يُمة حموني الإجازي

Post: #1
Title: يُمة حموني الإجازي
Author: طارق جبريل
Date: 06-17-2010, 01:28 PM

يمة قوليلم انا ماني حاريلي شي..
قوليلم انا مشتهي اصليلي ركعتين عند قبرك..
يمة داير اقعد واتفرجخ عند راسك واحكيلك حالي وحال وليداتي..
يمة داير اسألك ان بقيتي شفتي خالتي زينب..
الرسول يمة قوليلا طارق مشتهي القعدي جنبك في تُكُل ود الكرسني...
قوليلا مشتهي مناداتك للنعام فشان يشيل (التُرمي) يودها عند الحاج في الديوان..
قوليلا طارق مشتهي ياكل معاكي حرف أليل قراصي بي ملاحا اخدر في التُكُل التالا دكان العوضابي..
يمة الرسول إن شفتي ستنور بت ابو دية تقوليلا طارق غلبوا الصبر وداير يقعد معاكي في خور السواعير في شبا وتحكيلو عن التمر والنعاج ألات جدو..
يمة ان قابلتك حبوبتي نفيسي قوليلا ولدك جبيرين غلبوا المشي ضُمة ضُمة وكل ما اشيل التليفون واضربلو يقولي: طارق يا ولدي انا انتهيت ما كفاك ترجع
يمة الصاج أليلك كبسو الصدأ... وحاتك من فوتي مافي زولا ولع فيهو واقود..
يمة قُفَافِك ألات القمح والمريق عشعش فيهن العنكبوت.. وكرارتك مرميي في مخزن جبيرين..
يمة أم النصر ماتت والطاقة المن تالاها مافي زولا تاني مدة راسو منها..
يمة الحمام المعشعش في صفايح الزيت الفوق المخزن كَبَر زغاليلو وطار خلاهن..
يمة التمُر كله بقى صيص والكان سمح فيهو رقابو انقصن..
يمة بيوت ود ابو دية اتهدمن والأرضي أكلت المُروق ألتو وتُكل الفردوس بت الريح معشعش فيهو الزرازير وبقى مليان كُدُندي..
يمة الجَر أليلي حق البركاوي التالا بت موزة انكسر ومافي زولا تاني ملاهو لي..
يمة المنقايي ألت الكوشتنير الفي القيفي ماتت وقطعوها..
يمة مشتهيلي لِبِيني مَقَنَني من مراح نورة مرت عمي الطيب..
يمة نفسي أندلا لااااتحت عند بير ود جبارة وألعب (أول حَوَل) بعد بُطان القرونة..
يمة وليداتي كبروا هني لاضاقولم هرود لا شافولم مِشْرِق...
يمة اشتهيت أقالد إبراهيم اخوي وابكي وادمع لامن أبِل جلابيتو..
يمة لطفي كل ما يضربلي يسألني: إنت أصلك داير تجي متين..
يمة طلحة في قفاي بقيت مشدوه لاني عارف أمشيلو وأسألو من وليداتو
لاني كمان قادر أصبر علي بُعادو..
يمة اعتماد عرست لي ولدها وصادا السكري وأنا بي هني مكتول في شوقها..
يمة سلمى بت عفاف الكانت من حجرك آآبتنزل بقت كبيري وفضلها عام تتخرج من جامعة الخرطوم...
يمة أواب هُول سهير أختي كبر ضُمة ضُمة وداخل علي الجامعي..

يمة وحات الله أنا فِتِر..

Post: #2
Title: Re: يُمة حموني الإجازي
Author: osman righeem
Date: 06-17-2010, 01:34 PM
Parent: #1

Quote: يمة وحات الله أنا فِتِر..

كر يا طارق

قطعت قلبي الفرد واحد

نصبر قلنا

ما لقينا صبر

Post: #4
Title: Re: يُمة حموني الإجازي
Author: طارق جبريل
Date: 06-17-2010, 01:54 PM
Parent: #2

Quote: كر يا طارق

قطعت قلبي الفرد واحد

نصبر قلنا

ما لقينا صبر

ابو النسب كيفنك ابوي
ياخي وحات الله انا فِتِر ضُمة ضُمة

Post: #3
Title: Re: يُمة حموني الإجازي
Author: ابو جهينة
Date: 06-17-2010, 01:35 PM
Parent: #1

ود جبريل

و الله دميعات جرن خاصة لما جبت طاري الكرسني ، باقي بعرف ناس الكرسني من أتبرا ( ياهم و لا ناسا تانين)

ثم

يمة الحمام المعشعش في صفايح الزيت الفوق المخزن كَبَر زغاليلو وطار خلاهن..

حال الناس في الدنيا

كن بخير

Post: #5
Title: Re: يُمة حموني الإجازي
Author: طارق جبريل
Date: 06-17-2010, 01:55 PM
Parent: #3

Quote: و الله دميعات جرن خاصة لما جبت طاري الكرسني ، باقي بعرف ناس الكرسني من أتبرا ( ياهم و لا ناسا تانين)

ياهم ذاتهم يا الحبيب
أولاد خالتي زينب أبو دية رحمها الله

Post: #6
Title: Re: يُمة حموني الإجازي
Author: الزوول
Date: 06-17-2010, 02:52 PM
Parent: #5

السلام عليكم

...
إن بقى بعداً يكتبك كتابة زي دي

ما تجي ...ضمة ضمة

....

Post: #7
Title: Re: يُمة حموني الإجازي
Author: داليا الكباشى
Date: 06-17-2010, 03:15 PM
Parent: #6

بس ما تقول لي يا طارق !!

Post: #16
Title: Re: يُمة حموني الإجازي
Author: طارق جبريل
Date: 06-17-2010, 05:20 PM
Parent: #7

Quote: بس ما تقول لي يا طارق !!

بت اهلي الحنان بالحيل
قالولي لا تسافر هسي
قلتلم انا خلاص كتلت
قالولي الشغل آآآبيستحمل تمشي هسي
قلتلم الشغل ان شاء الله طاير
هسي قوليلي.. اقبل وين انا

Post: #8
Title: Re: يُمة حموني الإجازي
Author: GamarBoBa
Date: 06-17-2010, 03:19 PM
Parent: #6

يا ولدنا مالك علينا ياخ
بالنهار نشيل همك وبالليل نتخج معاك

ياخي الله يملاك حنين اكتر وتكتب كدة...تشهي الزول الغربة وانا عارفها كعبة

Post: #9
Title: Re: يُمة حموني الإجازي
Author: عبدالكريم الامين احمد
Date: 06-17-2010, 03:22 PM
Parent: #8

Post: #10
Title: Re: يُمة حموني الإجازي
Author: علاء الدين محمد بابكر
Date: 06-17-2010, 03:36 PM
Parent: #9

طارق جبرين..
ياخي شعر جلدي كللللب..(مع انو ما عارف كيف)

خليتني امش اتاوق فوق الحيطة لحوش ناس (امي)
واغالط نفسي واقول ياربي انا معاها ولا مشييت؟؟؟

ياخي انعل ابو دي .....اي حاجة!!!!

Post: #29
Title: Re: يُمة حموني الإجازي
Author: طارق جبريل
Date: 06-17-2010, 10:30 PM
Parent: #10

Quote: طارق جبرين..
ياخي شعر جلدي كللللب..(مع انو ما عارف كيف)

خليتني امش اتاوق فوق الحيطة لحوش ناس (امي)
واغالط نفسي واقول ياربي انا معاها ولا مشييت؟؟؟

ياخي انعل ابو دي .....اي حاجة!!!!

وحات الله يا علاء الدين ماني مشتهيلي شي
غير آخدلي غمدي تحت تمرة ورجليني مدلدلات في الجدول
علاء لا تفارق امك يا الحبيب
انا مشيت جيت لقيتها تحت التراب
لا قالدتها لا ختيت راسي في حجرها وبكيت

Post: #112
Title: Re: يُمة حموني الإجازي
Author: عفاف الصادق بابكر
Date: 06-20-2010, 12:40 PM
Parent: #29

Quote: علاء لا تفارق امك يا الحبيب
انا مشيت جيت لقيتها تحت التراب
لا قالدتها لا ختيت راسي في حجرها وبكيت

عشان كده الاجازة انا صرفته عنها النظر ..

الماجزه ليها شنو ؟؟ وامشي لي منو ..؟

يا الله ياطارق كنت بمشي الاجازه قبل رمضان مخصوص ...

عشان استمتع معاها بي عواسة الابري والتحضير والسوق ..

والحاجات الكتيره السمحة ولمت حبانا معاها ..

الله يرحمك يا امي ..

الاجازة السنة دي غير مرغوب فيها .....

Post: #28
Title: Re: يُمة حموني الإجازي
Author: طارق جبريل
Date: 06-17-2010, 10:27 PM
Parent: #9

كيكي يا هندسة
الرسول آآآكروما ما اشتهيت عيشة الكنابي (جمع كنبو)
الرسول ما اشتهيت الدكتور الحايم في باكستان داك

Post: #21
Title: Re: يُمة حموني الإجازي
Author: طارق جبريل
Date: 06-17-2010, 07:12 PM
Parent: #8

Quote: يا ولدنا مالك علينا ياخ
بالنهار نشيل همك وبالليل نتخج معاك

ياخي الله يملاك حنين اكتر وتكتب كدة...تشهي الزول الغربة وانا عارفها كعبة

بوبا كيفنك يا الحبيب
بوبا وحات الله غلبني
عارف وكتين اشوفلي قُمريي هني
وحات الله اقرب أقوقي معاها
يا بوبا قولي الشي دة حدو وين؟؟

Post: #15
Title: Re: يُمة حموني الإجازي
Author: طارق جبريل
Date: 06-17-2010, 05:18 PM
Parent: #6

Quote: السلام عليكم

...
إن بقى بعداً يكتبك كتابة زي دي

ما تجي ...ضمة ضمة

الزول كيفنك ابوي
يا الحبيب الكتابي طايري.. ياخي انا اتهريت ضُمة ضُمة

Post: #11
Title: Re: يُمة حموني الإجازي
Author: هاشم محمد الحسن عبدالله
Date: 06-17-2010, 03:52 PM
Parent: #1

حبيبنا وقريبى ود جبرين، تحياتى ومودتى ، ياسلام على الابداع والجمال، والله كلام من صدقه وقوة عاطفته لم أتمالك نفسى وشاركتك الحزن والشجن لأن الحال من بعضه، حفظك الله ياود جبرين فمثل هذا الكلام المرتب القوى يدخل القلب والاحاسيس، لك الحب والمودة وواصل الابداع والالق كتاباتك فيها كثير من العزاء لقلوبنا المرهقة.

Post: #12
Title: Re: يُمة حموني الإجازي
Author: اسماء الجنيد
Date: 06-17-2010, 04:24 PM
Parent: #11

وااااااااا شريري آآآآآآآآآآ طارق قطعت مصاريني وهردت كبيدتي آآآ ود امي

Post: #13
Title: Re: يُمة حموني الإجازي
Author: SHIBKA
Date: 06-17-2010, 04:34 PM
Parent: #12

ياطارق

برانا متحملين يــــــــــــــا الله

Post: #32
Title: Re: يُمة حموني الإجازي
Author: طارق جبريل
Date: 06-17-2010, 10:36 PM
Parent: #13

Quote: ياطارق

برانا متحملين يــــــــــــــا الله

الرسول يا شبكة ما اشتهيتي ناس حبوبتك في الامتداد
قوليلي لامتين هو الخرابة دة

Post: #44
Title: Re: يُمة حموني الإجازي
Author: SHIBKA
Date: 06-17-2010, 10:56 PM
Parent: #32

Quote:
الرسول يا شبكة ما اشتهيتي ناس حبوبتك في الامتداد
قوليلي لامتين هو الخرابة دة

الله يعلم مشهياها ومشتهية كلامها وقعادها في نص الحوش والاحفاد داخلين ومارقين
ناس مقيلين وناس بايتين

المقيل لما يكون ماشي بيتهم تقول ليهم ما تبيت

والبايت تقول ليه اقعد يومين تلاتة

والبنات متلميات ويتونسوا مرة في المطبخ ومرة في الصالون ومرة في الحوش القدام

وفي نص الجوطة دي يضرب التلفون طوالي تبدا تنادي شوفوا التلفون ديل ناس برة

كل زول راضي ومبسوط
والبيت موجود والاحفاد موجودين لكن الاصل مافي

الله يرحمها ويرحم موتانا وموتي جميع المسلمين

Post: #74
Title: Re: يُمة حموني الإجازي
Author: طارق جبريل
Date: 06-19-2010, 12:50 PM
Parent: #44

Quote: والبنات متلميات ويتونسوا مرة في المطبخ ومرة في الصالون ومرة في الحوش القدام

وفي نص الجوطة دي يضرب التلفون طوالي تبدا تنادي شوفوا التلفون ديل ناس برة

الله يا شبكة ياخي
انتهيتي مني رسمي

Post: #31
Title: Re: يُمة حموني الإجازي
Author: طارق جبريل
Date: 06-17-2010, 10:34 PM
Parent: #12

Quote: وااااااااا شريري آآآآآآآآآآ طارق قطعت مصاريني وهردت كبيدتي آآآ ود امي

اسماء بت ابوي كيفنك
عاد لا متين يا اسماء
لا متين ننوم في الشقق العلي كفاي الجداد دي
متين نرجع لي حيشانا وسواقينا
متين نرجع لي حبايبنا

Post: #14
Title: Re: يُمة حموني الإجازي
Author: طارق الكوتش
Date: 06-17-2010, 04:49 PM
Parent: #11

آآآآآآآآآآآآآآآآآآآآآآآآآآآآآآآآآآآ يا طارق ياخ تعبتنا

Post: #17
Title: Re: يُمة حموني الإجازي
Author: Amira Elsheikh
Date: 06-17-2010, 05:28 PM
Parent: #14

طارق يشهد الله مافضلت فينى دمعة...

طارق لملم طرف وسوق وليداتك وقبل,,

الواحد فى الغربة يقع من طولو ويموت ويقولو ليك كان نصيييييح راسو ماواجعو

القلب من كتر التلفت يوجع والراس من كتر التفكير يوجع ,,,وشجرة الحنين معششة فى الروح...

نصاح وين?

Post: #35
Title: Re: يُمة حموني الإجازي
Author: طارق جبريل
Date: 06-17-2010, 10:41 PM
Parent: #17

Quote: طارق يشهد الله مافضلت فينى دمعة...

طارق لملم طرف وسوق وليداتك وقبل,,

الواحد فى الغربة يقع من طولو ويموت ويقولو ليك كان نصيييييح راسو ماواجعو

القلب من كتر التلفت يوجع والراس من كتر التفكير يوجع ,,,وشجرة الحنين معششة فى الروح...

نصاح وين?

نصاح كيفن عاد يا بت الشيخ
يعلم الله موجعين من جوانا لامن مدفق
يا بت الشيخ بقيت زي المجنون
اقعد براي اناضم نفسي
يا ربي الجابني هني شنو

Post: #18
Title: Re: يُمة حموني الإجازي
Author: الزوول
Date: 06-17-2010, 06:16 PM
Parent: #14

.

ليتك يا كوتش وضعت لنا

شوفي الزمن يا يمة ساقني بعيد خلاس

جرعني كاس
دردني...اتغربت واتبهدلت يا يمة ... وريني الخلاص
....
يا يمه يا نور الصباح وكتين يطل
يا يمه يا بدري البشع دايماً يهل
يا يمه يا فيض الحنان الما كمل
وآشري يا زينوبة ولدك في بحور الشوق كتل
محروم من الحب والمحنة وراك همل

.....

كدي شوفها عليك الله يا كوتش ...ماها منطبقة على زولنا ود جبرين ده؟؟

...

Post: #19
Title: Re: يُمة حموني الإجازي
Author: سيف الدولة كامل
Date: 06-17-2010, 06:27 PM
Parent: #18

الحبيب ود جبرين ,,, كيفينك يا أخوي وكيف حال وليداتك؟

مالك علينا يا ود جبرين ما كنا كويسين وشغالين في نخجينا,

والله ناسك ديل كان عرفوا الكلام الكتبته ده علا يدوك سنة اجازي.

الله يرد غربتك وترجع للحبان بالسلامة.

Post: #20
Title: Re: يُمة حموني الإجازي
Author: طارق الكوتش
Date: 06-17-2010, 07:01 PM
Parent: #19

Quote: كدي شوفها عليك الله يا كوتش ...ماها منطبقة على زولنا ود جبرين ده؟؟

بس يازوول ده بتعذبنا نحن قبل ود جبرين .... والله نحن فايتنو بنتشة صبر

هسع اقوم اجوعر ... كاريكا تانى ما يوقفنى

Post: #22
Title: Re: يُمة حموني الإجازي
Author: حبيب نورة
Date: 06-17-2010, 07:28 PM
Parent: #20

Post: #23
Title: Re: يُمة حموني الإجازي
Author: حبيب نورة
Date: 06-17-2010, 07:29 PM
Parent: #22

بركة يا يابة

Post: #24
Title: Re: يُمة حموني الإجازي
Author: ابراهيم عدلان
Date: 06-17-2010, 07:43 PM
Parent: #23

طارق جبرين

لا ادري اين انفق كل هذا الحزن

استغفر الله

Post: #40
Title: Re: يُمة حموني الإجازي
Author: طارق جبريل
Date: 06-17-2010, 10:51 PM
Parent: #24

Quote: طارق جبرين

لا ادري اين انفق كل هذا الحزن

استغفر الله

ابراهيم كيفنك ابوي
معليش يا الحبيب شيلوا معاي شوية
وحات الله غلبني

Post: #25
Title: Re: يُمة حموني الإجازي
Author: معتصم جعفر
Date: 06-17-2010, 07:49 PM
Parent: #23

لو وشوش صوت الريح فى الباب
يسبقنا الشوق قبل العينين
لا متين يا طارق

Post: #26
Title: Re: يُمة حموني الإجازي
Author: أنور عبد الرحمن الشيخ
Date: 06-17-2010, 07:59 PM
Parent: #25

الحبيب طارق
ألم الفراق قاسى
الله يعينك
واوصيك بفش مغستك فى الكتابه
لإنك بتعبر عن الكثيرين
وتمتعنا
نحن الذين وضعنا حداً للفراق
وعدنا وياليتنا لم نعد

Post: #43
Title: Re: يُمة حموني الإجازي
Author: طارق جبريل
Date: 06-17-2010, 10:55 PM
Parent: #26

Quote: الحبيب طارق
ألم الفراق قاسى
الله يعينك
واوصيك بفش مغستك فى الكتابه
لإنك بتعبر عن الكثيرين
وتمتعنا
نحن الذين وضعنا حداً للفراق
وعدنا وياليتنا لم نعد

انور كيفنك ياخي
الرسول فيك ان بقيت مرقت تاني
اوعك ترجع للالم دة تاني بي رجليك

Post: #57
Title: Re: يُمة حموني الإجازي
Author: Al-Shaygi
Date: 06-18-2010, 11:07 AM
Parent: #43

Quote:
Quote: الحبيب طارق
ألم الفراق قاسى
الله يعينك
واوصيك بفش مغستك فى الكتابه
لإنك بتعبر عن الكثيرين
وتمتعنا
نحن الذين وضعنا حداً للفراق
وعدنا وياليتنا لم نعد

كلام القصير ما بينسمع....
Quote:
انور كيفنك ياخي
الرسول فيك ان بقيت مرقت تاني
اوعك ترجع للالم دة تاني بي رجليك

متابعين معاك يا ودجبريل ومتألمين يمكن أكتر
بس الحل شنو الغربة حارة وكلام أنور الشيخ أحر...

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #60
Title: Re: يُمة حموني الإجازي
Author: طارق جبريل
Date: 06-19-2010, 02:11 AM
Parent: #57

Quote: متابعين معاك يا ودجبريل ومتألمين يمكن أكتر
بس الحل شنو الغربة حارة وكلام أنور الشيخ أحر...

الشايقي يا حبيبنا
ي زول وحات الله الجن ذاته اخير من الحال الفيها نحن دي
ياخي دة موت بالبطئ

Post: #27
Title: Re: يُمة حموني الإجازي
Author: محمد عبد الماجد الصايم
Date: 06-17-2010, 08:07 PM
Parent: #25

حمونا كلنا يا طارق
يا حليلنا!

Post: #45
Title: Re: يُمة حموني الإجازي
Author: طارق جبريل
Date: 06-17-2010, 10:56 PM
Parent: #27

Quote: حمونا كلنا يا طارق
يا حليلنا!

عاد خم وصر يا ابو شنب
انا غايتو وكتين يغلبني قاعد اجي اكتب هني

Post: #41
Title: Re: يُمة حموني الإجازي
Author: طارق جبريل
Date: 06-17-2010, 10:53 PM
Parent: #25

Quote: لو وشوش صوت الريح فى الباب
يسبقنا الشوق قبل العينين
لا متين يا طارق

معتصم يا حبيبنا
والله ماني عارف حده وين الشي دة

Post: #39
Title: Re: يُمة حموني الإجازي
Author: طارق جبريل
Date: 06-17-2010, 10:50 PM
Parent: #23

Quote: بركة يا يابة

حبيب نورة الفسالي العليك شنو

Post: #38
Title: Re: يُمة حموني الإجازي
Author: طارق جبريل
Date: 06-17-2010, 10:48 PM
Parent: #20

Quote: بس يازوول ده بتعذبنا نحن قبل ود جبرين .... والله نحن فايتنو بنتشة صبر

هسع اقوم اجوعر ... كاريكا تانى ما يوقفنى

وحات الله يا الكوتش مشتهي ادخل الاستاد
ان شاء الله حتى لو تغلبونا
موش تشوف فيها في التلفزيون
زي الحديي تحاحي للحم في بيت السماية

Post: #37
Title: Re: يُمة حموني الإجازي
Author: طارق جبريل
Date: 06-17-2010, 10:46 PM
Parent: #19

Quote: الحبيب ود جبرين ,,, كيفينك يا أخوي وكيف حال وليداتك؟

مالك علينا يا ود جبرين ما كنا كويسين وشغالين في نخجينا,

والله ناسك ديل كان عرفوا الكلام الكتبته ده علا يدوك سنة اجازي.

الله يرد غربتك وترجع للحبان بالسلامة.

حبيبنا واستاذنا سيف
ياخي كيفنك ووليدات
ونسايبك ان شاء الله بقوا طيبين
يا الحبيب معليش فاض بي
وقلت اجي ارمي حملي هني معاكم

Post: #36
Title: Re: يُمة حموني الإجازي
Author: طارق جبريل
Date: 06-17-2010, 10:43 PM
Parent: #18

Quote: ليتك يا كوتش وضعت لنا

شوفي الزمن يا يمة ساقني بعيد خلاس

جرعني كاس
دردني...اتغربت واتبهدلت يا يمة ... وريني الخلاص
....
يا يمه يا نور الصباح وكتين يطل
يا يمه يا بدري البشع دايماً يهل
يا يمه يا فيض الحنان الما كمل
وآشري يا زينوبة ولدك في بحور الشوق كتل
محروم من الحب والمحنة وراك همل

.....

كدي شوفها عليك الله يا كوتش ...ماها منطبقة على زولنا ود جبرين ده؟؟

الرسول أأأالزول امشي علي اليوتيوب
فتش علي اغنية ((يا نسمة)) لي محمد جبارة
يمين تشرب ما تروى

Post: #33
Title: Re: يُمة حموني الإجازي
Author: طارق جبريل
Date: 06-17-2010, 10:38 PM
Parent: #14

Quote: آآآآآآآآآآآآآآآآآآآآآآآآآآآآآآآآآآآ يا طارق ياخ تعبتنا

طارق الكوتش كيفنك
ياخي مالك علي
ود النصري دة يمين يوجع الما بيتوجع
ياخي صوته حنين زي انين السواقي

Post: #30
Title: Re: يُمة حموني الإجازي
Author: طارق جبريل
Date: 06-17-2010, 10:32 PM
Parent: #11

Quote: حبيبنا وقريبى ود جبرين، تحياتى ومودتى ، ياسلام على الابداع والجمال، والله كلام من صدقه وقوة عاطفته لم أتمالك نفسى وشاركتك الحزن والشجن لأن الحال من بعضه، حفظك الله ياود جبرين فمثل هذا الكلام المرتب القوى يدخل القلب والاحاسيس، لك الحب والمودة وواصل الابداع والالق كتاباتك فيها كثير من العزاء لقلوبنا المرهقة.

هاشم اخوي وحات الله انا فتر
غلبني يا الحبيب

Post: #34
Title: Re: يُمة حموني الإجازي
Author: عمران حسن صالح
Date: 06-17-2010, 10:39 PM
Parent: #30

أزيتني يا طارق
أزيتني
وصدقني والله غلبني أكمل

Post: #42
Title: Re: يُمة حموني الإجازي
Author: Dr. Ahmed Amin
Date: 06-17-2010, 10:54 PM
Parent: #34

الله ... الله يا ود جبـــرين يااااخي ....

ياخي مالك علينا .. لا حول ولاقوة الأ بالله ..

والله الصبر كمل .. وما عارفين كيف يكون الحال ..

قلت المشتهين نقوله من زمن روح ...

غايتو الله غالب ...

Quote: زيتني يا طارق
أزيتني
وصدقني والله غلبني أكمل

قال عمران وكفى

Post: #46
Title: Re: يُمة حموني الإجازي
Author: كمال عباس
Date: 06-17-2010, 11:06 PM
Parent: #42

............
هاك دي ياود جبرين.......
المشتهنك
السر عثمان الطيب.

يا المشتهنك في غيابك بالنا بيك ضمه انشغل
النوم وراك يبقالنا شر فارق عيونا خلاص رحل
ضايقين متين ترجع تعود نسأل متين قطرك يصل
حارسين شويفعنا البجيب لينا البشاره يجيب امل
يجري ويناهد من بعيد شايلو شنطه وبي عجل
يفرح يقول خليتو جايي وراي يسالم في الاهل
والساعه ديك عاد البلد تنجارا قاصداك يا السمح
والناس توسوس لى بعض يي داك وصل والله صح
حتى اللى كان محزون وباكي الليلي عاد هش وفرح
في يوم رجوعك يا حبيب روحنا تب يبرا الجرح
والساقي بعد العنكبوت الفوق حطيبا خلاص بني
بعد الكآبه ومسحة الحزن العليها مهيمنه
مرقت تلاقيك زى عروس متعطره ومتزينه
جدولنا من بعد اليباس الكان موجع تقنتو
بعد السنين العاشا فى بعدك بيكتم أنتو
بعد العذاب العذاب الفي غيابك كان يزيد لى محنتو
بلقاك فرح جاك زي عريس يا دوب جديد بي حنتو
والقمري من بعد الألم والحسره والنوح والجراح
بعد الدموع السايله دايماً وعمرو ف كفكفيفا راح
في يوم رجوعك جفنو من بعد السهر دابو استراح
فوق السبيط زوزا ورقص طربان يزغرد للصباح
واوتار طنابيرنا الأبت يا حبى فى غيبتك ترن
حلفت محال ما تجيب نغم يفرح قلوبنا ويسعدن
عادت هى متل ايام زمان تشرح نفوسنا وتبهجن.
..........

Post: #47
Title: Re: يُمة حموني الإجازي
Author: elnawrani margan
Date: 06-17-2010, 11:18 PM
Parent: #46

والله ياود جبريل

حالتك متاخرة جدا جدا

الله يستر عليك

Post: #48
Title: Re: يُمة حموني الإجازي
Author: هواري نمر
Date: 06-18-2010, 01:48 AM
Parent: #47

آآآ ود جبرين!!
حليـــــــــــــــــــــــــــــل آبــــــــــــــــــــــوي
وحليل الناس!!
ان حموك الاجازة,طيب نحن ماشين لي شنو؟؟
يا زول باصرها جاي وجاي
قولهم الحبان جايين من قبل الدنيا البعيدة وفاردين جناحات الشوق,كايسين
للملاقاة ,للسلام,المطايبة,المقالدة,والونسة الدُقاقة
قولهم ان قعدت ياني المرضت وياني الما اشتغلت

__
موش قلته ليك, خليها اخر السنة وانت قلت لالا
اها خُم وصُر

Post: #49
Title: Re: يُمة حموني الإجازي
Author: معاوية المدير
Date: 06-18-2010, 05:55 AM
Parent: #48

Quote: __
موش قلته ليك, خليها اخر السنة وانت قلت لالا
اها خُم وصُر

والله يا هوارئ سبقتني عليها.
أنا من الصباح مع سيف الدولة كآمل بالتلفون،
قلتلو، اصلوا ما في زول يهبب لطارق جبرين
ده، والله يقولوا عينك في راسك. نعمننا شحدناهو
شحدة من قلّت حيلتو وابا يجبر بي خاترنا.
يا بركة الآ نام لآ اكل الطعآم يا طارق جبرين
يصدقولك الإجازة مع قومتنا، ونلآقيك في البلد
كيتناً عليك...

Post: #56
Title: Re: يُمة حموني الإجازي
Author: طارق جبريل
Date: 06-18-2010, 11:05 AM
Parent: #49

Quote: أنا من الصباح مع سيف الدولة كآمل بالتلفون،
قلتلو، اصلوا ما في زول يهبب لطارق جبرين
ده، والله يقولوا عينك في راسك. نعمننا شحدناهو
شحدة من قلّت حيلتو وابا يجبر بي خاترنا.
يا بركة الآ نام لآ اكل الطعآم يا طارق جبرين
يصدقولك الإجازة مع قومتنا، ونلآقيك في البلد
كيتناً عليك...

ود المدير تداعي فيني عامل صلعتك علي البخسة كدي

اها قولي عيد الضحية كيفن معاك

Post: #55
Title: Re: يُمة حموني الإجازي
Author: طارق جبريل
Date: 06-18-2010, 11:03 AM
Parent: #48

Quote: موش قلته ليك, خليها اخر السنة وانت قلت لالا
اها خُم وصُر

باقيلي الفكي أليلك قوي
اها عيد الضحية كيف

Post: #59
Title: Re: يُمة حموني الإجازي
Author: SHIBKA
Date: 06-18-2010, 08:50 PM
Parent: #55

Quote: باقيلي الفكي أليلك قوي
اها عيد الضحية كيف

دا القلناهو من الاول

Post: #75
Title: Re: يُمة حموني الإجازي
Author: طارق جبريل
Date: 06-19-2010, 12:52 PM
Parent: #59

Quote: دا القلناهو من الاول

Post: #54
Title: Re: يُمة حموني الإجازي
Author: طارق جبريل
Date: 06-18-2010, 11:03 AM
Parent: #47

Quote: والله ياود جبريل

حالتك متاخرة جدا جدا

الله يستر عليك

والله والله صَدَق

Post: #53
Title: Re: يُمة حموني الإجازي
Author: طارق جبريل
Date: 06-18-2010, 11:02 AM
Parent: #46

Quote: يفرح يقول خليتو جايي وراي يسالم في الاهل

كمال هول ناس عباس
مالك علي ياخي
السر دة وحات الله معجون بي موية النيل

Post: #52
Title: Re: يُمة حموني الإجازي
Author: طارق جبريل
Date: 06-18-2010, 11:01 AM
Parent: #42

Quote: الله ... الله يا ود جبـــرين يااااخي ....

ياخي مالك علينا .. لا حول ولاقوة الأ بالله ..

والله الصبر كمل .. وما عارفين كيف يكون الحال ..

قلت المشتهين نقوله من زمن روح ...

غايتو الله غالب

دكتور احمد كيفنك ياخي
انت كمان داير تمرقها لي كندا

Post: #50
Title: Re: يُمة حموني الإجازي
Author: طارق جبريل
Date: 06-18-2010, 09:41 AM
Parent: #34

Quote: أزيتني يا طارق
أزيتني
وصدقني والله غلبني أكمل

يا قريبي الرسول لا تزعل مني
وحات الله غلبني يا عمران
يا عمران ريحة الجروف في نخريني
وواقود بت ابو دية في الدونكة يراريلي قدام عيني
يا عمران بت ابو دية شالت قلبي معاها وراحت

Post: #51
Title: Re: يُمة حموني الإجازي
Author: هواري نمر
Date: 06-18-2010, 09:45 AM
Parent: #50

Quote: والله يا هوارئ سبقتني عليها.
أنا من الصباح مع سيف الدولة كآمل بالتلفون،
قلتلو، اصلوا ما في زول يهبب لطارق جبرين
ده، والله يقولوا عينك في راسك. نعمننا شحدناهو
شحدة من قلّت حيلتو وابا يجبر بي خاترنا.
يا بركة الآ نام لآ اكل الطعآم يا طارق جبرين
يصدقولك الإجازة مع قومتنا، ونلآقيك في البلد
كيتناً عليك...

اها يا الخرابة ود جبرين..
خُم وصُر....تاني
الترابة في خشمك يا الفالح...ما عايز تنتظرنا

ود المدير دعواته كاربة ود شيوخ كمان

Post: #58
Title: Re: يُمة حموني الإجازي
Author: Dr. Ahmed Amin
Date: 06-18-2010, 08:42 PM
Parent: #51

Quote: دكتور احمد كيفنك ياخي
انت كمان داير تمرقها لي كندا

يمين بالله بوستيك ده مسخه لي ...

خليته ياخي ...

Post: #61
Title: Re: يُمة حموني الإجازي
Author: معاوية المدير
Date: 06-19-2010, 04:00 AM
Parent: #58

Quote: اها قولي عيد الضحية كيفن معاك

اووووعك أسمعك تاني تجيب سيرة الضحيّة
دي في خشمك.
البُخسة التتكسر لك فوق رويسك
قِحِف، قِحِف يابركة ستي
نفيّسة...

Post: #62
Title: Re: يُمة حموني الإجازي
Author: سيف الدولة كامل
Date: 06-19-2010, 06:38 AM
Parent: #61

صحي يا أخواني حولتوا الاجازي لي كازي؟

Post: #63
Title: Re: يُمة حموني الإجازي
Author: كمال الشادي
Date: 06-19-2010, 07:33 AM
Parent: #62

طارق جبريل
إنعل صليبك
وإنعل ابوخاشك
وإنعل
دين الغربة زاتها

إنت زول مطرطش كده ليه
كلام زي ما تكتبو تاني هنا
مفهوم

هسي الناس المعاي في المكتب يفهمو شنو
واحد من الصباح قاعد يبكي في المكتب قدام الكمبيوتر
مالو ده هسي

تصدق
إنت زول مطرطش

دين الغربة زاتا

Post: #64
Title: Re: يُمة حموني الإجازي
Author: خالد درق
Date: 06-19-2010, 07:54 AM
Parent: #63

ود جبريل اخوى ... سلام

اخ واخ على الغربة واه اه كتاباتك حلوة بس بتبكى الله يرجعنا من الغربة

تسلم اخى ...

Post: #65
Title: Re: يُمة حموني الإجازي
Author: امير عوض الجمري
Date: 06-19-2010, 08:06 AM
Parent: #64

طااااارق جبرييييييل
طااااارق الكوووووتش

بااااااااااااااااااااااااااااااااااااااااااااااااالغتو
انا تعبااااااااااااااااااااااااااااااااااااااااااااااان جدا اسي دي .. اعمل شنو !

كمال الشادي صور حالتنا بلا قيوووود .. وده الحاصل لينا كلللللللنا

اااااااااااااااااااااااااااااااااااااااااااخ والله تعباااااااان وفترت فتر شدييييييد

Post: #67
Title: Re: يُمة حموني الإجازي
Author: معاذ حسن
Date: 06-19-2010, 08:26 AM
Parent: #65

طارق يا عزيز صباح الخيرات
للطيب صالح رحمه الله مقولة في هذا الصدد اعجبتني جدا
سمعته مرة يتحدث عن اغاني الحنين ومرارة الغربة
ويمة الزمن ساقني بعيد خلاص... وداير ارجع للسواقي...
واطلع النخلة واتدردق في الجدول ومش عارف ...الخ
قال رحمه الله:
مثل هذه الاغاني لا تناسب الشخصية السودانية
كما انها تفت في عضد الشباب وتفك جبارهم
واشاد بالفتي القائل : إما جبنا مالا فّرح الراجينا... وإما خوجلت فوقنا الصقور ما جينا
دحين يا اخوي قوي قلبك ,,
ولكم من الود والحب ما تعلمون
وأسأل الله ان ينزل شآبيب رحمته على والدتكم
ودعاء الابن لوالده ليس رهن بمكان ,,وان تيسر لك فاهبر علينا عمرة هبها للوالده وسوف ترتاح بعدها.

Post: #82
Title: Re: يُمة حموني الإجازي
Author: طارق جبريل
Date: 06-19-2010, 01:10 PM
Parent: #67

Quote: طارق يا عزيز صباح الخيرات
للطيب صالح رحمه الله مقولة في هذا الصدد اعجبتني جدا
سمعته مرة يتحدث عن اغاني الحنين ومرارة الغربة
ويمة الزمن ساقني بعيد خلاص... وداير ارجع للسواقي...
واطلع النخلة واتدردق في الجدول ومش عارف ...الخ
قال رحمه الله:
مثل هذه الاغاني لا تناسب الشخصية السودانية
كما انها تفت في عضد الشباب وتفك جبارهم
واشاد بالفتي القائل : إما جبنا مالا فّرح الراجينا... وإما خوجلت فوقنا الصقور ما جينا
دحين يا اخوي قوي قلبك ,,
ولكم من الود والحب ما تعلمون
وأسأل الله ان ينزل شآبيب رحمته على والدتكم
ودعاء الابن لوالده ليس رهن بمكان ,,وان تيسر لك فاهبر علينا عمرة هبها للوالده وسوف ترتاح بعدها

معاذ كيفنك
ياخي شيخ الطيب دة ذاته قبال كدي قالي:
وكتين وصلت لندن والبرد ضربني
ولقت نفسي في غرفة زي القبر
سألت نفسي انا الجابني هني شنو
كنت قاعد في الحيشان الكبار وسط اهلي

يا حبيب انا غايتو قصة الغربة دي ماها لافقي معاي

تحياتي لي ((بتنا)) المعاك

Post: #81
Title: Re: يُمة حموني الإجازي
Author: طارق جبريل
Date: 06-19-2010, 01:07 PM
Parent: #65

Quote: اااااااااااااااااااااااااااااااااااااااااااخ والله تعباااااااان وفترت فتر شدييييييد

ود الجمري الرسول ماك مشتهيلك دافوري
في الفسحة القدام ناس ابوك ديك

Post: #66
Title: Re: يُمة حموني الإجازي
Author: Yousif A Abusinina
Date: 06-19-2010, 08:13 AM
Parent: #64

Quote: والله ياود جبريل

حالتك متاخرة جدا جدا

الله يستر عليك

اولاد الذين امنو ............ ما قولتو ن####### بخاف الجماعة يفسروها غلط وافتح على نفسى نار ما بقدر عليها

غايتو يا طارق ....... الله يستر علينا من تحجر القلوب ........ نتمنى بصيص امل ونور لكن الشغلة شكلها ما عندها اخر .

وعلى قول اهل العلام ......... مالانهاية

Post: #68
Title: Re: يُمة حموني الإجازي
Author: إدريس محمد إبراهيم
Date: 06-19-2010, 08:34 AM
Parent: #66

Quote: يمة قوليلم انا ماني حاريلي شي..
قوليلم انا مشتهي اصليلي ركعتين عند قبرك..
يمة داير اقعد واتفرجخ عند راسك واحكيلك حالي وحال وليداتي..

يا ود جبرين ياخي قطعت مصارينا ورقدنا كاويق عدييييييل ...النبي فوقك كان ما مشيت الإجازه وسويت كل الفي نفسك .. ياخي ملعون أبو الغربه زاتو ..

وبالله ما داير أوصيك على ناس العمارات ... نان الحريص بيوصوا ابوي ...

واخوانا المصريين بالجد صدقوا حين قالوا ... الغربه تربه ...

مع خالص الأشواق ، وحبي الذي تعرف ..

Post: #69
Title: Re: يُمة حموني الإجازي
Author: الطيب شيقوق
Date: 06-19-2010, 08:48 AM
Parent: #68

ود جبرين المسنوح يجز راسك خربت المنبر دا كلو

جنك جوعير

الجوعير ال ............

Post: #70
Title: Re: يُمة حموني الإجازي
Author: MOHAMMED ELSHEIKH
Date: 06-19-2010, 10:18 AM
Parent: #69

طبعا الدموع ابت تقيف لي هسع
والله كلما اشوف البوست دا ازوق منو
لكن المرة دي قويت قليبي ودخلت عليه
مالك يا طارق يا ود جبرين علينا...
امي زلخا بت محمد الشيخ بعد تلاتة يوم بس تكون تمت سنة في ذمة خالقها
آآآآه يا طارق أخوي
البارح الضهر كنت ضارب الونسةبالصوت و الصورة مع اخواتي وأخواني مريم ونفيسة و حسن .. على الكمبيوتر من تحت ضل التمرات.......
علا ...امي ... ما ها معاهم

اللهم ارحمها
اللهم ارحم ام طارق
اللهم ارحم كل الأمهات
وادخلهن جنات عدن
اللهم طول عمر ال على قيد الحياة
وادهن العافية آآآآآمييين يارب

Post: #71
Title: Re: يُمة حموني الإجازي
Author: عمر المهدى
Date: 06-19-2010, 10:59 AM
Parent: #70

طارق سلام كتير
ياخي مابقي فينا حيل وقاعدين علي الهبشه
ربنا يرحم موتانا جميعا لكن ذكراهم بتجرح
وانت تجي علي الجرح وتدعك يديك العافيه
والاجازه

Post: #72
Title: Re: يُمة حموني الإجازي
Author: الرشيد بابكر
Date: 06-19-2010, 12:00 PM
Parent: #71

جبريلا الحبيب
أقولك شي وما تزعل مني...
أنا بوستيك ده لي كم يوم كده زايغ منو عديل كده...
الا الليله قلت الحاي الله و الكاتل الله...و دخلت...
و جيت لقيت الكنت عامل حسابي منو...
شريط ذكريات كده كررررررررررر كده من عمر ما استحضرت الذاكرة و لحدي اليوم...
و بعد داك قعدت متبلم...و الكمبيوتر متبلم...و السرير متبلم...حتى المخدي متبلمة..
أها زي ما دخلتنا في الحالة دي أمرقنا منها...

Post: #73
Title: Re: يُمة حموني الإجازي
Author: معاوية المدير
Date: 06-19-2010, 12:20 PM
Parent: #72

الـزمـن غـلـبـنا يـامـا، حـرمـنـا شـآل الإبـتـسآمـة ......ون أبوها غُـربـة ...

Post: #92
Title: Re: يُمة حموني الإجازي
Author: طارق جبريل
Date: 06-19-2010, 02:49 PM
Parent: #73

ود المدير
ياخي غربة وحالا فقر عذبني قبل اصل القبر

Post: #91
Title: Re: يُمة حموني الإجازي
Author: طارق جبريل
Date: 06-19-2010, 02:48 PM
Parent: #72

Quote: جبريلا الحبيب
أقولك شي وما تزعل مني...
أنا بوستيك ده لي كم يوم كده زايغ منو عديل كده...
الا الليله قلت الحاي الله و الكاتل الله...و دخلت...
و جيت لقيت الكنت عامل حسابي منو...
شريط ذكريات كده كررررررررررر كده من عمر ما استحضرت الذاكرة و لحدي اليوم...
و بعد داك قعدت متبلم...و الكمبيوتر متبلم...و السرير متبلم...حتى المخدي متبلمة..
أها زي ما دخلتنا في الحالة دي أمرقنا منها...

الرشيد هول ناس بابكر
كيفنك وكيفنهم وليداتك يا الحبيب
يا الرشيد اشتهيت امي
عارف نفسي ما حا اشوفها تاني
بس وحات خوتك مشتهي نضميها
ومشتهي اشوفها تعوس في الفطير
مشتهي اشوف فيها تلايق في ملاح اللاااريق بي مفركاتها
مشتهي اقعد جنبها في التُكل وهي ((تملح)) للضيوف في الديوان
الرشيد غلبني ياخي

Post: #90
Title: Re: يُمة حموني الإجازي
Author: طارق جبريل
Date: 06-19-2010, 02:44 PM
Parent: #71

Quote: طارق سلام كتير
ياخي مابقي فينا حيل وقاعدين علي الهبشه
ربنا يرحم موتانا جميعا لكن ذكراهم بتجرح
وانت تجي علي الجرح وتدعك يديك العافيه
والاجازه

عمر كيفنك ياخي
يا عمر النصايب منطبقات علي اتنين وتلاتي
يا عمر كل ما نقول القصي دايري تنتهي تقوم تطول
يا عمر ناس الحيكومي ديل ماهن عارفين بعدين في حساب
يا عمر لااامتين يخلونا كدي نزوزي لاااابرة

Post: #87
Title: Re: يُمة حموني الإجازي
Author: طارق جبريل
Date: 06-19-2010, 01:19 PM
Parent: #70

Quote: البارح الضهر كنت ضارب الونسةبالصوت و الصورة مع اخواتي وأخواني مريم ونفيسة و حسن .. على الكمبيوتر من تحت ضل التمرات.......
علا ...امي ... ما ها معاهم

ود الشيخ يكفنك
يا الحبيب العوجة دي سايقانا كدي لاااامتين عاد
ياخي انا غايتو غلبني

الله يرحمن ويديهن الجنة يا رب
والله فراقن مانا قادرين عليهو
نسأل الله لهن الجنة مع الشهداء والصديقين

Post: #85
Title: Re: يُمة حموني الإجازي
Author: طارق جبريل
Date: 06-19-2010, 01:16 PM
Parent: #69

Quote:
ود جبرين المسنوح يجز راسك خربت المنبر دا كلو

جنك جوعير

الجوعير ال ............

شقي الحال
الرسول فيك ما اشتهيت العنكوليب

Post: #84
Title: Re: يُمة حموني الإجازي
Author: طارق جبريل
Date: 06-19-2010, 01:14 PM
Parent: #68

Quote: وبالله ما داير أوصيك على ناس العمارات ... نان الحريص بيوصوا ابوي ...

ادريس كيفنك ابوي
اها انت كمان زيد اكتل فينا

Post: #83
Title: Re: يُمة حموني الإجازي
Author: طارق جبريل
Date: 06-19-2010, 01:12 PM
Parent: #66

Quote: غايتو يا طارق ....... الله يستر علينا من تحجر القلوب ........ نتمنى بصيص امل ونور لكن الشغلة شكلها ما عندها اخر .

وعلى قول اهل العلام ......... مالانهاية

نان يا يوسف نقعد بي هنا طول عمرنا
ورويحتنا هناك مع اهلنا؟؟؟؟
باقيلك الشي دة ما عنده آآآخر

Post: #80
Title: Re: يُمة حموني الإجازي
Author: طارق جبريل
Date: 06-19-2010, 01:05 PM
Parent: #64

Quote: ود جبريل اخوى ... سلام

اخ واخ على الغربة واه اه كتاباتك حلوة بس بتبكى الله يرجعنا من الغربة

تسلم اخى ...

حدو وين عاد يا الحبيب
لا متين نحن نتباكى لاااابرا كدي
انا تعب يا خالد

Post: #78
Title: Re: يُمة حموني الإجازي
Author: طارق جبريل
Date: 06-19-2010, 01:02 PM
Parent: #63

Quote: إنت زول مطرطش كده ليه
كلام زي ما تكتبو تاني هنا
مفهوم

حبيبنا ود الشادي
وحات الله يا الحبيب انا كتل هني
وغلبني اشيل النصيبي دي جواي براي
عارف حميد وكتين قال
النعال والطرقي انهرن
ما قالتلو جيب
شيلن يا الحبيب ودهن النقلتي والترزي القريب

اريتنا كان سوينا كدي يا الحبيب
كان هسي قاعدين وسط اهلنا ونضحك والقلب مليااااااااان

Post: #77
Title: Re: يُمة حموني الإجازي
Author: طارق جبريل
Date: 06-19-2010, 12:58 PM
Parent: #62

Quote: صحي يا أخواني حولتوا الاجازي لي كازي؟

كازي طايري يا الحبيب
مالا كريمي عيبها لي

Post: #79
Title: Re: يُمة حموني الإجازي
Author: طارق جبريل
Date: 06-19-2010, 01:04 PM
Parent: #58

Quote:

يمين بالله بوستيك ده مسخه لي ...

خليته ياخي ...

ياخي لا تسافر بعيد
خلك قريب
حانن اهلك واصلهم

Post: #76
Title: Re: يُمة حموني الإجازي
Author: طارق جبريل
Date: 06-19-2010, 12:55 PM
Parent: #51

Quote: ود المدير دعواته كاربة ود شيوخ كمان

شفتلك فكي قاعد يلبس جينز
وعايش وسط النسوان الشُقُر

Post: #86
Title: Re: يُمة حموني الإجازي
Author: سيف الدولة كامل
Date: 06-19-2010, 01:16 PM
Parent: #76

والله كريمي مافيها عيب الا الاجازي تجازي يا الحبيب.

اها ما بدورلك واسطي ؟

Post: #88
Title: Re: يُمة حموني الإجازي
Author: عثمان الشيخ
Date: 06-19-2010, 01:56 PM
Parent: #86

ود جبريل كيفنك
ياخي قلبي وجني غلبني الشغل وخيالي سرح بعييييييييد
اتذكرت العيد الفات كنت معيد براي الوليدات وامهم سافروا وسمعت اليمني يغني

(جاء للناس وفرحو بالعيد
جاني نكد
لقاني عايش وحيد على زول
مامرق عيدت )
ولما قال( طريت امي البتبكي دوام تقول في الغربة عندي ولد)
صوت جعيري يجيب الطاش

كدي حاول نزلها لينا ولا
شوف نزل لينا اغنية عثمان اليمني متين نرجع للبلدطولنا من ارض الحنان
انا عندي في الكمبيوتر بس مابعرف انزلها
ياخي مالك معانا كنا متحملين وصابرين اها نقبل وين هسة

Post: #89
Title: Re: يُمة حموني الإجازي
Author: كمال الشادي
Date: 06-19-2010, 02:24 PM
Parent: #88

العزيز الرشيد بابكر
Quote: جبريلا الحبيب
أقولك شي وما تزعل مني...
أنا بوستيك ده لي كم يوم كده زايغ منو عديل كده...
الا الليله قلت الحاي الله و الكاتل الله...و دخلت...
و جيت لقيت الكنت عامل حسابي منو...
شريط ذكريات كده كررررررررررر كده من عمر ما استحضرت الذاكرة و لحدي اليوم...
و بعد داك قعدت متبلم...و الكمبيوتر متبلم...و السرير متبلم...حتى المخدي متبلمة..
أها زي ما دخلتنا في الحالة دي أمرقنا منها...

اقسم بالله العظيم يا الرشيد
انا البوست بتاع الغبيان الاسمو طارق جبريل ده قريت منو سطرين بس
اقسم بالله العظيم سطرين بس
وعلى الطلاق سطرين بس
وبعدها أخوك بكاء بي مخاخيتو عدييييييييييييييل
قفلت الدين الاسمو الكمبيوتر وطلعت كم إجتماع بره
جيت راجع هسي قبل صلاة العصر
فتحتو لقيت امة لا اله الا الله كلها تبكي
وبرضو غلبني اقرا البوست بتاع الزول السجمعان الاسمو طارق جبريل ده من الاول
لقيتك يا أخوي زيي هارش تعاين من بعدين لي بعيد
وقلت عشان اتابع اقرا ردود الناس
تاني أخوك فكاها بكية من عينة أبو مخاخيت المابتغباك

العزيز طارق جبريل
تاني وتالت
الله لا كسبك
يا أخي عشان حموك الاجازة
تقوم في الناس كده
اناوعدتك بجيك الاجازة هناك في المغرب بتاعكم داك
إنعل ام المغرب بتاعك
وكمان أديها ليك كوز
أم امير المؤمنين بتاعكم
خم وصر

Post: #94
Title: Re: يُمة حموني الإجازي
Author: اشرف السر
Date: 06-19-2010, 02:53 PM
Parent: #89

--------------------------

استغفرتك يا الله...
ود جبرين.. شكيتك على الله
كملت باقي المخاخيت الفي راسي
-----------
لك من محبتي ما تعلم...وما لا تعلم

Post: #97
Title: Re: يُمة حموني الإجازي
Author: طارق جبريل
Date: 06-19-2010, 03:08 PM
Parent: #94

Quote: استغفرتك يا الله...
ود جبرين.. شكيتك على الله
كملت باقي المخاخيت الفي راسي

ابكي يا حبيبنا
ابكي طلع الجواك كله
الله يسهل طريقك لي اهلك ويعدلها عليك

Post: #96
Title: Re: يُمة حموني الإجازي
Author: طارق جبريل
Date: 06-19-2010, 03:05 PM
Parent: #89

Quote: العزيز طارق جبريل
تاني وتالت
الله لا كسبك
يا أخي عشان حموك الاجازة
تقوم في الناس كده

كيمو يا حبيبنا
الرسول ان بقيت زعلت مني
يا كيمو وحات الله ماني براي
يا كيمو قبل ثلاثة سنين ابوي بقى غالبو المشي وعنده شلل في اليد اليمين
جيت من لااابرة والدنيا كانت غبار شديد
لقيتو مكندك في الدرابزين أليلنا
دخلتو الحمام حميتو ولبستو عراقي وسروال كويتن براي
وريحتو وطلعتو قدام الباب مع عمنا عبد الله
تعرف وانا بحمي فيهو قالي شنو؟؟
يا طارق يا ولدي انا غايتو كتل فيك
لامتين داير تعيش بعيد عني كدي
والله يا كيمو دسيت دمعتي منو
احمي فيهو وابكي
يا كينو الرسول ان زعلت مني
غلبني اشيل الحمل براي قلت اجي اخت همي هني معاكم
لا تزعل يا الحبيب
الله بيلمك في احبابك
الله يديك الفي مرادك

Post: #95
Title: Re: يُمة حموني الإجازي
Author: طارق جبريل
Date: 06-19-2010, 02:55 PM
Parent: #88

Quote: ياخي مالك معانا كنا متحملين وصابرين اها نقبل وين هسة

سامحنا يا ود الشيخ
غلبني ياخي
لا قدرت اصبر لاني كمان قادر اسافر
باقيلك اقبل وين

كدي شوف دي:

Post: #93
Title: Re: يُمة حموني الإجازي
Author: طارق جبريل
Date: 06-19-2010, 02:52 PM
Parent: #86

Quote: والله كريمي مافيها عيب الا الاجازي تجازي يا الحبيب.

اها ما بدورلك واسطي ؟

استاذنا وحبيبنا سيف
غايتو من هني لاااعيد الضحية لو ربطوني آآآبقعد

Post: #98
Title: Re: يُمة حموني الإجازي
Author: عزام حسن فرح
Date: 06-19-2010, 03:15 PM
Parent: #93

طارِق ود جبريل

يِتْجازي الحماك الإجازي

Post: #101
Title: Re: يُمة حموني الإجازي
Author: طارق جبريل
Date: 06-19-2010, 07:29 PM
Parent: #98

Quote: طارِق ود جبريل

يِتْجازي الحماك الإجازي

عزام كيفنك
ياخي حموني ولخبتوا كياني ذاتو

Post: #99
Title: Re: يُمة حموني الإجازي
Author: Baha Elhadi
Date: 06-19-2010, 03:24 PM
Parent: #93

طارق يا حبوب:
كنت أظن وبعض الظن عشق
أنك فيما مضى كنت تصبرنا بما تجود به
ونتوله وننوح
لكنما ه>ه المرة هبشت عصبا حيا
تخيل زول مجروح في جوا العصب ويجي زول يهبشو بقسوة !!!!!!!!!!!
ه>ا ما فعلته بي ه>ه المرة
رحمهم الله جميعا
جددت أحزان عقود
كان قد هي الآن مسجاة والنواح لا زال طريا
والجرح يفت القلب
لك الله
انت غربا ونحن شرقا
بهاء/طوكيو

Post: #100
Title: Re: يُمة حموني الإجازي
Author: كمال الشادي
Date: 06-19-2010, 03:30 PM
Parent: #99

طارق
لما اروق برجع ليك
تحياتي

Post: #102
Title: Re: يُمة حموني الإجازي
Author: طارق جبريل
Date: 06-19-2010, 10:38 PM
Parent: #99

Quote: طارق يا حبوب:
كنت أظن وبعض الظن عشق
أنك فيما مضى كنت تصبرنا بما تجود به
ونتوله وننوح
لكنما ه>ه المرة هبشت عصبا حيا
تخيل زول مجروح في جوا العصب ويجي زول يهبشو بقسوة !!!!!!!!!!!
ه>ا ما فعلته بي ه>ه المرة
رحمهم الله جميعا
جددت أحزان عقود
كان قد هي الآن مسجاة والنواح لا زال طريا
والجرح يفت القلب
لك الله
انت غربا ونحن شرقا
بهاء/طوكيو

ود الهادي كيفنك ياخي
يا الحبيب نحن لانا ناس غربة لا شيتين
وحات الله مجبورين سااااااااكت
لاااامتين نقعد نزازي كدي

Post: #103
Title: Re: يُمة حموني الإجازي
Author: هواري نمر
Date: 06-19-2010, 11:41 PM
Parent: #102

Quote: شفتلك فكي قاعد يلبس جينز
وعايش وسط النسوان الشُقُر

يا زول الفكي تبعنا ده:
حيرانو جكسـي
ومحياتو بيبسي
وكمـــــــــــــــــــــان:
لوح كتابته ,لابت توب
وبخرتو, ايمل
ودعواتو , مسج

اها شن قولك؟
انت براك ما شفته فاتحته القوية في اجازتك دي !!

__
ياخي لاكن اتاريهم ناس البكاء والنخجي كتار شديد
الناس مقطعاهو في حنانها ساي ياودجبريل
الناس تعبانة وهلكانة والغربة بالحيـــــــــــــــــــــــل جهجهة باكاتهم,يعلم الله الجماعة رقدو سلطة
الله يجازي محنك يا المسخوط

Post: #104
Title: Re: يُمة حموني الإجازي
Author: طارق جبريل
Date: 06-20-2010, 09:58 AM
Parent: #103

Quote: ياخي لاكن اتاريهم ناس البكاء والنخجي كتار شديد
الناس مقطعاهو في حنانها ساي ياودجبريل
الناس تعبانة وهلكانة والغربة بالحيـــــــــــــــــــــــل جهجهة باكاتهم,يعلم الله الجماعة رقدو سلطة
الله يجازي محنك يا المسخوط

يا الحبيب امة الله دي ممكوني وصابري
الناس قاعدي علي الهبشي
الله يرد غربة الجميع

Post: #105
Title: Re: يُمة حموني الإجازي
Author: صلاح أبودية
Date: 06-20-2010, 09:58 AM
Parent: #103

ود خالتى
قلت لى أمى : طارق أحموهو الإجازي ..
قالت لى : اليرسلنا نحن بنجيهو !!

Post: #106
Title: Re: يُمة حموني الإجازي
Author: SHIBKA
Date: 06-20-2010, 10:15 AM
Parent: #105

Quote: قلت لى أمى : طارق أحموهو الإجازي ..
قالت لى : اليرسلنا نحن بنجيهو !!

لاجراء اللازم

Post: #120
Title: Re: يُمة حموني الإجازي
Author: طارق جبريل
Date: 06-20-2010, 09:49 PM
Parent: #106

Quote: لاجراء اللازم

يا شبكة ((طيبة)) ابو دية خالتي عدييييييييييل
باقيلك مو يوم المنى وكتين تجيني

Post: #118
Title: Re: يُمة حموني الإجازي
Author: طارق جبريل
Date: 06-20-2010, 08:33 PM
Parent: #105

Quote: ود خالتى
قلت لى أمى : طارق أحموهو الإجازي ..
قالت لى : اليرسلنا نحن بنجيهو !!

يا ريت يا الحبيب
نان انا وين لاقي ((طيبة)) الطيبي

Post: #111
Title: Re: يُمة حموني الإجازي
Author: احمد محمد بشير
Date: 06-20-2010, 12:30 PM
Parent: #99

Quote: طارق جبريل

Post: #121
Title: Re: يُمة حموني الإجازي
Author: طارق جبريل
Date: 06-20-2010, 09:51 PM
Parent: #111

احمد محمد بشير
كيفنك ابوي نصيح

Post: #107
Title: Re: يُمة حموني الإجازي
Author: ليلي عثمان عبيد
Date: 06-20-2010, 10:32 AM
Parent: #1

طارق كيفنك اخوي نعلك طيب انت ووليداتك . غايتو انا اصلي رقدت كداد ضمة

Post: #108
Title: Re: يُمة حموني الإجازي
Author: عبد الدائم سيد أحمد
Date: 06-20-2010, 11:01 AM
Parent: #107

عارف نحن هنا لما يحمونا الاجازي نسوى شنو

نرسل لناس السودان رقم الفاكس بتاع الشركة يقومو يرسلو ليك

يقولو ليك حبوبتك الربتك ماتت ( الله يرحمها )

طوالى يدوك اجازة اضطرارية 15 يوم مدفوعة الاجر

وبجاي جاي تجرلك اسبوع زيادة ، اهو اخير من العدم

جرب تعال فى شهر قصير .....

Post: #109
Title: Re: يُمة حموني الإجازي
Author: محمد علي شقدي
Date: 06-20-2010, 11:39 AM
Parent: #108

طارق

كتب عن يمه يا حنين

فجعلتني من جديد اتفحص صور ابوي واعيد للمره الاف قراءة نعيه في الجريده

واحلم بالعوده الان لغرس غصن في قبره بعد قراءة يس

وحلم اخر مشروع ان تسور كل المقابرالتي يرقد فيها الاحباب

طارق الغربه مر لا يطاق ولا شئ امر منه الا الغربه في الوطن

تحياتي ومناجاه شفيفه وربنا يبدل الحال

Post: #110
Title: Re: يُمة حموني الإجازي
Author: مشاعر بدوي
Date: 06-20-2010, 12:11 PM
Parent: #109

العزيز طارق ...

يا اخى بكيت الناس عدييييييييييييييييييل
ربنا يرحم الحاجه ويجعلها من اصحاب جنات النعيم
وانشاء الله يا رب ترجع بالسلامة ونسمع عنك كل الخير
وواصل كتاباتك الرائعه حتى تترجم ما تحس به
وفى انتظارك فى العيد الكبير

Post: #113
Title: Re: يُمة حموني الإجازي
Author: الشاذلى خيرى عبد الله
Date: 06-20-2010, 12:53 PM
Parent: #110

ربى يرحمها ..
ويحسن اليها ..
ويسكنها اعالى الجنان .. مع الصديقين والشهداء ..

:
:
:
:

ويبرد حشاك أأأخوى ..

Post: #114
Title: Re: يُمة حموني الإجازي
Author: انعام حيمورة
Date: 06-20-2010, 01:22 PM
Parent: #113

ربي يرد غربتكم كلكم

بوست يبكي ياخ

مودتي يا طارق

Post: #115
Title: Re: يُمة حموني الإجازي
Author: العوض المسلمي
Date: 06-20-2010, 01:33 PM
Parent: #114

الزول الحنين الزيك يا طارق ما بستحمل غربة ولا منظرا شين ..
اتمني من كل قلبي عودة كل المغادرين بلدانهم بالعودة الي الوطن ..

Post: #116
Title: Re: يُمة حموني الإجازي
Author: محمد آدم النور
Date: 06-20-2010, 03:39 PM
Parent: #115

كدي يا ناس
أمسحو دموعكم
وقشو مخاخيتكم
وقولو بسم الله
اللهم أرحم أماتنا
إذا حموكم الإجازات رسلو لي أماتكم
يجوكم طايرات طير
و الأمو رحمها الله
اليرسل لي أنا
التذكرة ..الفيزا و الذي منو
ما عندكم مشكلة بسد ليكم الفرقة
بشرط أبدأ بي عمك ودالصائم

Post: #129
Title: Re: يُمة حموني الإجازي
Author: طارق جبريل
Date: 06-21-2010, 10:10 AM
Parent: #116

Quote: كدي يا ناس
أمسحو دموعكم
وقشو مخاخيتكم
وقولو بسم الله
اللهم أرحم أماتنا
إذا حموكم الإجازات رسلو لي أماتكم
يجوكم طايرات طير
و الأمو رحمها الله
اليرسل لي أنا
التذكرة ..الفيزا و الذي منو
ما عندكم مشكلة بسد ليكم الفرقة
بشرط أبدأ بي عمك ودالصائم

جلا يا حبيبنا
انت ما تقول عديييل كدة يا جماعة انا عندي اجازة
وعايزكم تصرفوها لي

Post: #128
Title: Re: يُمة حموني الإجازي
Author: طارق جبريل
Date: 06-21-2010, 10:08 AM
Parent: #115

Quote: الزول الحنين الزيك يا طارق ما بستحمل غربة ولا منظرا شين ..
اتمني من كل قلبي عودة كل المغادرين بلدانهم بالعودة الي الوطن ..

العوض حبيبنا
وحاتك مجبور عليها سااااااااااكت
نسوي شنو عاد الله غالب

Post: #127
Title: Re: يُمة حموني الإجازي
Author: طارق جبريل
Date: 06-21-2010, 10:06 AM
Parent: #114

Quote: ربي يرد غربتكم كلكم

بوست يبكي ياخ

مودتي يا طارق

بت اهلي الحنان
الغربة هرتنا يعلم الله

Post: #126
Title: Re: يُمة حموني الإجازي
Author: طارق جبريل
Date: 06-21-2010, 10:01 AM
Parent: #113

Quote: ربى يرحمها ..
ويحسن اليها ..
ويسكنها اعالى الجنان .. مع الصديقين والشهداء ..

:
:
:
:

ويبرد حشاك أأأخوى ..

ود خيري كيفنك ابوي
والبنية وامها نعلهم طيبين
ربنا يرحم الجميع

Post: #125
Title: Re: يُمة حموني الإجازي
Author: طارق جبريل
Date: 06-21-2010, 10:00 AM
Parent: #110

Quote: العزيز طارق ...

يا اخى بكيت الناس عدييييييييييييييييييل
ربنا يرحم الحاجه ويجعلها من اصحاب جنات النعيم
وانشاء الله يا رب ترجع بالسلامة ونسمع عنك كل الخير
وواصل كتاباتك الرائعه حتى تترجم ما تحس به
وفى انتظارك فى العيد الكبير

اوووووووه مشاعر بدوي كلها
ياخي وحات الله دة يوم كبير خلاص
ربنا يرحم الجميع
وان شاء الله معاكم في عيد الضحية

Post: #124
Title: Re: يُمة حموني الإجازي
Author: طارق جبريل
Date: 06-21-2010, 09:52 AM
Parent: #109

Quote: طارق

كتب عن يمه يا حنين

فجعلتني من جديد اتفحص صور ابوي واعيد للمره الاف قراءة نعيه في الجريده

واحلم بالعوده الان لغرس غصن في قبره بعد قراءة يس

وحلم اخر مشروع ان تسور كل المقابرالتي يرقد فيها الاحباب

طارق الغربه مر لا يطاق ولا شئ امر منه الا الغربه في الوطن

تحياتي ومناجاه شفيفه وربنا يبدل الحال

ود شقدي كيفنك
الله يرحم جميع موتانا يا رب
ياخي فراقهم صعب شديد يعلم الله

Post: #123
Title: Re: يُمة حموني الإجازي
Author: طارق جبريل
Date: 06-20-2010, 09:55 PM
Parent: #108

Quote: عارف نحن هنا لما يحمونا الاجازي نسوى شنو

نرسل لناس السودان رقم الفاكس بتاع الشركة يقومو يرسلو ليك

يقولو ليك حبوبتك الربتك ماتت ( الله يرحمها )

طوالى يدوك اجازة اضطرارية 15 يوم مدفوعة الاجر

وبجاي جاي تجرلك اسبوع زيادة ، اهو اخير من العدم

جرب تعال فى شهر قصير .....

المشكلة يا النضيف رئيس التحرير حقي
عارف جدودي كلهم موتوا
باقليك اكتل منو تاني
ود جيرانا

Post: #122
Title: Re: يُمة حموني الإجازي
Author: طارق جبريل
Date: 06-20-2010, 09:52 PM
Parent: #107

Quote: طارق كيفنك اخوي نعلك طيب انت ووليداتك . غايتو انا اصلي رقدت كداد ضمة

يا بت اهلي انا اصلي ودر ضُمة ضُمة

Post: #117
Title: Re: يُمة حموني الإجازي
Author: عطية المحسي
Date: 06-20-2010, 04:20 PM
Parent: #1

والله ..والله ..والله..

ماقرأت مثل هذا قط..

ومارقَ قلبي لكلام كما رقَ لما سردت ياطارق جبريل..

لله دركـ..لله دركـ ..لله دركـ..

Quote: يمة المنقايي ألت الكوشتنير الفي القيفي ماتت وقطعوها..

Post: #119
Title: Re: يُمة حموني الإجازي
Author: ياسر بيناوي
Date: 06-20-2010, 08:39 PM
Parent: #117

Quote: : يُمة حموني الإجازي

يازول مالك ومال الغربة البلاء اجازات دي شغلتم دي ادمسا وتعال

هسه عليك الله زي المنظر دا هناك في

خالص الود

Post: #131
Title: Re: يُمة حموني الإجازي
Author: طارق جبريل
Date: 06-21-2010, 10:12 AM
Parent: #119

Quote: هسه عليك الله زي المنظر دا هناك في

انت عاد اقعد مغس فيني كدة

Post: #130
Title: Re: يُمة حموني الإجازي
Author: طارق جبريل
Date: 06-21-2010, 10:12 AM
Parent: #117

Quote: والله ..والله ..والله..

ماقرأت مثل هذا قط..

ومارقَ قلبي لكلام كما رقَ لما سردت ياطارق جبريل..

لله دركـ..لله دركـ ..لله دركـ..

عطية كيفنك يا الحبيب
اخوك ممكون
بس خليها علي الله سااااااكت

Post: #132
Title: Re: يُمة حموني الإجازي
Author: طارق جبريل
Date: 06-21-2010, 04:36 PM
Parent: #130

الله في