حلمنتيشيات

ايها الاحباب البورداب
لدي فكرة اتمنى ان تشاركوني فيها اود ان نجمع اكبر قدر ممكن من الشعر الحلمنتيشي الذي كان يثري الساحة الثقافية في السودان خصوصا في الجامعات والمعاهد العليا داخل السودان وخارجه حتى نستطيع ان نوثق لهذا النوع من الشعر فهل من اذن صاغية؟
تخريمة:
جيناكم يا ناس عشة
ناكل ونتعشة
نشرب وندشة
كشونا جنس كشة
تخريمة2:
جيتي زعلانة واظنك
ماكي عارفة سؤالي عنك
يا اللذيذة الكلكي جنك
عايز اكون انا ابقى منك
اي حاجة قريبة منك
.......

هاك دى ياجبريل

طولي..
طولي يا طول العدو
زي التقول ماطنّي مط
ماشي في الشارع عديل
وعشان طويل
يقولوا بتّاوق بي الحيط
رجليني الطوال
الاتنين شمال
رجليني جايات غلط
الناس رجولا قدُر كِده
تلبس في الجِزم
وأنا رجولي قَدُر كده
ألبس في الشنط!
طولي يا سبب الأذيّة
الناس طولها ميّة سنتي
وإنتَ ألف وخُمسميّة
الناس تِحت تصلي العشا
وأنا لسه شايف المغربية
طولي يا سبب الوجع
الناس لو دايره تتكلم معاي
إلا في كم وكم حاجة تطلع
أدنقر في الباب أقوم ألقي الباب هنا انقلع
أخش جوّه الأوضة
ألقى العرش ارتفع
طولي يا طول الهنا
الساعة ديك أظن أمي كانت تفكّر في برج
وبعد شوية جيت أنا
ولادتي كانت متعثّرة
وأظنها في كم سنة
الظاهر كل يوم تطلع 10 متر
ولسّه ما كملتَ أنا
وفي النهاية، يومي الإتولدتَ
شالتني الدهب ختتني في المخدّة
نايم جوّة في الأوضة
ورجليني برّة في البرندة
طولي يا البقيت لي دليل
مما دخلت المدرسة لا قريت أولى لا تانية
دخلت ساته عديل
قعّدوني في آخر كنبه عشان طويل
والشُفّع يقولوا طويل عنقوق
راسك ما فيو طايوق
عشان طويل
لكن نحنا الطوال
حصّلنا القمر في النجوم نتشال
نحنا طوال زي قصر الشباب والأطفال
وزي قاعة الصداقة
والناس القصار ديل، سكن عشوائي
بتشيلن الكرّاكة

نجود الفنجرية مليوم سلام
لكن طولك دا يقصر الملح بالله واصلي عايزين نجمع الدرر دي ويا ريت لو عندك حاجة من الفطاحلة (جاغوم ابن بلاع، المتجهجه الاممي، والمتكل الشجري)
تخريمة:
انا كل ما اقول جبت النجاح تطلع شهادة مقددة
انا كل اقص لي بنطلون يطلع قصير زي الردا
ً*****
جريونا رايد جريوتكم شديد قلت ليهو شينة مقردة
رفض اقتناع في الدنيا من دون الجريوات قاصدا

ليس لدي ولكني أنتظر أن يتجمع هذا الضرب من الأدب .. فقد حوى روائعا يحتاجها التجهم الذي ينتابنا في هذا الزمان ..

في الليلة ديك القصة ذاتها بقت عليك
يا عبدو وأدوك الشريط
يوم قولنا ليك أنضم معاها وكلّما
أبيت تسمع كلامنا وبقيت لميض
وقلته أحسن أكون تقيل أنا ما جميل
وبقيت تقيل لامن سقوك موية الغسيل
وجيت تنطط زي زمان وتباري بقعور الشجر
كايس كراسي الخيزران ..
وقعدته يا زينة الرجال.. كهربجي قال
رفعوا الستار والبت تجي ومرات تقيف
ومعاها يا زول زلداً حريف
والوقفة كانت وقفة ولف
صاحبنا بالاحساس عرف
سألته والناس كلّموك
ووقعته في شارع الزلط
تبكي وتجعّر والعيون اتورّمت
ويد القميص ضهر القميص كم القميص
حتى الفنيلة اتشرّطت
يا عبدو عيب
قوم يلا صلي على الحبيب
الواطه صبحت دايرين ننوم
يا أخوانّا لأ أنا عايز أموت أقع البحر
يا عبدو عيب
الدنيا حر .. والموية بتسخّن عليك
ثلاثة ساعات زولنا يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
في علاقة بين يوم السبت وعين الحسود؟!
ومقارنات بين الجهل والجمال!!
وسوء الإختيار
قال شينة قال ...!
قال شينة قولنا كلام صحيح
وخطيبها زاتو ولد قبيح
بس ياخي قوم ا########## صبحت دايرين ننوم
قام تاني جاب سيرة البحر
وقام تاني جاب سيرة البحر
كتبت هذه القصيدة في طالب في جامعة الخرطوم اسمع "عبدو" وكان بحب واحدة لدرجة الجنون وكان خجولاً فلمّا حكى لزميله في الداخلية عن قصة هذه البنت نصحه زميله بأن يفاتحها في الأمر ، فرد عبدو :- "حفضل أكهربها ليك لو جا ملاك يخطبها ح ترفض وأحسن أكون تقيل أنا زول جميل وقيافة " ... وفضل صاحبنا "عبدو" يكهرب لحدي ما بطاريتو نزلت وفي النهاية جا مغترب وخطب البت .. وصار عبدو يكيل وهنالك مصطلح في جامعة الخرطوم متعارف عليه "إذا أحب طالب زميلته وتزوّجت من غيرو" شاكوش بمعنى آخر .. بقولوا "أدتو شريط".. على أي حال نرجع لي عبدو الذي وقّعه الله مع صاحب بشّع بيهو وألّف فيهو القصيدة دي .. يمكن نضحك إحنا على الكلام ده ، لكن الكهربجي بتعانا داك يكون حاسي بي شنو!!
تأليف : صاحب عبدو!
الحلمنتيش كما ذكرنا يعبّر عن مشاكل الجيل التي يعيشها ، ولعل الظروف الإقتصادية أوجدت موضة تهافت الفتيات على الزواج من المغتربين. وكتيرييين الأخدو شاكوش زي صاحبنا عبدو ..

سلامات نجود
القصيدة لزميلنا الاستاذ عبدالدافع الخطيب وكان معروفا فى هيئة حلمنتيش العليا بإسمه الحلمنيشى الحبيب إبن الولهان ويبدو انه الآن وكيل وزارة الثقافة والاعلام فقد طال العهد بنا..
واصلوا.. مع الشكلا

نجود الفنجرية
تدس الاكل تخليه للعشية
وحين يدخل المغرب تشرب الآبري في الكورية
بالله واصلي الكلام الشحمان دة لازم يتوثق
واعتقد انه القصيدة مطلعها بيقول
في الليلة ديك يا عبدو رقوك وادوك الشريط
يوم قلنا ليك امشي للبنت وكلمها
قلت لا انا ما جمبل
كهربجي قال
الى آخر القصيدة واعتقد انها من درر المستعرب الخلوي

ود منان عليك الله اسعفنا بي ذاكرتك الملهلبة دي الكلام السمح دة زي البوش المظبوط لازم يتوثق

عبد الجليل
ياخي طلتك بالدنيا
ولي فوق

جيناك وما خليتنا
يا القصيت دريبنا وجيتنا
من دون الرجال ناديتنا
قلت خلاص كتير حبيتنا
لم شبكنا فيك وابيتنا
يظهر ناوي تخرب بيتنا
جيتنا وبالحنان وصيتنا
لامن للاهل عصيتنا
لامن في الدرج رصيتنا
في الآوت بعيد باصيتنا
ليه يا جكسا يعني طفيتنا
هيا الغسلتنا ولويتنا
ما اتكرمشنا ليه ما كويتنا
اتشتتنا ما لميتنا
في قفة هواك خميتنا
في كانون جفاك حميتنا
لامن زيتنا فاح شميتنا

سؤال إلى ركن المفتي:
هل يقبل صيام من لم يرشف رشفة واحدة من الحريرة طيلة الشهر الفضيل؟!
وا حريرتاه
تحياتي للساكنين تمارا

طارق عيد سعيد
وشكرا لهذا البوست الذي سيكون بالتاكيد جميل جدا
وساتيك مرة ومرات ...

يلوحن لي كريماتن
ظاهر في وجيناتن
بشوفن... بشوفو في شنيطاتن


تحياتي ،،،

الاخ طارق كل عام وانت بخير

توجد لدي في جهازي الكثير من القصائد الحلمنتيشية ولكنها صوت وليست مكتوبة وإنشاءالله إذا ما توفر الوقت سأقوم بكتابتها وإنزالها في هذا البوست

استاذنا محمد الامين
لك التحية والمحبة ويا سيدي الحريرة موجودة ويجوز ان تلتهمها في حالة اذا جيت ولا قيت العدول وظبطا الكاغيت بتاع المغربيات بالله ما تقطع من الطلة وما تنسى موضوعي عشان نكون جيران بدل تمارة نكون في عجمان


الرائع لؤي
يا سيدي طلتك بالدنيا ويا ريت نقدر نوثق لهذا الابداع الجميل وانا منتظر منك محاولة يا جميل ودمت


الجميل ناصر محمدخليل
شوفتك في حد ذاتها قصيدة ويا ريت لو تفرغ جهازك في هذا البوست وتكمل فرحتنا بي طلتك لك كل التحايا

الحبيب طارق جبريل لك التحية
وإذا كنت طارق جبريل بتاع الزقازيق .. فلك مني ألف تحية

فرحات

يا فرحات الللللللللللله عليك وعلى طلتك الجميلة ياخي انا طارق ذاته بتاع الزقازيق الجميلة فلك التحية ويييييييييينك ووين اراضيك وكيف رفاعة الجميلة وعشان البوست دا يرتاح كدة ويتمسح تنزل لي فيه قصائد عبد الحافظ بتاع رفاعة خصوصا القالها في محمد صديق ذاك العربي الفذ الذي ضل طريقه الى البوليس
اجدد التحية واين انت الآن

صنقيعة
شلاديمك قرب تنخج
جفون عينيك تدخل فارة امسيسي
شقوق كرعيك تدخل ضب
وقول سحلية راسها عديل