Post: #1 Title: طارق جبريل منور في البيت السوداني Author: حمزه بابكر الكوبي Date: 10-08-2009, 07:48 PM
Post: #2 Title: Re: طارق جبريل منور في البيت السوداني Author: حمزه بابكر الكوبي Date: 10-08-2009, 07:50 PM Parent: #1
لا خلي الامتداد لاخلي زقازيق ....ماقصر اصله
Post: #3 Title: Re: طارق جبريل منور في البيت السوداني Author: طارق جبريل Date: 10-08-2009, 08:53 PM Parent: #2
ود بابكر كيفنك ابوي ياخي مالك علي هسي ود الصايم يجي طاير ويفتكرني بقيت زول مهم
Post: #4 Title: Re: طارق جبريل منور في البيت السوداني Author: انعام عبد الحفيظ Date: 10-08-2009, 10:18 PM Parent: #3
يعني يا طرق عملت إهداءات للناس دي كلها غلبك تهدي لـ ناس الليل
إستمتعنا بالحوار الثر يا طارق والبت لمياء متوكل دي بت مثقفة جد
Post: #5 Title: Re: طارق جبريل منور في البيت السوداني Author: محمد عبد الماجد الصايم Date: 10-08-2009, 11:15 PM Parent: #4
ما حلوة منكـ يا طلبة باللاي تنسى شلة الركشة!
Post: #6 Title: Re: طارق جبريل منور في البيت السوداني Author: حمزه بابكر الكوبي Date: 10-09-2009, 05:44 PM Parent: #5
Quote: ود بابكر كيفنك ابوي ياخي مالك علي هسي ود الصايم يجي طاير ويفتكرني بقيت زول مهم
مهم ونص وعشره .....كان ما مهم يحاوروك نفرين ....لمياء متوكل والصادق البديري
لكن بالجنبه كده لما قعدت تفت في العرس والعادات والتقاليد ....معاذ صاحبي كان جمبك ؟؟؟؟
Post: #7 Title: Re: طارق جبريل منور في البيت السوداني Author: عفاف الصادق بابكر Date: 10-09-2009, 06:14 PM Parent: #6
طارق جبريل .. كيفنك .. لكن ما تقول لي .. متجلي والله .. إبداع ثم إبداع.. كمية من المعلومات الجميله .. غايتو لمن فتيت في التجانية والقادرية اتكيفته كيف ..
مودتي
بت الصادق
حمزة الكوباني ..كيفنك وشكرا لفرد المساحة الجميله
Post: #11 Title: Re: طارق جبريل منور في البيت السوداني Author: طارق جبريل Date: 10-09-2009, 09:37 PM Parent: #7
Quote: طارق جبريل .. كيفنك .. لكن ما تقول لي .. متجلي والله .. إبداع ثم إبداع.. كمية من المعلومات الجميله .. غايتو لمن فتيت في التجانية والقادرية اتكيفته كيف ..
مودتي
بت الصادق
بت الصادق كيفنك تعرفي المغاربة ديل اكتر ناس بيشبهونا ونس مساكين زينا ما زي العرب المواهيم ديلك والله لو عشتي معاهم تكتشفي انهم ناس يختوهم في الجرح يبرى
Post: #8 Title: Re: طارق جبريل منور في البيت السوداني Author: طارق جبريل Date: 10-09-2009, 09:30 PM Parent: #6
Quote: مهم ونص وعشره .....كان ما مهم يحاوروك نفرين ....لمياء متوكل والصادق البديري
لكن بالجنبه كده لما قعدت تفت في العرس والعادات والتقاليد ....معاذ صاحبي كان جمبك ؟؟؟؟
هذا لطف منك يا حبيب يفوق التحمل
صاحبك معاذ باعنا ومشى يعمل ليه حفلة في شندي شفتة الخيانة دي
Post: #10 Title: Re: طارق جبريل منور في البيت السوداني Author: طارق جبريل Date: 10-09-2009, 09:33 PM Parent: #5
Quote: ما حلوة منكـ يا طلبة باللاي تنسى شلة الركشة!
يا ابو شنب كان قاموا كابسونا من المطار نقع وين
Post: #9 Title: Re: طارق جبريل منور في البيت السوداني Author: طارق جبريل Date: 10-09-2009, 09:31 PM Parent: #4
Quote: يعني يا طرق عملت إهداءات للناس دي كلها غلبك تهدي لـ ناس الليل
ياخي كدة بتبقى واضحة شديد ياخ
Post: #12 Title: Re: طارق جبريل منور في البيت السوداني Author: هاشم محمد الحسن عبدالله Date: 10-10-2009, 07:23 AM Parent: #2
شكرا جزيلا الأخ همزة على هذه الاضاءة الجميلة عن مشاركة الدكتور طارق جبريل فى البيت السودانى، فلقد أثرى النقاش ونورنا كثيرا من علمه الغزير وثقافته العالية، وأنتهز هذه الفرصة لتحية الدكتور طارق وانا الذى أتابع ابداعاته من خلال المنتدى من زمن ومعجب كثيرا بما يعرضه، واتمنى لو تكرم الدكتور بتسليط الضوء على الهجرة المغربية للسودان، فانا واحد من كثيرين يقال ان جدودنا هاجروا من المغرب للسودان وأصبحوا يقال علينا المغاربة رغم اختلاف القبائل السودانية التى نتمى لها، فياليت لو تكرl الدكتور بتنويرنا بذلك، اضافة الى ذلك كنت أود معرفة انطباع الدكتور طارق جبريل عن الحلقة التى عرضت فيها مقابلة مع الفنان الشعبى عبدالرحمن بلاص ودوره فى المحافظة على غناء الدليب والطنبور، لو سمحت ظروفه بمشاهدة الحلقة التى بثت خلال عيد الفطر من قناة النيل الأزرق ، مع خالص تحياتى ومودتى.
Post: #13 Title: Re: طارق جبريل منور في البيت السوداني Author: SHIBKA Date: 10-10-2009, 08:14 AM Parent: #12
كلام مرتب ومرصوص صاح
Post: #14 Title: Re: طارق جبريل منور في البيت السوداني Author: حمزه بابكر الكوبي Date: 10-10-2009, 09:30 PM Parent: #13
Quote: كلام مرتب ومرصوص صاح
قصدك شنو يعني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ علشان طلبة بنيان وبعرف يرص الطوب !!!!!!!!!! شفت الشبك دي ياطارق ياخوي
Post: #22 Title: Re: طارق جبريل منور في البيت السوداني Author: SHIBKA Date: 10-11-2009, 07:17 AM Parent: #14
Quote: قصدك شنو يعني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ علشان طلبة بنيان وبعرف يرص الطوب !!!!!!!!!! شفت الشبك دي ياطارق ياخوي
غايتو ياالباسل
الله يعينك
حمزة لقيت مخك مبالغة في تربيط الاحداث
Post: #16 Title: Re: طارق جبريل منور في البيت السوداني Author: طارق جبريل Date: 10-10-2009, 09:57 PM Parent: #13
Quote: كلام مرتب ومرصوص صاح
بت حلتنا كيفنك ياخ ما وريتينا الحلة الجديد فيها شنو بعد زيارتك
Post: #21 Title: Re: طارق جبريل منور في البيت السوداني Author: SHIBKA Date: 10-11-2009, 07:15 AM Parent: #16
طارق
Quote: بت حلتنا كيفنك ياخ ما وريتينا الحلة الجديد فيها شنو بعد زيارتك
الحلة الجديد فيها انو الحفرة بتدخل زول عديل جواها يعني مش تقع وتقوم تقع فيها وتبقى منتظر زول يجي ماري يطلعك منها
عجيييييييبة
Post: #15 Title: Re: طارق جبريل منور في البيت السوداني Author: طارق جبريل Date: 10-10-2009, 09:56 PM Parent: #12
العزيز هاشم محمد الحسن كيفنك يا سيدي اشكر لك كلماتك الجميلة في حقي هذا لطف كبير منك
موضوع مغاربة السودان حقيقة موضوع يطول شرحه وله زوايا وابعاد كبيرة تحتاج الكثير من التمحيص هناك دراسات عميقة في الموضوع في الجامعات المغربية اتمنى ان اجد الوقت لاحصل عليها ومن ثم وضعها هنا لمن اراد معرفة ذلك الحراك والهجرة التي تمت في تلك الحقب البعيدة نسبيا واثرها في بعض تركيبة الشعب السوداني الديموغرافية والاجتماعية.. بشكل مختصر هنالك هجرات كثيرة تمت من المغرب الى السودان فيما سمي بالهجرة العكسية فجزء كبير من الادارسة والتجانية والقادرية قاموا بهجرات عكسية من المغرب الى المشرق بمعنى آخر ان جزء كبير من هذه الهجرات كانت ذات طابع ديني فغالبية من هاجروا الى السودان كان عن طريق الحج على اعتبار ان السودان ومصر يعتبران ممران مهمان لحجاج غرب افريقيا بشكل عام لذا نجد كثير من القبائل السودانية ذات اصول من افريقيا الغربية فهجرة المغاربة بشكل عام تمت لسببين اما للحج ومن ثم العودة الى السودان والاستقرار فيه او تمت عن طريق الخلاوي والتي تسمى هنا بالمسيد وكان هاجس تلك الهجرات هو نشر الطرق الصوفية وتعاليمها (القادرية والادريسية والتجانية...الخ) وتاكيدا لذلك انعقد منذ يومين مؤتمر مريدي الطريقة التجانية بفاس وكان السودان ممثلا بوفد مهم من الطريقة التجانية بشكل عام استقر هؤلاء الدعاة في مناطق من الجزيرة خصوصا منطقة الهلالية وكذلك قرى شرق النيل فجزء كبير من سكان تلك القرى تجري في دمائهم صبغات وراثية مغربية والسفير المغربي في السودان الآن (ماء العينين) يحاول توثيق تلك الصلة حتى انه معظم الطلبة الذين حضروا للمغرب خلال السنتين السابقتين هم من قرى شرق النيل.. ويمكنك الاتصال مع السفير المغربي وهو شخص لطيف جدا وحادب على دعم العلاقة المغربية السودانية بشكل كبير.. ساحاول ان شاء الله الحصول على الدراسات التي تمت في الموضوع.. مع العلم ان المغرب هو الدولة العربية الوحيدة كما السودان اللذان يعتمدان المذهب المالكي وهذه لوحدها تحتاج دراسة كبيرة في الموضوع...
يعجبني بشكل عام برامج التوثيق للفن التراثي بالسودان وحلقة بلاص كانت من تلك النوعية واستمتعت بشكل كبير جدا بها وكذلك حلقة كانت مع عثمان اليمني في بيته ايضا كانت ممتعة شديد
محبتي الاكيدة
Post: #18 Title: Re: طارق جبريل منور في البيت السوداني Author: الفاضل يسن عثمان Date: 10-10-2009, 10:54 PM Parent: #15
ود جبرين
ماشاءالله حديثك لباقة وكياسه شديدة،ومعلومات تنزل زي الجليد لمن ينزل في افران. كان كده نترقب اذاعة مانقو، ممكن صديقي الورطه يطل ويحدثنا عن اسهل الطرق للثراء الفاحش من تجارة الخردة والجازولين. الف رحمه ونور علي قبر الاديب المرحوم الطيب صالح. ويمد لينا في عمر عم جبرين امييين
مودتي
Post: #19 Title: Re: طارق جبريل منور في البيت السوداني Author: طارق جبريل Date: 10-10-2009, 10:59 PM Parent: #18
Quote: ود جبرين
ماشاءالله حديثك لباقة وكياسه شديدة،ومعلومات تنزل زي الجليد لمن ينزل في افران. كان كده نترقب اذاعة مانقو، ممكن صديقي الورطه يطل ويحدثنا عن اسهل الطرق للثراء الفاحش من تجارة الخردة والجازولين. الف رحمه ونور علي قبر الاديب المرحوم الطيب صالح. ويمد لينا في عمر عم جبرين امييين
مودتي
صاحبك الايام دي مصاحب ناس بيان اليوم يعني مشى للشيوعين في مكانهم
رحم الله شيخ الطيب صالح واطال الله عمر عمك جبيرين
بقيتوا تلاتة ولا لسة
Post: #20 Title: Re: طارق جبريل منور في البيت السوداني Author: هاشم محمد الحسن عبدالله Date: 10-11-2009, 06:53 AM Parent: #15
دكتور طارق جبريل نواضر مودتى وشكرى لشخصكم الكريم على هذه المعلومات القيمة ونتظر المزيد متى ماسمح وقتكم لذلك فهذا امر يهم شرائح كبيرة من المجتمع السودانى، والواقع أنا مقيم خارج الوطن لأكثر من ثلاثة عقود فى مرافىء الغربة، ولذلك تواصلى مع الوطن محدود فى الاجازات الصغيرة ونحاول عبر المنتديات ان نتطلع على أوضاع الوطن ونعيش همومه، مع خالص المودة لشخصكم الفاضل والذى يشرف السودان خارجه بعلمك وثقافتك العالية، ودمت.
Post: #24 Title: Re: طارق جبريل منور في البيت السوداني Author: حمزه بابكر الكوبي Date: 10-12-2009, 12:12 PM Parent: #20
Quote: رغم اني ما بفهم مغربي لكن الكلام دا بالذات وقع لي كويس
ماتتغشي بكلمة عزيزه الكتيره دي ........طارق شغال لك شغل تقيل (وجه مقرقر)
Post: #25 Title: Re: طارق جبريل منور في البيت السوداني Author: حمزه بابكر الكوبي Date: 10-12-2009, 12:16 PM Parent: #24
Quote: الحلة الجديد فيها انو الحفرة بتدخل زول عديل جواها يعني مش تقع وتقوم تقع فيها وتبقى منتظر زول يجي ماري يطلعك منها
ماياها دي الحله المشاكله لها المطار كله علشان تصليها (وجه شمتان) علشان مانزلت السودان
