يا اخوانا عايز ادخل القصر الجمهوري

من نحن شفع وانا نفسي ادخل القصر الجمهوري
من زمن بنمر براحة ونشوف الحرس الجمهوري واقفين مهنضبين بي ريشهم العجيب داك
وانا نفسي اشوف جوة في شنو

هسع عندي حل واحد اتمرد واشيل سلاح ان شاء الله عكاكيز
وبعد ما يشتد عود حركتي التمردية اقوم افاوض الحكومة
واطالب بي كبير المستشارين
واقوم اتخوجج داخل القصر الجمهوري

العايز يدخل القصر معاي يسجل اسمه هنا في البوست دا

يا طارق

ما في حاجة ثانية تدخلك القصر غير التمرد عشان نناصرك

يازول الشغلة فيها قتل وإغتصاب وحرق بيوت وخطف

ومؤمرات تظهر بعد تولي المنصب

والشغله دي كلها كده حرام والله ذنوبها دي ما تغسلا ليك مليون حجة وتوبة

كدي فكَر ليك في مخرج ثاني ما فيهو البلاوي دي

وتب تلقاني من جماهيرك

حيدر كيفنك

والله كلامك صاح
لكن ان بقيت نطيتلي بي حيطي بموت فطيس بطلقة من الحرس
دحين شوفلك طريقي تدخلني بيها القصر
بس اشوفه وامرق

.
.
الاخ طارق لك السلام :

Quote: العايز يدخل القصر معاي يسجل اسمه هنا في البوست دا

جمال حسين





.

طارق

ازيك ورمضان كريم



وانا كمان عايزه ادخل القصر

وكمان القيادة العامة

هم فيهم شنو نفسي اعرف

جمال كيفنك

انت يا اخوي عايز تدخل تشوف القصر ولا تتوهط فيه

اخوى طارق جبرين - سلام -

يا أخوى القصر دا كلو مليان شواطين واباليس وجنون !

القصر دا مسكون عديل !!! أبعد منه يا أخوى .

الكيزان غيروا طبيعتو تب -

ترفرف فوقو أرواح الشهداء والمغدورين -

وكلو ألم وأحزان - وأصوات مستغيثين ! زى أفلام الرعب .


- - تدخل هناك تلقى ام الصبيان والبعشوم !

ست البنات .

الأخ طارق جبريل،

أيه رأيك ياطارق أخوك دخل القصر الجمهوري في عام 1977 وطفت كل الغرف غرفة غرفة
حتى غرفة الرئيس زمن حكم النميري وأيضا طلعت فوق السقف كنوع من حب الإستطلاع وعاينت في كل
الأركان لمشاهدة القصر من جميع النواحي أي والله العظيم تصدق يا مؤمن، لكن ما وجدت
شيء لافت للنظر.
على كل حال أديك وصف مختصر للقصر الجمهوري. هو عبارة عن مبنى عادي جدا
قديم يشبه الـ (bunker) وليس به سوى ديكورات قديمة لكنها جميلة وغرف كثيرة وواسعة.
وفي ذلك الوقت كانت معظم الغرف خالية تماما ولايوجد بها أثاث مكتبي.
ويتخيل لي مسكون وأحسن تسمع كلام ست البنات وتبعد منه.
ولو ما مقتنع ممكن تسوق معاك جمال الصادق وباقي الأخوان والأخوات
وشوية بخرات قوية (مضادة) للأشباح (علشان ما تدخل فيكم الخلعة وتروحوا أوانطة).
ومن ناحية المدخل الخلفي المطل على النيل الأزرق تجد الحراس (جماعتك بتاعين الريش)
واقفين (ديدبان) يعني لو الواحد ركت على أنفه ذبابة ما يقدر يهشها.
وفي تلك الفترة كنت طالب لكن فاتت علي إني أقوم بإنقلاب مدني وأحتل القصر الجمهوري
في الأول والباقي هين على الأقل كان أحوالكم إتحسنت.
أكيد حتسألني كيف دخلت القصر الجمهوري. دا سر وما حأقوله.
بس ما تفتكرني كنت بتاع أمن ولا غيره.

سؤال: في أي عام تم بناء القصر الجمهوري ومن الذي قام ببناءه؟

Quote: طارق ازيك ورمضان كريم وانا كمان عايزه ادخل القصر وكمان القيادة العامة هم فيهم شنو نفسي اعرف

انعام كيفنك وتصومي وتفطري على خير
لا يا اختي انا عايز اشوف وامشي
حكاية القيادة ما بقدر عليها
يوم الحساب يقوم واحد يلخبط لي دخولي للجنة
وكدا اكون مرقت من الاتنين طرزان

Quote: يا أخوى القصر دا كلو مليان شواطين واباليس وجنون ! القصر دا مسكون عديل !!! أبعد منه يا أخوى .

ست البنات كيفنك
شوفي يا اختي
انا بدخله بالنهار وعندي سبحتا طويلي بشيلها معاي
دحين شوفيلنا طريقة من غير الكتيل والارواح
الشي نفسي فوقه

Quote: أكيد حتسألني كيف دخلت القصر الجمهوري

عزيز عيسى كيفنك
النبي فوقك ما توريني
اصلي مشحتفلي جنس شحتيفن
وقاسم باليمين لازم ادخله
دحين ورنا الطريقة ينوبك ثواب

انت بس يا طارق يا اخوى نفسك دى ما تدخل عيللى فى قصر السجم دا ???

ما تدخل فى جبل البركل ولا قنديلاتا سمحات كدى !

عليك الله اختا بيكنات الناس الملولويين ديل ! بس يبقى دافنيلهون فيهو قونبلى ولا عمل تقوم تتطا

يكبسنك شواطينون ديل !

ست البنات .

Quote: انت بس يا طارق يا اخوى نفسك دى ما تدخل عيللى فى قصر السجم دا ??? ما تدخل فى جبل البركل ولا قنديلاتا سمحات كدى !

ست البنات يا اختي
نسوي شنو النفيسي ماها صغيري

وان بقيت على القنديلا والبركاوي
والله مشتهيلي سبروقا سخن بي حرف في وسط البركل بين اهلي

طارق

لا تنس

ان تستعيذ بالله من الخبث والخبائث

Quote: لا تنس ان تستعيذ بالله من الخبث والخبائث

قرجة كيفنك ورمضان كريم

اصلو يا اخوي هو دا قصر ولا مستراح

والله أخي طارق انا ما داير لانى بصراحة ما ناقص مشاكل

تحياتى

Quote: والله أخي طارق انا ما داير لانى بصراحة ما ناقص مشاكل

هشام كيفنك
انا قالولك طاري المشاكل وحاتك جني وجن العكاكيز والسلاح
بس دايرلي شوفتا تفشي مغستي ساكت

طارق

انتو غايتو اتمردو ولما تبقوا على مفاوضات الوضع النهائي انا بجيكم

قلت شنو؟

Quote: طارق انتو غايتو اتمردو ولما تبقوا على مفاوضات الوضع النهائي انا بجيكم قلت شنو؟

يا حنا عايز تصطاد في الماء العكر
شوف غيرها القصر دا حا ادخله حا ادخله

.

طـــارق :

Quote: جمال كيفنك انت يا اخوي عايز تدخل تشوف القصر ولا تتوهط فيه

اول حاجة نخش نشوف بعد داك كان الامور (اتصعبت) ممكن نتوهط

انت عارف ياطارق اجمل حاجه انوالقصر ده يتحول لمتحف بالكامل ..
وفيهو حدائق جميلة خالص ممكن تكون متنزهات للجماهير ...ويكون
تعويض جيد عن السنين العجاف والقرارات الجائرة التي خرجت من نفس
المكان


.

يا ريس


صباح الخير عزيزي


يا ريس ده مكانك من زمان ومكانك الطبيعي بس ......!!







يا ريس الجيش على أتم إستعداد وجاهزين وفي إنتظار الأوامر سيدي ، ، ، ، ،.

موضوعك ياطارق يفتح الشهية لتوثيق أحداث القصر الجمهوري عبر تاريخه القديم والحديث
*************************************************************************************
العزيز / ابوريم
اعتقد ان دخولك للقصر الجمهوري سيفتح بابا لنبش العديد من الأحداث الجسام التي شهدتها ساحة القصر واروقته وغرفه منذ بنائه وحتى اليوم
على سبيل المثال لاالحصر :
مقتل غردون باشا على يد دراويش المهدي :
كيف جرت عملية الإقتحام .. وهل بالفعل كان المهدي يريد ان يقايض غردون ب أحمد عرابي المصري ؟
* رفع علم استقلال السودان للأول مرة
هل بالفعل كان هناك خلاف بين الأزهري والمحجوب حول من له الأحقية والأسبقية برفع العلم أولا ؟
هل العلم السوداني تم اختياره وفق اجماع وطني .ام المسألة تمت عشوائيا ؟
* مقتل عدد من الضباط في غرف القصر اثر فشل محاولة انقلاب هاشم العطا
هل بالفعل صدرت اوامر من قادة الأنقلاب بتصفيتهم . ام كان الأمر تصرفا فرديا من ضابط في الحرس الجمهوري
هل لو لم تتم عملية االتصفية . هل كان النميري لم يقدم على اعدام قادة الحزب الشيوعي ؟
* هناك سؤال طريف يدور في ذهنى منذ تلك الأحداث الدامية : كيف تمكن ( ابوعاج ) من تسلق سور القصرالعالي هاربا من معتقليه . هل استند الى ظهر جندي ام الريس كان حريف تسلق ونط حيطان من ايام شبابه؟ وهل كان مرورسيارة المطرب الراحل سيد خليفة وقتها صدفة ام المسألة كانت مرتبة ؟ طبعا لو كانت وقتها ( الموبايل ) مكتشف نقول دون شك ابوعاج عمل ( مست كول) لسيد خليفة قال ليهو انتظرني جنبة الحيطة .
هناك الكثير من الأسئلة تدور في رأس كل سوداني حول ماجرى داخل القصر القصر الجمهوري على مر تاريخه
وبمثل ماتهفو نفس كل سوداني للتجوال في اقبية وردهات هذا المبنى الجميل
ايضا يريد معرف العديد من الأسرار والأحداث الجسام الغامضة والتى يلفها الكثير من الغموض جرت داخل القصر دون ان يجد اجابة شافية لها .
----------
عمر عبدالسلام

هو القصر مايجيني ليه انا امشي ليهو
دة قصر نجس اي هامل دخلو

.

الزعماء الازهري والمحجوب من الشرفاء الذين دخلوا القصر بارادة الشعب


.

Quote: انت عارف ياطارق اجمل حاجه انوالقصر ده يتحول لمتحف بالكامل .. وفيهو حدائق جميلة خالص ممكن تكون متنزهات للجماهير ...ويكون تعويض جيد عن السنين العجاف والقرارات الجائرة التي خرجت من نفس المكان

العزيز جمال كيفنك
انت يا اخوي ما ناوي تشوف بس
اظنك بي صحك ناوي تتوهط
امانة فوقك ان بقيت اتوهطة فيه
تعزمني هناك شوفان بس لا دايرلي حرس
لا زمبليطة بس اشوف بس

Quote: يا ريس الجيش على أتم إستعداد وجاهزين وفي إنتظار الأوامر سيدي ، ، ، ، ،.

يا عمدة يا قائدنا يا همام

كلامك دا بيوديني التوج انا ما قادر علي بيوت البوش والكوارع
شن قدرني على بيوت الاشباح
كدي خلنا في الشوف بس

.
.

Quote: العزيز جمال كيفنك انت يا اخوي ما ناوي تشوف بس اظنك بي صحك ناوي تتوهط امانة فوقك ان بقيت اتوهطة فيه تعزمني هناك شوفان بس لا دايرلي حرس لا زمبليطة بس اشوف بس

الجميل طارق بيني وبينك كده النية في بس توهيطة تكون

زي بتاعة الزعيم الازهري يعني بارادة الجماهير ...

مش بطريقة (المخلوعين) السابقين و(المخلوعين) المخلوعيييين المتوهطين الان .

يازول تشوف ساكت وكمان عازمك رحلة بالقصر العائم وطبعا اسمو حيتحول( ليخت الشعب)

وحيكون مخصص لرحلات نيلية لزوار (متحف القصر) ...

...
تعرف ياطارق انا هسع قاعد اخد سلام سلاح (مقدما) من الاثنين بتاعين الحرص الجمهوري الواقفين

قبالة شارع النيل ..فكل ما امر بهناك بديهم(بوري) فتسمع ضرب الارجل و السلاح على الارض ..

..
.

ابو انس الصحافاوي

Quote: موضوعك ياطارق يفتح الشهية لتوثيق أحداث القصر الجمهوري عبر تاريخه القديم والحديث

الكلام الغلاد القلتو دا سمح بالحيل
لكن حا يدخلني في كبسيبات ماني قادر عليها
ياخي انا كايسلي شوفتا ويحيدي وبعدها امرق اتخوجج

محمد الامين كيفنك

Quote: هو القصر مايجيني ليه انا امشي ليهو دة قصر نجس اي هامل دخلو

انا عارفو القصر دا سبب وجعنا
بس نفسي اشوفه ان بقيت انتظرته
أأبيجيني اصلي عارف نفسي منحوس

Quote: الزعماء الازهري والمحجوب من الشرفاء الذين دخلوا القصر بارادة الشعب

القصر الربي زعامة الليلة بيربي سماسر

Quote: يازول تشوف ساكت وكمان عازمك رحلة بالقصر العائم وطبعا اسمو حيتحول( ليخت الشعب) وحيكون مخصص لرحلات نيلية لزوار (متحف القصر) ...

يا جمال يا اخوي
كدة حا تخليني اطمع شديد
وانا ما زول شدايد
لكن اليخت دا ان بقا فيه ملاهط
انا جاييك زول كرش وشوف كمان

الشي الكان محيرني انه الحرس الواقف معسم داك
تقول عادانا بالعسيم حتى نحن نشوف فيه براحة
زي الزول العندو قطيعة ورقبتو معسمة

دحين شوفولنا حل ندخل نشوف قصر الجن دا

ياجماعة هو الطريق الكان بمر من المدخل الشمالي بشارع النيل لسة مفتوح؟؟؟

وليد صفوت كيفنك ورمضان كريم

والله انا لي طورشمية سنة من السودان ما اظني اقدر افتيك في الحتة دي

اها يا اخوانا مافي زولا يشوفلنا قصة دخول القصر دي

.

الى القصر.... حتى النصر


UP


.

جمال زعيم القصر المقبل
بالله عجل بي دخول القصر عشان تدخلنا نشوفه