يا ناس الهلال الرجاء لطش ليه فريق رواندي 7 صفر..

فاز فريق الرجاء المغربي في بطولة افريقيا على فريق من رواند 7 صفر
وبيضوضان جاب 3 اهداف..
ارجو ان ينتبه فريق الهلال للامر جيدا..
والله يستر..

يبقى الفريق الرواندي دا لو جاء لعب مع الهلال اكيد الهلال حيخسر بـ5 أهداف

العزيز keiga2000
رواندا اخد الفيه النصيب ومشت
الله يسترها معانا نحن

د. طارق
سلامات

Quote: وبيضوضان جاب 3 اهداف

هلا هلا ، بيضوضان الما خمج!
أصلوا الجماعة قالوا عاوزين يكسروا الاستاد، خلي مصطفى يجي بسرعة يكسروا ليهم ويمشي، عشان تبقى "الذكريات صادقة ونبيلة ومصطفى"!
تخريمة:
ما أجمل أن تشاهد مباراة بدون توتر!

الفنان ابو الرواكيب

Quote: هلا هلا ، بيضوضان الما خمج!

والله الزول دا مولع الايام دي عندو جن اسمه الشبكة
وانت غايتو زي ما قلت ليك شوف ليك حراس يمشوا معاك

Quote: الشبكة

والشبكة معانا بتلعب، بالطول بالعرض!

تعرف يا راكوبة
قون المريخ الفاول داك والله بمليون قون

انا غايتو خايف ليك من ود تيتاوي يقيم فيك الجهاد

بيضوضان .. سيد الأسم!

شعيريه الأصلي

قلت شنو ولاقاصد هلال السعودية

ياطارق .. الهلال برضو لحس ليهو فريق نيجيرى كبير اسمو الرينجرز 4 - صفر

بعدين انت قايل البسوى فيكم هيثم طمبل ده اسمو شنو .. المرة الجاية بقطع اليدين المرفوعة

طوالى دى .. ال ضرايب ال

Quote: هلال السعودية

هلال مايرنو زاتو أبو (تلاتة) نيجيرين و(موزمبيقي) وسفير النوايا (الخمسة)

العزيز راكوبة
يا زول انت شغال في قطر ولا في المغرب
غايتو ما بسألك لكن بي طريقتك دي بتكتل ليك هلالابي


يا تيتاوي يا جميل
نحن خلينا انتو الله يحلكم من الراجيكم

Quote: نحن خلينا انتو الله يحلكم من الراجيكم

يحلهم الحلا بله!
واللييييييييييلة ، بيضوضان جا منو البرجاه

+=

يا جماعة ما تقلبو المواجع على اخونا حاتم ابراهيم

الزول لسع منتشي بالاربعة

اخونا د.طارق

Quote: ارجو ان ينتبه فريق الهلال للامر جيدا..

اخونا keiga2000

Quote: يبقى الفريق الرواندي دا لو جاء لعب مع الهلال اكيد الهلال حيخسر بـ5 أهداف

حبيبنا راكوبة

Quote: هلا هلا ، بيضوضان الما خمج!

صراحة حالتكم بقت " تحنّن "
اظنو بعد العرض الجنائزي للمريخ امام الضرائب
اقتنعتو تماما انو لسة قدامكم قرون طويلة..
...
تعرفوا يا أحباب وضعكم ده بيذكرني بأيام زمان
لما كنا " صغااااااار "
لما الواحد ياخد ليهو علقة او حتى هرشة من زول " كبير "
طوالي بيقوم الواحد يقول ليهو - وهو بيبكي-
انت كان راجل انتظر هنا..
بمش بنادي ليك اخوي " الكبير "
منطق الأشياء بيقول كده .. الكبير لازم يقابل الكبير
وده الحاصل ليكم مع الهلال البعبع
ما قادرين عليهو .. وما بتقدروا .. وعمركم ما حتطولوا قامتو
عشان كده ماشين بسياسة " الما بتلحقوا جدعوا"
او نادي ليهو "الكبير"
وكبيركم حسع الرجاء ...
نحن بنرحب بيهو .. وبنلاعبو كند .. وهم عارفين كده
النتائج دي بتحصل بين الكبار ..

هدية لراكوبة ..بيضوضان لاعب المريخ الجديد



ناصر يا سفن أب ..يا لذيذ يا رايق

Quote: يا جماعة ما تقلبو المواجع على اخونا حاتم ابراهيم

مواجع شنو عليك الله بعد الضرائب .. في وجع اكبر من الدافوري الشفناهو داك
هلال الملايين ده بيمتعنا بـ " السيمفونيات "
ولاننا بنحب الفن الراقي.. والابداع .. والجمال
بنمووووووووووووووووووووووووت في الهلال ..
.
.

Quote: هدية لراكوبة ..بيضوضان لاعب المريخ الجديد

حاتم
سلامات
والله بس عاجبنا كده، والبعمل فيهو ده والجماعة قالوا وصلو البلد، وناس الهلال في حملة قومية للبحث عن الكديس إياه

?This one

قالوا أب سنينة يضحك على أب سنينتين ..
يا جماعة كورة شنو العندنا ..
والله دا دافوري ساي ..
الهلال والمريخ ديل ما ياهم أحمد وحاج أحمد ..


تخريمة ..
راكوبة العزيز مشتاقين يااااااخ ..

والتحية للأخ طارق جبريل ..

معتصم حبيبنا
طولت الغيبة شديد، ومرحب بيك من جديد في ديارك، وأحمد وحاج زاتهم ما واحد

Quote: اقتنعتو تماما انو لسة قدامكم قرون طويلة..

حاتم يالزيز

احنا ضقنا الفرح المحمول جوا عدة مرات
الدور والباقى على العانس الماشافت فرحه
فى حياتها محموله جوا والا تحبو على اربع

Quote: هلال الملايين ده بيمتعنا بـ " السيمفونيات "

سيمفونيات شنو اللى مع الحمام الميت
انتو جزيرة الفيل وهلال الساحل قربوا يلحقوكم امات طه

قال سمفونيات قال

كم هى لحظه رهيبه عندما اعلن الحكم نهاية الماتش بفوز ابوالهل بالسته
الكلام هذا سوف يؤدى لوفاة مشجعى الوصيف وانتحار بعثة الرجاء ولايمكن الوصول اليهم
بعدالهزيمه بالسته وتفرمل الوصيف فى دورى الكونفدراليه( العجب قال حيلعب 7 سنه )
هاك السته ديل

الجماعة جو وبي طيارة حربية كمان!! ديل ناوين حاجة أكبر من الهزيمة

Quote: كم هى لحظه رهيبه عندما اعلن الحكم نهاية الماتش بفوز ابوالهل بالسته الكلام هذا سوف يؤدى لوفاة مشجعى الوصيف وانتحار بعثة الرجاء

انا والله خايف عليكم من مستشفى الخرطوم ما بيقدر يشيل كل حالات الزبحة الرجاوية


يا حاتم ابراهيم
انتو لسع في شغل البلي واجيب ليك اخوي الكبير ياخي (الرجاء) في الله ينصلح حالكم

Quote: الله ينصلح حالكم

حالنا وحالكم

يادكتور طارق جبريل ياجميل

.
ابو علوة ..
ازيك يا " مريخابي " - معليش للشتيمة

Quote: سيمفونيات شنو اللى مع الحمام الميت

الهلال لو غلب " برشلونة " اكيد حتصنفوا البارصا " حمام ميت "

.

Quote: لو غلب

حاتم
لو تفتح عمل الشيطان، وأعملوا حسابكم الليلة وبكرة خاصة وإنو " بيضوضان" حايم في أمدرمان وناوي ما يفارق السودان إلا بعد إتمام المهمة وإغراق هلال زرقان!

الهلال لو غلب " برشلونة " اكيد حتصنفوا البارصا " حمام ميت

والله يا حاتم دي الا في الاتاري

بيضوضان ناوي يبيض لكل ملوك الجان

الله يكون في عونكم وربنا يسهل عليكم

ونتمني تكون النتيجة واحد بس عشان سمعة السودان

فيديو لمن فاته المولد ، أقصد المباراة

إضغط للتشغيل

.
ههههههههههههههههههها
راكوبة .. ناصر .. د. طارق .. علي ..كيقا2000 .. والشباب الحلوين
الهلال ده لو واقف ليكم كده في زوركم كده ..باب التوبة مفتــــــــــوح .. ابقوا هلالاب وريحوا نفسكم ..
..ولو مصرين تفضلوا داقزين .." شــــغل عناد وكده " لا بأس أن تشجعوا " ستاد المريخ " الحاجة الوحيدة القدرتو تتفوقوا علينا بيها " وإلى حين " بس ..لانو ملعبنا الذي يليق بزعامتنا مسألة وقت بس..
نتغلب .. تكوركو .. سمعة السودان ..
نغلب .. تقولوا " حمام ميت " وفرق ضهبانة ..والسودان يطلع من الموضوع
نتعادل ..ما تسكتوا وتقولوا " يا الله درون " ..

عافيت منك يا هلال الملايين .. يا " بعبع " البلد..
.

Quote: ابقوا هلالاب وريحوا نفسكم

حاتم،
معقولة بس، من النور إلى الظلمات! كدي راجع نفسك

حاتم ابراهيم يا جناح جاليتنا يا لذيذ

Quote: يا " بعبع " البلد..

والله بعبعكم دا ما قدر يخوف شفع (الساحل) ولا (دراري) جزيرة الفيل
دا بعبع شنو دا البخاف من الشفع دا

.

. مع الاعتذار لاستخدام اللوقو رغم علامة c

حاتم
بقيت "هاكرز" كمان، والملكية الفكرية حتلاقكك ما بخلوك إلا بيضوضان ينهي المهمة الليلة، خليك قريب،وخليك بالبيت

بالأمس خرجت بعثة الرجاء من ملعب الهلال تحت حماية الشرطة بعد تعرض جماهير الهلال لها، ورميها بقارورات المياة الفارعة و(الحجبات) والسكاكين، مما حدا بمسؤولي الوداد طلب مراقب المباراة ليشهد على تلك الأحداث، وتأمين قوة عسكرية لإيصال البعثة لمقرها بفندق قصر الصداقة!!
جابت ليها حجبات من هسي، وتعامل سيء وجدته البعثة حتى الآن، وده كلو رده في الملعب إن شاء الله!
وياحاتم الجماعة ديل برجعوا (يفلقوق) إنت ود. طارق، أعملوا ساتر إذا قابلتوهم تاني

بيضوضان سيد الإسم في مطار الخرطوم

.
سلام يا راكوبة ..
انا غايتو واقعي وما مفرط في التفاؤل بخصوص "التأهل " لاني بعرف الفرق السودانية عموما مابتنتصر بأهداف كتيرة مهما كانت قوتها وضعف الفريق المنافس ..فما بالك والرجاء فريق كبير زيو زي الهلال ..
لكني واااثق من ابداع الهلال اليوم ..وعشان كده يا راكوبة من حسع وقف الاستماع الى الأغاني ..لانو( السيمفونيات) حتشتغل بعد شوية ..حتستمتع - غصبا عنك - وما بعيد الواحد يشوفك لافي في سوق " واقف " بتكورك ..يا جماعة انا سوداني .. والهلال الشفتوهو ده هو هلال السودان
بخصوص الخبر القلتو ..لا اعرف مصدرك ..ولكني اشك كثيرا في صحته ..لاننا سودانيون .. ومعروف عن السودانيين حسن استقبالهم للضيوف ..مهما أساءوا لنا فلن نعاملهم بالمثل ..
.