Post: #1
Title: نفيستي فيها
Author: طارق جبريل
Date: 02-21-2010, 10:30 PM
Parent: #0
نفسي ابوي يدي طلحة القروش ويقولو سوق الولاد ديل اشتريلم حلاوة المولد
نفسي نركب المواصلات للحلي الجديدي وننزل في ميدان المولد
نفسي اشوف الناس اللابسين خُدُور ديك ينقزوا في مديحهم وانفلت من يدين طلحة
وامشي انقزلي نقزي نقزيتين معاهم..
وطلحة يجي يهرشني: يا فقر انت انا ما قلتلك من البيت ما تتملص مني
وانا صاقعلو: نان انت ابوي موش اداك القروش فشان تجيبنا للحفلي دي
- نان يا مطرطش دي حفلي الشي مديح
- انا شن عرفني تراهم ابان عراريق خُدور ديل من جينا ينقزوا
- ههههههههههههه تاني ما تمشي بعيد خليك هني جنب اخوانك
- والله علي امشي ياخي انا داير اشوف الفنان
- الشي مديح قلنالك
- ياخي ما تغشغشني الشي غنا بس ماني عارف الفنان بي طنبورو وين
- انا اصلي عارف راسك دة غلت
- اييي غلت شنو وحات الله الشي حفلي عاين ديلك مسوين شعورهم طويلي كيفن وينقزوا
- ديل دراويش يا مطرطش
- نان الدراويش ماهن قاعدين يودوهم الخرابة اليقولولا التجاني الماحي
- انت شن عرفك بيها التجاني الماحي
- اييي والله مرة مشيت مع امي وقالتلي الدراويش قاعدين يجيبوهم هني
- حجتك كتيري
- ياخي خلني الننقز معاهم
وجريت دخلت جوة النوبة ولقيتلك امة محمد دي تنقز مع المديح وشغال: حي حي حي حي
وانا بقيت انهرد وسطهم واتكعوج واترترلي ترتيرات بي رجولي زي رقيص غنا الرتوتي
وبقوا خاتني في وسطهم.. ووكتين آخدلي ترتيري طويلي واسبقهم اسمع فيهم:
الله حي.. الله حي.. الله حي.. جارين من وراي
وتاني انزرق في وسطهم.. والرقيص ما يبقالي ياهو أليلنا بتاع محمد كرم الله داك
واقول في نفسي: النصايب ديل باقيلي ماهن من شوايقتنا
ويجي واحدا شايلو نوبة ويدقدق فيها بي صوتا عالي والخرابين الوراهو: حي حي حي حي
ويجي واحدا كبيرا كدي يشيلني ويكبر: الله الله.. قايلني دخت من الذكر وانا شابكو:
انت ود كرم الله وصفاقنو وينم ماني شايفو
والراجل شغال حي الله حي الله.. دورت وشي وفقعتها ضحكة.. لقيتو في الحنكين عدمان
السنايي (من اسنان) ان كان تلاتة سنات في الحنك التحت متل حيطة الفاول..
اكمل النقزي أليلي وارجع لي اخواني..
شويتين ان كان اشوفلك بنية الفريق اللااااقداام مننا لابسالا قميصا سممممممح
اعاينلها واضحك وتعاينلي وتضحك..
قمت رفعتلا يدي.. وهي من تحت لااا تحت هزتلي يدها
ومن الفرحي بقيت انقز في مكاني وابرطع.. ومرا ااتشقلب علي بطني وازح
واصلي بقيت مضرضر تراب كله كله.. يمين زي السمكايي الضرضرولم فيها دقيق قبل يشووها
ماني فرحان الخرابة اشرتلي بي يدها
وبقيت ضايق بتين نرجع فشان احكي لي عوض علي اشيرة اليد ألتها
مشينا علي بتاع السمسمية والحمصيي وطلحة ملالو كيسين كبار واشترالي حصان كبييييييييييير
شويتين ان كان القاها واقفي مع امها جنبنا وشايلالا عروسي مزركشي
بالاحمر والاصفر.. قربت منها وسلمت عليها: انت نصيحي
هزتلي راسها.. وقمت قلتلا: باكر الصباح بجي جنب النيمايي ألتكم
واخلي حصاني يشيل العروسة ألتك في ضهرو
قالتلي سمح
مشيت من جنبها بعيد ويدي في خشمي: ورورووووووك يا عوض صحبي انا باقيلي ودرتة
زمن ياخ....
الله بيسألني نفسي في حصان عيد المولد وسمسميي
|
Post: #2
Title: Re: نفيستي فيها
Author: ابو جهينة
Date: 02-21-2010, 10:36 PM
Parent: #1
طارق
تحياتي
يمين الحكوة دي تنفع فيلم قصير يجكي يوم من أيام السودان التي لن تعود
قمت رفعتلا يدي.. وهي من تحت لااا تحت هزتلي يدها أها شفت اللقطة دي .. يمين كاميرة مراقبة ما تجيبا
يديك العافية
شهيتنا حلاوة سمسمية إن شاء الله داقيها النمل داك الأحمر ال بيحب السكر
|
Post: #7
Title: Re: نفيستي فيها
Author: طارق جبريل
Date: 02-22-2010, 10:09 AM
Parent: #2
Quote: طارق
تحياتي
يمين الحكوة دي تنفع فيلم قصير يجكي يوم من أيام السودان التي لن تعود
قمت رفعتلا يدي.. وهي من تحت لااا تحت هزتلي يدها أها شفت اللقطة دي .. يمين كاميرة مراقبة ما تجيبا
يديك العافية
شهيتنا حلاوة سمسمية إن شاء الله داقيها النمل داك الأحمر ال بيحب السكر
|
الريس ابو جهينة كيفنك ياخ
وحات الله يا حبيب ماني مشهيلي شي الايم دي علي ميدان المولد داك
والعجب لمن الحصان يعدلو في راس الفضية ثلاثة ايام وتجي تلقى النمل كابسو
زمن ياخ
|
Post: #3
Title: Re: نفيستي فيها
Author: عفاف ابوكشوه
Date: 02-21-2010, 10:38 PM
Parent: #1
كل سنه وانت طيب
ياود جبرين
واشرررررررررررري
ندر مني اشتريلك حلاوة مولد ياوليدي
وارسلها ليك مع اقرب زول جايكم في المغرب
عشان علي الاقل تمرق نفيستك
وخلو عدم الشوف ملجوق
مودتي
|
Post: #4
Title: Re: نفيستي فيها
Author: ابراهيم الصغير
Date: 02-21-2010, 11:05 PM
Parent: #3
سلام حاتم جبريل .....
مبالغة طبعا ...
انا حياتي ما مشيت المولد لكن والله باكر عليي امشيلوا (علي نجلات ) حكايتك دي ...
والله اكان اضمن القا لي زولا ماشي عليكن السمسميي دي (علليي آخدا ليك اكان يبقي اخر الف جنيه في جيبي )
واشريري علي اتاريني مضيع نفسي سااااكت زمان ...
هو المولد فيهو جنس الشي القعد تقول فييو دا ... ؟؟؟
عاد اصبر لي فييو باكر امّا شرقت فييو الشمش ...
.................................
كلام هنا ...
شكرا لك حاتم وانت (تجرجر) الرائعه عفاف ابو كشوة الي هذا البوست ...
وينك يا استاذة من الكنداكة والري ري ري ما شفناك...
جاهدت في البوست داك والله عشان ما يتأرشف لكن للاسف ...
تحياتي وخالص الود ...
.................................
|
Post: #5
Title: Re: نفيستي فيها
Author: almulaomar
Date: 02-22-2010, 07:08 AM
Parent: #4
إحترتُ في تدوين تعليق أبدأ ليك من وين يا أخي إنت مليت البوست بغبار وعلاله ودكاكين حلاوه وشقاوه وعساكر وبنابر وستات شاي ونسوان ببيعن في الأكل ومشروبات غازية وأخرى ضرها أكثر من نفعها ومعاكسات ومشاكسات ومسكولات وإستعرض بسماعات وموبايلات وعطاس دون تشميت ورحمة. بهذا الموضوع الجميل وبهذه اللهجة الشايقية البسيطة أنت لم تنقل إلينا ليلة المولد بل نقلتنا توووش لميدان المولد وشتان ما بين من يكتب لينقل لك حدثاً ومن ينقلك إلى الحدث.
ود جبريل شكيتك على اللا نام ولا أكل الطعام نشلوا جزلاني
|
Post: #6
Title: Re: نفيستي فيها
Author: عادل عوض بلال
Date: 02-22-2010, 09:22 AM
Parent: #5
يا ولدي شكيتك على الله نان نفسيتك دي ما لقت تتشهى
إلا في المنبر دة ما كان تستر نفسك دي شوي .. في داعي
تتور علينا نيران الموليد .. والله نحن فايتنك بالصبر بس
لكم مودتي ..
|
Post: #11
Title: Re: نفيستي فيها
Author: عبد الدائم سيد أحمد
Date: 02-22-2010, 10:32 AM
Parent: #6
انا اكتر حاجة بتعجبنى حلاوة لكوووم
والعجب الشكلة لما تقوم كل يوم الصباح فى البيت لما تلقى
حصانك ضنبو ولا رجلو ( مقروم ) من اخوانك
ايامنا كان فى حاجة اسمها دبابة صلاح الدين هى كانت المفضلة بالنسبة لينا
اليوم الوحيد البنركب فيهو باص جبرة عشان ينزلنا قريب من ميدان المولد
عملية صنع حلاوة المولد عايشتها خطوة بخطوة من جيرانا لانو كان عندهم دكان
فى المولد وهى عملية سهلة جدا" ، كمية من الالواح والمجسمات الخشبية
موضوعة فى شوالات بطلعوها من المخزن كل سنة
Quote: شويتين ان كان اشوفلك بنية الفريق اللااااقداام مننا لابسالا قميصا سممممممح
اعاينلها واضحك وتعاينلي وتضحك..
قمت رفعتلا يدي.. وهي من تحت لااا تحت هزتلي يدها |
يا شبكة ،،،،،،،،،،،،
----------------------
انتشرت فى الخرطوم فى الاونة الاخيرة محلات الدليفرى فى معظم الاحياء
فعندنا جيرانا كده حناكيش كل يوم بيطلبوا فى الغداء اكل من بره
فجارتنا الشايقية متابعة الموضوع باهتمام ، قامت قالت لولدها المغترب
الجاى اجازة والله بنوت ناس ..... كل يوم يجيهم واحد راكبلو
موتر كدى وشايلو شيتن ريحتو حلوووة ، يناولو ليهم ويمشى
والله نفيستى فيهو .....
|
Post: #20
Title: Re: نفيستي فيها
Author: طارق جبريل
Date: 02-22-2010, 06:08 PM
Parent: #11
Quote: انتشرت فى الخرطوم فى الاونة الاخيرة محلات الدليفرى فى معظم الاحياء
فعندنا جيرانا كده حناكيش كل يوم بيطلبوا فى الغداء اكل من بره
فجارتنا الشايقية متابعة الموضوع باهتمام ، قامت قالت لولدها المغترب
الجاى اجازة والله بنوت ناس ..... كل يوم يجيهم واحد راكبلو
موتر كدى وشايلو شيتن ريحتو حلوووة ، يناولو ليهم ويمشى
والله نفيستى فيهو .....
|
انت يا النضيف اقعد باري لي شوايقتنا ديل كدة لامن تتسيك
|
Post: #19
Title: Re: نفيستي فيها
Author: طارق جبريل
Date: 02-22-2010, 06:07 PM
Parent: #6
Quote: يا ولدي شكيتك على الله نان نفسيتك دي ما لقت تتشهى
إلا في المنبر دة ما كان تستر نفسك دي شوي .. في داعي
تتور علينا نيران الموليد .. والله نحن فايتنك بالصبر بس
لكم مودتي .. |
ود عوض بلال كيفنك ابوي
نان يا الحبيب اقعد امطق براي كدي
|
Post: #10
Title: Re: نفيستي فيها
Author: طارق جبريل
Date: 02-22-2010, 10:18 AM
Parent: #5
Quote: إحترتُ في تدوين تعليق أبدأ ليك من وين يا أخي إنت مليت البوست بغبار وعلاله ودكاكين حلاوه وشقاوه وعساكر وبنابر وستات شاي ونسوان ببيعن في الأكل ومشروبات غازية وأخرى ضرها أكثر من نفعها ومعاكسات ومشاكسات ومسكولات وإستعرض بسماعات وموبايلات وعطاس دون تشميت ورحمة. بهذا الموضوع الجميل وبهذه اللهجة الشايقية البسيطة أنت لم تنقل إلينا ليلة المولد بل نقلتنا توووش لميدان المولد وشتان ما بين من يكتب لينقل لك حدثاً ومن ينقلك إلى الحدث.
ود جبريل شكيتك على اللا نام ولا أكل الطعام نشلوا جزلاني
|
البهجة عمر كيفنك يا يابا
ياخي ايام المولد ديك آآآبتتنسي شي
كانت مولد حقيقي ياخي
باقيلك بُطان الزمن دة قاعدين يشترولم الحصين والسمسميي؟؟
تليشة:
يا حبيب شوقي ادريس غتس وين
|
Post: #9
Title: Re: نفيستي فيها
Author: طارق جبريل
Date: 02-22-2010, 10:15 AM
Parent: #4
Quote: سلام حاتم جبريل .....
مبالغة طبعا ...
انا حياتي ما مشيت المولد لكن والله باكر عليي امشيلوا (علي نجلات ) حكايتك دي ...
والله اكان اضمن القا لي زولا ماشي عليكن السمسميي دي (علليي آخدا ليك اكان يبقي اخر الف جنيه في جيبي )
واشريري علي اتاريني مضيع نفسي سااااكت زمان ...
هو المولد فيهو جنس الشي القعد تقول فييو دا ... ؟؟؟
عاد اصبر لي فييو باكر امّا شرقت فييو الشمش ...
|
حباب ود الصغير
يا الحبيب اول شي انا اسمي طارق ماني حاتم
وابوي ضبحلي خروف في سمايتي دحين لا تضيع خروفه دة ساكت
النبي فيك ان ما مشيت واخدتلك نقزي مع المداحين واتذكرتني
|
Post: #8
Title: Re: نفيستي فيها
Author: طارق جبريل
Date: 02-22-2010, 10:13 AM
Parent: #3
Quote: كل سنه وانت طيب
ياود جبرين
واشرررررررررررري
ندر مني اشتريلك حلاوة مولد ياوليدي
وارسلها ليك مع اقرب زول جايكم في المغرب
عشان علي الاقل تمرق نفيستك
وخلو عدم الشوف ملجوق
مودتي
|
بت ابو كشوة الزيني
كيفنك يا دخرنا
وحاتك قاعدلي في بردا ينسيك اسمك
اشتهيت المولد أليلنا واشتهيت سمسميتنا
الله يعدلها عليك شقيش تقبلي
اعتبريها وصلت يا بت الزينين
|
Post: #12
Title: Re: نفيستي فيها
Author: هاشم محمد الحسن عبدالله
Date: 02-22-2010, 10:44 AM
Parent: #8
الحبيب الغالى ود جبرين ، عاطر تحياتى ، لك كل الشكر لآبداعاتك التى تتحفنا بها فى غمرة الأجواء الكئيبة والمزعجة التى تطفو على أجواء السياسة البغيضة ، كتاباتك استراحة راقية نأخذ نفسنا فيها وتنسم نسمات جميلة حلوة طرية تريح النفس والبال ، الله يديك العافية ويخليك لنا، مودتى ياحبيب .
|
Post: #13
Title: Re: نفيستي فيها
Author: ابراهيم الصغير
Date: 02-22-2010, 11:41 AM
Parent: #12
طارق ود جبرين ...
اعلّلك عافي ...
عندي حبوبة لي لامن تدور تكورك لي واحد مننا تقول اسماء الخمسة القبليهو حتّان تجيب اسمو هو ...ومرات يروحوا عليها الستة وتعال شوف (الللا ابراععغف افق ...بخ ..سماه ... سعا ...هيث... ) وتختم ليك بي دعوة ( البلا الياخدكن )
الليلة انا بس حبوبتي دي ...
معليش الكتابة في الرد كانت سريعه وانت رجعتني البلد في لحظة انا محتاج بالجد ارجع فيها .....
عموما (اعفا لي) ...
وخروف ابوك ما راح خسارة والله ...
عللّى السمسمي دي والله عللّي آخدها واحفضا ليك لامن تجي ....
والنقذي دا خلوا علي ....
اها اقعد عافي لامن بعدين اجي اوريك الحصل
اعتذر تاني يا طارق علي الخطأ الغير مقصود تحياتي وكل حبي..
|
Post: #14
Title: Re: نفيستي فيها
Author: ابراهيم الصغير
Date: 02-22-2010, 03:48 PM
Parent: #13
وين الناس دي ؟؟؟
|
Post: #15
Title: Re: نفيستي فيها
Author: omer osman
Date: 02-22-2010, 03:58 PM
Parent: #14
اشارطك ناس كتار هنا .... مابكون فرزو الشيء ده شنو ؟
|
Post: #16
Title: Re: نفيستي فيها
Author: ابراهيم الصغير
Date: 02-22-2010, 04:20 PM
الفضية دي زمان ( زمن الزمن زين والشعر مغتي الاضنين) .. كانت لها ايام ...
( هي دولاب مصنوع من الخشب .. له ارفف .. واجهته من الزجاج .. يستخدم لوضع الاواني المنزلية قيمته جمالية اكثر منها للحفاظ علي هذه الاواني ... الملاحظ ان الانية التي توضع فيه من الصيني والزجاج ولم اري يوما فضية تشتمل علي اواني حديدية او بلاستيكية ... )
طبعا لقيناها مركونة في البيت و ماحضرنا صولاتها وجولاتها زمن كان اهم شئ في العرس الفضية ....
الغريب في امر الفضية هي ليست من واجبات العريس ... يعني كل واحدة يعرسوها تجيب معاها فضيتها ...
يا سلااااام
( ايام لها نعناع)
|
Post: #18
Title: Re: نفيستي فيها
Author: معتصم دفع الله
Date: 02-22-2010, 04:30 PM
Parent: #16
يا ود جبرين ..
غايتو أبقى على حلاوة المولد البترسله ليك عفاف أبوكشوة دي وكان كترت ليك السمسمية تكون ما قصرت 
والباقي أعصر على روحك شويه أبوي لأننا زيك زماااان ما حضرنا المولد في البلد ولا عارفنه بقى كيف ..
|
Post: #25
Title: Re: نفيستي فيها
Author: طارق جبريل
Date: 02-22-2010, 06:17 PM
Parent: #18
Quote: يا ود جبرين ..
غايتو أبقى على حلاوة المولد البترسله ليك عفاف أبوكشوة دي وكان كترت ليك السمسمية تكون ما قصرت
والباقي أعصر على روحك شويه أبوي لأننا زيك زماااان ما حضرنا المولد في البلد ولا عارفنه بقى كيف .. |
نان ان بقت عفاف ما لقتلها زول جايي المغرب
ياني الشربت الزيت
|
Post: #24
Title: Re: نفيستي فيها
Author: طارق جبريل
Date: 02-22-2010, 06:14 PM
Parent: #16
ود الصغير شكرا على التعريف الجميل
|
Post: #17
Title: Re: نفيستي فيها
Author: الرشيد بابكر
Date: 02-22-2010, 04:29 PM
جبريلا آآآخ أنا من نفيستك المتور بيها نفسنا كل مرة دي...
حسه مالك علينامجهجهنا يا شقي الحال...
والله أنا لي أسبوعين نفسي في سمسمية زي سمسميتك دي...
بس شرط تكون البسموها علف ديك...البكون فيها السمسم كتير ديك...
و دي الا تقرمها قريم...لا سكين بتقطعها و لا بتنكسر...
كل مرة تجي تقرم ليك منها قرمة كبيرة لامن كضومك يتورمو و الكلام يبقى ما مفهوم...
بتعجبني كمان بتاعت جوز الهند ديك...تعال لي بي هناك أكلمك عنها..
كل عام و أنت بخير و ان شاء الله ربنا يديك الفي مرادك...
|
Post: #26
Title: Re: نفيستي فيها
Author: الفاتح الجنيد
Date: 02-22-2010, 06:19 PM
Parent: #17
والله كلنا نفيستنا فيها يا خوى طارق
لسانك ده ذكرنى نكتة حكاها لى ولدى الصغير بضحك فيها كل ما اشوفوا
قال : واحد مغترب جاب أمو زيارة للسعودية
الحاجة قامت مرقت من البيت لاقاها واحد من جماعة الامر بالمعروف
قام قال ليها : غتّى وجهك ياحاجة
عاينت ليهو شديد وقالت ليهو:
يايابا انا ما غتيت وشى من الرجال أبان عمماَ يهزّن ويرزّن
أغتى وشّى منك إنت ياب طِريحى
|
Post: #33
Title: Re: نفيستي فيها
Author: طارق جبريل
Date: 02-23-2010, 10:48 AM
Parent: #26
Quote: والله كلنا نفيستنا فيها يا خوى طارق
لسانك ده ذكرنى نكتة حكاها لى ولدى الصغير بضحك فيها كل ما اشوفوا
قال : واحد مغترب جاب أمو زيارة للسعودية
الحاجة قامت مرقت من البيت لاقاها واحد من جماعة الامر بالمعروف
قام قال ليها : غتّى وجهك ياحاجة
عاينت ليهو شديد وقالت ليهو:
يايابا انا ما غتيت وشى من الرجال أبان عمماَ يهزّن ويرزّن
أغتى وشّى منك إنت ياب طِريحى
|
والله يا ود الجنيد زولتكم دي ريحتني في عضامي
|
Post: #32
Title: Re: نفيستي فيها
Author: طارق جبريل
Date: 02-23-2010, 10:35 AM
Parent: #17
Quote: جبريلا آآآخ أنا من نفيستك المتور بيها نفسنا كل مرة دي...
حسه مالك علينامجهجهنا يا شقي الحال...
والله أنا لي أسبوعين نفسي في سمسمية زي سمسميتك دي...
بس شرط تكون البسموها علف ديك...البكون فيها السمسم كتير ديك...
و دي الا تقرمها قريم...لا سكين بتقطعها و لا بتنكسر...
كل مرة تجي تقرم ليك منها قرمة كبيرة لامن كضومك يتورمو و الكلام يبقى ما مفهوم...
بتعجبني كمان بتاعت جوز الهند ديك...تعال لي بي هناك أكلمك عنها..
كل عام و أنت بخير و ان شاء الله ربنا يديك الفي مرادك... |
نان اسوي شنو يا الحبيب
لي سنتين من السودان والشوق غلبين ضُمة ضُمة
|
Post: #23
Title: Re: نفيستي فيها
Author: طارق جبريل
Date: 02-22-2010, 06:12 PM
| Quote: اشارطك ناس كتار هنا .... مابكون فرزو الشيء ده شنو ؟ |
يا جنابو ناس الشهادة العربية عاذرنهم
علي الباقين الا تكون سحسحة منهم ساكت
|
Post: #22
Title: Re: نفيستي فيها
Author: طارق جبريل
Date: 02-22-2010, 06:10 PM
Parent: #13
Quote: طارق ود جبرين ...
اعلّلك عافي ...
عندي حبوبة لي لامن تدور تكورك لي واحد مننا تقول اسماء الخمسة القبليهو حتّان تجيب اسمو هو ...ومرات يروحوا عليها الستة وتعال شوف (الللا ابراععغف افق ...بخ ..سماه ... سعا ...هيث... ) وتختم ليك بي دعوة ( البلا الياخدكن )
الليلة انا بس حبوبتي دي ...
معليش الكتابة في الرد كانت سريعه وانت رجعتني البلد في لحظة انا محتاج بالجد ارجع فيها .....
عموما (اعفا لي) ...
وخروف ابوك ما راح خسارة والله ...
عللّى السمسمي دي والله عللّي آخدها واحفضا ليك لامن تجي ....
والنقذي دا خلوا علي ....
اها اقعد عافي لامن بعدين اجي اوريك الحصل
اعتذر تاني يا طارق علي الخطأ الغير مقصود تحياتي وكل حبي..
|
ود الصغير كيفنك ابوي
ياخي العفو لله والرسول
يا زول انا بضحك معاك ساااااااااكت
|
Post: #21
Title: Re: نفيستي فيها
Author: طارق جبريل
Date: 02-22-2010, 06:09 PM
Parent: #12
Quote: الحبيب الغالى ود جبرين ، عاطر تحياتى ، لك كل الشكر لآبداعاتك التى تتحفنا بها فى غمرة الأجواء الكئيبة والمزعجة التى تطفو على أجواء السياسة البغيضة ، كتاباتك استراحة راقية نأخذ نفسنا فيها وتنسم نسمات جميلة حلوة طرية تريح النفس والبال ، الله يديك العافية ويخليك لنا، مودتى ياحبيب .
|
هاشم يا حبيبنا
ياخي كلامك دة غُلاد غُلاد علي بالحيل وماني حمله
الله يجبر بي خاطرك يا حبيب
|
Post: #27
Title: Re: نفيستي فيها
Author: omer abdelsalam
Date: 02-22-2010, 06:22 PM
Parent: #21
ابوريم
كان نفيستي في ذاك الزمن
الجميل للمولد
يقبضوا ليهم نشال
وبعد داك نتبع المظاهرة ديك : ياهو .. ياهو ,,,ياهو
|
Post: #28
Title: Re: نفيستي فيها
Author: عفاف ابوكشوه
Date: 02-22-2010, 09:40 PM
Parent: #27
مساء الخير
ودجبرين
والمتداخلين الاحباب
المولد جميل باهلو
وكبارو وصغارو
وحيوية التواصل الاجتماعي
والشمارات
واللمات
وحلقات الذكر
ياسلام لوحه جمالية رائعة
تحمل في داخلها كل الطقوص
التي تصاحب فعاليات المولد
تخريمة
بعد اذنك ياودجبرين
داير اشكر الاستاذ ابراهيم الصغير
وانا موجودة بس شوية مشغوليات
تحياتي وودي
|
Post: #29
Title: Re: نفيستي فيها
Author: سيف الدولة كامل
Date: 02-22-2010, 11:19 PM
Parent: #28
وحات الله يا طارق عندي أختي زولة حربية قلت ليها نفسي في حلاوة مولد
والله رسلت كمية معتبرة ,,أمس بعد كلامك ده مشيت أخد لي منها كده .
كان حاري زول ماشي المغرب وحات الله كان أرسل ليك منها.
|
Post: #30
Title: Re: نفيستي فيها
Author: ياسر عبدالكريم محمد
Date: 02-23-2010, 03:34 AM
Parent: #29
لله يا محسنين حلاوة مولد
طارق ياخ ريقنا جرى
|
Post: #31
Title: Re: نفيستي فيها
Author: باسط المكي
Date: 02-23-2010, 03:41 AM
Parent: #30
طارق ..
مالك ..جرست ناس كتار..
مالك ..الليلة ..تنزف في خواطرك
الرحيبة..جرستني والله
كن بخير
|
Post: #38
Title: Re: نفيستي فيها
Author: طارق جبريل
Date: 02-23-2010, 10:58 AM
Parent: #31
Quote: طارق ..
مالك ..جرست ناس كتار..
مالك ..الليلة ..تنزف في خواطرك
الرحيبة..جرستني والله
كن بخير
|
ود المكي كيفنك
يا الحبيب مشتهي السودان لمن مطرشق
|
Post: #37
Title: Re: نفيستي فيها
Author: طارق جبريل
Date: 02-23-2010, 10:55 AM
Parent: #30
Quote: لله يا محسنين حلاوة مولد
طارق ياخ ريقنا جرى
|
انا ريالتي جرت
|
Post: #36
Title: Re: نفيستي فيها
Author: طارق جبريل
Date: 02-23-2010, 10:53 AM
Parent: #29
Quote: وحات الله يا طارق عندي أختي زولة حربية قلت ليها نفسي في حلاوة مولد
والله رسلت كمية معتبرة ,,أمس بعد كلامك ده مشيت أخد لي منها كده .
كان حاري زول ماشي المغرب وحات الله كان أرسل ليك منها.
|
استاذنا سيف
ياخي ما تقعد تحندك فينا ساكت
|
Post: #35
Title: Re: نفيستي فيها
Author: طارق جبريل
Date: 02-23-2010, 10:51 AM
Parent: #28
Quote: مساء الخير
ودجبرين
والمتداخلين الاحباب
المولد جميل باهلو
وكبارو وصغارو
وحيوية التواصل الاجتماعي
والشمارات
واللمات
وحلقات الذكر
ياسلام لوحه جمالية رائعة
تحمل في داخلها كل الطقوص
التي تصاحب فعاليات المولد
|
بت ابو كشوة الزيني
حليل الزمااااااان
|
Post: #34
Title: Re: نفيستي فيها
Author: طارق جبريل
Date: 02-23-2010, 10:49 AM
Parent: #27
Quote: ابوريم
كان نفيستي في ذاك الزمن
الجميل للمولد
يقبضوا ليهم نشال
وبعد داك نتبع المظاهرة ديك : ياهو .. ياهو ,,,ياهو |
ابو انس لقيتك قديم خلاص
|
Post: #39
Title: Re: نفيستي فيها
Author: هواري نمر
Date: 02-23-2010, 11:04 AM
Parent: #34
| Quote: والله رسلت كمية معتبرة ,,أمس بعد كلامك ده مشيت أخد لي منها كده . |
يا طارق ود جبرين..
دحين خليني اثبت حلاوتي مع الاستاذ ده, ويا استاذ بالله ما تنسانا من قطعة سمسمية بلدية..و ايواااا..المصرية ما بتنفع معانا
ااااي بس قطعة قطعتين كده بالله...
اها يا ود جبرين..
امانة في زمتك ما كنت قاعد تمشي المراجيح..
وتسك العيال...
وبعدين تعااااااال هنا..طلحة منو القايدك من ايدك؟؟؟ عليك امان الله ,انت بتكون
سايق جكس الفريق كلو قدامك و من العصر البدري, واقف متفن في نص الميدان...وبتمشي كداااااري ساي..
___
انا غايتو المولد , كنت بجغم فيه الشاي ,كل طريقة و كل خيمة باخدلي جفمة...
|
Post: #44
Title: Re: نفيستي فيها
Author: طارق جبريل
Date: 02-23-2010, 05:37 PM
Parent: #39
Quote: انا غايتو المولد , كنت بجغم فيه الشاي ,كل طريقة و كل خيمة باخدلي جفمة...
|
اها جغمي الشاي كان فيهو قرمبوز ولا لا
|
Post: #40
Title: Re: نفيستي فيها
Author: ناصر جبريل
Date: 02-23-2010, 11:04 AM
Parent: #34
Quote:
ان كان تلاتة سنات في الحنك التحت متل حيطة الفاول.. |
حيطة الفاول ...... انتهيت من الراجل
والله الا العجب اليشوت الفاول دا.......................
|
Post: #41
Title: Re: نفيستي فيها
Author: soma
Date: 02-23-2010, 01:16 PM
Parent: #40
طارق الحنين ازيك
| Quote: الله بيسألني نفسي في حصان عيد المولد وسمسميي |
لكن دحن يا خوى ما كترت الوحم شويي
وحات الله حبوبتك نفيسى ما ظنيتها اتوحمتك متلك
المهم كان لميت فى الحصين جيبلى معاك عروسة مولد
وبالعدم اقرملى معاك من كدر الحصين المكردمه ديك لوول
|
Post: #42
Title: Re: نفيستي فيها
Author: محمد أبوالعزائم أبوالريش
Date: 02-23-2010, 01:31 PM
Parent: #41
| Quote: وبالعدم اقرملى معاك من كدر الحصين المكردمه ديك لوول |
يا سوما ...
من الله خلق .. شفتي ليك حصان مولد والاّ عروسة مولد بيقرموهن؟ وحاتك يقعدوا في الرف لامن البيت يتملي نمل.
إنت كمان يا خرابة نفيستك دي سغيرة سغرة؟ ... سغيرة شنو ... دي دنية وشايلة دناوة الدنيا كلها.
والله يا منعول في وصفك ده ما خليت شئ (للشيخ الذي يرجحنُّ)
|
Post: #43
Title: Re: نفيستي فيها
Author: Tabaldina
Date: 02-23-2010, 03:02 PM
Parent: #42
..
.
والله يا جبريلا
انا شايف بعد دا تعمل القيد الصحفى
وتجمع قصصك وحكاويك دى وتنشر كتابك ..
ان شاء الله تسميهو حكاوى شايقية ..
---------
كل مولد نبوى وانت بخير يا صديقى؛
القيد ما ضرورى المهم الكتاب
قرقر قرقر قرقر
|
Post: #51
Title: Re: نفيستي فيها
Author: طارق جبريل
Date: 02-23-2010, 09:10 PM
Parent: #43
Quote: والله يا جبريلا
انا شايف بعد دا تعمل القيد الصحفى
وتجمع قصصك وحكاويك دى وتنشر كتابك ..
ان شاء الله تسميهو حكاوى شايقية ..
|
يا حبيبنا باقيلك دة كلاما يسوهو في كتاب
الشي هضريب ساكت يا حبة
Quote: كل مولد نبوى وانت بخير يا صديقى؛
القيد ما ضرورى المهم الكتاب
قرقر قرقر قرقر |
يا حبيب لا دة نافع لا دة
|
Post: #47
Title: Re: نفيستي فيها
Author: طارق جبريل
Date: 02-23-2010, 05:41 PM
Parent: #42
Quote: إنت كمان يا خرابة نفيستك دي سغيرة سغرة؟ ... سغيرة شنو ... دي دنية وشايلة دناوة الدنيا كلها.
والله يا منعول في وصفك ده ما خليت شئ (للشيخ الذي يرجحنُّ)
|
نان يا ود ابو العزائم الراجل شالني وانا قاعد ارقص في الشايقي
قايلني انتشيت من المديخ وانا قايل الشي طنبور
لامن اتلفت اشوفه لقيتلي تلاتة سنون في الحنك يقعن ويقومن زي حدايد ابيار البترول ديك
ووكتين يقيف حنكو بس متل حيطة الفاول في الكورة
|
Post: #46
Title: Re: نفيستي فيها
Author: طارق جبريل
Date: 02-23-2010, 05:38 PM
Parent: #41
Quote: لكن دحن يا خوى ما كترت الوحم شويي
وحات الله حبوبتك نفيسى ما ظنيتها اتوحمتك متلك
المهم كان لميت فى الحصين جيبلى معاك عروسة مولد
وبالعدم اقرملى معاك من كدر الحصين المكردمه ديك لوول |
بت الجنيد الزيني
باقيلك وحما قدر دة ما بيجيبلو تيمان
ياخي والله نفيستي فيها شوفولي حل
|
Post: #45
Title: Re: نفيستي فيها
Author: طارق جبريل
Date: 02-23-2010, 05:37 PM
Parent: #40
Quote: حيطة الفاول ...... انتهيت من الراجل
والله الا العجب اليشوت الفاول دا.......................
|
|
Post: #48
Title: Re: نفيستي فيها
Author: الفاتح الجنيد
Date: 02-23-2010, 05:48 PM
Parent: #45
Quote: يا سوما ...
من الله خلق .. شفتي ليك حصان مولد والاّ عروسة مولد بيقرموهن؟ وحاتك يقعدوا في الرف لامن البيت يتملي نمل. |
محمد ابو العزائم والله العظيم لقيتك قديم قدم اقدم من النمل زاتو لوول
Quote: إنت كمان يا خرابة نفيستك دي سغيرة سغرة؟ ... سغيرة شنو ... دي دنية وشايلة دناوة الدنيا كلها.
والله يا منعول في وصفك ده ما خليت شئ (للشيخ الذي يرجحنُّ) |
لوووووووووووووووووول لكن دى بالغت فيها وحات الله ضحكت كما لم اضحك من قبل
طارق اها عاجبك كدة ؟ فضيحة السواد والرماد مرقوك من المولد زاتو بدون حمص ولا حصين
انا غايتو خجلت وضايرت رقبتى ومرقت من راكوبتك كلو كلو لوووول
تتجازا يا ود اب ريش.. ( بالخير لكن )لووول
|
Post: #49
Title: Re: نفيستي فيها
Author: مرتضى احمد عبد القادر
Date: 02-23-2010, 06:03 PM
Parent: #48
سلام ياطارق
Quote: قربت منها وسلمت عليها: انت نصيحي
هزتلي راسها.. وقمت قلتلا: باكر الصباح بجي جنب النيمايي ألتكم
واخلي حصاني يشيل العروسة ألتك في ضهرو
قالتلي سمح
مشيت من جنبها بعيد ويدي في خشمي: ورورووووووك يا عوض صحبي انا باقيلي ودرتة
زمن ياخ....
|
زمن ياخ ساي !! زمن حلو ياخ زمن جميل وبسيط ياخ
شكرا على الكلام الحلو الكتبتو لينا
أخوك مرتضى
|
Post: #50
Title: Re: نفيستي فيها
Author: عزيز عيسى
Date: 02-23-2010, 06:38 PM
Parent: #49
ود جبرين إت ماك نصيح تمشي على الناس الدراويش ديل؟
لو كنت في مكانك كان قلت لي طلحة سوقني على الطوطحاني
أطوطح تمام.
والسمسمي أكان وصلتك لاعندك أجدعلنا منها قرمي.. والله
برضو نفيستي فيها ولي زمن ما ضقتها.
اليومين ديل المديح دخلت فيه الآلات الموسيقية
والرقيص الموخمج.. غايتو لو مشيتلي حفلي الليلت
مديح حأرقص وأعملي حركي متل حركات الجني الإسمو
مايكل جاكسون.. مش الحكاية طرب؟
|
Post: #54
Title: Re: نفيستي فيها
Author: طارق جبريل
Date: 02-23-2010, 09:16 PM
Parent: #50
Quote: ود جبرين إت ماك نصيح تمشي على الناس الدراويش ديل؟
لو كنت في مكانك كان قلت لي طلحة سوقني على الطوطحاني
أطوطح تمام.
والسمسمي أكان وصلتك لاعندك أجدعلنا منها قرمي.. والله
برضو نفيستي فيها ولي زمن ما ضقتها.
اليومين ديل المديح دخلت فيه الآلات الموسيقية
والرقيص الموخمج.. غايتو لو مشيتلي حفلي الليلت
مديح حأرقص وأعملي حركي متل حركات الجني الإسمو
مايكل جاكسون.. مش الحكاية طرب؟ |
ود عيسى كيفنك ابوي
اقولك هزتلي يدها تقولي طوطحانيي
|
Post: #53
Title: Re: نفيستي فيها
Author: طارق جبريل
Date: 02-23-2010, 09:14 PM
Parent: #49
Quote: زمن ياخ ساي !! زمن حلو ياخ زمن جميل وبسيط ياخ
شكرا على الكلام الحلو الكتبتو لينا
أخوك مرتضى |
يا مرتضى كيفنك
ياخي الزمن كان ماهل وزيييييييين يعلم الله
هسي بقى كل شي ممحوق
|
Post: #52
Title: Re: نفيستي فيها
Author: طارق جبريل
Date: 02-23-2010, 09:12 PM
Parent: #48
Quote: طارق اها عاجبك كدة ؟ فضيحة السواد والرماد مرقوك من المولد زاتو بدون حمص ولا حصين
انا غايتو خجلت وضايرت رقبتى ومرقت من راكوبتك كلو كلو لوووول
|
ود الجنيد ود ابو العزايم دة خلو
باقي خرف علي ضغره
كدي شوفلنا زول يرسلنا السمسميي دي
|
Post: #55
Title: Re: نفيستي فيها
Author: د.محمد حسن
Date: 02-23-2010, 09:21 PM
Parent: #52
تعرف يا طارق
بالجد رايحة ليك جية للسودان
لانو في خلال الاسبوع ده فتحت ليك عدد من البوستات كلها حنين للبلد
يازول اقو ليك
اخد ليك خفسة 15 يوم او 3 اسابيع
بل شوقك وارجع
انت جميل
|
Post: #56
Title: Re: نفيستي فيها
Author: soma
Date: 02-24-2010, 05:49 AM
Parent: #55
Quote: يا سوما ...
من الله خلق .. شفتي ليك حصان مولد والاّ عروسة مولد بيقرموهن؟ وحاتك يقعدوا في الرف لامن البيت يتملي نمل. |
محمد ابو العزائم والله العظيم لقيتك قديم قدم اقدم من النمل زاتو لوول
Quote: إنت كمان يا خرابة نفيستك دي سغيرة سغرة؟ ... سغيرة شنو ... دي دنية وشايلة دناوة الدنيا كلها.
]والله يا منعول في وصفك ده ما خليت شئ (للشيخ الذي يرجحن |
لوووووووووووووووووول لكن دى بالغت فيها وحات الله ضحكت كما لم اضحك من قبل
طارق اها عاجبك كدة ؟ فضيحة السواد والرماد مرقوك من المولد زاتو بدون حمص ولا حصين
انا غايتو خجلت وضايرت رقبتى ومرقت من راكوبتك كلو كلو لوووول
تتجازا يا ود اب ريش.. ( بالخير لكن )
لوووووول
سلام من تانى
والله يا جماعه ما لاحظت لمداخلتى باسم ود الجنيد الا هسه لوول
عذرا اولا لود الجنيد
وليك يا طارق ومحمد ابو العزائم
ده كلو من الضحكه لووول
سلمتو
|
Post: #60
Title: Re: نفيستي فيها
Author: طارق جبريل
Date: 02-24-2010, 10:06 AM
Parent: #57
هسي يا عادل عليك النبي الفرق شنو من رقيص الشوايقة وجذب هؤلاء القوم الجميلين
|
Post: #59
Title: Re: نفيستي فيها
Author: طارق جبريل
Date: 02-24-2010, 10:04 AM
Parent: #56
Quote: سلام من تانى
والله يا جماعه ما لاحظت لمداخلتى باسم ود الجنيد الا هسه لوول
عذرا اولا لود الجنيد
وليك يا طارق ومحمد ابو العزائم
ده كلو من الضحكه لووول
سلمتو
|
يا سوما الفيك اتعرفت
|
Post: #58
Title: Re: نفيستي فيها
Author: طارق جبريل
Date: 02-24-2010, 10:03 AM
Parent: #55
Quote: تعرف يا طارق
بالجد رايحة ليك جية للسودان
لانو في خلال الاسبوع ده فتحت ليك عدد من البوستات كلها حنين للبلد
يازول اقو ليك
اخد ليك خفسة 15 يوم او 3 اسابيع
بل شوقك وارجع
انت جميل
|
دكتورنا يا حبيب
انا السودان كله رايح لي ياخي
بيني وبينك اشنهيت السودان شديد
محبتي الاكيدة
|
Post: #61
Title: Re: نفيستي فيها
Author: محمد أبوالعزائم أبوالريش
Date: 02-24-2010, 10:25 AM
Parent: #58
سوما ....
قبلناها من ود الجنيد ومن بت الجنيد.
لكن خليهو قدمي أنا ... في ذمتك مش كنا بناكل السمسمية والحمصية الشهر كلو، ونخلي الحصان والعروسة في الرف والاّ جوة البترينة، لحدي ما تهبشي تحت فستان العروسة تلقيها إتحولت بقدرة قادر لي بدرة، وصفوف النمل شغالة تنقل فيها.
|
Post: #62
Title: Re: نفيستي فيها
Author: طارق جبريل
Date: 02-24-2010, 04:24 PM
Parent: #61
يا ابو العزائم ياخي انت قديم قٍدَم ((النُطُع))
|
Post: #63
Title: Re: نفيستي فيها
Author: محمد عثمان
Date: 02-24-2010, 04:31 PM
Parent: #62
ود جبريل...
شكلك مقسّم تماام و على الزيرو يا حبيب..
|
Post: #65
Title: Re: نفيستي فيها
Author: طارق جبريل
Date: 02-24-2010, 11:33 PM
Parent: #63
Quote: ود جبريل...
شكلك مقسّم تماام و على الزيرو يا حبيب.. |
ود عثمان لا تفضحنا شي
|
Post: #64
Title: Re: نفيستي فيها
Author: معتصم دفع الله
Date: 02-24-2010, 06:06 PM
Parent: #62
Quote: نان ان بقت عفاف ما لقتلها زول جايي المغرب
ياني الشربت الزيت |
يا طارق بعد مداخلتي معاك ..
لقيت واحد أخونا وصديقنا جايي من السودان ما بجيب إسمه
طوالي قلت ليهو بالله عليك بحلاوة المولد كية في طارق جبريل دا
غايتو كان ما لقينا طريقة نرسله ليك بالعدم نصوره ونجي نختها ليك هنا ..
|
Post: #66
Title: Re: نفيستي فيها
Author: طارق جبريل
Date: 02-25-2010, 10:08 AM
Parent: #64
Quote: يا طارق بعد مداخلتي معاك ..
لقيت واحد أخونا وصديقنا جايي من السودان ما بجيب إسمه
طوالي قلت ليهو بالله عليك بحلاوة المولد كية في طارق جبريل دا
غايتو كان ما لقينا طريقة نرسله ليك بالعدم نصوره ونجي نختها ليك هنا |
الفيك اتعرفت يا الحبيب
|
Post: #67
Title: Re: نفيستي فيها
Author: عادل عوض بلال
Date: 02-25-2010, 12:03 PM
Parent: #66
| Quote: هسي يا عادل عليك النبي الفرق شنو من رقيص الشوايقة وجذب هؤلاء القوم الجميلين |
الشلوخ الليورا
|
Post: #68
Title: Re: نفيستي فيها
Author: طارق جبريل
Date: 02-26-2010, 11:47 PM
Parent: #67
يا حبيب والله لي هسي مافي زول جبلنا سمسميي
يعني خشمنا ملح ملح
|
Post: #69
Title: Re: نفيستي فيها
Author: طارق جبريل
Date: 03-04-2010, 00:17 AM
Parent: #68
بالله زولا بالكضب ساكت ما قالي نرسلها ليك طرد
|
Post: #70
Title: Re: نفيستي فيها
Author: Moneim Malik
Date: 03-04-2010, 04:48 AM
Parent: #69
ودجبرين
والله كتلتلنى بالضحك ياخ انت مباآآآلغة
| Quote: السنايي (من اسنان) ان كان تلاتة سنات في الحنك التحت متل حيطة الفاول |
والله لمن قلبي فرانى لمن قلت ابسنينات نفس وصف
سنينات ود خال لى يكون هو ياربى
|
Post: #71
Title: Re: نفيستي فيها
Author: طارق جبريل
Date: 03-04-2010, 10:09 AM
Parent: #70
Quote: والله لمن قلبي فرانى لمن قلت ابسنينات نفس وصف
سنينات ود خال لى يكون هو ياربى |
منعم كيفنك
الزول دة ان بقى قريبك بكون نجضته
انا عيني حارة ياخ
|
Post: #72
Title: Re: نفيستي فيها
Author: طارق جبريل
Date: 03-27-2010, 02:36 AM
Parent: #71
احمد الله
السمسميي يا دوب وصلتني
من قبيل اقلم فيها
حتى حمتني العشا
ههههههههههههههههههههه
|
Post: #73
Title: Re: نفيستي فيها
Author: هواري نمر
Date: 03-27-2010, 04:33 AM
Parent: #72
Quote: السمسميي يا دوب وصلتني
من قبيل اقلم فيها
حتى حمتني العشا |
عييــــــــــــــــــــك,يا دوب نفيستك لحقت تشوف الحلاوة..
غايتو بتكون دي,حلاوة المولد الجاي...ههههههههه
__
يا صاحب..
ياخي بيني و بينك المالح بس,ما تقول كده و تفن ليك قطعة الت سمسية ياخي
يعلم الله...اشتهيناها..
|
Post: #74
Title: Re: نفيستي فيها
Author: طارق جبريل
Date: 03-27-2010, 12:59 PM
Parent: #73
ود نمر كيفنك
يمين من امبارح اقرقش
لكن يبقالك قدحة
ههههههههههههههه
|
|