حبيبي انا..

ناس الليل
عماد عبد الله
الناس المدروشة
الناس البتتنهد
الناس الدمعتها على خدها
الناس الهناك
والناس الحلوة شديد
احباب النخجي والجوعير

Quote: احباب النخجي والجوعير

ده حالي وحالك يا حبيب
إلا ماك حاسي بيهو


....
دكتورنا ده ماجوعر بيك لسع ؟
ههههههههههههههه

Quote: دكتورنا ده ماجوعر بيك لسع ؟ ههههههههههههههه

والله يا ود ساتي
انا مثبت الحاج
قلت ليه اصبر لي يوم الاحد
لكن لو جاكم دكتوركم دة اهلو حا يجوعروا فيهو
هههههههههههههههههه

يا اللادن العرجون

طارق ياودامى ,,,,,

الايام دى انا بسمع غنا بس يا كتلنى يا كتلتو ..

قلنا الروووووووووب .

طارق

سلامات.

ما قالت لك حباك برص؟

أحلام الحب
كلمات: محمد علي عبد الله الأمي
غناء: عبد العزيز محمد داؤود‏

زرعوك في قلبي
يا من كساني شجون
ورووك من دمي
ياللادن .. العرجون
يا الباسم الهادي
نورك سطع.. هادي
وماذا أقول
في سناك ..
فيك الدلال .. عادي
وماذا أقول
شايقاني فيك قامه
سمحة وميلحة لون
وعاجباني فيك بسمه
وساحراني فيك عيون
أنا في انتظار عطفك
مرت عليّ سنين
أسعدني بنظره
وخليك علينا حنين
في حسنك الفردي
ياما نظمت فنون
هيهات أسلو هواك
مهما اعتراني جنون
أنا لي لقاك صادي
لو في الخيال راضي
خصمي هواك يا وديع
من يا تري القاضي


____

طارق

قام عليك جنك - وحاة الرسول انت فاقد رباط

هديل

Quote: زرعوك في قلبي يا من كساني شجون ورووك من دمي ياللادن .. العرجون يا الباسم الهادي نورك سطع.. هادي وماذا أقول في سناك .. فيك الدلال .. عادي وماذا أقول شايقاني فيك قامه سمحة وميلحة لون وعاجباني فيك بسمه وساحراني فيك عيون أنا في انتظار عطفك مرت عليّ سنين أسعدني بنظره وخليك علينا حنين في حسنك الفردي ياما نظمت فنون هيهات أسلو هواك مهما اعتراني جنون أنا لي لقاك صادي لو في الخيال راضي خصمي هواك يا وديع من يا تري القاضي

انت تقصدين القتل مع سبق الاصرار - مالك علينا نحن شغالون تهدئة وانت بتولعي لينا في النيران

____

Quote: طارق قام عليك جنك - وحاة الرسول انت فاقد رباط

يا مولانا ود شيقوق سلامات
الخرابة طارق دا مناسيب العشق والنخجي
والجوعير زايدة عندو اليومين ديل !!!!

Quote: هديل انت تقصدين القتل مع سبق الاصرار -

أها يا مولانا قلنا نتم ليهو الناقصة!

Quote: يا مولانا ود شيقوق سلامات الخرابة طارق دا مناسيب العشق والنخجي والجوعير زايدة عندو اليومين ديل !!!!

انا تراني ماني داسيهو
بسكت اجوعير واتنخج
الكلام علي الناس البتدمع في سرها


هدير كيفنك ياخي

Quote: طارق قام عليك جنك - وحاة الرسول انت فاقد رباط

شقي الحال
النبي فيك وكتين ينقولك العنكوليب ويدوك لكزة لكزتين
ما قاعد تعوعي رسمي

Quote: طارق سلامات. ما قالت لك حباك برص؟

اووووووووووووه دينق
انت برضك بتاع نخجي وجوعير


تليشة:
امبارح كنت مع طلحة جبريل وذكراك كانت حاضرة

طارق

ألف سلام
احييت صوت " الباص " النادر في السودان

Quote: طارق ياودامى ,,,,, الايام دى انا بسمع غنا بس يا كتلنى يا كتلتو .. قلنا الروووووووووب .

بت الشيخ بت ابوي
انا زمااااااااان كتلتة ورقدة كاويق

.



تحية أخي الأكرم : طارق
والتحية لأضيافك الكرام وضيفاتك الفضليات

عندما سمعت الأغنية ، تذكرت :
في يوم كنت في حي العمدة بأم درمان ، وكنتُ في ضيافة الفنان متعدد المواهب : الأستاذ :
" صلاح حسن أحمد " ( كاتب روائي ، وكاتب مسرحي ، ومترجم ، وملحن ، وعازف عود ، وكمان وفلوت وبيانو )
وكنت معه في صالون الضيافة ، وقد قدمنا من الجامعة ، عند المساء . ونحن نستعرض تجربة له بعزف اللحن ، وتسجيله ثم عمل اللحن المصاحب لصفحة هارموني للحن الأساس ، وإذا برجل أشيب فتح الباب بلُطف ، ولم يُرِد أن يزعجنا ، فقد انتظر حتى انتهاء اللحن . قدمني إليه الصديق صلاح :
ـ صديقي عبد الله ، وأبونا " حسن أحمد "
عندها انتفضت من الهيبة والخوف .
طمأننا الراحل البهي ، وقال :
ـ جنبنا في محل فول رهيب ، خليكُم ، أنا حأظبط العشا .

واستمعت لكاسيت كان يغني فيه فنان عظيم ، مخفي عن العيون والأسماع ، ويظهر للخاصين من أصدقائه ،
واستمعت للفنان ( حسن خبير ) لأول مرة ، وكان صديقي صلاح يقول في كل مرة نُشيد بعزفه العود :
ـ إنتو ما سمعتو " حسن خبير " !

وسمعت " حسن خبير "
يوم له أكثر من عقدين من الزمان ولم أنس :
( زرعوكَ في قلبي ) بصوته العميق وشجون عزفه للعود وغرزه سهم كلوبيد في القلب .

Quote: الأديب صلاح حسن أحمد ، ولعنة المهاجِر لكَم هذه الدنيا فارعة الغصون . من بين أوراق أفرعها تُطِلُ الشمس فَرِحة في رابعة النهار ، أو حين غدوّها عجُولة تأبى أن تستأنِس معنا الليل لبعثرة أشجانِه . بين هذا وذاك ، نَحرتنا المنافي . أمسكتْ بخياراتنا الصعبة تُشكِلها لدائن كانت بيضاء ناصِعة . نَقعتها الدنيا في زمانها الذي يُقطِّر حُموضة فاصفرَّت الأحلام مكتئبة من حُزن ، ولم تتبدى علينا ثمرات العُمر بمفاتنها لنقطُفها فرِحين مُستبشِرين . أصدق أبيات شِعرٍ تصف ما نحن فيه هو قول أبو المغيث الحُسين بن منصور الحلاج : إلى كَمْ أنتَ في بَحرِ الخَطَايا .. تُبارِزُ مَنْ يَراكَ ولا تَراهُ وَ سَمْـتُكَ سَمتُ ذي وَرَعٍ وَ دينٍ .. وَ فِعلُكَ فِعْلُ مُتَّبعٍ هَواهُ قال أخي السفير جمال عندما سألته : ـ لمحت ( صلاح ) ذات صدفة في معرضٍ بعاصمة الضباب ، وعندما خفَّ الضجيج سألت عنه ، فعلمتُ أنه غادر مُبكراً ، ولم أره ثانية طوال مدة إقامتي هناك !. حبيب مفقود من زمن العُمر الجميل : أي عالم يا ( صلاح ) أرجفتكَ حُمَّاهُ يا مُسامِراً طيفي منذ ريعان الصِبا الباكر ؟. وجدتَ أنتَ الدثار حتى استحلبَ جسدك حبات العَرق، فغَسَلت الأملاح والخطايا وسَكن ضجيجكَ القديم المُخضب بالإبداع . بعيداً عن (لندن ) هربت أنتَ إلى الريف المُجاوِر ! . تتبعت الأقاصيص عنك من روائيين اختلطت أوصافك بدواخلهم ككأس نبيذ مُعتَق ..اندلق عليه كوب ماء . أفسده أو خفف وطأته ، فكُنتَ تارة جليساً تُبادِل الوِحدة الهمس ، في رُدهة تحتسي القهوة بإمتاع . تحوم لولبيات دخان التبغ من حول رأسك الأشيَّب ، في نزهة فِكرية تُجمِّع حبات مسبحة العُمر ، و تُنظمها بخيوط العنكبوت ، أو تارة تقرأ وبين يديك سِفر ثقيل الوزن على الكف و الأصابع . ألم تزل اللُغات الثلاث يستمتِعنَّ بوجودك معهنَّ مُنفلتاً عن المألوف ؟ : الفرنسية والعربية والإنجليزية يطلُبن أن تمرح بينهنَّ . تضع في جيب سُترة إحداهُن ورد المُناسبات السعيدة ، أو دبوساً مُذهب الطلاء للأخرى ، أو ورق سلوفان تلُف به النص لتحمله من العمل إلى المسكن للترجمة . فقدنا إطلالتك البهية سيدي ، فعند مرآك تأتلِف السدوم في الآفاق، وتفعل الأكوان العاطفية فِعلها . لم أعهد قسوة للدنيا تَجرِّح الماس كسكين تُقطِّع الخُبز الرخو بلا صراخ . تلصصت الخبر عنك : يقولون حاذق أنتَ في بيت الترجمة بصحيفة ، صفحاتها تُجرِّب المهنة المُهاجِرة بإتقان . لا غرو فخبرتك متلألئة منذ أن كنت مُحرراً بمجلة (سودا نَّاو) الإنجليزية في سودان السبعينات من القرن الذي أفلّ . ألم تزل عذباً في تخيُرك فاكهة المعاني ، وطعوم الدسم المحشو بالرأي المُخالِف ؟ فقدنا البشاشة المِمراحة ، حين تُمسِك أنتَ أكتافنا بمحبة . تعزق مشاعرنا وتستنبت أنضر الغِلال منها و نشهد نحنُ أجمل مرايا الحقول حين تراها الأعين : نسيمها العليل يُنعِشك و تُصافح خديكَ الرعشة . تتكسر الألوان زاهية عندما ينحسِر غطاء الشمس عنها ، وما عُمر المرء منا إلا طرفة عين أمام التاريخ . فمن تلك البرهة المُتسعة نرغب أن نلقاك مرة أخرى ، قبل أن نعبُر إلى الضفاف التي لا رجعة بعدها إلى النهر . أتذكر الشاعر الذي تحدث عن فُسحة الأملِ ؟ أتراه كان يُخاطِرنا منذ زمانه القديم حتى أدركتنا معانيه ، و تَصيدتنا شِراكه ؟ لقد ابتلَّت كل المفارش التي كُنا نحسبُها مراقد دافئةً ، ولن ننام اليوم قبل جفافها . هاجمتني الخواطر ، وعصفت بي ريحٌ لن يستجمِع المرء نفسه من غلوائها . يقولون أثمرت الدنيا كعادتها مِنك ومن شريكة العُمر في المهاجر طفلةً ..ثم صعدت الصغيرة الدرجات وثباً . ربما هي الآن في عمر الطلاقة والخيارات . نسيج هي ضمن الجيل الأول للأشواق المهاجرة . عُمرها بعُمر الزمان الذي فرَّقتنا مشاربه. أهو المَشيب في موضع الندى أم هو المصير المحتوم عندما تخضرّ الأوراق من جهة و تصفرَّ من الأخرى و تهوي الميتة إلى التُراب ؟. لن تَصدُق الأقوال عليك ، فالسيف كما قال الشاعر القديم أصدق أنباءً من الكتُب. أين أنا إذن من ذلك المُهند كريم الصناعة ، لأرى انعكاس الوهج من بريقه وأنظر وجهكَ النضر مرة أخرى ، وأفزع للِقياك . تلك أمنية رحيمة تأتي عند انعطاف العُمر . تركب مِنطاداً بين سماء الوعود ، بروقها تُسابِق الرعود ، وأرض تفترِش الانتظار . عبد الله الشقليني 1/12/2005 م

.

خصمي هواك يا وديع

من يا تري القاضي

احب سادومبا زاتو

اغنية تكسر المخروقة يا ود جبريل

Quote: خصمي هواك يا وديع من يا تري القاضي احب سادومبا زاتو اغنية تكسر المخروقة يا ود جبريل

نان يا هندسة انت قالولك انا فضل فيني عضم

اخونا الفاضل عبدالله الشقليني
شكرا على اضافة الالق للبوست
يا ريت نوثق تجارب الناس المبدعة دي

حبيبنا ود جبرين ,,, سلامات وشوق شديد.


والله بتفك ليك في رصاص طايش يوم بتقتلك


زول, المسنوح لي هسع بنقولو في العنكوليب؟


سلامنا للوليدات يا حبيب.

Quote: حبيبنا ود جبرين ,,, سلامات وشوق شديد. والله بتفك ليك في رصاص طايش يوم بتقتلك زول, المسنوح لي هسع بنقولو في العنكوليب؟ سلامنا للوليدات يا حبيب

اووووه حبيبنا استاذ سيف
ياخي ابو داوود دة عنده تطريب كدة يخليك تنسى الدنيا وصقطها


ياخي كيفنك والوليدان نعلهم بخير

انت لسه ؟



.
.
.



مشتاقين ..