داير أبقى غنيان ... ممكن نصايح من " المختسين " ؟؟

Post: #1
Title: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-12-2008, 09:16 PM
Parent: #0

طلعت في راسي فجأة ..
ما فجاة ولا حاجة .. من زمان دايرا ..
زهجت من السيد الفقر يا مسلمين ..
روحو طويلة و لايووق و لاصق .. الله لا كسبو ..
داير أبقى زول مليان قروش لغاية هنا ( إشارة للجبهة – جبهة راسي .. مش الجبهة التانية ديك - ) ..!!
ياخي و أدلع نفسي دي شوية ..
أعمل حاجات غريبة كده نفسي فيها .. ( أسرار ) .
و أبقى سمين و مدردم و أملس و .. مرطّب ياخ .
جربت الفقر .. أو جربني هو إبن الكلب ..
فما في زول سماوي كده يجي ناطي لي بالكلام البايخ داك بتاع المسغفاتية و النبلاء و الحالمين و اليوتيبيين والما عارف شنو ديلك ..
( واحد حلفاوي مسنسن لطططط .. دخل البيت من قعدة فجراوية ماهلة .. ختّ راسو يادابو و ابتدا يتدروخ و يعسل قام الأذان أذن في الجامع الجنبهم .. و المكرفون قد أضانو بالصوت العالي .. إتقلب و غطى راسو بالمخدة و عمل أي حاجة تساعد , مافي فايدة . لما المؤذن قال : الصلاة خير من النوم , عمك قال ليهو : مين قاللك ؟؟ أحنا الإتنين جربنا ) ..
انا جربت الفقر .. وراثة عن جد جد جد جد جد جدي الكبير ..
لايدي لا كراعي لقيت نفسي داخلٌ في زمرة الذين بهم خصاصة ..
أعمل شنو معاهو يعني ؟؟
أبقى غنيان شديد كيف ؟
ناس الإختصاص يفيدونا بالله .. و ليكم الثواب ( بعد ما أتندل بلقب مليارديررر ) ..
الناس البيكتبو هنا ديل ما داير رايهم ..
أي زول في سودانيزأونلاين ما داير شورتو .. كلكم فقر في فقر و حالتكم شلش .
يفيدونا الناس البره و بيقروا ..
ناس " عزيزي القاريء " و بس ..
و حتى ناس عزيزي ديل ما داير مع الزينا كده .. داير مع الغنادلة ( هو في زول مغندل بيقرا كان ما ساكت ؟؟ ) .
المناضلين و أصحاب القضايا الكبيرة و الشعراء و الأدباء و الفنانين يمتنعون بالله ..
فكوني من نققكم الفقرية القديمة دي .. الله يرضى عليكم .

أنا جاد شديد .. و رسمي .
و طالب نصيحة لوجه الله تعالى تدخلني العالم المخملي البنقرا عنو ده ..
يدكم معانا بالله .

.....
ده التعديل : لو سمحتو بالله .. داير غني دي بالدولار ..
لو تعثر .. فاليورو ما بطال .
شكراً .

Post: #2
Title: Re: داير أبقى غنيان ... ممكن نصايح من " المختسين " ؟؟
Author: Soumeta
Date: 02-12-2008, 09:33 PM
Parent: #1

عماد،،

إزيك ساي،،

سلام فُقراء،،

انا شكلي ح انتظر معاك النصايح،،

عشان بعد تمنية و تمنين سنة كدي القريت قريت قريت ...قراندشفع
ما يشيلو حسي،،

Post: #7
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-12-2008, 10:00 PM
Parent: #2

إنتي يا عزة الدخّلك هنا شنو ؟؟
( حبوبة قالت : سلام بلاغرض .. حباب بلا مرض ) ..
أقعدي ..
و لا كلمة لغاية يفتونا المواطنين الكبار كبار ..
يمكن تمرقي ليك بفايدة ( ما تنسي نص الستة .. لاحقاً ) .
بيني و بينك , أنا قررت أشيل حس جدودي الورا ديك كلهم ..
فترتَ من الدس ياخ ..
هرونا هري بفقرهم المستدام .. الله يسامحهم .

إنتي يا سوميتا ..
ناس سلمى الشيخ ديل ما عندهم حاجة كويسة كده في " الرديف " و للا إن شا الله " البان جديد " ؟
و للا عقابكم ورا زي حقنا كده ..
نضمي ساكت و عوارة فقرانين ؟

أقعدي .. أقعدي .

Post: #3
Title: Re: داير أبقى غنيان ... ممكن نصايح من " المختسين " ؟؟
Author: اسعد الريفى
Date: 02-12-2008, 09:34 PM
Parent: #1

"عزيزى" الكاتب عماد عبدالله
تحية طيبة
و مساك الله بالخير
أختنا لولو الحبشية الله يطراها بالعافية كان شغالة مع ود عمنا سنين و فى يوم من الايام شافها واحد لبنانى شغال مدير شركة .. و الراجل اتكسر و اتجنن .. و حلف براس امو انو لازم يعرسها ..
لولو جماله كان من النوع البكون فى (الروح) .. قالت لعمنا اللبنانى (إلا تطلق مرتك عشان اعرف انك فعلا جادى ..) الراجل طلق ام اولادهو و عرس لولو ..
و انتقلت لولو للفيلا الدوبلكس و أصبحت مدام نبيل ..
يوم لولو جات لمرت ود عمنا و قالت ليها تمشى السوق معاى .. و فعلا مشت معاها و فى السوق الما خمج و اشترت ليها شنطة و لا مؤاخذة ..و حذاء بتلاتة الف ريال (الف دولار).. مرت ود عمنا ..قالت ليها يا لولو انتى جنيتى ده شنو ..
لولو يا عماد عاينت ليها و قالت ليها .. عمرى كلو بدلع الناس و بخدمهم ,, خلاص انا عاوزها أدلع لولو !!

فالمسعلة ما نصيحة .. و بس
الحكاية أكبر من كده
بعدين ياخى الفقر دا .. بكون ملصق فى الجلد ..غالبا!!
و من مميزاته الغير منظورة .. إنو بيخليك (شفاف )..
و على رأيك ينعل أبو الشفافية ذاتها .. قزازة نحنا !!

Post: #4
Title: Re: داير أبقى غنيان ... ممكن نصايح من " المختسين " ؟؟
Author: محمد المرتضى حامد
Date: 02-12-2008, 09:43 PM
Parent: #3

يا عمده ، أسمعا مني ، من سيرتك الذاتية أنت غير مؤهل للثراء الفاحش.

Post: #16
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-12-2008, 10:51 PM
Parent: #4

Quote: أنت غير مؤهل للثراء الفاحش
مرتضى بالله العندو كلمة طيبة يقولا ..
ما عندك , ما تعمل لينا نفسيات !!!!
شنو الما مؤهل و الكلام الما بيودي و لا يجيب ده ؟!
و الله مؤهل جِنِس تِإهِل ..
بس الحكاية دايرة شوية مباصرة كده و نضافة ..
و خلاس !! ..

مرتضى بالله أطلع لينا بره ..
لا بتجدع .. لا بتجيب الحجار .

Post: #6
Title: Re: داير أبقى غنيان ... ممكن نصايح من " المختسين " ؟؟
Author: Ahmed Abdallah
Date: 02-12-2008, 09:58 PM
Parent: #3

قرقرقرقرررررررررر

عمدة انت الليلة ما براك ..
جبتوا من وين النضيف ده !!!

ياخي قاتل الله الفقر ...
أو كما قالوا ...

Post: #18
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-12-2008, 11:07 PM
Parent: #6

أي و الله يا أحمد ..
قاتله الله .. المنعول ده .

و الحكاية ما سببها النضيف يا بوحميد ..
النضيف عند الجماعة ديك .. ياخي بيجيهوهو جيهة !! .. إنّا لله .
أصفر و أحمر و بلمسجي و فاقع و مندي و آخر ذو سكسك و أخرى ابنة قراح .
و التلج يا أحمد .. يجلبغ في امانة الله في الكاسات ام كراع طويلة ديك ..
رهيفة ياخي كاساتهم و عندها فَنسَة كده تشهيك العرس .
و مزة ..
مزة يا أحمد ما جبنة و فول حجات و زيتون تافه ..
مزتهم تختها تعاين ليها و تجغم بس .

وين النصيحة ؟
طيب يا شعوب إستهلاكية ..
ليكم يوم .

Post: #10
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-12-2008, 10:30 PM
Parent: #3

أسعد ياخي في الجينات ؟؟ متأكد ؟؟
ليه ؟ ..
Quote: خلاص انا عاوزها أدلع لولو

ياخي لولو لذيذة ..
لولو دي بس أنا لحام معاها ..
أنا كمان خلاس عاوزاها ندلع عماد .. الله قال حرام ؟
بعدين ياخي الغنادلة ديل عندهم الحاجات السمحة بتاعت الله كلها .. خموها خم ..
نسوان سمحات و منورات كده و نديانات و كويسين خالص .
عربات كيف كيف .. و بيوت عجيبة .. " تاني دور " ..
و طواااالي رافعين القزاز .
و كلامهم ما زينا ..
ما بيمدو القدوم و يكوركو .. و يرشوك بسوائل التلاليش .
مافي كلام زي ده هناك ..
لا لا لا لا .. الكلام هناك برااااحه و بالزوق و التِقِعّد .
و لا في عَرق ولا الحاجات أم ريحة ديك ..
ريحتهم زاتا غير حقتنا دي الله يعلم و يشهد .. ( إنتو ريحتكم كيف ؟ ) .
حاجاتهم كلها كويسة و نضييييفة و صاقطة ياخ .
عندي صاحبي بقى غندولي .. - ماشا الله لسه بيواصلني - ..
قال لي : من بقيت غنيان ما بزور الحمام كتير .. الأكل البيودي الحمام داك فارقتو بي الله واحد .

تجي تقول لي الفقر في الجينات يا أسعد ياخ ؟؟؟
هسه ده ياهو الألله أداك ليهو ؟
.. زول مُحبِط ..!!

غايتو : مساء الخير ( عملاً لله ) .

Post: #5
Title: Re: داير أبقى غنيان ... ممكن نصايح من " المختسين " ؟؟
Author: esam gabralla
Date: 02-12-2008, 09:47 PM
Parent: #1

قول للمغندلين "لو رجال تعالو نزلو اليد دى"

اسمع عندى واحد كان صاحبي قبل ما يبقي مغندل ، اسالو ليك؟

بعدين نصيحة ساكت كده ... العازين يغنو ما بسالو بمشو توووووشك محل القروش و غنييت غنييت غنييت بغنو، انت ما بتعرف محل القروش؟ و لا ما بتعرف بعملوها كيف ...

زى ما قالت الشايقية لى ولدا "وانت الليلتك مالا!!!"

في رواية لا اتذكرها الان قال احدهم وهو يتحدث عن الامساك ـ ايوه بتاع البطن ما بتاع رمضان "الناس يولدون صنفين، صنف يستطيع الخراء و صنف لا يستطيع "
انت الصنف الذى لا يستطيع الغنا....

تعال اترزع جنبي هنا.... غندلة تخم باقي شنبك ده

تحت تحت: لو عرفت طريقة للقصة دى... اجدع لاخوك بالحيطة

كفاية فقر و جرورة...

بجيك تانى امسخا عليك

يا اسعد ... انا متاكد انو في الجينات عديييل كده

ورثونا ليهو مع السكرى والشنا والشلاقة

Post: #20
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-12-2008, 11:31 PM
Parent: #5

يا عصام ..
أقرا كويس .. قلنا ( المختسين ) مش ( المخستكين ) ..!!
Quote: "وانت الليلتك مالا!!!"
يا يابا يخربني خراب الصِح داك المو كِضِب ..
شكيتك علي الله يا عصام ..
هم الجماعة ديل كلهم شغالين بفكرة " الليلتك " ؟؟
طيب الماعندو " الليلة " ياكل نيم يعني ؟؟

.....
إنت يا عصام زول مغرض ..
شفت , و الأصحاب الزيك ديل بعدين ما دايرم ..
أتغابى فيكم العرفة زي الترتيب ..
إنتو الحا تضروني و تكملوا قروشي .. الله لا كسبكم ياخ .
تقعدو تطرطشو في الكلام الكبار داك , تلحسو راس الواحد .. و ظييييييييييييط ..
بالله ؟؟ .. تلقاها في الغافل من هنا و لي قدام ..
Quote: ورثونا ليهو مع السكرى والشنا والشلاقة
ورثتو براك ..
أنا نافضا .. كل حاجاتكم الكعبة دي ..
شوف الأسامي زاتا كيف : السكرى والشنا والشلاقة !!!
الله يقرفكم ..
لا خلقة لا أخلاق .. ولا عافية كمان ؟؟

Post: #8
Title: Re: داير أبقى غنيان ... ممكن نصايح من " المختسين " ؟؟
Author: Yasir Elsharif
Date: 02-12-2008, 10:07 PM
Parent: #1

عماد،

إزيك.. أسمع النكتة دي..

واحد بتاع كارو بي حمار في أول أيام "الإنغاز" وقف فوق راس الكارو في نص السوق ورفع يدينو لي فوق وقال: يا الله ما تتشكأ وتتوزع تاني [يقصد الأرزاق].. واحد قاعد هناك بعيد قال ليهو: والله لو الله شكاها ووزعها تاني إنتا حمارك دا ذاتو ما تلم فيهو..

والنكتة التانية: واحد قال لزول.. ياخي الله ما شق حنكا ضيَّعو.. الزول قال ليهو: طلَّق سنة ستة ضيَّعو"..

قول يا لطيف.. وشكرا على البوست الخفيف

Post: #14
Title: Re: داير أبقى غنيان ... ممكن نصايح من " المختسين " ؟؟
Author: Osman Musa
Date: 02-12-2008, 10:43 PM
Parent: #8

يا عماد
الملاكم مايك تايسون
عاش فقر بصح بصح فقر لى الركب
نوع الفقر البخلى الزول يختف ويجرى
وهو يا عماد جرى نصاح ؟
.. المهم
صاحبك مايك تايسون اخد فى اول نزال
10 مليون دولار .
وفى التلفزيون قال وهو يضحك اها نرتاح
من السكن المدعوم من الحكومة ..
وبعد سنه كان ساكن فى بيت من 12 غرفه
وحوض سباحه وملعب تنس وجم وشغلات عجيبه
...
تحياتى

Post: #49
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-13-2008, 11:28 AM
Parent: #14

Quote: صاحبك مايك تايسون اخد فى اول نزال 10 مليون دولار .
نزال بتاع مين يا عصمان ؟!!
شفت عشان عوارتو دي و شناتو و مخو الكعب أهو الفلة راحت و بقى أباطو و النجم .
يعني إلا بي شغل الرجالة و الدق حتن الزول يبقى غنيان يعني وللا كيف ؟

الناس الصعاليك الفقرانين الجو كبو فتاويهم هنا ديل قالو أفكار أحسن ياخ ..
دكين و عصام و أبوساندرا و الملل المبوظاتية دي .
مع إنو النظامات بتاعتم دي ما عندو ليها مؤهلات الزول أب فارات ده .

بالله يا عصمان ياخ خليك جادي شوية ..
و النماذج بتاعت الكسِر و الكِفيت دي زح لينا منها ..
قروش هي ولا موت ؟

Post: #21
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-13-2008, 00:35 AM
Parent: #8

Quote: والله لو الله شكاها ووزعها تاني إنتا حمارك دا ذاتو ما تلم فيهو..
ياخي زولك فنجري و عندو كرامة يعلم الله .

هو زاتو في نص السوق ليه ؟
كان ياخد ليهو ساتر ..
و يكتم .. يا فلتت طارت .. يا كمان جابها ضقلها يكركب .

حلو مرورك يا ياسر ..
المرة الجاية تعال داخل و ( نصيحتك ) في يدك ..
عايزين نغنى سريع سريع يا ياسر ياخ ..
.. و كده .

Post: #9
Title: Re: داير أبقى غنيان ... ممكن نصايح من " المختسين " ؟؟
Author: Raja
Date: 02-12-2008, 10:18 PM
Parent: #1

عماد العزيز سلامات..

لما تعرف بالله قول لينا عشان نستفيد ونبقى اغنياء زيك ..

* أنا غايتو ما دايرة قروش كتيرة.. بس البيكفيني وبيت 3 طوابق وعربية بي أم وأسهم في شركات ربحانة و3 أو 4 قولدن فيزا
ده كتير؟

Post: #12
Title: Re: داير أبقى غنيان ... ممكن نصايح من " المختسين " ؟؟
Author: محمد سنى دفع الله
Date: 02-12-2008, 10:39 PM
Parent: #9

الزول ده قال
عايزنصايح
ادوه نصايح
نصايح الديك
الديك النصيحة
النصيحة اخت الشديده
الشديده بت القوية
القوية هي الجابت ليك
الأحلام دي !
مالو ما تبقى غنيان
فيها شنو ؟
لاحاسدين لابغرانين
يمين تبقى اغنى من بيل غيتس زاتو
بفكر ليك وبديك النصيحة
النصيحة اخت الشديدة
الشديدة بت القوية الخ

Post: #56
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-13-2008, 02:14 PM

قوية شنو إنت كمان ؟؟
شفت عشان اللداحة دي أصلو ما ح أحن عليك ..
عامل جضومك ديل .
إنت يا السني حاقد من أيام طفولتك أم كتاحة ديك ؟؟
و مساككة العربات .. تكورك فيها : عربيتي عربيتي .. !!
مافي عربيتي ولا أي عوارات بعد أبقى غنيان ..
شفت , و أحقادك الطبقية دي أنا بداويها ليك , و الله لمن تعرف حاجة ..
و ح أحقر بي نوعكم ده واحد واحد ..
حقارة عديل كده .. و بي حقي .. أها ؟!!

خليك قاعد مصاقر لي أحلامي كده إنت ..
و خلي المسرح ينفعك ..
شفت أبقى غنيان , و الله يا سني أشتري ليك بقروشي الكتيرات ديل تذاكر مسرحيتك كلها ..
و أشرطها أجدعا في البحر ..
ولا ككو ما تلقاهو يصفق ليك ..
أو أأجر ناس يقيفو في القيفة بتاعت البحر و أشتري ليهم ستة لوري دُرّاب .. يفلعو راسك الكبير ده و يردموكم لمن تأآآآمنو ... فن بتاع حنانكم ؟!!
Quote: النصيحة اخت الشديده
الشديده بت القوية
القوية هي الجابت ليك
الأحلام دي !
بالله شوف الزول ده !!!
ياخ ليه بس ؟؟
يا هو ده حال الفقارا .. حقد ياخ ..
حقد .

Post: #13
Title: Re: داير أبقى غنيان ... ممكن نصايح من " المختسين " ؟؟
Author: amir jabir
Date: 02-12-2008, 10:40 PM
Parent: #9

Quote: .. بس البيكفيني وبيت 3 طوابق وعربية بي أم وأسهم في شركات ربحانة و3 أو 4 قولدن فيزا

Quote: 4 قولدن فيزا
دى بتتعمل كيف يعنى معنى 4 قولدن فيزا شنوا؟؟

شفتى الفقر كيف هنا وقلة الحيله والشلهتا ورقاد الواطة

مساء الخير رجاء

Post: #17
Title: Re: داير أبقى غنيان ... ممكن نصايح من " المختسين " ؟؟
Author: Raja
Date: 02-12-2008, 11:03 PM
Parent: #13

عامر سلامات..

الـ 3 أو 4 قولدن فيزا ديل بيكون في رصيد قدر اللحاف مغطيهم ..
في الفيزا بتاعتنا العادية الواحد بيحسب مليون مرة قبل ما يستعملها لما يتذكر الخصومات واللذي منه..

يعني بالعربي كده يكون عندك كارت تسحب قروش وقت ما عايز وقدر ما عايز ولا تقيف ثانية للحساب والشلهته ..

سلامي للبنية وامها..

Post: #15
Title: Re: داير أبقى غنيان ... ممكن نصايح من " المختسين " ؟؟
Author: Amira Elsheikh
Date: 02-12-2008, 10:48 PM
Parent: #9

يعنى يا عماد صايم الاسابيع الفاتت دى كلها..

وعامل قصص عن الليل وما ادراك ما الليل ...

الليل سلبة.. الليل حبل.. والليل شنو كدا ماعارفة ..

تاريك بتعمل فى دراسات مقارنة....

يعنى دا الوصلت ليهو ؟؟

اوعك تجى هنا تانى وتزازى بينا فى انصاص الليالى...

---------------------------------

عماد درجة حرارتك كم؟؟؟

عشان نعرف البوست دا اتكتب فى ياتو ظروف..

Post: #58
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-13-2008, 02:29 PM
Parent: #15

أميرة صاحبتنا ..

ليل شنو ؟
هو لما أبقى غنيان مالي و مال الليل تاني و النجوم و شغل التليش داك ؟؟!!
راقد في أمانة الله .. تصنقع تلقى ثريا كده مدلدلة فوق راسك .. و سقف منور بالجنبة كده حاجة عجيبة . تتلفت تلقى زولة نايمة جنبك ياخ زي فلقة القمر ..
قدوم بمبي و جفون لازورد و جضيمات زهري فااااااتح ياخ و نخرة زي النبقة ( بعد أغنى ح أقول : زي حبة البندق ) و بتلمع .. و طيبة ياخ .. شكلها زاتو بيوريك إنها زولة طيبة و ......... أأأح ياخي .
طوالي تبقى زول كويس جدا ..
تشغل العربية و إنت في داك يا السرير الما خمج ..
و " البت " تجيب ليك البريكفاست في مسماك .. مكنكش تحت الدثار و الدمقس و و الإستبرق و الحاجات ..
و تتمغى ..
تتمغى ياخ .

بلا فقر معاكم .

Post: #54
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-13-2008, 01:51 PM
Parent: #9

رجاء ..

البيزا دي ما كويسة ..
ما داير بيزا أنا , بنك زاتو ما حبابو ..
قروشي و عندي .. أكنترا ليك في حتة غميسة و استكين ..
شفتي .. اليوم داك مشيت جنب البحر لقيت الفلل الرئاسية ديك و جنبها هوا كده و نجيلة ..
ياخي اتكيفت كيف ..
كمان في ناس زيكم كده حايمين ياكلو فول و ترمس , و يحبو سااااكت ..
طوالي ح أخش لي في واحدة من الفلل ديك .. بتكون بي كم ؟
إنتو تعالوا حبو جنب فيللتي , ما بفك ليكم الكلاب ..
أعملوا قعدات المسغفاتية بتاعتكم ديك جنب البحر ..
إتكلموا في الحاجات كلها بتاعت التغيير و الإستنارة و المكنات الوهمية ديك , و أسمعوا مزيكا لامن الله يغفر ليكم ..
و خلو الباعوض يديكم بالتجهجه حنانكم زاتو .
ح أرسل ليكم " الولد " بالحاجات الباردة و السندوتشات ..
و دي من كرامات الغنايا .. طِيبة مننا كده , و كرامة و سلامة .
....
البيزا القولدن ما كويسة .. بتمحّق القروش .
أنا مالي ..
هو زاتو كويس معانا تمحقيها .. و أقعد أنا براي الغنيان ..
آخر ما آخر تبقى عليك حكاية سلفة و حركات التعابة ديك !!!
ماااااااااااا بتنجح معاي .

إتخارجي بالله يا رجاء ..
الله يدينا و يديك .

Post: #11
Title: Re: داير أبقى غنيان ... ممكن نصايح من " المختسين " ؟؟
Author: kamal ali
Date: 02-12-2008, 10:38 PM
Parent: #1

ياعماد اسمع دى :

واحد اخونا غنيان ( لليفه ) وسبب غناه كما حكى , نصيحه من أحد ( المختسين ) أو قل

العارفين , قال له:

أبعد عن ثلاثه ,

1ـ النســــــــــوان

2ـ وجلســـة الكونكان

3ـ والسكنى فى الديم أو حوارى أم درمان

وعليك بثلاثه ,

1ـ التزلف للحكام

2ـ المشى وراء اللئام

3ـ لاتكون مع ضميرك ابدا فى وئام

ياصديقى لاتحلم ابدا بالغنى , انا, انت وهو سنظل ابدا فى خصام ,,,

Post: #63
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-13-2008, 07:58 PM
Parent: #11

Quote: لاتحلم ابدا بالغنى
طيب ..
غايتو لو ما كنت راجل أخونا و كده .. و الله كنت إتصرفت معاك غلط يا كمال .
و ده ياهو نوع الكلام زاتو البيخلي الزول يتخارج من الفقرانين الزيك ديل .
كلامكم كلو : قسمتنا كده , و القناعة كنز ما عارف كيف كيف .. و في العجلة الندامة .. و الكلام على الأخلاق ..
بريتونا .

أقول ليك كلام نهائي يا كمال :
الفقرا ديل ما عندهم حرورية قلب ..
شوف الفقر حاقرهم كيف .. و قاعدين معاهو زي اللوز !!!
و شينين .. الفقر بيجيب الشنا ( من أعمالكم سُلّط عليكم ) ..
شوف أولاد الراحات ديل كيف !! صلاة النبي عليهم ياخ ..
يجو يعزلو بناتنا الشينات .. لكن تكون الواحدة فيها حاجة : أوريجينال ( دي لغة راحات ما بتعرفا إنت ) .. بس على حس أوريجينال دي يعرسوها ليك طوالي تبقى نضييييفة .. و سمحة , و تفرهد ياخ .
البلد دي يا قول واحد ح يجي عليها زمن : الفقر و الشنا في جهة .. و ناس نحنا و السماحة في جهة .

أول ما يجي زول زينا كده يفرنب تنطو ليهو في حلقو و تكسرو مقاديفو .. !!!
ليه كده ياخ ؟
أفرض هسه قلت كلامك ده و باب السما فاتح !!
مش ضرر لي كلامك ده لو قام إستجابو ليهو ؟؟
كده كويس منك ؟؟
فقرا حاقدين .. تحسدو القرد على ..................

Post: #19
Title: Re: داير أبقى غنيان ... ممكن نصايح من " المختسين " ؟؟
Author: Adil Osman
Date: 02-12-2008, 11:10 PM
Parent: #1

Quote: أبقى غنيان شديد كيف ؟
ناس الإختصاص يفيدونا بالله .. و ليكم الثواب ( بعد ما أتندل بلقب مليارديررر ) ..
الناس البيكتبو هنا ديل ما داير رايهم ..
أي زول في سودانيزأونلاين ما داير شورتو .. كلكم فقر في فقر و حالتكم شلش .
يفيدونا الناس البره و بيقروا ..
ناس " عزيزي القاريء " و بس ..
و حتى ناس عزيزي ديل ما داير مع الزينا كده .. داير مع الغنادلة ( هو في زول مغندل بيقرا كان ما ساكت ؟؟ ) .

خلاس رد على نفسك براك. قبلك وحّدك

Post: #23
Title: Re: داير أبقى غنيان ... ممكن نصايح من " المختسين " ؟؟
Author: سلمى الشيخ سلامة
Date: 02-13-2008, 01:23 AM
Parent: #19

تقسم لكن ؟
نتقاسم
لانه اختك قررت تلعب اللوترى اب ميات مليون
شنو ليك ؟
وما بعيد يضرب
بضرب ابن اللذين امنوا وكفروا زاتهم
كل يوم بقول لعزة دايرة اكسب اللوترى
مافى حل غيرو
ووحاتك اليوم اليضرب بديك خبر نتقاسم
اصلو اختك حالمانه زيك
عايزة اعمل لى مشروع فيهو حاجات زى حاجات الخواجات
مشروع ما (حضارى )
وقطع شك بكون محتاجة لناس يشيلو معاى
ومن هسى ليك خمسين مليون دولار وانعل ابو اللينط
واحدة شحادة فى امريكا دى كسبت اللوترى
شحدت ليها زول فى الشارع يديها دولار
اها قامت كدى كسبت اللوترى انقر كم ؟
تسعين مليون يا معلم
وقالت كدى انعدلت بعد شمت نفسها
وهاك يا اخبار وتلفزيون وما ادراك
ولا لقتو
قلت ليهن يبقى دا نبى الله الخضر
اها اختك راجياهو يجينى كدى قدام كاونتر الدكان ويدينى الدولار السحرى
واقول كدى اكسب
ونقول كدى نسوى مشروعنا الما حضارى
نعمنى دايرة الملم فيهو كل الصعاليك زى حالاتى كدى
والكتاب والشماشة والفنانين المقاطيع
واعمل داك يا المشروع البيجيب الدخل المحترم لكل الفئات المذكورة اعلاه
قلت كيف؟
النص بالنص
ومافى حل تانى وحات ابو ادريس حل تانى ماف
هسى اللوترى حق الايام دى بميه وخسين مليون
وبما انى مواطن كامل الدسم حيدونى ليهو
فكر كويس معاى والنص بالنص يا حبه

Post: #67
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-13-2008, 08:30 PM
Parent: #23

Quote: والكتاب والشماشة والفنانين المقاطيع
شنو ؟
تااااني يا سلمى ؟!!!
الترابة في خشمك كان باريتي الناس ديل .
إنتي ما بتتوبي يا سلمى ياخ ؟؟
تجيبي ناس ( يوماً عبوساً قمطريرا ) زااااتهم ؟؟
يمرقك الله منهم و يكرمك .. تاني تلمي ليهو الكرور ؟؟
الله ده يسوي ليك شنو يعني مثلا بعد ده ؟؟
دق ما بينفع فيك تاني ياخ ..
غايتو .. يواليك بالعافية يا سلمى .

....
شوفي يا سلمى ..
إنتي زولة عزيزة علي ..
لكن كمان الله ما أمر بالتهلكة ..
يا أنا يا الناس ديل ؟؟
وللا كمان تدينا حقنا و تتسهلي !!

كتاب و شماشة و فنانين مقاطيع قال ..!!
تكية هي ؟؟؟!

Post: #65
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-13-2008, 08:16 PM
Parent: #19

الوريف الشفيف الوجيه / عادل عثمان .

كويس الجيت براك يا عادل ..
ياخي بصراحة أنا من زمان قايلك زينا كده ..
قبال صورتك الوجيهة دي أنا قايلك ضعيفوني كده و معولق و طوالي شايل أخلاقك و حايم تسب و تسخت ..
( ما تفهمني غلط , الما بيعرفك يجهلك ) ..
لقيتك ما شا الله زول فاهم و نضيف ياخ لامن عندك نضارات و دقن ..
و الله وشك زاتو يطمن ياخ .. إرتحت ليهو كده بلا سبب سبحان الله .
وش ناس مروقة كده و مطامنة .. الناس الكويسين .

سامحني بالله على حكاية " اللندني الأغبش " الكنت قاديك بيها ديك .
صراحة كلام ما كان مسؤل مني ..
بس انا الزمن داك زول فقران و درويش ساكت ..
و إنت - سيد العارفين - حالة زي ديك بتطلعك من طورك و كده ..

بجيك بالدرب يا عادل ياخ .. إنت زول صاحب نصيحة بتكون و كلامك دهب .
شكرا لحضورك يا وجيه ..
و أنا قبلي وحدي .

Post: #22
Title: Re: داير أبقى غنيان ... ممكن نصايح من " المختسين " ؟؟
Author: mamkouna
Date: 02-13-2008, 01:11 AM
Parent: #1

حبوبتي - الله يرحمها - يا عماد ..
قالت كان عندها قروش ما بتنوم للصباح..
..يا بتفكر تصرفا كيفن..يا خايفاها تنسرق...
أول ما القروش تكمل....تنووووم... للصباح ما تنقلب!

اها يا خوي..
أخير ليك الفَلَس..و لا سهر الجِداد؟!!!

Post: #24
Title: Re: داير أبقى غنيان ... ممكن نصايح من " المختسين " ؟؟
Author: عبدالكريم الامين احمد
Date: 02-13-2008, 01:28 AM
Parent: #22

you kill me maaaaaaaaaaan

Post: #25
Title: Re: داير أبقى غنيان ... ممكن نصايح من " المختسين " ؟؟
Author: Rawia
Date: 02-13-2008, 01:43 AM
Parent: #24

Post: #103
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-17-2008, 06:53 PM
Parent: #24

يو كيل مي ؟؟؟
و كمان فيها ضِحِك بالإمريكي ؟؟
فرحان بدُقشة المفاتيح المعلقة في رقبتك دي ؟؟
إنت بالذات يا كيكي شُفتا بالحتة الجنباوية المكرضمة ديك .. و لفخخخخخخخخ في دقنوسك ده .
هاملة أمريكا و الله .. هاملة .

قال يو كيل مي قال ..
تعال بعدين مدّ قرعتك يا حسن شحاتة .
تضحك يا كبير !!

Post: #69
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-13-2008, 09:12 PM
Parent: #22

Quote: أول ما القروش تكمل....تنووووم... للصباح ما تنقلب
تنقلب ليه ؟؟
المنقلبة ليها شنو و هي فرطاقة ما عندها ؟؟
أخير ليها النوم عشان ما تفكر في إنها عدمانة التكتح .
هو غير الحبوبات ديل شي جايب لينا الجلا مافي .
Quote: الفَلَس .. و لا سهر الجِداد؟
هسه يا ممكونة ده ياهو الراي يعني ؟؟
الجداد بيساهر ياكل و يكاكي .. المكاكا دي بتجيب البيض .
إذن فالجداد يساهر ياكل فيكاكي فيبيض ..
زول منتج و عندو طموح الجداد .
لاكين المفلس بينوم تخدير ساكت ..
الفقر بيخدر الناس ..
هسه في شوارع الديم الناس ماشه ساكت .. على كيفهم ..
مخدرين و متلشين ..
تسمعي صوت فرامل و بعدها دوووو ..
يقوم براحة يتنفض و يقول للسواق ببرود و لسان تقيل : سوق براحة ياخ .. هسه كان كتلتني ؟؟؟
تعرفيهو فقران لأبو جد حبوبتو .

لو الفقرا ديل ما مخدرين , في زول عاقل بيقسم نبقة ؟؟

Post: #26
Title: Re: داير أبقى غنيان ... ممكن نصايح من " المختسين " ؟؟
Author: يوسف الولى
Date: 02-13-2008, 02:13 AM
Parent: #1

Quote: أبقى غنيان شديد كيف ؟

اكتر من كده .... دى يبقى طمع منك ساكت

Post: #27
Title: Re: داير أبقى غنيان ... ممكن نصايح من " المختسين " ؟؟
Author: abubakr salih
Date: 02-13-2008, 03:00 AM
Parent: #26

يا فنان...

يا اخى انتا غنيان، غنيان شديد و مترف

غنيان بحب الناس الكـــتار ديل.. الناس

المتحلقين فى حلقة الفنان، رسوماته و حروفه

لينا بى حالك!

تحياتى و عليك الله اقسم لى حبة

Post: #28
Title: Re: داير أبقى غنيان ... ممكن نصايح من " المختسين " ؟؟
Author: Muna Khugali
Date: 02-13-2008, 04:01 AM
Parent: #27

انضم للحزب الحاكم..

ولا..

اعمل فيها شاطر وقول..

الغني..غني النفس

Post: #29
Title: Re: داير أبقى غنيان ... ممكن نصايح من " المختسين " ؟؟
Author: shammashi
Date: 02-13-2008, 05:43 AM
Parent: #28

Quote: you kill me maaaaaaaaaaan

أها شوف يا عماد شوف ناس كيكي وصلوا أمريكا طوالي قلبوا إنجليزي
إنت تقوم تغنى تعمل لينا فيها دافنشي ظاتو.

Post: #78
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-14-2008, 09:48 AM
Parent: #26

يوسف الولي ..
Quote: اكتر من كده
هي وين الـ ( كده ) دي ؟؟؟
كده بتاع شنو يا يوسف ؟
حركات كتل القلب دي ما معانا يا صاحبي ..
بس لما جات عندي أنا سميتو طمع ؟؟

دايرين نصايح يا جوزيف ياخي ..
نصايح عملية ..
نصاااااااااااااااايح .

Post: #30
Title: Re: داير أبقى غنيان ... ممكن نصايح من " المختسين " ؟؟
Author: تيسير عووضة
Date: 02-13-2008, 05:45 AM
Parent: #1

يا عماد ..

قال عادل إمام {رضي الله عنه}:
الشعب لابد أن يكون فقيراً, الفقراء يدخلون الجنة ..

أها إنت اقعد أحرس لي الجنة دي
أنا خوفي تطلع كيت لا هازا ولا زاكا
وبعدين يا عمدة ياخي الغنى دا توفيق من الله (زي حاجات تانية برضو )
وحتى المغندلين عارفين الكلام دا
عشان كدا قالوا ما تسألوا من المليون الأول جا كيف
أسألونا من باقي الملايين !

فما تشغل بالك بالموضوع دا كتير وأرسم رسمك ..
وخليك زول أصلي (دنقي دامنو)

ـــــــــــــــــــ
غايتو لو مصر ممكن تستعين بكتابي الحقق أعلى مبيعات في حينه بتاع
(كيف تصبح ثرياً في خمسطاشر يوم) ..

Post: #87
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-14-2008, 10:45 PM
Parent: #30

تيسير ..
إنتي أقعدي إتضاحكي لي كده .. و إتمسخري .
شوف يا صديقي .. من الآخر كده أنا قررت إني داير الآتي :
- طيارة خاصة ( لكشيريص سوبرسونيك جيت ) بي حمّام دبل بيد .
- جزيرة في الكاريبي .. بشاطيء رملي ستة كيلو داير ما يدور , و بالم تريز .. و المرجيحة البيعلقوها بين شجرتين ديك و تقوم جوزة هنداياية تقع في عِبّك .
- يخت 112 قدم في 60 في 45 .. مكتوب عليهو باللون السماوي و بالجنبة و بالإتاليك المايل صمول كابس ( DREAMY ) . فيهو حوض سباحة و شاشة بلازما و مسرح منزلي .
- صورة كبيرة لكاترين زيتا جونز ( لو بي " نايت قاوون " ماروني مايل على الفايولت ما بطال ) .. بالعدم بقبل بشاكيرا ( هاف توب أسود و شورت ) ..
و بالله الصور دي تكون بريموت كنترول .. شرطاً .
- أسطول عربات : ميزاراتي , لامبورجيني , بورشه , اسكاليد , و شوية بي إم على بنزات .
- قناة فضائية خاصة .. أشوف فيها الدايرو .
- نادي خاص و بميادين غولف و تنس ( كريكيت ما داير ) .. و صالة موسيقى و صالة عرض سينمائية و قاعة رقص ( محاضرات و مكتبات و عوارات .. ما معانا ) و إسمو شنو المدوّر داك حول البيسين .. نشرب .
- 1116 جوز جزم ماركات عالمية البتعمل صوت كع كع كع ( أنتقم حق حفانا الفات , أنا و قبيلتي من ورا ) .
- بدل و كرفتات و أرياح و هدوم جوانية ماركات : ايف سان لوران , ديور , قوتشي , كالفن كلاين , شانيل ... و كده ( يُعين واحد لِبّيس عام .. و التاني لربط الكرفتات ) .
- كوم قروش مرصرصة أطول من الإمباير ستيت .. و أعرض من حديقة القرشي .. و كلو هارد كرنسي أبو ريحة جديدة , رُبَط رُبَط .
- بودي قاردات كمية .. بنضارات سوده و حصين سبق .
- باربيكيو ياخ .. داير باربيكيو ( بعدين ح أعرفو هو شنو ) .

عندك إضافة تفيد كُبيها هنا ..
ما عندك يا تيسير بالله أسمعي ليك شوية غنا حقيبة .. أو الملحمة ..
و هِمي همّ الدنيا و العالمين يا أختاه ..
و أحزني و إتملي بالونات نبل و أصالة و حنين و لواعج لمّا تعرفي الله واحد ..
بعدها إستغفري ربك و ..
خلي عادل إمام ينفعك .

يا خالقنا ما تعولقنا .

Post: #31
Title: Re: داير أبقى غنيان ... ممكن نصايح من " المختسين " ؟؟
Author: أبو ساندرا
Date: 02-13-2008, 05:55 AM
Parent: #1

Quote: زى ما قالت الشايقية لى ولدا "وانت الليلتك مالا!!!"

نكر ، ياعصام ، نكر
قال : اليخربو

وحتى ولو

الكان فاضي للصنفرة منو؟

بالنسبة لعبدالكريم الشعراوي

جاييك يا عماد

بالنصائح الما بتخرش

بس شوف ليك 5مليون وإنتظرني
خمسة مليون ألهطها من أي حتة
وكلمني بعد ما تجهزها

Post: #89
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-14-2008, 11:23 PM
Parent: #31

Quote: بس شوف ليك 5 مليون وإنتظرني
أيوووووووووووووااا ..
جابت ليها إحتيال على رؤوس الأشهاد ؟؟
إختشي , انا راجل أخوك .

كلام فاينال : أختاني يا بركة ..
مش كفاية المسكينة رشيدة و بناتها " موهقات " لليلة في مكنة برج بركة ديك !!
و خشيت سليمان البعيو لبيتون بليس فاروق القدومي داك , و شرودر لأبو العايلة , و كك لقريب محمد راجع بتاعكم الدروشاب داك ؟؟
و علي العليك : يجلي النظر يا صاحي .. و حلويات كريكاب .

شوف ياخينا ..
نصايح منك .. ده طرفي .
الضامن شنو أديك القروش تقوم باكر بعد باكر تطلع في راسك تقلبا لي مؤتمر مديرية الدوحة و : اليقظة و الحذر و الصف الوطني و النضال و أدوات المقاومة ..
لا لا لا لا ..
تعال بعدين أخُد الفيها النصيب ..
بس هسه زح غادي الله يرضى عليك .

Post: #32
Title: Re: داير أبقى غنيان ... ممكن نصايح من " المختسين " ؟؟
Author: محمد أبوالعزائم أبوالريش
Date: 02-13-2008, 06:09 AM
Parent: #1

عُمدة يا أصلي ..

يا زول أنا ما مختس ولا حاجة (ما تقول لي الجابك شنو) .. لكن في حاجة واحدة بعرفا ..

جادي في موضوع الغِنا ده ... أول حاجة تعملا .. ما تفكر تاني ترجع الدوحة

والباقي خليتو للمختسين

Post: #33
Title: Re: داير أبقى غنيان ... ممكن نصايح من " المختسين " ؟؟
Author: abuguta
Date: 02-13-2008, 06:45 AM
Parent: #32

ياعمدة
سلام بصوت مبحوح
انا لا مغنىلا عواد..
لكن بحكى ليك تجربة شخصية ,,,كنت معزوم فى حفلة والفنان اتاخر لان عربيتو بنشرت,,فقلت ليهم انا بعرف اغنى وكان صاحب الاورقن موجود,,لانه عندو عربية و براه,,اتفقت معاه على كم اغنية ووريتو مقدرات صوتى ,,فالراجل مشكور عمل اللازم,,رفع صوت الاورقن عشان ارتاح فى السلالم العليا,,,وسبب ادعائى للغناء, وتسلطى على هذه المهنة المضنية والمتعبة قناة هارمونى,,وقناة زول,,وجدت فيها فنانين وفنانات يجعرن والله يجعروا,,,ليس الا,,لكن تقتنع انهم فنانين لما تلقى صاحب الكلمات مهندس هشام المجمر,,وصاحب اللحن مسيقار مو خمج,,هنا بسكت عن النقد بقول معقولة بس انا افهم من هولاء الفطحليين والئك الكبراء نصبر شوية واكيد الكرة مرتين ممكن افهم حاجة,,ونتيجة فهمى
,,قررت فى نفسى ان ادخل هذه التجربة ,,وكانت المحصلة تجدها فى داخل الرابط ادناه
اها دحين ياخوى لو بتعرف حل ساعدنى حتى ارجع الى حالتى القديمة وارد على مكالامت جوالى
ودمت

عـاجل ..دكتــور حنجرة ممتاز فى الريض

Post: #34
Title: Re: داير أبقى غنيان ... ممكن نصايح من " المختسين " ؟؟
Author: Randa Hatim
Date: 02-13-2008, 07:01 AM
Parent: #33

شوف اسمع الكلام دا يا عمده....

من دربك دا تمشي السوق .. قدر القريشات العندك تشتري ليك جلابية "سكروته "كاربه ومعاها مركوب نمر اصلي وعصاية ابنوس .. وعمه 8 متر معاها شال "مفلل" في طرفو .. وريحه راقية "اوعك من ون مان شو" وتقول كدي تاجر ليك عربية تكون من "افالون" وانت طالع لي فوق اوعك من "الكوريلا والكريسيدا والحجج الميته دي" المهم وباقي القريشات تربطن بي "استك" ولازم يكونن كتار ان شاء الله تشك في النص ورق فاضي وتختهن في الجيب وتقول كدي تمرق على الكرين او محلات التجار "التماسيح ديك" وكلامك كلو يكون شنو من 100 مليون وانت طالع "اوع تقيف لى اي واحده تاشر ليك ملح .. بتملحك في قريشاتك وتخلي خشمك ملح ملح" يعني ما تتلفت في الشارع ولا تاثر فيك اي مغريات هدفك القروش وبس .. المهم كم زيارة كدا يا الحبيب لغاية ما تتعرف ليك على تاجر مغندل ومليااان "نوع الكرشتو مترين" وتبدا تتكلم عن البيزنس حقك وانك كيف عايز توسعو لانو شركتك الفي دبي ناوي تعمل ليها فرع في الخرطوم وحنك من النوع دا .. لغاية صنارتك ما تشبك .. بي كدا بيكون اتفتح ليك الباب للدخول لعالم المغندلين ثم بعد هذا "انت وحرفنتك" في الهمبته وشغل التلات ورقات البقى لافي في البلد اليومين ديل ...

اها يااللخو .. الكلام دا كيف معاك ؟؟؟

Post: #90
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-14-2008, 11:36 PM
Parent: #32

أبو العزايم ..
مساء الخير ياخ ..

شكلك زعلان من الدوحة و ماكل نيم !!
أنا لو منك ألحم لحام مع ود الأمير .. ما بتمرق ساكت صدقني .
دي حاجة ..
الحاجة التانية : وين النصيحة المالية الطالبك ليها في راس البوست ده ؟؟
وكت ماك مختس , و ما عندك قدرة شورى حقت قروش , الداخل ليها شنو هنا ؟

يسعد مساك يا بوحميد ..
ما ح أنساك بعدين لما المسائل تترتب .. آآآآآآآ.
ما تخاف .. نحنا كلمتنا واحدة ..
و الراجل بيربطو من لسانو .
أرقد قفا .

Post: #35
Title: Re: داير أبقى غنيان ... ممكن نصايح من " المختسين " ؟؟
Author: معتصم الطاهر
Date: 02-13-2008, 07:24 AM
Parent: #1

عزيزى القارئ عماد بن عبد الله الدنقلاوي

ياخى قوم ..
أحكي ليك دى ( طبعا أي واحد فوق قال ليك حكاية طلع ما اختساسي) ..
زميلنا سامي حجازى زول جريء و متلقى حجج .. آخر السنة سأل أستاذا الاحياء عن المقرر ( يا أستاذ "الساق" فى المقرر)
ورفع يده بالطريقة الأمريكية ممسكا بها أسفل البوع ..
فرد عليه الاستاذ " إذا كان سؤالك بريئا فلا ..."

اها انت سؤالك دا بريء .. الأيام دى قالوا الحكاية " فتحت " فبالله ما تعملنا كبرى ؟
وتقول شاورتكم ..

أها التانية
ما تقول لي كلام مثقفاتية وكدا
يا زول انت
1- رسام 2- خطاط - 3- عازف - 4- كاريكتيرست 5- ادارى 6- كتّاب 7- ( ****)
و عندك مليون زول بحبك
شوف فى ديل كلهن البتأهلك للغنا ياتا ؟

التالتة :
لو انت جادى الموضوع دا بكتبوه هنا ؟
فى منو فى البقروا ولا البكتبوا عملها عشان يديك النصيحة .. ( كلام خدر مامعانا)-الزمان داك -

الأخيرة
غايتو الواحد ضيع زمنو هنا ساي ..

قبل الأخيرة

أعمل المليون الأول ( بالجنيه) ..

انتهازية
رجاء العباسى
كلامك دا كلة ما فيهو الحاجة ديك .. ضمنتى ولا سنو ؟

Post: #36
Title: Re: داير أبقى غنيان ... ممكن نصايح من " المختسين " ؟؟
Author: هبة الحسين
Date: 02-13-2008, 09:17 AM
Parent: #35

1/ ماتقول كلام فنانين..
2/أعمل نايم..
3/ماأظن
4/أركب السرج
5/عيش حياتك
6/سلام يا أم ضواً بان..
7/أم ضواً بان دي ولا إختفى (الخوف اهلا يجوني ناطين)
ياخي تقول داير قروش يجوك..
وتقول ماداير وكده .برضو يجوك..
8/تمشي وين ياحبيب؟؟
9/ممكن ترسم لوحة؟؟
عماد نحن بنحبك..
وإنعل أبو القروش زاتو..

هبة الحسين

Post: #37
Title: Re: داير أبقى غنيان ... ممكن نصايح من " المختسين " ؟؟
Author: doma
Date: 02-13-2008, 09:31 AM
Parent: #36

Quote: ده التعديل : لو سمحتو بالله .. داير غني دي بالدولار ..
لو تعثر .. فاليورو ما بطال .
شكراً .

ههههههههه ظاهر عليك كيشه ولن يعرف ا الغني اليك سبيلا .
زول يقول داير غني بالدولار...؟؟!!!............و اليورو ما بطال لوووووول لوول .
يا عماد اي دولار تلقاه فكه عكس الهواء الشئ دا ورق ما عنده غطاء .
الصينيون اكتشفغوا اللعبه بقوا يفكوه بترول .

Post: #38
Title: Re: داير أبقى غنيان ... ممكن نصايح من " المختسين " ؟؟
Author: DKEEN
Date: 02-13-2008, 09:48 AM
Parent: #1

واحد لبناني مع زوجته مرقو فقرانين من لبنان ومشو السعودية
بعد سنة بس جو مليانين قروش لي هنا..

الجيران سالو المرة قالو ليها: كفين سويتو القروش دي كلها في سنة وانتوة مشيتو من هنا ايد ورا وايد قدام...
ردت الحسناء: بسيطة..انا شلت ايدي من قدام وزوجي شال ايدو من ورا..

عماد اخوي..
اخيرلك الفقر يافُــقِر..

التعديل الاول لخطا في المداخلة كانت مفروش تمشي بوست ابو بكر ..
والتعديل التاني لاصلاح التنوين في كلمة فُقر..

Post: #43
Title: Re: داير أبقى غنيان ... ممكن نصايح من " المختسين " ؟؟
Author: tmbis
Date: 02-13-2008, 10:28 AM
Parent: #38

والله كويس ..؟!
ياخ نحن نحفــر من زمن حفرو البحــر .. الواحد عمرو كلو قضاهو (نظريات مادية).. (وفلسفه وجدليات مالية) واحيانا استنكاح لي ناس البيت وبعض من عباد الله (أوان الدقسة) .. و ( طبليات ) في العطلات الصيفية تزينها حلاوة كرملــه وبعض البالونات وصناديق شختك بختك ..
(كـــرتلات) .. في أزمان سحيقة .. (وبرتيته) مرات مرات مع الأخــوان
ايجــار عجــلات وبيع هدايا تذكارية عليها تواقيع وهمية .. للقوم والدراويش البجــــو (حوليــة) سيدنا الادريسي بالموردة..
تجي يا عمــاد حسع دي في الفين وتمنية عايز تبقى غنيان كدا ساكت ونحن قاعدين..؟
أقول ليك حاجـة..؟
أول شئ بلاي عصام جبر الله دا شوف ليهو طريقة إنو ما يتردد على البوست دا .. حسب وصفو المتبع ومعرفتي اللصيقة بيهو .. والله دا كان عندك ( عدادات ) في (مخباتك) تقع منك..

يوم في السودان مفلس فلسه من النوع ابوكديس .. الفلسه البتخليك تتنازل عن الكثير من (قناعاتك الايمانية) .. قمت كالعادة دقيت جرس مبالغة (للحاجة) في البيت قلت ليها:
انتي شجرة العائلة بتاعتكم دي ما فيها اي زول غندولي وعندو بهايم في ضهــر بيتو .. أنا عندي اصحابي محامين ما عندهم ذمـة بي تعريفة ممكن اتفق مع اي واحد اللبس ليكم اي تهمة بتاعت ميراث يااي مادة من المواد بتاعت الاختلاس دي .. والواحد يبحبح شوية والعذاب دا يروح منو ..
قامت قالت لي:
(والله جدك ابو .. ابوي) كان تاجر بتاع دهب بيمشي الحبشة ومعاهو التجار بجيبو (الدهب) بالحمير .. شايلنو في اواني من الفخـار .. دهب علي شكل جنازير .. وحجول ضخمة واساور يلبسها حسان مماليك وحضارات بادت .. ويتداولها تجار ذاك الزمان..
قلت ليها اهــا .. أسرحي بي عليك الله ما لا قياني مفلس ؟
قالت لي:
اهــا لما جا يموت قام كلم الرجال الشغالين معاهو كلهم وقال ليهم لمو اي حاجة وقفلوها في الاواني الفخارية دي .. وحملوها على ظهور الحمير وبقية الدواب ويلاكم وراي ..
تخيل (الشفت) شال كل هذه الثروة ـ وطلع بيها منطقة نائية في سهول سنجة عبد الله بمحازاة النيل قالت لي قام جا راجع بعد فترة والعمال والرجال على ضهـر الحمير ..
وعمل (اجتماع عائلي) .. عاجــل أو كما يزعم .. جميع فيه كل حكماء العائلة .. بعض المحاربين القدامى ونساء بشلوخ مطارق تنسدل جدايلهن وتفوح منها رائحة الكركار قالت لي لما اولادو والرجل كان مزواج .. واولاد اولادو واحفادو وكل من ينسب لعائلة (الحسيــن)..
نفخ البروجي في البوق الخاص به .. ودق الصبية على النحاس ايقــاع الوداع الأخير والوصية في الذمة وهي سمفونية قديمة خاصة (بكجونكات) ذاك الزمان
وقال ليهم:
البمشي يحفر من وراي ويفتش عن الدهب دا أو يسال واحد من الجنيات المعاي ديل .. ما عافي منو لي يوم الدين ..
ثم ختم جلسة مجلس الأمن دي .. بي دعــاء مأثور ما زال يلاحقنـا إلي الأبد ..
جا فيه أنه قال:
(لا تغنــو تفوتو .. ولا تفقرو تموتو)..
ومن ديك وعييك
قلت ليها لا يا شيخــه .. إنت حسع يعني متكيفه من ابو اهلك دا ..؟
قلت ليها اقول ليك حاجة ..؟!
أنا ذاتي ما عافي منـــو .. يللا خليهو يعمل البيعملو .. هو اصلو المسالة حساب واللا كــوار ..؟
في بداية العام الفين ..
عندنا جدنــا عم ابونــا .. والراجــل فردتي شديد وبعتقد فيني ايما اعتقاد ..
كان بينضف في بعض الحشائش الصغيرة على امتداد قطعة الأرض المخصصة ومتعارف عليها وبيزرع فيها بشكل سنوي من سنين وهي متوارثة من العائلة .. ابتعد قليلا عن الأرض في مشروع التنضيف دا زي متر ونص كدا ( بالحساب ) الانقليزي وكم ضراع وجدعة ( بالكوار ) القاطعنو من راسهم دا .. ثم بدا يحفر ويكسر في بقايا الاشجار .. وفجأة اتسعت الهوة .. وانهتكت الأرض .. وكشفت عن اناء فخاري ضخم به بعض الرسومات والطلاسم الغير مقروءة في هذا الزمان ولا تدرس في المناهج التعليمية .. وظهرت بعض حبات (الودع) الضخمة جدا .. والظاهر لي الوكت داك جاتو فكرة علي بابا والأربعين حرامي .. قام طوالي اتذكر حكاية الدعوة ديك .. لكن شال ليهو كم ودعة كدا .. وختاهم في جيبو نظام معروضات.. وخت ليهو كمية بتاعت (شوك) كدلالة على المكان وهرول تجاه البلدة بيقين خوفه من لعنة روح جده .. ووداع أيام الفقر حالكة السواد.. وعرض عليهم ما وجده من اكتشاف بي ضربة حظ .. وترك لهم حرية المعصية.
زرزروهو الشباب وطالبوهو بخطوط الطول والعرض والكنتور .. ورسم توضيحي للمكان
هرع علماء الآثار بالبلدة ..
علماء اللغة..
قصاصي الأتر .. وكلاب الصيد ..
بعض الشماشمرة من بلدات مجاورة ..
شباب حملوا احلامهم على اكفهم وبعض المعاول وادوات الحفر والتنقيب ,,
نسوة على اعتاب السبعينات انحنت ظهورهن من قعاد الدوكة .. وحلـب الماعز ، وعبور النيل سباحة للضفة الأخرى لزيارة الشيخ الصابونابي .. طمعا في المال والبنون زينة الحياة الدنيا
اشتغلت (السلوك) ما بين السودان والسعودية شخصي الضعيف وبعض اصحاب الاحلام الوردية بدخول عالم الثراء من بوابة بعض الاواني الفخارية .. وشــدرة شوك في بيداء
تعرف انا من ما قالو لي قالو جدك الشيخ خت ليهو (شوك) في محل الحفــرة .. (عرفت الموضوع معضي)..
المهم ..
القوم ديل بعدما مشو معاهو الحجل بالرجل وبدو في طول الطريق بتوزيع الثروة واقتسام السلطة .. وصلوا للوصف وتشابه عليهم (الشوك) . وحياتك ما خلو شوكـة .. في الخــلاء داك .. ما خلو بقرة ما فتشو خشمه ..
بلاي عليك الله يا عماد شوف ازمة الأجيال المتوارثة دي .. شوف الجينات الوراثية المعقدة دي ؟
واحد يقول ليك .. تقعدوا كدا وتموتو بالفلس وحراق الروح دا..
والتاني يقول ليك .. والله الحاجات دي انا غطيته بي شـدرة الشوك دي ..
غايتو ما عارف لكن حاسي كدا وعشمي ما انقطع إنو ح اللقي ليك الحاجات دي مدفونه في مكان ما في هذه البسيطة .. خلاف كدا ما عندي طريقة لي اي ثراء .. ولا عندك طريقة وما تفكهــا فينا ساكت عليك الله .. برانــا عيانين والموضوع دا بيبوظ اعصابنــا
اقول ليك حاجــة ..؟
والله اللقي الحاجات دي .. (مليم أحمــر)ما ينوبك مني ..
لا إنت ولا تيسير عووضـــة
قديتونــا ياهولاء .. بلاش فقر معاكم

Post: #39
Title: Re: داير أبقى غنيان ... ممكن نصايح من " المختسين " ؟؟
Author: عثمان دغيس
Date: 02-13-2008, 09:59 AM
Parent: #1

عماد عبد الله
الراجل الفنان

حصل سمعت بي زول فنان وغني ...!؟؟

إلا يكون فنان سلفكة ساكت ..

يا خوي الغنادلة ديل تركيبة تانية ...
وعشان تكون حنفولي أو غندولي لا بد من توفر الشروط أدناه :

1/ أن تكون دغيل ..
2/ مبلد الإحساس
3/ عامل فيها فاهم أي حاجة وأنت ما فاهم (.........) من سبحان الله .
4/ تكون من النوع العندو فقهة تدل على المزز وعلى الغباء في آن واحد ...!!
5/ تكون كضااااااااااااب وحلاف بمهين ..
6/ تكون متسلق وما عندك مانع تبوس رجل أكبر داعر في الدنيا وأكبر منافق وتقول ليه إنت من أولياء الله الصالحين .. بل وتبوس رجله ...

كفاك واللا أزيدك ؟؟؟!!

Post: #41
Title: Re: داير أبقى غنيان ... ممكن نصايح من " المختسين " ؟؟
Author: mohmmed said ahmed
Date: 02-13-2008, 10:15 AM
Parent: #39

عمدة يا قريبى

قصتك صعبة

ذكرتنى صديقنا على بابكر فى اليمن يخزن كل يوم ويكسر بنقلة حريفة من كيمياء النبات لكيمياء الكحول

وشابكنا انا داير ابقى غنى

اها اولا
الفرنسين بيعتبرو الزول الدخل الاربعين ولسا بيركب المترو قصتو باظت

واحسب ليك الحاجات الما بنخلى الزول غنى

ما يكون عندو علاقة باليسار وخاصة الحزب الشيوعى

ما يكون زول بهجة وبيحب لمة الناس

ما يكون بيحب الغنا والنساء الجميلات

ما يكون بيحب ويمارس الرسم

اها ما طممتا ليك بطنك

Post: #40
Title: Re: داير أبقى غنيان ... ممكن نصايح من " المختسين " ؟؟
Author: أبو ساندرا
Date: 02-13-2008, 10:08 AM
Parent: #1

Quote: ردت الحسناء: بسيطة..انا شلت ايدي من قدام وزوجي شال ايدو من ورا..

فقعتنا بالضحك
شيل اليد من قدام مافي ليه طريقة
لكن إمكن صاحبك ده يشيلها من ورا

غايتو

Post: #42
Title: Re: داير أبقى غنيان ... ممكن نصايح من " المختسين " ؟؟
Author: DKEEN
Date: 02-13-2008, 10:20 AM
Parent: #40

ابو ساندرا يامدهش..

Quote: لكن إمكن صاحبك ده يشيلها من ورا

لوووووووووووووووووووولوز
بي شنبو ده الله الغني...

Post: #44
Title: Re: داير أبقى غنيان ... ممكن نصايح من " المختسين " ؟؟
Author: shaheen shaheen
Date: 02-13-2008, 10:34 AM
Parent: #1

(1)
قال صاحبى انو القروش هى كل شىء
قلتا بحماس انو النضال هو كل شىء
مرت سنين
فيها اكتشفتا باننى مهزوم .. وخسران كل شىء
.................
.................
واحدة من عباطات اليسار - المتعددة - , هذه النظرة الرومانسية السخيفة للفقر وللفقراء - اكرمهم الله - , فى الروايات والاشعار وفى بيانات النعى عن الذين ماتوا فى غرف الجالوص من اجل خاطر عيون القيم والمبادىء .. وصلنا الى نتيجة ان الوطنية تعنى بالضرورة الفقر الدكر , وبالضرورة ان لا يلتفت اليسارى الى تحقيق ادنى درجات الطموح المادى لانها مثال على البرجوازى الصغير الوضيع الموجود فى داخل كل منا .. والبرجوازى كما تعلم اكرمك الله وعافك هو فى مرتبة ادنى من الشخص المصاب باللواط .
اصبحنا هنا امام عقدة تاريخية بدون حل , فقير فشل فى حياته المادية الخاصة , ويريد فى نفس الوقت الرفاهية المادية للجميع !! .
تصوف ودروشة علمانية حداثوية .
رفض للمباهج التى افرزتها مسيرة التطور البشرى , العربة ذات التكييف البديع , التلفاز الملون ذو الشاشة المسطحة الكبيرة , الابناء فى المدارس الخاصة التى تعلم لغات اجنبية , السكن فى المناطق الراقية التى تحترم الخدمات الاساسية فيها ساكنيها .
قدمنا نحن اليساريين نموذجا ضارا للطموح الفردى - المادى - , اصبحت اليسارية عندنا ان تضحى بالخاص من اجل العام .. والصحيح ان تعمل للخاص بكد واخلاص من اجل وضع مريح يمكن معه الالتفات للهم العام .
(اواصل)
......
شاهين.

Post: #45
Title: Re: داير أبقى غنيان ... ممكن نصايح من " المختسين " ؟؟
Author: ملكة سبأ
Date: 02-13-2008, 11:02 AM
Parent: #1

بسيييطة شديد ياعماد

افتح ليك كافتريا في إستاد الخرطوم

Post: #46
Title: Re: داير أبقى غنيان ... ممكن نصايح من " المختسين " ؟؟
Author: maia
Date: 02-13-2008, 11:04 AM
Parent: #1

الاخ عماد

رغم انه قلت ما عاوز مداخلات من ناس البورد

غايتو نصيحتي ليك ، الغنى الكتير ما كويس بيمرض

فقط اعقلها وتوكل !!
اعقلها وتوكل دي زي الغنى غنى النفس

Post: #51
Title: Re: داير أبقى غنيان ... ممكن نصايح من " المختسين " ؟؟
Author: ibrahim kojan
Date: 02-13-2008, 11:55 AM
Parent: #46

يا عماد الله جابك بالسلامه....

عايز تغني يا فقر؟؟

ما انت قبل كم يوم كده قلت الفنانين ديل مفلسين وحاجاتم طالعه في الخلا!!؟؟

الجرسه ليك شنو؟؟

العموم انت عارف النصيحه بتاعتي بدودي الخور ..

طيب خد.. الهبشك ما ضراك!!

النظام في الضلام.

العمليه في النمليه..

السنكه في الرنكه..

والجرس في البركس....

(تخريمه ... هبه حسين بتعرف رندوك صاح.. الزوله دي يا من الديم يا من العباسيه؟؟....

تيسير عووضه ياختي النكته بتاعت والله ال..... توفيق من عند الله .... اتمها ولا.....

عصام جبرالله....

ابو ساندرا....

ممكونه دي من اسمها ما بتجيب نصايح غني الله يديها ويدينا..

الاسماء المذكوره اعلاه.. ما صاحب البوست قال انو ما داير مسغفاتيه.. هو زايغ منكم وانتو عايزين تجروهو للحكايه بتاعت الفلس

يلا شتتو الزول دا صاحبي وانا عايزو يغني ... يالا بلا لمه.. ياخ..

كلنا عايزين نغني والله الفقر دا ..... مطلع ايمان صليبنا زاتو...

Post: #47
Title: Re: داير أبقى غنيان ... ممكن نصايح من " المختسين " ؟؟
Author: shaheen shaheen
Date: 02-13-2008, 11:15 AM
Parent: #1

(2)
هو لم يمت بطلا
ولكن مات كالفرسان بحثا عن بطولة .
(نجيب سرور)
....................
....................
من الذى حشر فى الدماغ البشرى الموجود داخل الجمجمة الصلبة للسيد المناضل العنيد , ان ضرب عرض الحائط بمصالحك الخاصة وطموحاتك - المادية - هو قمة الروعة فى سلالم الانسانية متعددة الدرجات ؟ .
اللعب بالطريقة اليسارية سالفة الذكر فى حياتك الخاصة , وفى مباراة راسمالية عالمية , ستكون النتيجة بدون شك هى اخراجك بالكرت الاحمر الى هامش الحياة لا حول لك ولا قوة الا عبارات رثاء فى كلمات مقتضبة تنعى وفاة شخص مات فقيرا من اجل قضية كبيرة .
هل هناك اى تناقض ان اصبح غنيا بل وفاشح الثراء , وان اكون يساريا مخلصا فى نفس الوقت ؟ .
تلك هى المشكلة , كما قال المرحوم (هاملت) .
(اواصل)
......
شاهين.

Post: #48
Title: Re: داير أبقى غنيان ... ممكن نصايح من " المختسين " ؟؟
Author: shaheen shaheen
Date: 02-13-2008, 11:15 AM
Parent: #1

(2)
هو لم يمت بطلا
ولكن مات كالفرسان بحثا عن بطولة .
(نجيب سرور)
....................
....................
من الذى حشر فى الدماغ البشرى الموجود داخل الجمجمة الصلبة للسيد المناضل العنيد , ان ضرب عرض الحائط بمصالحك الخاصة وطموحاتك - المادية - هو قمة الروعة فى سلالم الانسانية متعددة الدرجات ؟ .
اللعب بالطريقة اليسارية سالفة الذكر فى حياتك الخاصة , وفى مباراة راسمالية عالمية , ستكون النتيجة بدون شك هى اخراجك بالكرت الاحمر الى هامش الحياة لا حول لك ولا قوة الا عبارات رثاء فى كلمات مقتضبة تنعى وفاة شخص مات فقيرا من اجل قضية كبيرة .
هل هناك اى تناقض ان اصبح غنيا بل وفاشح الثراء , وان اكون يساريا مخلصا فى نفس الوقت ؟ .
تلك هى المشكلة , كما قال المرحوم (هاملت) .
(اواصل)
......
شاهين.

Post: #50
Title: Re: داير أبقى غنيان ... ممكن نصايح من " المختسين " ؟؟
Author: GamarBoBa
Date: 02-13-2008, 11:32 AM
Parent: #48

Quote: داير أبقى غنيان ... ممكن نصايح من المختسين

مختسين في عينك
في مختس بدي نصيحة في شغل زي ده
انا ممكن افيدك لكن...
الفي راسك ده لو بعته لتنفيذي وهم في الحكومة ممكن تفيده وتستفيد...وبالتالي الناس تستفيد
اقول ليك اعمل حزب الديم...لم الناس وحيجوا يدفعوا ليك مليارين تلاتة للاستقطاب الانتخابي...والله يا عمدة ما حنتكلم...اهو قروشنا ورجعت لزول عزيز علينا...يقت عليك يعني...

فيها شنو لو عماد عبدالله بقي غني وقطعها مع الناس ذاتو....حقك ياخوي

Post: #52
Title: Re: داير أبقى غنيان ... ممكن نصايح من " المختسين " ؟؟
Author: صديق الموج
Date: 02-13-2008, 12:57 PM
Parent: #1

عماد الفقر بكل ما تحمل الكلمة من معنى..سلام
اول شى المغندلن ما بقروا زاتو عشان تطالبهم يردوا ليك..
مافى الا نحن المجبورين عليك وعليه (اعنى الفقر)
وبيننا وبين الفقر وشيجة وصلة ورثناها كابر عن كابر لاتنفصم عراها
باذن الله الا عند احمد شرفى او فاروق اوالبكرى ..هذا ان لم يكن مقابر العود..
ثانيا بعد ان جلست جلسة ديكارت المتاملة ديك عشان احل ليك مشكلتك المزمنة
جاتنى فكرة فخلعت ملابسى كلها وقعدت ليك فى طشت كبير
مليان موية مثل ارخميدس وحدقت وبسرت ونظرت وفكرت وقدرت
ثم قتلت كيف قدرت.... اخيرا ها انا اقول لك وجدتها.. وجدتها.وجدتها..

تداول الفوركس
إستثمر 100$ واحصل على 50$ مكافأة www.avafx.org

اها دى طريقة وكان ما نفعت هاك الطريقة التانية
دق زار..
واذا لم تجدى الطريقتين...هاك الحكايتين ديل:
الاولى:
قالوا واحد مغندل وعنده ثروة من الماشيه تفوق الالاف وعنده اخوه زيك
ما عنده التكتح وكل فى حاله،ففى احد سنوات القحط جاعت الماشية وصار
زولك المرتاح الليل كلو جنب الغنم،دى ماتت،دى تصيح وتشرف على الهلاك
يقعد شويه تصيح اخرى منذرة بالنفوق ،وزولى الزيك راقد يشخر ،صحى فجأة
ونظر الى شلهتت اخوه فقال:
امانة يا الفقر ما عندك حوبة
دحين يا اخوى ما تابا حوبة الفقر.

اما الثانية واحد دنقلاوى صاحبى مسخوت زيك مرة نحن قاعدين
مع والده وهو من ناس امدرمان العريقين وكان يحكى لنا
عن امدرمان زمان وبدأ يحكى عن كيف كون بعض اثريائها ثروتهم
فقال فلان داك كان بسلخ جلود الخرفان والابقار الميته من وراء
السلخانة ويمشى يبيعها فى السوق.
وفلان داك كان عنده مركب ،وعلان داك كان سرماطى،وفلتكان داك بدأ
تجارته بفتاشة عيش يكشف بها على العيوش ليخبر التجار بانه جاءت
من القضارف لوارى فيها عيش سمح ويدوه مقابل ذلك عموله وهكذا،
كل من ذكر والده من هولاء الناس الان يتكلمون بالمليارات.
وابوه الفقر مصاحبه عديل.بل ساكن معاه مقيم.
صاحبنا رد عليه وانت يا ابوى كنت مسجون والا كيف؟؟
اخيرا نت ما ملاحظ انو كل الاغنياء ديل فى اسمهم حرف سين وهاك اسمع
بيل جيتس،اوناسيس،صلاح ادريس، انت حرف شين ما عندك خلى السين.
قوم بلا فقر معاك!!!!

Post: #53
Title: Re: داير أبقى غنيان ... ممكن نصايح من " المختسين " ؟؟
Author: aml gadora
Date: 02-13-2008, 01:11 PM
Parent: #52

طالما انك طلبت النصيحة الجد
العلة مابتكمن فيك وانما في جدك الكبير

Quote: انا جربت الفقر .. وراثة عن جد جد جد جد جد جدي الكبير

شفت جدك ده هو سبب الفقر
غايتو حسب علمي وبحثي في التاريخ عرفت انو جدنا الكبيييير
ابو السودانيين دعا لينا دعوة صالحة
وهو قال يارب من هنا واستجيبت الدعوة طوالي
قالو انو جدنا
ابو السودانيين كلهم
قال ليهم
انشاء الله يااولادي لاتغنو تفوتو.............ولا تجوعوا تموتو
يعني بالعربي......الوضع الحاصل معاك طبيعي جدا
.......والناس الطالعة بره دائرة الفقر ديل من شواذ القاعدة
بالعربي كده ماتحاول وماتفكر تغير واقعك
الا في حالة واحدة
لو قدرت تصل لي جدنا الكبير وتقنعو يغير دعوتو
ودي دايرة ليها مصارف كتيرة ......وفتيش عن وسطاء روحانيين وكده
وزيادة مصاريف وفقر بالتالي
بالعربي كده
اقنع
تحياتي

Post: #59
Title: Re: داير أبقى غنيان ... ممكن نصايح من " المختسين " ؟؟
Author: wd al geran
Date: 02-13-2008, 03:22 PM
Parent: #53

Quote: والناس الطالعة بره دائرة الفقر ديل من شواذ القاعدة
عِماد دا يا امل داير يبقى مِن شواذ القاعِدة ديل ذاااتم ..

يعني جات عِندو وبِقت حرام؟!

Post: #81
Title: Re: داير أبقى غنيان ... ممكن نصايح من " المختسين " ؟؟
Author: aml gadora
Date: 02-14-2008, 12:08 PM
Parent: #59

Post: #55
Title: Re: داير أبقى غنيان ... ممكن نصايح من " المختسين " ؟؟
Author: أبوذر بابكر
Date: 02-13-2008, 02:07 PM
Parent: #1

كدى يا عمده

حاول ابقا غناى

فى علاقة ما بطالة بين الغنا والغنى

لو صوتك ما "صوت" عنج إحتمال تلتق معاك

يمكن لو بقيت "غناى" بعد شوية تترقى وتبقى "غنيان"

لكين الله أعلم

لكين السؤال الأهم

هو يعنى نحن حنقعد لسه كتير؟

Post: #57
Title: Re: داير أبقى غنيان ... ممكن نصايح من " المختسين " ؟؟
Author: عبدالله كع
Date: 02-13-2008, 02:24 PM
Parent: #1

الله يخيبك انت طلعت من السودان متين؟ والله فيه قروش قارون ماعندي زيها

عموما لوخارج السودان ارجع الليله قبل باكر وتعال قولي جمال والوالي ده شنو ..........

ولو انت جوة البلد معناها انت طماع ساكت

ياخوي

Post: #60
Title: Re: داير أبقى غنيان ... ممكن نصايح من " المختسين " ؟؟
Author: emad altaib
Date: 02-13-2008, 03:27 PM
Parent: #1

ــــــــــــــــــــــــ
الاخ العزيز : عماد عبد الله
الرجل الفنان الذي يجيد الكتابة وبفنهاويجعلها سحرا وجمالا
الموضع اذا كنت جادي علي الايميل [email protected]
لولا قوانين المنبر لكان شرحتها لك وبنماذج حية وواقعية لاناسٌ معنا في هذا المنبر .. ان كنت جادي في ما طلبت فما عليك الا مراسلتي علي الايميل
ولك حظ اوفر في الحياة ايها الجميل

Post: #61
Title: Re: داير أبقى غنيان ... ممكن نصايح من " المختسين " ؟؟
Author: ASHRAF TAHA
Date: 02-13-2008, 05:04 PM
Parent: #1

يا عمك الحل هنا اختساسي ومتخسس جدا

(تملّك منزل احلامك في دبي فقط 2.000.000 درهم ببرج دبي) او كيه يا منقه ... رسل الداون بيمت حوالي قوووول 10% يعني كولها حكاية بتاعت 495.214 درهم كدة ك دفعة اولى وبعدينك آخود ليك يو تيرن وكم زقاق كدة وتعال لي بعد عشرة سنين. وحياة ديني انغنغك كدة لمن تقول ما داير. ولو داير تتاكد من الكلام ده اديك اللينك: www.a'7tof.com ده بي راس مالو عشانك يال الغالي

(الدخان في السما وربك قسما)

Post: #62
Title: Re: داير أبقى غنيان ... ممكن نصايح من " المختسين " ؟؟
Author: Salah Abdulla
Date: 02-13-2008, 07:43 PM
Parent: #61

محمد سعد (رحمه الله) قال عن (شقيقه) السر سعد مقولته المشهورة ( الللللللله قصّ ضهرنا)
حينما رآه (لط) ومنفدع في الرقيص الما خمج
هنا ، فانني أشهدكم أن عماد قد (قصّ ضهرنا)
أها قصة فقر جدنا الكبير اتنشرت هنا ، وبقى اللي ما يشتري يتفرج ، كده كويس
ستصيبك لعنته يا هذا ..
الديامة ملعونون ، والله عمركم ما تغنوا يا فارات
الغريبة صحباننا كلهم أولاد راحات لمن (غلت)
والله ما بنسعى لصداقتهم ، برااااااهم بيجونا ، وأسألوا الديامة
مرة في ثمانينات القرن الماضي ، صاحبي وزميلي بالجامعة (ع . م) كان مزنوق ليهو في قروش زنقة العدو
وسمع اني (طبقت) لي حاجة كويسة كده
جاني وحدد مبلغ معين قال عايزو
وهو ما عارف انو من امبارح التركة اتوزعت بين الديم والجامعة (وبعض الأماكن)
ودلعنا نفسنا بي رحلة (نهارية) مجيهة بي خروفها (وتبّاخها) ، وواصلناها حتى ساعات الصباح الاخيرة ..
المهم قلت ليهو وحيد اخوي (جنابو) الايامات دي في (الغربي) وقريب من الجامعة
وده آخر الشهر ، يلا نكابسو سريع قبلما يلحس الماهية ..
وصلنا سريع جداً للقسم ، ولقينا صاحبنا مدوّر العربية وطالع ، ركبنا معاه ، وقال ماشي يصرف الماهية ..
صاحبي ارتاح وضمن القريشات ، انتظرناه في العربية ، دخل الوزارة ، استلم ماهيتو ..
قبلما يتحرك سمعنا عسكري بيكورك ( يا جنابو ، يا جنابو ، وين ياخ ؟؟؟)
والله سعادتك الحالة والما عارف شنو والمكنة اترصت بي تقسيمه هادية جداً ..
صاحبي اعصابو باظت ، قرصني ، يا صلاح ياخ كلموا قبلما يتصرف
دقيقة ياخ خلي الزول ده يتخارج ونكلموا
وحيد شال من الماهية حق علبتين (برنجي) وسلمها للعسكري (بي صمة خشمها) ..
صاحبي فتح الباب ونزل زعلان زعل شديد جداً
وقال لي انعل (........) و(....... ) أخوك زاتو ، بالله انتو ناس إنتو؟؟؟
وطبعاً أنا وصاحبي الكاشف متنا من الضحك ...
تقول لي تغنوا ، هسى عليكم الله شفتوا ليكم ديامي غنيان ؟؟؟
عماد يا أخو ،، بالله شوف ليك حاجة تانية تكون كويييييسة كده
قال يغنى قال

Post: #66
Title: Re: داير أبقى غنيان ... ممكن نصايح من " المختسين " ؟؟
Author: محمد أبوعاقلة الطريفي
Date: 02-13-2008, 08:23 PM
Parent: #62

Quote: أي زول في سودانيزأونلاين ما داير شورتو .. كلكم فقر في فقر و حالتكم شلش .

طيب قادينا مالك وفاكيها فينا ...
والأخ عزيزي المشاهد البطران الذي لا يقرا ماااا بجيب ليك خبر ... غايتو الصور ما بقصرو منها
رايت كلك وسيف آز اي حاجة ...
يكلكون البروفايلات وسحب امتعتها الشخصية وما الى ذلك سبيلا ... كهنبتة ... ثم ... ما تشوف الا النور هناك بعيييييد
وتترمتل كباقينا الفضل ... وما عندي نصيحة اقولا ليك لاني بصراحة ما من المختسين في هذا المجال ...

تعازينا الحارة ومافي ليك طريقة الا تباريهم ... ياخ انزل من مستواك شوية

العن أبو دي مبادئ !!!!!!!!!!!!

Post: #64
Title: Re: داير أبقى غنيان ... ممكن نصايح من " المختسين " ؟؟
Author: sanaa gaffer
Date: 02-13-2008, 08:14 PM
Parent: #1

Quote: داير أبقى غنيان ... ممكن نصايح من " المختسين " ؟؟

انا زاتو

Post: #68
Title: Re: داير أبقى غنيان ... ممكن نصايح من " المختسين " ؟؟
Author: محمد أبوعاقلة الطريفي
Date: 02-13-2008, 08:43 PM
Parent: #64

Quote: الغريبة صحباننا كلهم أولاد راحات لمن (غلت)

كان داقشين لي الحي البي غادي يسو ليكم شنو ...
ومن جاههم تلوكون ليل نهار ...

وديل البفتش عليهم عماد ...
عليك الله الزول دا اديهو راسو كان يسكت ... فهو غلطان غلطان غلطان بالتلاتة

Post: #70
Title: Re: داير أبقى غنيان ... ممكن نصايح من " المختسين " ؟؟
Author: ابراهيم عدلان
Date: 02-13-2008, 09:38 PM
Parent: #1

شرحو

Post: #71
Title: Re: داير أبقى غنيان ... ممكن نصايح من " المختسين " ؟؟
Author: Mohamad Shamseldin
Date: 02-13-2008, 10:17 PM
Parent: #70

حلك ليلة القدر
غايتو اعمل حسابك كان جاتك ليلة القدر نظم دعوتك كويس و كربها و اكتبها عديل عسي تستجاب
وما تبقى زى ود البنا زمان جاتو ليلة القدر و بعدين قال "يا الله كلنا نكون غنايين " و كان يقصد غنيين
عشان كده اولاد البنا و لى جنى الجنا فنانين

Post: #72
Title: Re: داير أبقى غنيان ... ممكن نصايح من " المختسين " ؟؟
Author: محمد أبوعاقلة الطريفي
Date: 02-13-2008, 10:30 PM
Parent: #71

Quote: انا جربت الفقر .. وراثة عن جد جد جد جد جد جدي الكبير ..
لايدي لا كراعي لقيت نفسي داخلٌ في زمرة الذين بهم خصاصة ..

والله احسن بألف مرة من زمرة الذين بهم خساسة ... اولاد الذين

(نظام مواساة وسعيكم مشكور ... او حاجة من تلك القِبيلْ) وما عندي اكتر من كدا

ولو قدرت تلوكو تكون ما قصرت في روحك (الضحك دي ما ساي)

Post: #73
Title: Re: داير أبقى غنيان ... ممكن نصايح من " المختسين " ؟؟
Author: كمال الدين بخيت اسماعيل
Date: 02-14-2008, 02:00 AM
Parent: #72

Quote: أصفر و أحمر و بلمسجي و فاقع و مندي و آخر ذو سكسك و أخرى ابنة قراح .
و التلج يا أحمد .. يجلبغ في امانة الله في الكاسات ام كراع طويلة ديك ..
رهيفة ياخي كاساتهم و عندها فَنسَة كده تشهيك العرس .

وصاف وصف ياعمده....غايتو لو سمعوك ناس Bourdouex او Chateaux ياكا غنيت واستغنيت..

Quote: عندي صاحبي بقى غندولي .. - ماشا الله لسه بيواصلني - ..
قال لي : من بقيت غنيان ما بزور الحمام كتير .. الأكل البيودي الحمام داك فارقتو بي الله واحد .

وكمان بعملو ليهو Recycle باين....!!!

Quote: العموم انت عارف النصيحه بتاعتي بدودي الخور ..

طيب خد.. الهبشك ما ضراك!!

النظام في الضلام.

العمليه في النمليه..

السنكه في الرنكه..

والجرس في البركس....

النصيحه عندك ياكوجان....

Quote: تيسير عووضه ياختي النكته بتاعت والله ال..... توفيق من عند الله .... اتمها ولا.....

وبعدين شنو الكلكسه دي..

أهاياعمدة....اسمع نصيحتي دي.....عايز تغني...? بطل كتابه هناواشتغل بالفارغه او رجع جذورك الاصليه ولو بالكضب لسكان Aborigine باستراليا وخم وصر....

Post: #74
Title: Re: داير أبقى غنيان ... ممكن نصايح من " المختسين " ؟؟
Author: محمد سنى دفع الله
Date: 02-14-2008, 06:51 AM
Parent: #73

كده اقيف
الصورة دي بتاعة عادل عثمان ولا زول تاني
كان ياهو بتاع الجامعة
ياهو وصفك ليهو ياعماد
كان ضعيف وليهو نضارات
وشايل شنطة طوالي
ومباري البنات الجميلات
لكن الزحف الصحراوي
الوقع عليهو
مسكين جاهل وصغير
بعد مفروض اكون من اصدقاء البيئة
اما حكايات عربياتي
والله تهمة ساكت
نحن عربات الطوب والطين
ما سعيتها
حتى كان لينا ولد مدلع جنس دلع ابوه جابوعلى كبر
فد طلقة وبعدها المسدس قدرما اختو فيهو رصاص ايطالي
ولا الماني والله طيرة ما بنيش
اها ولدو لو بكى النفسو فيهو بحققوا ليهو
تقول لي انا بتاع عربات
شوف الدلع والخمج
الولد يوم صحى البيت نص الليل
بكى جنس بكى
ابوه قعد ليهو جنب راسو
عايز شنو يا ولدي
تخيل قال ليهو شنو؟؟
بي كل دلع وبين التنهف
والدموع قال لي ابوه
عايز لاندرووفر بي سواقو
اها من الوقت داك عرفت انو احلامنا كانت صغيرة جدا
يعني عجلة عربية
لكن عربية بي سواقه
النصيحة
انت لازم تبقى غني
لكن بحزرك من تشتري عرض كامل
وتفك جمهوري عكس الهوا
كلامك ده بجيب ليك الهوا

Post: #75
Title: Re: داير أبقى غنيان ... ممكن نصايح من " المختسين " ؟؟
Author: أبو ساندرا
Date: 02-14-2008, 07:52 AM
Parent: #1

كتب صلاح عبدالله :
Quote: الديامة ملعونون ، والله عمركم ما تغنوا يا فارات
الغريبة صحباننا كلهم أولاد راحات لمن (غلت)
والله ما بنسعى لصداقتهم ، برااااااهم بيجونا ، وأسألوا الديامة

خليهم يسألوني أنا
والله أحكي ليهم حكايات كرم ومرجلة
ح يصفقوا لها طويلآ
وكثيرآ
بس الحكاية عند أي ديامية وديامي عادية جدآ
أصلهم الناس ديل إتولدوا ولقوا كل الأبواب فاتحة ومشرعة
وممكن بخطوتين بس تقتحم أي مطبخ او تكل في ركن البيت
تلهط وتلحس
وبكباية شاي تحبس
ومعاها حق التكس
تتخارج
وترافقك دعوة صالحة

يجي الولد الكسر ضهرنا ده يشكو الفقر
عايز الغنى يعمل بيه شنو؟

Post: #76
Title: Re: داير أبقى غنيان ... ممكن نصايح من " المختسين " ؟؟
Author: بابكر التوم
Date: 02-14-2008, 08:25 AM
Parent: #75

اخونا عماد
تحياتى
ديامى وقال يغنى كمان وسريع
ههههههههههههها
كدى عليك الله عيب لى جدى دا

Post: #77
Title: Re: داير أبقى غنيان ... ممكن نصايح من " المختسين " ؟؟
Author: رأفت ميلاد
Date: 02-14-2008, 09:35 AM
Parent: #76

ياخوى يا عماد
بعاين ليك سااااكت طايح فى الناس
أطلعوا بره وأدخلوا بي وين ما عارف

أنت لما كان الناس بتفتش الغنا .. أنت كايس حق القزازة وتتكل تحت أقرب شجرة نيم
جاينى هسة تتبكى ..
وداير بيها شنو هسة .. تصرفا علاج .. وفياقرا .. ولا تخليها للورثة ؟

وبعدين أنت قايل كم مليون كده .. تبقى سمح وجسمك أملاااااس
والله أنت كان دخلوك تحت عفريتة طرمبة أجيب .. وودوك مخرطة حاج الطيب .. صواميلا تحلج قبل الوش الأول

وأم نخرة زى النبقة ديك .. داير تشتريها و تقعد تتفرج عليها ساااكت كده ..
ياخى طيب ما ترسما وأعمل كده .. برضو سترة .. لا بتتكلم ولا بتشيل حسك

قال داير أغنا

بلا يخمك

Post: #79
Title: Re: داير أبقى غنيان ... ممكن نصايح من " المختسين " ؟؟
Author: قرشـــو
Date: 02-14-2008, 09:49 AM
Parent: #1

الأخ عماد

لك التحية

والله لى زمن ما قريت لى بوست بى مزاج عدا بوستك هذا وقد سعدت اى ما سعادة لاننى وجدت شخص يشبهنى وقد حققت لى المقولة القديمة "الما بلقى شبهو المولى قبحو" وان كان الشبه مش شبه خلقة فانا اقبح من ان تشبهنى ولكنه شبه حالة فلس ابن فلس ابن فلس فهل تصدق انا كذلك ولم اجد فى عائلتى انسان ثرى لتلحقنى جيناته ؟؟؟

المهم اخوك قرر يكسر هذا الحاجز اللئيم وكانت صفارة البداية - من عجب - فى هذا المنبر ...

اختصارا للكلام الان سأبرك يا اخى واجعل من اصحاب الشركات وذلك بأن ابيع لك اسهمى فى شركة استثمارية وسيبك من كلام الناس الفوق ده اللا يودى ولا يجيب وانا بديك الكلام الفيه الثمرة ...

تدفع قيمة الاسهم وباجراءات بسيطة جدا يضمنها شخص قانونى وتصبح شريك فى شركة لها شنة ورنة ....

اها قولك شنو ؟؟؟؟؟

انا فى رجاك ...

Post: #80
Title: Re: داير أبقى غنيان ... ممكن نصايح من " المختسين " ؟؟
Author: معتصم الطاهر
Date: 02-14-2008, 10:35 AM
Parent: #1

الزول دا فات وين

لقا ليه نصيحة جادة وغتا
ويكون فرتك ..

Post: #82
Title: Re: داير أبقى غنيان ... ممكن نصايح من " المختسين " ؟؟
Author: قاسم المهداوى
Date: 02-14-2008, 12:42 PM
Parent: #80

Quote: ÇáÒæá ÏÇ ÝÇÊ æíä

áÞÇ áíå äÕíÍÉ ÌÇÏÉ æÛÊÇ
æíßæä ÝÑÊß ..

فاليورو ما بطال

يا شاااااااب
تحايا من القلب
سكة القروش اعلم دروبها جيدا
ولكن خوفا من الامراض المستعصية
(سكرى .. فشل كلوى ... شريان تاجى )
وهلمجرات من العلل الما عندها قطع غيار
انصحك بعدم الاقتراب من تلك المناطق الماليه

صدقنى نصيحة اخوية لوجه الله تعالى وقالو المجرب ولا ال,,,,,,

ولا كــــــــــــــــــيف يا عمدة

قاسم المهداوى

Post: #83
Title: Re: داير أبقى غنيان ... ممكن نصايح من " المختسين " ؟؟
Author: aml gadora
Date: 02-14-2008, 01:08 PM
Parent: #82

wd al geran

Quote: يعني جات عِندو وبِقت حرام؟!

المشكلة اكبر من كده
اكبر مني ومنك ومن عماد زاتو
المشكلة انو شواذ القاعدة ديل مااختارو يكونو شواذ قاعدة
يعني طالما انت سوداني معناها خلاص انت فقران...........ومليان فقر كمان على حسب دعوة جدنا الكبيير ابو السودانيين ربنا يرحمه ويغفر ليهو
وجيناتك الوراثية زي مابتحمل صفات كتيرة اتضاف ليها جينة اسمها الفقر
وشواذ القاعدة ديل ياسيدي طفرات جينية
يعني هم ممكن يطلعو اغنياء
لكن مابورثو الغني
يعني الله غالب على اخونا عماد وعلى معشر السودانيين

Post: #85
Title: Re: داير أبقى غنيان ... ممكن نصايح من " المختسين " ؟؟
Author: wd al geran
Date: 02-14-2008, 01:45 PM
Parent: #83

Quote: وشواذ القاعدة ديل ياسيدي طفرات جينية
يعني هم ممكن يطلعو اغنياء
لكن مابورثو الغني
يعني الله غالب على اخونا عماد وعلى معشر السودانيين
بتفِق معاكي قلباً وقالباً يا امل ..
وزي ما قُتي ..
الله غالب على اخونا عماد وايضاً على معشر السودانيين

وين يا عُمدة .. مُشتاقين ياخ

Post: #86
Title: Re: داير أبقى غنيان ... ممكن نصايح من " المختسين " ؟؟
Author: Ali Alhalawi
Date: 02-14-2008, 02:54 PM
Parent: #83

جميل جدا أت تقع لى زول فوق جرح .. ما تطلبه هو من صميم "إختساسى" .. و هو ليس بالأمر الجلل كما صوره لك الحاسدون هنا .. الموضوع أبسط مما تتوقع .. و كما يقولون "لا مستحيل تحت الشمش" .. فنحن جموع الغنّايين .. أى من نجعل الناس غنايا و مغندلين .. لا مستحيل لدينا حتّى و لو كان طالب الغنى دياميا قحا .. فما عليك يا أخى سوى أن تسترق السمع.

أولا: وطّى صوت التلفزيون عشان تسمعنى كويّس

ثانيا: أطرد كلّ الرجرجة و الدهماء و الحاسدين و الفقرانين من هذا البوست .. ربّما يسرق أحدهم نصيحة ذو الأختساس فتروح أنت كشمار فى مرقة .. كما يجب علينا الحرص أيضا عملا بالحكمة "بلونيرين فى البوست غرّقوا المنبر"

ثانيا: أظن أننى قد قلت ثانيا من قبل .. لا يهم الترقيم بقدر ما يهمنا أن نجعل منك غنى يشار إليه بالمسدس

ثالثا: سأعطيك إسما .. آه لن أقوله هنا .. إذا جبنا إسمو الهواء بقسمو .. لهذا لا يصح أن نطلقة عبر الأسافير خوفا من الهواء .. و بهذا ننصحك العمل بما سيرد فى الفقرة الرابعة .. كما يمكنك تجاهل ما ورد فى فى الفقرات العشر أعلاه .. بس ما تقول لى الخطوات الفوق لست بعشر فقرات .. إذا بديت تحسبها و تحكّها من هسّع فأنت غير مؤهل للغنى

رابعا: جهّز الأشيا المذكورة فى القائمة أدناه:
عدد (2) ديك أحمر
عدد (3) كيلو جبنة الدويم (ليس الديم)
عدد (5) كيلو زيتون أسود (يفضل السورى و بالعدم الأسبانى)
عدد (7) رطل فول سودانى وارد كاليفورنيا

ثامنا: رسّل لى فيزا مع إقامة فى فندق سبعة نجوم لمدة أربعين يوما

عاشرا: أعتقد أن أربعين يوما فى فندق فاخر و فى مدينة كالدوحة كافية بأن تزيل إحساسى بالفقر

Post: #84
Title: Re: داير أبقى غنيان ... ممكن نصايح من " المختسين " ؟؟
Author: تيسير عووضة
Date: 02-14-2008, 01:27 PM
Parent: #1

أعزائي جميع المتداخلين و المتداخلات ..

حبيت أكلمكم كشركاء (قدامى) في الهم والمفاكرة
حول كيف أبقى غنيان ولا أخفي عليكم نصايحكم نفعتني جداً ..
وحا أحاول أستفيد منها عملياً ..
لكن ما دعاني لكتابة هذه المداخلة
والتي قد تكون الأخيرة هو أنني ومنذ أمبارح بديت (أبحث عن الكنز) .
حسب الخريطة المرفقة بواسطة أخونا تمبس الذي سأنكره حطب فيما بعد ..
وداير أكسب الزمن فلو ما رجعت رديت عليكم ما تستغربوا ..

ها نحن ها
على دروب كنزنا ..

عماد (أبو شوك) ..

Post: #88
Title: Re: داير أبقى غنيان ... ممكن نصايح من " المختسين " ؟؟
Author: jini
Date: 02-14-2008, 10:52 PM
Parent: #84

Quote: داير أبقى غنيان ... ممكن نصايح من " المختسين " ؟؟

تلزمك هندسة وراثية موديفيكشن وكة!
لانك حامل لجين فقر وراثى!
ودا بكلفك 200000 دولار امريكى
جنى

Post: #91
Title: Re: داير أبقى غنيان ... ممكن نصايح من " المختسين " ؟؟
Author: دينا خالد
Date: 02-15-2008, 00:56 AM
Parent: #88

يااااااا عماد ؟؟

هابى فالنتاين دايى ياخى !!

خلينا نقول ::::::: أااااا أمـــــان مش أ ااااا أسد !!

وحا ااااا حنان ************* مش حا ااااا حرب !

وغا اااااااااا غنا ************ مش غااااااااا غنى ..

اها ماقلت لينا يا ابو سبع صنايع .....دى (على ذمة الطاهر )

هل هى من مايرزق الله به من ربح حلال ؟؟؟ ولا ما محدد؟ حدد حدد عشان ح اجى افتى معاك شوية

ــــــــــــــــــــ
ياعمده !!!!!!!! لا بالله تعال اكلنا !!!!

يا تيسير ما تسيفى سااااااااااى !
يا تمبس عد الى تى شيرتك .. خلى اتقمصت الدور طوااااالى كدا !!
خلينا هسه نقططع عماد دا للضفة الاخرى بعدين نجيك راجعين ،،

Post: #92
Title: Re: داير أبقى غنيان ... ممكن نصايح من " المختسين " ؟؟
Author: عاطف محمد أحمد زكريا
Date: 02-15-2008, 01:46 AM
Parent: #91

Quote:

شوف يا صديقي .. من الآخر كده أنا قررت إني داير الآتي :
- طيارة خاصة ( لكشيريص سوبرسونيك جيت ) بي حمّام دبل بيد .
- جزيرة في الكاريبي .. بشاطيء رملي ستة كيلو داير ما يدور , و بالم تريز .. و المرجيحة البيعلقوها بين شجرتين ديك و تقوم جوزة هنداياية تقع في عِبّك .
- يخت 112 قدم في 60 في 45 .. مكتوب عليهو باللون السماوي و بالجنبة و بالإتاليك المايل صمول كابس ( DREAMY ) . فيهو حوض سباحة و شاشة بلازما و مسرح منزلي .
- صورة كبيرة لكاترين زيتا جونز ( لو بي " نايت قاوون " ماروني مايل على الفايولت ما بطال ) .. بالعدم بقبل بشاكيرا ( هاف توب أسود و شورت ) ..
و بالله الصور دي تكون بريموت كنترول .. شرطاً .
- أسطول عربات : ميزاراتي , لامبورجيني , بورشه , اسكاليد , و شوية بي إم على بنزات .
- قناة فضائية خاصة .. أشوف فيها الدايرو .
- نادي خاص و بميادين غولف و تنس ( كريكيت ما داير ) .. و صالة موسيقى و صالة عرض سينمائية و قاعة رقص ( محاضرات و مكتبات و عوارات .. ما معانا ) و إسمو شنو المدوّر داك حول البيسين .. نشرب .
- 1116 جوز جزم ماركات عالمية البتعمل صوت كع كع كع ( أنتقم حق حفانا الفات , أنا و قبيلتي من ورا ) .
- بدل و كرفتات و أرياح و هدوم جوانية ماركات : ايف سان لوران , ديور , قوتشي , كالفن كلاين , شانيل ... و كده ( يُعين واحد لِبّيس عام .. و التاني لربط الكرفتات ) .
- كوم قروش مرصرصة أطول من الإمباير ستيت .. و أعرض من حديقة القرشي .. و كلو هارد كرنسي أبو ريحة جديدة , رُبَط رُبَط .
- بودي قاردات كمية .. بنضارات سوده و حصين سبق .
- باربيكيو ياخ .. داير باربيكيو ( بعدين ح أعرفو هو شنو

يا زول معاك حق
ملعون ابو الفقر وناس الفقر
بس احلامك دى عاوزة دولار
والدولار عند ماما امريكا
شوف طريقة خلى الامريكان يرضو عنك
انشالله حتى لو انجبرت تفتش على بن لادن وتسلموا عشان تقبض المكافأة
عموما ربنا يوفقك
وقديما قيل
ان الدراهم تكسو الرجال هيبة وجلالا
فهى اللسان لمن اراد فصاحة
وهى السلاح لمن اراد قتالا

Post: #93
Title: Re: داير أبقى غنيان ... ممكن نصايح من " المختسين " ؟؟
Author: نادية عثمان
Date: 02-15-2008, 02:39 AM
Parent: #92

الزول ده اختفي كده ليه ولا يكون غني خلاص وفتح للبوست والمتبستتين ياربي ؟

Post: #94
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 02-15-2008, 03:06 AM
Parent: #93

معشر الفقارى و من لفّ لفهم ..

لم نزوغ عن أهدافنا .. فنحن لها .
تيسير عوووضة و التابعين . قف . نومتكم مكشوفة . قف .
نجري تخطيطا كبيراً في هذه اللحظات عشان الكمدة بالرمدة . قف . النصر أو الشهادة . قف .

....
نادية يوووو ..
باللاهي إنقنا لى ؟؟
إن تيسيرن مَقَس ميني !؟!
آيقون البِتِ ده كويس مِيّا .. إلاكين وارا و الله .

كُتّر حيرك يا نادية ..
تِر بتانٍ نضيف ناقمن ؟
همدو لله .

Post: #95
Title: Re: داير أبقى غنيان ... ممكن نصايح من " المختسين " ؟؟
Author: Hatim Salih
Date: 02-15-2008, 04:08 AM
Parent: #1

كتب emad altaib

Quote: الاخ العزيز : عماد عبد الله
الرجل الفنان الذي يجيد الكتابة وبفنهاويجعلها سحرا وجمالا
الموضع اذا كنت جادي علي الايميل [email protected]
لولا قوانين المنبر لكان شرحتها لك وبنماذج حية وواقعية لاناسٌ معنا في هذا المنبر .. ان كنت جادي في ما طلبت فما عليك الا مراسلتي علي الايميل
ولك حظ اوفر في الحياة ايها الجميل

داير أراسلك بس تديني الأمان على الأقل لو ما لمينا القروش نرجع لقواعدنا سالمين

Post: #96
Title: Re: داير أبقى غنيان ... ممكن نصايح من " المختسين " ؟؟
Author: HAYDER GASIM
Date: 02-15-2008, 10:11 PM
Parent: #95

يا عمدة ياخ ما هو إنت غني بالظرافة والإبداع وكل
أسانيد الفنان الشامل ... يعني الطمع ليك شنو, وفي
الذكر انه ودر وما جمع.

كما أن لهؤلاء الأغنياء أدب وثقافة يبدو أن إكتسابها
{على عمرك ده } سيكون أشق من جمع المال اللازم للغني,
ديل ناس بتفاصيل دقيقة, مثلا طريقة النحنحة لازم تكون
عميقة ومتهدجة لتوحي بأن غنيا يمر من هنا وحتى دون
أن تراه.

وكذلك طريقة لي العمامة وقنطرتها مئذنة للنعمة والجخ,
مع إظهار الأذنين لأن غالبا ما يكون بهما صوف أخاله
مميزا لمعشرهم بايولوجيا ... فهل ده عندك ول تمشي
تجرحنا ساي.

وكذلك طريقتهم فى الصفقة ... خاسة ... فى دور السينما
وبراك عارف كيف يصفق الشماسة وكيف يصفق الأغنياء
{لازم تصنعق عشان تشوفهم}

أما حديثم فهمسا تتخلله مفردات من شاكلة { الغرفة التجارية }
والبورصة والتيك أوف وتايوان ... عمري ما سمتعهم تحدثوا
عن المجسم { الثري دايمنشنز } ولا توليد الألوان وفرشاتهم
هي للسواك فقط ومرسمهم ملف الإنفنتوري والبلانس شيت.
فإنت شكلك كده ما شي على الجماعة ديل بي إصول { يرونها }
تعبانة جدا ... والله إعينك.

وقلت لي راجي { المختسين } ... إلا كان ترجى الري يا عمدة,
بداية غلط ... لكنها حتما ستقودك إلى نهاية صحيحة, هي أن
تكون بيننا بكل جمالك وبهائك المعهودين, بعدين ياخ لو سمنت
وإتدردمت كما تود ... حا تبقى شين ... وتعلم كم ينفق الناس فى
هذه الدنيا ليكونوا جميلين ... خاصة تلك الطبقة التي تتعشمها.

دينا خالد ... كيفنك ... شكلك كده مغتاظة من الغنى ... إنت
غنيانة ول شنو؟

في عيد الحب ... فلنغتني شعورا وأملا بحياة { غنية } بالود
والطمأنينة والمحبة.

أخيرا ... فأنا ضد { تمجيد } الفقر ... كمان.

... وأبقوا طيبين

Post: #97
Title: Re: داير أبقى غنيان ... ممكن نصايح من " المختسين " ؟؟
Author: قرشـــو
Date: 02-17-2008, 10:47 AM
Parent: #1

Quote: داير أراسلك بس تديني الأمان على الأقل لو ما لمينا القروش نرجع لقواعدنا سالمين

Post: #98
Title: Re: داير أبقى غنيان ... ممكن نصايح من " المختسين " ؟؟
Author: عثمان دغيس
Date: 02-17-2008, 11:13 AM
Parent: #1

أخوي في الفقر

عماد ..

ياخي انا كتبت ليك هنا أمبارح إستشارة في السلك لكن الليلة جيت ما لقيتها ...!!

الظاهر في واحد عجبتو وحسدك عليها وإتصرف فيها ( جازفها ..!!)..

لكن أبرز ما جاء فيهات أنك لا بد وأن تتصف بصفة ( اللتاخة ) والباقي كلو هين ..

وسلم لي على أصحابك الغنادلة ..

Post: #99
Title: Re: داير أبقى غنيان ... ممكن نصايح من " المختسين " ؟؟
Author: Adil Osman
Date: 02-17-2008, 12:22 PM
Parent: #98

عماد
بطّل الهباب البتشربو ده ح تغنى للطيش.

Post: #100
Title: Re: داير أبقى غنيان ... ممكن نصايح من " المختسين " ؟؟
Author: nadus2000
Date: 02-17-2008, 03:43 PM
Parent: #99

عليك الله يا عمدة دا كلام زول ممكن يغنى
يأ أخي انت من البداية طموحاتك متواضعة، وعايز ليك كم مليون كدة تقدر تعدهم براااك...وتقفل خزنتك......
عليك الله دي دايرا ليها بوست...
يا أخ انت ما تقول انا بس عايز أنتقل من درجة لأخرى داخل سلم الفقر الاجتماعي...
وقال عايز صورة منو كدة ماعارف، دي شغالة شنو بالمناسبة
وفي العدم صورة شاكيرا........شفت طموحات الفقرا ذاتها فقيرة كييييف.. ترضى بس بصورهم...وهسه فائدة مغادرة محطة الفقر شنو...كان بكفيك منهم مطالعة الصور.

نصيحتي باعتباري ذو اختساس...
أول حاجة أرفع سقف طموحاتك عالياً جدا....وبعدين لما يجو يجادلوووك، في نصيبك من الغنا...
قدر مايقولوا....ويحنسوووك
ما تبيع فقرك دا بشوية.
ان شاء الله مليارات مليارات...
ترليونات ..ولا حتى ترليارات..اليوروهات (طبعا يا فقير ديل ارقام محتاج لموظفي بنك كامل عشان تعرف عدد الاصفار القدامو كم)
تقول ليهم والله أبداً
دا كدا ما بيخارج معانا
والله دا فقر مأصل ومفصل وكمان أثري
بأقل من رأسمالو أصلا فقري دا أنا أصلوا ما ببيعو ً
قوم لف بلا فقر معاك

Post: #102
Title: Re: داير أبقى غنيان ... ممكن نصايح من " المختسين " ؟؟
Author: عادل جبارة
Date: 02-17-2008, 05:35 PM
Parent: #100

يلا يا ناس ( كويست ) فرع الدوحة .. الزول دا زبون جاهز .. أحلقوا ليهو
دا ح يبلع الثلاتة ( خيارات ) براحة
المكالمات المخفضة والسياحة .. و( القرص ) كمان !!!

Post: #117
Title: Re: داير أبقى غنيان ... ممكن نصايح من " المختسين " ؟؟
Author: Osman Musa
Date: 03-14-2008, 05:12 PM
Parent: #100

===

Post: #105
Title: Re: داير أبقى غنيان ... ممكن نصايح من " المختسين " ؟؟
Author: عبدالرحمن عبدالله أبوشيبة
Date: 02-17-2008, 08:17 PM
Parent: #99

عماد الظريييييييييف والله فاقدنك ،، وبعدين لمن تحلم أحلم لكن ما قدر دا ،، البتحلم بيهو دا الوليد بن طلال مالقاهو ولا سلطان بروناي

Quote: - طيارة خاصة ( لكشيريص سوبرسونيك جيت ) بي حمّام دبل بيد .
- جزيرة في الكاريبي .. بشاطيء رملي ستة كيلو داير ما يدور , و بالم تريز .. و المرجيحة البيعلقوها بين شجرتين ديك و تقوم جوزة هنداياية تقع في عِبّك .
- يخت 112 قدم في 60 في 45 .. مكتوب عليهو باللون السماوي و بالجنبة و بالإتاليك المايل صمول كابس ( DREAMY ) . فيهو حوض سباحة و شاشة بلازما و مسرح منزلي .
- صورة كبيرة لكاترين زيتا جونز ( لو بي " نايت قاوون " ماروني مايل على الفايولت ما بطال ) .. بالعدم بقبل بشاكيرا ( هاف توب أسود و شورت ) ..
و بالله الصور دي تكون بريموت كنترول .. شرطاً .
- أسطول عربات : ميزاراتي , لامبورجيني , بورشه , اسكاليد , و شوية بي إم على بنزات .
- قناة فضائية خاصة .. أشوف فيها الدايرو .
- نادي خاص و بميادين غولف و تنس ( كريكيت ما داير ) .. و صالة موسيقى و صالة عرض سينمائية و قاعة رقص ( محاضرات و مكتبات و عوارات .. ما معانا ) و إسمو شنو المدوّر داك حول البيسين .. نشرب .
- 1116 جوز جزم ماركات عالمية البتعمل صوت كع كع كع ( أنتقم حق حفانا الفات , أنا و قبيلتي من ورا ) .
- بدل و كرفتات و أرياح و هدوم جوانية ماركات : ايف سان لوران , ديور , قوتشي , كالفن كلاين , شانيل ... و كده ( يُعين واحد لِبّيس عام .. و التاني لربط الكرفتات ) .
- كوم قروش مرصرصة أطول من الإمباير ستيت .. و أعرض من حديقة القرشي .. و كلو هارد كرنسي أبو ريحة جديدة , رُبَط رُبَط .
- بودي قاردات كمية .. بنضارات سوده و حصين سبق .
- باربيكيو ياخ .. داير باربيكيو ( بعدين ح أعرفو هو شنو ) .

Post: #111
Title: Re: داير أبقى غنيان ... ممكن نصايح من " المختسين " ؟؟
Author: Kostawi
Date: 03-13-2008, 05:54 PM
Parent: #99

ألعب توتو كورة
و أبعد من الهلالاب

Post: #119
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 03-31-2008, 03:26 PM
Parent: #99

دكين ..!!!
ما ح أسيبك ..
يا وغد .

....
أعتذر لكل من تعذر علي الرد عليهو ..
الفقر عندكم لكن .

Post: #101
Title: Re: داير أبقى غنيان ... ممكن نصايح من " المختسين " ؟؟
Author: صديق الموج
Date: 02-17-2008, 04:57 PM
Parent: #1

Quote: شوف يا صديقي .. من الآخر كده أنا قررت إني داير الآتي :
- طيارة خاصة ( لكشيريص سوبرسونيك جيت ) بي حمّام دبل بيد .
- جزيرة في الكاريبي .. بشاطيء رملي ستة كيلو داير ما يدور , و بالم تريز .. و المرجيحة البيعلقوها بين شجرتين ديك و تقوم جوزة هنداياية تقع في عِبّك .
- يخت 112 قدم في 60 في 45 .. مكتوب عليهو باللون السماوي و بالجنبة و بالإتاليك المايل صمول كابس ( DREAMY ) . فيهو حوض سباحة و شاشة بلازما و مسرح منزلي .
- صورة كبيرة لكاترين زيتا جونز ( لو بي " نايت قاوون " ماروني مايل على الفايولت ما بطال ) .. بالعدم بقبل بشاكيرا ( هاف توب أسود و شورت ) ..
و بالله الصور دي تكون بريموت كنترول .. شرطاً .
- أسطول عربات : ميزاراتي , لامبورجيني , بورشه , اسكاليد , و شوية بي إم على بنزات .
- قناة فضائية خاصة .. أشوف فيها الدايرو .
- نادي خاص و بميادين غولف و تنس ( كريكيت ما داير ) .. و صالة موسيقى و صالة عرض سينمائية و قاعة رقص ( محاضرات و مكتبات و عوارات .. ما معانا ) و إسمو شنو المدوّر داك حول البيسين .. نشرب .
- 1116 جوز جزم ماركات عالمية البتعمل صوت كع كع كع ( أنتقم حق حفانا الفات , أنا و قبيلتي من ورا ) .
- بدل و كرفتات و أرياح و هدوم جوانية ماركات : ايف سان لوران , ديور , قوتشي , كالفن كلاين , شانيل ... و كده ( يُعين واحد لِبّيس عام .. و التاني لربط الكرفتات ) .
- كوم قروش مرصرصة أطول من الإمباير ستيت .. و أعرض من حديقة القرشي .. و كلو هارد كرنسي أبو ريحة جديدة , رُبَط رُبَط .
- بودي قاردات كمية .. بنضارات سوده و حصين سبق .
- باربيكيو ياخ .. داير باربيكيو ( بعدين ح أعرفو هو شنو

والله الزول الفقر ده انا بعرفوا زى جوع بطنى..
اقسم بالله تدوه حق رقشة ما يقعد فى قطر يوم واحد..قال لامبرغينى،بورش،برش راسك.
متسول جبان..
رايك شنو يا صلاح عبد الله ؟؟
بعد ان وطا راسنا هذا الوغد الذى اراد ان يشذ عن ثوابت حاجة تاجه،،

Post: #104
Title: Re: داير أبقى غنيان ... ممكن نصايح من " المختسين " ؟؟
Author: الطيب برير يوسف
Date: 02-17-2008, 07:40 PM
Parent: #1

عماد
سلامات..
الدقن كيف؟
إتّ مقاسك كم؟!
(الشي) دا والله مجرّب
ما تسمع كلام البقول ليك
الغنا غنا والما غنا (شنو كدا ما عارف) هنا
لا
الكلام ما صاح
أسعلني نا
أصلي أنا (ما عارف شنو كدا) هنا
المعنى يعني غنيت وكده

بعدين شنو الطموح الما كبير دا:

Quote: قناة فضائية خاصة .. أشوف فيها الدايرو .

تشوف شنو؟
(الشي) بقى ما دايرلو قناة فضائية
رااااااااقد
مش إتّ قاصد الفقر والمرض والكضب والموت المجاني وكده

Post: #106
Title: Re: داير أبقى غنيان ... ممكن نصايح من " المختسين " ؟؟
Author: Emad Abdulla
Date: 03-13-2008, 05:42 PM
Parent: #104

عالم كحيانة ..
مافي أي زول جا قال راي عملي ..
شهر و شوية كلو تمنيات و نصايح الفقارى الما عندها معنى دي ..
فعلاً ( الفقري رايو واسع ) .
عاملين فيها يعني خلاص الأولاد ناقشين و نجيضين !!
بلا مسخرة ياخ ..
هو انا زاتي أسألكم إنتو ؟؟
ياخي في حتات تانية فيها الناس المرطبة و بتكتب كلامات حنوني كده و ناعمة و ( لطيفة ) ..
ناس رومانسين و حلوين و نضيفين و برااااااااحه ..
بوست زي ده كان خشو الحنانات كلهم اولاد و بنات المصارين البيض و قالو كلام مؤسس و عن تجربة و مفيد ياخي ..
او بالميت كده كانو سمعو الواحد كلمة ترحمن من نوع : اوووه .. يا حراااام .. بووور يو ..
أو واحدة نزلت ليك أغنية تعاطف مثلا ..
أو واحد فيهم راضع لبن أمو جدع ليك حاجة كويسة كده في شكل ( خمار ) تودي الواحد لي قدام في طريق القروش الجميل ..
كلكم بي بكريكم ده غير الكواريك و الحرابة و النقة الفقر ما وراكم فايدة ..
.. ناس متلقين حجج و دايرين شمطات و بس ..

قعدنا معاكم ..
ربك زاتو عارفكم قحاطى و لسانكم طويل ..
قال ليك خليهم مرزوعين كده ..
قروش ليكم مافي ..
أها .. خموا و صروا ..
ياهو الفقر شبهكم , و متحمدكم لي يوم الله ..
خلوها تنفعنا حكاية ( الفقرا إتقاسمو النبقة ) .
و العندو نبق فيكم يدينا ..
و ذلك أضعف الإيمان .

أهو رجعنا في مسمانا ..
مخير الله .

Post: #108
Title: Re: داير أبقى غنيان ... ممكن نصايح من " المختسين " ؟؟
Author: خالد علي محجوب المنسي
Date: 03-13-2008, 05:49 PM
Parent: #106

Quote: عالم كحيانة ..
مافي أي زول جا قال راي عملي ..

عمدة سلااامات يا رئع
تعرف مافي طريقة للغنى ألا السبيل واحد فقط لا غير له
في واحد أسمو الطيب شيقوق ....
تربطو جنب أقرب مكان فيهو لمت ناس كتير
الكف بي جنيه ( الجديد )
والشلوت ( 50 قرش )
والقرصا طبعاً دي للبنات ( ب 3 جنيه )
والله بكرة دي تصبح مليونير
وجيب القمر بوبا بي ميكرفون يهلل ويسخن السوق

عمدة والله الأشواق بحر للقاكم
تحياتي ومودتي

Post: #112
Title: Re: داير أبقى غنيان ... ممكن نصايح من " المختسين " ؟؟
Author: mutwakil toum
Date: 03-13-2008, 05:59 PM
Parent: #106

Quote: و العندو نبق فيكم يدينا ..

(الدرداقات) يا عماد رخيسة
تشتري 10 وتفرشا للايجار . اليوم بي 1000 جنيه..
بعد سنة يكون عندك رقشة وبعد سنتين رقشتين
واحدة يسوقا زول أمين والتانية تسوقا براك
بعد سنة يكون عندك امجاد وبعد سنتين يكون عندك اتنين
واحدة يسوقا ود ود ولدك والتانية خليها ما بتقدر عليها العمر مشى..
والامجاد بتجيب هايس
وبعد سنيييين المال الايص يجيك هايص
ونشوفك سايق تاكسي جوي يا عماد حلاة الدنيا عليك عمرك يحسدك عليو نوح

.
.
الاستشارة الفوق دي مجاني يا عمدة

لو نفعت اطراني

Post: #116
Title: Re: داير أبقى غنيان ... ممكن نصايح من " المختسين " ؟؟
Author: Osman Musa
Date: 03-13-2008, 06:33 PM
Parent: #106

استاذ عماد
سلامات
.. عميد رجال المال والاعمال
فى السودان هو الشيخ مصطفى الامين
عليه الرحمه .
كنت معجب جدا بمذكرات الشيخ
التى كانت تنشر فى السبعينات .
كان بحكى يا عماد للصحفى
وهو فى الصورة سافى .
حكى كيف حضر من شندى الى امدرمان بمركب .
لا كان فى كبرى لا شتين .
قال .
اها هدومى فوق راسى قطعت البحر
من امدرمان للخرتوم .
وهاك يا مشغوليات .
فى سنة 24 سجنت .
خرجت من السجن لقيت ارباح معاصر الزيوت تمام
اها بعد داك حولنا المعاصر من الجمال الى
الماكينات
......
اها يا عماد عمك بقى من أغنيا العالم فى تلك
الايام وبلا كمبيوتر هلا هلا .
تحياتى

Post: #107
Title: Re: داير أبقى غنيان ... ممكن نصايح من " المختسين " ؟؟
Author: esam gabralla
Date: 03-13-2008, 05:48 PM
Parent: #1

Post: #109
Title: Re: داير أبقى غنيان ... ممكن نصايح من " المختسين " ؟؟
Author: esam gabralla
Date: 03-13-2008, 05:50 PM
Parent: #1

Post: #110
Title: Re: داير أبقى غنيان ... ممكن نصايح من " المختسين " ؟؟
Author: esam gabralla
Date: 03-13-2008, 05:51 PM
Parent: #1

Post: #113
Title: Re: داير أبقى غنيان ... ممكن نصايح من " المختسين " ؟؟
Author: esam gabralla
Date: 03-13-2008, 06:00 PM
Parent: #1

Post: #115
Title: Re: داير أبقى غنيان ... ممكن نصايح من " المختسين " ؟؟
Author: معتصم ود الجمام
Date: 03-13-2008, 06:17 PM
Parent: #113

سمعتا دي عمـــــاد ( الحنفولي ) دي مجرد امنيات ليك

قالو واحد وصلت معاهو الحد في الفقر

قال لبكرة كان الله فرجا فرجا كما فرجا ابيع حماري وافرجا على روحي
صحى الصباح لقى حمارو ( جنطل ) يعني اتلحس ... وهاك الفرجه دي ...
ونهديك صوره لذاك الحمار

Post: #114
Title: Re: داير أبقى غنيان ... ممكن نصايح من " المختسين " ؟؟
Author: صديق الموج
Date: 03-13-2008, 06:14 PM
Parent: #1

هاك دى!!!!!!!!!!!!!!
وخمش صديق الموج حفنه من تراب وذراها للريح فى نواحى
الدوحة من اعمال قطر،،

Post: #118
Title: Re: داير أبقى غنيان ... ممكن نصايح من " المختسين " ؟؟
Author: Masoud
Date: 03-14-2008, 05:37 PM
Parent: #1

يا عماد : التحيات الكاملة لك و مرحباً بك في عالم القروش الحلال. اتصل ببدر الدين المستغني و خذ منه بريدي و إلي الأمام يا شباب .