Post: #2 Title: Re: قلبي يتوه مع نورة.. Author: خالد احمد محمد Date: 05-20-2010, 04:35 PM Parent: #1
شكرا ليك يا طارق والقصيدة دى يبقالى من قصائد الشاعر الجميل محمد العبيد سيد احمد رغم انو من الشعراء المظاليم الما لقوا حظهم الكامل فى التوثيق .... تعال شوف الزول ده يوصف فى بنية قامت ترقص فى نص الدارة : فوقنا هز غويشات ايدي ودٌ ود عينو كدي وكدي ناري من نار السمحة دي فــوق دلالــك تــــوه يـاجدي ياعيوني انا لا تحسدى سمــي إســــم الله انشهــــــدي
وبمشى وبجيك نتفاكر كمان فى شعر الزول السمح ده ...
Post: #8 Title: Re: قلبي يتوه مع نورة.. Author: طارق جبريل Date: 05-21-2010, 09:32 AM Parent: #2
Quote: فوقنا هز غويشات ايدي ودٌ ود عينو كدي وكدي ناري من نار السمحة دي فــوق دلالــك تــــوه يـاجدي ياعيوني انا لا تحسدى سمــي إســــم الله انشهــــــدي
وبمشى وبجيك نتفاكر كمان فى شعر الزول السمح ده ...
تعرف يا خالد الاغنية دي بتلبشني عدييييييل
Post: #3 Title: Re: قلبي يتوه مع نورة.. Author: osman righeem Date: 05-20-2010, 04:52 PM Parent: #1
ود كدكي بيجيب وجع النوايط
Post: #4 Title: Re: قلبي يتوه مع نورة.. Author: نصار Date: 05-21-2010, 00:53 AM Parent: #3
ينصر دينك و كدكي و اليمني دا البكي المجيه بكي سهل ممتنع لوجه الله و الرسول لووووول
Post: #10 Title: Re: قلبي يتوه مع نورة.. Author: طارق جبريل Date: 05-21-2010, 09:34 AM Parent: #4
Quote: ينصر دينك و كدكي و اليمني دا البكي المجيه بكي سهل ممتنع لوجه الله و الرسول لووووول
يا قريبي كيفنك ياخي الناس ديل كانوا بتاعين ((نخجي)) صاح يمين جننوا النخجي دة جن
Post: #5 Title: Re: قلبي يتوه مع نورة.. Author: نصار Date: 05-21-2010, 01:07 AM Parent: #3
Post: #6 Title: Re: قلبي يتوه مع نورة.. Author: معاوية المدير Date: 05-21-2010, 01:36 AM Parent: #5
Quote: انتا زول جميل يااخ طارق مافى شك.. الله يديك العافية بس كل الكلام الفى القصيدة عرفتو..ووقع لى تب الا الشمامير دى؟
محمد كيفنك ابوي الشمامير هي السروايل المقطعة وملياني طين والواحد تحت ما بيكون لابس شي لانه بيكون بيزرع يعني بيكون ملوص
Post: #17 Title: Re: قلبي يتوه مع نورة.. Author: امير عوض الجمري Date: 05-22-2010, 09:17 AM Parent: #15
Quote: زمن الناس حنينين مافي فريق لا جفا لا غلت لا حتى نقنيق
احيييييييييييييييييييييي يا طارق والله الزمن ده انا كايسلو جنس كواسة ..
تموع البت بلا الفرصة تصحّي مدرس الحصة من عينو تطيّر النعسة وتعال شوفلك جنس جرررررسة
ياخي كدكي ده ببالغ عديييييل .. والله تموع البت بلا الفرصة دي لا شعر جاهلي ولا شعر حديث ولا شعر شنو كده ما عارف .. دي آاااااااااخ .. بس شوف ليك سعن كبيييير وكتر الفرص وموّعن .. واتخيل .
طارق عليك الله اديني منديل .. ان شاء الله المستعمل الجنبك ده .
Quote: ياخي كدكي ده ببالغ عديييييل .. والله تموع البت بلا الفرصة دي لا شعر جاهلي ولا شعر حديث ولا شعر شنو كده ما عارف .. دي آاااااااااخ .. بس شوف ليك سعن كبيييير وكتر الفرص وموّعن .. واتخيل .
طارق عليك الله اديني منديل .. ان شاء الله المستعمل الجنبك ده .
ود الجمري يا حبيبنا هسي بالله عمك كدكي دة لو شاف ناس مربع9 ديلاك باقيلك كان عمل شنو
ود الامين هول ناس علي ادريس كيفنك ابوي يا الحبيب الطُلب برضهم كانوا بيحبوا وبرضهم بتعجبهم الكلمي الطيبي واصلها الدنيا دي مانا حارلنا منه شي نحب ونتنخج ونجوعر ونريد ونرجى ألت الله
يا كونت كيفنك ابوي باقيلك الشوق دة حده وين وحات الله انا فتر ضُمة ضُمة
Post: #25 Title: Re: قلبي يتوه مع نورة.. Author: امير عوض الجمري Date: 05-23-2010, 07:37 AM Parent: #23
Quote: ود الجمري يا حبيبنا هسي بالله عمك كدكي دة لو شاف ناس مربع9 ديلاك باقيلك كان عمل شنو
هههههههههههههههههاي وحاتك كان ماااااااااع معانا في مربعي 3 و 8 وبرك واتفرجخ في ميدان الرابطة وشجّع الجزائر .. وشرب الشاي باللقيمات في كشك محمدين
Post: #26 Title: Re: قلبي يتوه مع نورة.. Author: طارق جبريل Date: 05-24-2010, 09:18 AM Parent: #25
Quote: هههههههههههههههههاي وحاتك كان ماااااااااع معانا في مربعي 3 و 8 وبرك واتفرجخ في ميدان الرابطة وشجّع الجزائر .. وشرب الشاي باللقيمات في كشك محمدين
دة لو ما قاليك عايز بيت ايجار في الرابطة
Post: #27 Title: Re: قلبي يتوه مع نورة.. Author: سارة كرودى Date: 05-24-2010, 10:14 AM Parent: #26
ياسلام ياطارق على غنه الشوايقة ولهجتم فيها حنية غريبة ...
زيد على كدكى ود الزومة بقول كلام يحير ..
لو ما بخاف من الله الحساب واخشي انو يقولوا كذاب كنت بحلف فوق الكتاب وأقول أسيا من نور ماك من تراب يا أسيا بابورك في الأراك .. آسيا من الاوضه ماشى على التكل ومن إطرافها يترحل الضل وفى مشيها يرتبك العقل أسيا إن دارت تحوم أول شي تقيف السموم وينزل الغيث والقش يقوم دائر امشي الأراك افتحلى كنتين وادقق للمساكين عشان خاطر أسيا ألكيله مليم...
تحياتى ...
Post: #28 Title: Re: قلبي يتوه مع نورة.. Author: امير عوض الجمري Date: 05-25-2010, 07:53 AM Parent: #27
Quote: لو ما بخاف من الله الحساب واخشي انو يقولوا كذاب كنت بحلف فوق الكتاب وأقول أسيا من نور ماك من تراب يا أسيا بابورك في الأراك .. آسيا من الاوضه ماشى على التكل ومن إطرافها يترحل الضل وفى مشيها يرتبك العقل أسيا إن دارت تحوم أول شي تقيف السموم وينزل الغيث والقش يقوم دائر امشي الأراك افتحلى كنتين وادقق للمساكين عشان خاطر أسيا ألكيله مليم...
ياسلاااااااااااااااام يا (سارة بابورك في الامتداد) . والله فعلا تعرفي الشوايقة ديل كلامهم سمح سماحة عشان كده انحنا ادردقنا ووقعنا في حفرتهم لكن لقيناها حفرة بااااردة وحلو المقيل فيها .. غناهم طاعم وكلامهم طاعم ..
طارق جبريل ياخوي سيبك من كدكي وجيب لي بنبر وثبّتو لي بالاسمنت جنب كشك محمدين وخلي ضهرو على الرابطة والتشجيع مامشكلة خليني زي ناس دار الرياضة ام درمان بسأل عن النتيجة بعد المغرب .. بس المهم اعاين جهة المغتربين امكن نلقى واحد بيبيع فيز .. (عاااالم جبااا نات) .
Post: #29 Title: Re: قلبي يتوه مع نورة.. Author: صالح عبده Date: 05-25-2010, 08:18 AM Parent: #28
Quote: قلبي يتوه
عقلي يتوه
Post: #32 Title: Re: قلبي يتوه مع نورة.. Author: طارق جبريل Date: 05-25-2010, 09:36 AM Parent: #29
Quote: عقلي يتوه
صالح كيفنك انت قالولك انا ماني فارزها
Post: #31 Title: Re: قلبي يتوه مع نورة.. Author: طارق جبريل Date: 05-25-2010, 09:22 AM Parent: #28
Quote: طارق جبريل ياخوي سيبك من كدكي وجيب لي بنبر وثبّتو لي بالاسمنت جنب كشك محمدين وخلي ضهرو على الرابطة والتشجيع مامشكلة خليني زي ناس دار الرياضة ام درمان بسأل عن النتيجة بعد المغرب .. بس المهم اعاين جهة المغتربين امكن نلقى واحد بيبيع فيز .. (عاااالم جبااا نات) .
ارقد يا عيش
Post: #30 Title: Re: قلبي يتوه مع نورة.. Author: طارق جبريل Date: 05-25-2010, 09:21 AM Parent: #27
Quote: زيد على كدكى ود الزومة بقول كلام يحير
بت اهلي الحنان ياخي كيفنك ووليداتك شنو ياخي مجافية الامتداد كدة يا زولة كدكي وود الزومة ديل جننوا الشعر جن
Post: #33 Title: Re: قلبي يتوه مع نورة.. Author: امير عوض الجمري Date: 05-25-2010, 10:33 AM Parent: #30
Quote: ارقد يا عيش
نان هو رقاد نصااح !
تموع البت بلا الفرصة والله بالغ ديل كده .. والله الحتة دي عاجباااني عجب .