والله السودان دا لزيز خلاس(صورة)

ياطارق

يمكن يكون علاج ضد البهاق
او " القوب "
او مطهر لعلاج الحشرات و الفطريات المتطفلة على الرأس ،

او شامبو جديد لم يتم اكتشافه .....

ففى بلادنا كل شئ جائز

العزيز كوستا (قريب ناس لطف الله جيرانا)

شامبو جديد لم يتم اكتشافه .....

اصلو ما تستبعد الدنيا دي ما دوارة بكرة يقوم السودان يسجل حق الملكية

طارق جبريل
سلامات ..
ياهو سودانا .. وياها بلدنا .. وياها ثقافتنا
( بناكلوا مع بطن الخروف من غير نار .. )
وسودانا ماعندو مشكله غير الطريقه المتناوله
للتعبير عن ثقافاتو عبرنا نحن ..
ماعندو مشكله غير إختيارنا الخاطئ للكيفيه البنعرض
بيهاحاجاتنا ..

عمار بيلي
التحايا الكبار


ياهو سودانا .. وياها بلدنا .. وياها ثقافتنا



عشان كدة هو لزيز ونحن بنحبو بكل ما فيه
وشكرا على مرورك

يا طارق سلام

والله حرام عليك .... الصورة دى من الهند وطلعت قبل أربعة سنوات تقريبا!!!!!

يعنى ما نحن للدرجة دى كمان!!! الما بتريدو خاف الله فيه!!

لك التحية

bushramk
تحياتي الاكيدة
بتمنى انها فعلا تكون من الهند..
وحتى وان كانت من السودان دا سودانا وواقعنا وكن على يقين يا سيدي الفاضل انا مبسوط جدا من هذا الواقع في جانبه الثقافي.. واجمل حاجة انه الواحد يحتفي بمكوناته الثقافية وانا حين اعكسها هنا للقراء لا اخفي راسي تحت الرمال..
وشكرا على مرورك

طارق : الصورة دي صورتك زمان قبل ما تغترب ولاشنو

يا جماعة ما تخافوا ربنا وكفاية تشويه لبلدنا
مش كفاية التلفزيون

الاكرم كبسيبة
حتى لو كانت صورتي قبل ما اغترب فها انا احتفي بنفسي وبثقافتي من غير عقدة ذنب..

العزيـــــــــــــــــز طارق ............. صباحاتك فل

أطمئن هى فعلاً من الهند ... بعض الذين يعبدون البقـــر يتبركون بروثهـا وبولهـــا.. وأنت تعرف عنهم الكثيـر(ولله فى خلقه شئون).أكبرت فيك عدم دفن رأسك فى الرمــــــــــــال .... ولكن يبدو انه حتى الرمال لم يعد لنا فيها مساحة لدفن الرؤؤس!!! وربك يعدل الحال...

طبت...وسلمت

الإخوة bushramk والأخ كبسيبة.. لكم التحية.
هذه الصورة ليست من الهند بل من السودان رأيت صورة مماثلة لها قبل ايام وردت في كتاب مصور عن السودان صدر حديثا أعدته زوجة السفير الأميركي، وهي تعبر عن عادة موجودة لدى إحدى قبائلنا بجنوب السودان.. وهذه الصورة ليست تشويها بل هي ثقافتنا وهي لا تختلف عن ثقافتنا في استخدام روث البهائم (وعلى رأسها الحمير) في بناء (الزبالة) لنشتم رائحتها على مدار الساعة.. وهي لا تختلف عن أكل الكبدة النيئة والمرارة.. وهي لا تختلف عن أكل التركين والكول.. وهي لا تختلف عن حفرة الدخان..
وحتى لا ترهقا أنفسكما بالشعور بالخزي والانكساف.. أنصحكما بالعودة لقراءة الأنثروبولوجيا الثقافية لكلود ليفي شترواوس الذي تحدث فيه عن نسبية الثقافة وليست هناك ثقافة أفضل من ثقافة وليست هناك لغة أرقى من الأخريات..
إذا سعى بعضنا لإنكار سودانية محمد آدم سفاح اليمن، فلا يمكن نكران هذا المظهر الثقافي السوداني الأصيل.. ولا تنسى أن في بعض قبائل السودان هناك من يسمى الولد: بول فقر (بول بقر)..
وأتمنى لأخي وصديقي طارق أن يوفق في الدفاع عن إيراده لهذا البوست بإثبات حسن النية حتى لا يأتي من يتهمه بالسخرية الثقافية.. وأنا شخصيا لا اتهمه بذلك لمعرفتي بحبه لبلده السودان بكل مكوناته..

الاكرم bushramk
سوى كانت الصورة من الهند او من السودان انا لا فرق عندي لكل شخص حرية ابراز ثقافته بالطريقة التي يريد.. بما انه يحترم ثقافته وموروثاته وكما قلت لك من قبل واقولها لك صادقا انا احب هذا السودان كما هو بكل اطيافه.. وهو قادر على استيعابنا جميعا ان احترمنا خصوصيات بعضنا بعضا..
لك محبتي الاكيدة

العزيز محمد ... ليس هنالك انكار لثقافة السودان أو موروثاته .. الأختلاف كان فى حقيقة الصورة نفسهـــــا ومصدرها وأنا حسب ذاكراتى -التى لا أشك فى (خرابهاوخيانتهـا) - أذكر أننى رايتها فى National Geographic Magazine على مايربـو على أربع سنوات...(ولو دققت فى الولد شكلو ورأسه هندى وليس من جنوب السودان) ولاجدال فى أن لنا ثقافاتنا المتميزة العديدة.. وكما ذكر الأخ طارق (اننا ندفن رؤوسنا فى الرمال).

أذ كلما كنا أكثر تحرراًً فى مواجهة الواقع كنا أقرب الى قرأة صحيفةالحقيقة وتمثلها وعياً وذوقـاً وعملاً ... ونحن لا نريد أن ننــوم ونرى أننا تقدمناوامتلكنا أنجم الكون وكل خيوطه ونعتقد له ثباتا واستقرارا ثم نستيقظ ونجد انه لم يكن لكل متخيلاتنا ومعتقداتنا أصل ... وتكون مرارة المأزق.
ودمتم سعادة

الصديق العزيز د. محمد الامين
وين انت يا راجل اخذتك عجمان عننا..
اشكر لك ما قلته في حقي كما اشكر لك مداخلتك القيمة..
لم يرد في ذهني تماما حين وضعت الصورة التهكم على اي عرق او قبيلة فقط اردت ان اقول ان هذا هو السودان ويجب علينا ان نحبه ونحتفي به كما هو.. وهو على قدرة تامة في أن يسع الجميع بكل حمولاتنا الثقافية واطيافنا العرقية وهذا في نظري هو مصدر قوة..
لك الود كله

العزيز طارق

سلامات

ما شايفة الصورة والله بس قلت أحييك واسلم عليك

وأهديك شاي بي لبن مقنن

وزي ما قالت لي صحبتي مالو محروق قلت ليها بحتبي الاسموك ميت وفش قالت آي فقلت ليها انا بحب الاسمومك مِلك).

تحياتي

طارق جبريل .. لك التحية ياود حلتنا


لست فى مكان الدفاع عن طارق جبريل

لكن انتو نسيتو ( الاتى ) ولا شنو فى ناس مش بستحموا بس وانما يتمطقوا بيهو ثم ان العالم

وفى كل جوانبه يفيض بالكثير من الغرائب والعجائب ففى العالم العربى هنالك ناس يموتون

فى لحم الضب واخرون ياكلون لحم الحصان وهناك فى عالمناالكبير من يشرب الدم وكما قال الاخ محمد

الامين فان المسالة ترجع للثقافات والعادات ووو لست عالما فى الانثربولوجى ولا البوللولوجى

لكن فى النهاية القصة لا تحتاج لاكثر من ان نقول مع اخونا طارق .. باخى سودانا ده لذيذ خلاس

وبنحبو مليون مليون مرة اكتر من عدد كيلومتراتو المربعة

تحياتى وسلامى لكل من تداخل فى هذا الموضوع فكلكم سودانيون وتحبون بلدكم بكل تفاصيله

فلكم محبتى وتقديرى

العزيز تيتاوي (الطيب صالح الامتداد)
كيفنك يا رائع..
ما اشرت اليه هو كبد الحقيقة.. هذا هو السودان ويجب علينا الحفاظ على هويته كما هي والا تهنا تماما..
اشكر لك مرورك يا جميل

القلب النابض بت الخال كيفنك
غريبة الصورة واضحة جدا..
ياخي مالك علينا اللبن المقنن دا هسا هنا نلقاهو وين خليتينا نبلع ريقنا الحمد لله الواحد ما قاعد يتوحم(وجه ضاحك جدا)

طارق
سلامات
الصورة دي ما فيها حاجة!! وبول الحيوانات له فوائد كثيرة ومعروفة علميا.. أكثر من ذلك هناك ما لا تستطيع أن تصدقه وقد رأيته في التلفزيون الألماني مع بول الإنسان نفسه.. يستعملونه في السواك ويشربونه.. ولو لم أر بنفسي لما كنت صدقت..

أيضا لقد رأيت بعيني كيف قام سوادني بخلط اللبن مع بول الناقة وشربه أمام كاميرا التلفزيون السوداني.. وهي عادة معروفة للبدو منذ قديم الزمان.. وجاءت في كتب التاريخ الإسلامي أيضا..

ياسر

عزيزنا ياسر كيف حالك
فرحتنا طلتك..
وفعلا عرف السودان الكثير من التداوي بفضلات الحيوانا ، ولدغة الثعبان تعالج بروث البقر الحار يعني فرش ، واخونا بكون عندو مشكلة في راسو قوبا ولا حبوب ، وحتى في الوسط تمارس هذا الاشياء ، بت جيرانا احترقت وجرينا لحظة الحريقة ولقينا اهلها لموا شفع البيت عشان ابولوا ليها في محل الحريق ، وكذلك صرة الجاهل لمن تلتهب يعالجونها ب( براز الطفل ) وله في خلقه شؤؤن ..
بس فعلا صيدليتنا الشعبية بتضحك

مرحبتين حبابك يا عشة وأنا أيضا سعيد أنك مواصلة في الكتابة في المنابر وهنا خاصة..

الاخت الفاضلة عشة بت فاطنة
اشكر لك مرورك كما اشكر لك الايضاحات
ودمت

الاكرم ياسر
كيفنك
بحوذتي كتاب لاحد الفرنسيين الذين مروا من السودان وفيه العجب العجاب وان نزلت الصور التي به سوف يتهمني البعض بالعداء للسامية.. ان سمحت الظروف سوف انزل ما لا يخدش الحياء العام..
هذه هي هويتنا موش كدة؟
اشكر لك مرورك

بس التوقيت كيف

النبيل محمد الامين محمد
انا حين وضعت البوست لم يرد في زهني ما يجري في الخرطوم ولا علاقة لي به بمعنى انني لست فاعلا فيه وبالتاكيد لي راي فيما يدور هناك لكن هذا البوست ليست له اي علاقة بالخرطوم الآن..
اشكر لك مرورك

الموضوع لاعلاقة له بالثقافات السودانية التى لا خلاف على احترامهـا وتقديرها... كل القصة فى الصورة!! الزول دا هو سودانى؟ والداقوس حقه دا من جنوب السودان ولا من بنغلور... يعنى فى الآخـر برضو كريـظه!!...

وكلناغيورين على السودان والله

العزيز bushramk
حتى هذه اللحظة الداقوس دا سوداني الى ان يثبت العكس..

وفي دواقيس كتيرة حا انزلها لو ربك امد في الاعمار

Quote: محمد الامين هذه الصورة ليست من الهند بل من السودان رأيت صورة مماثلة لها قبل ايام وردت في كتاب مصور عن السودان صدر حديثا أعدته زوجة السفير الأميركي،

هذه الصورة من الهند ولقد مررت عليها قبل فترة طويلة من خلال الانترنت واذا رأيت صورة مماثلة في الكتاب الذي ذكرته فليس ذلك بدليل كافي على ان هذه الصورة من السودان

aosman
شكرا على المرور