عامر تيتاوي وصديق حمدتو في ضيافتكم يا بورداب الخرطوم

سيغادر الاخ صديق حمدتو (جدة) الى الخرطوم يوم الخميس المقبل
كما سيغادر عامر تيتاوي (الدوحة) يوم الجمعة المقبلة الى الخرطوم
بورداب الخرطوم عودتمونا بحبكم الفياض
الاكيد انكم لن تقصروا في اولاد الامتداد ديل

Quote: سيغادر الاخ صديق حمدتو (جدة) الى الخرطوم يوم الخميس المقبل كما سيغادر عامر تيتاوي (الدوحة) يوم الجمعة المقبلة الى الخرطوم بورداب الخرطوم عودتمونا بحبكم الفياض الاكيد انكم لن تقصروا في اولاد الامتداد ديل

احبتي بورداب الخرطوم
واذا كنتم من عشاق الجمال(ولا اشك في ذلك) واذا كنتم من عشاق الثقافة (ولا اشك في ذلك) واذا كنتم من عشاق الفن (ولا اشك في ذلك) واذا كنتم من عشاق الرياضة (ولا اشك في ذلك) واذا كنتم من عشاق الأصالة (ولا اشك في ذلك) واذا كنتم من عشاق الكرم (ولا اشك في ذلك) واذا كنتم من عشاق السماحة والطيبة والمحنة (ولا اشك في ذلك) واذا كنتم من عشاق الرفقة الجميلة والصحبة المكمّلة (وأيضاً لا اشك في ذلك) فعليكم بالحرص على لقاء هذا الثنائي الرائع واحتضانهما بكرمكم الفياض المعهود فيكم .. وبما انني لا اشك في عشقكم وحبكم الكبير لكل ما ذكرت .. بقول ليكم جميعاً فلتهنؤا يا بورداب الخرطوم بهذين النجمين ولتهنئا شقيقي الحبيبين برفقة بورداب الخرطوم الراااائعة .

(وبرضو بقول ليكم كلكم ): (انا حاسدكم عدييييييييييييييييييييل)

مرحب يا طارق والاخ الجمري..
وما احلاها واجملها من عودة...حمدتو وتيتاوي مرة واحدة كده..ده كلام كثير ومدهش..

عندما التقيت بالاخ عامر تيتاوي حدثني هذا الرجل بوجدان مرهف وشوق كبير لكل تفاصيل
السودان.وللامتداد بصورة خاصة وحيهم المتفرد الذي يجمع بين ثناياه الكثير من المبدعين
هذا منزل حمدتو..وذلك بيت ناس الجمري ..وبهناك بيت ناس دكتور طارق علي مسافة ليس بالبعيدة
وهذه هي ساحة منزل ناس (تيتاوي) العامرة بالليالي وظرفاء المدينة...
عامر تيتاوي شاب عالي التهذيب والتواضع ورجل يذهب بعيدا داخل القلب دون استئذان...
له مني الاماني باجازة سعيدة..ولحمدتو كل الود والتقدير العالي,,
وحتما سيكون الكج وحنفية في انتظار تيتاوي بالرقشة في المطار

مرحب بيكم كتير

امير يا جمري
قلت ما لم استطع قوله
وفيت يا عزيزي وفييييييييييييييييييييييت


الباشمهندس كيكي
دفق الكلمات اعلاه هو بعض من ما لديكم
تعرف نفسي اشتغل في الدوحة.... ليه دي صعب شرحها في وجود عمالقة زيكم


الوجيه ناذر
ما بتقصروا والله
بالله ما تنسوا الجماغة ديل من كوارع الحلة الجديدة

طارق جبريل
تحياتى
الاخوان الاعزاء عامر تيتاوى وصديق حمدتو
تمنياتى لكم بقضاء اجازة سعيده بين الاهل والاصدقاء , التوثيق مهم بداية بى المصطبه
وزواج الاخ بدر الدين يعقوب .

احمـــد خضــر

الريس طارق جبريل
دايما كما جرت العادة سباق ومبادر
الحبيب امير الجمرى
كلامك من قلبك كما عهدناك قلب ابيض يتسع للجميع
ودايما مدينى اكتر من حقى ويارب نكون
عند حسن ظنك
العزيز عبد الكريم كيكى
كرمك الفياض يغمرنا بكل محبة وود ولوجانى
حنفية والكج فى المطار بغرق عديل كده
الرائع ناذر
شكرا على الترحيب .. جايين بصنفرتنا
الجميل احمد خضر
تمنيت ان تكون معنا ونسعد بصحبتك الظريفة
والمحببة ياابو رزان يافنان
عذرا للريس طارق جبريل احتليت البوست
لكين الحلوين ديل مابقدر افوتم بدون
اقول ليهم كل عام وانتو بالف خير
ويابورداب الخرطوم ليكم كل الود

تصلوا بالسلامة يا عامر
وناس الخرطوم ما حا يقصروا معاكم

تماما مثلما ترحل اسراب الفلامينجو باتجاه الجنوب في الشتاء ، يختار عامر تيتاوي مواسم العودة الى الخرطوم ،ليس بمقاييس الترحل العادية ولكن بحاسة تذوق الجمال في وطن الجمال ، للاجازة مع عامر طعم خاص ،وان لم تعد الخرطوم كما كانت في ايام صباها وصبانا ،امنياتنا لعامر درة القسم الرياضي بالشرق القطرية اجازة ممتعة وعودا احمدا .

تماما مثلما ترحل اسراب الفلامينجو باتجاه الجنوب في الشتاء ، يختار عامر تيتاوي مواسم العودة الى الخرطوم ،ليس بمقاييس الترحل العادية ولكن بحاسة تذوق الجمال في وطن الجمال ، للاجازة مع عامر طعم خاص ،وان لم تعد الخرطوم كما كانت في ايام صباها وصبانا ،امنياتنا لعامر درة القسم الرياضي بالشرق القطرية اجازة ممتعة وعودا احمدا .

د. عبد المطلب هو ذاك الذي قلته
عامر رجل تسير نحوه المحبة كقارب يتجه الى شلال
اينما ارتحل الرجل الا وكان الجمال
كم احسد الخرطوم على عودته

العزيز د. طارق جبريل
خالص المودة والشكر على هذا البوست وكما قال أخي عامر دائما تسبقنا بالفضل والجميل وإنشاء الله سنواصل مشاركاتنا معكم وبالتأكيد السرد من موقع الحدث سيكون له وقع خاص

أخي وصديقي أمير الجمري

لأول مرة يا أمير أحس بالمعنى الدفين لقول محمد المهدي عبد الوهاب على لسان مصطفى سيد أحمد "بتصرف طبعاً" "أتمنيت لو كنت معانا" عشان نتذوق طعم الامتداد الأصيل ونحاونستعيد ذكريات زمان وشهادتك فينا مجروحة لأنها منحااااااااااازة

الباشمهندس كرومة رفيق الليل والشجن

خالص أشواقي ومودتي يا غالي وما زلنا نحلم بيوم نلتقي فيه وحبذا لو كان على ضفاف نيلنا الخالد أو حتى في زقاق من أزقة كمبو الري - تحياتي لك ولكل شباب الدوحة الرائعين وكل سنة والجميع بخير

الأخ الفنان ناذر

شرف لقياكم سيكون من بواعث سعادتنا وبهاء أيامنا بالخرطوم - تحياتي لك وكل سنة وإنت والجميع بألف خير


الأخ العزيز أحمد خضر

لك عميق الود يا صديقي وإنشاء الله سنحاول أن نستمتع ونمتعكم معنا بالصور والتوثيق وسنكون في إنتظار مكالماتك إنت والعزيز بكري الخليفة فبلغه تحياتنا ونحن في الإنتظار

دكتور عبدالمطلب صديق

Quote: تماما مثلما ترحل اسراب الفلامينجو باتجاه الجنوب في الشتاء

مثل نقرات اقدام الراقصين على خشب الباركيه جاءت كلماتك انيقة ورقيقة وراقية
وايقاع جميل ووقع طيب على النفس
ولعل الاجمل يادكتور المفاجاة التى خباتها هنا وهى عضوية البورد وهذا يسعدنا
على امل ان تتحفنا ببقية من ( بلا قيود ) الذى قيدته مهام سكرتارية التحرير
ونرجوا ان تنطلق عصافيرك من حواف الكيبوردلتحلق فى فضاء سودانيزاونلاين