Post: #1 Title: إسماعيل بلا منديل ( نص ) Author: Emad Abdulla Date: 10-28-2009, 03:47 PM Parent: #0
في أمَة حزنك كنت نبياً يا اسماعيل . إلاكَ ، و ليسَ أحدْ . ..... كانت نخلة قلبك قد أثقلها هَمّاً تمراً يسّاقطْ . حتى حالُكَ يا اسماعيلُ تَراصْ .. محزومٌ مثل سبائطَ قيدَ النضجِ .. تكادْ . حالٌ برحيلِ الأينْ ؟؟ حالُ البينينْ . لا سَفَرَ تُيممُ - إذ يمْمَتْ جهاتَ الزرقةِ في أربعْ - يا اسماعيلُ و لكنَّ .. قلبكَ جُعرانٌ و تَمِيمَهْ .. قلبٌ بأناشيد قديمهْ .. ..... زمنٌ ثمَ .. و كانَ أناخَ البجعُ إليكْ مالك حزنكَ , و الزرزور الأخضر - طيرِ الجنةِ – و الصقر , و حوّاماتٍ قمّاماتٍ , حدأةَ .. ثم فَراشَ الحقل و جُندبَ و يراعاتٍ , ليماماتٍ ، جُعْرٍ و خنافسَ ، بومٌ و لقالقَ ذات الأعراف ، لفالمينغو و .. صريرَ الليل فحيحَ .. لحتى أدنى ما دبت في الأرض هوامْ أقعَت كُلاً يا اسماعيلُ عليكْ ثم العشبَ - سفائن نُوحَ – إليكَ نَمى . و البحرَ البحرَ طَما .. أرفع من سِفر المزمورِ كتابا أحشدَ في مرقاكَ إلى أبواب جِنانك - يا ذاتَ الدرجاتْ - ..... مقلاعُ الليلُ ينوشكَ يا اسماعيلْ . بفارع طول البال ينوشكَ - يا اسماعيلُ - و يرمي : سبعُ زفائرَ / سبعُ شهائقَ / سبعُ موانعَ / سبعُ ذرائعَ .. و سبعٌ كنت تُسبّل عين الضحك العالي .. تكْسِرُ مِحْجَر قرص الشمسِ .. و تُعْمِل فأسك حصداً في خشخاش التيه . و يا اسماعيلُ تزالُ تدندنُ ذات المدح النبوي الحارسْ .. حتى جَزَّ لهاتك عطشٌ صديءٌ يا اسماعيل .. خِزّك مرواد الآهِ بكحل الوجعةِ ذاكَ ، لتطلع من وردتك الأحزان : جليلة . لا حينك تُعشِبُ منك العين لا ترمحُ في حمحمةِ الياقوتِ الأزرق خيلكَ صهلاً نزفَا .. صفّا.. صفّا . ..... في الليلِ .. و في آخرِ رمقٍ من فجرِ البهجاتْ .. بين خيوط الأبيض / أسود .. تدلفُ من بابِ العطشانِ – فلا بابٌ للريان - دلفت منك السحنة - ذاك النقش الأيوبي - يا اسماعيل و يا مولايَ و يا أعلاهم وجهاً و لسانْ و أرفعهم وجعا يا خازن كل قساسيبِ الأحزانْ . باللهِ عليكَ , أمانةْ سدد قلبك يا اسماعيل إذا ما كأسكَ فاضَ و ظِلُكَ غابْ . بالله عليك فقوّس ماشاءك ظنْ حدّد ما نَهَشَك ريح القلق العصفور و ما قَصُرَ عليك جناح النيّةْ .. خانْ . فاستهدفْ و ارمي .. و ارمي و ارمي حتى ينهككَ الضجر العالي و يكفّ وجيب الريحْ .. تغني في باحة بالك نافورة لونٍ و نواقيس . و امهل خطوكَ يا اسماعيلَ إذا ما كنتَ بقابِ بكاءْ أمدد كفكَ .. سَلِمْ . لا معتضداً شيئا لا مُرتفِقا .. لا مختلفاً .. لا متسقا .. .. سَلّمْ . ..... وحدك , وجهاً في وجه الوجهات .. رايتك بياضٌ زجّجها حزنك يا ذا الحُسن الأخضرْ . فسَلّم يا اسماعيل عتادك و الرايات سلِمهُ .. إلى البنت على قلب إطارِ البَردي نَقَشَتْكَ : ( أيا سَفَََرَا ) . تَرَكَتْهُ ببابِ الحانةِ يا اسماعيلْ : إطارْ متكئٌ مثل قتيلْ ترَكَتْهُ بلا منديلٍْ .. يتناسب و التلويحْ . و قطارٌ يا اسماعيلَ مضَى .. خَلّفَ خط ّ حديدٍ في أسفلِه و الأعلى : خيط دخانْ .
Post: #2 Title: Re: إسماعيل بلا منديل ( نص ) Author: بدر الدين الأمير Date: 10-28-2009, 04:02 PM Parent: #1
Quote: مقلاع الليلُ ينوشك يا اسماعيل بفارع طول البال و يرمي : زفائرَ سبعُ / شهائقَ سبع / موانعَ سبعُ / ذرائعَ سبعُ .. و سبعٌ هأنت تسبّلُ عين الضحك العالي ..
مالى أرى سباعك عجاف تلتها سبع أعجف وبلقيس ذبحت هدهدك
Post: #3 Title: Re: إسماعيل بلا منديل ( نص ) Author: عمران حسن صالح Date: 10-28-2009, 04:22 PM Parent: #2
[]
Quote: تركته بلا منديلٍ يتناسب و التلويح .
Post: #4 Title: Re: إسماعيل بلا منديل ( نص ) Author: طارق جبريل Date: 10-28-2009, 04:28 PM Parent: #3
Quote: كانت نخلة قلبك قد أثقلها نَزُّ البركاوي : هَمّاً تمرا
الله يا عمدة ياخ
Post: #5 Title: Re: إسماعيل بلا منديل ( نص ) Author: ناصر احمد الامين Date: 10-28-2009, 04:40 PM Parent: #4
Quote: أسحق بُعداً من أقرب رحمات الله ..
بس ... كدا انا كفاي.
يوم بتكتل ليك زول
Post: #20 Title: Re: إسماعيل بلا منديل ( نص ) Author: Emad Abdulla Date: 10-31-2009, 00:50 AM Parent: #5
و الله يا ناصر نفسي أكتل لي زول .. ساكت كده بس .. كتل جد جد .. الكتل أب دم داك .
أهو برضو تدخل في باب التجربة .
Post: #19 Title: Re: إسماعيل بلا منديل ( نص ) Author: Emad Abdulla Date: 10-31-2009, 00:47 AM Parent: #4
دحين آآطارق .. نحنا مِنن ؟؟
Post: #18 Title: Re: إسماعيل بلا منديل ( نص ) Author: Emad Abdulla Date: 10-31-2009, 00:45 AM Parent: #3
عمران يا خوي ..
تقول الدناقلة :( فايدة دامون ) .. .. و هكذا فهي .
Post: #6 Title: Re: إسماعيل بلا منديل ( نص ) Author: Emad Abdulla Date: 10-28-2009, 10:17 PM Parent: #2
مافي فايدة يا بدر ..
Post: #7 Title: Re: إسماعيل بلا منديل ( نص ) Author: Ishraga Mustafa Date: 10-28-2009, 10:37 PM Parent: #6
Quote: مافي فايدة
Post: #8 Title: Re: إسماعيل بلا منديل ( نص ) Author: rosemen osman Date: 10-30-2009, 01:58 PM Parent: #7
Post: #9 Title: Re: إسماعيل بلا منديل ( نص ) Author: Ishraga Mustafa Date: 10-30-2009, 02:06 PM Parent: #8
Quote: نص جميل يا عماد .
وآسرة هذه الاخرام..... اخرام هى { الفراغ العريض}.........
Post: #10 Title: Re: إسماعيل بلا منديل ( نص ) Author: محمد الجزولي Date: 10-30-2009, 02:24 PM Parent: #9
لا لا لا ده البجَنِن بوبي زاتو !!!
تنزل حاجة لعماد عبدالله وقَبُل ماأقراها أدخل القاها مَمسوحةَ على ثلاتة مراحل .. طيب الترابَ دي في خَشمي ..
وليس باليد شئ سوى .. الهتاف .. سيل ! سيل! إسماعيل بلا منديل ..
ولينا الله ..
ـــ ويالقَريتو إنشاء الله ماينفَعكُم
التعديل لزوم الحسادة ..
Post: #22 Title: Re: إسماعيل بلا منديل ( نص ) Author: Emad Abdulla Date: 10-31-2009, 00:58 AM Parent: #10
ود الجنرال .. شن بتدور بالورم ده يا زول ؟؟ أنا زاتي سيدو .. خليتو و مشيت منو يومين .. كلما ارجع ليهو يزيدني فقر . في النهاية جدعتو .. !! و اسماعيل الجن ده كجنتو بي الله واحد .
.... ياخي الله يسعدك دنيا و آخره .. قول آمين .
Post: #11 Title: Re: إسماعيل بلا منديل ( نص ) Author: rosemen osman Date: 10-30-2009, 02:26 PM Parent: #9
يا جماعة وين النص.. قبل أيام قريت حنين لطلال ولما جيت تاني لقيت الموضوع مسحوب وبرضو قريت لعماد النص الباذخ ..ولما جيت اليوم لقيت النص مسحوب !!
Post: #12 Title: Re: إسماعيل بلا منديل ( نص ) Author: محمد المرتضى حامد Date: 10-30-2009, 03:26 PM Parent: #11
وعندما بلغ طرفة بن العبد مضارب بني غافر ممنيا النفس بشوفة منديل مولاي العارف بالله العمده قدس الله سره هُيئ إليه أن سيد خليفه يغني المنديل ولما بلغ البوست في الربع الخالي عرف أنه ليس بالبحرين وإنما بوادي عبقر فوقف ينشد مع الجن والجاغريو:
منديلي ضاع منـــــــــــــي
منديلي ضـــــاع منــــــي والشالـــــــــو ما يتنـــــــــي مايشيل خلافـــــــــــه
يا ابو فــــــــــركة ابوي والــــــــــي في حمو اللهيب اصلي مايشيل خلافـــــــــــه
ياودحســـــونــــه الحـــــار يا صـــــــاحب الـــــــدردار حيبــــــــــر ديـــري في البـــــدار اخلو من الــــــــدار مايشيل خلافـــــــــــه
ودريا الرابعـــــــــــه يا اب فيضـــــــــا نابعــــــــــا ســــــــل روحه تابعـــــــه يشيلــــــــوه الاربعــــــــــه مايشيل خلافـــــــــــه
يااهــــــل الله بيـــــهو همـــــــو ومن مكه اتلمـــــــــــوا القشـــه بيـــــه فمــــــــــه تحــــــرق حشا امــــــــــــه مايشيل خلافــــــــــــــــه
صلــيت علي الرســـــــول عـــــــــد مافي الكون محصـــــــول الشـــــاله غير اصـــــــول من البشر مفصـــــــــــــــــــول مايشيل خلافـــــــــــــــه
الشال الكلام يرجِّعو
Post: #29 Title: Re: إسماعيل بلا منديل ( نص ) Author: Emad Abdulla Date: 10-31-2009, 05:38 PM Parent: #12
مرتضى .. يا أجمل زول في ها البكان . كلو منك .
...... كلو منك
Post: #23 Title: Re: إسماعيل بلا منديل ( نص ) Author: Emad Abdulla Date: 10-31-2009, 01:04 AM Parent: #11
يا روزمين الصياد .. يسعد مساك يا بنيه ..
أريتو نص التاباني المسيخ الممصمص .. بقى لي في رقبتي .. لا المحاساة جابت فايدة و لا المواساة . زمان زمن كنت مع المسغفين قاموا غشوني .. قالوا : الكتابة بتمرقك من زنقات . قمت خليتهم بقيت مع الرهط .. قالوا : الإنغماس في الحياة بيمرقك من زنقات .. أمانة ما كضابين أولاد اللزينا .. مسغفين على رهط .. جوز بايظ .
.... ما بلقى عندك حرجل يودر طمام البطن ده شويه ؟؟
Post: #21 Title: Re: إسماعيل بلا منديل ( نص ) Author: Emad Abdulla Date: 10-31-2009, 00:52 AM Parent: #7
الله على درويش .. لولا درويش .. و لولا شوية جغيمات الوضو في نهار رمضان .. و لولا هذا الخازوق اليومي ..
.... شكرا يا صاحبتنا في الورم .
Post: #13 Title: Re: إسماعيل بلا منديل ( نص ) Author: ASHRAF TAHA Date: 10-30-2009, 03:28 PM Parent: #1
ليه ياخي
Post: #14 Title: Re: إسماعيل بلا منديل ( نص ) Author: Egbal Elmardi Date: 10-30-2009, 03:37 PM Parent: #13
Quote: لا لا لا ده البجَنِن بوبي زاتو !!!
تنزل حاجة لعماد عبدالله وقَبُل ماأقراها أدخل القاها مَمسوحةَ على ثلاتة مراحل .. طيب الترابَ دي في خَشمي ..
وليس باليد شئ سوى .. الهتاف .. سيل ! سيل! إسماعيل بلا منديل ..
الترابه فى خشمنا كلنا يا محمد....
ليه كده يا عماد...؟؟؟؟؟؟؟ ده ياهو البكتل ليه زول زاتو.....
إقبال
Post: #33 Title: Re: إسماعيل بلا منديل ( نص ) Author: Emad Abdulla Date: 10-31-2009, 06:25 PM Parent: #14
فترتَ يا إقبال .. و بس .
.... سلام ليك و العيال .
Post: #15 Title: Re: إسماعيل بلا منديل ( نص ) Author: ibrahim fadlalla Date: 10-30-2009, 03:38 PM Parent: #13
أخير سماعين ..البلا منديل ... نحن بلا نص ...( الفوقاني )...
شيك إعجاب ...على بياض ..
Post: #34 Title: Re: إسماعيل بلا منديل ( نص ) Author: Emad Abdulla Date: 10-31-2009, 06:26 PM Parent: #15
إبراهيم الجميل .. سلام ليك و شكر
.... الله غالب
Post: #30 Title: Re: إسماعيل بلا منديل ( نص ) Author: Emad Abdulla Date: 10-31-2009, 05:41 PM Parent: #13
يا صاحب .. أفكركيه بلِبيه .
..... راقدة و متكوّعة يا أشرف .
Post: #16 Title: Re: إسماعيل بلا منديل ( نص ) Author: Emad Abdulla Date: 10-31-2009, 00:32 AM Parent: #1
**
Post: #17 Title: Re: إسماعيل بلا منديل ( نص ) Author: Emad Abdulla Date: 10-31-2009, 00:37 AM Parent: #1
أم بالعينٍ عُوّارُ !!
Post: #24 Title: Re: إسماعيل بلا منديل ( نص ) Author: محمد الجزولي Date: 10-31-2009, 05:10 AM Parent: #17
Quote: ياخي الله يسعدك دنيا و آخره .. قول آمين .
Ameeeeen , and u too
Post: #25 Title: Re: إسماعيل بلا منديل ( نص ) Author: هواري نمر Date: 10-31-2009, 05:25 AM Parent: #24
Quote: وحدك , وجهاً في وجه الوجهات .. رايتك بياضٌ .. زجّجها حزنك يا ذو الحسن الأخضر . فسَلّم يا اسماعيل عتادك .. و الرايات . للبنتُ على قلب إطارٍ البَردي نَقَشَتْ : سَفَََرَا .. تركته ببابِ الحانةِ في الليلْ .. متكئاً مثل قتيلْ .. تركته بلا منديلٍ يتناسب و التلويح . و قطارٌ يا اسماعيل مضى .. خَلّفَ خط ّ حديدٍ أسفلهُ .. و الأعلى : خيط دخانْ .
ياعماد ودعبدالله..
(المنديل المنقوش جانبه أو تذكرين...!!؟؟)
ربنا يمتعك بما عندك ويزيدك من نعمو اكتر و اكتر....
Post: #26 Title: Re: إسماعيل بلا منديل ( نص ) Author: abdalla osman Date: 10-31-2009, 10:42 AM Parent: #25
Quote: مقلاع الليلُ ينوشك يا اسماعيل . بفارع طول البال ينوشكَ يا اسماعيلَ و يرمي : سبعُ زفائرَ / سبعُ شهائقَ / سبعُ موانعَ / سبعُ ذرائعَ .. و سبعٌ كنت تُسبّل عين الضحك العالي .. تكْسِرُ مِحْجَر قرص الشمسِ .. و تُعْمِل فأسك حصداً في خشخاش التيه .
ينصر دينك ودين خيالك الواسع..
Post: #27 Title: Re: إسماعيل بلا منديل ( نص ) Author: Ishraga Mustafa Date: 10-31-2009, 12:39 PM Parent: #26
غاب فى سحنات المطار انتظرت ان يلتفت ويلوح بمنديل طرزته بحنو انتظرت قبل ان يغيب فى الزحام, حاملا حزنه, ومجاديفها وكثير فجيعة لم يلتفت.. الاّ ان شنطته المعلقة على ظهرة كانت ترقيها وتئن من الهزيمة التى فى داخلها تحمل غاب فى دمعها.. وحيدة والعالم حولها فى عزلة وكان درب العودة طويل ومركبة بلا مجاديف تقف على نصف بحر الحنين كانت تسمع -وقع خطوة وحيدة- فى طريق عودتها لبيتها الذى كان..
لم تجد بيتا, وجدت كومة خراب انتظر عليها عصفوران برد كان الطقس صهدا كان القلب وريش الروح- ممعوط غاب فى السحنات وصحت على فراش نارها ومضت فى طريقها دمعها ينحت فى الصخر لتنبى لها عشا آمنا وقد فعلت.. الاّ إن الشوق مازال يطفو اسنفج امنية.. ان ينسل من الزحام ويلوح لها بمنديل كانت قد طرزته ليلة عرسها.. و,,,, ياطير ياطير, ياسيرة الحزن القديم!!
Post: #37 Title: Re: إسماعيل بلا منديل ( نص ) Author: Emad Abdulla Date: 10-31-2009, 06:33 PM Parent: #27
إشراقة .. صاحبتك هذي .. علميها الإنحناء .
...... الوصية : حاذري الصقيع .
Post: #41 Title: Re: إسماعيل بلا منديل ( نص ) Author: Ishraga Mustafa Date: 11-01-2009, 11:12 AM Parent: #37
Post: #36 Title: Re: إسماعيل بلا منديل ( نص ) Author: Emad Abdulla Date: 10-31-2009, 06:30 PM Parent: #26
ينصر دينك إنت ده يا عبدالله .. و يسعد مساك .
...... يديك العافية
Post: #35 Title: Re: إسماعيل بلا منديل ( نص ) Author: Emad Abdulla Date: 10-31-2009, 06:29 PM Parent: #25
هواري يا أخانا .. يديك العافية يا جميل .
Post: #28 Title: Re: إسماعيل بلا منديل ( نص ) Author: Mahmoud Mustafa Mahmoud Date: 10-31-2009, 01:21 PM Parent: #17
Quote: في الليلُ يا اسماعيل : حانة . تدلفها في آخر رمقٍ من فجر البهجاتِ .. تمامٌ ما بين الخيط الأبيض و الأسودْ . تدلفُ من باب العطشانِ – فلا بابٌ للريان - دلَفَتْ منك إلى الرواد شرارة .. تدلفْ . دلفت منك السحنة ذاك النقش الأيوبي لخلف رواب الباب .. و النبضُ دَلَفْْ ..
ياخوي يدلف ميتين حنانك زاتو كان داير تدلف ميتيننا..
دلفين يعضيك في شنبك..شحدت ربي عليك..
عليكم النبي شوفوا الزول المجنون دا..
إنت لكن يا عماد فاضي لي من (التدليف) عشان تنتبه إلى كون في حرف جر؟؟
قال في الليلُ قال.. نحبك يا عماد عبد الله بي عثراتك..وتعال طوااااااالي ..عايزنك هكذا.. معنيين نحن بتوهجك وعطائك.. كالحصاد الوفير تعال.. حصاد فيه كل شيء ...الثمر والثعابين والداء والدواء..
Post: #31 Title: Re: إسماعيل بلا منديل ( نص ) Author: محمد عثمان Date: 10-31-2009, 05:44 PM Parent: #28
Quote: تركته بلا منديلٍ يتناسب و التلويح . و قطارٌ يا اسماعيل مضى .. خَلّفَ خط ّ حديدٍ أسفلهُ .. و الأعلى : خيط دخانْ .
زول مجنون و داير تجننا معاك..
Post: #39 Title: Re: إسماعيل بلا منديل ( نص ) Author: Emad Abdulla Date: 10-31-2009, 06:49 PM Parent: #31
قال شنو سيدي ابو داوود ؟ ( أنزل على قلبي سلام /// أبرد حشاي و اطفي اللهيب )
..... كيفنك يا صاحب
Post: #38 Title: Re: إسماعيل بلا منديل ( نص ) Author: Emad Abdulla Date: 10-31-2009, 06:46 PM Parent: #28
يا محمود .. العربية لغتي الثانية .. و لا اعرف من النوبية الأولى شيئا .. فأنا مسخٌ في اللسان و الحال كذلك . أكتب ما أكتب بقياس الحاسة السمعية و أضان الروح .. ظبطت ظبطت ..ما ظبطت ما فارقة . و هذا النص الغبي مسحته مليون و عدلته مليون .. كتبته أولاً هكذا : الليلُ حانة . عدت بعد ساعات و رأيت ان يكون : ( في الليلِ حانة ) . فأضفتُ ( في ) دون اقترابٍ من حانة الليل .. و مضيت . عدت بعد مليون سنة لأراه : في الليل يا اسماعيل حانة .. رميت اسماعيل خلف الليل المرفوع و و الحانات .. و مشيت . و كنت أخاطب اسماعيل الأعجمي صاحبي الأبكم .. مُلقى بالجر في حانة الليل المرفوع بعمد المحزنة . و هكذا بقي الليل مرفوعاً مثلما كتبته أول مرة .. مرفوع للقوة مليون من الرهق .
يسعد مساك يا محمود .. و حالف ما اعدلها تاني .. و ليضرس سيبويه الحصرم . في الليلُ في الليلُ . محبتي .
Post: #32 Title: Re: إسماعيل بلا منديل ( نص ) Author: Adil Osman Date: 10-31-2009, 05:46 PM Parent: #1
عماد يا صاحب الربابة
Post: #40 Title: Re: إسماعيل بلا منديل ( نص ) Author: Emad Abdulla Date: 10-31-2009, 07:00 PM Parent: #32
عادل عصمان .. لإنْ قال اسماعيل صاحب الربابة : ( صب مطر الصعيد وطلق علينا بردو ) . فإن اسماعيلي يصرخ : وووووووووووو نوررر**
...... ** نداءٌ بالنوبية صرّاخٌ إلى الله بالغوث .. يقطع نياط القلب .
Post: #42 Title: Re: إسماعيل بلا منديل ( نص ) Author: بله محمد الفاضل Date: 11-01-2009, 07:50 PM Parent: #40
يبترك هذا النص بالأحزان التي تطعنك بحروفها المنتصبة في أرجائه.. نص متماسك يدلف بك إلى دلالات شتى تنصب كلها في كأس واحدة بيد إسماعيل فنتجرعها معه حتى الثمالة.. لتحسبنا هو والأمر كذلك في دلالةٍ ما وبأخرى رثاء أو مداراة أو...
أرضى بقولي هذا فلربما لاحقاً بعد ترويض للشفرة المبثوثة منذ العتبة ألقى المدخل الملائم للولوج أكثر في عمق ما أعدت قراءته مرات ومرات..
كل هذا في ظل تقنية محببة تزاوج بين الإيغال في الفصيح ودس العادي دونما ملمح شقة..
سلمت عماد
Post: #43 Title: Re: إسماعيل بلا منديل ( نص ) Author: ابو جهينة Date: 11-01-2009, 08:01 PM Parent: #42
أمدد كفكَ .. سلِم . لا معتضداً شيئا لا مُرتفِقا .. لا مختلفاً .. لا متسقا .. .. سَلّمْ .
سلام عليك
Post: #44 Title: Re: إسماعيل بلا منديل ( نص ) Author: ثروت همت Date: 11-01-2009, 08:02 PM Parent: #42
**
Post: #45 Title: Re: إسماعيل بلا منديل ( نص ) Author: عمر عشاري Date: 11-02-2009, 06:53 AM Parent: #44
Quote: مقلاع الليلُ ينوشك يا اسماعيل . بفارع طول البال ينوشكَ يا اسماعيلَ و يرمي : سبعُ زفائرَ / سبعُ شهائقَ / سبعُ موانعَ / سبعُ ذرائعَ .. و سبعٌ كنت تُسبّل عين الضحك العالي .. تكْسِرُ مِحْجَر قرص الشمسِ .. و تُعْمِل فأسك حصداً في خشخاش التيه . و يا اسماعيل تزالُ تدندنُ ذات المدح النبوي الحارس .. حتى ليجزُّ لهاتك عطشٌ صديءٌ يا اسماعيل .. يخِزُّك مرواد الآآآهِ بكحل الوجعةِ .. ذاكَ و تطلع من وردتك الأحزان جليلة . فلا حينك تُعشِبُ عيناك , و لا خيلك ترمحُ في حمحمة الياقوت الأزرق .. صهلاً صفّا.. نزفاً نزفا .
زول عجيب بس
Post: #47 Title: Re: إسماعيل بلا منديل ( نص ) Author: Emad Abdulla Date: 11-25-2009, 10:41 AM Parent: #42
صاحبي يا بله ..
قالوا الشتاء جاء .. كشفٌ متأخر هذا .. ألا تري ؟ يعلم الله أني خاويٍ خاو .. و بردان .
..... الشتا كعب يا بله .. مُسِم .
Post: #50 Title: Re: إسماعيل بلا منديل ( نص ) Author: بله محمد الفاضل Date: 12-12-2009, 08:24 PM Parent: #47
أنه أوانُ الحُزن يا صاحب
يُدخلُني هذا الوقت من كل عام بدوامةِ حُزنٍ شاهِقٍ يبتزني أدمعي وملامحي الطلقة حتى يسلمني لابتداءِ عامٍ جديد.. ولما كُنتُ لا أعرف على وجه الدقة -ولا اهتم بذلك والحمد لله- تاريخ مولدي ظننته الأثر الطبيعي (جازم كدا وملزم) الذي يجئ لكل امرئ عندما يعبر بيوم مولده.. حتى لكأن الاحتفال بميلاد أحد إنما هي حيلة للتملص من وطأة هذا الحزن الضارب بأطنابه عميقاً في النفوس إذ ذاك الأوان.. ولعل ذلك اقترن بما يتسرب من أعوام أو هو امتعاض من الوجود على ظهر كون أخرق الخطى والقسمات....الخ
ودحضت ظني الفائت بأني على عشقي الحذر للحواف (ينعل ميتيشك ظاتو يا بت سند وميتيش الحواف) أمقت حافة العام وهو يخلع أخر ابتسامةٍ ماكِرةٍ ويمضي إلى الوراء تاركاً الحيز لعام جديد... وتساءلت ترى ما سر هذا الحزن الشامخ والحياة ذاتها ماضية على وتيرتها معي طعنة هنا وموت هناك ...!!!
وهتفتُ أُسري على نفسي المأسورة بين كلابتي الحزن بأنه الشتاء أو كما قال صاحبي رضوان الله عليه إنه اعتلال البدن وارتجافاته وتيبسه وانكماشه إنها الرطوبة التي تلسعه وتقذف المسكنات بوجهي لعله كذلك لكنما في المجمل أيامٌ شرسةٌ نتعاطاها برهبةٍ شاسعةٍ تبلغ حد (التناحة)
وتنح
Post: #46 Title: Re: إسماعيل بلا منديل ( نص ) Author: Emad Abdulla Date: 11-24-2009, 07:48 AM Parent: #1
Post: #48 Title: Re: إسماعيل بلا منديل ( نص ) Author: nadus2000 Date: 11-25-2009, 01:17 PM Parent: #46
ونحن يا عمدة قد أشارت بوصلتنا الى اللامكان، وعادت تبحث عن هداي... وحليل الكان هداااي
Post: #49 Title: Re: إسماعيل بلا منديل ( نص ) Author: Emad Abdulla Date: 12-03-2009, 07:55 AM Parent: #1
Post: #51 Title: Re: إسماعيل بلا منديل ( نص ) Author: خضر حسين خليل Date: 12-12-2009, 09:13 PM Parent: #49
ـــــ (سكت نضم غناي وراك)
شكراً عماد
Post: #52 Title: Re: إسماعيل بلا منديل ( نص ) Author: Osman Musa Date: 12-20-2009, 03:50 PM Parent: #51
سماعين يتمدد .
Post: #53 Title: Re: إسماعيل بلا منديل ( نص ) Author: المسافر Date: 12-23-2009, 11:05 AM Parent: #52
تجديد القديم والمنديل القديم
وعشان في ناس ما بتحب تنهم على الناس
ولكنها تحب الترنم بالنغمات القديمة
مثل منديلي ضاع مني
لذلك أشارك بهذه الكلمات على أمل أن يشارك الملحنين بتلحينها
وخاصة إت أغنية المنديل تعتبر من التراث الذي يحق للجميع تناوله
وفي هذا بناء على التراث
منديلي ضاع مني
منديلي ضاع منــي منديلي ضـاع منـي الشالو غير إذني ما يشيل خلافــه منديل حرير أصلي أحمر لهيب يصلي هدية الوصل الغالي يرخص لي ما بريد خلافــه حار دليلو حــار وين راح مني ودار لو شالو غريب محتار وغادر أخلى الـدار ما يشيل خلافــه في أطرافو الأربعة مرسومة الورود نابعــة أفراحي وراه تابعة جيبوها لي راجعة ما حد خلافــه منديل الحرير مو قز هدية عزيز وأعز ديباج دمسق وخز من فارقني دمعي ينز ما كان خلافـه اتبادلناه ســــوا ولمانا جمعنا الهوى فيه كم معنى انطوي الشالو لو كان نوى ما يشيل خلافــــه منـديلي ما تقلـيد ولا صنعة زمانها جديد مشغول وحرفة أيد الشالو وراح بعيد ما يشيل خلافــــه الشالو كان حريف يطرأ الشبر الما نضيـف ويسأل نفسو كيف اقيف من هذه العادة أقيف وما يشيل خلافـــــه يااهــل الله بيــهو همو وفي مكه اتلمــــوا بسم الله العظيم سمو ابدو العدد تمو ما يشيل خلافــــه صلـيت علي الرسـول عـدد ما في الكون محصـول الشــالو من غير أصول يردو قبل القول وما يشيل خلافـــه
Post: #54 Title: Re: إسماعيل بلا منديل ( نص ) Author: المسافر Date: 12-23-2009, 11:12 AM Parent: #53
لأغراض المقارنة أضع الكلمات أعلى، وثم تحتها الأغنية الأصلية
منديلي ضاع منــي منديلي ضـاع منـي الشالو غير إذني ما يشيل خلافــه
منديل حرير أصلي أحمر لهيب يصلي هديــة الوصــل الغالي يرخــص لي ما بريد خلافــه
حار دليلو حــار وين راح مني ودار لو شالو غريب محتار وغادر أخلى الـدار ما يشيل خلافــه
في أطرافو الأربعة مرسومة الورود نابعــة أفراحي وراه تابعة جيبوها لي راجعة ما حد خلافــه
منديل الحرير مو قز هدية عزيز وأعز ديباج دمسق وخز من فارقني دمعي ينز ما كان خلافـه
اتبادلناه ســــوا ولمانا جمعنا الهوى فيه كم معنى انطوي الشالو لو كان نوى ما يشيل خلافــــه
منـديلي ما تقلـيد ولا صنعة زمانها جديد مشغول وحرفة أيد الشالو وراح بعيد ما يشيل خلافــــه
الشالو كان حريف يطرأ الشبر الما نضيـف ويسأل نفسو كيف اقيف من هذه العادة أقيف وما يشيل خلافـــــه
يااهــل الله بيــهو همو وفي مكه اتلمــــوا بسم الله العظيم سمو ابدو العدد تمو ما يشيل خلافــــه
صلـيت علي الرسـول عـدد ما في الكون محصـول الشــالو من غير أصول يردو قبــل القـــول وما يشيل خلافـــه
أدناه الأغنية الأصلية التي لم يترك فيها الشاعر فقير وإلا نده بإسمه
Quote: منديلي ضاع منــي منديلي ضـــاع منــي الشالو ما يتنــــي ما يشيل خلافــه يا ابو فــركة ابوي واليه في حمو اللهيب اصليه مايشيل خلافــه ياودحســـونـه الحــار يا صــاحب الدردار حيبــر ديـري في البــدار اخلوه من الـــدار ما يشيل خلافــه ودريا الرابعــة يا اب فيضـــــا نابعــة ســــل روحه تابعــه يشيلـــوه الأربعة ما يشيل خلافــه يارجال اب حـراز مافيكـــم انفــــــراز هيا اطلعــــوا البــــراز خلوه يمشـي راز ما يشيل خلافــــه يالعركيــين ســــوا بلوه شـــيلو الــدوا يشــرب من غـير روا طـيرو بيهو في الهوا ما يشيل خلافــــه ود عيســي الفي المسيـد زروق المـاك سيــد منـــديلي ما تقلــيد الشاله يشـــيل الايــد ما يشيل خلافــــه حامد اب عصــاة سيــف هيا للمنديل اقيـــف الشاله يصــبح ضيـف في الشـبر الما نضيــف ما يشيل خلافـــــه ياراجــل ام مرحـــي قول للـرخا افرحــي ماتسـهي وتســــرحـي الشاله يمحـــــي مايشيل خلافـــه يا الشـيخ ود ام مريوم خليـه اليعـيش مسقـــوم مــــنديلي ما مسيــوم يبقـي له أخر يـــوم ما يشيل خلافـــه يابرير والنقـر الشــاله لي ما قــــــــر يضــوق سم الدقـر ابوه يكـون عقــــــر ما يشيل خلافــــه دي هـديه جات تهـوش فينا وتســوي البــوش الشـاله راسـه يدوش والبومــه تحـرس الحوش ما يشيل خلافــــه يااهــل الله بيــهو همو ومن مكه اتلمــــوا القشـــه بيـــــه فمـه تحـرق حشا أمه ما يشيل خلافــــه صلـيت علي الرسـول عـدد ما في الكون محصـول الشــالو من غير أصول من البشر مفصـــــول ما يشيل خلافـــه
