Post: #1
Title: شكرا بكري .. الشكل الجديد للمنبر مريح و مميز .
Author: Emad Abdulla
Date: 12-21-2006, 10:41 AM
Parent: #0
تحياتي أخي بكري ..
و شكرا كثيرا على كل شيء ..
الإخراج الجديد مريح و متوازن شديد ( لولا لطعات اللون الحادة في الإعلانات اعلى المنبر ) ..
ما حدث من تخفيف كثافة اللون الأصفر عموما , و إضافة مسحة من البني الرمادي الخفيف ضربة معلم , و شي مميز .
تدللنا أكتر مما نستحق يا صديقنا الكبير .. 
و تجمل وطن باكر معانا .
تحياتي يا رجل يا زوق و جميل .
|
Post: #2
Title: Re: شكرا بكري .. الشكل الجديد للمنبر مريح و مميز .
Author: عبد المنعم سليمان
Date: 12-21-2006, 11:25 AM
Parent: #1
عمدة
صباح الخير يا جميل
شكرا يا رائع بهنا وبهناك !!
الشكل الجديد للمنبر يا عمدة اداني احساس (انا داخل في صالون حلاقة)
ما عارف كويس ولا .. لا .. الصالون من الاشكال الجمالية يا عمدة ؟؟؟؟
if so
يبقي كويس اذن
تحياتي
منعم
|
Post: #3
Title: Re: شكرا بكري .. الشكل الجديد للمنبر مريح و مميز .
Author: Emad Abdulla
Date: 12-21-2006, 12:35 PM
Parent: #2
منعم يا صاحبي ..
تحيات و تحيات ..
عارف يا منعم ..
المشكلة في الشغل الماكنتوش عامل ألوان سمحه شديد .. جيت هنا لقيتها مضلمة شوية .
مني من بكري ما عارف ..
لكن عموما أظن الألوان المحايدة و ما بتشغل عينك و تشتت تركيزك بتكون كويسه , هسه يا منعم الإعلانات الفوق دي شينه و مزعجة لأنها مباشرة و درجاتها تقيلة جدا .
يعني الأزرق أزررررررررررررق .. الأحمر .. احمررررررررررررر .. و تجي الكتابة أحمر شديد على أزرق أشد تعمل ليك زغللة و تعب .. و يمكن شلل أطفال .
دكان حلاق عديللللللللللل كده يا منعم ؟؟
بعدين ( اشكال جمالية ) دي بتذكرني بالبهدلة الإتعملت في صواني الخرطوم ايام رامبو ..
يا زول أنا مالي ..
ح أستعمل الماكينتوش و أشوف الألوان العايزه ..
تسلم يا أصلي .
|
Post: #4
Title: Re: شكرا بكري .. الشكل الجديد للمنبر مريح و مميز .
Author: عبد المنعم سليمان
Date: 12-21-2006, 03:01 PM
Parent: #1
شكرا يا عمدة يا فنان للتوضيح ..
بس في سؤال !!
هسة الواحد باللون ده بعرف المنبر من الخور كيف ؟؟
تشابة علينا الخور والمنبر يا عمدة !!
ارجو الحل
يا تفتحو المنبر يا تسودو الخور
تحياتي
منعم
|
Post: #5
Title: Re: شكرا بكري .. الشكل الجديد للمنبر مريح و مميز .
Author: عبدالكريم الامين احمد
Date: 12-21-2006, 03:08 PM
Parent: #4
مرحب يا عماد يا لون يا اضافي
فعلا المنبر اصبح شكلوا قيافة وبتحس انك خفيف كده..مش زي صالون الحلاقة يامنعم
الحقيقة بتحس انك قاعد تكتب وحالق حلاقة جديدة لنج..
ورغم ذلك انا حزين تماما لارشفة احب البوستات الي قلبي ووجداني
هو بوست اليوم الحار ما بندار لكتابه ابوخليل الخليل..وتمني من الاخ بكري ابوبكر اعادة النظر
في امر ارشفة هذا البوست الذي اصبح موسسة كبري تعني بذكريات جيل باكمله..
|
Post: #6
Title: Re: شكرا بكري .. الشكل الجديد للمنبر مريح و مميز .
Author: محمد سنى دفع الله
Date: 12-22-2006, 09:22 AM
Parent: #5
الزول العمل الشكل الجديد ده
ده زول بحب بيوت الطين
ما فضل ليهو الا اعمل لينا
ابواب السنط تجي ناطة بي جاي
المساحة اتملت باللون الطين الكاكي
ودي من اجمل الوان الخمج
خمج الطين
اها اخمجوا خمجكم
وياكيكي عندي بوست اماتو ماسمعوا بيهو بكري وداه الأرشفة
في الوقت النا عملتو يوم عشرين زاتوقام هو بعد جا يوم عشرين بتاعم غرب غرينتش
وداه بي هناك ومافي اي مراعة لي فروق الوقت شفت كيف
هسي ياعماد كلم بكري ارجع يوستيني
( لمن كنا صغار)
ولا بقول كلام عن الشكل الجديد ده
لمن ازعل مننا
ونحن نزعل منو ونعمل سودانيز اوف لاين[/purple
|
Post: #7
Title: Re: شكرا بكري .. الشكل الجديد للمنبر مريح و مميز .
Author: امير عوض الجمري
Date: 12-23-2006, 12:15 PM
Parent: #1
عماد عبد الله
كيفنك .. انشاء الله نصيح
التغيير مهم يا عمدة .. لكن نحن عموماً عندنا مشكلة الولف الكتال
يعني الواحد تلقاهو عندو هيلمان ستين وتنفتح عليو ويركب كامري 2006 ويقول
ليك يا حليل الهيلمان والله كانت حنينة .. وللا يكون بيت جالوص ولما يكسروهو ويبنوهو
زي ما كانوا بيعملوا مغتربين زمان يقولوا ليك والله بيتنا الزمان كان سمح .. ويا حلاة التكل
والادبخانة ..
لكن فعلا الشكل مريح ومميز وهادئ ..
تخريمة :
يا عماد فيصل عبد اللطيف بيسلم عليك كتير وهو رغم انه نال العضوية الا انه مشغول شوية وداير رقم تلفونك وده رقمه 00966555008015
|
Post: #8
Title: Re: شكرا بكري .. الشكل الجديد للمنبر مريح و مميز .
Author: ودالعباسية
Date: 12-23-2006, 08:35 PM
يا عمده ،،،
ازيك ،،،
خلاص اسياد انتهت ،،،كنا عايزين الخفايا والاسرار ،،،
بخصوص الشكل الجديد على ما اعتقد انه بكري رجع الشكل الاول بتاع المنتدي
على ما ازكر ،،
|
Post: #9
Title: Re: شكرا بكري .. الشكل الجديد للمنبر مريح و مميز .
Author: احمد العربي
Date: 02-20-2007, 08:02 AM
Parent: #8
ده كلام جميل
وشكرا ليكم
مودتي
|
|