تجكيس الواتس

Post: #1
Title: تجكيس الواتس
Author: طارق جبريل
Date: 01-09-2016, 10:15 PM
Parent: #0

09:15 PM Jan, 09 2016
سودانيز اون لاين
طارق جبريل-المغرب
مكتبتى
رابط مختصر
بالله زمان تحاحي لـ«الجكس» دة محاحاة السواد وتوصي بنات خالك الصحبتهم ساكنة جمبها،
وتقول لي بتاع اللبن لمن تمد ليك البستلة اديها رطل زيادة، انا بديك حقه ..
واول ما المطر تنزل تحاحي جمب بيتهم يمكن ابوها يقول ليك يا ولدي تعال نضف لينا السباليق دي..
ولو كان جمبهم بكاء تجي شايل صينيتك من بعييييييد وانت ما عارف الميت منو ذاته بس نفيستك انه يقولوا ليك جيب ترامس الشاي من جووووة عشان تشوفها..
ودة كله وانت ما قلت ليها كلمة وخشمك «مليس» ضومة ضومة...
اها وكتين تفكر في انك تقابلها تحنس اخواتك وبنات خالك وتشتري ليهن (بوكل) من السوق الشعبي ومنكير تحرمني منك ونص البتيخة داك
وباسطة من محلات حاكم ولا البصري ولا سلا وتقعد تحاحي كدة لامن راجل خالتك العطشقي يسوق قطر الابيض وتتمني السيل يشيل السكة حديد عشان يجي بعد شهرين..
وبناتك خالتك «يدودرن» في صحبتها ويعزموها هي وصحبتها فطور وعشان خالتك ما «تتربس» تمشي تملأ ليها «حُقتها» صعوط من المحسي بتاع «لو ما فاطر ما تخاطر»
اها وانت تجهز في شعورك شهرين واصحابك يحفظوك تبدأ كيف و«تحنكها» كيف ومتين تخت ايدك في جضمك
واوعك تتمغى قدامها وما تدفسها في الفطور حتى لو عجبك عشان ما «تقنت» ولا تطلعلك هبوب مع الخلعة المنتظراك...
اها بعد دة كله وكتين يخلوكم في البرندة براكم اصلو لسانك دة يعضي كلو كلو وزي الصوتك راح وبي الله ويامين تقولها:
ان شاء الله تكوني كويسة... وبنات خالتك يتنحنحن بي صوت عالي عشان «تمد قرعتك» فسراع فسراع قبل الصعوط ما يفك من خالتك الرابطة راسها بي طِرقي وعيونها محمرات متل الشاربالا عسليي...
اها تتعصر وترجف ويدينك ينقطن موية وحنكك يقع ويقوم وتغمد وتقولها: سحر انا قاااع اريدك... وتقولي كدي تجري علي المستراح متل التكنك ماسكك «طه القرشي» وانت ما فيك الحباييي.....
اماني ماها كانت ريدتا صعبي ياخ... هسي مع ناس «الواتس» و«الفايبر» و«الاسكايب» ديل باقيلي الواحد فيهم يقولها نتقابل جمب مشتل الرياض
وتجي هي سايقة عربيتها ويقولها جعان وديني لذيذ ويغشوا محل الريحة الفي شارع محمد نجيب داك وتشتريلو ريحة ويختموها بي اسكريم 41 وبعد دة كله يقولها: فردتي انت يا نهاد ياخ..
بالله دي ترباية دي

Post: #2
Title: Re: تجكيس الواتس
Author: elhilayla
Date: 01-09-2016, 10:23 PM
Parent: #1

Quote:
بوكل

مرحب طارق
نعود
____
الحليلة

Post: #3
Title: Re: تجكيس الواتس
Author: معاوية الزبير
Date: 01-10-2016, 07:19 AM
Parent: #2

والله انت أحلى صاحب يا طارق
قاليك عبد العزيز داوود: المنديل المنقوشو جانبهو أوتذكرين

خليك من عبد العزيز، أنا سنة ألفين قبل ما أعرف زوجتي دي (الاحتياط واجب يا عمك برضو) قابلت حبيبة سابقة
لقيتها محتفظة بي جوابات كتبتها ليها سنة 79، يمين جد
هسي المسجات تتمسح بي طرف الماوس زي الما حصل حاجة
وتستبين البعضَ أو لا تستبين

Post: #4
Title: Re: تجكيس الواتس
Author: ياسر السر
Date: 01-10-2016, 08:12 AM
Parent: #3

الشفيف الرهيف ود جبريل ياخ ذكرتني المطقع البيقول ( هجد الانام وانا وحدي مساهر النحول على جسمي يا حبايب ظاهر هوي اسبابي الحب الطاهر ) ياخ داك زمن الهوى العذري ,,,, وايام زمان يوم كنا زمن الجهل احباب ,,, يا سلاااااام كانت ايام سعيده وجميلة بتلك الاحداث الفريده الدافئة ولكن هيهات يعود الكان ولى ,,,
واصل يا حبيب فهناك شيئا من حتى ,,,

تحياتي : ياسر العيلفون ...

Post: #10
Title: Re: تجكيس الواتس
Author: طارق جبريل
Date: 01-10-2016, 11:50 AM
Parent: #4

Quote: الشفيف الرهيف ود جبريل ياخ ذكرتني المطقع البيقول ( هجد الانام وانا وحدي مساهر النحول على جسمي يا حبايب ظاهر هوي اسبابي الحب الطاهر ) ياخ داك زمن الهوى العذري ,,,, وايام زمان يوم كنا زمن الجهل احباب ,,, يا سلاااااام كانت ايام سعيده وجميلة بتلك الاحداث الفريده الدافئة ولكن هيهات يعود الكان ولى ,,,
واصل يا حبيب فهناك شيئا من حتى ,,,

تحياتي : ياسر العيلفون ...

ود العيلفون يا حبيبنا
ياخ ديك كانت ريدة عندها طعم وريحة ولون

Post: #6
Title: Re: تجكيس الواتس
Author: طارق جبريل
Date: 01-10-2016, 10:14 AM
Parent: #3

Quote: والله انت أحلى صاحب يا طارق
قاليك عبد العزيز داوود: المنديل المنقوشو جانبهو أوتذكرين

خليك من عبد العزيز، أنا سنة ألفين قبل ما أعرف زوجتي دي (الاحتياط واجب يا عمك برضو) قابلت حبيبة سابقة
لقيتها محتفظة بي جوابات كتبتها ليها سنة 79، يمين جد
هسي المسجات تتمسح بي طرف الماوس زي الما حصل حاجة
وتستبين البعضَ أو لا تستبين

صاحبنا الذي هناك ياخ
قلت لي جوابات من سنة 79 ههههههههههههههههه
غايتو للضمان كدة خشمي عندي يا جميل

Post: #5
Title: Re: تجكيس الواتس
Author: طارق جبريل
Date: 01-10-2016, 10:13 AM
Parent: #2

Quote: مرحب طارق
نعود
____
الحليلة

عجبتك بوكل دي صاح هههههههههههههههههه

Post: #7
Title: Re: تجكيس الواتس
Author: علي عبدالوهاب عثمان
Date: 01-10-2016, 10:27 AM
Parent: #5

حبيبنا ود جبريل ,,
صدقني ما شفت البوست إلا قبل شوية ..

دفعة نحن مواليد الاستقلال .. نفس الصورة .. كانت عندنا لكن شوية أرحم ( سواقي ، وحش قش ..الخ)

واحد كتب سطرين في ورقة رماها قدام بيت الحبيبة .. في غنماية أكلت الخطاب
وصاحبنا منتظر ..

زينت المنبر بهذا الحكي الجميل ..

مودتي ..

Post: #11
Title: Re: تجكيس الواتس
Author: طارق جبريل
Date: 01-10-2016, 11:51 AM
Parent: #7

Quote: حبيبنا ود جبريل ,,
صدقني ما شفت البوست إلا قبل شوية ..

دفعة نحن مواليد الاستقلال .. نفس الصورة .. كانت عندنا لكن شوية أرحم ( سواقي ، وحش قش ..الخ)

واحد كتب سطرين في ورقة رماها قدام بيت الحبيبة .. في غنماية أكلت الخطاب
وصاحبنا منتظر ..

زينت المنبر بهذا الحكي الجميل ..

مودتي ..

استاذنا وتاج راسنا علي
ياخي كيفنك ونعلك طيب

Post: #17
Title: Re: تجكيس الواتس
Author: elhilayla
Date: 01-10-2016, 07:50 PM
Parent: #5

Quote:
عجبتك بوكل دي صاح هههههههههههههههههه

علي قول ود بادي
بلحيل آ ود جبرين أي والله
عجبتني وسرّت بالي
فعلاً يا ود جبريل كان كل شي ليو طعم
وأكيد
إيزي كم أيزي قو
والعكس صحيح
_____
الحليلة

Post: #18
Title: Re: تجكيس الواتس
Author: طارق جبريل
Date: 01-10-2016, 08:22 PM
Parent: #17

Quote: علي قول ود بادي
بلحيل آ ود جبرين أي والله
عجبتني وسرّت بالي
فعلاً يا ود جبريل كان كل شي ليو طعم
وأكيد
إيزي كم أيزي قو
والعكس صحيح
_____
الحليلة

ايي والله صدقت كل شئ كان ليه طعم وجميل ياخي

Post: #8
Title: Re: تجكيس الواتس
Author: محمد مجيدو
Date: 01-10-2016, 10:32 AM
Parent: #1

يا طااارق ... سلام

بنات الزمن الحسي دا بقن هن اليقابضن ...
وكلامن كلو رندوووق ... وكربااوي ...

قالو واحد شهادة عربيه بكلم حبيبتو ...
قال ليها اوعي تكوني بتقولي ...
يا اصلي .. ويا فرده .. والكلامات دي ؟؟
قالت ليهو .. حبيبي عيب انا محترمه للدين ......

عالم بطااله .. ياااخ ..

Post: #9
Title: Re: تجكيس الواتس
Author: محمد أبوالعزائم أبوالريش
Date: 01-10-2016, 10:47 AM
Parent: #8

يمين إنت تكون دقيت الحنك في واحدة من زرايب الدرجة التالتة
تقول كلمة .... وتهش ليك غنماية واللا جدادة ساكيها ديك
تجي تقول الكلمة التانية .... الحمارة تهنّق ويطير الكلام
Quote: تجكيس الواتس

ديل - طبعاً - نحن.

Post: #13
Title: Re: تجكيس الواتس
Author: طارق جبريل
Date: 01-10-2016, 11:54 AM
Parent: #9

Quote: يمين إنت تكون دقيت الحنك في واحدة من زرايب الدرجة التالتة
تقول كلمة .... وتهش ليك غنماية واللا جدادة ساكيها ديك
تجي تقول الكلمة التانية .... الحمارة تهنّق ويطير الكلام

Quote: تجكيس الواتس

ديل - طبعاً - نحن.

يمين انت لمن بديت تجكس بتكون لابس ليك عراقي مهرود
قطع شك انت بتديت تجكس قبل ما يفكروا في محطة بري الحرارية

Post: #12
Title: Re: تجكيس الواتس
Author: طارق جبريل
Date: 01-10-2016, 11:52 AM
Parent: #8

Quote: يا طااارق ... سلام

بنات الزمن الحسي دا بقن هن اليقابضن ...
وكلامن كلو رندوووق ... وكربااوي ...

قالو واحد شهادة عربيه بكلم حبيبتو ...
قال ليها اوعي تكوني بتقولي ...
يا اصلي .. ويا فرده .. والكلامات دي ؟؟
قالت ليهو .. حبيبي عيب انا محترمه للدين ......

عالم بطااله .. ياااخ ..

ههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههههه
الله يجازي محنك ياخ

Post: #14
Title: Re: تجكيس الواتس
Author: ابو جهينة
Date: 01-10-2016, 11:59 AM
Parent: #12

ود جبريل

ديجيتالي وصفك يا رجل

سؤال : كيف تتخيل التجكيس بعد عقدين من الزمان ؟؟؟

أما بعد :

زمان في عطبرة ، في ستينيات القرن المنصرم ، رسمت لجارتنا القبطية على جذع شجرة النيم في جنينتهم المتاخمة لنا :

قلب يخترقه سهم وفي المنتصف حرفها الأول وحرفي.

فكانت حرب داحس والغبراء بيني وبين أخوها، حتى إضطر والدهما الرحيل.

Post: #15
Title: Re: تجكيس الواتس
Author: طارق جبريل
Date: 01-10-2016, 05:27 PM
Parent: #14

Quote: ود جبريل

ديجيتالي وصفك يا رجل

سؤال : كيف تتخيل التجكيس بعد عقدين من الزمان ؟؟؟

أما بعد :

زمان في عطبرة ، في ستينيات القرن المنصرم ، رسمت لجارتنا القبطية على جذع شجرة النيم في جنينتهم المتاخمة لنا :

قلب يخترقه سهم وفي المنتصف حرفها الأول وحرفي.

فكانت حرب داحس والغبراء بيني وبين أخوها، حتى إضطر والدهما الرحيل.

هيا ابا جهينة لكن ما جننت الاقباط جن ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

Post: #16
Title: Re: تجكيس الواتس
Author: قسم الفضيل مضوي محمد
Date: 01-10-2016, 07:03 PM
Parent: #15

Quote: يمين إنت تكون دقيت الحنك في واحدة من زرايب الدرجة التالتة
تقول كلمة .... وتهش ليك غنماية واللا جدادة ساكيها ديك
تجي تقول الكلمة التانية .... الحمارة تهنّق ويطير الكلام

يا ابو الريش شوف صاحبك كان بجكس وين !!! الرابط بعنوان (الريدة وسط صنان الغنم ولبليب التيوس) ...

http://sudaneseonline.com/board/134/msg/%d8%a7%d9%84%d8%b1%d9%8a%d8%af%d8%a9-%d9%88%d8%b3%d8%b7-%c2%ab%d8%b5%d9%8f%d9%86%d8%a7%d9%86%c2%bb-%...8%b3-1442100678.html

فضيحتك فضيحة يا ود جبرين ...

Post: #19
Title: Re: تجكيس الواتس
Author: طارق جبريل
Date: 01-10-2016, 08:24 PM
Parent: #16

Quote: يا ابو الريش شوف صاحبك كان بجكس وين !!! الرابط بعنوان (الريدة وسط صنان الغنم ولبليب التيوس) ...

http://sudaneseonline.com/board/134/msg/%d8%a7%d9%84%d8%b1%d9%8a%d8%af%d8%a9-%d9%88%d8%b3%d8%b7-%c2%ab%d8%b5%d9%8f%d9%86%d8%a7%d9%86%c2%bb-%...8%b3-1442100678.html

فضيحتك فضيحة يا ود جبرين ...

الله يكتلك ياخ هههههههههههههههههههههههههههههههههههههههههههههههههه

Post: #20
Title: Re: تجكيس الواتس
Author: علي عبدالوهاب عثمان
Date: 01-11-2016, 06:59 AM
Parent: #19

حبيبنا ود جبريل .. أبوجهينة برضو بقى من الدفعة ..
إنت ماشي زمان ليه .. نحن هنا في الغربة مستحيل أم العيال تمشي جنبك .. لازم تكون شوية كده خلفك
أوعك تحاول تمسك يدها أو تلمسها حتى للتنبيه في السوق دي مشكلة
بعدين إفتكر الحب في الدواخل جوى هناك .. والحركات الظاهرية دي بايخه خالص ..
إخوانا المصريين والشوام .. الواحد ماسك المرأة تقول عايزة تطير منه ..
وممارسة الحركات دي في الأماكن العامة لإثبات الحب والمودة .. ما كويسة ..
حتى السعوديين عندهم نفس طريقتنا في التعامل مع زوجاتهم في الأماكن العامة

إتخيل الواحد متزوج قريب أربعين سنة يوم ما يقول زوجته أحبك حتى بالجوال
وإذا حصل على طول تفتكر إنه الراجل ده في راسه في حاجة ..

الله يخليهم لينا .. ديل عاشوا معانا مطبات الحياة كلها .. ( هل الجملة دي صحيحة بدون نون النسوة – الكتابة باللغة العامية مشكلة )

ود جبريل تحياتي ليك ... والبوست ده لمن هم فوق الخمسين وأكثر ..

تحياتي يا جميل .. يا اخي إنت دائماً تثير فينا حاجات سمحة نجتر الماضي البعيد ..

مودتي ..

Post: #21
Title: Re: تجكيس الواتس
Author: ABUHUSSEIN
Date: 01-11-2016, 07:06 AM
Parent: #20

العجائز ظهروا ......
شايف موديلات 1956 و 1979 و هلمجرا .......
غايتو لم تصلو موديلات أواخر الثمانيات كلمونا خلونا نجي نشارك ....

أصلوا ما ممكن تكون جيتك دي لي خير ......
تجيب معاك المصايب بس ......

Post: #28
Title: Re: تجكيس الواتس
Author: طارق جبريل
Date: 01-11-2016, 11:21 AM
Parent: #21

Quote: العجائز ظهروا ......
شايف موديلات 1956 و 1979 و هلمجرا .......
غايتو لم تصلو موديلات أواخر الثمانيات كلمونا خلونا نجي نشارك ....

أصلوا ما ممكن تكون جيتك دي لي خير ......
تجيب معاك المصايب بس ......

جيت يا المبروك ههههههههه

Post: #22
Title: Re: تجكيس الواتس
Author: محمد أبوالعزائم أبوالريش
Date: 01-11-2016, 07:19 AM
Parent: #20

أها شوف جنس دا ...

الديم وامتداد الدرجة التالتة واااحد.

أحقد غنماية في العالم ..

Post: #23
Title: Re: تجكيس الواتس
Author: عبدالحفيظ ابوسن
Date: 01-11-2016, 07:34 AM
Parent: #22

ههه
ولدي ود الحنوت يبحت لقي جوابات انا زاتي ما قايلهن في . وتعرضت لتحقيق مفاجئ وغريب . لامن احترت
انت بتعرف كوثر ؟
كوثر منو !! مرت علي كل كواثر الدنيا وماعرفتها ياتها فيهن .. ولا المقصودة منو .. اقوم اقول واحدة يبقن علي كوثرين .. ولا السؤال زاتو ماشي علي ياتو اتجاه ..
كوثر ماتت .. ولا كوثر عرسوها .. ولا كوثر عملت ليها مصيبة . ودة سؤال بداية الحكي .. وكوثر ما مقصودة في زاتا
اها كترباية
لا تتبرع بالمعلومات
قلت ليها لا ما بعرفني
لتباغتني بسؤال ونظرات مباشرة في عيوني . نظرات قاحصة
وبي ضحكة منتزعة انتزاعا
معقولة
وطلعت لي الجواب
وحات الله لامن نطيت
وداهمتني الذكريات
ياخ دي كوثر قبل ما ابلغ زاتو
ومن يوم داك
وحتي الان اتعرض لاستجوابات مباغتة وتحقيق وتفاصيل
المزعلني ما بتديني الجواب في يدي . بتقرا لي
داير اشمو بس
واشوف الخط

Post: #24
Title: Re: تجكيس الواتس
Author: محمد أبوالعزائم أبوالريش
Date: 01-11-2016, 08:03 AM
Parent: #23

Quote: داير اشمو بس
واشوف الخط

عيييييييك ...... أها شوف جنس ده
العجب لو كان راشين فيهو ريحة.

دي يلقوها وين ناس text message؟

Post: #25
Title: Re: تجكيس الواتس
Author: عبدالحفيظ ابوسن
Date: 01-11-2016, 08:14 AM
Parent: #24

تعرف يا ابوالريش دي جوابات من وانا في ثالثة عام . حافظهن . وسكنت مع ناس ابوي سنة . ورحلت بيتي . اها خميت ضمن ما خميت مكتبتي .. ونسيت امرهن حتي تسلط عليهن من لا يقدر الذكريات
الواجعني بتطلع واحد كل فترة . وتقرا لي فجاة بدون مناسبة .. مكنكنشة في الجواب التقول بخطفو منها
شحتفتني ..
والله صحي

Post: #26
Title: Re: تجكيس الواتس
Author: محمد أبوالعزائم أبوالريش
Date: 01-11-2016, 08:25 AM
Parent: #25

Quote: الواجعني بتطلع واحد كل فترة . وتقرا لي فجاة بدون مناسبة .. مكنكنشة في الجواب التقول بخطفو منها

عفيت منها ....

طبعاً كل جواب بيكون رد على واحد إنت مرسله ....... في ذمتك لما تقرا ليك جواب .. ما بتتذكر كلامك الكتبتو؟
أها لو بتتذكر، مفروض بت الناس دي توريها الكلام ده كان رد على شنو

_______
غايتو لما خميت مكتبتك، ما عملت حساب اليوم ده.

Post: #30
Title: Re: تجكيس الواتس
Author: طارق جبريل
Date: 01-11-2016, 11:42 AM
Parent: #23

Quote: ههه
ولدي ود الحنوت يبحت لقي جوابات انا زاتي ما قايلهن في . وتعرضت لتحقيق مفاجئ وغريب . لامن احترت
انت بتعرف كوثر ؟
كوثر منو !! مرت علي كل كواثر الدنيا وماعرفتها ياتها فيهن .. ولا المقصودة منو .. اقوم اقول واحدة يبقن علي كوثرين .. ولا السؤال زاتو ماشي علي ياتو اتجاه ..
كوثر ماتت .. ولا كوثر عرسوها .. ولا كوثر عملت ليها مصيبة . ودة سؤال بداية الحكي .. وكوثر ما مقصودة في زاتا
اها كترباية
لا تتبرع بالمعلومات
قلت ليها لا ما بعرفني
لتباغتني بسؤال ونظرات مباشرة في عيوني . نظرات قاحصة
وبي ضحكة منتزعة انتزاعا
معقولة
وطلعت لي الجواب
وحات الله لامن نطيت
وداهمتني الذكريات
ياخ دي كوثر قبل ما ابلغ زاتو
ومن يوم داك
وحتي الان اتعرض لاستجوابات مباغتة وتحقيق وتفاصيل
المزعلني ما بتديني الجواب في يدي . بتقرا لي
داير اشمو بس
واشوف الخط

والله دي وكرة عدوك يا ود ابو سن
اها والجواب ريحته لسة في ههههههههههههههههههههههههههههههههههههههههههههههههههههههههههههههههههههههههههههههههههههههههههه

Post: #29
Title: Re: تجكيس الواتس
Author: طارق جبريل
Date: 01-11-2016, 11:41 AM
Parent: #22

Quote: أها شوف جنس دا ...

الديم وامتداد الدرجة التالتة واااحد.

أحقد غنماية في العالم ..

ياخ تعال لينا في الفيسبوك انا وعماد عبد الله قاعدين محكرين بهناك
ههههههههههههههههههههههههههههههههههه

Post: #27
Title: Re: تجكيس الواتس
Author: طارق جبريل
Date: 01-11-2016, 11:16 AM
Parent: #20

Quote: حبيبنا ود جبريل .. أبوجهينة برضو بقى من الدفعة ..
إنت ماشي زمان ليه .. نحن هنا في الغربة مستحيل أم العيال تمشي جنبك .. لازم تكون شوية كده خلفك
أوعك تحاول تمسك يدها أو تلمسها حتى للتنبيه في السوق دي مشكلة
بعدين إفتكر الحب في الدواخل جوى هناك .. والحركات الظاهرية دي بايخه خالص ..
إخوانا المصريين والشوام .. الواحد ماسك المرأة تقول عايزة تطير منه ..
وممارسة الحركات دي في الأماكن العامة لإثبات الحب والمودة .. ما كويسة ..
حتى السعوديين عندهم نفس طريقتنا في التعامل مع زوجاتهم في الأماكن العامة

إتخيل الواحد متزوج قريب أربعين سنة يوم ما يقول زوجته أحبك حتى بالجوال
وإذا حصل على طول تفتكر إنه الراجل ده في راسه في حاجة ..

الله يخليهم لينا .. ديل عاشوا معانا مطبات الحياة كلها .. ( هل الجملة دي صحيحة بدون نون النسوة – الكتابة باللغة العامية مشكلة )

ود جبريل تحياتي ليك ... والبوست ده لمن هم فوق الخمسين وأكثر ..

تحياتي يا جميل .. يا اخي إنت دائماً تثير فينا حاجات سمحة نجتر الماضي البعيد ..

مودتي ..

دي اسمها الريدة المن جووووووووووة يا حبيب
الريدة الفيها حياء جميل داك

Post: #31
Title: Re: تجكيس الواتس
Author: أحمد الشايقي
Date: 01-11-2016, 11:52 AM
Parent: #27

الجكس الواتسابي يا طارق ما حنين زي جكسينا الزمان ...

Post: #32
Title: Re: تجكيس الواتس
Author: متوكل حسن
Date: 01-11-2016, 12:01 PM
Parent: #31

يا سلام يا طارق
ذكرتني الامتداد وحلويات حاكم ومدرسة فاطمة عبد الرحيم وميدان الوحدة
ودكان النعيم

Post: #33
Title: Re: تجكيس الواتس
Author: فدوى الشريف
Date: 01-11-2016, 12:13 PM
Parent: #32

ي حليلك ياود جبريل حكى لذيذ ناس زمان كانوا حلوين وصادقين فى الحب حسى بقا حب الواتس والاسكايب مضيعة زمن قليل الجادين واصحاب مبادئ وهدفهم نبيل

Post: #34
Title: Re: تجكيس الواتس
Author: مجدي عبدالرحيم فضل
Date: 01-11-2016, 02:30 PM
Parent: #33

ودجبرين

احلي أيام كانت بي جكسينا الزمان

زمن تتعب جد في التجكيس مش

جيكس الواتس الزمن تغيير وتغيرت

الوسائط وحتي مفهوم التجكيس

حليل امتدادنا ونحمد الله ان زوجاتنا منو.

،،،،أبوقصي،،،،

Post: #35
Title: Re: تجكيس الواتس
Author: مجدي عبدالرحيم فضل
Date: 01-11-2016, 02:37 PM
Parent: #34

من كان مولودا فى الفترة ما بين 1955-1980م اتمنى لكم حياة سعيدة وعمرا مديدا واعواما حافلة بالانجازات وتحقيق الاحلام.اكبركم عمره الان 60سنة واصغركم عمره 40 سنة كنتم اكثر الاطفال تميزا فى طفولتكم الممتعة التى لم تحظ بها اطفال الاجيال السابقة والحالية بل ولا اعتقد القادمة!!!!لحقتم على جيلين الجيل القديم والحديث....ولادتكم كانت فى ظروف معيشية رائعة ويسمونها ايام الطفرة...الخروف ب 50 جنيه....ولا توجد بيوت ايجار البيوت بيوتكم عاصرتم الحروب وحلاوة التويكس والفولية والدندرمة وقماش الدمورية والدبلان والتتركس اللماع والشبشب والباتا وزمن الخنفس...والشارلستون...والخلال..والعابكم الكنكان والبصرة والكيرم والحجلة وقمدت لبدت....والسلم والثعيان والليدو وقرايتكم لناس المدن مجلة الصبيان ومجلة العربى وقرايتكم بالفانوس واللمبة وتحوموا بالليل بالبطارية... هواياتكم صيد العصافير بالنبلة والشرك ولقيط التمر هندى والنبق من بيوت الجيران... والسباحة فى الخور والبحر....ولحقتوا كبار السن من اهاليكم فاخذتم منهم الحكمة....والان تعاصرون الانترنت ...عالم ابل...الجلاكسى تاب والافون واكس بوكس....وتلفزيون بتقنية HD والشاشات المسطحة . والغريب جيلكم هو من اكتشفها......عشتم جيلين مختلفين تربيتم تربية الاجيال السابقة وعشتم عيشة الاجيال التالية. . واظنكم تعلمتم الدين الصحيح .....ستبقون دائما مميزين...تربيتم على عادات اصيلة ومفاهيم ذات مرجع دينى متسامح ولم يفهمها ويقدرها سواكم.....انتم جيل لا تخشون التقدم فى السن....انتم تعتبرون اكثر الناس فهما للحياة....انتم محظوظون ولن يتكرر جيلكم....عشتم فى بيوت الطين والقطاطى والان تسكنون القصور....وركبتم البرنسات وعربات الكارو وها انتم تمتطون افخم العربات وتركبون الطائرات... استعملتم هاتف ابوهندل والسنترال وهاتف ابوقرص وابوزر .....تلذذتم بالقليل وعشتم فى ترف الكثير.......انتم من اكتشف الانترنت والتكنلوجيا الحديثة لينعم بها ما بعدكم.....انه الماضى الجميل للذكرى ومقارنة تستوجب الشكرلله.....هنيئا لكم وامدكم الله بالصحة والعافية......وتموا الباقى

Post: #40
Title: Re: تجكيس الواتس
Author: طارق جبريل
Date: 01-12-2016, 10:40 AM
Parent: #35

Quote: من كان مولودا فى الفترة ما بين 1955-1980م اتمنى لكم حياة سعيدة وعمرا مديدا واعواما حافلة بالانجازات وتحقيق الاحلام.اكبركم عمره الان 60سنة واصغركم عمره 40 سنة كنتم اكثر الاطفال تميزا فى طفولتكم الممتعة التى لم تحظ بها اطفال الاجيال السابقة والحالية بل ولا اعتقد القادمة!!!!لحقتم على جيلين الجيل القديم والحديث....ولادتكم كانت فى ظروف معيشية رائعة ويسمونها ايام الطفرة...الخروف ب 50 جنيه....ولا توجد بيوت ايجار البيوت بيوتكم عاصرتم الحروب وحلاوة التويكس والفولية والدندرمة وقماش الدمورية والدبلان والتتركس اللماع والشبشب والباتا وزمن الخنفس...والشارلستون...والخلال..والعابكم الكنكان والبصرة والكيرم والحجلة وقمدت لبدت....والسلم والثعيان والليدو وقرايتكم لناس المدن مجلة الصبيان ومجلة العربى وقرايتكم بالفانوس واللمبة وتحوموا بالليل بالبطارية... هواياتكم صيد العصافير بالنبلة والشرك ولقيط التمر هندى والنبق من بيوت الجيران... والسباحة فى الخور والبحر....ولحقتوا كبار السن من اهاليكم فاخذتم منهم الحكمة....والان تعاصرون الانترنت ...عالم ابل...الجلاكسى تاب والافون واكس بوكس....وتلفزيون بتقنية HD والشاشات المسطحة . والغريب جيلكم هو من اكتشفها......عشتم جيلين مختلفين تربيتم تربية الاجيال السابقة وعشتم عيشة الاجيال التالية. . واظنكم تعلمتم الدين الصحيح .....ستبقون دائما مميزين...تربيتم على عادات اصيلة ومفاهيم ذات مرجع دينى متسامح ولم يفهمها ويقدرها سواكم.....انتم جيل لا تخشون التقدم فى السن....انتم تعتبرون اكثر الناس فهما للحياة....انتم محظوظون ولن يتكرر جيلكم....عشتم فى بيوت الطين والقطاطى والان تسكنون القصور....وركبتم البرنسات وعربات الكارو وها انتم تمتطون افخم العربات وتركبون الطائرات... استعملتم هاتف ابوهندل والسنترال وهاتف ابوقرص وابوزر .....تلذذتم بالقليل وعشتم فى ترف الكثير.......انتم من اكتشف الانترنت والتكنلوجيا الحديثة لينعم بها ما بعدكم.....انه الماضى الجميل للذكرى ومقارنة تستوجب الشكرلله.....هنيئا لكم وامدكم الله بالصحة والعافية......وتموا الباقى

انا لله ياخ

Post: #39
Title: Re: تجكيس الواتس
Author: طارق جبريل
Date: 01-12-2016, 10:39 AM
Parent: #34

Quote: ودجبرين

احلي أيام كانت بي جكسينا الزمان

زمن تتعب جد في التجكيس مش

جيكس الواتس الزمن تغيير وتغيرت

الوسائط وحتي مفهوم التجكيس

حليل امتدادنا ونحمد الله ان زوجاتنا منو.

،،،،أبوقصي،،،،

ياخ مربعكم ما كان فيه جكس سنين هههههههههههههههههههههههههههههههههههههه

Post: #38
Title: Re: تجكيس الواتس
Author: طارق جبريل
Date: 01-12-2016, 10:38 AM
Parent: #33

Quote: ي حليلك ياود جبريل حكى لذيذ ناس زمان كانوا حلوين وصادقين فى الحب حسى بقا حب الواتس والاسكايب مضيعة زمن قليل الجادين واصحاب مبادئ وهدفهم نبيل

ياخ حاجاتهم هسي كلها زي الاندومي هههههههههههههههههههههههههههههههههههههههههههههههههههههههههههه

Post: #37
Title: Re: تجكيس الواتس
Author: طارق جبريل
Date: 01-12-2016, 10:37 AM
Parent: #32

Quote: يا سلام يا طارق
ذكرتني الامتداد وحلويات حاكم ومدرسة فاطمة عبد الرحيم وميدان الوحدة
ودكان النعيم

زمن يا كولا ياخ

Post: #36
Title: Re: تجكيس الواتس
Author: طارق جبريل
Date: 01-12-2016, 10:36 AM
Parent: #31

Quote: الجكس الواتسابي يا طارق ما حنين زي جكسينا الزمان ...

نهااااااااااااااائي

Post: #41
Title: Re: تجكيس الواتس
Author: Yousuf Taha
Date: 01-12-2016, 11:20 AM
Parent: #36

جدو طارق ازيييييييييييييييييييييييييييك
دا حقد نابع من طفولة ملانة قش وتبن واومباز تجاه الاجيال الحديثة وماتستمع به من تكنلوجيا

ياخ مشتاقين والله

ثم ثانيا يخ انا رسلت ليك طلب صداقة بحساب جديد بعد قفلت حسابي القديم ما كتر خيري الويحيد الصغيروني وسط ناسك الخرد المنتهيين كلهم ديك في لستتك

Post: #42
Title: Re: تجكيس الواتس
Author: عوض الشيخ حامد العوض
Date: 01-12-2016, 11:40 AM
Parent: #41

الشي النادر دايما بكون غالي
زمان شوفة المحبوب كانت صعبة وتتعب شديد عشان تخطف نظرة
واغاني الحقيبة زاخرة بالمفهوم دا ( شفناهو شفناهو ) ..الخ
بعدها الزمن اتغير شوية بقيت ممكن تشوف لكن صعب تتكلم ودا الزمن بتاع البوست
هسع الحب على قولك رخيص ضمة في زمن الواتساب
المحبوب معاك في اي لحظة وممكن تشوفو وتسمعو غصبا عن اي زول وفي اي وقت تختاروهو وزي ما قالو كترة الطلة بتمسخ خلق الله
تحياتي طارق جبريل والمتداخلين

Post: #44
Title: Re: تجكيس الواتس
Author: طارق جبريل
Date: 01-12-2016, 12:10 PM
Parent: #42

Quote: الشي النادر دايما بكون غالي
زمان شوفة المحبوب كانت صعبة وتتعب شديد عشان تخطف نظرة
واغاني الحقيبة زاخرة بالمفهوم دا ( شفناهو شفناهو ) ..الخ
بعدها الزمن اتغير شوية بقيت ممكن تشوف لكن صعب تتكلم ودا الزمن بتاع البوست
هسع الحب على قولك رخيص ضمة في زمن الواتساب
المحبوب معاك في اي لحظة وممكن تشوفو وتسمعو غصبا عن اي زول وفي اي وقت تختاروهو وزي ما قالو كترة الطلة بتمسخ خلق الله
تحياتي طارق جبريل والمتداخلين

يا حبيب اللوعة ديك اهم حاجة في الحب ياخ
هسي العلاقة ممكن تنتهب بي block ههههههههههههههههههه

Post: #45
Title: Re: تجكيس الواتس
Author: عوض الشيخ حامد العوض
Date: 01-12-2016, 12:21 PM

Quote:
يا حبيب اللوعة ديك اهم حاجة في الحب ياخ
هسي العلاقة ممكن تنتهب بي block ههههههههههههههههههه

البلوك موت اسفيري محقق ههههههههههه
هسع بذمتك قبل 20 سنة في زول بقدر يتخيل الواقع دا

Post: #47
Title: Re: تجكيس الواتس
Author: طارق جبريل
Date: 01-12-2016, 10:48 PM
Parent: #45

Quote: البلوك موت اسفيري محقق ههههههههههه
هسع بذمتك قبل 20 سنة في زول بقدر يتخيل الواقع دا

ياخ انا لمن قابلتها قربت اقول ليها عمك أحمد كيف
هههههههههههههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

Post: #43
Title: Re: تجكيس الواتس
Author: طارق جبريل
Date: 01-12-2016, 12:07 PM
Parent: #41

Quote: جدو طارق ازيييييييييييييييييييييييييييك
دا حقد نابع من طفولة ملانة قش وتبن واومباز تجاه الاجيال الحديثة وماتستمع به من تكنلوجيا

ياخ مشتاقين والله

ثم ثانيا يخ انا رسلت ليك طلب صداقة بحساب جديد بعد قفلت حسابي القديم ما كتر خيري الويحيد الصغيروني وسط ناسك الخرد المنتهيين كلهم ديك في لستتك

ما وصلني شي كدي اديني لكزة بهناك عشان امسح حسابك القديم واضايف الجديد يا وغد

Post: #46
Title: Re: تجكيس الواتس
Author: Muammar Abass Elhassan
Date: 01-12-2016, 12:37 PM
Parent: #43

طارق وضيوفه عساكم بخير..

Quote: يا طااارق ... سلام

بنات الزمن الحسي دا بقن هن اليقابضن ...
وكلامن كلو رندوووق ... وكربااوي ...

قالو واحد شهادة عربيه بكلم حبيبتو ...
قال ليها اوعي تكوني بتقولي ...
يا اصلي .. ويا فرده .. والكلامات دي ؟؟
قالت ليهو .. حبيبي عيب انا محترمه للدين ......

عالم بطااله .. ياااخ ..

واحد ظريق قال شعراء زمان ديل الواحد يشوف ليهو واحدة فتحت باب الشارع دايرة تكشح ليها موية يقطع فيها قصيدة
اهااااا ... لو شافوا جنس البذار الحاصل هسا دا
ح يسوا شنو ؟؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــ
وليسَ لنا فِي الحنين يَد، وفي البُعد كان لنا ألف يَد، سلامٌ عليك، إفتقدتكَ جدًا ..
وعليّ السَلام فِيما إفتقِد !. (درويش)

Post: #48
Title: Re: تجكيس الواتس
Author: طارق جبريل
Date: 01-12-2016, 10:49 PM
Parent: #46

Quote: طارق وضيوفه عساكم بخير..

واحد ظريق قال شعراء زمان ديل الواحد يشوف ليهو واحدة فتحت باب الشارع دايرة تكشح ليها موية يقطع فيها قصيدة
اهااااا ... لو شافوا جنس البذار الحاصل هسا دا
ح يسوا شنو ؟؟

كان قال بطني طمت
ههههههههههههههههههههههههههههههههههههههه

Post: #49
Title: Re: تجكيس الواتس
Author: Ali Sirelkhatim
Date: 01-13-2016, 05:46 AM
Parent: #48

كنت بكتب الجواب واريحو بي ريحة اسمها كارينا واستلف الكتاب واخت الجواب في نص الكتاب وارجعو لي ست البنات
ودجبرين سلامات ياخ

Post: #50
Title: Re: تجكيس الواتس
Author: طارق جبريل
Date: 01-13-2016, 10:40 AM
Parent: #49

Quote: كنت بكتب الجواب واريحو بي ريحة اسمها كارينا واستلف الكتاب واخت الجواب في نص الكتاب وارجعو لي ست البنات
ودجبرين سلامات ياخ

ما بسالك يا حبيب
هههههههههههههههههههههههههههه