا وقريبي هاشم
وحات الله يا حبيب اشتهيت شوفتك هناك
اماين البلد ماها سمحي يا الحبيب
يا حبيب الله يجبر بي خاطرك
ويديك الفي مرادك

Post: #296
Title: Re: كنت هناك... (نِقة وصور)
Author: طارق جبريل
Date: 01-18-2011, 11:08 AM

Quote: ازيك ياجميل ولاهى بوست يعدل المزاج ويجيب الرايحة
ناس الشمالية قلوب عامرة بحب الحياة والناس
بعد سنين الغربة ديل يروحن ونرجع للسودان من تانى
نفسى فى مراح بقر وغنم وعنقريب تحت شجرة المنقا
اها من تنقاسى دى ماروحت على اهلك فى اوسلى
ولاكراعك ودتك لاهلنا الطيبين فى مساوى الجعل
خصمتك بالرسول وقت تمشى القاهرة ومصر ام الدنيا تسلملى
على الجنا المسنوح داك الاسمو حبيب نورة بتاع الديسكوهات
وتخطف رجلك على الجبل الاصفر باقى صرتى مدفونة هنوكا.


اووووه قريبي ود الفحل
اقولك شي
وحات الله حتى حقي في التمر ناس أوسلي أدوني ليه
اها شن قولك

Post: #298
Title: Re: كنت هناك... (نِقة وصور)
Author: طارق جبريل
Date: 01-18-2011, 11:44 AM
Parent: #296

cairo1.JPG Hosting at Sudaneseonline.com

في القاهرة قابلت الزول الجميل صديق وزميل الدراسة بالزقازيق عبد الحميد البرنس

Post: #299
Title: Re: كنت هناك... (نِقة وصور)
Author: طارق جبريل
Date: 01-18-2011, 11:46 AM
Parent: #298

cairo3.JPG Hosting at Sudaneseonline.com

وأهداني عبد الحميد البرنس كتبه
شكرا يا برنس ياخي

Post: #300
Title: Re: كنت هناك... (نِقة وصور)
Author: طارق جبريل
Date: 01-18-2011, 11:48 AM
Parent: #299

cairo10.JPG Hosting at Sudaneseonline.com

وقابلت ليكم حبيبن نورة وعمر عثمان
يا الله ياخي الناس ديل جميلين شديد
شكرا يا عمرا على كل الفرح
حبيب نورة انت زول نادر يعلم الله

Post: #301
Title: Re: كنت هناك... (نِقة وصور)
Author: طارق جبريل
Date: 01-18-2011, 11:49 AM
Parent: #300

cairo4.JPG Hosting at Sudaneseonline.com

حبيب نورة والشيشة

Post: #302
Title: Re: كنت هناك... (نِقة وصور)
Author: طارق جبريل
Date: 01-18-2011, 11:52 AM
Parent: #301

cairo8.JPG Hosting at Sudaneseonline.com

اصريت اتصور مع حبيب نورة
عشان بعدين لمن يبقى كاتب كبير ومشهور ما يتغابى العرفة

Post: #303
Title: Re: كنت هناك... (نِقة وصور)
Author: طارق جبريل
Date: 01-18-2011, 11:57 AM
Parent: #302

cairo7.JPG Hosting at Sudaneseonline.com


يا الله يا خي
اميمة سند كلها معانا في القاهرة
زولة تجبرك على الابتسام والاحترام
موش كدة يا عمر عثمان

Post: #305
Title: Re: كنت هناك... (نِقة وصور)
Author: طارق جبريل
Date: 01-18-2011, 12:02 PM
Parent: #303

cairo9.JPG Hosting at Sudaneseonline.com

قربيبي وزميلي في ((مشيّخة)) الطيب صالح رحمه الله
حمور هول ناس زيادة
ياخي الزول دة بقى مستلب خلاص
ولا أستبعد أن يطالب بالاتحاد مع مصر
(موش كدة يا بيه حمور)

الثالث دة شاعر مصري صديق حمور المصرسوداني

Post: #306
Title: Re: كنت هناك... (نِقة وصور)
Author: طارق جبريل
Date: 01-18-2011, 12:06 PM
Parent: #305

cairo2.JPG Hosting at Sudaneseonline.com

حمور زيادة
عمر عثمان
صديق للبرنس
عبد الحميد البرنس
طارق جبريل
صحفي مصري

Post: #304
Title: Re: كنت هناك... (نِقة وصور)
Author: هواري نمر
Date: 01-18-2011, 12:00 PM
Parent: #299

Quote: - يا ولدي لقيتي ايرانيات ولا خرابات لابسات أسود
ويبكن ويكوركن ويس ك ل بن قمت سألت عمتك خضر:
انت الخرابات ديل مالن يكوركن في الحج
قالتلي يبكن علي النبي (ص)
قلتلا نان هو النبي ميت من هسي
البني ما مات من حياة جدي مالن فاتحات البكي تاني


هههههههههههههههههههههههه
يمين ما نصيح إتّا يا ود جبريل...

Post: #307
Title: Re: كنت هناك... (نِقة وصور)
Author: طارق جبريل
Date: 01-27-2011, 01:28 PM
Parent: #304

Quote: هههههههههههههههههههههههه
يمين ما نصيح إتّا يا ود جبريل...


الجن وراثي يا الحبيب
هههههههههه