وحيات الله الفي السما دا , بعد ما قريت كلام طارق ود عمي دا , عرفت الماخله البعدها , قطع شك حقت عمران اخوي , وعرفتو حايكون الوش الاخدر داك .. لوووووووووول ...
Quote: وحيات الله الفي السما دا , بعد ما قريت كلام طارق ود عمي دا , عرفت الماخله البعدها , قطع شك حقت عمران اخوي , وعرفتو حايكون الوش الاخدر داك .. لوووووووووول ...
والله الليله يا طارق عملت فينا العمله المعيييييينه عارف ... لمن كنت بت صغيرووونه , طبعا البنيه الاولى المدلعه اللي امها وابوها بيحبوها وفرحانين بيها, ابوي كان بيحب الاغنيه دي شديد ... يكون بيغنيها وهو داخل ومارق .. مره قام لقاني قاعده مفرجخه في الارض براااي , بلعب بي عروسه وبسرح ليها , وبغني برااي : القلوب ملتاحاااااا .. اونت يا قلبي , ما لقيتلك لاحاااااااااااا انت عارف يا طارق .. ابوي دا خماني من الارض وضحك من جوه قلبو وانا مخلوعه في الناس الكانت بتعاين فيني ...
لحدي اسي في اصحاب ابوي .. في ناس لمن يلاقوني بيشاغلوني بالاغنيه دي ..
انت جادي لمن نزلت الاغنيه دي ...؟؟؟ انت خلاص انتهيت .. والبوست دا انا احتليتو ..انت قايل الاغنيه دي ساهله ..؟؟
Quote: والله الليله يا طارق عملت فينا العمله المعيييييينه عارف ... لمن كنت بت صغيرووونه , طبعا البنيه الاولى المدلعه اللي امها وابوها بيحبوها وفرحانين بيها, ابوي كان بيحب الاغنيه دي شديد ... يكون بيغنيها وهو داخل ومارق .. مره قام لقاني قاعده مفرجخه في الارض براااي , بلعب بي عروسه وبسرح ليها , وبغني برااي : القلوب ملتاحاااااا .. اونت يا قلبي , ما لقيتلك لاحاااااااااااا انت عارف يا طارق .. ابوي دا خماني من الارض وضحك من جوه قلبو وانا مخلوعه في الناس الكانت بتعاين فيني ...
لحدي اسي في اصحاب ابوي .. في ناس لمن يلاقوني بيشاغلوني بالاغنيه دي ..
انت جادي لمن نزلت الاغنيه دي ...؟؟؟ انت خلاص انتهيت .. والبوست دا انا احتليتو ..انت قايل الاغنيه دي ساهله ..؟؟
بت عمي انت بالله كان عندك لعبة يمين اخوك غير كد الدوم وسكج بكج ما بعرف شي بعدين عمنا دكتور عبد المنعم دة الكان ما مريحو شنو يا ربي تكون الحاجة امك جهجهتو حتى عرسها يا ستي احتلي البوست زي ما عايزة اصلو البوست مفتوح للهجيج
Post: #12 Title: Re: دايرين نهجج ياخ Author: الملك Date: 11-13-2009, 11:58 AM Parent: #1
وحات الله النصيبة البيقولولو متولي دة وكتين كانوا يجيبوهو في حفلة في الامتداد بالله خلايق الله دي تتجارى من هني لا هني علي الجداد الداير يرمي البيض ومن صباحة الله الناس مولعة المكاوي وتكوي في قمصانها شي قميص تحرمني منك وشي قميص مشخت كدي ماني عارف اسمه شنو بس يشبه ارسال التلفزيون وكتين يكون قاطع واصلو البنطلون دة ان بقى مكوته ماها بقت سيف اصلك لا بتحضر الحفلة لا شي والناش تمشي تورنش شباطتها العلي الدبابات ديك وتشوف فيهم يجهزوا في الريحي وهم صماحاتم ترمي الصقر بالله العنده تمرين من بدري بدري يتمرنه والعنده مشوار يقضاهو وبس من تمغرب الناس دي تنكبس على صيوان الحفلة ناس مقنطرالا في اضنين الكرسي علي الحدية في راس عمود الكهرباء وكل واحدا مسرح تفته.. شي لي قدام وشي بالجنبة والعجب التفف (جمع تفة) كلها تلمع ما تعرف ممسحنها بي شنو ووكتين الحفلة تنتهي تلقى التفف كلهن تراب زي اللخولم فيها طين والبنوت يومين معسكرات في الكوفيرات والفي البيوت ملتخات وشوشن باللخوخة ووحدات يمعطن في رجلينن واصلو الكوز أليل علبة النيدو داك آآبينزل من النار والسكر والليمون واقعات فيهو قرض وهاك يا نتف... والعجب امواس الحلاقي وكتين يواسوبن الحجبان بالله الواحدة قبل النتفي دة تشوف حواجبها علي الاشميق وبعد تواسيه يبقى علي البسطونة التاننها اها عاد وكتين متولي دة يجي داخل ويلعلع اصلو خلق الله ديل تقول دستروا ضُمة َضُمة وعاد العرس دة ماهو فرصة الحبيلو بنيي تلقاهو اسبوعين يتعلم في الرقيص فشان يقشر بي رقصته قدام الجكس شي ترترة لاااوراء وشي حوقيص بالكتفين زي الزول الماسكلو مقدافين في مركب وشي عويج رجلين وهزهيز علي زمبلك الساعة والبنوت تلقاهن مجحمطات في البلوزات والاسكيرتات ومكربات النصايب ألاتن.. وعاد وكتين يبدن الكشف والنصايب ألاتن يتهزهزن اصلو البُطان الفي اضنين الكراسي ديلك بالله يموجوا ويعوجوا علي الجدادي الراكضي بالبيض وجات جدادي تهابش فيها والواحد يبقالي ريالتو نازلي وهو ماهو حاسيبا وان بقيت ختيت بالك لي الوشوش تلقى الشغال يغمزلو لي بنت عاجباهو والشغالة توسوس لي صحبتها وتوري فيها الجكس أليلا الزمن كان بي خيرو الداير يحب يحب والداير ينبسط في عضامه دة ينبسط والداير يهجج يمين يجي مملخ ضُمة ضُمة من الحفلة والعجب لو قالولك قدم البنات ديل لي بيوتن يمين رجليك تحسبن طايرات ضُمة واصلو ان كان ليك ما يصلن بيوتن ديك كله كله
والله نفسي اهجج زي زمان
روعة والله يا طارق..
أنا عندي ذكريات حلوة شديد معاها..وبحبها شديد من العطبراوي رحمه الله.. ممكن أهديها؟؟
لأصحابي وصاحباتي في المركز الفرنسي دفعة 83-85 وأخص منهم اسامة ببنك الوحده.. شاذلي ببلجيكا ومانشستر.. سامية بالخرطوم.. صديق اسماعيل بمانشستر.. بنجامينا بالديوم الشرقية ونادي الضباط..
أنا عندي ذكريات حلوة شديد معاها..وبحبها شديد من العطبراوي رحمه الله.. ممكن أهديها؟؟
لأصحابي وصاحباتي في المركز الفرنسي دفعة 83-85 وأخص منهم اسامة ببنك الوحده.. شاذلي ببلجيكا ومانشستر.. سامية بالخرطوم.. صديق اسماعيل بمانشستر.. بنجامينا بالديوم الشرقية ونادي الضباط..
أعد زيادة يا طارق؟؟
بت اهلي الحنان بالحيل ياخي اولاد حلتنا كانوا بهاجروا لي اي حفلة في حلتكم بس ما تقولي لي منو
حبريلا...و الله ذكرتني قميصي الكحلي تحرمني منك المخطط من فوق الكنت بريده شديد لدرجة كنت ما بخليهم يغسلوه لي مع باقي الهدوم وذكرتني جزمتي الدبابة الكنت لما ألبسه أحس ليك نفسي زي الراكب همر حسه...و تجي داخل الحفلة تفتكر مافي زول زيك و الناس دي كلها بتعاين لي قميصك و دبابتك...و الحفلة تدور و تمشي ترقص هورس...بتعرف الرقصة دي يا جبريلا...اتنين يمين و اتنين شمال...و الشعر مدهن بالبريل كريم...و الريحة الوكت ما داك كنا بنعرف أساميهن...لكن كان لقيت فرقة بتكشح شوية من فلير دمور المسخ الأرياح...حقت نسوان حقت نسوان هو الفارزة منو مع الكبسيبا دي...و يا هورس جاك بلى...و الله دبابتك العجاجة البتعمله لوري هينو ما يعمله...غايتو أنا ده حدي معاك...و باقي لي لو غرقت معاك أكتر كده الا أقوم جاري بالليل ده...عشان كده بقول ليك...يخرب مطنك..كان داير تجيب لينا الهواء...
Post: #26 Title: Re: دايرين نهجج ياخ Author: مامون أحمد إبراهيم Date: 11-13-2009, 02:54 PM Parent: #23
Quote: الريحة الوكت ما داك كنا بنعرف أساميهن...لكن كان لقيت فرقة بتكشح شوية من فلير دمور المسخ الأرياح...حقت نسوان حقت نسوان هو الفارزة منو مع الكبسيبا دي
يا رشا والله كتلتني بالضحك قلت لي الفحل ما عواف اي ريحة من طرف
Quote: فتو يا حاتم ياخ خلي كتفينك من الكشف يرقدن خل
نان (كشف) نصاح هو يا ود (جبريل) انا ما لي كم (سنة) من الكلام دا
دا كوم و الكاتبو فوق دا براهو كوم
Quote: وتشوف فيهم يجهزوا في الريحي وهم صماحاتم ترمي الصقر بالله العنده تمرين من بدري بدري يتمرنه والعنده مشوار يقضاهو وبس من تمغرب الناس دي تنكبس على صيوان الحفلة ناس مقنطرالا في اضنين الكرسي علي الحدية في راس عمود الكهرباء
ياخي انا لي كم طاشر سنة من الصورة دي نكتها لينا من (تلافيف الذاكرة) كيف ؟
Quote: وكل واحدا مسرح تفته.. شي لي قدام وشي بالجنبة والعجب التفف (جمع تفة) كلها تلمع ما تعرف ممسحنها بي شنو ووكتين الحفلة تنتهي تلقى التفف كلهن تراب زي اللخولم فيها طين
لووووووووول زمن الخنافس الزمن السمح
Quote: وان بقيت ختيت بالك لي الوشوش تلقى الشغال يغمزلو لي بنت عاجباهو والشغالة توسوس لي صحبتها وتوري فيها الجكس أليلا
أحي انا ذاتو ياخي
Quote: الزمن كان بي خيرو الداير يحب يحب والداير ينبسط في عضامه دة ينبسط والداير يهجج يمين يجي مملخ ضُمة ضُمة من الحفلة والعجب لو قالولك قدم البنات ديل لي بيوتن يمين رجليك تحسبن طايرات ضُمة واصلو ان كان ليك ما يصلن بيوتن ديك كله كله
ذكرتنا الزمن السمح الراح مننا يا ود جبريل الله يديك العافية ياخي
هلا يا دكترة.. ودي ايقاعات المدنلين ياخيييي.. ونغمة فعلا تحملنا الي زمن بعيد حيث الحت علي اصولو الحفلات الصباحي يكووووورك فيها المندلين ده بكثافة صوتية ولحنية ونجبجب فيها حتي عندما ياتي الصباحي بتكون بقيت زي القرد من الرقيص وحاجات تانية حامياني.. ياخ الحان المندلين وفناني تلك الفترة بالذات عندنا في الحلال كانو قادرين بالجد علي اشاعة البهجة واغانيهم كلما مرت الان بالاذن بتلقا روحك سرحت بعيد ويقيت مسسسسسسسسسسكين متذكرا ذلك الزمن السمح
Quote: هلا يا دكترة.. ودي ايقاعات المدنلين ياخيييي.. ونغمة فعلا تحملنا الي زمن بعيد حيث الحت علي اصولو الحفلات الصباحي يكووووورك فيها المندلين ده بكثافة صوتية ولحنية ونجبجب فيها حتي عندما ياتي الصباحي بتكون بقيت زي القرد من الرقيص وحاجات تانية حامياني.. ياخ الحان المندلين وفناني تلك الفترة بالذات عندنا في الحلال كانو قادرين بالجد علي اشاعة البهجة واغانيهم كلما مرت الان بالاذن بتلقا روحك سرحت بعيد ويقيت مسسسسسسسسسسكين متذكرا ذلك الزمن السمح
يا هندسة كيفنك ياخي المندلين دة لمن يقعد يلعلع بالله امة محمد دي زي الولعو فيها الجاز بالله العجاجة ما تديك الدرب والكتفين تقول ملصقات بي بزاق ياخي داك حت وجبجبة عجيبة ياخي سرحت بينا بعيد يا هندسة ياخي
Post: #57 Title: Re: دايرين نهجج ياخ Author: مريم عبد الله Date: 11-13-2009, 09:27 PM Parent: #55
طارق جبريل
مساء الخير عليك وعلى كل ضيوفك المتداخلين والقراء
عارف زمان في الاعراس لما كان تكون في حفلة اهم شي تكون عندك فستان بتاع البردعي ما مشكله دهبي ولا فضي المهم شي بيلمع
والماعندها البردعي في بلوزة اسمها الفراشه بكتون سوداء وفيها شكل فراشه بالترتر او في قماش اسمه سكر سكر عارف كل ما الطيارة تجي
تعمل لاندنق وتظهر انوار المدينه من بعيد انا باتذكر السكر سكر دا وطبعا بيكون في اسكيرت وحيد عمري وكان في جزمة اسمها الجزمة الفرنسيه
كعبها رقيق ولازم تكون سوداء
ومن النهار البنات الما مشت الكوفير تديها بكر تقطع من اقرب خرتوش مويه وتلف بيها القوصه وكانت شي مهم ويا حبذا لو كويتها بي ملعقة مسخنه
او بي مكوة الكهرباء ويتجلبطوا بي ناس كركم وعصفر في الوش او البيض بالبن يعني لو مرقت ليك بالضهر الا تقوم جاري
اها جاء وقت الحفله في بنات ما بتمشي تلبس يقوموا يفضلن بي بكرن لانهن بيوزعن العشاء ويقبن مارقات خاشات في الخيمه
والغربيه يبغيروا اخر الحفله
اها كل واحدة خشت ليك في البيرقش داك ونفشت ليك القوصه وادتها ليك روج بنفسجي او لون البنجر و ويحددوا التلاتيش بي قلم اسود
وتخت ليها شامه تحت الشلوفه بي زاويه 90 درجه ولبانه في الخشم ومنديل قماش وما يفوتك تدعك الجزمة بي قشر الليمون عشان تبرق
وتجي الجكس داخله الحفله يقعدن كيمان كيمان ولما يجي شاب يرقصن يتمنعن وهن الراغبات ويحنسها ويجي تاني المهم في المرة التالته من ما تشوفوا تقوم
وهي تجرجر في كرعينها نظام البت جابرة بي خاطرو وتبدا الرقيص شويه شويه صفقه ساكت براحه - نظام رقيقه -وبرضو لانو الفيديو بيصورها والشريط
ح يشوفوهو المغتربين ودا باب رزق لي خطوبه اها بتعمل فيها تقيله وزي المجبورة وكان في صره في الوش اسمها صرت الفيديو
يعني البنيه تديها ليك كشكشه شلاليف وتقوم النخرة تكبر وتصر الحواجب او تديها النظرة الحالمه يعني بعد النظر اها كل مغترب يشوف النظرة
دي يتخيلها بتنظر اليه وكتها مافي دشوشا او دششا - جمع دش - اها بعد ما تضمن انها بدوا يصوروها تديها ابتسامه اعلاميه بحرفية عروس تبحث عن خطيب
اها ضمنت صوروها في الفيديو وخلاص بتاع الفيديو مشا منها والفنان غنا ليهو اغنيه هجيج ختييها بينزل فوقها وبيخليها تتدستر ليك الله يعينك لانو
تلقاها اليدين في جهه والرجلين ملصت منهن الجزمه الفرنسية وبقت تدور زي الزمبرك والعفاره تقوم ما تديك الدرب والقوصه ديك الله يرحمها
بعد ما الدايرة تفضا لما ينادي واحد من الوجهاء في الحفل وبيكون اشلق واحد وعنده شجاعه ادبيه وبيكون هو زاتو البيكون قال الرقصه الاولى للعرسان
دا تاني بيجي وبيقول يا جماعه فضوا ساحه الرقيص للعرسان اها الجكس يفتشوا على جزمن الفرنسيه ولا يطلب من الشابا مغادرة الساحة وهنا اديتها
كافوتي كيف تطلعوني برة وكيف تطلعوني والتانين يجوا يرقصوا مع بناتنا وليه اهل العروس في الدايرة ونحنا اهل العريس براها
دا لو ما كانت المطرة صبت او الهبوب هبت لانه معظم الناس بتاكل في الحلل عشان كده اي عرس بنمشيهو كان بتجي فيه كتاحه والغربيه الشي الوحيد
البيكون ما اتعفر الجزمة المدعوكهىبي قشر الليمون لان الجكس بتكون ملصتها لكن الوشوش تنعل قفاها اجارك الله
اغنيه ديما في العشاق اغنيه قويه تمثل الوجع الحقيقي ومعاناة الجكس الصامت وكان ولازالت بيدستر فيها الكثيرين
عاد يا مريم عبد الله ريحتيني جنس راحة يمين وصفتيهن وجننتيهن جن دة الكلام انعل ابو الكمونية
Post: #56 Title: Re: دايرين نهجج ياخ Author: عبد الرحمن حمد النيل Date: 11-13-2009, 09:02 PM Parent: #47
Quote: هلا يا دكترة.. ودي ايقاعات المدنلين ياخيييي.. ونغمة فعلا تحملنا الي زمن بعيد حيث الحت علي اصولو الحفلات الصباحي يكووووورك فيها المندلين ده بكثافة صوتية ولحنية ونجبجب فيها حتي عندما ياتي الصباحي بتكون بقيت زي القرد من الرقيص وحاجات تانية حامياني.. ياخ الحان المندلين وفناني تلك الفترة بالذات عندنا في الحلال كانو قادرين بالجد علي اشاعة البهجة واغانيهم كلما مرت الان بالاذن بتلقا روحك سرحت بعيد ويقيت مسسسسسسسسسسكين متذكرا ذلك الزمن السمح
ياسلام عليك ياعبدالكريم يافنان والله انا احترم المندلين دا احترام ما بعده احترام والحسرة هي تخلي الكتير من فنانين المندلين عن هذ النوع من الغناء واتجهو لما يسمي بالحديث (بحجة ان المندلين ماراقي) جهل ليس الا...
طارق جبرين حاول اقنع لينا صاحبك (خدر) عشان نسوي لينا حاجة بالمندلين انا قدر ماحاولت معاه وهو رافض دايريين منك وساطة وكده ياخ كلنا دايرين نهجججججج ..
تعرف ياطارق صديق متولي دا عنده بتاع مندلين يساوي فرقتين وهو الفنان عادل ابوعلامة من احسن عازفي المندلين في السودان وماشاءالله ماشاءالله عنده انامل بس عنكبوت ماشاءالله تبارك الله.. عادل ترك المندلين واتجه للاورج.... تحياتي وسلامي اخ طارق
Post: #62 Title: Re: دايرين نهجج ياخ Author: عبدالكريم الامين احمد Date: 11-14-2009, 10:47 AM Parent: #56
Quote: والله انا احترم المندلين دا احترام ما بعده احترام والحسرة هي تخلي الكتير من فنانين المندلين عن هذ النوع من الغناء واتجهو لما يسمي بالحديث (بحجة ان المندلين ماراقي) جهل ليس الا
هلا ياعبدالرحمن وتحياتي والمندلين فعلا(الة) جديرة بالاحترام فالمزازيك الطالعة منو يعلم الله بتسوي العجيب ولمن يكوررررررك المندلين مع الهمبريب البكون ضارب الحفلات التي كانت تقام في السهلات بتكون واحدة من اروع لحظات الطرب.. فناني المندلين الذين تحولو الي الالات اخري الان بقليل من التامل في الاثر والبهجة التي كانت هذه الاغاني تحدثها في نفوس المستمعين والراقصين سيعلمو بان الامر المندليني هو فتح لحني وغنائي يحتاج للرعاية والاهتمام لانه مدهش وممتع ومهجج ... صديق متولي وسليمان محمود والكثير من هولا الفنانين كانو يعلم الله قادرين برنة مندلين واااحدة علي ترقيص كل النيل الازرق والجزيرة وسنار ويرقصون معهم القضارف وحوافهم ايضا...
والا ليت الحان المندلين ياعبدالرحمن تعود ياخيييييي
احيييييييييييي انا يا ودجبرين وكت الواحد يخش في الشارلستون الليلو والدبابة والتحرمني منك وغاز الخلال في نص الخنفس
وعاد يجي وتحكر في نص الحفلة والعجب ان بقي مسويلو شي في راسو وعاد يجن هن شي كعب عالي وشي دكتور شول
وتلقاهن النهار كلو يغنن في ال ( يارمزا الله يارمزا الجامايكا رقصة الطلبة )
ويجي عاد الفنان ومن يبدا في الغنية اللت ابراهيم عوض الله يرحمو
ياسلوي قلبي شن سوي ليلا لا ورا ليلالا ورا
اها عاد الواحد بالنصيبي الفي راسو دي وتوشك في نصهن ويقوم يلقالو اولاد من الحلة التانية بشاغلو في الجيران ويقوم عليهم وهاك بونية وهاك يا شلوت ويجوا اولاد حلتو الشغلة تجوط الكراسي في السماء والحقلة تتفرتك من اتناشر
Quote: والله انت ماكـ نصيح يشهد الله بتنكت ليكـ حاجات كدي ما عارفك بتجيبها من ويين ؟ ذكرتنا ايام زمان
انا ما كنت برقص يا طروق انا كنت بكون يا عامل كفوة في مكان ما او بشاغل في البنات
الرسول يا ابو الطروق ما تجي تقولنا كيفن كنت بتشاغل بتغمز ليهن يا ربي ولا بتأشرلها بي اصبعك الصغير المطول فيهو الضفر داك ولا بتهوزز راسك ابو تفة داك النبي ان كان تجي تفتو
لكن يا بت اهلي لقيتك خطرة خلاس اتاريك من النوع البكتل الحفلات تحت تحت عارفة اخوك المسنوح داك اول من يجيني نص النهار هو ودكتور طارق محمد حسين وخصوصا لو جاء معاهم اسامة مختار من ملابع 12 بعرف انه القي فيها حفلة في حتة هم عاجباهم فيها بت انا غايتو حفلات حلتكم ديك كنت كاتلها حتى لو طهور وما تسأليني ليه ما بوريك الشمار
Quote: اها عاد الواحد بالنصيبي الفي راسو دي وتوشك في نصهن ويقوم يلقالو اولاد من الحلة التانية بشاغلو في الجيران ويقوم عليهم وهاك بونية وهاك يا شلوت ويجوا اولاد حلتو الشغلة تجوط الكراسي في السماء والحقلة تتفرتك من اتناشر