Post: #1
Title: الوريف والشفيف.... والدانات
Author: طارق جبريل
Date: 05-28-2008, 01:28 AM
الحبيبين كيفنكم
انتو الحاصل هني شنو
وحات الله بقيت اجي داخل المنبر دة وانا عامل ساتر
هو الفي شنو
والنصيبي الجاتكم شنو
بالله زمان تسمعلك في غنى يشهيك وتقرالك كلاما زي العسل
الوريف فلان...
الشفيف علان....
وكلماتك فيها الكثير من الالق....
وكلاما غلاد غلاد كدي وسمح خلاص
بالله نحن المعشكبين ديل نجي داخلين براحة
فشان ما يحسبنا زول لانه بنكون نشاذ
زي الجلي المضرضرلهم فيهو عميوقة(دي ما بقدر اشرحها)
تلقانا نتبلد من بوست لي بوست ونمصمص في شلاليفنا
لانه الكلام السمح دة من وين نجيبو ونحن حياتنا كلها قضيناهاطُلب
راكوبة كان يشهيك الاستماع هسي طفش كله كله..
فيصل نوبي تدخل عنده تلقى انجلينا جولي لامن تبلع ريقك
ود الصايم نسى (غايتو) ألتو واكتفالو بي وجه بي سنينتين كدي علي الارنب
ود البشرى خلى الهلال وبقى يعدد في اسابيع البورد
ومباري الاعضاء المزورين (الله لا كسبهم)
تيتاوي ما خلالو طيرة في الغناء الا وجابها
وهسي يغتس ويطلع علي الدميري ألت البحر
رشا حاتم كانن بوستاتها يخلنك تتلوى من الضحك
هسي مقابلالها طفنقي بي هناك
انعام حيمورة كانت شايلالا دفتر مساعدات
حردت وجدعتو ومشت
عصام عبد الحفيظ بالله وكتين يخت صورو تقهي فيهن زي الماسكاك ام فيرحانة
ناذر خليفة كان مباري الجقور والفيران وصاحبو البحب داك
هسي مسك عكازو ووقف في ركن مضلم كدي وناوي يهبدلو زول
تراجي وكمال اوسلي وجني وكتين ينشبكوا بالله لمن تتكيف من مشابكتم
يا زول يا زول خلى التهاني والحاجات السمحة
ابو الحسين (رجل الصلات الطيبة في المنبر) خلى شوايقتو وطفش
ياسيكو الجميل كان وكتين تضيق بي اجي لي بوستات الطنبور ألتو
هسي حرن كله كله
د.بيان يا حليلا الظلامية الزيني
تيسير عووضة حليل حلتها ألت الكمونيي ديك
صديق الموج وبوستاته السمحي ديك
ومجدي عبد الرحيم وشعراء المنبر السمحين وين تقرالم من الكع كاع دة
اشراقة مصطفي لليلي متفائلي وتتحفنا
انعام عبد الحفيظ والكلام الماهو طبوج داك
والعجب وكتين سجيمان يدخل ويكسر التلج مع نادية عثمان الزينة
وحيدر قاسم وآآآآخ انا من حيدر وحروفه الما تخلص
يمين كتاباته اطعم من ملاح اللاااريييق
والعجب وكتين يتشمطوا رجاء والكرمبة تقرب تنكفي علي قفاك من الضحك
وين خضر حسين وحروفه العلي القمرا في البركل
وين نواضر وتحايا تروتسكي
ويا حلات مناكفات تمبس ودكين وعمر الفاروق
واللذيذ سحس ابو الملاليس
ياخي نعست بجيكم بكرة
|
Post: #2
Title: Re: الوريف والشفيف.... والدانات
Author: محمد أبوالعزائم أبوالريش
Date: 05-28-2008, 06:36 AM
Parent: #1
د. طارق ..
هُن ديل براهُن؟
إنت كمان خليت صاحبك عوض، وفكيتو عكس الهوا .. لي هسي ما عرفناهو عرَّس والاّ بكب في الجلكسات.
ولا وريتنا الجكس بتاعك عملت معاهو شنو .....
غايتو لسة بنكضب في الشينة ونقول أكيد حيطرانا ويرجع يحكي لينا
|
Post: #3
Title: Re: الوريف والشفيف.... والدانات
Author: مجدي عبدالرحيم فضل
Date: 05-28-2008, 07:52 AM
Parent: #2
د. طارق
الوريف ظلوا
والميل نضموا كيفنك يازول خباروا عوض ود سكيني خاتوا فوق رف قتلتوا الغبره وغطت النضم الجميل وزكريات القدح والكوريك وناس سحر الناعمات زي قطنا لسه ماأنزرع تيرابوا ياأخي أرفعوا الحاجات الجميل بيعود للمنبر ألقوا وشفافيتوا بس وحدوا الله ومدوا حبال الموده وأفتلوا ضفيرة النضم أعقدوها بالحيل الناس كايسه الجمال وزكري الناس الزكرتهم ديل يطببوا الكون لو رجعوا للضمير وعقدوه الصلح وعلوا قدحوا الزاد بيكفي الكل والمائدة عامره بأقلام الجمال رسوم تغطي وجه الأرض خضرة .
نشكرك ياأمير واصلـــ نضمك الزين وكلنا في حضرت الأبداع نكون .
،،،،أبوقصى،،،،
|
Post: #4
Title: Re: الوريف والشفيف.... والدانات
Author: عامر تيتاوى
Date: 05-28-2008, 09:08 AM
Parent: #3
دكتور طارق صباح الخيرات
بعد نوم العوافى
Quote: زي الجلي المضرضرلهم فيهو عميوقة(دي ما بقدر اشرحها)
|
غايتو الجلى عرناهو .. ولا واحدا تانى
تسلم ياابو ريم
والقلم ليهو رافع
|
Post: #7
Title: Re: الوريف والشفيف.... والدانات
Author: طارق جبريل
Date: 05-28-2008, 10:14 AM
Parent: #4
حبيبنا تيتا كله بي هني
انا ان عارف كلامي دة بيجيبك كان من زمان كتبتو
عليك الله يا تيتا شفت الناس الزينة دي وكتين تصفى كدي
وتبدأ تكتب وتخت الاغاني الما خمج
شفتهم بالله بيتوهجوا كيفن
زمن ياخي
تليشة:
الجلي ياهو الجلي
علي العميوقة دي شفولك اقرب شايقي في الدوحة يشرحها ليك
|
Post: #6
Title: Re: الوريف والشفيف.... والدانات
Author: طارق جبريل
Date: 05-28-2008, 10:10 AM
Parent: #3
ابو قصي كيفنك
الله يرد للمنبر دة غربته ياخي
وحات الله ترانا عايشين بي ناسو الحلوين ديل
لكن لامن تجي داخل وتلقى العكاكيز مالي السماء تسوي شنو
الله يرجعنا لي أيام عوض والجلكسات
قول معاي آمين
|
Post: #5
Title: Re: الوريف والشفيف.... والدانات
Author: طارق جبريل
Date: 05-28-2008, 10:06 AM
Parent: #2
ود ابو العزائم كيفنك
نان آآآيابا انا احكي كيفن من صوت الرصاص والدانات الحايمي هني دي
كل واحد دارعلو كلاشنكوف واربيجي وجايي مصرج
حب شنو دة يا الحبيب وسط المعارك دي
برجعلو عوض ان شاد الله
|
Post: #8
Title: Re: الوريف والشفيف.... والدانات
Author: طارق جبريل
Date: 05-28-2008, 10:19 AM
Parent: #1
بالله شفتو وكتين الهندسة كيكي يتجلى ويكتبلنا عن القطاطي في اطراف المدن
وعن رحيق التمر (العرقي) وعن صديقه جكس
وناس مريومة
يمين لامن الزووول يآآآآآآآآآآآآآآآآآمن
ولا لؤي والصحافة 30 لامن يتجلو كدة ويطلعو الغناء السمح المدكننو
ونحن نقعد ننطرب وننقز معاهم
ولا ابو ساندرا لمن يكتب عن (الجلكيم) في دواخله
يا سلام ياخي
|
Post: #9
Title: Re: الوريف والشفيف.... والدانات
Author: NGABY AJOOZ
Date: 05-28-2008, 10:25 AM
Parent: #1
الريس صباحاتك بالخير
والله يالحبيب بوستاتك ليها طعم والقمري معشش فيها ليل ونهار
لكن لمن تكتب عن المظاليم ديل
| Quote: وين خضر حسين وحروفه العلي القمرا في البركل |
بضعوك تحت المجهر وبوستاتك خور جانقي ما بلحقا
|
Post: #11
Title: Re: الوريف والشفيف.... والدانات
Author: طارق جبريل
Date: 05-28-2008, 12:21 PM
Parent: #9
النقابي العجوز كيفنك
يا زول خلو يلحق امات طه
بس المهم الفي نفسي قلتو
والحاصل اليحصل
|
Post: #10
Title: Re: الوريف والشفيف.... والدانات
Author: امير عوض الجمري
Date: 05-28-2008, 11:08 AM
Parent: #1
Quote: بالله زمان تسمعلك في غنى يشهيك وتقرالك كلاما زي العسل
الوريف فلان...
الشفيف علان.... |
وماذا تريد الآن ايها (الجلابي) (العنصري) (الأمنجي) (المتعفن) (المتلولو) (المتفرنب) (المتجقلب)
|
Post: #13
Title: Re: الوريف والشفيف.... والدانات
Author: طارق جبريل
Date: 05-28-2008, 12:50 PM
Parent: #10
| Quote: (الجلابي) (العنصري) (الأمنجي) (المتعفن) (المتلولو) (المتفرنب) (المتجقلب) |
ود الجمري كيفنك
يا يابا عاد ان بقن فوقي ديل كلهن
ياني الانتهيت
|
Post: #12
Title: Re: الوريف والشفيف.... والدانات
Author: سجيمان
Date: 05-28-2008, 12:24 PM
Parent: #1
| Quote: والعجب وكتين سجيمان يدخل ويكسر التلج مع نادية عثمان الزينة |
وما زال في الشوال كثير من التلج
|
Post: #15
Title: Re: الوريف والشفيف.... والدانات
Author: طارق جبريل
Date: 05-28-2008, 05:24 PM
Parent: #12
Quote: وما زال في الشوال كثير من التلج
|
د. عادل كيفنك
ايوة ياخي رجعوا لينا المنبر دة لي ايامه السمحة
قرفنا من الدانات دي
|
Post: #14
Title: Re: الوريف والشفيف.... والدانات
Author: محمد البشرى الخضر
Date: 05-28-2008, 01:24 PM
Parent: #1
ود جبريل يا عمك
الهلال ما بتخلى خلي دور المجموعات يبدا و بمتعك جد
هسي اخوك مركب مكنة غاوون لا يفوتك المولد الساويه بي غادي
المهم تعال النسالك ابوي
صاحبي حاتم ابراهيم صحي الإشاعة السمعناها دي
قالوا وقفوه
غايتو إن بقى جد اكون بقيت ليه سبب انا دا
شبكتو ليك وردي و الهلال و بتاع لامن كتر خيرو جا
النبي فيك افقدوا لينا ياخ
|
Post: #18
Title: Re: الوريف والشفيف.... والدانات
Author: طارق جبريل
Date: 05-28-2008, 05:48 PM
Parent: #14
ود البشرى كيفنك
والله حاتم شلعوهو
واخونا صلاح الاحمر فتح ليهو بوست
شايفك مريت عليه
اصلو الدانات الشغالة في المنبر دة عارفها ما بتعدي علي خير
|
Post: #22
Title: Re: الوريف والشفيف.... والدانات
Author: طارق جبريل
Date: 05-29-2008, 10:04 AM
Parent: #16
العزيز لؤي
طولة العمر ليك ياخي
الجمال دة كله عايز تحرمنا منه
|
Post: #39
Title: Re: الوريف والشفيف.... والدانات
Author: طارق جبريل
Date: 06-11-2008, 09:22 AM
Parent: #38
يا سلام يا لؤي ياخي
دة الشغل
|
Post: #17
Title: Re: الوريف والشفيف.... والدانات
Author: omer abdelsalam
Date: 05-28-2008, 05:42 PM
Parent: #1
اخوي/ طارق
نسوى شنو
وسط معمعة البورد المولع نار
فتحت لى بوست قلت نرتاح شوية من القذائف الطايرة يمين وشمال
تلب لى واحد قالي الناس في شنو والحسانية في شنو
يعني ياتدخل بكلاشنكوف يااجلس في مقاعد المتفرجين
هذا كان حال البوست في الأيام الماضية
ربك لطف ماوقعت لى دانة في حوشنا في فاس
|
Post: #20
Title: Re: الوريف والشفيف.... والدانات
Author: عبدالكريم الامين احمد
Date: 05-28-2008, 06:00 PM
Parent: #17
Quote: بالله شفتو وكتين الهندسة كيكي يتجلى ويكتبلنا عن القطاطي في اطراف المدن
وعن رحيق التمر (العرقي) وعن صديقه جكس
وناس مريومة
يمين لامن الزووول يآآآآآآآآآآآآآآآآآمن |
هلا يادكترة هلا
وياطارق الحكي والتحليق والورافة السردية ذاااتها شردت اليومين دي
وكل يوم تساكك الشخوص والخجانين عشان تجي تتونس بيها هنا الا انها تمارس الهروب
وتسمع
يا مريوومة تعالي عشان نحككيك
ترد مريومة وهي لافحة توبها المشجر وفاكة البيرق مني
كر وبرررررررري يا ود امي..
تحكيني وين مع الكبع الاسفيري حقكم ده..!!!
يا ابكر طيب تعال انت...!!
انا..!!
هوووي يا كيكي هوووي تحكيني تاني في بلاويكم دي الا افك فيك سفروق اخلي ريحتك طير طير يا كيكي يا وهم...!!!
طيب بلاش ابكر تعالي انتي يا تنبوشة..!!
بررري...ويتنبشك السم اليخلي خشمك ملح ملح
.....
هربت الشخوص يا طارق وطارت المرايس من الراس
واصبحنا فريجة في سوق الكبع الاسفيري...
|
Post: #24
Title: Re: الوريف والشفيف.... والدانات
Author: طارق جبريل
Date: 05-29-2008, 10:08 AM
Parent: #20
يا هندسة كيفنك
عليك الله حنس مريومة وابكر
قول ليهم وجودكم مهم هنا
لاعادة الحياة لهذا المنبر
منتظرنهم بكل حكاوي الزمن الجميل
|
Post: #23
Title: Re: الوريف والشفيف.... والدانات
Author: طارق جبريل
Date: 05-29-2008, 10:06 AM
Parent: #17
ابو انس كيفنك
والله ربك لطف
يا زول تعال شايل معاك ورودك وما يهمك
الحسانية مالهم اجمل ناس والله
|
Post: #19
Title: Re: الوريف والشفيف.... والدانات
Author: محمد عبد الماجد الصايم
Date: 05-28-2008, 05:57 PM
Parent: #1
| Quote: ود الصايم نسى (غايتو) ألتو واكتفالو بي وجه بي سنينتين كدي علي الارنب |
يا عمك
إنت عارف البورد دا في الفترة الفاتت بقى كلو يمثل مقولة (غايتو جنس غايتو)
الناس الفيهو تقول الواحد بشرب ليهو جردل شطة ويجي يقعد
آراء غريبة طلعت من ناس أغرب
فعلا .. حصل فيهو فرز كيمان شديد
ربنا يرجع الأيام الجميلة
والناس الأجمل من الأيام الجميلة
وتحياتي عبرك للمتصفح خدر حسين
وقدورة أخوان والمتحدث الرسمي باسمهم
وكلم أمي ترسل لينا رقاق عشان رمضان قررب
ودي يا عمك عشان خاطرك
غايتو جنس غايتو .. بالنكهة الأصلية
|
Post: #21
Title: Re: الوريف والشفيف.... والدانات
Author: Elsanosi Badr
Date: 05-28-2008, 06:33 PM
Parent: #19
شفيف الروح طارق ياخي كيفنك ...
جيناك بشغف شوقنا لسماع حكاويك عن امتداد العطور ...
ابقي واصل عشان انتو بكلامكم السمح بتملو الارض سرور...
وبتحولو الدانات زهور...
ابقي مارق وليك الامان يا المليان حبور...
|
Post: #26
Title: Re: الوريف والشفيف.... والدانات
Author: طارق جبريل
Date: 05-29-2008, 10:13 AM
Parent: #21
السنوسي كيفنك
خلاص يا حبيب نجيب الزهور مع بعض
ونعطر المكان من ورود النيل
يديك العافية ياخي
|
Post: #25
Title: Re: الوريف والشفيف.... والدانات
Author: طارق جبريل
Date: 05-29-2008, 10:11 AM
Parent: #19
ود الصائم
Quote: الناس الفيهو تقول الواحد بشرب ليهو جردل شطة ويجي يقعد
|
دي يا ود الصائم خلتني اقع علي قفاي من الضحك
ايوة ياخي خلينا نبتهج
|
Post: #27
Title: Re: الوريف والشفيف.... والدانات
Author: عز الدين عثمان
Date: 05-29-2008, 10:18 AM
Parent: #25
العزيز طارق: ألله يستر علينا وعليك
حينما تختفى الطائرات
تطير الحمامات
بيضاء بيضاء
تغسل خد السماء
والعكس صحيح
|
Post: #31
Title: Re: الوريف والشفيف.... والدانات
Author: طارق جبريل
Date: 05-29-2008, 04:02 PM
Parent: #27
عز الدين عثمان
اشطر زول في الدفعة الورانا
دع تلك الحمامات ترفرف فوق رواكيبنا
محبتي الاكيدة
|
Post: #28
Title: Re: الوريف والشفيف.... والدانات
Author: Safia Mohamed
Date: 05-29-2008, 10:21 AM
Parent: #1
دكترة
مشتاقين
بالله خلي التواضع دي وما تنسى تضيف اسمك للقائمة وآخرون أخريات
تحياتي واشواقي
صفية
|
Post: #32
Title: Re: الوريف والشفيف.... والدانات
Author: طارق جبريل
Date: 05-29-2008, 04:04 PM
Parent: #28
دكتورة صفية كيفنك
تسلمي يا الزينة
كيفنهم الوليدات وابوهم
ان شاء الله تامين وسالمين
|
Post: #29
Title: Re: الوريف والشفيف.... والدانات
Author: محمد عبد الماجد الصايم
Date: 05-29-2008, 12:53 PM
Parent: #1
يا عمك
لو خليتها على طريقة مبتدأ وخبر تبقى
(الحبان كيفنكم)
والجملة دي يا عمك ليها دلالات
تؤدي إلى مرحلة مظلمة في تاريخ البورد
بعدين ..
شنو ياخ الطناش بتاعكم دا .. أجي أسألكم
عن بتكم في بوست الامتداد ..باللاي لحدي
الليلة مافي زول ردا لي .. بس عمك كع
شايل عكازو وجاني هناك في الحاج يوسف
غايتو جنس غايتو
|
Post: #30
Title: Re: الوريف والشفيف.... والدانات
Author: محمد عبد الماجد الصايم
Date: 05-29-2008, 12:53 PM
Parent: #1
يا عمك
لو خليتها على طريقة مبتدأ وخبر تبقى
(الحبان كيفنكم)
والجملة دي يا عمك ليها دلالات
تؤدي إلى مرحلة مظلمة في تاريخ البورد
بعدين ..
شنو ياخ الطناش بتاعكم دا .. أجي أسألكم
عن بتكم في بوست الامتداد ..باللاي لحدي
الليلة مافي زول ردا لي .. بس عمك كع
شايل عكازو وجاني هناك في الحاج يوسف
غايتو جنس غايتو
|
Post: #33
Title: Re: الوريف والشفيف.... والدانات
Author: طارق جبريل
Date: 05-29-2008, 04:08 PM
Parent: #30
ود الصائم انت باقيلي جنيت
كيفن اغيرلي لهجة ألت قبيلي كاملي
انت عايز (تهمش قبيلتي) ولا شنو
بعدين آمنة دي خلينا ليك فيها
عبد الله كع
قدرها وقدرك
|
Post: #34
Title: Re: الوريف والشفيف.... والدانات
Author: خدر
Date: 05-29-2008, 04:37 PM
Parent: #33
ود جبرين
والله جنس بوستكـ ده برضو سمح
و زمان الناس بتتلما فيهو و تتونس
اسه
عييييييييييييييييكـ
|
Post: #35
Title: Re: الوريف والشفيف.... والدانات
Author: صلاح أبودية
Date: 05-29-2008, 07:58 PM
Parent: #34
يا ود الخالة
إنت زاتك ... وينو ليلك ..؟؟
ماك عارف شنو البحصل لى وقت الليل إفلل..؟؟
|
Post: #37
Title: Re: الوريف والشفيف.... والدانات
Author: طارق جبريل
Date: 05-31-2008, 10:19 PM
Parent: #35
ود الخالة صلاح كيفنك
واحتك انا هني وكت الليل يفلل
ماك عارف البحصلي ساكت
|
Post: #36
Title: Re: الوريف والشفيف.... والدانات
Author: طارق جبريل
Date: 05-29-2008, 10:38 PM
Parent: #34
يا طارق كيفنك
انا ذاتي خايف
من العيييييييييييييييييييك دي
يا ريت الناس ترجع للزمن الجميل
والله الارشيف فيه دررعدييييييييييييييييييل
|
|
