Post: #1 Title: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 09:41 PM Parent: #0
Post: #2 Title: Re: أي لحظة بعيدة عنك ضايعة من أيام زماني.. Author: انعام عبد الحفيظ Date: 10-23-2009, 09:47 PM Parent: #1
يا الله
Post: #3 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 09:59 PM Parent: #2
اووووووووووووه ناس الليل بدوا يظهروا
انعام كيفنك ياخ
محمد ميرغني دة يوم بيكتل ليه زول غايتو
Post: #4 Title: Re: أي لحظة بعيدة عنك ضايعة من أيام زماني.. Author: انعام عبد الحفيظ Date: 10-23-2009, 10:04 PM Parent: #3
لازمني زي خلي الوفي!!
Post: #5 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 10:14 PM Parent: #4
Quote: لازمني زي خلي الوفي!!
يا انعام الحاجات الحلوة في حياتنا بقت نادرة ومحمد ميرغني دة احد نوادر الجمال في السودان
Post: #11 Title: Re: أي لحظة بعيدة عنك ضايعة من أيام زماني.. Author: انعام عبد الحفيظ Date: 10-23-2009, 10:31 PM Parent: #5
كم رسالة يا حبيبي بسطرها أشكي بالبعد يا ناسيني وأحلى كلمة مني ليك بضمنها باقة من شوقي وحنيني بين حروفها أشوف خيالك وانت تتبسم لعيني وقبل ما أختم سلامي أتمنى لو ردك يجيني
ـــــ يا سلام على محمد ميرغني ياخ
Post: #6 Title: Re: أي لحظة بعيدة عنك ضايعة من أيام زماني.. Author: عماد الدين عبدالله Date: 10-23-2009, 10:19 PM Parent: #4
عزيزنا ومبدعنا طارق
مسااااك الله بالخير
يا ابن الاكابر
يا سلام عليك وعلى الفنان محمد ميرغني
ويا سلام على انا والاشواق
تحياتي واحترامي
انا والاشواق فى بعدك بقينا اكتر من قرايب ما بنغيب عن بعض ابدا زى اعز اتنين حبايب
كنت فاكر الشوق يغيب لحظة واحدة عن فؤادى مع الزمن يتلاشى وجدى قلبى يسلاك فى بعادى وشوقى قال لى مستحيل مرة يتحقق مرادى ولازمنى زى خلى الوفى واصبح حبيبي الما بعادى
اى لحظة بعيدة عنك ضايعة من ايام زمانى وكل يوم كان لى فى قربك اتمنى لو احياه تانى وروحى لو غنيتا ليك ما تصور كم اعانى وشوقي ابلغ من غناى وحبى اسمى من المعانى
كم رسالة يا حبيبى بسطرا اشكى بالبعد يا ناسينى واحلى كلمة منى ليك بضمنا باقة من شوقى وحنيني بين حروفا اشوف خيالك وانت تتبسم لعينى وقبل ما اختم سلامى بتمنى لو ردك يجينى
Post: #7 Title: Re: أي لحظة بعيدة عنك ضايعة من أيام زماني.. Author: محمد عثمان Date: 10-23-2009, 10:23 PM Parent: #6
طارق...
خلاص تم الناقصه
اصلها الليله مخربطه و ما عارفين تتلم كيف زااتو...
Post: #10 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 10:31 PM Parent: #7
انت عارف كلما جاءت سيره انا و الاشواق دى كلما تحضر سيره الموسيقار حسن بابكر صاحب الروائع و الذى شكل مع السر دوليب شاعر هذه الاغنية ثنائية رهيبه افرزت الكثير من الغناء الجميل و الذى تغنى به الفنان محمد ميرغنى...
بجيك راجع بسيره حسن بابكر...خلينى افتش حااجاتى و ارجع ليك
قلت لى المتاوقه ممنوعة فى البوست دا..؟؟؟ اعمل حسابك ما تجيك سفنجه طايره....ههههههههههههه
Post: #16 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 10:59 PM Parent: #13
Quote: قلت لى المتاوقه ممنوعة فى البوست دا..؟؟؟ اعمل حسابك ما تجيك سفنجه طايره....ههههههههههههه
ناس السفنجات الله يدينا خيرهم ياخ
Post: #8 Title: Re: أي لحظة بعيدة عنك ضايعة من أيام زماني.. Author: Alsa7afa_30 Date: 10-23-2009, 10:26 PM Parent: #6
مع الزمن يتلاشى وجدى قلبى يسلاك فى بعادى وشوقى قال لى مستحيل مرة يتحقق مرادى
. . .
Post: #12 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 10:32 PM Parent: #8
الصحافة تلاتين كيفنك الف مبروك الشغل الجديد
اسكت اتنخج يا الحبيب
Post: #9 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 10:26 PM Parent: #6
Quote: عزيزنا ومبدعنا طارق
مسااااك الله بالخير
يا ابن الاكابر
يا سلام عليك وعلى الفنان محمد ميرغني
ويا سلام على انا والاشواق
تحياتي واحترامي
عمدة يا حبيبنا كيفنك ابوي ياخي محمد ميرغني دة من النكهات الحلوة لي بلد النيل زول غناي كدة لمن يجنن وانا والاشواق دة براها قصة
محبتي الاكيدة
Post: #14 Title: Re: أي لحظة بعيدة عنك ضايعة من أيام زماني.. Author: سيف الدولة كامل Date: 10-23-2009, 10:45 PM Parent: #9
عظمة يا ود جبرين,,, انتو النخجي ده بتنكتوه من وين
الناس اصلها مكسرة بدورو تكسحوهم,,الله يديكم العافية.
Post: #15 Title: Re: أي لحظة بعيدة عنك ضايعة من أيام زماني.. Author: محمد عثمان Date: 10-23-2009, 10:52 PM Parent: #14
الموسيقار (حسن بابكر) يحكي فصولاً من رحلة أربعين عاماً مع اللحن الجميل والنغم الشجي
إعتزاله مهنة العزف على آلة الكمان حوَّله إلى ملحن قدير في إطار اهتمامنا بالتوثيق للتجربة الإبداعية لكل الذين يعملون من خلف الكواليس حتى ترى الأغنية النور من شعراء وعازفين وملحنين والذين تظلمهم الأجهزة الإعلامية كثيراً إذ تسلِّط الضوء فقط على (المؤدِّي) مع أن الأغنية عبارة عن مثلث متساوي الأضلاع مكون من الشاعر والملحن والمؤدي، تأتي أهمية اللحن؛ لأنه يعتبر حلقة وصل بين شاعر النص الغنائي ومؤدّيه. ضيفنا في هذا العدد موسيقار قدير وملحن كبير، استطاع أن يثبت وجوده في خارطة التأليف الموسيقي عبر ألحان خالدة، ومن منا لا يردد (أنا والأشواق)؛ رائعة السر دوليب التي يشدو بها محمد ميرغني، ومن منا لا يحفـظ (أمسكي عليك عيونك ديل) لمحمد ميرغني أيضاً التي صاغ كلماتها شعراً الراحل المقيم (إسماعيل حسن)، ومن منا لا يذوب طرباً لـ(عشان خاطرنا) رائعة الراحل المقيم (مصطفى سند). ضيفنا هو ملحن جميع تلك الروائع وغيرها.. إنه (حسن بابكر محمود)، فإلى مضابط الحوار.. --- > حاوره: محمد حسن أرباب • من هو حسن بابكر؟ ــ حسن بابكر محمود، من مواليد السجانة بالخرطوم في عام 1936م، نشأت وترعرعت كأي مواطن من أبناء الغبش والكادحين بحي السجانة التي كانت آنذاك عبارة عن قرية صغيرة لا توجد بها خدمات المياه والكهرباء. درست الأولية بالخرطوم، وكانت مدرستنا تقع بالسوق العربي حالياً (موقع برج البركة) جوار الجامع الكبير، كنا نسير راجلين سيراً على الأقدام قاطعين تلك المسافة الطويلة بين قلب السوق العربي حتى منازلنا بحي السجانة. واصلت تعليمي حتى نلت دبلوم معهد الدراسات المصرفية في عام 1972م، وبعدها تم ابتعاثي إلى لندن لمدة عامين لنيل شهادة زمالة البنوك. في مجال العمل الوظيفي عملت طيلة حياتي في القطاع المصرفي موظفاً بالبنك الزراعي السوداني، وترقيت في الوظيفة إلى أن وصلت المرتبة الإدارية العليا ومن ثم تقاعدت للمعاش في عام 1996م. من ناحية الحالة الاجتماعية فأنا متزوج وأب والحمد لله. • لكل شيء بداية، ولكل نهر إبداعي منبع، السؤال؛ كيف كانت الينابيع الإبداعية لنهر حسن بابكر؟، ومتى كانت بدايات الرحلة الطويلة السعيدة مع الموسيقى والطرب؟ ــ بدايات رحلتي الطويلة مع الموسيقى كانت في خمسينيات القرن العشرين؛ زمن الصبا والشباب، وتحديداً في عام 1957م؛ أي أن عمري كان 19 سنة. البداية بالطبع كانت مجرد هواية للعزف على آلة الكمان (الكمنجة)، ولكي أصقل الموهبة بالدراسة لجأت إلى تلك الفصول الدراسية التي كان ينظمها الراحل أحمد مرجان حتى أتعلم مبادئ قواعد الموسيقى العالمية وأساسيات قراءة النوتة الموسيقية، أحمد مرجان كان يعمل برتبة ضابط بسلاح الموسيقى، وكان يسكن ببيوت الإشلاق بالخرطوم غرب (حي المقرن) وهو ملحن النشيد الوطني (نجن جند الله، جند الوطن). • ماذا عن محطة العزف على آلة الكمان كعازف محترف، أعني عزفك خلف كبار المطربين السودانيين بالعصر الذهبي للأغنية السودانية؟ ــ أول فنان عزفت معه هو محمد عثمان حسن وردي، وما زلت أذكر أنه عندما جاء (وردي) من الشمالية إلى العاصمة في عام 1957م كنا أنا وعبد الله عربي وعبد الفتاح الله جابو أول من عرَّفناه بالوسط الفني وقدَّمناه للناس، حينها كان يردِّد (الليلة يا سمراء) وتعاونت فنياً مع وردي لفترة طويلة من الزمن. ومنطقة السجانة في خمسينيات القرن العشرين كانت مليئة بالعازفين والمطربين أمثال عبد الله حامد العربي وعبد الفتاح الله جابو وأحمد بريس وحمزة سعيد ومحمد سراج الدين وآخرين غيرهم لا تسعفني الذاكرة لذكرهم، ومن المطربين كان الفنان عثمان حسين الذي كان يسكن بالقرب منا. • عملتَ كعازف محترف لفترة طويلة من الزمن، ولكنك فجأة قررت اعتزال العزف واتجهت نحو التلحين، السؤال؛ ما هي الأسباب التي جعلتك تعتزل العزف؟، ومتى كان ذلك القرار؟، وما هو أول عمل قمتَ بتلحينه؟ ــ اعتزالي العزف على آلة الكمان كعازف محترف كان في عام 1966م، وذلك بسبب تعارض عملي كعازف مع عملي الوظيفي كموظف منضبط بالبنك الزراعي، حيث كانت الحفلات قديماً تستمر حتى الساعات الأولى من الصباح الباكر، وجاءني إحساس بأنني إذا استمررت في العمل كعازف فسوف أفقد وظيفتي والتي هي مصدر رزقي الأساسي، وبصراحة؛ إنّ مَن هداني إلى ذلك القرار هو الأخ والصديق السر دوليب، وحينها كنت أعزف مع عثمان حسين، وأخطر دوليب عثمان بذلك، بل قال له إن حسن بابكر سوف يلحن عملا ــ أول عمل لحني له ــ للفنان أحمد فرح، والأغنية اسمها (حلفان) وهي من كلمات السر دوليب وهكذا ولجت مجال الألحان. وحلفان مطلعها: (تحلف تقول البي بيك يا حبيبي ما باين عليك/ كلما أقول مشتاق إليك مشتاق توريني الحنان/ تحلف تقول وحياة عينيك نحن بالأكتر كمان)، وبعدها توالت الألحان فلحنت للفنان أحمد فرح: (البريدو مالو إتأخر بريدو يا ناس) للشاعر الراحل المقيم حسن الزبير، وبالمناسبة أنا الذي قمت بتشجيع حسن الزبير للاتجاه نحو الشعر الغنائي وأنا الذي جعلته يصير شاعراً يكتب بأسلوب الأغنية الحديثة وشجعته لتغيير تلك اللونية المتشائمة التي كانت سائدة حينذاك. وأيضاً تغنى لي الراحل أحمد فرح في السبعينيات بأغنية (طال غيابك سنة وزيادة) التي تغنى بها مؤخراً الفنان الشاب عمار الجوهري. • يا حبذا إذا قمتَ بتسليط الضوء على تجربتك اللحنية طيلة الأربعين عاماً الماضية، ومن هم أبرز الفنانين الذين تغنوا بألحانك؟ ــ من أهم الفنانين الذين تغنوا بألحاني أولاً الفنان (محمد ميرغني) الذي تغنى لي بمجموعة الروائع أبرزها: (أمسكي عليك عيونك ديل)، و(إشتقت ليك) وهما من كلمات إسماعيل حسن، (لا بتفاصلي) وهي من كلمات عثمان خالد، (عشان خاطرنا) من كلمات مصطفى سند، (إحترت فيك أنا شن أقول) من كلمات محمد عبد القادر أبو شورة، (مين فكَّرك يا حبيب) من كلمات السر دوليب، (أنا والأشواق) من كلمات السر دوليب، (النازلة ماشة على البحر) من كلمات حدربي محمد سعد. ثانياً الفنان (أحمد فرح) الذي تغنى لي بـ: (حلفان) من كلمات السر دوليب، (كلون كاكول) من كلمات إسماعيل حسن، (البريدو مالو إتأخر بريدو) من كلمات حسن الزبير. ثالثاً الفنان (عثمان مصطفى) الذي تغنى بستة أعمال منها: (تعال يا قلبي سيبو) من كلمات السر دوليب، (صدقني دا البتمناه كان) من كلمات صلاح حاج سعيد، (إنتي يا الكلك عواطف) من كلمات السر دوليب. رابعاً الفنان الراحل (محمد حسنين) الذي تغنى لي بعدة أعمال أبرزها: (يا سايق البوباي) وهي من كلمات الراحل الباشمهندس د.عبد العزيز سيد أحمد، (الجميل قالوا) وهي من كلمات النعمان على الله. وهنالك عدة ألحان لا تسعفني الذاكرة لذكرها، ولكني استحضر عملاً للراحل حيدر حدربي بعنوان (ثُورِي.. ثُورِي مهيرة السودان)، هذا العمل وجد الذيوع والانتشار لتزامنه مع انتفاضة 6 أبريل 1985م، وكانت في شكل ثنائي حيدر حدربي مع حنان إبراهيم، ولحنت لشاعر الشعب محجوب شريف أغنية اجتماعية هادفة تغنت بها المطربة أماني مراد، وهنالك عمل آخر للفنانة حنان السجانة، وعمل لسميرة دنيا، وعمل للمطرب عبد التواب عبد الله، أما بالنسبة للأصوات الشبابية فقد لحنت للشاب سيد عوض، والشاب عماد الكاشف، والشاب البطحاني الحبر. • التجربة اللحنية عموماً بين الأمس واليوم؟ ــ قديماً كان لدينا تواصل حميم بين جميع الأجيال، ضِفْ إلى ذلك أن لجان التحكيم؛ سواء أكانت لجان إجازة النصوص أم لجان إجازة الألحان، كانت تحكمها قوانين صارمة ولوائح صعبة من الصعب تجاوزها، أما الآن فإن الواقع مختلف تماماً، وبالتالي ليست هنالك أية مقارنة بين التجربة اللحنية قديماً والآن، قديماً كانت الحال أفضل كثيراً، والماضي كان أحسن في جميع المجالات الثقافية والاجتماعية والاقتصادية، واللحن لا ينفصل عن بقية عناصر الحياة الأخرى. الفن قديماً كان مجرد هواية لإشباع الدافع الشخصي للإنسان الفنان في المقام الأول، أما الآن فقد صار الفن تجارة، والأغنية صارت تلهث وراء الكسب المادي الرخيص، وكل من هب ودب أصبح مطرباً واعداً، قديماً إذا لم يقم الفنان بتسجيل ستة أعمال رسمياً بالإذاعة لا يعترف به كفنان. • ما هي أسباب عدم انتشار الأغنية السودانية في الفضاء العربي؟ ــ الأسباب عديدة، من ضمنها نظرة الجهات الرسمية للأغنية في حد ذاتها؛ فتسجيل الأغاني الجديدة بالإذاعة القومية مثلاً ظل متوقفاً لمدة 15 عاماً، كما اختفت برامج التبادل الثقافي التي كانت نهجاً متبعاً بين الإذاعات العربية وعبرها كان يحدث التلاقح الثقافي، فالإعلام له دور كبير في الإسهام في نشر الأغنية السودانية خارج الإطار المحلي وذلك بإيجاد وفرة في طرق العرض وبالتكرار المتوالي لعرض أعمالنا. المدهش أن الأغنية السودانية تحقق الانتشار في الفضاء الإفريقي وذلك لأننا قريبون ثقافياً من الأفارقة عبر السلم الخماسي ومن خلال الإيقاعات الإفريقية الساخنة. • ماذا عن تجربة (جواهر) السودانية التي تتغنى باللهجة المصرية بشمال الوادي؟، وهل تعتقد أنها أسهمت في نشر الأغنية المحلية؟ ــ (جواهر) إذا كانت مقيمة هنا لما عرفها أحد، وهي حققت الانتشار لأنها تغني وتردد كلاماً فارغاً. • وماذا عن ستونة مجروس؟ ــ جواهر وستونة مجروس وغيرهما، كل هؤلاء ليست لهم أية علاقة بالفن السوداني. • ما رأيك بكل صراحة في أغاني البنات؟ ــ بكل صراحة أقول؛ أنا مع أغنيات البنات الهادفة، هنالك الكثير من الفتيات لديهن موهبة في الشعر الغنائي الملتزم، مثلاً أنا لحنت مؤخراً لإحدى الشابات الخريجات ــ واسمها مها حسن الريح ــ عملاً رائعاً مطلعه: (عنواني ملامحك.. لما أتربع عرش احساسك/ اكون من ناسك/ عطر انفاسك/ وكل البيك/ عنواني ملامحك.. لما اتبحر من بين كلمة تقولها عيونك/ لما ألومك تسرح فيك/ ولما ترحل تايهة بشوفك/ بتلقى حروفا بتنده ليك). وتعاملت فنياً مع عدة فتيات شاعرات أمثال (آمنة خيري) و(بثينة رجب) وغيرهن؛ فكلام البنات عموماً به رقة أكثر. • مقاطعاً: لا عفواً، أنا أقصد تلك الأغاني المبتذلة التي على شاكلة (راجل المرة حلو حلا)؟ ــ بالطبع أنا ضد هذا النوع من الغناء، المؤسف أن هذا النوع قديماً كان موجوداً، ولكنه كان يؤدَّى خلف الكواليس، ولكنه للأسف صار الآن يؤدَّى في الهواء الطلق وبالحفلات العامة بمناسبات الزواج بل أحياناً تسمعها بالمركبات العامة. وفي الماضي كان الفنان الملتزم يقوم بمعالجة ذلك الإسفاف بالاستفادة من اللحن في قوالب شعرية جديدة مثل رائعة عثمان الشفيع (اللون الخمري)، التي من كلمات السر دوليب، كتبها شاعرها وهو ما يزال طالباً بالمرحلة الثانوية. (اللون الخمري) هي أغنية خفيفة تأخذ نفس لحن إحدى أغاني (القعدات) قديماً بالتالي اختفت تلك الأغنية الهابطة وصار الناس يرددون (اللون الخمري). الآن الواقع مختلف تماماً، أصبح هنالك انحطاط في كل المحاور الثقافية والأدبية والاقتصادية والسياسية، وبالتالي كان من الطبيعي أن تتأثر الأغنية بهذا التردي في كل المحاور، وعموماً نحن لا نلوم الشباب لأن هذا هو واقعهم. • ما رأيك في أداء المدائح بمصاحبة الأوركسترا الموسيقية؟ مع احترامي الشديد لأولئك الذين يقومون بأداء المديح بالأوركسترا، إلا أنني أعتقد أن أداء مديح بالطريقة الكلاسيكية (الطار والدفوف) جاذب للمتلقي؛ فالموسيقى وصخبها قد تشوه مفردات المدحة وبالتالي تقلل من القيمة الروحية للمديح النبوي. • إضاءات عن هؤلاء في سطور: • عقد الجلاد؟ ــ هؤلاء الفتية لهم لونية خاصة وبصمة متفردة تخصهم لوحدهم لذلك أحترم تجربتهم اللحنية. • محمد الأمين؟ ــ هو فنان موهوب، أضاف الكثير إلى المكتبة الغنائية بألحانه الفريدة وبأسلوبه الأدائي؛ فالفنان الحقيقي هو الذي يضيف، وهنالك فرْق كبير بين أن تُطْرِب وان تغني. • محمد وردي؟ ــ (وردي) فنان كبير يشار إليه بالبنان، هو بدأ كمطرب واعد يغني باللغة النوبية، وقد استفاد من التراث النوبي كثيراً في تلحين معظم أعماله، وذلك هو الذي جعله متفرداً. • صلاح مصطفى؟ صلاح أصلاً بدأ ملحناً، ومعظم أعمال صلاح محمد عيسى من ألحانه؛ فالتجربة اللحنية عنده متميزة، بل حتى المتلقي العادي يستطيع أن يتعرف على أي عمل من ألحان صلاح. • السني الضوي؟ هو أيضاً بدأ ملحناً قبل أن يلج مجال الغناء مع ثلاثي العاصمة، ومن ثم ثنائي العاصمة، وقد سبق له أن لحَّن (مين قسَّاك) لإبراهيم عوض. • علي أحمد؟ ــ أعتقد أن أي شخص يعمل من أجل دفع عجلة الأغنية السودانية إلى الأمام ينبغي لنا أن نقف معه، أنا بطبعي لست ضد أي شخص، فإن صدري مفتوح للجميع، بالنسبة لـ علي أحمد، أعتقد أن له محاولات لحنية جميلة من ضمنها (يا جميل يا راقي إحساسك)، التي من كلمات صلاح حاج سعيد وأداء حسين شندي. • على مرافئ الختام، ماذا تود أن تقول؟ أتمنى من الجهات الرسمية المعنية بأمر الفنون بالبلاد أن تهتم أكثر وأكثر بالفنون، ولا بد من إعطاء الفن وزنه الصحيح. أتمنى إيلاء الاهتمام لكل أنواع الفنون من رسم وتشكيل وموسيقى وغناء ودراما ومسرح وإذاعة وتلفزيون وسينما، ولا بد من تضافر كل الجهود ليكون سوداننا عالياً وسامقاً ولتعلو هتافات (سودانا فوق، سودانا فوق) لتكون واقعاً معاشاً في شتى المجالات السياسية والاقتصادية والاجتماعية والرياضية. وأقول للفنانين الشباب، لا بد للفنان من أن يترك بصمته الخاصة في خارطة الغناء السوداني، ولا بد له من التجديد والابتكار والإضافة، في العصر الذهبي للغناء السوداني كان كل مطرب يتميز بعمل معين مثلاً: عثمان الشفيع ارتبط اسمه بـ(الذكريات)، والكابلي اشتهر بـ(ضنين الوعد)، وعثمان حسين بــ(شجن)، وعبد العزيز محمد داؤود بـ(أجراس المعبد)، هذا التفرد الآن صار مفقوداً. وأقول للملحنين الشباب؛ إن نجاح الملحن يتوقف على انتقائه للمفردة الرائعة الجميلة، فالقصيدة التي يختارها الملحن هي التي تحدد مدى ثقافته. اقول قولي هذا بعد تجربة ثرة دامت لأكثر من إربعين عاماً، فالفرق الأساس بيني وبين الآخرين بالساحة الفنية هو أنني كنت أرهق نفسي جداً في البحث عن المفردة الشعرية الجميلة، وهنا لا يهم أن يكون الشاعر اسماً معروفاً، ولكن المهم هو أن أحس أنا بالعمل. واستفدت كثيراً من استشارة الأصدقاء، وذلك بعد أن أقوم بوضع (العضم) الأساس للعمل في شكل جلسات فنية وورش عمل للسمكرة؛ فالتضامن الثلاثي بين (الشاعر) و(الملحن) و(الفنان) مهم جداً وهو سر نجاح الأغنية.
منقول..
Post: #18 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 11:11 PM Parent: #15
يا سلام يا ود عثمان ياخ يمين الزول دة عمل فينا عمايل بي الحانه دي
Post: #17 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 11:03 PM Parent: #14
Quote: عظمة يا ود جبرين,,, انتو النخجي ده بتنكتوه من وين
الناس اصلها مكسرة بدورو تكسحوهم,,الله يديكم العافية.
استاذنا سيف كيفنك ياخي النخجي دة من كنتوا بتدرسونا في الخرطوم الجديدة كنا بنمشي نكبوا في حديقة القرشي
Post: #19 Title: Re: أي لحظة بعيدة عنك ضايعة من أيام زماني.. Author: عماد الدين عبدالله Date: 10-23-2009, 11:17 PM Parent: #6
انا والاشواق اداء الفنان عصام محمد نور
Post: #20 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 11:23 PM Parent: #19
تشكر يا عمدة يا حبيبنا ياخي
Post: #21 Title: Re: أي لحظة بعيدة عنك ضايعة من أيام زماني.. Author: انعام عبد الحفيظ Date: 10-23-2009, 11:35 PM Parent: #20
أي زول يغني الأغنية دي بتكون حلوة بس برضو ما زي ما محمد ميرغني لما بغنيها
Post: #22 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 11:38 PM Parent: #21
نان يا انعام هو محمد ميرغني غناها غنا نصاح يمين رقدها خل لا اله الا الله يمين نجمها نجام
Post: #23 Title: Re: أي لحظة بعيدة عنك ضايعة من أيام زماني.. Author: انعام عبد الحفيظ Date: 10-23-2009, 11:45 PM Parent: #22
Quote: لا اله الا الله
محمد رسول الله
يا ولد الأغنية دي نسّتك تتم الشهادة ولا شنو ؟؟؟
Post: #24 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-23-2009, 11:53 PM Parent: #23
Quote: يا ولد الأغنية دي نسّتك تتم الشهادة ولا شنو ؟؟؟
كان رديت عليك بيجلدوني ناس النظام العام
Post: #25 Title: Re: أي لحظة بعيدة عنك ضايعة من أيام زماني.. Author: عماد الدين عبدالله Date: 10-24-2009, 00:20 AM Parent: #24
يا انعام وطارق
اكان جبناها بصوت المبدع الرائع الفنان
محمد ميرغني النخجي ما بقيف للصباح
والفاين ود جبرين ما وزعوا لينا
مع عنوان البوست تاني يا طارق
بوست زي دا اول شئ حضر الفاين
بعد داك افتح باب الدخول مع
عبارة يوجد فاين ومستلزمات
النخجي وتوابعه .
تحياتي واحترامي
Post: #26 Title: Re: أي لحظة بعيدة عنك ضايعة من أيام زماني.. Author: فادية اليمني Date: 10-24-2009, 00:46 AM Parent: #25
Quote: اى لحظة بعيدة عنك ضايعة من ايام زمانى وكل يوم كان لى فى قربك اتمنى لو احياه تانى وروحى لو غنيتا ليك ما تصور كم اعانى وشوقي ابلغ من غناى وحبى اسمى من المعانى
سيد النخجى
سلام
انا و الاشواق
Post: #27 Title: Re: أي لحظة بعيدة عنك ضايعة من أيام زماني.. Author: سرى بخارى Date: 10-24-2009, 06:37 AM Parent: #26
الرسول يا ود عمتِي إن درت راحتِي أُوجمتِي رسل التصريح اللجِي
Post: #28 Title: Re: أي لحظة بعيدة عنك ضايعة من أيام زماني.. Author: وليد عبد اللطيف Date: 10-24-2009, 07:42 AM Parent: #27
Quote: اى لحظة بعيدة عنك ضايعة من ايام زمانى وكل يوم كان لى فى قربك اتمنى لو احياه تانى وروحى لو غنيتا ليك ما تصور كم اعانى وشوقي ابلغ من غناى وحبى اسمى من المعانى
هاي هاي ياودجبرين ود ناس ابودية انت اليوم بتكتل ليك زول ماهاشم ميرغني خلاص الناس دي شالت جروحها واتغربت واتشتت واتناست تاني تجي تفتح الجريحات للناس في شنو
-------------------- طارق حبينا كيفنك
Post: #29 Title: Re: أي لحظة بعيدة عنك ضايعة من أيام زماني.. Author: هواري نمر Date: 10-24-2009, 08:05 AM Parent: #28
أنا و الأشـــــــــــــــواق بقينـ....................ـا شنو؟؟؟
يا طارق جبريل.... الليله بالذات... أنا.... مكهرب...و مدبرس... والحنين كاتلني ضمة.....!!!!!!!!! من بوست (طلال عفيفي) المسح مداخلاته... لي محمد مبرغني.... الجنن الغناء....واتخصص في مغازلة الشوق و ارسال الاهات.. وبث الحنين...و تغميض العيون... تسافر تعيش في عالم تاني... تحس الكلام طالع من اويضات القلب المهرودة بي حب ناسا حنان بالحيل.. تحس الموسيقي تدغدغ في حنايا الروح... تفني معاه تلاقي دميعاتك فر نزلن.. تحاول تسمع...تلاقي قليبك كسح قدامك في مسارقة السمع.. تتحير...وتتقلب ...النوم يطير من عيوناتك... تعيد الشريط من تاني.. وتاني تجيك نفس الحالة... وتتنهد.. وتاخدلك نفس حـــــــــــــــــار وفجـــــــــأة.... تلاقي الصباح...اصبح... تسب ..تعلن... تخت هدومك علـــيك زي...الكفن.. تلاقي البلد مو ياها.. والناس كتر...
وانعل ابو الغـــــــــــربة...!!!
_____ مالك علي يا صاحب... الايام دي اخوك... مورود بحمي الحنين و الشجن...
Post: #30 Title: Re: أي لحظة بعيدة عنك ضايعة من أيام زماني.. Author: إدريس محمد إبراهيم Date: 10-24-2009, 08:17 AM Parent: #29
د. طارق جبريل ...
تحية ملؤها المودة والاحترام ...
عايز أقول ليك حاجه يا طارق وأرجو ألا تعتبرها "كسير تلج" ..خاصة وهذه أول مره اتداخل فيها معاك .. ياخي بصراحه لقيتك دائماّ زولاً سمح وما بجيب إلا السمح ... ووالله بتمنى يكون عندنا في هذا البورد زيك ناس كتار حتى ينثروا الفرحة والألق الجميل هنا ...
بالنسبه لهذه الأغنية .. أشكرك يا طارق من أعماق أعماقي حتى تعرف حاجه ذاتو ...
مع خالص حبي وتقديري ؛؛
Post: #31 Title: Re: أي لحظة بعيدة عنك ضايعة من أيام زماني.. Author: باسط المكي Date: 10-24-2009, 08:27 AM Parent: #30
Quote: ] وانعل ابو الغـــــــــــربة...!!!
ياطارق اووووووووولب لب امانة عليك كم في الخط ..من تداعي اه لو يجدي التداعي والاشواق ..احيان ملح خواطرنا الحبيبة ...كن بخير
Post: #32 Title: Re: أي لحظة بعيدة عنك ضايعة من أيام زماني.. Author: مريم عبد الله Date: 10-24-2009, 08:43 AM Parent: #31
ورووووورروك يا ود جبريل
وووب علللي ( وش واحدة بتسكل )
عارف الاغنيه دي لما اسمعها باتذكر ايام المدرسه والجامعه وباتذكر كل الناس الزاملوني
ولي الان لما اسمعها باتذكر السودان وناس بحري وبيت ناس ابوي
الله يرحمك يا محمد ميرغني يا ابو الراوائع
الليلة انا فارشة رسمي وشعبي والبكا ما خبر يعني ح يكون حار
طلب خاص يا ود جبريل النبي كان ما ختيت لي في البوست دا
Post: #40 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-24-2009, 02:59 PM Parent: #31
Quote: ياطارق اووووووووولب لب امانة عليك كم في الخط ..من تداعي اه لو يجدي التداعي والاشواق ..احيان ملح خواطرنا الحبيبة ...كن بخير
ود المكي كيفنك الجابك يجيب عقابك عاد
ياخي محمد ميرغني دة يمين هراني هري
Post: #39 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-24-2009, 02:57 PM Parent: #30
Quote: عايز أقول ليك حاجه يا طارق وأرجو ألا تعتبرها "كسير تلج" ..خاصة وهذه أول مره اتداخل فيها معاك .. ياخي بصراحه لقيتك دائماّ زولاً سمح وما بجيب إلا السمح ... ووالله بتمنى يكون عندنا في هذا البورد زيك ناس كتار حتى ينثروا الفرحة والألق الجميل هنا ...
إدريس كيفنك يا الحبيب تلج شنو عاد البيكسروه لنا الضهبان دة اخوك وحاتك زولا مهضلم وماهو زول كسير تلج
يا عزيزي اشكر لك كلماتك الندية والمنبر ملئ بما هو جميل ومرحب بيك في عالم النخجي
Post: #38 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-24-2009, 02:55 PM Parent: #29
Quote: مالك علي يا صاحب... الايام دي اخوك... مورود بحمي الحنين و الشجن...
ود نمر كيفنك ابوي وحات الله دة ماهو حنين بس الشي دة ابو ((وردي)) دة يبقالي من شيتا تاني الله ليك عاد
Post: #37 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-24-2009, 02:54 PM Parent: #28
Quote: انت اليوم بتكتل ليك زول ماهاشم ميرغني خلاص الناس دي شالت جروحها واتغربت واتشتت واتناست تاني تجي تفتح الجريحات للناس في شنو
عاد يا وليد بيبقالكم ود ناس ابو دية دة يقعد يتنخج وحدو كدي
Post: #36 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-24-2009, 02:52 PM Parent: #27
Quote: الرسول يا ود عمتِي إن درت راحتِي أُوجمتِي رسل التصريح اللجِي
بخاري كيفنك
نركب البيسابق الريح نمشي في الخركوم نستريح الخدامة تسوي التبيخ وكل جمع نزور الضريح
Post: #35 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-24-2009, 02:51 PM Parent: #26
Quote: سيد النخجى
سلام
انا و الاشواق
حباب ست النخجي لي حدو في بعدك بقينا اكتر من قرايب
Post: #34 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-24-2009, 02:50 PM Parent: #25
Quote: تاني يا طارق
بوست زي دا اول شئ حضر الفاين
بعد داك افتح باب الدخول مع
عبارة يوجد فاين ومستلزمات
النخجي وتوابعه .
فاين شنو يا عماد مالها اكمام القميص
Post: #42 Title: Re: أي لحظة بعيدة عنك ضايعة من أيام زماني.. Author: مزمل خيرى Date: 10-24-2009, 03:04 PM Parent: #34
والله ياطارق الوالد ربنا يديهو العافية مابيحب فنان فى الدنيا دى غير محمد ميرغنى دا .!!
Post: #43 Title: Re: أي لحظة بعيدة عنك ضايعة من أيام زماني.. Author: مريم عبد الله Date: 10-24-2009, 03:08 PM Parent: #42
ود جبريل
عماد الدين عبد الله
لا والله ما كتلتوا بس الرحمه بتجوز على الحي كمان
بالعكس محمد ميرغني دا الله اطول في عمره
شكرا ليكم وجبتوا معاي بي وضع الاغنيه ما قصرتوا
طاب طيبكم وعاش حبيبكم
Post: #44 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-24-2009, 07:15 PM Parent: #42
Quote: والله ياطارق الوالد ربنا يديهو العافية مابيحب فنان فى الدنيا دى غير محمد ميرغنى دا .!!
طيب يا مزمل انت وكتين ابوك دة راقي كدة انت مالك
ابو جوان كيفنك ابوي
Post: #45 Title: Re: أي لحظة بعيدة عنك ضايعة من أيام زماني.. Author: هواري نمر Date: 10-27-2009, 04:36 AM Parent: #44
Quote: ود نمر كيفنك ابوي وحات الله دة ماهو حنين بس الشي دة ابو ((وردي)) دة يبقالي من شيتا تاني الله ليك عاد
يا دكتور.... اها الاسبوع الجديد...بدأ.. الحقنا بي شيتنا من بيت الكلاوي....
الشغلانة.. جاطت....في دقنوسي ده.. شيتا حنين و شيتن هلوسة و معاها شوق.. وغايتو.. الله يصبرنا.... تسلم يا ملك...
Post: #46 Title: Re: أي لحظة بعيدة عنك ضايعة من أيام زماني.. Author: الطيب شيقوق Date: 10-27-2009, 09:17 AM Parent: #45
ود النمر
كيفك يا اخي
مشتاقون يا اخي - مالك يا الحبيب سمعت ولا جابوا ليك
طارق ولد جبريل
مسنووووووووووووح
Post: #47 Title: Re: أي لحظة بعيدة عنك ضايعة من أيام زماني.. Author: هواري نمر Date: 10-27-2009, 10:31 AM Parent: #46
Quote: مشتاقون يا اخي - مالك يا الحبيب سمعت ولا جابوا ليك
العمدة.... شيقوق
و الله الشوق ...خليه ساي..ماسورة محلوجة عديـــــــــــــــل!! كيفنك و اخبارك.. من البترول طلع في البردانة...خلاص بقيت ما شغال بينا و بوستاتك الحلوة ديك...راحت في حق الله... تسلم يا الحبيب وحقك علي... تحياتي... يا عمدة البردانة وما جاورها.. وين صاحبك عزيز ود عيسي و فيسل هليل
Post: #49 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-28-2009, 05:38 PM Parent: #46
Quote: طارق ولد جبريل
مسنووووووووووووح
النبي يا شيقا قلبك ما ضرب مع الاغنية دي
Post: #48 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-28-2009, 05:37 PM Parent: #45
Quote: الشغلانة.. جاطت....في دقنوسي ده.. شيتا حنين و شيتن هلوسة و معاها شوق.. وغايتو.. الله يصبرنا.... تسلم يا ملك...
حالة اخير منها العرس
Post: #50 Title: Re: أي لحظة بعيدة عنك ضايعة من أيام زماني.. Author: الطيب شيقوق Date: 10-29-2009, 06:58 AM Parent: #48
ود النمر
حبابك يا زعيم والله الشوق ليك بحور - شايفك متجدع على الفيس بوك
السنة دى ، مع دموع ود العجب السالت ، علا تتراوح عولك الرطانة الصعيد نشف طااااب
Quote: من البترول طلع في البردانة...خلاص بقيت ما شغال بينا
والله السنة بقت علينا ميتة وخراب ديار - ات عارف السجم ديل حفروا قدام بيتي لعمق تجاوز 3000 قدم وعملوا لينا ردمية كانها ظلت وفي النهاية قالوا بترولنا ما بملأ فنجان قهوة . عيييييييييييك طلع شيح في ريح
Quote: و بوستاتك الحلوة ديك...راحت في حق الله...
عليك الرسول المنبر مش ذاتو صار مسيخ؟
Quote: وين صاحبك عزيز ود عيسي و فيسل هليل
فارش بهناك مع الشويحات
Post: #51 Title: Re: أي لحظة بعيدة عنك ضايعة من أيام زماني.. Author: عفاف الصادق بابكر Date: 10-29-2009, 07:37 AM Parent: #50
Quote: محمد ميرغني دة يوم بيكتل ليه زول غايتو
البوست ده كان ويييين .. ؟؟ ود جبريل .. كيفنك يا الزوين .. محمد ميرغني يكتل شنو ياخ .. ده بصحي كل شيء جميل .. في اي حته .. تعرف زكرياتي معاهو حلوه .. حلوه .. لما راجعه من شهر العسل .. (وش ما عارفه مالو زاتو ) طارق ابو جناى .. وحبيب قساي.. عارفنى بحب محمد ميرغني .. شديد.. وصلته بيتهم على أساس انه فى دعوة عشاء .. وإذا بي أسمع من بعيد حنيني ليك وليل الغربه بكانى .. والاستاذ محمد ميرغنى .. وإبداعات كتييييره .. الليله ورارررارررووووك .. احلى مفاجأة .. يوم في الذاكرة ..
Post: #52 Title: Re: أي لحظة بعيدة عنك ضايعة من أيام زماني.. Author: طارق جبريل Date: 10-29-2009, 11:53 PM Parent: #51
Quote: البوست ده كان ويييين .. ؟؟ ود جبريل .. كيفنك يا الزوين .. محمد ميرغني يكتل شنو ياخ .. ده بصحي كل شيء جميل .. في اي حته .. تعرف زكرياتي معاهو حلوه .. حلوه .. لما راجعه من شهر العسل .. (وش ما عارفه مالو زاتو ) طارق ابو جناى .. وحبيب قساي.. عارفنى بحب محمد ميرغني .. شديد.. وصلته بيتهم على أساس انه فى دعوة عشاء .. وإذا بي أسمع من بعيد حنيني ليك وليل الغربه بكانى .. والاستاذ محمد ميرغنى .. وإبداعات كتييييره .. الليله ورارررارررووووك .. احلى مفاجأة .. يوم في الذاكرة ..
بت الصادق اتاريكي راقدي خل
Post: #53 Title: Re: أي لحظة بعيدة عنك ضايعة من أيام زماني.. Author: هواري نمر Date: 10-29-2009, 11:58 PM Parent: #52
Quote: حالة اخير منها العرس
حالة تحنن العدو...!! حالة أخير منها ....العرس بالدين و السيرة بالكرعين ومن غير شهر عسل..كمان!!!
انت مالك لي هسي صاحي يالحبيب!!!
Post: #54 Title: Re: أي لحظة بعيدة عنك ضايعة من أيام زماني.. Author: ماجدة عوض خوجلى Date: 10-30-2009, 00:12 AM Parent: #53
